Kl. Ianair
[...]
. Anno Domini .dcccc.lxxx.uiii., alias 989.
Dunchad H. Braen, comarba Ciarain, optimus scriba & relegiosissimus, do ecaib i n-Ard Macha ina ailithri in .xiiii. Kl. Februari.
Dun Lethglaisi do arcain do Ghallaib & a loscadh.
Glun Iairn, ri Gall, do marbad dia moghaidh fein i meisce.
Gofraidh m. Arailt, ri Innsi Gall, do marbad i n-Dal Riatai.
Dunchad H. Robocan, comarba Coluim Cille, mortuus est.
Eochaid m. Ardgair, ri Ulad do dul for sluagad i Cenel Eogain co fargaibh ann H. n-Atid.
Dub Da Leithi, comarba Patraicc, do gabail comurbuis Coluim Cille a comurle fer n-Erenn & Alban.
Echmilid m. Ronain, ri na n-Airther, do marbad do Conaillibh Cerd.
M. Leighinn m. H. Murchadan, airchinnech Cuile Rathain, moritur.