]> Reicne Fothaid Canainne An electronic edition Kuno Meyer Electronic edition compiled by Beatrix Färber Proof corrections by Hilary Lavelle and Beatrix Färber the HEA via PRTLI 4 the HEA via the LDT Project First draft, revised and corrected. 2640 CELT: Corpus of Electronic Texts: a project of University College, Cork
College Road, Cork, Ireland
2010 CELT online at University College, Cork, Ireland. G303016

Available with prior consent of the CELT project for purposes of academic research and teaching.

 Manuscript sources Dublin, Royal Irish Academy, MS 1080 (olim B. IV 2), fo. 133b–135a (poem). (See Catalogue of Irish Manuscripts in the Royal Irish Academy, fasc. 24, 3021). Dublin, Trinity College Library, 1336 olim H. 3. 17, col. 856–858 (introductory prose), 16th century. The manuscript is made up of several parts of differing provenance bound together and is a miscellany of legal, historical, religious and narrative texts. Editions and translations Kuno Meyer (ed. and trans.), Selections from Ancient Irish poetry, selected and translated by Kuno Meyer (London 1911). Alfred Perceval Graves (ed. and intr.), The Book of Irish poetry. (Every Irishman's Library) (London 1915) 263–269 (an English translation in verse). David Greene and Frank O'Connor (eds. and transs.), 'A ben, nacham shaig i-lle', A golden treasury of Irish poetry, A.D. 600 to 1200 (London 1967), 86–92 (portions of the poem). Literature Joseph Vendryes, Revue Celtique 32 (1911) 106–108. E. J. Gwynn, Revue Celtique 48 (1931) 458. V. Hull, 'The Death of Fothath Cananne, Zeitschrift für Celtische Philologie 20 (1936) 400–404 (A shorter prose version). Osborn Bergin, 'On the syntax of the verb in Old Irish' Ériu 12 (1938) 197–213: 204. Vernam Hull, Reicne Fothaid Canainne, Modern Language Notes 58 (Jan 1943) 29–31. (available on JSTOR). Vernam Hull, 'rondid', Language 25 (1949) 134–135. (Miscellanea Linguistica Hibernica, no. 6). Vernam Hull, A verse in Reicne Fothaid Canainne, Zeitschrift für Celtische Philologie 29 (1962/64) 183–186. (Notes on Irish texts, no. 1). Peter McQuillan, 'Finn, Fothad, and Fian: Some Early Associations', in: Proceedings of the Harvard Celtic Colloquium 8 (1988), 1–10. Jacqueline Borsje, 'Fled Bricrenn and tales of terror', Peritia 19 (2005), 173–192: 190–191. Gregory Toner, 'Authority, verse and the transmission of Senchas', Ériu 55 (2005) 59–84. Jacqueline Borsje, 'The 'Terror of the Night' and the Morrígain: Shifting Faces of the Supernatural', in: Mícheál Ó Flaithearta (ed), Proceedings of the Seventh Symposium of Societas Celtologica Nordica. Studia Celtica Upsaliensia 6. Acta Universitatis Upsaliensis (Uppsala 2007) 71–98. [Available online here: http://dare.uva.nl/search?arno.record.id=271676] The edition used in the digital edition Kuno Meyer Reicne Fothaid Canainne Fianaigecht Dublin School of Celtic Studies, Dublin Institute for Advanced Studies 1910 1937 1993 1–17: 4–16

CELT: Corpus of Electronic Texts

The electronic text covers even pages 4–16.

Text has been proof-read twice.

The electronic text represents the edited text. The editor's annotations are integrated into the markup and numbered sequentially. text supplied by the editor is tagged sup resp="KM".

Quotations are rendered q.

When a hyphenated word (hard or soft) crosses a page-break, the page-break is marked after the completion of the hyphenated word (and punctuation).

div0=the tale; div1=the editor's paragraph; page-breaks are marked pb n=""/.

Names (of persons, places and groups) are not tagged.

 Created by an unknown Irish scribe 800–899 The text is in Irish. English appears in the annotations. Some words are in Latin. saga prose medieval Fothad Canainne Finn Cycle 2017-04-02 Beatrix Färber ed. Bibliographic item supplied by Dr Jacqueline Borsje added. File parsed and validated; new word count made; new SGML and HTML versions created. 2010-01-19 Beatrix Färber ed. Bibliographic detail compiled. SGML and HTML files created. 2010-01-19 Beatrix Färber ed. File proof-read (2); footnotes integrated; structural and content encoding added. File parsed. 2010-01-18 Beatrix Färber ed. Header created. 2010-01-14 Beatrix Färber ed. File proof-read (1). 2006-08 Hilary Lavelle ed. File proofed (1). 2005-10 Data capture company data capture Text captured and XML encoding applied. Reicne Fothaid Canainne Reicine Fothaid Canainne, H. 3. 17.

Būi rígféinnid; for Condachtaib fecht n-aill .i. Fothad Canainde. Brāthair side &ersir; Fothad Airgtheach &ersir; Fothad Cairpteach. Is de asbertha na Fothaig friu .i. fotha-suith iat, ar isí cétchlann ruc Fuinche iatThat iat is superfluous. do Macnia. Nó Fothad &ersir; .i. fó-táide .i. fo clith dorōnad la Mac Niath iat fri Fuinche ingin Náir maic Armara. Nó Fothad .i. fī-āeda .i. olc-teine .i. teine neimneach iat ic orcain clann &ersir; cinēl. Aendia immurro &ersir; Trēndia &ersir; Cāendia a n-anmanna. Aendia in t-Airgteach, Trēndia in Cairptech, Cāendia Fothad Canann.

D'ōentoirpirt ructha iat a triur la Fuinche ingin Náir. Arsisbis do Lugaid mac Con, ut ali dicunt. Breatha Fuinche Aendia i tús aidchi; is de isberar ainm dō, ar ba gein rīg ar febus in thseōin. Tréndia a medōn aidche. Is de dobreath ainm dō ar treissi in thseóin lasna dēib and. Cāendia issin maidin; ar cāime &ersir; ar āille na fungaire na maidne &ersir;To be omitted. is aire is Cāendia a ainm. Is dōib-sin rochan in senchaidThere is a defective copy of these verses, in LL. p. 146a49.: Trī Fothaig Elcca cen on, trī maic Luigdech maic GarrchonGarbchon LL.: resiu rob Fothaid na fir caide a n-anmann re taidbsin?anmand in tir sin LL. Āendia ocus Cāendia cing ocus Trēndia, nī ceilim,Read cheilim as in LL. it é sin, forcanat blad, anmand co fír na Fothad.is eat sin for cech cechanamad na tri Fothad (sic) LL. Óendia in t-Airgthech na clann is Cāendia in Fothad Canand, is Trēndia in Cairpthech atchīd imda airgtheach 'con Ardrīg. Tri F.

Mad iar n-araile, is de isberar Fothad dīb .i. fō-suith .i. fō maith .i. fotha maithi .i. clann sainemail iat. Fothad Canand, is de isberar .i. ō Canaind, ōn choin robói aicce, undeut dicunt MS. Canund i Maig Life dicitur. Nó Fothad Caenine .i. cáin .i. ālaind in dee intan nodrucad.

Fothad Airgtheach, is de isberar, issed indmus ba hannsom leis, ar ba head a buindi niad &ersir; a dī falaig &ersir; a muntorcc.

Fothad Cairpthech, is de asberar, ar issed slabri conīrad: mairc cona cairpthib &ersir; is fris adertai Fothad Dolus.

Ba hān &ersir; ba hairgteach intí Fothad Canainde. Ba mind teglaigh &ersir; slōigh. Bói fiann lōechInstead of fiann lōech read perhaps fíanlach. amra lais. Ba derscaigdech side ar erriud &ersir; grāin &ersir; ordon &ersir; dechelt &ersir; tairpige sech ógu na haimsire sin.

Bāi dono rīgfēinnid amra la Mumain in tan sin .i. Oilill Flann Becc. Bói imarbād eturru diblínib &ersir; dogēnsit creich n-eturra. Ba hamru delb Fothaid ol bái Oilill, acht ba hamru ben Oilella &ersir; ba hāille oldās ben &Fdot;othaid. Luid iarum Failbe ō Fothud do thochmarc a mnā do chind Oilella. Ispert sí ni targad leó con- darbad a tindscra dí. Conmidir a tindscra .i. miach óir &ersir; miach finddruine &ersir; miach crēdumai. Rāidid Failbe fri Fothad in n-aithesc sin. Ispert Fothad rodabiad indī sin. Imchomarcair in ben ciped hé cruth forcuingabad sōn nodgēbad. Ispert som bādur sé semmanda a sleig cech fir do muntir Fothaid .i. dā seim ōir &ersir; dā ⋅eim airgid &ersir; dā ⋅eim finddruine &ersir; nogédais tri semanda as cech sleig &ersir; fuicbidis tri semannda in cech sleig &ersir; dolínfaidis tri mēich dīb .i. miach óir &ersir; miach airgid &ersir; miach crédumai.

Dolluid si iarum i ndāil Fothaid &ersir; berid ar aithidh leis hí. Luid dono Oilill Flann Becc lín a fiann ana n-íarmōracht a mná, co comarnnic fri Fothad issinn aidchi cétna, co fersat imairecc a ndib fiannaib. Conrothacht comthrascrad dōib. Docer Fothad ann &ersir; díchenntar. Dobreth in ben dothāet i ndāil Fothaid a cheann chuicci issin firt i mbí. Cachain cenn Fothaid in reicne don mnāi annsin, conid ann isbert: A ben nāchamagille &ersir; rl.

A ben, nāchamaicille! nī friot atá mo menmo: atā mo menma collēic isind imairiuc oc Féic. Atā mo corpān crūäch i taobh Letrach dā mbrūäch, atā mo cenn cen nighe eitir fiena for garbhslighe. Dochta do neoch dáles dāil fācbasfacb- MS. dáil n-éco fri lāimh; in dāl dālto co Clárach tuärnect im robánadh. Rodelbad dūn, trūagh ar fecht, for Fēicc doroirnedh ar lecht, imonrōiraid, bāg ma liūin, totim la hóga aniūil. Nī mē m'aonor im-mūr thol docōid fordal i ndáil ban, ní ar aithbiur cid ditt ágh, is duáigh ar ndedhendál. Do cēin doroächt do dāil, bāi grāin for mo choicne máir, ma dofesmais bid amne, bá assa nī tairistæ. Bá ó Fothud 'na h-uthair bertis co hūair dorochair, cidh amne, nīth fri fochaidh, nī cen folad guin Fothaid. Nīmrumart-sa mamasrad fien gormainech goburglas, a techt i nhúire adba dirsan dond eōchaill amra! Matis ēisium batis bī, rofestais a tigernai, mainbad tairbad báis dīmair, lem nī bud fien cen dīgail. Co a tigdāil batar lúaith, atcosnatis bidbad búaidh, foscantais raind, trom a ngāir, cinsit do chlaind ruirech rāin. Be hē fiallach seng subaid gusin aimsir hirrubaidh, arusfōet caill duleglass, ropo coigne uleamhnas. Domhnall derccdige armach, ba hē Lug na fian fadbach; isind áth, ba dūire daol, is leis docer Congal Cáel.claon nó cael MS. Na tri Eogain, na tri Flainn, batir allata ēclainn, dorochair cethrur.4. (with lower case n over 4) MS . cech æ, nīrbo cuibrenn drochlaige. Trait donroïg Cū Domna oc ascnamh a comanmo, faigēbthair colaind Flaind Bic i telaig inn imairic. Tāthud daith comhul, is dīograis do Choncobur, dīograis totim nEogoin Rūaid frisin abaind anairthūaidh. Tāthud ochtar.8. (with lower case u over 8) MS. la suidiu airm hi fail a crōlighe, ciarbo airmeirb lend aithli aithforgaib maic Mugairni. Nī meirb dofich Falbe Flann, frisloisc fiena a thētbann, leblaing Fercorb, gorm a chlī, co rohuicc secht cētguini. Comrac Mugairnd fri Mugna, batar dā chuilēn cholma, manistīsedh fien forbar, ropad inir a congal. Foceird a n-oman cach tūaith cain dothfasuith Falbe Rūaidh, immusapth-atar, gann glē, re cách ar ndā deogbaire. Sæth mār fri luga dige, bitscaradh fri tromthuile, domuiniur domruïs fēin céini rogalta in fēin. Dā laoch deacc tul fri tul bātar frim i n-imarguin, ní &fdot;il cidh ōenfer de sin nātt fārcbainn i tinorguin. Iarsin imcuirsim dá sleig meisi is Oilill mac Eogoin, cectar nāthar dībh atbath, amhainsi dā thenn forgabh, imaptha dūn, ciarbo bōeth, ba hē comrac dā ndeglāech. Nā tuinithe aidche ūath illeircc eter lectaibh cúan, nī fiu cobraim fri fer marb, fodruim dot daim, ber lat m'fadb. Atotfugēra cech dóin nī bu hētach nach dīchōimh, fūan corcra ocus lēine geal, criss arcait, nī haicde mer. Mo sleg cōicrind, gæ co fī, diemtar mence cētguini, cōicriuth co mbūale umæ darsnatoingdis derbhlugæ. Astōidfa frit, sét collī, finnchuäch mo deogbairi, m'ōrnasc, m'folaig, seōid cen táir, dusmbert dar muir Niä Nāir Éubá Cāilti, delg co mbail, ba dia aicdibh adamhraib, dā chonn arccait im chonn óir, is aicde maith ciasa fóil. Crib fódaroinn, fola fuin, forfleisc crēduma fam muin: atā uile, is fodb sōer, in t-airm i torchair mo thaobh. Is dūal deit-si, sét nāch lag, m' fithchell, adarella lat, bruinnit fuil sóer for a bil, nī cien di sonn indasfail. Is mór colla cúan rinnech sán chán immo deircinnech, dosneim dos dlūith dairpri rūaidh i taob inn firt iniertūaith. Oco cuinchid duit dollēir ní rob mór nolabrathar, nī tharla celtair talman dar dūil badit n-amhrathor. Leath a foirne ór buidhe, alaile is fiondruine, a hindech do margarét, brecht la certa cía rét. Cetheoir.4. MS. coinnle, soillsi bán, nī meirv forosnat a clár, beuil inna tein, scél nād gó, ní randath na roidhmethau. A ferbolc, is amra sceúil, de ór imdernta a beúil, glas forfācoibh fair in súi nāchunursloicce nach dúi. Criöl chetharchuir, is fóil, roces de dūalaib dergóir, dron forfuirmedh i suide cét uinge do fionndruine. Ar is de dūal dergōir druin, dobert Dīonoll cerd dar muir, cid óen a siball namá, mesa fri secht láichesa. Imostúaruscbat cumni is di prīmhaicdib Turbe, i n-aimsir Airt, bá rí tét, is ann dogníth Turbi trét. Rofecht impe mór ngretha la ríg Rōmhān ilLetha, iar n-ōl fíona, ba mesc linn, is ann foillsighti do &Fdot;ind. Nīcon deirgensat cerda aicde frisa samhlathar, glē lim nī forlaig híriu oc rīg sēt bat n-amradar. Dia mba trepar imma lōg, glē lim do chlann nī ba trōgh, ma duscoisis, aicde druit, nī bo cres nach cinēl duit. Atāat immunn san chan, mór fodb asa fordercc bol, dreman inathor dīmar, nodusnigh an Mórríoghan. Donārlaith do bil ōige, isī cotanasōide, is mōr do &fdot;odboibh nigius, dremhan an caisgen tibhes. Rolā a moing dar a hais, cride maith recht nodaais, cid gar di sund úan i mbé, nā fubthad uaman do gnē. Mad cose dam fri gábud, nīmgaibthi frim idsnádhud, a banscál, nogabtha for, cāin blāth fa roscarsamur. Scarfat fri daonacht don mud 'sin madain īer maccānrud, airc dot daim, sonn nī ainfe, dofil deöidh na haidchi. Imusráidhfi neach nach ré reicne Fothaid Canainne, mo chobrad frit nī hinglae má imrāite mo thimna. In dul bidh coimtig mo lecht rosáiter mai, menn in fert, ní hescor sáitha atchī dot &fdot;ochuidh īer t'inmuini. Scarfid frit cēin mo chorp toll, m'anum do pīenadh la donn, serc bethu cé is miri, ingi adradh Rīgh nimhi. Is ē in lon teimhen tibius imchomarc cáich bes hires, sīabra mo chobra, mo gnē, a ben, náchamaicillé! A bhen.