Kl. Ianair .u. f., l. xiii. Anno Domini M.i., alias Millissimo 2.
Slogad la Brian co Ath Luain co ruc giallu Connacht & fer Midhe.
Slogad Aedha m. Domnaill co Tailtin & luidh fora chulu fo shith.
Trenfher m. Celecan, secnap Aird Macha, do mharbad o Mc. Leighinn m. Cairill, rí Fernmhaighi.
Crechad Connact le Aedh m. n-Domnaill.
Merlechan, ri Gaileng, & Brotudh m. Diarmata occisi sunt la Mael Sechlainn.
Colum airchinnech Imlecha Ibhair, Cathalan airchinnech Daiminse, moriuntur.
Cernachan m. Flaind, ri Luighne, do dhul i Fernmaigh for creich coro marb Muirchertach H. Ciardhai, rigdomna Cairpre.
Slogad la Brian & la Mael Sechlainn co Dun Dealga do chuinncidh giall for Aedh & for Eochaid coro scarsatar fo osadh.