Corpus of Electronic Texts Edition

The Annals of Ulster (Author: [unknown])

Year U1006

U1006.0

Kl. Ianair .iii. f., l. xxuii. Anno Domini M.u., alias 1006.

U1006.1

Airmedach m. Coscraich, episcopus & scriba Ard Macha, in Christo quieuit; & Finghuine, abb Rois Cre, moritur.

U1006.2

Mael Ruanaidh H. Dubtai & a mc. Mael Sechlainn, & a brathair Geibennach, mortui sunt.

p.436

U1006.3

Echmilid H. Atidh, rí H. n-Echach, o Ultaibh, Mael Ruanaid m. Flannacan o Conaillibh, Cathalan rí Gaileng, occisi sunt.

U1006.4

Slogad timceall Erenn la Brian i Connacta, for Ess Ruaidh i Tir Conaill, tria Cenel Eogain, for Fertais Camsa, i n-Ultu, i n-oenach Conaille co roachtadur Lughnasadh co Belach n-Duin, co tarait oighreir samhtha Patraicc & a comharbai, .i. Mael Muire mc. Eochadha. {§H1}

1. Ingnadh Sliabh Cua cen choibden,
   Gaill cen imram im Eidhnigh,
   oenben do thecht tar Luachair,
   bai cen buachail ic neimleith

   —Id est in tempore Briain.

U1006.5

Bellum eter fhiru Alban & Saxanu co remaidh for Albanchu co fargabsat ar a n-deghdhaine.

U1006.6

Mael na m-Bó, .i. ri H. Ceinnsealaig, a suis occisus est.

U1006.7

Gilla Comgaill mc. Ardghair mc. Madadhain, .i. ri Ulad, do marbad dia brathair, .i. do Mael Ruanaidh mc. Ardghair.