Kl. Ianair .iiii. f., l. ix. Anno Domini M.ui., alias 1007.
Mael Ruanaidh m. Ardghair do marbad o Matudhan m. Domnaill.
Ceallach H. Menngoran, airchinnech Corcaidhe, quiéuit.
Treinfher H. Baighellan, ri Dartraighi, do marbad do Ceniul Conaill for Loch Eirne.
Motadhan m. Domnaill, ri Ulad, do marbad don d-Turc i n-ecluis Brigte for lar Duin Da Lethglas.
Cu Connacht m. Dunadaigh, toisech Sil n-Anmchada do marbad la Brian per dolum, alias la Murchad mc. Bria(in) (&) H. Dungalaig im ron
[...]
Muscraige Tire i farrad Lothra.
Slogad la Flaithbertach H. Neill i n-Ultaibh co tuc secht n-etire uaidibh & coro marbh rí Lethi Cathail, .i. Coin Ulad m. Oenghusa.
Slogad la Brian co Cenel Eogain, .i. co Dun Droma i toebh Aird Macha, co tuc H. Crichiden, comarba Finnen Muigi Bile ro-boí i n-etirecht o Ultaib i Cenel Eogain.
In Torc, rí Ulad, do marbad do Muiredach m. Motodhan i n-dighail a athar tria nert Dé & Patraicc.
{§H1}Muiredach m. Crichain do dheirgiu comurbuis Coluim Cille ar Dhia.
Athnugudh aenaigh Thailltean la Mael Sechnaill. Ferdomnach i comarbus Coluim Cille a comurle fer n-Erenn isin oenach-sin.
Soiscelae Mor Coluim Cille do dubgait isind aidhci asind airdom iartharach i n-daim liac moir Chenannsa; primh-mind iarthair domain ar ai in comdaigh doendai. In soscela-sin do foghbail dia fichet adaig ar dib misaib iar n-gait de a oir & fot tairis.
Domnall m. Duib Tuinne, ri Ulad, do marbad do Muiredach m. Matadain & do Uargaeth Sleibe Fuait§