Corpus of Electronic Texts Edition
The Annals of Ulster (Author: [unknown])

Year U1004

U1004.0

Kl. Ianair .uii. f., l. u. Anno Domini M.iii., alias M.4.

U1004.1

Oengus m. Bresail, comarba Cainnigh, i n-Ard Macha in perigrinatione quieuit.

U1004.2

Eochaid H. Flannacan, airchinnech Lis Oeigedh & Cluana Fiacna, sui fhilidechta & senchusa, .lx.uiiii. anno etatis sue obiit. {§H1}

    1. Lancruth Eochada alainn,
      duan-salm drech-shona dremend,
      eochaiss ni tar ais aidhlis,
      eochair glais ainfis Erend.
    2. Eochaid ind fhis nad-eca—
      radh feochair fris co fata;
      im ail eolais na h-ecna
      frecra ni fail a abba.
§

U1004.3

Gilla Cellaigh m. Comaltan ri H. Fiachrach Aidne, Brian m. Mael Ruanaig occisi sunt.

U1004.4

Domnall m. Flannacan Fer Lí, Muiredach m. Diarmata ri Ciaraidhe Luachra, moriuntur.

U1004.5

Cath Craibe Telcha eter Ultu & Cenel n-Eogain, .i. in .xuiii. Kl. Octimbris in quinta feria, co remaidh for Ultu, co torchair ann Eochaid m. Ardghair Ulad, & Dubh Tuinne a brathair, & a da mc., .i. Cu Duilig & Domnall, & ár int sluaigh arcena eter maith & saith, .i. Gairbith ri H. n-Echdach, & Gilla Patraicc m. Tomaltaigh & Cumuscach m. Flathroí & Dub Slangha m. Aedhai & Cathalan m. Etroch & Conene m. Muirchertaigh & forglu Ulad archeana;{folio & column H54ra} & ro shiacht in imguin co Dun Echdach & co Druim Bo. Sic in Libro Duibh Da Leithi. Do-rochair ann dono Aedh m. Domnaill H. Neill, Ailigh, & alii, .xx. nono etatis anno,


p.434

regni uero x.; acht as-berat Cenel n-Eogain is uaidhibh fein ro marbad.

U1004.6

Donnchad H. Loingsigh, Dal n-Araide, do marbad do Cheniul Eogain per dolum.

U1004.7

Slogad la Brian co Tracht n-Eothaile do dhul timcell coro thairmisc Cenel n-Eogain.

U1004.8

Da Ua Chanannan do marbad la H-Ua Mael Doraid.

U1004.9

Dub Slane H. Lorcan, airchinnech Imlecha Ibhair, quiéuit.

U1004.10

Mael Sechlainn, Temhrach, do escor corbo crolighi báis dó.