]> Merugud Uilix maicc Leirtis An electronic edition unknown Robert T. Meyer Electronic edition compiled by Beatrix Färber proof corrections by Margaret Lantry University College, Cork, School of History Marianne McDonald via the CURIA Project. First draft. 3920 CELT: Corpus of Electronic Texts: a project of the Department of History, University College, Cork
College Road, Cork, Ireland—http://www.ucc.ie/celt
2015 CELT online at University College, Cork, Ireland. G305003

Available with prior consent of the CELT project for purposes of academic research and teaching only. The text is here reproduced with the permission of the copyright owner, the Dublin Institute for Advanced Studies.

 Manuscript sources Stowe MS. 992, fo. 59b, 2–61a, 2 (cf Rev. Celt. vi. p. 190), a vellum codex compiled, according to an entry, on fo. 1, in 1300 A.D. Catalogue of the Manuscripts of the Royal Irish Academy, Dublin, fasc. 26 (Dublin 1900), 3305). Dublin, Royal Irish Academy, 536 olim 23 P 12 al. Book of Ballymote, p. 445a–447b, a MS written towards the end of the 14th century. Catalogue of the Manuscripts of the Royal Irish Academy, Dublin, fasc. 13 (Dublin 1900), 1654). This text is the basis of the edition. Dublin, King's Inns' Library, MS 12, 41–43. Editions Kuno Meyer, Merugud Uilix maicc Leirtis: the Irish Odyssey (London 1886). With English translation. Robert T. Meyer (ed.), Merugud Uilix maic Leirtis (Dublin 1958). Literature E. G. Cox, Classical Traditions in Medieval Ireland, Classical Quarterly 3 (1924) 267–84. Robert T. Meyer, 'The Middle Irish Odyssey: folktale, fiction or saga?', Mod Philol 50 (1952) 73–78. Gerard Murphy, The Ossianic lore and Romantic tales of medieval Ireland (Irish Life & Culture 11) (Dublin 1955) 17. W. B. Stanford, The Ulysses Theme: a study in the adaptability of a traditional hero (Oxford: Blackwell 1954; 2nd edn. revd., 1968). Howard Meroney, [Review] JCS 2 (1958) 258–60. Gearóid Mac Niocaill, Review of Robert T. Meyer (ed.), Merugud Ulix maic Leirtis, MMIS 17 (Dublin 1958) in Éigse 9 (1958–61) 134–136. Robert T. Meyer, 'The Middle Irish Odyssey and Celtic folklore', Papers of the Michigan Academy of Science, Arts and Letters 46 (1961) 553–561. Kevin O'Nolan, Homer and the Irish hero tale, Studia Hibernica 8 (1968) 7–20. Kevin O'Nolan, Homer and Irish narrative, Classical Quarterly ns 19 (1969) 1–19. W. B. Stanford, Towards a history of classical influences in Ireland, Proceedings of the Royal Irish Academy 70 C (1970), 13–91. Kevin O'Nolan, The Use of Formula in Storytelling, Béaloideas 39–41 (1973) 233–250. Frederick Ahl, 'Uilix mac Leirtis: the classical hero in Irish metamorphosis', R. Warren (ed.), The art of translation (Boston MA 1989) 173–198. Barbara Hillers, 'The odyssey of a folktale: Merugud Uilix Meic Leirtis'. Proc Harvard Celtic Colloquium, 12 (1992) 63–79. Ralph O'Connor, Classical Literature and Learning in Medieval Irish Narrative (Woodbridge 2014). The edition used in the digital edition Merugud Uilix maic Leirtis Robert T. Meyer First edition xvi + 47 pp.; xi–xvi Introduction; 1–9 critical edition of text; 10–17 variants; 18–24 Notes; 25–46 Glossary; 47 Index Nominum et Locorum. DIAS Dublin 1977

CELT: Corpus of Electronic Texts

The present text represents pages 1–9 of the volume. All editorial introduction, variants, notes and indexes have been omitted.

Text has been proofread twice.

The electronic text represents the edited text. Expansions to the text are marked ex. F, f, and S,s + overdot are rendered F, f, and S,s + h. Instances of æ with acute accent are rendered áe.

Quotations are marked q.

The editor's hyphenation has been retained. Words hyphenated at line-end are reset to be in the line on which the word starts.

div0=the adaptation; div0=the section; paragraphs are marked p; page-breaks are marked pb n=""/. Lines are numbered according to the lineation of the printed text.

Names are not tagged, nor are terms for cultural and social roles.

 By one or more unknown author(s). The earliest extant MS is from AD 1300. 1150–1300 The text is in late Middle Irish. One word is in Latin. Classical prose medieval adaptation Greece Odyssey Greek myth 2015-07-14 Beatrix Färber ed. File proofed (2), expansions encoded; file parsed and validated. SGML and HTML files created. 2015-07-14 Beatrix Färber ed. Header created using companion file G305003A. 1997-02-17: Margaret Lantry ed. Text proofed for the first time; structural markup inserted; header modified. 1997-02-17: Margaret Lantry File capture Text captured by keyboarding. Merugud Uilix Maic Leirtis

Iar n-indriud &ersir; discaíled prím-cathrach na Troíana, turthechta na nGrec tánic cách díb dochum a críchi &ersir; a feraind dílis féin. Tánic trá Uilix mac Leirtis dá crích &ersir; dá ferann co n-acca úad slébti a ferainn féin.

Is doilig lind trá inní fogébam and siút, .i. in rígan álaind áilgen ro fhácsamar and a beith ag fir eili i n-ar fíadnaisi &ersir; ríg eli ar ar crích, &ersir; ar ferand do beith aigi, ocus ar séna fén im ar ndeilb gid ar fírindi beam.

Ná cuirid fort-su sin, ar a muinntir fri h- Uilix, úair fogébum uili int olc sin.

Is and sin immorro ro tæscair in gáeth forro-som &ersir; ro cuirid i falc mara móir amach dorigisi co ro bádar blíadain arin mesc-merugud sin no co ráncadar in oilén mór. &ersir; fúaradar cáercu ollacha mór-aidhbli &ersir; ro marbsatar trí cáercu díb &ersir; ro cuirid a pupaill tairrsib &ersir; ro tarlait a teinnti &ersir; ro hurrlamaigid a caírigh. Trí lá &ersir; trí haidci dóib ann. Iar sin trá adbert Uilix:

Is mithig dún imtecht, ar sé.

Ní cóir a n-aprai, ar síat a muinter re h-Uilix, úair atá ar n-daíthin co bráth ina fil do caírib sund.

Nocho dingnem foraib, ar sé, gan dula d'iarrair ar n-athar-tíri bunaid féin.

Inní cá fuili d'iarrair, ar síat, toitfimit-ni uili it lurg, amal ro fágbaid do muinnter uili conaigi so.

Is ann sin trá ro fácbadar in oilén &ersir; tángadar ina longaib dhorís. Ocus ro bádar blíadain arin muir co ráncadar oilén eli. Iar tíachtain dóib trá isin oilén dorala slíab óir dóib i meadón in oiléin.

Is maith in turchairti seo, ar a muinter fri h- Uilix.

Cá fis daíb-si ón, ar sé, nach leór fil do sédaib agaib isin Traí?

Ocus ro gabsat ag tinól in óir no co facadar intí Cicropecda cuccu. Ocus ní ro fíarfaid scéla díb acht amal ro bátar ann tánic foithib. In bail a mbíd in cur no cath-mílid ro íadad a láma umpu guro brúdh &ersir; guro minaiged a cnáma &ersir; a feóil, &ersir; iar marbad sochaidi díb do túargaib nónbur leis díb etir a dhá láim im Uilix mac Leirtis. Ó ro ráthaig trá Uilix, in fer fíamach fír-glic, beith iga breith i forécin ro éla etir uillib a muintiri sís dochum láir &ersir; ro fuccad a muinter úad. Is and sin trá táinic-sium dochum na long &ersir; ro indis na sgéla sin don nónbur ro baí isna longaib &ersir; do ráidhidar a muinter fris:

Cuiream tuilled inar luing do sédaib &ersir; conglúaisim romuind.

Níba fír sin, ar Uilix, no co findar cindus ruccad mo muinter úaim, &ersir; is trúag tind lium a mbreith úaim.

Gid trúag sin, ar síat, na habair, úair is ceart in míad lind do beith-siu etraind.

Is and sin táinic Uilix d'íarrair in fhir móir co ríacht co dorus na húamad. Adcondairc-sium na gnúisi adbána etlaidi a muintire isin úamaid gá déchain amach.

A áes cumtha, ar sé, is mór in gábad i fuilti.

Is fír, ar síat, &ersir; rot-ber fén as.

Níba fír ón, ar sé, co 'mbarala dam &ersir; int aithech.

Inneo, ar síat, cá hacfaind fil agad do cur fris? Nocon fail do géri do slegi ná do daingni do láma (sic) ní risa roisid fograinne do slegi cnáim ina churp.

In fobairthi-si éirgi tairis aníar? ar sé.

Trúag aní sin, ar síat, atáid trí coiscéimenna cach fir againd etir a dá chích.

Cá fis daíb-si, ar sé, in barbardacht fil ina churp nach fuil truma as dingbála di ina churp ina codlad?

Éirgid tairis aníar, ar sé, &ersir; tócbaid bar n-anála i n-úachtar bar cléib du bar n-édrumugud tairis.

Ro éirgidar-sum &ersir; tángadar tairis amach &ersir; ro bádar trí coiscéimenna cach áen-fhir díb etir a dá chích ic imthecht tairis amach.

Dénam imthecht bodeasda, ar síat.

Noco ba fír ón, ar Uilix, co 'marala dam-sa &ersir; int aithech.

Táinic dá insaigid, &ersir; in áen-shúil mór ro baí a tulphortaib a édain, ro chuir fograinni na slegi etir in dá abra &ersir; tucustar sáthad arin sleg isin súil gurbo monur dó a imdítin arin loch lethan-mór lind-usci ro mebaid esti. Cid trá acht ro craith in slíab &ersir; ro gáir in úama risin n- esarchosairt dorinne in fer rúaid-remur ró-mór dá chosaib &ersir; dá lámaib ic siriud intí dorad in ainigin fair, &ersir; táncadar ina luing asa aithli sin. Áirmiter fear do muintir Uilix do dul ar dreimni &ersir; ar deáithi gurub é in fear sin dorala d'Aeinias mac Ainichis dia mbaí for loingis. Blíadain trá do Uilix ar muir iar tíachtain asan oilén sin &ersir; nónbur dia muintir is ed ráinic imshlán leis co tír du neoch nach fúair bás tria gallraib anaichnib. Tánic íarum Uilix a tír co tarladar maic ingairi dó oga n-almaib. Ba fear fíamach fír-glicc trá in fear sa &ersir; ba coitchindbérla, úair ro foglaimthea leis bérla cacha tíri a téiged, &ersir; ro fíarfaid scéla tresin bérla ro fogain dóib. Ocus is ed fúair acco gurb é brethem na fírindi robo airech isin crích sin.

Cá fírindi fognas dó? ar Uilix.

Gach duine doní a fhoglaim aigi ro-soich a dúthaig fo chétóir, ar íat-sum.

Cidh dam-sa, ar Uilix, nach dingnind foglaim aigi? Ní fuil a acfainn agad, ar in freisnesid, úair ní fagbaidter aicept in áen-láe gan deich n-uingi fichet do dearg-ór dó.

Ocus tusa, for íat-som, cársa cúich thú?

Do élóichtib na Troíana dam-sa, ar sé.

Ocus táinic úaidib ar amus a luingi &ersir; ro fíarfaigedar a muinter scéla de. Ocus ro indis dóib feib adcúala &ersir; ro baí gá ráda riú foglaim do dénum, &ersir; is ed ro ráidsiut ar sin nach roibi a thoisc accu a dénum, úair ro thuitsidar ar fuilt &ersir; ro theimligedar ar ruisc &ersir; ro dorcaidsedar ar ngnúisi &ersir; ro glasadar ar ndéta. Ní bud oirches dún ar n-ór ná ar n-indmus do thabairt ar fhoglaim nach tuillfid dún do dénum.

Cá ferr daíb, ar Uilix, a fhágbáil ar bernadaib báegail nó ar doirrsib aideda, nás a thabairt ar foglaim tuillfeas daíb bidéin?

Is and sin trá tángadar rompo isan dúnad &ersir; dorala dóib fer in baili forsin faithchi &ersir; ro fíarfaig scéla díb. &ersir; ro innsitar dó gach dochair fúaradar &ersir; ro fíarfaig díb créd 'ma tángadar.

Tángamar do foglaim agad, ar síat.

Fogébthai-si sin acht gu rob acfaing a dénma acaib.

Cá hacfaing etir ón? ar síat.

Ni tabraim-sea aicept áen-láe gan deich n- uingi fichet do derg-ór dam.

Fogébum duit-siu sin, ar síat.

Ro ferad fáilti friu &ersir; tuccad codailtech fo leith dóib. Tugaid trá áirthi bíd &ersir; lenda dóib ind &ersir; dorinnead folcad &ersir; fothracad dóib &ersir; deisidar and in aidchi sin. Ro éirgidar co moch arnamárach gusan inad a roibi breithem na fírindi. Ro toimsit deich n-uingi fichet do derg-ór dó &ersir; dorindi-sium aicept dóib-sin.

Iss é seo trá ant aicept dorindi dóib .i.

Gémad áen-athair &ersir; áen-máthair do beith agaib bar nónbur, &ersir; gémad áen-duine ro marbad bar n-athair &ersir; bar máthair, &ersir; a thachar a cenn comairli cugaib, gan a marbad sin lib no co nderntai trí comairli lib uimi &ersir; no co n-airchend bar mbeith uili d' áen-eólus tre bithu. Ocus gid áen-duine agaib tegmus, ar-aíde ná maídid int écht no co ngaba fo thrí ara anáil &ersir; co n-derna comairli a menman budén. Mad ead didiu dobera a menma asa comairli, maídid int écht iar sain.

Abair beos! ar síat.

Nocon faighbithi aniud acht sin, ar sé.

Tángadar dá taig iar sin.

Is ór i n-aiscid siúd, ar a muinter fri h- Uilix.

&ersir; ro bádar and in aidchi sin, &ersir; gérbo maith a fritháilem in cét-aidchi rob ferr in aidchi sin.

Ro éirgedar co moch arnamárach &ersir; tángadar 'na teach n-aicepta. Ro toimsit deich n-uingi fichet d'ór dó &ersir; is ed adbeir:

Int shligi a n-imtigi gach láe, ná lenaid frith-rót ná frith-chasán, acht leanaid in sligid móir.

Abair ar sin, ar íat-som.

Ní bértai d'fhoglaim aniugh acht sin, ar sé.

Tángadar dá tig ar sin.

Is ór dímaín siút, ar a muindter fri h-Uilix.

Ní fes nach fuigter a greim, ar Uilix.

&ersir; gér maith a frithálem in dá cét-aidchi rob ferr in treas aidchi. Ro érgedar co moch arnamárach &ersir; táncatar ina tech n-aicecht. Ro toimsit deich n-uingi fichet do derg-ór &ersir; is ed adbert-som:

In faicthi in grían i trát sa?

Atchíamait, ar íat-som.

Ná glúaisidh neach agaib asa áit ná asa adba ge do beith do mét a tindenuis no go rob in grían isin aird ina fhil in trát sa.

Abair ar sin, ar íat-som.

Nochon aigbithi d'foglaim don chúairt sea úaim-sea acht sin, ocus ná himigid-si amárach gur aigilliur-sa sib.

Táncatar da tig iar sin &ersir; do érgedar co moch arnamárach &ersir; táncadar arin faichthi amach &ersir; dorala int ógláech dóib arin faichthi, &ersir; ro timain celebrad dó &ersir; ro fácatar beandachtain aga.

Beir leat, ar in breithem, in cilfing mbicc seo do thimna &ersir; dia fuaislaige tú uirri seo, nocho rís do dúthaig co bráth.

Is beag in luagh lindi sin ar rochtain ar tíri, ar Uilix.

&ersir; ro tincaisced eólus dóib gan muir dochum a tíri. Ro imthigedar iar sin &ersir; in fad ro bádar ar sligid ní head áirmither sunn. Acht rángadar coigcrích móir &ersir; teach n-aíded coitcheand isin coicrích sin &ersir; tángadar-som and amal gach n-áen. Doriacht as cach aird sochaidi mór isin teach n-aided. Íarfaigis cách díb dia chéli cá leath no ragtais amárach.

Tíagmaid isin coigcrích, ar síat.

Cid trá acht ro éirgedar-som in lín ro bádar isin tig aíded. Tángadar ar gort ón tig amach. Uilix trá is ed adbert-side:

Is olc docúadar, ol sé, mo deich n-uingi fichet d'ór úaim-seo gan anad co n-éir in grían isan aird adubrad rind.

Is and sin do suid-sium.

Crét sin? ar a muinter fris.

Anfat agum foglaim, ar Uilex.

Inní ga fuili d'íarrair, ar síat, ar toitim-ni ad lurg. Amal ro toitset foreand na cethri long fichet ro toitset ar Troí ad lurg, toitfimid-ni a n-indus cétna ad lurg.

In anad doníthi-si? ar fer dun chuidechta.

Is ed, ar íad-som.

In eólach sib-si 'sin choigcrích?

Ní heólach, ar íad-sam.

Nach faicthi-si in gart &ersir; in sligid?

Adchíamaid-ni, ar síat.

Insaigid sin, ar sé, &ersir; dá roisdi tairis sin, ro-soisdi imshlán bar tír.

Ro imthigsiut in chuidechta iar sin &ersir; ro anastair Uilix cona muintir gur éirig in grían asan aird adubrad fris.

Iss é siúd, ar síad, tosach na cuidechta arint shligid &ersir; dá m-bemis-ni and siút astrásta ro-soisium imshlán.

Dar lium-sa trá, ar Uilix, ní díb in buidin sa a timceall in guirt amuig &ersir; ní díb in sirid sa dun leith eli.

Ocus ro condcadar fo chétóir ag sceinm fón chuitechta íat co nár fhácsat duine a mbethaid.

Adchíthi siúd, ar Uilix.

Adchíamaid, ar síat. As maith, ar síat, greim bar n-deich n-uingi fichet d'ór daíb.

Ocus imthigmid-ni bodeasda, ol sé, úair scaílfid siúd a haithli an áthais.

Táncadar iar sin rompo isin sligid co ríachtadar tar in coic-crích. Táncadar a n-díthrub mór &ersir; nír lensat caí ná conair dun phrím-shligedh amach. Acht chena táncadar días dá muintir ar frith-chasán amach &ersir; fúaradar a n-oidid fo chétóir.

Cid trá acht táncadar-som conaigi a ndúnad badéin in mórsheiser ro bádar &ersir; táncadar isin codailtech a roibi in rígan. &ersir; adchoncadar hí a cathair móir ar fosad- lár in tigi &ersir; æn-óglæch is ferr delb ro baí d'óglæchaib in domain ara gúalaind.

Ro ráidis rib siúd, ar Uilix.

Is égin a fhulung-sin, ar síad.

A daíne maithi úd tair, ar in rígan .i. Peneloipi a hainm, cia sib-si etir?

Daíne mescda muiridi sindi, ar íat-som.

Imthigid, ar sí, isin teach n-aíded.

Ro fritháiled in aidchi sin iat co ráncadar ina n-imdaid.

In fedabair-si inní rob áil lium? ar sé.

Nocon fheadamar, ar síad.

Úaim éláid ro baí agum-sa asin cathraig amach fón talmain &ersir; is and atá indara dorus di ag an cathair tall &ersir; comla dlúta fris &ersir; in dorus eli arin faichthi amuigh &ersir; lóthar lecc-cloichi fair. Is ed is áil dam-sa, dul tresin dorus n-imechtrach &ersir; ar fud na húama anund no co riis in imdaid, &ersir; in bail a mbiad a n-éninad arin adhart in cloidem du gabáil forro a n-dís.

Is olc in chomairli sin, ar síat, Is córo duid dul ar amus ríg Gréc &ersir; t'imned d'écaíne fris, &ersir; amal docúaidais-sium ina shochraidi-sium ticed-sam at sochraidi-siu do chosnum t'atharda dúithchi duid-siu.

Níro léicid na déi adhartha sin, ar Uilix.

Ro bí aithbear imaithber agá muintir fair-sin.

Nocor thoitemar uili ad lurg amlaid sin, ar síad.

Is and sin trá ro éirgis-sium úathib-sium d'indsaigid na cathrach anund no co ráinig in imdaid &ersir; adcúala comrád na desi fora n-adhart.

&ersir; ro nocht a chloidem fo chétóir &ersir; túargaib in láim.

As olc greim m'fhogluma dam, ar sé, gan gabáil ar m'aigned tús co n-gabainn ar m'anáil.

Túargaib in láim fo thrí co mbenad dés in chloidim fri muinél na desi. In tres fecht túargaib in láim &ersir; rob áil leis int écht do maídem. Is and ro ráid in rígan:

Uch, uch, a maic! ar sí. Anois tárfas dam t'athair-siu ós ar cinn &ersir; ro boí oc folmaisi ar ceand do beinn dínn. Indar leis-sium rob fer cáemfhuar coímtech tusu. Tuingim-sea fana déib adartha, ar sí, connach fedar-sa cin ó fhir eli ó ro imig sin a sochraide Gréc &ersir; torrach ro fáccaib misi in tan ro immig. Ocus tusu ruccad dun toirrches-sin. Nocur léigiusa corp neich in áen-lepaid rium acht a fhuil-sium &ersir; m'fhuil-sea ac coiméd a einig-sium.

Adcúala-sam trá in comrád sin &ersir; ro fhailtigh a aignid fris. Ro éirig-si &ersir; ro caíestair frasa dér. &ersir; ro baí-sium ag éstecht fria gur toit a chollad fair no co tánic derid aidchi. Ro éirig iar sin &ersir; ro bo méla mór leis-sium in codlad-sin. Táinic reme amach &ersir; ro laig etir a muintir &ersir; ro indis-sium in scél sin dia muintir. Ocus rugsatar a altugud buidhi duna déib. Ro érgeadar arnamárach &ersir; tángadar isin teach cédna.

A daíne maithi, ar in rígan, cársa cia sib-si etir?

Uilix mac Leirtis misi, ar sé.

Ní tú int Uilix rob aichnid dúin- ne, ar sí.

Is mé co deimin, ar sé, &ersir; indésad mo chomartha duit.

&ersir; docuaidh ina rúinib &ersir; ina comráitib &ersir; ina derridib.

Caidi do delb &ersir; do muinter, ar sí, masa tú Uilix?

Docúadar amugu, ar sé.

Cræd fo deirid dud chomartaib ro fágais agum-sa?

Delg óir, ar sé, &ersir; cend airgid fair; &ersir; rucusa do delg-su leam ag dula dam isin luing &ersir; is and sin ro impóis-siu úainn.

Is fír trá sin, ar sí, ocus dámad tú Uilix, do fhíarfóchtha do chú.

Nír saílius a marthain etir, ar sé.

Dorónadh brochán aísi dí agum-sa, ar sí, úair do ráthaigius a grád co mór ag Uilix. Ocus cia halt con hí etir in cú sin? ar sí.

Dá tæb glé-gela aice, ar Uilix, &ersir; druim glé-chorcra &ersir; tarr cír-dub &ersir; earball úainegda.

Is sí túaruscbáil in chon, ar sí, &ersir; didiu ní lamund duine isin baili a cuid do thabairt dí acht misi &ersir; tuso &ersir; in rechtaire.

Tabar in cú asdeach, ar sé.

&ersir; ro érgidar ceathrar ara cend &ersir; tucsat leo asteach hí. &ersir; amal adcúala-si fogur gotha Uilix tug builli ara slabrad co tuc in cethrar ina laigi ar fad in taigi ina degaid gur ling i n-ucht Uilix &ersir; guro ligh a gnúis &ersir; a aigid. Ó'dconncadar muinter Uilix sin ro lingsiud cuigi. In duine díb nach roiched a chneas re phógad do pógad a édach &ersir; nír glúais a ben ris-sin.

Is tú Uilix, ar sí.

Is mé, ol sé.

Is imda lucht na cumachta, ol sí, &ersir; taiscfet-sa m'áentuma co tí do dealb duit-siu.

Seachtmain dó and in tan tuc-si aichni fora deilb &ersir; ro áentaigedar iar sin.

Atá cilfing beag agam, ar Uilix, tucc m'oidi dam &ersir; adubairt rium a tabairt id láim-siu gan fhoslugud furri no co tuccaind duit-siu hí.

Ro fhoslaig furri fo chétóir; deich n- uingi &ersir; cethri fichit tucustair-sium arin foglaim is ed ro baí innti &ersir; tinni óir ara úachtar do choiméd a fírinde fair.

Conid é merugud Uilix maic Leirtis ó thús co derid co sin.

FINIT.