Corpus of Electronic Texts Edition
Anglo-Irish poems of the Middle Ages: The Kildare Poems (Author: [unknown])
Poem 15
Repentance of Love
{MS fol 58r}
- 1] Loue hauith me broght in lithir thoght
Thoght Ich ab to blinne,
Blinne to thench; hit is for noght,
Noght is loue of sinne.
- 5] Sinne me hauith in care ibroght
Broght in mochil vnwinne;
Winne to weld Ich had ithoght,
Thoght is that Ich am inne.
- 9] In me is care, how I ssal fare?
Fare Ich wol and funde;
Funde Ich with outen are,
Ar I be broght to grunde.