Corpus of Electronic Texts Edition

The Annals of Ulster (Author: [unknown])

Year U924

U924.0

Kl. Ianair
[...]
. Anno Domini .dcccc. xx.iii., alias .dcccc.24.

U924.1

Longus di Gallaibh for Locha Eirne cor innriset innsi ind Locha & na tuatha imbi sancan. A n-derghe dind Loch isint shamhradh ar ciunn.

U924.2

Gaill for Loch Cuan & Mael Duin m. Aedha, ridomna In Coicidh, do thotaim leu. Nochobhlach mar de Ghallaibh Locha Cúan do badhadh oc Fertais Rughraighe, du inro badudh noí cét aut eo amplius.

U924.3

Sloghadh la Gothbrith h. n-Imair o Ath Cliath co Luimnech co fargbadh slogh dimar dia muintir la m. n-Ailche.

U924.4

Mochta, epscop Oa Neill & sacart Aird Macha, in pace quieuit.

U924.5

Muiredach m. Domnaill, tanuse abad Aird Macha & ard-maer Oa Neill in Deiscirt & comurba Buiti m. Bronaigh, cenn adcomairc fer m-Breg n-uile ocaibh cleirchibh, quinto die Kalendarum Decimbrium uita descessit.

U924.6

Mael Mordha m. Conghaile, princeps Daiminnsi, quieuit.