Corpus of Electronic Texts Edition
Bordeaux Notarial Records (Author: [unknown])

Document 3

A.D.G. 3E 12202 ff91–92

notaire: Turpaud 13 December 1499

En nom de Dieu amen. Personnellement estably Olivier Daniel maistre du navire nommé la Nicolas de Lanion en Bretaigne lequel a confessé que Thomas Leboulyn, marchant de Cork au pays de Yrlande a commis oudit navire le nombre de soixante et cinq tonneaulx de vin pour lesdicts vins menner etc. audict Cork et ce pour le priz de quatre escuz, à compter dix gros monnoie d'Angleterre pour escu, pour chescun tonneau de frect, à compter xxi tonneaulx pour vingt, lequel frect sera paié etc. dedans xxi jours ouvrables après l'arrivée dudict navire à sa droicte descharge comme s'ensuyt sçavoir est en chescun tonneau soixante troys gros monnoye d'Angleterre et ung escu en manteaulx et la (sic) reste, qui est deulx escuz sept gros monnoye susdicte, en cuirs ou merlus11 ou harancs12 assavoir est la tracque13 de cuir au prise de quatre escutz monnoye susdicte pour ainsi qu'ils soient merchantz comme partant sept ceyrs14 merchans deux pisans et ung quippe cent de merluz au priz de quatre escutz le cent aussi susdicte [monnoye] à compter six gros merlut pour chescun cent merlutz soles15 et barryll de harens merchans au priz de troys escuz et baryll de harens gays merchans aussi à deux escuz monnoie susdicte. Et ledict Thomas a confessé que ledict maistre luy a presté la somme de soixante et quinze escuz au soleilh en bon or et de bon poix, lequel prest sera paié dedans dix jours ouvrables après l'arrivée dudict navire comme s'ensuyt: assavoir la moytié en comptant à compter xii gros et deux deniers monnoie d'Angleterre pour chescun escu d'or soleilh et l'aultre moitié en cuyrs merchans sans quippe picarts quictes de costume de pardella compriz chascune tracque de quatre escuz monnoie susdicte d'Angleterre [...]. Et plus aura ledict merchant sur le tout ung tournoi et demy franc de frect. Plus est tenu ledict merchant bailler pleges [...] audict maistre pour son frect et urgent avant prornet et prest [...]: thonnaige, guidaige breufs petitz breuvaiges et autres avaries [...].

Presents Petrus de Scons, Petitssaintz dit Four, Patrice Carric.