There are two texts of this agreement extant. In addition to the following—which is the shorter of the two and, probably, the original draft—another text (not given here) is to be found in 3E 12204 ff161–162.
En nom de Dieu etc. Personnellement estably Michel Lespaignol, maistre etc. de la Bonaventure de Concquet en Bretaigne, lequel a confessé avoir frecté ledict navire, au présent estant au port et havre de Libourne, etc. à Jehan Daulterive, merchant de Fijac [i.e. Figeac], diocèse de Caors, en tielle etc. que ledict maistre a dit etc. et ledict Jehan Daulterive a mis etc. oudict navire audict port de Libourne le nombre etc. de cincquante et six tonneaulx de vin, quictes de brevaiges, pour les conduyre etc. au port de Watrefort [Waterford] au pays d'Irlande; et arrive ledict navire audict Watrefort ledict maistre est tenu demourer [...] xxiiii heures pour avoir la response dudict merchant s'il vouldra faire la descharge audict Watrefort; et, si ne luy vouloit faire, ledict maistre est tenu conduyre lesdicts vins au port de Corcq [Cork] pour toutes devises pour le priz de six livres cincq soulz tournois pour chescun tonneau de fret, à compter xxi tonneaulx pour xx, poyable ledict frect au terme du retour aprez declairé; et c'est tenu content des avaries de par-deçà et les avaries de par-delà serront paiées en la maniere acoutumée; et est tenu ledict maistre retourner en sondict navire la merchandise que ledict merchant y vouldra recharger jusques au priz et charge desdicts cincquante et six tonneaulx, laquelle recharge ledict merchant est tenu faire dedans xxi jours ouvrables aprez la descharge à l'un ou l'autre desdicts portz d'Irlande pour ledict retour retourner sur les vases de la Rochelle ou à Sanyser [i.e. St-Nazaire] en la rive de Nantes au choix dudict marchant pour toutes devises pour le mesme priz de frect poyable dudict xv jours prochenement venent aprez la descharge dudict retour; plus a confessé ledict merchant que ledict maistre luy a presté la somme de cincquante et sept livres tournois lequel argent prest est aus pareilhz dudict maistre allant et venant; et arrive ledict navire à l'un ou l'autre desdicts portz dudict retour ledict merchant est tenu paier lesdictes cincquante et sept livres tournois de vins le terme dudict frect dessus declairé; et au cas que lesdicts vins et merchandise dudict retour fuissent (?) quytez (?) etc. Obligent [...] Presens Pierre Dumas, corretier, et Jacques de Baulx, clerc, demourantz audict Bourdeaulx.