Kl. Ianair
[...]
. Anno Domini .dcccc.x.iiii., alias .dcccc.xu.
Oengus h. Mael Sechnaill, ridomna Temrach, septimo idus Februarii, feria tertia, moritur. {§H1}
§
ro marb Oengus finn-muadh Fail,
maith ind arrain gaiscidh geir
digail Aedha Allain ain.
Domnall m. Aedho, ri Ailigh, uerno equinoctio in penitentia moritur.
Frithuidhecht Flainn m. Mael Sechlainn o maccaibh, .i. o Donnchad & o Chonchobur, & indredh Midhe uadhibh co Loch Ri. Slogad Ind Fhochlai la Niall m. n-Oedha righ n-Ailigh coro gabh naidhm Donnchada & Concobhuir fria reir a n-athar, & co fargabh osadh iter Midhe & Bregha.
Mael Ciarain m. Eochacain, princeps Cluana h-Auis & episcopus Aird Macha, anno lxx. etatis sue.
Scannlan, airchinnech Tamhlachta, & Scannlan, airchinnech na Congbala Glinne Suileidhi, in Christo moriuntur.
Ruarcc m. Mael Brigte, ri Múscraide Thire, do ghuin tre mebhail & tangnacht o h-Uib Dungalaig.
Tórmach mar meinic do ghentibh do thichtain oc Loch Da Chaech beos, & indred tuath & ceall Muman h-uadhibh.