]> Acallamh na Senórach I An electronic edition unknown Whitley Stokes Electronic edition compiled by Donnchadh Ó Corráin University College, Cork Professor Marianne McDonald via the CURIA Project. Second draft. Proof corrections by Donnchadh Ó Corráin 105 200 CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt
1996 CELT online at University College, Cork, Ireland. G303000

Available with prior consent of the CELT programme for purposes of academic research and teaching only.

 Manuscript sources Oxford, Bodley, Laud 610, written for the most part in 1453-54 for Émann mac Risdeird Buitler (Sir Edmond Butler). The fragments of the text begin at f. 123 and end at f. 146. There are six fragments; (i)=lines 2044-2235; (ii)=lines 2400-3520; (iii)=lines 3723-3909; (iv)=lines 4078-7356; (v)=lines 7398-7546; and (vi)=lines 7597-7546, and ends imperfectly. All the Laud sections are given in extenso in the edition. For the manuscript, see R. I. Best, 'Bodleian MS. Laud 610', Celtica 3 (1956) 338-39 (where Best points out that the section containing the Acallam is older than the rest of the manuscript and the product of another scriptorium); Myles Dillon, 'Laud Misc. 610', Celtica 5 (1960) 64-76 and Celtica 6 (1963) 135-55. Oxford, Bodley, Rawl B 487. Imperfect. It contains 4 fragments of the text: (i)=lines 187-680; (ii)=lines 780-1361; (iii)=lines 1759-4139; and (iv)=lines 4519-6579; ends imperfect and omits many of the poems. Chatsworth, Book of Lismore, written for Fínghin Mac Carthaigh Riabhach (ob. 1505) and his wife Caitilín (ob. 1506). For the history of the manuscript see R. A. S. Macalister, The Book of Mac Carthaigh Riabhach otherwise called the Book of Lismore, Facsimiles in Collotype of Irish Manuscripts 5 (Dublin: Irish Manuscripts Commission 1950). In ff 159-197 (facsimile foliation, 201r-242v) it contains ten fragments of the text: (i)=lines 1-3975; (ii)=lines 4078-5639; (iii)=lines 5940-6096; (iv)=lines 6400-6446; (v)=lines 6494-6625; (vi)=lines 6954-7125; (vii)=7138-7356; (viii)=lines 7398-7546; (ix)=lines 7565-7596; and (x)=7883-8005, and ends imperfect. Lines 1-2043, 2236-2400, 3521-3717, 3910-3975, 7565-7596, 7986-8005 are not in Laud 610 and are given in full in the edition. The text in Lismore is edited in Standish Hayes O'Grady, Silva Gadelica i-ii (London 1892), i 94-233 (text), ii 101-265 (translation); review by Kuno Meyer and correction of many errors in Revue Celtique 14 (1893) 329-31, 15 (1894) 372-82). Killiney, Co Dublin, Franciscan Library at Dún Mhuire, MS A 4, pp 1-83. It ends imperfect at a point corresponding to line 7658. It has so many variations and additions that it constitutes a second recension. For a description of the MS see Myles Dillon, Canice Mooney and Pádraig de Brún, Catalogue of Irish manuscripts in the Franciscan Library Killiney (Dublin 1969) 10-12. Killiney, Co Dublin, Franciscan Library at Dún Mhuire, MS A 20, 1r-129r. This MS was not used by Stokes, but it is close to MS 4 (Myles Dillon, Canice Mooney and Pádraig de Brún, Catalogue of Irish manuscripts in the Franciscan Library Killiney (Dublin 1969) 40-43). Sources, comment on the text, and secondary literature For notices of Stokes's edition see J. Loth, 'Remarques au Glossarial Index', Zeitschrift für celtische Philologie 4 (1903) 104; Ludwig Stern, ibid. 3 (1901) 614-19. An alphabetic list of all poems occurring in the text, with references both to O'Grady's and Stokes's edition is published in R. I. Best, Bibliography of Irish philology and of printed Irish literature to 1912 (Dublin 1913, repr. 1992) 189-90. Robert D. Nuner, 'Ther verbal system of the Agallam na Senórach', Zeitschrift für celtische Philologie 27 (1958/59) 230-310. Gerard Murphy, 'Acallam na Senórach', in Myles Dillon (ed), Irish sagas (Dublin 1959) 122-37. The following poems from the Acallam have been edited in anthologies: 'Turus acam Día h-Aíne', 'Géisid cúan', 'Forud na Fíann fás in-nocht', 'Is úar geimred; at-racht gáeth' by Gerard Murphy, Early Irish lyrics (Oxford: eighth to twelfth century (Oxford 1956) 140-55); 'Is fúar geimhreadh, at-racht gaoth', by David Greene and Frank O'Connor, A golden treasury of Irish poetry, AD 600 to 1200 (London 1967) 189-90. 'Turus acam Día h-Aíne', 'Géisid cúan', are the subject of James Carney, 'Two poems from Acallam na senórach', in James Carney and David Greene, Celtic Studies: essays in memory of Angus Matheson (London 1968) 23-32. Six prose episodes (in restored Middle Irish and corresponding to the following lines of Stokes's edition, 1-120, 329-53, 354-468, 718-871, 949-1002, 1868-1934, together with a reprint of Murphy article cited above) were edited by Myles Dillon, Stories from Acallam, Mediaeval and Modern Irish Series 23 (Dublin 1970). The edition used in the digital edition Whitley Stokes Acallamh na Senórach Irische Texte Whitley Stokes and Ernst Windisch 4 1 1900 xiv+1–438

CELT: Corpus of Electronic Texts

All editorial introduction, translation, notes and indexes have been omitted. Editorial corrigenda are integrated into the electronic edition. All variants recorded by the editor have been retained and these are tagged as variants. Editorial expansions of MS abbreviations, rendered in italic in the edition, are not marked. Missing text supplied by the editor is tagged. The manuscripts have not been freshly collated. The present file is the first of three files of the text.

Text has been thoroughly checked and proof-read. All corrections and supplied text are tagged.

The electronic text represents the edited text. Word-division have been made conformat to CELT practice. Lenited s and f, rendered as s and f with overdot in the printed text are here rendered sh and fh.

Quotation marks are rendered q.

Hyphenation which here also represents the segmentation of Irish compound words is that of the original edition.

div0=the whole volume. Paragraphs are marked and numbered (though they are unnumbered in the printed text). Line-breaks are marked and numbered.

Names of persons (given names), groups, and places are tagged. Such names are tagged in the variants only when they differ from or are in addition to those appearing in the lemma. Where multi-element names cross a lemma boundary, the whole name is given in the reg attribute of the first element, and subsequent separate elements are marked as names.

 By unknown author(s) in Irish monastic scriptoria. 1100-1200 Middle and Early Modern Irish, and MSS variation with some Middle and Modern Irish forms. A few words in Latin, mostly textual formulae. Witness list and notes are in English. saga prose medieval Finn Cycle 2008-10-05 Beatrix Färber ed. Header further modified; keywords added; file validated. 2008-07-25 Beatrix Färber ed. Value of div0 "type" attribute modified, content of 'langUsage' checked; minor modifications made to header. 2005-08-25 Julianne Nyhan ed. Normalised language codes and edited langUsage for XML conversion 2005-08-09T12:30:38+0100 Peter Flynn ed. Converted to XML 2003-11-19 Peter Flynn Validation Changed 'opener' to 'head' inside 'lg'; made 'cecinit' into 'lg' of their own (only way to use them). 1997-09-16 Margaret Lantry ed. Header modified; file parsed using SGMLS. 1997-09-04 Margaret Lantry ed. Header re-structured; text parsed using SGMLS. 1996-03-28 Mavis Cournane ed. Re-parsing of the text, using SGMLS. 1996-03-17 Donnchadh Ó Corráin ed. Further proofing of text; revision of header; additional mark-up entered. 1995-10-12 Donnchadh Ó Corráin ed. Further proofing of text; revision of header; parsing checked using Author/Editor. 1995-09-20 Donnchadh Ó Corráin ed. Further proofing of text; creation of header; parsing checked using Author/Editor. 1995-09-15 Tiarnán Ó Corráin ed. Citations of variants completed and checked. Proper names tagged and tagging verified. Lineation checked, corrected, and verified. 1995-01-12 Donnchadh Ó Corráin ed. Text proofed and mark-up of variants verified. 1994-12-12 Donnchadh Ó Corráin file capture Text captured.
Oxford, Bodleian Library, Laud Misc. 610, ff 123-146 Oxford, Bodleian Library, Rawlinson B 487, ff 13a and following Chatworth, Book of Lismore, folios 159-197 Killiney [Co Dublin], Franciscan Library
Acallamh na Senórach I

Ar tabhuirtt chatha Chomuir &ersir; chatha Gabra &ersir; chathaOllurbha, &ersir; ar &ndot;-díthugud na Féindi, ro scáilset iar sin inan-drongaibh &ersir; ina m-buidhnibh fo Eirinn co nár' mhair re h-ammna h-uaire-sin díbh acht madh dá óclách maithe do dereadh naFéinde .i. Oisín mac Find &ersir; Cáilti mac Crundchon, mhic Rónáinar scíth a lúith &ersir; a lámhaigh, &ersir; dá naonmar óclách maraonriú, &ersir; táncatar in dá naonmar laoch sin a h-imlibh Shléibhe Fuait fond-scothaigh foithremhail co Lughbhartaibh Bána amach,risa n-abar Lughbhudh isin tan-so, &ersir; do bhádar co dubach do-mhenmnachann re fuinedh néll nóna in oidchi-sin.

Is annsin adubairt Cailte re h-Oisín: maith, a anum, a Oisín, cá conair no rachmais riá n-deóidh laoi d' íarraidh áighedechta na h-oidhchi so? Ní fhetar ón, ar Oisín,ó nach maireann do shenaibh na Féinde &ersir; do shen-mhuindtir Fhind mhic Chumhaill acht triar amháin .i. misi &ersir; tusa, á Cháilti, &ersir; Cámha in bhanfhlaith &ersir; in ban-choimétaidh ro bhúi ac coimhét Fhind mhic Cumhaill ón uair fa macaem h-é gusin laithe a fuair bás. Dligmít feis dithat na h-aidchi-so di, ar Cáilte, uair ní h-éiter a rímh ná a aisnéis in mhéit ro thoirbir in flaith-féindidh Find di-si do shétaibh &ersir; do mháinibh re taobh in treas sét is ferr fuair Find riam do thabairt di .i. in t-Anghalach, cornn tuc Moríath ingen ríg mhara Grég do Fhind, &ersir; tuc Find do Chámha.

Ocus fuaradar feiss na h-oidchi-sin ac Cámha, &ersir; ro fhiarfaig díbh a n-anmanda, &ersir; ro indsetar di, &ersir; ro chái annsinfrasa díchra dér, &ersir; ro fhiarfaigset scéla d' aroile ainn-séin, &ersir; táncatar iarsin isin teach leaptha ro h-órdaiged dóibh, &ersir; ro bhói in bhanfhlaith .i. Cámha, ac órdugud a cotach .i. núa cacha bídh &ersir; sen cacha dighi, do thabairt dóibh: uair rob aithnídh di-ssi mar do biadtái a samhla-sumh, &ersir; rob aithnidh di fóss in ní bud dáoithin d' Oisín &ersir; do Cháilti co menic roime-sin. Ocus ro éirigh sí co h-anmfhann étláith, &ersir; ro bói ac imrádh na Féinde &ersir; Fhind mic Cumaill, &ersir; táinic sí tar imrád Oscair mhic Oisín &ersir; tar Mac Lugach, &ersir; tar chath Gabra &ersir; aroile. Ocus ro mhuidh tocht mór orro-sumh uime-sin.

Is annsin adubairt Cáilte: ní doilghi linde anois iná mar as éicin dúind in dá nónbar itamáit do deredh na muindtire móire maithi-sin do scaradh &ersir; do scáiledh ó chéile. Ro freacair Oisín sin: dar mo bhréithir ámh, ar sé, ní fhuil indum-sa níth ná nertt ina &ndot;-deaghaid-sin. Ocus gérsat calma na fer-ógláigh ro cháisetar co dubach dobrónach do-mhenmnach maraon risin m-banfhlaith .i. re Cámha.

Tucad a &ndot;-daoithin dighi &ersir; míre dhóibh, &ersir; ro bhátar teora lá &ersir; teora oidchi annsin, &ersir; do cheileabairset do Chámha iarsin, &ersir; ro ráidh Oisín: Is toirrsech indíu Cámha do-rála i cind a snámha. Cámha gan mac is gan h-úa do-rála conadh senrúa. MS R fo. 12b here adds 8 quatrains omitted by WS. Is andsin táncatar rompu assan bhaile imach aran fhaithche b-féraigh, &ersir; gníset comairle annsin, &ersir; as í comhairle do-rónad accu ann, scarad re chéile; &ersir; ba scaradh cuirp re h-anmain a scarad. Ocus do-rínset amhlaid-sin, uair do-chuaidh Oisín co Sídh Ochta Cleitigh, bhail a raibhe a mháthair .i. Bla inghen Déirc Dhianscothaig, &ersir; téit Cáilte roime co h-Inhdber m-Bic Loingsigh a &mdot;-Bregaibh, risi-ráidter Mainistir Droichit Átha isin tan-so .i. Bec Loingsech mac Airist i-torchair ann .i. mac ríg Rómán táinic do ghabháil Eirenn co rus-báidh tonn tuile ann h-é — &ersir; do Lind Fheic ar Bóind bhán-srothaigh, &ersir; tar Sen-Breaghmaigh bhudhes, &ersir; co Ráith Droma Deirc, áit i r-raibe Pátraic mac Alpraind.

Is annsin do bhói Pátraic ac cantain na canóine coimdheta, &ersir; ic etarmholadh in Dúilemhun, &ersir; ic bendachadh na rátha a roibhe Find mac Cumaill .i. Ráith Droma Deirc. Ocus at-conncatar na cléirigh dá n-indsaighi iat-sum, &ersir; ro ghabh gráin &ersir; egla iat roimh na feraibh móra cona conaibh móra leo, uair nír' lucht coimhré na comhaimsire dóibh iatt. Is and sin do éirigh in t-éo flaithemhnais &ersir; in t-uaithne airechais &ersir; in t-aingil talmaide .i. Pátraic mac Alprainn .i. apstal na n-Gaoidhel, &ersir; gabhus in t-esríat do chrothad uisci choisrictha ar na feraibh móra, uair ro bhúi míle léighionn do dheamhnaibh uas a ceannaibh conuic in lá-sin, &ersir; do-chuatar na demhna i cnocaibh &ersir; i scalpaibh &ersir; i n-imlibh na críche &ersir; ind orba uatha ar cach leath; &ersir; do shuidhedar na fir mhóra ina dheagaidh-sin.

Maith a m' anum, ar Pátraic ré Cáilte, cia comainm thú, a ócláigh? Cáilte mac Crundchon mic Rónáin misi, ar se, .i. mac óglaigh do muinntir Fhinn meic Cumáill mhé. Ro bádar na cléirigh ac ingantus mhór acá féghadh re tréimhsi chian, &ersir; ní roiched acht co tana a tháibh nó co formna a ghualand in bh-fer ba mó dona cléirchibh don fhir dhibh-sin &ersir; iat ina súidhi.

Athchuinghidh dob áil lium-sa d' iarraid ortt, a Cháilti, ar Pátraic. Dá rabh ocum-sa do niurt nó do chumung sin do-ghébthar, ar Cáilte; ocus abair cidh edh h-í. Topar fír-uisci d' fhagbáil inar b-fhocus annso, assa fhétfamáis tuatha Breagh &ersir; Midhi &ersir; Uisnigh do baistedh, ar Pátraic. Atá ocum-sa dhuit-si sin, a uasail &ersir; a fhíreoin! ar Cáilte. Ocus táncatar rompu tar cladh na rátha amach, &ersir; ro gab-sum lámh Pátraic ina láimh, &ersir; ní deachadur acht náoi sbáis ón dorus amach an tan it-conncatar in loch-tobar grinn glainidi ina fhiadhnaise, &ersir; ba h-adbal leo mét &ersir; reime in bhilair &ersir; ind fhochluchta ro bhói fair, &ersir; do bhói ac tabairt a thesta &ersir; a thuarascbhála, &ersir; adubairt Cáilte in laoidh ann: A thobuir Trágha Dhá Bhan álaind do bhilar barr-ghlan. ó ro tréigedh do chnuas ort nír' léiced fás dot fhochlocht, Do bric ód bruachaibh amach do mhucca allta i t' fhásach, doimh do chrega cháin sealga do láigh breacca broind-dearga. Do mhes ós bharraibh do chrand t' iasc a n-indberaibh th' abhann, álaind lí do ghas n-geghair a ghlas uaine fhoithremhail! Is uait do-chuadar in Fhiann dar' marbad Coinchend coimfhial, dar' cuiredh ár Féinde Find isin mhadain ós Maolghlind. Uait do-chuaidh Fathadh na fhledh ba laoch do fhuilnged imned, dá fhuair rath in talman toir dar' marbhadh i cath Chlároigh. Táinic ós cind in tobair Blaói ingen Deirc Dhianscothaigh gol ard con atha aicci dar' cuiredh cath Confaiti. Ar marbadh chon ocus fer ar n-athchuma laoch láin-gheal co cuala glaodh Gharaidh ghlain adhaigh re taobh in topair.

Maith, ar Pátraic, in táinic ár próind &ersir; ár tomhaltus chucaind fós? Táinic ón, ar Easpac Sechnall. Roind ár próind, ar Pátraic, ocus tabair a leth don naonmur óclách mhór út, d' iarsma na Féindi. Is annsin ro éirghidar a espoic &ersir; a shaccairt &ersir; a salmchétlaidh, &ersir; ro choisricsat in biad, &ersir; tucait a n-éna &ersir; a n-íbair-lestair dá n-ionnsáighidh, &ersir; ro thómalsat a lór-daethain bídh &ersir; lenna , amail ba les anma dóibh.

Is annsin adubairt Pátraic: nár' maith in tigerna icá rabhuir-si .i. Find mac Cumaill? Ocus ro ráid Cáilti in formolad bec-so and sin: Dámadh ór in duille donn chuiris di in caill, dámad airget in gheal-tonn ro thidhluicfed Find.

Cia ro choimét sibh-si mar sin, ar Pátraic, in bar m-beathaidh? Ocus ro frecair Cáilte .i. fírinde inár croidhedhaibh &ersir; nertt inár lámhaibh, &ersir; comall inár tengthaibh.

Maith, a m' anum, a Cháilte, ar Pátraic: in rabhadar cuirnn náit copána naid bleidhidha búis &ersir; bán-óir isna tighibh a rabhais riam romhuind? Ocus freacrais Cáilte sin: is edh do bhúi a tigh mu tigerna do chornnaibh: Dá chornn déc ocus trí cét do chornnaibh co n-ór ac Find, mar do éirghidís don dháil ba h-adhbhul a lán don lind.

Mun budh coll crábhaidh, &ersir; mun bud maindechtnaige urnaigthi, &ersir; mun budh tréigen acallmha rígh nime &ersir; talman dúind, ro bo gairit linn t' acallaim-si, a ócláich, ar Pátraic.

Do bí Cáilte ac indisin na triath &ersir; na tigernadh aca rabatar, &ersir; ad-bert in láidh: Cuirnn ro bhátar a tigh Fhind is meabair linn a n-anmann, Macalla is Grugán Gann Cornn na m-Ban ocus Adhmall. Macamh na Corn, Corn Aillbhi co n-ochtaibh aidbhli uile. acan t-sluag ó láim do láim moille a tráigh iná a thuile. Adharcán corn bói ac Diarmait do-beirthea a fialghoit do mhnáibh, ól dá fer déc fa chethair dar mo bethaidh ba h-é a lán. Dá chorn Mhic Lugach in láich Órsholus, Odhrán ind Óir, Órsholus inmain fer forlán scarad neach re comrádh cóir. Mar do éirgimís don comhól i teghlach Find ba h-árd bladh Mac Alla am láim-si budhéin Múdhan ac Diarmait rom-char, Grugán a láim Fhind na Féinde a corn féine a láimh na m-ban. Deoch dá fichet a Mac Alla deoch trí fichet Corn na m-Ban, deoch ceithre fichet a Mudhán deoch cét laoch a n-Grugán ghlan. Caingasta corn Oscair áin is leis do éirgeadh don dáil ba mind súla slóigh tar ler ris ro tibed mór n-ingen. Leascach ba lór a áille corn Aillindi co n-áine. Find ro tidluic dá bélaibh a laimh Gotháin gheil-méraigh. Iarla ba lór a shuarca do cuiredh na caomchuarta Find do-rat i tigh n-ola do Dhubán mac Dubnóna. Fer Uaine corn do bhí ac Finn do-beirmís linn tar gach lear dá m-beth ac ól nír' bho dithat do bhiad ól trichat fer. Is é lugha bhói 'nar comól a meic Chalpuirn i tam tigh Fer Tuillidh corn Glais meic Gathail a luagh agaibh nocon fhil. Dobrón re feruibh ba cáidh corn meic Rethi co mór-ghráin misti leo beith i tigh Fhinn in tan no bithea i Cromghlind. Brec Derg ba mór a chaire corn Cháilte go caemh-glaine, uime tuc Finn in tres trén 'na torchuir Lughaid trí rém. Cend Áluinn corn rígh Alban ris téighmís far dul fedha, corn in ríg-fheinnid Rónán as n-ibhmís mórán medha. Fer mar Finn ní thic cu bráth ní thabuir fáth ar foghlaibh, rí ar doman 'gá m-beth a muirn nír' shamuil cuirn da chornaibh.

Ad-rae buaidh &ersir; bennacht, a Cháilti! ar Pátraic, as urgairdiugud menman &ersir; aicenta dhúin sin. Ocus innis óirscél ele dhúin. Inneosat ón, ar Cáilte, &ersir; abuir gá scél is áil duit. In rabatar eich nó echrada acuibh isin Féin? Do bátar immorro, ar Cáilte. .LLL. serrach aen-lárach &ersir; aen-eich. Cánas ar frith sin? ar Pátraic. Adér frit a fhírinne, a anum, ar Cáilte.

Oclách do búi ac Finn .i. Artúir mac Benne Brit, &ersir; ba h-edh a lín, trí naenbair. Ocus do-rónad sealg Benne h-Edair le Finn, &ersir; ba tuillmech toirtech in t-shealg-soin, &ersir; do scáilset dá conuibh &ersir; do shuidh Finn i Carn in Fhéinnedha idir Beinn Edair &ersir; muir, &ersir; ba maith lais a menma ag éisdecht re raibchedaigh na n-dam n-díscir n-dásachtach ic á luath-marbadh do chonúibh na Fénne.

Is ann do-rala d' Artúir mac Benne Brit beith ic coimet in mara idir an fiadach &ersir; muir cu nach snáimhdís in damhrad uatha; &ersir; mar do bhí Artúir amuich i cind in chuain at-connaic trí coin do chonuib Finn .i. Bran &ersir; Sceolaing &ersir; Adhnuall. Ocus as í comairli arar' cinn Artúir mac Benne .i. é féin &ersir; a trí nónbair d' imthecht tar muir &ersir; na coin-sin do breith leis 'na tír féin; &ersir; do críchnaiged in comairle-sin. Dóigh ámh do-chuatar-som tar muincinn mara &ersir; na trí coin-sin leo, &ersir; ro gabsat cuan &ersir; calad ac Innber Mara Gaimiach i crích Breatan, &ersir; tiagait a tír, &ersir; lotar rompa co Sliabh Lodáin meic Lir, &ersir; do-rónad sealg in t-shléibi-sin acu.

Dála na Fénne iarsin, tairnic leo a bh-fhiadach &ersir; a bh-fian-choscar do dhénam, &ersir; ro ghabsat longport ag Beinn Edair meic Etghaeith in féinnedha, &ersir; ro h-áirmhit coin tighi Find annsin amail ba gnáth aca; &ersir; ba h-imdha a coin-sium, amail at-bert an file: Airim craeibhi ar connuibh Finn cona chuanairt bláith bhith-bhinn, trí cét gadhar, comhull n-glé ocus dá cét gaidhrine.

Ba mór do dháinibh icá rabhutar sin, ar Pátraic. As fír ámh duit-si sin, ar Cáilte, ór ba h-é so in lín no bhídh i tigh Finn: Trí coecait ro búi i tigh Finn do tháisechaib Fiann fír-grinn is trí cét gilla n-grádha dá chét dalta dingbhála.

Ar n-áirimh na g-con fríth móir-esbaidh forro .i. Bran &ersir; Sceolaing &ersir; Adnuall, &ersir; ro h-indised d' Fhind: Sírter, ar sé, trí catha na Féinne. Ocus gia ro siredh ní fríth na coin.

Is annsin tucad loing-shithal bán-óir cum Find, &ersir; ro nigh a ghnúis rígda, &ersir; tuc ordain fó a dét fis, &ersir; do faillsiged fírinne dhó, &ersir; adubairt: Ruc Artúir mac righ Bretan bhar coin uaibh, &ersir; toghuidh nónbar do dhul dá n-iarraidh. Ocus ro togad amlaid, &ersir; ba h-iat so a n-anmanna .i. Diarmaid mac Duinn, meic Donnchada, meic Dhubáin, do Ernaibh Muman andeas, &ersir; Goll mac Mórna. In mac rígh Goll, ar Pátraic, nó in mac ógláich? Mac rígh, ar Cáilte: &ersir; at-bert: Mac Taidg meic Mórna don Muig meic Faeláin, meic Feraduigh, meic Fiacha, meic Airt don Mhuigh meic Muiredhaig, meic Eoghain.

Ocus Caol Cródha cét-ghuinech ua Nemhnain .i. cur conáich co neimh ro bhúi ac Finn, &ersir; ba h-í so neimh ro bhái fair: ór nír' dhibraic a lám urchar n-imroill riam, &ersir; nír' fuiligh a lám ar dhuine riamh mín bud marb acedóir nach bhud marbh ria cinn nómaide, &ersir; ní thainig a tig iffirn riam cech duine ro muirbfed. Ocus Oisín mac Finn in té nár' ér duine riamh acht gu m-beth cenn re caithimh neich aigi &ersir; cosa re h-imthecht Is mór in teisd sin, a Cáilti, ar Pátraic. As fír cidh sin, ar Cáilte, &ersir; adubairt: Nír' ér Oisín duine riamh im ór ná im aircet ná im biadh, ní mó do chuinnigh ní ar nech gémad inn-rígh a oinech.

Ocus Oscar mac Oisín .i. in mac rígh ba ferr lúth &ersir; lámach ro bái a n-Érinn, &ersir; Ferdhoman mac Buidhbh Deirg meic in Daghda, &ersir; Raighne Roisclethan mac Finn, &ersir; Caince Corcairderg mac Finn, &ersir; Glas mac Eincherda Bera, &ersir; Mac Lugach lám-echtach, &ersir; misi féin, ar Cáilte. Ocus ba h-í ar cétfuidh dhin féin, a naemh Pátraic, co nach raibhi ó Theprofháne co Garrdha na n-Isperda a n-iarthar in domain ceithre cét laech nach dingébhmais a láthair chatha &ersir; chomlainn. Óir ní raibhi guala gan gel-sciath, ná cenn gan cathbarr, ná des-dorn gan dá manáis móir-leabra co suainemaib lín lan-chadait a foscadaib na crand. Ocus luidh-sium romhainn fón réim-sin co ráncamar Sliabh Lodáin meic Lir, &ersir; nír' chian dúin ann co cualamar dluth-chomhrád na bh-fer ag dénam shealga ar in muigh.

Dála Artúir meic Benne Brit, do eisidh ina dhuma shealga annsinn cona mhuintir. Indsaighter linne iat co h-athlamh &ersir; ro mharbhsam muintir Artúir uili, &ersir; iadhus Oscar a dá láimh um Artúr &ersir; ainices h-é, &ersir; tucsam ar trí coin lind. Ocus déchuin ro dhéc Goll mac Mórna secha con-faca in t-ech bocóidech dubh-ghorm co srian co cumdach óir fria, &ersir; in décsain ro dhéc dá láimh clí con-faca in n-ech n-donn n-dóghabhála &ersir; srian línaidi láin-geal d' airget aithlegtha fria co m-béilgibh óir fris, &ersir; gabus Goll in t-each-sin &ersir; cuiris h-í i láim Oisín, &ersir; cuiris Oisín i l-láim Dhiarmada í Dhuibhni, &ersir; táncamar romuinn iar m-buaidh coscair &ersir; commáidme, &ersir; cinn na trí naonbar linn, &ersir; ár coin &ersir; ár n-eich &ersir; Artúir féin a láim lind, co Beind Éadair meic Éatgáith an fhénneda, &ersir; tangamar assidein co h-airm i m-búi Find, co Senmagh n-Elta n-Edair.

Ocus táncamar isin pubaill i raibhe in rígh-fheinnid, &ersir; at-bert Cáilte: Do-ratsamar Artúir linn co n-derna a cura re Finn cur'ba óglách d' Fhinn iar soin cusin laithi luid d' écoibh.

Aincemaid Artuir 'arsin &ersir; marbmait a muintir, &ersir; tucsam in dana n-ech-sin d' Fhinn .i. in feir-ech &ersir; in bain-each, &ersir; is da síl-sin do bhí echradh na Fénne uili, ór nír' chleachtsat eich co sin. Ocus ruc in bain-each ocht tairberta &ersir; ocht serraig gacha tairberta, &ersir; tucadh do dronguibh &ersir; do dheg-dáinib na Fénne na serraigh-sin, &ersir; do-rónta carpuid acu iarsin.

Ad-rae buaid &ersir; bennacht, a Cháilti! ar Pátraic; ocus innis dúin anmanna na triath &ersir; na tréin-fer icá rabhadar na h-eich-sin. Conad ann as-bert Cáilte ocá innisi: Aithnid damh eich na Fénne gibé adéradh re chéle in uair thicedh in sluag seng co h-aenach Tailltenn taeibh-sheng. In Coinchenn Eochaid meic Lir In Aignech Diarmada dil, In Coscrach Fhinnchaid na g-cath In Gormlasrach Meic Lugach. In Badhbh ac Mac Lugach lán Érim Cruthach ag Conán, Ben Mhanann tucadh tar muir do bí ac Finn Bhán ua Breasail. In Éachtach Oscair co n-ádh In Dubluirgnech ag Dubán, Mídach Mairg ic Scal fo caill is Fer Baeth ag Mac Sidhmaill. Francán ocus Lúth Re Srian dá ech tháisigh scuir na bh-fhian Lúth ac Scuirín, codhnaibh gal is Francán ac Dub Druman Gerr in Óir, Gerr in Arcait maraen do cinndís carpaid, dá ech do bhí ag Aillmi ann ag ingin aird-rígh Eireann. Dub Esa is Dubh Thuinne dá ech Aenghuis Angluinne, Cáilti is Oisín amach maraen téigdís gach n-aenach. Each Guill meic Morna don muigh fer fairi do búi a Maenmhuigh, tan do-léicthe ar sliabh nó ar muigh fá comhluath re gaeith n-erruigh. Each dá nach dechaidh ní riamh do coin ná do mhíl ná d' fhiadh Concenn do bhí ac Finn na fledh tucad a tíribh Saxan. An Glas Gaillmhe, mór in midh ferr ná cét ech a h-aenor do bhí ac Finn in crotha buain a m-brollach gacha mór-shluaigh. Ceatra fichit is dá chét ocus míle, nocha bréc, d' fheruibh trí nech fáth co lí a marc-shlúag Fhinn Almhaini.

Ad-rae buaid &ersir; bennacht, a Cháilti!, ar Pátraic: as gairdiugud menman &ersir; aicenta dúin sin acht min bhudh coll crábaid, &ersir; min bhudh maidnechtnaighi urnaigthi, &ersir; min bud trécon etarmolta in Coimdedh dhúin é.

Ocus do bhátur annsin co táinic maden arnamárach, &ersir; gabais Pátraic a eirredh uime, &ersir; táinic ar in faithchi amach, &ersir; trí fichit sacart, trí fichit sailmchétlaid &ersir; trí fichit naeim-escub 'na fharrad ac silad creidmhe &ersir; crábaid sechnón Eirenn. Ocus do-riachtadar a dhá aingel fhorcoiméta cum Pátraic annsin .i. Aibelán &ersir; Solusbreathach, &ersir; fiafraighios dibh in budh móid le rígh nime &ersir; talman beith do-som ag éisdecht re scéla na Féinne. Frecrait na h-aingil do-som co comnart cubaidh: A anum, a naeim-chléirigh! ar siat, ní mó iná trian a scél innisit na sen-laeich út ar dáigh dermait &ersir; dichuimhne orra. Ocus scríbhthar na scéla- sin let-sa i támlorguibh filed &ersir; i m-briathraibh ollaman, ór budh gairdiugudh do dronguibh &ersir; do deg-dáinibh deridh aimsire éisdecht frisna scéluib-sin. Ocus do imthigset na h-aingil uada iarsin.

Is and sin do-cuas ó Pátraic ar cenn Cáilti, &ersir; tucad dá innsaigid h-é in nónbar óclaech do bí, &ersir; ba h-iat so a n-anmunna .i. Failbhe mac Flainn, &ersir; Eogan Airmderg mac rígh Ulad, &ersir; Flann mac Fergusa, mac ríg Cenéil Conaill, &ersir; Conall Coscarach mac Aengusa, mac rígh Connacht, &ersir; Scannlán mac Ailella mac ríg Osraigi, &ersir; Baedán mac Gairb, mac ríg Corco Duibne, &ersir; Luaimnech mac Linn, mac ríg Érna Muman, &ersir; Aedh Lethderg mac Eogain, mac rig Tuadhmhuman, &ersir; Failbe &ersir; Uancenn dá mac rig Dháil n-Áraidhi atuaidh, &ersir; Fulartach mac Finghin, mac rígh tuath m-Breg &ersir; Midhi.

In b-fhedubair cidh fa tucad dom acallaim sib don chur -so? ar Pátraic. Ní fhedumar immorro, ar Cáilte. Ar dáigh cu ro shléchtadh sibh do soiscéla rígh nime &ersir; talman .i. in fír-Dia forórda. Is annsin tucad tonn baitsi Críst tairsibh ac Pátraic, ag cinn baitse &ersir; creidme bh-fer n-Eirenn. Is annsin tuc Cáilte a láimh secha i comhraid a scéith, &ersir; tucustar lia druimnech derg-óir don ór ór-lasrach tíri na h-Araipi a rabutar trí cóecait uingi, do Pátraic ar baisted in nónbair do bhí. Tuarastal déidhinach na flatha Finn dam-sa sin, ar Cáilte: do raith mh' anma-sa &ersir; do raith anma in rígh-feinneda duit-si, a Phatraic. Ocus is ed do ghabhudh in lia do Phátraic, ó bhárr a meoir medhóin co mulluch a ghualann, &ersir; do bhí ferchubut ar lethet &ersir; ar reme innti, &ersir; do cuired in t-ór sin ar find-cheolanuibh tráth In Táilcinn &ersir; ar saltrachaib &ersir; ar lebraib aithfrinn.

Maith, a anum, a Cháilte, ar Pátraic: gá sealg is ferr fuarudar in Fhiann riamh a n-Eirinn nó a n-Alpain? Sealg Arann, ar Cáilte. Cait a b-fhuil in ferann-sin? ar Pátraic. Idir Alpain &ersir; Cruithentuaith, ar Cailte, ocus trí catha na Féinne teighmís-ne innti i laithi mís trogain risa ráidhter in Lugnasadh, &ersir; do-gheibhmís ar lór-daethain sealga ann no gu n-gairedh in chái do barruibh biled i n-Eirinn, &ersir; binne iná gach ceol éisdecht re binn-ghothaib a h-énlaithi ag éirghi do thonnuibh &ersir; d' aireraib na h-indsi .i. trí coecait ealta bítís 'na timchill co taitnemh gacha datha idir gorm &ersir; uaine &ersir; glas &ersir; buidhi.

Ocus do ráidh Cáilte in láidh: Arand na n-aighedh n-imdha tadall fairge re a formna, ailén a m-biadhta buidhni druimne a n-dergthar gái gorma. Oighe baetha ar a bennuibh monainn mhaetha 'na monguibh, uisce fuar ina h-aibhnibh mes ar a dairgibh donnuibh. Milchoin innti is gadhair smera is airne dubh-droighin dlúith a fraigreadh re fedhaibh doimh ac deghail 'má doiribh. Díghlaim corcra ara cairrcibh fér gan locht ara learguibh, ós a creacaib cain cumhdaigh surdghail laeig, breaca ac bedhgaigh. Mín a mag, méth a muca suairc a guirt, scél as creidte, a cnó ar barraibh a fidcholl seoladh na sith-long seice. Aibinn dóib ó ticc soinenn bric fá bruachaibh a h-abunn, freagrait fáilinn má finnall áibinn gach inam Árann.

Ad-rae buaid &ersir; bennacht, a anum, a Cháilti! ar Pátraic: is tairisi linn do scéla &ersir; tú fein budhesta.

Is annsin ad-connuic Pátraic dúnad &ersir; degh-árus uaid budhdes gach n-dírech. Cia in baili úd, a Cháilti? ar Pátraic. Baile is uaibrecha i rabadhus a n-Eirinn ná a n-Albuin sút, ar Cailte. Cia do búi ann? ar Pátraic. Trí meic Luigdech Mind meic Aengusa .i. tri meic rígh Eirenn. Ruidhi &ersir; Fiacha &ersir; Eochaid a n-anmanna. Crét tuc dóibh-sium in maithius mór sin? ar Pátraic.

Fecht n-aen dá táncatar d' agallaim a n-athar co Fert na n-Druadh fria Temhraig aníartúaid, Cán asa táncubair, a óca? ar sé. A h-Echlais Banguba andes, ar siat, a tigh ar m-buime &ersir; ar n-aide. Ocus ro batar édaighi ligda lenn-maisecha umpu &ersir; bratt uaine imón mac ro bo shine dib .i. im Ruidi, &ersir; bratt corrtharach d' olaind examail Tíri Tairngiri im Fiacha, &ersir; faideran fir-gorm im Eochaid co cimais airgid aen-gil ina timchell, &ersir; delg óir isin brut ósa bruindi Cidh ro imluaidh sibh, a oca? ar rí Eirenn. d' iarraidh críche &ersir; feruinn ort-sa, ar siat. Do bhí in rí 'na thosd re h-edh &ersir; adubhairt: Ní h-athair, ar sé, tuc crích na ferann dam-sa, acht mu rath féin &ersir; mo ruithendacht, &ersir; ní thibér ferann dáibh-si, acht cosnaidh féin ferann dáibh. Is annsin do éirghedar-sum eirghi athlaim aein-fhir, &ersir; tangatar rompa go faidhchi in Brogha braenaigh brecc-solais &ersir; do eisetar ann gan nech ina bh-fharrad. Cidh as comairle libh anocht? ar Ruidi. As comhairle linn, ar a bráithri, troscad do dhénam re Tuatha Dé Danann re rath críchi &ersir; forba &ersir; ferainn &ersir; re maithius máineach mór-adhbhul d' fagbáil uatha. Ocus nir' chian dóibh annsin co facadar in t-óclách suairc sidhamail da n-innsaigid. Ulcha deghgablach dond fair, folt find-clechtach fororda 'sé buidi bocc-álaind tar a formna siar sechtarda, &ersir; cael-snaithi óir ic cengal an fuilt indfada fororda ardaigh nach gluaisiud in gaeth gailbech guibelta finda fa rosc na fa radarc. Assa find-airgit ima chois, &ersir; in cos tecmad re talmain dó is uimpi ro bui in t-assa, &ersir; ní benadh a cruindiucc don rindiuc .i. a drucht do barr an feóir. Bennuighis do macuibh rígh Eirenn &ersir; frecrait-sium fón samhla cétna. Can duit, a ógláich, ar iat, ocus can as tice? Asin Brugh braenach breac-sholus i comhfhocraibh dhúibh, ar in t-óclách. Carsat comainm, a ócláich? bar iat-somh. Bodhbh Derg mac In Daghda misi, ar sé; ocus ro foillsigedh do Thuathaib Dé Danann bar tiachtuin-si do throscad sund anocht re ferunn &ersir; re mórrath d' fagbail, &ersir; ticidh leam-sa, a ócu. Ocus do éirghedar a n-aein-fhecht, &ersir; do-chuadar isin m-Brugh, &ersir; tucad a cathair grind glainidi ar laech-lár in t-sídha iat, &ersir; tucadh próinn dóibh, &ersir; nír' chaithset. Do fiafraig Bodb díbh cidh um nár' chaithset biad. Rí Eirenn, ar siat, ár n-athair féin, dar n-éra um crích &ersir; um ferunn, &ersir; ní fhuil acht dá airecht chudrama a n-Eirinn .i. Meic Míled &ersir; Tuatha Dé Danann, &ersir; táncamar-ne d' innsaigid in dara h-airecht díb-sin .i. sib-si.

Is annsin at-racht Bodb leisin m-beind m-blaith m-buabaill bai ina laim: Táíí uile, ar sé, &ersir; ro táíetar lucht in t-sídha uile co tái tostadhach, &ersir; ro taiscit a cuirnd &ersir; a copana &ersir; a m-bleidedha ban-óir &ersir; ban-airgid; &ersir; do-chuadar Tuatha Dé Danann a comhairle, &ersir; as é ba h-uaisli &ersir; ba h-uiregda isin comairli-sin .i. Midhair Mongbhuidhi mac In Dagda, &ersir; adubairt: tabraidh trí mná dhóibh-súd, ar se, ór is ó mhnáib do gabar rath nó amhrath. Ocus tucadh trí h-ingena Midair dhóibh .i. Doirenn &ersir; Aiffe &ersir; Aillbhe. Abair, a Bhuidhbh, ar Midhair, cidh do-bérthair dóibh sút? Adér, ar Bodb, .LLL. mac rígh atámaid isin t-sídh-so: tabhar .LLL. uingi do derg-ór ó gach mac rígh díbh-sin dóibh. Ocus .LLL. édach uaim-si dhóibh, ar Bodb, co saine gacha datha. Ascaidh uaim-si dhóib, ar Aedh mac Aedha na n-amsach a Cnuc Ardmulla amuich don muir, risa n-abar Rachlainn isin tan-sa .i. macam Tuath Dé Danann sin. Corn &ersir; dabhuch uaim-si dhóibh, ar sé, &ersir; in dabuch do línad d' uisci eochar-ghorm, Lineation skips line 419. &ersir; do-ghéna midh so-óla so-meascda de, &ersir; saile serb-dhomain do chur isin corn do-ghéna fín acétoír dhe.

Ascuid uaim-si dhaibh, ar Lir Sídha Finnachaidh, .i. .LLL. cloidhim &ersir; .LLL. sleg seimnech sith-fhoda. Ascaid uaim-si dhóibh, ar Aengus Óg macIn Dagda .i. dúnad &ersir; dingna &ersir; baili rígda rómhór co sonnaighib sith-árda &ersir; gu n-griananaib gleorda glainidi &ersir; co tighibh rinn-radharcacha rómhóra isinn inad bus áil dóibh .i. idir Ráith Chobhthaigh &ersir; Temhuir. Ascaid uaim-si dhóibh, ar Aine ingen Modhuirn, .i. ban-chóic atá acum, &ersir; geis di nech d' éra fa bhiadh, ór do-ghébha ní mar do-bhéra uaithi. Ascaid uaim-si dhóibh, ar Bodbh Derg: arpeitidh maith atá acum .i. Fer Tuinne mac Troghain a ainm, &ersir; ruidhbh 'arna ruachtad, &ersir; mná re gúr-lámnad, &ersir; mílidh arna moch-ledrad do choideldais frisin ceol sirrechtach do-ghní, &ersir; ní mó as airfitid don dúnad a m-bí inás do lucht na criche uime!. Ocus do bhátar re teora lá cona n-oidhchibh isin t-síd.

Ocus adubhairt Aengus riu trí h-abla Aifi a Fidh Omna do breith leo .i. abhull fo bláth &ersir; abull ac tuitim a blátha &ersir; abhull abaigh; &ersir; do-chuadar cum in dunaid iarsin, uair ro bai urlum fa comair é, &ersir; do bátar .LLL. bliadan and no gu n-dechaid díth arna ríghaibh-sin, &ersir; do-chuatar ar cúla chum Túaithe Dé Danann tréna cleamhnus &ersir; trena caratrad &ersir; do ansat ann ó sin amach, &ersir; is é-sin in dún do fhiarfaigis dím, a Phátraic, ar Cáilte.

Cáilte cecinit

Trí thuili ticed a dún Árd Ruidi, tuili ógán, tuile ech tuile milcon mac Luigdech. Trí ceolu ac ríghuibh seghda ar sodhain.Lineation skips line 449. ceol crot, ceol timpán co m-blaidh dórd Fir Tuinni meic Troghain. Trí gáire bidh ann gan uair fa terca, gáir ceathnata ceachnata a cetnait dá faidhchi gáir graifni ocus gáir erca. Trí gáire gáir a muc dronnmhar dornmhar drondmór n-degha, gáir a shluaigh ós blai bruidhne gáir muirne is gáir mheadha. Trí cnuasa bítís ann uas a slatuibh, cnuas ac tuitim, forumh n-gnáth cnuas fó bláth is cnuas abaigh. Trí meic for-fhácuibh Lugaid gersat rulaidh a bh-fheadma, Ruidi mac Luigdech Lethain. Echaidh is Fiacha ferdha. Do-bhér-sa teisd ar Echaidh nach dechaidh traighidh madhma, ní bídh gan airfitiud gnáth ní bidh tráth gan ól corma. Do-bér-sa teisd ar Fhiachaig gérsat rulaidh a fhaghla, nocha n-ebert guth bud ró is ní bhídh budh mó calma. Do-bér-sa teisd ar Ruidi cus' ticdís na trí thuile, nar' érustar nech um ní is nár' iarr ní ar dhuine. Tricha ruirech, tricha triath tricha nia ba forumh rí, ba h-é lín a slúaig cétaig tricha do chétaib fa trí.

Ad-rae buaid &ersir; bennacht, a Cháilti! ar Pátraic: as urgairdiugud menman &ersir; aicenta dhúin sin. Ocus nír chian dóibh ann co facadar in t-aen-óclách andes gach n-direch dá n-innsaigid co n-degh-écusc. Brat corcra uime, dealg óir isin bhrut, léine do shída bhuidi re grian a chnis, urtlach do chnóibh corra cenn-bhuidhi &ersir; d' ubluibh áille ór-bhuidhi leis, &ersir; cuiris ar lár a fiadhnaise Pátraic. Can asa tucais in cnuasach, a mhacáim? ar Pátraic. A Fidh gég-áluinn Gaibli, ar esium. Carsat comainm-siu, a ógláich? ar Pátraic. Falartach mac Ferghusa misi, ar sé. Cidh as duthaig duit? ar Patraic. Ríghi Tuath m-Breg &ersir; Midi &ersir; Déisi Temhrach as dual damh, ar in t-óclách, &ersir; foghlaid &ersir; díbercach mhé. Cia ar a n-déne foghail? ar Pátraic. Derbbráthair damh féin, Bécan mac Fergusa. Do dhuthaig duit co gairit, ar Patraic. Forchenn air, a naeim-chléirigh, ar an t-óclách. Isin bliadain a tám, ar Pátraic: can asa tucais in cnuas? ar Patraic. Ro fedar-sa ám, ar Cáilte, cáit asa tucad: is a Ros meic Treoin a Fidh Gaible anall, &ersir; lubh-ghort sealga h-é do bhi ag óglach grádha d' Finn mac Cumaill .i. Mac Lugach láidir láin-échtach. Maith a anum, ar Pátraic, is annsin atá fer gráda dom muinntir-se .i. Cessán mac ríg Alban, &ersir; sacart méisi dam-sa h-é. Lubh-ghort sealga don Fhéinn sin, ar Cáilte. &ersir; in trath ticedh dochma shealga don Fhéin idir Eirinn &ersir; Albain do gheibhdís a n-daethain sealga re teora la &ersir; re teora aidche a Ros meic Treoin.

Cáilte cecinit: Cluain Cesáin ro clos amach cus' tathaighedh Mac Lugach, ba Ros meic Treoin, forumh n-grind fria ré thuidechta In Táilcinn. Gidh cantar na sailm fa sech i Cluain Cesáin na cléirech, do-connac in cluain creamhaig fo damraid rúaid róireabaig. Gé atá léighenn uas in linn do bhí tan nár' bhó toillcill, ba fót abla is snáma a sruth adhbha cána in chluain chreamuch, Táinic in tarrngairi áigh táilginn treabsat Clúain Cesáin, adubairt Finn fial failgech cumadh neimhedh naem-ainglech. Menic sinn 's ar coin fa sech a n-diaidh dhamhrad n-óc n-uaibrech ar laeich ar n-gadhair co h-uain ac faghail um an caemh-chlúain. Tri fichit rigan gu recht bátar acum i n-aoin-fhecht, do-ghnínn a leasa uili fa mé an cleasach cluannuidi.

Gá trath do ló ann anois? ar Pátraic. Is fogus d' adhaigh ann, ar Beneoin. In táinic ar proinn fós cucainn?ar Patraic. Ní tháinic ón, ar Beneoin. A anum, a naem-Pádraic, ar Fulurtach mac Fergusa, do-bherainn-se eolus duit in bhaili i fhuighbhithea proinn &ersir; tomultus anocht. Cá h-inad sin? ar Pátraic. I tigh Becain mu bhráthar féin a tuathaib Breg &ersir; Midhe.

Ocus luidhset cléirigh roim Pátraic co tech Bécáin, &ersir; ailis Beneoín feis air, &ersir; is amlaid ro bói sein, &ersir; ocht fichit finn-airge aigi, &ersir; érais um biadh iat. Ocus táinig Benén &ersir; na cléirigh ar cúl, &ersir; indiset scéla do Phátraic. As ced limsa, ar Patraic, a bh-fhuil aigi-sium do chrudh &ersir; do mhuinntir gan élaithech a m-bethaidh amárach dhíbh, &ersir; ro fírad an ní-sin, ut dixit Patricius: Becan ní rab ilar a tredan, oiret rabh grian ar deiseal ní rab seiser sése seisiur d' óibh Bécán.

Is annsin ro shluic in talam uili a n-aein-fhecht Becan cona mhuinntir &ersir; cona mhaithius idir mhíl &ersir; duini. Feis dithat na h-aidhche anoct uaim-si duit, a naeim-chléirigh, ar Fulartach mac Fergusa, .i. nái m-bai fichit atá ac biathadh mu ceitheirne acum anallana ar fogail &ersir; ar dibfeirg. Rígi uaim-si duit-si ó mhedhón lái amárach, ar Pátraic, &ersir; dot' shíl ad' deghuid no gu ticthe risin eclais. Ocus do cuired Becan a talam mar sin, &ersir; dofuc Patraic rígi d' Fhulartach. Conidh Díth m-<ps><fn>Bécain</fn></ps> ainm in sceoil sin.

Is and sin ro fhiarfaig Pátraic do Cháilte: ga lín m-bráthar do bhi ac Finn? Do bátar dá bráthair aige, ar Cáilte, ocus nírb' urdrucu Find innait .i. Fithal &ersir; Cithrumach.

Cailte cecinit: Diamair ar senchaidi sund na trí meic do bhi ag Cumull, Finn ocus Cithramach den ocus Fithal na b-filed.

Cia dhar' Mac Lugach ro fhiarfaiges díd aréir? ar Pátraic. Robudh ceist ar neach eli sin, ar Cáilte, &ersir; ní h-edh orum-sa. Mac do Daire Derg mac Finn, ar Cailte, &ersir; do Lugaig ingin Fhinn .i. ingen dílius aindílius do bhí ac Finn, &ersir; tucsat in bantracht uili luighi cor' ingen dilius d' Finn h-i, &ersir; do comraic a derbbráthair féin ria iar n-ól corma i Temhair Luachra, &ersir; do-rindi in mac-sin ria .i. Mac Lugach, &ersir; ro bí co cend nái mís torrach and, &ersir; tancatar bressa brighi &ersir; ella do h-indsaighid, &ersir; rucustar gein meic ann, &ersir; in adaig rucad an mac táinic Finn &ersir; tri catha na Féinne don bhaile, &ersir; athair in mheic .i. Daire Derg, co Temhair Luachra, &ersir; do h-indisedh dhoibh sin. As gáine leam, ar Finn, ór as mac rucad ann, &ersir; da mad ingen ro budh olcc a breith di-si dá derb-bráthair.

Adrae buaid &ersir; bennacht, a rígh-fhéinnid! ar cách. As buadhach in t-ainm tucuis air .i. Gaine. Amail as-bert in fili: Gaeine ainm Meic Lugach luinn Daire a athair ós gach druing, Cú Muighi ainm Meic Rethe Briuin a athair Dairethe.

Tucadh a n-ucht Finn in mac iar-sin, &ersir; tuc Finn i n-ucht Moingfhindi ingine Dubáin .i. bain-céle d' Finn, &ersir; as í ro thócaib ocht cét sciath-armach don Fhéinn, &ersir; ro ail in mac-sin cur' bha slán a dhá bliadain déc, &ersir; tuc a dhaethain airm &ersir; éidid dho ann, &ersir; táinic roime co Carraic Chonluain, cu cenn Sléibi Smóil meic Edleacair, risi n-abar Sliabh Bladma aniu, airm i raibhi Finn &ersir; in Fhian, &ersir; táinic a b-fiadnaisi na flatha Féinne, &ersir; ferais Finn fir-cháine bh-fháilte fris, &ersir; do-rindi in mac a coraigecht &ersir; a mhuinnterus re Finn &ersir; tuc a láimh i laimh Finn, &ersir; do bhí re bliadain isin Féin, &ersir; do-righne lisdacht mhór risin Féin in bliadain-sin, &ersir; ní mó iná fine naenbair don Fhéin ro soichedh do ghuin muicci nó fhiadha ocun gilla-sin, re taoib bhuailti a g-con &ersir; a n-gillanraidi.

Is annsin tángatar in Fhiann cu Ros in Fhéinnedha ar brú Locha línide Léin tes, &ersir; ar rochtuin do trí cathuibh na Fénne conuice sin do-rónsat casait Meic Lugach re Finn. Ocus adubratar trí catha na Féinne: Do rogha duit, sinne acut nó Mac Lugach a aenar.

Is annsin tucadh Mac Lugach d' agallaim Finn, &ersir; do fhiarfaig dhe: Maith a anum, a Mheic Lugach, ar Finn, gá h-olc dorignis risin Féin in tan atá do miscais aco uili? Do-beirim dom bréithir, ar sé, nach fedur a bh-fhochuinn munub olc leo imad do lúid nó lámhuigh do dhénamh damh-sa etarra.

Is annsin tuc in flaith-féinnid comhairle do Mac Lugach. &ersir; do bhí buaidh ara chomhairli-sium, &ersir; do mhair in comairle- sin ag Mac Lugach, &ersir; at-bert Finn: A Meic Lugach, toluib snas más e h' órd an t-óclachas corbhat sídhuigh teglach tréin gurbhat duilig a n-droibhéil. Ná buail do choin gan chinuidh ná lí do mhnái co finnair, ná ben re genaidhi i cath gid meraigi, a Mheic Lugach. Ná h-imderg duine mad cáidh ná h-éirigh re h-imarbáigh, ná rab tarraic imale ar ammaid ná ar droch-dhuine. Dá trian do mhíne re mnáibh is re h-echlachuib urláir, re h-aes dána dénta duan nárbhat dian re daescar-shlúagh. Ná geibh tosach leaptha dhé rett aes cumtha is comairle, im-ghaibh luighi claen is col ná fhaemh uile h' fiadhugodh. Ná h-abair-se bréithir móir ná h-abair nach tibre chóir, ór is nár a rádh co tenn muna fedtar a comall. Ná ro tréice do ruire in chéin bheir ar bith bhuidi, ar ór ná ar shéd ar bith cé na tréic-si do chomairce. Nár écnaighi co ferdha a mhuinntir re tigerna, ór ní h-obair duine maith écnach a shluaig re prímh-fhlaith. Nárbat buain-scélach brégach nárbat labhar luaith-bhédach, gérsat imdha do ghartha nírsat bidbha oirechta. Nírsat sibleach thighi n-óil nársat ingnech ar shenóir, in dáil ad-cluine as í in cóir ná ben re duine n-deróil. Bidh co h-eistechtach cailli bid co féchsanach muighi, oir ní fedrais, mór in modh nach biad t' escara tescarad it farradh Nársad diultadach um biad nárab cumthach duit ainfhial, nárad furáil féin ar flaith na h-écnaiged gach n-ard-flaith. Lean dott édach, lean dott arm resiu thair an gleo glas-gharbh, ná déna dibhe fád rath lean (d)on míne, a Meic Lugach.

Ad-rae buaid &ersir; bennacht! ar Pátraic, as maith in scél- sin ro indisis dúin; &ersir; cáidhe Brocán scríbhnid? Sunn, a naeimh-chléirigh, ar Brocan. Tabair do lebar &ersir; t' adharc &ersir; do pend cugat, &ersir; scríbhthar an scél út lat. Ocus do-rinne Brocan acétóir.

Is andsin ro fiarfaig Pátraic do Cháilte: in rabatar airfitigh acuib-se isin Féinn? Do bhí imorro, ar Cáilte, in t-énairfitech is ferr do bhí a n-Éirinn ná i n-Albain. Cá h-ainm séin? ar Pátraic. Cnú Deróil, ar Cáilte. Cáit a fríth é? ar Pátraic. Eidir Crota Chliach &ersir; Síd Ban bh-Fhinn tes, ar Cailte. Crét a thuarascbáil? ar Pátraic. Ceitri duirn Finn do bhí ina áirdi &ersir; trí duirn do isin crand chiuil do sheinnedh, &ersir; airfitigh Thuaithe Dé Danann do-rinde tnúth ris. Luid Finn in lá-sin co Sídh Ban Finn siar do sheilg &ersir; d' fhiadhach, &ersir; suidhis ar in bh-firt fótbhuigh andsin. Sillis iarum in flaith-féinnid secha co n-fhacca in fer bec ac sefnad &ersir; ac sáir-sheinm a chruiti ar in fhod ina fhochuir, &ersir; is amlaid ro bhúi, &ersir; folt fada finn-buidi co clár a dhá leas fair, &ersir; ar faicsin Finn dó táinic da innsaigid, &ersir; tuc a láim 'na láim, ór as é céd-duine tárla do h-é ar tuidhecht asin t-sídh amach, &ersir; ro bhúi oc seinm a chruiti a fiadnuisi Finn no gu tancatar in Fhiann, &ersir; 'ar techt dóibh at-cualatar in ceol sirrechtach síde. Maith a anum, a Fhinn, ar an Fhian: as é-sút in tres turcairthe as ferr fuaruis riamh. Ocus do bhí ac Finn no gu fuair bás. Ocus adubairt Cáilte in láid: Abhuc do fuair Finn ferdha do bhí d' fheabus a mheabra gacha cluinedh tiar is tair do bhídh aigi do meabair Cnú Deróil a ainm in fhir a n-Eirinn nir' anaithnidh inmain leinbhín fa glic n-glóir dar'bo comainm Cnú Deróil. Indeosat dáibh, fáth gan locht mar do fhuair Finn in t-abhoc, bá gein shochair do fríth ann én-mac Logha meic Eithleann. Do bhámar a farrad Finn idir Chrota is Shléib Ban Finn co cualumar ceol gan chol ar an fhót inár bh-fharrod. Do bhámar ag éisdecht ris a cheol nír' ceol co n-eislis, beg nachar' chuir sinn 'nar suan in ceol sirrechtach sír-bhuan. Annsin at-bert risin rí Find mac Cumhaill Almhaini: canas tici-si, a fir bhic sheinnes in cruit co caeim-glic? Tánacas o Shíth Ban Finn áit a n-eabhar midh is linn, is dó tháncas lem co becht do beith treall ad chomuidecht. Do-ghébha seoit is máine is ór derg is degh-dáine, ór thaitnid frim do dhála do-ghébha mu lánghrádha. Do-rad a láim a láim Finn annsin roba subach sinn, is tucmaid h-é linn alé do ba caem ar turchairthe. Cetra duirn i n-airdi in fhir trí duirn ina chruit chaeimh-dhil, mor tairm na bláithi buige binn fogar na caem-chruiti. Do-ratad cuigi málle cúic oirfitig na Féinne cur' fhogluimset ceol síde thall ó Chnái go caeim-Líne. Díb-sin mac Senaig male Senach ocus dá Dhaighre do-rónsat foglaim co h-án ocus do-róine Cuán. Ba cheisd le Finn na Fénne a abac gan bain-chéle, ór nír' áil don fhir chródha na mná remra rómhóra. Adubairt Finn in flaith mór co tibredh aircet is ór don tí uainn do fhinnfadh soin i n-Éirinn ben a chosmoil. Adubairt Scí mac Eogain óglach co n-aicniud leomhuin: inneosat is scél ádha baile a fuil a dhingbála. Beir mo bennacht, éirg dod thoigh a mheic Eoghain a Mumoin, ocus innis dúin tré spéis in crích a bh-fhuil re aisnéis. Roich co Tech Duinn a Mumain a Fhinn chródha chomhramhaigh, atá ann is oirfitidh dhuit ingen dar' comainm Bláthnuit. Annsin ro triallsam co tric is flaith na Fian faebair-glic co Tech n-Duinn d' iarraidh na mná ba móide sin ár menmá. Fuaramar Bláthnait 'san t-sídh tucamar linn h-í co fir, ro fháiset tall istigh mhóir Bláthnait ocus Cnú Dearóil. Tucmait uingi dh' ór gach fhir in lín do bhámar d' fianuibh, a caibhche na mná gan locht do-ratadh tall don abhoc. Cetra duirn i n-áirde in fhir trí duirn ina chruit chaeim-ghil, áirdi in ben inás in fer inmhain lánuma láim-gheal. Lámdha in domain acon mhnái imirt óir aircid gan ghái, lasin bh-fer, fá mór in modh slóigh in domain d' áirphiteodh. Ní raibhe ríghan 'san Féinn na táiseach na flaith co céill nach tuc grádh ocus máine don lánamhuin lánnaidhe. Mar do thicedh doineann dúr ar in b-Féin, fa ríghda rún, do bhítis ac Finn fóa bhrat Bláthnait ocus in t-abac. In tan ticed maith don Fhéin ní cheiled Bláthnait co céil, in tan do thiced dóibh olc ni cheiled orra in t-abhoc. Nocha n-fhuil ceol ar talmain in neoch budh mhian le menmain nár' shuaill foghar i tigh óil acht a canad Cnú Deróil. Trí turchairthe is ferr fuair riamh Finn in flaith-fhéinnid fír-fhial: Bran ocus Sceolaing gan locht Bláthnait araen 's an t-aboc.

Nír' chian dóibh asa h-aithle co facadar in móirseser gilla mór dán-innsaigid. Canas táncabair, a óca? ar Pátraic, &ersir; cia sibh féin? Eogan Leithderg mac Aenghusa, ó rígh dá chóicedh Muman táncamar ar do cenn-sa, a naemh Pátraic. Rachmait-ne annsin, ar Pátraic, ol dlegar mar a bh-fhuigter na mainchisa a n-gabháil ann. Crét do-géna sinne in nónbar óclách so? ar Cáilte. Fáilte mhís &ersir; ráithi &ersir; bliadna am fharrad-sa dháibh, ar Pátraic.

Is andsin táinic Pátraic roime, &ersir; as í slighe tháinic a bh-Fhidh Gaible, &ersir; a n-Druim Criadh, risa ráidter Ceall Dara isin tan-sa, &ersir; tar Sruithlinn ar Dermagh, &ersir; tar Berbha bith-glais &ersir; i Tóchar Léghi ingine Cuarnatan, airm i torchair Liagh le Conall ar in n-Dergruathar, &ersir; i Sen-Mag Roichet ingine Déin meic Dileann, risa ráidter Magh Ruadh Roichet, &ersir; i Sen Mhagh n-Eo, risa ráidter Mag Láissi, tar in b-Feoir n-iuchar-bhradánaig &ersir; d' Achadh Bó bái trénbhuillig risa ráidter Achad a Slighidh Dhála meic Umhóir, &ersir; do Ros in Churad, re n-abar Ros CréRos caemhálainn Cré, &ersir; lámh dhes re Lathaig Bó Lodáin meic Lir, risa ráidhter Clár Daire Mhóir, &ersir; do Chorrocuibh Cnámhchoille, &ersir; do Chuillind Ua Cuanach siar in baile i torchair Cuillenn mac Mórna le Finn, &ersir; do Leim in Fhéinnedha, &ersir; d' Aenach Cuili Mná Nechtain, re n-abar Aenach Sétach Sen-Chlochair isin tan-sa, &ersir; tar Ath m-Braengair, risi raiter Ath Mor isin tan-sa, &ersir; do Chenn Abrat Sléibe Cáin budhdhes, &ersir; do Tulaigh na Fénne, re n-abar Ard Pátraic isin tan-so, áit a m-bai Eogan Lethderg mac Aengusa, rí dhá cóiced Muman, co maithibh in dá choiced Muman uime.

Is annsin do scáiled a phuball tar Pátraic, &ersir; táinic rí Muman co maithibh a mhuinntiri, &ersir; tuc a cenn a n-ucht Pátraic, &ersir; ro shlecht do, &ersir; ro búi-sium sechtmain annsin ac todhúscad mharbh &ersir; ac slánugud dháine n-galair &ersir; esláinte &ersir; gacha h-aincesa archena.

Is annsin tucadh a bhreith féin do Phátraic, &ersir; táinic Eogan Leithderg roime co Rosaigh na Righ, dá dunad fein, &ersir; do-chuatar maithi Muman dá n-dúintibh &ersir; dá n-deg-bhailtibh iarsin.

Maith a anum, a Cháilte, ar Pátraic, crét uma tucadh Findtulach ar an tulaig-so ara tám? Adér frit a fhírinni, ar Cáilte, as so do-chuamar-ne tri catha na Féinne do tabairt catha Findtrágha, &ersir; tucad ár sleagha dar n-innsaigid, &ersir; tucad fethana fithnais do chrannuibh ar sleg, &ersir; ro dhech Finn in tulaig uime &ersir; adubairt: As finn in tulach. Ocus gá ferr ainm da m-bia uirri iná Finntulach? ar siat

Cáilte cecinit:

A thuluch ard áibinn-si cus' ticdís Fiana finda, fa gnáth longphort lán-adhbhul ort is gasrad ghlan-ghilla. Ba h-í ár cuit re comháirimh ticmís ard maighi míne smera sciamhdha sceachaire cnó do chollaibh Cinn Tíre. Maetháin drisse dealgnaigi gasáin creama gan cinaidh dochaithmís gach bealltaine buindéin bláithi is barr biroir. Eoin a doiribh diamhaire ro soichtís fulacht Fénne, togmaill breca a Berramhain nit beca a bennuibh slébhe. Bratáin luatha Lindmuine escanna Sinna sóiri, cailigh fhedha Fhidhrindi dobráin a diamhraib Daile. Iascach mara muiridi a críchaib Bái is Béire, medbhán Fáide fír-ghlaine duileasc a cuanuibh Clére. Snámh na Loingsi lochaidhi fa meinic le Mac Lugach, ticmís sluaigh is sochaidi ar do thaobh thall a thulach. Meisi is Oisín oll-bladach téighmís a corraib curach, fuarus gaibhthi glas-mara a timchill tonn is tulach.

Ocus is as-so do-chuamar-ne do chur chatha Finntrágha, &ersir; at-conncomar óclach do mhuinntir Fhinn d' ar n-innsaigid .i. Cael cródha céd-ghuinech ua Nemnainn. Can asa tánacuis, a Chaeil? ar Finn. Asin Brug braenach atuaid, ar Cael. Cret do iarais? ar Finn. d' acalluim Muirinde ingine Deirg mo muine féin. Cidh a adhbhar-sin? ar Finn. Ar bhithin leannain t-sídhe &ersir; ard-nuachair &ersir; torad aislinge tarfas dam. Ader-sa sin rit, ar Finn .i. Crédhe ingen Cairbri cnes-bháin ingen rígh Ciarraigi Luachra. In bh-fedrais, a Chaeil, ar Finn, conid h-í-sin bain-mhealltóir ban Eirenn, ór is terc sét maith a n-Eirinn nár' bréc chum a dúnaid &ersir; a degh-áruis. Ocus in fidir tú ga comha iarus ar chách? ar Cael. Do- fhedar, ar Finn .i. gibé aga m-beth do dhán nó d' filidhecht duan do dhénam dhi &ersir; tuarascbháil a cuach &ersir; a corn &ersir; a cupad &ersir; a h-ian &ersir; a h-aird-leasdar &ersir; a righ-thech romhór. Atá urlumh acum-sa arna tabairt damh ó Muirinn ingin Deirg, óm buime féin.

Ocus do áilsedhmar in cath don dula-sin, &ersir; táncamar romuinn tar taebhuibh cnoc &ersir; carrac &ersir; tulach cu Loch Cuire i n-iarthur Eirenn. Ocus táncamar cu dorus in t-sída, &ersir; do chansam in dord fian-sa re crannuibh ar sleg n-ur(ard) n-orchrai, &ersir; do éirghedar ingena míne macdhachta mongbuide ar sceimhealborduibh grianán &ersir; ar solustighib cláraigh. Ocus táinic Crédhi dar n-acallaim, &ersir; .LLL. do mhnáibh uimpi, &ersir; do raidh in flaithféinnid ria: Is dod thoga-sa &ersir; dod thochmharc-sa tháncamar-ne, ar se. Fiarfaigis an ingen cia dhar' áil a tochmharc. Do Cael chroda chet-guinech ua Neamhnainn, do mac rígh Laigen anair. Do chualamar a scéla. ar an ingen, gen gu facamar é, &ersir; in bh-fuil aigi mo dhuan dam-sa? Atá immorro, ar Cael; &ersir; do éirigh &ersir; do ghabh a dhuan: Turus acam dia h-áine gé dech isam fíráighe co tech Créidhi, ni snímh suail re h-ucht in t-sléibi anortúaid. Ata i cinnedh dhamh dhul ann gu Crédhi a Cíchaib Anann co rabhar ann fo dhecraibh cetra lá ocus leith-seachtmuin. Aibinn in tech ina tá idir fhira is maca is mná, idir dhruidh ocus aes ceoil idir dháiliumh is doirseoir. Idir gilla scuir nach sceinn ocus ronnaire re roinn, ata a comus-sin uili ag Créidhi fhind fholt-bhuidhi. Budh áibinn damh-sa 'na dún idir cholcaidh ocus chlúmh, mad áil do Crédhi ro clos budh aibinn damh mu thuros. Sithal aice a sil sugh subh as do-gníedh a blai dhubh, dabhcha glaine gairdheasca cupáin aici is caeim-eascra. A dath amar dhath an aeil coilcidh eturra ocus aein, sída etorra is brat gorm derg-ór eturra is glan-chorn. A grianan ac Loch Cuire d' arcat ocus d' ór bhuidhe, tuighi druimnech gan dochma d' eitibh donna is derg-chorcra. Dá ursain uáinidhi ad-cí a comla ni dochraidh h-í, aircet échta, cian ro clos in crand búi 'na fordoros. Catháir Chréidhi dot láim chlí ba suarca 'sa suarca h-í, casair uirre d' ór Ealpa fa chosuibh a caeimh-leaptha. Lebaidh luchair na line fuil os cinn na caithairi do-rónad ac Tuile thair d' ór buidi is do lic lógmair. Lebaid eile dod láim dheis d' ór is d' aircet gan eisleis, co pubaill co m-bricht m-bugha co caem-slatuibh credhumha. An teghlach atá 'na tigh as dóibh as áibne ro chin, nídat glasa slíma a m-bruit at casa finna a forfhuilt. Do choideldais fir ghona cona taescaibh trom-fhola re h-énuibh sídhi ac sianán ós bhorduibh a glan-ghrianán. Madam buidech-sa don mhnái do Chréidhi da n-gairenn cái, méraid ní bus lia a láidhi madh dá n-díla a commáine. Mad áil le h-ingin Cairbre ní dam cuirfe ar choir cairdi, cu n-abra fein rim abhus is mu mhóir-chen dod thurus. Céd traiged i tigh Créidhi ón chuirr gu roich a chéle, is fiche traiged tomhais a leithet a deg-dhorais. A h-udhnacht is a tuighi d' eitibh én n-gorm is m-buidhi, a h-urscar thair ac tobar do ghlain is do carrmocal. Cetra h-uaithne um gach leabaidh d' ór is d' aircet coimecair, gem glaine i cind gach uáitne nídat cenna anshuairce. Dabhuch ann do chruan fhlatha a sileann sugh suarc-bracha, abhull ós cinn na daibche co n-imat a trom-thairthe. In uair líntar corn Créidhi do mhidh na dabhcha déne, tuitit isin corn co cert na cethra h-ubla a n-aein-fhecht. An cethrar út do h-áirmhedh éirghit isin frith-dhaileam, tabrat don ceathrar anunn deoch gach fhir ocus ubull. In tí 'gá táit sin uili idir tráigh ocus tuili ruc Créidhi a Tulchaib Tri m-Benn edh urchair do mnáibh Eireann. Laidh sunn cuice ní crodh cas ní gres luighthi co luath-bras, co Créidhi cruthaig abhus bhudh luchair lé mo thurus.

Is andsin ro fhaietar in lánamain-sin ar feis leaptha &ersir; láimh-dheraighthi, &ersir; do bátar ann re secht laithib ag ól &ersir; ag áibhnes gan esbaidh bhídh ná leanna ná lesaighthe oraind acht mad imnedh ele ar Finn .i. allmhuraigh do bheith ac Finntráigh. Ocus tuc an inghen eirredh dílius dingbhála do gach aen díb fo leith, &ersir; do timnamar ceilebhradh dá chéile.

Ticeadh an inghen linn, ar Finn, co bh-fhinnum cia uainn da m-bia maith nó saith don n-dula-so. Ocus rucastar an ingen drechta móra do chrudh lé do frithailimh a n-aesa galair &ersir; othrais. Ocus as í an ingen ros-biath d' as &ersir; d' fírleamhnacht iat céin ro bás ag cur in chatha. &ersir; is ina tigh do bhítís lucht icce &ersir; othrasa na Fénne, &ersir; mar do cinn an ingen ar mhnaibh na Fénne um thidhnacul sét &ersir; máine ro chinnesdar Cael .i. a fer, a n-gail &ersir; a n-gaisciudh ar tri cathaib na Féinne isin cath-sin, &ersir; fa bét in ní do-rónad lá déidhinach in chatha .i. a badadh Caeil, &ersir; do bhadar bethaduigh ele, &ersir; comhsaegal acu re Cael &ersir; fuaradar bás da chumaid Chaeil, &ersir; tuc in tonn amuigh 'arna bhádud h-é, &ersir; do-riacht an ingen &ersir; maithi na Fénne dá innsaigid, &ersir; do tocbhad leo é cusin tráigh n-deisceartaigh leth andes d' Fhinntraig, conadh Traigh Caeil ainm na trága ó sin ilé, &ersir; Fert Caeil.

Táinic an inghen &ersir; do shín re a thaeibh h-í, &ersir; do-rinne nual-ghubha &ersir; toirrsi mhór. Cidh dham-sa, ol sí, gan bás d' faghail do chumaid mu chéle in tan atát na fiad-mhila foluaimnecha ac fagháil bháis da chumhaid? Ocus at-bert Crédhe: Geisid cuan ós buindi rúad Rinn Dá Bharc, bádhudh laeich Locha Dhá Chonn is ed cháineas tonn re tracht. Luinche corr a seisceann Droma Dá Trén, sisi ní aincenn a bí coinfhiadh Dá Lí ar tí a h-én. Truagh an fháidh do-ní in smolach a n-Druim Cháin ocus ní nemhthruaighe in seol do-ní in lon a Leitir Laeigh. Truagh an t-seis do-ní in damh a n-Druim Dhá Leis, marbh eilit Droma Sileann geisidh damh dilenn dá h-éis. Ba saeth lim bás in laeich do luiged lim mac na mná a Doire Dhá Dhos a bheith is cros fa a chinn. Saeth lim Cael do beith a richt mairbh rem thaebh, tond do thoct tar a thaebh geal is ed rom-mer, mét a aebh. Truag in gháir do-ní tonn trachta re tráigh, ó do bháidh fer seghdha saer saeth leam Cael do dul 'na dáil. Truagh in fuaimm do-ní in tonn risin tracht tuaidh ag cennghail um carraic cháin ag cáineadh Chaeil ó do-chuaidh. Truagh in treas do-ní in tonn risin tracht teas, misi do-dechaid mu ré mesaidi mu ghné ro fes. Caince corr do-ní tonn trom Tulcha Leis, misi nochan fhuil mu mháin ó rom-maidh an scél rom-géis. O do baidhed mac Crimthain nochan fhuil mh' inmhain da éis, is mór triath do thuit le a laimh a sciath a ló gáidh nir' gheis.

Ocus do shin an ingen re taebh Chaeil &ersir; fuair bás da chumhaid, &ersir; do h-adlaiced iat araen a n-aein-fhert annsin, &ersir; as misi fein, ar Cáilte, ro tócuibh in lia fil ós a lighi: conidh Fert Caeil &ersir; Créidhe aderar ris.

Ad-rae buaid &ersir; bennacht, a Cháilti! a Pátraic, as maith in scél do innisis. Ocus caidhi Brocan scríbnid? Sunna, ar Brocan. Scríbtar lat gach ar' chan Cáilte. Ocus do scríbadh.

Nír' chian dóibh iarsin co facadar in dirim degh-shluaig da n-innsaigid, &ersir; amdhubach do sciathaib donn-chorcra ana n-uirthimcheall, &ersir; fidh-neimheadh do shleaghuibh urarda orcrai re guaillib dhoibh. Ocus tancatar isin phupaill a raibhi Pátraic, &ersir; tucastar a tighearna a cheann i n-ucht naem Phádraic &ersir; ro shlechtsat dó. Cia thú féin, a óglaich? ar Pátraic. Bran mac Deirg mhisi, ar in t-oglach, mac rig Muman. Cidh um a tanacais alé? ar Pátraic. Fiannaighecht dob áil damh d' fogluim, a naeimh-chleirig, or do- chuala óclach do mhuinntir Fhinn do bheith it fharrad-sa, &ersir; dob áil leam foglaim duird fiansa do denamh aigi.

At-cluini sut, a anum, a Cháilti? ar Pátraic. At-cluinim, ar eisiumh. Maith, a Bhrain, ar Cáilte, cinnus do-ghníthi fein fiadhach? Iadhmait 'mon tulaig nó 'mon carn nó 'mon caill maigh-shlebhe, itir coin &ersir; gilla &ersir; óclach, &ersir; bímit re h-edh in chaemh-lai a n-degaid an fhiadhraidh, &ersir; marbhmait fiadh fecht ann, &ersir; feacht aile téit uainn.

Ro cháiestar Cáilte annsin a bh-fiadhnaise Pátraic co dérach dobrónach, cur'bo fliuch blai &ersir; bruinne dho.

Is annsin ro éirig Pátraic &ersir; Cáilte in lín ro bhátar do shluagaibh co Cenn Abhrat Sleibi Cain suas, &ersir; is amlaid do bhi suidiugud an inaidh-sin a rancatar tri leannta imon sléib &ersir; loch eturra, Loch Bó a ainm, &ersir; Osmetal ainm in t-sléibi, &ersir; Cnoc na h-Aeire allaniar don loch, aitt a m-bidh Conán Mael mac Mornda, &ersir; Findinis ainm in chnuic airtheraigh úd, airm a m-bidh Fergus Fínbél mac Finn &ersir; Ferdoman mac Buidb Deirg &ersir; coin leicthi Find acco, &ersir; Cnoc Maine ainm in chnuic-sea tís, ait a m-bui gilla gráda do Find, &ersir; is annso ro bui flaithes fer a lethcuarain. Ocus annso do bhí in brécairi daimh .i. Líath na Tri m-Benn, &ersir; téighedh ón Féinn, idir choin &ersir; duine, re ré secht m-bliadan fichet, &ersir; ro mharb óclach don Fhéinn é, &ersir; as misi in t-óclach í-sein, &ersir; ní da bladh breithri aderim sin, ar Cáilte.

Ocus do éirigh Cailte iarsin &ersir; da chóraigh a mhuintir immon loch anair &ersir; aniar, anes &ersir; atuaid, &ersir; deisidh Pátraic 'na shuidhe, conadh Suidi Pádraic ainm an inaid-sin a Cenn Abhrat Sléibi Cáin, &ersir; tocbhais Cáilte a shuasán sealga &ersir; fiadhuigh &ersir; fian-choscair ós aird, &ersir; ro léicestar a tri barann-ghlaedha badhbha as, cu nach raibhi i comfhocraibh na a coimhnesa dho fiadh fodilmhain a maigh na a moin na a maigh-shléib na a caill gan techt ina ruamannuibh roretha co n-dechsat da n-infhuarad tar éis a n-aistir a l-Loch bríghach Bó ina bh-fhiadhnuisi, cor' ghabh gráin &ersir; egla &ersir; uaman iat resin fidhrén &ersir; resin fothram adhbul sin .i. re damhuibh alltaidhi &ersir; re h-eilltib ruadha roimhera &ersir; re torcaibh taebh-troma; &ersir; ni mór nach muirbfidis a cétóir iat le fad a retha &ersir; le scís anála. Ocus ro leath in slúag imon loch, &ersir; ní dhechaidh éloidech beo as don t-seilg, &ersir; do roinnset in t-sealg, &ersir; ráncatar ocht cét cum ronna acu. Tabur dechmad in fhiadhuigh dun, ar Beneoin. Nír' escaidh le Bran mac Deirg in cuid rainic do féin do roinn re nech. Gabus galar ana broinn mac rígh Muman. Do lámh air-so, a naeim-chleirig, ar Bran. Dar mu breiti, ar Cáilte, no gu tarda a luach uait ní raga. Gá luagh? ar Bran. Uair is at broinn atá in galar, ar Cáilte tairr gacha bó &ersir; gacha muice &ersir; gacha caerach uaid do Pátraic &ersir; don naeim-eclais co bráth. Do-bér-sa sin, ar Bran, &ersir; do-bhéra mo mhac am dhiaidh. Ocus do-chuaidh-sin a n-gnáthugad ac feruibh Eirenn ó sin imach. Tuc iarsin Pátraic a láimh ar broinn Brain meic Dheirg &ersir; ba slán focétóir.

Imthecht againn budesd, ar Cáilte. Gá conuir sin? ar Patraic. As cumain leam-sa, a naem Pátraic, nach lémdais sluag náit sochaide suidhi ar na tri tulchuibh-sea le ceisd Tuaithi Dé Danann.

Cáilte cecinit: Cumhain leam-sa trí tulcha atáit gan aes gan urchra, do reithed Liath na Trí m-Benn otha imeall co h-imeall. Cumain lim-sa tri cealla robsat dúine deigh-theanna, ni bídh guth cluic inntibh thall meince snaidm druadh 'na timcheall. As Cáilte féin mh' fírainm-si rob-sam cenn Fénne finne, nocha dénmuis dighairse ac tairimthecht an glinne. Ni fhuilngead Finn fianamail in tan ro bhoi 'na bethaid bennán baeth ac buiredhaig ós cinn a longphuirt lethain Misi is Flann mac Failbhe dergmais mór laech do Laighne, as í so mu chubhus tra mór cath isam cumain-sea.

Ad-rae buaid &ersir; bennacht, ar Pátraic, is urgairdiugud menman &ersir; aicenda duind sin. Ocus imthigid in sluagh cona n-oiribh sealga forro co Cend Abrat Sleibi Cain, conice inadh in longpuirt a m-bidís an Fíand.

Dechain ro dech Cailte da láimh chlí don t-sléibh co n-fhacca dunad &ersir; deg-bhaile. Mo chubus amh, ar sé, nir' aithnid dhuin dúnad and sut, &ersir; dénam chum in bhaili anunn, ar sé.

Iarsain táncatar rompa chum an dúnaidh &ersir; robb ingnad leo gan slóigh gan sochaide d' fhaicsin ann, acht noenbar banmhogad &ersir; triar fermhogad. Tángatar-somh a n-grianán deirrit do bhí isin bhaili. &ersir; dá mnái isin grianán, &ersir; siat ag cái &ersir; ag toirrse. Brat corcra corrtharach imon dara mnái &ersir; delg airgid and, &ersir; niamland d' ór buidi re h-édan, &ersir; faideran fir-uaine imon mnai ele &ersir; delg óir isin brut osa bruindi. Ocus ro fiadhaiged &ersir; ro frithoiled iat, &ersir; ro beanad a n-errada aisdir &ersir; imthechta dhíbh &ersir; do fiafraigh Cáilte díbh cia an dúnad i tám? Adubratar na mna,: dúnad dá mac rígh Fher Muighi so, Lochán &ersir; Eogan a n-anmanna. Cid um a bh-fhuilti dubach dobrónach? ar Cáilte. A aba &ersir; a adhbar againn, ar iat-san. Ag dís derbbhrathar atámuit, &ersir; da deirbshiair sinn féin. &ersir; do-chuatar ar bh-fhir do thabairt ban ele anoct, &ersir; ní fhuil dar b-fuirech-ne isin dúnad acht co toirset ar bh-fhir &ersir; mná nuaa leo.

Ocus dechain ro dech Cáilte secha i n-iarthar na bruidhne, co n-fhaca in rígh-lia cloichi ro bái ac oclach grádha d' Fhinn .i. ac Senach mac Mhaeil Chró do shenmhuinntir Find meic Chumaill. Ocus is amhlaid ro bhái in lia-sin &ersir; inneoch thuc Finn do thuarasdal dó inti .i. .LLL. uingi d' ór &ersir; .LLL. uingi dh'aircet &ersir; .LLL. uingi d' findruine &ersir; tri .L. falach óir ar n-dúnad in lia cloichi sin impa.

Is annsin adubairt Cáilte risna mnáibh: Gá luagh do-bérad sibh dham dá n-dernainn bhar bh-fhurtacht &ersir; bar bh-fhoiridin, &ersir; da tucaind bhur bh-fhir féin cuguib ar g-cúl? Da m-beth ar doman againn luagh budh áil leat, ar siat, dobérmais duit h-é. Ata imorro, ar Cáilte, in rígh-lia cloichi ut i n-imel na bruidhne. Dursan duit a rádh! ar siat, ór do bhátar morshochraidi na críche agá corugud isin baili a d-tá, &ersir; ro bui a n-obair ana corugud ann, gia ro fhedta-sa at aenar ní dhi. Misi féin as meallta dhe-sin, ar Cáilte, muna fhédur. Rachaid uain duit-si sin co m-beannachtain, ar na mná.

Táinic-sium iarsin asin m-baili amach, &ersir; tuc lán a glaici desi do losaibh sídhe sainemhla leis dob aithnid dho ag ríghnaibh &ersir; ag ro-mhnáibh na Fénne. Ocus tucasdar do na mnáibh, &ersir; ro fhothraicset iar asna losaib-sin, &ersir; tuc sin a n-grádh ara b-feraibh féin cor' léicset ar cúla arís na mná thucsat leo. &ersir; tugad an lia dho-san, &ersir; at-bert Cáilte: A lia Bhelaig Atha h-Í menic ar comdail cuici, maine Sencain maic Máil Cró do frith sund, ní h-ímargó. Ata sunda losa díb is ní ba losa cen lí, ní bía 'sa doman uile mná bus tochu la firu. Aderim-si rib-si dhe is fir dam in faistine, nech rom-aithnid cech dia lem-sa ba h-inmain an lía. A lia.

Ocus do bhí Cáilte annsin in adaig sin, &ersir; ro freastlad &ersir; ro frithailed cu maith é, &ersir; do éirig do mochtrath arnamhárach, &ersir; tuc tarraing don lic cuigi do lár thalman.

Ocus táncatar rompa co Finntulaig, risa n-abar Ard Pátraic aniu, airm a raibhi Pátraic, &ersir; do fiarfaig Pátraic: cáit a ra baduis aréir, a Cháilti? Ocus ro innis Cáilte dó in scél ó thús co deireadh. Ocus nír' cian do bhátar ann co bh-fhacatar in móirsheiser da n-innsaigid. Can asa táncabair, a óga? ar Pátraic. A cuiged Connacht atuaidh, ar iat-san. Cidh ro imluaidh sib? ar Pátraic. Ar do cenn-sa ó mhaithibh Connacht, a naeim-chléirig, dar m-breith ar do shoiscéla idir fhir is mnái. Adubairt Pátraic: ni cóir ar an Eclais gan a siled.

Do glúais Pátraic cona muinntir, &ersir; táncatar rompa anes tre medhan Muman &ersir; do Luimnech n-Uladh, &ersir; i Fidh na Cuan re n-abar Creatshalach, &ersir; a Sliabh Uighi in Rígh, &ersir; a Sliabh Echtge inghine Nuadhat Aircetlaim, &ersir; do Chuaille Cepáin a n-Echtghe, airm a torchair Cepán mac Morna, &ersir; do Loch na Bó Girre, risa n-abar Loch Greine ingine Finn, &ersir; a m-Breicthir, re n-abar Tír Maine isin tan-so, &ersir; do Loch Linnghaeth, re n-abar Loch Cróine isin tan-sa. Is annsin ro búi Muiredhach Mór mac Fínachta, ri Connacht, ar cinn Patraic, &ersir; ro srethadh a phupall ós Patraic cona cléirchibh, &ersir; luidhset maithi chúigid Connacht cuigi annsin, &ersir; slechtait do Phátraic, &ersir; tucsat a cinn 'na ucht.

Dála Pátraic immorro, tainic amach asin pupaill, &ersir; suidis ar an bh-fhirt fótbhaigh, &ersir; luidh Cáilte leis &ersir; ráidhis: And so, a anum, a naemh Pátraic, tucastar Oscar a chétcath. Ga h-adhbar bái aigi? ar Pátraic. Ní annsa, ar Cáilte, um Neim ingin Aedha Duinn meic Ferghusa Find, ingin rígh Uladh, ro snadhmad d' Aedh mac Fhidhaig meic Fhinntain, &ersir; tucadh h-í do mac rígh Connacht. Ocus ni raibhe se lín catha d' Oscar ná don Fhéinn no gur' siredh uaidh sochraidhi shlóigh ar Cormac ua Chuinn, ar rígh Eirenn, &ersir; do chuir Cormac .iiii. cuicidh Eirenn lais do thabairt chatha don Fhéin, &ersir; do-radadh an cath imon n-ingin isin maigin-sin, &ersir; ba h-iat so céit-ghnímha Oscair isin cath-sin, amail adubairt Find: Eirigh suas, a Oscair ro fes as tu in bunad, gidh lór méd na n-daighfer dingaibh dín cét curad. Eirigh tritha is tarrsa gursat maela a méidhe, geibh sciath engach uaine geibh cloidimh co n-géire. Geibh sciath is geibh slegha on arm niadh rot-rubha, geibh lúirigh rot-meala nár maidhedh do thuba. As mór an gním dam-sa a bh-fhiadnaise fhiadhan derlágadh mu náidhen a cinn a nái m-bliadan. Ní thicfa is ní tháinic bhudh fherr lám na luighe is ní fhuil crann sleighi as sia do-ria a n-duine. Mairg gus tibre a shidhe le claidem gu n-géiri ó thic ferg a láimhe an fhírghairg ar n-éirghe.

Is ann as-bert Cailte: Céit-ghníma Oscair co m-buaidh rí Ulad gusan n-arduaill ocus rí Laigen gan acht ocus ri cródha Connacht. Is do-rala chuigi iar soin Aedh mac Fhidaig meic Fhinntoin, ocus fácbhais h-é gan cheann ni gnáth an comhrag coimhthend. Aedh Donn mac Ferghusa Finn ri Uladh gusan imrinn a los scéith is cloidim cruaidh do marb Oscar a n-aen-uair. Baetán mac Fir Nairb co neim do bó rí lonn do Laighnibh, do mharbh gér' lór a cruaidhi re h-athladh na h-aen-uaire. A chomhalta caemh crínna Oscar áluinn inn-ríghdha, Linne mac Ligne gu n-glonn do mharbh Oscar a n-imroll. Tainic d' féchain in chatha Niamh an éduigh ildatha, mebhuis in cath ana cenn marbhthar in ríghun roithenn. Do-bér teist ara cuingid ara laech co luath-buillib nar' iadh a dha chois im each bud ferr engnum na einech Adeirim-se rit-sa dhe a Phádraic co bh-fhírinde, ro ba mór a rect rígda nír bo ceart a chéit-gnímha.

Ad-rae buaid &ersir; bennacht, a Cháilte! ar Pátraic; &ersir; caidhi Brocan? Scríbhthar in scél út lat, gomba gairdiughadh do fhlaithibh deridh domain é. Ocus do scríb Brocan.

Maith, a anum, a Cháilte, ar Pátraic, cia in fert-sa ar an tulaig ar a tám? Ní annsa, ar Cáilte, óclach d' fianuibh Eirenn fuair bás annso .i. Airnélach mac Adhmalláin, mac rígh Laigen, &ersir; táinic fer dána le duain do annso, &ersir; do ghabh a dhuan. Maith a anum, a fhir dhána, ar eisiumh, léic cairdi dam no gu rabat mu sheoit &ersir; mh' innmusa im fharrad. Dar mo bhréithir ámh, ar an fer dána, ní leiceabh gan do ghlamad &ersir; t' aeradh isin ló aniu aniu andíu aniugh mun bá am buidech. Mar at-chuala-seom sin, tuc a airgid re talmain &ersir; nir' thócaib a ghnúis no gu bh-fhuair bás do náire; &ersir; do muiredh in tuluch thonn-ghlas so air, &ersir; ro tócbad a lia ós a chinn, gurab ris ata do dhruim-si, a naemh Phádraic.

Cáilte cecinit An fert fuil fan líg Lodain ba fert fhir uallaigh o thaigh, fertán in láich niamaigh náir Airnelaigh meic Admallain

Neamh uaimsi dho, ar Pátraic, a lógh a náire, &ersir; a thabairt a péin. Ocus táinic a anum a péin isin uair-sin gu raibhe 'na cholum ghel arin cairthi cloichi ós cinn Pátraic.

Cia ata isin chinn-sa thes don tulaig, a Cháilti? ar Pátraic. Sálbhuidi mac Feidleacair, mac rígh Muman, fuair bás ann a n-degaidh fhiadha sídhe .xxx. con &ersir; .xxx. gilla &ersir; .xxx. óclach, &ersir; ro muiredh in tulach orro: ut dixit Cáilte: Atá isin chinn-sa thes mac Sálbuidhi na n-eceas, ní h-áirimthi mar mháin bhic cóeca conghlann finnaircit.

Do ba maith linn, ar Benén, na seoit-sin d' faghbail. Fo-ghébha-sa sin, ar Cáilte, &ersir; ro oslaic in fert, &ersir; do bhí lán crainn a shleigi d' fhailghibh ann. Tucas nemh ar a náire don fhir ó chianaib, ar Beneoin, &ersir; tabair nemh ar a shéduibh don óclach ele ud. Do-berthar, ar Pátraic.

Is andsin do fhiarfaig Pátraic do Cháilti: créd ro dithaig sibh uili in bar bh-Fhéinn? ar se. In dá chath tucsam fa deiredh, ar Cáilte, .i. cath Gabra &ersir; cath Ollarbha. Tri catha do-chuamar-ne do chur chatha Innbhir Ollarbha, &ersir; ní thoracht acht sé cét uainn as, &ersir; nir' cheis menma Fhinn ar an bh-Fhéin riam co sin a g-cath ná a g-comhlonn, &ersir; tuc da uidh an uair-sin esbadha na triath &ersir; na tigernad &ersir; na curadh &ersir; na caithmhiledh &ersir; an aesa gradha do thuit isna cathaib-sin: Finnaidh dun in lín atám ni meisdi nech uaib a rádh, co finnam sunn, lith gu n-gal in lia duin na dhóib 'sin cath. Maith mo muinter taeb re taeb nocor' marbad Cellach caem, gaet do shleigh Deirg meic Dulaigh isin tress a Tuath-Mumain. Cellach caem do bí fam sithail is braen cecha cluindís in dias glan ní théighedh acu ar imral. Seisiur do bí ar mh'inchaib ní leicdís nech fa dímdhaigh, d' fostaighidis a techt amach cech dáim ba h-ecail d' écnach. Beithech, Barran, Bresal Derg cruad Connla na canad cealg, Dubróid ocus Mac Da Dér conochtaidis dam cech scél. Dub Drumann do berrad dam ba h-inmain lam gasta glan, ní tabrad sgín ar aighidh is lugha d' fácad ainimh. Dér mac Daigri círadh m'folt maith doní ocus ní h-olc, ní benad finda asa tuind ocus ní brisedh degh-bairr. Cú Cuilli doroinded biadh inmain óclach fuilech fíal, ba maith m'imdaigh ar laighi o Dubthach mac Dairene. Cú Cuilli trom a berrnaidh a builli, bai inesair aici co dian is ní benad a lam riam. Mara gabra Glas mac Deirg uathad ro fit Daire robroind ris ba ferrdi in leth cos' teigmis. Lir mac Gabra bai fam sciath inmain gilla robo curraigh mo shlegh ro aeb ní delighidis rim Taisech comóil Corc mac Suain a h-airer Alban adfuair, tricha laech ro bai im thigh co laithi mona ma faidh. Cairpri Cas ro tindbed duind ar midh mas, dondo ocht feraib déc do denam da m-bem céd. Da assa don airgit bán ro bi etarro is lár cliabinar siric dar ler ima corp comlan comgel. Cathbarr caecdiabul co n-ór bai machi leg. 'ma chínn re h-uair tinóil co cét n-gem n-glaine cen oil co cét n-gem do líg lóghmair. An uair do-berthea ar cuid dúind sólus ó ursaind co cúil, coindel do cách sund imne a cathbarr im cenn Cairbre. Andum lim cesacht ar shluagh a dénam ní dam is dúal cosaníu ní dernus riam a focus na a n-eitercían. Ecoir d' Fathod tachair frim mor lá ro leasaiged lim. ní do deoin Luighdech Meic Con do thaicérad frim Fathod. Is leasc leam tachar don treas giamad lim no ricthe a les mu ceim as ceim co n-glaine gu Dubhthor Dháil n-Araidhe. Ochtar is sé fichit fer do neoch ba dingmala dhamh do marbad ag Ard Abla fa Donnghus mac Lánamhna. Tri cét cath do chuir in Fhían itir tuaid is tes is tíar, nochar' chuirset riam co sé en-chath as mó egcaine. An luct-sin do-chuadar dínn no dhingebhdais a dhá lín, aniu dá mairdis ar magh ní h-é Fathod nach finnfadh.

Ad-rae buaid &ersir; bennacht, a Cáilti! ar Pátraic. Is mor do maith do canais isin láidh-sin; &ersir; scrib sud, a Brogain, ar Pátraic, &ersir; ro scrib. Is annsin ro fiarfaig Caínen mac Failbhe, meic Ferghusa, meic Eogain Mhoir do Cháilti: Cait ar' marbad Oilill Olom mac Mogha Nuadat? Freagrais Cáilte sin: Marb é do cró-bhainne chumad a mulluch Slébhi Claire thes. Ocus cait inar' marb Sadb ingen Cuind? ás Cainen. As marbh Sadb ingen Chuinn do chumaid a meic mhór-ghrádhaig .i. Meic Con a Temhraig na rígh, ar Cáilte. Cáit ar' marbad Ferchis mac Comáin eices? ar Cainén. Urchar, ar se, tuc Ael mac Dergdhuib do bhir chruaidh chuilinn dó a mullach Sléibe Crot do dhamh allaid, gur' mharbh Feirchis de. Ocus secht meic áilli Aililla, ar Cinén, cait a fuaradar bás? Benne Brit ros-mughaig iat i cath mhór Mhuighi Mucramha ria mórshochraidi Meic Con.

Áth ísseal ar Magh Mínadhbul, cidh dia tá? ar Cainén. Connla Derg a Cnuc Dhein ro ghonasdar Fiacha Muillethan mac Eogain ann, &ersir; Áth Tuiseal de-sin h-é. Ocus at-bert Cáilte: Ath Tuisil ainm an átha do chach as fis fírfhátha, tuseal tuc Connla Cnuic Dhean ar Fiacha maith Muilleathan.

Ocus cath Samna, ar Cainén, cia lasa tugadh &ersir; cia thorchair ann? Cormac Cas, mac Aililla Óluim, tucastar h-é d' Eochaidh Abhratruadh do rígh Uladh atuaidh, &ersir; do tuit ann Eochaidh Abratruadh, &ersir; do buailed Cormac Cas ann, &ersir; ro bhái trí bliadna déc ica leighius &ersir; a inchinn ac siled, &ersir; sé a ríghi Muman ris-sin. Ocus do-rónad dúnad &ersir; deg-baile aigi ac dún ar sléibh, &ersir; is amlaid ro bhái in dúnad sin, &ersir; loch-topar grinn glainidi ar lár an dúnaid, &ersir; do-rónad rígh-thech romhór aigi imon tiprait, &ersir; ro saidhit trí liagána cloiche uimpe, &ersir; ro suidhiged leabaidh in rígh &ersir; a cenn siar idir na trí h-uaithnibh cloiche sin, &ersir; óclach grádha da mhuintir ag tabairt uisce a cuach nó as sithal ima cenn. Ocus fuair-sium bas iarsin ann, gur' cuired fo fhochlaidhibh talman h-é isin dún-sin. Ocus as de-sin atá Dún Trí Liacc d' ainm fair, ar Cáilte. Ocus as é-sin in scel ro fhiarfaighis dim, a Cainéin, ar Cáilte. Ocus adubairt Cáilte an láidh: Aibhinn gidh in dún-sa thair risa n-abar Dún Eochair, as aibhne fós o thic lá loighe Sadhbha is Oililla. Marbh Sadb do chumaid Meic Con ro gaet Ferchis d' aen-urchor don fhairind ana fharrad marbh Ailill do thámh-ghalar. Ba marbh Eogan Mór gan mheth a cath Mucramha maeithnech, borr-shlat ro las ó ghnímuib marbh Cormac Cas d' fhuill-ídhain. Goin Fhiacha Muillethain mas . meic Eogain gu n-airechas, lór a sholmha ro bái tan ro gaet Connla ic Áth Leathan. Ocus Áth Lethan bodhéin sloindit sár-fir co sár-céill is Dun Eochair os maidh móir caidhi fochaind a claechlóigh? Áth Sisel ainm in atha is e so in fis fírfádha, don tuisel tuc Connla a Cnucc Dean ar Fiacha maith Mullethan. Cath Samhna ro ládh ann soin ann ba raen madma ar Ulltaib, do buailed Cormac 'san cath do marbad rí na n-Ulltach. Tángadar a chnedha ris re mac rígh fega findlis gilla nár' bho dimbuan bladh usce innfhuar ro fhoiread. Gach lá do théiged fon es mac Oililla Cormac Cas, an leas dia m-bí do bo ghar dul fo Es Maighi mor-ghlan. Do-luidh as co dún ar sléib co dún a athar budhéin, ro saidhtea tri liaga lais d' innfhuarad a chinn chaem-chais. Dona trí liacuibh at-ciat aderar ris Dún Trí Liac, as é ainm ó sin ale tar éis ChormaicChinn Chlaire. Marbh mac ríg Muman iar soin do chneaduibh is d' fuill-idhoin, ro adnacht 'san dún glan grind a leabaid innfhuair áibind.

Dála Mhuiredhaig mheic Fhinnachta rígh Connacht indister asa h-aithle-sin. Ro bói mac grádach aigi .i. Aedh mac Muiredhaigh, &ersir; ro fuacradh imáin ag macraid choicid Connacht in tan-sin, &ersir; ruc Aedh mac Muiredhaig sé cluichi ar an macraid gan nech do chuidiugud leis &ersir; ro shuidheastar iarsin, &ersir; ro ghab slaedan tiughmaine tiudhmaine tiughbaidhi , trom-ghalair h-é, &ersir; fuair bás annsin, &ersir; ro h-innisedh da mhuinntir sin &ersir; da mhathair .i. Aifi Foilt&fdot;ind ingin rígh Ulad, &ersir; do-rónad nual-ghubha mór ag mnáibh an cóicid do bhás in macaimh-sin, &ersir; adubhairt a mháthair a thabairt a n-ucht in Táilcind .i. in tí dar' thidhluic Dia Eire uile, &ersir; comus lesaigti cáich innti. As imdergad mór leam-sa sin, ar rí Connacht, mun bhadh deoin do féin h-é.

As annsin do-cuas ar cenn Patraic asin pubaill a raibi rí Connacht cona slóghuibh, &ersir; in mac marbh ann, &ersir; brat corcra corrtharach thairis &ersir; culpait chaemh chorcardha 'na thimceall. Ocus adubairt a mháthair &ersir; a trí comhaltada &ersir; a deirbhshiur cumad marbh da chumaid iat. Ocus ó 't-chuala naem Pátraic sin ba truagh lais, &ersir; tainic a chraidhe forro.

Is annsinn tucadh loing-shithal bhán-oir chum an chléirig, &ersir; a lán d' uisci innti, &ersir; coisercaidh in t-uisqi, &ersir; tucadh a cuach fetta finn-aircit an t-uisqi, &ersir; éirghis an naem- chleirech &ersir; tócbais in chulpait caeim corcordha, &ersir; tuc trí bainne don uisqi a m-bél Aedha meic Mhuiredhaig, &ersir; in treas loim tuc ina bheol ro éirigh ógh-shlan, &ersir; tuc a láimh dara agaidh mar do beith a m-bandail no a cuirm-thigh, &ersir; do éirig asan imdhaid amach. Cáilte cecinit: Aed mac Muiredaigh meic Fíndachta air re h-imred fir-ferta ro athbeóaigh Patraic co m-blaid re h-athlum 'san aidchi-sin

Ocus ba subach somenmnach na slóig de-sin, &ersir; do creitset do Dia, &ersir; tucsat a cinn a n-ucht Patraic, &ersir; tucsat a comus ó bhic gu mor dhó, &ersir; do bádar annsin re h-edh na h-oidhche- sin co tainic lá cona lan-soillsi, &ersir; ro fhácbhatar in baili arnamhárach. Ocus táncatar na slóig uili rompa a n-Gannmhagh, risa n-abar Magh Find isin tan-so, &ersir; i Tochar an Bhanchuire, re a ráidhter Tochar Find isin tan-so, &ersir; lámh dhes re Ros na Fingaili, re n-abur Ros Camain isin tan-so .i. nái meic Uair meic Idhaist ro marbsat a chéli ann, conad de aderar Ros na Finghaile ris, &ersir; do Ráith Glais, re n-abar Raith Brénaind. Ocus ro saidhed pupall rígh Connacht annsin, &ersir; do-riact Patraic &ersir; Cáilte, &ersir; ro suidhset ar an firt fótbaig ós or na rátha, &ersir; táinic rí Connacht co lín a shlóig, &ersir; suidhit a farrad Pátraic &ersir; Cáilti.

Is andsin ro fhiarfaig Muiredach mac Finnachta do Cáilti: Cidh dia tá Ráith Glais ar in ráith-si? Adér-sa rit, ar Cáilte. Glas mac Dreacain, mac rígh Lochlainn, táinic cúic catha fichet do ghabáil rígi n-Eirinn, &ersir; is ann tángatar, gu Cathair Dhaimh Díleann, risa n-abar Dún Rosarach, &ersir; is ann bái Find mac Cumaill, a n-Almain Laigen in tan-sin.

Do fhiafraig Muiredach do Cháilti: cidh fa tucadh Almha uirre? Freagrais Cailte: óclach do Thuaith Dé Danann do bhí isin Brugh braenach breacsholus. Bocan a ainm, &ersir; do bí ingen a n-oighi aigi, Almha a h-ainm, &ersir; tucastar Cumhall mac Trénmhoir h-í, &ersir; ba marb do bhreith mheic do Chumall h-í, &ersir; ro múired in tulach tonn-ghlas so thairrsi, gurub uaithi ainmnigther an tulach, &ersir; Tulach na Faircsina a h-ainm co sin. Nó Almha ainm an tí ro ghabh re linn Neimhidh. Nó dana Nuadha drái do-róine dún &ersir; dingna ann, &ersir; do ghab almhain don dún, cunad de atá Almha. Ocus adubairt Cáilte: Almha Laigen, lis na fian bhaili ar' ghnáthaig Find fír-fial, atá sunn do réir gach shin an ní dia fuil in t-ainm-sin. Almha ainm in fhir do ghabh re linn Neimhid co nert-bhladh, marbh thall 'san tulaig uaine do thámh obunn én-uaire. Oclach d' Feruib Bolg nár' bhaeth Iuchna ba h-ainm don óclaech, ba lán an dún tiar is toir do éidib &ersir; da almhoib. Luidset á tainti le tart d' ól usce cum na tiprat, gleacsat le truma a tarta gur' fhacsat a n-adharca. d' adharcuibh na m-bó m-breac m-bán ro fhágsat imon uaran, as de fhuil ann sunna 'na Adharc Bó Adbhul Iuchna. Coic inghina ac Iuchna ard 'con óclach ghasda glé-gharg, is uathaibh-sin leath a fat gach ferann mar do ghabhsat. Carman i Carman nach mín 'ga m-bitis baird sel co m-brigh, ben Trega 'na thigh treorach nir'bh í ben ná h-aithgeonadh. Mag Life ar lí an óir gun og-mhnai gasda geal-mhoir, dar leam ni senchas soebh so 'san cóiced ingen Almho Nuada drai ba gilla garg. do-ronad lais Dun Dronard a n-Almhain gu n-gloine n-grinn do shonnach a dhúin dighainn. Aein-gheal an dun dreimnibh drann mar do ghabadh ael Eirenn, don alumhuin tuc o thoigh as de ata Almha ar Almain.

Is maith do h-innised an scél-sin, a Cháilti, ar Muiredach mac Finnachta. Is ann do bámar-ne annsin, ar Cáilte, a n-Almain Laigen, &ersir; ráinic fis na loingsi-sin chugainn, &ersir; as í tuc an fis-sin lé, Sprédh Aithinne, ingen Mhughna Míancraesaigh, bain-echlach rígh Eirenn. Ocus do gairmedh a bhain-echlach cum Find do thinól &ersir; do thoicheasdul Fhian Eirenn &ersir; Alban, &ersir; do thinóil Cormac ua Cuinn tuatha Temra &ersir; buidne Breagh &ersir; mór-shochraide b-fer n-Eirenn, &ersir; tancatar cúic catha fichit cusan mag-so, &ersir; do-ronad crandchar idir in bh-féinn &ersir; aes na treabaire cia dhíbh da roised tus do thabairt an chatha dona h-allmharchaib, &ersir; ro-siacht don Fhéinn in cath do thabairt ar tús. Tucad in cath gach lái co cenn sectmaine &ersir; ro marbad cuic cét déc d' allmarchaib &ersir; d' Eirennchaib, &ersir; tucadh in mór-chath iarsin &ersir; torchuir Glas le Finn mac Cumaill, &ersir; torcratar a secht meic leisin Féinn. Ocus tri .l. óclach do-cuamair-ne maraen re Find do chur in chatha-sin, &ersir; do thuit .l. laech la gach nech uainn, &ersir; do-chuamar-ne triar oclach don Fhéin maraen re Finn isin phupaill a raibhi Glas mac Dreagain, &ersir; fuaramar nái n-uaitne óir ann, &ersir; an t-uaitne ba lugha díbh ba commór re cuing n-imechtair, &ersir; ro fholchamar isin móin ruaidh se don taeibh tuaidh don ráith iat.

A Ráith Glais cosa tathaighmis tathaighemais mór n-uair, do fhoilghes nói n-uaitne óir isin móin rét múr atuaidh. Tríar bamar 'ca folach-sin ba h-é ar lin re ar comáirem, Find is Oisin, Cailti cruaid sind ros-folaigh re h-en-uair. Tri coecait ro lodmair-ne faré Find co mét maisi, marbsum coecait cech tratha fa cladh na ratha glaisi.

Ocus do cuireadh Glas mac Dreacain fo thalmain annso, conadh uaidhe ata Ráith Glais ar in ráith-so.

Ad-rae buaid &ersir; bennacht, a Cháilti! ar Pátraic, is maith an scél do innisis duinn: &ersir; scríbhtar an scél út lat, a Brocáin, &ersir; do scribh Brógán.

Ocus do bádar annsin re h-edh na h-aidhchi-sin, &ersir; do éirghetar co moch arnamhárach, &ersir; táncatar rompa i Ré Carpuit Fearghusa, frisa raidhter Imaire Meic Chonnrach isin tan-so, &ersir; do Cnuc na Ríg, frisa n-abar Uarán n-Garad, &ersir; do gabadh sosad &ersir; longphort les ann, &ersir; do srethad a phuball tar cend irsi na n-Gaedel .i. tar Pátraic, &ersir; do chan a thrátha annsin, &ersir; do bennaig an tuluch taebh-áluinn togaidi &ersir; do ráidh: Bid h-í so an t-ochtmad releac dhéc bhus dili leam a n-Eirinn. As eadh ar doilghi, ar rí Connacht, gan uisce a comfhochraibh di. Madh deoin don Dúilemain, ar Pátraic, biaid usce annso.

Is annsin ad-racht Pátraic &ersir; beann cairrgi cloichi ad-connaic a n-imeal in bhaili táinic do h-innsaighidh, &ersir; saidhis a trosdán isin carraic gur' ben re grian &ersir; re grinneall, gur' mebhadar trí sreabha d' uisqi eochar-gorm fir-uaine asin carraic. Fácbala ar in tiprait, a naemh Patraic, ar Beneoin. Coimgi gu cenn nomhaidhi do gach neach ibhes a h-uisqi, ar Pátraic, &ersir; ma h-uime bus marb é nem Dé dó, &ersir; usce Eirenn uili do dhighbhugud fo trí re deiread an domain tre mhóid in Dúileman, &ersir; Eire do leasugud asin tiprait-si, &ersir; in t-uisqi-se fo trí do thabairt cum duine galair, &ersir; ni fhuil aincis nach foirfe.

Indis athscél scel athscel duinn, a Cháilti, ar Patraic. Indésat, ar Cáilte, scél ima tarmairt fianna Eirenn, etir choin &ersir; duine, do mharbad aran tulaig-si a d-tai. Guaire Goll &ersir; Flaithes Faebrach, dá ghilla imairchthe fithchle Find, &ersir; táinic óclach d' imirt fidchle re Guaire ar an tulaig-si .i. Finn Bán mac Breasail, mac rígh Laigen. Imérat-sa geall friut, ar Guairi Goll. Crét in geall? ar Finn. Tri uinge d' ór ó chechtur againn co ceand tri lá &ersir; tri n-aidchi, ar Guaire. Ocus is amhlaid do bí Find Bán as é an treas fidcheallach as ferr do bhí isin Féin h-é .i. Finn mac Cumaill &ersir; Diarmaid o Duibhne &ersir; Flaithius Faebrach gilla na fidchli. Ocus ro raid Oisin so and: Flaithius Faebrach gilla Find 's é is ferr ro imred fithchill, nocha tarraid ar clár beirt lámh budh áille ica h-imbert

Ocus do imredar an dias-sin re trí lá, &ersir; ní ruc Guaire én-chluichi rissin, &ersir; do thuit a gheall uadha, &ersir; tucastar ail &ersir; aithis ar an óclach ele, &ersir; adubairt nár' ghilla a n-gillaighecht h-é, &ersir; nár' óclach i n-óclachus &ersir; nár' ghaisceadach a n-gaisced. Ocus tócbus Finn Bán in láim, &ersir; tuc dorn do Ghuaire co tuc trí cláir-fhiacla asa charpat uachturach &ersir; tri fiacla asa charpat ichtarach. Ocus do tarla ina luighe ar chlár na fidchle. Indister sin don rígh-feinnid, &ersir; adubairt Finn Bán cona mhuintir do mharbad. Dom bhréithir, ar Oisin, ní muirbfider, acht rachaid i m-breith Cáilte &ersir; Diarmata í Dhuibne &ersir; Fhergusa Fínbeoil .i. ollaim na Féinne, duit-se, a Fhinn. Ocus rucsat an triar-sin a m-breith .i. áit a comraicfisi &ersir; gilla Finn Bháin tabair-si dorn dó, &ersir; rachaid ascaidh duit-si leis sin .i. uingi d' ór ó gach tháisech Féinne d' fiannaib Eirenn; &ersir; do-rónad síd amlaid-sin acu. Ocus a cinn fichet bliadan tángamur gu Caill Coimhéda i crích Ua Tairrsid Laigen, risa raidter Druim Criadh isin tan-so, &ersir; do-chuadar an Fhian do sheilg, &ersir; do fhacbhatar óclach don Feinn ac coiméd in bantrachta dar' bho comainm Garad mac Morna, &ersir; is amhlaid do bhí Garad annsin 'ar techt urmhóir a aeisi, &ersir; 'ar marbad a bhráithrech acht becan namá. Ocus adubratar na mná ris-seom: Maith, a anum, a Gharaid, in áil let-sa fidchell d' imirt frinne? Ni h-áil immorro, ar eisium. Cidh ón? ar an bantract. Laithi n-aen do bámar-ne ac Tulaig na Rígh &ersir; ag Loch an Eoin a cuiced Connacht, &ersir; do innis an scél dóibh, &ersir; is é so é, a naemh Pátraic. Ocus adubairt ben dibh: nách uime do fácbhadh Garad inar farrad-ne do dhénam theined duin &ersir; d' imirt fidchle rinn, uair do-chuaidh ara lúth &ersir; ara lámach, &ersir; loighi aeisi dho in loighi a d-tá. Darm' bréithir, ar Garad, is glor ban m-bidhbad sin, &ersir; gidh fada do beinn-si a coimhlenmain na Fénne nírsat carait bunaid fa deredh iat. Is annsin ro addá theinid moir isin m-bruidin &ersir; ro dhúin na secht n-dorais bai uirre, &ersir; táinic féin amach &ersir; tuc a airm leis, &ersir; adubairt riu-san an sen-rann: A mna áilli Fénne Finn imridh-se féin bhur bh-fhidchild, sib-si sósar in rígh ghlic misi senóir, sean m' imeirt. Bruth aeisi orm snas ar sin an comhaes re bhar n-aithribh, is áithe cach n-delg as só níchom-aeis ar comh-chluicheo. Cumain lim lá ag Loch an Eoin ni maith senóir gan sein-sceoil, do tarmairt ar n-ár uili tre imarbháigh én-chluiche. Do bí Guaire gilla Finn ag fáith-imirt ar fidchill, ocus Finn Bán mac Bresail da tarla dóibh imresain. Dob ferr d' imertach Finn Bán iná Guaire a Glaiss berrán, ruc Finn Bán cetra cluichi ní ruc Guaire acht én-chluiche. Fásaid ferg mór a n-Guaire re mac Bresail brat-uaine, do-ráidh olcc daririb ris tréna beirt n-dírig n-dílis. Ba mór imnairi Fhinn Bain is tócbaidh gu luath an láimh, gur' ben tar bél Guaire gloin dorn ó mhac buadach Breasoil. Eirghit suas an Fhian amra fhial oscurdha fhír-chalma, saeth leo gilla na flatha do bhualad tré droch-fhatha. Eirghit suas fianna Find bháin is fian meic Cumaill d' én-láim, fiann Cáilti, fian Conáin chain fian Oisín, fian Fherdhomhain. Ergid a l-los gaiscid gloin fiann Find fein, fian Mail Enaigh, fian Duib Drumann a Ros Guill fian Guill ocus fian Irguill Is ann adubairt Find féin dech amuich, a meic mhóir-tréin, cidh 'ma fuil ferg na Fénne crét adbar a coiméirghe? Guaire do ghilla-sa, a Fhinn óclach do bhi fot fhidchill, ni maith in t-adbar da fuil a marbad do mhac Breasuil. Gabar mac Bresail cen brath ar mac rechtaire Temrach baeth do neoch cemad tren-fer marbad gilla in righ-féinded Gabhthar mac Breasail, ar Finn ná gabhthar comha da chinn, ní ba comairce dhó dhe Diarmait, Oisín, ná Cáilte. Dar do láimh, a Fhinn gu n-glóir dar h' uaisli is dar h' onóir, ní muirbhfither mac Breasail ó tarla 'na imreasain. A athair, oiris 'gut chéill a mheic Cumaill, ar Oiséin, breth dírech as dú do fhlaith is ní briathar bhaeghal-bhraith. Gidh sinne no beth gan chosc dit-sa dlegar ar tecosc, tabair fod déid fis do mér na beir luaith-breith ar leith-scél. Gabhthar Faelchu mac Fir Chruim gilla meic Breasail barr-truim, mad do marb-san Guaire glan marbhthar lat-sa féin Faelchad. Tiaghmait i n-degaid Fhinn Bháin ó mac Cumaill einech-náir co tucsam mac Breasail lenn co righ-fhéinnid Fían Eirenn. Do fhiafraig Find d' Finn aili Find mac Cumaill Almhaine, créd 'má raibhi do Ghuaire ar n-imthecht ar n-anbhuaine? Guaire do ghilla-sa, a Fhinn bachlach do bhí fat fhidchill, táinic tri maitne muichi rom-greannaig fa én-cluichi. Rucus cetra cluchi annsoin ar Ghuaire mac Beobeartoigh, rom-loisc in uair fa lonn leis tre fheirg ocus tre aitheis. Do-rat orum aithis tenn a fhiadhnaisi Fhian Eirenn, nír' bhám gilla, nir'bam laech tan ba h-airc nír 'bham óclaech. Tócbhaim mu láim n-dirigh n-deis nocha n-dernas ann eisleis, do-radus dorn dara bhél ni innisim acht fír-scél. Bennacht don láim do-rat dó ar Oisín, ní h-imargó, do gilla-sa, a Fhinn na fledh ní gan fathadh do buailed. Muna maithi in dorn co daith ícfaither rit, a ard-flaith, rot-fia screabal óir gach fir olc dia m-bíthea gan chluinsin. Doigh damad maith let-sa sin a n-olc do chosc ót ghillibh Guaire, Comán, Saltrán seng ag imdergadh fian Eirenn. Guaire do imderg Finn Bán Glas d' imdergad do Chomán, mó gach scél Saltrán solam do rádh uilc re Ferdhoman. Finn mac Breasail ó Ráith Chró mad thuc dorn dod ghilla-so, tabair a fhlaith na corn cain dorn do gilla meic Bhreasail. Beir mo bennacht, eirg dot thoigh ar Finn re Finn mac Bresail, luach a n-dubairt Guaire féin dligid sár-briathar sár-béim. As í ascaidh iarruim ort a flaith na fian faebhar-nochd, narub bés ó aniu cu bráth gilla d' fhuigeall re h-óclach. Tucsam lughi lámh do láim fian meic Cumuill einech-nair, nach lémadh beith a b-féin Fhinn gilla nach tibhredh uirrim. Misi as gilla dháibh anocht orraim uaim dhaibh, a bhanntrocht, tucus form bréithir theglaich nach trotfainn re h-ingenraidh. Gidh cian do bheimís male a bhanntracht Finn Almaine, cein bus cumhan lim rem lá ni imér-sa ribh, a mhná.

Ad-rae buaid &ersir; bennacht, a Cháilti, ar Pátraic, is maith an fis &ersir; in forus-sin do innisis.

Ocus do éirghetar in slógh rompu do Carnd na h-Airmi, risi n-abar Carn Fraeich meic Fhidhaigh isin tan-sa, , &ersir; táinic Pátraic suas isin cnuc. Maith a anam, a Cháilti, ar Pátraic, ar' chreideabair-se do ríg nime &ersir; talman, nó an fetubair a beith ann etir? Frecraidh Cáilte sin: ro fitir in flaith-féinnid, ar Cáilte, ór ba drai &ersir; ba fáidh &ersir; ba flaith é, &ersir; do thuicemar-ne uili cu raibhi Dia ann tré urchra n-oidche ad-conncamar. Crét an urchra-sin? ar Pátraic. Teglach mór bái ag rígh Eireann ac Cormac mac Airt, deich fichit mac ríg bá sedh a lín, &ersir; ní bái duine díb-sin acht mac rígh &ersir; ríghna, &ersir; ni tabrad duine dib-sin ben acht ingen righ &ersir; righna &ersir; ac Ros na Rígh fria Temhraig anorthuaidh no bítis. Crét in ros éisein? ar Pátraic. Ros Cailledh, ar Cáilte, &ersir; míle do cenél gacha crainn ann. &ersir; do bhí ríg-bhruiden romór ann ag na macaibh rígh sin, &ersir; ní déntai acht a cuid do thidlacad o Themhraig dóib, &ersir; do bádar iar n-ól &ersir; iar n-áibnes adhaigh ann, &ersir; ro déirget a n-imdaidhi dóibh, &ersir; do bádar ann re h-edh na h-oidhchi-sin.

Is annsin táinic prímh-rechtairi na Temrach .i. Binde Bóinde d' agallaim mecc rígh Eirenn do bhí isin bruidin, &ersir; ro dhéch uime in tech, &ersir; is amlaid do bátar, &ersir; siat marbh uili, &ersir; do thuicemar assin go raibi in fír-Dhia forórdha ann .i. in nech aca raibe comus &ersir; cumachta orainn uili. Ocus at-bert Cáilte: Baili na ríg, Ros Temhrach ann ba meinicc mór-theglach, ba h-imdha sluag is groigi ar a thaebh go tonn-ghlaine. Deich fichit mac rígh ba ráin do bí 'san teglach trom-náir, an coimlín cétna do mnáibh do bhí 'san tulaig thonn-bháin. Ni faca urchra mar soin a Pádraic uasail idhoin, iar n-dul uili as male in slóg do bí i n-én-bhaili.

Ocus do h-adlaiced isin tulaig-sin na deich fichit fer &ersir; na deich fichit ban sin, conid Cnoc an Áir ainm in chnuic ó sin alé, &ersir; dála na cailledh a rabatar ro shluic an talam fana comair in ros uili, &ersir; ro thuicsem ríg nime &ersir; talman trít-sin, ar Cáilte.

Ad-rae buaid &ersir; bennacht, a Cháilti, ar Pátraic.

Is annsin adubairt Cáilte: As mithigh dam-sa imthecht amárach, a anam, a naem Patraic. Crét um a n-imthighi? ar Pátraic. d' iarraid cnoc &ersir; céite &ersir; dingnadh in bhaili i r-rabutar mu choicli &ersir; mu chomaltada &ersir; in flaith-fénnid &ersir; maithi Fian Eirenn am fhochair, ór is fada lim beith a n-aein-inad. Ocus do bátar ann in adaig-sin, &ersir; do éirigh in slóg uili, &ersir; do éirigh Cáilte, &ersir; tuc a chenn a n-ucht Pátraic, &ersir; adubairt Pátraic: Nemh uaim-si duit gibé inad amuich nó a tigh a n-gébha Dia lámh ort am écmaisi.

Is andsin do éirig Muiredach mac Fhinnachta ri Connacht roime d' imluadh a ríghi &ersir; a fhlaithiusa, &ersir; táinic Pátraic roime do shílad chreitmhe &ersir; crabaid &ersir; crois-fighill &ersir; do dhíchur deman &ersir; druadh a h-Eirinn, &ersir; do togha naemh &ersir; fhírén &ersir; do tocbáil cros &ersir; uladh &ersir; altoiredh, &ersir; do thairnemh idhul &ersir; arracht &ersir; ealadhan n-dráidhechta.

Dála Cáilti immorro, ráinic roime budthuaidh co leathan-Magh Luirg in Dagda, &ersir; tar Corrshliab na Féinne, risa raidter Es Mac n-Eircc isin tan-so, &ersir; i Sliabh Seaghsa ua Eibric budtuaidh, &ersir; i m-Bernaidh na Cét, risi raidter Ceis Coruinn, &ersir; a clár-machaire in Choruinn amach.

Ocus is annsin at-cualadar in fidhrén adbal da n-innsaigid, &ersir; déchain ro déch Cáilte secha co fhacaidh na nái ndaim discire alltaidhi, &ersir; tucsat nái n-urchair doib, gur' marbhsat na nái n-daimh, gu raibhi cuid na h-aidhche acu, &ersir; do thócbhatar orro iat, &ersir; tucait co h-Es Meic Modhairn, re n-abar Es Dara, &ersir; i Crích in Cosnama, re n-abar Crích Cairbre, &ersir; do Rinn Eabha inghine Geibhtine meic Morna, áit ar' bháidh tonn tuili h-i, &ersir; do Druim Derg re n-abar Druim Cliabh, &ersir; d' Áth in Chomraic, re n-abar Áth Doim Ghlais. Ocus luidhset as sin rompo co Leacht na Muice co Beind n-Gulban, áit ar' marbh an muc Diarmait ó Duibhne, &ersir; gu mullach na tulcha tond-glaisi suas, áit i tá Leabaidh Dhiarmada. Ocus do chuir Cáilte a arma re lár ann, &ersir; do luigh ar leacht &ersir; ar lighi a coicli &ersir; a chomhalta &ersir; a fir grada .i. Diarmata ua Duibne,. &ersir; ro cháiestar déra folcmara fír-truagha gur' bhó fliuch blái &ersir; bruinne dhó, &ersir; adubairt: truagh amh mar do-chuaidh mo coicli &ersir; mu chomalta uaim! Ocus o bátar ann ó medón lái co crích fuinid nóna. Truagh sin, a chairdi, ar sé, ni bhadh dúthracht lim-sa dul ón lighi-se cu bráth do chumhaid Diarmada &ersir; a chloinne. Cidh ón, ar Flann mac Failbhe: in rabhutar meic ag Diarmait? Do bátar immorro, ar Cáilte, &ersir; ac so a n-anmanna: Anmann mac n-Diarmada duinn re h-ingin Cormaic h-í Chuinn Donnchad is Illann is Uath Sealbuch, Sercach is Iruath.

Ocus in t-Áth Daim Glais sin adubramar, as ann do chomraic Cailti coscair ríg re Dithrumach mac in Scáil, meic Eogain, mac ríg Muman &ersir; mac máthar d' Finn h-é. Ocus at-bert Cáilte: Do chuirset comhlann cu cruaidh a fiadhnaise in t-slóig mhóir mhais, tócaibset fidhbadh ra feirg ar in leirg ós Áth Daim Ghlaiss. Cáilte ro dhibraic ar tús in sleigh tre dlús gaiscid grinn, nír' mhó iná a cur as a láimh in uair tarla an t-sleg áigh inn. A lámh dhes is a chos chlé do bhen do Dhíthrumhach dhían, a cenn do fác Cáilte cruaidh don táibh atuaid do Druim Cliab.

Ocus lotar rompo gu Caill na m-Buiden, re n-abar Caill Muadhnatan, &ersir; tar Beinn Gulbain Guirt mheic Mhaeil Ghairbh bothuaidh &ersir; gu Garbhros, re n-abar Daire na Damhraidhi, &ersir; do-ghniat fian-both fairsing fulachtaidh and, &ersir; ro ecratar h-í do sheisc barr-ghlais buin-ghil ó féici co fornasc, &ersir; do-rónad inneonadh &ersir; fulachtadh leo ann. In fuil uisci a n-imfogus duin? ar fer dibh. Atá ámh, ar Cáilte .i. Tipra Oisín. Is dorcha an adhaig, ar na h-ócláich. Ni damh-sa is dorcha, ar Cáilte, uair ni fhuil inad asa tabar lán én-chuaich a h-aill na a h-abhuinn no a h-indber a cúic oll-coigeduibh Eirenn nacham eolach itir lá &ersir; oidhchi indtib-sin.. Ocus ro gab cuach airgdidhi isin dara láimh do, &ersir; a shlegha crann-remra cró-dhaingne isin láimh araill, &ersir; táinic roime docum na tiprat, &ersir; at-cuala in m-blaisechtaigh &ersir; in m-buaidirt ar an uisqi, &ersir; is edh búi ann, torc taeibh-leabar ag ól an uisqi; &ersir; tucastar a mhér a suaineam na sleigi seimnigi sodibraicthi, &ersir; tuc urchar don mhuic co ros-marbh, &ersir; ruc leis ara mhuin &ersir; in cuach 'na láimh ar aen-rían.

Ocus do bátar ann re h-edh na h-aidhche-sin, ocus tángatar rompu arnamhárach tar Es Ruaid Mheic Mhoduirn, &ersir; co Sídh Aedha Esa Ruaid, ocus ar tiachtuin dóibh and at-cíat in t-óclach ar an tulaig tonn-glais ar a cinn, &ersir; brat corcra corrtharach uime, &ersir; dealg aircit isin brut ós a bruinne, &ersir; geil-sciath co tuaigh-mhílibh óir deirg fair, &ersir; cuach-shnaidm loghmur ar a fholt, &ersir; dá choin shelga ar slabraduibh snímacha sen-aircit 'na láimh, &ersir; airm tréna trom-ghlasa 'na láim. Ocus ar rochtain do Chailti dha innsaigid toirbiris teora póg co dil is co díchra dhó, &ersir; suidhis ar in firt 'na fhochair.

Cia thusa, a ócláich? ar Cáilte. Derg Dianscothach mac Eogain, a tuathaib Uisnig amuich, do chomalta budhéin. Cinnus ata dó betha ag muintir do mháthar? ar Cáilte. Ní fuil a n-uiresbaid duin do biudh na d' étach, ar an t-óclach, &ersir; ba h-iat triar is mesa betha búi isin Féin .i. Ligarne Licon &ersir; Semenn Sacaire &ersir; Bec Gilla na m-Brodhmucc, &ersir; ro badh fhearr lim-sa beith 'na m-bethaid-sin iná bheith isin bethaidh a fuilim isin t-sídh. Gidh uathadh duit-si oc seilg aniu, ar Cailte, at-connarc-sa thu cu mór-bhuidnech a Comar Trí n-Uisqi tes, áit a comraic Siuir &ersir; Beoir &ersir; Berba, cuic cét décc óclach &ersir; cuic cét déc gilla &ersir; cuic cét déc ban. Ocus at-bert: Uathad selga sin a Dheirg do scaruis redt fheinn 's ret' sheilg, inat eolach, comull n-glé a n-oidheduib na Fénne? Am eoluch-sa, línibh gal gach baile a torchratar, gé bheth i síth mo cliu chain fuil mo menma ar na fianaibh. Nocho rabha-sa fós riamh toir na thuaid na tes na thiar, bhaili bud gairdi rem ghal ná na mesc gémad uathad.

Maith, a anum, a Deirg, cia don Féinn ata isin firt fótbaigh ar a tám? ar Cáilte. As misi &ersir; tusa ro adhlaic h-é, ar Derg, cóir gia beth a fhis acam. Ocus at-bert: Cuinnscleo gilla, mac Annscleo ros-foirrghedh fira a fuirrsceo, naenbar for dairbre n-duillech foirrged in cuinged duinnscleo. Cuinnscleo gér' bhaeth nír' briathrach do bo laech i ló luaith-creach, áit a tollta scéith breaca nochar' é in t-egal uaimhnech.

Ocus is e-sin, a Cailti, atá isin firt fótmaighi-sea, &ersir; is sind araen ro cuir fa fochluidib talman

Cia risa n-derna an rith dian doilig, a Dheirg? Risan ech n-dub ro bái ac Dil Mac Da Creac, ar Derg: Each dubh ac Dil Mac Dá Creac in gach cluiche ro chuirset, ocon carraic ós Loch Gair ruc trí lán-bhuadha an aenaig.

Gá tech a rabhumar in adhaigh-sin, a Cháilti? ar Derg. A tigh Catháir meic Ailella, ar Cáilte, ar m-breith Finn &ersir; na Fénne leis ar cuiredh. Ocus do bámar teora lá &ersir; teora h-oidhchi a tigh Catháir cen athscis, gan uiresbaid bídh na leanna na leasaigthe ar ar sluagaibh. In tucsam ní dhó, a Cháilti? ar Derg. Tuc Finn, ar Cáilte, trí cét bó &ersir; .ccc. brat &ersir; tri cét uingi dh' ór. Ocus adubairt Cáilte: Trí cét bó is trí cét brat trí cét claidem ba comnart, do-rad Finn fiach a leanna do Caithír mac Ailealla.

Cia tuc in t-ech dub d' Fhinn? ar Derg, an h-é Dil Mac Da Creaca nó an h-e Caithir mac Ailella? Fregrais Cáilte co comnart sin: Ní nechtar dib, ar Cáilte, acht Fiacha Muillethan mac Eogain, ar Cáilte; &ersir; adubairt: Ac súd duit-si an t-ech dub dian ar Fiacha re flaith na fian, ac sut mu chloidem gu m-blaidh ocus ech uaim dot araidh. Luid Finn d' imluad an eich duibh gusin tráigh ós Berramuin, is teichim-se di fo trí or baam luaithi aná gach ní.

Ocus luidh an t-ech gu cenn iartharach na trágha, &ersir; fuair bás ann do ghal retha, conad Tráigh in Eich Duibh ainm na trágha, &ersir; Tráigh Berramain a h-ainm co sin.

Is dered do ló ann, ar Cáilte, ór do-chuadar neoil áilli aen-gela an lái as, &ersir; táncatar damalta dorcha na h-aidchi chucainn.

As annsin táinicc Derg Dianscothach roime isin sídh anunn d' urfhuigeall Cháilti re h-Ilbreac Easa Ruaid &ersir; re h-Aedh Minbrec mac an Daghdha, &ersir; do innis a imacallaim re Cáilte ó do-riacht chuice co h-aes na h-uairi-sin. A thabairt isin sídh, ar siat, ór do-chualamar a einech &ersir; a engnam. Ocus luidh Derg ara chinn, &ersir; ruc leis é cona mhuintir, &ersir; ro suidigedh iat ana n-inadaib dílse dingbhála isin t-síd. Ba h-í-sin aimser do-rála cocad mór idir Lir Sídha Findachaid &ersir; Ilbreac Easa Ruaid, &ersir; ticedh én co n-gob iarnaide &ersir; co n-err teinedh ar fuindeoig ordhaidi isin t-sídh, &ersir; do chrothadh é gacha nóna ann, cu nach fácbadh claidem ar cenn-adairt, ná scíath ar dealgain, ná sleg ar aidhlinn, gan leacadh a ceann lochta in t-sídha. Ocus do bítis lucht an t-sídha ica dibhracad, &ersir; cech urchar do-berdis cuici is ed do thecmad ar cenn meic nó mhná nó dhalta do lucht in t-sída . Ocus ro h-ecradh a tech n-ola in adhaigh-sin aca, &ersir; do-riacht in t-én cédna chuca &ersir; do-róine in t-aidmilledh cédna. Ocus do bhádar luchd in t-sídha 'ga dibhrucad &ersir; nir' chuimngetar a bec dhó.

Cia fot atá in t-én mar sút? ar Cáilte. Ré bliadna anosa, ar Derg, ó ro gabsam cocad &ersir; lucht an t-sídha aile. Ocus it-bert Ilbrecc so and: Fó fos nargart fiad firu airm n-grindi colg dremni dibad dasachtach ni duindi is fó .Fo. fos An extra line is taken by the apparatus criticus in the text; this blank line is added to keep the numeration references to the hard copy correct.

Is annsin tuc Cáilte a láim a comraidh a sceith, &ersir; fleasc umhaidhi bái aige, &ersir; tuc urchar don eon di trena ucht cu rus-marb d' oen-urchar, co tarla ar lár in t-sídha cuca é. In n-derna nech riam lámach budh fherr iná sin? ar Ilbreac. In raibi isin Féin, ar Aedh Minbreac Esa Ruaid, nech bhudh commaith lámach frit-sa? Báigim-se mu bhréithir ris, ar Cáilte, nár' bo cóir do neoch sech araili díb bocasach do dhénam, ór do bhí a lór-dhaethain lúidh &ersir; lámaigh in gach fhir dhibh, &ersir; do bhí indam-sa, 'no, ar Cáilte.

Is annsin tuc Ilbreac a láim secha suas, &ersir; tucastar gái nemnech áith uillind-glas da h-aidhlinn, &ersir; tuc a láim Cáilti h-í. Decha lat, a anum, a Cháilti, cia in t-sleg-sin, &ersir; cia d' fhiannaib Eirenn ica raibhi? Ro benastar Cáilte a foirtcedh &ersir; a h-incasnaidi don t-sleig, &ersir; do bátar tricha semann d' ór thíre Araibe ar a chró. Aithnim-si so, bar Cáilte: sleg Fiachach meic Congha, &ersir; is ón t-sleigh-si do ghabh Find mac Cumuill ríghi Fíann Eirenn &ersir; Alban ar tús, &ersir; a Síd FinnachaidSídh fhér-uaine Fhinnachaid tugad í, &ersir; Aillén mac Midhna do Thuathaib Dé Danann do tigedh ó Charn Fhinnachaid atuaid co Teamraig, &ersir; is amlaid ticedh, &ersir; timpain ciuil 'na láimh, &ersir; do codlad gach nech at-cluinedh h-é, &ersir; do chuiredh ainnsein cairche teined as a bheol, &ersir; ticedh co Temhraig i líth-laithi na samhna gacha bliadhna, &ersir; do seinnedh a thimpan, &ersir; do chodladais cách risin ceol sídhi do-níth, &ersir; do shéidedh a anáil fon cairche teined, &ersir; no loiscedh Temhair cona turrscar gacha bliadna amlaid-sin fri ré trí m-bliadan fichet. Ocus ba sí-sin aimser a tucad cath Cnucha, &ersir; do thuit Cumull mac Trénmhóir and, &ersir; do fhácaibh ben torrach da éis .i. Muirne Munchaemh ingen Taidg meic Nuadat.

Ar n-díth Cumhaill tugad rígh-fhéinnidhecht Eirenn do Gholl mór-glonnach mac Morna, &ersir; do bí deich m-bliadna aigi. Rucad iarum mac do Chumhall .i. Finn, &ersir; do bhí ar foghuil &ersir; ar díbhfheirg cu cenn a dheich m-bliadan. Ocus do-rónad feis na Temra isin dechmad bliadain le Conn Cétchathach, &ersir; amail ro bátar fir Eirenn ag ól &ersir; áibhnes i Tigh mor Midchuarda nír' rathaigset ní no gu riacd in maccamh óg il-dealbach cucu, a cind a deich m-bliadna, &ersir; ro shuidestar a bh-fhiadnaise Cuind Chétchathaig, &ersir; Ghuill meic Morna, cu maithib Fian Eirenn uime isin tig, &ersir; ba do bhuadaibh feisi na Temra na lamadh nech fala ná frithfala do thabairt fri ré caeicdigis There is a mistake in the lineation of the edition at this point. Between line 1680 and line 1685 there are 10 lines. The five additional lines are here numbered 1685a-e to preserve the lineation reference to the printed edition. ar mhís airet bíte ag ól — nó do chaithim — feisi na Temra. Ro dhech rí Eirenn in macamh, doigh nir' aithnidh dho h-é ná do nech eli da raibhi isin bruidin.

Is annsin do-riacht a chorn dála gu righ Eirenn, &ersir; tuc a láimh in macaeimh é. As annsin adubairt rí Érenn: Taíi, a fhiru Érenn! &ersir; ro táietar ríghrad co tái tostadach fria guth in uasail &ersir; in ard-righ .i. Cuind. Ocus do fiarfaig iarsin cuich in macaemh? As misi Finn mac Cumaill, ar an macaem, mac don óclach oca m-bái rígi na Fénne annallana, &ersir; tánac do dhénum mu mhuinnterais rit-sa, a rí Eirenn. Mac carut &ersir; fir grádha thu, a mhacaeim, ar Conn. Ocus do éirigh in macaem &ersir; do-rinne a coraigecht &ersir; a mhuinteras fri rígh Eirenn, &ersir; gabus Conn ar leth-láim h-é , &ersir; tic ar gualainn Airt meic Cuinn, &ersir; do gabsat ag ól &ersir; ag áibnes re h-edh is re h-athaid.

Is annsin ad-racht rí Eirenn re beinn m-bláth-cháin m-buabhaill do bhí 'na láim, &ersir; adubairt: Da bh-fhaghainn aguibh, a fhira Eirenn, nech do choimétfaidh Temair gu tráth éirghi do ló amárach gan a loscad d' Aillén mac Midhna do-bhérainn a dhúthchus do, gémad beg, gémad mór h-é. Do éistetar immorro fir Eirenn co tái tostadhach ris-sin, uair no choidelduis mná co n-idhnaib &ersir; laeich letairthe risin ceol sírrechtach sídhi &ersir; risin n-gothán n-glésta n-guithbinn do chanad in fer soinemail sídhi no loiscedh Temair gacha bliadna.

Is annsin do eirig Finn &ersir; adubairt re rígh Eirenn: Créd bus cuir &ersir; bus tennta dam-sa tar do cheann im a chomhall-sin? Cóicedaig Eirenn, ar Conn, ocus Cithruadh mac Fir Cóecat cona dráithib. Ocus tugaid uili isin coraighecht, &ersir; gabus Finn do láim Temair cona turrscar do coimét gu trath éirghi arnamhárach. Ocus do bhí óclach grádha do Chumhall a comhuidecht rígh Eirenn .i. Fiacha mac Conga.

Maith a mhacaeim, ar Fiacha: cá luaighidhecht do-bértha dam-sa da fagainn sleg neimhnech áith uillend-glas duit, &ersir; nír' dibraicedh urchar n-imraill dhi. Gá luagh chuingi oram? ar Finn. Gid beg mór do rath ghéba do lámh dheas a trian dam-sa &ersir; trian do chocair &ersir; do chomairli. Raghaidh dhuit, ar Finn, &ersir; do naidm air fo a bréithir. As ann do ráidh Fiacha: Mar at-cluinfe in ceol sirrechtach síde &ersir; an timpan téit-bhinn &ersir; an fedán fogur-binn, ben a cumhdach do chenn na cráisighi, &ersir; tabuir redt' édan nó re ball eli dot ballaib, &ersir; ni léicfe gráin na sleigi neme codlad fort.

Is annsin do éirig Find i fiadhnaisi fher n-Eirenn do choimét Temrach, &ersir; tuc Fiacha mac Congha sciath &ersir; sleg dhó gan fhis do Mhacuibh Morna ná do neoch eli dá raibe a tigh Themra, &ersir; táinic roime mar sin i timcheall na Temra, &ersir; nír' chian dó gu cuala in ceol sirrechtach, &ersir; tuc slinn na sleigi &ersir; a forgraín re a édan, &ersir; gabhaidh Aillén ac seinm a thimpain no gur' chuir cách 'na codlad mar do chleacht, &ersir; léicidh iarsin a chairce teined asa bheol do loscad na Temhrach, &ersir; do-condaicc Find sin, &ersir; chuireas Find in brat corcra corrtharach búi ime a n-agaidh in cairce, &ersir; tuitit anuas asin aier, co ruc cairche in brat ceithir-fhillti sé láma fichet a talmain. Conadh Ard na Teinedh ainm in aird, &ersir; conidh Glenn an Brait ainm an ghleanna.

Mar do rathaigh Aillén mac Midhna a dráidhecht do mhilled uime, tainic tar a ais d' innsaigid Sídha Findachaid &ersir; gu mullach Sléibi Fuait. Ocus leanus Find h-é co Carn Finnachaid, &ersir; mar do bhí Aillén ac dul tar dorus in t-sídha anunn tucFind mér a suaineamh na sleigi, &ersir; tuc urchar ádhmhar urmaisnech, co tarla a mullach a droma a n-Aillén, gur' chuir a chraidhi 'na lia dub-fhola tar a bhél. Ocus ros-díchenn Find h-é, &ersir; tuc in cenn for cúla co Temraig, &ersir; do chuir ar cuailli bhadhbhdha, &ersir; do bhí ann co h-éirgi gréine ós airdibh &ersir; ós innberaibh an talman.

Táinic iarum a máthair co h-Aillén, &ersir; tuc treas ar thoirrsi, &ersir; do-chuaidh d' iarraid leagha dhó. Toir-che a bainn-liaigh Amharrtha do gaet Aillén mac Midhna do shleigh Fiacha meic Conga don brat bodhbdha, don birgha. Uchán ad-rochair Aillén táncatar a tri tonna, atá sunn fuil a chraidhi maraen is smir a dhroma. Uchan ad-rochair Aillén sídhaidi Benne Boirche, anois tairnic a mhaill-néill a Boirche a bainn-liaigh toir-che. Uch ba suairc Aillén mac Midhna a Sléib Fuait, cuma nái ro loisc Temair ar gach n-ard-blaid ba h-í a chuairt.

Is andsin do éirghetar fir Eirenn uili um a rígh ar faithchi na Temhrach airm a m-búi Find. At-chí sin, a ri, ar Find, cenn an fir do loisced Temair, &ersir; a fheadán &ersir; a thimpan &ersir; a chairchi ciuil, &ersir; dar leam ro saeradh Temair cona turrscar.

Is andsin do línadh láthair leo, &ersir; do cruthaigedh comhairli, &ersir; as í comairle do crichnaiged acu, rígh-fhéinnidhecht Eirenn do tabairt d' Find. Maith, a anam, a Ghuill mheic Morna, ar Conn Cétchathach, do rogha duit, Eire d' fhacbáil nó do lámh do thabairt i láim Find. Dar mu bréithir, ar Goll, as í mu lámh do-bér i láim Find.

Is annsin tainic a nert isin sén &ersir; isin soladh, &ersir; do éirghetar trí catha na Fénne, &ersir; tucsat a lámha a láim Fhind, &ersir; tuc Goll mac Morna rompa comad lugaiti an náire le neach ele don Fhéinn a tabuirt. Ocus do bhí Find isin ríghi- sin, ar Cáilte, no gu bh-fuair bás &ersir; aidhed a n-Aill in Bruic a Luachair Degadh. Ocus an t-sleg do-beiri-se and lai&mdot;-si, a Ilbric, as di do-rónad an gním sochair sin d' Eirinn, &ersir; as lé fuair Finn gach rath riamh, &ersir; Birgha ainm bunaid na sleigi. Coimhét acut in t-sleg, a Cáilti, ar Ilbrec, gu finnam in ticfa Lir Sidhi Findachaid cona braithrib, do díghailt a eoin orainn.

Is annsin ro tócbait a cuirn &ersir; a cupada, &ersir; do bátar ac ól &ersir; ac áibhnes &ersir; ac urgairdiugad menman &ersir; aicenta. Maith, a anum, a Cháilti, ar Ilbrec: cia da tibérthar comus in chatha da tí Lir cona braithrib do dhíghail a eoin orainn? Don tí da tabradh Find comus a chatha .i. do Derg Dhianscothach annsút. Inn gebhe de láim sút, a Deirg? ar lucht in t-sídhe. Gabhaim cona shochar cona dhochar, ar Derg. Ocus do bádar amhlaid in adhaigh-sin. Ocus nír' chian dóibh ar matuin gu cualatar seitfedach na n-ech &ersir; culgaire na carput, &ersir; glonn-béimnech na sciath &ersir; tairm in mhór-slóig, &ersir; táncadar 'mon sídh, &ersir; táncas asin sídh dá fhégad gá lín do bádar, &ersir; is edh do bádar, trí catha cródha commóra. Pudhur leam-sa, ar Aedh Minbreac, a n-dingéntar annsin .i. bás &ersir; aidhedh d' faghbáil dúin, &ersir; ar sídh-brugh do beith ag cloinn Lir Sídha Finnachaid. Nach fedrais, a Aedh, ar Cailte, cu téit an trén-torc allaid ó chonuib &ersir; ó chuanartaib, &ersir; in tan ghabus a bedg in búiridan daimh allaid téit imshlán o chonuibh mar an cédna. lineation error: line 1789 missing in the hard copy.

Cáilte cecinit Ro soich tretirni tulaigh re cuanairt con craeb tubaid, ó ro soich buirech a bedg re cosair conart crob-derg

Gá comhlann as doilghe libh isin cath? ar Cáilte. In fer as ferr engnam do Thuathaib Dé Danann, ar siat, .i. Lir Sídha Findachaidh. An ní fa tucus-sa láimh in gach cath riam, ar Cáilte, .i. in comlann as ferr do bhiath ann do frithailimh ní léiceabh aniu re lár h-é. Ocus caidhi do chomlann-sa dhúin, a Dheirg? ar siat. Gá comhlann is doilghi lib 'na dhegaid sút? ar Derg. Donn &ersir; Dubh, ar iat-som. Dingébhat-sa iat araen, ar Derg. Ocus do éirghedar sluaigh in t-sídha amach a n-aein-fhecht cum in catha, &ersir; ro dibhruic cách a chéli dhíbh do shoighdibh sith-gorma &ersir; do gháibh bega bir-ghéra &ersir; do laighnib lethan-glasa; &ersir; do chuired in cath ó solus-trath éirgi do ló co medón lái. Ocus do comraic Cáilte &ersir; Lir Sídha Finnachaidh co fuilech fobartach, &ersir; torchair Lir a crích in chomraic le Cáilte. Is annsin do gabsat an dias deg-laech .i. Dubh &ersir; Dond dá mac Eirgi Anghlonnaig a h-Innsib Gaid, ac coimét an chatha. Ocus is amlaid ro chuirset an gliaidh .i. Dubh a tosach na dírma &ersir; Donn re deg-fheithium 'na diaid. Ocus at-connaic sin Derg Dianscothach, &ersir; tuc a choirr-mér a suainemh na sleige, &ersir; tuc urchar ádhmur don fhir ba nesa do, gur' bhris a dhruim ar dhó, &ersir; go tarla i compar cléib an fir ba sia uaidh, gu torchratar don aen-urchur. Is ann as-bert Ilbrec: Do-rochair Lir le Cáilte ocus ní gním nach máidte, do-rochair Donn ocus Dubh le mac Eoghain d' aen-urchur. Do mhinaigh in cath budhtuaidh ar Lir co méit a mhor-slúaig, ni dhechaid dhíbh don muig mhas acht ein-triar gu n-deigh-eolas.

Ocus táncatar rompa isin sídh iar m-buaidh coscair &ersir; commáidhmhe, &ersir; do gabsat nert &ersir; forlámhus ar Shídh Findachaid asa h-aithle-sin riamh. Do shleagh duit, a Ilbric, ar Cáilte. Nír' chomadhas duit a rádh rim, ar Ilbrec, ór gin gu beth d' arm im Lir acht an t-sleg-sin as duit-si do-rachadh, ór comarba dílis dingbála di thú. Ocus do bátar teora lá &ersir; teora adaig isin sídh iarsin.

Maith, a anum, a Cháilti, ar Ilbrec Esa Ruaidh: cia airm a n-derna Find creidium, nó inn derna riamh? ar se. Do-róine ón, ar Cáilte. Cáit a n-derna &ersir; crét adbar a dénmha? ar Ilbrec. Ag Druim n-Diamhair, risa n-abar Druim Dhá Én, ar in Sinaind, &ersir; ba h-é adbar in creitmhe ar bíthin Findine ingine Buidbh ro mharbh a céle féin .i. Conán, &ersir; ro mharbh cách a céli dhíbh .i. Conán &ersir; Ferdhoman, &ersir; do-riact an Fhian co Fidh n-Enaig, re n-abar Druim n-Diamhair isin tan-sa, &ersir; tucadh loing-shithal bán-óir do shaigid Fhinn, &ersir; do innail a ghel-ghlaca, &ersir; do chuir in t-uisqi eochar-ghorm im a ghnúis, &ersir; tuc a ordain for a dhét fis, &ersir; do faillsiged fír dhó &ersir; do ceiledh gái fair, &ersir; do faillsiged do gu ticfadh in Táilceann tabarthach re dereadh domain, &ersir; gu n-gébadh tech ar leth Eirenn .i. Ciarán mac an t-Saeir. Ocus adubairt Cáilte: Inmain ceall bus comramach bias fo eochair na h-abhunn, inmain fertán forbarach bidh anacal mór n-anum.

Ocus do-riacht fis an chomhraic-sin cucainn conice- sin, &ersir; do-righne Find in creidemh-sa ann &ersir; fuair nemh trit: Mairg féinnid at-cuala in scél ar techt duin co Snámh Dha Én, aidhed Conáin Maeil don Mhuigh ocus aidhed Fherdhomain. Druim n-Diamhair a ainm so cusna fiannaib, Druim n-Énaig ó sin ale d' énach Fhind is na Féinne. Is amra in gein berthar ann do deoin Ruire na rochlann, mac dingbála rígh nime aingil ica fhurnaidi. Bidh eisidhe Ciarán caidh is é berthar 'san ríg-raith, gébuidh leth Eirenn male Mac in t-Saeir a Muirtheimhne. Rachait faghlaidh a chille bás obunn do ruaidh-rinne, crochad is riaghad gan rath ocus iffern íchturach. Aderim-se ribh-si dhe as fír dhamh in fháitsine, creidim Athair ocus Mac is Spirat Naem a n-aein-fheacht. Sáilim flaithius ríg nimhe as ferr iná gach fine, in rí rom-cuir ar cairdi nim-léicfe ni amleicfe" ní leicfid fo bith-mairgi.

Do bátar isin t-sidh iarsin gu cenn cáicdigis ar mís. As mithig dúin imthecht, ar Cáilte, ór atámuit re h-athaid abhus. Bennacht Dé &ersir; dáine abhus ort, ar lucht an t-sídha, &ersir; gid choidhche bidh áil duid beith acainn fo-ghébtha. Ocus ac sud, ar Ilbreac, ó's imdecht do-ní, nai n-édaigi lígda lennmhaisecha, &ersir; nái scéith &ersir; nái slegha &ersir; nái cloidim inntláis órdhaidi, &ersir; nái coin caeimh-shelga duit. Ocus do thimnadar ceileabrad, &ersir; do fhácbatar bennachtain, &ersir; rucsat buidechus, &ersir; gér'bh fada an cath-sin, ba foidi le Derg n-Dianscothach scarad lea choicle &ersir; le a chomhalta bhudhéin, ór nír' faide leis in lá do scar re Find &ersir; risin Féin iná in lá-sin.

Táinic roimhe Cáilte in naenbhar óclach sin, &ersir; do bí a Sliabh Cuire &ersir; a Sliabh Cairbre &ersir; a Sliabh Céide budhtuaidh &ersir; do Chathair Daim Deirg, &ersir; nír' chian do bátar ann, co facadar in dias niamhdha n-dath-áluinn ara cinn isin carn .i. óclach áluinn &ersir; ríghan a com-aeisi 'na fharradh. Fiarfaigis an t-óclach scéla do Cháilte, &ersir; do innis Cáilte a scéla dho. Do mhuintir Finn meic Cumaill dam, &ersir; Cáilte mac Rónáin m' ainm. Gá comainm thúsa, a óclaich? ar Cáilte. Eoghan Flathbrughaid m' ainm, ar sé, &ersir; do shen-mhuintir Chairbri Lifechair mheic Cormaic dam. Ocus Becnait Banbhrugaid ainm na mná maithe si, &ersir; com-aeis dam-sa &ersir; di. Ocus as slan deich fichit bliadan duin araen. Nach raibi maithes mór-adhbhul acat-sa, a óclaich? ar Cáilte. Ro bhói immorro, ar Eogan, ar ní raibhi ó Es Ruaid Meic Mhodhuirn gu Cnoc in Fhomhoraich budhthuaid, re n-abar Torach thuaiscirt Eirenn nach raibhi finn-airghi gach re m-baile nó gach treas baili dib acam. Cidh ro dhíghbadh sin, ar Cáilte. Torathar táidi &ersir; fomor fir-grána &ersir; mac mí-raith ro mhill sinn, &ersir; ro chaith na secht tricha cét comlána co na fil nech re gabáil forba na ferainn co ro fhásaigh uile arna n-díthugad-som, &ersir; ro dighbadh &ersir; ro airg mhisi dano acht oct fichit find-airghi do deired mo mhaithiusa ocum. Cáit a m-bí in fer-sin? ar Cáilte. Carrac comdaingin cloichi atá rinn atúaid ar an cuan coimlethan, is ann bhís, &ersir; beiridh lán a luinge leis a triur muinntiri &ersir; comhlín ceithre cét é féin, &ersir; comlín tri cét a chú, &ersir; comlín tri cét a ingen, &ersir; ní chumngann nech ní dóibh. Cáit a tic-sium isin cuan? ar Cáilte. Risin m-baili aníartúaid amne, ar Eogan. Do bádar ann re h-edh na h-oidhchi-sin, &ersir; ro freastladh &ersir; ro frithoiledh da gach leith iat.

Do éirigh Cáilte a oenar cu moch arnamhárach, &ersir; ro ghabh a sciath &ersir; a chloidem &ersir; a dhá shleig, &ersir; táinic roime cusin carraic n-di-thoghlaidi do thaeibh an chuain, &ersir; do bí re h-edh &ersir; re h-athaid ann, co facuidh in curach da innsaigid, &ersir; triar isin curach .i. madra gairbh-fhindach glas-odhar &ersir; slabrad agarb iarnaidi ima bhrághait, &ersir; scailp ingin maeili duibhi fa cosmail re beinn cairrgi do chéin h-í a tosach in churaig, &ersir; birga imdaingen iarnaidi ina láim, &ersir; in t-eathach a n-deiredh in churaig, &ersir; do gabsat cuan &ersir; calad a comfhocus do Cháilti, &ersir; do gab gráin &ersir; egla Cáilte rompa. Adubairt an fer mór re a ingin: Oslaic don choin, ar sé, &ersir; léic cum in aen-duine móir út h-í cu ro loingi a lór-dhaethain de re n-dul ar fect &ersir; ar turus. Ocus ro osluic an ingen don choin, &ersir; gabus gráin &ersir; egla Cáilte roimpi nar' ghabh riam a cath ná a comlann. Ocus adubairt: Mo Dhúilium &ersir; mho Tháilgenn uaim-se an bar n-agaid, ar Cáilte. Ocus gothnait umhaidhi do bhí aigi ro dibraic rod n-urchair di cum na con, cu tarla in dara cenn don bhir isin carput uachturach &ersir; in cenn ele isin carputíchtarach, cu ros-dúin a glomar, ocus do thuit asin curach comad i n-domain in mara fuair bás &ersir; do chuir in tonn i tír h-í iarsin.

Táncatar an dias eli a tír ar amus Cáilti, &ersir; do comraicset co dána dúrcraidech ris, &ersir; tuc an ingen .xxx. gon ó ladhair a choisi có a urla air, &ersir; tuc Cáilte béim cloidim di gur' léic a h-abach &ersir; a h-inathar aisdi. Ocus ro dhánaigh &ersir; ro dhíchraigh in comrac risin b-fer mór, &ersir; do-ríne trí h-oirdne ur-granna dhe, &ersir; ba h-í in treas ordu dhíbh, a cenn. Ocus do ben a trí cindu dib, &ersir; tuc leis iat cum na bruidhne, co tech Eogain. Do éirigh Eogan &ersir; muinter Cáilte, &ersir; tucsat aithne ar na cennaib- sin, &ersir; ro altuighset in gnímh, &ersir; is Cailte co h-anmhunn étlaith.

Cáilte cecinit: I n-adhaigh Maghaidh a tigh Eogain is im craide ata a beo-ghuin, facaim Maelan is a chú ar in tracht, na comnaidhiu. Marbaim Maelan is a cú is a ingin can caem-clú, ó maidin co trath érgi ro bo cruaidh ar comergi. Gachar' shires tess is tuaidh don doman co mét mor-shluaigh, ní fuaras i n-uair na a ló a comolc na h-aidci-so.

Ocus ro thuitset taisi &ersir; táimnéllu fair, &ersir; tucad losa ícce da innsaigid, &ersir; bái re h-edh caicdhighis icá leighius, co n-dernad sleman sláin-chréchtach dhe.

Imthect acainn amárach, ar Cáilte, &ersir; bennacht fhácmaid acaibh-se. Beir buaid &ersir; bennachtain, ar Eogan, Ocus ro thimnadar ceilebrad d' Eogan, &ersir; táncatar rompa assin co Tulaig na Céd, risi ráidhter Tulach Dá Ech isin tan-sa, &ersir; do Chuillendros na Féinne budhtúaid, &ersir; do Churrach na Milchon, re n-abar Currach na Cuan, &ersir; do Bhoith Chnó budhtúaid, áit ar' thaispen an eicsi cenn do Lugh Lámhfhada mac Eithlenn, &ersir; in bhaile a rucadh Colum Cille mac Feidlimid, &ersir; do Dhoire Guill budhtúaid. Ocus ac toidhecht dóibh dar bord in daire amach co facadar in t-aen-óclach &ersir; a druim re cairthi comdaingen cloichi, &ersir; brat corcra corr-thurach uime, &ersir; dealg óir isin brut ós a bruinne, &ersir; inar maeth-sróil uime, &ersir; dá choin caeim-shealga 'sna láim, &ersir; cuanart gadar 'na fhiadhnaise. Bennachais Cáilte don óclach, &ersir; freagrais in t-óclach in bennachad. Cia danad muinter sibh-se? ar in t-óclach. Ní mharann ar triath ná ar tigerna .i. Find mac Cumaill, ar Cáilte.

Is annsin ro cháieasdar an t-óclach déra falcmara fír-truagha, gur' ba fliuch blaei &ersir; bruinne dho. Cia thusa amhlaid, a óclaigh? ar Cáilte. Do-ghén mo shlonnad duit-si, ar éisium: Donn mac Aeda, mheic Garaid, meic Morna, misi. Do ba mhaith h' athair, ar Cáilte, &ersir; adubairt: Rob é in bríghach buan-bladach dob é in fénnid fír-ghalach, dob é in ghég toraid co m-blaidh re fogail séd in domhoin.

Maith, a anum, a Cáilte, ar Donn: in fuil sleagh m' athar acut-sa? Atá cidh a sciath &ersir; a chloidem, ar Cáilte. Ar fír do ghaili &ersir; do ghaiscid frit, ar Donn, innis dam an fochaind bhunaid umar' marbad h-é. Indeosat duit, ar Cáilte, uair isam meabruch ann.

Dubh Dithre righ-fhéinnidh fhiann Osraige do mharbad dot shen-athair-se do Gharadh mhac Mórna, &ersir; Carrac Guill do ghabháil ar Goll mac Morna thiar, &ersir; tri catha na Féinne do beith ac forbhaisi fair gu cenn caeicdighis ar mhís ann, &ersir; a bheith nái n-aidchi gan bhiadh, &ersir; scithlim do dul ar a luth &ersir; ar a lámach, &ersir; dul do Muc Smaili mac Duib Dithre anund isin carraic, &ersir; Goll do dícennadh a fiadhnaise fhiann Eirenn, &ersir; tuc leis in cinn d' innsaigid Fhind, &ersir; do bhí h' athair-se ag iarraidh dligid &ersir; cora ar Muc Smaile .i. inneoch ro búi idir rígh &ersir; óclach do tabairt dó.

Cáilte cecinit:

Adubairt nach tibhredh cóir don Aedh Fhinngheal ba mór ádh, acht do-béradh corp re corp an gach olc do-rinne a lám.

Ocus adubairt h' athair-se coimdhilsi do lécen etorra &ersir; Muc Smaile. Do-bér-sa comha duit, a Aedh, ar Muc Smaile. Gá coma sin? ar Aedh. Do-bér, ar eisium, dá shleig Guill meic Morna, &ersir; sciath Cairill í Conbroin, &ersir; corn Duibh Dithre, &ersir; cloidem Muirinne Macha do bhí ac Goll, &ersir; muince sealga Sigmaill, &ersir; misi, ar Cáilte, do-chuaidh lesin techtairecht: dia n-ebrad in láid: Tiagat techta uainn cu h-Aedh ráidhid risin segainn saer ar gealladh dó, toluibh gal co bráth nocho coimeltar. Targa dho muinci sealga tucad d' Finn as Síth Nennta gan cor no a fhiadh tar cladh nócha teit gan a mharbadh. Targa sciath Cairill co m-bloidh do bhidh air isin imghoin, suairc in sét in sciath scenmdha gráin céd ara tigerna. Targa dho in cloidem catha do bídh ac Muirinn Macha, Targa fós corn Duib Dhithre gidh do bádhus ga dhicleith, geall caeca mogadh tar muir atá d' ór ana borduibh. Targa dhá sleig, monar n-glé co crannuib ruis ro-bhuidé, gid beg a fuili nó a loit is marbh gach duini a tiagoit. Ocus gé tharga-sa sain nír' gabhsat Clanna Garoidh ar imad a slóg 'masech na mac mór fial-gharg fuilech. Do faeth le Cloinn Morna moill Findtan Ferrda a Feadhaibh Cuill, Banbh Sinna Sciathbreac in áigh ocus Finn Mór mac Cuáin Sirit ar Mac Lugach lonn a éraic ór do gon Goll is ar Cáilte is airm géir gloin 'sara Luachoir Óclach do thuaith Temra Breag do fer cuinnscleo re Goll n-geal, mael-gorm 'san treas, ferdha in roinn dar' ainm Flaithius Firáloinn. Dá m-beitis trí caecait mac ag Goll gasda na n-geal-ghlacc, nír' bo annsa le cloinn cain ná lim-sa mo dhegh-athoir. M' athair-si Dub Dithre dian féinnid forusda fír-fhial, ni chlos a écnach a cath fa maith a lúth 'sa lámhach. Ráidh risna feruibh ní gó uaim ní bérat ní bhus mó, nái cét is a n-druim re feart isin tulaig a tiagat.

Ar fír do ghaili &ersir; do ghaiscid, a Cháilti, ar Donn, tabhuir arm-gaisced mh' athar dhamh. Do-bhér immorro, ar Cáilte, dóigh ba fial-nár fria h-athchuingid h-é féin. Ocus tuc Cáilte arm-ghaisced a athar uili dhó. Tabair eolus dúin anosa, a Dhuinn, ar Cáilte. Cia h-áirm a sire eolus, a righ-fhéinnid? ar Donn. Do tigh Conaill meic Néill, rígh Ceneoil Conuill.

Cáilte cecinit:

A Dhuind tabair eolus dún gan meirg ocus gan mhí-rún, ór atái at aenar male tar éis h' féinne is h' foirne. do-chuadar as Meic Morna. adbar bróin is bith-dogra, deich cét laech, ba h-edh a lín dob é in t-oirecht gan imsním. Adeirim-se rib-si de bidh fír gach a ráidhem-ne, re taeibh óir is arcait uill fo-ghébha sin uaim, a Dhuinn.

Raghat-sa romat-sa annsin, ar Donn, uair derbbhráthair mo mháthar h-é, &ersir; as é ro oileasdar mhé, &ersir; gidh aigi-sium atá in ríghi is acam-sa atá a tóthacht. Ocus do ghabh Donn a arma &ersir; táinic roime co tech Conuill, co Dún na m-Barc. Innis scéla dhuinn, a Dhuind, ar Conall mac Néil. Do indis Dond mar tuc Cáilte na h-airm dhó féin &ersir; a beith ar sligid cum in righ. Do-gébhu-som sin, ar Conall, ór as do Leith Cuinn dó, &ersir; ar a n-derna féin do maith. Ro thaisfen Donn na h-airm &ersir; na h-il-fhaebair tuc Cáilte dhó. Is ó deg-dhuine, ar in t-airecht, fríth na h-aisceda út. As degh-dhuine immorro, ar Conall, ór ni dubhrad mac ócláich re duine budh fherr anás. Ocus do-riacht Cáilte reme dar Sruth na Feindi fothuaidh, &ersir; tar Ard na Macraidi, risi n-abar Ard n-Glas isin tan-sa, &ersir; d' Fid Mór, co facatar in dunad uaithib. Ocus mar at-conncas Cáilte cum in dúnaid, do éirigh Conall co maithibh a shlóigh &ersir; a mhuinntiri d' ferthain fáilte re Cailte, &ersir; suidis Cáilte ar in carn a n-dorus in dúin, &ersir; suidhit in slúag uime.

Do fhiarfaig Conall do Cháilte, crét ima tucadh Carn Gairbh Daire ar in carn-so? Do freagair Cáilte in ceisd-sin, ór is aigi do bhí a fis. Óclach gráda dh' Find mac Cumaill do bói ann so, ar Cáilte .i. Garbh Daire mac Aenghusa mac rígh fer Muman andes, &ersir; ro bói ac dénam t-shelga laithi n-aen annso, &ersir; ro bí selg taidiur taibsenach aigi, &ersir; ro marb tri chaeca dam &ersir; tri .l. muc &ersir; tri .l. eilit, &ersir; at-conncadur lucht in tíre &ersir; in fheraind sin, &ersir; ro lingset chuice, &ersir; rucsat a fiadach &ersir; a t-shelg uaide, &ersir; atorchair tri cét óclach leis ac breith a t-shelga uada, &ersir; ro iadsat lucht in tíre uimme, &ersir; do-rigned ubhall im rendaib de, &ersir; ro marbad h-é, &ersir; do-riachtamar-ne tri catha na Féinne da dighailt, &ersir; do falmaigemar in chrich &ersir; in ferann, &ersir; ro marbsamar trí ríga in tíre, &ersir; ro éladar drong aile a n-ailenaib, conar' fhacamar acht beccan díb gan marbad. Ocus adubairt Cáilti: Marbad Gairb Daire issin traig lé Cenel Eogain imlain, marb-sum coeca laech malle sunn a n-díghail Gairb Daire.

Ocus is sé atá issin charnn-so cona arm-gaisced, &ersir; is aici ro bói slabrad Logha meic Eithlend ro bíd ac comet braiget Mac Miled &ersir; Tuaithe Dé Danann aici.

Ro bad maith lind, ar Conall, na h-airm &ersir; na h-il-fhaebair- sin d' fagbail. Mad maith let, ar Cailti, tochailter in carnn anocht. Ní h-ed, ar Conall, acht tochailter amairech h-é, uair adhaig ann, &ersir; ól &ersir; áibnis do-gentar acaind anocht. Ocus tangadur rompo issin &mdot;-bruidin &mdot;-bruigin moir, &ersir; tucad Cailti cona muintir í tech &ndot;-derrait &ndot;-diamair, &ersir; ro frithailed iat commaith, &ersir; is sí bá ban-cheili do Chonall, Bé Bhind ingen Muiredaig meic Fhínnachta, ingen ríg Connacht. Maith m' anam, a ingen, ar Conall, cid fata gairit bes Cailte abhos, tabair proind deich cét cach láe dó, &ersir; cuirter ocht fichit bó a fér-gort gabala ina chomair, &ersir; a m-blegon cach n-áidchi dó, &ersir; in nech do-berthar do as &ersir; do lemnocht uaithib a tabairt dó.

Ocus ro badur ann re h-ed na h-áidhchi-sin co tainic lá cona lan-shoillsi arnamairech, &ersir; ad-rachtadur ann dochum cairnn Gairb Daire, &ersir; ro tochlad in carnn, &ersir; frith Garb Daire ann cona arm-gaisced, &ersir; frith slabrad Logha meic Eithlenn ann, &ersir; frith ní frith in sciath imlan amal tucad ré thaeb h-é, &ersir; tucad na h-airm imshlán anís, &ersir; tucad in cend &ersir; in fer fa mó no bith issin tulaig-sin do thoilled ina t-shuidhe ar lar chind ind ócláig- sin. Is mor in cend, a m' anum, a Chailti, ar Conall. Is mor, ar eissim, &ersir; is maith in tí ar a raibe, ar Cailte, &ersir; tuc Cailte na h-airm-sin do Chonall, &ersir; ro bói in slabrad aici féin da thabairt do naem Patraic, &ersir; ro muired in fert 'ar sin, &ersir; tancatar sun anund iarsin, &ersir; ro batar re teora la &ersir; re teora aidchi and.

Is annsin ro fhiarfaig ro fiarfaid Conall Mor mac Neill do Chailti: Atá ailén ar in muir-sea ar comair amuig &ersir; dúnad ann &ersir; annlacud mor annsein, &ersir; ní fhetamur crét da fuil. Ocus is ann sin ro cháiestar Cailte ica cloistecht-sin. Ar fír do gaile &ersir; do gaiscid riut, ar Conall, tarra-sa linde da fhechain. Dar mo breithir ám, ar Cailti, is sé-sin in tres inadh a n-Eirinn nar' b' áil lium-sa do fheicsin tar éis na muintire moiri maithe ro bói ann, &ersir; gid ed rachat let-sa amairech ann, a Chonaill, ar Cailte.

Ro badur ann co tainic lá arnabarach. Ad-racht Conall &ersir; a ben &ersir; sluaig in baile uile, uair fa h-irgairidugud menman &ersir; aicenta leo eistecht re Cailti, &ersir; tangadar réompa chum in dúnaid anunn, &ersir; ro t-shuidestar Cailti ar in firt ro bói issin dúnad, &ersir; .iiii. .ix. traig do Chonall i fat in fherta &ersir; ocht traigthi .xx. ina leithet. Maith m' anam, a Chailti, ar Conall, ní h-inganta lium-sa ní da facca riam ina in fert-sa, &ersir; indis duind ciasa fert so? Ader riut a fhírinde, ar Cailte, .i. fert in cethramad ben is ferr ro laighestar lé fer a n-aen-aimsir fria. Cia na ceithri mná sin? ar Conall. Sadb ingen Chuind Chétchathaig, ar Cailte, &ersir; Eithne Ollamda ingen Caithír Moir, &ersir; Ailbe Gruadbrec ingen Chormaic, &ersir; ben in lectha-so .i. Berrach Brec ingen Chais Chuailgne, ingen rig Ulad atuaid, ban-cheile grádach Fhind meic Cumaill, &ersir; má ro bói maithius imarcraid a mnái díb-sin is inti-si ro bói, &ersir; is ana tigh do bith in t-áighi t-áighid ollaman ó luan taite t-shamhna co taite n-imbuilg, &ersir; a rogha dó imthecht nó beith acon muintir ossin amach, &ersir; in duine nach faghad a daeithin airm no etaig do-bered si do a daeithin o ladhair a choissi co urrla. Adhbur a h-aidheda? ar Conall. Ata lim-sa duit, ar Cailti .i. mathair &ersir; athair Guill meic Morna ro ailestar h-í, &ersir; ní raibe do chomalta mná acco-som acht h-í, &ersir; ro cuindig Find ara h-athair h-í .i. ar Chas Chuailgne ríg Ulad. Ocus adubairt nach tibred d' Fhind h-í munbad deoin le Goll mac Morna, &ersir; siris Find ar Goll a chomalta, &ersir; adubairt Goll: Fuil coma ara tibar-sa duit h-í, ar se, .i. gan a léicen tre bithu, ar Goll, &ersir; a beith don tres mnái accut, &ersir; gan a h-éra um ní da cuindigfea ort. Do-bér-sa sin duit-siu uile, ar Find, uair is maith in ben. Cia bus chuir duind? ar Goll. Do ragha cuir duit, ar Find, &ersir; tuc Find a tri comaltada féin ac coraigecht fria .i. Daigri &ersir; Garad &ersir; Conan. Ocus do bói ac Find co ruc tri meic dó .i. Faelan mac Find &ersir; Aed Bec mac Find &ersir; Uillind Faeburderg mac Find, &ersir; do bí 'na mnái grádaig ac Find nóco &ndot;-dechadur a comaltadha- si .i. Clanna Morna ar foghail &ersir; ar dibeirg ar Fhind, &ersir; deich cét ar .xx. cét óclach a lín. Ocus adubairt Cailti: Is eol dam in lín atat Clanna Morna na mor-bárc, ocus gar aírem na fer tar cach múr, tar cach maigen. Deich cét ar fichit cét ann do Clannaib Morna miad clann, cóic cét déc ó sin amach lín a ríg is a taissech.

Lodur maic Morna co Daire Tharbgai i cuicid Connacht, &ersir; rucadur tri catha na Féine orro ann resíu deirgedar assa longport amach, &ersir; ro thuitset .u. fhir déc dighraisi deg-armacha do Macaib Morna issin Daire.

Is annsin ad-racht in milid mor-chalma .i. Goll mac Morna, &ersir; tuc sciath tar lorg doib, &ersir; nír fhétsamar a bec doib o sin o ro gab Goll a sciath fair. Ocus do-ronsat Clanna Morna comairli gan nech issa caradrad do biad fria Find, &ersir; frissin Feinn do léigen cen marbad uile, &ersir; is se thuc in chomairli-sin .i. Conan Mael mac Morna, uair ba trotach airechta, ocus ba deabthach muintire, &ersir; ba h-imchassaidech sluaig &ersir; sochaide. Tangadur rompo Meic Morna conice in faichthe fér-glais seo, &ersir; do badur 'ca rada créd do-géndais re Berraig Bricc ingen Chais Chuailgne .i. re comalta bodéin, &ersir; adubradur coma do tabairt di .i. a seoit &ersir; a maine &ersir; a h-indmusa do breith di lé, &ersir; Find d' fhacbail, &ersir; nach bad ecail lé ní cen no beidis-sim béo. Truag sin ám! ar Berrach, inn é m' olc-sa do b' ail lib do dénam, a chomaltada craide? Is sé immorro, ar siat, &ersir; adubairt-si: Nocho treigiub-sa mo cheile &ersir; mo chóem-lenann &ersir; mo chét-muinter .i. Find mac Cumaill ríg-fhéindid rig-feindig Fiann Eirenn &ersir; Alpan oraib-si etir. Ocus do eirgedur Meic Morna in cath-grinde ro badur chum in baile, &ersir; tuc cach a lám i l-láim a chéili immon &mdot;-baile, &ersir; do chuiredar teindte cacha slessa issin &mdot;-baile. Ad-racht in rígan rosc-lethan &ersir; .xxx. da bantracht lé assin baile amach, &ersir; do-condairc Art mac Morna h-í do scemel in dúnaid ac dul ar in &ndot;-geltracht &ndot;-gainmidhe amach chum a luinge, &ersir; tuc a chorr-mér a suainem na sleige &ersir; tuc rót n-urchair di, &ersir; at-chualaid in rigan fidhrén na sleige, &ersir; impais a h-aighed rissin sleig co tarla ina h-ucht &ersir; ina h-urbruinde di h-í, cor' briss a druim ar dó &ersir; co fuair bás. Ocus rucad suas 'arsin léna muintir féin h-í 'ar n-argain in dúnaid, &ersir; ro h-adhlaiced h-í issin dún, &ersir; is h-í atá issin firt-sa, ar Cailte. Ocus adubairt Cailte: Berrach Brecc ingen Cais Chuailgne nir' cert, robo rigan fhuilt buide ocus dirma deg-duine. Do marbad h-í ar in tráig dob é-sin in gnim nar' thlaith, do-radad teine 'na dún rob í in fogail gan mí-rún. Tri cét sciath ina tigh tall tri cét brandub is fidchell, is tri cét bleide ré h-ól risa tabartha derg-ór. Ni ro h-ér sí duine riam uair fa maith a cruth 's a ciall in bail i tá a lecht co m-blaid risa raiter Fert Berraig. Berrach.

Ocus atá fuibh-si sunn, ar Cailte, in ben issa fert &ersir; isa scela-sin.

Ocus at-racht Cailti iarsin, &ersir; tuc lám rissin &mdot;-baile bothuaid, &ersir; tangadur cach ina diaid, &ersir; tuc a lám ar lia cloiche ro bói a slis in dúnaid amach, ocus a firu, ar se, gabaid leith-chenn na cloiche &ersir; léicid dam-sa in cend aile. Ocus tangadur na sluaig da indsaigid, &ersir; nír' fhetsat ní di. Cait a fuil, ar Cailti, Dond mac Aeda meic Garaid? Sund, arse Donn. Eírig, ar Cailti, am aghaidh adhaigh , ór mac curad &ersir; cath-miled thú, &ersir; da faghaind étail fan cloich, do-béraind a trían duit. Do eirgetar araen do h-indsaigid, &ersir; tucsat sreng-tharraing bodbda urri, &ersir; do tharraingset co lonn &ersir; co lan-laitir, cor' chuirset ré lar &ersir; re lan-talam h-í.

Ad-rae buaid &ersir; bennacht, a m' anam, a Duind, ar Cailti, is ferr dam do chungnum amain ina cungnum muintire Conaill uile. Ocus cáit a fuil Conall &ersir; in rigan &ersir; Donn? ar Cailti. Sunn, ar siat. Eirgid issin n-uaim anunn, ar Cailte, ocus atáit tri dabcha inti .i. dabach oir &ersir; dabach aile lán do cuachaib &ersir; do chopanaib &ersir; do chorrnnaib inti, &ersir; dabach lán d' airgget, &ersir; na tabraid dona sétaib dam-sa acht mad in Cráeb Glasach .i. claidem sliasta Find, &ersir; escra láma Find, co tucar do Patraic iat, uair ata tri .l. uinge d' ór &ersir; tri .l. uingi d' airget &ersir; tri .l. gem glainidhe ina chomecor. Ocus do-cuadur a triur issind uaim, &ersir; tucsat a n-airi a n-airid léo do cach maith díb-sin, &ersir; téit in sluag uile isin n-uaim &ersir; tucsat a lór-doethain léo, conach raibe fine nonbuir dib gana n-daethin d' ór &ersir; d' airget.

Is andsin tainic a charpat chum Conaill. Eirg issin carpat, a Cailti, ar Conall. Ricim a les, ar Cailti, uair is scithech mé isin airechtus. Ocus do-chuadur issin carpat. Do greis Conall brod forsin echraid, &ersir; do-chuadur siar co Tráig Conbice, &ersir; do fhiarfaig Conall: Cid fa tucad Tráig Chonbice ar in tráig seo, a Cailti? Ní ansa, ar Cailti. Cú grádach do boi ac Find .i. Conbec a h-ainm, &ersir; in fiad risa licthea h-í ní fhaghad a dín a n-Eirinn, noco tabrad a cend chon &ersir; gilla fhiann Eirenn, &ersir; nír' loigh cú a n-aen-lepaid ré Find riam acht h-í, &ersir; is ann so ro báid Goll mac Morna h-í, &ersir; do chuir tonn tuile annso fo thír h-í, co fuil fan carnn &ndot;-glas at-chi a cind na trága. Cáilte cecinit. Truag lem oidhed Conbice Conbec ba lór a gloine, ni fhacca bud chrob-glici a n-diaid muici ná oighe. Soeth lium oidhedh Conbice Conbec in gotha gairge, ní fhacca bo chrob-glicci ic marbad doim na h-airde. Bid saeth lem 'ga forngaire os tonnaib arda uaine a h-oidhed bá comraime a bás is lor a truaigi. Truag lem.

Tangadur reompo co Dún na &mdot;-Barc ind aídchi-sin, &ersir; iarnamairech adubairt Conall re Cailti: ata druim annseo i comfhocraib duind .i. Druim Náir ainm in droma, &ersir; ata mucc ann, &ersir; ní fhetait coin na dáine ní di. Ro bádus la, ar Cailti, &ersir; rob fiadaigi maith muici mé, &ersir; cáit a fuil Donn mac Aeda meic Garaid? ar Cailti. Sunn, ar Donn. Gab t' airm &ersir; denam d' fhiadach na muice in lín Feinde atámait. Ocus ro gluaissidur rompo &ersir; tangadur issin druim anund, &ersir; at- chonncadur in mucc ann &ersir; .ix. fiacla asa carbut uachtarach &ersir; náe fiacla assa carpat ichtarach, &ersir; ro screchastar in mucc ic faicsin na con &ersir; na fer mor, &ersir; ro gab gráin &ersir; ecla iat-som roimpe. Lecar etrum-sa &ersir; in mucc, ar Donn, &ersir; is cuma mo betha no ma bás. Aiscid churad chuingi, ar Cailti, &ersir; do indsaig Dond in mucc, &ersir; ac drud don muicc chuici tuc Cailti sádhud sághud don t-shleig inti co rainic on oscail có cheile di, &ersir; fuair in mucc bas léo mar sin, &ersir; nír fhetsat a breith assin nó co tainic sluag Conaill uile ara cend, &ersir; tucad i fiadnaissi Chonaill h-í. Is mor in mucc, ar Conall. Is fir, ar Cailte, uair is sí sin in Muc t-Shlanga, &ersir; is immá leithéit-sin tainic olc Cloinni Morna &ersir; Cloinni Báiscni.

Ocus nír' chian ro batar ann co facatar in móirsheiser gilla mór cucu. Can asa táncabair, a ógu? ar Conall mac Néill. Táncamar, ar siat, ó Phádraic mac Calpuirn &ersir; ó Oisín mac Find &ersir; o Dhiarmaid mac Cerbaill ar do cenn-sa &ersir; ar cenn Cáilte. Ní h-éiter lim-sa dhul ann aniu aniugh d' éis mu shealga, &ersir; éirigh-se ann, a Conuill, ar Cáilte, &ersir; beir let na h-aisceda út .i. in t-eascra do bhí ac Find do Phátraic, &ersir; in Craebh Ghlasach, claidem Find, do Diarmait mac Cerbaill do rígh Eirenn, &ersir; in muc do marbad ann do ríg Eirenn, ós as í- so in Mhuc Shlángha, &ersir; co faicit cách í &ersir; gu roinne rí Eirenn dóib h-í idir mhaith &ersir; saith. Do- rónad uili mar sin, &ersir; tucadh in cloidem i láimh Duinn mheic Aedha meich Gharaidh mheic Mhorna. A sochar &ersir; a dochar in chloidim ort, a ghilla, ar Cáilte, no gu ria co rígh Eirenn. Ocus tuc Conall féin in t-eascra leis do Phátraic, &ersir; tucsat na moghuid an muic leo, &ersir; lotar rompa co ráncadar Cnoc Uachtair Erca, re n-abar Uisnech isin tan-so, i m- Midi medoin do ló. Ocus 'ar rochtain dóibh ann is ann do bhói Pátraic i Mullach Uisnig, &ersir; Diarmait mac Cerbaill ara láim n-deis, &ersir; Oisin mac Find ar a láim clí, &ersir; Muiredach mac Finnachta rí Connacht fora láim-sein, &ersir; Eochaid Leithderg rí Laigen ar a lái&mdot;-sein, &ersir; Eoghan Derg mac Aenghusa, rí dá cóiced Muman, ar láim rígh Eirenn.

Táinic Conull mac Néill iar sin &ersir; tuc a cenn a n-ucht Pátraic, &ersir; do shlécht do. Tar sunn, a Chonaill, ar Diarmait. A bh- fiadhnaisi Pátraic biat, ar Conall, gurab é bias ós mu cinn a nim &ersir; a talmain. Rígi uaim-si duit, ar Pátraic, ocus tricha ríg dot shíl a ríghi. Mo cathair &ersir; mh' abdaine duit fós, &ersir; in neoch fo-ghébh o chóic oll- choicedhaib Eirenn do chaithimh acat.

Tuc Conull an t-eascra óir i láimh Pátraic. Do chara féin, Cáilte mac Rónáin, tuc in aiscidh-sin duit, ar Conall. As cara, dar mo bréithir, ar Pátraic. Ocus tuc Pátraic secha i láim ríg Eirenn é, &ersir; do bhí rí Eirenn ica fhégad co fada, &ersir; adubairt: Ní facamar riam sét budh ferr iná in t- escra, &ersir; dégha let, a Oisín, cia ica raibe. Acam athair féin, ar Oisin, ac Find mac Cumaill. &ersir; tuc do bain-chéli dho é .i. Berrach Breac ingen Cais Cuailgne. As í ro marbhsat Meic Morna ar in foghail, &ersir; is deimin leam-sa, ar Oisín, in tí fuair so co fuair se in sét eli as ferr do bí a n- Eirinn ná a n-Albain.i. in Craeb Glasach, cloidem Find. Atá acam-sa sunn, ar Conall, do ríg Eirenn &ersir; is maith in aithne tucais. Érigh, a Dhuinn, &ersir; tuc in cloidem do rígh Eirenn, ór is do tuc Cáilte é. Ocus tuc in gilla in cloidem i l-láim Oisín, &ersir; ba lán glac Dhuinn do dornchla in chloidim. Ingnad lim, ar Oisín, do glac do línadh don chloidem, ór nír lín glac riam acht glac fhir do Cloinn Bhaiscni nó do Cloinn Mórna. Can duit a gilla? ar rí Eirenn. Donn mac Aedha, mheic Garuid, meic Mórna mhisi. Dar mu bhréithir, ar Oisín, do bo mhaith h' athair &ersir; do shen-athair. Ocus tuc an cloidem i l-láimh rígh Eirenn. Caidi dece an cloidhimh, a rí Eirenn? ar Donn. Cá dece shire? ol in rí. Rígh-féinnidhecht Eirenn amail bái ag derbbhráthair mo shen-athar. Madh cet le h-Oisín &ersir; le Cáilte, ar rí Érenn, ragaid dhuit. As ced ámh, ar Oisín, ór is é mu chet-sa cet Cáilti, ocus as duthaig do Dhonn h-í, ór ro ghabsat secht rígha uime rígh- féinnidhecht Eirenn &ersir; Alban. Is amlaid do-beirim duit h-í, ar an rí, gan chís gan chánachus óir ná aircit do tabairt duit aisdi, amail tucad do gach rígh-fhéinnid romut, acht comus sealga &ersir; fiadaigh Eirenn duit. Ocus do ghabh- som cuir &ersir; tennta ann sin, &ersir; do bhí secht m-bliadna fichet a rígh-fhéinnidhecht Eirenn &ersir; Alban no gur' mharbh Dubh mac Dolair a cath Cuire thall a n-Albain h-é.

Tucad iarum in mhuc a fiadhnaisi rígh Eirenn. Ac sin, ar Conall, in muc ro mharbh Cáilte &ersir; Donn, &ersir; tuc Cáilte duit-si h-í da roinn ar feruibh Eirenn ar dáigh cumad coimhdhi dóibh a cuid don Muic Slangha do rochtuin dóibh. Ocus do roinn rí Eirenn in mhuc dona .u. cathaib fichet bátar fir Eirenn i n-Uisnech gur'bhat subaigh so-brónaigh uili iat. Ocus ba h-í-sin Muc Shlángha déidhenach dhéighenach do roinned idir feruibh Eirenn.

Is andsin adubairt Conoll Mór mac Neil re rígh Eirenn: Cá breth is áil let-sa do breith ar Cháilte da tí dot innsaigid? Proinn deich cét óclach dho, ol in rí, &ersir; ocht fichit bó do chur i fér-ghurt gabhála &ersir; a loim do thabairt do digh doib ré loigi &ersir; dá chomalta, dh' Oisin. Ocus do bátar ann in adhaigh-sin co h-arabárach.

Dála Cáilti immorro, do gabadh eich Chonuill do, &ersir; do h-innleadh a carpat, &ersir; táinic roime i fos- mhullach Sléibi Fuait, &ersir; do Chaerthenn Ban Finn, re n-abar Caerthann Cluana Dá Dhamh, &ersir; d' Ard in Ghaiscid atúaid, frisi ráidhter Fochaird Muirthemne, bhaili a n-derna Cú Chulainn in foicherd gaiscid ar sluaiged tána bó Cuailngi, &ersir; d' Áth na Car- pat budhtúaid, re n-abar Áth Guill, &ersir; d' Echlaisc Ech Con Culainn, re n-abar Lighi in Léith Macha iter Dún Dealgain &ersir; muir, &ersir; do Slíab na Com risa ráidter Slíabh Bregh.

As í-sin aes &ersir; uair ro ghabh íttu Diarmait mac Cerbaill i Mulluch Uisnigh, &ersir; maithi bh-fhear n-Eirenn 'na fharrad ann, &ersir; do fhiarfaig in raibhi uisce a com- fhocraibh do. Ní fhuil, ar cách. Do-chuala Oisín sin &ersir; at-bert: Sithal damh, ar sé, co n-dechuinn d' iarraidh uisci. Gilla leat, ar Diarmait. Ni thicfa gilla na óclach, ar Oisín.

Ad-racht Oisín &ersir; do chuir in cairci frith-roisc for a lurg co nach facad nech a longphurt fher n-Eirenn é, &ersir; ráinic d' innsaigid na tiprat .i. in Findfhleascach tipra Uisnig, &ersir; ó thucadh cath Gabra ní fhuair nech d' feraibh Eirenn h-í co sin. Ocus ráinic Oisín co grian-tracht an tobair, &ersir; at-connuic na h-ocht n-éicne áilli eochair-breaca ann, ór do bí do dhiamhair an inuid nar' ecal leo-sum ní ann, &ersir; benais ocht n-gais bhiroir &ersir; ocht n-gais fothlachta, &ersir; tuc in t-sithal fón tiprait, &ersir; tuc lais na h-ocht m-bratáin beo ac baeith-léimnech isin t-sithail &ersir; na gais birair &ersir; fhothlachta ar a h-uachtar, &ersir; táinic roime co h- Uisnech amlaid-sin, &ersir; tuc in t-sithal a fiadnaisi rígh Eirenn, &ersir; ba h-ingnad le cách sin, &ersir; do théiged glún Diarmada a m-bun gach gaisi díbh. A roinn-sút ar dhó, ar Diarmait, &ersir; a leath do Phátraic &ersir; a leth aili dúinne. Ní h-amhlaid, ar Pátraic, ór lia dáibh-si, &ersir; roinnter ar trí iat, &ersir; tabar a trian donn eclais, ór as i-sin a cuit féin. Ocus do-rónad amhluidh. Maith, a rí Eirenn, ar Pátraic, ná benudh in dias út do chuid nimhe dít-sa. Cidh é-sein, a naem Pátraic? ol Diarmuid. A mhéd do-beiri dot uidh iat, ar Pátraic.

Dála Cailte immorro, indister andso: do-riacht- sein co faithchi faighthi in Brogha atúaid, tar Linn Féig ar Boinn bhán-tsrothaig, &ersir; lámh des re Cnoc Tlachtgha, &ersir; lámh clé re Cnoc Tailltenn ingine Magmóir, &ersir; a Rót na Car- pat suas i Mullach Uisnigh bhaile i r-rabhatar firu Eirenn. Toirlingidh Cáilte isin aenach, &ersir; táinic mara raibhi Pátraic, &ersir; táirnes do &ersir; tuc a chenn a n-ucht Pátraic. Éirghis ath- laech do muintir Phátraic roime .i.Mu Chua mac Lonáin. Maith a anam, a Cháilti, ar Pátraic, innis dúin cuich é Mu Chua. At-bert Cáilte: Mu Chua mac Lonáin na lenn meic Senaigh arnach saighfem, meic Aenghusa in greaga greada ghuirm meic Mughna, meic Blait breac-duirn. Meic Aedháin, meic Blae Aeda meic Fhergais, meic Chinaetha, meic Fiachach, meic Airt don Muigh meic Muiredaig meic Eogain.

Crét fuil acum-sa, ar Mu Chua, acht do chuimnigud-sa a n-ocht trathaib na h-Ecailsi?

Alléra anís ar mo ghualainn-si, a Cháilti, ar Diarmait, ac a gabail ar leth-laim. Ní fer gualann rígh mhe, ar Cáilte, acht fer fiadhnaisi rígh, ór mac óclaich mhé, &ersir; is ferr in té atá ar do ghualainn innú-sa. Dom bréithir fris, ar Oisín, nach ruc ben a com-aimsir frit a n-Eirinn neach dar' chóir a rádh gur' ferr é fein iná thusa.

Is annsin ro fersat fir Eirenn fáilti re Cáilte, &ersir; ferais in rí fáilte fo trí ris, &ersir; tuc Cáilte teora póc d' Oisín, &ersir; suidhis ar a leth-láim. Lán duirn do bhiror &ersir; fothlacht búi i láim Oisín tuc a láim Cáilti. Biror &ersir; fothlacht na Flesce so, ar Cáilte, &ersir; in fuaruis iasc innti? Fuarus ocht maigre, ar Oisín, &ersir; atá in t-ochtmhadh maigre acainn araen díbh. Dar mo bréithir, ar Cáilte, ní roibhi mo chuit-se riam i l-láim mná ná fhir budh annsu annsa andsu lim innái-si.

Is annsin tuc Cáilte a láim a comraidh a scéith, &ersir; tuc slabrad línidi Logha meic Eithlenn ar lár 'na bh-fiadhnaisi. I Carn Gairb Daire fuaruis in slabradh, a Cháilti, ar Oisín. As ann co deimhin, ar Cáilte. Ocus tuc Cáilte do rígh Eirenn in slabrad, ocus .u. catha fichet búi in slúag, &ersir; do thicedh 'na timchill &ersir; ocht cét óclach do thoilledh ann, &ersir; dúnad ar in cét-fer dhíbh, &ersir; gan comus a osluicthi no gun-oslaici in cét-fher.

Is and adubairt in rí: Maith, a Cháilti, ba maith in cethrar bátar a n-Eirinn a n-aen- aimsir .i. Cormac mac Airt &ersir; Find &ersir; Cairbre Lifechair &ersir; Oisín. Ba maith in t-óclach Cormac, ar Cáilte, &ersir;dob aithnid do chách maithes Finn. Ocus at-bert Cailte: Da tísadh fo breith dála a mhac cuigi 'sa náma ba do maithib líne dhó eturra ní bérad gó.

Ocus, a Cailti, ar Diarmait, inar' fherr Cormac iná Find &ersir; inar' fherr Cairbre iná Oisín? At-bert Cáilte: Dar in Rígh fhuil ós mo chinn nír fherr Cormac iná Find, 's nír' mesa Oisín co m-blaidh m-blaigh iná Cairbre Lifechair.

Is and do fhiarfaig Eochaid Lethderg, rí Laigen, do Cháilti: Crét fo-dera d' Finn &ersir; don Fhéinn gan in péisd adbal- mór atá acainn a n-Glenn Ruis Enaigh do mharbad sech gach n-arracht eli dar' dhíchuir sibh a h-Eirinn? Is ed fo-dera sin, ar Cáilte, in ceathramad rann d' inchinn Mes Gedra h-í, &ersir; ro sluic in talam ann h-í co n-derna peisd adbul- mor di. Ocus ní raibhi a n-dán dúinne a marbad no gu toirsedh an Táilcend &ersir; deiscibul da mhuintir chenglus d' aen-shifinn luachra ar deiredh na h- aimsiri h-í, &ersir; biaidh isin cengal-soin co tí in bráth. Cidh uma téígdis an Fhian da marbad féin &ersir; do mharbad a con ar an loch-sin don phéisd? Leannán sídhe do bói ac Find, ar Oissin .i. Uaine ingen Moduirnd, &ersir; tuc Find éra tochmairc furri ar a immat d' ilreachtaib a téiged sí, uair ní raibe bethadach na téighed sí 'na richt, &ersir; tangadur ind Fhiann laithe n-aen ar in carnn os chind in locha-sin, &ersir; tainic in fiad amach ar in loch, &ersir; do lenamar-ne ar in loch h-é, &ersir; do eírig in peist duind, &ersir; do marb cét cú &ersir; cét fer accaind, &ersir; is annsin do iarfaig Cailte do Fhind: in lind tuitfis in peist, &ersir; mased co cuirmis ria &ersir; co &ndot;-dighlamais ar muintir furri. Ocus tuc Find a ordain fa déd fis, &ersir; ro faillsiged fír faistine dó, &ersir; ro ceiled gae fair ann, &ersir; adubairt in laid: Glend Rois Enaig, bid fir dam bid bind guth cluic ann nach than, gé beth fó damaib ruada robsat ili a ard- buada. Ro gab in doinend dubad ni soinend acht ar selaibh, do gab in talam trochull do gab cochull cend n- enaig. Enach feinde fadb fulaig im-rulaig garb re conaib siat srotha elta enaig rian tregain ter- chtha rian trehgain terca trogain. Crotholl Trochull Feinne fuath curraig os duillib ruada rindib, sceo gaithi céo tar rindib os rengaib leabra ar lindib. Coscrach at-chiu-sa an muirbich rosc dercain dreacoin dregain brath tar buidnib, taeb-úaine taithnem taidlech biaid Cáemgin ga m-bia cuibrech. Muirbech lonn Locha h-Enaig tonn 'na degaid ad-raigi, sissi ac slaidhi na Féinde óig na Feinde 'ga slaide. Deich &mdot;-bliadna ar da bliadnaib a h-ocht riagail ar relaig, ar da cét deg sét saíre gusin áine ro genair. Loch n-Enaig adhba elad scith cen fhianna 'na fharrad fharrud , tailgind contagfat uime badh binde chanfat aille. Loch n-Enaig n- enaid adhba ela dind &mdot;-bera itir da m-broine. enach trogain blái théite otá in chéiti có 'raili. Glend Enaig itir da t-shliab iss é is áille at-connarcc riam, Abhand Da Loch ar a lar iss é lán don leith aniar. Bidh adhba ailithrech uar bid adba trén ocus truag, bid adhnacht rig cend a cenn ticfa Cáemgein issin &ndot;-glenn. Glenn.

Ní h-éitir a indissin na a aisneis neoch ro indisstar do denam dóib féin do mor-gnimaib gaile &ersir; gaiscid &ersir; do maithib na Féine, re táeb dind-senchais cach cnuic &ersir; cach fheraind ro fhiarfaigetar fir Eirenn díb.

IS ann sin tainic Tamun Trénbrugaid mac Tréin .i. flaith-briugaid cétach comramach do ríg Eirenn .i. tri. l. fer mor ina fharrad &ersir; faideran faitiuran fír-gorm im cach fer díb &ersir; fedana find-uma isna brataib os a m-bruindib &ersir; leinti lígdha lán-gela umpu, &ersir; tri .l. gabal-lorg ina lámaib, &ersir; ro bennaigedur do ríg Eirenn &ersir; fregrais in rí iat. Atá fled fleg mor acaind duit, a ríg, ar siat .i. deich fichid dabach do midh, &ersir; deich .xx. dabach do chuirm glain gabaltaig cona daeithin do biadaib ilarda écsamlaib léo, &ersir; tucsat in biad &ersir; in lind léo don ríg. Ocus do fhiarfaig rí Eirenn d' Oissin: in a n-aen-tech re maithib Eirenn rachtthaisi nó in tech óil &ersir; aib- niusa ar leith bes accaib? Ar cuit bíd &ersir; lenda duind ar leith, arsi Oissin, uair ní lucht comdíne na comaimsire duind na daíne anois. Cá lín atáthi? ar rí rig Eirenn. Da naenbur, ar Oissin .i. nonbur dam-sa &ersir; naenbur dom chomalta, do Chailti. Fiche dabach cona n-daeithin bíd doib, ar rí Eirenn. Maith a rí ríg , ar Cailti, na cutrumaig-siu sind do bíud nó do lind chaichi, uair in tan do-berthea deich &ndot;-dabcha dam-sa, .xxx. dabach bud chóir d' Oissin, Ocus ro chaithedur ind adhaig-sin co subach so-brónach, co tainic la cona lan-shoillsi gan uresbaid bíd na dighi forro.

Ocus do cuired a phupall tar rig Eirenn issin tulaig thonn-glais in lá-sin, &ersir; nír' léiced ach rígdamna issin pupaill, &ersir; tainic Patraic cona chleírchib issin darna leth don phupaill, &ersir; nír' léiced acht esgob &ersir; sacart &ersir; mac ochta rig nime &ersir; talman issin leith i r-roibe Patraic.

Suidhis Oissin i fiadnaissi Pátraic &ersir; Cailti i fiad- naisi rig Eirenn. Cia accaib as sine? ar rí Eirenn. Missi, ar Cáilti, uair .x. m-bliadna .xx. do bo th-slan dam in tan rucad Oissin &ersir; .uii. &mdot;-bliadna déc dó am leapaid-sea, &ersir; as mo thigh ro gab feind &ersir; foirind.

IS ann sin do fhiarfaig rig Eirenn: cá lín do rígaib Eirenn leis a tucad ferann don Fheind? Fregrais Cailti sin, or do bói a fhis aice .i. Rí Rig ro gabusdur Eirinn .i. Feradach Fechtnach, &ersir; da badur da mac aici .i. Tuathal &ersir; Fiacha a n-anmanna, &ersir; fuair Feradhach bás, &ersir; do roindset a da mac Éire eturru .i. seóit &ersir; maine &ersir; indmusa &ersir; buara &ersir; bó-thainte, a failgi &ersir; a fornasca, a n-duinte &ersir; a n-dingna &ersir; a n-deg- bailti don darna fer; a h-alla &ersir; a h-indbera, a mes &ersir; a mor-thorad &ersir; a h-éicne h-eicned aille eochur-breca &ersir; a fiadach don fhir aile. Cait a n-dernnsat in roind-sin? ar rí Eirenn. Immon cnoc-so ara fuilmid inar suidhe do roindset da mac rig Eirenn eturru. Ní samlaithi in da roind-sin, ar maithe fer n-Eirenn. Cé díb roind bod ferr lib-si? ar Oissin .i. a fleda &ersir; a tighi &ersir; a maithius archena issin darna roind dib, a feda &ersir; a fassaigi, a selg &ersir; a fiadach issin roind aili. In roind ba messa díb, ar Cailti, dar lib si is sí ba ferr linde.

Ráid &ersir; indis a fhírinde-siut, a Chailti, ar Oissin,

Oissin cecinit

Raid a Chailti cid dia fuil mor eolus ré iarfaigid, cét-roind Eirenn leth ar leth do cach crich fil um Uisnech. Cia do-rat ferann don Féind ind abrai frium a Oisséin? cia ro scar re gillacht chon cia ros-dil fa thuarus- dul?

Cáilte cecinit.

Mebair Meadbair lem in ní dia fuil a meic ingine in Deirg druin, ó ro lessaig Fiacha in Féind co ro athrígis-si, a Oisséin. Deich &mdot;-bliadna do fhlaithius maith duit-siu a Ossin, a ard-fhlaith, ó rus-brég Fathad in Féind co rus-tréigset tú, a Oissein. Deg-mac Feradaig dar lim dar' bo chom-ainm Fiacha Find, Eithne ingen Daire Duib ro bí in Morrigu a mathair. Feradhach is Fiacho Find roindset Eirinn tind a tind, badur ar Eirinn co m-blad gan chocad, gan chomardad. Ruc do roga in mac ba só beith ré Féind, ní h-imargó, foithri, fássaigi, feda aibhne is alla is indbera. Ro gab Feradach, dar lem airdrígi ar feraib Eirenn, a fleda, a thairgthi, a tighi a táinti 's a trebaire. Rígi Feradhaig ba maith cor' thuit lé Mál in mac-fhlaith, bá tásc rígh ruamnus a gail bás in ríg ind áidchi-sin. Luid Fiacha a Temraig co rath ó do-rochair Feradach, gabais nert Eirenn uile la marmuir mac Rocraide ar Mál mór mac Rochraidi luid tar muir mac Rochraide . IArsin do-rat Fiachan in Féind do Morna gusin mor-cheill, cethrar dóib-sein, dreimne gal ina diaid ro gabsatar. Morna mac Cairpri co &ndot;-gus deich &mdot;-bliadna dó ina fhlaithius, a deich do Garad nár' gann nó cor' scarad ré cháem- chend. Daighri mac Garaid co &ndot;-gus cóic bliadna dó 'na flaithius, áirim secht &mdot;-bliadan gan brath Donn mac Morna in deidinach. Eochaid mac Nárchada anair rí Fhiann Eirenn a h-Ultaib, bliadan co leith a líne ós in Féind a n-airdrígi. Cas mac Cannáin, cruaid a neim aen-bliadan aici a h-Ultaib, Duban a mac, monar &ndot;-grind da bliadain aici áirmim áirbim airmhim . Gabsat a Mumain, miad cealg Liath Luachra is Labraid Lamderg, deich &mdot;-bliadna doib, lith nach gann do macaib aithig Árann. Trénmor h-ua Baiscne ba baic ba h-úa do Shetna Shithbacc, sen-athair Fhind, ségda in roind athair Cumaill is Crimaill. Tarraid Trénmor, trén a báig Fianna Eirenn a n-aen- dáil, rigsatar a ríg andes secht &mdot;-bliadna déc a reimes. Ro gab Cumall, cruaid a neim a l-los sceith ocus chlaidim, rígi fá tuc teora cath scannlach, congalach, cocthach. Ro gab Cumall, cruaid a nim i l-los scéith ocus cloidim cloigim deich &mdot;-bliadna dó sunn ana co torchair i cath Chuncha. Arsin gabsat maic Morna ar brón &ersir; ar bith-doghra, tricha laech, ba mor a n-gal im Daigri, im Goll, im Garad. Goll Mór ba mílid i cath mac do Morna déidenach, deich &mdot;-bliadna dó, lith nar' gann i nd-airdrigi fhiann Eireann. 'Ar sin ro gab in t-éo óir Find mac Cumaill meic Trénmóir, ar tairbertach saer sluagach ar sái amra il-buadach. Ar flaith, ar séghaind, ar sái ar m-breithem, ar n-druth, ar n-drái, ar cend cumaing, ar slicht slóigh Find mac Cumaill meic Trénmóir. Dob é Find in cóiciud laech uasal forusta fir-gaeth noch dob ferr delb ocus drech dob ferr arm ocus édach Dá cét bliadan co m- blaithe ocus tricha gan tlaithe saegal Find, ba fata re co torchair 'ga léim baissi. Secht rí déc, is deimin lem lim do gab rigi Fhiann Eirenn, ferr Find inait sín uile cath- milid ard Almaine. Cuicir druad druag , ba dám duilig is ferr taraill Iath Fuinid, is mebair lim-sa co becht a n-aísneis is a n- dráidecht. Ba díb Badgna a Síd Badgna díb Cathbad drái deg-amra, Stocán mac Cuirc chrechtaig cháim Mog Ruith is Find a Formail. Cuicir legha, lith n-amra is ferr taraill tír Banba. cid cían atú-sa da n-éis isam eolach 'na faisnéis. Miach is Oirmed, dalaib drecht ocus a n-athair Dian Cecht, Gabran liaig tar muir anair Find féin h-ua Baiscne barr-glain. Cuicer filed, uasal drem is ferr tharaill iath n-Eirenn, is mebair medbair lium-sa co becht a faisneis, a filidecht. Cairbri fili fuair dar ler Amairgin Indsi Gaeidel, Feircheirtne re Labraid Lorc Mogh Ruith is Find Faeburnocht. Cuicer is gaithe um ceill &ndot;- grind ro bói a n-aen-tig a n-Eirinn, Fithel ocus Flaithri a mac Carpre ocus Aillbhi is Cormac. In cheist do-chuirdis tri cheill prap ro fhuaslaiced Find féin, in cheist do-nith Find na fled nech don chuicer ní chuimged. Cuicer laech luaidis ferga is ferr táraill Iath n-Elga, budh gairbe gnim ocus glonn bud gairge í cath 's a comlunn. Lugh mac Céin meic Cáinte anall Cú Culainn ocus Conall, Lugaid Lágda, lám ar gail Find féin h-ua Baiscne barr- glain. Cuicer is féile frith riam budh fherr um brat is im um biad, do chined na &ndot;-Gaeidel &ndot;-gle maith ro chaithset a maine. Lug mac Eithlenn, Aengus áin Cú na cerda, crúaid a báig, Conaire caem, cruth nar' chlé Find is Mac Luchta ar aen- cháe. Cuicir flatha ferrdi lem is ferr taraill tír n-Eirenn, is mebair lim-sa co becht a n-aisneis 'na flaithemnacht. Eirimon mac Miled moir Iugaine a n-diaid Eirimoin, Aengus Tuirbech,treissi a &ndot;-gail Conn Cétchathach, Find féindid feindig . Laech ar gairbe, co &ndot;-gnim &ndot;-glonn ocus óglach ar chomund, cleirech ar procept Maic Dé ocus flaith re fírinde. Ni fhetar locht ar Fheind Fhind dar in Rig fhuil os mo chind, acht, a Dé tadhaill talman gan in Mac do mor- adhrad. Ni mairit in muinter maith ní mairenn Find in fír-fhlaith, ní fhuil in cuire gan cleith na ruire 'mun rigfhéindid rig-fheindig . Ferr a sretha na cach sreath ferr na cach rig a taissech, mét na fer is mét a sciath mét a laech &ndot;-gasta &ndot;-garb-liath. Ba ríg, bá fáid, ba fili ba triath co mét mor-fhine, ar fisid 's ar &ndot;-drai 's ar fáid ba bind lind cach ní do ráid. R. I N-abraim do thestaib Find dar in Ríg fhuil os mo chind, ba ferr-som fos co ba tri cid mor in ní raidim-sí. Raid. Gu ba shecht do chreid in rí Find mac Cumaill Almaini, in sechtmad fecht do bói ar fás is do thainic a thiug-bás. Leth Moga ac Eogan do bói Trénmor is ré laim ro láe, mac dó Cairill fa gein Scail ba bínd lais cach ní ro ráid. Raid.

Ad-rae buaid &ersir; bennachtain, a Chailti, ar Diarmait mac Cerbaill, &ersir; caid a filet sin &ersir; senchaide Eirenn? Scribthar i tamlorgaib filed &ersir; a slechtaib suad &ersir; a m-briathraib olloman sud, co m-bere cach a chuid lais da crich &ersir; da ferann bodein da cach ní dar' indis Cailti &ersir; Oissin da mor-gnimarthaib gaile &ersir; gaiscid, &ersir; do dind-shenchus Eirenn. Ocus do-gníd amlaid-sin.

IS annsin ro fhiarfaig Find mac Faeburdeirg, mac rig h-Ua Ceindselaig. A Chailti, ar se, crét fa-dera in Giussach Fhind náim &ersir; fíreoin ic a h-adhrad seoch cach n-inad aile issin crich? Frecrais Cailte sin. Lúb-gort selga d' Fhind h- í, ar se, &ersir; in tan na fagdais in Fhiann a cuiged letharthach Laigen óta Indeoin Maighi Feimin co Beind Éadair a n-daeithin selga do geibdis issin Giussaig Fhind.

Maith m' anam, a Chailti, ar Find mac Faebair, cret ima n-abar Áth Ferna risin n-ath atá ar lar na Giussaigi? Frecrais Oissin sin: Goll mac Morna ro marbustar Fernn mac Cairill ann ar foghail Chlainde Morna, &ersir; mac rig na &ndot;-Deissi andes h-é, &ersir; óclach grádha d' Find h-e, &ersir; 'arna chur fá fhochlaitib talman tuc Find a ordain fá déd fis &ersir; ro faillsiged fírinde dó, &ersir; ro ceiled gói fair, &ersir; adubairt: a Fhernn maic Cairill, mo-genair duit ro h-adlaiced issinn inudh a tái. Uair mor do fhind-cheolanaib ceilebartha &ersir; do fhind- leabraib trath &ersir; do eadbairt chuirp in Choimded do-gentar ós do chind. Ocus adubairt: Ath Ferna áit a m-bia M' Aedóg fhedbda, aníu cid imda a chuana bid imda a duana nemda. Ath Ferna na féorainde bid fedbda in fer 'ga &mdot;-bia, da-roiset ann anmcharait bat im-fhoicsi do Dia. Da-ria M' Aedog muintirach tar Áth Find Glaissi fia bidh chrom-chind ros-tairgéba bid roibh-chind duíní Dia. Da-ria M' Aedog muintirach maissi greine tar cithu, da-ria mac na retlaindi retla buadach tré bithu. Bíd h-é in t-inad oirrnidi a m-bíd fianna fa fulacht, da-ria M' Aedóg muinterach mo- chin rí darab rulacht. Bidh h-é in torc trén tulcháinim bid h-í in lassar borb brátha, da-ria M' Aedóc muinterach bid tonn tar ilar n-átha. Ath.

Is maith am ro indissis, ar Find mac Faebair, &ersir; atá ceist aile accum is áil lium d' fhiarfaigi dít, a Chailti? Cret in cheist-sin? ar Cailte. Baile atá acainde annso í comrac in da chóiced .i. Comar ollbuidnech na Tri n- Uisci, áit a comraicend Siúir &ersir; Fheoir &ersir; Berba, &ersir; Ros &mdot;-Brocc ainm in baile-sin, &ersir; rob ail lium-sa a fhis d' fhagbail uait-siu cia ic á raibe in dúnad út ann. Urusa lium-sa a fis-sin duit, ar Cáilte .i..

Dá óclach gráda d' Fhind mac Cumaill ro bói ann .i. Cellach Braenbili &ersir; Mo Ling Luath do chóiced Laigen, &ersir; do badur da cét óclach &ersir; da cétgilla &ersir; da cét con ac cechtar de díb, &ersir; cid iat tri catha na Féinde do t-shirthea ba terc ann dias budh fherr luth nó lamach anait-sium, &ersir; do bí maith aile intib-sium mailli ris-sin, uair is 'na tigib do bith in Fhiann re bliadna gan teirce bíd na lenda orro ris-sin.

INgnad linn, ar Finn mac Faebair, uisci in baili-sin in ard &ersir; a t-shruth ina all, &ersir; foírid in t- uisci-sin cach eslainti re &mdot;-benann. INdeossat-sa duit adbur in ratha-sin, ar Cailte. Is é-sin cét-uisci ro bennachadur aingil Dé a n-Eirinn, &ersir; is sé uisce déidinach béos bendeochar inti, &ersir; Táeidiu ainm na h-abhann, ar se.

Ocus do badur in dá óclach-sin ann nóco &ndot;-dechadur Maic Morna ar fogail ar Fhind, &ersir; nir' rathaigset áidchi ann nó cor' gabsat Maic Morna anair &ersir; aniar immon &mdot;-baile acco, &ersir; ro badur teora lá &ersir; teora aídchi ac dul ar in &mdot;-baile, &ersir; nir' fhedatar ní dó ris-sin, &ersir; a cind in tres lá fuaradur baegal teined do chur ann, &ersir; do loisced in baile léo, &ersir; do-rigned a argain, &ersir; ní thernó duine béo d' fhir na do mnai gan a loscud ann, &ersir; in tan tairnic leo in baili d' arggain &ersir; d' indrud tangadur reompo tar sgairb Indbir Dub Glaissi, tar Berba síar ar sodain, &ersir; is sí- sin aimsir i r-rangamar-ne tri catha na Féinde dochum in baile gin gur' chobair doib-sium sin. Ocus suidhis Find &ersir; tri catha na Feinde ar faichthe in dúnaid, &ersir; ro cháisetar co dérach do-bronach, uair ní minic má do-rinded riam gnim bo doilgi leissin Féind ina sin. Ocus tucad loing-shithal bán-óir chum na flatha Find annsin, &ersir; ro indail a láma &ersir; tuc uisci ima gnuis rígda ro-alaind, &ersir; tuc a ordain fa déd fis &ersir; in tres fis is mó ro faillsiged dó riam issin tan-sin ro faillsighed dó h-é, &ersir; adubairt: Ceithri cáidi foghaide ticfat tar m' eissi a n-Eirinn, &ersir; do rig nime &ersir; talman do-génat a faistine, &ersir; bid annso ticfa in cethramad fer .i. Mo Ling mac Caelain, meic Feradaig Find, meic Fhidgai, &ersir; cath chuirfither re deiredh aimsire i nd-Eirinn, .i. cath Maigi Rath, &ersir; Suibne Geilt tic assin chath-sin is annsa baili-seo muirbfither h-é &ersir; aidhlécthar, &ersir; ben d' feraib Muman máthair in chleirig-sin, &ersir; ní lemat fir Muman olcc in baili-seo do denam chaídche. Ocus adubairt in laid ann: Ros &mdot;-Brocc aníu is conair chuan romur ruad itir da all, cian gar co toirset nóim ind Mo Ling ainm in tí 'sa ceall. Taediu chorrach cham-lindtech ar ur na cairrgi is lia, da-roichid sunn sochaide imtheghdaid ann ar Dia. Taídíu grianach genter leis beith ara greis bud maith lim, truagh deired in domain dein saeth lim mé féin can beith ind Do-roichfea in fer foluaimnech atuaid a Maig Rath, bid gairidugud don chleirech maiden co méit rath. Tech Mo Ling meic Fhaelain meic Fheradaig Fhind, uingi d' ór ó nech ar a thech 'na chill. Bennan Mo Ling Luachair bentar isna trathaib, ní lémat láich Luimnig ben Muimnech a mathair. Tiucfat fir Chualann atuaid forba a sluaig co Tech Mo Ling ó sin amach co brath mend ferr issa ferr Tech Mo Ling, Adeirim-si rit reime bid fír dam in fhaistine geib re h-anmain Fhind í bhos tarrngaire Mo Ling don Ross. Ros

Maith a anum, a Find meic Faebair, ar Cailti, is i-sin in ceist ro fiarfaigis dim.

IS andsin adubairt rí Eirenn re Patraic: is mithig lem-sa dul co Temraig bodesta, &ersir; ín ticti-si lím co Temraig, ar Diarmait, don dula sa, a shenorchu? Ni rechum, ar siat, co cend &mdot;-bliadne. IS annsin adubairt Eochaid Lethderg rí Laigen: Bérat-sa Oissin lem, ar se, frissin &mdot;-bliadain-seo co Dún Liamna Lendchaime ingine Dobrain Dub- thaire. Berat-sa Cailti lem, ar Conall Mor mac Neill, co Dún na &mdot;-Barcc bothuaid rissin &mdot;-bliadain-seo. Berat-sa Pátraic lem, ar Diarmait mac Cerbaill co Temraig do baisted &ersir; do bennachad &ersir; d' ordugud fer n-Eirenn ina cirt &ersir; ina riagail féin.

Ro scailset fir Eirenn dochum a crichi féin, co ro chomraicset a cind bliadne i Temraig.

Corub h-í Accallaim na Senorach ac in chartha a Mullach Uisnig sin &ersir; cach ar' chansat d' fhis &ersir; d' eolus d' feraib Eirenn uile ó sin amach.

Dala Chailti immorro, ro eirig-sein reime maraen re Conall mac Neill do Raith Artrach bothuaid a crichaib Ceineil Conaill. IS annsin do eirgedur ingena míne macdachta mong-buide &ersir; meic becca brat-uaine &ersir; amais &ersir; óclaig in dúnaid d' fherthain faeilte re Cailti. Badur ac ól &ersir; ac áibnuis re h-ed &ersir; re h-athaid in caem-laithe- sin no cor' eirig grian assa circcaill truim teintidhi cor' línastar alla &ersir; essa &ersir; indbera in talman.

INa degaid-sin tainic Conall &ersir; Cailti co maithib a muintire assin baile amach, &ersir; ro fhiarfaig Conall: cid fa tucad Raith Artrach ar in raith-seo, &ersir; cid ima tucad Raith Mongaig ar in raith-seo thuaid, &ersir; cid imma tucad Lis na n- Éices ar in lis- so thes? Frecais Cailte sin: Tri meic ro badur ic Bodb Derg mac in Dagda issin Brug brec-solus .i. Artrach &ersir; Aed Alaind &ersir; Aengus, &ersir; tarrla imressan eturru &ersir; a n-athair fein. Maith m' anam, a maccu, ar Bodb Derg, fácaid-si dam-sa Tuatha Dé Danann, &ersir; imthigid chum rig Eirenn .i. chum Cormaic h-úi Chuind, &ersir; atá adhbur 'mana cóir dáib Tuatha Dé Danann d' fhagbail, uair ní fuil do crich ac Tuathaib Dé Danann a fulang féin &ersir; a fuil do maithius ic Artrach inmain, &ersir; is lia d' Aengus mac Buidb ná do Tuathaib Dé Danann uile etir gilla &ersir; óclach, &ersir; is lia d' Aed Álaind eíces annsiut na do chliaraib Eirenn &ersir; Alban.

IS annsin tangadur tri meic Buidb co Cormac, &ersir; fiarfaigis dib cid do gluais iat. Ar n-athair fein ro fhogair a Tuathaib Dé Danann sind, &ersir; tangamar d' iarraid fheraind fort-sa. Do- gebthái-si sin, ar Cormac, do- ber-sa daib ceithri triucha na Garbthire, frisa raiter Tír Conaill aníu, &ersir; ro bói in mac ro-ba t-shine díb .i. Artrach &ersir; bruiden secht &ndot;-dorus aici, &ersir; mo-chen re cach &ndot;-dáim. Ro bói Aengus ilclessach í Raith Mongain, &ersir; maccu rig Eirenn &ersir; Alban ac foghlaim lamaig, &ersir; ro bói Aed eíces a Lis na n- Éices &ersir; cliara Eirenn &ersir; Alban ina fharradh ann .i. deich &mdot;-bliadna fichet ro chaith- set do fhlaithius Chormaic h- úi Chuind nó co fuair bás ic Raith Spelain a m-Bregaib.

Tangadur ar cula doridhissi co Tuatha Dé Danann, &ersir; ro ba lis ballach breic-derg in lis-so do chnoib caema cend-chorcra caillide &ersir; d' ublaib aille ór-buidhe, cid raith ruad aniu.

Cailti cecinit

IS ruad aniu Raith Artrach ger'bo raith óc il-armach, solus bodes is bothuaid in raith-seo co n-ilar &mdot;- buaid. IN cloch-sa in táib thuaid don lis sochaide ata 'na h-ainfhis, tri coeca uingi fa tri fuil fo bruinde na cloichí. Ainm na ratha rind atuaid deg-raith Mongaig in mor-shluaig, as gairit uaithe bodes co Raith Aeda na n- Éices. Deich m-bliadna fichit ba cert co trath erghid na mor-mac, riam nochar' troitset ria fein conach creiti cach ro- reidh

Cait a fil in cloch, a Chailti? ar Conall, fó fuill in t-ór &ersir; in t-airget? Ní h-í in chloch as doilig d' fhagbail, ar Cailti, acht a tabairt a talmain. Ní doilig ón, ar Conall, ac eirgi co ceithri cétaib fer n-armach nertmur, &ersir; tucsat a lama a n- aen-fhecht chum na cloiche da tarraing a talmain, &ersir; ni raibi tarba issin trén-feidm, ór nir' fhetsat a becc di. Ni fuil fer cobartha na tócbala aire acaind anossa, ar Cailte, ac tabairt sádaid do crann a t-shleigi fuithe cor' thóc h-í da h- áit, &ersir; tuc Cailte lám a n-inad na cloiche &ersir; tuc lia Find meic Cumaill as ina raibi tri .l. uinge d' airget &ersir; tri .l. uingi do dergór &ersir; tri .l. slabrad órda &ersir; claidim catha assa h-inad &ersir; ro íadh Cáilte in cloch iar sin, Maith, a Chailti, ar Conall, roind na seóit. IN cloidim &ersir; in slabrad duit- si, ar Cailte, &ersir; in lia derg-oir do nóem Patraic, ór iss é lia na creidme &ersir; irsi na &ndot;-Gaeidel h-é.

IS andsin ro fhiarfaig Conall Derg mac Neill do Chailti: Filet tri tul- cha acaind annseo &ersir; nil a fis acaind cid dia fuilet na h-anmanna ata orro .i. Lecht na Laechraide ar thulaig díb &ersir; Tulach in Banchuiri ar tulaig aile díb, &ersir; Lecht na Maccraide ainm in tres tulaig díb, &ersir; tipra isin tul- sin, &ersir; abhann aisti amach, &ersir; Glaissi na Fer a h-ainm-sein? Do-geba-su a fhis-sin uaim-si, ar Cailte cín gob inand in ní dia tait. Ben tuc Find .i. Sadb ingen Buidb Deirg meic in Dagda, &ersir; ro t-shirestar coibchi ar i flaith ar Fhind .i. leth feissi &ersir; leth n-etála do thabairt di, &ersir; rob é adhbur a iarrata-sin, uair is terc má do bói ó Thiprait Fáine co Garrda n-Isperda ben budh fherr ina h-í, &ersir; ro naidmed d' Fhind h-í ac Síd Ar Femen, risa raiter Sídh Ban Find issin tan-so, &ersir; 'arna naidm dó do-chuaid Find ar slicht-lorg Chlainde Morna, &ersir; ro bói ar fogail &ersir; ar dibeirg fair nó co toracht conici in raith-seo .i. Raith Artrach, &ersir; ro gabad sossad &ersir; longport aici annso, &ersir; do ráid Find re Ferrdoman mac Buidhb Deirg meic in Dagda, re brathair na h-ingine: Is fata, ar se, le Saidb ingen Buidb atú-sa amuigh, &ersir; adéra is ail &ersir; aithis &ersir; eisleis tucusa urri re bliadain anossa, &ersir; techta as choir dam-sa do chur ar a cenn, ar Find, &ersir; cia as chora do chur ar a cend? ar Find. A cethrur comalta fein .i. Conaing &ersir; Cathal, da mac Duib meic Aengusa Tirigh, da mac rig Muman, &ersir; in da comalta aile .i. Cathal &ersir; Crimthan da mac Cuind Cétchathaig .i. da mac rig Laigen, &ersir; is iat-sin cethrar as dile lei-ssi a n-Eirinn. Ocus in trath na bith ben i lebaid Fhind iss iat-sin do bith ina fharrad, ar Cailti, &ersir; cia uaib, a firu, rechus ann? ar Find. Rachmaid-ne ann, arsi da mac rig Muman .i. Conaing &ersir; Cathal, uair is 'nar crich &ersir; 'nar ferann atá, &ersir; is sí is dislí &ersir; is dochu lind do mnaib Eirenn. Ocus tangadur-sin reompo ceithri cet óclach &ersir; ceithri cét gilla cona conaib co Síd Ban Find, &ersir; do-chuadur issin síd solus-mór anund, &ersir; ro canad fír-cháin faeilte friu gan meing &ersir; gan mebail medbail mebail ann, &ersir; tucad doib nua gacha bídh &ersir; sen gacha dighi, &ersir; do badur ann re teora lá &ersir; re teora aídchi. De scelaib <ps><fn>Saidbe</fn></ps> ingine <ps><fn>Buidb Deirg</fn></ps> &ersir; ro ráidset ria: is ar do chenn-sa tanacamur ó Fhind mac Cumaill. Cred fil ann? ar inn ingen, acht dul da indsaigid.

IS ann sin ro gabsat in bantracht a n-eirred &ersir; a n- étach aistir &ersir; imthechta umpu, cét ingen rig &ersir; taissech co n-étaigib cacha datha, &ersir; tangadur conici in tulaig-sea, &ersir; do scuired a n-eich, &ersir; do geltsat fér co h-urchleithe talman. IS ann do gab ítu mor in ingin .i. Sadb ingen Buidb &ersir; in bantracht uile. Ní h-aichnid dam uisci annso a comfhocraib, ar Conaing mac Duib meic Aengusa Tirig, mac ríg Muman, &ersir; in ríglia chloichi ro bói a mullach na tulcha &ersir; ro ergetar in lín fer ro batar, &ersir; tucsat feidm ferrda cacha fir furri cor' chuirset assa tuinide in trom-chloch, &ersir; ro moid loch- thopur grind gloinide assa h-inad. Is feramail ro tochlad in t-uisci- sin, ar in ingen, &ersir; ca ferr ainm da &mdot;-bia urri na Glaissi na Fer? Ocus at-ibset a lor-daeithin don uisci.

Dála Fhind, ro geallsabair do beith annso, ar in ingen. Dar ar &mdot;-breithir ám is andso ro geall beith, &ersir; atá a fhis accaind is a n-degaid Chlainde Morna do-chuaid i coiced ollbladach Ulad, ar siat, &ersir; co Bennaib Boirchi. Ocus ni cían ro badur ann co facadur in luath-grinde áigh &ersir; irgaile atuaid cach dírge chucca, i r-rabadur ocht cét óclach. In aithintí siut? ar Sadb. Aithnigmait, ar Conaing .i. Goll mór-glonnach mac Morna fuil ann &ersir; dar n-indsaig-ne thic. Ocus ró ergetar na fir &ersir; ro h-indled a carbait, &ersir; do cuired in ingen ina carpat leo, &ersir; is annsin adubairt Goll: in aichintí na fir út? Aithnimaid, ar Conan mac Morna .i. da mac Duib meic Aengusa Tírig .i. da mac rig Muman, &ersir; da fher gráda d' Fhind mac Cumaill iat.

IS andsin tucsat muinter Fhind glun re gliaid &ersir; aighed re h-eislind do Goll cona muintir, &ersir; do dibraicedar cach a cheile díb, co torcradar ceithri cét fer n-armach n-inchomlaind do Macaib Morna le muintir Fhind, &ersir; atorcradur-sum féin gan eladhach a m-bethaid díb. Dála in ban-chuire tucsat a n-aichthi re lár &ersir; fuaradur bás d' uathbás ann:conid de atá Tulach an Banchuire ar in tulaig-so, ar Cailte. IS annsin tainic Find &ersir; tri catha na Feine conici seo, &ersir; at-connairc in t-ár, &ersir; dála da mac rig Laigen tangadur issin tulaig, &ersir; tucsat a m-beil re lár, &ersir; fuaradar bás ann do cumaid a dá comalta, &ersir; at-connairc Find sin, &ersir; do thuitedur a airm assa lamaib, &ersir; ro chaiestar frassa falcmura fir-thruaga cor'ba fhliuch blái os bruinde dó, &ersir; ro cháiestar in Fhiann uili archena, &ersir; adubairt Find: is mairg, ar se, ro soissed co tech Cuind Cétcathaig co Síd Liamna Lendchaime, &ersir; is olcc in scel indestar do Dub mac Aengusa Tírig do rig da choiced Muman co cathair t-Shleibe Claire bodes &ersir; co for-imell t-Shleibe Cúa bodes, &ersir; is olcc in scél ro sia co Bodb Derg, co Síd Ban Find bodes .i. bás a ingine. Ocus ro eirig Find iarsin &ersir; ro fechadh in t-ár aicci, &ersir; ní fhuair Sadb. Ocus ro eirgedur in Fhiann, &ersir; do cuired na ceithri cét-sin do muintir Fhind fó fhochlaidib talman, &ersir; is amlaid do-geibthea cach fer do muintir Fhind, &ersir; fer do Macaib Morna marb fói, &ersir; ro scribad a n-ainm oghaim oss a cind, &ersir; ro ferad cluiche cáintech ann, gurub de atá Cnoc na Laechraide ar in cnoc-sa, &ersir; corub de atá Cnoc in Ban- chuire ar in cnoc aile seo, &ersir; Ard na Macraide ar in cnoc-so thuaid ó macaib ríg Laigen ro cuired fo thalmain ann. Ocus is sé-sin, a Chonaill, ar Cailte, in ní ro fhiarfaigis dím &ersir; in ní dia fuilet.

IS ann sin do fhiarfaig Conall do Chailti in ra badur gessa for Fhind. Rob imda iat, ar Cailti, &ersir; ni h-iat tainic ris, &ersir; do gab crith &ersir; uromain annsin Find, ar Cailti, asa h-aithli na muintire-sin do chur fo talmain. Ocus adubairt: IS truag in gnim da mac Duib, da mac in rig, cét gilla ocus cét con atorchradar gan imrol. Mór in scél im Raith Artrach immat dér, bas Conaing ocus Cathail do beith im chenn aen-achaid. Glais na Fer bid h-é in topur suthain sen, bid irdraic ac cach in scel meraid co tí brath na m-meadh. Gan imthecht maitne a moin Breg gan teiched re daim fhiled, gan feis adhaig ic Dún Rath gan tuarustul da n-óclach. Gan feis re h-ingin Buidb Deirg fescur is faide tar leirg, 's gan imtecht Sídh Ár Femen re daigir nua &ndot;-deirg-thened. Ni ro diult re duine riam dar Mac Muiri na mor- giall, dh' ulcc nó do maith, comall &ndot;-gle, Find mac Cumaill Almaine. Éc Cathail is Crimthain chais atait fó thulaig tonn- glais. ní fhaca-sa thes na thuaid ár mar sin uile a n-aen-uair. Do marbad Find na Feinde ic tabairt a laech-leime, is do bris mo craide ar tri ruc mo nert uile ar nemfní. IS truag.

Ad-rae buaid &ersir; bennacht, a Chailti, ar Conall, is mor in fis d' fhácais acaind ré indissin do lucht deirid na h-aimsire. Ocus tangadur issin &mdot;-baile anunn 'arsin, &ersir; ro badur ac ól &ersir; ac aibnius co trath cumsanta dóib. Ocus eirgis Cailti arnamairech &ersir; timnais ceileabrad do Chonall Derg mac Neill &ersir; da muintir uile, &ersir; is mithig dam-sa imtecht ar leith aili festa, ar eissium, &ersir; téit reime sair co Loch Daim Deirg in la-sin, a n-Dail Araide, co h-airm i r-rabadur da chruimtir uaisli do muintir Patraic .i. Colman Ela &ersir; Eoganan, &ersir; siat ic gabail na cánoine cáime coimdeta &ersir; ic etarmolad in Duileman.

<add place="mixed"><corr sic="áidigecht chlaiti">Áigidecht <ps><fn>Cháilti</fn></ps></corr> co tech <ps><fn>Colmáin Ela</fn></ps> &ersir; <ps><fn>Eoganain</fn></ps> <lb n="2887"/>ar <pn>Loch Daim Deirg</pn>.</add>

IS ann sin tangadur tri maic ecalsa do muintir na cleirech, &ersir; do chuirset a curach amach do gabail éisc, &ersir; iat ac denam a n-uird &ersir; a trath, &ersir; at-connairc Cailti iat, &ersir; ro bói icc á n-eistecht, &ersir; adubairt in láid: Ba h-annam re h-ó mo chind cloistecht re léigind os lind, ba minca lim ro bói than eistecht re dordan deg- ban. Gebé nech ica &mdot;-biad pend fada do biad 'ga scribenn, is truag mar atu-ssa bos is mor d' ingantaib fuarus. Mall mo thurus ó Thráig Lí fada atú 'ga furnaidí, liubair léighind, mór in mod, a n- eistecht lem ba h-annam. Ba h-annam.

IS andsin tainic Colman Ela &ersir; Eoganán amach &ersir; at- chondcadur na fir mora &ersir; na coin mora ina lamaib. IS fír, ar Colmán, is é Cailti siut, &ersir; do muintir Fhind h-é, arsi Colman, &ersir; is do muintir nóem Patraic fos dó, &ersir; a thobairt isin ailen dár n-indsaigi na tri náenmuir atait. Ocus tucad &ersir; do cuired iat a tech &ndot;-diamair &ndot;-derrait iat, &ersir; tucad sen cacha lenda doib ann &ersir; nua cacha bíd, &ersir; ó thairnig dóib a proind &ersir; a tomultus, Cid diata <pn>Loch Daim Deirg</pn>? Ni insa. is ann sin do fhiarfaig Colman do Chailti: Cred fa tucad Loch Daim Deirg ar in loch-sin? Fregrais Cailti sin: Dam derg, ar se, do bói a les-lergaib na Luachra lend- braenaigi thes, &ersir; teighed d' feraib &ersir; do chonaib na Féinde fecht fá tri cacha bliadna, &ersir; ro lensat ind Fhiann bliadain h-é conici seo. Tárthamar-ne cethrar don Fheind air .i. Diarmaid h-ua Duibne &ersir; Mac Lugach &ersir; Glas mac Aencherda Bérra, &ersir; missi fa nessa dó ic techt dochum in locho-so, &ersir; do chaithim ar ceithri slega a n-aen-fhecht fris, &ersir; do-rochair lind, &ersir; tar- rasa in darna congna de, &ersir; tarraid Diarmait in congna aile, &ersir; ruc leis co Temair Luachra d' indsaigid Fhind, &ersir; tuc Find bun in chongna ar a traig, &ersir; do bói in benn uachtarach de ara bathus, &ersir; is sé nech ba mó don Fheind h-é, &ersir; ro fhacusa in con- gna aile a cind na h-indsi-seo, &ersir; damad t-sholus dam is doig co beraind eolus da indsaigid. Ocus adubairt in láid ann: IN loch-so in Loch Daim Deirg fris tangamar leirg do leirg, bid h-é a ainm óssin amach co tí in díne déidhinach. Do-rorithius re feind Find ar techt dam a h-Ibarglind, ba h-ainm dam-sa Cailti cas rob aith- nid dam oglachas. Mad solus dam-sa co fír is mád lethan tar cach tír do-bér-sa daib ar in lár congna ocus h- é comlán. In cethrur lodmur aníar a crich Muman na mór-giall, ba maith ar luth is ar cloth noco rangamur in loch. IN loch.

Ad-rae buaid &ersir; bennachtain, a Chailti, ar Colman, iss mor in fis &ersir; in fir-eolus-sin do marthain ac nech. Ocus decha let, a meic ecalsa, ar Cailti, nar' eirig in t-éscca ina pupaill aérda fós? Ra eirig, ar in mac ecalsa, conid com- sholus muir &ersir; tír de. Ocus is annsin ro eirig Cáilti a cúil íartharaig ind ailén, &ersir; tuc a lam sís issin &mdot;-bruach, &ersir; tuc leis anís in congna, &ersir; léicid ar lár in tighe i r-rabadur na cleirig, &ersir; is é ba ríg Ulad in tan-sin, Eochaid Faeburderg mac Firglinde, &ersir; ro bói í comfocus dóib-sium a Tulaig na n-Arm, risa raiter Mag Rath.

IS annsin do eirig Colman &ersir; Eoganan co moch sé meic ecalsa, &ersir; rucsat in congna léo da thaispenad do rig Ulad &ersir; d' Ultaib archena, &ersir; do badur a n-aenach ann, deich fichit fer n-armach ina timchell ann, &ersir; tuc in mac ecalsa in congna i fiadnaissi rig, &ersir; ro thuillfidis uile in lin-sin ré doinind &ersir; re derdan fói . Cé fuair in congna? ar rí Ulad, &ersir; cáit a frith? A Loch Daim Deirg fuair Cailti h- é, ar siat. Mochin dam-sa, ar se, da toirsed dom' indsaigid, uair do fhuicfed senchus cacha criche &ersir; cacha céite &ersir; eter-deiliugud cacha find accaind.

Dála na cleirech, tangadur ar cúl dochum a tighi, &ersir; ro facsat in congna ac ríg Ulad. Maith, m'anam, a Cholmain, ar Cailte, créd adbur na n-ocht trath út chum a n-eirigthi-si eter lá &ersir; áidchi? Frecraid in naem-chleirech sin: Mor a fáth &ersir; a n-adhbur, ar Colmán, .i. ocht caire atá ic lenmain chuirp &ersir; anma cach duine, &ersir; dílait na h-ocht tratha- sin iat. Ocus adubairt Colman in laid: Na h-ocht caire chollaide coceilet co grian, na h-ocht tratha toghaide da &ndot;-díchur co dian. Prim re craes nach coimsigi teirt ré feirg na fáth, medhon láe suairc soillsighi uaim ré h- etrad &ndot;-gnáth. Nóin i nd-aghaid n-occobair ar brú talman theind, esparta suairc soccomail uaim re toirsi theind. Compléid re snim sechmallach or is comroind choir, iarmeirge thenn togaide fria maithnighi móir. Maiten maic Dé dílgedaig fri díumus &ndot;-dúr &ndot;-drocht, gu rum-saera a rí brethaig a Íssu fa ocht. Na h-ocht.

Ad-rae buaid &ersir; bennacht, a Colmain Ela, ar Cailte, is maith ro uaslaicis in cheist-sin. Ocus cidh dam-sa, ar Cailti, gan na h-ocht tratha-sin do thathaighid ó ro fhuirig Dia mé i com-aimsir ríu?

IS annsin do fhiarfaig Colman Ela do Chailti: créd fa n-abar Tipra in Bantrachta rissin tiprait-sea a cind in locha? Ocus do fhrecair Cailte sin: Athad ingine <term type="king">ríg</term> <pn>Muman</pn> le h-<ps><fn>Oissin</fn></ps> inso

Niam ingen Aengusa Tírig, ingen rig da cúiced Muman, luidh ar athad &ersir; ar élod le h- Oissin mac Find ó ta Dún na &mdot;-Bárc i cóiced Muman aniar con- ice in tiprait-sea, &ersir; ro bói Oissin ina farrad ann cáeicis ar mís ac denam t-shelga &ersir; fhiadaig chuicid Ulad ann, &ersir; ticed in ingen .x. mná .xx. cacha maitne d' indlat a lám &ersir; a n-gnuissi assinn uisci eochar-gorm-sa. Dála immorro Aengusa Tírig rí Muman, ro chuir co mór air a ingen do dul lé h-Oissin ar athad &ersir; ar élod, &ersir; ro tinoiled da cúiced Muman leis .i. cóic catha mora &ersir; deich cét ar fichit cét cacha catha, &ersir; tangadur a n-iarmoracht na Féinde conici-seo, &ersir; ro bói Niam in tan-sin ac indlat ac in tiprait &ersir; a bantracht, &ersir; at-chonncadar na cóic catha ar in tulaig oss a cind. Truag sin! ar-si in ingen: mo-genar do-gébad bás &ersir; aidhed, ar sí, sul do chífed a oidi &ersir; a athair &ersir; a tri derbbraithri, &ersir; maithi do cóicid Muman amlaid-sin h-í! Is annsin tuc inn ingen a gnuis re lár, &ersir; fuair bás ann in tricha ban ro boi, &ersir; ro chuir a craide ina lia fhola tar a bél amach. Conid Cnoc ind Áir ainm na tulcha ossin anall cosaníu, &ersir; curab Tipra in Banchuire ainm na tiprat óssin ille. Ocus adubairt Cailte:

Atá 'sa chnoc in rigan sochaide rissa digal, Cnocc ind Áir óssin ille baile chaich 'na comnaide.

At-conncadur da cuiced Muman bás na h-ingine. Adubairt in rig: as olcc amus Fhind &ersir; Oissin &ersir; na Féinde oraind, &ersir; adubradur re ban-echlaig da muintir .i. Muirend ingen Muirisci, dul chum Find &ersir; cath d' fhuagra fair. Ocus do-chuaid roimpe co Raith Chind Chon i n-Dail Araide, áit i r-raibe ind Fhiann, &ersir; fiarfaigis Find scela di, &ersir; indissid ind echlach a toisc dó, &ersir; adubairt in laid: Cath uaind ar do t-sheilb, a Fhind a fhir na &mdot;-briathar &mdot;-bith-bind, is tiachtain leis co Cenn Chon gan aithcheo, gan éliugod. Comrac Find is fear Muman, sochaide ris ba cuman, marbaid cach díb a chéile bid curuta a com-eirge. Adeirim-si riut reime bid fír dam in faistine, mina thairge breth bus grind biaid cath ar do t-sheilb- se, a Fhind.

IS andum, ar Find, cath d' fhuacra orum gusaníu. Eirig amach, a Gairb Chronain, arsí Find, &ersir; abair rissin Féind eirgi chum in catha. Ocus tainic Garb Cronan amach co longphort na Féinde, &ersir; ro leicestar tri barann-glaeda bodbda ar lár longphuirt na Féinde, &ersir; ro fhrecradur in Fhiann sin, uair do aithenset co raibe deithbir mor fair. Is annsin ro eirgedur ind Fhiann, &ersir; ro cóirged cath croda accu, &ersir; is ann adubradur in Fhiann re Find: créd adhbur in catha, a ríg- fhéindid? ar siat, &ersir; ra indis Find sin.

IS annsin at-bert Fergus Fínbél, fili na Féinde, re Find: is cath écoir duit-siu in cath-sin do thabairt do rig Muman i folaid a ingine is marb accut.

IS annsin ro cenglad comairle ac Find &ersir; ac maithib na Féinde, &ersir; at-bert Find: cait a fuil Smirgat ingen Abhartaig? Sunn, ar sí. Eirg co luath &ersir; abair re h-Aengus Tírech &ersir; re maithib Muman do-ber-sa breth Chormaic h-ua Chuind &ersir; Eithne Ollaman ingen Chathair Móir, &ersir; Cithruaid maic Fhir Chaecait. Ocus do imthig frissin techtairecht-sin, &ersir; do fhrecair rí Muman di, &ersir; adubairt: Da tucthar cuir &ersir; tenta ris, gebat-sa sin. Ocus cia na cuir chuingi? ar Smirgat. Mac ind fhir do-roine olc rium .i. Osccur mac Oissin &ersir; Ferrdoman mac Buidb Deirg, meic in Dagda, &ersir; Diarmait mac Duind, meic Donnchada. Ocus do fháem Find sin, &ersir; do-chuadur in Fhiann &ersir; rí Muman co Temraig, &ersir; is sí breth rucsat na breithemain ro toghad ann .i. inn ingen do thogbail assin tulaig thogaide i r-raibe, &ersir; a cur a meidh, &ersir; a comthrom d' ór &ersir; a comthrom d' airget ina h-éiricc do rig Muman, &ersir; éiric ar leith in cach ingin ríg &ersir; taíssig atorchair ann.

IS annsin adubairt Find: cindus roindfimait ind eiric út, a Fhianna Eirenn? Ocus ro fregrad sin acco-sum: a trian do chlaind Báiscne &ersir; a dá trian duinde inar fiannaib. Corub h-ísin, arsi Cailte, aen-éiricc do roind Find riam ar in Féind, &ersir; is é-sin, ar Cailte, a chleirig, in scél ro th-siris orum, &ersir; in ní dia tá Cnoc ind Áir &ersir; Tipra in Bantrachta ainm na tiprat.

IS andsin ro chuir Eochaid Faeburderg mac Firglindi .i. rí Ulad, fessa &ersir; techta ar cenn Chailti o Raith Aíni, &ersir; do-riachtadur- sin co Loch Daim Deirg ar cenn Cailti. Ocus ro timna Cailte ceilebrad do Cholman &ersir; d' Eoganan, &ersir; gellsat na cleirig nem dó-sum, &ersir; a écnairc do gabail, &ersir; Rí nime &ersir; talman do guidhe fair.

Dála Chailti immorro, do-luid i carput rig Ulad co Raith Aíni i nd-airther Ulad, ait i r-raibi Eochaid Faeburderg mac Firglinde rí Ulad, &ersir; ba rí uassal oirdnide in rí-sin, uair ní airged nech cen chóir, &ersir; ni benad a bunad-chenel féin do neoch. <pn>Raith Aine</pn> cid dia tá?

IS annsin ro bói in rí tri catha cutruma i nd-aen-inad, &ersir; is annsin do-riacht Cailte chuccu, ocus tairlingid assin carput, &ersir; do-riacht rí Ulad chucu, ocus feraid faeilti fris cona t-shluagaib. Maith m' anum, a Cailti, ar in rí, ca ferr duind ní da fiarfochamais dít na senchus na ratha-so .i. Rath Áine? Atá acum-sa inní dia tá sin, ar Cailte .i. Áine ingen Mughirnn, ingen rig Alban anall, &ersir; ro badur fir Alban íc a rada ria: Cid taí-ssiu, a rigan, gan feis re fer maith i nd-Albain nó a n-Eirinn? Ocus adubairt nach raibe inti-sin fer budh dingbala lé acht madh Find mac Cumaill amain, &ersir; at-clos do Fhind sin. Is annsin adubairt Find re Find Fer in Champair &ersir; re Ronán Rígóclach, da ríg-fhéindid Alban, dul da tochmarc ara h-athair. Cé coma bérmaid lind? ar iat-som. Comus a fil a n-Eirinn &ersir; a n-Albain acum-sa di. Maith a ríg- fhéindid, bar iat som, dias gráda do t-shen-muintir-si fein lind gura moide do chreidfed in rigan sinde. Eírig-siu &ersir; Mac Lugach leó, a Cailti, ar Find, &ersir; gid mor gabthai sí foraib do-bér-sa di hé.

IS annsin luid-sim reomaind in cethrar sóer-óclach sin co Dún Monaid i nd-Albain, &ersir; tucad i tech &ndot;-diamair ann sind, &ersir; is annsin do-riacht Mogdhurnn rí Alban is'tech &ersir; a ingen araen ris .i. Áine ingen Mogduirnn, &ersir; ro fiarfaiged ar fecht &ersir; ar turus dínd, &ersir; ro indissemar ar n- aithescc. Ocus at-chluine siut, a ingen, ar in ríg, in fer is ferr i n-Eirinn &ersir; i nd- Albain. Fáefat-sa leis, bar inn ingen. Ocus ina degaid-sin ro naidmed in ben-sin d' Fhind mac Cumaill, &ersir; cach ní do t-shir sí ar Fhind do tabairt di, &ersir; tangamar-ne &ersir; inn ingen lind dochum Eirenn co n-ilar cacha maithiusa lé chum na ratha-so i tamait, &ersir; do- riacht Find tri catha na Féinde i n-ar coinde &ersir; i n-ar comdáil ó Themair Luachra conici in raith-sea, &ersir; do-rigned dúnad &ersir; deg-baile &ersir; grianan ann, &ersir; ro frithoil &ersir; ro fhrestail sí tri catha na Féinde re bliadain gan uresbaid bídh na lenda orra issin baile-seo re taeb ar n-áighed.

I cind bliadna immorro, arsi Cailte, adubairt Mac Lugach re Find: is lór let-su do crich &ersir; d' fherann .i. Áine ingen Mog- duirnn. Dar mo breithir, a Meic Lugach, ar Find, ní fhetar-sa cidh do t-sirfind a n-Eirinn no a n-Albain acht in ní do- geibit in Fiann a tigh Aine. Ocus do bói in rigan-sin co cenn sé &mdot;-bliadan ina degaid-sin ac Find, &ersir; do bói buidhechus fer n-Eirenn &ersir; fer n-Alban urri fris-sin, &ersir; ruc da mac d' Fhind .i. Aed Bec mac Find &ersir; Illan Faeburderg mac Find, &ersir; marb issi do breith Aeda Bic meic Find, ar Cailte. Ocus adubairt Cailti in laid ann: Falum aníu Raith Aine a cuirdís óic il-gáire, fa minic sluaig is graighe ara taeb co tonn-glaine Trí cét rigan issin lis sochaide itá 'na n- anfhis, ocus tri cét fer n-grada ocus &ndot;-dalta &ndot;-dingbala. Dob fherr in ben na cach ben do bói d' immat a h-áighed, fa marb uile sin malle co ro falmaig in baile. Falum.

Ocus do cuired fo fhochlaidib talman annso h-í, ar-se Cailte, &ersir; ro tócbad a lia oss a lighi, &ersir; ro ferad a cluiche caintech &ersir; ro scríbad a h-ainm oghaim.

Ad-rae buaid &ersir; bennacht, a Chailti, ar rí Ulad: as maith in scel ro h-indisis duind; &ersir; scribtar lib in scel-út in tamlorgaib filed &ersir; i l-lechtaib fiann.

IS annsin immorro do-luid Eochaid Faeburderg mac Firglindi, rí Ulad, reime co Raith na Sciath os chind Trachta romir Rudraig, risa n-apur Tonn Rudraigi isa tan-so, &ersir; tangadur isin &ndot;-dunad anunn, &ersir; tucad tech derrait diamair do Cailti and, &ersir; do frithailed h-é do cach maith ann, &ersir; tucad in baile uile ar comus Chailti ó bec co mór. Ocus ro batur ac ól &ersir; ac aibnius co tainic la cona lan-soillsi arnamarach,.

IS annsin ro fhiarfaig rí Ulad do Chailti: Atait da fhert ar Tráig Rudraigi annseo, &ersir; cid dia fuilet? Issim meabrach in ní dia fuilet, ar Cailte .i. da mac d' Aed mac Fhidaig, meic Fhintain, do ríg Connacht aniar, do h-adhlaiced ann. Ocus rob inmain lé Find &ersir; leisin Feind uile iat, &ersir; rob é adbur a n-gráda ac Find &ersir; ac ind Fhéin, uair ní raibe do theirce nó d' immat eladan ac nech do-rechad falum uaithib-sium gan ní, &ersir; ní bí a &ndot;-debaid re Find &ersir; rissin Feind nach sidaigdís re bliadain, &ersir; comlann ceithri cét óclach cechtar de díb, &ersir; secht &mdot;-bliadna déc ro badur issin Féind, ar Cailte, &ersir; do ba mac dingbala do Chormac mac Airt nó d' Fhind iat. Fecht dano do-riacht Find &ersir; tri catha na Féinde co Traig Rudraigi annseo ar mor-sheilg Eirenn, &ersir; adubairt Find foraire &ersir; forcoimet do denam, uair dias mac rig cona muintir do-nith foraire Fhind &ersir; na Féinde cach n-áidchi, &ersir; do da mac rig Connacht .i. Art &ersir; Eogan, rainic ind foraire ind aidchi-sin. Ocus do eirgedur ceithri cét óclach &ersir; ceithri cét gilla, &ersir; tangadur co cind na trága-so. Ocus nir' chían doib ann co tangadur da ríg do rigaib Lochlann ituaid .i. Conus &ersir; Conmael a n-anmanna, ar marbad a n-athar d' Fhind mac Cumaill i cath Droma Deirg tall i nd-Albain, &ersir; do-riachtadur in dá ríg sind da chath croda cutruma conici in traig-seo do digailt a n-athar ar Fhind.

IS annsin at-chonncadur na .iiii. cét sciath-armach urlum ar a cind ar in tracht, &ersir; is amlaid bói Art mac rig Connacht &ersir; gái neimnech uillind-glas aici tucasdur Find dó bliadain roime-sin &ersir; inn Órlasrach a h-ainm, &ersir; sleg aile tucusdar Find d' Eogan fos .i. in Munderg a h-ainm.

IS annsin ro fhiarfaigedur na h-allmuraig cia do bói ac comét na trága? &ersir; adubairt Art corub do muintir Fhind iat. Mo-chin immorro do-gébad in comlín-so da muintir, uair ní rechad élaithech as díb. Má frith drem a &mdot;-baegul riam díb, ar Art, ní sinde sin. Cath <pn>Traga Rudraigi</pn> inso.

Ocus tangadur in da cath mora sin a tír, &ersir; ro bo mor in t-anborlann dona h-ocht cét óclach in da chath mora d' fulang, &ersir; ro chumaisc in n-imguin annsin &ersir; in t- imbualad o fhuined néll nóna co tainic medon aídchi. Ocus is sí-sin áis &ersir; uair at-chonnairc Find fís &ersir; aislingthi, &ersir; iss ed at-chonnairc, da ron glasa ac díul a da chich, &ersir; ro muscail in flaith Find asa chotlud. Cáit a fuil Fergus Fínbél? ar eissium. Sunna, ar se. Crét ind aislingthi at-connarcus .i. da rón muiride ac díul mo da chich? Da mac ríg Connacht do chuiris do forcomét na Féinde anocht atait a n-éccomlann ac allmurchaib, ar in fili. Eírgid, a fhiru, ar-si Find, &ersir; is fír a n-abair in fili rib. Ocus is annsin ro eirgedur ind Fhiann a n-aen-fhecht &ersir; a n-aen-uair, &ersir; tangadur co Tráig Rudraigi, &ersir; ní fuaradur béo da Feind féin acht da mac ríg Connacht, &ersir; irsi a sciath imma &mdot;-braigdib, &ersir; ní mó ro bói fer máiti gnima don da chath tangadur na h-allmuraig béo, &ersir; is amlaid do frith da mac rig Connacht, &ersir; a cuirp ina cró-lindtib fola &ersir; a sceith &ersir; a slega ica congbail ina sessum, &ersir; nir' dingbadur dias reime-sin riam don Fhéind comrac mar sin. Ocus luidset ind Fhiann &ersir; ro airgset na láidhenga láighenga laidhenga lanmora do bói ac na Lochlannachaib, &ersir; ro tairrnged na longa-sin léo a tír, &ersir; do cuired da mac ríg Lochlann fó fhochlaidib talman .i. Conus &ersir; Conmael. Ocus dala da mac rig Connacht .i. Art &ersir; Eógan, marbh iat fó chétóir &ersir; tócbait in Fhiann suas os chind Tuinde Rudraigi iat annseo, ar Cailte, &ersir; ro fiarfaig Find dib: In bud inleighis sib, a chairde? ar se. Dursun duit-siu sin do ráda, ar siat-som, &ersir; febus t' aithne, uair rangadur náe cét laech uim cach fer uaind &ersir; adorcradar- som &ersir; torcramar dono, &ersir; dentar ar fert &ersir; tócthar ar lia os ar lighi, &ersir; na h-airm da n-dernnsamar maith, ar siat, &ersir; tucaissi a tuarustal duind adhlaicter iat maraen rind. Ocus ro deilig anam re corp dóib ann, &ersir; ro cuired a n-dís brathar fa fhochlaidib talman annsin iat, &ersir; is í-sin in chúis ima raibe a &mdot;-blad &ersir; a nós da n-eis. Ocus adubairt Find: Fertan Airt ocus Eogain socaide risar' beo-guin, inmain dias, nir' dáer a &mdot;-breth na &ndot;- gilla n-óc n-amulchach. Da mhac rig Connacht aniar rop aiti chon is choniall, rob aiti maitius malle eisdrecht ocus obhloire. Adeirim-si riut reime is fír in ní ráidim-ne, inmain dias fa calma glecc nochur' cuired iat 'sin fert.

Ar fír do gaile &ersir; do gaiscid riut, a Chailti, tabair na h-airm duind assin fhirt fhótbaig anís. IS lesc lem-sa sin, ar Cailte, ar son Fhind meic Cumaill &ersir; na muintire moire ro adlaic iat, &ersir; do-gébthái-si iat. Ocus ro eirgetar &ersir; ro oslaicetar in fert, &ersir; tucsatar na h-airm as anís .i. In Órlasrach &ersir; In Munderg, &ersir; tucad in darna sleg díb d' Aengus, do mac rig Ulad, &ersir; in t-shleg aile .i. In Órlasrach, ac ríg Ulad féin. Conidh Cath Trága Rudraigi ainm in catha-sin, &ersir; tallann do thallannaib na fiannaigechta. Ocus ro cuired issin fert iarsin iat, 7 ro tócbad a lía, &ersir; ro scribad a n-ainm oghaim and.

Ad-rae buaid &ersir; bennacht, a m' anum, a Chailti, ar rí Ulad: is mor in fis &ersir; in t-eolus do fhácais acaind. Ocus tangadur isin &ndot;-dunad anunn, &ersir; ro cóirged tech n-óla accu, &ersir; do mislineation, line 3199 skipped in hard copy. badur co subhach ind áidchi-sin. Cailti immorro, ro bói crot-boll sádaile &ersir; senordachta air in lá-sin, &ersir; tainic rí Ulad ar amus Cailti, &ersir; suidhis ar in imdaid aici. Maith m' anum, a ríg- féindid, a Cailti, cindus atathar accut aníu? Da faghaind selg &ersir; fiadach Beinde Boirchi do denam dam, is ferrde do beind. Do-geba immorro, ar Eochaid Faeburderg mac Firglinde, rí Ulad.

IS andsin ro tinoiled a choin &ersir; a cuanarta d' indsaigid in rig, &ersir; do-luid co Beind Boirchi bothuaid, &ersir; do-luid Cailte leis &ersir; do ordaig Cailte in t-shelg in la-sin innus co tabrad in fer in coneill i l-laim a chéile ó Ethaig co Tuind Tuile bothuaid i nd- aird tuaiscirt Beinde Boirchi.

IS ann immorro ro bói Cailti &ersir; rí Ulad ar Tuind Tuile ac mor-dechsain na mara amach, &ersir; at-chonncadur in n- ingin maccaemda arin túind amuich &ersir; sí ic cul- shnámh &ersir; ic táeb-snám &ersir; ic traigir-snám, &ersir; ro t-shuid ar in tuind ina fiadnaissi mar do t-shuidhedh ar tulaig nó ar carraic, &ersir; ro thócaib a cend &ersir; adubairt: Nach h-é Cailte mac Ronain siút? ar inn ingen. Is mé co deimin, ar Cailte. Is mór la at-chonncamar thú ar in carraic-sin ar a fuili at shuidhe í farrad in fhir is ferr do boi a n-Eirinn &ersir; a n-Albain .i. i farrad Find meic Cumaill. Cia thussa amlaid? ar Cailte. Lí Bán ingen Echach meic Eogainn meic Aililla, missi, ar sí, &ersir; atú cét bliadan ar in uisci, &ersir; nir' thócbus cend do neoch ó do-chuaid in flaith Find gusaníu, &ersir; iss ed fo-dera dam cend do thócbail aníu .i. Cailte d' fhaic- sin, in mac oglaigh is ferr ruc ben i n-Érinn. Cailti cecinit: Canas a tic in tond tuile asin aicén folt- buidhi? cá tír asa luidh lith co n-ádh cred do-beir suan na sianán? Inn í Tond Rudhraigi ruaidh tic andes nó tic atuaidh? nó inn í in tond báidhes ille gáires i Tráig n-Eothaile? Inn í Tond Beindi Étair fhuair nó Tond Indbir Colpa cruaidh? nó Tond Trágha Baile bind fil isa h-aire ar Érinn? Inn í Tond Clidhna co m-buaidh tuaires in caladh comcruaid, no inn í Tond Duiblindi dhe nó inní Múr meic Dairíne? Cid be tond dib aille imnail alaind a lí co lan- glain, bind a torman 'sa cúan cas is fuar in comrad canas.

INa degaid-sin tangadur na fiada amach isin muir ar teiched roim na conaib. Iassacht don t-shleig dam, a Chailti, ar Lí Bán, co marbur na fiada dí &ersir; co cuirer ar tír suas dáib iat. Ocus tuc Cailte in Coscuraig ina laím, &ersir; ro marb na fiadu amlaid-sin, &ersir; in t-shelg is mó do- róine Find riam issin n-inadh-sin ba comeit re in t-shelg do-roni Cailti in lá-sin.

Ocus dala na h-ingine ina deghaid-sin, ro diubraig a t-shleg chum Cailti suas ar tír, &ersir; do imthig féin uathaib annsin &ersir; tairrnig in t-selg-sin do denum, &ersir; amail indissit úghdair co rainic mucc &ersir; agh &ersir; eilit do cach cúicir d' Ulltaib in lá-sin, &ersir; co rainic .xxx. fiad fo dilmain do rig Ulad &ersir; do Chailti, &ersir; tangadur reompo co Raith na Sciath ris raiter Raith Imil issin tan-so.

Conid h-i Selg <pn>Beindi Boirchi</pn> &ersir; Imaccallaim <ps><fn>Li Baine</fn></ps>,<lb n="3248"/> ingine <ps><fn>Echach</fn></ps> meic <ps><fn>Eogain</fn></ps> <term type="king of Ireland">rí<sup resp="WS">g</sup> <pn type="country:Ireland">Eirenn</pn></term>, &ersir; <ps><fn>Cailti</fn></ps> conici sin.

Ocus tangadur anunn issin raith, &ersir; ro cóirged tech óla &ersir; áibniussa accu, &ersir; is annsin do chonnairc Cailte raet rob ingnad leis isin tigh n-ola .i. ingen mín mong-buide isin fhochla fhéinneda ic tidlocad t-shet &ersir; máine ar son ar' gabad do dán &ersir; d' eladain astigh.

IS annsin ro fiarfaig Cailte do rig Ulad: Cia inn ingen da tabur in miad &ersir; ind anóir seoch cach uili? INgen óclaig dam-sa, ar rí Ulad, &ersir; ní'l da t-shíl ina bethaid acht in n-ingen- út, &ersir; is amlaid atá inn ingen, a Cailti, ar rí Ulad, &ersir; leth-rann aicce, &ersir; ní fhaghann a n-Eirinn nech do-ní leth-rann dílis dó-sin. Ocus adubairt Cailte: ní fer dana missi ám, ar Cailte, &ersir; gab, a ingen, in leth-rann. Ocus adubairt inn ingen in leth-rann, &ersir; adubairt Cailte 'na degaid: Rann. Dún Fhir Duib. is sé in dunad fata ar fuil: Dixit Cáilte: do-chuadur as uile in Fhiann. ní mairend Fial ara fuin. Ocus ro chuir Cailte in cornn assa láim, &ersir; ro cháiestar déra falcmara fír-thruaga cor' bo fliuch blái &ersir; bruinde dó. Ciall in raind, a m' anam, a Cailti? ar in rí. Atá accum-sa a chiall, ar Cailte, &ersir; dursain dam a tar- rachtain in ní da tá, &ersir; in fetrais, a rí Ulad, in cethrar is ferr eineach ro bói a n-Eirinn &ersir; a n-Albain i com-ré &ersir; i com-aimsir ríu .i. Find mac Cumaill &ersir; a mac Oissin, &ersir; Dub mac Tréin annso do Ultaib &ersir; a mac- séin .i. Fial mac Duib, &ersir; ro bói enech d' imarcraid accu-sin. Uair da tuctha i r-raibhi a n-Eirinn &ersir; a n-Albain doib ro thidlaicfidis acht co faghbadais nech da iarraid orro, &ersir; do bo truag lé Cormac &ersir; lé Find in t-einech-sin do beith acco, &ersir; gan a beith do maithius mor-adbul acco ní ro dilfad h-é.

IS annsin tangadur fir Eirenn fecht co h-aenach Taillten .i. Cormac h-úa Cuind rí Eirenn &ersir; Find mac Cumaill, tri catha na Feinde &ersir; aes na trebaire uile, &ersir; do-riacht ann Dub mac Tréoin &ersir; a mac Fial mac Duib, &ersir; ro t-shuidhedur a fiadnaissi rig Eirenn &ersir; a meic. Ocus nirb' aichnid do ríg Eirenn roime-sin h- é fein na a mac, acht a chloistecht, &ersir; iss é ro bói ar leth-laim Chormaic .i. Find mac Cumaill &ersir; Oissin ar laim Fhind, &ersir; Cairpre Lifechair ar laim aile Chormaic.

Maith a m' anum, a Chormaic, ar Fhind, ind aichnid duit-siu in t-óclach atá at' h-fiadnaissi? Ní h-aichnid um, ar Cormac. Dub mac Treoin, do cuiced Ulad atuaid, &ersir; a mac Fial mac Duib. Inn é siut, ar rí Eirenn, in t-óclach daibir deig-einig at-chluinmíd d' imrád? Iss é immorro, ar Find, &ersir; ro fhiarfaig in rí: Caide Fial do mac? ar se. Ic seo am fharrad h-é, ar Dub mac Treoin. Cred ima tarrla in t-einech atá acaib eter athair &ersir; mac, ar in rí, &ersir; sibh in bar macaib óclach? Truag sin, a uassail, a Chormaic, ar in mac .i. Fial, dar lind da tucmais eitech nó éra ar nech do- gébmais bás, eter athair &ersir; mac. IS truag duib, a fhiru Eirenn, ar Cairpre Lifechair mac Cormaic &ersir; ar Oissin mac Find, gan furtacht &ersir; gan foirithin do thabairt ar Dub mac Treoin &ersir; ar a mac. Ocus at-chuala Find &ersir; Cormac sin, &ersir; maithe fer n-Eirenn, &ersir; do-béram-ne, ar siat, ind fhoirithin aderthai-si orru, uair is re feraib Eirenn caithfither a tiubarthar doib. Do-bér-sa, ar Cormac, cét do cach crud cacha bliadna doib. Do-bér-sa in coibeis cétna, ar Find, cacha bliadna doib, &ersir; do gellsatar maithi fer n-Eirenn fos maithius aile doib. Ocus tainic Dub mac Treoin reime chum a dúnaid fein, &ersir; ro bói ac caithem in maithiusa-sin ann co cend secht &mdot;-bliadan &ndot;-deg, &ersir; ní h-eitir a aírim in neoch do-rínset do maith rissin re-sin, no co tainic torrthaim &ersir; tupaist chuice ar faichthi a dúnaid féin adhaig ann .i. marc-shluag sirrachtach sidhe do thiacht adhaig n-aen ann co Raith Duib Meic Treoin í coiced Ulad, ar Cailti, &ersir; ro fhiarfaigedur cia in baile-sea, &ersir; adubairt nech ríu: baile Duib meic Treoin, in aen-óclaig as ferr einech do Macaib Miled &ersir; do Tuaith Dé Danann. Ocus adubairt fer dib: Is truag gan fer a frestail accainde do Thuaith De Danann, &ersir; ro gabustar fer dib sleg neimnech ro bói aici, &ersir; tuc builli dó i nd-odhur a chiche cor' marb. Ocus gabais Fial a mac a inad ré ré .x. &mdot;-bliadan &ersir; tri .xx. bliadan. Maith m' anam, a ingen, ar Cailte, ca caradrad do bói duit-si riu-sin in tan ro fhiarfaigis dim-sa in scél-sin? ar Cailte. Ingen don óclach déidenach sin misi, ar issí .i. do Fhial mac Duib, &ersir; ní mairenn don muintir moir sin do-conncais achtmád missi am aenur, &ersir; airi-sin, a m' anam, a Chailti, tuc rí Ulad comus a t-shét &ersir; a máine dam-sa re tindlucudh. Ocus ca comainm tusa, a ingen? ar Cailte. Uaíni ingen Fheil meic Duib m' ainm, ar si; &ersir; adubairt Cailti: Rann. A Uaíní, a ingen Féil ropo maith t' athair do chein, rob é-sin cara na cliar in laech forusta fir-fhial.

Ocus is sé-sin, arsi Cailte, ciall in sceil ro fhiarfaigis dim &ersir; córugud t' athar &ersir; do t-shenathar, &ersir; cubaid do rig Ulad comus a t-shét &ersir; a máine duit re tindlucud.

IS annsin adubairt in rí .i. Eochaid Faeburderg mac Fir Glinde, re mac .i. re h- Aengus: tabair, a m' anam, a gill, ar se, in ingin ut, uair ní fuighbé tú a cóiced aile a n-Eirinn ben as ferr scela athar &ersir; sen- athar ina sí. Ocus tuc in t-óclach h-í iarsin, &ersir; do bói d' aen-mnái aici nó co &ndot;-dechaid éc. Ocus ina degaid-sin ro badur ac ól &ersir; ac aibnius co cenn tri la &ersir; tri n-áidchi.

Ocus adubairt in rí ré Cailti : Maith m' anum, a Chailti, do bo maith lem-sa dul d' fhiadach &ersir; d' fhiann-choscur co Forad na Féine annso. Ocus do eirgedur co moch arnamairech tri catha co Forudh na Féine, &ersir; Cailte maraen ríu, &ersir; 'ar rochtain doib ann tancadur na maithe &ersir; Cailte issin lis mor do bói ann, &ersir; at-chonnairc Cailte in t-inad-sin, &ersir; adubairt: sochaidhe ám, ar se, ro dílad don tellach-so d' ítaid &ersir; d' occorus, &ersir; do dán &ersir; d' eladhain ac Find mac Cumaill. Ocus ro t-shuid rí Ulad ann, &ersir; maithi in t-shluaig, &ersir; Cailte maraen ríu.

Is ann tainic Cas Corach mac Caincinde dochum Cailti.

Ocus ní cian ro badur ann co facadur in scolóc da n-indsaigid, &ersir; brat álaind uaine uime, &ersir; delg airgit ann, &ersir; leine do t-shidha buidhe ria cnes, &ersir; inar maeth-sroill tairsi anechtair, &ersir; timpan toghaide ara muin. Canas tice, a scolóc? ar rí Ulad. A Síd Buidb Deirg meic in Dagda andes, a deiscert Eirenn. Cid rot-imluaid andes nó cia thú féin? ar in rí. Cas Corach mac Cáincinde, mac ollaman do Thuaith Dé Danann, &ersir; damna olloman mé fein, ar eissim, &ersir; iss ed rom-imluaid, d' fhoglaim fhessa &ersir; fhir-eolais &ersir; scelaigechta &ersir; mor-gnim gaiscid na Féinne ó Chailti mac Ronain. Ocus tar a eis-sin do-roine céol &ersir; airfided dóib, &ersir; ro chuir ina suan chotalta iat. Maith, a m' anum, a Chailti, ca fregra do-beire forum? ar eissium. Cach ní da tangais d' iarraid d' fhagbail duit, &ersir; da raib acut fein d' eladhain &ersir; d' intlecht cach ní do- rindedur ind Fhiann do gnimradaib gaile &ersir; gaiscid do denum. Ocus ro bói óclach issa baile-seo .i. Find mac Cumaill, &ersir; do ba mor do chrod &ersir; do thuarustal-sa uaidi ar th' airfided, cid falam in baile at-chí. Ocus adubairt in láid ann: Forud na Fiann fás anocht gus' ticed Find Faeburnocht, do bás deg-duine gan brón as fás Almu uassal-mór. Ni mairend in muintir maith ni mair Find féin in fir-fhlaith, ní fuil in cuire gin cleith na ruire 'mun rig-fhéinid. As marb uile Fiann Find ge do-chuadur glind de glind, olc atú a n-diaid na ríg rán tar eis Diarmata is Chonan. D' eis Guill meic Morna don Maig ocus Ailella Cétaig, iar &ndot;-dith Eogain in gái glais ocus Chonaill don chet-fhrais. Adeirim-si riut reime as fír dam ind fhaistine, is mor ar n-esbada ann gan Dub Dírma ic Tech Drumann. 'Ar &ndot;-dith na cuire is na cét is truag nach ann fuarus éc, iarna &ndot;-dul a h-or a nd-or corob forlan in Forud. Forud.

IS annsin tuc Cailte da uidh &ersir; da aire esbaid na carat &ersir; na comalta &ersir; na &ndot;- drong-buidhen mor iter a raibi, &ersir; ro cháiestar déra troma fír-thruaga ann, cor' bo fhliuch blai &ersir; bruinde dó. Ocus tangadur amach assin co Tulaig in Trir, &ersir; do t-shuidhedur ann .i. rí Ulad &ersir; Cailte &ersir; cach archena, &ersir; ro fhiarfaig rí Ulad do Chailti: IS álaind in tulach tonn- glas toghaide, ar in rí, &ersir; crét ima tucad Tulach in Trir ar in tulaig-seo, , &ersir; cid fa tucad Abhann Deisi ar ind abhaind-seo, &ersir; cid fa tucad Lecht Chind Con ar in inad út thall? Gingub nua in ní dia tá, indessat duit in ní dia tá sin, &ersir; ní ba sen missi ind uair do lenadur na h-anmanna-sin ucut .i.

Rí ro bí ar Albain .i. Iruath mac Ailpin, ri Alban, &ersir; ro badur tri h-ingena aici .i. Muiresc &ersir; Aiffi &ersir; Aillbi a n-anmanna, &ersir; tucsat gradh do thriur óclach i fiannaib Eirenn .i. do thri macaib Aencherda Berra .i. Ger &ersir; Glas &ersir; Guba a n-anmanna, &ersir; tucsat na h-ócláig-sin grád dóib-sium, &ersir; ro bói com-sheirc re .xx. bliadan eturru, &ersir; ro éladur fecht n-óen ann, &ersir; tangadur conici in tulaig-sea, &ersir; ro thuit a torrthaim suain &ersir; cotalta forro annso, &ersir; is sí-sin uair &ersir; aimser ro cuired bruigen uathmur re Find mac Cumaill &ersir; re mac Mic Con, maic Maic Nia, i cuiced lán-alaind Laighen, &ersir; nocho n-uil airem ac filedaib a torchair dona Fiannaib ann &ersir; do muintir Fhathad Canand, &ersir; do-rocradur dono ann na tri geraiti gaiscid sin .i. tri meic Aencherda Berra. Ocus dala in trir ingen sin, ro eirgedur assa cotlud, &ersir; do-chonncadur triar óclach don Fheind do n- indsaigid, &ersir; ro fhiarfaigedar scela díb, &ersir; indissit in bruigen do thabairt &ersir; ár na Féine do thabairt ann, &ersir; tri meic Aencherda Berra do thoitim.

IS annsin do-ronsat na h-ingena nuall &ersir; toirrsi isin tulaig-sin, &ersir; fuaradur bás ann do chumaid na tri mac-sin Aencherda Berra, &ersir; do badur da derb-chomalta ac ni h- ingenaib-sin .i. dá mac ríg Catt atuaid .i. Uillenn &ersir; Eochair a n-anmanna, &ersir; do-ronsat airbirt tenn treorach a n-diaid a comalta, &ersir; do-riachtadur conici ind abhaind-seo, &ersir; ro thuil ind abhann ríu, &ersir; at-chonncadur na h-étaigi iudhlaidhe ingantacha don leith aile, &ersir; tangadur isind ath co rodana, co ro báid in tuile na h-abhann iat, &ersir; iss iat atá fa in da fert glasa út for ur ind atha.

Ocus cred fa n-abar Lecht Chind Chon rissin lecht út allanall don ath? Cú grádach ro bói ac Find mac Cumaill, ar Cailte .i. Adhnuall a h-ainm, &ersir; do-rala ar sechrán &ersir; ar merugud h-í ó bruidin bothuaid, &ersir; ro t-shir Eirinn fá thrí co toracht in t-ath-so, &ersir; tuc a tri donala aisti annseo, &ersir; fuair bás ann, conid uaithi-sin, arsi Cailti, ata Lecht Cind Chon, &ersir; is sí-sin, a m' anum, a rí Ulad, ar Cailte, in tres cú is ferr fuair Find riam.

Dala immorro da ríg-fheinded Ulad .i. Goll Gulban &ersir; Cas Cuailgne, ro badur ac seilg &ersir; ac fiadach in maigi-sea, &ersir; at-chonncadur na tri h-ingena mong-buide, &ersir; siat marb ar in tulaig-sea, co sáine étaig cacha datha umpu, &ersir; ro badar icá n-écaine co fata &ersir; ro chuiredar fó thalmain a triur derbshethar iat, &ersir; tangadur sís isin n-ath, &ersir; at-conncadur in dís mac- caem ann arna m-bádud, &ersir; ro chuirset fa fhochláitib talman iat fos. Ocus adubairt Cailti in láid and: IS í-seo Túlach in Trir as' tangadur tír do thír, bid h-e a h-ainm o sunn amach co tí in díne déidinach. Is í seo Abhann Deissi chum arb' eolach fos misse, don dís-seo ro báidtea ann frith fa phortaib na h- abann. Leacht Con a cind ind atha indeossat daib gan fhatha. Adhnuall rob é ainm na con adér rib gan imressan. Mor céite is mor carrac cruaid immá &ndot;-dernus airm d' imluad, gid uathad thanag as tír sunna co Tulaig in Trír. Is í seo.

Ceilebraid Cailte do rig Ulad iarsin, &ersir; tainic reime i n-étnaib cnocc &ersir; carracc co fos-mullach Sleibe Fuait fér-uaine, co Caerthend Cluana Da Dam, &ersir; co Rót na Carpat, áit ar' chuirset Ulaid a carpait uathaib ac dul a n-degaid catha Gairige &ersir; Ilgairigi. Ocus ar rochtain do Chailti co rici sin, is sí- sin aes &ersir; uair do-rala naem Pátraic co Ráe na Carpat a tri .l. espoc &ersir; a tri .l. sacart &ersir; a tri .l. deochain &ersir; a tri .l. salmchetlaid. Ocus ro t-shuidetar ann, &ersir; ro bói Pátraic ac dénam a trath &ersir; ic etarmolad in Dúiliman a cind Ráe na Carpat í fossad mullach t-Shleibe Fúaid. Ocus do-riacht Cailte cona naenbur Féine &ersir; Cas Corach mac Caincinde in t-airfidech ann, &ersir; ro fherastar faeilte re Cailte, &ersir; ro badur na cleirig ac fiarfaige scél de, &ersir; ro indis a thuirrthechta rissin &mdot;-bliadain-sin dóib. Caide Brogan scribneoir? ar Patraic, &ersir; ro frecair sin. Scribthar &ersir; lessaigther let cach ní do chan Cailte ón ló ro delaig rinde ac in chairthe a Mullach Uisnig co h- am na h-uaire-sea. IS ann tarla Cas Corach mac Caincinde ar Pátraic .i. in timpanach.

Maith m' anam, a Cailti, ar Pátraic, cuich in maccaem cenn-cas álaind a &mdot;-brut gorm ut accut &ersir; in crann cíuil aicci? Cas Corach mac Cáincinde mac olloman Tuaithe Dé Danann, ar Cailti, &ersir; tainic d' fhoglaim fhessa &ersir; fhír-eolais chuccum-sa. Maith in chonair tainic, ar Pátraic, &ersir; a Chailti, ar Pátraic, ro fhuirged ré maithius mor thusa .i. re h-aimsir chreidme &ersir; nóem &ersir; fhíren, &ersir; ré beith a muintirus Ríg nime &ersir; talman, &ersir; can duind, a Chas Choraig, ní dod dán &ersir; dot eladain féin. Do-géntar immorro, ar Cas Chorach, &ersir; ní derna reomut riam do neoch darab ferr lium a denam ina duit-siu, a naem-chleirig, ar eissium. Ocus tuc a thimpan cuice &ersir; ra gles h-í, &ersir; do t-shéind h-í co tucastar cairchi cíuil urrí, &ersir; ní chualadur riam reime a chom-&mdot;bind acht mád adhmolad na canóine coimdeta &ersir; edarmolad Ríg nime &ersir; talman.

IS annsin ro thuit a toirrthim suain &ersir; cotalta for na cleirchib leissin céol sir- rachtach sídhe, &ersir; tairnic leis a airfided do denam. Tabair luag ind airfidid dam, a naem-chleirig, ar Cas Corach. Cá luag iarrai? ar Pátraic. Nem dam fein, ar eissium, uair is é luag as ferr h-é, &ersir; rath ar m' eladain féin co brath. Patricium edixit artem timpanistraram , &ersir; ar lucht m' eladhan chaichi am degaid. Nem duit, ar Pátraic, &ersir; corub h-í in tres eladha ar a fagaib nech a lessugud fa deridh a n-Eirinn h-í, &ersir; cid mor in doichell bias roim fhír th' eladhan, acht co &ndot;-derna airfided &ersir; co n-indsi scela, gan doichell reime, ar Pátraic, &ersir; fer lephtha ríg tre bithu ret' eladain, &ersir; soirbius dóib acht na dernat leisce. Ocus ro chuir-sium a crann cíuil ina comet.

Maith ind elada-sin do-rónais duind, ar Brogan, Is maith immorro, ar Pátraic, acht muna beth sian-argan in brechta sídhe inti, &ersir; nochon fhuil ní bo chosmala re céol Rig nime inas acht muna beth sin. Ma tá ceol a nim, ar Brocan, cid nach biad i talmain, &ersir; ní cóir amlaid ind airfited do dichur, ar Brocan. Ní apraim úm, ar Pátraic, acht gan ro-chreidim dó.

Ní cian ro badur ann co facadur aen-óclach forusta find-liath da n-indsaighid, &ersir; brat corcra uime, &ersir; delg óir ann, &ersir; claidim órdaidi imma brágait, &ersir; lorg fhind-chuill issin dara laim dó, &ersir; tuc a chend a n-ucht Patraic, &ersir; slechtais dó. Carsat com-ainm tú, a óclaig? ar Patraic. Eogan Ardbriugaid m' ainm, ar in t-óclach, do muintir rig Eirenn .i. Diarmata meic Cerbaill. INd accut-sa at-clos duind in maithius mor do beith? ar Pátraic. Is accum, a chleirig, ar eissium. Ind adhaig anocht ar do t-shelbad, ar espoc Soichell .i. prim-ronnaire Pátraic. Ca h-adhaig anocht? ar Eogan Ardbriugaid. Adhaig t-Shamna, ar Pádraic. Do-gebthái faeilti acum-sa o aídchi t-Shamna co h-aídchi Belltaine in lín atáthi eter áigedaib &ersir; muinter, ar eissium. IS méth in manach, ar Beineoin, fuair in cleirech. Rachaid do fhognum na Macha bothuaid, ar Pátraic, &ersir; masa méth bid ed a mac &ersir; a ua ina degaid. Ocus ca ferr ainm da m-biath forro, ar Benon, inait h-Úi Meith Macha?

IS annsin at-chonncadur in .l. fer mor da n-indsaigid, &ersir; deilge iarnaide ina &mdot;-brataib, ocus cia so? ar Patraic. Mo brugaidi-sea &ersir; mo biataig sin, ar Eogan. Ocus ro eirgedar a n-aen-facht &ersir; ro t-shlectsat do Pátraic uili. Bar &mdot;-béo-maicne &ersir; bur marb-maicne don Macha co bráth, ar Pátraic.

IS annsin ro ferastur trom-snechta mor &ersir; aincis fhuar- dachta ar in cóiced uile, co roiched co sleasaib fer &ersir; co formnaib miled &ersir; co feirtsib carpat, co &ndot;- derna gat-shnim do barraib na fidbaide for-ruade, co nach fétadais dáine imtecht ann. Ocus is annsin adubairt Cailti: Inam amh, ar se, do damaib alltaide &ersir; d' eilltib dul a n-indib cnoc &ersir; carrac innois, ar eissium &ersir; innum éicned do dul a cuassaib bruach ann. Ocus adubairt: Is fuar geimred, at-racht gaeth eirgid dam discir derg- baeth, ní te anocht in sliab slan gé beth dam dian ic dordan. Ní thabair a tháeb re lár dam t- Shleibe Cairnn na comdál, ní lugha at-chluin céol cúaine dam chind Echtgi ind-fhuaire. Missi, ar Cailte, is Diarmaid donn ocus Oscur aith édrom ro chloisdis re ceol cuaine dered áidchi adh- uaire. As maith chodlus in dam donn fuil is a chnes re coronn, mar do beth fá thuind tuaidhi deiredh oidche ind-fuaire. Aniu isam senóir sen ni aithnim acht becán fer, ro chraithinn coirr-shleig co cruaidh a maduin oighridh inn-fhuair. At-lochar do rígh nime do Mac Muire inghine do-beirinn mór sochd ar sluag ge ber anocht co h-ad-fuar.

Is mithigh dúin imthecht, ar Eogan, dár n-dúnad &ersir; dár n-deg-baili. Ocus do éirgetar rompa, &ersir; at- chonncatar an dúnad ar a cind, &ersir; tucadh in baili ar a comus féin ar rochtain dóib, &ersir; tucadh Cáilte cona muintir a n-grianán n-deirrit n-diamair, &ersir; do bádar annsin teora lá &ersir; teora aidchi ac ól &ersir; ac áibhnes acht in comh-fhad do bítís na cléirig ac dénum a n-uird &ersir; a tráth &ersir; ac edarmholad in Dúilemhan.

Is annsin táinic Eogan Ardbrugaid d' acallaim Pátraic &ersir; do bói ga indisi do gan uisce do beith a comhfhochraib dhóibh, ór ba scíth dáine ag tabairt uisce cum an baili-sin. Ocus ingnad mar dho bui in baile in lá-sin ina lathar-pholl talman &ersir; bruindi cethra sliab uime anunn &ersir; anall &ersir; gan dorus air acht in dorus ar a ticte amach, &ersir; nach fétfaitís fir dhomain foghail ná dibferg air cémad áil leo. Do fhiarfaig Pátraic d' Eogan: in b-fuarubar slicht sluaig ná sochaide romhuibh isin m-baili? Fuaramar, ar Eogan, sleagh &ersir; cloidem &ersir; iarn-leastar ann. Do-gébhthar a fhis-sin ac Cáiltí, ar Pátraic. Ocus do-cuas ar cenn Cáilti, &ersir; tucadh d' innsaigid Pátraic h-é.

Maith a anum, a Cháilti, ar Pátraic: in fuil a fhis acat duin cia do bói isin baili-se ria n- Eogan? Urusa damh-sa a fhis dho beith agum, ar Cáilte, ór is mé in t-ochtmad fer do bhí ac tabairt in baili-se don fhir dá tuc Finn mac Cumaill é .i. aen-óclach do-rinne a mhuindteras ar éicin riamh re Finn .i. Conán mac in Léith Luachra aniar. Ocus do-rala dhó olc mór do dhénam re Finn .i. cú &ersir; gilla &ersir; óclách do mharbhadh ón t-samhfuin co araili don Fhéinn re taebh an tres duine as ferr do bhi do Chlannaib Rónáin do mharbad .i. Aedh Rind mac Rónáin cona trí macaib .i. Aedh &ersir; Eogan &ersir; Eobran. Ocus do-riacht in flaith-féinnid co Carn Luigdech thiar i cóiced Muman, &ersir; ar suidhi dho ann iar n-dénam shealga do-riacht Conán da innsaigid do leith a chúil, &ersir; do gabastar tar a fhormna &ersir; tara arm-ghaisced in flaith-feinnid gan rathugud dó. Aithnis Finn in té don-gabastar amhlaid-sin. Cidh is áil duit, a Chonáin? ar Finn. Mu chor &ersir; mo mhuinnteras &ersir; mu thairise do dhénam friut-sa, ór itú secht m- bliadna ac foghail &ersir; ac dibhfheirg ort, &ersir; ni fhuil fulang h' feirgi-se acam. Gidh meisi rot- gabadh, ar Finn, atá dha mhét d' ulc &ersir; d' écóir do-rónais ar Fiannaib Eirenn nach sáilim do ghabáil dóibh cum sídha. Acht gu n-gaba-sa mé, a ríg-féinnid, léic eadram &ersir; Fianna Eirenn, ar Conán. Gébat ámh, ar Finn, gidh coraighecht ar éicin damh. Ocus do ghabh Finn é, &ersir; do-rine a chor &ersir; a mhuindteras ris. Ocus do-riachtadar an Fhiann ina n-dronguibh &ersir; ina m-buidhnibh da n- innsaigid, &ersir; ba h-ingnad la gach n-droing thiced ann in dias is mó ba námuit a n-Eirinn &ersir; a n-Albain d' faicsin i n-aen-inad.

Maith, a Chonáin, ar an Fhiann, cidh fil acat dúinn inár mór-olcaibh? Freagras Conán cu comnart sin: Gach cath &ersir; gach eicin &ersir; gach mór-olc do-ria cucaibh, cuiridh misi i na cenn, ar Conán, acht dá toiter-sa ann, do tairistissi oram bur bh-fhalta, &ersir; mina thoiter ann, is oraib-si bias a nós &ersir; a orrdharcas. Dar ár &mdot;- bréithir ámh, ar Oisín, ní tucad dúinn riam coma budh fherr linn iná sin. Ocus do- rónad síth re Conán annsin. Cá lín atái do mhuindtir, a Chonáin? ar Finn. Cúic cét óclach &ersir; cúic cét gilla &ersir; cúic cét con, ar sé. Ó atai in coim-lín- sin, ar Finn, sir féin Eirinn, &ersir; in tricha cét thoghfus tu féin innti do-bér-sa duit h-é. Ocus do-luidsium-ne ochtar óclach leis, ar Cáilte, conice in m-baili-si a tám, &ersir; ni raibi tairisi ag Conán, gia ro gabsat in Fian h-é chun sídha, no gu táinic don baili-se, &ersir; ó 't-chonnairc in baili-si cur' ba dún diamair daingiun di-thoghlaidi é tucasdar grádh dho, &ersir; táinic lion a shlóig &ersir; a muindtiri, &ersir; do gabadh in baili-si leis fria ré .xxx. bliadan, &ersir; gach cath &ersir; gach comracc thiced cum na Fénne fris-sin ro dingbhadh-som tosach gacha comhraic dhíb.

Crét aidhidh in Chonáin-sin? ar Pátraic. An cethramad fer, ar Cáilte, fuair bás re h-adhart don Fhéinn hé .i. cruimh neime do ghabh 'na chinn, &ersir; fuair bás ón trath co araili.

Créd rob uisce dho and-so? ar Pátraic. Tipra fír-uisce atá san baili-so, ar Cáilte. As diamhair an t-inad itá, ar Eogan, ór ní fhaghmait ar lár talman h-í. As uathad don Fhéinn dar' eoluch í, ar Cáilte, no gur' ormais aen-óclach dhíbh uirre, &ersir; no gur' urmaises-sa 'na dhegaid, &ersir;gur' urmais fer in baili féin iarsin. Cia in cét-oclach? ar Pátraic. Aedh mac Finn, ar Cáilte, &ersir; adeirim nach raibhe inadh asa tuc duine lán bledhi nó eascra a h-aill nó a h- abhuind nó a h-indber nó a h-inadh dí-thoghla a n-Eirinn nach bérad-som eolus a medón oidhche ann, &ersir; rucastar eolus gusin tiprait itá 'san baili-si. Ocus is ann atá an tipra, ar Cáilte, a slis-bhord na cairrgi cenn-gairbhi cloiche &ersir; faircle comh-dhaingen comh- dhlútha cloichi uirre. Ocus mór lá fuair Smirgat &ersir; Der Dhubh a Duibsléib h-í. Ocus at-bert Cáilte: Atá tipra san leith thes. do- ghén-sa dháibh bur n-deigh-leas, do-bér-sa dúib for a lár usce eochar-gorm im-shlán. Nocha n-fuil tipra ocon dún at-bert Eogan gan mhí-rún, mina cabra rí nimhe Mac maith Muire mín-ghile. Ro ba mhaith m' engnam 'san chath a n-agaid na n-allmurach, ro thuitset lim-sa fo thrí tri cóeca fer co caeimh-lí. Smirgat ingen Fathaig fhéil ocus Dér Dhubh a Duibsléibh, inmain dias téiged a fad don Fhéinn do brath a námad. Ro bo mhé in Cailte co cruth sochaide dá tucus uch, dá ro tinóilius dom rith lánamain gach fiadha ar bith. Maith in muinter muinter Finn mairg fhuil dá n-éis a n-Eirinn! mór m-beodhachta in buidhen bras as mór n-iath a m-bói a n-eolas. Maith in muinter muinter Find mairg fuil da n-déis i n-Érinn, cen locht orra ar tuind talman acht cen Dia do mor- adhrad. Aed mac Find fer nachar' creid crois na cill, a cath conpaiti ro lái a tres is mor m-baile bái a eolas.

Dul anois, ar Pátraic, &ersir; in tipra d' faghbáil. As egal leam a fagbáil, ar Cáilte, ór naenbar curad no bhídh ac tócbáil a faircle di &ersir; in coimh-lín cétna 'gá chur uirre arís, &ersir; as ecal lim uisqi na tiprat do bháthad in baile, ar Cáilte. As tualaing Dia a dháil mar bhus cóir, ar Pátraic. Do éirigh Cáilte &ersir; do éirghedar-sum leis, &ersir; rígh-lia cloichi ro bói as slis in baili amach iadhus Cáilte a dhá láimh uimpe, &ersir; tairrngis chuige h-í, co táinic ród-bhuindi rói-mer d' uisqi eochar- ghorm fhír-áluind asin carraic gu raibhi ag dían-bhádad an baili. Annsin tócbus Pátraic an láimh caeimh creadhail ro fhóired gach n-airc &ersir; gach n-ainces frisi tabrad h-í, &ersir; sluicter in t-uisqi ar cúl doridisi isin sliabh &ersir; isin charraic cédna, cu nach raibhi acht lán baisi Pátraic ac snighe aisdi amach don uisgi. Bas Pátraic ainm na tiprat budhesta, ar Beneoin. As ced leam a beith amlaid-sin, ar Pátraic, no gu n-derntar finghal icá duthaigh isin baile re deireadh n-aimsire.

Táncadar ar in faithchi imach Pátraic &ersir; Cáilte &ersir; an lín do bátar isin dúnad, ocus nír' cian dóibh co facadar aen-óclach da n-innsaigid, &ersir; is amlaid ro bói an t- óclach-sin &ersir; léne do shída bhuidhi ré chnes &ersir; brat áluind uaine uime, &ersir; dealg óir isin brut ós a bruinde. Cia thusa, a anum, a óclaich? ar Cáilte. Aedh mac Aedha na n- abasach amsach , a Cnuc Árdmulla amuigh don mhuir, risi n-abar Rachlaind nó Rachrainn isin tan-sa, &ersir; macaem Tuaithe Dé Danann uili mise, &ersir; d' fiafraigid neich dít-sa thánac anois. Crét rob ail let d' fiarfaigid dhím, a Aed? ar Cáilte. Ca ferr dam ní dhá fiafrochainn díd iná cid fá tucadh Carn Manannáin ar an carn- so?

Óclach do Thuaith Dé Danann, ar Cáilte .i. Aillén mac Eogabail, tuc grádh do mhnái Mhanannáin meic Lir, &ersir; tuc derbshiur Ailléin grádh do Mhanannán .i. Aíne ingen Eogabail, &ersir; ba h-annsa le Manannán í iná in drong dhaena. As annsin ro fhiarfaig Aíne da bráthair .i. d' Aillén: cidh, ar si, ro tráigh in dealbh rígda romhór do bhói fort? Dar ár m-bréithir ámh, a ingen, ar Aillén, ní fhuil don droing daena nech dhá n-indesmais sin acht mad thusa at aenar, &ersir; do indis di: grád tucus, ar sé, d' Uchtdeilbh ingin Aengusa Find, do mhnái Manannáin. Am láim-se atá a fhoiridin-sin, ar Aine, ór tuc Manannán grádh dam-sa &ersir; da tuca-som a mhnái duit-si fóifet-sa lais tar cenn furtachta d' faghbháil duit-si. Ocus táncadar rompa, ar Cáilte, .i. Aillén &ersir; Aine, conice in tulaig-sea, &ersir; do-riact Mannanán &ersir; a bain-chéli lais, &ersir; ro shuidh Aine ar láimh deis Manannáin, &ersir; tairbiris teora póc n-dil n-díchra dho, &ersir; ro fhiarfaig cách scéla da chéle dhibh. Mar at-chonnaic ben Manannáin Aillén tuc grád dho fochétoir, &ersir; do indis cach dib scéla da cheile. Is annsin adubairt Pátraic: As gablánach in scélaigecht-sin .i. siur Ailléin meic Eogabail do thabairt grádha do Manannán, &ersir; ben Manannáin do thabairt grádha dh' Aillén. Conadh de-sin atá in t-seinbriathar: gablánach in rét an scéluighecht. Ocus tuc Manannan a mhnái féin d' Aillén mac Eogabail, &ersir; tuc féin Aine siur Ailléin.

Ocus ro bai Aíne ingen Eogabail oc brécad Manannáin, ar Cáilte, &ersir; do-rigni in láid and: A Meic Lir tairri lium co Daire n-Dairbri os cach dind, gairfid cailigh beraid lon darís clochan da borb-chon. Canfaither duit ilar ceol iter éol ocus anéol, bidgfaidh guth cuach os chaill céir re dordan daim damaire. Fascnam fedain feda faind snaghach snoidi claraig craind, oig oc abrán re gaith n-gluair cerc fraich re aidche n-adh-uair. Eistecht re sianan senma re h-airfitiud n-ílderda, ingena aille 'n-ar tigh do-gebtar dait, a Meic Lir. A.

Ocus ruc Aillen mnai Manannáin co Sid Eoghabail, &ersir; ruc Manannán Aine ingin Eogabail leis co Tír Tairngire. . blank line inserted to keep lineation

. gOcus as iat-sin, a anum, a Aed, ar Cáilte, in dá cheisd do fiarfaigis dím. Ocus do bátar isin baili-sin re h-edh sechtmaine, &ersir; do thimnadar ceileabrad d' Eoghan Ardbhrugaid, &ersir; tuc Pátraic nemh dho ara n- derna dá réir.

Is annsin táncadar rompa co Gleann in Scáil soir, risi n-abar Muindter Diugra isin tan-so, áit a raibhe Pátraic a n-daeire ac Milcoin mac h- úi Buain ac ríg Dhail n-Araide, &ersir; at-ciat ceall shuthach ara cind, &ersir; .xxx. mac n-eculsa innti ac edarmolad in Dúileman co dícra, &ersir; ac déchsain dóibh don taeibh eili secha at-ciat in ceall aile ar in gort cluana re a taeibh. Do rígh nime &ersir; talman at-lochamar. ar Cáilte, rob adhba slógh &ersir; sochaide sin gidh imat naemh &ersir; fírén anosa and. Cia don Fhéinn do bhí isin baile út? ar Pátraic. Raighne Roisclethan mac Finn isin dara baile díbh &ersir; Caince Corcarderg mac Finn isin baili ele, ar Cáilte, &ersir; do mharbhsat Clanna Morna Raighne mac Finn. Conadh uada atá Magh Raigne. Ocus ro marbsat in mac aili, conad uadha ata Sliab Caince.

Ocus nir' chian do bátar ann co facadar ingin mín macdachta mong-bhuidhi da n-innsaigid, &ersir; suidhis ar an firt fótbhuigh acu. Cia thusa, a ingen? ar Pátraic. Edáin Fhoiltfhinn ingen Baedáin misi, ar sí, ingen rígh Dáil n-Araidhe. Cidh um a táncais, a ingen? ar Pátraic. Do thabairt ar m-beo-maicne &ersir; ar marb-maicne duit-si, a naemh Pátraic, ar an ingen, ór ni fhil dom shíl beo acht mé fein &ersir; mo dherbbráthair. Ocus tuc a láimh etorra &ersir; a léinid &ersir; tuc .l. bruth óir &ersir; .l. bruth aircit a raibhi .l. uingi d' aircet &ersir; .l. uingi d' ór ina screabal soiscéla do Phátraic, &ersir; do shlécht dó. Gá ainm atá ar do bhráthair, a ingen? ar Pátraic. Loingsech mac Baedáin, ar inn ingen. Ríghi n-Eirinn uaim-si dho, ar Pátraic, &ersir; triur dia shíl a ríghi dia éis. Gach ní bias acaind-ne dh' Eirinn co bráth duit-si, a naeim-chleirigh, ar an ingen. Ocus do cheileabair dhóibh iarsin, &ersir; do bhádar ar in tulaig re h-athaid tar éis na h-ingine.

Cailte cecinit.

Ard Caemain aníu cid cell ropa port ríg co rothend, is inad crabaid is cros is ecna cen amaros. Ard Coemain is Cluain Gamna ge bet indiu fo tarba is inad crabaid is cross is mor n-gabad do fuaros. Adeirim-si riut reime bid fír dam in fhaistine, gé beth mo chraidi fá mairg is baile aingel ind aird. Ard. abur on abur Tonn Clidna.

IS annsin ro bói óclach comaidechta do Muiridach mac Finnachta do ríg Connacht i farrad Pátraic .i. Corc mac Dairine, mac rig Corco Duibne. Fiarfaigid rob ail lium do denam dit, a Chailti, ar Corc. Cid ima n-abur Tonn Chlidna &ersir; cid ima n-abur Tonn Téite risin tuind aili.

IS accum-sa itá in scel-sin do glain-mebra, ar Cailte .i. Óclach gráda ro bói ac Find mac Cumaill, .i. Ciabhan mac Eochach Imdeirg mac rig Ulad í tuaid, &ersir; is amlaid ro bói in t-óclach-sin in derscugud beiris in t- éscca ina chuiced dég do ard-rennachaib nime ruc in t-óclach- sin ar cruth &ersir; ar deilb do macaib rig &ersir; taissech in domain. Ocus ro gabustur toirrsi Fianna Eirenn reim Chiaban mac Echach Imdeirg, &ersir; rob é adhbur a toirrsi ní raibi ac fir nó gan fhir díb ben nach tucustar grad do Chiaban mac Echach, &ersir; ro diult Find reime, &ersir; gé ro diult ro bo lescc leis, acht ecail leis Fianda Eirenn dó ar mét a n-éta.

Ocus tainic reime co Tráig in Chairnn, risa n- abar Traig na Trénfer, i cuicid Ulad, iter Dún Sobairchi &ersir; muir, &ersir; at-connairc curach cend-ard colg-díriuch creduma and, &ersir; da gilla óca isin churach &ersir; tuighnech phutairle forro co formnaib a n-gualann, &ersir; bendachais Ciaban dóib, &ersir; do fregradur- som dó. Cia sib a m' anum, a ócu?, ar Ciaban. Lodan mac ríg na h-India missi, ar se, &ersir; Eolus mac rig na Grege in fer aile út, ar se, &ersir; ro gluais tonn sind, ar se, &ersir; ro thimairg gaeth, &ersir; ní fhetamar cá crich nó cá cinel issin domun í tamait. In tí leis budh áil siubal mara lib in tiubrad sib cumaid dó? Dá mad at' aen-fher duit, ar siat, do-bérmais. Maith, a Chiabhain, ar a muinter, ind h-í Éire is áil let d' facbail? Iss í am, bar eissin, uair ní fhagbaim mo dín na mo chomairchi inti. Ocus dala Chiabain tainic issin curach, &ersir; ro delaig re muintir, &ersir; ro badur co dubach domenmnach, &ersir; ro bo scarad cuirp ré h-anmain léo scarad ris. Ocus do-rindset a comunn &ersir; a caradrad Ciabhán &ersir; na h-óclaich do bhí 'san churach,

Ocus do eirgedur na tonna geala gairechtacha dóib coma cutruma re Sliab Mis nó re Slíab Édair nó re Slíab Elga cach mur-thonn mor muiride díb, &ersir; na h-éicne áille eochur-brecca no bith ré grian &ersir; re grinnell co m&mdot;-bidis ré slis-bordaib in churaig acco, &ersir; ro gab grain &ersir; eacla &ersir; uruamain iat-sum reime-sin. Dar mo breithir ám, ar Ciaban, damad ar tir duind, ro choissenmais sind i l-lathair chatha &ersir; comraic commaith.

Ciabhan cecinit.

IN triar atám ar in tuind ron-tarla a &mdot;-bethaid chumaing, mor in baegal beith mar sin gan bás faebuir dar rochtain. Missi ocus in dias tar muir co lín gaile ocus gaiscid, damad i cath cétach chrón dingébmais cét do gach t- shlóg. O ro chím in tuind-seo thes is mor dar &ndot;- daghles cheiles, is mor in brón brón na triath ar nech ó tá dís co triar. IN triar.

Ocus ro badur isin mor-éicin moir sin nó co facadur in aen-óclach da n-indsaighid, &ersir; ech dub-glas fáe, &ersir; srian óir fria, &ersir; .ix. tonna fa muir dó &ersir; in nóbad tonn do eirged, &ersir; ní ba fliuch blae na bruinde dóib. Ocus do fhiar- faig in t-óclach dib: ca luag do-berad sib don tí d' fhoirfed sib assin n-éicin-sin? Ní fhetamar in fil inar láim in luach sirther oraind. Atá ám, ar in t-óclach, bar m-beith fein ar cur &ersir; ar muinterus in tí do fhoirfed sib. Ocus ro fhoemadur-sum sin, &ersir; tucad a láma i l-láim ind ócláig.

Ocus tuc in t-óclach chuice assin churach iat a tríur ar in n-ech, &ersir; ro bói in curach ar taeb- shnám lam risin n-ech co rangadur cuan &ersir; calathport i Tír Thairr&ndot;gaire, &ersir; ro thairrlingetar ann, &ersir; tangadur co Loch Luchra &ersir; co cathair Manannain, &ersir; tairnic tech n-óla do t-suidhiugud rompo, &ersir; do frestlad &ersir; do frithailed iat a cethrar óclach ina degaid-sin, &ersir; ro benad a ceindbéca da &ndot;-dabchaid donn-iubhair leo, &ersir; ro tócbait cuaich &ersir; cuirnn &ersir; copana, &ersir; ro eirgedur gilli áilli aghmara abhrad-gorma re bennaib blath-cháine buabaill, &ersir; ro seinded léo timpana téit-bindi &ersir; cruite nua-binde náe- thétacha co tarla in tech ina choirchi chiúil.

IS annsin do eirgedur bachlaich srub-fhata t-shal-fhata t-sheired-chaela ruad-máela rintacha ro bith ac denam chles &ersir; chluiche a tigh Manannain, &ersir; ba h-é-seo cles do-nídis .i. .ix. m-bunnsacha bir-gaissi ina laim &ersir; a n-diubrucud ar leth-chois &ersir; ar leth-laim co féice na bruidne, &ersir; a n-gabail dó fon cor cétna, &ersir; is uime do-nídis sin, d' imdergad sóer-chlann so-chineoil ticdís a crichaib ciana comaichthi amuich. Ocus do-rinde ind adhaig-sin a chles feib do-nith riam roime, &ersir; tainic d' indsaigid Chiabain Chasmongaig meic Echach Imdeirg, &ersir; tuc na nae &mdot;-bunnsacha ina láim, uair is sé is ferr delb &ersir; taichim &ersir; tuarascbail do bói do Thuaith Dé Danann &ersir; do Macaib Miled isin tigh-sin Manannain, &ersir; ro eirig Ciaban &ersir; do-rigne in cles-sin a fiadnaissi Manannain &ersir; maithe Thíre Tairrnhgaire mar badh h-é budh aen eludha dó riam reime-sin, &ersir; tuc i l-láim Eolais meic rig Greg, &ersir; do-rigne fan cuma cétna, &ersir; tuc in cles i l-laim Lodain meic rig na h-India, &ersir; do-rigne fan cuma cétna.

IS annsin ro bói prim-ollam maith ac Manannán a Tír Tairrn&ndot;gaire .i. Libra prim-líaig, &ersir; ro badur tri h-ingena aici .i. Clidna &ersir; Aífi &ersir; Étain Fholtfhind, &ersir; rob iat-sin tri taisceda genais &ersir; aentuma Thuaithe Dé Danann, &ersir; nír b' ecail ní da marbad acht gái chró na genmnaidechta, &ersir; tucsat a n-aen-uair grád don triar-sin, &ersir; ro chindset élod fán cáemlaithe do ba nessa dóib, &ersir; tangadur co calath-port ina coinde in trir óclach sin, &ersir; tainic Lodan mac ríg na h-India &ersir; Eolus mac ríg Grég i nd- aen-churach, &ersir; tainic Ciaban mac Echach Imdeirg &ersir; Clidna ingen Libra i n-aen-churach, &ersir; ro thócbadur in snath-bréid sídaide i m-barr-uachtar in chraind t-shiúil, &ersir; luidedur reompo o tá sin co Traig Théite ingine Ragamnach i n-deiscert Eirenn tes, &ersir; is uime-seo tucad Tráig Théite urri .i. Téite Brec ingen Ragamnach do dul ann, &ersir; tri .l. ingen lé do chluiche chluithe thuinde, co ro báidhed ann iat, &ersir; conid uaithe atá Tráig Théite.

Ocus dala Chiabhain meic Echach Imdeirg, ro gabustur cuan &ersir; calath-port ar in tráig cétna sin, &ersir; do-luid do t-sheilg &ersir; do fhiadach fón crich fa comnessa dó, &ersir; tainic in tonn amuich dochum Chlidna, &ersir; ro báidhed h- í ann. Conid uaithe atá Tonn Clidna urri. Ocus tangadur teglach tighi Manannain ina &ndot;-degaid .i. Illathach &ersir; a da mac 'ar tabairt grada donn ingin, &ersir; ro báidhed ar in tráig cétna, ar Cailte. Ut dixit Cailte: Clidna Cheindfhind, búan in bét ar in traig tainic a h-éc, damna da mathair beith marb in ní dia tarla in sen-ainm. Da n-dernad in t-aenach te ac lucht Tíre Tairr&ndot;gaire is sé thuc in mnái tre cheilg Ciabhan mac Echach Imdeirg. Rígan ind aenaig thall tra ingen dán' com-ainm Clidna tar in ler lethan longach tuc leis Ciabhan Cas- mongach. Ro fhagaib h-í ar in tuind luid uaithe ar echtra n-etruim, d' iarraid t-shelga, monur mas, luid reime fan fidh folt-chas. Tainic in tonn tara éis do Chiaban nir' bo deg-gres, mor-gnim ba dimda linde bádhad Chlidna Ceindfhinde, Tonn Dúine Téite na triath is sé ainm ro bói ar in iath nó cor' báid in tonn-sin trá ben darub com-ainm Clidná. Lecht Téite sin traig-seo thuaid ro gaet a mesc in mor-shluaig, Lecht Clidna ar in tuile thes re Síd Duirnn Buidhe benas. Fliuchthar folt in Duirnn Buidhe a tonnaib in trom-tuile, gid imda do neoch fuil ann is sí Clidna nos-báidhend. Caeca long lodur tar sál teglach tíghi Manannain, nochar' bí in chongaib gan gan ro báided ar Tuind Clidna. C. Illathach is a da mac ro báidtea in triar ac tochmarc, mairg d' adhair don luing dana nachas-ainic Tonn Chlidna. Clidna.

IS annsin immorro do-riacht Ciaban Casmongach dar n-indsaigid co Druim n-Assail maic Úmoir, &ersir; issin áidchi-sin ro marbad Eochaid Imderg rí Ulad, &ersir; ro rigastar Find Ciaban Casmongach tar eis a athar a rigi n-Ulad. Ocus is sé-sin, a Chuirc meic Daire, in scél ro fhiarfaigis dim, ar Cailte.

Ocus ina degaid-sin ro eirgedur in sluag uile co Raith Medba, &ersir; Patraic maraen riú. Cé in Medb o raiter in raith- sea? ar Patraic. Medb ingen Echach Feidligh. IN é-seo ro ba baile bunaid di? ar Patraic. Ní h-é úm, ar Cailte, acht fa lith laithe na sámna ticed d' acallaim a druad &ersir; a filed ann dús cid ra biad ar maith nó ar saith in bliadan-sin di, &ersir; is amlaid ticed si, ina náe cairpthib ann .i. nae carpait roimpe &ersir; náe carpait ina diaid &ersir; nae carpait cechtar do dib leithib di. Créd má n-denad sí sin? ar Patraic. Na roised braen-scoid na conaire &ersir; glamar-chind na h-echraidi, &ersir; nach salchadais na dechealta nua-glana. Adhbur subhach sin! ar Pátraic.

Caide ainm ind achaid-sea, a Chailti? ar Pátraic. Gort ind Fhostáid ainm in guirt-seo, ar Cailte. Cred in fostod? ar Pátraic. Óclach d' Fhind tarmairt imtecht uad ar bithin a thuarastail, uair fata leis co rainic do .i. Druimderg Dana mac Duib Dechelt do Connachtaib inso, &ersir; tangadur tri catha na Féinne da fhastud, &ersir; nir' thairis accu, &ersir; do-riacht Find da fastud, uair badur búada ara fhastud óclaíg &ersir; bá dona buadaib-sin, acht co &ndot;-dernad Find tri raind dó comad t-shidach é ina degaid. Ocus adubairt Find: Tú sin, a Druimdeirg Dana a urdeirg na h-urbagha, gé thís uaim aniu co m-blad is cetlud duit ceilebrad. Do-ratus duit ic Raith Chró tri coecta uingi a n-aen-ló, lán mo chuaich a Carn Ruide d' airget ocus d' ór buide. IN cumain let ic Raith n-Ái da fuaramar in da mnái, ocus aduadmar na cno missi ann ocus tusso. Tú sin.

IS ann sin do eirgedur in sluag uili assa h-aithle-sin co Ros na h-Echraide, risa n-abar Ailfind isin tan-so, &ersir; is uime aderthai Ros na Echraidi ris .i. in tan no bídis cuicedaig Eirenn ic ól i Cruachain is ann do bidis a n-echradha a lúb-gortaib gabala. Ad-ráe buaid &ersir; bennacht, a Cailti, ar Pátraic, as mor in fis &ersir; in t-eolus-sin acut.

Ni cian ro badur ann co facadur ind aen-mnai da n-indsaighid, &ersir; brat úaine uimpi, &ersir; leine don t- shlemen-shíd buidhe fria cnes, &ersir; niam-lann d' ór buidhe réna h- édan. Canas tangais, a m'anam?, ar Cailte. A h-Uaim Chruachan, ar inn ingen. Ocus cia thusa, a m' anum? ar Cailte. Scothniam ingen Buidb Deirg meic in Daghda missi, ar sí. Cid rot-imluaid &ersir; rot-aistrig ille? ar Cailte. Iss ed rom-imluaid, ar in n-ingen, d' iarraid mo choibche ort-su, a Cailti, ar inn ingen, uair ro geallais uair éicin dam-sa h- í. Cred tuc ort-sa gan tiacht da h-iarraid co Carn Cáiridha thes i coiced Laigen? Neim-fhírindech adeire sin, ar inn ingen, &ersir; in deiliugud tucad ó cheile oraind. INgnad lind mar at-chiamait sibh, ar Pátraic .i. inn ingen as í óc ildelbach &ersir; tusa, a Cailti, ar Pátraic, at shenoir chrin chrotach crom-liath. Do-fuil a adhbhur- sin acum, ar Cailte, &ersir; ní lucht com-aimsire sind, &ersir; do Tuathaib Dé Danann iss í, &ersir; nem-irchradach iat sein, &ersir; missi do Clannaib Miled, &ersir; di-mbuan irchradach iat.

Tabair freagra ar in mnái, a Cháilti, ar Pátraic. Do-bér immorro, ar Cáilte, &ersir; do éirigh roimhe cu Carn Soghradhach re Cruachain aniar- thúaid, &ersir; tuc a uillinn clí risin carn, &ersir; do chuir secha h-é &ersir; tuc a láim fon carn &ersir; tuc in Lugbordach anís .i. crannóc tucadh a comair chísa &ersir; chánachais d' Fhind mhac Cumaill, &ersir; tuc Find 'na thuarasdal do Chonán Mhael mhac Mhorna, &ersir; do fholaig Conán isin carn h-í. Ocus as amlaid do bhói in chrannóc &ersir; a lán d' ór innti, &ersir; tuc Cáilte ina coibhche don inghin h-í. As gairit ón t- sligid &ersir; ó ré na carpat fuaruis sin, a Cháilti, ar Pátraic. Ocus adubairt Cáilte: Dáine bátar sunn co sé saeire aid- ble a n-innile, nocha sochaide rus-gaib cincub cian á shliged- haibh. Atá foluch i Sléibh Fuaith do chuirfedh Eirinn má cuaird, trí cét uingi don ór dherg maraen is an Duille Dearg Atait ceathra dabhcha óir a fír-mhullach Sléibi Smóil, in dabhuch as luga dhíbh fairsing n-dési, cumang trír. Ata fer óir a cuimrech isin raith ic Sen-Luimnech, slabrad airgit air dib n-glond a fuil tri cóecait conglonn. Atat tri sréin nó cuic shreín arna folach dom láim féin, in t-éolas téighim don dáil dol i taib Duma Massáin. Ata mo lend cona delg is cona cimsaib óir deirg, isin cnuc ic Tuaigh Imne ro facus h-é ic Osraighi. Ata mo scian becc croda cona h-eim do líg logh- mair a Mullach Droma tinde ní fo laighi acht casnaidhi. Dabach fuil i n-il-lathaib ro ceilfed mac ar a máthair, beg-ní ros-beir o dainib lán duirnd aen- fir do tlathaigh. Atat da cornd nó tri cuirnd re taeb go duilb ac Ros Cuill, co cochluib óir gribda gle co carrmoclaib fíndruine. Ata 'sa tulaigh leith aníar ro ba shaithech triur do trian, iter da cairthe ata in cornd ar in faithchi ac Dún Moghdornd. Atat cethri tindi dh' ór isin carraic os Connlón, isin tindi is luga dib degh-eiri deisi no trír. Ro fácus clesán Conrí ar in fertan ac Senchai, a h-aithlein fir Con Culaind meic Subaltaigh. Tá fithcell Crimthain Níadh Náir a Caill mac n-Draigh in Casain, lán do íriallaib a mna con foirfed secht lanamna. Ata mo cloidemh calma isin cnuc i Carnd Abla, cid bé ro béradh imach ro bo gell tri cét loilghech. Ata mo brandub co m-bloidh isin t-shléib os Leitir Broín, cuiciur airgit gil can glór ocus ochtur do derg-ór. Atá m' fithcell ic Ess Ruaid isin tulaigh leth atuaidh, a taiscidh a medon craind cen esbaid fir da foirind. Atait cethri cleib do gual dol i taib Leici na n-Druadh, co ceilit mór do maíníb cingo somáin do daíníb. Gabar sailm, gabar créda saltracha ocus soiscéla a timcell Cind Garaid glain a n-Inis Cuind Cétcathaigh. Adeirim-se rit-sa dhe a mheic Chalpuirn co naeime, gu mairit na h-innmhusa is nach mairit na dáine.

Ar n-dénum a thráth &ersir; a úird &ersir; a aithfrind do Phátraic, tucadh Cáilte cuigi &ersir; do fhiar- faig de: crét fa tucad Glenn na Caillige ar an n-glenn-so thís? Inneosat duit, a naem-clérigh. Aen do ló do bhí Find &ersir; in Fhiann annso, &ersir; at-chonncamar amuit chailligi corr-luirgnigi cír-dhuibhi cucainn, &ersir; ghrennaighis sinn um choimhling do dhénam ria &ersir; a n-gnáith-geall ón Fhéinn uimi-sin. Ocus ba h-iat geallta do snaidhmedh ann, a chenn do bhein don te do fúicfidhe ann. Ocus do rithsam-ne triar don Fhéinn ria .i. Oisín &ersir; Diarmait ua Duibne &ersir; mhisi. Ocus do rithamar co h-Áth Mór, re n-abar Áth Moga isin tan-so, &ersir; as misi fa túsca ac dul tar in áth siar, ar Cáilte, &ersir; d' impódhas a n-agaid na cailligi aniar &ersir; tucas béim cloidim di gur' chuires a cenn dá coluind. Ocus is uaithi ainmnigther an glenn-sin ó sin alé.

Ocus táncatar isin m-baili anunn iarsin &ersir; do ben- nachadh acu h-é, &ersir; do bí légeon d' ainglib ós a chinn arna bennachad, &ersir; do bádar ann iarsin co ceann caeicdigis ar mís.

Laithe n-aen ro bí Pátraic ic denam a trath, &ersir; mar tairnig na tratha do denam is ann it-cualatar in suasan selga &ersir; fiadaigh a Berrobail isin cnuc re táib. Is becc gotha na con &ersir; na fer it-cluinmít, ar Cáilte, &ersir; is do dith na flatha Find atá in t-selg-so oca denam, &ersir; do dith Meic Lughach lan-calma, &ersir; do dith Diarmata ua Duibne &ersir; Aeda Beic meic Find ro marbad i cath Concaite thair a Saxanaib, &ersir; d' esbaid Duib Da Cond &ersir; Duib Dithrib meic righ Galéon &ersir; do dul Dithrubaigh meic in Scáil meic Eoghain, mac máthar Fhind, ro marbustar Cailti Coscar righ mac righ Frangc, &ersir; ar múrad talman ar Conán Mael mac Mornda &ersir; Ferdoman mac Buidb tre bithin Findinni ingine Buidb.

IS annsin adubairt Pátraic re Cáilte: Is truagh in nuall cuma duit-siu beith mar sin tar éis t' fhéindi, &ersir; ní h-amlaid-sin is coir duit-siu do creidem do beith festa, ar Patraic, acht isin fir-Dia fororda ro cruthaig nem &ersir; talmain. Maith a anam, a naem-clérigh, da mad aithníd duit-siu an Fiand do- bérta grad doib in trath is misi is inmain let, &ersir; me ar taircsin mo luith &ersir; mo lámaigh.

Ocus it-cualaid in sluagh uile sin, &ersir; ba truagh léo a n-dernad in fir-laech &ersir; in fir-gaiscedach a n-ingnais a Feindi in la-sin. Maith a anam, a Cháilti, ar Pátraic, cid duit-siu cen dul do d' fhéchsain? Ro bad áil, a naem Pátraic, ar Cáilte, acht urchar do dibraic Seiscend mac Fir Duib i cath Cind Mara thes dam, &ersir; ní fédaim le gáeib cró in urchair-sin &ersir; rob é a diubrucud dédhenach sum é, uair i-torchair fein and, &ersir; is do Ríg nime &ersir; talman it-lochar-sa beith ac éistecht re guth cailigh an baile-sea.

Cáit indut a tarrla in t-slegh, a Cháilti? ar Pátraic. Im taeb n-dess andso, a naem Pátraic, i fail na raibi in sciath orum. Ocus tuc Pátraic a derndaind &ndot;-deis re h-ínad na gona co tainig in t-slegh imach tar áladh na gona, &ersir; glún an fir fa mó don t-sluagh téighed tara cró &ersir; tar indsma na sleighi, &ersir; is e ba nesa dó isin eclais .i. Mael Trena mac Dínertaigh. A macaim, ar se, geib mo laim, uair do-cuaidh in Tailgind do d' féchain na selga.

Cáilte cecinit.

A scológ rom-beir amach o tairnic in celebrad d' éstecht na con taifnes fiad a Berrobol A cailigh do-ní in gairm glan cia da n-denaidh t' oirfidedh? mor do-berim dom aire ní da tám a n- én-baile. Ceol do-nídís meic Lodain ba bind le feraib in domain, clíaraidhecht cethrair rom- char cethri meic Conaill Cruachan. Bás Meic Lughach do Laighníb a cath Gabra cruadh-airmigh, aen-guin da fostud malle mor in coscar cruadh- laime, Dub Daile Dub sin do brondad máine, coscar céd i Coill Dithrib gnath le Dub n-dithmar n-Dáile. Slegh derg i laim Ditrebaigh bidís óig ara tairbeirt, inmain a guth issel becc ocus a gnim n-ard n- airderc. Da coin Diarmata dualaigh Baeth is Buidi co m-buadaib, tri coin Cailti, comall n-grind, Bret ocus Luath is Lanbínd. Fertan Find i Fatharlaigh ba fert fir andiuid engmaid, ro cuir mór laech fa lechtaib ro tercaigh mísi a talmain. Ar n-aghaidh ac Daire Braín nírbí i n-aghaidh ar cuid Cáil, do marbus, ba suairc in slat deich n- eilti ocus da fichet. An selg a n-Daire Tarbgha ro bo maith lind ar menma, ro marbus re n-dul amach ocht fichit dam dasachtach. Ferdoman o Lathraig Cain ocus Conán taeb re taib, inmain dias mor garg co m-bladh leis ar meníc deghlamach. Fiana Find ro fedar-sa inmain sluagh sochla sétach, ní bendais duine ocus ní dendais d' écnach. Nirsat cruindi cesachtaigh nírsat míanaigh blaisechtaigh, nír' bo crom-cendaigh a ruisc nírsat uir- cendaigh tecuisc. Fácus Find a sgín 'sa n- áth ocus ní tuc ass co brath, is é a ainm o sin alle Áth Ainmneda na Scine. Luas luin iter da muine 's ed ro bi 'sa Féind uile, lúas na gaeithi seoch in lon do bi ac Cailti 'na aenor. Aderim-si rib reme adér dib a firínne, rob-sum álaind rob-sum cia beridh imach mé, a scológ. A scológ.

IS andsin táinig Cáilte amach &ersir; Mael Trena dalta primda Pátraic &ersir; lam Cáilti aigi da tigh lepta a h-aithle na sleighi do buain as, &ersir; ro bi-sium co h-uchfadach écaintech in aidchi-sin.

Bui dibergach isin tír-sin, oc eitim &ersir; oc ingreim ar Pátraic. .i. Dubcraidi mac Dubtnuthaigh, &ersir; idubairt Pátraic: Ced lem-sa do Cailtigan do cuir mór laech fo lechtaib, cia ro marbad Dubchraidech is cia ro faghbadh a n-aisgidh. Ocus fuair an duine bás iarsin.

Ocus do batar re teora lá &ersir; re teora aidchi andsin, &ersir; tancatar rompu in lín ro batar co Fanglend na Feindi i leith ilíu do Chruachain, &ersir; do suidetar i n-Ard Senaigh os Fánglend na Feindi. Cred ma tucad Ard Senaigh ar in ard- so, a Cháilti? ar Pátraic. Adér-sa rit, ar Cáilte .i. airfidech maith ro bái ic Find .i. Senach ua Daigri, &ersir; andso fuair bás do galar en-uaire, &ersir; ro múired in tulach-so air, conid uada aderar Ard Senaigh. Ocus it-bert Cáilte: A m-beired Senach o Find ara céol is cumain lím, ní ba cuma is beith cen ní tricha uingi cech raithí. Sgrebull óir cech fir is' t-shluagh do Shenach alaind folt-ruadh, ara canad, mor in mod, co cuired iat 'na codlod.

Ba h-ilarda in t-imat cruidh-sin, a anam, a Cháilti, ar Pátraic. Ba h-ilarda, ar Cáilte, uair cin co tucad-som do crud acht a tabrad do mnáib &ersir; do airfitechachaib ro bo mór in crodh. An tuc-sam mná imda amlaid? ar Pátraic. Do-rat immorro, ar Cáilte, co n-debairt: Rann. Trí cét ben do-rat Fínd dar in Ríg úil os mo cind, is coibchi ar leith do cech mnái ba mór in crodh ar aen-chái.

Ba mór eínech in oclaigh-sin, ar Pátraic. Ba mor, ar Cáilte, uair nír' facaib ben cen a coibchi &ersir; nir' fácaib gilla cen a dliged díngmala, &ersir; nír' facaib fer cen a tuarustal, &ersir; nír' gell i n-aidci riam ní nach comaillfed i l-ló, &ersir; nír' gell i l-ló ní nach comaillfed i n-aidci.

. IS annso thainic rí Laigen dochum Patraic.

blank line entered to preserve lineation.

Ní cían ro badur ann co faccadur in t-aen- óclach da n-indsaigid, &ersir; ba maith a tuaruscbail in meic-sin eter deilb &ersir; erred, &ersir; suidhis ar in fírt fótbaig ina fiadnaissi. Cia thusa, a m' anam, a maccaeim? ar Pátraic. Aed mac Echach Leithdeirg, mac rig Laigen andes. Ocus immáin do-rigned acaind ac Síd Liamna Lendchaime thes, &ersir; ro bói mo mathair-si, &ersir; m' athair acaind a fiadnaissi na h-imana .i. Bé Bind ingen Chuain meic Fhintain, ingen rig Connacht, &ersir; ni fuil gein claindi aici acht missi a m' aenar, &ersir; do-rigned in immain accaind, &ersir; rucusa .uii. cluiche ar in maccraid uile, &ersir; in cluiche déidenach rucus is ann dom-riacht in da mnai &ersir; da brat uaine umpu .i. Slat &ersir; Mumain a n- anmanna, &ersir; da ingin do Bodb Derg mac in Dagda iat, &ersir; ro gab ben cacha laime dam, &ersir; rucsat me leo dochum in Broga brecc-sholais, co fuilet mo muinter acom chained tar m' éis, &ersir; lucht in t-shída acom les- sugud ré ré tri bliadan, &ersir; atú-ssa isin t-shíd ossin ille nóco fuarus edurbaegal in t-shídha aráeir, &ersir; tangamar tri .l. maccáem assin t-shíd amach ar in faichthi, &ersir; is annsin tucu-sa dom úidh &ersir; dom aire in mor- éicen i r-raba ac lucht in t-shida, &ersir; is annsin tánac am rith ón Brug conice so do t' indsaighid-si, a naem Patraic. Bid comairchi ón, ar Pátraic, indus na bia a nert na a cumachta-som fort.

IS annsin adubairt Cailte re Pátraic: IS mithig duind dul a cuiced Laigen bodes &ersir; a mac do breith do rig Laigen, &ersir; creidem do t-shilad ann &ersir; mainchesa do gabail ann. Cáit a fuil Cas Corach mac Cáincinde? bar Pátraic. Sunn, a naem-chleirig, ar in t-airfidech. Bid mac righ Laigen a n-aen-leapaid riut &ersir; a n-aen-chumaid no co rissem coiced Laigen. Fert Rairinde i l- Laignib. Tangadur reompo marsin d' indsaigid chuicid Laigen, &ersir; rangadur co Ferta Rairinde ingine Ronain Ruaid ar lar laech-machaire Laigen, &ersir; indissid Cailte dóib cid 'ma tucad in t-ainm ar in fert .i. Aen-deirbtshiur ro bói accum-sa, ar Cáilte .i. Reiriu ingen Ronain Ruaid, ben Guill meic Morna, &ersir; marb do breith meic ar in tulaig seo h-í, &ersir; marb in mac, &ersir; adubairt: Rairiu ingen Ronain Ruaid ar ind uaig os Fertais Blae, is fuithe a taissi abhus 'sin tulaig gan imarbus.

Ocus aiscid rob áil lium-sa d' iarraid ort, a naem- chleirig, ar Cailti. Cá h-aiscid sin, a m' anam? ar Pátraic. Mo deirbtshiur do thabairt a piannaib, uair tarrasa dot muintirus &ersir; dot gráda. Do máthair &ersir; t' athair &ersir; do thigerna Find mac Cumaill do thabairt a piannaib ort-su, ar Pátraic, massa maith lé Dia. Ro altaig Cailte sin don Tailgind, conid h- í-sin étail is ferr fuair Cailti riam.

Ocus tangadur reompo assa h-aithle-sin co Carnn na Curad, risa raiter in Garbthanach i nd-Uaib Muiredaig issin tan-so. Ocus indis duind, a m' anam, a Chailti, ar Patraic, cid imma tucad in Garbthanach ar in n-inad-sa? Fregrais Cailte in ceist-sin .i. Airdrí ro gabustar Eirinn .i. Tuathal Techtmar mac Fiachach Findalaid meic Feradaig Fhindfhechtnaig, &ersir; is se in Tuathal-sin do ben a cind do choic cóicedaib Eirenn, corub uimmi raiter Tuathal Techtmar do ón techtad tucusdar ar Eirinn &ersir; don techtad tuc ar choicedaib Eirenn re Temraig na Rig da foghnam. Ocus do badur dono da ingin t-shoinemla aici .i. Fithir &ersir; Dáirine a n-anmann, &ersir; tainic rí Laigen d' iarraid in darna h-ingen díb .i. Eochaid mac Echach Ainchind rí Laigen, &ersir; do fhiarfaig rí Eirenn: cá h-ingen dona h- ingenaib is áil let, a ri Laigen? Fithir, ar rí Laigen. Ac um, ar rí Eirenn, ni thiber-sa in soisser í fiadnaissi in t-sheindsir do fhir. Ocus tucad Dáirine ingen Tuathail do Eochaid do ríg Laigen, &ersir; tucusdar cét da cach crud ina tindscra na h-ingine, &ersir; ro bói re bliadain aicci issin baile-seo, &ersir; nirb' inmain le ríg Laigen lineation mistake: lineation jumps from 4140 to 4145. h-í, &ersir; ro cóirig ceilg &ersir; eladhain adhaig n-aen ina imdaid aici féin .i. ingen rig Eirenn do breith co lar in fhedha diamair, &ersir; a t-shlechtadh uimpi, &ersir; tech derraith daingen do denam ann, &ersir; naenbur comalta do bói aicci lé, &ersir; a radha a h-éc ann.

Ro gabad a eich don ríg &ersir; ro h-indled a charpat, &ersir; tainic reime do accallaim rig Eirenn co Temraig, &ersir; do fhiarfaig rí Eirenn scela de. Scela olcca, bar rí Laigen, in ingen maith tucais-si duind a h-éc araeir accaind. Ocus créd má tangai-si dom indsaigid-si? ar Tuathal, uair ní chuala-sa scel is doilgi lem ina in scel-sin. Tánag-sa d' iarraid na h- ingine aili ort, a rí, ar eissium, uair ní h-áil lem scarthain ret charadrad. Dar ar &mdot;-breithir am, ar rí Eirenn, ní thaispenann sáimi na subha dam-sa m' ingen do tabairt duit. Ní h-accum-sa ro bói comus a h-anma, ar rí Laigen. Cailte cecinit: Nir' sgar re h-iarraid co nocht is re tacrad co torocht, co ruc Fithir leis da thigh cerba rithír le muinntir.

Ocus tucad in ingen aile dó- sum, ar Cailte, &ersir; tuc leis dochum in baile-seo ar a tamaíd h-í, &ersir; amal do-riacht inn ingen sin, ar Cailte, chum in baile, is ann ro bói ingen aile rig Eirenn isin tigh ara cind. Cailte cecinit: Tuc Fithir a bél re lar nir' b é in caradrad comlán, cor' brised a craide ar tri is ruc a nert ar nemfní.

Ocus ó' t-connairc in ingen aile sin .i. a siur do éc ina fiadnaissi mar sin, fuair bas do chumaid a sethar fo chetoir. Cailte cecinit: Fithir ocus Dáirinee da ingin Tuathail t-subaig, marb Fithir do náirine marb Dairfhine da cumaid.

Ocus do-rigned a tanach annseo ac ríg Laigen, &ersir; is-bert in ri: IS garb in tanach, ar sé. Conid uad-sin atá Garbthanach ar in n-inad-so da n-eis. Ocus ro cuired issin fert fótbaig seo iat a n-aen-uaig, &ersir; is sé in scél ro fhiarfaigis dim, a naem Pátraic, ar Cáilte.

Ad-rae buaid &ersir; bennachtain, a m' anum, a Chailti, ar Pátraic, is maith in scel ro indsis duind.

IS annsin at-conncadur fér-brug gabala i nd-imoccus dóib &ersir; aen-maccaem soithim soinemail ann, &ersir; tri .l. ech ina fiadnaissi issin fer-gurt gabala sin, &ersir; tic Pátraic dochum in maccaeim, &ersir; eirgis in maccaem reime. Uaitne rig umut, a maccaeim, ar Pátraic, &ersir; ac fir th'inaid it degaid; &ersir; ca com-ainm tusa, a maccaim? ar Pátraic. Muridach mac Tuathail meic Fhindachta, meic ríg in tíre-seo mé, ar in maccaem. Cia in dunad út at-chiamait? ar Pátraic. Dunad briugaid do muintir ríg Laigen sin, ar Muiridach .i. Coscrach na Cét. Créd má n-apar in t-ainm-sin ris? ar Pátraic. Ni fétar a chrod 'nait a alma do airem nóco n-airimther ar cétaib iat. In fuigem feis na h-aídchi anocht ann? ar Pátraic. Do-gébam, ar in maccaem, uair is coimsech &ersir; is cumachtach missi issin baile, &ersir; ni fuil óclach in baile féin ann. Ocus tangadur chum in baile annsin, &ersir; ro chuir in maccaem Pátraic cona muintir issin rígthech romor ro boi ac Coscrach issin baile, &ersir; do-rinded a n-umal-osaic ann.

Ocus dala Cailti, do-luid reime co Cloich na n-Arm i l-leith andes don dúnad, in bail a n-déndais in Fhiann a n- airm do bleith re ríglia cloiche cacha bliadne, &ersir; ro chaiestar déra fír-thruaga falcmara annsin os chind na cloiche ic cuim- niugud na muintire moire ro bói os chind na cloiche-sin co minic reime. Ocus ní cian do bói ann co faccaid in t- aen-óclach da indsaigid, &ersir; brat corcra uime &ersir; delg óir issin brut, &ersir; delb deg-duine fair &ersir; forom flatha leis &ersir; folt cáem cas fair, &ersir; nír' rathaig Cailte h-é nó cor' t- shuidh in t-óclach ar leith-chenn na cloiche ina fharrad. Carsat com-ainm thusa, a óclaig? ar Cailte. Coscrach na Cét m' ainm-si, ar se. Ocus in tusa m' aichne-si? ar in t-óclach. Cá h-aichne fuil accut-sa orum? ar Cailte. Andar lem-sa, ar Coscrach, is tu Cailti mac Ronain. Is fír cora mé, ar Cailte. Maith lem do thecmail chuccum, ar Coscrach. Cid on sin? ar Cailti. Atait .ix. seisrecha .xx. acum-sa, ar Coscrach, &ersir; in trath is i n-am búana in trebaire tecaid fíad imdiscir alltaide, &ersir; loitidh &ersir; millid uile, connach bí tarba duinde de. Ocus ar fír do gaile &ersir; do gaiscid riut-sa, a m' anum, a Chailti, ar Coscrach na Cét, tabair furtacht &ersir; fóirithin orum lineation mistake error: text jumps from 4214 to 4415. um dingbail in daim-sin dím. Ind aimsir do bádusa im luth &ersir; im lathar, ar Cailte, ro dingebaind sin dít.

IS annsin at-chonncadur in luath-grinde áigh &ersir; irgaile da n-indsaigid, &ersir; fidh-nemed do t-shlegaib urardu re &ndot;-guaillib, &ersir; ámdabach da sciathaib donna deiligthi forro. Cia sut, a m' anum, a Coscraig? ar Cailte. Tuathal mác Finnachta, rí in tíre- seo, ar Coscrach, &ersir; ro t-shuidh in t-óclach ar in faithche ar a rabadur. Ocus is annsin ro fhiarfaig Cailte do Choscrach da fagtha techtaireda co Cluain Cain na Fairchi i cóiced Muman &ersir; Daire na Fingaile, ocus atáit mo t- shecht lína fíadaigh-sea annsin. Ocus do-cuadur na techtaireda ara cend, &ersir; tucadur na lína léo dá n-indsaigid, &ersir; ro chóirig Cailte in t-shelg 'ar sin, &ersir; ro chóraig tiug na fer &ersir; immat na con in t-eolus ro t-shail in dam-sin do thiachtain, &ersir; do chóirig a línta ar allaib &ersir; ar essaib &ersir; ar indberaib ind fheraind, &ersir; do-riacht in fíad mor da n-indsaighid mara ticed cacha bliadna, &ersir; at-chonnairc Cailte in dam allaith ac tuidecht co h-Ath in Daim ar Slaine. Ocus ros-gab Cailte in Coscraig .i. a t-shleg, &ersir; tuc réo n-urchuir don dam &ersir; sé a lenmain isin lín co tarla fat láma laich don chrann na sleige trít. Adar lim-sa do dergad ar in &ndot;-dam, ar Coscrach, &ersir; ca ferr ainm da &mdot;-beth ar ind ath ina Ath Dergtha in Daim? ainm ind atha ossin anall cossaníu. Ocus rucsat a druim co Druim Lethan, risa raiter Druim &ndot;-Deirg na Damraide isin tan-so. A Chailti, ar sé Coscrach na Cét, maith do thoisc dar n- indsaig, &ersir; adubairt an láid ann: Canas ticidh a shenoir t-shin cait ar' sgarais ret muintir? rot-tarraid crot-fall crine ní mairend do com- díne. IS iat is com-díne dam locht toirimtechta in talman Find cona muintir miadaigh lucht tairbthech an tren-fiadhaigh. Do-beraind oirchissecht ort uair do-rala corsat nocht da marbtha dam co gaibthech in sen-dam crín com- raithnech. Cindus do muirbfínd-si é a fir do-rat duinne gné, a marbad, fa mor in mod can coin, cen lín am farrod? Atait mo lína a Cluain Cáin do- bér cugum mad ail dáib, budh ésin a bás co m-bladh rachaidh 'sa sás an sen-dam. Ada-gar mo lína alle co Druim n-Derg na Damraidhe marbthar ann in congnach cruaidh ar in leirg-sea lind atuaidh. Cáilti do beith d' eis in doim a beith cen caimthech cen choin, tar éis na cuaine rom-char scela is truaighi ro canadh. Can.

Ocus táinic Coscrach &ersir; Cailti chum in baili mara raibe noem Pátraic, &ersir; do-rat Coscrach a chend a n-ucht Pátraic, &ersir; tucsat a sheacht meic &ersir; a t-shecht n- ingena a cindu ina ucht, &ersir; ro shlechtadur dó, uair tarlatar a da les dó in aídchi-sin .i. Pátraic do les a anma &ersir; Cailte do anaccul a arba .i. do marbad in daim do bói ic foghail fair. Ocus do badur ic ól &ersir; ic áibnius ind áidchi-sin. Ocus do-ruacht in sluag uile arnamairech &ersir; naem Pátraic amach assin dúnad ar in faithchi.

IS annsin ro fhiarfaig Coscrach na Cét do Cailti: cred fa tucad Cloch na n-Arm ar in cairthi com-daingen cloiche sea ar in fhaithchi? Is sí- sin, ar se Cailte, in chloch risa meildis in Fhiann a n-airm i l-laithe na samhna cacha bliadna, &ersir; ar in cloich-sin ro bói in smacht-chomartha sida is fearr ro bói a n-Eirinn &ersir; a n-Albain re reimes Chuind &ersir; Airt &ersir; Chormaic &ersir; Cairpri Lifechair .i. fail druimnech derg-oir i r-rabadur ocht fichit uinge do derg-ór, &ersir; poll trésin coirthi-sea, &ersir; is sí trésin poll, &ersir; do bói d' fhebus rígi na ríg na lamad nech a breith leis, &ersir; do bói d' fhebus fhessa na &ndot;- druad conna lamtha a glúasacht, &ersir; ac smacht na rig. Ocus do-chuadur as na riga-sin co toracht Cairpre Lifechair mac Cormaic, &ersir; ro thuit Cairpre i cath Gabra, &ersir; do luidsemar-ne in deired Féine do bamar, ar Cailte, conici in n-inat-so, &ersir; ro impaidis-sa in coirthi &ersir; tucus in leth ro bói suas de sís co fuil amal at-chithi-si. Da faicmis in poll &ersir; in comartha, ar in sluag, ro chreidfimaís sin. Léicid-si cairde dam-sa, arsi Cailte, co ro thócbur in leth atá sís di co raib suas, uair deibidach in raet in Gaeidel. Conid de-sin atá is deinmnitach in raet in Gaeidel. Ocus ro eirgedur uile a n-aen-fhect da indsaigid in lín ro badur, &ersir; nír' fhétsat a bec di. Ocus do-riacht Cailte, &ersir; tuc a da rigid uimpi &ersir; tuc a talmain h-í, &ersir; is amlaid ro boi, &ersir; a fail óir fán poll ichtarach di, co facadur cach uile h-í, &ersir; do-luid Cailte dochum na falach &ersir; roindis ar dó h-í, &ersir; tuc a leth do Pátraic &ersir; a leth aile do lucht in baile i r-rabadur. Conid Cluain Falach ainm na cluana- sin gusaníu, &ersir; conid Lia na n-Arm ainm in lia-sin. Ocus adubairt Cailte: A Choscraig ind aichnide lía gus tathairgdis riga? is chuice taidled in rí Find mac Cumaill Almainí. Ris aderthai Lia na n-Arm sochaide dar' bó alt marb, is co fuil ossin ille 'sa n-inad na comnaide. Mor-sleg do &ndot;-dentá pudur ocus claidem caem-churad, is ro limtha rissin lia sunn, a Choscraig, ris cach dia. A Choscraig.

Ad-rae buaid &ersir; bennachtain, a Cailti, ar Pátraic, is maith in scél &ersir; in senchus ro indissis duind.

Is annsin ro gabad a eich &ersir; ro h-indled a charpat do Coscrach na Cét, &ersir; tainic reime do acallaim ríg Laigen .i. Eochaid Leithderg, co Druim Lethan Laegairi meic Ugaine sair, co n-indissed na scela-sin Cailti doib. Is mor mo dimda ort, ar rí Laigen, gan a indissin dam Cailte do beith acut.

IS annsin at-racht rí Laigen tri catha mora d' indsaigid Pátraic &ersir; Cailti co Raith Moir Maighi Fae, risa raiter Raith Mor ar Machaire Laigen isin tan-sa, &ersir; suidhis naem Pátraic cona muintir a n-dorus na ratha, conid Suidhi Pátraic ainm inn inaid. Ocus suidis rí Laigen lín a t-shluaig, &ersir; tuc a chend a n-ucht Pátraic, &ersir; comus ó bicc co mór, ocus gé thanac-sa do t' indsaigid, a m' anam, a naem-chleirig, ar rí Laigen, ro bói deithber mor oraind anallana .i. cath d' fhuagair Ailill mac Scannlain meic Dungaili, rí na &ndot;-Deissi, oraind í Cailli in Chosnuma, risa raiter Magh Raigne, &ersir; ro léicis in crich do loscad dó, &ersir; tanac do denum do riara-sa &ersir; dot' acallaim. Reilec ríg Eirenn acut ina inad, ar Pátraic, acht co tí tú timchell na licci-seo ar atú-sa am t-shuidhi. Ocus adubairt Cailte: Atá lecc ina loighe ac Druim Lethan Laegaire, maidm re ríg Laigen na ler da tí dagh-fher 'na deisel.

IS cet lium, ar Pátraic, in bail atá ar Mag Raigne a t-shlucud don talmain ann. Ocus do-ronad mar sin, uair do sluiced ann h-é tre breithir naem Pátraic, &ersir; gan nert do gabail d' fhir a inaid ar Laighnechaib.

IS annsin adubairt rí Laigen: Mo mor-chen do tiacht a m' anum, a Chailti, cid ar th' aghaid féin do thista, &ersir; dual duit tiachtain .i. Eithne ingen Taidg do máthair. Ocus maith m' anam a ríg-fheindid, ar rí Laigen, cred ima tucad Tipra na Scathderice ar in tiprait atá a n-dorus na ratha accaind? .i. Scathderc ingen Chumaill ro baidhed inti ac dechain na smirdrissi Locha Lurgain, ar Cailte, corub eisti-sin ro eirig Lach linide lind-fhuar Lurgan, co ro lethastar óta in chorrabhall í cind t-Shleibe Smóil meic Eidhleccair, risa n-apar Sliab Bladma issin tan-sa, conicci-seo, &ersir; ro bói ic lethnachud tar in cuicid uile archena. Ocus is annsin do-rigni Find ind air- birt trén toghaide is ferr do-rigne nech reime riam &ersir; ina diaid .i. sugh- maire a tír na h-India &ersir; na draithi a tír na h-Almaine &ersir; na ban-gaisgedacha a tírib Sacsan &ersir; Franc, co ro t- shúighedur in loch línide lind-fhuar-sin.

Ocus rob an urdraic in chét-fhiann-sin Fhind maic Cumaill, ar rí Laigen. Nir' messa cach aen-fer díb iná cach fer uainde, acht gan a tarrachtain í com-ré nó a com- aimsir duib-si, &ersir; iss ed ba gairdiugud d' aegairib &ersir; do buachaillib beith ac tinol a n-airm &ersir; a n-étaig annseo tri catha na Féinne .i. Find mac Cumaill &ersir; Fer Domon mac Imomain ó Lathraig Cáin do choiced Gailian andes. Ar fír do gaili &ersir; do gaiscid riut, a Chailti, ar Eochaid Leithderg rí Laigen, indiis duind ina n- drongaib &ersir; ina n-áirmib in neoch ro báid in smirdris Locho Lurgan díb. Ocus adubairt Cailte .i.

Faelan Findlacha aniar a cuíced Chonnacht &ersir; Aengus &ersir; Dobarchú a cuiced Laigen. Druimderg Daire &ersir; Dubh Da Dét a Ceinel Chonaill atuaid. Iubhar &ersir; Aicher &ersir; Aed &ersir; Art ceithri meic ríg Chaille in Chosnuma, risa raiter Osraigi isin tan-so, Cairell &ersir; Caicher &ersir; Cormac &ersir; Cáemh ceithri meic ríg Dal n-Araide atuaid. Maine &ersir; Art &ersir; Aralt tri meic rig Alban anall. Eóbran &ersir; Aed &ersir; Eogan tri meic rig Bretan. Blai rí Ili &ersir; a da mac .i. Cernd &ersir; Cernabrog, da rig Indsi Gall atuaid, Díure &ersir; Barrae &ersir; Idae tri meic rig Tuaiscirt Lochlann. Luath &ersir; Indell &ersir; Eogan tri meic rig Mairtine Muman aníar. Glas &ersir; Delga &ersir; Duibne, tri meic rig Tuath Breg &ersir; Midhe. Illann &ersir; Aed &ersir; Eoganan tri meic rig Ceinel Eógain atuaid. Samaisc &ersir; Artúr &ersir; Ínber tri meic rig Gallgaeidel anall. Conid iat-sin anmanna na triath &ersir; na tigerna &ersir; na fer feraind ro báidh in smeirdris Locha Lurggan do chét-fhéinn Fhind meic Cumaill. Ocus adubairt Cailte: gé do-chuaid etar mo lúth &ersir; mo lámach tarrus in magh-so cor' bo loch línidhe fhuar h-é, &ersir; ro ba glas gleorda a uisce. Ocus adubairt Cailte: Uisci glaissi gleoraigi féth snaissi fúam n-iubhraige, étach fiallaig ón gaire ac bregad mac n- ingaire. Reithis faeillean find-lacha re h-ur trága trethnaide, nocho n-eil cor mara rian nochu chian nach gaethlaigi. Cormac, Cobthach, Cu Muighi Aedan, Fergal Folt- buidhi. Fer Da Tol Temhel Tuathol Eochaid Aiblen aduathmur. Druimderg Dáire, Dub Da Dét maraen con-riadhaidis écc, Ibar Acher, Aed is Art Cairill Caem, Cicher, Cormac. Curach Blai do-rat tonn dochum tíri, ar m-bathud Blai is a meic uch is misti óig Ýle. Maíne mend mo daltan-sa inmain fer tosaigh t- shelga, in uair do-berim dom aire inmain secht inmain Maine. Rob-sum comorba righ riam bái tan ní gabaind dí míadh, ro fhostaind-sea firu and ro sloighinn sluagha saer- cland. Deich fir deich fichit deich cét iss ed a fhír is ní brég, do laechraid lonn, lathar n- dil marb is ní do chlaind aen-fir. Bert-sa mo chubus co grian in cach cath in &ndot;- dechad riam gu nar' marbusa ann de acht mac ríg nó ro-duine. Ro scáil mo delb is mo dath 's am mall meta muirbillach, do-chuaid mo chiall is mo chruth conna mairenn dim acht mh' uch, Do-chuaid mo delb is mo dath 's am mall meta muirbil- lach. becc nar' bris mo chraide ar tri ó scarus rissin uiscí. Uisci.

IS ansin tuc-sum da uidh &ersir; da aire a beith a n- écmais a fheine &ersir; a foirne &ersir; a mor-muintire &ersir; a n-esbaid a luith &ersir; a lineation error: text skips from 4590 to 4595. lámaig in lá-sin, &ersir; do-rinde toirrsi mor annsin. Maith, m' anam a Cailti, ar Pátraic, nír' choir duid toirrsi do denamh, uair ferr do dluig-siu &ersir; do díl innáit sin uile .i. missi do tharrachtain duit, &ersir; maithius in fír-Dia fhorórda .i. creidemh &ersir; crabad &ersir; cros-fhígill seoch cach nech aile don Fhéinn.

IS annsin thainic deirid don ló &ersir; tossach na h- áidchi da n-indsaighid, &ersir; adubairt Coscrach na Cét ré ríg Laighen: Atá fled mor-cháin accum-sa duit, a rí, ar se .i. ocht fichit dabach do chuirm sho-óla t-sho-m&mdot;blasta. Ni tucad dam-sa riam fledh dara buidecha mé ina sin. Ocus tangadur reompo chum na fleidhe in lín ro badur do t-shluagaib &ersir; do chleirchib im naem Pátraic issin dúnad anunn. Ocus is annsin ro eirgedur dáilemain re dáil &ersir; doirséoraid ré doirseoracht &ersir; ronnairida re roind, &ersir; ro benad a ceind-bécca da &ndot;- dabchaib dilsi donn-iubhair léo, &ersir; ro eirgedar maccáim re h-escradaib ban-óir, &ersir; ro dian-scailit biada &ersir; lind do chach ina diaid-sin.

IS annsin adubairt rí Laigen ré Pátraic: Nach facamar- ne airfidech acaib-si ó maitin? at-chonncais immorro, ar Patraic, .i. Cas Corach mac Cáincinde atá ac dénam fhogloma fessa &ersir; eolais ac Cailti. Caide mac na trath, ar Pátraic. Sunna, a naem-chleirig, ar in mac ecalsa. Dó duit amach, bar eissium, &ersir; ticed Aed mac Echach Leith- deirg, mac rig Laigen, fa thimpan Cais Choraig let, &ersir; cochall ciar-leabur uime. Ocus do-ratad mar sin dochum Pátraic &ersir; ríg Laigen h-é.

IS andsin ro t-sheindestar Cas Corach a timpan, &ersir; tuc nuall-organ sidhe fuirri, &ersir; do reir a h-indisti do choiteldais fir gonta rissin ceol sírrachtach sidhi do-rinde dóib, &ersir; tucad seóit &ersir; máine don airfideach &ersir; do-beirid seom i l-laím a gilla, &ersir; do-bered in gilla do chach. Ocus cia díb-siut is ferr einech? ar cach .i. in lucht do-beir na seóit ina in t-airfidech no in gilla? Is ferr einech in gilla, ar rí Laigen, uair iss é do- beir do chach cach ní do-geib. Gach ní do-geb- sa, ar in t-airifitech, tabrad-som h-é, uair ní ac iarraid étala atu-sa i farrad in Táilgind &ersir; Chailti, acht do denum fhessa &ersir; fhogluma ac Cailti &ersir; d' iarraid nime dom anmain ó Patraic. Cáid a fuarais in gilla eter, a m' anum, a airfidig? ar rí Laigen, is ferr einech an-ái féin? I cóiced Ulad thuaid, ar Cas Corach. Ca h-ainm h-é? ar rí Laighen. Gilla fhuaramur, ar in t-airfidech, na fes ainm na máthair na athair dó.

IS annsin at-racht rí Laigen le beind m-buabaill bói ina laim, &ersir; adubairt: Maith m' anum, a naem Pátraic, da rabamar-ne ac Síd Liamna Lennchaime ingine Dobrain Dubthaire thes, is annsin do-riachtadur chucaind da ingin míne mong-buidhe, &ersir; rucsat léo m' aen-mac-sa do lár ind aenaig, &ersir; ní fhetar-sa in a firmamaint suas rucsat h-é nó 'n a talmain sís, &ersir; is gaeth ré h-aen-bili missi tar éis m' aen-meic, &ersir; atú-ssa ina uresbaid ó ssin ille, nach fetar issin domun a díl. Maith a m' anum, a naem Pátraic, ar in rí, ro bo maith lem-sa fís a bíí no a mairb d' fhagbail uait-siu. Mád déoin don Dúilim do-gébthar a fhis duit-siu. Ocus ro badur ann co trath éirgi arnamairech, co ro eirig grian asa circcaill teintighe.

IS annsin adubairt rí Laighen: Maith a m' anum, a naem Pátraic, is áil lium-sa dula do t-sheilg &ersir; d' fhiadach co Tulaig in Máil sair, co Machaire Laigen, &ersir; is cóir duit-si tuidecht lind, uair is gairde duit ina beith issin baile-sea, uair ticfait slóig &ersir; sochaide chuicid Laigen dar n-indsaigid ann. Ro eirgedur da drong-buidhin mora leo .i. buidhen re creidem &ersir; crabad ac Pátraic &ersir; buidhen aile re gnimradaib gaile gaiscid Fhiann Eirenn ac Cailti mac Ronain &ersir; ac ríg Laigen, &ersir; tangadur uile reompo co Tulaig in Mail ar Machaire Laigen. Ocus is annsin ro fhiarfaig Eochaid Lethderg rí Laigen do Chailti: Cred imma tucad Tulach in Máil ar in tulaig- seo, &ersir; cid imma tucad Cnoc Aifi ar in cnoc-so thís?

IS annsin adubairt Cailte: Airdrí ro gabusdur ríge n-Alban dar' bo com-ainm Aehel mac Domnaill Dubloingsig, &ersir; ro bói aen-mac aice .i. Mál mac Aeil meic Domnaill Dubloingsigh, &ersir; ro bói ban-cheile aice .i. Aiffi ingen Ailb meic Scoa, ingen rig Lochlann atuaid, &ersir; do bói dúnad &ersir; deg-baile ac Mál mac rig Alban ac Rind Ruis a n-Albain, ar Cailte, &ersir; do bídis údair &ersir; ollamain &ersir; aes dana fer n-Eirenn ac tathaighid uainde ann, &ersir; do bídis na h-ollamain-sin &ersir; na h-údair ac indissin testa Find &ersir; na Feinne a fiadnaissi Máil meic Aeil meic Domnaill &ersir; Aífi ingine Ailb meic Scoa ríg Lochlann, &ersir; ro bói óclach ac Find mac Cumaill .i. Mac Lugach, &ersir; a n-déntái do dán molta d' Fhind, etir Eirinn &ersir; Albain, do-nithea formolad Meic Lugach d' indissin ann, &ersir; ó' t-chuala sin Aifi ingen Ailb meic Scoa .i. na mór-thesta-sin do-berdis údair &ersir; ollamain ar Mac Lugach, tucasdur in ingen grád dó ar a scélaib.

IS annsin do-chuaid Mál mac Aeil do denum t-shelga tri cét oclach i Sliab mór Monaid i n-Albain, &ersir; do-rinde in ingen comairli aici ina grianan fein .i. naenmur comalta ro boi aici do breith di lé d' indsaighidh Eirenn, &ersir; tangadur reompo tar moing mara &ersir; mor-fhairrge in nónbur ban sin co Beind Etair meic Étgaith in fheinida, &ersir; tangadur i tír in naenbur ban &ersir; in rigan in dechmad, &ersir; iss é sin lá do-rigned selg Beinde h-Étair ac Find, &ersir; ba h-é fat na selga sin otá Gortin Tighi Meille meic Lurgan Luime í cind t-Shleibe Smóil meic Eidlecair, risa n-abar Sliab Bladma, co Beind Étair meic Étgaith in fheindeda. Ocus is ann ro bói Find ina inadh t-shelga &ersir; a dalta caem carthanach ina farrud ann .i. Dubrind mac ríg Cheineil Eógain atuaid. Ocus Cailti cecinit: Dubrind donn denta in chomlaind minic gairmim im chuirm-lind, mo daltan ballach bedach mo chraide in déinmech Dubrind.

Ocus ro bói in maccaem ic mór-fhegad uime ar cach leth. Ní cian ro bói ann co faccaid in n-aen-luing ic gabail isin chael-tráig ina fhiadnaisi, &ersir; rigan rosc- lethan ar lae na luinge, &ersir; naenbur ban ina farrud. Ocus tangadur reompo co h-airm i r-raibe Find, co n-imat cacha maithiusa do neoch tucsat léo, &ersir; suidhis in ingen .i. Aifi, ar leth-laim Find meic Cumaill, &ersir; sillis in flaith Find furri, &ersir; ro fhiarfaig scela di. Ocus ro indis in ingen a h-imthus ó tus co dered .i. a tuidecht d' indsaighid Meic Lugach tar moing mara 'ar tabairt gráda dó. Ferais Find faeilte ria annsin, uair faccus a charadrad dó in tí chum a tainic .i. mac a meic &ersir; a ingine.

Tairnic iarsin in t-shelg do dénam, &ersir; do- riachtadar maithe na Féinne ina &ndot;-drongaib &ersir; ina &mdot;- buidhnib chum Find, &ersir; do fhiarfaig cach drong don Fheind ticed ann: Cia in rigan rosc-lethan a m' anum, a Fhind? ar siat. Ocus ro indis Find a h-ainm &ersir; a sloinded &ersir; in fath ima tainic d' indsaigid Eirenn. Mo-chin tainic a turus, ar siat, uair ní fhuil a n-Eirinn na a n-Albain fer is ferr ina in fer chum a tainic acht mád in flaith Find. Ocus is do Mac Lugach rainic selg iartharach Sleibe Bladma in lá-sin, &ersir; do-riacht iarsin Mac Lugach in lín ro bói chucaind, &ersir; do síned a pupaill tar Fhind in tan-sin, &ersir; do-riacht in ingen, &ersir; do-riachtadur maithe na Feinne issin pupaill, &ersir; tainic Mac Lugach ann, &ersir; suidhis ar leth-laim Fhind meic Cumaill &ersir; ind ingen ar in laim aile. Ocus ro fhiarfaig Mac Lugach in ingin mar do fhiarfaigedur cach archena, &ersir; ro indis Find ó thus co deirid dó tuirthechta na h-ingine, ocus chucut-sa thainic sí, ar Find, &ersir; ac seo as mo laim-si it laim h-í &ersir; a cath &ersir; a congal, &ersir; ní ba truime ort-su sin na ar in Feinn uile.

Ocus tainic Find co h-Almain ind aídchi-sin &ersir; tri catha na Feinde &ersir; in ingen léo cona bantracht, &ersir; ro fhaeestar Mac Lugach ind aidchi-sin &ersir; in ingen, &ersir; ro bói aici re mís &ersir; ré bliadain gan iarmoirecht do tiachtain in degaid reisin ré- sin. Ocus do bamar-ne laithe ar in tulaig-sea, ar Cailte, &ersir; nir bo chian duind ann co faccamur na tri catha croda cutruma commora dar n-indsaigid, &ersir; ro fhiarfaigemar cia ro bói ann, &ersir; adubradur-som corb' é Mál mac Aeil meic Domnaill Dubloingsig rig Alban do dighailt a mna ar in Feind, &ersir; adubairt Find: cóir in trath tainic-se, ar se, in trath atamait-ne uile a n-aen-inad.

IS annsin ad-rachtadur na catha dochum a cheile, &ersir; at-racht Mál mac Aéil meic Domnaill Dubloingsig, &ersir; ro gab a armu, &ersir; tainic fá dó déc trít na tri cathaib com-mora na Féinne, &ersir; atorchair cét laech lán-chalma don Fhéinn leis re cach fecht, conid da cét déc laech ro thuit leis, &ersir; ro chomraic &ersir; Mac Lugach ar lar in chatha, &ersir; tucastar cach nech dib ceithri coisceimenda dochum araile tar braigit na sleg sleman-cruaid, &ersir; ro gab cach dib a cend a cheile dona claidmib, &ersir; cid cían gairit ro bás ac in comrac-sin at-rochair Mál mac Aéil le Mac Lugach, &ersir; ro cuired fa thalmain h-é issin tulaig-sea, ar Cailte. Ocus adubairt Cailte: Is i seo Tulach in Máil is tulach dia &mdot;-bói mor n-áir, badur láich ann a fuilib ocus nert a luath- guinib. Secht fichit long do-luidh Mál tar in sáile solus-bán, ní dechaid díb 'na &mdot;-bethaid achtmad foirend aen-ethair. Los sceith is claidim catha ocus étaig il- datha, ba calma Mal tar in muir ba luath a lam a n-imguin. Mor n-aill is mor n-indber n-án mor n-abhann is mor sruthan, mor cor, mor pudhar, mor n-uch nó co tainic in tuluch. Is i seo.

Conid uad atá Tulach in Máil ar in tulaig- seo, &ersir; cath Tulcha in Mail ar in cath, &ersir; Tulach Aífi ainm na tulcha-so thís, uair is furri ro bói in ingen gen ro bás ic tabairt in catha, ar Cailte, &ersir; ro bói ac Mac Lugach o ssin amach, conid h-í fa mathair chlainde dó.

Ocus is annsin ro eirig Pátraic &ersir; in sluag uile a n-aen-fhecht don tulaig ara rabadur, &ersir; do luidedur reompo co Tulaig na Fiad allaniar don tulaig-sin, &ersir; at-connairc Cailte da raith do bói im Thulaig na Fiad .i. Raith Spelain &ersir; Raith in Máil.

IS mor in da raith, a m' anum, a Chailti, ar rí Laigen, &ersir; cia ro boi intib? Da briugaid do rig Eirenn, ar Cailte .i. do Chormac h-úa Chuind. Is intib-sin do bídis braigde fer n-Eirenn o laithe mis trogain, risa raiter in lugnassadh, co laithi na samna cacha bliadne ic á &mdot;-biathad ac Béccan Bóaire &ersir; ac Spelan mac Dubain ac in da briugaid-sin.

Cailte cecinit:

Da ráith isin tulaigh tigh cia bet andíu cen cinaidh, ba mór a ciss is a smacht ticed doib on rig co reacht. Raith Conaill is Raith Cairbre cia beit aníu gan cairdi, Ráith Cairill is Raith Comair . bitís óig a n-éncomaidh.

Cred da fuilet na h-anmanna-sin, a Cháilti, ar rí Laigen. Cethri taisigh sguir do ríg Érenn &ersir; cethri derbbraithrecha iat, &ersir; o laithe na samna na h-eich-sin righ Érenn intib-sin co laithe m-belltaine, &ersir; do-bertís do ríg Erenn co Temraig iat.

IS annsin at-chonncadur tulaig aile a facus doib. Cid ima tucad Caelesna ar in tulaig-seo, a Cailti, ar rí Laigen. Is mebair lium-sa sin, ar Cailte .i. Milid mac Trechossaig, mac ríg in domain moir anair, tainic tri .l. óclach do gabail rígi n-Eirenn, &ersir; ro boi ac iarraid braiget ar Fhind mac Cumaill, &ersir; adubairt Find ní thibred giallu na etere don chomlín-sin do dáinib isin doman uile, &ersir; ro fhogair Milid mac Trechosaig comrac aen-fhir ar Fhind, &ersir; do eirgis-sa dono, ar Cailte, uair ro bói dingbail deig-fhir indum in la-sin, &ersir; atorchair-sium lium ar scis chomraic, ar Cailte. &ersir; do bói da fhebus lé feraib Eirenn a thoitim, co tucad ní de cacha tulcha aireghda, &ersir; ro facad da chael-esna ar in tulaig-seo de. Conid uad ata in t-ainm-sin.

Cáilte cecinit:

Gid Cellas na n-Dám dasgin da raibi pudhar d' faicsin, do marbad aice co se mílid sa fhert at- cithe.

Ocus is e-sin, a anum, a rí Laigen, ar Cáilte, dind-shenchas na cnocc &ersir; na tulach ro fiarfaigis dim.

Tar a eis-sin tangadur rompo co Raith Moir Maigi Fea .i. co dunad ríg Laigen, &ersir; is annsin ro coirged tech n-óla ind aidchi-sin ac Eochaid Leithderg ac ríg Laigen. Ocus adubairt in rí: tabur a thimpan do Chas Chorach mac Cáincinde co &ndot;-derna airfided duind. Tabrad in gilla fuaramar, ar Pátraic .i. a gilla féin, a thimpan dó. Ocus tuc in gilla in tiumpan leis &ersir; tucustar i l-laim ind airfidig h-í, &ersir; in tan tucad in tiumpan ina láim is annsin ro gab teine a féice in tighi i r-rabadur, &ersir; ro bói cach ac fegad na teined i n-aen-fecht, &ersir; ro fhóbair in t-airfidech a thimpan do chur assa laim ina comét, &ersir; adubairt a gilla fris: na tairmisced tú dot' eladain na dot' airfidiud, &ersir; léic dam-sa in tech d' fhoirithin Ocus lia cloiche ro bói a lin-scoit a lened ac in gilla ro díubraic ró n- urchair de co ruc in tene &ersir; in féice tar sonnaigib sith-arda in baile amach, conid Ard Féice fos ainm inn inaid ó ssin ille ar in lamach do-roin Aed mac ríg Laigen ac bádudh na teined.

Cáilte cecinit:

Ro báidh an tenidh astigh Aedh mac rig Laigen lam-ghil, is é ainm o sin ille Ard Féigi ar in faithche.

Buaid lamaig ort, a meic! ar Pátraic, &ersir; buaid roinni &ersir; buaid coscair. Ocus ro ráidset lucht in tighi uile ní fhaccamur riam, ar siat, ac airfitech gilla budh fherr luth na lámach na einech na in gilla út. Ocus ro badur ann mar sin ind aídchi-sin co tainic lá cona lan-shoillsi arnabarach, &ersir; ro eirgedur in sluag uile maraen &ersir; naem Pátraic, &ersir; do-chuadur ar Cnoc na Rig, risa raiter Maistiu, &ersir; suidis Pátraic ann.

Dala rig Laigen immorro, ro cóirged selg &ersir; fiadach leis annsan inadh risa n-abar Ard na Macraide isin tan-sa, &ersir; Ard Scol a com-ainm anois, &ersir; co Lis na Mor- rigna, risa raiter Maistiu isin tan-so, &ersir; ní raibe do muintir na cleirech ina farrud annsin acht in t-airfidech &ersir; a gilla, &ersir; ní rainic nech do muintir rig Laigen cet-guin muice na aighe ac in airfidech &ersir; ic a gilla, &ersir; ní dernad ó do-cuaid in Fhiann selg bud tarthighe ina in t- shelg-sin.

IS annsin ro eirig Pátraic &ersir; do-rigne procept &ersir; senmoir do chach, &ersir; tucsat cúiced Laigen trian a clainde &ersir; trian a n-indmais dó naem Pátraic, conid Cnoc na Dechmaide ainm in chnuic-sin ó sin anall gusaníu, &ersir; Mag in Trin ainm in maighi, &ersir; Ard in Procepta ainm ind aird a &ndot;-derna Pátraic in procept.

IS ann immorro ro gab ítu mor naem Pátraic a h-aithle na senmora &ersir; in procepta do-rinde. Ocus at-chonncadur baile i faccus doib &ersir; Tech Cruind ainm in baile, &ersir; is amlaid ro bói in baile, &ersir; fledh mor urlum ann, &ersir; ro cuinged deoch do Pátraic ar fer in baile .i. Maelan mac Dubain eissideic, &ersir; érais Pátraic fa dig don fleid-sin, &ersir; lonnaigther in fíren ann risin leochaill, &ersir; adubairt Ni rab gein meic na ingine accut, a Dubain, na fer fine na aicme, &ersir; ní roibe dono.

Patraic cecinit:

Tech Cruind do baile duthaig a fir cen mac is cen mnáí, mo mallacht is mallacht ríg nime ar lín in tighi-sea i tái.

INa degaid-sin tangadur na sluaig reompo co h-Ard Cuil- lind i Machaire Laigen, &ersir; ro badur ac dechain na h- ailli &ersir; na h-abhann uaithib &ersir; Airdi Cuanaide. IS annsin ro fhiarfaig rí Laigen do Chailti: Cred 'má tucad Aird Cuanaide ar in aird allanall? &ersir; créd ima tucad Ard Cuillend ar in n-inad-sa? Ocus ro cháiestar Cailte annsin dera falcmara fír-thruaga cor' ba fhliuch blái &ersir; bruinde dó, &ersir; adubairt: aen-chomalta ro bói accum-sa annso .i. Cuanaide mac Lind meic Faebair, mac ríg Laigen annso, &ersir; nír' bo deig-ben a mathair .i. Cuillind ingen Dubthaig, &ersir; ina degaid-sin, ar Cailte, do bamar-ne ar slicht-lorg Chlainde Morna annso, &ersir; do- riachtamar-ne do gillib óca éididhacha fhiann Eirenn .i. deichnebur &ersir; secht .xx. sciath-armach annso, &ersir; ní raibi guala gan sciath &ersir; ní raibi cenn gan chathbarr. Ocus adubart-sa, ar Cailte, re Cael Croda Cétguinech h-ua Nemnaind in lorg do lenmain, &ersir; do eirig in t-óclach-sin ar in slicht conici in &mdot;-baile i r-raibe in ban-muilleoir, &ersir; at-connairc in gilla n-óc n-abrat-gorm i farrad na mná ac á h-acallaim, &ersir; léine do t-shroll rig re chnes, &ersir; brat ciumsach corcar-glan uime, &ersir; delg óir issin brut, &ersir; sé ina t-shuidhe ar scemel-bord in lebind ina farrud. Maith, m' anum, a deig-meic, ar in Chuillend ingen Dubthaig, ní h-inat duit-siu beith acom acallaim-si annso, &ersir; a aen-meic, ar sí, déna imthecht bodesta, &ersir; do-riachtadur Clannmaicne Morna tar in n-ath &ersir; tar ind abaind, &ersir; bidbaid bunaid d' Fhind iat. Ocus do-luid Cael Croda chucaind, ar Cailte, &ersir; ro h-indissed duind in scel-sin. Ocus ro éirgemar-ne a n- aen-fhecht eirgi athlum áen-fhir, &ersir; do riachtamar da indsaigid, &ersir; ní tucsum aithne fair .i. ar Chuanaide mac Lind meic Fhaebair, ar mo chomalta-sa, annsin, &ersir; ro impa a aighed foraind, &ersir; tainic fecht fa thri treomaind, &ersir; in tres fecht tainic tuc urchur do t-shleig dam-sa co &ndot;-dechaid tri adam glún, &ersir; cach cnoc &ersir; cach carracc risa rithim-sea iss é iarsma na sleige-sin tic rim, Ocus tucu-sa urchur dó-sum co tarla tar brol- lach a inair cor' daer-bris a druim ar dó ann, &ersir; ro marbusa ac in ard ut talla h-é, conid Ard Cuanaide ó sin gusaníu.

Cáilte cecinit.

Cuanaidhi cú na crichi fuaraidi o thic aidci, mo dile ar na ditaighe cnú mo craidhi Cuanaidhe. Comrad do-rigne 'con tein ocus in máthair ros-m- ail, ocus in muilend ros-meil fuil re h-Ard Cuil- lind anair. ISin glínd co craebaighi cerba grind in luamaire, 'sa n-Garbros co n-gnimaighi ann ro marbos Cuanaidi Cu. Fuair in t-oclach bás amlaid-sin, ar Cáilte, &ersir; nír cumain lim reme riam bás neich bud doilgi lem ina sin.

Ocus is annsin tangadur reompo in sluag &ersir; Patraic maraen ríu co Raith Moir Maigi Fea, &ersir; tangadur isin deg-baile anunn, &ersir; ro badur ac ól ann re h-ed &ersir; re h-athaid. Tabar do thimpan duit, a Chais Choraig meic Caincinde, ar rí Laigen, &ersir; tucastar a gilla a timpan chuice.

IS annsin adubairt Bé Bínd ingen Choban ingen ríg Connacht: Ingnad lem, ar sí, in cochall ciar-leabur út fuil um gilla ind airfidig gan a buain de i l-ló nó a n-aídchi. Ca fis nach cend ainmi fuil air? ar rí Laigen: acht cach ball at-chiammaid- ne de nocho n-uil easbaid delba air. IS annsin adubairt Eochaid Leithderg rí Laigen re Cailte: Maith a m' anam, ar se, crann sleigi atá acum, &ersir; is ail dam feth fithshnaissi do thabairt duit-siu fair, uair at-chuala-sa na raibhe a n-Eirinn na a n-Albain crannaigi budh fherr anai-ssiu. Aderim riut, ar Cailte, in crann sleige nach fétadais fir Éirenn do dénam is missi ro fhétfad ní de. IS annsin tucad in crann-sin i laim Chailti, &ersir; do-rinde a snaide co ding- bala connach raibe a n-Eirinn na a n-Albain crann budh fherr denam anás. Ocus dena a h-indsma na sleighe anois, bar rí Laigen, &ersir; tuc in t-shleg í laim Chailti, &ersir; tucastar a chos re colba com-daingen in tighi i r-raibe, &ersir; sáidis cenn na sleighe issin colba, &ersir; ro gab fein crann na sleige ina laim, &ersir; tucastar ró n-urchair dochum in chind &ersir; aimsig h-é co com-nert co tarrla ina h-alt &ersir; ina h-inadh féin co cóir amal do beth aimser reime 'ga h-indsma. Ac seo do t-shleg, a m' anum, a rí, ar Cailte. Gabaid in rí in t- shleg &ersir; maith do bói. do-berim adám ech &ersir; mo charpat duit, a Cailti, ar in rí, fiach indsma na sleigi. Conid iat-sin da ech &ersir; carpat ar a raibi Cailte fha deired a n-Eirinn, &ersir; géb é ro indisfed in scel-sin .i. imthechta Cailti &ersir; anmanna in da ech d' fhiarfaigi de .i. Err &ersir; Indell a n-anmanna. Ocus ro boi in t-shleg i l-laim in rig, &ersir; do bói ic á sír-fhégad, &ersir; ba doilig leis gan comarba meic leis fá h-urchomair, &ersir; ro mebaid déra uiscide tar a gruaidib, &ersir; adubairt naem Pátraic ris: cred immá &ndot;-denai in toirrsi-sin, a rí? bar eissium. A h-adhbur acum, bar in rí. Créd in t-adhbur? ar Pátraic. A loss in meic adubartas riut reime-seo, ar rí, &ersir; gan comarba dilis dingbala accum fa chomair na sleige-seo ro indsmastar Cailte dam. Maith a m' anum, ar Pátraic, tabair i l-laim gilla ind airfitig h-í co findam in ba lán a glacc da h-indsma &ersir; da cró, &ersir; tuc in t-shleg i l-laim gilla ind airfitig, &ersir; ro boc &ersir; ro bertaig h-í co lán-chalma. Ben dít do chochall ciar-lebur bodesta, ol Pátraic, &ersir; rot-mela sleg th' athar. Ocus ro benustar a chochall de, &ersir; ní raibi ann nech na tucustar aithni fair. Is taiscid deig-chleirig, dar ar m- breithir, ar in t-airecht. Ocus a cleirig, ar rí Laigen, na bith comus Tuaithe Dé Danann festa fair in mac ó ro ailis &ersir; o ro altramais cosaníu h-é. IN bás ro ordaig Rí nime &ersir; talman do-géba, ar Pátraic.

IS annsin do eirgetar sluaig &ersir; sochaide, &ersir; do- rónsat a cuir &ersir; a muinterus rissin maccaem, co raibí se .x. cét do t-shluag im trath eirge arnamairech.

IS annsin tangadur rompo in sluag uile &ersir; Pátraic maraen ríu, &ersir; do-luid Cailte issin carpat tuc rí Laigen dó in lá-sin, &ersir; tangadur rompo co h-Ard Fostuda na Féine amach ar Slaine issin tan-so, &ersir; tairrlingid Cailte assin charpat annsin, &ersir; ro cóirged in t-shelg léo. Maith a m' anum, a Cailti, ar rí Laigen, cred ma tucad Ard Fostada na Féinne ar in ard so? Is mebuir lem-sa in ní dia tá sin, ar Cailte, cen gub núa in ní dia tá. Laithe n-aen da tainic Find mac Cumaill &ersir; tri catha na Feine conici in n-ath-sa, &ersir; mar do bámar ann anar suidhe, ar Cailte, co faccamar in n-aen-ingin ar in cloich cuirr a cind ind atha thall: inar sroill uimpi &ersir; brat uáine aen-datha uimpi, delg óir isin brut, mind oir i comartha rigna os a cind, &ersir; adubairt: Ticed aen-óclach accaib, a fhianna Eirenn, dom accallaim, ar in ingen.

IS annsin ro fhrecair Sciathbrec mac Dathcháin sin, &ersir; da eirig da h-acallaim. Cia is ail let, a ingen? ar Sciathbrecc mac Dathcháin. Find mac Cumaill, ar inn ingen. Ocus do-riacht Find dochum ind atha d' accallaim na h-ingine. Cia thusa, a m' anum, a ingen? ar Find, &ersir; crét is áil let? Dairend ingen Buidb Deirg meic in Dagda missi, ar inn ingen, &ersir; d' fheis let-su thanac tar cend tindscra &ersir; tirochraici. Ocus crét in tindscra &ersir; in tirochraic ar Find. Coraigecht aen-mna re bliadain dam, ar in ingen, &ersir; leth feissi do grés. Ní thabraim-si sin, ar Find, do mnai do mnaib in domain, &ersir; ní thiber duit-si dono. Ocus is ann tuc in ingen a lam a clithair diamair a étaig, &ersir; tucastar cuach find-airgit amach assa coim, &ersir; a lán do midh sho-ola ann, &ersir; tuc i l- láim Fhind meic Cumaill. Ocus crét so, a m' anum, a ingen? ar Find. Midh so-óla so-mescca so-milis, ar in ingen. Ocus ba geis do Fhind fled d' obu. Ocus ro gab Find in cuach &ersir; at-ibestar digh as, &ersir; iar n-ól na dighi dó ro mesc-buaidred h-é annsin, &ersir; tucastar a aighed ar in Féin, &ersir; cach olcc &ersir; cach ainim &ersir; cach lén catha do fhitir ar cach fer don Fhéind ro thubh ina aghaid leisin meisce tuc in ingen fair.

IS annsin do eirgedar maithi Fhiann Eirenn, &ersir; ro fhacadur in maigin dó .i. cach nech dib dochum a forba &ersir; a feraind, &ersir; nir' fácad ar in tulaig-seo, arsi Cailte, acht mád missi &ersir; Find. Ocus is annsin ro eirgis-sa a &ndot;-diaid na Feinde &ersir; adubart: A fhiru, na fác bur triath &ersir; bur tigerna tré milled mná sirrechtaighe side fair, &ersir; fecht ara dó déc ro timsaigiusa iat, &ersir; ro timairgis ar in tulaig-sea. Ocus ó thainic deired don ló &ersir; tossach don aidchi do-chuaid a neim do thengaid Fhind, &ersir; in fecht déidenach ro fastis-sa iat táinic a chiall &ersir; a chetfaid féin d' Fhind, &ersir; dob fherr leis toitim ima arm-gaisced &ersir; bas d' fagbail ina beith a &mdot;-bethaid. Ocus is sé-sin darna la as mó fuarus d' ulc riam, ar Cailte, in la-sin ac fastod na Féinde &ersir; in la ro fuaslaices Find ó Chormac &ersir; tucus in chorr-imirchi dó. Ocus conid Ard in Fhostada de-sin h-é &ersir; Ath in Fhostada. Cailte cecinit: Ath Fostada Féinde Fínd adér riut co h-aith-imrind, is sé ainm ó sin ille Ath Fostada na Féinne. Bás Conaing ocus Cathail do-rala im cenn aen-achaid, torcradar don t-sheilg ár sin Bran is Bresal 'na m-braithrib. Atá a Sengabair na Sreth Flann ocus Find Findabrach, Aed ocus Congal Clidna iat araen fa en-dingna. Fa mor esbaid Feine Find 'ar &ndot;- dul doib a h-Iubharglind, mó a n-esbaid a cind trachta cath fithnassach Findtrága. Ar n-esbaid a cath Monaid 'ar n-dith Déicill in dolaid, 'ar marbad Ailbi meic Máin ocus Mergi 'na fhochráib. Ar n-esbaid i cath Chlidna da tainic rind a h-ídhna, 'ar marbad cét fer fa thri do laechraid fa lór-luindi. Ceithri nói crechta is deich cét . inneoch dar t- sháiliusa éc, gid fata bes 'gá rim de ni h-orro ata m'airbire. Adeirim-si rib-si de is fír dam í r- raidim-ne, ge beth mo chraide ina mairg is maith ro anus 'con aird. Ath Fostada.

IS mor d' ulcc &ersir; do chathaib &ersir; do chomraicib frith annsin, a m' anum, a Chailti, ar Eochaid Lethderg mac Aengusa Find, rí Laigen. Ní h-ed thic aníu rind díb-sin, ar Cáilte, achtmad in críne &ersir; senordacht.

IS annsin tangadur rompo in sluag uili &ersir; Pátraic maraen riu tar Dubfhidh, risa raiter Fidh Dorcha anos, &ersir; co Sliab na &mdot;-Ban, risa raiter Sliab Aighi meic Iugaine; &ersir; tangadur a mullach in t-shleibe suas, &ersir; ro badur re h-adh &ersir; re h- athaid ina suide ann.

IS annsin adubairt rí Laigen re Cailte: crét in sliab-so &ersir; in t-inad atammáid? Sliab sin, ar Cailte, &ersir; síd-brugh ann, &ersir; ní fhuair nech riam h-é acht Find seissir óclach .i. baeth-láeg álaind alltaide ro duísced duind, ar Cailte, ac Toraig tuais- cirt Eirenn, &ersir; ro lensamar-ne h-é seisiur óclach ó Thoraig conici in sliab-so .i. co Sliab Aighi meic Iugaine, &ersir; tucustar in baeth-láeg alltaide a chenn a talmain ann, &ersir; ní fhetamar-ne cá leth do-chuaid iarsin. Ocus ro ferastar tróm-shnechta mor ann co &ndot;-derna gat-shnim do barr na fidhbaidhe, &ersir; ruc ar luth &ersir; ar lamach uaind mét na derdaine &ersir; na doininde tainic ann. Ocus adubairt Find rim-sa: a Cailti, in faghai díden duind anocht ar in doinind atá ann? Ocus tucus bertugud orum sech uillind in t-shleibe bodes, &ersir; in dechain ro dechus seochum co facca in síd solus-mor co n-ilar chornn &ersir; chuach &ersir; chopan buis &ersir; bán-óir ann, &ersir; ro bádusa a n-dorus in t-shída ica sír-fhegad ré h-adh fata. Ocus ro smuainis cindus do-genaind, in annsa síd do- ragaind d' fhis scel in t-shída, nó in d' indsaigid Fhind marar' fhacus h-é, uair do-chuadus uad sech uillind in t-shleibe bodes d' iarraid inaid. Ocus is sí comairli arar' chindius, do-chuadus issin síd anunn &ersir; do t-shuidhis, ar Cailte, a cathair glainide ar laechlar in t-shída &ersir; do dechus in tech umum, &ersir; at-chonnarc ochtur ar .xx. óclach isin dara leith don tigh &ersir; ben chaem chenn-álaind ar gualaind gach fir díb, &ersir; seissiur ingen mín maccaemda mong-buide isin leith aili don tig, &ersir; tuignech futairli forro go formna a n-gualann, &ersir; ingen mín mong-buide i cathair ar laechlar in tighi, &ersir; cruit ina laim &ersir; sí 'ga sefnad &ersir; 'ga sír-shéinm, &ersir; cach uair do gabad láid do-berthea corrn di co n- ibhed deoch as &ersir; do-bered in cornn i l-laim ind fhir do-bered dí h-é, &ersir; do bídis-sium ic áinius &ersir; ac aibnius uimpi-sin, ar Cailte. Dam th' umal-fhossaic, a m' anum, a Cailti, ar in ingen. ni dém etir, ar Cailte, uair atá dámh is uaisli iná mé fein i focus accum .i. Find mac Cumaill, &ersir; anocht is áil leis feis dithat na h-áidchi issin t-shíd-sa d' fhagbail. IS annsin adubairt óclach díb- sium: éirig-si, a m' anum, a Cailti, ar cenn Find meic Cumaill, uair nir' diultad riam ré Find í tigh duine &ersir; ní diultfaither acainni dó-som. Is annsin do-chuadus ar cenn Find. Is fata atái inar n-ingnais, a m' anum, a Chailti, ar Find, uair ón ló ro gabus airm , laich am laim ní fhuarus adhaig as mó ro chuir orum iná in adhaig anocht. Ocus adubairt Find: Cungnum duind, a Chailti is tú fer ar comlaithi, da fagtha teine ocus tech do leth-taib t-shleibe aig- nech. Adar lium-sa fuarus tech a fhlaith na fiann fír-buillech, ocus nir' t-shill nech a clí aen-tech aili bud ailli. Aen-ben ann issin tigh mór a fuilet cach ac ind ól, bindither ré tétaib crot a gaeidelg blaith-mín etrocht. Ro benadh dind issa t-shíd fuaramur ann midh is fín, is ro bamar ann 'arsin cor' bo lomnan ar &mdot;- bliadain. Neoch ro t-shirius tes is tuaid issin domun co mor- buaid a mac samla in láe-sea aníu ní fhuarus ann, a Caltiu. Cungnum.

INa degaid-sin, ar Cailte, tangamur annsa síd solus-mor anunn in seisir sciath-armach sin ro bamar .i. Find mac Cumaill &ersir; mé féin &ersir; Diarmait ó Duibne &ersir; Oissin &ersir; Oscur &ersir; Mac Lugach; &ersir; ro t-shuidhimar ar colba chíuil issin t-shíd, &ersir; tainic ingen min macdachta mong-buide d' umal-fhossaic duind, ar Cailte, &ersir; tuc in ingen sind a cathair gleorda glainide ar laechlár in t-shída, &ersir; tucad sen cach lenna duind &ersir; nua gacha bíd. Ocus ind uair tairnic ar n-áithgéire &ersir; ar n- ítu do choscc, is ann ro fhiarfaig in flaith Find: Cia accaib da fiarfochum scela? bar eissium. Fiarfiag don tí dár b'ail let féin, ar in t-óclach ba mó díb. Ocus cia thusa, a m' anum, a óclaig? ar Find, uair ní fhetar in comlín-so do dáinib a n-Eirinn gan a n-aithne accaind.

IN t-ochtur ar .xx. oclach út at- chí-siu issin t-shíd, inann mathair &ersir; athair dóib, &ersir; cland do Midhir Mongbuidhe mac in Daghda iat, ar in t-óclach, &ersir; Findchaem ingen rig t-Shidha Monaid anair ar mathair, &ersir; do-rigned tinol &ersir; toichestal ac Tuathaib Dé Danann deich m-bliadna .xx. gusin lá amairech, ar in t-óclach, ac tabairt rígi Tuath Dé Danann do Bodb Derg mac in Dagda icin Brug braenach brecsholus thuaid, &ersir; ro bói ac cuingid bráiget orainde in lín brathar so atámait, &ersir; adubramar nó co tucdais Tuatha Dé Danann braigde dó nach tiurmais féin.

IS annsin adubairt Bodb Derg mac in Dagda re Midhir .i. ré 'r n-athair-ne: muna chuire do clann uait, ar se, múirfemait do t-shid ort. Ocus tangamar-ne amach, ar in t- óclach, in t-ochtur ar .xx. brathar-so d' iarraid inaid t-shída, &ersir; ro t-shiremar Eirinn nó co fuaramur in n-inad &ndot;-diamair &ndot;-derraid-sea, &ersir; atámait ann ó sin ille, ar Donn mac Midhir, &ersir; ochtur ar .xx. derbrathar atam sunn, &ersir; deich cét óclach re cach n-aen-fer uaind, &ersir; ro dibaigthea uile sin acht in t-ochtur ar fichit sea atamaid do chlaind aen-athar &ersir; aen-mathar. Ocus cindus dibaigter sib? ar Find. Tuatha Dé Danann do thiachtain fa thri cach bliadain do thabairt chatha ar in faithche feraig sea amuich duind. Ocus cia in fert fata núa at-chonncamar ar in faithche amuig? ar Find. Fert Diangalaig drái sin, ar in t- óclach, .i. drái maith do bói ac Tuaith Dé Danann, &ersir; in tres eas- baid as mó thucad ar Tuaith Dé Danann, ar Donn mac Midhir, is sí-sin h-í . Ocus cia ro marb h-é? ar Find. Missi, ar Donn, do marb h-é. Ocus caide ind espaid aile? ar Find. Indeossat duit, ar Dond, .i. in neoch ro bói do t-shetaib &ersir; do mainib &ersir; d' indmusaib, eter chorrnaib &ersir; chuachaib &ersir; chopanaib &ersir; bleidedaib buis &ersir; bán-óir, ac Tuaith Dé Danann tucsamar lind a n-aen-fhecht uaithib iat. Ocus caide in tres espaid? ar Find .i. Fethnaid ingen Fhidhaid, ban-airfitech Tuaithe Dé Danann, ar Dond mac Midir .i. a céol &ersir; a n-indtlas menman uili sin. Ocus atá a n-dail sunn amairech do thabairt catha duinde, &ersir; ni fhuilmíd-ne do lín catha acht in t-ochtar ar .xx. derbrathar atamait ina n-aghaid-sin, &ersir; ro rathaigemar ar &mdot;-beith a &mdot;-baegal ina n-aghaid-sin, &ersir; ro chuirsemar in ingin Máil út ar do chenn-sa co Toraig thuaiscirt Eirenn, a r-richt baeth-láig allaid, &ersir; ro lensabair-si h-é co rangabair in síd- sa, &ersir; in maccaem út at-chithi &ersir; in brat uaine aen-datha uimpi ac in dáil, is sí-sin h-í, ar Donn. Ocus in leth falum at-chisi don t- shid, ar Donn, inad in t-shluaig ro marb Tuath Dé Danann sin.

Ocus do badur-sum ac ól &ersir; ac aibnius ind áidchi-sin, &ersir; mar do eirgedur arnamairech adubairt Dond mac Midhir re Find: Tairsi lem-sa amach ar in faithche co faicce tú in bail a cuirmid-ne cath &ersir; Tuath Dé Danann cacha bliadne. Ocus tangadur amach, &ersir; ro badur ac fégad na fert &ersir; na lecht. Ocus conice seo atá dáil Tuaithe Dé Danann chuccainde.

Cia dib, arsi Find, asa dáil atá chuccaib? Bodb Derg cona .uii. macaib, &ersir; Aengus Óc mac in Dagda, cona .uii. macaib, &ersir; Findbarr Meda Siuil cona .uii. macaib déc, &ersir; Lir Sída Findachaid cona .uii. macaib .xx. &ersir; cona chlann-maicne archena. Tadg mac Nuadhat a Síd álaind Almaine. Donn Ailein &ersir; Dond Dumaigi, &ersir; in da Glas a Sidh Glais a crich Osraige. Ocus Dobran Duthaire a Síd Liamna Lennchaime annso a cuiced Laighen. Ocus Aed Aileain a Rachruind atuaid, &ersir; Fer Ái mac Eogamail, &ersir; Aillean mac Eogabail, &ersir; Líí mac Eogabail, &ersir; Faindli mac Eogabail a Mumain aniar, a Síd Eogabail, &ersir; Cian &ersir; Cobhan &ersir; Conn, tri meic rig t-Shida Monaid anall a h-Albain, &ersir; Aed Minbrecc Essa Ruaid cona .uii. macaib a Sídh Essa Ruaid, &ersir; clann na Morrigna ingine Ernnmais, cona seisser ar .xx. ban-gaiscedach, &ersir; cona seisser ar .xx. fer-gaiscedach, &ersir; in da Luath a Lifenmaig a Maig Life, &ersir; Brattan &ersir; Ballgeal &ersir; Ubhalroiscc a Síd Ochta Cleitig a Bregmaig, &ersir; Cathal &ersir; Caithri &ersir; Catharnnach a Síd Droma Deirg a crichaib Chineil Chonaill atuaid. Derg &ersir; Dregan a Síd Beinde h-Etair anair. Sanb cona secht mnaib a crichaib na n-Déisi Muman andes. Bodb Derg fein cona mor-theglach .i. deich fir &ersir;h fichit &ersir; deich cét ba h-é- sin a lín. Conid iat-sin na triatha &ersir; na tigernada feraind do Thuaith Dé Danann tic do thochailt ar sída oraind cacha bliadne.

Ocus tangadur anunn assa h-aithle-sin issin síd, &ersir; ro indis Find da muintir sin. Ocus a aes cumtha, arsi Find, is mor éicen &ersir; soithfir na muintire aca fuilmíd, &ersir; do-rala i mor-éicin sib-si, ar se, &ersir; muna derntái maith ica bhur cosnum is contabairt daib nech dabur feind ná dabur foirind d' fhaicsin. Cait a faccais, a m' anum, a Fhind, ar Diarmait h-úa Duibne, ar &ndot;-droch-engnum-ne in trath atái ac tabairt robaid duind? Do-berim-si mo breithir, ar Find, da sirind-sea in domun uile nach biad omun na ecla orum &ersir; in comlín-so d' Fhiannaib Eirenn im fhar- rud. Ocus ro badur ann co trath eirgi do ló arnamairech.

Is annsin do eirgedur lucht in t-shída uile amach &ersir; Find seissir óclach máraen ríu. Maith m' anam, a Duind, arsi Find, in a ló nó a n- áidchi tecait Tuath Dé Danann chuccaib- si? I comdáil na h-aídchi, ar Donn mac Midhir, comad truimi-te ind fhogal do-gendais.

Ocus ro badur ann co táinic ind adhaig, &ersir; adubairt Find: Imthighed nech accaib, ar Find, ar in faithche amach, &ersir; denaid foraire &ersir; forcoimét duind nach tissad Tuath Dé Danann chuccaind gan fhis &ersir; gan forchloistin duind. Ocus ní h-imcian ro bói fer na foraire ann co faccaid na .u. catha croda cutruma coirigthi da indsaige. Dar lium, arsi fer na foraire, is imda curaid &ersir; cath-milid im Fert in Druad innoss, &ersir; is comlann curad atrasta iat. Ocus adubairt Find: Comlond laech im Fhert in Druad co n-ilar sleg rind-gér ruad, erctha ruibhe rádam-ne fuil i tosaig na buidne. IMthiged Diarmaid amach is Oissin tend tairismech, Mac Lugach re gnim &ndot;-glan &ndot;- gle is Osccur re h-ursclide. Ro linsat sluaig in raith bán rachat-sa is Cailte ina &ndot;-dail, ocus rachmaid uili amach sinde araen isin teghlach. Na tri caecait co ba thri do laechraid is calma a cli, dingébat dib cach re fer do t-shluag is chalma com-mer. Adeirim-se rib-si de bid fír ina raidim-ne, da rús in cath croda crom mébaid reomum in comlonn. Comlann.

Cait a fuil Oscur anossa? ar Find. Sunn, a m' anum, ar Osccur. Den maith anossa í cath Thuaith Dé Danann, &ersir; denad Diarmait &ersir; Mac Lugach. Missi &ersir; Cailti &ersir; Oissin as sine accaib, ar Find, &ersir; léicid deirid in chatha duind. Dala mac Midhir, aincid-si duind iat issin chath-sa Túaithe Dé Danann &ersir; uathad bratha atait, &ersir; feall ar einech &ersir; ar inchaib duinde olcc d' fhagbail dóib, &ersir; ar tiachtain chucca.

IS ann do-ratsamar-ne in cath, ar Cailte, ó fhuined néll nona co crichaib na maitne muiche arnamairech acht aen-ní chena ro báe esbaid Tuaithe Dé Danann issin cath-sin .i. deich fir &ersir; deich fichit &ersir; deich cét. IS annsin adubairt Bodb Derg &ersir; Midir &ersir; Findbarr: Cindus is ail lib do denam risin n-ár so? ar siat. Tabrad Lir t-Shída Findachaid comairle duind, uair iss é is sine do Thúaith Dé Danann. Do-bér-sa, ar Lir, comairle duib .i. beirit cach a carait &ersir; a comaltada &ersir; a meicc &ersir; a braithre leo da sídaib, &ersir; tabar múr tened don darna taeb uaind, &ersir; tabar múr uisci don taeb aile. Ocus ina degaid-sin ro thócbadur Túath Dé Danann léo in lecht-lighi-sin, &ersir; nir' fhacbadur in ní ara tairissed in bran-én ar in fhaithchi don ár-sin tucsat lucht in t-shida orro.

Tainic Find &ersir; lucht in t-shida issin síd iarsin, &ersir; siat crechtach cró-lintech, &ersir; ro boi triur co lan-olcc acaind, ar Cailte .i. Mac Lugach &ersir; Osccur &ersir; Diarmait, &ersir; tangadur Túath Dé Danann fa thri rissin &mdot;- bliadain-sin d' indsaigid in t-shída cétna, &ersir; tri catha tucsamar- ne doib rissin &mdot;-bliadain-sin, &ersir; rob é ar n-esbaid ann, ar Cailte .i. Conn Cruthach mac Midir, &ersir; cid sinde, ar Cailte, rob áinicnech sind issin cath déidinach sin, úair ro loigh for Oscur &ersir; for Diarmait neim &ersir; forlonn in catha, corub lubán find-chuill ro bói ac imfhulung a n-étaig tarsu ina cossair-leapaid chró, &ersir; do-luidsemar-ne amach ar in faithche, ar Cailte, in cethrar óclach slán ro bámar .i. Find &ersir; Mac Lugach &ersir; Oissin &ersir; mé fein, &ersir; adubairt Oissin annsin: IS olcc in turus tangamar co Síd Mac Midhir, ar se, d' fhacbail mo meicc &ersir; mo chomalta .i. Diarmata. Ocus mairg do-béra a aighed ar in Féinn, ar Mac Lugach, tar eis Diarmata &ersir; Oscair d' fhac- bail, uair ní raibe ac congbail in fhiangaiscid dias dob fherr anáit. Ocus gid bé do-béra, ar Find, ní mé do-bera.

Ocus tucad Donn mac Midhir chuccaind, ar Cailte. Maith, a m' anam, a Duind, ar Find, in fuil a fhis nó a eolus accut in ní ro ícfad na firu út? Ni h-aithnid dam, ar Donn, acht aen-liaig atá ac Túaith Dé Danann, &ersir; munar' tesccad smir a n-droma do-gébthar furtacht &ersir; fóirithin ré nomaide uathaib comba slemain slan-chrechtach iat. Ocus caide in t-abur assa fuighmis h-é? ar Find, uair ní caraid bunaid duind in lucht aca tá. Adér riut, ar Dond mac Midhir. Mochthrath do laithe tic-sim assind brug amach do thinol lossa íce co táirthed fa lind-braen na maitne iat. Fagh-sa, a m' anam, a Duind, ar Cailte, nech do-bera aithne ar in liaig &ersir; ticfa a béo no a marb lim-sa.

IS annsin ad-racht Aed mac Midir &ersir; Flann Fuilech mac Midir. Tair reomaind, a m' anum, a Chailti, bar iat-som. Tangadur reompo co faithche in Broga braenaig brec-sholais, &ersir; in tan rangadur ann at-chonncadur flesc gilla óic eitedaig co m-brat d' olaind na n-osmolt a Tír thrétaig Thairrnhgaire, &ersir; lán ichtair a bruit aice do lossaib leighis &ersir; íc- shlainti da chor í cnedaib &ersir; a crechtaib in lochta do loited issin cath do Thúaith Dé Danann.

Cia siut, a m' anum, a Aed? ar Cailte. Is sé-sin in t-óclach da tangamar d' iarraid, ar Aed, &ersir; frithoilid co maith h-é arna dechad uaib issin síd. Ocus ro rithamar-ne a n- aen-uair ris, ar Cailte, &ersir; tarrus ar fhormna h-é, &ersir; tucsamar lind h-é óta sin co h-Ath Fostada na Feinde ar Sláine ar laech-Machaire Laigen, &ersir; ro eirig fia fiad umaind, conar' leir sind, &ersir; inn uair rangamur in tulaig ic in ath, is ann at-chonncamur in cethrur, &ersir; ceithri bruit corcra chortharacha umpo, &ersir; ceithri cloidme ór-duirnn ina lamaib, &ersir; ceithri coin chaem-selga acu. Ocus nir' léir dóib-sium sinde leisin fia fiad ro boi umaind, &ersir; ba léir duinde iat-som. Ocus aichnim-si in cethrur, ar Cailte, .i. Colla mac Cailti &ersir; Faelan mac Cailti, &ersir; Raigne Rosclethan mac Find &ersir; Cainci Chorcarderg mac Find; &ersir; ro badar ic comrad, &ersir; bá h-é comrad do-ronsat .i. esbaid Fhind meic Cumaill a triath &ersir; á tigerna rissin m-bliadain-sin orra. Ocus at-chuala-sa, ar Cailte, comrad mo deisi mac &ersir; comrad da mac Find, &ersir; ba truag lium a n-acallaim, &ersir; adubradur: Cid do-genat Fianna Eirenn bodesta gan triath &ersir; gan tigerna acco? ar Raigne Rosclethan mac Find. Nocon fhuil acco, ar Colla mac Cailti, achtmad dul do Themraig &ersir; scailed do denam ina degaid nó rig-fhéinnid do denam acco féin ann. Ocus ro cháisetar na meic-sin ina degaid-sin co trom taidbsech d' esbaid a da n-athar &ersir; a tigerna. Ocus tangamar-ne uaithib, ar Cailte, noco rangamar co Síd Da Én, risa n-abar Sliab Aighe meic Iugaine, &ersir; tangamar issin síd anunn, &ersir; ferais Find &ersir; Dond mac Midhir faeilte re Libra liaig, &ersir; ro taispenad dó Oscur &ersir; Diarmait, &ersir; acsin, arsi Donn, da brathair dam &ersir; dech let in ba h-in-othrais iat nó in ba h-in-leighis. Ocus dechais in liáig iat, &ersir; adubairt: Is in-othrais &ersir; is in-leigis iat mád maith ma luag leighis-sea. Bid maith um, ar Cailte: ca fhat beither ic á leighes? bar eissium. Ré nómaide, ar Libra prim- liaig. do-géba-su immorro, ar Cailte, luag maith .i. t' anam do léigen duit, &ersir; mina thernat na h-óclaig let, ar Cailte, benfaid mo lam-sa fein do chenn dít. Ocus do-rinde in t-óclach a leighis &ersir; a lesugud ré naemaide, cor' bo t-shlemain slan-crechtach iat.

Ocus ina degaid-sin tainic gilla ó Chormac, ó ríg Eirenn, ar cenn na Féine co h-Almain 'ar n-esbaid a triath &ersir; a tigerna .i. Find mac Cumaill, &ersir; d' ól fheissi na Temrach le Cormac h-úa Cuind, &ersir; do-riactadur Fianna Eirenn co leir annsin, etir fhir &ersir; mnái &ersir; gilla &ersir; óclaech &ersir; airfitech, co Fert na &ndot;-Druad ar faithche na Temra.

IS annsin immorro ro t-shuidh Goll mac Morna at leth-laim rig Eirenn, &ersir; ro t-shuidhset .u. coicedaig Eirenn cona socraide i Temraig. IS mor bur n-esbaid, a Fianna Eirenn, ar Cormac, .i. bar triath &ersir; bur tigerna .i. Find mac Cumaill. Is mor, ar se Goll mac Morna. Is mor, ar Cormac, uair tri h- esbada com-méite cutruma tucad ar Eirinn reime-seo .i. Lugh &ersir; Conn &ersir; Conaire, &ersir; is sí-seo in cethramad esbaid is mó tucad a n-Eirinn .i. Find mac Cumaill. Ocus cat in stiurad nó in tinrum do-beri-si, a m' anum, a Chormaic? ar Goll mac Morna, ar Fhiannaib Eirenn anossa? Do-berim immorro, ar Cormac, comus fhiadaig &ersir; fhiann-choscair Fhiann Eirenn duit-si, a Guill, ar Cormac, co festar, ar se, inn esbaid d' Fhind do bunud, &ersir; roga selga do Chlaind Baiscne .i. do chlann-maicne Fhind risin bliadain uait-siu. Ro fhaemastur fianna Eirenn sin, ocus ní tiucub-sa re Find, ar Goll, im rígi fhian- naigechta Eirenn nó co &mdot;-bia-som tri bliadna i talmain, &ersir; co na raib súil duine dh' feraib Eirenn ris.

IS annsin do raid Aillbi Gruadbrec re Cormac: Cindus do-genat find-bantracht Find .i. na secht rigna dec so? Ocus ro fregair Cormac sin: Do-gentar grianan der- rait deg-daingen do cach mnái fa leith díb cona bantracht re mís &ersir; re raithe &ersir; re bliadain nó co findtar beo nó marb Fhind rissin, &ersir; a lor-daeithin bíd &ersir; lenna rissin doib.

IS annsin tucsat airfitig na Féinne a n-aghaid ar Chormac .i. Daigri mac Moran &ersir; Der h-úa Daighri &ersir; Senach h-úa Daighre &ersir; Suanach mac Senaig &ersir; Suanach mac Seinchind sen- scélaidi Find meic Cumaill, &ersir; is sé-sin is binde ro gab timpan ina laim i n-Eirinn &ersir; i nd-Albain, &ersir; Cnú Deireoil in t-abac &ersir; Blathnait a ben. Ocus fregrais Cormac doib: Bar &mdot;-beith i Temraig, ar in rí, &ersir; leth dligid uaim-si daib, &ersir; cobeis in tuarustail do-berad Find daib do-bér- sa, ar Cormac. Ocus tainic Fergus Fínbél fili na Feinne da n-indsaighid, &ersir; ba h-ed a lín .i. deich cét d' filedaib &ersir; d' aes dána. Prim-ordan Eirenn acum-sa daib, ar Cormac .i. ó Thuind Chlidna co Tuind Rudraigi, ocus tainic meidhes- cal Find da indsaigid .i. im Garbchronan taissech na &ndot;-gilla mor. Tabair uidh oraind, a rí! ar siat. do-berim, ar Cormac, ó ta Ath lethan Loichi aniar, risa n-abar Ath lethan Luain, co Beind Etair meic Étgaith ind fheindeda sair do t-shorrthan duib.

Assa h-aithle-sin tangadur anunn a Temraig, &ersir; tainic Cormac a Tech Mor Midchuarta, &ersir; ro cóirged cach nech ar duthaig a athar &ersir; a t-shenathar aici ann, &ersir; tucad Goll mac Morna a n-inad ríg-fheindeda ann, &ersir; tucad Eithne Ollamada ingen Cathair, ben rig Eirenn, a n-inad rigna, &ersir; Aillbe Gruadbrecc ar a láim-side, &ersir; Maighinis ingen Geraid Glunduib ar leth-laim Aillbi, &ersir; ro coirged Tech mor Midchuarda fan cuma- sin, &ersir; ro dáiled lind &ersir; ro scailed biad forro iarsin.

IS andsin ad-racht Cormac re beind &mdot;- blaith m-buabaill ro bói ina laim, &ersir; adubairt: Maith, a fhiru Eirenn, da faghad nech acaib a n-es nó a n-indber no a n-all nó a n- abhaind nó a n-dingna nó a n-drobel nó a síd nó a síd-brug fis Fhind duind.

IS annsin do fregair Bernngal Bóchétach a h-eochar-imlib t-Shleibe Fuait atuaid &ersir; flaith-briugaid do ríg Eirenn h-é: IN la thainic atuaid in flaith Find a n-degaid ind fhiada síde in seissir óclach ra bói, &ersir; do-rat in sleig neimnig n-aith n-uillind-glais im laim-sea, &ersir; muince con, &ersir; adubairt rium a marthain accum nó co comraicmis aris a n-aen- inad. Ocus is annsin tuc Berrngal Bóchétach i l-laim Chormaic in t-shleg &ersir; in muinci, &ersir; tuc Cormac i l-laim Guill meic Morna, &ersir; do badur íc a fégad, &ersir; adubairt in rí Cormac: Is esbaid mór d' feraib Eirenn in fer isa sleg &ersir; isa muince sea.

IS andsin ro iarfaig Cormac don óclach in rabadur coin ac Find &ersir; ac in muintir ro bói ina fharrad. Do badur, ar in briugaid. Cá coin siut, a Guill? ar Cormac. Bran &ersir; Sceolaing i l-laim Fhind, ar Goll. Adhnuall &ersir; Fer Uaine i l-láim Oissin. Iarratach &ersir; Fostud i l-laim Oscair. Baeth &ersir; Buidhe i l-laim Diarmata. Brec &ersir; Luath &ersir; Lanbind i l-laim Chailti. Conuall &ersir; Conrith i l-laim Meic Lugach.

Ocus caide Fergus Fínbél? ar Cormac. Sunna, bar eissium. In fitir tú ca fhat ó thesta in flaith Find? ar Cormac. IS mebair lium, ar Fergus .i. mí &ersir; raithe &ersir; bliadain ó thesta sé. Ocus adubairt Fergus: Airim Find in fed dia fuil sechtmain ar mís is bliadain, mithig aníu d' fhiannaib Fháil deiliugud uile d' áen-laim. Raithe ar mís ocus bliadain ó thesta fer ar fiadaig, ó do-chuaid a mudhu in rí Find mac Cumaill Almainí. Mor ind esbaid Meic Lugach in t- óclac ségaind subach, beith gan Oscur luaidis gail 's can Oissin alaind inmain. Mor ind esbaid Diarmait donn dalta na fiann ba forlonn, Find, Cailte, ferrda na fir mor a n-esbaid ré n-airim. Airim.

Is annsin adubairt rí Eirenn: is mor ind esbaid-sin tra, uair ní h-é ar menma atá re faghail in t- sheisir-sin is ferr ro bói a n-Eirinn &ersir; a n-Albain: &ersir; a Chithruaid, arsi Cormac, is mor do t-shétaib &ersir; d' indmusaib tucustar in flaith Find duit gen co h-indsind tú duind in béo nó in marb Find. Ocus fregrais Cithruaig sin: IS béo in flaith Find, ar Cithruad, &ersir; missi do dhenam sceil fair nocho dingen, uair ní ferr-de lé Find fein scel do denam fair. Ocus ba for- baeilid cach uile de- sin, uair ro fhetadur cach ni turgaib Cithruad riam co tainic. Cend &ersir; forcenn air-sin, ar Cormac. Ind adhaig déidenach d' fheis na Temrach at-cithfither in flaith Find ac ól; ar Cithruad mac Fhir Coecat. Gurub ceist sin ar Imacallaim na Senorach: Rann: Ca fat bói Find a Sliab Én abair a Chailti in cheist trén, is cia ro loited sa t-síd má ra bamar-ne a n-im-shním.

Ocus ina degaid-sin, arsi Cailte, bamar issin t-shíd risin caeicis ar mís ro bas ac ól fheissi na Temrach, no cor' gabsamar-ne braigde Túaithe Dé Danann do Dond mac Midhir, &ersir; ní mó no chaithdis fianna Eirenn fiallach na trebaire na Túaith Dé Danann ó ssin amach.

IS í-sin aes &ersir; uair ro bói Cailte ac indissin in sceil-sin do Eochaig Leithderg do rig Laigen; &ersir; ní cian do badur ann co facadur in n-aen-óclach da n-indsaigid, &ersir; léine do th-sroll rig ria chnes, inar maeth-sroill tairsi &ersir; brat corcra corrtharach uime, &ersir; delg óir issin brut ossa bruinde &ersir; claidem ór-duirnd ina laim, &ersir; cathbarr óir imma chenn, &ersir; is sé do bói ann .i. Donn mac Midhir, &ersir; tuc a chenn a n-ucht Patraic, &ersir; tuc comus Túaithe Dé Danann dó, &ersir; ro slechtsat uile do Pátraic. Conid ann do chreidset Túath Dé Danann do Patraicc.

Conid h-é-sin scel ro indis Cailte do rig Laigen &ersir; do Pátraic annsin. Ocus tuc Donn mac Midhir feis dithat na h-áidchi-sin do Pátraic cona muintir, &ersir; tar a éis-sin tangadur in sluag uile &ersir; Pátraic máraen ríu co Raith Moir Maigi Fea, &ersir; ind áidchi-sin do-riachtadur fessa ó rig Muman ar cend naem Pátraic co m-beth ara t-shoiscela, &ersir; timnais Patraic ceileabrad do rig Laigen &ersir; do maithib a criche uile, &ersir; tangadur reompo o dá sin co Lis na Laechraide, risa raiter Caissel na Rig issin tan-so.

IS annsin tainic Eogan Leithderg mac Aengusa rí da cóiced Muman, maille re sé cathaib mora uime í coinde noem Pátraic, &ersir; ro shlechtsat dó maithi Muman uili, &ersir; tucsat a crich &ersir; a forba uili dó, &ersir; a ferann &ersir; a maithius ar comus Pátraic.

Screpall soiscéla, a airdrí Muman! ar Beneoin mac Aeda do Pátraic. Cá screpall sin, a chleirig? ar in rí. Crich &ersir; ferann don chleirech, ar Beneoin. In baile seo a tá &ersir; ina fuarusa h-é, ar rí Muman, do fognum dó co brath &ersir; da muintir ina diaid. IS and tuc rí Muman Caissil do Patraic mac Alpraind. Cindus do-berar duind sin? ar Beineoin. Mar seo, ar in rí, tiacht don chleirech fein ar Lic na Cét, bar rí Muman, &ersir; in neoch at- chífea do mín Muman ar cach leth do beith aici. Ocus tainic Pátraic ar Lic na Cét, &ersir; ro eirig in grian ré h- aghaid in chleirig corba t-sholus dó ar cach leth, &ersir; amal tuc Pátraic a cois ar in lic ro eirig leigeon &ersir; mile do demnaib a bennaib na cloichi amach co &ndot;- dechadur i n-aér &ersir; a firmamaint ar teiched nóem Patraic, &ersir; bennaigis Pátraic in cloich iarsin, &ersir; fácais buaid comairli do denam dí &ersir; bennachtain urri, &ersir; aingel dé cacha tratha nóna ic a tairimthecht, &ersir; trosccad do rig Muman naenbur mac fír-fhlatha furri &ersir; in n-itgi chuindigfes d' fhágbail dó, &ersir; in tres teine béo ara m-bia rath fa deired a n-Eirinn h-i.

IS annsin ferais Eogan Leithderg rí Muman faeilte re Cailte, &ersir; ferait maithi Muman uili archena. Cret ima tucad Lecc na Cet ar in lic-sea, a m' anam, a Chailti? ar rí Muman. ISam mebrach-sa inní dia tá, ar Cailte, uair ni raibe fis nime riam acainde no cor' t-shuidh Find ar in cloich-seo &ersir; co tuc a ordain fa chét ara dét fis, &ersir; cora fallsiged nem &ersir; talam &ersir; creidim in fhir-Día forórda, &ersir; do thuidecht-sa d' indsaigid Eirenn, a Tailgind, ar Cailte, &ersir; naim &ersir; fíreoin &ersir; creidem cros &ersir; crabad inti.

Ocus cia do-rigne dunad &ersir; deg-baile andso ar tus? ar rí Muman re Cailte. Fiacha Muillethan mac Eogain, ar Cailte, &ersir; ro bói re deich &mdot;-bliadna fichet i r-rigi da cóiced Muman, &ersir; is leis do-rigned cloch daingen um in &mdot;-baili-seo, &ersir; ro bói a n-arus ann. Ocus adubairt Patraic: IN cloch-so a h-ainm Cloch na Cét sochaide bias uimpi ic ét, bid inad crabaid is cros h-aithle cach arais fhuaros. Caissil cenn Eirenn uile benn ima teigfea teine, inadh a frith fis nime gan chís do rig reomainde. Bid maith mo chell as tír thuaid a crich Connacht in mor-sluaig do fuígeb-sa glan a lí mo brata co coem- gloní. Mo baili-si a crich Ulad is rem craide bus chuman, bemait-ni, bid maith ar lí triar álaind a n-aen-bali. .i. Patraic &ersir; Colum Cille &ersir; Brigit. Deich fir deich fichit deich cét iss ed a fhir is ní breg, iss ed gebus mo chell chain d' abbaib ocus d' fhírenchaib. Gebthar sailm, gebthar creda paitrecha ocus soisscela, gebthar sailm sunna co moch iman carnn a fuil in cloch. IN cloch.

Ad-rae buaid &ersir; bennachtain, &ersir; a m' anum, a naem Patraic, ar rí Muman, is mór d' fis &ersir; d' fhír-eolus ro indesbair duind imaraen.

Ocus ro badur in sluag uili annsin cor' eirig grian assa circaill teintidhi &ersir; cor' lín da soillsi in doman, &ersir; do-lodur in sluag reompo assin co Raithin na n-Ingnad siar co Mag Femin, &ersir; do t-shuidhestar rí Muman isin darna cind don raith co maithib Muman uime, &ersir; suidhis naem Pátraic &ersir; Cailte isin chind aile na ratha.

IS annsin ro fhiarfaig Eogan Leithderg mac Aengusa rí Muman: Cred ima tucad Raithin na n-Ingnad ar in raithin- seo? Ocus adubairt Cailte ic a fregra: 'INgnad turchairthe fuair Find issin tulaig ara chind, in triar fer, ba cáeme a clíu ocus aen-chú eturru.

Laithe n-aen, ar Cailte, da tangamar-ne tri catha na Féine conici in tulaig-sea &ersir; at-chonncamar in triur óclach-sin ar ar cind &ersir; aen-chú accu, &ersir; ní raibi isin domun dath na raibi isin choin, &ersir; do bói aidble méite urri seoch na conaib aile, &ersir; ro t-shuidhedar na h-óclaig a fiadnaissi Fhind. Canus tangabair, a ócu? bar Find. Assinn Iruaith moir anoir, ar iat-som. Cret ima tangabair? ar Find. Do denam ar cuir &ersir; ar muinterais riut-sa, bar iat. Cá maith bias duinde, ar Find, in bar &mdot;-beith-si acaind? IN triur atamait, ar siat, atá feidm ar leith ac cach aen-fher acaind. Ca feidm-sin? ar Find. Dingebat-sa foraire Fhiann Eirenn &ersir; Fiann Alban, ar óclach dib. Cach feidm catha &ersir; comlaind ticemus chum na Féine dingebat-sa díb uili sin, &ersir; bid uile in a tost, ar in darna h-óclach. Abair, a óclaig út, ar Find, cret t' fheidm-si? Adeirim, ar in t-óclach, cach mor doithbir teicemhus chum mo thigerna dingebat h-í, &ersir; cach ní do-géntar d' athchuingid fair do-gebthar uaim-si h-é, ar in t-oclach. Ocus dala na con, ar in t-óclach, in comfhat bias fiad a n-Eirinn dingebaid sí cach re n-adhaig d' fhiannaib Eirenn, &ersir; dingebat fein ind adhaig aile. Cret iarrfaid-si orum-sa? ar Find, &ersir; bar &mdot;-beith accum amlaid-sin? tri comada duind, ar iat-som. Crét na comada? ar Find. Gan nech do thiachtain dochum ar longpuirt ó thicfa adhaigh tré bithiu do chian na d' fhocus, &ersir; gan a becc na a mór do chomraind do thabairt duind tré bithiu, &ersir; díghu selga duind ó fhiannaib Eirenn. Ocus ar bar cubus rib, ar Find, cret ima sirenn sib gan nech da bur faicsin ó thic adhaig chucaib? Atá cúis &ersir; adhbur accaind, ar siat &ersir; na sir ní aili oraind gid fada gairit bemait ar aen-rian. Ocus in triur óclach-so at-chí-si sind, ar siat, bith in tres fer acaind marb cach tres n-aidchi, &ersir; is uime-sin nach áil lind nech dar faicsin, &ersir; bídmaid-ne ic faire in fhir-sin. Ocus ba geis d' Fhind marb d' fhaicsin ach muna marbdais airm h-é, &ersir; no biad a fhoirithin-sin a com- fhochraib ac Find, ar Cailte, .i. tiachtain timchell in raithín-sea. Ocus adubairt Cailte: Fa geis d' Fhind beith a cind mairb in neoch nach muirfitis airm, mona thairsed, caem a chlíu a timchell na ratha- sú.

IS annsin do-riachtadur mor-sheisir aessa dana co Find do muintir Chithruaid meic Airm meic Fhir Cóecat do chuingid duaisi duaine .i. tri .l. uingi d' ór &ersir; tri .l. uingi d' airget do breith co Temraig do Chithruad. Do-gebthar accainde a fhoirithin-sin, ar Scannal h-ua Liathain .i. óclach grada d' Fhind. Maith, m' anum, a aes dána, ar na h- óclaig, in ferr lib duais bur n-duaine d' faghbail anocht na a fhagbail amairech? IS leor lind amarach, ar in t-aes dana. Is annsin tangadur in triur óclach sin, &ersir; a cú léo, co leapaid in con o Raithin na n-Ingnad amach, &ersir; ro scéastar in cú ina fiadnaissi tri .l. uingi d' or &ersir; tri .l. uinge d' airget, &ersir; tucad don aes dána-sin, &ersir; ro imthighedar. Blank line inserted to correct lineation. IS ann adubairt Find, ar Cailte: Cindus do-genat tri catha na Féinde gan uisci accu anocht? IS ann adubairt óclach díb-sum: Ca mét cornn comaitechta atá ac Find? Da chornn déc &ersir; tri cét, ar Cailte, atá ac Find mac Cumaill. Da chornn déc ocus tri cét do chornnaib co n-ór ac Find, ind uair d' éirgimis don dáil fa h-adbul a lán do lind.

Tabar na cuirnn im laim-si, ar in t-óclach, &ersir; gébé ní do-berar intib-sidhe ibhid-si h-é. Ocus ro lín in t-óclach fa thri iat do fhiannaib Eirenn, &ersir; ba mesc medarchain iat don tres fecht ro lín iat.

INgnad ám, ar Find, in corugud fleide-seo, &ersir; corub Lis na Fleide ainm in lessa a tucad d' Fhind h-í, &ersir; corub Lepaid in Chon ainm na leptha, &ersir; is uime thucad Raithin na n-Ingnad ar in raithin-seo, ar Cailte, &ersir; Lis na Fleide ar in lis-sa, &ersir; Raith Chind Chon ar in raith-seo aile. Ocus ro badur re bliadain isin Fhéin mar sin.

IS annsin tainic Eogan Leithderg mac Aengusa meic Nat Fraich reime, &ersir; Pátraic maraen ris &ersir; Cailte, co Raith Chind Chon a n-deiscert Maigi Feimin, &ersir; co Lis in Bantrachta bodes &ersir; ro t-shuidh in sluag uile ar in raith, &ersir; suidhis Cailte í fiadnaissi Eogain Leithdeirg. Maith, m' anum, a Chailti, ar Eogan, crét fa tucad Raith Chind Chon ar in raith- sea, &ersir; Lis in Bantrachta ar in lis-sa? flaith-briugaid cétach ro bói annseo .i. Cellach mac Duib Dét a chom-ainm, &ersir; ind uair ro h-airimthea a t-shéoid iss ed do bith lán laech-machaire Maighi Feimin aici. Ni raibe issin domun co cert duine bod mó cuid díbhi na leochaillechta anas, &ersir; tangamar-ne, ar Cailte, deichneabar ar fichit sciath-armach ma ríg- fhéindid Eirenn &ersir; Alban ar &ndot;-denum selga t-Shleibe Cua duind, &ersir; ro t-shuidhemar ar colba chíuil ann, &ersir; sul tairnig fóssaic do denam duind tuc fer in tighi ail &ersir; aithis ar cach fer fa leith uaind cen mothugud d' Fhind.

IS annsin do labair fer borb don Fheind .i. Cuindscleo mac Ainscleo, mac rig Bretan anair ris &ersir; adubairt: Is mer in scem chind chon do-beir in t-eathach ar fhiannaib Eirenn, ar se. Tarrais buaid focail fair &ersir; n-anma, ar Find, &ersir; léic Cenn Chon air tre bithu.

Ocus crét fa tucad Raith in Bantrachta ar in raith sea? ar rí Muman re Cailti. Is accum-sa atá a fhis gen gub nua in ní dia tá .i. coeca ban n-gressa is ferr bói a n-Eirinn do thinoil in flaith Find do indsaigid na ratha-so fa comair erraid &ersir; étaig do denam d' fhiannaib Eirenn doib, &ersir; tucad a cennus-sin uile d' ingin rig Bretan dar' bo chom-ainm Dergoda ban-cheile Oscair meic Oissin, &ersir; ro badur issin baili-sea re ré moir do bliadnaib. Conid uatha-sin atá Raith in Bantrachta ar in raith- sea &ersir; Raith Chind Chon ann.

Ocus cret in cairthi com-daingen cloiche ut atá ar lár na ratha tall? ar rí Muman. Caindelbra in Bantrachta sin, ar Cailti, uair ni h-ail leo teine ach fa thrí cacha bliadna .i. na roissed smal na dendgor na detach na teined iat na a n-étaigi. Ocus ro badur isin baile mar sin re treimsi do bliadnaib ac denum lamda &ersir; ac córugud étaig na Féine, &ersir; bói gairdiugud mor ac in bantracht-sin .i. tri h-ingena rig Í Ceindselaig .i. Findchas &ersir; Findruine &ersir; Findingen a n-anmanna, &ersir; do bói timpan becc accu cona leithrind airgit &ersir; cona deilgib óir buidhe, &ersir; mná re gur lamnada ro choiteldais leissin céol sirrachtach sidhe ro chandais na tri h-ingena-sin don bantracht.

Ocus crét in da fert mora so at-chiamait, a Chailti? ar in rí. In triar óclach do-rigne a muintirus ic Raithin na n-Ingnad re Find &ersir; in cú accu iss iat do marb in da óclach assa fert-sin .i. Donn &ersir; Duban, da mac rig Ulad atuaidh. Ocus cindus a torcradar, a m' anum, a Cailti. ar rí Muman. A &mdot;-beith-sium a n-inad ar leith on Feind, ar Cailte, in triur óclach-sin &ersir; a cú a medon eturru, &ersir; ó thiced ind adhaig do bith múr tened umpu conach lamad nech a fégad etir. Ocus do badur da mac rig Ulad .i. Donn &ersir; Duban, ac foraire Fhiann Eirenn &ersir; Fhiann Alban ind áidchi-sin, &ersir; tangadur fa thri a timchell na Feine, &ersir; in tres fecht tangadar, ar Cailte, at-conncadur in mur tened, &ersir; adubairt Donn mac rig Ulad: ingnad mar atait in triar óclach &ersir; a cú eturru re bliadain andossa, uair do fhógradur gan nech do dul da fégad ó thicfad adhaig. Ocus tangadur reompo da n-indsaigid meic ríg Ulad fan cuma- sin, &ersir; do-chuadur tresan múr teined anunn, &ersir;rangadur tucsat a n-airm re n-ais, &ersir; ro badur ac fégad in trír óclach &ersir; na con, &ersir; in cú romor do bíth cach láe acco ac seilg &ersir; ac fiadach nír' bo mó na crannchú bís ic roduine ind uair-sin h-í, &ersir; óclach díb-som &ersir; claidim áith urnocht ina laim ac comet na con &ersir; oclach aile dib &ersir; cuach find-airgit aici ré bél na con, &ersir; raga cacha lenna ro t-shired cach fer díb, &ersir; iss ed ro chuired in cú tar a bel issin cuach. Ocus is annsin adubairt óclach díb rissin coin: Maith a m' anam, a uassail &ersir; a fhíreoin, a fher-meic, mothaig let in brath tucad ón fhlaith ó Fhind fort.

IS annsin immorro ro chraith in cú a h-erboll, co tainic gaeth doilfi draidechta as, co ro thoitsetar a sceith da &ndot;-guaillib &ersir; a slegha assa lamaib &ersir; a claidme da slessaib, co rabadur issin múr theinead ina fiadnaisi, &ersir; ro marbsat na h-óclaig-sin da mac ríg Ulad, ar Cailte, &ersir; ro impó in cú 'ar marbad na fer, &ersir; tuc a h-anail fa na corpaib na fer co &ndot;- derna min &ersir; luaith díb, conna frith fuil na féoil na cnáim dib ar lathair. Ocus is sé-sin, arsi Cailte, in da fert ro fiarfaigis dim, &ersir; geb é ro oslaiced orro ní fuighbed a bec intib acht mad a lán uire &ersir; gainim.

Ocus nir' indis duind riam, arsi Eogan Leith- derg rí Muman, scél budh inganta &ersir; budh diamra ina sin, a m' anum, a Cailti; &ersir; cret in sonn ard ut do tháib in chairthe thall, ar in rí, isin raith? Tuarustul in ban- chuire sin, ar Cailte, ó Finn cacha bliadna, &ersir; Oscur mac Oissin ro fholaig h-é .i. x. fichit uinge d' ór fá thri, &ersir; is ann ro foilged h-é, fa bun in chartha-sin. Ocus ro eirgedar in sluag &ersir; ro oslaicetar fair, &ersir; tucsat in t-ór as, &ersir; tucad a trian do ríg Muman &ersir; a trian aile do nóem Patraic &ersir; do Cailti, &ersir; trian dona cleirchib. Ocus mairid in t-ór, ar Cailte, &ersir; ní mairenn in flaith Find na Oscur mac Oissin ro folaig. Ocus adubairt Cailte: Mairid aníu Raith Chind Chon gan áille gan imrissin, ocus ní mairenn an rí Find mac Cumaill Almainí. Mairid ann lia na ratha gus' tathaigmis cach tratha, is mairid in t-ór derg dron ocus ní mairenn Oscur. Aidhed Duind is Dubain dil fuaradur bás a folaig, is bamar-ne 'ga n-iarraid sechtmain ar mís is bliadain. Findchas is Finndruine iar fír is Findingen, truag in gnim, ar na h-indberaib co m-blaid tri h-ingena in Cheindselaig. INmain in timpan blaith bec ní chuala cluas a chom-boc, ro choiteldaís, mor in buaid sluaig in domain ré h-aen-uair. Timpan bec ro bói ac na mnaib cona leithrind airgit báin, cona deilgnib oir buidhe cona thétaib findruine. Caeca lepaid astigh thall caeca cornn, caeca fidchell, caeca uinge d' ór derg dron cacha bliadna a tuarustal. Adeirim-si riut reime is fir inní raidim-ne, mor do cach maith urcrade do chaithsim-ne 'sa raith- se. Mairid.

Dala in trir óclach-sin, a m' anum, a Chailte, ar rí Muman assa h-aithli-sin, ind acaib-si do badur nó ind uaib do-chuadur? Is acainde ro badur, ar Cailte, nóco &ndot;-dernad bec-buidhne don Fhéin &ersir; nónbair do thrib cathaib na Féine ac Raithin na Nónbur ac laech-Machaire Laighen. Ocus rainic nónbur óclach &ersir; naenbur gilla in cach aen-baile a n-Eirinn don Fheind d' iarraid da mac ríg Ulad atorcradur re macaib rig na h-Iruaithe anair.

Dala immorro Find meic Cumaill, rainic reime co Temair Luachra ar scailed na Féinde dó, &ersir; ní roibe don Féind ina farrud acht daescur-shluag &ersir; gillida fedma na Féinne.

Dala na naenbur-sin do-rinde Find d' Fhiannaib Eirenn d' iarraid da mac rig Ulad, tangadur co Temair Luachra ind aen-adhaig d' indsaigid Fhind gan fis a &mdot;-bí na a mairb na fer- sin leo, a n-dala-sin conici sin.

Dala Patraic immorro &ersir; rig Muman, tangadur secha bodes co Beind &mdot;-Bain in Retha etir Sliab Claire &ersir; Sliab Crot. Ocus ro t-shuidhetar in sluag uile ann, &ersir; ro t-shuidh Pátraic &ersir; Cailte, &ersir; adubairt rí Muman: Crét fa tucad Benn Bán in Retha ar in n-inad so? Ocus fregrais Cailte sin: Cid diatá Benn Bán in Retha eter Sliab Claire &ersir; Sliab Crot?

Feacht n-aen da raibi Find mac Cumaill ar in tulaig-sea at-chonncadur in mnái ara cind issin tulaig, &ersir; brat corcra corrtharach uimpe, &ersir; delg óir issin brut &ersir; lann d' ór buidhe ré h-étan, &ersir; ro fhiarfaig Find scela di canas tainic, &ersir; fregrais sí dó: Ó Beind Étair meic Étgaith ind fheindida anair. Ca com-ainm thúsa, a ingen? ar Find. Étain Fholtfhind m'ainm-si, ar issi .i. ingen Éda Uchtgil a Síd Beinde h-Etair anair. Cret 'ma tangais assin conici seo? ar Find. d' iarraid comlenga aen-fhir ar Fhiannaib Eirenn, ar sí. Cindus atá do rith? ar Diarmait h-ua Duibne rissin ingen. IS maith mo rith, ar inn ingen, gid fata gair bias tír nó talam fám chois is cuma lem beith am rith, ar inn ingen. Cailte adubairt: Mar thangamar don Beind Bain do-riacht aen-ben inar &ndot;-dáil, is do fhuacair ar Fhein Fhind comling aen-fhir gerb' eislind, Ro rithis-sa ria 'arsin gusin n-ard os Badhamair, fa com-luath duind issin chnoc is lim-sa ro bo lan- olcc. IS do rithamar 'ar sin assin chnoc os Badhamair tar uaim tar ochtaib glinde co Dún Danair Dublinde. IS mé fa taísci issin dún nir'bo mé in Cailte gan rún, is do-chuadus díb uile etir coin ocus duine. Ocus do-chuadmar 'ar sin gusin n- ucht ac Beind Étair, cor'ba t-sholus uile in sluag issin t-síd álaind ind-fhuar. Tangamar anunn 'sa síd fuaramar ann midh is fín, is ro bamar ann 'ar sin fiche aídchi 'na degaid. Bristi mo chride am chli chain is na turcnam dom anmain, ic fechain cach thulcha iar tain ocus na beinde ar marthain. Mar thangamar.

Ocus iss é lín tangamar gusin síd annsin, ar Cailte, xx.c. d' Fiannaib Eirenn 'ma Find mac Cumaill, &ersir; ro t-shuidsemar ar colba chiuil in righ-thighi issin t-shíd, &ersir; 'arsin do-rinded ar n-umal-fhossaig, ocus ro claeed ar &ndot;-gere, &ersir; ro scuired ar n- íta. Ocus mar do bamar ann at-connairc in flaith Find in n-ingin mín mong-buidhe os urdreich na &ndot;-dabhach, &ersir; cuach find-airgit ina laim, &ersir; sí ac dáil do chách.

IS annsin adubairt in flaith Find: Adar lind is sí-siut inn ingen ro fhocair comrith &ersir; comling ar in Féind ó Chathair t-Shleibe Crot aniar co Beind Étair Meic Étgaith in fheindeda. Nocho n-í-siut do bói remut etir, ar Aed Uchtgel rí in t-shida, uair is sí-sin ben as mailli atá accainde. Cia ro bói romainde amlaid? ar Find. Bé Man- nair ingen Aingceoil, ar Áed Uchtgel mac Aengusa meic in Dagda .i. ban-echlach Thuaithe Dé Danann. Ocus is sí théit a richt in spegdubain &ersir; in mil moir, &ersir; delbus a richt na cuile h-í féin, &ersir; delbaid a richt cacha fír-charat etir fhir &ersir; mnai fos, &ersir; co léicenn cach a rún ria, &ersir; is sí-sin ro bói reomut-sa aníar isin coml- ing retha, &ersir; ní h-í in ingen út, ar Aed, acht ro bói ac ól &ersir; ac áibnius os chind na &ndot;-dabach issin t-shíd. Ocus ca h-ainm in ingen út? ar Find. Étain Fholtfhind sin, ar Aed Uchtgel .i. ingen dam-sa &ersir; maccaem Tuaithe Dé Danann uili h- í. IS amlaid ata in ingen sin, ar a h-athair, &ersir; lendann aici d' Fhiannaib Eirenn. Maith a m' anum, ar Find, cia accaind in lendan-sin? Oscur mac Oissin annsiut, ar eissium, &ersir; is sí do chuir ind echlaig ar bur cend-si co Cathair t-Shleibe Crot bodes, &ersir; tairgid Cairpre Lifechair mac Cormaic in tricha cét is chom-nessa do Tuathaib Breg &ersir; Midhe do thabairt dó Thuaith Dé Danann ina tindscra &ersir; ina tur-thochmarc do grés, &ersir; a cur fein a meidh &ersir; a comthrom d' ór intí &ersir; a comthróm d' airgid &ersir; a thabairt-sin di. Cid um nár' fhaemabhair-si h-í do mac ríg Eirenn tar a éis-sin? ar Find. Nir' gabumar, ar Aed, uair ni raibi cuit menman na aiccenta di ann, &ersir; ní dernamar ni a dáil na a caingen 'arsin. Maith, ar Find, ca coma t-shire orainde? Maith a m' anam, a ingen, ca coma iarrái ar mac micc in rig-fheinded .i. ar Oscur? Adubairt in ingen: Gan mo léicen tré bithiu nó co tí m' anfalta fein rium. Rachaid ám in choma-sin duit-siu, ar Oscur. Tabair cuir &ersir; tenta rind annsin, ar in ingen. Cá cuir connaigi? ar Oscur. Goll mac Morna ó Macaib Morna &ersir; Find mac Cumaill ó Fhiannaib Eirenn. Ocus tucad na cuir-sin ria , &ersir; ro fhóeestar inn ingen &ersir; Oscur, &ersir; ro bamar-ne re .xx. aidchi ann ina degaid-sin.

IS annsin ro fhiarfaig Oscur d' Fhind: cáit a &mdot;- ber-sa mo mhnái? Co h-Almain lethan-glais Laigen, ar Find, co cend .uii. &mdot;-bliadan, &ersir; faghaib-si féin inad ossin amach di.

Ocus tucad cath buidhnech Beindi h-Etair assa h- aithle sin, ar Cailte, &ersir; ro trom- loited Oscur ann, &ersir; ro bensatar ind Fhiand a ciall de, &ersir; ro ben Find fos de, &ersir; tainic Etain Fholtfhind áidchi ann ar in n-imdaid i farrud Oscuir, &ersir; at-chonnairc in delb rigda romor ro bói fair do scuch uaidi, &ersir; tainic glaisi &ersir; duibe da h-indsaighid, &ersir; ro thócaib in ingen a fáidhe fír-thrúaga &ersir; a gol n-ard n-accaintech ós aird, &ersir; tainic inn ingen ina h-imdaid, &ersir; ro moid cno-maidm da craide ina cliab, &ersir; fuair bas do chumaid a céile &ersir; a cét-muintire amal at-chonnairc h-é, &ersir; ro h-indlaiced chuind a sída bodéin h-í, co Síd Beinde h-Étair, &ersir; ro cuired fo cláithib talman h-í. Conid Fert Étaine a ainm, ar Cailte. Ocus ro fácaib tri coin maithe ac Oscur .i. Luath &ersir; Indell &ersir; Oscur a n-anmanna. Ocus iss é-sin scel ro fiarfaigis dim, ar Cailte, &ersir; is uime-sin tucad Bend Bán in Retha ar in n-inadh-sa.

Ocus ro badur ann ind aidchi-sin co tainic la cona lan-shoillsi arnamairech, &ersir; ro eirig nóem Patraic &ersir; in sluag uile co rangadur co Cuillind &ersir; co Callaind a n-Íb Cuanach, &ersir; suidhis nóem Patraic ann, conidh Suide Pátraic ainm inn inaid ó sin anall, &ersir; suidid rí Muman ar gualainn Pátraic, &ersir; suidhis Cailte ina fiadnaissi.

Ut dicitur Cuillind a n-Ib Cuanach aniu.

IS ann sin ro fhiarfaig Eogan Leithderg mac Aengusa .i. rí Muman do Chailti: Cred 'má tucad Callann &ersir; Cuillenn ar in inad-so, &ersir; créd 'ma tucad Lighi ind Óic ar in tulaig út &ersir; Clad na Feine ar in clad-so atá a timchell ind feraind &ersir; na criche? Ocus fregrais Cailte in cheist- sin:

Laithe n-aen, arsi Cailte, da raibe Find mac Cumaill ac Raith Chuiri etir Dún &ndot;-Delga &ersir; muir í cind Trágha Baile &ersir; Leapaid na h-Iubraige don darna taeb d' Fhind .i. Raith na h-Ecraide inad in Duib Sainglenn &ersir; in Leith Macha don leith eili &ersir; Dun Delga ar ar cúl, &ersir; ní cían ro bamar ann, ar Cailte, co faccamar in tricha cairptech issin tráig atuaid, ar Cailte, cach dirge chucaind, &ersir; ro tairrlingetar ann, &ersir; ro scuirsetar a n-echraid, &ersir; suidis in t-óclach rosc-lethan mor ba sine &ersir; ba h-uaisli acco ar gualainn Fhind meic Cumaill, &ersir; fiarfaigis in flaith Find scela de. Canas tangais, a m' anam, a óclaig, &ersir; cia thú féin? ar se. Callann mac Fergusa Find missi, ar in t-óclach, mac ríg Ulad atuaid, &ersir; mo derbrathair fein Áed Donn mac Fergusa Find atá accum indarba nach léicend ac Cormac h-u Chuind mé &ersir; nach léicenn am duthaig féin. Ocus tanac dot' accallaim-si, a ríg-fhéindid, uair atá ar fial-charadrad araen .i. Meas Mungel, ingen Aengusa rí Ulad, do t-shen-mathair-siu derbtshiur m' athar-sa &ersir; mathair Cumaill isseic.

Mass ed is ó Ultaib, ar Oissin, tucamar-ne in mire &ersir; in torcdacht ata induind. IS uaithib, ar Find, co deimin. IN a n-Ultaib is áil let ferann d' fhagbail? ar Find. Ní h-ed um, ar eissium, uair ni dingnem fingal etraind féin. Mass ed, ar Find, rachat-sa amairech romum co h- Eocho Faeburderg mac Find, co ríg da cóiced Muman, &ersir; sirfet-sa ferann re h-ed &ersir; re h-athaid duit-si air. Ocus muna fhaghbur ferann ar ais do-ber-sa cath i cind Traga Baile um it fherann fein do ríg Ulad.

IS annsin do eirgedur tri catha na Feind, &ersir; Callann mac rig Ulad reompo bodes co Cathair t-Shleibe Crot co h-airm a raibe rí Muman, &ersir; tainic in rí a comdail Fhind &ersir; Fhiann Eirenn, &ersir; adubairt: Mo-chen do tiacht, a m' anum, a Fhind, ar rí Muman, is tairise linde ind fhaeilte-sin. Is tairissi ón, ar in rí, &ersir; tangadur issin &ndot;-dunad anunn 'arsin, &ersir; ro frithailed uile iat, &ersir; ro cóirged tech n-óla acu, &ersir; tucad Goll mac Morna a leth-laim Fhind, &ersir; tucad mac rig Ulad ar in laim aile Fhind.

Ocus is annsin adubairt rí Muman: In faccabair d' feraib Eirenn nó d' feraib in domain uile in tres fer budh ferr delb ina in t-óclach út ar gualaind Fhind meic Cumaill? Ocus ro fhiarfaig rí Muman: cia h- é in t-óclach-sin fuil it farrud-sa, a Fhind? Ocus ro indis Find a ainm &ersir; a sloinded dó, &ersir; a thuidecht d' iarraid feraind &ersir; fhorba fair-sium. Dar mo breithir am, ar rí Muman, gid ara aghaid féin do tiucbad duine a chom-maith- siut d' iarraid criche &ersir; feraind ro bad chóir a thabairt dó, &ersir; tussa a m'anum, a ríg-fhéindid da iarraid is córaide a thabairt dó. Ocus ac síut da triucha cét uaim-si dó, ar rí Muman. Ocus in tres triucha cét dam-sa &ersir; don Fhéin, ar Find. Ocus tucad dó-som sin, co rabadur tri .xxx. cét d' ferann aicci.

Caít a tabrai dó in ferann-sin? ar Find. Breicthír, risa raiter h-Í Chuanach, &ersir; Tulach na Dala, risa raiter Cuillind issin tan-so. IS borb ulltachda mo muinter-sa, ar Callann mac Fergusa, &ersir; cindus do-genat? Comairle accum duit-siu uimi-sin, ar rí Muman .i. denat in Fhiann annsiut dúnchlad &ersir; daingen umatt ferann. Ocus do eirgedar tri catha na Féinde, &ersir; do-rigned leo sin re .uii. laithi na sechtmaine, &ersir; do-rigned sluag-dorus deabtha fair, &ersir; 'arna denam-sin dó, tainic Find &ersir; tri catha na Feinne &ersir; Callann mac Fergusa, mac ríg Ulad, maraen ríu co Cathair t-Shleibe Crot dorissi.

IS annsin adubairt Find: Maith, a m' anum, a rí Muman, in fitir tusa ca toisc aile risa tangamar-ne dot' indsaigid? Ní fhetar um, ar in rí. Do chuingid t' ingine-si .i. Chuillinde, do Challann do mac ríg Ulad. Cred a tindscra &ersir; a tirochraic? ar a h-athair. Tindscra cétach, ar Find .i. cét do cach crud &ersir; do cach díne di, &ersir; rach sin ar breithir di, bar Find, &ersir; ra naidmed di-si, &ersir; tucad ingen rig Muman do mac rig Ulad ind aídchi-sin, ar Cailte. Ocus do- chuaid Callann mac ríg Ulad ar cend a muintire bothuaid, &ersir; do-riacht a muintir leis d' indsaigid ind feraind-sin tucastar rí Muman dó, &ersir; do-rigned dúnad mor leis annseo.

Ocus rucastar inn ingen mac suaichnid sainemail dó .i. Fer Óc a ainm, &ersir; ro bo therc a n-Eirinn uili nech budh com-maith delb na luth na lamach ris.

Ocus do-riachtamar-ne tri catha na Feine d' indsaigid in baile-seo &ersir; deich cét ar fichit cét cacha catha díb, &ersir; mar do bámar ann inar sessam, at-chonncamar in t-aen-macaem ac cluiche ann ar in faithche, &ersir; lia comthrom cloiche ara dernnaind, &ersir; do-bered ró n-urchair di co tecmad tarsna deich n-imaire h-í, &ersir; do rithed fuithe &ersir; do gabad etarbuais ina glaic h-í, &ersir; ro bamar uile ica t-shír-fhegad tri catha na Feine. Ní fhaccamar riam, ar Find, lámach budh fherr ina sin, &ersir; cia in maccaem do-ní in lámach, a fhiru? ar Find. Mac fhir in baili-sin, ar cach .i. Fer Óc mac Callainde, mac ríg Ulad. Ní thainic d' Ulltaib riam ó do-chuadur na fir mora maithe do bói díb, adhbur gaisccedaig is ferr anas in maccaem út. Ní thainic um, ar cach uile i n-aen-fhecht. Ocus da-ní- sium lamach aile is doirbe ina sin, ar cach. Cred eissein? ar Find .i. urlann da t-shleg do chur re talmain, &ersir; a druim risin &mdot;-baile, &ersir; leim re crannaib na sleg tar sluag-dorus in baile co m-bói ar in lic allanall &ersir; a t-shlegha ina laim, &ersir; lingid leo 'na frithing tar in &mdot;-baile amuich co m-bói ar in faithche-seo.

Ar fír do chubais riut, a Fhir Óic, ar Find, dena in cles inar fiadnaissi. Do-genum, ar in maccaem. Ocus is nár lém a dénamh i fiadnaissi Fhiann Eirenn muna thí lem a denum co maith. Ocus do-roine in cles a fiadnaissi Fhind &ersir; na Feinde mar is ferr do-rinde riam h-e.

IS annsin do-riacht Callann &ersir; Cuillenn .i. athair &ersir; a mathair in maccáeim, chucca, &ersir; ro fhersat fír- cháin faeilte re Find &ersir; reim in Fhéinn archena. Maith a m' anum, a meic, ar siat, déna do chor &ersir; do muintirus re Find. Do-gén, ar in maccaem. Do eirig &ersir; do-rinde a chor &ersir; a muintirus ré Find, &ersir; tuc a lám i l-láim Fhind, &ersir; tangamar anunn iarsin issin dún, &ersir; ro bamar ac ól &ersir; ac aibnius and.

IS ann adubairt in flaith Find: Cáit a fuil Berrach ingen Chais Chuailgne? Sunn, a m' anum, a ríg-feinnid, ar inn ingen. Tabair in n-armidh chét dot' indsaigid, &ersir; tabair a tri lan d' ór inti &ersir; a tri lán d' airget, &ersir; tabair d' Fhir Óc ina thuarustul. Ocus ro roind in maccaem ar tri sin .i. a trian da athair &ersir; a trian da mathair &ersir; a trian aile d' éicsib &ersir; d' ollamnaib &ersir; do luchtraid maithiusa Fiann Eirenn. Is eolach do roinded in tuarustul, ar Find. Ocus do badur ann co tainic lá cona lan-soillsi arnabarach.

Annsin do-rigned selg &ersir; fiann-choscur ac tri cathaib na Féinne. Cid tra acht cet-guin muice na fhiada do rochtain do neoch d' fhiannaib Eirenn ac Fir Óc ní rainic in la-sin. Ar tiachtain immorro dóib da tigh &ersir; ar &ndot;-denam na selga, is and ro gabusdur slaetan trom-galair Fer Óc tré t-shuilib na sochaide &ersir; tre fhormat in mor-sluaig, corus-marb gan anmain i cind nómaide h-é. Ocus ro cuired fan talmain ar in tulaig tonn-glais út h-e, ar Cailte, &ersir; in lía lainderda ro bói ina laim ac denam chluiche &ersir; ainiusa iss é-siut assa chind h-é, ar Cailte.

Conid uada-sin atá Tulach in Óic ar in tulaig-seo.

Ocus do bói a mathair bliadain issin baile-sea tar eis a meic, &ersir; ticed cach láe d' indsaigid fherta a meic, &ersir; ro bói ica cháined rissin &mdot;-bliadain-sin, &ersir; fuair bás do chumaid a meic la n-aen ann, &ersir; tucad issin tulaig-seo ille h- í.

Conid uaithe atá in t-ainm .i. Cuillenn.

. Ocus iss é-seo in cethramad inad a n-gabdais Fianna Eirenn a n-étaigi lighda lend-maissecha umpu, ar Cailte, .i. Temair Breg &ersir; Temair Luachra &ersir; ind Almain lethanmoir Laigen, &ersir; í Cuillind annseo. Ocus is annseo do-nith in flaith Find tri catha don Fhein cacha bliadna, &ersir; is annseo do-berthea &ersir; do toghtha curaid re gaisced a n-inad cacha marbtha d' Fiannaib Eirenn. Ocus is ann do-berthea na daim imdiscire alltaide &ersir; an tuirc thaeb-troma dar n-indsaigid co lar in tighi n-óil &ersir; n-aibniusa, ar Cailte, &ersir; rob adba os &ersir; fiadmíl Cuillind in la-sin.

Ocus adubairt Cailte: Cuillenn bá h-adhba fhiadaig ba port rig gusin riagail, bá h-alaind a n-uair chatha cona h-etach il- datha. Cá h-óc da tuc Find in t- ór in rí direcra dímor, ocus ca mét n-aídchi iarsin cor' scar a chorp ré anmain? Ni dernad engnam budh fherr ana a n-derna Conan Cerr, is Conan Mael ar in maig issin cath ac Berramain. Nir' messa in t-engnam aile a cath laechda Lamraige, ina a n-derna-sa bodéin missi is Diarmait is Oissein. Nochor' ferr engnum fa gréin ina a n-derna Find bodéin, is lind tainic a tharba do ló catha Ollarba. IS truag a n-derna in rí rán is moch do-chuadur 'na dáil, nach mairenn díb sunn ané achtmad missi ocus Oisséin. Adeirim-si riut reime is fír in ní raidim-ne, is uallach ticdis don beind in sluag-sin ro char Cuillind.

Ad-rae buaid &ersir; ben- nachtain, ar Eoghun Lethderg mac Oengusa, &ersir; a Cailti, is truagh in scel-sin ro indisis duinn .i. scél Fir Óig.

Ocus ní cian ro badur ann co faccadur in &mdot;-buidhin moir croda comméite da n-indsaigid ina da &ndot;-dirma .i. ocht fichit sciath-armach in cach buidhin dib, &ersir; ámdabcha da sciathaib donn-chorcra ina timchell, &ersir; fidh-nemed do t-shlegaib urarda ré &ndot;-guaillib, &ersir; gilla dond dighrais degh-alaind in tossach na buidhne, &ersir; mind óir ima chenn i comartha rig, &ersir; brat corcar-glan iman n-óclach aile fa cenn orro, &ersir; cathbarr óir ima chenn. Ocus slechtsat do Patraic &ersir; tucsat a cind ina ucht.

Cia sib-si, a óca? ar Pátraic. Da rig Iarmuman .i. Derg mac Dinertaig meic Maili Dúin missi, &ersir; Flann mac Flaind meic Fhailbe in fer aile. Atá fled mor- cháin acaind duit, a rí Muman, ar na h-óclaig, &ersir; is ferrde lind nóem Pátraic do thabairt duit let d' ól ma fleide, uair maith lind ar crich &ersir; ar ferann do bennachad dó, &ersir; ar &mdot;-béo- maicne &ersir; ar marb-maicne do thabairt dó, uair nir' gabsamar-ne cara cleirig aile achtmad seissium. Ticid-si romaind, ar in rí, &ersir; ro soissim- ne in bur &ndot;-degaid. Ocus ro anadur annsin ind aídchi-sin co tainic la cona lan-soillsi arnabarach. Ocus tainic in sluag-sin uile &ersir; Pátraic cona muintir co Cathair na Cét bodes ar leth-mullach t-Shleibe Mis. Ocus tangadur da ríg Iarmuman ina n-aghaid, &ersir; fersat faeilte re Pátraic &ersir; re rig Muman, &ersir; tucsat screpall soiscela do naem Pátraic .i. tri fichit uingi d' ór &ersir; tri fichit uingi d' airget cach fir dib.

IS annsin ro fhiarfaig Eogan Leithderg mac Aengusa meic Nat Fraich rí Muman do Chailti: Ocus cred 'ma tucad Daire in Coccair ar in inad-so? ocus cred 'ma tucad Druim na Mna Mairbe ar in druim-sea? &ersir; crét 'ma tucad Raithin na Sénaigechta ar in raithin-seo rind andes? Fregrais Cailte sin: is accum-sa atá a fhis, ar Cailte, cen gub núa in ní dia tá.

Feacht n-aen da tainic Find mac Cumaill &ersir; tri catha na Féinde conici-seo do t-sheilg &ersir; d' fhiann- choscur, &ersir; ni cían ro bamar ann co faccamur in t-aen-duine dar n-indsaigid, &ersir; suidhis ar in tulaig-seo inar farrad, &ersir; ben do bói ann, &ersir; leine do t-shroll rig re cnes, &ersir; brat cimsach corcar-glan uimpi, &ersir; delg oir ann, &ersir; inar fann clechtach for-órda uimpi cona ucht-chlar ordaigi ann, &ersir; mind óir fa cenn. Ocus ní suaill in ní ris fa samlata lind h-í .i. re séol-crand luingi lán-moire os ard-mullach, &ersir; rob' uathad accaind nech nar'gab gráin &ersir; ecla &ersir; uruamain re febus delba na mná &ersir; ar a mét. Uair nír' lucht com-aimsire di sinde, uair ba mó issi co mór. Ocus is sé ro bói ar leth-laim deis Find in tan-sin .i. Goll mac Morna, &ersir; tucustar Cailte teist mor ar Goll a fiadnaissi dá coiced Muman annsin: Rob é- sin, ar Cailte, in lám a n- uachtar, &ersir; in tonn báis os borb-buidnib, &ersir; in leoman lonn, &ersir; in cúiced gaiscedach is ferr ro bói a n-Eirinn &ersir; i nd-Albain i com-ré &ersir; í com- aimsir ris féin ar cúl sceith &ersir; chlaidim &ersir; t-shleighe. Uair rob iat- sin cuicir is ferr gaisced ro bói a n-aen-aimsir a n-Eirinn .i. Find mac Cumaill &ersir; Lugaid Lága &ersir; Oscur mac Oissin, &ersir; Goll mac Morna, &ersir; dar mo breithir, ar Cailte, ní do bocassach breithre is mé féin in cóiced.

IS annsin adubairt Find re Goll secha: In faccais riam ben bud mó ina in ben ut? Dar mo breithir ám, ar Goll, ní fhaca &ersir; ní fhaccaid nech aile riam mnái budh mó inás.

Ocus tuc in ingen a laim leabar-gasta amach assa cóim, &ersir; do bídur tri failgi óir uim in dara láim di, &ersir; da fhalaig imin laim aile, &ersir; ba com-remur re cuing a n-imechtraig cach fail díb. Scela is chóir d' fhiarfaige di, ar Goll. Cindus ro fétfaide eiseíc, ar Find, acht mina eirgim-ne inar sessam, &ersir; is cuntabairt da cluine sí sind mar sin fos.

IS annsin ro éirgedur in sluag uile i n-aen-fhecht ina sesum do comrud &ersir; d' imacallaim ria, &ersir; ro eirig sí maraen ríu. Suidh it shuide, ar Find, a ingen, &ersir; tabairt' uillind rissin tulaig mád áil let ní do chloistecht duit uainde &ersir; ní do thuicsin uait. Ocus tuc sí a tóeb rissin tulaig, &ersir; ro fhiarfaig in flaith Find scéla di.

Maith, m' anam, a ingen, ca tír assa tangais, ar Find, &ersir; cuich tú féin? A Tír a n-Ingen aníar mara fuinend grian, ticim, &ersir; ingen rig in tíre-sin mé féin. Ca h' ainm thusa, a ingen? ar Find. Bé Bind ingen Treoin, ingen ríg Thire na n-Ingen missi, ar sí. Cret ima tucad Tír na n-Ingen ar in tír-sin? ar Find. Ní fuil d' fheraib inti, ar inn ingen, acht m' athair-sea cona tri macaib &ersir; .ix. n-ingena &ersir; secht fichit ingen ro geined uada, conid airi-sin aderar Tír na n-Ingen rissin tír-sin. Ocus cá tír as chom- nessa dóib-sin, a ingen? ar Find. Tír na Fer, ar in ingen. Ocus cia is ríg inti-sin? ar Find. Cétach Crob- derg, ar issi, &ersir; ocht meic fichet do macaib aice, &ersir; aen-ingen, &ersir; tuccad missi do mac dó .i. Áed Álaind mac Cétaig Chrob- deirg, &ersir; fá thri thuccad missi dó, &ersir; ro éli-ssa fá thri uada, &ersir; is sí-séo in tres fecht díb. Cret tuc eolus in tíre-seo duit? ar Find. triur iascaire do gluais gaeth assin tír-seo dar n-indsaigid, &ersir; ro indissidar scela in tire-sea duind, &ersir; adubradur óclach maith do beith issin tir .i. Find mac Cumaill, &ersir; massa thussa in t- óclach-sin, ar inn ingen, tanac-sa dot' indsaighid dom' beith ar do chomairchi. Ocus do benastar a l-lámaind di, &ersir; tuc a l-laim i l-laim Fhind. Maith, a m' anam a ingen, ar Find, tabair do láim i l-laim Guill meic Morna annsin, uair ni córa duit do chor na do chomairchi ré h-aen-óclach a n-Eirinn ina rissin n-óclach-sin. Ocus tuc sí a lám i l-laim Guill meic Morna, &ersir; do-rigne cor &ersir; a comairchi. ris.

Ocus is annsin at-conncadur dam imdiscir allta da n-indsaigid, &ersir; araill do chonaib na Feine ina degaid. Léicid 'na aenur don dam, ar Find, a Fhianna Eirenn, uair ní taeb re seilg ar con do-beram anocht, acht taeb re h-óclach éicin d' Fhiannaib Eirenn, &ersir; cait a fuil Find mac Cuain? ar Find. Sunna, ar in t-óclaech. Eirig reomaind dot tigh, &ersir; déntar ar frestal &ersir; ar frithailem. Commáin duind ní do thabairt duid-si, ar Find mac Cuain, uair atait ocht fichit find-airge accum- sa i les-lergaib na Luachra, &ersir; is dít-sa tarras sin uile, a Fhind. Ocus ba do buadaib Find meic Cumaill, cid mor do-berad do neoch nar' máidestar fair riam i l-ló nó a n-áidchi. IS annsin ro eirig Find mac Cuain do fhrithailem Fhind &ersir; na Feinde da dúnad bodein.

Ocus dala na h-ingine, ro benastar a cathbarr caem cengalta da cind, &ersir; ro scailestar a folt find-leabor fír- álaind imma cend .i. ocht fichit dual, &ersir; ba h- ingnad lé cach uile mét ind fhuilt 'arna scailed. Ocus is annsin adubairt Find: A mor-déé adhartha, bid mor in t-ingnad lé Cormac h-úa Cuind lé ríg Eirenn &ersir; lé h-Eithne Ollamda ingin Cathair Moir, &ersir; lé find-bantracht na Feine .i. Bé Bhind ingen Treoin do fhaicsin!

Ocus adubairt in flaith Find ria: Maith a ingen, ar Find, in bec let-su comraind deich cét do thabairt duit? Ocus is annsin ro t-shillestar sí ar in n-abhacc .i. Cnú Deireoil, ro bói ac seinm chruite a fiadnaissi Fhind, &ersir; cid bec, cid mor do-bera-su, ar in ingen, do chomraind don fhir bec út atá ac sefnad na cruite it fhiadnaissi ni bec lim-sa urdail ris.

IS annsin ro chuindig inn ingen digh ar Fhind, &ersir; adubairt: Cáit a fuil Saltran Salfhada? Sunn, a m' anum, a ríg-fheindid, ar in gilla. Tuc let dam lán Cuaich Smera Tuill d' uisci ind atha út. Ocus iss ed do bíth ól tri nonbur don Fhéind isin chuach-sin, &ersir; do-rat leis lán in chuaich-sin, &ersir; tuc i l-laim na h-ingine, &ersir; ro dóirt in ingen ar a bois &ndot;- deis in t-uisci, &ersir; at-ibhestar tri bolguma as, &ersir; ro thócaib a bos asa h-aithle &ersir; ro chraith in t-usici ar in sluag cor' mebaid a &ndot;-gáire orro, &ersir; ro moid a gaire ar in ingin fein léo. Ar do chubus riut, a m' anam, a ingen, ar Find, crét tuc ort gan in t-uisci d' ól assin chuach? Nir' ibhiusa ní a lestar riam, ar inn ingen, ach a lestar risa &mdot;-biad imdenam oir &ersir; airgit. Ocus in dechain ro dechusa thorum, ar Cailte, at-connarc in t-aen- óclach mór dar n-indsaigid, &ersir; gér' mor in ingen ro bo mó eissium, &ersir; tuighnech futairlli air co ticed tar formnaib a gualann, gan ulcha gan fhessóic fair, &ersir; da &mdot;-beidis fir in domain uili ar aen-lathair dar linde, ar Cailti, ní beth díb duine budh áille anás. Ocus brat uaine aen-datha uime, &ersir; delg oir issin brut, &ersir; lene do t-shroll ríg re chnes, &ersir; sciath craebach corcar-derg ara muin, &ersir; claidim ór-duirnd ina laim, &ersir; sleg neimnech uillend-glas ina laim.

Ocus is annsin ro dechastar in sluag uile air, &ersir; uathad accaind acht fír-gaiscedaig nar' gab gráin &ersir; eacla reime, &ersir; ro bói aiccned maith ac Find, ar Cailte, uair nír' gab ecla reim duine riam h-é a ló ná a n- aídchi. IS annsin ro ráid in flaith Find. Na labrad gilla na óclach acaib, &ersir; na gluaissed nech assa inad. Ocus in n-aithnigenn nech acaib síut? ar Find. Is aithnig dam-sa, ar in ingen, iss é-siut in fer ara tanac-sa teiched. Ocus as cuma adubairt sin, &ersir; ro eirig in ingen &ersir; ro t-shuid etir Fhind &ersir; Goll mac Morna. Ocus do-riacht in t- óclach, ar Cailte, dar n-indsaighid, &ersir; in ní ro bói a menmain ind óclaig, ar Cailte, ní raibe a n-aicned duinde eisseíc. Ocus mar thainic aird a n-aird re Find &ersir; re Goll ro thócaib in laim &ersir; tuc sádud sarchlain sleighe ar in ingin, co raibe fat láma laich do crann na sleigi a leith aniar di, &ersir; ro gab in t- óclach in t-shleg, &ersir; tainic reime tar in sluag amach. At-chithi siut, a fhiru! ar Find, &ersir; na bith a menma rissin fiannaigecht tre bithu intí nach tibra a ail &ersir; a urraind ar siut nóco tor- chair lib h-é.

IS annsin ro eirgemar-ne, ar Cailte, tri catha na Féinne a n-aen-uair, conar' fhácad ar in tulaig achtmad triur amain .i. Find &ersir; Goll mac Morna &ersir; in ben beo-gonta; &ersir; gabmáid-ne uile a n-diaid ind óclaig co Raith na Macraide, risa raiter Raith na Caerech issin tan-so, a laech-Machaire Lí thes, &ersir; do Corcaig Maigi Ulad siar, áit i r-rabadur Ulaid i l-longport a forbaissi a Cathair na Claenratha dar' marbsatar Cú Rí mac Daire, &ersir; do Lathair Luingi sís, áit a &mdot;-bidis longa Clainde Dedad, &ersir; d' Inber Labarthuinde ré h-Eirinn aníar .i. Labur ingen Miled Espaine ro báided ann, nó ro labair tonn re tír ann, &ersir; do Thiprait in Laich Leisc síar ar Tráig Lí meic Oidhremail, &ersir; do Rind Chana siar, an bail a tabradais na h- allmuraig a cís chanachuis do Choin Rí mac Dáire cacha bliadna. Ocus tuc a aighed ar in cúan comlethan amach, &ersir; ro bamar-ne cethrur óclach i comfhochraib dó, ar Cailte .i. Diarmait h-úa Duibne &ersir; Glas mac Aencherda Berra, &ersir; Oscur mac Oissin, &ersir; mé féin in cethramad, ar Cailte. Ocus tucsamar aighed ar na ton- naib amach, &ersir; tucu-sa sidhe retha rind-luaith ina degaid, &ersir; tucus sréo n-urchair dó, ar Cailti, co tarla in t- shleg a n-iris a sceith &ersir; ina gualaind chlí, &ersir; co tarla in sciath ar in tuind sis, &ersir; ro frithailiusa in sciath im laim chli, &ersir; tuc-som a laim &ndot;-deis dochum na sleige da buain as, &ersir; tucu-sa sidhe dochum na láma aile, &ersir; ro benus a t-shlegh assa láim, &ersir; in trath ro fhuabrusa a diubrugud da t-shleig fein do-rala remur na tonn &ersir; domain in mara etrum &ersir; h-é. Ocus mar do bamar 'gá t-shír-fhegad at-chonncamar in luing lan-moir aniar cach dirge dar n-indsaighid, &ersir; dias ic á h-imram, &ersir; do-chuaid-sium issin luing inar fiadnaisi, &ersir; ní fhetamar-ne cá leth do-chuadur uaind 'arsin, ar Cailte.

Ocus do-riachtamar-ne aniar conici in tulaig-seo, tri catha na Féine, &ersir; ro fhiarfaig Find scela dind, &ersir; ro indsisiu ar scela ó do-chuadmur noco tangamur aris, ar Cailte, &ersir; ro chuir- semar na h-airm ar lar í fiadnaissi Fhind, ar Cailte. Maith na h-airm- sin, ar in ingen .i. in t-shleg dar' bo com-ainm In Torannchlessach &ersir; In Donnchraebach in sciath.

Dala na h-ingine indister ann. Maith a m' anum, a Fhind, bar inn ingen, dentar m' fhert &ersir; m' adhnacul co maith, uair is ar do chomairchi thanac-sa d' indsaigid Eirenn, &ersir; ar th' einech fuarus bás. Ocus tucustar a failgi don áes dána .i. do Chnú Deireoil &ersir; do Blathnait &ersir; do Daighre cruitire, &ersir; do deilig anam re corp di, &ersir; ro cuired fa thalmain h-í annso. Ocus is uaithe tucad Druim na Mna Mairbe ar in &ndot;-druim-seo, ar Cailte, ocus iss é-sin in scél ro fhiarfaigis dim, a rí Muman, ar Cailte.

Ocus cret 'ma tucaid Daire in Choccair ar in &ndot;- daire-seo, a Cailti? ar rí Muman. In cethrar at-cualaidis lium ic Raithin na n-Ingnad .i. in triur óclach &ersir; in cú ro chocradur ind Fhiann a marbad annso. Cá fochaind choccair ro bói acco forro &ersir; siat acco féin? Nir' thuicsetar ind Fhiann in corugud nó in tinrum tucsat forro, rob é-sin fochaind a cocair .i. longport ar leith acco &ersir; múr teined ar lassad umpu, &ersir; gan nech da feicail assin múr theined-sin co trath do ló arnamairech. Ocus adubairt Find: Ní h-áil lium-sa a marbad etir uair triur is ferr lámach &ersir; luth atá d' feraib in domain iat, &ersir; atait tri h-éladhna acco, &ersir; nír' choir d' feraib in domain a marbad i l-los a n-eladhan-sin do beith acco .i. fir in domain, ar Cailte, do beith a &ndot;-galur &ersir; a n-eslainti, &ersir; in tres fer díb- sin do chur lossa ris do beth slemain slan-chrechtach iarsin. Ocus cach ní athchuingither ar in dara fer do geibther uad. Ocus in tres fer, ar Cailte, esbadha in domain do indissin dó, &ersir; a fhaghbail uad gan esbaid. Ocus ro bói dono imarcraid aicce seoch cach nech díb .i. fedan do bói aicci, &ersir; fir in domain do choiteldais ris gemad mór a n-galur. Ocus in cú immorro, ar Cailte, gen co marbmais-ne uili fiad na míl ni biad uresbaid oraind aice-si.

IS annsin adubairt in flaith Find riu: In fetabair-si cid 'má tucad sib dom accallaim-si? ar Find. Ní fetamur, ar na h-ócláig. Ní tairissi lé fiannaib Eirenn sib-si, ar Find, forna h-eladhnaib do-nithi accu, &ersir; is áil léo a fhocra dáib-si imthecht imslán &ersir; bur tuarustal do tabairt duib. Cá h-olcc do-rindsemar, ar na h-ócláig, ind uair fhócarthar imthecht duind? Ní fhetamur, ar in Fhiann, bur n-olcc, acht abhaissi accaib nach faccamar- ne &ersir; nach cualamur do denam do dáinib reomaib riam .i. múr tened umaib cach n-áidchi, &ersir; nach áil lib nech da bur faicsin ó thic ind adhaig chucaib, &ersir; curthái in múr tened-sin umaib. Ocus cid in t-olc duib- si sin do denam duind, a Fhind? bar na h-ócláig, uair ní h-oraib-si traiscermid, cach maith do-génam is lib-si h-í. IS annsin adubairt in flaith Find: Glor dáinead so-chinelach sin, ar se, ar tabairt fhala nó achmusain dam-sa dáib na do neoch d' Fhiannaib Eirenn ni recha do ló na d' áidchi, &ersir; ní rob ail lium-sa d' fhiar- faige díb, ar Find. Da raib a fhis accaind, ar na h-óclaig, indestar duit-siu h-é. Cá h-anmanna atá oraib-si? ar Find. Atá Dub orum-sa, ar in t-óclach do-nith in leighes. Atá Ágh orum-sa, ar in t-óclach medhónach. Atá Ilar orum-sa, ar in t- óclach aile. Ocus adubairt Cailte ac tabairt tuaruscbala na fer-sin &ersir; na con: Dub ocus Agh is Ilar inmain triar fá cáem inad, ocus Fermac, maith in cú bidh a medhón eturrú. Longphort ar leith accu amach o longport na Fiann fuilech, connach aithned nech ille in cethrur án oirdnnighe. cethrar tangadur í cein ní ro aithnestar Find féin, 's nír' ro aithin nech don t-shluag in cethrur álaind adh-fhúar. INadh ar leith accu amach o longport na n-Eirennach, conna taidhled nech a tech mina thaidhlid meraig- thech. Múr teined umpu, mo nuar bith 'na uisci cach ré n-uair, connach téiged nech amach co trath éirge arnamairech. Nochur' loited aen-fher riam do muintir Fhind flaith na Fhiann, ní raibe a n-gabad na a &ndot;-gub na slanaigfe fos in Dub. Dub.

Ocus imthighid da bur tigh, ar Find, &ersir; in comfhat bias duine am degaid-si bíthí-si &ersir; in muinterus na fuarabair do-gébthai bodesta. Ocus is uime-sin, ar Cailte, tucad Daire in Chocair ar in daire-seo do fhiarfaigis dim, a rí.

Ad-rae buaid &ersir; bennacht, ar Eogan Leith- derg rí Muman re Cailte, is maith d' fhuasclais in dana cheist-sin; &ersir; atá in tres ceist acut gan fhuaslucud .i. cret 'ma tucad Raithin na Sénaigechta ar in raithin-seo? ar in rí.

Laithe n-aen da raibe Find annso ina t- shuidhe &ersir; tri catha na Féinde, ar Cailte, &ersir; at-conncamar triar scoloc mael-ruad dar n-indsaighid, &ersir; tri coin ruada ina lamaib, &ersir; tri slega accu' &ersir; neim ara n-armaib &ersir; neim ara n- étach &ersir; neim ara lámaib &ersir; neim ara cossaib &ersir; neim ris cach ní risa &mdot;-bendais. Canas tangabair, a fhiru? ar Find, &ersir; cuich sibh féin? tri meic Uair meic Indaist sind, ar siat, do Thúaith Dé Danann, &ersir; óclach dot muintir-si do marb ar n-athair i cath Túaithe Dé Danann i Sliab h-Én tair, risa n-abur Sliab Aighi meic Iughaine, &ersir; tangamar d' iarraid eirice ar n-athar ort-su, a Fhind, ar siat. Fata co tangabair da h-iarraid, ar Find. Ní fhetamar, ar siat, nach iat meic Midhir do chuir in cath-sin nó co tangais-si co feis na Temrach, &ersir; co fetadar fir Eirenn conid tusa ro gab braigde Túaithe Dé Danann do macaib Midhir issin cathsin. Ocus cá h-óclach dom muintir-si, ar Find, ara cuirthai-si, ar Find, marbad bar n-athar? Ar Cailti mac Rónain, ar siat. Dar mo breithir ám, ar Find, is sé in seissed fer ro bói am fharrud-sa ann, &ersir; cá h-anmanna fuil oraib-si? ar Find. Ainhgel &ersir; Dighbail &ersir; Espaid a n-anmanna, bar iat-som, &ersir; cá fregra do-beire-si foraind, a Fhind? ní thuc duine reomum-sa éiric án duine do muirfíde a cath, &ersir; ní mó do-bér-sa, ar Find. Do- génam-ne foghail &ersir; díberg fort, ar iat-som. Cá fogail-sin? ar Find. Atámaid triur brathar, ar siat-som, &ersir; do-genam foghal ar leith cach fir uaind. Do-gén-sa tra, ar Aincel, in triar no in dias nó in cethrar don Fheind teicemus dam, gebat a cossa &ersir; a l-lama uili riu. Do-gen-sa dono, ar Dighbail, ní rech-sa lá uaib gan esbaid chon nó gilla nó óclaig d' Fhiannaib Eirenn. Ní rech-sa uaib dono, ar in tres fer .i. Espaid, gan esbaid droinge nó daime nó choissi nó laime nó leth- tshula oraib. Acht muna fhaghbam ní dar cobair orro-sin, ar Cailte, ní bia duine a &mdot;-bethaid a cind bliadna acaind.

IS annsin adubairt in flaith Find: Maith, a Fhianna Eirenn, ar se, dentar dúnad &ersir; degh-baile accaib anso i fail i tardhadur síut mé, uair ní bíu-sa reompo sechnoin Eirenn &ersir; iat- sum am deghaid nocho findam cia uaind bus treissi. Ocus ro eirgedur ind Fhiann annsin, &ersir; do-rinde cach taissech Féine raithin &ersir; dúnad uime féin &ersir; uma foirind óta foradh-mullach t-Shleibe Mis aníar conice seo, ar Cailte. Is dóig lind, ar rí Muman, is uime tucad Raithin na n-Othrus ar na raithinib- seo. IS uime, ar Cailte, uair mí &ersir; raithe &ersir; bliadain ro ansat annso, &ersir; in triar-sin ac denam cach ain- cissi &ersir; cacha h-urbada rissin Féin, ar Cailte. Ocus is annso do- nithea an othrus na Féine ó na lotuib rissin.

IS sí-sin áes &ersir; uair do-chuadur tri meic rig na h-Iruaidhe ro bói a comaitecht Fhind da accallaim in lá-sin, &ersir; rucsat leo h-é ar fót scrutan gaisse fo leith, &ersir; adubradur ris: Maith, a m' anam, a Fhind, ar siat, in cú atá acainde is áil lind a tabairt duit-si a timcheall .i. fecht fa thri cacha tratha, &ersir; cid sochaide bias ar tí th' uilcc-si do denam nó fhoghla ort nocho ria léo ón trath co cheile acht na raib teine nó arm nó cú a n-aen-tigh ria uair geis di ní dib-sin a n- aen-tigh ria. Ni bia immorro, ar Find, ní díb-sin a n-aen-tigh ria, &ersir; ro sia immorro slán in cú chucaib-si. Ocus is amlaid ro léicthea cacha tratha in chú chuind Find, &ersir; a slabrad druimnech derg- óir imma braigit i r-rabadur .l. conchlann d' or forloiscthe, &ersir; ticed in cú fecht fa thrí fan cuma-sin a timchell Fhind &ersir; do-beread a tengaid fa thri fair. Ocus in drém ba nessa dó andar léo ba dab- hach medha 'arna h-imscagad ro bói ann don boltunud ticed di, &ersir; dar leisin &ndot;-droing aile ba baladh abhall-guirt chubra in boltunudh ticed di in trath ticed istech cum Find. Ocus do-rindset in triur-sin, ar Cailte, foghla mora ar in Féin rissin &mdot;- bliadain-sin, &ersir; cach othrus &ersir; cach olcc do-nith Ainchél risin Féin re bliadain do chuired Dub mac ríg na h-Iruaithe a lus &ersir; a leighis rís, comba slán iat arnamairech, &ersir; in tí risa n- dénad Espaid &ersir; Dighbail olcc do-níth Ágh &ersir; Ilar a furtacht &ersir; a forithin.

IS ann at-clos do Chormac h- úa Cuind, ar Cailte, na náimdi-sin ic denam uilcc ar Fhind, &ersir; is uathaib-sin, ar Cailte, atait na sen-fhocail urdraice .i. intí risa &mdot;-benad urbaid nó espaid iss ed is gnath-fhocul ann tarraid Ainhcél tú, &ersir; is gnath-fhocal fós tarraid Dighbail &ersir; Espaid tú, intí risa &mdot;-benad dighbail nó espaid.

IS annsin, arsi Cailte, do-rigned tinol &ersir; toichestal ac Cormac h-úa Chuind, ac ríg Eirenn. Ocht catha fichet &ersir; deich cét ar fichit cét cacha catha conice in tulaig-seo do chungnum lé Find &ersir; re Fiannaib Eirenn. Ocus ferais Find faeilte re Cormac &ersir; re maithib fer n-Eirenn archena, &ersir; ro indis Find in mor-éicin-sin i r-raibe &ersir; na Fianna rissin &mdot;-bliadain-sin, acht muna beitis tri meic rig na h-Iruaithe ic ár cabair 'na n- agaidh. Cid, ar Cormac, in lucht ica fuilet na h-eladhna-sin nach fuighbitis do t-shén nó do t-sholad nó d' eladhain ní do-bérad a h-Eirinn iat-som? Ocus is annsin adubairt Cormac rium-sa, ar Cailte, dul ar cenn tri mac rig na h-Iruaithe. Do-chuadhus &ersir; tucus lim iat d' indsaigi Chormaic &ersir; Fhind &ersir; maithe fer n-Eirenn, &ersir; at-chonnairc Cormac iat. Álaind na fir, arsi Cormac, &ersir; maith a &ndot;-delb &ersir; a tuaruscbail. Ocus maith, a maccu, ar Cormac, in fuighbed sib sén na solad ro díchuirfed na trí náimde út a h-Eirinn neoch ata ac milled Fhiann Eirenn? Da faghmais iat, ar na h-óclaig, a comfhocus duind ní ris a fuaicérmais doib imthecht, ro dingébmais d' feraib Eirenn iat. Ocus cait a fuil Agh mac ríg na h-Iruaithe? ar Find. Sunna, ar in t-óclach. Cáid a fuilet na tri naimhde ut millis Eirinn? Ataid i Carnn Daire sunn a cind in longpuirt, ar Ágh. Ocus cait a fuil Garbchronan &ersir; Saltrán Salfhata? ar Find. Sund, a ríg- fhéinnid, ar na gilli. Eirgid ara cend sút &ersir; apraid ríu do-ber-sa breth rig Eirenn doib ina n-athair. Ocus tangadur na gilli reompo ara cend conici sin, &ersir; ro indissidur sin doib, &ersir; tangadur-sum d' indsaighid Chormaic &ersir; Fhind leis na techtairib- sin, &ersir; ro t-shuidhedar in triur-sin ar clad na ratha-sa, &ersir; ro bói Cormac ann ocht catha fichet, &ersir; ro bamar- ne tri catha na Féine, ar Cailte.

Iss annsin adubairt Cormac: Eirig, a Duib meic ríg na h-Iruaithe, &ersir; fuacair dóib siut re sén &ersir; re solad Éire d' fhagbail. Ocus ro eirig Dub &ersir; adubairt: Eirgid a nert in t-shéin-seo &ersir; in t-sholaid, a tri náimhde tuath- chaecha les-baccacha leis-bréna, leth- tshúilecha leith-cherra, do t-shil uilcc ingnathaig a grian- broghaib ifirn anís &ersir; do t-shil Buadnaite ingine Irhuaith .i. ingen ind fhir ro gabustar &ersir; ro thidnaic in fir-Dia for-órda &ersir; tigerna na n-uile dáine i l-lámaib na n-Íubal n-amirsech. Ocus eirgid ar in sáile serb-domain amach, &ersir; gabad cach uaib do claidim i cend- mullach a chéile bar triur brathar. Uair is leór a fhat atathi ac fogail &ersir; ac díbeirg ar in ríg-fheindid forglidhe fír-brethach .i. ar Fhind mac Cumaill. Ocus imthighid dochum bar &mdot;-bunad-chineoil athar &ersir; mathar &ersir; sen-athar .i. grian-bruignib ifirn sís, &ersir; co ro loisce teine sib ann!

IS annsin ro thócaib in cú a láe &ersir; tucastar gáith fuithib anís dóib, &ersir; tangadur rompo amach ar in muir torthaig taeb-úaine, &ersir; do gab cach díb da claidmib a cend araile co fuaradur bas amlaid-sin a triur brathar &ersir; co &ndot;-eachadur a n-ifirrn.

Cailte cecinit:

Do-chuadur siat uaind amach ar in muir fa mor- thonnach, cor' marb cach dib a chéile cid ed ba mor conféire. Aincel, Dighbail is Espaid fuaradur bás anbfhassaig, ro báid muir is ro loit arm in triar imai&ndot;cel acgarb.

Ocus is uimin sén-sin tucad Raithin na Senaigechta ar in raithin-seo, ar Cailte.

IS annsin adubairt Flann mac Flaind &ersir; Derg mac Dínertaig: is duinde bód chóir in sén-sin d' iar- raid, a m' anam, a Chailti. Cá fáth ón? ar rí Muman. Ocht triucha cét atá ac cach fhir acaind im dís-seo atámait .i. rigi Iarmuman sin uili, &ersir; ind uair as áes &ersir; as uair duind ar trebaire do buain tecait tri h-elta don muir aniar chuccaind &ersir; guib chnama léo, &ersir; anala tened assa m-braigdib, &ersir; is com-fhuar re gaith n-erraig in gaeth tic assa n-eitib, &ersir; ind uair is áil lé cách lam a cend na &ndot;-gort teccaid-sim chuccaind, ar Flann mac Flaind, &ersir; iss ed ro soichenn én a n-aghaid cacha déissi don gort accaind, &ersir; berait-sium léo a n-aen-fhecht h- é cacha bliadna, &ersir; berait in fecht tanisi léo connach fácait ubhall ar abhaill, na cnú ar cúll, na caer ar cáirthend gan breith dóib léo, &ersir; in tres fecht tecait, ní fácbhait min-én na oissén ar lár, na baeth-lenum becc, na ní is tualaing iat do thócbail nach berait léo. Ocus cáit assa tecait? ar Cailte, nó crét iat féin, nó co lus tíagait? Drem acaind ic á ráda, ar Derg mac Dinertaig, corub a síd-bhrughaib ó Thúaith Dé Danann tecait. Drem aile 'gá ráda is énlaith a h-ifirrnn iat do dénam uilcc &ersir; écora ar feraib Eirenn, &ersir; cip é inadh assa teccat, ar na h-ócláig, ní fuil acainde acht in crich-so &ersir; in ferann d' fhácbail dóib, uair ní fhétmaid a fulang ní as sia.

IS annsin adubairt Cailte re Pátraic: Cáit a fuil tigerna ind eolais &ersir; na ríme .i. naem Patraic? Fiarfaigi rob ail lem dít. Da raib accum-sa a fis, ar Pátraic, do geba-su, uair minic lium-sa fiarfaige do denam dít-su. Cá bliadain a m-bí mí gan éscca, ar Cailte, &ersir; ésscca gan mí, &ersir; mí con-geib tri h-ésccsa? Bliadain quartill, ar Patraic, bís eter da míli bliadan .i. mile roimpi &ersir; míli 'na deghaid, &ersir; in cét-mí bís don bliadain- sin, ar Pátraic, iss é bís gan ésscca, &ersir; in mí is nessa, ar Patraic, bith ésscca ann, &ersir; ní bí mí aca tre mí fáe &ersir; in tres mí, ar Patraic, gabaid tri h-ésscca fair .i. in cét-ésscca don cét-mí ro áirmemar í tur ar cesta reomaind &ersir; in cét-éssca don raithe reomaind in mí cétna gabus, &ersir; in trés ésca, ar Pátraic, éssca callanraid aéoir bunaid in mís-sin h-e, ar Pátraic.

Adráe buaid &ersir; bendachtain, a naem Patraic, ar Cailte, &ersir; mo chin tainic a n-geinemain fer n-Eirenn in la tangais da n-indsaigid. Uair ro bói deman a &mdot;-bun cach én-fheornin inti reomut, &ersir; atá aingel a m-bun cach én-féoirnin aniu inti. Ocus mo chin d' fheraib Eirenn at-chichera tusa, &ersir; in drem nach faicfe díb thú, &ersir; is siat t' fherta-su &ersir; do mirbuile fhoighenus dóib. Ocus maith m' anum, a Patraic, ar Cailte, &ersir; cuin in bliadain quartill-sin adubartais rim? In cét-adhaig aráeir di, ar Pátraic. Ocus in mí chongbus na tri h- essca, ar Cailte, cuin tic? Ind adhaig amairech adhaig a thossaig, ar Pátraic, &ersir; in lá má n-airther. Ocus cuin is abbaid bar n-guirt, a Deirg meic Dínertaig? ar Cailte. Muna thairisit in dám ainceil enlaithe sin iat do-gentar buain amairech acaind, ar in t-óclach. Cuin t-shailtí in énlaith-sin do thuidecht chuc- caib? ar Cailte. Amarach co deimin, ar Flann mac Flaind. Com-aimser in láe amairech tucustar Dub mac rig na h-Iruaithe séon &ersir; solad do thri macaib Uair meic Indaist dar' marbsatar airm iat &ersir; dar' báid tonn tuile a triar brathar. Ocus cid dam-sa dono, ar Cailte, gan sén &ersir; gan solad do thabairt amach do Fhlann mac Flaind &ersir; do Derg mac Dinertaig, do da rig Iarmuman .i. ar in n-énlaith tic da n-aidhmilled cacha bliadna, ind ainm na Trinoite nar' cumscaiged &ersir; nach cumscethar.

Ocus at-racht reime co moch arnamairech, &ersir; maithe na cuiced Muman, &ersir; Patraic maraen ríu co formullach t-Shleibe Mis suas. IS annsin do-riacht ind enlaith d' indsaigid na &ndot;-gort amal ticdís gacha bliadna, &ersir; at- chonnairc cach, &ersir; ro laighetar ar na gortaib, &ersir; adubairt Cailte:

Eirgid, a clanna Rúadmaili ingine Rugatail, do t-sil muilleorach ifirrn.

Aidhmillis crod &ersir; biad &ersir; ór &ersir; airget in domain &ersir; a uile il-maine archena, &ersir; ara &ndot;-dentar cruinde &ersir; cessacht co cuirter a &mdot;-bél in muilind-sin h-é co &ndot;- dénann min &ersir; luaith de.

Ocus eirgid, a chlann Bolccain meic Nemid, ar Cailte, is messa atá &ersir; bias, &ersir; eirgid le nert in t- shéen-seo &ersir; in t-sholaid, ar Cailte, ar in muir toghaide tul-guirm amach, co marba cach araile &ersir; a cheile uaib ann, &ersir; co &ndot;-derna min &ersir; luaith díb, &ersir; nach fetabair in t-apstal firen fir- brethach indsi Gáeidel .i. naém Patraic mac Alpraind, cenn crabaid &ersir; irsi Gaeidel. Ocus imthigid-si ar in sleib fiadnusi, &ersir; fácbaid Eirinn dó-sin, uair ní cubhaid duib-si beith re aghaidh-sium inti.

IS annsin ro eirgedar inn enlaith risin forchanad sin tuc Cailte doib, &ersir; tangadar rompo amach ar in muir, &ersir; ro marbsatar cach díb a chéile da &ndot;-gobaib cnama &ersir; da n' análaib teintidi. Corub Carrac na h-Énlaithe ainm na cairrge os ur t-Shleibe Mis ar in muir amaig, &ersir; conid sén na n- én dona gortaib ainm in t-shéin-sin ó sin anall. Ocus adubairt Cailte: Sén na n-én dona gortaib. Maith mo thurus, a Deirg déin da bur torachtain a céin, dar' cuiris enlaith amach h-uaib ar muir n-uathmair n- ainbthech.

IS annsin ro coisric Patraic in crich &ersir; in ferann, conna tainic h-uath na amait na aidhmilled inti o sin amach. Ocus tainic in sluag ínunn issin &ndot;-dúnad &ersir; Patraic maraen ríu, &ersir; ro badur ann co cenn sechtmaine co subach soccair ac ól na fleidhe-sin. Ocus isse é ba rí Connacht in tan-sin .i. Aed mac Muiredaig meic Fhínnachta in tan ro cuired inn énlaith-sin a h-Eirinn.

IS and ro bói rí Connacht in tan-sin ac Dún Léoda Loingsig, &ersir; fledh mor aicci ann 'gá tóchaithem, &ersir; tainic adaig n-aen ann amach re fuined nona ar in faithche fér-glais, &ersir; mar do bói co maithib a muintire uime co facaid in n-ingein mín mong-buide ara leth-laim, &ersir; ní fhaccaid don t- shluag h-í achtmad in rí a aenur, &ersir; ba h-ingnad séol na h-ingine. Canus tangais, a ingen? bar rí Connacht. Assin Brug brec-sholus anair, ar inn ingen. Cret ima tangais? ar in rí. Lennan dam thusa. Cia darab ingen tú? ar in rí, &ersir; cia th'ainm? Aillenn Ilchrothach missi, ar in ingen, &ersir; ingen do Bodb Derg mac in Dagda. IN fedrais, a anam, a Aillenn, ar in rí, slaetan trom-galair dom gabail-si, ar in rí, &ersir; deocha dian-éca d' faghbail dom athair &ersir; dom mathair, &ersir; in Tailgenn naem Pátraic dom thath-bheougud-sa, &ersir; do naidmm sé aen-ben do beith acum .i. Aiffi Ilchrothach ingen Eoghain Leith- deirg .i. ingen ríg Laigen. Dar mo breithir cena, ar in rí, ní fhacca-sa ben bud fherr lem do beith acum anai-ssiu, acht muna beth smacht in cleirig orum &ersir; ecla Rig nime &ersir; tal- man. Ocus maith, m' anum, a ingen, ar in rí, ind ail let-sa t' faicsin do maithib in choícid? Is ail immorro, ar in ingen, uair ni ben t-shirrachtach t-shidhe mé, acht mad do Thuaith Dé Danann &ersir; mo chorp féin umum. Ocus ro thaispen in ingen h-í don t-shluag, &ersir; ní fhaccadar riam roimpi na degaid ben budh cháime 'nás. Ocus cá breith beire orum-sa, a rí Connacht? ar inn ingen. Bérat immorro, ar in rí, in breth bérus naem Pátraic. Do-bér- sa duit h-í.

Is annsin adubairt in rí ré mor-seisir da muintir dul ar cenn naem Pátraic do Cathair na Claen- ratha bodes, co mullach t-Shleibe Mis, &ersir; do-chuadur rompo co rangadur conici sin, &ersir; fuaradur Pátraic ann.

IS annsin ro thimain Patraic ceilebrad do da cóiced Muman, &ersir; fácais bennacht accu, &ersir; tainic roime maraen risna techtaib-sin co rainic co Beind in Bailb, risa raiter Benn Gulban, i Maenmaig. Ocus is annsin do-riacht Áed mac Muiredaig meic Fhinnachta, rí Connacht, i coinde nóem Pátraic, ó Dún Leóda Loingsig co Beind in Bailb, risa raiter Benn Gulban, &ersir; tuc rí Connacht a chenn a n-ucht Pátraic, &ersir; ro t-shlecht dó, &ersir; tuc comus a chuicid o bic co mór dó. Ocus ro bói in rí ac indissin tuirrthechta na h-ingine do Patraic, &ersir; in tussa in ingen tuc grád do ríg Connacht? ar Pátraic. Is mé, ar in ingen. Ocus maith, a m' anum, a ingen, ar Patraic, is maith do delb &ersir; do tuaruscbail, &ersir; crét chothaigis sib a rind bur crotha &ersir; bur &ndot;-delba mar sin? ar Pátraic. Cach áen ro bói ac ól fhleide Goibnind acaind, ar in ingen, ní thic saeth na galur ríu. Ocus maith, a m' anum, a naem-chleirig, ar in ingen, caide do breith orum-sa &ersir; ar rig Connacht? Is maith h-í, ar Pátraic. Ro chindistar in rí do Dia &ersir; dam-sa, ar Patraic, a beith ar aen-mnái chengailti, &ersir; ní fhuil acainde dul tar in cinded-sin. Ocus missi no, bar in ingen, crét do-gén bodesta? Dul do thigh &ersir; do t-shíd, ar Pátraic, &ersir; mád toisce ingen ríg Laigen anai-ssiu do beith-si d' aen-mnái acind fhir da tucais seirc &ersir; inmaine ó sin amach. Ocus da tucair-si adhmilled láe nó áidchi ar in ríg no ar in mnái, ar Patraic, millfet-sa tusa nach fá h-ail let mathair nó lét' athair nó ret buimme nó ret t' aiti t' fheicail.

Patraic cecinit:

A Aillind, a fhial- chorcra a ingen Buidb, ní dechub duit iarmarta táet reomut cot chuirm. Nír' bo eolus sidchaire toidhecht co Beind &mdot;-Bailb, nir' bo engach fhir-gadhair rechaid riut in pailm. Bidh cáem ar ar comairchi in ingen do chéin, soisscela Crist cumachtaig dar comét ar péin. Beindechat-sa in cóiced-so om chonn is om cheill, connach loitet allmuraig co millit fadéin. Na déna duind tabhartha a ingen mín mas, eirig is beir bennachtain is imthigh fá blas. A Aillind.

Ocus ind h-í-sin dáil chinti fuil acut? ar in ingen gan mo thabairt-si don rig cen bias in ben út aici? Is sí immorro, ar Pátraic. Cret fuil ann, a naem-chleirig. ar in ingen, acht ar fír do breithri riut, damad thusca ben in ríg anú-ssa, mo thabairt-si dó. Adeirim a fiadnaissi m' fhírinde, ar Pátraic, mád tóisci co tiubarthar thusa dó.

Ocus is annsin ro chaiestar in ingen co falcmur fír-throm. Is inmain let, a ingen, missi, ar in rí. Is inmain ám, ar in ingen. Ní fuil don droing daennachta nech is annsa lim-sa anai-ssiu, ol in rí, acht na fétaim techt tar slanaib &ersir; tar senad in Tailgind &ersir; Dia. Ocus at-racht in ingen roimpe dochum a sída 'arsin, noco tabair in scel fuirmed doridhissi furri.

IS ann ro badur in sluag &ersir; Patraic &ersir; Cailte co cenn teora lá &ersir; téora áidchi ina degaid-sin ac Beind in Bailb, &ersir; tangadur 'arsin rompo co rangadur Fert Fiadmóir ar Machaire in Scáil, risa raiter Mag n-Áe meic Allguba isin tan-so, &ersir; ro t-shuidhetar in sluag uile ann, &ersir; suidhis Pátraic, conid Suidhi Pátraic ainm in inaid-sin.

IS ann ro ferustar rí Connacht faeilte ré Cailte &ersir; ro fhiarfaig de: Maith, a m' anum, a Chailti, cret má tucad Fert Fiadmoir ar in n-inad-so, &ersir; créd 'ma tucad Cnocc in Chircaill ar in ard-so thiar, &ersir; cred fa tucad Cnoc in Chongna ar in cnoc-sa re thaeb?

Fert Fiadmoir &ersir; Cnoc in Chircaill &ersir; Cnoc in Chongna.

Fregrais Cailte in cheist-sin, doig ro bói a fhís aice in ní dia raibe. INgen mor-grádach maith ro bói ac Find mac Cumaill, ar Cailte, dar' bo chom-ainn Aí Arduallach ingen Fhind, &ersir; ro chuindig Fiadmor mac Airist, rí Alban, anall h-í ar a athair .i. ar Fhind. Ocus adubairt Find damad maith lé féin feis leis ní tibred- sum éra fair. Ocus ro fiarfaiged don ingin-sin, &ersir; adubairt na fáefad lé fer leth-amaich d' Eirinn. Ocus is annsin adubairt Find re ingin: In duine do ér tú, a ingen, do- bér-sa thú dó .i. do rig Alban. Ocus do bói lendan acin ingin a Fiannaib Eirenn .i. Ailbhi Armderg o Athlis a h- ochlachaib Fheda Gaible anall, &ersir; is annsin adubairt h-Ái Ardual- lach: maith, m' anam, a Ailbhi, cindus do-ni-si frium-sa &ersir; Find acom thabairt do ríg Alban? Iss ed adubairt Ailbhi: Éirig-si ar comairchi Guill meic Morna &ersir; Fhiann Eirenn gan tochmarc foréicne ort. Is annsin do t-shnaidm in ingen a comairchi ar tri h- aicmedaib cutruma ro bói issind Feind .i. ar Chlannaib Morna &ersir; ar Chlannaib Baiscne &ersir; ar Chlannaib Nemnaind, &ersir; naidmis ar in Feind uile a comairchi, &ersir; faemait in Fhiann.

Ocus is sí aes &ersir; uair tainic Fiadmor mac Airist, rí Alban, tri catha mora co Traig Eochailli &ersir; a da brathair maraen ris .i. Circull &ersir; Congna a n-anmanna. Ocus rainic fis uaithib co Find conici in carnn-sa ar cenn a mná, ar Cailte, &ersir; ro érastur in ingen-sin, &ersir; at-bert-som muna tuctha dó h- í cath d' fhogra ar in Féind o ríg Alban, &ersir; adubairt nach rachad a h-Eirinn nó co &mdot;-bered béo nó marb a mná leis nó cenn Find. Ocus adubairt Find: Eirget triur uaib, ar Find, co h-Es na n-Én botuaid, risa raiter Es Dara aníu, &ersir; dénat foraire &ersir; forcomét ar na h-allmurchaib atá ar Tráig alaind Eochaille thuaid. Ocus ro fregramar-ne triúr don Fhéin sin, ar Cailte .i. mé féin &ersir; Diarmait ó Dúibhne &ersir; Oscur mac Oissin. Ocus amal ro siachtamar- ne co cenn na trága at-chonncamar in triúr fer mor dar n-indsaighid, &ersir; ro chomraicemar ar lar na trága ar seisser óclach, &ersir; ro fhiarfaigem-ne scela díb, ar Cailti, &ersir; ro indisetar rí Alban do beith ann triur óclach .i. h-é féin &ersir; a dá brathair maraen ris .i. Circall &ersir; Congna, d' iarraid baegail echta ar in Fein.

Dar mo breithir ám, ar Cailti, damad áil lib-si ail nó esbaid ar in Féin do-béradh sib orainde bur n- aghaid, &ersir; ro bad olcc le Find sind. Ocus damad esbaid sib, ar rí Alban, cid duinde gan bur n-esbaid air?

Ocus annsin ro chomraicemar, ar Cailte, comrac fuilech fobartach fír-neimnech, &ersir; ro luathaigit láma lind, &ersir; ro bailcit beimenna, &ersir; co cruadaigit craidida, &ersir; ro tairssit traigthi. Ocus ro bámar-ne ar in comrac ó fhuined nell nóna co tainic maiten arnamairech, co rabadur ar cuirp ina cró-lintib fola, &ersir; cid ed tra is sinde fa trén issin chomrac, ar Cailte, issin maitin arnamairech, &ersir; ro bensumar a tri cind díb-sium. Ocus ro chocrumar comairli do dénam .i. cind in trír do breith lind &ersir; tiachtain ar ar n-ais, &ersir; ro loccamur in comairli- sin, ar Cailte, &ersir; ro impaimar dochum na loingsi ar in traig, &ersir; ro marbsum tri cét óclach díb inar cét- chuindscléo catha, &ersir; ro dáilset na tri catha oraind, &ersir; ro bamar ac cathugud riu ré h-ed in chaem-laithe cháidchi, &ersir; ind uair at-chonncadar-sum a trénfhir do thuitim ro mebaid díb dochum a long &ersir; a lú-bárc. Ocus tangamar-ne co créchtach cró-lintech as.

Ocus is annsin ro gab eacla in flaith Find ass ar los-ne, &ersir; adubairt: Eirgid, a Fhianna, ar se, a n-degaid in trír óclach do-chuaid úaib, &ersir; in trath do eirgetar in Fhiann, ar Cailte, ina tri cathaib cengailti, is annsin do-riachtamar- ne conici in tulaig-sea, ar Cailte, &ersir; do chuirsimar na tri cind ar lár a fiadnaissi Fhind. Ocus adubairt láid: In triur do-chuadmur bothuaid in n-dáil catha claidim-ruaid, ro marbamar cét cach fhir, ar in tráig álaind aen-gil. Mé bodéin is Diarmait donn ocus Oscur aith étrom, ro marbsum tri cét 'sin cath do t-shluagaib na n-allmurach. Tucsamar lind na tri cind nochur'b é in turus trúag-tim, corub díb o sin ille na tri tulcha toghaide. Adeirim-si rit reime is fír in ní raidim- ne, tucus cend Fiadmoir, fir dam isin n- iarnoin ar n-imscar. Ba mor ar &mdot;-brig iss ar &mdot;-blad mor ar n-einech 's ar n-engnam, ní raibi ac imarcur sciath nach dingébmais inar triar. IN triar.

Ocus is missi ro marb Fiadmor, &ersir; Diarmait ro marb Circull, &ersir; Oscur ro marb Congna, &ersir; tucad na tri cind-sin ar na tri tulchaib-seo, conid uatha atáit na h-anmanna-sin orro, &ersir; conid cath Tragha Eothaile ainm in catha-sin isin fhian- naigecht.

Ad-rae buaid &ersir; bennachtain, a Chailti, ar rí Connacht, &ersir; da mád áil let, séoit &ersir; maine do-rechad duit. Is ferr-de thusa a tairgsin-sin, &ersir; ní ricim-si a les iat.

IS annsin tangadur na sluaig reompo co Breicsliab .i. Sliab Formaile i Connachta, risa raiter Sliab Formaile i Connachtaib isin tan-so, &ersir; co Suide Find a mullach in t- shleibe, &ersir; mar do t-shuidhidur ann ro moidedur déra co tróm falcmur tar a gruaidib do Chailti ac feicail inn inaid a &mdot;-bíth Find mac Cumaill ina t-shuidhe. Ocus créd do- beir cáí ort, a m' anam, a Chailti? ar rí Connacht, &ersir; in ac feicail in inaid a &mdot;-bid Find ina t-shuidhe &ersir; Formaile na Fiann? Iss ed immorro, ar Cailte, uair rogha selga na gnath-Fheinde in sliab-so, &ersir; Loch na n-Eillted, risa raiter Loch Formaile isin tan-so, &ersir; Cluain na Damraide, risa raiter Cell Tulach isin tan-so, &ersir; baile sin Conain Máil meic Morna, &ersir; Ros na h-Echraide risa raiter inn Airm isin tan-so, bail a &mdot;-bídis drong d' a echaib na Feinde, &ersir; Dún Saltrain Sálfhata, risa raiter Cell Chaimin ar Succa, &ersir; co Moin na Fostada, risa raiter Moin in Tachair Conneda isin tan-so, &ersir; co Carraic ind Fhomorach, risa raiter Dún Mor isin tan- so.

IS annsin ro fhiarfaig rí Connacht do Cailti: Can do Fhind mac Cumaill? Do Laignib, ar Cailte. Cá tuath do Laignib? ar in rí. A h-Íb Tairrsig Laigen, ar Cailte. Ca baile issin tuaith-sin. ar in rí. A Glaissi Bulgain, ar Cailte. Ocus adubairt Cailte: Find mac Cumaill, meic Threduirnn, meic Trenmoir, meic Cairpri Garbsroin, meic Fiachach Fobric, a Glaissi Bulgain de h-Uaib Failge. Ocus can da máthair dono? ar rí Connacht. Muirnne Munchaem, ingen Taidg meic Nuadat, do Thúaith Dé Danann. Ocus rob é-sin in lam thoirberta sét &ersir; maíni &ersir; indmusa iarthair thuaiscirt in betha, &ersir; rob é-sin in cóiced gaiscedach is ferr thainic ar cúl sceith &ersir; chlaidim, &ersir; ba ferr uim thidlucud set &ersir; tuarustail ro bói d' feraib in domain, &ersir; in tres fer is ferr thainic a h-inis na n- Gaeidel, &ersir; in tí nar' díult re nech riam acht co m-beth cenn ré caithem neich aicci &ersir; cossa re h-imthecht, &ersir; nar' dech tar a ais riam arna h-aprad nech da &mdot;-biath ina degaid ris comad eacla ra biath fair. Ocus ba h- é- seo, ar Cailte, rogha shelga a gnath- Fhéine in fhir-sin.

Ocus caide anmanna na gnath-Fheinde? ar rí Connacht re Cailte. Ni ansa.

FIND mac Cumaill in cétna fer dib, ar Cailte, &ersir; Oissin cona ceithri macaib .i. Oscur &ersir; Oissind &ersir; Échtach &ersir; Ulach a n-anmanna, &ersir; Raigne Rosclethan mac Find, &ersir; Caince Chorccarderg mac Find, &ersir; Uillenn Faebur- derg mac Find, &ersir; Faelan Feramail mac Find, &ersir; Aed Becc mac Find, &ersir; Find Mor mac Cubain meic Murchada, rig- fhéindid Fhian Muman, &ersir; Find mac Temenain ríg-fhéinnid na n-Deissi Muman, &ersir; Find mac Casurla ríg-fhéindid Fiann m-Breg &ersir; Midhi, &ersir; Find mac Urgna ríg-fhéndid Chinel Chonaill, &ersir; Find mac Fogaith, &ersir; Find mac Abratruaid, da ríg- feindig Dal n-Araide atuaid, &ersir; Find Bán h-úa Bressail, ríg-fhéndid h-Úa Ceinselaig, &ersir; Find Fer in Champair, ríg-fhéindid Alban, &ersir; Goll Guban &ersir; Cas Cuailgne, da ríg-fheindid fhiann Ulad, &ersir; tri meic Deghóic .i. Feth &ersir; Faeth &ersir; Foscud, &ersir; tri meic Aencherda Berra .i. Glas &ersir; Ger &ersir; Guba, &ersir; Cailte mac Ronain &ersir; a da mac .i. Faelan &ersir; Colla, &ersir; Goth Gaithe mac Ronain (is sé no bith urchur saeigde roim cach in tan ro thacrad a rith fein dó) &ersir; Lergan Luath a Luachair aníar (&ersir; is sé-sin do-beired na h-ellte d' edruth amal do-berid cach nech a ba disli). Diarmait h-úa Duibne d' feraib Muman (arna raibe scís cos, na luas anála, na scís maigi na taighi riam) &ersir; Mac Lugach lonn laidir, sóer- maccáem Fhiann Eirenn &ersir; Alban, &ersir; aidlenn gaiscid na fiannaigechta uile, &ersir; Bran Bec o Buadachain .i. rígrechtaire Fhiann Eirenn &ersir; Alban, &ersir; Scannal h- úa Liathain taíssech maccaem Fiann Eirenn &ersir; Alban, &ersir; Sciathbrec mac Dathchain saer-fher cluiche Fhiann Eirenn, &ersir; Goll mac Morna cona deichnebur ar fichit derbrathar &ersir; cona chuic cét dec d' aen-maicne, &ersir; tri fir in chair- chi o eochair-imlib t-Shléibe Fuait fonn-scathaig atuaid, &ersir; tri cairchi chiuil accu, &ersir; iat ica chur a n-ucht a cheile, &ersir; ni bith duag na deccair ar nech in tan do chluined in ceol-sin ro chanad in cairche cíuil accu. Ocus caide anmanna na n-óclach-sin? ar rí Connacht. Luath &ersir; Leitmech &ersir; Lanlaidir a n-anmanna, ar Cailte, &ersir; don gnath-Fheind iat, ar Cailte.

Conid iat-sin anmann na triath &ersir; na tigerna &ersir; na fer feraind do bith ac Find, &ersir; do freslad &ersir; do biathad fá thrí h- é cacha bliadna ina lis féin, &ersir; ro chanad in dord fiannachta. Conid h-í-sin, a rí Connacht, in cheist ro fiarfhaigis dím.

Ocus ro thuit-sium ar in tulaig í roibe a nellaib &ersir; í támaib annsin, &ersir; ro bói teora lá &ersir; teora áidchi annsin gan tuail&ndot;ges aistir na imthechta a h-aithle a choicle &ersir; a chomalta. IS annsin ro gabad longport ac ríg Connacht annsin, &ersir; do-rigned fothrucud accu do Cailti.

Ocus tar a éis-sin tangadur in sluag reompo co ra&ndot;gadur Clúain na &ndot;-Dam, risa raiter Cluain Imdergtha issin tan-sa, &ersir; ro gabsat longport ann, &ersir; ro bennaig Patraic in baile. Ocus ro fhíarfaig rí Connacht do Chailti: crét 'ma tucad Cluain Dam ár in n-inat-so, &ersir; crét 'ma tucad Clúain Imdergtha ar in cluain- seo? Ocus ro fhrecrais Cailte sin .i. turchairthe selga fuair Find annso, &ersir; tri catha na Féine .i. dam cacha deissi d' Fhiannaib Eirenn &ersir; tri daim d' Fhind, &ersir; is aire-sin tucad Cluain Dam ar in n-inad-sin. Ocus is uime thucad Cluain Imdergtha fair .i. in tan ro badur Clanna Morna ac foghail ar Fhind, nír' rathaigetar in t-inam ro badur ar a cuit &ersir; a comraind ina fiadnaissi co tangamar-ne tri catha na Féine cor' gabsamar um inn druim-sea umpu. Ocus adubairt Goll mac Morna: is mor in t-imdergad, ar se, tucsat na fir duind. Ocus cá ferr ainm da m-biad ar in n-inad-sa? ar Conan Mael mac Morna, ina Cluain Imdergtha? Conid de-sin tucad Cluain Imdergtha uirre. Ocus a maith ní dleghmait do cheilt ar Chlaind Morna, ar Cailte, acht tangadur ina cipe throm trén-laidir trí lar catha na Feinde amach, &ersir; ní rainic fuiliugud na fordergud uainde orro, &ersir; ro t-shuidemar ac na teintib annsin, &ersir; tucad sithel ban-óir chum Find co n-uisci inti, &ersir; nighid a gnuis &ersir; a láma aisti, &ersir; cuirid a ordain fa dét fis, &ersir; ro faillsiged fírinde dó, &ersir; ro thairrnngair co ticfatais nóim &ersir; fireóin andso, &ersir; adubairt:

Rann.

Druim os loch bid ceall t-shidach cid port rigrad ar sodain, cadus ar Cluain Imdergtha tiucfa re deired domain.

Ocus tangadar rompo na sluaig iarum co Cluain Carpait siar a m-Breichthír, risa raiter Firchuing isin tan-so .i. carpat Pátraic ro moid ann, &ersir; ro t- shuid naem Patraic ar in firt fótbaig ar moidm na cuinge, &ersir; ní cían ro badur ann co facadur in carpat da n-indsaige, &ersir; gilla óc issin charpat, &ersir; ba comderg re corcair chaille cechtur a da gruad, ba comglas re bugha cechtar a da roscc, &ersir; ba geal cach ball aile ina cholaind, &ersir; ba comdub re gual in blai futairlli do bói fair, &ersir; tainic da n-indsaigid mar-sin. Ra thoillfed ort, a fhir in charpait, ar Beineon, foirithin nóem Pátraic? Cia siut amlaid? ar in gilla óc. Patraic mac Alpraind siut, ar Beineon, .i. cenn irsi &ersir; crabaid fer n-Eirenn. Ocus ro eirig in gilla assin charpat, &ersir; tuc a chenn a n-ucht Pátraic &ersir; adubairt: Ní maith in carpat ré roind, ar se, &ersir; in carpat uile do Pátraic. Raith duit gan chomraind &ersir; dot mac &ersir; dot' úa, ar Pátraic, &ersir; cá léo .i. thusa a maccáim? ar Pátraic. Dub mac Muirgissa meic Tomaltaig misi, ar se. Is fír um, ar Beineon, is rodub. Mo debroth um, ar Pátraic, bid h-Í Raduib cháidchi festa dot shíl &ersir; dot shémed tré t' umaloit. Mo maicne-si duit-siu eter béo &ersir; marb, ar in gilla. Ac eter, ar Pátraic.i. i cind cét bliadan oníu do béo &ersir; do marb dam-sa &ersir; do Dia co brath. Ocus adubairt Pátraic: Radub caithfid mor do rath sochaide a t-shil o so amach, uada in tres aicme co m-buaid i crich Connacht in mor-shluaig. Da rabat sunn h-aithle áir Clann Raduib co mét conaich, acht adhlaicfer co bráth &mdot;-bán am Fhabhur is am Chruachan. Fácaim-si dóib na n- inadh búaid n-abbad is buaid filed, buaid tighidhís orro de búaid céille is buaid comairle. Adeirim-si rib-si de bid fír dam ind fhaistine, ragait a fir or and or iss ed geinfes ó Radub. Radub

Ocus is cet lem, ar Pátraic, grindiugud cacha dala &ersir; cacha caingne risa racha fer do t-shil do dénam dó, acht corub cóir. Uair is co grind tucais in carpat dam.

Ocus ní cian ro badur ann co facadur in carpat aile da n-indsaigid, &ersir; da ech chutruma chom-méite fáe, &ersir; ben chro-derg issin charpat-sin, &ersir; brat cro-derg uimpi, &ersir; delg óir issin brut, &ersir; lann d' ór buidhe re h-étan. Ro thairl- ing assin charpat, &ersir; tuc a cenn a n-ucht Pátraic, &ersir; ro slecht lb dó. Cia tusa, a ingen? ar Patraic. Aiffi Derg, ingen Chonaill Chostadaig, ingen rig Connacht mé, ar si, &ersir; mathus mainech mor-adhbul fuil acum, ar in ingen, &ersir; da chomairli riut-sa thanac cá fer risa fáeiub, uair is tú aen-duine is ferr a n-Eirind. Ac sin accut, ar Patraic ar do leth-laim h-é. Cia seo amlaid? ar in ingen. Dub mac Raduib meic Muirgissa meic Thomaltaig, ar Pátraic. Ca tindscra ocus ca tirfhocraic fuil aici dam-sa? ar in ingen. Ca tindscra chuinghi ar in maccáem? ar Patraic. Mo beith d' aen-mnái ac in fhir do-béra mé, ar in ingen, uair ní h-oirches lem mo léicen dó. In fáeme-si siut, a maccáim? ar Pátraic. Fáemaim, ar in maccáem, cach ní adera-su rium do dénum. Máss ed, fáe leissin ingin, ar Pátraic, &ersir; corob ria raib do clann &ersir; t' aicme, &ersir; tabair in comaid út di. Ocus ro fháei-sium lé amlaid-sin tre comairli naem Pátraic. ócus gan in ferann bodesta, bar inn ingen, iss ed is doilig ann. ócus cáit a fuil rí Connacht? ar Pátraic. Sunna, a náem-chleirig, ar in rí. Ferann do thabairt dam don dis-seo, ar Pátraic, neoch tuc a comairle dam-sa. Rachaid um, ar in rí, in tricha cét is dual dó féin do fhleisc lama do beith occa araen. Ocus ro scarsat ris amlaid-sin.

IS annsin tangadur in sluag siar rompo co Bernnaid na Con ind aidchi-sin, &ersir; iss é ba rí ar in tír annsin, Tigernach mac Cuind Chumachtaig. Ocus at-chuala in sluag- sin da indsaighe, &ersir; ro gab doichell &ersir; díbé h- é, &ersir; ro fhácaib a thír &ersir; a thalmain, &ersir; do-chuaid ar theiched ríg Connacht &ersir; Patraic. Ocus ro chuala Patraic sin &ersir; adubairt: M' itgé-si ré Dia, ar Pátraic, corub forlamus airechta aile bias foraib tré bithu. Ocus ro t-shuidhestar in sluag for da raith ro bói ann, &ersir; leth in t- shluaig im cech raith dib.

IS annsin ro fhiarfaig rí Connacht do Cailti: crét in da raith-seo ar atámait? Da óclach grada d' Fhind mac Cumaill ro badur intib-sin .i. Conall Coscurach &ersir; Cobthach Cas, da mac rig Cheinéil Chonaill atuaid .i. da churaid &ersir; da chath-milid &ersir; da chliath berrnaig chét iat. Ocus ro badur bidbaid bunaid accu- sin a n-Eirinn .i. Clanna Morna, &ersir; rob é adhbur a m-bidbanais .i. selg t-Shleibe Gam do-rigned ac Find &ersir; ac Fiannaib Eirenn, &ersir; is annsin do-rala Conan Mael mac Morna ar aen-sheilg risna feraib in la-sin .i. mell-galach muintire eissium, &ersir; trotach airechta &ersir; deabthach laithrech, &ersir; nir' t-shir cóir ar duine riam, &ersir; tuc a mallacht don duine do-berad cóir dó, &ersir; tri mallachtain Chonain Mail fuaradar Clann Morna uile bas &ersir; aided. Ocus ro duisced dam im-discir alltaide doib annsin, &ersir; ro diubraic Conan a t-shleg dó, &ersir; ro diubraigedar da mac rig Chineil Chonaill a dá sleig dó, co tarladur ina crois trít, &ersir; adubairt Conan: Léicid uaib in fiad, a fhiru, ol se. Ní léicfium, ol na fir. Ní mó ro marbuir-si h-é, ar Conan, annu-ssa, &ersir; is mé ro cét-goin h-é. Dar ar m-breithir ám, ar na firu, acht gé ro loitis ní leicfither duit, &ersir; do-béram breth Find duit, ar siat. Ocus ro frecair Conan co h-esccainti sin: Mallacht ar in tí do-ber cóir dam, ar se, &ersir; ní thiber féin do neoch h-í. Ocus tócbais Conall in laim, &ersir; tuc buille dó do crann na sleighe bói ina láim do Chonan, gur fhacaib com-remur craind na sleige do chnoc &ersir; do chomarta fair. Ocus tangadur tiugh na Féinde eturru, &ersir; do-rigned etrain eturru mar sin.

Cid tra acht fala na achmusan ní thuc Conan de-sin nó co &ndot;-deachadur Clann Morna ar foghail &ersir; ar dibeirg ar Fhind, &ersir; ro badur meic Morna ac marbad a dalta &ersir; aessa grada Find, &ersir; tangadur, ar Cailte co Forba na Fer, risa raiter Lenna in Baili isin tan-so.

Is annsin adubairt Conan re Goll: in fetrais, a ríg- fhéindid, a Guill, builli do chrann t-shleige do thabairt do mac rig Chineil Chonaill dam-sa ac seilg th-Shleibe Gam, &ersir; is áil lem-sa dul da dighail-sin orro anocht. Dar ar &mdot;-breithir ám, ar Goll, ní h-é ar cara budh ail lind do thachar riu, uair is grithugud áil aen-muice leo. Rachat-sa ceithri cét óclach da n-indsaigid, ar Conan. Ocus do eirgedar da mac brathar dó leis, Taman &ersir; Tren a n-anmanna, &ersir; do-riachtadur na ceithri cét óclach sin d' indsaighid in baile-sea i m-medon láe do ló. Ocus do eirgedur- som ceithri cét aile da n- indsaighi, ar Cailte, &ersir; atorchair Trén &ersir; Taman lé da mac rig Cheneil Chonaill fa chétóir. Cid tra acht fer indisti scél na thuillti tuarustail ní thernó assin acht Conan 'na aenur, &ersir; iris a sceith imma braigit, &ersir; rainic reime conici in n-inad i r-rabadar a braithri.

Olc in turus-sin, a Chonain, ar na braithri-so. Ro thuitsemar-ne treomut-sa, ar siat, &ersir; ro thuit- setar da mac ar &mdot;-brathar &ersir; na ceithri cét fer do-chuaid let. Ocus ro cuired na h-ocht cét óclach sin, ar Cailte, fo thalmain annso, &ersir; ro tócbad a lia ossa lighi, &ersir; ro scríbadh a n-ainm oghaim ind. Ocus adubairt Cailte: Raith Conaill is Chobthaig Chais atait fan tulaig tonn-glais, atáit ann o sin ille isin Chnuc 'na com- naide. Fertan Ailbi ocus Etain i cind Atha Imeacail, fuaradur bás leor truaige do galur uilc aen- uaire. Mor cath, mor congal, mor tres mor sluag do-rignes d' aimles, as bristi mo chraide am chlí ac faicsin na ratha at-chí. Raith.

IS mor in fis &ersir; in fír-eolus-sin ra indsis duind, a Chailti, ar rí Connacht.

Topur Patraic.

Ocus tangadur in sluag uile reompo, &ersir; Pátraic maraen ríu, co Muine na n- Ammaite siar, risa raiter Tipra Pátraic isin tan-so, &ersir; do-riacht rí in tíre d' indsaigi Pátraic .i. Conn Cumachtach a chom-ainm. Ocus indis duind cid ima n-abar Muine na n-Ammaite ris-seo, ar Cailte.i. Nonbur ban ro bói ac ammaidecht, &ersir; ní léicdis ben na fer uaithib gan mar- bad, &ersir; ré ré fichet bliadan doib ic falmugud ind orba &ersir; ind feraind amlaid- sin. Ocus adubairt Conn Cumachtach re Pátraic: Maith, a m' anam, a naem-chleirig, dingaib dind na h-amaiti &ersir; na h-aincisi atá ac milliud in tíri &ersir; in tal- man.

IS annsin adubairt Pátraic: Caide, ar se, mac na trath? Sunna, a naem-chleirig, ar se. Feg let in fuil uisci i comfhochraib duind. Ní fheicim ann h-é, ar in mac ecalsa. Is annsin tócbais Pátraic in laim, &ersir; sáidhis in trostan fa chomair in talman, gur' moidh in loch-topur glainide asin talmain. Ocus ro bennaig Pátraic in t-uisci, &ersir; adubairt: IN t-uisci acaind abus ar Patraic gan imarbus, bid ordraic íc cách ule in topur án ainglide.

IS cet lium-sa, ar Pátraic, corab coimde re teora la &ersir; re teora aidchi do cach aen ibius ní de, &ersir; cach aincis tar a racha a furtacht &ersir; a fóirithin dó.

Ocus ní cian ro badur ann co facadur na náe n-amaiti duba duaibsecha sin da n-indsaighi, &ersir; damad gnáth marb a talmain do eirge do-berdais na h-eigmi do-nithi umpu do cach thaib díb. Ocus gabais Pátraic in t-uisci bennaichthi, &ersir; crathais arna h-amaidib h-é, &ersir; ro theichset uad co rangadur Inis Guil, risa raiter Inis na Scriine, ar Findloch Cera. Conid annsin ro cualadur in gul fa deired uaithib, &ersir; ro t-shuidedur in sluag 'arsin ar in firt fótbaig, &ersir; adubairt rí Connacht annsin: Is tafann deig-cleirig tucais arna dem- naib, a chleirig, ar se.

Ocus is annsin adubairt Cailte re Pátraic: In fetrais, a naem-chleirig, soithfir dom riachtain-sea i cath buidnech Beindi h-Etair thair? Cá soithfir sin alé? ar Pátraic. Mane mac rig Lochlann ro bói sleg neimnech aici, &ersir; ní therna duine di riam gan éc nó gan beith ainbech acht co &ndot;- gontái di h-é, &ersir; ro badur cét laech lan-chalma a comrac rim-sa issin cath, ar Cailte, &ersir; ro badhusa cind comraic riu-som, &ersir; ro diubraic Mane mac rig Lochlann misi gan rathugud dam ar lar in chatha, &ersir; ní fhetar-sa can assar' diubraiced dam h-í, acht at-chuala a fothrum &ersir; a fidhrén na sleige dom indsaigid, ar Cailte, &ersir; ro thócbus in sciath suas do chomét mo chind &ersir; mo chuirp, &ersir; nír' fhoir sin ní dam-sa, uair tís do-rala in t-shleg im' orcain &ersir; im' thairb-fheith mo choissi, co ro fhacaib in t-shleg a neim issin chois, &ersir; ní fhetaim-si gan dul d' iarraid furtachta &ersir; fhoirithnech. Cia h-airm arb' áil let dul? ar Patraic. Co h- Aed Minbrecc Essa Ruaid bothuaid, ar Cailte, &ersir; ban-cheile atá aicci .i. Bé Bind ingen Elcmair in Brogha, &ersir; is aicci atá deoch leighis &ersir; ícce Túaithe Dé Danann, &ersir; is aicci atá in neoch mairis do fhleid Gaibnenn, &ersir; is sí dáilis doib h-í, &ersir; do bo gairit m' eolus &ersir; mo t-shligi da maired Find mac Cumaill &ersir; Oissin &ersir; Diarmaid &ersir; Oscur. Ocus adubairt in láid ann: Eólus dam astír bothuaid . co h-Es Moduirnn in mor-sluaig, do leighis mo choissi de comad faidi-te m' uidhe. IS missi Cailti craide aen-mac Eithne Míngile, is mor-sluag tucus a n-glas rob aithnid dam óclachus. Uch gan Oissin is gan Fhind is gan Diarmait mebair lim, is gan Oscur miadach mas comad gairdi-te m' eolas. Eolus.

Ocus cáid a fuil Cas Corach mac Cáincinde? ar Cailte. Sunn, a m' anum, ar Cas Corach. Eirig &ersir; tócaib do thimpan ort co n-dernum imthecht. Ocus ro eirgetar, &ersir; ro gabad pater umpu, &ersir; adubairt Pátraic re Cailte: Atá dal fer n-Eirenn i cind bliadna co Temraig, &ersir; tar-sa ann inar comdáil-ne &ersir; h-í comdail fer n-Eirenn co n-innisi tú ní dot mod-gnimradaib gaiscid fein &ersir; do gnimradaib Find meic Cumaill &ersir; Fian Érenn. Ocus faemais Cailte sin &ersir; adubairt: Cach ní aderussa rium do-gen-sa h-é, ar Cailte. Cubaid duit-siu, ar Pátraic, a rád-sin, uair is inmuin grádach lem-sa thú. Ocus timnais Cailte ceilebrad do Pátraic &ersir; do ríg Connacht annsin &ersir; don t-shluag uili, &ersir; do-lodur rompo co Síd Droma Nemed, risa raiter Síd Duma issin tan-sa, i l-Luighnib Connacht. Ocus mar rángadur co faichthe in t-shída &ersir; at-conncadur in t-aen- maccam, &ersir; brat uaine uimme, &ersir; delg óir ann, &ersir; mind óir uass a chind, &ersir; ba ceol bind in ní ro chanad, &ersir; tainic Cas Corach mac Cáincinde &ersir; tairbiris teora póc dó. Caide adhbur bur caradraid, uair nirb' aichnidh duind anallana h- é? bar Cailte. Atá adhbur acaind, bar in maccaem, inann mathair duind araen. Ocus cá h-ainm thussa, a maccáim? ar Cailte. Fer Maissi mac Eogabail m' ainm-si, ar in maccaem. Dar lind ní forainm duit, ar Cailte, uait is leor do mais- sige. Ocus ticid issin síd anunn, ar in maccáem. Ní rechur, ar Cailte, nach tucthar a aithfir fort-su nó co cetaigi do lucht in t- shída. Ocus tainic in maccaem anunn, &ersir; ráidis do Fhergus Fholt- find mac in Daghda sin. Eirig-siu ara cenn, ar siat, &ersir; tuc let isin síd iat, uair ní chualamar i com-ré ris mac óclaig bod fherr inás Cailte. lineation skips one digit; no text missing here. Ocus tucad issin síd iat, &ersir; ro freslad co maith do cach ní is ferr do bói accu iat, &ersir; ro badur re h-ed na h- aidhchi-sin ann. Ocus a maith, a m' anam, a Chailti, ar Fergus mac in Dagda, ata dornn-chor claidim accum, &ersir; is ail lem a chorugud duit-siu, uair ro opsat Túath Dé Danann a chorugud. Tabar am laim-si h-é, ar Cailte, &ersir; tucad in claidim dó, &ersir; ro bói re h-ed in choem-laithe cháidchi 'cá chorugud, &ersir; tairnic dó a n-deired in láe h-é, &ersir; tuc in claidem i l-laim Fergusa 'arna dénum.

Ocus in fitir tusa, a m' anam, a Chailti, adhbur bunaid lesaigthi in claidim-sin acainde? ar Fergus. Ní fetar um, ar Cailte. Óclach atá a &mdot;- bidbanus re Túaith Dé Danann re fada d' aimsir .i. Garb mac Tairb rí Lochlann atuaid, &ersir; Eolus &ersir; a brathair, &ersir; teccaid cach tres bliadain, &ersir; coblach mor léo dar n-indsaighid, &ersir; is amlaid thecaid &ersir; ban-gaisccedach accu .i. Bé Dreccain ingen Iruaith a h-ainm, &ersir; ní bi diamair dí a síd do t-shidaib Túaithe Dé Danann, &ersir; ben doilbthi dráidechta ro oil h-í, &ersir; is aire-sin ná bi a síd do sídaib Túaithe Dé Danann ní nach roich lé do breith eistib-sin do t- shétaib &ersir; do máinib &ersir; do indmusaib léna h-eolus, co tabair-sí sluag &ersir; sochaide co lár cacha sída do t-shidaib Túaithe Dé Danann da n-argain &ersir; da n-inrad. Ocus ac-seo sleg it laim, ar se, &ersir; déna a indsma fa comair na ban- gaiscedaigi-sin. Ocus do-rat in t-shleg ina láim, &ersir; do indsma Cailte h- í. Ocus acseo, ar se, fagha fogablach it laim, &ersir; déna a indsma fa chomair in tres fer dib-sin. Ocus tuc in crann ina laim, &ersir; ro moidh ina h-indsma, &ersir; tucad secht craind dó, &ersir; ro moidhset 'na n-indsma, &ersir; in t-ochtmad crann tucad 'na laim ro indsmustar co trebair daingen h-é. Ocus mo-genur, ar-se Fergus, do gebad carait do gébad do laim in triur fa n-dernad comair na h-airm- sin do tuitim léo. Ocus ca h-anmanna h-ainm h-anmanna na h-airm-seo? ar Cailte. Cró Cosccur ainm in chlaidim, ar Fergus, &ersir; Ben Bodbda ainm na sleige, &ersir; Deogh Bais ainm ind fhagha. Ro bói a n-dán dam-sa, ar Cailte, echt do denam damad buidech fir Eirenn &ersir; Alban &ersir; Túath Dé Danann, &ersir; ní derna-sa as m' óici sin, &ersir; cá fis nach aníu atá a &ndot;-dán dam-sa sin do denam?

Cia thoitis don chlaidim? ar Cas Corach mac Cáincinde. In ban-gaiscidach, ar Fergus. Cia thoitis don fhagha? ar Fer Maissi mac Eogabail. leith-rí in domain, nó leith- rí Lochlann, nó leith-ri Eirenn, ar Fergus mac in Dagda. Ocus cia toites do t-shleig? ar Cailte. Garb mac Tairb, rí Lochlann. Atá a tairr&ndot;gaire ic Túaith Dé Danann do thoitim di, ar Fergus. ócus leic im laim-sea in t- shleg, ar Cailte.

Ocus ro badur ann mar sin re teora lá &ersir; re teora áidche ina degaid-sin, &ersir; ro thimnadar ceilebrad do lucht in t- shida, &ersir; tucsat léo na h-airm-sin, &ersir; tainic Fer Maissi mac Eogabail léo, .i. dalta Fergusa, &ersir; tangadur rompo co h-Es na n-Én, risa raiter Es Dara issin tan-sa, &ersir; do Droichet na Non- bor, risi raiter Droichet Martra isin tan-sa, &ersir; do Druim Derg na Feinde bothuaid, risa raiter Druim Cliab issin tan-sa, &ersir; tar Ath Daim Glais, &ersir; do Chailli in Chos- numa, risa raiter Cell &mdot;-Buadnatan, &ersir; do Lighi in Fheindida, in bail ar' marb in mucc doilfi dráidechta Diarmait h-úa Duibne, &ersir; i Mag Céitne Meic Allguba bothuaid, in bail i tabhartha a cáin do fhine Fomorach ó feraib Eirenn .i. ó Thuathaib Dé Danann, &ersir; do Choisceim Essa Ruaid anuas, &ersir; d' Ard na Macraide bail a n-dendais macraid Túaithe Dé Danann a n-immain. Badar a n-dorus in t-shída .i. Aed Essa Ruaid &ersir; Ilbrec Essa Ruaid. Ocus ro ferad faeilti gan meing, gan mebail re Cailte accu.

Is tairissi lind ind fhaeilti-sin, ar Cailte. Ocus is annsin tainic Bé Bhind ingen Elccmair in Broga amach cona tri .l. find-ban uimpi, &ersir; ro t-shuidh ar firt fótbaig, &ersir; tairbiris teora póc co dil &ersir; co dichra do cechtar de dib .i. do Chas Chorach mac Cáincinde &ersir; do Fhir Maissi mac Eoghabail, &ersir; ro fersat lucht in t-shída faeilti re Cailti &ersir; riu-sum. Ocus adubradur: Olcc in caradrad duib in bail a cluinfed sib mor-éicen orainde gan tuidecht dár fóirithin. Ní re h-engnam ro h-ailed mé féin, ar Cas Corach mac Cáincinde, acht ind uair bud chóir nó budh ail duib-si m' eladhu do dénam duib do-genaind h-í. Ní ré gaisced atámaid anallana etir, ar Fer Maissi mac Eogabail, ocus do-génam cungnum lib-si ind uair ricfaidthi a les. Ocus is annsin ro indis Cailte a thoisc &ersir; a thurus do lucht in t-shídha. Do-gentar do leighis acainde co maith, ar siat. Ocus tangadur anunn issin síd 'arsin, &ersir; ra badur ann re téora lá &ersir; re teora áidchi ac ól &ersir; ac aibnius.

Ocus in fer thainic co dorus in t-shída adubairt co raibe in cuan lan do longaib &ersir; do lú-barccaib amuich, &ersir; co tangadur sluagh mor-adhbul ar in tráig suas. Ocus is gan áirim sin, adubairt Cailte: IS é lín tainic ille míle long co h-esmaire, tangadar co cenn trachta seirrgind ocus sith- barcca.

Maith, m' anum, a ríg- fhéindid, a Chailti, ar siat, cid as chóir duind do dénam? Comha t- shída as chóir duib d' iarraid orro, ar Cailte, nóco &ndot;- dernad Túath Dé Danann tinol &ersir; toichestal. Ocus do- rónad mar-sin. Ocus ro thinoladur Túath Dé Danann co rabadur da cath déc ar faichthe in t-shida 'arnamairech. Ocus do-riachtadur techta ón loingis da n-indsaighi, &ersir; adubradur: Tabrad Túath Dé Danann braigde duind, ar siat re feraib Eirenn. Ocus cindus do-gentar sút, a Chailti? ar lucht in t-shida &ersir; ar maithi Tuaithe Dé Danann. Denam in da chath déc so atámait co cenn na trága da fechain, ar Cailte. Ocus tangadur rompo marsin in da cath déc sin, &ersir; adubairt Cailte: In fuil carpat cucht-glinde ac nech accaib? ar Cailte. Atá accum-sa, ar Midhir Mongbuide mac in Daghda. Ocus tucad chucu h-é, &ersir; do-chuaid Cailte issin carpat, &ersir; tucad in t-shleg dó .i. Ben Bodba, &ersir; do chóirgetar na h-allmuraig ámdabhach do sciathaib ina timchell, &ersir; is annsin tuc-sam a glun clé rissin carpat &ersir; tuc a chorr-mér gais- cid i suainem na sleighe, &ersir; do-rat urchor do ríg Lochlann, co tarrla in t-shleg co dírech chuice, cor' daer-briss a druim ar dó ann, &ersir; ro thoit in rí ar lár a t-shluaig, &ersir; ro scarasdur anum re corp dó mar sin. Ocus adubairt Cailte: IN Garb ro marbad ar tus a mesc a t- shluáig 'na remtus, ro marb Cailte cona neim d' urchuir aindisc rop engbaid.

Ocus ro thócbadur a muinter léo h-é ina luing 'arsin, &ersir; adubradur in sluag: as mor in gnim do-rinde in duine, ar siat, .i. in nech as ferr do bói ar in domun do marbad d' aen-urchor. Conid Traig in Gairb ainm na trága da éis.

IS annsin adubairt in ban-gaiscidach rissin sluag: Eirgid-si in bur longaib, ar si, &ersir; biat-sa re h-aghaid Túaithe Dé Danann. Ocus is annsin ro fhiarfaig Cas Corach mac Caincinde do Thúaith Dé Danann: In fuil sciath catat com-daingen acaib dam-sa? ar se. Atá accum-sa, ar se Donn mac Midhir. Tabhair dam-sa am' laim h-é, ar Cas Corach. Ocus tucad in sciath dó-sum, &ersir; ro gabusdar h-é, &ersir; tuc in claidim ina laim leis, &ersir; tainic reime mara raibi in ban-gaiscedach ac foraire &ersir; ac forcoimet a loingsi. Maith, a m' anum, a maccaim, ar sí crét tú féin? Do comrac riut-sa thanac, ar se. Gusaníu riam, ar in ban- gaiscedach, nir' comrac duine nó deissi missi, ar sí, &ersir; ba minci lem m' ecla ar cath croda cutruma; &ersir; tusa, a maccáim, is becht nach fuarais inadh issin doman in trath tangais do comrac rium-sa. Ocus is annsin ro chomraicetar co fuilech fobartach fír-gnimach indus co tuc cechtar díb .xxx. crecht n-ághmur n- in-othrais ar a cheile. Ocus táinic maccaem ina timchell co tric &ersir; co tindisnach ic á h-airlech, &ersir; tarraid béim baegail tar bile in sceith furri, cor' ben a cenn di, &ersir; tuc leis h-é d' indsaighi Túaithe Dé Danann. Ocus adubairt Cailte:

Rann.

Ro marb Cas Corach na cét in n-ingin, ní h- imarbrég, ro fhagaib h-í ar in tráig is cubur ina comdáil.

Ocus adubradar sluag Lochland: Is mor in gnim do-rinde in maccaem, ar siat, .i. in trén ro bói acaind, &ersir; ro dingbad cach éicen dind, do marbad inar fiadnaissi.

Ocus is annsin ro rígsat in loinges-sin Eolus derbrathair in rig, &ersir; tucsatar ardrigi dó, &ersir; tangadur a tír do fhogra catha ar Túaith Dé Danann. do-bérum in cath, arsi Túath Dé Danann, uair is ussa 'sa chach lind cath do thabairt dóib.

Ocus is annsin ad-racht Fer Maisi mac Eogabail mochtrath do ló resiu do éirig nech don t-shluag, &ersir; ro gab in fhagha fogablach ina láim, &ersir; is uime adertha fagha fogablach ris .i. cóic gabla no bith ar cach táeb de, &ersir; corrana ar cach taeb díb-sin co tescfad cach corran díb finda a n-aghaid in t-shrotha. Ocus a mo déé, ar in maccáem, ca delb duine Eolus? Óclach is cruthaige &ersir; is ferr delb d' feraib in domain, ar in fer ro bói ina fharradh. Na h-eirig a n-imcian úaim etir, ar in maccaem, acht bí ac munad eolais dam.

Ocus is annsin ro gabusdur Eolus a chath-erred comraic &ersir; comlaind uime, &ersir; ro gab a arm-gaiscced ina laim, &ersir; tainic ar sceimel-bord na luinge amach. Ac siut, a maccáem, ar se, in fer 'gá rabais d' iarraid orum do munad duit, &ersir; in mind óir fá cenn, &ersir; in sciath cro-derg fair, &ersir; in t- étach engach uaine uime. Ocus is annsin tuc-som a chos re tacca na talman, &ersir; tuc a mér a súainim ind fhagha, &ersir; tuc urchur dó co tarla a &mdot;-bili in sceith co ráinic trít &ersir; cor' daer-bris a druim ar dó ann, &ersir; cor' chuir a chraide ina dub-lia fhola tar a bél amach, &ersir; cor' gab rind ind fhagha bord na luinge trithi. Ocus adubairt Cailte: Rann. Ro thoit lé mac na maissi Eolus ba lán-chaem taissi, cor' fhacaib h-é ar in tuind i l-leapaid ind-uair étruim. IS é-sin scél na trága cip é no beth 'gá ráda, esbaid in t-shluaig táinic thuaid a Lochlaind co méit mor-uaill.

Ocus dala in t-shluaig assa h-aithli-sin, ó 'tchonncadur in triur-sin do thuitim, adubradur nach tibhradais cath do Thúaith Dé Danann, &ersir; ro imthigedar da tír féin. Ocus adubairt Cailte: Is faeilid lucht in t-shída dar lind ní conair chissa, ar tiachtain dóib 'sa cath cas gan esbaid, gan imurbas.

Ocus ro h-urdraiced fó Eirinn in triur-sin do thoitim, &ersir; ba h-amra le Túaith Dé Danann &ersir; lé feraib Eirenn uili in gnim-sin .i. in drem ticed cach sechtmad bliadain da n-argain &ersir; da n-indrad a toitim leissin triur-sin.

Ocus caid a fuil Eogan fáid? ar Cailte. Sunna, ar Eogan. Faghaib a fhis &ersir; a fhir-eolus dam-sa mo t-shaegal, uair is crot-ball senórach mé &ersir; deired aissi dam.

Cailte cecinit:

Abbair rium, a Eogain fáid taccair re Cailte don raith, cid atá dom t-shaegul cert cá fat biu-ssa ar toirimthecht?

Eogan cecinit.

Secht m-bliadna déc ón ló aníu duit, a Chailti co cáem- chlú, co taethais ic Lind Temrach cid doccair leis- sin teglach.

Ad-rae buaid &ersir; bennacht, a Eogain, ar Cailte: is inunn in fhaistine-sin &ersir; in fhaistine do-rinde mo thriath &ersir; mo thigerna &ersir; m' oide cáem carthanach dam-sa .i. Find. Ca saegal, ar siat, adeir Eógan fáid do beith accut? Secht &mdot;-bliadna déc, ar Cailte. Bid fír sin, ar siat, uair ní dubairt-sium saegal do beith riam ac nech nach ticfad dó-sin, &ersir; do bói ic á indissin re mor do bliadnaib in triur út do thoitim lib-si dona h-armaib- sin. Ocus adubairt Cailte:

Rann

Adeirim-si rib roime bid fír dam ind fhaistine, is ní cheiliub ar in sluag a canaim re h- Eogan rúad.

Ocus maith ám, a lucht in t-shida! in toisc risa tanac-sa da bur n-indsaigi: dentar mo leighis &ersir; mo lessugud bodesta, ar Cailte, &ersir; tucus lóg mo leighis duib, &ersir; in socur is mó do-rigned duib riam is misi do-rigne duib h-é. Is fír am a dénam duit, ar siat, &ersir; do-gentar linde sódh crotha duit, ar siat, co rabais fa luth &ersir; fá lán-choibled, &ersir; sóer-macanacht Túaithe Dé Danann duit leis- sin. Truag dono sin, ar Cailte, &ersir; missi do gabail deilbe druidechta umum. Ní géb acht in delb tuc mo Déntaid &ersir; mo Dúilem &ersir; in fír-Dia for-orda dam, &ersir; iris chreidme &ersir; crabaid in Táilgind in tí tarrus a n-Eirinn. Ocus adubradur Túath Dé Danann: Guth fír-laich &ersir; fír- gaiscid sin! ar siat, &ersir; is maith in ní ráidi, &ersir; cairde iarrmait umut leighis, ar siat. Crét adhbur na cairde? ar Cailte. .i. tri fiaich tecait chuccaind atuaid cacha bliadna, &ersir; ind uair bid macraid in t-shida oc imain toirnit ar in macraid &ersir; berid fer cacha fiaich leo díb. Ocus adubairt Ilbrecc:

Rann.

An triar theccaid don t-sháile adhaig t- shamna bha báire, is berait triar don fhaichthi in triar uathmur anaichne. Ocus adhbur do cairde sin, a Cailti, ar lucht in t-shida.

Ocus ro badur ann ré h-edh na h-aidchi-sin co tainic lá cona lán-shoillsi arnamairech. Is annsin ro éirgedur Túath Dé Danann i fiadnaissi na h-immana, &ersir; tucad fidchell cacha seissir dóib, &ersir; branndub cacha cúicfhir, &ersir; timpan cacha fichet, &ersir; cruit cacha céit ic a seinm acco, &ersir; cuislenna féighe forbartacha cacha nonbair.

Ocus issin n-uair-sin at-conncadur na tri fiaich a fudomain in mara atuaid, cor' turrnsatar in &mdot;-bile &mdot;- búada do bói ar in faichthe mar a ticdis riam roime, &ersir; ro léicset tri screcha doilgi duaibseacha eistib, &ersir; da mad gnath mairb a tal- main nó fuilt do chennaib dáine do-berdais na tri screcha-sin cor' mesc-buaidhirset in sluag uile. Ocus do gabusdur Cas Corach mac Cáincinde fer d' feraib na fidchle, &ersir; tucusdur urchur d' én díb, co tarrla ina bel &ersir; ina braigit, &ersir; cor' marb d' aen-urchur h-é. Ocus ro diubraic Fer Maissi mac Eogabail urchur d' én aile, &ersir; ba h-ed in cétna dó. Ocus do diubraig Cailte urchur don tres h-én, co rus-marb fan cuma cétna. Ocus adubairt Cailte:

Rann.

Cas Corach is Fer Maissi marbsat da én i&ndot;gaissi, ro marb Cailte, is ceird lamaig in tres én i folámaig.

Ocus fuaradur na h-eoin bás léo amlaid-sin, &ersir; adubairt Cailte: atorcradur na h-éoin tra, &ersir; déntar mo leighis bodesta. Ocus adubradur lucht in t-shída: In fetrais, a Cailti, glifit mór i l-lenmain Túaithe Dé Danann fada anois? Ca glifit sin? ar Cailte. tri meic rig Ulad atuaid .i. Conn &ersir; Congal &ersir; Colla atait ac fogail forro. Cailte cecinit: Conn is Congal is Colla ní h-inmain triar cutruma, sirit mor n-ard is n-achad ac digail a sen-athar. Teccait sunn cacha bliadna ní do choimet ar riagla, is marbthar triar uainde ann nocho n-é in comrac comthenn. Adeirim-si rib reime bid fír dam ind fhaistine, is siat-sin muirfither ann meic ríg Ulad nach imgann. Conn.

Ocus tecait in triar-sin chuccaind cacha bliadna, ar Ilbrecc, d' iarraid éiricce Echach Mundeirg ríg Ulad a sen-athar ro marbsat Túath Dé Danann i cath Traga Baili thuaid, &ersir; sirit comrac trír cacha sída a n-Eirinn cacha bliadna, &ersir; ní bá comthenn in comrac ruc sin, ar Ilbrec, uair in triur téighed uainde issin comrac ro marbtha iat, &ersir; térnaid in triar brathar as; &ersir; do lucht in t-shída-so roiches isin bliadain-seo comrac do denam ríu.

Ocus is ann ro bói dís mac rig Ulad in tan-sin a &mdot;-Bennaib Boirchi í cuicid Ulad thair a h-aithle fhogla &ersir; díbeirge ar Túaith Dé Danann cacha bliadna. IS annsin adubairt mac dib: Cá síd is lind a m-bliadna d' indsaigit? Síd Ilbricc Essa Ruaid, ar na braithri. Atá óclach do muintir Fhind meic Cumaill annsa t-shid-sin, ar fer dib, &ersir; dís maccaem ina farrad, &ersir; do bo iumgaibthi cach n- ágh &ersir; cach n-eislind dóib, &ersir; adéraid-sin da &ndot;-dernam-ne imgabail in t-shída is ara n-agh &ersir; ara n-eislind féin do-genamais. Ocus ro badur and ind áidchi-sin, &ersir; ro daingnigetar a n-airm &ersir; a n-il-fhaebair, &ersir; ro riachtadur co moch arnamairech co h-Es Ruaid meic Moduirnd, &ersir; tangadur lucht in t-shída amach, &ersir; táinic Cailte léo &ersir; a dias maccaem maraen ris ar in faichthi féraig. Ocus ind iat-siut, ar Cailte, in triarthic da bur n- indsaighid si. Is siat co deimin, ar iat-sum. Is maith delb &ersir; tuaruscbail na fer, ar Cailte, &ersir; adubairt: Conn is Congal is Colla álaind triaris cháem comma, gabait siat uaind cert is cóir sú com- raicem a chétoir.

Cred fuil agut-sa duind a cend ceirt, a m' anum, a Chailti? Ocus adubairt: Crét fil acaib a cenn chirt a Chailti ocus a Ilbricc, crét ordaigis duind in sluag uair atámait 'gá imluad.

Ocus ca fhat atáthi a comrac re Túaith Dé Danann? ar Cailte. Atámait cét bliadan, bar iat-som, &ersir; marbmaid tríur cacha bliadna díb. Má do-nithí, ar Cailte, do dighlabair fá thrí bar sen-athair forro, &ersir; is sibh atá ar in n- écoir, &ersir; da comraicem a &mdot;-bliadna, ar Cailte, is sib-si thoitfes ann, uair is sib atá ar in écoir. do-beraim-ne coma dáib, ar Ilbrecc, as cach t-shíd a n-Eirinn .i. fiche uingi d' ór &ersir; fiche uingi d' airget, &ersir; cach do thabairt slána da cheile. Ocus adubairt Ilbrec:

Rann.

Fiche uinge gacha sída don triar churad com-gnima, a beith dáib tar cenn tachar a n-díghail bur sen-athar.

Gébmait sin, ar siat, &ersir; tucad dóib- sin, &ersir; ro imthigetar, &ersir; rucsat léo ind eiric-sin a senathar.

IS i-sin aes &ersir; uair tangadar tri h-eillti ruaga ro-caema a eocar-imlib Sleibi Fuait fonn-chosaigh atuaid co faithci in t-sída-sa. Geltsat an fér co grian &ersir; co grindell co lecaib loma.

Ilbrecc cecinit:

Tegait tri h-eilti móela rúagha remra ro-caema, ocus geltaid an faithchi nach fáchait dil aen- graifne.

Créd sut iter? ar Cailti. tri h-eillti tecait cecha bliadna cugaind, &ersir; ní faccait ní ar in faithci-sin amuig gan ithe co grian &ersir; co grindell. IS annsin ro dibraicedar tri clocha dibraicthi ro bí ina fiadhnaisi riu &ersir; torcradar na tri h-eillti- sin leo. Berid buaid &ersir; bennachtain, ar siat, as maith an gnim do-rindebar. Mo leighis-sa do denam bodesta, ar Cailte, uair is mithig lem h-é. Cáit a fuil Bé Bind ingen Elcmair? ar Ilbrecc. Sunna, ar in ingen. Maith, m' anum, a ingen, ar se, beir let mac Ronain i cúil-tech diamair, &ersir; dentar a leighis &ersir; a lessugud co maith, uair ro dingaib se fogail &ersir; dibeirg do Thúaith Dé Danann &ersir; do feraib Eirenn, &ersir; dénad Cas Corach mac Cáincinde céol &ersir; airfided dó &ersir; Fer Maissi mac Eogabail ic foraire &ersir; ic forcomét &ersir; ic frithoilem dó.

Ocus tainic Bé Bind ingen Elcmair roimpi a tech na n-arm, &ersir; a da mac maraen ria, &ersir; do-rigned lepaid luchair leighis do Chailti acco isin tigh-sin, &ersir; tucad loing-shithel bán-óir chum na h-ingine &ersir; a lán d' uisci inti, &ersir; tucastar lath-amar glaine da h-indsaigid, &ersir; do chuir na lossa ind, &ersir; ro minaig iat ar in uisci, &ersir; tuc in t-shithal i l-laim Chailti, &ersir; ibhis digh móir aisti, &ersir; 'ar n-ól na dighi dó ro scéestar sceith úainidhe. A ingen, ar Cailte, crét in baramail fuil accut di-sin? Gaeithe cró na n-es &ersir; na n-abhann &ersir; na n-indber &ersir; na selg mochthrath, do-nithea-sa sin, ar sí. &ersir; ibh digh aile, ar in ingen. Ocus ibhis Cailte, &ersir; scéis arís cró-bainde sceithe ruaide. Ocus cret in sceith- sin, a ingen? ar Cailte. Cró- lindti neime na sleg &ersir; na faebur tucad ort isna cathaib &ersir; isna comraicib i r-rabais riam. Ocus ibhidh digh aile aisti, &ersir; sceithid-sium sceith círdub. Cá baramail do-beri di-sin? ar Cailte. Cumha do choicle &ersir; do chomalta &ersir; do triath &ersir; do tigerna .i. Fhind meic Cumaill sin. Ocus ibhid digh aile aisti in cethramad deoch sin, &ersir; ro sceestar sceith buidhe ina degaid-sin. Crét in sceith-sin, a ingen? ar Cailte. Coimét &ersir; fulrechta do neime &ersir; do gáe cró do neoch ro bói indut anallana, &ersir; ibh in lóim ro fhacais inti, ar in ingen. Is lesc lem-sa sin, ar Cailte, uair ní fuarus i cath na a cliathaig na a comrac riam ní is doilgi lém na a h- ól. Ocus gid et atibh-sium sin, &ersir; ro scéistar sceith co n- il-brechtugud cacha datha inti. Ocus crét in sceith-sin, a ingen? ar Cailte Cumasc cacha retha &ersir; cacha ro-nirt &ersir; cacha h-engnuma do-rignis i nd-aghaid cacha céite &ersir; cacha cnuicc &ersir; cacha cairrge, &ersir; dath fola ara h-uachtar ata urri cró-lighe do chuirp &ersir; do cholla féin sin, &ersir; iss ed is nessa do t-shlainte h- é. Ocus tuc inn ingen baiglenn lenmachta dó, &ersir; atib ina degaid-sin, &ersir; ina degaid-sin do bói-sium anbhann imeslan a h-aithle na scethrach-sin do denam dó re téora lá &ersir; re teora áidchi.

Dar lim-sa, a m' anum, a Cailti, ar in ingen, fuarais furtacht &ersir; fóirithin. Fuarus ám, ar Cailte, acht mét treblaide mo chind ac tuidecht rim. do- gentar folccad Flaind ingine Flidaissi duit-si, ar si Bé Bhind ingen Elcmair, &ersir; cach cenn ara tabar h-é ni thig teindis ris da éis, &ersir; ní thic maelad cind ris, &ersir; ní bói esbaid radairc air. Ocus do- rigned in leighis-sin dó- sum re h-ed &ersir; re h-athaid, &ersir; do ordaigset lucht in t-shida trena dib da fhis .i. trian do maithib mora, &ersir; trian do maccaemaib, &ersir; trian do ingenraid &ersir; do ban-dalaib &ersir; d' fhiledaib da fhis &ersir; do gairdiugud, fata gairit do biath ina leapaid leighis. Ocus cach turchairthe selga nó fiadaig do-geibdis lucht in t- shída do-berthea do Chailti h-é risin.

Ocus ina degaid ro bói in ingen &ersir; a da mac &ersir; Cas Corach &ersir; Fer Maissi ac ól &ersir; ac áibnius maraen ris. Fecht n-aen ro badur mar sin co cualadur in fogur &ersir; in cairche cíuil chucu ó Es Ruaid meic Moduirn, &ersir; do tréicfed nech ilcheola in domain ar in céol-sin, &ersir; ó 't-chualadur sin do chuirset na cruite i cernnadaib na colbad, &ersir; tangadur uile amach ar in céol do- chualadur, &ersir; rob ingnad lé Cailte sin, &ersir; tuc da úidh &ersir; da aire beith a n-ingnais a luith &ersir; a lámaig &ersir; a lán-choiblid, &ersir; Mor do borb-gleoaib bodba, &ersir; do thoiscib fa téighind- si, &ersir; d' irgalaib &ersir; do thossach catha chum a roichind, &ersir; nach fuil do nert na do tracht accum-sa dul amach maraen ré cach aníu! Ocus ro moidhetar déra tar a gruaidib.

Ocus do-riachtadur lucht in t-shída amuich a h-aithle in chiuil do chloistecht, &ersir; ro fhíarfaig Cailte scéla dib, &ersir; crét do-rigne in cairche cíuil at-chualamar ar Cailte. Uaini Bhuidhe a Síd Duirnn Buidhe andes ó Thuind Clidna, &ersir; énlaith Thire Tairrngaire ina farrud, &ersir; ban-airfidech Thíre Tairrngaire uli h-í, &ersir; a &mdot;-bliadna is lé tuidecht d' indsaigi in t-shída-so, &ersir; bliadain dí cach sida, ar in ingen, &ersir; bliadain di acainde. Ocus tangadur andsa síd anunn 'arsin, &ersir; tainic inn enlaith cor' t-shuidhetar ar corraib &ersir; ar colbadaib in t-shída, &ersir; tainic tricha én díb i tech na n-arm in bail i r-raibe Cailti, &ersir; do gabsat cliar astigh, &ersir; ro gab Cas Corach a timpan, &ersir; cach adhbunn ro t-sheinded Cas Corach &ersir; ro gabdais ind énlaith leis. Is mor do cheol do-chualamur, ar Cailte, &ersir; ní chualamur céol a com-maith- sin.

Annsin do-rigned folccad Flaind ingine Flidhaisi dó-sum, &ersir; esbaid ruisc nó chloistechta a gin ro bói béo ni raibe air, &ersir; ba slemain slan-crechtach h-é don leighis-sin tucad fair issin t-shid. Ocus adubairt Cailte: In t-adhbur &ersir; ind fhochaind ima tanac-sa do leighis mo choissi dentar bodesta. Do-gentar issin maidin amarach, ar in ingen. Ocus is annsin tuc sí da fhetan Bindi ingine Moduirn lé d' indsaigid Cailti, &ersir; ro t-shuighistar ban-mogh fetan díb, &ersir; ro t-shuighistar fer-mogh fetan aile, conar' fhacadur galur na eslainte na gái chró ina chois na tucsat aisti h-é, cor' bo t-shlemain slán-crechtach h-é 'arsin. Ocus ro badur ann re teora lá &ersir; ré teora áidchi a h-aithle in leighis-sin.

IS ann sin do eirgedur lucht in t-shída amach co h-ur Essa Ruaid meic Modhuirn, &ersir; ro bensat a n-étaigi díb, &ersir; tangadur ar in n-es, &ersir; do-ronadur snám. Ocus adubairt Cailte annsin: Cid dam-sa gan dul do t-shnám, uair tainic mo t-shlainti dam. Ocus do-róni a mescad ar in uisci annsin, &ersir; tangadur issin síd anunn iarsin, &ersir; ro h-ecrad tech n-óla acco ind áidchi-sin, &ersir; ro bói Cailte ac ceileabrad dóib &ersir; ac breith buidhechais a leighis. úair is slemain slan-crechtach missi, ar se, &ersir; bennacht ám oraib-si. ócus adubairt Cáilte: Bennacht ar lucht in t-shída eter ríg ocus rigna, slán bith-slán don chuire chas fuarus uile a n-óclachas. Maith mo thurus issin síd fuarus ann midh ocus fín, febus a &mdot;-ban 'sa fer de is bind ceol a n- énlaithe. Maith mo thurus isin síd fuarus ann faeilte gan fhich, febus a fer 'sa flatha is a n-étach n-ill- datha. Bennacht uaim-si ar Bé Bind ar ingin Elcmair imgrind, febus a crotha sunn de a céille 'sa com- airle. Adeirim-si rib reime bid fír in ní raidim-ne, gé imthigher buan mo smacht fácaim afus mo bennacht. Bennacht.

Dar ar &mdot;-breithir ám, ar lucht in t- shída, ní fhaccamar-ne riam óclach bud fherr anai-ssiu ar tonn-chlar in talman, &ersir; dar lind nír' ferr Find féin anái-ssiu. Truag, no sin! ar Cailte, damad h-é Find do-chífed sib-si do-béradh sib in drong daenna uile ina fhaisneis. ócus as mithig dam-sa imthecht, ar Cailte, &ersir; bennacht ar lucht in t- shida, &ersir; atá dail fer n-Eirenn a cind bliadna do Temraig, &ersir; ní fhetaim-si gan dul d' accallaim mo choiccli &ersir; mo chomalta .i. Oissin mac Find, &ersir; tre forchongra in Tailgind do aichin dim dul ann, &ersir; maithe fer n-Eirenn a n-aen-inadh d' indissin mod &ersir; mor-gnim gaili &ersir; gaiscid na Feinde &ersir; Fhind meic Cumaill &ersir; fer n-Eirenn archena, &ersir; do lesugud údar &ersir; olloman dona scelaib indesmait-ne ann co dered aimsire. Ocus fil cobair accainde duit, ar in ingen. Ca cobair sin? ar Cailte. Deoch cuim- nigthi céille d' indlucud duinde duit co Temraig connach tecma duit es nó abhann nó indber nó a cath nó a comlann nach bia a cuimne accut. Is furtacht carat &ersir; fír-muintire sin, ar Cailte, &ersir; da &mdot;-beth accainde ní do-bermais duib nó budh ail lib do-beraind, ar Cailte.

Is mor in commáin tucais duind, ar in ingen, uair is tú ro dingaib do Thúaith Dé Danann in lucht ro bói ac foghail &ersir; ac díbeirg forru gacha sechtmad bliadna. Ocus atá léine esnadhach ór-shnáith acum-sa duit, &ersir; ní géba turbród tú aisti etir, &ersir; brat cimsach corccar-glan d' olaind Tíre Tarrngaire anall, cona chimais do bán-ór buidhe ina urthimchell, &ersir; sómaissi cacha dala &ersir; gacha h-airechta ar in tí imma &mdot;-bia sé, &ersir; aiscid t-shadhail t-shenorach duit, ar in ingen .i. duban, &ersir; Aicill meic Mogha a chom-ainm, &ersir; ní chuirfea ind es nó a n- abaind h-é ara ticfa dilmain.

Ocus cid do-gena-su, a Fir Maissi meic Eogabail? ar Cailte. Do-gen beith annsa t-shíd annso, ar eissium, nóco &ndot;-dernntar feis Temra, &ersir; co &mdot;-berar lium in ní ro gell Bé Bind duit-siu. Ocus tussa dono, a Chais Choraig, cid do-genair? Dúl let-su, ar Cas Corach, d' fhoghlaim fhessa &ersir; fhir-eolais nó co &ndot;-deiligit fir Éirend í Temraig.

Ocus is annsin ro thimnadur ceilebrad do lucht in t-sida, &ersir; tángadar co Cnoc in Nuaill amach, &ersir; tucsat lucht in baile nuall mor annsin ac deiliugud ré Cailte. Conid Cnocc in Nuaill a ainm ó sin anall. ócus ní thiucub-sa ar in baile-seo no có tí in brath dithi in betha.

IS ann táncatar rompo co h-Es na Fingaile, frisa raiter Es Cronain Meic in Bailb isin tan-so. Uair mor-sheissiur derbrathair ro badur ann, &ersir; tarrla eturru immon n-es, co ro marb cach a cheile díb, conid uaithib-sin atá Es na Fingaile fair, &ersir; ro mairistar a n-athair da n-éis, &ersir; ticed conice- seo .i. Crónan mac in Bailb, &ersir; do-nith Crónan ann acáined a mac, &ersir; ro moid a craide ina medhon adhaig ann. Conid uad ata Es Crónain.

Ocus ní cían ro badur ann co tangadur néoill deirid láe chuca, &ersir; tangadur reompo ón es, &ersir; at- conncadur fer mor a fer-brugh gabala ar tulaig ara cind, &ersir; ro t- shuidhedur i farrud ind fhir moir-sin. Canus tangabair? ar in t-óclach, &ersir; ro indissedur dó a n-ainm &ersir; a sloinded &ersir; a tuirrtechta. Ocus cuich thussa? a m' anum? ar iat-sum. Blathmac Boaire missi, ar se, ó eochair-imlib t-Shleibe Luga inso o Chúil Radairc annso, risa raiter Cúl Ó Find issin tan-so. Ocus áighidhecht na h-aidhchi anocht rob ail linde uait, ar Cailte. Ocus is amlaid ro bói in fer-sin, fer is mó doichell &ersir; díbe ro bói a n-Eirinn h-é. Da tucad sib a luag dam-sa, ar se, do-beraind frithailim &ersir; feis dithat na h-áidchi anocht dáib. Carsat luag-sin, a m' anum? ar Cailte. Tri carthada cloichi atá a cind mo baile, &ersir; Carthada in Trir at-berar ríu, &ersir; ní fhetamar cid o sloind- ter iat. Ro-fetar-sa duit, ar Cailte, uair isam mebrach in ni dia fuil .i.

Óclach maith ro bói i Fiannaib Eirenn .i. Find Ban h-úa Bresail, &ersir; do Chlannaib Baiscne dó, &ersir; ro badur tri h-ingena soinemla aicci, &ersir; ní raibi do Chlannaib Baiscne achtmád triar fer a com-maith .i. Find mac Cumaill &ersir; Oissin &ersir; Oscur &ersir; na tri mná-sin, &ersir; ro badur bessa ac na mnáib-sin a n-aghaid mathusa na fer-sin, uair ro chindsetar ar mnáib Eirenn a n-druinechus &ersir; a &ndot;-deglamda, &ersir; ní raibe a n-Eirinn uili triur ban rob fearr delb anait. Uair étach digraissi deg-alaind do-bered nech leis a n-aenach Thaillten nó a mordáil Uisnig nó a feis Temrach, &ersir; ní ba h-áil lé nech acht in t-étach do-nídis na mná-sin. Ocus adubairt Find ríu: A ingena, ar se, na dénaid feis lé feraib achtmád na fir da tibar-sa sib &ersir; da tibraid Fianna Eirenn. Ocus ro badur- sum re breithir na flatha Find a n-Almain Laigen amlaid-sin re h-ed &ersir; ré h-athaid. Co tangadur triar do Clannaib Morna seoch Carraic na h-Almaine, &ersir; co faccadar na tri h-ingena ac dénam a n-druinechais ar Carraic Almaine anairtuaid, &ersir; tangadur in triar óclach-sin .i. Conan &ersir; Art &ersir; Meccon a n-anmanna, &ersir; adubradur: Is maith in baegul echta út ar Find &ersir; ar Chlannaib Baiscne, uair ní fhuil díb a n-ingnais Fhind &ersir; Oissin &ersir; Oscair triur is ferr ina in triur út. Ocus ro gabsat iat &ersir; tucsat léo iat, ar Cailte, conici in tulaig-seo in bail a raibe Goll &ersir; a &mdot;-braithri. Canas tucad na ban-chimeda? ar Goll. A h-Almain Laighen, ar in ingen ba sine díb. Adhbur sída do denam rissin Féind sin, ar Goll. Dar ar &mdot;-breithir ám, ar Conan, ní do dénam t-shída riu tucsamar lind iat, acht da marbad in bur fiadnaissi. Ar mallacht ar in tí muirbfes iat! ar Goll, &ersir; sind fein do beith i fiadnaissi a marbtha ní bém etir.

Ocus is annsin do éirgedar Clanna Morna a n-aen-fhecht in tulaig achtmád in seissir ro badur- sum, &ersir; adubradur na h-ingena ris-sim: Inn é ar marbad-ne is áil lib do denam? ar siat. Is sé immorro, ar Conan. do- beram-ne coma maith duib, ar na mna, .i. gach olcc &ersir; cach écoir do-rindeabair ar Fhind &ersir; risin Feind a maithem duib, &ersir; síd do dénam, &ersir; ar &mdot;-beith féin d' áen-mnáib acaib. Ocus nír' faemad sin dóib, &ersir; tucsat tri beimenna dóib, cor' bensat a tri cind dib, &ersir; ro cuired fo thalmain annso iat, co fuilet fáe na tri carthadhaib-sea. Conid uatha ainmnighther na cairthedha-so, ar Cailte. Amail adubairt Cailte: Feart trír atá ar in tulaig is lem-sa robo doilig, inmain triarfá h-aille ille atait fó na tri charthe. Mor ind esbaid Étain find fa maith um biad is um lind, Aífi ann is Aillbe ruad ba mor in scél ac in t-shluag. 'Arsin marbsat Meic Morna is gnim da raibi dobhra, inmain triarfa blaithi lí is díb ata fert in trír. Fert. Ocus is iat-sin, ar se, na mná ata fa na cairthib út.

Adráe buaid &ersir; bennachtain, ar in t- óclach: is maith in fis dam féin &ersir; dom mac &ersir; dom h-ua, &ersir; rachaid faeilte na tri n-áidchi-seo daib-si, a Cailti, ar in senchus-sin ro indisis dam.

Ocus tangadur reompo co Lis na m-Ban í Cúil Radhairc, risi raiter Cúil Ó Find isin tan-so, &ersir; tangadur issin &ndot;-dúnad anúnn, &ersir; ro frithailed co maith ind áidchi-sin iat. Ina degaid- sin tangatar rompu co Lis na m-Ban i Cuil Radairc, risi raiter Cúil a Find isin tan-sa, &ersir; tangatar isin dunad &ersir; isin deg-baile, &ersir; ro freslad &ersir; ro frithoilit iat, &ersir; ro badar ann co táinic in lá cona lan-soillsi arnabarach. ócus is annsin ro gab a chois clí greim do Chailti an lá, &ersir; nír' léic imthecht dó, &ersir; ro bi óglach in tighi aca ráda ris: Is mór, ar se, do degh-lúth do-righned don chois-sin ce tá a n-galar &ersir; a n-eslainti anocht. Ocus at-bert Cailti in láid ann: Do rithus a Temraig na tréd is ed a fír is ní brég, ro rucusa di fa thrí tri fichit cét cét-guini.

Ar fír do ghaile ocus do gaiscid, a rí Feindi, ar Blathmec, indis dúinn adbar do retha riu-sin, a Cailti. Ocus at-bert Cáilte: An cet-rith do-rinnes díb sochaidhi tuc a n- imsním, dar' gabus, ba caem mo rith lanamain gach fiadha ar bith. IN rith roba nesa dó is ed a fír is ni gó, dar cuirisa fa all atha ocus muillidh Érenn.

Ro ba mór an luth-sin, a Cailti, ar Blathmec. Ropa mor, ar Cailti, uair on trath co chéili do-righniusa o Thuind Clidhna andes co Tuind Rudhraigi budtuaid. Ocus at-bert Cáilte: IS é mo rith 'sa tres ló is ed a fír is ni gó, dar' léigius láigh do buáib a n- Érinn alaind ad-fuair.

Ocus is é-sin, a m' anum, a Blathmeic, adbar na rith-sin ro fiarfaigis dim. IS annsin it-cualatar coicedul tri cuanart ac denum selga im cenn Sléibe Lughda lenn-braenaigh re Taighlech mac Aililla, re righ Luighne Con- dacht. Cred in taffann-sa, a Cáilti? ar Blathmec. Taffann tri cuanart, ar Cáilte, &ersir; tri fiada rompu. Cá fíada sin? ar Blathmec. In ard-gabail-sea do-níat in cuanairt, ar Cáilte, ard-gabail dam im-discir alltaidhi &ersir; eillti ro-remur. Ocus in cuanairt-sea 'na n-degaid, ar in t-óclach. Bind-gabail gadhar a n-degaid míl mín-luath muighi sin, ar sé. Ocus in tres cuanairt-sea, ar Blathmec. Gabail n-dreman n-duthrachtach sin, ar sé, a n-degaid torc taeb- trom ac a n-dían-marbad. Crét in cethramad gabail-sea, a Cailti? ar Blathmec. Gabáil brocc taeb-trom tarr-isel. Ocus it-cualatar- sum ina degaid-sin gáir na gillanraidhi, &ersir; in bá lúaithi dona macaib, &ersir; in ba solmu dona h-óclachaib, &ersir; in ba h-indill-dirghi dibrucud dona feraib, &ersir; in ba mó eiri dona tren-mogaib. Is iat-sin ro bí a n-degaid na selga in lá-sin, &ersir; erghis in t- óclach amach da féghadh ár-sin, &ersir; mar adubairt Cailti a m-beith is amlaid ro batar. Ocus tuc in t-óclach a lán a m-beind buabaill assin dabaig medha ro bói aici do Cailti, &ersir; adubairt: In dabach duit, a Chailti, &ersir; cid re bliadain bud áil beith í fus do-géba. Adráe buaid &ersir; bennacht, ar Cailte, &ersir; nocho biam acht anocht. Más ed, ar in t-óclach, atá ní aile dob áil lium d' fhiarfaigi dít .i. crét fa tucad Lis na m-Ban ar in lis-sa? Adubairt Cailte: Nonbur deirbshethar ro bói annso do Thúaith Dé Danann. &ersir; tangadur i coinde nonbair óclach d' Fhiannaib Eirenn, &ersir; ar tiacht dóib ro urmaisedur Clanna Morna orro ann, &ersir; ro marbadur iat ar tiacht a coinde in nonbair-sin don Feind. Conid uatha-sin atá Lis na m-Ban ar in inad-so, &ersir; do-rigned in lis-so, ar Cailte.

Ocus ro badur ann ind áidchi-sin, &ersir; ro thimnadur ceilebrad arnamairech, &ersir; ro fhacsat bendachtain, &ersir; tangadur reompo co Carnn na Fingaile, risa raiter Duma na Con issin tan-so. Ocus ac tiachtain dóib issin tulaig at-chonncadur nonbur ban mín-alaind ar cind ann, &ersir; rigan chaem- alaind chruthach eturru a medon, &ersir; léine do t-shroll rig re cnes, &ersir; inar maeth-sroill tairsi iar n-echtair, &ersir; brat ciumsach corcra uimpi, &ersir; delg óir ann. Ocus ro eirig inn ingen ac faicsin Chailti, &ersir; tairbiris póc dó, &ersir; ba cian roime-sin o thuc ben póc dó. Cia thussa, a ingen? ar Cailte. Echna ingen Muiredaig meic Finnachta, ingen ríg Connacht missi, ar in ingen. Ocus is amlaid ro badur na mná, &ersir; fidchell acu icá h-imbirt &ersir; baiglend do midh so-óla acca ic á h-ól, &ersir; benn buabaill ar uachtar na baiglinde, &ersir; in trath do thairsed in cluichi do breith do ibhdis deoch, &ersir; do bídis ac ól &ersir; ac áibnius 'arsin. Ocus is amlaid ro bói in ingen &ersir; tri buada furri, uair ro bo do mnaib glicca in domain di, &ersir; is í ben is aille ro bí isin doman h-í, &ersir; in tí da tabrad comairli do bíth conach &ersir; airmitin aici. Cailte dixit:

Rann.

A Échnach a ingen fhind is glan do niam ossin lind, do-bértha bretha co m-brí d' feraib betha re h-aen-mí.

Ocus cáit a rabhais araeir, a m' anam, a Chailti? ar in ingen. A tigh Blaithmeic Boaire, ar Cailte, a Cúil Radairc tís a Luigne Chonnacht. Ocus Dia do betha, a m' anum, a Cailti, ar in ingen, &ersir; is sí do chonair féin tángais, &ersir; gab, ar sí, in darna cenn don fhidchill. Ocus gabaid Cailte in fidchill ina ucht. Fada uad, ar se, nar' imbris-sa fidchell, a ingen, uair ní bered Cormac na Find na Oisin leth-fidchellacht orum-sa, ar Cáilte. Ocus tar éis a h-imberta trell ro chuiretar in fhidchell uaithib, &ersir; at- chonncadur tri dúnaid i n-imfhocus dóib, &ersir; ro fhiarfaig Cailte don ingin. Cé na trí dúnaid-seo? ar se. Accum-sa do-rónad, ar in ingen. Is ac deg-mnái do-rónad, ar Cailte. Crét in t-airfidech út it fharrud, a Chailti? ar in ingen. Cas Corach mac Cáincinde, airfidech Túaithe Dé Danann uili, ar Cailte, &ersir; in t-airfidech is ferr a n-Eirinn uili &ersir; a n-Albain. Is maith a delb, ar in ingen, damad maith a airfided. Dar ar &mdot;-breithir ám, ar Cailte, acht gid maith a delb is ferr a airfited. Gab bic ale do thimpán, ar in ingen. Ocus gabais Cas Corach a timpan, &ersir; ro bói ic á sefnad &ersir; ic á saer-shéinm, &ersir; tuc in ingen in da fhalaig ro bói imma lámaib dó. Ad-rae buaid &ersir; bennacht, a ingen, ar Cass Corach, &ersir; ni ricim-si a les iat, &ersir; ni thiber do nech aile iat budh fherr lem anai-ssi féin, &ersir; bennacht duit féin léo. Ocus at-bert Cáoilte: A Écna, a ingen in rígh in úair aderar a fhír, ni faccu-sa ar tír na ar tuind a com-shuaircc dalta echruim. IS tú is féile at-condac ríam ba ferr im lind is im bíadh, ni decha a t-tech mna budh ferr i n-iath Alban no Éirenn. IS í is féile it-condac riamh budh ferr im lind is im bíadh, is í ba ferr dealbh is dath do sluágaibh na fuinedhach. Aderim-sea rit reme bíd fír ina raidim- ne, nochan faccu-sa o tá biu commaith do dealbha, a Ecnu.

Ocus bá dered don ló annsin, &ersir; tangadur issin dún fa nessa dóib dona tri dúintib, &ersir; tucad a tech &ndot;-derrait &ndot;-diamair iat. Ocus ro éirig Etrum mac Lugair a h-aiti na h- ingine, &ersir; ro fherustar faeilte reim Chailte, &ersir; do-riacht in ingen astech i r-rabadur ina degaid-sin, &ersir; ro badur ic ól &ersir; ic áibnius ann. Ocus, a m' anum, a Cailti, ar in ingen, crét 'ma tucad Carnn na Fingaile ar in carnn-so, &ersir; crét ima tucad Duma na Con ar in &ndot;-duma-so amuich? Ben Mebla ingen Ronain, ban-drái do Thúaith Dé Danann, tucustar grád d' Fhind mac Cumaill, &ersir; adubairt Find ní thibred ban-drái cáidchi in com-fhat do-gebad mnái aile issin domun. Ocus do-riachtadur coin leicthe Find conici seo, ar Cailte .i. deich coin &ersir; secht fichit, &ersir; tuc in ingen-sin a anail fuithib, cor' chuir issin &ndot;-duma iat ar ulcaib re Find. Conid díb atá Duma na Con air-seo, ar Cailti.

Ocus Carn na Fingaile, no, ar in ingen, cret dia fuil? Lám Luath mac Cumaisc Deb- tha, meic Dénta Comlaind, do lucht in tíre-so h-é, &ersir; in comlann ticed chum Cormaic ríg Eirenn &ersir; Airt &ersir; Cairpri Lifechair eissium &ersir; a athair &ersir; a t- shen-athair do-nith cach comrac díb a cind a cheile. Ocus is annsin do bí óclach a &ndot;-Dubthír &ersir; a &ndot;-Dubfhid &ersir; a Sleib Guaire, risa n-abar Sliab Cairpri, &ersir; Borbchú mac Trénlámaig ainm ind óclaig, &ersir; ro bói ingen aici .i. Niam ingen Borbchon a h-ainm, &ersir; nónbur derbrathar ro bói ac Laim Luaith mac Cumaisc Deabtha, &ersir; lineation error: four line numbers repeated. Here marked a-d.táinic cach fer fa leith díb d' iarraid na h-ingine ar Borbchoin mac Trénlamaig, &ersir; iss ed adeired cach fer díb re Borbchoin: Muirbfimid-ni thú &ersir; do secht meic a n-aen-fhecht muna thuca th' ingen duind. Ocus adeired Borbchú ré cach fer fo leith díb ar ecla a marbtha: Rachaid duit-si h- í.

Ocus is annsin adubairt Lám Luath adhaig n-aen ann ar in tulaig-sea: In fír sib-si, a m' anum, a braithri, ar se, d' iarraid na mná ro t-shiris-sa ar Borbchoin? Is fír, ar siat. Ocus is annsin táinic idhu éta da indsaigi, &ersir; ro eirig, &ersir; ro gab a chlaidim, &ersir; tuc béim don brathair ba nessa dó, cor' marb h-é, &ersir; in mor-sheisir derbrathar ro badur tucsat a m-beil re lar ac faicsin na fingaile do denum dó-sum, &ersir; fuaradur bas do chumaid annsin, &ersir; ro cuirid issin carnn-so iat, conid uathaib- sin atá Carnn na Fingaile in carnn-so, a ingen, ar Cailte, &ersir; conid ana inadh-sin do-rigne buidhechus naem Patraic i Temraig a fiadnaisi fer n-Érenn, &ersir; adubairt co n-gebad do chlaidim air fein acht co n-aprad Patraic ris h- é.

Ad-rae buaid &ersir; bennacht, a Chailti, ar in ingen: is mor in fis do fhacais acaind. Ocus in fitir tusa, ar in ingen, ind airesbaid fuil orainde, &ersir; ní fhagaim a furtacht? Cá h-esbaid-sin? ar Cailte. Ceinn-eslainti tic rem chenn, &ersir; ní fhuil uisci acaind i focus duind da ind-fhuarad, uair do-geibim furtacht in tan chuirim uisci ar mo chenn. Ocus cait a fuil Cas Corach mac Caincinde? ar Cailte. Sunna, ar in t-airfitech. Eirig amach chum na tiprat, &ersir; beir in t-uisci coisrectha-sa let, &ersir; craith ar in tiprait h-é, &ersir;chaid in fiad dráidechta atá urri di, &ersir; fo-genaid dó cach nech h-í. Ocus Tibra Aillbhi Gruad- bricci ingini Cormaic in tipra-sin. Ocus ro eirig Cas Corach mac Cáincindi, &ersir; ruc leis amach in t-uisci coisrectha, &ersir; crathais ar in tiprait, &ersir; tócbaid do chach h-í.

Fiach t' fhaeilte &ersir; do t- shoichle duit, a ingen, ar Cailte, in tipra d' fognum duit &ersir; do lucht na criche. Ocus ro boi in tipra-sin ac foghnum dóib nó co &ndot;-dernsat da rig ro gab ar chuiced Connacht fingal eturru fein .i. Aed &ersir; Eogan a n-anmanna; &ersir; ro marbad Eogan la h- Aed ac Líc ind Fhomorach, risa raiter Líc Gnathail issin tan-so, &ersir; ind aídchi-sin, arsi Cailte tucad na tri h-esbadha as mó thucad ar chuiced Connacht riam .i. in t-es ro-imarcraid do thiced ó Indber na Fer, risa raiter in Muaid isin tan-sa, do trágad, &ersir; in lan mara do thiced assin muir amuich ar in &ndot;- Gaillimh, &ersir; co m-bith lessugud in choicid air cacha bliadna do trágad fos ind áidchi chétna &ersir; in Tipra-so Aillbi.

Ocus imtecht is lind amairech, ar Cailte, &ersir; ní thucu-sa mo chend a tech mná bod fherr anái-ssi, ar Cailte. Ocus raet so-deithfirech rob ail lium-sa d' fhiarfaighi dít re n-imthecht, a m' anum, a Cailti, ar in ingen. Cá ní sin? ar Cailte. Cuich h-é in t-airfidech ut atá at fharrad-sa, &ersir; cia a mathair nó a athair? Cass Corach mac Cáincinde, mac ollaman Túaithe Dé Danann h-é, &ersir; ollam Túaithe Dé Danann h-é fein, &ersir; Bé Bind ingen Elccmair in Broga a máthair. Dursan sin dono, ar in ingen, nach mac do Bodb nó d' Aengus nó do Thadg mac Nuadat h-é. Cá fáth itir ón, a ingen? ar Cailte. Grád trom tucu-sa dó, ar in ingen, &ersir; ní thucus grád do neoch roime ríam. Ni bá ferr nech díb-sin fa deired na eissium, ar Cailte, tre breithir naem Pátraic co m&mdot;-bia ollamnacht Eirenn aicci fa dered, &ersir; cuirfid Tuaith Dé Danann i nd- étnaib cnocc &ersir; carrac acht muna fhaice trú tadhal talman do thaidbsi, achtmadh in t-airfidech- so. Caide th' aicned uimmi-siút, a Chais Choraig? ar Cailte. Is sé m' aicned, ar se, na facca do mnaib in domain riam ben budh fherr lem ina in ingen út. Crét da-beir oraib gan com-aentugud do denam? ar Cailte. Do déoin-si &ersir; dot chomairle, ar in ingen. Feis Temra ac á denum ac feraib Eirenn, ar Cailte, &ersir; do-berthar thussa do Chas Corach mac Cáincinde ann, &ersir; do- bérthar ollomnacht Eirenn &ersir; Alban dó leis, &ersir; naidmecar tusa a coraidecht aen-mná dó. Ca fat co &ndot;-dingentar feis Temrach? ar Cas Corach. A cind raithe o 'nossa, ar Cailte. Ocus fáemais in ingen-sin &ersir; Cas Corach maraen.

IAr sin ro bai Cáilte ic formoladh Find, &ersir; adubairt so and: A tainig do sluagh Banba itir righ is righdamna, ferr Find innáit sin uile. cath-milid ard Almaine.

IS mor in teist-sin, a anam, ar Patraic. Ní mór, ar Cáilte, uair da m-beitís secht tengtha im cind &ersir; secht so-labarta súadh cecha tengad dib ní táirsed uaim leth na trian a maithesa fecht d' indisin ar Find. Uair bai a adbar-sin aigi, uair nír díult Find roim duine riam acht co m- beith cend re caithem neich aigi &ersir; cosa re h- imthecht. Ocus itbert: IN ti nách leicedh nech 'na theach ro leiced Find ina tech, ro bith aigi re táib-sin i cen ro bái 'na bethaidh.

Ad-rae buaid &ersir; bennachtain, ar Patraic, is maith ro indisis sin.

Asa h-aithle-sin tancatar na sloigh rompu co Cnoc in Eolaire re Cruachain aníartuaidh. Cred 'ma tucad Cnoc in Eolaire ar in cnoc-sa, a Cáilti? ar Patraic. In t- aen-duine is ferr delb don Ádham-cloind &ersir; do droing delbda duineta .i. Eolair mac righ in domain móir anoir, &ersir; do-rinde a curu &ersir; a muinnterus re Find nói cét cú &ersir; nói cét gilla &ersir; nói cét oclach, , &ersir; do-rónad selg Sléibe Gam &ersir; Sléibe na Seghsa ua Ebric &ersir; clár-mhachairi in Coraind chladh-uaine ac Finn, &ersir; do rith in gilla a n-degaid fhiadha ann co tárla a shleg féin a for-fholumh a cléib, 'co n-dechuid fot lámha laeich do chrund ruad ro-remur a shleigi fein trít. Ocus táncamar-ne trí catha na Féinne dá indsaigid, &ersir; do bói .ix. n-oidhche 'na bethaid ac taircsin a leighis acaind &ersir; ro féimed ní dó , &ersir; fuair bás iarsin, &ersir; do múired in tulach thonn-ghlas so air.

Finn cecinit in rann:

Truagh, a Eolair il- chrothach ilcrothaigh a chur chródha chomramach corcra corrtharach , fuil do chuirp ina crú thécht crú truim técht do shil ar siledh tar crécht confadhach!

Ocus Cnoc in Eoluis ainm ele dhó, ar Cáilte. Crét in t-eolus-sin? ar Pátraic. Coinnillsciath drái do mhuintir Fhinn do bhí ac cailleoracht ar néllaib na firmamenti i fiadhnaise Fhinn, &ersir; ro féchustar ar Coiced n- Gáileón budes, &ersir; ro bai oc a rada re Find. Ac sút, ar sé, in bhaili a cuirfider bruiden re Fathad Canunn mac Mec Con mheic Mhaic Niadh. At-ciu ámh sin, ar Finn, &ersir; ro- taispénustar do Coindelsciath drái,, &ersir; at-bert: At-ciu trí neollu co neim a Coindilscéith os bruidin bruigin bruidhin , abair re cách masa cet tucair gá fáth 'ma fuilet. At-ciu nél glan amar ghloin fil ós bruidin béil-lethain, biaid triath dáma, tailc in modh cailc na sciath oc á scoltod. At-ciu néll glas geallus brón fuil eatorra i ceirt-mhedhón, ticfa mian na m-badhbh don bhert niamh na n-arm ic á n-imert. Néll derg nach deirgi crú glan at-ciu ann ara n-uachtar: mad cath budh fatha feirgi dath na fala foir- dheirgi. Tarngairit curpu do chrádh ocus díth mór-shlóg mochtráth, a rí Chliach at-geoin gach lá na trí neoill chiach at- chiu-sa. A Coindilscéith, abair sin gach ní gá d-tú fiafraigidh, ná ceil ar do triath mar tá na trí neoill chiach at-ciu- sa.

Ocus ro timnadur ceilebrad iardain don ingin, &ersir; tangadur rompo co Cnocc na Dála bodes, risa raiter Carnn Fraich meic Fhidaig, &ersir; fuaradur aen-duine mór ara cind issin charnn, &ersir; folt garb tre-liath fair, &ersir; brat odhar uime, &ersir; fetan finduma issin brat, &ersir; lorg fhind fhata fhind-chuill ina láim, &ersir; airghi do buaib a fér-gurt gabala ina fiadnaissi. Ocus suidhis Cailte ina fharrad ar in tulaig. Cia thussa, a m' anum, a óclaig? ar Cailte. Bairnech mac Cairbh missi, ar in t-óclach .i. rechtaire do rig Eirenn .i. do Diarmaid mac Cerbaill, &ersir; issin crich-seo atá ferann acum ó rig Eirenn. Can duit-si do bunudhus, a m' anum, a óclaig? ar Cailte. A Collamair Breg anair, ar in t-óclach. Ocus in fetrais dam, a óclaig, ar Cailte, cia as ferr tainic a Collamair Breg riam? Ro-fhetar &ersir; ro-fhetadur fir Eirenn &ersir; Alban .i. Cailte mac Rónain, ar Bairnech, &ersir; in fitir tusa cáit a fuil in t-óclach-sin? ar Bairnech. Ro-fetar, ar Cailte. Atá-som ar sáer- chuairt Eirenn in bail i r-rabadur a choicle &ersir; a chomaltada ina fharrad, &ersir; missi in fer-sin, ar Cailte, &ersir; brathair bunaid duit-si mé, &ersir; inann sen-athair lind araen.

IS annsin tairbiris Cailte teora póca co dil &ersir; do díchra dó, &ersir; ro ferustar fír-cáin faeilti reime, &ersir; is sí do chonair chóir tangais, a m' anum, a rig-fhéindid, ar se, &ersir; a cind t-shechtmaine o 'noiss, ar sé, do-roich Pátraic, &ersir; maithe Connacht maraen ris, co Fert an Druad, risa raiter Fert in Geidig issin tan-so, &ersir; bí-siu a tigh do brathar rissin ac caithem bíd &ersir; lenna, &ersir; cid iat in lín is lia ro badais d' fheind &ersir; d' foirind riam ro-soistea ale do-gébtha faeilte nó co tíssad in Tail- genn dot' indsaighe. Ocus atait soithfrecha mora acaind issin crich-seo, ar Bairnech mac Cairbh. Ca soithfir-sin? ar Cailte. Atait acum-sa airgeda imda annso, &ersir; tic aen-ben dar n- indsaighi cacha h-aidchi t-shamna cacha bliadna a Síd Chruachna, &ersir; .ix. &mdot;-ba is ferr in cach airge beirid lé gan iarmoracht urri, co téit issin síd. Ocus ní lucht deg-luith missi ná mo meic, ar in t- óclach, &ersir; tucad ar cuit luith &ersir; lán-choiblid indut-sa &ersir; in dá mac bói accut .i. Colla &ersir; Faelán. Ro bo maith lúth Cholla tra, ar Cailte. Cá deg-luth ro bói ann tar in mac aile? ar in t-óclach. IMarbáig fhidchellachta do-rala dó do dénam ar múr na Temra adhaig n-aen ann tre fhochaind mná Binde Boinde rechtaire na Temrach ar tabairt gráda dó, &ersir; do-rindset imarbáig retha &ersir; fhidchellachta .i. Colla &ersir; Fianna Erenn,. Cindus is áil lib comling do dénam? arsi Colla rissin Féin. Tabraid-si bor n- aighedh ar aen-leith trí catha na Féine, &ersir; do-bér-sa mo drúim reomum. Ocus do-rónad in chomling amlaid-sin, &ersir; ruc-som leis in fidchill ara chúla ó Fhiannaib Eirenn. Co &ndot;-dechaid tar mullach Beinde h-Étair amach issin muir, cor' báidhed ann h-é. Ocus dursun, ar in t-óclach, nach eissin tárrasa, uair ní bérthái mo ba uaim gan díghailt.

In fitir tusa, a Chais Choraig, ar Cailte, cé do Thúaith Dé Danann in ingen út? Ro-fhetar, bar eissium .i. Scothniam ingen Chaissirne drúad a Síd Cruachna andso do-ní ind fhoghal-sin ort-su, &ersir; Cathmog mac Fhir Chirp, mac ríg Breg &ersir; Midhe ro marb a h-athair &ersir; a sen-athair na h- ingine, &ersir; atá sí ac á &ndot;-dighailt ar cach nech accaib-si a n-degaid a cheile.

Ocus tangadur rompo annsin co dún ind óclaig .i. co Lis na Fleidhe, i l-leith aniar do Charnn Fraich meic Fhidaig, &ersir; ro freslad co maith iat ann re teora lá &ersir; re teora aídchi. Ocus maith, a anum, a óclaig, ar Cailte, dar lium-sa iss anocht áidchi t-shamna. Mas sí, ar in t- óclach, is inti-sin tic in ingen d' fhogail &ersir; do díbeirg orainde. Cindus do biath dam-sa, ar Cas Corach mac Cáincind, dul co dorus in t-shida anocht a Cailti? Érigh, a mh'anum, &ersir; gabh th' arma &ersir; dena lámhach. Ocus do-chuaid, &ersir; ní cian bói ann co facaid in ingin seocho amach assin t-shid, &ersir; brat álaind aen-datha uimpi, &ersir; delg óir ann, &ersir; léine do t- shída buidhe re cnes, &ersir; snaidm don lénid itir a da sliasait, &ersir; da t-shleig ina lámaib, &ersir; ní raibe ro-eacla urri don leith da h-aghaid, &ersir; nírb' ecail lé a bec don leith da cúl. Ocus ruc Cas Corach síde ina h-aghaidh, &ersir; tuc a chorr-mér gaiscid a suainem na sleigi ro bói ina laim, &ersir; tuc urchar don ingin co tarla in t-shlegh ina h-ucht, cor' bris a craide ina cliab.

Cailte cecinit:

Rann.

 Ro marb Cas Corach na cor in n-ingin mir, nir' bo chol, in dorus in t-shída thuaid co rus-commáig re h-aen-uair.

Ocus ro díchend h-í 'arsin, &ersir; tuc leis in cenn chum in óclaig &ersir; chum Cailti. Ocus ac siut, a m' anum, a óclaigh, ar se, cenn na h-ingine do-níth ind fhogal &ersir; in díbeirg ort cacha bliadna. Ocus ro badur ann re téora lá &ersir; ré teora áidchi ina degaid- sin.

IS annsin adubairt in fer cétna: Maith, a m' anum, a Chailti, in fitir tusa in t-ingreim aile atá orum-sa isin tír-seo? Cá h-ingreim-sin, a m' anum? ar Cailte. Tri sadha con tic a h-Uaim Cruachan cacha bliadna co millit in neoch bís do moltaib &ersir; do chaerchaib accaind &ersir; ni thair baegal co tragit i nd-Uaim Cruachan doridhissi, acht is mo-genar cara da ticfad a n-dingbail dínd. Ocus maith, a m' anum, a Chais Choraig, ar Cailte, in fitir tusa cé na tri coin do-ní ind foghal ar ind óclach? Ro-fhetar ám, ar Cas Corach,.i. Tri h-ingena Airitig do deired na trom-dáimi a h-Uaim Cruachan &ersir; is ussa leo foghal do dénam ina conaib ná ina dáinib, &ersir; ní thabrad táeb re nech, ar Cailte. Ní tabraid acht re h-aen-droing, ar eissium. Carsat drong-sin ar Cailti. Da faicdis cruiti &ersir; timpain ac feraib in domain do-berdais taeb ríu. do-berat taeb re Cas Corach mar sin, ar Cailte, &ersir; cait a clechtait tiacht? ar Cailte. Co Carnn &mdot;-Bricrenn annso, ar in t-óclach. Ocus cindus do biath dam-sa, ar Cas Corach, dul amairech, &ersir; mo thimpan do breith lium co mullach in chairnd? Ocus do eirig co moch arnamairech, &ersir; do-chuaid co mullach in chairnn, &ersir; ro bói ac sefnad &ersir; ac sír-shéinm a timpain co fuined nell nona. Ocus amal do bói ad-chonnairc na tri coin chuice co ro laig- set ina fiadhnaissi ic eistecht in chéoil, &ersir; ní fhuair Cas Corach accmaing fhalmaissi orro, &ersir; tangadur uad bothúaid chum na h-uamad re deirid don ló, &ersir; tainic Cas Corach ar cula chum Cailti, &ersir; indissid in scel sin dó. Eirig-siu amairech annsin doridissi, ar Cailte, &ersir; raid ríu comad fherr doib beith i r-rechtaib daíne ic eistecht re céol &ersir; re h-airfited ina beith i r- rechtaib con. Ocus tainic Cas Corach reime arnamairech conice in carnn cetna, &ersir; ro indill a muintir imon carnn, &ersir; do-riachtadur na coin conice in carnn, &ersir; ro laigset ara rigthib oc eistecht rissin ceol. Ocus ro bói Cas Corach ic á rad ríu. Damad dáine sib, ar se, ar &mdot;-bunudh, ro ba fherr duib eistecht in bar &ndot;-dáinib rissin céol na in bar conaib. Ocus at-cualadur-sum sin, &ersir; ro bensat na cochaill chiar- leabra ro bói umoib, uair ro bo maith leo in céol sírrechtach síde. Ocus amal ro badur taeb ré táeb &ersir; uillind re h-uillind at-chonnairc Cailte iat, &ersir; tuc a chorr-mér gaiscid i s-suainim na sleighe, co tarrla in t- shleg ina seol neme a mullach a h-ochta issin mnái ba sia uada dib ar &ndot;- dul trithfa a triur, co rabadur ina ceirtle contrata ar in sleig marsin. Amal adubairt Cailte: Ro marb Cailte cona neim in triaringnad anaichnid, cor' thuitset fa lór truaigi re h-aithle na h- aen-uaire.

Ocus at-racht Cas Corach chucca, &ersir; ro ben a tri cindu dib. Conid Glenn na Conricht ainm in glenna i l-leith ituaid do Charnn Bricrenn o sin anall gus aníu.

IS maith in t-engnum do-rignis, a Cailti, ar Cas Corach, &ersir; ní h-engnum senórach-sin aniu, &ersir; ro bói ba &ersir; roba maith do t' airfidech beith it fharrud. Ocus ca ferr in t-engnum do-rigniusa na engnum ind airfidig .i. do-rignis a m-brégad o rechtaib con í rechtai daíne.

Ocus tangadur rompo dochum dúnaid ind óclaig 'arsin, &ersir; cind na tri &mdot;-ban- sin leo a &mdot;-buaid coscair &ersir; chom-maidme, &ersir; ro badur ann re teora lá &ersir; re teora aídchi.

IS í-ssin aes &ersir; uair do-riacht naem Patraic co Fert in Druad risa raiter Fert in Gedig issin tan-so .i. Gedech espoc do muintir Pátraic ro bói ann. Nó dono Geidech drái Medba &ersir; Aililla atorchair ann. Ocus is annsin do-ríacht Aed mac Muiredaig meic Fhinnachta, rí Connacht, co Raith Chaeirech Medba, risa raiter in Mairtini meic Conrach isin tan-so. Ocus ind aídchi-sin ro gab slaetan trom-galair d' indsaigi Bé Bind ingen Echach Leithdeirg rí Laigen, ben ríg Connacht, &ersir; fuair bás ann, &ersir; ro h-adhlaiced h-í i nd-Ard na n-Aingel, risa raiter Úaran &ndot;-Garaid isin tan-sa, uair míli d' ainglib tainic fa thri ann d' accal- laim Patraic and ac denam a trath. Conid aire-sin aderar Ard na n-Aingel riss.

Ocus tainic iarsin rí Connacht co Fert in Druad, mar i r-raibe naem Patraic, &ersir; do-righned tinol &ersir; toichestal chuicid Connacht leo ó ta Leic Essa Lomanaig, risa raiter Luimnech, co h-Ess Ruaid meic Moduirnn.

Dala Chailti, immorro, tainic roime cona muintir ó ta Lis na &mdot;-Ban co h-airm i r-raib Pátraic &ersir; maithi Connacht, &ersir; tuc a chenn a n-ucht Pátraic annsin. &ersir; ro fheradur maithe Connacht faeilte re Cailte &ersir; ré Cas Corach mac Cáincinde. Ocus dar ar &mdot;-breithir ám, ar siat, ní fhaccamar ó do scarabair rind dám budh annsa lind ina sib. Dar mo breithir ám, ar Cailte, ní fhacca-sa dám bud annsa lem ina sib-si o do-chuaid in flaith Find as. Ocus ro eirig Cas Corach mac Caincinde, &ersir; tuc a chenn a n-ucht Pátraic, &ersir; ro slechtastar do. Buaid n-urlabra ort, a meic, ar Pátraic, &ersir; cach tres focal adér fer t-eladna comad bind le cach h-é, &ersir; fer leptha ríg díb, &ersir; caindel cacha h- airechta ret' eladhain cháidchi. Ocus ba gairdiugud menman &ersir; aiccenta lé Pátraic a torachtain chuice na deissi-sin.

Ocus is annsin do fhiarfaig Pátraic scéla do Chailti o ro delaig ris co toracht chuicci doridissi, &ersir; ro indis Cailte scela fíre dó. Ocus maith, a Brogain, ar Pátraic, scribthar &ersir; lesaigther let scela Cailti nach dechat a mudha, corub gairidiugud do drongaib &ersir; do deg-dáinib deirid na h-aimsire iat.

Ocus maith, a naem Pátraic, ar Cailte, crét do scela féin &ersir; do thuirrthechta o ro deiligisa riut gus aniu? Atáit acum-sa duit-si ón, ar Pátraic .i. Maelan &ersir; Mugan &ersir; Brothrachan &ersir; Dobchú na celg d' indarba a h-Aenach Derg, risa raiter Achad Abair Umaill isin tan-sa.

Patraic cecinit:

IN tipra d' áccus as tír 's ma dá bratan cen im-shnim, is merdait ann co brath &mdot;-bán, adér riut. a Chailtican.

Fer Bend &ersir; Fer Bogha &ersir; Fer Gabla .i. triarbrathar ro badur ac dénam uilcc &ersir; écórach a n- iarthar Eirenn, &ersir; tri cét míle do demnaib imon Cruaich, co ro indarbus amach iat tar Ailen in t-Shnáma issin muir, corub rissin aderar Ailen na &ndot;-Deman issin tan-so.

Patraic cecinit:

M' én &ersir; m' uisci &ersir; m' ilar is mo Chruach álaind idhan, is siat-sin bus chomarchi do cach uaim a n- a&ndot;dliged.

Ocus maith, m' anum, a naem Patraicc, ar Beineoin Mor mac Aeda, cá dliged ar ar &mdot;- breithir immi-sin ac cach aen imthechus fonn na Cruaiche &ersir; ibhas uisci in Dabair? A &mdot;-beith ar do chomus fhéin, etir t-shen &ersir; óc, &ersir; ro fhacus comad inad naem &ersir; fír in t-inad, &ersir; comad crínad clainde &ersir; ciniuil &ersir; aiccme do cach aen do-genadh ann olcc na écoir na imdell, &ersir; mo chin don tí don-gena a cadus &ersir; a cum- dach. Conid iat-sin, a m' anum, a Chailti, ar Pátraic, mo scéla &ersir; m' imthechta risin &mdot;-bliadain atái-si am' écmais.

Ad-rae buaid &ersir; bennachtain, a naem Pátraic, ar Cailte: is mor in sochur-sin ro fhacais do Gaéidelaib issinn inudh-sin.

IS annsin ro scailed a pupull tar Pátraic ind áidchi-sin, &ersir; do-rigned longport ac ríg Connacht ann ré h-ed caeicis ar mís nó co toirsitis cóic oll-choicid Eirenn do dénam fheissi na Temrach. Ocus do-rigned tech derrait diamair do Chailti acco iter thech rig Connacht &ersir; pupall Pátraic, &ersir; is uime do-rigned a tech amlaid-sin, comad urgairdiugud do cechtar de eistecht ris.

Ocus is annsin ro gab Cas Corach mac Cáincinde a thimpan, cor' chuir ina suan sír-chotalta iat. Ocus ro eirgetar arnamairech, &ersir; tucad fidchell da n-indsaighid da h-imirt, &ersir; do frith espaid tri fer don fidchill, &ersir; adubairt in rí: Ni fuighther fir bus chosmail ria a n-Eirinn na a n-Alpain. Ocus is annsin adubairt Cailte: Na h-imridh in fidchill, ar se, nó co n-dechur-sa d' iarraid fhidche at-chonnarc ic á folach fecht aile. Ocus tainic reime sair co cenn Sleibe Clithair, risa raiter Sliab Baghna issin tan-so, &ersir; at-chonnairc carthe com- daingen cloiche a n-dorus in t-shída amuich, &ersir; tuc a da láim uimin carthe, &ersir; tuc a talmain h-é, &ersir; faircle com-daingen cloiche ro bói ar in fidchill a n-inadh in chairthe, &ersir; faircli fuithe, &ersir; tuc in Solustairtich as .i. fidchell Guill meic Morna, &ersir; rucustar tri fir óir &ersir; tri fir airgit aisti, &ersir; do cuir in fidchill itir in da chlar com-dluta chloiche chétna, &ersir; tainic reime d' indsaigid rig Connacht, &ersir; tuc na fir 'na laim, &ersir; dornn ind fhir fa mó don t-shluag iss ed do bith in cach fhir díb. Ocus in raibi ní budh mó inás-so? bar in rí. Ro bói immorro, ar Cailte, tri cóeca fer n- óir &ersir; tri cóeca fer n-airgit. Cret tuc ort, ar in rí, gan in fidchill do thabairt let dam-sa? Ní fidchell do t-shiris orum, ar Cailte, acht tri fir chum t' fhidchle, &ersir; tucusa gein &ersir; aithgein duit, &ersir; ní dingen-sa a gluassacht assin n-inad ina tuc in t- óclach assa fidchell h-í. Ocus tucad na fir ar in fidchill 'arsin. Ocus cia ic á raibe ind fidchell? ar rí Connacht. Ac Goll mac Morna, arsi Cailte. Dursan gan a tabairt duit-si let dam-sa, ar rí Connacht. Na cuir-si ris-sin, a rí, ar Cailte, uair ní thiber in fidchill duit etir, &ersir; ní thibar ní bus mó da foirind.

Ocus ní cian ro badur ann co faccadur Aillenn Fhialchorcra ingin Buidb Deirg meic in Dagda, da n-indsaigid &ersir; tri .l. ban do mnáib Túaithe Dé Danann ina farrud, &ersir; ro t-shuidhestar ar in firt fótbaig i f- farrad naem Pátraicc &ersir; rí Connacht &ersir; ro bói in ingen ac indissin a toisce ann. Ocus caide do frecra urri-ut, a rí Connacht? ar Pátraic. In ní adérús-sa &ersir; bus maith let do denam dam iss ed dogén-sa, ar in rí. Is maith lem-sa a tabairt duit, ar Pátraic, uair ro gellus ria co tiubartha-sa h-i acht co léiced a creidem doilfi draidechta uaithe &ersir; co slechtad sí do t-shoiscel Rig nime &ersir; talman. In faemai-si siut, a ingen? ar in rí. Faemaim, ar inn ingen. Ocus ro eirig in ingen cona bantracht, &ersir; ro t-slechtadur uile do Pátraic, &ersir; ro chengail Pátraic iat &ersir; ro phós, corub h- í-sin cét-lánumain ro pos in Tailgenn i nn-Eirinn amal airmid udair. Ocus luach in posta, ar Beineon Mor mac Aeda. Rachaid um, ar in rí .i. ragha baile cacha tuaithe o Leic Lomenaig rissa raiter Luimnech, co Leic Essa Ruaid. Ocus luag uait-si ina adhaig siút, a Patraic, ar Beneoin, do lucht in chuicid. Do-bér immorro, ar Pátraic, .i. tri rig do gabail Eirenn uaithib, &ersir; rath Eirenn fo deired acco gan dibad. Ocus scribais Brogán na fácbala-sin do choiced Connacht, &ersir; scribais neoch tucad do Pátraic. Ocus ro fháeidur in lánamain-sin ind áidchi-sin ar feis leaptha &ersir; lám-déirgthi .i. Aed mac Muiredaig meic Findnachta &ersir; Aillenn Fhialchorcra ingen Buidb Deirg meic in Dagda.

Ocus ro eirig in rí co moch arnamairech, &ersir; ríg-lia cloiche ro bói ar in tulaig acco. Tuc in rí a druim rissin carthe &ersir; do fhiarfaig do Chailti: Cid imma tucad Lia in Imracail ar in lia-so? ar se.

Fecht n-aen da tangadur Meic Morna co Cuaill Chepain i nd-Echtge Connacht, ar Cailti, ac fogail &ersir; ac díbeirg ar Fhind &ersir; ar in Féin, &ersir; do-riachtamar-ne tri catha na Féine co mullach t-Shleibe Cairnd tes i crich Corca Mruad, &ersir; ro bói ceist ac Find im dála Mac Morna .i. ní fhitir ind annsa Mumain bodes do-chuadar nó in sechu bothuaid í cuiced Connacht. Ocus adubairt Find rena dá mac féin dul a cuiced Muman d' fhis scel Mac Morna .i. Uillend &ersir; Cáince cona fhéin &ersir; cona foirind, &ersir; do chuir Aedan &ersir; Cathal, da mac rig Ulad, &ersir; da cét óclach maraen riu, i cúiced cháem- álaind Connacht d' fhis Clainde Morna. Ocus ro badur dá mac rig Laigen ina fiad- naissi .i. Conla &ersir; Cellach a n- anmanna. Ocus tangadur-sin da cét óclach a n-degaid a comalta, &ersir; tar- raid cach ara cheile díb co rabadur ceithri cét óclach a n-aen- inad, &ersir; do-riachtadur chum inn inaid- sea, ar Cailte, &ersir; do t-shirdis cach láe o Ath Colta co h-Ath &mdot;-Bercha ac iarraid Mac Morna, &ersir; ticdis cach n-aidhchi conici seo. Ocus ba h-ingnad lé Find dala a muintire, uair ní tainic fis uaithib da indsaighid.

Ro eirgemar-ne tri catha na Féine &ersir; do fhuaramar slicht-lorg in t-shlóig romaind, &ersir; dar lind ba h-é slicht Chlainde Morna, &ersir; ro iad cach a laim a cheile umpu, &ersir; ro luath-marbad, etir gilla &ersir; óclach, na tri cét fer ro badur. Ocus ind uair thainic lá cona lán-shoillsi arnamairech is ann tucsat aichne ara muintir féin, &ersir; ro léicset annsin tri gaire mora eistib ic á cáinead a muintire ro marbsat a n-imrull, &ersir; adubairt Find ríg-lia cloiche d' iarraid ar in cethrur caem sin .i. air da mac rig Ulad &ersir; da mac rig Laigen. Ocus do eirgius-sa, ar Cailte, &ersir; Oissin co Raith Medba, risa raiter Raith Chaerech Medba isin tan-sa, &ersir; fuaramar in ríg-lia cloiche ann, &ersir; tuc- samar conici seo h-í, &ersir; ro t- sháidemar os chind na fer-sin annso.

Ad-rae buaid &ersir; bennachtain, a m' anum, a Chailti! ar in sluag uili, is mor in fis &ersir; in faillsiugud fírinde do-beri duind ar cach ní fhiarfaigther dít. Ocus is desin atá Lia in Imracail ar in lia-so, d' imracal Fhind &ersir; na Féinde, cor' marbadur a muinter fein a richt Chlainde Morna.

IS annsin do-chuadur co Temraig, &ersir; ro indessetar mor d' fhis &ersir; d' fhir-eolus i fiadnaissi fer n-Eirenn .i. Cailte &ersir; Oissin, &ersir; ro lessaiged cach ní adubradur ac ollomnaib Eirenn.

Ad-rae buaid &ersir; bennachtain, a uaissle, ar fir Eirenn. Gin co beth d' fhis na d' fir-eolus a n-Eirinn uile acht in meide ro facabair accu anos ro bo tinolta fir Eirenn uili i nd-aen-inadh.

Ocus is annsin ro eirig Cas Corach mac Caincinde, &ersir; adubairt: Maith a m' anum, a Cháilti, ar eissium, is mithigh. Is mithig dam-sa imthecht festa, &ersir; bennacht cacha dalta fort-su. Bennacht cacha h-oide ic a roibe dalta ort-sa, ar Cailte, uair is tú is ferr eladha at-conncamar riam. Ocus adubairt ri Eirenn .i. Diarmait mac Cerbaill: ollamnacht Eirenn uaim-si dait in comfhat rabur-sa i r-rigi.

IS si-sin uair &ersir; aimsir tangadur tri nonbair d' iarsma na Feinde ro bói i f-farrad Chailti ar in tulaig leth aniar do Themraig, &ersir; tucsat da n-úidh &ersir; da n-aire beith a n-ingnais a luith &ersir; a lán- choiblidh, &ersir; gan a beith do rath orro nech ac comrad ríu, &ersir; tucsat a m-bel re lár talman issin tulaig-sin, &ersir; fuaradur bás ann, &ersir; ro cuired fo thalmain iat, conid Cnoc na Nonbur ainm in chnuic-sin dia n-eis.

Truag dono sin, ar Oissin, iss ed sin ro mairistar d' iarsma na muintire moire maithe ar triath &ersir; ar tigerna accaind .i. Fhind mac Cumaill. Ocus ro badur na senoire co toirrsech truag in lá-sin tar eis na tri non- bur-sin ó nar' mair do tri cathaib na Feinde achtmad Oissin &ersir; Cailte &ersir; na tri nonbair- sin. Ocus ro badur fir Eirenn uile ina tast gan fer do labra re cheile díb ara mét ro chuir orro a n-dernnsat na senóraig do thoirrsi tar éis a Féine &ersir; a muintire. Ocus adubairt Oissin: IN fuil sunn nech ro fheissed gémad fann, gemad eissel, in fhail ar fácad cuach Find 'na aenuran a Cromglind.

Ocus ní rabusa riam, ar Cailte, lá nach budh éscaid lém labra riut, a Oissin, acht mad aniu. Ocus adubairt Cailte: Atá sunn nech ro fheissed mar ar' impo for deis- sel, in fail ata 'sin glind glais ní fholaig acht feth fithnais.

Oissin dixit: IN fil sunn nech ro fheissed gémad fhann, gémad eissel, cia do-rat cenn Curraig chain issin chnoc os Badamair? Tusa ro ben a chenn de, ar Cailte, &ersir; t' athair ro loit h-é, ar Cailte, &ersir; missi ro muir in cnocc.

Oissin dixit:

Da &mdot;-beth sunn nech ro fheisid mina impodar deis- sel, ann rus-geogain Find bodéin o rus-dichenn Oisséin.

Ocus adubairt Cáilte: Rucus lim in cenn 'arsin gusin cnuc os Badhamair, co fuil ann o ssin ille issin cnucc 'na comnaidhe.

Ocus in cumain let-su, a m' anum, ar Oisin, cia ro diubraic Goll mac Morna maiten ós Beluch Gabrain? Missi ro diubraic h-é, ar Cailte, cor' chuir in cathbarr óir ro boi imma chenn de, &ersir; ro ruc coibeis craind na sleige da fheoil de. Ocus uallach ro bas fai-sin, ar Oisin, ger 'bo mor in chned ro gab in cathbarr imma chenn, &ersir; ro gab a airm, &ersir; adubairt re braithrib nach raibe poind air. Ocus adubairt Oissin: IN fuil sunn nech ro fheissed gemad fhann, gemad eissel, cia ro diubraic Goll co m&mdot;-baid maiden ós Beluch Gabrain.

Ocus adubairt Cailte: Missi ro diubraic a rí a Oissin gusin caem-lí, urchur fagha cert do-chuaid a n-diaid meic Morna mor-cruaid.

IS annsin do fhiarfaig rí Eirenn dib-sum: Cia ro marb Cairpre Lifechair mac Cormaic i cath Gabra? Oscur mac Oissin, ar Cailte, ro marb h-é. A fhírinde as maith do denam, ar Oissin. Cia chena ro marb h-é? ar in rí. Orlám rí Fotharta andes, ar Oissin .i. óclach gráda ro bói acum-sa &ersir; 'gom athair reomum. Oissin adubairt: Orlam mac rig Fotharta nochar'b é in fer co maithfech, brathair Brónaig, ní brég lib ro marb Cairpre Lifechair.

Ocus Osccur dono, cia rus-marb? ar rí Eirenn. aen-urchur Cairpri Lifechair meic Cormaic ro marb h-é. Ocus Mac Lugach, cia rus-marb issin chath? ar Diarmait mac Cerbaill. Bressal mac Eirge, mac ríg Gall- Gaeidel anall, &ersir; taissech teglaig rig Eirenn h-e.

Ocus rob h-í-sin adhaig déidinach feissi na Temrach, &ersir; ro badur ac ól &ersir; ac aibnius ann ind aidchi-sin, &ersir; ro eirgetar na sluaig 'arnamairech, &ersir; ro scailset fir Eirenn da crichaib &ersir; da cóicedaib féin &ersir; da n-inataib bunaid. Ocus at-racht rí Eirenn co moch arnamairech co Lic na &ndot;-Druad fri Temraig anairtuaid, &ersir; Bé Bind ingen Alaisc meic Aengusa, ingen rig Alban, a ben.

IS áil lem-sa, ar se ré mnái, dul ar saer-chuaird Eirenn. &ersir; is áil lem do beith-si i Temraig ic frithailem na senórach arna ría ail nó aithis missi ó fheraib Eirenn. Do-gentar a reir mar oirdechair-si &ersir; mar adérat féin, ar in rigan. Ocus tangadur araen rompo issin tech i r-rabadur na senoraig .i. Oissin &ersir; Cailte, &ersir; ro indis in rí doib-sin. Ocus is amlaid ro bói Oissin: iss é fer ba fial-náirige ro bói a n-Eirinn h-é, &ersir; adubairt: Ní h-amlaid do-gentar, a rí, ar eissium, acht bíd do ban-cheile it' fharrud féin &ersir; aithin don rechtaire sinde. Máss ed, tabair in rechtaire chucaind, ar in rí; &ersir; tucad h-é féin &ersir; a ben ann. Ocus adubairt in rí ríu: Ac seo mar ordaigim duib biathad na senorach .i. secht fichit bó do chur i fer-gurt gabala, &ersir; a &mdot;-blegon- sin dóib cach n-aidchi, &ersir; proind deich cét o feraib Eirenn doib a lind &ersir; a loim i Temraig, &ersir; fothrucud cach re lá, &ersir; esrad úrluachra ina lepdaib, &ersir; cona tair deired in lenna d' ól in tan bias in lind nua urlum acco. Ocus atait secht meic accut-sa, ar rí Eirenn, &ersir; muirbfither accum-sa iat &ersir; tusa leo da raib ní a n-airesbaid dóib.

Annsin adubairt Oissin:

Nir' h-i&ndot;ganta, ar eissium, Lighi ind Abaic a Temraig, da tictis fir Eirenn uile da fhegad, inar &mdot;-beith 'gar n-aithne ar Mael Muirir mac &ndot;- Dubain, ar rechtaire na Temrach, &ersir; do Chuarnait ingen Béccain Bóaire ar a mnái. Ocus maith, a m' anam, a Oissin, cret eissein in t-abhacc? Turchairthe flatha fuair Conn Cétchathach, ar Oissin .i. abhocc, &ersir; tri duirrnd Cuind Cetcathaig ina airde, &ersir; iss e fidchellach &ersir; brannaige as ferr do boi a n-Eirinn h-e. Ocus uile galra in domain do beith ar nech acht co tucad a lam air ro fhoirfed &ersir; fir Eirenn do breith i láthair catha &ersir; comraic do- ghénad-sa sídh eturru, &ersir; cloch ro bói sunna i Temraig, ar Oissin, is uirre-sin ro bói a leapuid. Ocus ra h-ingnad dala a leaptha, ar Oisin, .i. in fer ba mhó d' feruibh Eirenn do bídh a choimsi i leapaid in abhuic, &ersir; in náidhe ba lugha do-gheibhthea ní bidh acht a coimsi innti. Ocus ba h-é-sin &ersir; in Lia Fáil bói i Temhraig dá ingnad na Temrach.

Ca h-ingnad ro bói ar in Lia Fáil? ar Diarmaid macCerbaill. Gach aen ara m-biadh leith- briathar d' fheraibh Eirenn,ar Oisín, do-beirthea ar in leicc-sin h-é, &ersir; damad díleas é gile &ersir; dergi do-nídh do, &ersir; a chur ar in Lia Fáil &ersir; dámad ain-díleas h-é ball dubh do bheith a n-inad suaichnid fair. Ocus in tan ticedh rí Eirenn fuirre do ghéised in lecc fái co freacraitís prím-thonna Eirenn h-í .i. Tonn Clídhna &ersir; Tonn Tuaidhe &ersir; Tonn Rudhraigi. Ocus in tan ticced rí cóiced fuirre ro bhúiredh in lecc fái. Ocus in tan téighedh ben aimrit fuirre drúcht dubh- fhola no mhaidedh trempi. Ocus in tan téigedh ben do b ticedh braen alaid tríthe. Ocus cia ro thócaib in leac-sin nó ruc a h-Eirinn í arDiarmaid mac Cerbaill. Oclach mór-menmhach ro ghabh ríge