En nom de Dieu soyt amen. Sachent tous ceulx qui cestes chartres parties par A.B.C. verront etc. que Stienne Eddern maistre après Dieu de le (sic) carvelle nommée le Marie Dodiern [i.e. Audierne, Finisterre] lequel de son bon gré acongneu que Jehan Sornilleau Jehan Galand le jeune et Jehan Mauries facteur et attourné de furtumur desdicts merchantz et bourgeoys de Bourdeaulx ont chargé en ledict (sic) carvelle le nombre de soixante unze tonneaux et pipe de vins, assavoir est ledict Jehan Sornilleau trenta tonneaulx et pipe, ledict Jehan Galand vingt et quatre tonneaulx et barricques et ledict facteur à quinze tonneaulx pour les memerat a luy dessourtz avant de Corc [Cork], Quintzsale [Kinsale], Yourle [Youghal], Watreford en Yrland, dix tonneaux desdicts marchantz lequel tonneaux ledict Jehan Sornilleau doit diviser oudict maistre quant serront Onfleur [i.e. Honfleur, Calvados] et pour le prix de seincq escutz et demy à compter dix gros neufs monnoye d'Angleterre pour escu pour chescun tonneau de frect, à vingt et ung tonneau pour vingt, lequel frect sera paié audict maistre avant quarante jours ouvrables après l'arrivée de ledict [sic] carvelle à l'un desdicts pourtz: assavoir est en ytele mesme merchandise et paiement et pour itel mesme priz comme lesdicts merchantz prendront part de leurdicts vins. Et plus ledict maistre doibt fere le retour part deça à Bourdeaulx ou à la Rouchelle aucheans desdictz merchantz avecques leur merchandise etc. pour le mesme frect et ce paiera thonaige etc. et au cas etc. et pour tout ce faire etc. oblige etc. soubsigné etc. renonce etc. interetz ès presances de Nicholas Moreau et de Jehan de Lagunegrant merchantz de Bourdeaux etc.