]> Lebor na hUidre The Book of the Dun Cow An electronic edition Richard Irvine Best and Osborn Bergin Electronic edition compiled by Donnchadh Ó Corráin Hildegard L. C. Tristram University College, Cork Professor Marianne McDonald via the CURIA Project. Second draft. Proof corrections by Vibeke Dijkman Donnchadh Ó Corráin Hildegard L. C. Tristram Ivonne Tummers 126200 CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt
1996 2011 CELT online at University College, Cork, Ireland. G301900

Available with prior consent of the CELT programme for purposes of academic research and teaching only.

Printed text copyright to the Royal Irish Academy and the School of Celtic Studies (Dublin Institute for Advanced Studies). The text is used as basis of an electronic edition with kind permission of the copyright holder.

 Manuscript source Dublin, Royal Irish Academy, MS 1229 (alias 23 E 25 alias Lebor na hUidre. Three main scribes, including Máel Muire mac Célechair meic Cuind na mBocht (slain by raiders at Clonmacnoise in 1106); see Kathleen Mulchrone and Elizabeth FitzPatrick, Catalogue of Irish Manuscripts in the Royal Irish Academy xxvi–xxvii (Dublin 1943) 3367–3379. For the complex question of the roles and dates of these scribes, see the articles cited in note 4 below.) Editions Leabar na h-Uidhri: a collection of pieces in prose and verse, in the Irish language, by Moelmuiri mac Ceileachair: now for the first time published from the original in the Library of the Royal Irish Academy, with an account of the manuscript, a description of its contents and an index (Dublin 1870). Preface signed by J. T. Gilbert and an analysis of its contents drawn from catalogue by Eugene O'Curry. A lithographic facsimile of a transcript executed at the Academy's request by Joseph O'Longan (Seosamh Ó Longáin), a traditional scribe. It was severely criticised by Whitley Stokes in Revue Celtique 2 (1875) 430-31 and in his Remarks on the Facsimiles published by the Royal Irish Academy: a letter to the Chairman of the Committee of Polite Literature and Antiquities (Simla 1875) [with corrigenda]. Richard Irvine Best and Osborn Bergin (eds), Lebor na hUidre: Book of the Dun Cow (Dublin: Royal Irish Academy 1929; reprinted Dublin: Royal Irish Academy 1953; reprinted Dublin: School of Celtic Studies, Dublin Institute for Advanced Studies 1992, with corrigenda (pp 339-341). A semi-diplomatic edition that distinguishes the scribal hands by the use of different fonts. Expanded abbreviations are indicated only where points of spelling or grammar are involved and words almost always abbreviated (&ersir;, immurgu, didiu, etc.) are not expanded. Didiu is expanded due to special request. Proper names have been capitalised. Marginal and interlinear scholia are printed at the foot of the page. Word division is editorial, but scribal punctuation has been retained. Translations For the editions and translations of the individual texts contained in Lebor na hUidre see Best and Bergin, op. cit. pp xxvii-xxxviii; R. I. Best, Bibliography of Irish philology and manuscript literature, 1913-41 (Dublin 1942, repr. Dublin 1969); and R. Baumgarten, Bibliography of Irish linguistics and literature, 1942-71 (Dublin 1986). Sources, comment on the text, and secondary literature R. I. Best, Notes on the script of Lebor na hUidre, Ériu 6 (1912) 161-74. R. I. Best, Palaeographical notes. II. Lebor na Huidre, Ériu 8 (1916) 117-19. David N. Dumville, Scela Lai Bratha and the collation of Leabhar na hUidhre, Éigse 16 (1975-76) 24-28. Sheila Falconer, The verbal system of the LU Táin, Ériu 17 (1955) 112-46. David Greene, Leabhar na hUidhre, in Liam de Paor (ed), Great books of Ireland (Dublin 1967) 64-76. Christian Guyonvarc'h, La razzia des vaches de Cooley (version du Lebor na hUidre, Ogam 15 (1963) 139-60, 265-88, 393-412, 16 (1964) 225-30, 463-70 [incomplete annotated translation]. Gearóid Mac Eoin, The Interpolator H in Lebor na hUidre, in J. P. Mallory and Gerard Stockman (ed), Ulidia: Proceedings of the First International Conference on the Ulster cycle of tales (Belfast 1995) 39-46. Tomás Ó Cathasaigh, On the Cín Dromma Snechta version of Togail Brudne Uí Dergae, Ériu 41 (1990) 103-14. Tomas Ó Concheanainn, The reviser of Leabhar na hUidhre, Éigse 15 (1974) 277-88. Tomas Ó Concheanainn, Aided Nath Í and the scribes of Leabhar na Huidhre, Éigse 16 (1975-76) 146-62. Tomas Ó Concheanainn, The three forms of Dindshenchas Érenn, Journal of Celtic Studies 3 (1981-82) 88-131. Tomas Ó Concheanainn, LL and the date of the reviser of LU, Éigse 20 (1984) 212-25. Tomás Ó Concheanainn, The manuscript tradition of Mesca Ulad, Celtica 19 (1987) 13-30. Tomás Ó Concheanainn, A Connacht medieval literary heritage: texts derived from Cín Dromma Snechtai through Leabhar na hUidhre, Cambridge Medieval Celtic Studies 16 (1988) 1-40. Tomás Ó Concheanainn, The textual tradition of Compert Con Culainn, Celtica 21 (1990) 441-55. Tomás Ó Concheanainn, Aided Nath Í and Uí Fiachrach genealogies, Éigse 25 (1991) 1-27. Tomás Ó Concheanainn, Textual and historical associations of Leabhar na hUidhre [to be concluded], Éigse 29 (1996) 55-120. Cecile O'Rahilly (ed), Táin Bó Cúailgne: Recension I (Dublin: Institute for Advanced Studies 1976). H. P. A. Oskamp, Notes on the history of Lebor na hUidre, Proc Roy Ir Acad (C) 65 (1966-67) 117-37. H. P. A. Oskamp, On the collation of Lebor na hUidre, Ériu 25 (1974) 147-56. H. P. A. Oskamp, Mael Muire: compiler or reviser?, Éigse 16 (1975-76) 177-82. Roger Powell, Further notes on Lebor na hUidre, Ériu 21 (1969) 92-102. John Strachan, Notes and glosses in the Lebor na h-Uidre, Archiv für celtische Lexikographie 1 (Halle a.S. 1900) 1-36. Rudolf Thurneysen, Die irische Helden- und Königsage (Halle a. S. 1921) 27-32. Paul Walsh, The Book of the Dun Cow [notice of the Best and Bergin semi-diplomatic], Irish Ecclesiastical Record, series 5, 34 (1929) 449-64. Paul Walsh, Restoration of LU 1380, Catholic Bulletin 29 (1939) 732-36. Máire West, Leabhar na hUidhre's position in the manuscript history of Togail Bruidne Da Derga and Orgain Brudne Uí Dergae, Cambridge Medieval Celtic Studies 20 (1990) 61-98. Heinrich Zimmer, Über den compilatorischen Charakter der irischen Sagentexte im sogenannten Lebor na Huidre, Zeitschrift für vergleichende Sprachforschung 28 (1887) 417-689. The edition used in the digital edition Lebor na hUidre: the Book of the Dun Cow Richard Irvine Best and Osborn Bergin First edition, third reprint (with corrigenda, by the School of Celtic Studies, Dublin Institute for Advanced Studies, 1992) xliv + 2 plates + 338 pp + 405 pp + 3 pages of corrigenda Royal Irish Academy Dublin 1929

CELT: Corpus of Electronic Texts

The electronic text represents pages 1-338 of the edition. All the editorial preface, list of contents, introduction and plates have been omitted. Editorial corrigenda on pp xliii-xliv and additional corrigenda on pp 339-341 are integrated into the electronic edition. Missing text supplied by the editors in the body of the work is tagged sup. Editorial corrections entered in the body of the work are tagged corr and the original reading is kept in the sic attribute. In the case of editorial corrections suggested in the apparatus criticus at the foot of the page the manuscript reading is tagged sic and the suggested correction is kept in the attribute corr. Words editorially marked sic in the apparatus criticus and without any suggested correction are simply tagged sic. Changes of scribe, marked by font changes in the hard copy, are retained and marked handshift together with scribal sigla (for which see profiledesc below). Scribal glosses and annotations are marked add with appropriate attributes. The readings of the facsimile, copiously cited in the apparatus criticus, have been totally ignored, being superseded by the semi-diplomatic. Strictly codicological annotations in the apparatus criticus have been ignored. Abbreviations are retained; and have only been expanded by special request from readers.

Text has been thoroughly checked and proofread. It is difficult to create an electronic edition of a text as long, as complex, and as varied as Lebor na hUidre. There will be errors and ambiguities in this text as there are in Best and Bergin's edition. Readers are invited to submit corrections and emendations both of this electronic edition and of the edition on which it is based. Improved manuscript readings and corrections of scribal errors that may have escaped Best and Bergin are also sought. Any improvements will be credited to the scholars who submit them.

The electronic text represents the edited text. Because the edited text is a semi-diplomatic that represents the expert editors' considered interpretation of a major manuscript editorial word divisions have been retained throughout. The scribal punctuation, kept by the editors, has been retained, apart from non-significant scribal flourishes at the end of texts or titles. Normal CELT conventions have not been applied to this text.

There are no quotation marks.

Soft hyphens are silently removed. When a hyphenated word (hard or soft) crosses a page-break or line-break, the page-break or line-break is marked after the completion of the hyphenated word. Where this procedure interferes with parity with hard-copy lineation (as it does in the case of lines 216, 538, 5831 and 10292) there is a line-skip and an explanatory note.

div0=the whole work; div1=the individual texts; div2=sections of the individual text when these are marked or otherwise indicated/implied in the manuscript. The paragraphs are those of the editors. Passages of verse occurring within text paragraphs and within marginalia are treated as embedded texts and, where relevant, stanzas are enumerated in the structural mark-up. The page-breaks of the semi-diplomatic are marked using pb n="" and the folio numbers of the manuscript are marked mls n="" unit="folio".

No names (persons, groups,dynasties, tribes, peoples, places) are tagged. No offices and titles (king, abbot, lord etc.) are tagged. Numbers and dates are not tagged. The text is rendered as it stands in the semi-diplomatic of Best and Bergin.

 By unknown authors in Irish monastic scriptoria c. 550-1140, various and mostly unknown About 670 words are in Latin (including glosses etc.), about 540 of which occur in the scholia to Amra Choluim Chille. More than 99.5% are in Old and Middle Irish, with glosses and marginalia in Early Modern Irish. Annotations are in English. miscellany saga prose poetry medieval codex 2012-02-14 Beatrix Färber ed. Two corrections submitted by Liz Gabay (on lines 1577 and 1622) integrated. 2011-13-01 Beatrix Färber ed. Corrections integrated; minor changes made to header; new SGML and HTML files created. 2011-12-01 Members of the Old Irish L list ed. Corrections to lines 9823 (na), 9832 (fo déig) and 9834 (sa) contributed. 2008-09-01 Beatrix Färber ed. Header modified; keywords added; file validated. 2008-07-26 Beatrix Färber ed. Value of div0 "type" attribute modified, content of 'langUsage' revised; minor modifications made to header. 2006-06-15 Beatrix Färber ed. Corrections submitted by Stefan Schumacher integrated; didiu expanded. 2005-08-25 Julianne Nyhan ed. Normalised language codes and edited langUsage for XML conversion 2005-08-04T15:53:08+0100 Peter Flynn ed. Converted to XML 1997-09-16 Margaret Lantry ed. Header modified; file parsed using SGMLS. 1997-09-04 Margaret Lantry ed. Header re-structured; text parsed using SGMLS. 1996-07-15 Peter Flynn ed. Parsing of the SGML/TEI text using SGMLS and creation of the HTML files using OmniMark. 1996-07-14 Donnchadh Ó Corrain ed. Final on-screen proofing, creation of the header, realisation and verification of lineation, removal of end-line hyphenation, and completion and revision of the structural mark-up. 1996-06-30 Vibeke Dijkman proofing and mark-up On-screen and hard-copy proofing; the addition of the main part of the structural mark-up. 1996-06-30 Ivonne Tummers Proofing and mark-up On-screen and hard-copy proofing; the addition of the main part of the structural mark-up. 1996 Hildegard L. C. Tristram proofing First proofing completed. 1995-96 Cordelia Wittiger data capture Data capture by key-boarding. LEBOR NA HUIDRE THE BOOK OF THE DUN COW SEX AETATES MUNDI

Togorma o tát Frigiae. mac sin Gomer mac Iaféd. Da mac Magog meic Iafeth meic Noi .i. Baath &ersir; Ibath. Baath mac doside Fenius Farsaid athair na Scithecda .i. Fenius mac Baath meic Magog meic Iafeth meic Noí &ersir; rł

Ibad dano in mac aile do Magog mac doside Elonius ł Alanius. Tri meic aiciside .i. Armon Negua Hisicón. Coic meic ic Armón .i. Gothus. Uolegothus. Cebidus. Burgandus. Longubardus. Negua dano .iii. meic les .i. Uandalus. Saxus. Bogardus. Hisicón dano .iiii. meic aice .i. Francus. Romanus Albanus o ta Albannai i nAsia Britus ó rater Inis Bretan.

Is and sain ro rannad in domun i trí rannaib .i. Eoraip. Afraic. Asia .i. Sem i nAsia. Cam i nAfraic. Iafed i nEoraip. &ersir; is é cét&fdot;er de sil Iafeth tánic i nEoraip .i. Alanius mac Ibath meic Magog meic Iafeth meic Noí

Is amlaid tánic Alanius &ersir; a trí meic les .i. Armon &ersir; Negua &ersir; Hisicon conid i fus ro chlannaigset na macu atchuadamar. Saxus mac Negua meic Alanii meic Ibath meic Magog meic Iafeth meic Noi. is uad Saxain.

Iaban dano mac Iafeth meic Noi .iiii. is uad rater Alania i nEoraip meic acaside .i. Elisa. Tarsis. Cethim. Dodanim.

Tarsis is úad &ersir; Celtecdai. Cethim. is uad Cethei. uadibside ainmnigther cathir na Ciprecda .i. Citheum. Dodanim dano úadside Ródii. is úadib sin ro fodlait inse Mara Torren cona cenelaib écsamlaib &ersir; cona mberlaib. Is iat sain .xu. primchenela clainni Iaféd. cona fochenelaib. ro selbsat feranna imda isinn Asia ó Sléib Imai &ersir; o Sleib Tuir co Sruth Tanai &ersir; connici in Scithia. &ersir; ro ⋅elbsat in nEoraip uli connici in n-acían muridi fuineta Insi Bretan &ersir; in nEspain ulide.

De chlannaib Iafeth meic Noi connici so cona prímchenelaib &ersir; cona &ndot;gabalaib &ersir; a ferannaib eter Asia &ersir; Eoraip

 De chlannaib Cam meic Noi so sis ifechtsa

Cam &ersir; Oliua a ben .iiii. meic leo .i. Chus &ersir; Mesram. Futh. &ersir; Cannan. Chus uadside Chusi. Ethiopia a hainm side indiu. Mesram. is úad Egiptus. Futh. is uad Afraicdai ł Libei Futhei a n-ainm side fecht aile riam. &ersir; is úad ráter Sruth Fuith. Cannan. is úad Cannannai. is he a ferann side ro gabsat meic Israel iar tain íar dílgend na Cannanna &ersir; iarna n-innarba.

Cus mac Cam .uii. meic les .i. Saba. is uad Sabei. Ebila. uadside Getuli filet i ndithruib na hAfraice. Sabatha. is uad Sabatheni. Astabarí i&mmacr; a n-ainm indiu. Recma. Sabata. Acha. Nebroth is leiside ro cumtaiged in Babiloin ar thús cia ro cumtaiged la Nín mac Beil íar tain in tan ro gab ríge Asár. Babilonia .i. confusio .i. cumasc iarsinni ro cumaiscthea na berlai isind luc sain &ersir; is la Nebroth ro cumtaiged Arach ainm aile di Edisa. &ersir; is leis ro cumtaiged Achad &ersir; Cabann &ersir; is é a hainm side indiu Seleucia ond ríg Seleucio ro ráded i mMaig Sennar atat sin ule.

Is de sil Nebroith Asúr ó tat Asardai iar fairind ł is de ⋅íl Séin meic Noi in tAsur .i. Asur mac Séin meic Noi. &ersir; is and ro genair i mMaig Sennár &ersir; is leis ro cumtaiged Ninues &ersir; Thala &ersir; Resen .i. cathir mor fil eter Ninues &ersir; Thala. .ii. mac ic Recma mac Chus meic Cam meic Noi .i. Saba &ersir; Dadam. Saba mac Recma per sin scribthair a ainm. Saba mac Chus per samech scribthair a ainm side.

Clanna Mesram meic Cam .meic Noi .i. Ludim Anamim. Labaim. Nepthaim. Pethrosim. Chesloim. Is úadib sin ro genatar na Filistinnai &ersir; Capturim &ersir; ciniuda imda aile &ersir; nitat achinti indiu ar ro chloemcoiset anmand.

 De chlannaib Cannan meic Cam meic Noi so sis.

Cannan mac Cam meic Noi. xi. mac les .i. Sidon Aracheus Cetheus Sineus Iebuseus Arcadius Amnorreuus Samarius Eutheus Amatheuus. Gergesius

Sidon is úad ainmnigther in chatir .i. Sidon isind &Fdot;oenici. Arachius is les ra cumtaiged Arachas .i. cathir fil ar agid Tripolim i fail Slebe Leuain. Aradius. is uad atat Aradai is iatside ro selbsat in n-innis dianid ainm Aradum muinchend cumung etarru &ersir; tracht nce. Samarius. is uad atat Samari is leis ro cumtaiged Samaria. .i. cathir

 De clannaib Sem meic Noi só sis

Sem mac Noí. Olla a ben side is dia sil side na hEbraide uli .u. meic aici .i. Elam. is uad Elamitae. toisig Persidis Siriae iatside Asur. is úad atat Asardai iar fír &ersir; is leis ro cumtaiged Ninues &ersir; Thala &ersir; Resen .i. cathir mór fil eter Ninue &ersir; Thala. Arafaxat. is uad Caldei. Lidi. úad atá Lidia Sarum is uad atá Siria. is í ha hardchathir side Damascus. Arafaxat mac Sem meic Noí mac doside Sela. mac doside Eber. is uad ainmnigter Ebraide .i. ó Eber mac Sala meic Arafaxat meic Sem meic Noi.

Dá macc. ic Éber .i. Falec &ersir; Iactan. Falec .i. diuisio .i. fodail .i. ar is na amsir ro fodlait na berlai. Iactan mac Eber .xiii. meic aci .i. Elmodad. Ebal Saleph Abimael Asarmo Saba Iare Ofir Aduram Euila Aduzal Iobab Decla

Atat .iiii. xl. cenela día síl sin isind Indía &ersir; is iat gabait ule feranna na Indiae .i. othá in sruth aníar conníci in n-acían

Clanna Saram meic Sem meic Noi .i. Us is uad atát Traconitidi &ersir; is les ro cumtaiged in Damaisc. eter Pasilisitina &ersir; Coelensiria atá a ferand side. Ul. is úad atát Armiannai. Gether is úad atat Arcannai. Mes. is úad atat Meones. de sil Samar meic Sem meic Noi dóib sein ule &ersir; is i nAsia atat.

 De senchas na torothor .i. na luprucan &ersir; na fomorach inso sis.

Fechtas ro boí Noí in tabernacuil ina chotlud ar n-ól &fdot;ína &ersir; is hé lomnocht co tánic a mac a dochom .i. Cam co n-aca amal ro baí &ersir; co nderna gári imbi &ersir; coro innis día bráthrib .i. do Iáfeth &ersir; do Sém &ersir; dodeochatarside &ersir; a cúl rempo arnaictís féli a n-athar &ersir; doratsat a étach taris.

Atrácht Noí iar sin asa chotlud &ersir; ro fallsiged dó Cam día &fdot;ochaitbiud iar sin &ersir; ro bennach in dis n-aile. Conid hé Cám deside cetduni ro mallachad íar nilind &ersir; conid hé comarba Cáin íar nilind &ersir; conid húad ro genatar luchrupain &ersir; fomóraig &ersir; goborchind &ersir; cech ecosc dodelbda arachena fil for doinib. &ersir; conid aire tucad dilgend for clannaib Cam &ersir; tucad a ferand do macaib Israel i comarda na mallactan cétna. Conid hé sen bunad na torothor &ersir; ni de síl Cain doib amal adfíadat na Goedil ar niro mair ní día síl side iar nilind ar rop é fochond ná dílend do bádud clann Cáin &ersir; ro bátea cid clanna Sed ule immalle friu acht Nóe cona macaib &ersir; cona cethri mnáib amal innises Moisi mac Ammra insin Genis ind recta &ersir; Dia féin dorat in recht sain do Moisi i Sléib Sína &ersir; is e ro scríb cona láim fein.

Is iat so sís airich na haesi tanaisi iar líni genelaig Sém. .s. Noi ael .s. Sem ac .s. Arfaxat cccxxxix .s. Sala acccxxxiii .s. Heber cccclxiiii .s. Falec ccxxxix .s. Reu ccxxxix .s. Saruc ccxxx .s. Nachor clxuii .s. Tara lxx

Tara .iii. meic les .i. Abraam. Nachor. Arán. mac dond Arán sin Lóth ro batar dano dí ingin aci .i. Melcha &ersir; Iascha di ingin Aráin meic Thára sethracha do Lóth &ersir; is inund Iascha &ersir; Sarra &ersir; atbath Aran rena athair .i. re Tára &ersir; is he sein cetmac atbath rana hathair íar nilind &ersir; is and atbath i nÚr Caldeorum amal atbeir in fili goedelach sin. Cetmac as marb riana athair innisfet tria bard brecht. Arán mac Tára meic Nachair iarna chur tar in recht

Abraam &ersir; Nachor tucsat da mnai .i. Sarra &ersir; Melcha. dí ingin a mbráthar fein .i. dí ingin Arain meic Tára. Tuc ém Abram Sarra dianid comainm Iascha. Tuc i&mmacr; Nachor Melcha ruc Melcha uiii. macu do Nachor it hé so a n-anmand side .i. Hu⋅. Buz Camuel. Chaseth. Azau Feldas. Iadilafac. Bathuel. is uadside ro genair Lauan filius &ersir; Rabecca. filia Hus ł Chus. mac Nachoir is úad Iob. &ersir; is dia ⋅íl Buz Balam in druí. Camuel dano athair Sirorum eside. Caratben Nachar .i. Roma is iside mathaiir Tabe. &ersir; Goom &ersir; Thaas &ersir; Maachai.

Dend ais tanaise connici so anúas.

 Den tres ais so sis ifechtsa

In tres aes in domain is e so lin bliadna fil inti .dccccxlu.i. o gen Abraim co gabáil ríge do Dauid i Tír Caldeorum.

LEBOR BRETNACH

a&mmacr;Acht cena ol se. a rí failsigfitsea fírinne duitsiu. &ersir; iarfaigim dona druidib ar thús Cid atá i foluch fond erlar sa inar fiadnaise. ro ráidset na druíd nochon etammar ol siat. Rofetarsa ol se. atá loch usci and. fegtar &ersir; claiter. ro claided &ersir; fríth. in loch and A &fdot;áthe ind ríg ol in mac abraid cid atá i mmedon ind locha. Ní etamar or siat. rofetarsa ol se. atát da clárchiste mora and inagid tagid &ersir; tucthar as. &ersir; tucad ás.

A druide ol in mac abraid cid atá etir nach clarlestraib út. &ersir; ni etatar. rofetarsa ol se. atá seolbrat and &ersir; tuctar as. &ersir; frith in seol timmarcte etir na da chlárchiste. Abraid a éolcho ol in mac cid atá i mmedon ind étaig út. &ersir; niro recratar. ar niro tucsatar. Atat dá crúim and ol se .i. cruim derg &ersir; cruim gel. scailter in t-étach ro scailed in seolbrat. ro batar na di chruim ina cotlud and. ro ráid in mac fégaitsi i ndignet innose na bíasta. Atraracht cách díb co araile co rabe cechtar de ic sroiniud araile &ersir; co rabatar ic imletrad &ersir; ic imithi &ersir; no innarbad in chruim díb araile co medón in tiúil &ersir; in fecht n-aill coa imel.

Dorónsat fa thrí fon innasin. In chruim rúad trá ba fand ar thús &ersir; ro innarbad co himel ind étaig. In chruim taitnemach i&mmacr; ba fand fo déoid &ersir; ro teich isin loch &ersir; ro tinastar in seol chétoir. Ro íarfaig in mac dona druidib innisid ar se cid follsiges in t-ingnad so. Ni etamar ar siat

Dogensa ar mac a &fdot;ollsigud dond ríg.

Is é in loch flathius in domuin uile. is e in seól do lathiusa a rí. Is iat na dá chrium na da nert .i. do nertsu co mBretnaib &ersir; nert Saxan.

Do nertsu in chruim ruad is i roinnarbad ar thús don &Fdot;lathius. Nert Sachsan i&mmacr; in cruim gel ro gab in seól uile acht bec .i. ro gab Iniis Bretan acht bec. Coro n-innarba nert Bretan fo deoid íat Tusu i&mmacr; a rí Bretan eirg asin dún sa ar ni chaemais a chumtac &ersir; sir Innis Bretan &ersir; fogéba do dun fadéin. ro ráid in rí cía do chomainmso ol se ro recair in gilla Ambróis ol se mo ainmse is é sein in tAmbrois Gleotic rí Bretan.

Can do cenel ol in rí. Consul Romanach m'athairse ol se &ersir; bid hé só mo dún. ro leic Gorthigern in dun do Ambróis &ersir; rige iarthair Inse Bretan uile &ersir; tanic cona druidib co túascert Inse Bretan .i. cosin fernad dianid ainm Gunnis &ersir; ro chumtaig dún and .i. Caer Gorthigernd.

Line 216 in the hard-copy is the second part of a soft-hyphenated word and is taken back in the digital copy. There is no text loss. De chathaigecht Gorthemir.

Iar tain tra atraracht Gorthemir coscrach mac Gortegern cona brathair i n-agid Égist &ersir; Orsa &ersir; ro chathaigsetar Bretain maroen ris co hamnas. Coro innarbsat Saxono co hInis Teneth. &ersir; ro gabsat Bretain forro fo thrí in n-insi co toracht cobair chucu asin Germáin. &ersir; ro chathaigsetar fri Bretnu cach la tan ba leo. Tan aile ba forro &ersir; dorat Gorthemir cethri catha doib .i. cath for brú Derguint. &ersir; cath for bru Rethere Gabáil &ersir; is and dorochair Ors &ersir; Catigernd mac Gortigern. &ersir; cath for bru Mara Icht &ersir; taifnitir Saxain coa lo&ndot;gaib &ersir; cath for bruaig Epifort. Marb i&mmacr; Gorthemir íar n-amsir bic &ersir; atrubairt fri Bretnu gair ría n-ec a adnacul for bru in mara &ersir; ni ticfaitis Gaill etir in n-insi íar tain. Ni dernsatar Bretain sin. Atraracht nert Saxan iar sin ar ba cara doib Gorthigern a los a mna

Dorala i&mmacr; íar n-éc Gorthemir &ersir; iar sid Egist &ersir; Gortigern doronsat Saxain mebuil for Bretnu .i. Bretain &ersir; Saxain do thinol i n-oenbaile amal bid do ⋅id .i. Égist &ersir; Gorthigern fá chomlin cen armaib icechtar n-ai. acht tucsat Saxain scena etarru &ersir; a mmaelanu &ersir; ro marbsat na Bretnu bátar and sin acht Gorthigernd a oenur &ersir; ro chenglatar Gorthigern &ersir; dorat trian a feraind dar cend a mna .i. Alsaxum &ersir; Sutsaxum &ersir; Nitilsaxum. No forcanad i&mmacr; German inni Gorthigernd coro leced a mnai .i. a ingin. ro theigh &ersir; ro folaig ría German co clérchib Bretan isind erund dianid ainm Gorthigernian &ersir; dochuaid German co clérchib Bretan &ersir; ro boi .xl. lathi &ersir; aidche and. &ersir; dochuaid doridisi Gorthigerng for teched na clerech coa dún &ersir; dochoid German inna díaid &ersir; ro bátar trí lá &ersir; trí aidhchi i n-aine and sin &ersir; ro loisc tene do nim inní Gorthigern and sind cona uile muintir.

Atberat araile is do dercuiniud atbath for fainiul a Iluc i Iluc. Atberat dano araile is talam ro sluic ind adaig ro losced a dún.

Ro batar i&mmacr; tri meic oca .i. Gorthigernd is eside ro chathaig fri Saxanu. Catigern Pascent. is doside dorat Ambróis rí Bretan Boguelt &ersir; Gorthigerniam íar n-éc a athar Faustus noem .i. mac a ingine &ersir; Germán ro mbaist &ersir; ro n-ail &ersir; ro forcan. &ersir; techtaid cathraig for bru Srotha Réin. Nemnus asbert so.

Fermáel fil innosa for ferund Gorthigern meic Teudubri meic Pascent meic Guodicater meic Morut meic Eldat meic Eldoc meic Paul meic Meprit meic Briacat meic Pascent meic Gorthigern meic Guitail meic Guittolin meic Glou.

Bonus &ersir; Paulus &ersir; Mauron trí meic Glou. is eside dorone Caer Gleou .i. Glusester for bru Sabrinne. Dochuaid German día thír.

Patraic tra ind inbaid sin i ndaíre i nHerind oc Miliuc. isind amsir sin ro foided Pledias dochum nErend do preciupt doib. dochoid Patraic d'oglaim fades. coro leg in canoin la German. Ro innarbad Pledias a Hérind &ersir; tánic coro &fdot;ogain do Dia i Fordun isin Mairne.

Tanic Patraic dochum nÉrend íar foglaim &ersir; ro baist firu Herend.

O Adam co bathis fer nÉrend .ū. ccc. xxx. ferta tra Patraic do innisin dúibsi a &fdot;íru Hérend is usce do loch insin.

Ro gab tra nert Saxan for Bretnu iar n-éc Gorthigern &ersir; ro gab Octa mac Egist rige forru. Araíde no cathaiget Artúr &ersir; Bretain ríu co calma &ersir; dorat dá cath déc doib .i. in cetchath i nInbiur Gléir. In tanaise &ersir; in tres &ersir; in cethramad &ersir; in coiced for brú Dubglassi in sesed for bru Basa. In uii. i Caill Calidoin .i. Cait Coit Cledeb. In uiii. in Les Guinneain. Is and sin ro immarchuir Artúr deilb Maire fora gúalaind &ersir; ro teichsetar na págáin. ix. i Cathraig ind Leomain. x. in Robroit. xii. is and side ro marb lám Artuir .xl. ar ocht cétaib i n-oenló &ersir; ba les coscor intib uile.

No chuinchitis i&mmacr; na Saxain ó Germain fortacta doib &ersir; rígi forro co dia is eside cétrí ro gab úadib ifós in Bene roíc .i. fri Umbra atúaid. Ida mac Euba. Eanfleth ingen Eduni toisech riam ro baisted do Saxanaib i nInis Bretan.

 AMRA CHOLUIM CHILLE

LOC dond remoculsa chetus Druimm Ceta ar is ann doronad in mórdáil Dromma Ceta. In alio locó i&mmacr; doronad corp ind immuin o ⋅ein immach ut post apparet. I n-amsir Áedae meic Anmerech dorigned. Perso Dallán Forgaill do Masraigib Maige Slecht. .i. i mBrefni Connacht Tucait. ar rochtain ríchid dó féin &ersir; aliís per se. Trí tucaite uero ara tanic Colum Cille a hAlbain i nHérind in tan sin .i. do &fdot;úaslucud Scannláin móir meic Cind Fáelad ríg Osraire friisi ndeochaid i rráthaiges. &ersir; do astud inna filed i nHérind ar ro bas incinnarba ara tromdacht. ar no bid .xxx. i cléir cac olloman &ersir; a xu. i cléir cach anraid &ersir; do sidugud eter firu Hérenn &ersir; Alban im Dal Ríata. &ersir; is ed atberat noco n-acca Colum Cille Érinn in tan sin ar no bid bréit dara suilib &ersir; is ed fotera sein ar ro gell remi sein ic dul taris na fegbad Erind o ⋅ein immach. dicens.

Fil suil &ndot;glais fégbas Erinn dara hais. noco n-acébá íarmothá firu Érend nách a mmna.

Co tudchaid iaram Colum Cille isin n-airecht ocus co n-érracht sochaide remi do &fdot;áelti fris. Cetracha sacart a lín. fichi epscop úasal bríg. resin salmchetal cen acht cóeca deochain trícha macc.

Mad iar senchas ele i&mmacr; ní erracht nech remi acht Dommnall mac in ríg ar atrubairt in rí coná heirsed nech remi ar rofitir aní immo tánic &ersir; nírba maith leis a thichtain ar nírbo áil leis astud na filed ł tuaslucud Scannláin. Conid and sein ro bennach Colum Cille inni Domnall ar robo airmeta connici sein. Gorbu olc lasin rígain a bennachad ar robo lesmac di é goro &fdot;ergaig in clérech fria co n-érbairtsi frisin clérech romór in chorraigecht fora taí. is cet duitsiu ar in clérech bíth for corraigecht fora taí. is cet duitsiu ar in clérech bíth for corraigecht. Conid and sein ro soadsi i cuirr so ragaib a hinailt for athisiugud in chlérig. coro saidside hi cuirr ele. so filet na dá chuirr sin o ⋅ein ille i nDruim Cheta ut alii dicunt.

Táncatar íar sein na filid isin n-airecht &ersir; dúan molta léo dó &ersir; aidbsi .i. corus cronain ainm in chiúil sin &ersir; ba céol derscaigthech hé ut Colmán mac Lénéne dixit Luin .i. deróli na luin i farrad na nela o cheolaib uingi o dirnaib .i. dirna ainm tomais moir ł oc dirnaib crotha ban náethech óc crothaib rígna. ríg ic Domnall dord .i. deroil cach céol i farrad aidbse ic aidbsi adand .i. deróil oenchainnell bec hi farrad cainle more oc cainnill colc .i. claideb oc mo choilcse

&ersir; i n-óenecht dognítís in ceól sind. Co tánic míad menman don chlereoch corbo lán in t-aér húasa chind ó demnaib coro failsiged do Baíthin sein &ersir; coro chairigside in clérech &ersir; co tuc in clérech íar sein a chend fo choim &ersir; co nderna athrige &ersir; co túargaib iar sein a chend asa choim &ersir; co róemid ceo mór dia chind &ersir; coro scaílit as na demna riasin céo sin. Da cét déc dano lín na filed ut dixit quidam. Fecht do Maeil Choba na clíar. ic hIbur Chind Tráchta thíar. Da cét déc filed fos&fdot;úair resin n-ibar aníarthúaid. Coinnmed teóra mblíadan &mdot;bind. dorat dóib Máel Coba in ci&ndot;g. méraid co lá brátha báin do chenéol delbda Demáin.

Coro &fdot;ost Colum Cille iar sein na filedu &ersir; co n-erbairt fri hAed. Cormac cain buich .i. ro bris .i. maith ro bris fein in cáininne neoit .i. gainne nua molta crína .i. tiagait as seoit. is ed ro legus roth cráed .i. filidecht cein mair .i. mad genair molthiar. mairg áerthiar Áed Cain in súg asa saeraigthib sugthiar mairg in íath ecnairc airthíar. Arad cloth .i. ut dicitur i nImacallain in da Túarad .i. altram cloth .i. foglaim ecse. cluith do thur .i. intí ica mbí a enech do thúr caín in réim riadait .i. radit .i. bí.i. ut dicitur dam conngair etura .i. etar ard .i. dam allaid .rad(?) ł ríagdai .i. dreithard dofúarthet .i. marit maini molthaidi.

Dorónad coindmed na filed iar sein fo Érind &ersir; ro dígbait iar sein a clíara .i. xxiiii. i cléir ind olloman &ersir; xii. i cleir ind ánraid. is iar sin baí Colum Cille icuinchid Scandlain for Aed &ersir; ni tardad dó. Co n-erbairtsium dano fri Áed is e no &ndot;gébad a assa imme imm iarmergi cebé bale no beth bithcé .i. betha centarach &ersir; ro comallad amlaid. Colmán mac Comgelláin i&mmacr; is é ruc in mbreith eter firu Érend &ersir; Alban &ersir; co Dál Ríata doside. &ersir; is ris dorigni Colum Cille in mbáide in tan ropo lenam béc in Colmán ut dixit A chubus con a anim glan. aso póic duit dale póic dam

&ersir; asbert Culum Cille is é dogenad síthugud eter firu Érend &ersir; Alban. &ersir; is i breth ruch a fecht &ersir; a slóged la firu Erend so grés ar islóged la fonnaib do gres. a cain &ersir; a cobach la firu Alban. ł a mmuircoblach nammá la firu Alban ó ⋅ein immach i&mmacr; la firu Herend. Tanic iaram Dallán ardollom Hérend in tan sin do acallaim Cholum Chille. Conid and ro gab in remfocul dó. &ersir; ni reléic Colum Cille dó a dénam secha sein co ndernad i n-amsir a éistecta ar asbert fri marb bas chubaid &ersir; is dochendaib ro thríall Dallán a dúain do dénam. Dorair&ndot;gert trá Colum Cille do Dallán innmassa &ersir; torthe in talman ar in molad sa &ersir; ni ragaib acht nem dó féin &ersir; do cech óen no &ndot;gebad cach dia &ersir; dofucébad eter chéill &ersir; &fdot;ogur ut quidam dixit Amra Coluim cach dia cepé nod geba co follan..i. eter ceill &ersir; fogur rosía in findlaith fia ro ír Dia do Dallán.

Trí comartha i&mmacr; dorat Colum Cille dó in tan dogénad .i. marcach eich alaid ni innisfed dó étsecht Coluim Chille &ersir; in cetna &fdot;occul no ráidfed in marcach commad hé tosach in molta &ersir; a suile do lécud dó céin no beth ica dénam. Ic Ath &Fdot;éne dano i mMide doronad in molad sa ut Mael Suthain dixit. Adfét i&mmacr; Ferdomnach comarba Coluim Chille is íar Slige Assail ro canad ótha Dún na nAirbed cosin crois ic Tigh Lómman

Anamain .i. an⋅omain án .i. airdairc. &ersir; isind immund tis atá ind anamaineter da nin inso .i. nin i tossuch in moltai &ersir; nin ina deriud .i. ni discéoil &ersir; nim úain. ł is gobul di .i. recne .i. ré cantana dechubaid i&mmacr; fil isind remfocul .i. neit &ersir; méit. dechubaid .i. dá son ł a trí di tinnscetul o áenfid beos .i. diaid i ndiaid &ersir; sib o &fdot;id is écsamail ina díad side.

Dia dia. &ersir; rł. Is airi emnas in cét&fdot;ocul ar abela ł ar lainni in molta ut est deus deus meus. &ersir; rł. Is é i&mmacr; a ainm sein lasin Góedel atherruch i &ndot;guth &ndot;gáth ar bíti trí quale cosmaile labartha ic filedaib na Goedeilge .i. a atherruch i &ndot;guth &ndot;glát &ersir; a insimod. &ersir; a díabul &ersir; is í so aichne cech ai dib. Is é in t-aitherruch quidem emnad óenfocuil i n-oeniniud isind runn &ersir; cen lenamain dé o ⋅ein immach. is é i&mmacr; a insemod a innisein o mud inund .i. in t-óenfocul do rád co mmenic isind rund co n-etartaidecht focul ele etarru. ut est hoc .i. Ric in sithbe .i. in dúan sitlas mag ric in dam trí cóecait glond. ric in gilla .i. Capri mac Con Dinisc gusmar gand foracaib Cú Dínisc donn.

Is e i&mmacr; a díabul .i. a &fdot;illiud .i. do emnad ut est hoc .i. Agur águr iar céin chéin bith i péin phein ní síth sith. amal cách cách co bráth bráth in cech thráth tráth cid scídh scíth.

Da ernail díb so isind remfocul so. Atteruch i &ndot;guth &ndot;gnáth &ersir; a innsimod. A insemod i&mmacr; namma fogabar i curp ind immuin.

DIA DIA episiuxis nomen huius speciei secundum Donatum .i. geminatio eiusdem uerbi in eodem uersu sine aliqua dilatione ut me me assum qui rł DORROGUS .i. is ró .i. is mór atágur Día. ł dorró .i. ro thogus rúamnad and. RIA TÍAS INNA GNÚIS .i. atagur Dia ł gudim dia ríasiu thías ina gnúis ł in tan ł ind inbaid tías. CULU.i. cul .i. carpat TRÍA NEIT..i. cath

Fortched ł formolad fil híc &ersir; conna bitís gnee fortcheda foi sin dichned &ersir; dochned &ersir; cennacros ut quidam dicunt. bid dano néit guin ut dicitur ro bé do lecht i farthe .i. i mmochai iar do néit .i. iar do guin séol siraichthe. ł sírarde ructhar i capp .i. i carr i ndiaid phill .i. eich do racc .i. do ben a scáil .i. a fir día coemchill .i. amal téit carpat ł claidab serda tré chath corop amlaid dech m'animsea tría chath nemna dochum nime. Culu .i. forthched .i. deichned specialiter sund incond ilid. ar is cul in focul gnáthach acht ro thuill in filí .u. sund do línad na filidechta. ł do dúaichnigud na focul tría dígbail &ersir; tria tórmach &ersir; tria inchumscugud do dénam intib &ersir; atát trí gnee fair .i. díchned ł dechned &ersir; dochned &ersir; cennachros. Is é in dichned .i. dicennad a chend do gait dond cul &ersir; cen ní ele ina inad ut dixit poeta. Dál ro dálus mór in baes isind arus huas Druim Lias a mmo chomdiu a ri .rú. rá. .i. rún .i. rathmar sa bui biu ł bi ba bés ni thías.

rú rá. is é in desmerecht and sein. ar is rún rán ro dlecht. is e uero in dochned. .i.ł in dechned da cend fair .i. a chenn féin &ersir; cend ele. &ersir; commad é a díles in litter dédenach ind ocuil do emnad amal dognethea benn dondí as ben ut dicitur La mac fir néit .i. guin fadb corcra ut dicitur .i. .i. orba ligaib téit dáig dedemin.ł dinéim ní tercda. forruim .i. ro gon; ł .i. ro furmi tend .i. laech. do chrund ochtga .i. do crund gai i mbít ocht láma gnath cenn í chrub Chon Echtga. Commad hi rét no béth in desmerecht híc .i. a chend féin for ind ir út &ersir; cenn neich ele ina láim acht chena is i n-erlabra fégtair inna haisti &ersir; ní hi rét. Commad hé in desmeirecht híc ni tercda ar ro tuilled da forsin focul cert. acht chena increchthar sein ar ní deichned iar ndílsi tormach sillaibi acht is formolad filed. &ersir; is é so a deismerecht side. Céim o lochaib do línnól co glothaib clu nad gandón. ón hic exemitur techt sech eochu i cind chríce maith bethu i mbite annón

Cade didiu in déchned ł in dochned isind rund atrubrummar. La mac fír &ersir;rł. rethaib .i. fers. ferr ni handsa tenn do dénam dondni as ten .i. tene ar daig goro recrad do chenn &ersir; déned iar ndílsi sein. Is amlaid só i&mmacr; dermerechtaigtir na hernaili sea in aliis libris .i. dichned amal atá dochusin .i. tellad a chend dé .i. net ar is docuisnet ro bui de prius. Is e i&mmacr; in deichned ut est maelan .i. án in cend ele. is é in chennachros ut est senchas ar is fenchas ro buí de prius is e so increchad na ndesmerecht sea .i. ni díchned iar &ndot;dílsi digbáil sillaibi &ersir; ni díchned iar nd indara de cip ed arile. Araill and dano is íat na focail gnátha indiu dochusin &ersir; maelán &ersir; senchas iar n-arsathaib didiu ata deismerechta sút ar roptar iat na focail gnáthcha acuside. docuisinet &ersir; mael &ersir; fencas. Is e i&mmacr; in cennachros indiu fenchas do denam dond ocul as senchas ar is e in gnathach. indiu senchas. ut dicitur Fégsait filid Fáil i fos fenchas co féig la Fergos mad íar mal cach maige immach dorróische doíne Dubthach.

Fenachas is é in desmerecht ann sein .f. ar .s. and is cumma dogníther i tosuch &ersir; i nderiud focail in díchned &ersir; in cennachros i nderiud i&mmacr; &fdot;ocail namma as gnáth dóchned do dénam. Ni aiccem dano ic filedaib na gaedeilge ainm sain for dígbail littri &ersir; sillabi. amal atchiam for tormach littri &ersir; sillaibi .i. dóchned tormach littri &ersir; formolad tormach sillaibi.

DIA NIME NIM REILGE I LLURG .i. dechned inles I N-EIGTHIAR AR MUICH DIA MÉIT.

.i. ar rélad fírinni atbeir Día nime ł día &fdot;is connach Dia as ídal. Nim reilge i llurg ndemna ł in demain dianid ainm Enégthíar ar méit a múche ocá ndentar égem ar mét a mmuiche.

DÍA MÁR MO ANACCOL DE MÚR THEINDTIDE DÍUDERC &Ndot;DÉR

.i. mór Día domm anaccul ar immed in tened bale i teilgiter déra co cían ico déicsin .i. quia fit mur immed ut dicitur múr immed tall isind recht coph búaid is briathar lánchert. Dú bale dú dúthaig lat cul comet is cul carpat

díuderc dano nomen compossitum ó latin &ersir; scotic. diu .i. incían derc .i. súil ut dixit Gránni ingen Cormaic fri Find. Fil dune rismad bude lem diuderc. ara tribrind ł dia tibrind in bith ule ł mbude ł hule hule a meicc Maire cid diúbert.

DIA FIREN .i. a oenur as firen. ł firén hé cen peccad FÍROCUS CLUINES MO DONÚAILL DO NIMÍATH NÉL

.i. Dia Fíróen ł Día na fírén. fírocus .i. quia est deus ubíque &ersir; prope omnibus inuocantibus eum. Mo donúaill .i. mo do núaill .i. núall mo chuirp &ersir; m'anma iar nelaib co íath nime. ł núall fetarlaice &ersir; nu&fdot;inad. ł mo donuaill .i. mo dó nuall .i. mo núall dó .i. do Dia. Bíd dano íath mind &ersir; iath ferand ut dicitur Fó ainm do maith is do míad. Fí ainm d'ulc &ersir; d'anríad. ł &ersir; d'etraid án fír is ní forus fand íath mind &ersir; íath ferand.

De mestitia omnium rerum in morte Columbae ł de exitu Columbae

NI DISCÉOIL amrat .i. ánum fil and óndí as ámus éc atá. amrath didiu .i. ecrath ar is e Colum Cille ro rath anduas. aliter ecndairc rath DUAE NEILL .i. ni cen sc ł ni dis in scél ł ni din in scél d'uib Néill. Colum Cille do éc. ł duae Néill .i. doīnui Néill. ł ni disceoil .i. ní dúthe scéoil .i. niba scél do duid .i. clothaigfithir.ł cluinfither

NI UCHTAT ÓENMAIGE MÓR MAIRG .i. mismerg MOR DEILM &Ndot;DIOLAI&Ndot;G

Line 538 is the second part of a soft-hypenated word, and is taken back. There is no text loss.

.i. ni do oenmaig as uch ł as íachtad sed tótís campis Is mairg mór estecht Coluim Chille deilm .i. is mor in crith &ersir; in cumsugud tánic isin nErind la hestecht Coluim Chille .i. quia fit deilm .i. torand ł throst ut dicitur Atá ben is tir ni apar a hainm. maidid esi a deilm amal chloich a tailm.

RIS RÉ ASNEID COLUM CEN BEITH CEN CHILL. Ris nád fir. ó ricfa co tech a ríg. cóich bas lugu innía sin. inná Finnía find serchaid.

.i. is diolai&ndot;g dún in scél isind ré i n-aisnéter dún Colum Cille do éstecht cen bith .i. cend a beith i mbith ł i mbethaid cen chill .i. mbethaid cen chill .i. cen a beith i cill. ris. .i. scél ut est i nImmacallaim in da Thúarad .i. áil ríg risi rédi. ł i mBrethaib Nemed ut dicitur. Ní díl dáimi risi .i. ní fil airfitiud dáimi do scelaib oca. ł combad ed bad choir and. cen díl dámi rísi .i. cen díl óegidechta in scelaigi ar bíd risi .i. scelaigi ut dixit Corpre mac Etaine isind aír dorigni do Bres mac Eladan. Cen cholt .i. cen diad ar ł for craib cerníne .i. clár cen gert .i. cen loim ł cen geilt ferbba .i. bó fora n-assa athirni .i. lóeg cen adba .i. cen tech fir fo druba disorchi .i. adaig cen díl dámi resi .i. scélaigi rob sen Brisse. &ersir; is í sein cétáer dorónad i nÉrinn.

COI INDIA DUÍ DÓ

.i. coi .i. quomodo india innisfes .i. cia cruth innisfes duí de. ł coi .i. conar .i. cia conair innisfes dui dé. ł robo duí cech dune ina condelgsom co Indía.

SCEO NERA

.i. sceo &ersir; céo &ersir; neo trí comaccomail góedelge .i. cid Nera mac Moraind ł Nera mac Findchuill a sídib ní chóemsad a asnéis ł robo duí side i n-athfégad Choluim Chille.

IN FAITH DÉ DÉ DE SIÓN SUDIOTH IS NU NAD MAIR

.i. is nu atbath in faith Dé ro suidestar for deis in Sioin nemdai. ł dano in faith Dé no aisneded in sudigud bias i n-iath .i. hi tír Sion. ł i faith ro sudestar for deis Dé in Sion.

NI MARTHAR LEND

.i. ní marthar ocund ł ni fil mórath ocund hifechtsa ł ni fil nech diar mórad ocund.

NÍ LES ANMA AR SUI ARDON CONDÍATH

.i. ní fil ocund nech lessaiges ł soillsiges ar n-anmain

ifechtsa ar atrullaí úain i n-íath caín ar sui. ł condio .i. sallim .i. inti no ⋅ailled o forcetul bréntaid ar cinad &ersir; ar targabal. ł ni lesaigend ar n-anmain ar suí ar ro foilged erond .i. cond

CONRÓETUR BIU BATH

.i. inti no chometed. ł no cométad ar &mdot;biu atbath ł inti no chometed ar mbiu co cain atbath

AR DON BATH BO AR N-AIRCEND ADILG .i. dliged .i. atbath airund inti omba irchend ar n-áilgius dligthech ar dobered dún cech ní ba ail dún co gligthech ł intí bá airchend fri airchesecht ar n-adlaige atbath.

AR DON BATH BÁ FÍADAT FOÍDIAM .i. atbath erund intí nod faidmis co ar Fiadat .i. co ar nDia maith .i. ar teged a spirut for nem cec dardaín

ARA NIN FISSID FRISBERED ÓMNU HÚAIN .i. ar ní bered intí dobered fis síth dún ł fis áith cona bid imecla ocund. ł in fisid téged úain i n-ía

AR NIN TATHRITH DOSLUNE&Ndot;D FOCUL FÍR .i. ní aithredhend cocund intí no rethed úain &ersir; no sluined fír focuil ł ni thic diar tathreos .i. díar sésugud

AR NIN FORCETLAID FORCANAD TÚATHA TOÍ .i. ar ní mair in forcetlaid non forcanad na túatha co mbítis inna tost ł no forcanad tuatha im denam toi. ł in forcetlaid no forcanad na tuatha batar im Thai .i. ainm ł sigge srotha i nAlbain.

HUILE BITH BA HAE HÉ .i. robo lesseom in t-ule bith ł dano is intírecht fégthair and .i. he.i. trúag .i. is trúag atat atrebthaide in betha robo lesseom. is crot cen chéis iatside &ersir; is cell cen abaid

IS CRUIT CEN CEIS .i. ceis coí astuda. ł coí a &fdot;is in ciúil IS CELL CEN ABAID .i. céis ainm do chruith bic bís i comaitecht chruite móre hi comsinm. ł ainm don delgain bic fostas in téit hi mmude na crote. ł dona coblaigib. ł ainm don tromthet. ł is i in cheis isin chruit ani chongbas in lethrind cona tétaib inti. ut dixit poeta Ros mac Find Is carad lega fri léis is carad smera ri smúais is amrán ri cruit cen chéis sinni d'éis ar n-argain úais. cecinit. ł Ferchertne file. Ni celt .i. niro cheil Ros mac Find ł Ferchertne fili ceis ceol de cruit Crabtene .i. cruittire coselastar .i. dorat for sluagu suanbas .i. bas cotolta consert coibnius eter sceo Main Moriaet .i. proprium .i. Moríath ingen Scoríath ingen ríg Fer Morca is i ro charastar Labraid. macdacht Morca .i. proprium gentis ba mo lé cech lóg Labreid. .i. labrad do Loingsiuch ar ba balb ba binniu cec céol in chrot arpete Laibraid .i. Labraid Loingsech mac Ailella Loegairi meic Ugaini Móir Loingsech Lorc ciarba docht .i. ciarbo balb remi sin for rune in ri Lineation error: line 629 skipped by printer. niro chelt ceis Craiptini.

Primus capitulus huic usque canitur

De ascensione eius in caelum

ATTRUIC ROARD TRÁTH DÉ COLUM CUITECHTA .i. atraracht co roard Culum in tan tánic cuitechta Dé ara chend .i. a&ndot;gil Dé.

FINNETHAL FRESTAL .i. is finn ł is taitnemach in fethal día táncatar fresthal ł is finn in sídlaith tánic i frestal Choiluim Cille .i. Axal aingel cum ceteris angelis.

FIGLIS FUT BAÍ .i. dorigni figill in fot ro baí im uita .i. dá cét déc slechtan leis cach laí acht i sollomnaib tantum comtar léri a asnai tríana bla lin ut dixit poeta Glé no laiged isin ngeim .i. isin nganem ina ligu bá mór sáeth. slicht a asna triana étach bá léir dána séted gáeth.

BAÍ SÁEGUL SNEID. .i. súail ł bec ł diriuch

robo garit a saegul. .i. uii. bliadna lxx. ut dixit in file. Teora bliadna boí cen lés Colum ina dubreclés. luid co hainglib asa chacht iar .ui. bliadnaib .lxx.

BAÍ SÉIM SÁTH .i. ba becc a saith .i. ba bec domeled ł ba bec a hasad

BAÍ SAB SÚITHE CEC DIND ł uas. ł in .i. ba suithe in cach dindsenchas .i. roba sab daingen no soad cech niummus ł robo suiabb ł sabb cech denna .i. cecha airechta cosa ricced Colum Cille ł ba soabb i suthemlacht cech berlai co clethi. ł robo nertmar isin tuithe co riacht co clethi.

BAI DIND OC LIBUR LEIG DOCT .i. no forcanad libru ind rechta co clethe quia fuit doctor in libris legis

.i. robo bind focetlada leigis Colum Cille.

LAISSAIS ł loss ł laiss TÍR TÚAITH .i. ro soillsig ł ro lesaig tiri &ersir; tuatha ł ro las de in tír thuaid. ł ro lasastar isin tir thuaid. .i. tuascert nErend ł ro lesaig in tir tuaid ł ropo lais é.

LAIS TUATH OCCIDENS .i. lessaiges ł soillsigis. ł robo leis tuath occidentis .i. Eriu &ersir; Inis Bó Finne forsind arge .i. cutruma ro holsig ł ro lesail aquilonem &ersir; occidentem.

COTROLAS ORIENS

.i. cutrumma ł ro las cid isind airthiur roba leis oriens &ersir; occidens.

OC CLERIB ł o clíaraib CRIDOCHTAIB .i. oc cleirchib na chridib fortchi. ł ona cleirchib cosna cridib forcdib ro foglaim ł dano ropo docht a chride im clerecht fri cach.

FÓ DÍBAD .i. maith a epiltiu. quia fit díbad &ersir; bath &ersir; ba &ersir; teme ic sluind epilten.

DÉ AINGIL I RE ASSIDROCHAIB .i. ai&ndot;gel Dé nime dodeochatar ara chend in tan conuargaib.

titulDe regione ad quam peruenit Colum Cille &ersir; de pluribus gradibus eius. secundus capitulus húc usque incipit tertius.

RÁNIC AXALU LA ARBRIU ARCHANGLIU .i.ranicsom co du i tá Axal aingel ł axalu .i. auxilium ł axalu .i. na imacalam .i. ranicseom tír i ndéntar immaccallaim .i. molad na trínote. quia dicunt hiruphin &ersir; saraphin sanctus sanctus sanctus dominus deus sabaoth. ł axalu .i. uca &ersir; sola .i. comsuidigud ó latin &ersir; o goedilg .i. ranicseom a oentoga .i. nem. ł Axal nomen ind aingil no accallad Colum Cille &ersir; quod est uerius ut ueniebat Uictor ad Patricium la airbriu .i. la immed. ł la sluag.

RÁNIC ÍATH NAD ADAIG ACCESTAR .i. ranic in ferand nád aicither adaig etir sed lux.

RANIC TÍR DO MOISE MUNEMAR .i. ranic in tir i toimnemni Moisi do bith ar secnaid cach and is coir Moise do bith and ara ebas.

RANIC MAIGE MÓS NAD GENETAR CIUIL .i. inid bes nemgenemain ceól sed sunt semper inse

NAD ESTET ECNAIDE .i. nad eplet ecnaide. quia mali peribunt in futuro &ersir; non boni. ł nad estet ecnaide fri araile quia omnes periti sunt in caelo. ł ni etat ecnaide a aisneis. ł ni etsend nech fri écnach ł ni chluinet ecnaide ní and quia ciues celestes officio aurium corporalium non indigent. sed cogitationes suas introspiciunt alterutrum.

ASRALA RI SACART SAETHU .i. ro la as ri na sacart a sáethu .i. i n-amsir a etsecta ut dicitur tristis est anima &ersir; rł.

Húc usquetertius &ersir; in hocquarto capitulo de martirio eiuscommemmoratur.

RO CEHAES GAIR. CO MBUICH .i. ro chesastar isin garitré ro bui i fos coro brisestar cath for demon &ersir; domon.

BAÍ HÚATH FIA DEMAL .i. ro boiseom corbo húath hé fri demon ł fri demal. fri dee mali. ł fri Demal .i. fri rí na &ndot;demna .i. dé ondí as demon mál .i. rí ł demal nomen proprium demonis no bith ic aimsigud Coluim Cille do gres.

DIAMBO GOISTE CELEBRAD .i. diambo choi astuda celebrad ColuimChille ł goiste airi féin .i. airet rochluned in demon guth Coluim Chille icelebrad ni lamad cor de co tairced in celebrad &ersir; co n-iarfaigtis scela dó iar sein. o Cholum Chille ł robo goiste gabala don demon ro bui isin mac legind i nArd Macha .i. macc legind no theged co mmnai clérig and .i. in tan dogníthea celebrad &ersir; offrenn iss and no theged cuci. coro arig Colum Cille fecht and in demon ic smétiud for in mac legin coro thairmisc Colum Cille immón mac légind. dul immach robo goiste gobala didiu de demon celebrad Coluim Chille and sein fri ré míle co lleith míle ba follus guth Coluim Chille icelebrad. ut dixit poeta. Son a gotha Coluim Cille mor a binne úas cach cléir co cend cúic cét déc ceimmend aidble remmend ed ba réil.

ASA CHEIRD CUMACHTAIG .i. a cumachta a chleirchecta dognidsom sein.

CONROÍTER RECHT ROBUST .i. cain roitir ł ro chomét in recht sonairt ł ro chomet recht .i. rectitudinem. robust .i. robusti .i. sonairt hé i comet dirgetad

ROFES RÚAIM ROFÉS SÉIS .i. rofes roim a hadnaicthe ł rofes ic Róim a ecnasom &ersir; a chrabud. sess .i. sofis .i. fis ecnai fáitsine hi nnún dano atberat araile eisseirge Choluim Chille do bith ut dixit poeta. Hí co n-ilur a mmartra diamba Cholum coemdalta dolluid essi fó dered conid Dún a sennemed

RO SUITHE DÓ DÁMA ł dana ł dámthał dana deachta .i. deerce &ersir; trocaire [M] DEACTA .i. ro suidiged do aiste na deachta ar teged cach dardain ad Dominum .i. ro damad dó suithe na deachta ó mac Dé ró etarstar sein. ł robo i ndeacht damtha meic Dé

DERB DAG .i. maith ut dicitur dagdune I MBA ł imma .i. eter a da á .i. a. a gene &ersir; a. a báis .i. is demin is maith intéch dochuaid ł i mbai .i. maith i mbaí siu

BA EOLA AXAL N-AINGEL .i. ba eolach i n-immaccallmaib aingel ł ba eolach i n-immaccallaim d a&ndot;gil danid ainm Axal

ARBERT BASSIL BRATHU .i. in brath diummusa dochúaid ind i mmordáil Dromma Cetta conid airi sein tuc Baíthin testemain a Basil do tróethad in diumais ł no airbired bretha brátha a Basil.

ARGAIR GNÍMU DE A&Ddot;BSIB AIRBRIB AIDBLIB AIDBSIB. .i. ro ergair imme a menmain do bith inna Dia in molad doratsat na sloig fair ł ro ergart gnimu Dé de thaibsin na n-immed &ndot;dub duabsech &ersir; is ed argarg deseom sein in testemain a Basil ł na bretha. aidbsi ainm in chiuil ł in crónain dognitis ermór fer nÉrend in tan sin cid ed doscarad immalle &ersir; is triasin ceol sin doronsat fir Erend do Cholum Chille i mmórdáil Dromma Ceta ro ás míad menman ind. Huc usque quartus

De scientia eius in omni parte

RAITH RITH RETHES .i. ro raithestar ł tarraid dó in rith ro rethestar.

DAR CAIS ł dar cais .i. dar cend grada a namat .i. CAINDENAM .i. doníd caingnim dar cend a miscsen .i. quia fit cais .i. miscais.

FAIG FERB FITHIR .i. féthathirł ferb .i. .i. no &fdot;úaged ł no &fdot;íged brethir ind forcetail in féthathair. ł fithir .i. sír ł amnas. bid dano ferb ic slaind trí rét .i. ferb briathar ut dicitur mad iar ferbaib fíramraib berlai bias bain. ł is fas fénechas ic ferbaib Dé. Bid dano ferb bolc ut dicitur turcbait ferba fora gruadaib iar cílbrethaib Día ecna dia dilgud dess innisid ráid rith rethes. Coich boí bia ba bind lib diad amraib dia ainib Sloinnid a máre sin maig ergnaid suí siacht slicht cethrair do chomaithni a molta on rig Áed atnóe ule aisníd. Dia chinud do clannaib Neill innisid innisid buích brón bithréil. amrai inso in ríg ráid fó deóid dia degattach ni disceóil. ni disceoil.d.n. .i. iar clóenbrethaib. bid dano ferb. ut dicitur théora ferba fira dosnacht .i. ros immaig Assal ar Mog Nuadat

GAIS GLUASA GLÉ .i. ba gas hé ic erslocud na gluas. ł robo gaethsum ic gleod glefessa ł gonais na glúasa co gle .i. eochair glé Colum Cille do rédigud glúas ł chest.

GLINSIUS SALMU .i. ro glinnig na salmu fo obil &ersir; astrisc ł ro &fdot;oglaind na salmu.

SLUINSIUS LÉIG LIBRU LIBUIR UT CAR CASEON .i. ro sluinnestar na salmu ica tichtain iarna foglaim &ersir; is úas in sluinnsius foi sin. ł sic ro sluinestar libru leig .i. ind rechta amal ro charastar libru Eoin Caseoin. ł nírbo mo leiss libuir ind rechta do thiactain quam libuir Eoin Casseoin. ł ro leg Eoin Cassioin libru legis

CATHA GULAE GAELAIS

.i. ro gailastar catha in croís ł cúlai as maith and .i. ro bris cath na trí cúl .i. cath Cúli Dremni for Connachtu. &ersir; cath Culi Feda for Colman Mor mac Diarmata. &ersir; cath Culi Rathin for Ultu ic cosnam Rois Torothair eter Colum.Cille &ersir; Comgall ł gálais ro brisestar. ut dixit poeta Mór do chataib gaelastar for athair ralastar mac in mail a Main Masten rí fer Fail adagastar.

LIBRU SOLMAN SEXUS ł ro siach libru Solman. ł sexus .i. fegius ut dicitur fenchas pro senchas.

SINA SCEO IMRIMA RAITH. imrima .i. donenna &ersir; ondí as imbér atá imrima raith .i. ro raidestar sein .i. doucad in tan ticfad sonend &ersir; donend.

RANNAIS RAIND CO FIGUIR ETER LIBRU LÉIG .i. ro rannastar raind co figuirdacht eter lebraib ind legind ł ind rechta .i. no deliged a stair &ersir; a ⋅ians &ersir; a moroil &ersir; a n-anogaig.

LÉGAIS RÚNE ROCHÚAID ETER SCOLAIB SCREPTRA .i. ro leg rúne in ro⋅uthe co fitir na rúne in tan ro buí eter scolaib ic foglaim na screptra. ł rosualt .i. ainm do beist bís isind airci &ersir; is iat so a airde side .i. in tan sceas &ersir; a aged fri tir domma &ersir; terca isin tír sin co cend .uii. mbliadna ł isin bliadain sin namma mad súas domma &ersir; mortlaid isind aeor sin. Mad sís domma &ersir; mortlaid for míla in mara. no innised iarum runa ind anmannai sin do doinib co mbetis inna foimtin. rosualt dano ann maile don beist sin.

SCEO ELLACHT IMMUAIM N-EISCI. IMM RITH sceo .i. ocus ro ellged acceseom cohuaim retha esci im rith grene .i. esci ria grein o prím co cuicid déc &ersir; íar gréin o chúicid déc co prím.

RAITH RITH LA GREIN NGESCAIG .i. ropo reid dó eolas retha escai la rith na grene taitnemche. is airi asberar gescach fri gréin ar is uathi atá sollsi dona rennaib ailib.

SCEO RÉIN RITH .i. robo éolach i rrith rénis .i. maris ł commad rían bad choir and ut dixit Find hu Baiscne Scél lém dúib dordaid dam. snigid gaim ro faith sam. gáeth ard huar ísel grian gair a rrith ruthach .i. tondgarach rían. .i. muir roruad rath .i. raithnech ro cleth .i. ro cheil cruth. ro gab gnath giugrand guth. ro gab uacht ete. én aigre ré. e. mo scle. scél lem duib

RIMFÉITH RIND NIME NECH INCHOI CECH &Ndot;DIRUAIS O CHOLLUM CHILLE CUALAMAR .i. no airmebad retlanna nime inti no ininisfed cach ní roúcos ro chualammar o Cholum Chille. ł no innisfed Colum Cille dia triallad rohúais do rennaib. húc usque quintus.

De admiratione &ersir; caritate eius hic sextus cápitulus

COICH BOI COICH BÍA BEO BADIB AMRADAIR AR IATHAIB IRDOCHT IRTUAITH .i. coich ro boí ł cúich bias béo bad chomuasal fris nachbad fírfortchiu for ferannaib in tíri túaith. ar iathaib irdocht .i. bá erdocht fria thuaithib ł thír anechtair in tan conucaib a chill hi tosuch .i. Eu. irthuaith .i. frim anthuaith. ł irdocht .i. ba erdocht hi tuaith .i. ba docht a chobaisseom fri nech ł ba docht im chobais neich.

ADFET CO NÚ NECH NAD GOÍ GEOIN. .i. no aisneded co rici nú inti na aithgéoin goi and fein. ł adfet fil and idem &ersir; uetus testamentum &ersir; a nnu. is nouum testamentum .i. no aisneded dun fetarlaic co núfíadnaise ut dixit angelus ł monachus. Maccán umal atbeir cet Deus ei indulget. fortgella. nú. &ersir; fet i mbethaid suthain surget.

GRESS RO FER FECTHNACHU .i. ro gressaig ł ro chemnig immalle frisna firu .i. aingil. ł sic .i. ba fechtnachu cach gress in gréss ro ferastar Colum Cille.

FRI ÁRTHU ARCHATRU CO DOMUN DRINGTHIER .i. fri aradu na catrach uaisli ro dringestar co domun .i. corba dó a ⋅domaín ł do domun .i. co dá somain .i. cuirp &ersir; anma ł co domun .i. ad coelum ł fri arthu archatru .i. ar chatir nime coru drebraing in domun fri fidisi riagla &ersir; dismirechta noeb ar it árid dogairter ut dicitur scale ł coeli sunt sancti.

AR DEO DOENACHTA .i. ar denacht meic Dé ro chesastar .i. co ragbad greim dó cesad De ł ar Dia dognid doenacht .i. tidnacul neich ar Dia.

AR ASSAIB RIGTHIER .i. is airi dognidsom ar ⋅ásad dó isind richiud huasal

RIRIR ACCOBUR A SULA .i. ro rec ar Dia cach ní rob accobor riae suil na mna &ersir; rł.

SUI SLAN CREAS CRIST .i. in lán⋅dui sen ro cretestar Crist ł slan cen pheccad. ł creis .i. a uerbo cresco .i. ro forbrestar iarum i Críst ł dorat Crist forbairt fair.

CEO NI COIRM CEO NI SERCOLL SAITH SECHNAIS BEOIL .i. ocus ni ebed coirm ł ni carad coirm &ersir; nírbo sercad leis co ollsaith do sechnad dano in beoil

BAI CATH BAI CAST .i. ro bai cath ł ro boi cath .i. catholicus.

BAI CARTHAIT .i. tóit lan do déirc eseom uli ł fichthe Clum Cille deseirc.

CLOTHOND OC BUAID .i. robo ail i cath he oc breith buada do cach ł clothond .i. cloch cloithi. quia fit ond cloch robo cloch iarum cloithi cach uilc Colum Cille

BOI LES LÁN .i. boeseom co tabrad a lánles do cach

BOI LEOR LES OIGED .i. robo leor no lesaiged aegedu.

BOI OBEID

.i. auidus .i. laind.

BAI HUASAL. BOI HUAS A BÁS .i. ba fortail for bas .i. for diabul. ł peccad. ł rob uais a bás. ł rofitir bás uasa.

BOI LIEN .i.lenis .i. ailgen.

BOI LA CRIDE CECH ECNADA .i. robo liaig lesaigthe cride cach ecnada ł robo chaimrigthe do reir cride cec ecnada ondi as ligo .i. cumrigim

AR MIND N-AXAL N-ACALLAD .i. ar n-úasal no aicelled in n-aingel diarbo ainm Axal ł iar mind n-axal n-accallaim .i. iar n-acallaim Dé dosom ar is ed mind n-aingel Crist mac Dé ł a n-as dech de ainglib ba menic dorim a n-accallaim side ba tanaisi dano do accallaim aingel a acallaimseom.

BA AINMNE ARA MBEBA .i. do ítaid atbath .i. do lugu dige atbath ar ni chaided lind na biad isin bliadain atbath acht i sathurnd ł i ndomnuch.

BÁ BIND .i. bá bind a guth icelebrad.

BA ÓEN A CHERD CLÉIRCHECHTA .i. rob oen dia eladnaib cleirchecht ar ba suí ba fáith ba file ł robo leor do cach ind óenchert chleirchechta baí oca. ut Patricius dixit Genfid maccan dia fine bid sui bid faith bid file inmain lesbaire glan glé nad ebera immarbé

BA DO DOINIB DISCRUTAIN .i. ba ansa do doinib scrútan a gnim son ł commad discréit bad chóir and .i. ni chluined screit dune in bale i ndénad a crabud .i. isin ditrub ł isin dubrecles.

BA DÍN DO NOCHTAIB .i. imm etach

BA DID DO BOCHTAIB .i. immi biad.

BA NUA NO CHESAD CACH TROMM DIOFOTHUCH .i. cach trom&fdot;otach no chésad ba amal núa leisseom sein ł ba truimmiu cach othaig dún in cesad nua ar in Dall.

O CHOLUM COSC TUATH .i. o Cholum no choisctís na túatha.

MIAD MAR MUNEMAR MANN .i. tiagmait ina munigin in morairmitnig sin im nem dúinn. ł dommunem doberthar airmitiu mór do do chind na gnim so. Miad mair .i. imbed Manna .i. in maind. is ed atbertis meicc Israel fria manchu .i. quid est hoc nisi cibus celestis dommuinimar íarum doberthar armitiu mor in bíd nemda dosom

NOD GEILSIGFE CRIST ETER DLIGTECHU .i. no ngebasom Crist ina geilsine .i. ina munteras eter na dligthechu. eter aingliu &ersir; archaingliu.

TRIASNA CÍANA COTAISLIA .i. trisin ré cian ro bui ic taisled i fos .i. oc crabud.

De prudentia eius &ersir; lectione &ersir; sapientia

ERGNAID SUI SIACHT SLICHT CÉTRAIR .i. is ergna in sui ro siacht slicht na cetri suiscelaigthe.

COITLUID LA DO CETUL DO NIMIATH IARNA CROICH .i. is amlaid dolluidseom co íath nime iarna chesad i fos co cetul muintire nime &ersir; talman ł it i chlais aingel nime.

CÉT CELL CUSTOID TOND FO OGI OIFFRIND .i. ro choemestar cet cell fo chomlaintius tuinni cailig offrind. ł cet cell cosa taet tond mara &ersir; cintech ar écintech and.

OLL NÍ NI IDAL .i. is oll in trenfer hé &ersir; noco n-idlacht dognith. ł oll ani dognith do maith &ersir; ní idlacht.

NI ELLASTAR CLOENCHLEIR .i. ni ailed na cliara nidligtech

DOELLAR FO INMUILC .i. no fegad eat fo innib a n-uilc. ł no taidled eat co taprad a phennait cóir for cach. ł ba gabail ella dond uasul na cloenchliara combo maith no immuilged cretim forru ł nos bliged do sallund .i. do denam sallaind.

NI FÓET NI FUACHT NAD HERIS .i. niro foid nech uad do denam uilc. &ersir; niro fuachnaig fein na heris .i. ni rabi fis comrairnech aicce. .i. heres ł niro. aslaig heris for nech.

NI AENED NÍ NÁ BUI I RRECT RÍG .i. ní dénad ní do aini acht iar nirgetaid Dé .i. nained i ndomnaigib. ł ni airdercaiged ní acht do reir ríagla Dé.

NAND ETSA BAS BITH .i. arnad etad ł na bad istad do bas tria bithu ł isin bith.

BEO A AINM .i. i fos.

BEO A ANUAIM .i. a anim tall.

AD IMBUD FODRUAIR FO RECHT NOEB .i. ro furestar co mbeith do fo dirgetaid na noeb ł ara fot ro drubastair fo recht noeb is airi as beo a ainm i fos &ersir; a anim tall ar immed fodruair .i. ara fot. quia fit immed .i. fota ut dixit poeta is imtherc cos int abcan oc imthecht. in t-aboc o Rus chaem Chas noco n-é a taeb as imda .i. fota.

FRISBERT TINU A THOEB .i. ro rithbrúi conárbo thiuch a thóeb. frisbert tinu a thoeb .i. ro mairnestar ut dixit poeta nech frísbert a thigerna nirbat ile a liberna co rrucait namait a chend a gabair is a dubcend .i. a ech &ersir; a chlaideb ar colg &ersir; dubcend duo nomina gladii sunt insin tengoedilg. ut dixit poeta nir for braigthib dam na bo fromthair colg mo ruanadó for braigtib rig foceird feit indi dubcend oc Diarmait.

TUIL A CUIRP CUILLSIUS .i. ro choillestar toill a chuirp .i. is e a milliud a nemdenam.

CUILL A NEOIT .i. ro chuillestar in gainni ut poeta dixit in maith lib in tan asberar fír frib a ssaiges serc saigit seoit ni geib neoit fri nech as dil.

NAD IN MEIC MAC HUI CHUIND .i. cuich in mac ni handsa em mac hui Chuind .i. Colum Cille ł nibu in meic hui Chuind gainni ł neoti. ł nad maicc adnacht &mmacr;c hui cheo Chuind .i. ni bui in maicc acht bás foirbthe .i. mac hui cheo Chuind cith .i. ni bu iarmua acht ba hua Cuind quasi dixisset bá soerchland cia forodomair mór o Día

CUIL DEIM DE EOT

.i. ní derna de eot ní no dígbad cuil .i. ondi as demo .i. digbaim. ł de fót as choir and .i. de fuachtain.

CUIL DEIM DE FORMUT .i. ní derna de formut ní digbas cuil.

FO LIB LIGE A AI AR CECH SAETH SRETA SINA .i. is maith lib a eolchu a lige Coluim Cille ar no ícad a drucht ł a úr ar cachc ngalar no ráethnaiged rais na sina .i. cach sín a rathe.

TRIA THUAITH IDLAIG DORUMEOIN RETU

.i. ic dul dó tría thuaith na n-ídal ro finnad a mbibdanas fri Dia co tabrad forru cretim do Dia &ersir; ondi as reatus atá rétu.

AR CREDLA CAIRPTIU .i. is aire dorat in mes sa forru ar in carpat credal a cuirp ł ara cleirchecht ro rec a cairptiu.

CATH SÍR SOICH FIR FICHED FRI COLUAIM .i. ropo suthain a chath fri demon &ersir; domun soich fír .i. ro sechestar firinne fiched fri culuain. ni fúachtnaiged fría cholaind i fos.

CONA REGA IN RÍGMAC FOR DÉDE DÉ .i. noco raga mac in ríg .i. Colum Cille for indara ernail fil ic Dia.

I N-ATHGUTH I N-ATHFERS .i. isin guth n-aigthide .i. ite maledicti ł i n-athguth .i. isin guth fil. Aithle gotha aile remi. i n-athfers .i. niba isin fers tánaise ragas acht isin cétfers .i. uenite benedicti. &ersir; rł.

ADRADNACHT RIA N-ÁES RIA N-AIMNIURT .i. ro adnacht riasiu tísad áes dó .i. riasiu robo senoir &ersir; rob amnertach ar it sé bliadna .lxx. robo lán de.

AR IFFURND I N-ALBU ÓMUN .i. ar omun iffirnd dochuaid i nAlbain. huc usque .ui. id.

De comendatione laudis eius rege nepotum Néil.

ÁED ATNOI .i. ro aithnestár ULE .i. combad ulliu OLL DOINE DRONCHÉTAL .i. combad druniu a chetal .i. Aed mac Ainmerech dorat .uii. cumala don Dull ar ainm do thabairt isin molad sa Coluim Chille &ersir; roiaithnestar Aed don Dull commad druiniu cech cetal in cetal sa.

FECHTA FOR NIA NEM .i. in tan no regad in trenfer .i. ColumCille quia fit. nia .i. trenfer ut dicitur Fidchell Cremthaind niaid Náir nis beir mac bec do leitáin. leth a foirne d'ór buide a lleith aile d'indruine. Óenfer dia fairind namma no chrenad sech lánamna.

NI ANDIL .i. nirbo nemdil la Dia hé acht robo dil.

NI SUAIL .i. nír bec hé. ł ni handil .i. niro indil &ersir; níro úaig ní bad suail.

NI SUAIG

.i. niro su&fdot;uaig.

NI NIA NAD NUA FRI COTACH CONUAILL .i. ni trénfer nach nua insó fri cotach .i. fri glinnigud chotaig Conaill .i. eter tuatha Conaill ar medon. ł ic dénam a cotaig fri tuathaib ailib dianechtair ł ni nua .i. nocon uil ocund in tren&fdot;er uages ní nua fri cotach Conaill &ersir; ní suaig tosach na ceille síc. ł dano .i. ni fil ocund in trenfer athnuiges cotasch Conaill. ni nia in tosach sic fri cotach conuail .i. ic síth eter corp &ersir; anmain.

CLUIDSIUS BORB BEOLU BENNACHT BATAR IC TOÍ TOILRIG .i. ro chloi béolu inna mborb bátar ic ardríg Toí cid ed bad áil léo olc do rad conid bennachad dognítis ut fuit lalam.

Ó DONIB DEIMTECHTA OC DEO DESSESTAR .i. o doinib ro dígbad ic Dia tarrasar

AR ADBUD AR ÁNI ATRONNAI AR GART GLAN HÚA HI CATHAIR CONUAIL i. ara ainmni &ersir; ara aíni ro ernai gart &ndot;glan húa Conuaill inna chatir ł huasom Codiáir moir do Laignib i lleth o mathair ł ar adbchlos ocus ar áini ro ernai in gart glan &ersir; rł. ar ní dénadsom sein ut faciunt hipocritae

HI CUDBUD CAINSRUITH SCEO MAGISTER MUINTERE.

hicudbud ł icud .i. ic fadb bad fad &mmacr; b d Colum Cille .i. nomen doloris .i. ingiu ł i&ndot;g sechi robo chain íarum in sruith cona toimled magne cona ragbad in galar .i. ingu eich sein hé. ocus dano robo maigister muintere immon cétna ł ingu sechi .i. is ifechtain ro thogmaing a sechi hé ar immed a dan ł ic udbud .i. ic fethugud adbb ic éirniud chest na canoni. ł ic udbud .i. ic dibdud &ndot;goa ł ic udbud .i. ic foibadud .i. ic bádud cuirp Crist foa uil ic offriund. ł ainm do boith légind ł proprium loci i Ceneol Chonaill

FRI A&Ndot;GEL N-ACALLASTAR ATGAILL GRAMMATAIG GREIC

.i. dogníd aingel d'accallaim ocus ro foglaind grammataig amal Grecu ł no aicilled grammatacdu ocus Grécu.

ocus Colum Cille ł sic frecurimsea ceill atamchomnaic dirgitetaid mo Crist cumachtaig .i. immcomairge. Finit amen finit.

Colum Cille cecinit Dia ard airlethar aingel indrechta tabred dagberta for ar n-imtechta. for ar n-imrimmend ar nach n-elammar ar nach omonar riasam ternamar. for ar dianarlib Dia domm aidbresa Crist dom ditisea Dia dom airlesena Dia ard &ersir; rł. Finit amen.

Colum cáid cumachtach a cléthib clithnimi tairi domm imnádud archaingel Héil. ar biastaib ilardaib imdubaib imthennaib ticed domm imdegail inhua Néil. Nert n-irsi firinni fin crothe cruthaige Comdiu cloth cobtelach cluined mo gairm. ar athchaib tennide ar intech n-anaichnid admuniu móritge meic Ethne ainm. Ar Comdiu cumachtach ar cond slúag sochaide ar suí ar slánicid snadsium ar cel. ar cend cáid comarli ar commor moradbal ar n-árad firinni fíadat fri nem Nertsom sund sír⋅áegul sírchóemna m'anmasa scéo colla céin bethir and. Colum ar thrócaire co dora dom commairge fomm esgairm thall. Tair dag tair sacarbaic mo beolu bánchoibsen sét ná bo rom. ré domm anim rop o lamaib Colaim accoe a colain cen chloine cen chol. Colum caid cumactac a cléthib

Scél Tuain meic Cairill do &Fdot;innen Maige Bile inso

IAR dudecht do Finnén Maige Bile cosin toscelu i tír nÉrend i crich Ulad luid dochum laich saidbir and &ersir; nís relic isin les cuci coro throiscet ací fo domnach &ersir; nirbu maith a chretem ind laich. Asbert Finnen fria muinter. doforbicba fer maith rob dídnoba &ersir; innisfid dúib senchas Hérend.

Iar sin dosfic sruith clérich arna bárach matain moch feraid failti friu. Taít limsa dom disiurt ol se is dudchu dúib lotar leis &ersir; dogniat ord in domnaig eter salmu &ersir; precept &ersir; offrend. Ro íarfaig Finnen a slonniud de asbert friu de Ultaib damsa ol se. Tuan mac Cairill mesi meic Muredaig Munderc. Ro gabus for orbu m'athar a ndisert sa Tuan mac Stairn meic Sera meic brathar do Partholon rob e mo lonnud tall at thús. ro iarfaig Finnen dé imtechta Herenn .i. aní forceomnacair inti o amsir Partholoin meic Sera. &ersir; asbert Finnen ná airbértaís bith aici coro innised dóib senchasa Érend. Asbert Tuan fri Finnen is ansu dún cen brethir Dé atchúadsu dun do imrarud. Is cet duitsiu trá ol Finnen t'imthechta féin &ersir; imthus na Hérend do innisin dún.

Cóic gabala ém ol se ro gabad Hériu íar nilind &ersir; nís ragbad íar nilind coro chateá di bliadain .xii. ar .ccc. Is iar sein ro gab Partholon mac Sera doluid for lo&ndot;gais cethora lanamna fichet nírbo mór amainsi cáich díb fri áraili trebsat Herind co mbátar cóic míli día sil and. Dosánic dunebad eter da domnach co n-erblatar uli acht óenfér namma ar ní gnáth orgain cen scéola do ernam esi do innisin scél dara n-esi is mesi dano in fer sin ol seseom

Bása iarum o dingnu do dingnu &ersir; o aill do aill ocom imditin ar chonaib altaib na dí bliadain ar fichit ro baí Heriu fás Dolluid crini chucumsa &ersir; sentath &ersir; ro ba i n-allaib &ersir; i ndithrubaib &ersir; forémed imtecht &ersir; no bitis úama irdalta acum.

Ros gab íarum Nemed mac Agnomain bráthair athar damsa &ersir; atachimsea a hallaib &ersir; basa fora imcabaíl &ersir; me mongach ingnech crín líath nocht trog imnedach. Basa aidchi and iarum im chotlud co n-aca mo dul i richt oiss allaid. Bása i suidiu &ersir; me óc &ersir; ba maith lim mo menma iss and sin ro radiusa na bríatra sa sis. Lineation error: line 1249 skipped is skipped by the printer. Amnirt indiu mac Senbath ar ro scarad re thendrath ni fó degblad co nirt núa atá mac Senbath senrúa Na fir sea thecait anair cona rennaib ruamnait gail nim thá lúd hi cois ł i llaim do thecht fora n-imgabáil. Starin is tairbech in fer atagur Scemel scíathgel nimm ain Andind ci adagind(?) mad hé Béoin nis n-agsind Cía rom ácbad Beothach béo Cacher is garb a garbgléo Britan doni da gáib gus ata fraech ferci ar Fergus Atát chucum a comdi cain cland Nemid meic Agnomain trén atat for ti m'&fdot;ola do chosnam mo chetgona Ro córaigit dam trém chend da beind for tri fichtib rend co filim garbliath i rricht ar cáemchlód aísi a hamnirt .a.

Basa thoisechsa do almaib Herend iar sudiu o ro bá i rricht sétha. &ersir; boí alma mor do ossaib alta immum cach conair no thegind. Dorumaltsa iarom m'amsir amlaid sin fri hamsir Nemid &ersir; fri amsir a claindi. In tan iarom tánic Nemed dochum na Herend a murchoblach cetheora barca .xxx. a lín &ersir; tricha in cech báirc conos rala in muir for sechran fri ré bliadna co lleith for muir Chaisp. &ersir; ro bateá iar sin &ersir; atbathatár di gortai &ersir; d'ítaid acht cetheora lanamna namma im Nemed. Ro forbair a silsom iar sin &ersir; ro chlannaigestár co rrabatár cethri míli ar trichait lanamna and. Atbathatarside dano uli.

Dolluid iarom críni &ersir; sentatu formsa &ersir; basa for teched re ndainib &ersir; conaib alta. Bása fechtas and i ndorus m'úama cuman lim beus &ersir; rofetar techt asin richt in n-araili. Ludsa iarom i ndeilb thuirc allaid iss and asbiurtsa Glasreng .i. torc me indiu eter cuanaib am tríath tren co robuadaib domrat i ndubi ndecair rí na nuli i n-ilrechtaib Matan ro basa oc Dún Bré oc comrac fri sen⋅ruthe ba cáem mo churi dar lind lenad ócbad aibind sind Mo churi robtar dathi eter fiannaib i n-aithi fogertis mo gai ma sech for ocaib Fáil for cech leth. In tan no bimmís n-ar dáil oc cocert breth Partholain ba bind fri cách na canaind ba síat biatra firthadaill Ba bind mo chocert áni eter andrib co n-álli ba segda mo charpat cáem ba bind mo dord dar dubráen Ba lúath mo chéim cen fordul hi cathaib oc imforcum ba cáem mo drech ro boí la indium cíarsam glasrengsa. gł.

Bása ém for se hi sudiu isin delb sin &ersir; mé óoc &ersir; ba maith lim mo menma &ersir; bamsa rurech do thretaib torc Herend &ersir; doimchellaind mo durais beus in tan ticind hisin chrich sea Ulad i n-amsir mo chrini &ersir; mo throgi. ar is i n-oenmagin no claemcloindsea na delba sin uli is airi sin no thathigindsea in n-inad sin beus do idnaidi ind athnugthi.

Gabais Semion mac Staríath in n-insi sea iar sin. is dibside Fir Domnand &ersir; Fir Bolc &ersir; Galiúin. &ersir; ro trebsatside in n-insi sea fri ré.

Dolluid crini &ersir; sentatu formsa iar sin &ersir; ba torsech lim mo menma &ersir; forfémmedus cach rét no gniind remi do dénam. acht basa i n-uamannaib dorchaib &ersir; i n-allaib díamraib m'oenur.

Ludsa iar sin dom durais dilis do grés. Cuman lim cach richt i rraba ríam. Ro aínius mo thredan amal dogniind do grés. nim baí cumang cena. Ludsa iar sin i ndeilb segi mori .i. murrech adbul. Maith lim ón dano mo menma. Ba fortail mé for chach rét. Ba siratech imholtanach dano no luind dar Erind no findaind cach ret is and atbertsa. Séig indiu glasreng indé ingnad alaig utmaille ansu lim ar cach ló de Día in cara rom cruthaige Is sochaidi cland Nemid can réir ruirech rigdemin úathad indiu sil Sera ni fetar cid fotera Eter tretaib torc ro bá cía tú indiu eter énelta rofetarsa 'na mbia de bíatsa beus i rricht aile Ingnad ro ordaig Dia dil mesi &ersir; clanna Nemid siatsom ac reir demain dé mesi is Dia mo chomarse. seig

Gabais Béotach mac Iardonel Fatha in n-insi sea forsna cenela ro bátar inti. is dibside Tuatha Dee &ersir; Ande dona fes bunadas lasin n-aes n-éolais acht ba dóich leó ba din longais dodechaid de nim dóib. ara n-engnaigi &ersir; ar febas a n-eolais. Basa tra amsera móra i ndeilb in tsega sin co tormaltus na cenela sin uli ro gabsat tír nErend.

Gabsat dano meic Miled in n-insi seo for Túaith Dé Danand ar écin. Dollodsa dano andside i ndeilb inna séga sin i rraba co mba hi cús craind for sruth. Ro aínius nómaid andside &ersir; ro thuit cotlud form. &ersir; lodsa i rricht iaich .i. br tán aba andaide. Domchuritar Dia isin n-abaind iar sin co mba inti. Maith lim ón dano &ersir; basa setrech saithech &ersir; bá maith mo snám &ersir; no elaind as gach gabud &ersir; as cach airrceis .i. a llamaib línaige &ersir; a crobaib ségae. &ersir; o gaib iascaig co filet a crechta in

DÁ BRÓN FLATHA NIME

Héle co mbí fo chrund bethad hi pardus &ersir; soscela ina laim do phrecept dona hénaib út. Dotháegat iarom ind eóin co mbít oc ithe cháer in chraind. Cáera móra dano sin at milsiu cach mil &ersir; at mesco cach fín. Biit íarom oc ithe na cáer. Oslaicid iarom Éli iar sin in soscéla. Laside doimmaircet ind eóin a n-ette fríu &ersir; a cossa can scibud ette ná cosse co tairic in praicept. Laithe &mdot;brátha dano iss ed pridchas dóib .i. a ndoberar do thodérnamaib for anmannaib duíne día brátha .i. na cethri srotha im Slíab Sión ic loscod na n-anmand na ndeich míle blíadna &ersir; deich cét mbliadna in cach míle. Fota in gábud sin dano do neoch ocá mbíat pecda. Is maith do neoch ocá mbía degáirliud cid isind ló sin nammá. Cen co beth and acht sein. bá méte ná cotlad nech oca imrádud céin no beth ina bethu. Céinmothá titacht Crist co noe ngrádaib nime. &ersir; feraib talman do neoch ro génair &ersir; geinfes co bráth &ersir; muinter iffirnd. Is amlaid dano dorróega chucu intí Isu Crist &ersir; a croch derg fria ais do dígail forro a crochtha ara tuidecht día tesorcain ar gin Díabuil. Is adbol iarom in slúag bías. Iss i fíadnaise didiu in tslúaig doasfénpha cách a gnímu eter maith &ersir; saich. Cách ar úair ón do thaisfénad a n-athchomairc a n-atchonnarcatár a súile &ersir; i n-atrubratár a mbeóil &ersir; a tenga &ersir; á ndorónsat a láma &ersir; ani mándechatár a cossa. Crist mac Dé &ersir; aingil nime &ersir; fir thalman &ersir; fir iffrind ic coistecht fris dóib uile coro láis in tasfénad sin do dénam. A demon comaitechta oc taithmet dó cach uilc dorigne ar no bídside fora láim chlíseom do grés oca forcomét. A aingel comaitechta dano fora láim deis oc taithmet dó a ndorigne do maith.

O tháiric dó sin uile. Fégaid sein a brithemnu ar Crist cia de as trummu a maith andá a olc ind fir sea. Éirged iarom i n-óentaid aingel or Crist. Dothaegat ind aingil ara cind a lláma fóena. Fo chen duit ar cach cucumsa doraga or araile. Is comthrom a maith &ersir; a holc dano ind fir seo. Lenne a leth deside ar Diabul. Ni etarscérthar ind anim ar is tressiu mo chumachtasa ragaid limsa. Is trummu dano a olc ind fir sea. Eirged deside lá olc cosin muintir doréga. Dothíagat demna ara chind &ersir; ferait mifáelti fris. In tan i&mmacr; ro scáig in t-etergleód sa síl Ádaim. is and atbera Crist techt la Díabul cona daescorslúag do neoch dodraega &ersir; ro laí ina muinteras i n-iffernd cen nach forcend. Atreset iar sin &ersir; dobérat a n-óengáir essib occá tarraing do Diabul lais n-iffern.

It é dano teóra gáire in domain .i. in gáir dorigset túath Dé ocá timarcon don hEgeptacdaib la Foraind ri Muir Romair. día mmarbad &ersir; día ndilgend &ersir; do thabairt a mmac &ersir; a n-ingen i ndaíre co bráth acht manis tesorced Dia. Ocus gáir fer n-iffirnd &ersir; anmand síl Ádaim do neoch atrubalt díb ría crochad Crist .i. dosfuc ar ulc ri Díabul condas fil i n-erbothaib flatha nime. In gáir didiu ro láeset na hanmand iar n-imtholtain tuidechta ó Díabul &ersir; gáir fer n-iffirnd ina ndíaid. In tres gáir .i. gáir na n-anmand do neoch atroille iffernd díb icá sroínud ind do bithaitreb pene &ersir; rége cen nach crich etir.

In muinter i&mmacr; doróega Dia ragaitside dochum na flatha suthaine la Crist mac nDé co mbíat and sin tria bithu sír eter airbrib árchaingel.

Erbada tra lathe brátha iss ed pridchas Héle amal ro ráidsem acht is bec di mór chena aní sin.

Amal dúnas iarom in clérech a lebor doberat ind eóin a ngáir essib &ersir; túargit a n-ette ria tóebaib co táegat a srotha fola essib ar ómon lathe brátha.

In tÉle iarom &ersir; in tEnóc asberar sund ernaiditside ar cind a mmarbtha &ersir; a mmartra do chomailliud fástine in Chomded atrubairt tria gin ind fátha. Quis est homo qui uiuit &ersir; non uidébit mortem .i. Cia ro blais bethaib na blasfe bás. Dotháegatsom iarom ar cind Ancrist fri dered domain conid leisidé claidbebtair .i. Díabul i rricht duine intí Ancríst amal bid do tabairt cretme isin domon dotháet. epscop dogní fría ingin día haine hé. Iss ed atberar na derna Crist hi talam mírbail na dingneseom acht mairb do dúscud. Acht chena bid lánsum ó etrud &ersir; ó anbírinne Tri bliadna .xxx. co lleith dano a áessom amal rob ed áes Crist. Sood a pólaire ina etun iss é comartha bías fair. Cach óen na cretfe dó claidbebtair laisseom. ar iss ed atbeirseom conid hé féin mac Dé &ersir; conid hé ro thirchansatar fádi. Conid hé Míchél dotháet do nemdaib dia fordinge &ersir; conid hé gebes claideb dó. Conidat é íarom dá brón flatha nime. Héle &ersir; Enóc ina corpaib críad eter ainglib nime co táegat ar cind Ancrist.

 MESCA ULAD

dianda tairle mo lorgsa mairfidus Is messe ol Triscoth. Nách fer díb donecuchussa co handíaraid atbélat a beóil. Is messe ol Reordae drúth. Is messe ol Nia natrebuin chró. Is messe ol Daeltenga. nechtar nátharni nod ra ol Dub &ersir; Rodub. Cotréracht cach fer díarailiu imbi. Nacha foglúesed ani sin ol Sencha. Fer dongegat Ulaid cinip é gaiscedach bas dech bes and. is é nod raga. Cía uanni son ol Ulaid. Cu Chulaind ucut cenip se gaiscedach bas dech and is hé nod raga. Frisnerachtatar iarom isin les &ersir; Cu Chulaind remib. Inn é in genid seo as dech gaisced la hUltu ol Fintan. La sodain lingid Cu Chulaind i n-ardai co mboí for tulchinniu ind lis. &ersir; forróebling a gaisced forsind aurdrochut con torchartár dia n-ailchengaib in gaisced ro bátár isin dún. Ructa iarom hi tech ndarach cúachlete &ersir; comla ibair aire i mbatár tri fertraigid dia tiged. &ersir; da drolam íaraind esse. &ersir; indber íarind arin dá drolam sin. Ro hesrad a tech di cholctib &ersir; brothrachaib. Dobert Crom Deroil a ngaisceda inna ndíaid. &ersir; sudigthi. &ersir; arrocabar gaisced Con Culaind úasaib. Tessaigid indlat dóib ol Ailill. &ersir; dobert coirm &ersir; bíad doib comtar mesca. Dodasathiged Crom Deróil béos dús i mbuí ní bad áil dóib. Ó raptar mesca benais Sencha bascrand. contúasiset fris uli. Tabraid tra for mbennachtain forsin flaith donfáncid iségonnae ro both frib. ní lám i &ndot;gort &mdot;bocht is imda coirm &ersir; bíad dúib lasin fláith donangid nírbu écen a rád fri urgnam. Is fir són ol Dóeltenga. Tongusa a toinges mo thúath nádcon ricfaid far tír co bráth. acht a mbertae eóin úaib inna crobaib acht fir Herend &ersir; Alban co aitrib for tíre &ersir; do breith for mban &ersir; for set &ersir; do brisiund cend for mac fri clocha. is de asbreth Fergus for Tána inso Léic ass Dubtach nDoeltengad ar cul in tslúaig no srengaid nocon dergeni nach maith ro geogain in n-ingenraith. Ferais echt ndochlae ndobail guin Fiachaig meic Concobair nibu amru ro cloth dó guin Mani meic Fédelmtheó Rigi nUlad ni chosnai mac Lugdach meic Casrubai iss ed dogní fri doini annad ruba cont⋅uidi.

Ni gó aní sin trá ol Dubthach décidsi a tech dia daigni &ersir; a ndúnad fil ara tech. Nach facthi cid áil dúib dul ass níp thá cumac dó. Is mebol damsa indosso mani fuil imorbága imar tobairt immuich. acht nammá in láech ucut as dech gaisced la hUltu rofestar fis scél úadib.

Cotrosci Cú Chulaind &ersir; ró lá cor n-iach n-erred de i n-ar da co ruc a chléthe n-óchtarach din tig co mboí for cléthiu in tigi aile co n-accae in slóg sís úad. Doralsat óenclár catha foraib día tobairt. Dobert Ailill a druim frisin comlaid día n-anacol. Gabsit a secht meic a láim an dorus. Dommemaid in slóg for lár ind lis. Tolluid Cu Chulaind coa muintir &ersir; dobert a luie frisin comlai co lluid a chos trethe co rice a glún. Mád do ben doléced ol Dóeltenga no biad ina lligu. Tobert Cu Chulaind a lue afridisi co mboí a n-imdorus isin tenlug fó. Fresdiadam ol Sencha. iss ed bias and olso Cu Chulaind. Cach n-ada as ada do ócaib oc comruc bíd ocaib. tofil fair celiu chucaib sund. Cate far n-arle .i. for comarli ol Sencha. tocraid for ndrommand fri fraigid uli &ersir; bíd a gaisced ar bélaib cáich &ersir; erbaid óenfer dá n-acallaim. Mád trummi turcbáil a ndubí fochartaid a tech díb. Cia atagegalldathar .i. acaill&fdot;es ol Sencha. Atagegallarsa of Triscoth. Nách fer díb donécucussa atbélat a beóil. Batár a chéli oc airli a n-airle .i. oc denam a comairli immuich.

Ceist cia atageglathar &ersir; cetnaraga cucu isa tech ol ind óic ammuich. Ragatsa ol Lopán. Luid iarom Lopan isa tech cucu nonbor dó. In laich sin láechu ol se. iss ed ar in laích. In fer co cind a chéli ol Driscoth. Fír fír. Driscoth sund oc erlabrai Ulad ni fuil aurlabrai mathi leo chenae. Danéci Triscoth co andiaraid co tarla a di bond bána fair.

Tolluid iarom Fer Caille isa tech nonbor. In láin sin a laechu ol se. iss ed a n-imláin in fer co cind a cheli ol Driscoth. Daneci Driscoth co andiaraid co tarla a da bond bána fair.

Tolluid iarom Mianach Anaidged isa tech nonbur. It bana linni ind o thair filet forsin lar ol se. Daneci Driscoth. Domfecise ol se dús in n-ebél de. Gabais a cheli a chois foí &ersir; immambert forsna tri nónboraib ro bátár isin tig iarom conná dechaid nach háe i mbethu ass eter sudiu.

Congair iarom in slóg ammuich immá tech dia gabáil for Ulto. Ro láiset íarom Ulaid a tech tara cend co torchratar tri chét fón tig din tslóg ro buí friss anechtair. Dlútai in cath dialailiu. Batár iarom i n-imnisiu in chatha co medón laí ara bárách. Ro gab maidm for Ultu ar abu ar bati úati.

Buí Ailill for sosad in dúine oca ndéscin. Roptar scéla innisen damsa scela Ulad cosindiu. Atchúas dam ni bátár i nHére óic a cumma dóib co n-accu ní dénat acht mebáil indiu. Is cían o as fásach ni gebthar cath cen ríg. Mád imomsa i&mmacr; dobertha in cath níbád chían folilastae. atchíd nim thása cumac dóib is díguin .i. sarugud domgonar imáib.

La sodain ro lá Cu Chulaind begd de tresin mbudin &ersir; fordarubai fó thrí. Fordarubai dano Furbaidi Fer Bend mac Conchobair imma cuaird. ni gointis a cheli ara lechet .i. ara chaimi leo. Cid na gonair ol alaile dib in ségond sa. Ní mellach a caíne (?) dogní. Tongussa a tongas mo thúath cid cend óir no beth fair na ngénaind seo oc guin mo bráthar. benaid side sleg n-ind &ersir; adbaill de. Mutti iarom in cath for Érnu &ersir; ní ernaí acht trian díb ass. Orgit Ulaid iar sin a ndún n-uli. &ersir; aingit Ailill &ersir; a secht maccu ar nad bátar hi cath friu O sin tra nír threbad Temair Lochra.

Atdluí Crumthand Niath Nair ass. di Érnaib. Contric fri Richis mbanchainti tíar oc Lemain. mumme do Crumthand in ben. In farcbad mo macsa ol si. Forrácbad ol Crumthand. Tair limsa ol si co ndérais. .i. coro digla cisi dígal ol Crumthand. Co rubae Coin Culaind tara esi ol si. Cinnas dogéntar son ol éseom. Ni handsa. ma rut bet dí láim dó níbat écen nách n-aill chena ár fogéba i n-ascid.

Lotar didiu i ndíaid in tslúaig co farnactár Coin Culaind for áth ara cind hi crích Úathne. Tiscaid Riches a hetach di fíad Choin Chulaind. Muchais Cu Chulaind a étan fri lár arnácha ndercachad a hernochta. Tofairthe hifechtso a Chrumthaind ol Riches. dofuil in fer chucut or Lóeg. Naté ém ol Cu Chulaind céin bes in ben in cruth ucut nís n-érussa. Gabais Lóeg cloich asin charput &ersir; dibaircid di conda ecmaic tara lutain co mmemaid adruim i ndé. &ersir; combo marb de iarom. Cotréracht iar sin Cu Chulaind ar cend Crumtaind &ersir; fich fris co tuc a chend lais &ersir; a fodb.

Dollotár iarom i ndegaid in tslúaig co mbatár oc dún con Culaind co feotár and insind aidchi sein. Bátár iarom for foirriuth co cend cethrachat aidche forind óenfeis la Coin Culaind. &ersir; tíagait úad iar tain &ersir; fácbait bennachtain leiss.

Tánic dano Ailill anes fri hUltu co mbuí for célidi occo. Dobreth comlethet a enech di or &ersir; argut do Ailill &ersir; secht cumala cach meic día maccaib. Dolluid iarom Ailill dochum a thíri fó chori &ersir; óentaid fri Ultu. Boí iarom Conchobar iar sin cen coscrad a rígi immi céin buí i mbíu.

 Táin bó Dartada inso sís

BOÍ Eocho Bec mac Corpri rí Clíach i nDún Cuille. .i. i nHuib Cúanach indossa Batar cethraca dalta lais di maccaib ríg &ersir; rurech na mMuman. Boí cethraca lulgach oca fria mbíathad na mac. Téit techta o Ailill &ersir; Meidb a dochum co ndigsed

 TÁIN BÓ FLIDAIS

Cid dofuci or Ailill Find. coro &fdot;aeem celidi latsu íairm ár atá debuid dún fri Ailill mac Mágach. Mád nech dit muintir seo no ragad for debaid no anfad limsa co roísced a síd. Ní anfa om or Ailill Find atfíadar dam rot chara mo ben. Tabar ascid dún didiu di búaib or Fergus ár atá ecen mor fornd tochsaígid in tslúaig dolluid lind for lo&ndot;gais. ni béraso ascid úaimsea for se úair nách anaí célidi lim. Atbéra nech is ar anacol mo mná lim dobéraind deit an conaigi. Dobér dam co tinniu dúib dia furriuth masa adlaic lib chena.

Ni chathiubsa do bíadso i&mmacr; for Fergus úair nach berim th'ascid. Asind lis dúib didiu or Ailill. Rot bia són or Fergus ni gebthar forbaes fort linni. Tocumlát ass immach. Tairced fer ar mo chendsa i n-áth fo chétóir i ndorus ind lis. or Fergus. ni herfaider dom incaibse ón sibsi imme sin or Ailill. Totháetside i n-ath ara cend. Cia uaind ól Fergus a Dubthaig ragas ar cend ind fir. Ragatsa or Dubthach am so &ersir; am anáithiu atáesiu. Téit Dubthach ara chend. Benaid Dubthach sleg trit .i. tria Ailill co ndechaid tríaa da ⋅liasait. Toleiciseom gai do Dubthach co mbert crand trít a lleth n-aill. Focherd Fergus scíath tar Dubthach benidsom hi scíath Fergusa co mbert crand trít fodesin.

Tautat Fergus. Tobeir Fergus mac Óenláimi scíath airiside. Benaid Ailill gai hi suide co lluid trít. Focheird co mbuí ina ligu fora chélib. Tautat Flidais asin dún &ersir; focheird a brat tairsu a tríur. Muitti iarom do muintir Fergusa for teched. Téit Ailill inna ndíaid. Fácabar .xx. láech lais díb. Atluí morfesser díb do Cruachnaib

Bricne cecinit

Ailid Ailill amra triath gadaim tre ech asa íath. domorched cul comlúth marc as ferr sagod ro orth íath. Cóeca colg focherd a dún &ersir; fúan dian funchi rún. calb Domnand fotaili fí in r cos tudchamar múr. Ailed mac Domnail Dail imper Irruis Do baig. in saeglond docer mo losc in rosc fri irgala al. Aí &ersir; adfíadat a sscél n-uli hi sudiu and sin do Ailill &ersir; do Meidb. Coterig iarom Ailill &ersir; Medb &ersir; mathi Connacht &ersir; in loinges Ulad olchenae. adcosnat hi crich Ciarraigi Aí cona mbudnib co Áth Féne. Rofuctha colléic la Flidais isin les ind fir athgoiti &ersir; dognith a &fdot;rebaid lea. Tecait iarom in tslúaig dond lis.

Congairther Ailill Find do Ailind mac Mata immach assind lis dia acallaim. ni ragsa or se is mór a uallchas &ersir; a sotlacht ind fir fil and. Ba do chocur chóre cena boí Ailill mac Mata do Ailill Find &ersir; do &fdot;rebaid Fergusa do amal bad techta &ersir; do chórai friss iar sin do réir tigernad Conacht. Bretha iarom ind óic athgoiti for fúataib immach assin dunad co mbátar oca n-othor lía muintir fessin. Nos fobret iarom ind óic for togail in duni &ersir; niro fetsat nách ni dó. fri sechtmain láin dóib fón n-innas sin. Dorrochratar secht fichit láecht di mathib Connacht oc togail a duine for Ailill Find.

Nírbo sén maith dolodbair ol Bricriu do saigid in duni seo. Adde is fir ci atberthar son or Ailill mac Mata. Olc do inchaib Ulad in fechtas so na tri eclaind do thutim dib &ersir; nad tabrat dígail fair. Ba háge immairic cach fer díb seo. nícon torchair cid óenfer lais nách ai díb. It móra ám na tri córaid seo do bith fo sopaib fer in duni seo. Mor in cutbiud in t-óenfer do far nguin for tríur. Uch cena for Bricriu is fota a chubat for lár mo phoba Ferguis ce ro trascair óenfer. La sodain atregat anchinnidi Ulad &ersir; siat lomnochta. &ersir; doberat fobairt trén tolchar co feirg &ersir; londnus dermar co rrucsat an n-imdorus inna cind co mboí for medon ind lis &ersir; tíagait Conachta léo immalle. Dofechat a ndun ar ecin imna láthu gaili batár and. Dofecair cath amnas étrócar etorro &ersir; nos gaib cách díb for sraigled &ersir; esorcon a cheli. Íar scis imgona &ersir; imforráin iarom dóib srainter for lucht in dúnaid. &ersir; arselgat Ulaid secht .c. láech and isin dunud im Ailill Find &ersir; im thrícho mac dia maccaib. &ersir; im Amalgaid &ersir; im Núado. &ersir; im Fíachaig Muinmetháin. &ersir; im Chorpre Chrom. &ersir; im Ailill mBrephne. &ersir; im thrí Oengusa Bodbgnai. &ersir; im thri Echthigiu Irruis. &ersir; im secht mBresléniu Áí &ersir; im coícait nDomnall. Ar bátár tinoltai na Gamanraidi oc Ailill &ersir; cach óen do Domnandchaib ro tinc báig leis batar oca i n-oenmaigin fo bíthin rofitir conos tairsed longas Ulad &ersir; Ailill &ersir; Medb cona socraiti d'íarraid Fergusa. ar ba fora foesam boi Fergus. Ba si sin in tres láechaicmi Herend .i. in Gamanrad a Hirrus Domnand. &ersir; cland Dédad hi Temair Lóchra. &ersir; clanna Rudraige i nEmain Macha. La claind Rudraige immurgu ro dibdait in da aicme aili. Conderget trá Ulaid co tegluch Medba &ersir; Ailella leo &ersir; oirgset a ndún. &ersir; toberat Flidais leo assin dun. &ersir; toberat bancuri in duni hi forcomol. &ersir; doberat leo iar sin do neoch do sétaib &ersir; maínib baí and. eter ór &ersir; airget &ersir; curnu &ersir; copana &ersir; baíglēnna &ersir; ena &ersir; dabcha. &ersir; doberat a mbaí d'etaigib cach datha and. &ersir; toberat a mbaí di cethrib and .i. c. lulgach. &ersir; da .xx. ar .c. do damaib. &ersir; tricho cet di mincethri olchenae.

Is de sin luid Flidais co Fergus mac Róich a comarli Ailella &ersir; Medba fo dáig combad furtacht dóib ocon Tána na mbó a Cualngi. Is de sin no geibed Flidais cach sechtmad láa di feraib Herend do bóthorud dia thoscid ocon Táin. Ba sé sin búar Flidais. Is de sin luid Flidais la Fergus dochom a chríchi bunaid co ngab rígi blogi do Ultaib .i. Mag Murthemni cosinni baí i lláim Con Culaind meic Sualtaim. Ba marb iarom Flidais iar tain oc Traig Bali. &ersir; nibá ferdi trebad Fergusa ón. Ar ba sisi no frithailed Fergus im cach tincur bá hadlaic do. Is and atbath Fergus iar tain hi crích Connacht iar n-écaib a mná .i. iar tíchtain dó do fis scel co Ailill &ersir; Meidb. ar do irgartigud a menman &ersir; do breith táircthe cruid o Ailill &ersir; o Meidb. luidi síar co Cruachain. conid tíar dind fecht sin fúair a bás tria ét Ailella. conid Táin bó Flidais a scél sin anuas.

Immram curaig Mail Dúin inso. tri bliadna &ersir; uii. mis iss ed boí for merogod issind ócian.

BAÍ fer amra di Eoganacht Ninussa .i. Eóganacht na nÁrand .i. Ailill Ochair Ága a ainm. Trénmílid side &ersir; láechthigerna a thúathi &ersir; a ceneóil féin. Maccaillech banairchinnech cilli caillech ro chomraicseom friía. Baí mac sainemail etorro díb línaib. i. Mael Duin mac Ailella esside. Iss e cruth iarsa luid a chompertsom &ersir; a gein Maili Dúin. fechtas dolluid rí Eóganachta for tiri hi crích &ersir; hi cendathaig n-aile &ersir; Ailill Ochair Agai ina chóemtecht. scorsit &ersir; gabsit dúnad hi sleib and. Boí cell chaillech hi comfocus don tsleib sin. Medón aidchi iarom o ro an cách do imtecht is dúnud luid Ailill don chill. Is é tráth són dodeochaid in chaillech do béim chluic do íarmérgi. Gabais Ailill a láim &ersir; dostascar &ersir; dogéni a coblige. Asbert in banscál fris ní segda ar cor ol si amser chomperta damsa inso ol si. Can do chenel &ersir; cia th'ainm ol si. Asbert in láech Ailill Ochir Ága mo ainmse ol se di Eóganacht Ninussa. .i. a Túathmumain Luid iarom in rí día chrích iar n-inriud &ersir; giallai dó. &ersir; Ailill dano lais. Gair íar ríchtain do Ailill día thúaith na n-ortatár dibercaig lóingse. Loscit Dubclúain fair.

Tofuisim a mbanscál mac cind .ix. mís &ersir; dobert ainm fair Máel Dúin eside. Bretha in mac iar sin fó chlith cúa bancharait .i. co rígain ind ríg. &ersir; altsom la sudi &ersir; asbert bá sí a máthair. Rod n-alt iarom óenmumme éseom &ersir; tri meic ind ríg i n-óenchliab &ersir; for áenchích &ersir; for áenchúd. Alaind didiu a delbsom &ersir; is infechtain má ro boí hi colaind nech bed chomalaind dó.

Asais iarom combu óclách combu thúalaing airbirt gascid. Bá mór dano a áine &ersir; a uallchas &ersir; a chluichechaire. Bá forggaine for cách a cluiche eter imarchor liathraite &ersir; rith &ersir; leim &ersir; cur liac &ersir; imrim ech. Bá leis trá búaid cech cluchi díb sin. Laa n-óen and ro formdigestár alaile ócláech amsach friss co n-epert la recht &ersir; feirg. Tussu ol se nád fess can cland ná cenel duit &ersir; nicon fes mátair ná hathair do giallud forni in cech óenchluchi cid for tír cid for usci cid for fidchill cotrísam fris. Sochtais Máel Dúin iarom ar doruménair co sin combá mac dond ríg hé. &ersir; don rígáin dia mumme. Asbert iarom fria mummi ní praindigiubsa &ersir; ní ib ní co n-erbara frim ol se mo máthair &ersir; m'athair. Inge ol si cid no taí do íarmóracht indí sin. ná tabair dot menmain bríathra na n-óclách ndiumsach. Messe do máthair ol si. Ni fulliu serc a mmac la doíne in tíre andas do sercso limsa. Doecmaic aní sin. &ersir; arai fessa dam mo thustidi féin.

Dolluid a mummi leis iarom conda tarat i llaim a máthar co téigtís íar funiud gréne issin n-insi. No lomraitis íarom na hubla &ersir; nos ithitís. Tíagam ar Máel Dúin isin n-insi ní hansu dún oldás dona hénaib. Luid fer díb do déicsin na hinsi &ersir; dogair sidé a chéli chucai i tir. Te in talam fúa cossaibsom fó bíth bátir tentidi ind anmannai &ersir; no theigtís in tálmain úasaib. Tobertatár bec dini hublaib leó a cétlá nos ithitís inna curuch. In tan bá solus in matan dollotár ind eóin ónd insi for snám isa mmuir. La sodain tócaibtís ind anmannai thentidi a cenna asa fochluib &ersir; no ittís na hubla co funed ngréne. In tan adcuirtís inna fochloí no théigtís ind eóin dara n-essi do ithi na n-ubull. Dolluid dano Máel Dúin cona muintir &ersir; tecmallsat anba dina hublaib in n-aidchi sin. Cumma aranggairtís gortai &ersir; íttaid díb na hubla. Iss ed aní línsait a curach dina hublaib amal bá mellach leó. &ersir; lotair for muir afridisi.

.xi. In tan iarom arrochiúirtár na ubla hísin &ersir; bá mór a ngorta &ersir; a n-ítu. &ersir; in tan bátir lána a mbeóil &ersir; a sróna di bréntaid in mara. Atchiat insi nárbu mór &ersir; dún indi &ersir; múr gel ard im sodain amal bad du áel chombruithiu dognethe. ł amal bed óenchloch calca uile. Már a dícsa ón muir acht nád roched néolu. Óebéla ro boí in dún. Tige snechtaidi márgela immá mmúr. A llotár is tech bá moam díb nicon facatár nech and acht catt bec boí forsind lár oc cluchiu forsna cetheóraib úaitnib lecdaib bátar and. No linged di cech úaitniu for araili. Do&fdot;écai biucán na firu &ersir; nín tairmesc día chluchiu. Co n-accatár iar sin teóra sretha isind raigid in taige immá cuaird ónd ursaind díarali. sreth and chetumus di bretnasaib óir &ersir; argit &ersir; a cosa isind fraigid. &ersir; sreth di muntorcaib óir &ersir; argit mar chirclu dabcha cech ae. in tres sreth di claidbib móraib co n-imdornaib óir &ersir; airgit. Lána inna himda di cholcthib gelaib &ersir; di tlachtaib etrochtaib. Dam bruthe dano &ersir; tinne forsind lár &ersir; lestra mára co ndeglind inmesca. In dúnni forrácbad so ol Máel Duin frisin cat. Dosnécacha talmaidiu &ersir; gabais cluche arísi. Atgeóin iarom Máel Dúin ba doib forruised in praind. Prainsit iarom &ersir; ibsit &ersir; contoilset. Dobertatár díurad ind lenna isna paitti. &ersir; docosechtatár diúrad in biid. In tan asbertsat iarom imthecht asbert a thris comalta Maíli Dúin in bérsa lemm múince dinaib muincib se. Nithó ol Máel Dúin ni cen chomet atá a tech. Dobert cammai co rrici lár ind lis. Dolluid in cat ina ndíaid &ersir; lebling trít amal saigit tentidi &ersir; loiscthi combu lúathred. &ersir; luid arísi co rrabi fora úaitni. Ro áilgenaig iarom Máel Duin cona bríathraib in cat. &ersir; sudigestár in muince ina inad &ersir; glanais a luathred di lár ind lis &ersir; fochairt i n-alt in maro. Lotár iarom inna curach a mmoltais &ersir; a nn-adamraigtis in Comdid.

.xii. Matan moch tres laí iar sin atchíat insi n-aili &ersir; sonnach umaide tara medón ros rand in n-insi i ndé. &ersir; atchíat tréta móra di chairib inti .i. trét dub fri sonnach adíu. &ersir; tret gel fri sonnach denall. &ersir; co n-accatár fer máoc etergl&etilde; na cáerech. An focherded caírig find tar sonnach de síu cosna duba bá dub fó chetóir. A ndocured dano cairig nduib tarsin sonnach ille bá find fó chétóir. Bátir immecalsom oc aicsin indní sin. Is ed as maith ol Máel Dúin cuirem dá bunsaig isin n-insi. día cóemchlót dath conclóechbabamni día tiasam indi. Fochartatár íarom bunsaig co rrúsc dub isa leth i mbátár na finna &ersir; finnais fó chétóir. Fochartatár dano bunsaig snaisi gil issa leth i mbátár na duba &ersir; bá dub fó chetóir. Ní sechbaid ol Máel Dúin ná dechammár isin n-insi. bes níbád ferr ol ndathni oldáti na bunsacha. Tollotár for cúlu ónd insi la himeclai.

.xiii. Tres lou iar sin dano rathaigsit araili insi máir lethain &ersir; trét mucc n-álaind indi. gegnaitsom banb bec díb asrous iarom a brith día doud co tuidchetar uli imbi. Fannoíset &ersir; na mbertatár inna curach cucu. Atchiat uadib iar sin slíab már isind insi &ersir; imráidset techt día déicsin na hindse ass. A llotár iarom Diúrán Leccerd &ersir; Germán do ascnam in tslébi arrecat abaind letain nádbo domain ara cind. Tummis Germán irlund a gai issin n-abaind &ersir; immándíbdai dó fó chétóir amal bid tene nod loscad &ersir; ní lotár ní bad sire. Co n-accatar and dano frisin n-abaind anall daumu móra máela ina ligu &ersir; fer mór inna sudiu occaib. Bí Germán iar sudiu crand fría scíath do bupthad na ndam. Cid día mbúpthai na báethlaegu ol in t-áegaire már hísin. Cairm hi tat a mmaithre na lloeg sa ol Germáne. Atát frisa sliab ucut ol se anall. Tollotár afrísi coa céli &ersir; adfíadar scéla doib. Dollotár ass iarom.

.xiiii. Fúaratár insi nirbu chían iar sin &ersir; mulend már grainne indi. &ersir; mulleóir már brúichnech grainne and. immafoacht dó cía mulend so. ní có ám ol se ní nách eolach íarmifóich ní nách aithgenaidsi ol se. nátho ol seatsom. Leth n-etha for tíre ám ol se is sunda melair. nách ní beres cesacht de isin muilind sa conmelar. La sodain atchíat na heriu tromma diármidi for echaib &ersir; doínib don mulind. &ersir; úad dano afrisi. acht aní doberthe úad is síar no berthe. Imchomarctár atheruch cía ainm in mulind se mulend Inbir tre Cenand ar mulleoir. Noda sénsat iar sin ó airdiu croiche Crist íarsinní o'tchúalatár &ersir; ó'tchoncatár na huli sea. Lotár for intech inna curach.

xu A llotár dano ond insi sin in mulind fúaratár insi máir &ersir; sochaide mór di daínib indi. hit é duba eter churpu &ersir; étach. Cennaithi imma cenna &ersir; ní chumsantaís di chui. Dofuit di crandchor dondala comaltai Maíli Duin dul isin n-insi. A lluidside cusna doíni ro bátár oc coí. Bá cumthach fríu fó chétóir &ersir; gabais coí leó. Foíte días día thabairt ass &ersir; ní n-athgénatár eter a célib fecsit cadesne for coí. ba hand asbert Mael Duin tét cethrar úaib ol se co n-armaib &ersir; tucaid na firu ar écin &ersir; ná décid in talmain nach in n-aér &ersir; tabrid for n-étaige immó bar sróna &ersir; immó bar mbeolu &ersir; ná súgid aér in tire &ersir; gataid for sella do for feraib fodeisne. Dogníth samlaid aní sin. Luid in cethrar &ersir; dobertatár leó in díís n-aili ar écin. A n-immácomraicthe ced atchoncatár isin tír. asbertís nicon fetammár ám ol seatsom. acht a n-atchondcamár dorigénsam. Táncatár iarom co hellam iar sin ond insi.

xui. Recait iar sin insi n-aird n-aili imbá rabatár cethri sonnaig. nod randsat hi cethair. sonnach di ór chetumus. alale di argut. in tress sonnach di humu &ersir; in cethrammad di glain. Ríg isin chethrammad rind. rígna i n-alaili. óclácha i n-alaili. ingena isind aili. Tolluid ingen ara cend &ersir; dos&ndot;deraid hi tír &ersir; dobert bíad dóib. fri cáise ro samlaisetarsom &ersir; secip blas bá mellach la nech fogebed fair. &ersir; dális dóib a cilurn bic co comtalsatar mesci tri laa &ersir; teóra aidchi. ro mboí ind ingen oca timthirecht in tucht sa. A ndofochtraiset isin tres bá inna curuch for muir bátár. Nicon facatar nách dú a n-insi nách a n-ingin. ráisit ass iarom.

xuii. Fogaibset insi n-aili iar sin nárbu mór &ersir; dún indi. Dorus umaide fair &ersir; ágai umaidi and. Drochet glainidi arin dorus. Amal no théigtís súas forin drochet dofuittitís sís for cúlu. La sodain atchiat banscáil asin dún &ersir; cilornd inna láim. Tócbaid clár nglainidi a híchtur in drochit. &ersir; línais cilornd asin tiprait boí fón drochat. &ersir; luid afrísi isa ndún. Táet ferthigis fri Máel Dúin ol Germáne. Máel Dúin ón ém ol sisi la dúnad in dorais tara héissi. Bertais íar sudiu inna hágu umaidi &ersir; a llín n-umaide ro boí foraib. &ersir; in fogur íarom dorigénsat bá ceól meldach n-áilgen són. La sodain fochairt inna cotlud co matain ara bárach. A ndofóchtraiset co n-accatar in mbanscáil cetna asin dún &ersir; a cilornd inna láim &ersir; línaid fón clár chétna. l&ndot;ge táet ferthaigis fri Máel Dúin ol German. Amra bríge ol si Mae la dúnad ind lis tara hessi. Fosnálaigsom a cétna co ara bárach. Tri láa &ersir; téora aidchi dóib fond rían sain. Isin chetrammad lou iarom dolluid in banscál a ndochum. alain brat gel impe &ersir; buinne óir immá moing. mong orda fuirri. dá máelán argit imma cossa gelchorcrai. bretnas argit co mbrephnib óir inna brut &ersir; léne srebnaide síta fria gelchnes. mo chen duit a Mael Duin ol si &ersir; ainmnigestár cach fer fó leith cona anmaim diles fein. Is cían o tá hi fis &ersir; hi forus for tíchtain sund ol si.

Dobeir lei iarom hi tech mór boí hi comfocus don muir. &ersir; tocaib a curach hi tír co n-accatar iarom ara cind isin tig dérgud do Máel Duin a óenur &ersir; dérgud cach triir dia muintir. dobert biad doib i n-óenchiss .i. i n-oenlesturcosmail do chássi nó tháth. ataig cuit cach trir. cach blas adcobrad cách iss ed fogébed fair. no thimthirted dano do Mael Duin for leth. Línais dano cilarnd fón clár chetna &ersir; dális doib sel cach thrir lee. atgeoin dano in tan ba leór leo. anais do dail dóib. Ben chomadas do Máel Duin in ben so forcách dia muintir. Luidsi iarom cona henchiss &ersir; cona cilurnd. asbertatar a muinter fri Mael Dúin in n-eberam fria dús in fáefed lat. Cid gatas uaib ol seseom ci atberaid fria. Ticsi ara barach. asbertatar fria in dingnesiu caratrad frí Máel Duin &ersir; in fáefe lais &ersir; cid na hanai hi fos innocht. Asbertsi na hathgeóin &ersir; na fitir cá rét peccad. Luid iarom úadib día tig &ersir; tic ara barach in tráth cetna cona thimthirecht dóib. &ersir; o roptar mescai &ersir; roptar sáthig rádit na briatha cetna friasi. I mbarach thra ol si dobérthar athesc dúib dindí sin. Luid iarom dia tig &ersir; contuletsom fora ndergodaib. amal ro dúscsetsom bá ina curach bátar for carraic &ersir; ní accatár in n-inis ł in dún ł in ben ł in magen i mbátar riam.

iii Amal dolotar ón magin sin co cualatar anairtúaid gáir móir &ersir; lex amal bid oc cetol salm no bethe and. Ind adaig sin &ersir; a llá ara barach co nónai dóib oc imram co festais cia gáir no cia lex rochúalatar achiat insi n-áird slíabdai lán d'énaib dubaib &ersir; odraib &ersir; alathaib oc núall &ersir; oc labra mór.

x Imraiset biucán ond insi sin co fuaratar insi n-aile narbu mór. Craind imdai inti &ersir; eóin imdai foraib &ersir; co n-actar iar sin fer isind indsi &ersir; a folt ba hetach dó íarfaigset dó iarom cúich he &ersir; can a cenel. Do raib Herend damsa ol se. dodeochad im ailithri uruch biuc &ersir; dlugis mo churach fóm amal dechad biucan ó thír. doludsa do thír arise e &ersir; dobiur fót dom thír fom chossaib &ersir; frissocbus for muir. Ro fothaigestar in Comdiu damsa isin ma gin se in fot sain ol se &ersir; dobeir Dia traig cacha bliadna fora lethet. o sin co se &ersir; crand cacha bliadna dó ás and. Ind eóin atchithisi dano isna crannaib ol se anmand mo clainnesea &ersir; mo chenióil eter mna &ersir; firu at é sút oc ernaide lai brátha Lethbairgen &ersir; ordu eisc &ersir; lind in topair dorat Dia dam. domfic sin cach dia ol se tria thimthirecht aingel. trath nona dano dosnicseom uile lethbairgen &ersir; ordo eisc cech oenfir dib sút &ersir; cach óenmná. lind in topair amal as lór la cach o roptar lána a teora aidchi oígidechta celebraiset &ersir; asbertsom friu rosesaidsi uli ol se do for tír acht óenfer.

xx. Fogabat isin tres lo iar sin insi n-aili &ersir; múr orda impe &ersir; lár gel amal chluim. atchiat dano fer inti &ersir; iss ed ba hetach do findfad a chuirp fodessin. imchomaircsetar dó iarom cía sasad o mbered bith atá ém ol se sund topor isind insi se. I n-aine &ersir; hi cetain megd ł usce doberar ass. I ndomnachaib i&mmacr; &ersir; hi felib mártir degass .i. loim doberar ass. Mad hi feil apstal i&mmacr; &ersir; Mairi &ersir; Eoin Babtaist is coirm &ersir; fin doberar ass &ersir; i ssollamnaibdano. Im nonai iarom dosnanic ón Chomdid doib uli lethbairgen cech fir &ersir; ordu eisc &ersir; ibsit a ndoethain dind lind dobreth doib asin tiprait inna hinsi &ersir; focheird hi súan cotolta ón trath sin cus arna barach. O ro fersat tri aidchi aigidechta for&fdot;orcongair in clerech forru imtecht &ersir; lotar iarom ass for imtecht &ersir; celebraiset dó iar tain.

xxi. A mbatár iarom ciana for imluad forsna tonnaib atconnarcatar fota uadib insi. &ersir; amal ro scuchsat co focus di. co cualatar fogur na ngoband oc tuarcain brotha forsind inneoin co n-ortaib amal tuarcain trír ł cethrair. in tan iarom lotar hi comfocus co cualatar in fer oc imcomarc diarailiu in failet hi focus ol se to ar araile cia són ar fer aile asberitsi do tuidecht and. Meic beca atchiat hi lothur bic anallút for se. O rochúala Máel Duin aní sin atbertatar inna gobaind asbeir tecam for cúlu ol se &ersir; na himpam in curach acht bid a erais reme arnáro airiget teched dún. Imráiset iarom &ersir; a erais resin curach. Iarfaigis arís in fer cetna buí isin cerdchai. indat facsi don purt indossa ol se. Atát inna tost ol in dercthaid sech ni thecat ille ni thiagat innond. Nírbo chían iar sin coro íarfaig dorís cid dogniat indossa ol se. is doich lemsa ol in fegthaid. is for teched tiagait is sia lim attát indossa on phurt olda o chíanaib. Dothaet in goba andsaide assain cherdchai &ersir; bruth romor isin tenchoir inna laim &ersir; focheird in mbruth sain i ndegaid in curaig hisin muir coro fich in muir uile acht nis rochtsom ar ro theichset fo ner bág co dían deinmtach isin n-ocian mór immach.

xxii. Imráset iar sin conos tarla i mmuir ba cosmail fri glain nglais buí día glaine corbo réill in grian &ersir; in gainem in mara trit &ersir; nocon faccatar biastai na hanmannai and etir na carrce acht in grian glan &ersir; an gainem glas batár ré mor dind ló oc imram in mara sin &ersir; ba mór a etrochta &ersir; a álli.

.xxiii. Focheirdat ass iar sein hi mmuir n-aill cosmail fri nél &ersir; andar leoseom nís fáelsad féin nach in curach co n-accatar iar sain fón muir fóthib annís dúine cumtachta &ersir; tír alaind &ersir; atchiat anmanna mór n-úathmar bíastaide hi crund and &ersir; táin do almaim &ersir; indilib immon crand imma cúaird &ersir; fer cona arm hi farrad in chraind co sciath &ersir; gai &ersir; claidiub. amal atconnaircsede in n-anmanna mór út boí isin crund téit ass for teced fo chetóir. sínis in t-anmanna a brágit úad asin chrund &ersir; furmid a chend i ndruim in daim ba mó dond almai &ersir; srengais lais isin crand &ersir; nos ithend fo chétóir friha brathad sula. Techit ass fo chétoir ind innile &ersir; in búachaill. &ersir; ó'tchonnaic Máel Dúin sin cona muintir nos geib imecla móir &ersir; ómon ar bá dóich léo ní roistís taris cen totim trít sís ara thanaidecht amal chiaich. rosagat ioarom thairis iar mórgábud.

xxiiii. Fúaratar iar sin insi n-aile &ersir; atraacht a mmuir impi súas co ndernai alle dímora impe imá cúaird. amal ro arigsetar daine in tíri sin eatsom atasfoprat ic egmig impu &ersir; atberat att ésim on att esim ón fot a n-anali. Atchoncatar iarom daíne imdai &ersir; alma móra do indilib &ersir; grage ech &ersir; treóit chaerech imda. Boí iarom banscál oca ndíburgudsom anís co cnoib móraib co tairistis forsna tonnaib thúas occosom ro theclaimsetsom mór dina cnoib sin &ersir; dofucsat leo. Dollotarsom ond insi for cúlu &ersir; ansat na hegme la sodain. Cairm hi tát indossa ol in duine ticced fón n-egem día n-éis. Dolotar ass for cethernd aile dib. nidat é amlaid ar cethernd aile. Is fris as chosmail dano aní sin amal bad nech día mbeth hi tarngire leosom do dilgend a tíri &ersir; dia n-innarba asa tír.

xxu. Gabsat in n-insi aile bi tárfás dóib rét n-ingnand .i. conuargaib sruth mór a tracht na hinsi súas co téged amal túaig nime tarsin n-insi uli co ndiburned isin tracht n-aile na hinsi dond leith aile di &ersir; tictisseom foí annís cen fliuchad &ersir; no gantaiseom écne mora ass anuas. &ersir; dofutitis écne móra dermara asin tsruth anúas for tailmain. na hinsi sis cómba lan ind inis uli dia mbréntaid. ár ní rabi nech ó tairsed a teclamad ara n-imad. O espartain aidchi domnaig co hanteirt día lúain ni nglúased in sruth sain. acht no thairissed ina thost inna muir imon n-insi imma cuairt. immainait dóib iarom anba móir dona hécnib &ersir; línsait a curach dóib &ersir; lotar ond insi sin for culu forsin n-ocían beos.

xxui. Imraiset iar sin co fúaratar colomain móir n-airgidi. Cethri slessa aicce i mboí sesbeim in churaig fri cech slis. co mbátár ocht sesbéimend don churuch a timchell uli &ersir; ni rabi óenfot do talmain imme acht in t-ocían anforcnedach &ersir; ni accatarsom cinnas boí thís a híchtur ł a huachtur túas fora hairde. Boí lín argdide assa húachtor co fota úad immach &ersir; dolluid in curach fo séol trena mocoll ind lín sin. &ersir; dobert Diúran beim do faebur a gae tar mocoll ind lín. Na mandair in in lín ar Máel Dúin ar is opred morfer aní atchiam. ar molad anma Dé ol Diuran is airi dogníusa so corop mote chretir &ersir; bérthair uaimse for altóir Aird Macha acht co rús Hér ungi co leith iss ed boí and íarna thomus i nArd Machlatar dano iar sain guth mór solusglan do úachtur n út. sech ní fetatar cia bérla ro labair &ersir; cid ro.

xxuii. Atchiat insi aile dano for óenchois .i. óenchos &ersir; imraiset a timchéll d'íarraid chonairi inti &ersir; ni

 Fís Adomnán só sís

IS uasal &ersir; is adamraigthe in Comdiu na ndúla &ersir; is mor &ersir; is machdaígthe a nert &ersir; a chumachta. is cennais &ersir; is áilgen is trócar &ersir; is dearcach. ar tócurid dochum nimi chuci lucht na deirce &ersir; na trócaire na censa &ersir; na connircle. Tairbirid i&mmacr; &ersir; trascraid dochum n-iffirnd comtinól n-écraibdech n-étarbach na mac mallachtan. ar fuirid derritussa &ersir; focraice écsamla nimi dona bennachtnachaib. &ersir; tairbirid illatu pían n-ecsamail dona maccaib báis.

Sochaidi trá do naembaib ocus d'fírenaib in Comded na ndúla &ersir; d'apstalaib &ersir; desciplaib Isu Crist díaro faillsigtheá rúine &ersir; derritiusa flatha nimi fón cumma sin. &ersir; fochraice fororda na firén &ersir; dano díaro faillsigtheá píana écsamla iffrind cosna fíb filet intib. Ro foillsiged ém do Phetar apstal ind long cethararddidi doleced do nim &ersir; cethri suanimain esti. Binnithir cach ceól a héstecht. Conúargabad dano Pól apstal cosin tres nem co cúala briathra diasnéte na n-aingel &ersir; imacallaim n-adamraigthe muintiri nimi. Ructha dano beos ind apstail uli i llo estechta Muri co n-accatár píana &ersir; todérnama trúaga na ndaíne n-anfechtnach díaro forcoingair in Comdiu for ainglib ind fuinid oslocud in talman ríasna apstalu coro fégtais &ersir; coro innithmigtís hiffernd cona ilphíanaib amal dorairngertsom fessin dóib aní sin ré cían rena chésad

Ro faillsiged dano fó deóid do Adamnán u Thinne do ardecnaid íarthair domain labairthir sund. Díaro escomlá a anim asa churp hi feil Iohain Baptist &ersir; día rucad dochum richid co n-ainglib nimi. &ersir; iffrind cona dáecor⋅lúag.

O ro scar íarom ind anim frisin corp ro arthraig fo chétóir di aingel a comaitechta céin bai hi colaind. &ersir; ros fuc leis ar thús do fegad flatha nimi.

Is sí dano cétna tír coso rancatár tír na naeb. Tir sutach solusta iarom in tír sin. Airechta écsamla inganta and co caslaib lín gil impu co culpaitib glégelaib úasa cennaib. Naim airthir in Misi vilł o Flait Misi vilł Mul Dom. án. and. on. in domain ina n-airiucht fo leith i n-airthiur thiri na naem. Naim íarthair in domain dano i n-iarthur in tire cetna Naím thúascirt in domain dano &ersir; a descirt ina ndíb n-airechtaib dermáraib tess &ersir; tuaid. Cach óen íarom fil i tír ina náeb is cómfocus dó estecht inna ceól &ersir; innithmigud inna luinge hi failet .ix. ngrad nime íarna cémennaib &ersir; íarna n-urd.

Indara fecht dano dona naebaib canait ceol n-adamra oc molad Dé. In fecht n-aill contúaset fri ceól muintire nime. Ar ní recat a les ind naim ní aile acht éstecht in ceóil risa coistet. &ersir; innithmigud inna soilse addécet. &ersir; a sásad don boltnogud fil is tír.

Ata flaith adamra dano fri gnúis do gnúis dóib úathib sáerdes. &ersir; fíal glainide etarro &ersir; erdam orda fris anes. Is trítside immaiccetsom fúath &ersir; fóscugud muintire nime. Ni fil i&mmacr; fial no temel eter muntir nime &ersir; inna nóemu acht itát i foilse &ersir; i frecnarcus dóib i lleth friusom do grés. Circull tentide dano imón tír sin imma cuaird &ersir; cách ind &ersir; ass &ersir; ni erchótigend. Na da apstal déc i&mmacr; &ersir; Maire óg ingen ina haireocht fó leith imón Comdid cumachtach. Úasalathraig &ersir; fáde &ersir; descipuil Isu i comfocus dona apstalaib. Atát dano araile nóemóga do deis Maire &ersir; ré nách cían etarro. Noídin &ersir; maccaím impu do cach aird. &ersir; ceól enlathe muintire nime oca n-airfitiud. Buidna ana do ainglib coimthechta inna n-anmand oc umallóit &ersir; oc timthirecht eter na hairichtaib sin i fíadnaisi ind ríg do grés. Ni chumaic thra nech isin bith frecnairc sea túarascbail ł innisin inna n-airecht sin. amal itát iar fír. Na buidne ocus na hairechta dano filet i tír na náeb amal ro radsem bidat marthanaig isin mórglóir sin co mordail brátha coros córaigea in brithem firén i llathe ind fugill isna sostaib &ersir; isna inadaib i mbíat oc déscin gnússe Dé cen fial cen forscáth etarru tria bithu na mbetha

Cid mor i&mmacr; &ersir; cid adbul in taitnem &ersir; in tsoilse fil i tír na náem amal ro rádsem. is aidbliu fo mile ind etrochta fil i mmaig muintire nime im rígsuide in Comded fessin. Is amlaid iarom atá in rígsudi sin inna chathaír chumtachta co cethri colomnaib di liic lógmair foi. Cén co beth dano d'airfiteod do neoch acht cocetul comchubaid na cethri coloman sin ropad lor do glóir &ersir; d'aibnius dó. Trí éoin airegda i&mmacr; isin chathaír i fíadnaise ind ríg ocus a menma ina ndúlemain tria bithu iss é sin a ndán. Celebrait dano na ocht trath oc molad &ersir; oc adamrugud in Coimded co claischétol aircaingel oc tíachtain foí Ona hénaib iarom &ersir; ona harcainglib tinscetal in cheóil &ersir; nos frecat iar sin muinter nime ule eter nóemu &ersir; nóemoga.

Stúag dermár dano os chind ind ordnide ina chathaír rigdai amal cathbarr cumtachta ł mind ríg. Díanos faictís roisc dóenna no legfaitís fo chétóir Tri cressa ina mórthimchell etarro &ersir; in slúag &ersir; ni fes la túaraiscbáil cid atascomnaic. Sé míle do míledaib co ndelbaib ech &ersir; én imon cathaír tentide for lassad cen crích cen forcend.

Aisneis iarom in Comded cumachtaig fil isind rígsuidi sin ní thic do neoch acht mád doneth féin. ł mani ebrad fri grádaib nime. ar ní innisfea nech a bruth &ersir; a bríg a derge &ersir; a ro&fdot;oillsi a anius &ersir; a aibnius a chunlacht &ersir; a chobsaidecht. imad a aingel &ersir; a árchaingel oc cantain chiúil dó. A thechtairi roimdai chuci &ersir; úad co n-athescaib rochumrib do cach budin ar úair. a mine &ersir; a rochendsa friarailib. a ainmíne &ersir; a roacairbe fri lucht aile díb

Día mbé nech occá sir&fdot;egad imme anair ocus aníar anes &ersir; atúaid fogéba do cech leith aci agid n-airegda soillsithir fó secht andá grían. Ní aicfea dano delb ndune fair do chind ł coiss acht na dlúim thentide for lassad fón mbith ocus cách for crith &ersir; for úamain remi. Is lomnán día soilse nem &ersir; talam &ersir; ruthen amal rétlaind ríg ina mórthimcell. Tri míle cheól n-écsamail cecha óenclaisse fil oc classchétol imme. Binnithir ilcheólu in domain cach óencheól fo leith dibside fessin.

In cathir íarom ina fail in rígsudi sin is amlaid atá &ersir; uii. múir glainide co ndathaib écsamlaib ina thimcell. airdiu cach múr araile. Lebend i&mmacr; &ersir; fond iníchtarach na cathrach di glain gil atacomnaic co ngné gréne fair iarna brechtrad di gurm &ersir; chorcra &ersir; úani &ersir; cacha datha archena

Muinter bláith romín rochennais dano cen esbaid nácha mathiusa foraib is iat aittrebait in cathraig sin. Ar nís rochet &ersir; nís aitrebat do grés acht nóemóig ł ailitrig dútrachtacha do Dia. A n-ecor i&mmacr; &ersir; a córugud is dolig a fiss cinnas forcáemnacair ar ní fil druim neich díb ł a slis fríaraili. Acht is amlaid ros córaig &ersir; ros comét cumachta díasnéte in Chomded gnúis fri gnúis ina srethaib &ersir; ina corónib comardaib mórthimchell ind rígsuide immá cuaird co n-ánius &ersir; co n-aíbinnius &ersir; a n-aiged ule fri Día.

Crand caingil di glain eter cach dá claiss co cumtuch derscaigtech dergóir &ersir; argit fair. Co srethaib sainemla di liic lógmair &ersir; co mbrechtrad gem n-écsamail &ersir; co cathairib &ersir; chorónib carrmocail forsna crunnu caingil sin. Tri leca lógmara dano co fogur bláith &ersir; co mbinne cheóil eter cach dá primairecht &ersir; a llethe úachtarcha ina lócharnaib for lassad. Uii. míle aingel i ndelbaib primcainnel oc soilsigud &ersir; oc inorchugud inna catrach má cúaird .uii. míle aile ina certmedón oc lassad tría bithu sír imón cathraig rígdai. Fir domain i n-óenbale cidat línmair nos fórfed do biud boltnogud cind óenchainle dina cainlib sin.

Do neoch trá do daínib in domain nád rochet in cathraig sin asa mbíu &ersir; dianid érdalta a haittreb iar fugiull brátha is intib airbirit co anbsaid &ersir; co utmall i ndindgnaib &ersir; i cnocaib i sescnib &ersir; rrotaigib anaitreba co tí chucu bráth. Is amlaid dano atát na slóig sin &ersir; na hairechta &ersir; aingel comimtechta cacha hóenanma fil indib oc umallóit &ersir; timthirecht di.

Fíal tened &ersir; fíal d'aigriud i prímdorus inna cathrach inna fíadnaisse &ersir; síat icomthúarcain cind ar cind tria bithu Fogur &ersir; fúamand dano na fial sin oc comríachtain atcluinter fón mbith. Síl nAdádaim dia cluintis in fogur sin nos gébad ule crith &ersir; úamun do&fdot;ulachta remi. Itorsig thrá &ersir; it búadertha na pecdaig ocond fogur sin. Mád i lleth i&mmacr; fri muintir nimi ni cluinter din gárbthóraind sin acht lánbec do ráith. &ersir; binnithir cach céol atacomnaic.

Is adbul íarom &ersir; is ingnad fria innisin sudigud inna catrach sin ar is bec di mór aní ro innisemár dia hordaib écsamlaib &ersir; dia ingantaib.

Is andam trá lasin n-anmain iar comgnáis &ersir; comattrib na colla cona súan &ersir; cona sádaile &ersir; cona saíre cona sóinmige insaigid &ersir; dula co rígsuide in dúleman. acht mani dig la heochu aingel ar is docomail drém na .uii. nime. ar ní assu nach ai araili dib. ar itát .ui. dorais chóemtechta ar cind in chiniuda dóenna co rrice in ríched. Ro sudiged dano dorsioir &ersir; cométaid o muintir nimi do forcomét cach dorais díb.

Dorus íarom ind nime as nesu ille is fair ro sudiged Míchél arcaingel ocus di óig ina farrad co flescaib iarnaidib ina n-ochtaib do sroigled &ersir; d'esorcain na pecthach co comraicet iarom and sin na pecdaig fri cétglífit &ersir; fri cétchesad na conaire cengait. .i. tiagait

Dorus i&mmacr; ind nime tanaisi Ariél arcaingel as chometaid dó &ersir; di óig inna farrad co sroiglib tentidib ina llámaib is dibside sraiglit na pecdachu dara ngnussib &ersir; dara roscaib. Ro sudiged dano sruth tentide co forlasair fair i fíadnaise in dorais sin Abersetus dano ainm aingil ingaire in tsrotha sin derbas &ersir; niges anmand na náem din chumtrumma chinad nos lenand. co rroichet comglaine &ersir; comsoillse fri etrochta rétland. Ro sudiged dano and sin topor taitnemach co mbláthe &ersir; boltonugud do glanad &ersir; dídnad anmand inna fírén. Ingrinnid i&mmacr; &ersir; loscid anmand na pectach &ersir; ní dingaib ní díb acht is tuilled péne &ersir; pennaite rosic and. Frisócbat íarom as sin nach pecdaig co mbrón &ersir; dubu dermar Na fíreóin íarom co subu &ersir; forbáelti co dorus in tres nimi.

Sornd tentide dano for lassad do gréss andside. Dá míle déc cubat iss ed rosoich a lassar i n-ardde. Tíagait dano anmand na fíren triasin sornd sin la brafad súla. Ergorid i&mmacr; &ersir; loscid and anmand na pecthach co cend dá bliadna déc. conos beir iar sin aingel in coímthechta cosin cetramad ndorus. Is amlaid dano atá dorus inotachta in chetramad nime &ersir; sruth tentide ocá thimchell amal in sruth remoind. Timchellaid dano múr for lassad lethet a thened fri dá míle déc cubat tomsithir. Cengait i&mmacr; anmand inna fírén taris amal nach beth etir. Ocus fastóid anmand inna pectach fri ré da bliadna dec. i tróge &ersir; i todérnam conos beir aingel in cóemtechta co dorus in chúced nime.

Sruth tentide beos and andside acht is écsamail hé frisna srotha aile ar itá sóebchore sainraedach i mmedon in tsrotha sin. &ersir; impaíd immá cuaird anmand inna pecthach &ersir; nos fastand co cend se mbliadna déc. Rosoichet i&mmacr; ind fíreóin tairis fo chétóir cen nach furech. In tan iarom as mithig túaslucud inna pecthach ass benaid in t-aingel in sruth co fleisc dúir co n-aicniud lecdu co tócband inna anmand súas do chind na flesci. Berid dano Míchél iar sin na anmand co dorus in tsessed nime. Ní armither i&mmacr; pían ł thodernam dona anmannaib isin dorus sin acht forosnaiter and o soillse &ersir; o etrochta líac logmar. Rosoich dano Míchél iar sin co aingel na trinóite co taisfenat díb linaib in n-anmain i fiadnaise Dé.

Is adbul tra &ersir; is dírim failte muintire nime &ersir; in Comded fessin frisin n-anmain in tan sin mád anim ennac firén hí. Mad anfírén i&mmacr; &ersir; mád anforbthe ind anim fogeib anmine &ersir; acairbe ón Chomdid chumachtach. &ersir; atbeir fri aingliu nimi. Tarrgid lib a aingliu nimi in n-anmain n-ecráibdig sea. &ersir; tabraid i lláim Lucifir día badud &ersir; día formúchad i fudamain iffirnd tria bithu sír. Is and sin iarom scarthair ind anim thrúag sin co áigthide &ersir; co hacarb &ersir; co adúathmar ri frecnarcus flatha nime &ersir; gnussi Dé.

Is and dano dolléci in n-osnaid as trummu cach n-osnaid oc techt i ngnúis Díabail íar n-ascin oíbniussa flatha nime. Is and scarthair fri comairge inna n-árcaingel lasa tánic dochum nimi. Is and sin dano slucit na dá draic déc thentide cach anmain d'éis a céle co curend úadi in draic inichtarach i ngin Díabail. Is and sin fogeib comslaintius cacha huilc la frecnarcus Díabail tria bithu sír.

O ro foillsig thra aingel in choimtechta do anmain Adomnan na físi sea flatha nimi &ersir; cétimthúsa cecha hanma iar techt assa curp. Rosfuc leis hí iar sin d'insaigid iffirn iníchtaraig co n-immud a pían &ersir; a ríag &ersir; a thodernam.

Is é iarom cétna tír coso ránic tír ndub ndóthide sé folom follscide cen péin an etir. Glend lán di thenid fris anall. Lassar dermár and co teít dara oraib for cech leth. Dub a ichtur. Derg a medón &ersir; a uachtor. Ocht mbíastai and a súli amal bruthu tentidi. Drochet dérmár dano darsin nglend. Gabaid ond ur so arailli. Ard a medón isli i&mmacr; a dá n-imechtar. Trí sloig oc airmirt techta thairis &ersir; ní huli rosagat. Slóg díb is lethan dóib in drochet o thús co dered. co roichet ógslán cen uamun cen imecla tarsin nglend tentide. Slóg aile dano ocá insaigid cáel dóib ar thus he. lethan i&mmacr; fo deóid. co rochet iarom amlaid sin tarsin nglend cétna íar mórgábud. In slóg dedenach i&mmacr; lethan dóib ar thús in drochet cóel &ersir; cummung fo deóid co tuited día medón isin glend ngaibthech cetna i mbrágtib na n-ocht mbiast mbruthach út ferait a n-aittreb isin glind.

Is íat lucht díarbo soirb in sét sain áes óige áes atrige lere áes dergmartra dutrachtaige do Día. Is í dano fairend diarbo chumunc ar thús &ersir; díarbo lethan fo deóid iar sin in sét drem timairciter ar écin do denam thole Dé &ersir; soit a n-écin iar sin i toltanche fognoma do Dia. Is dóib i&mmacr; robo lethan ar thús in drochet &ersir; díarbo chumung fo deóid dona pecthacaib contúaset fri forcetol bréthre Dé &ersir; ná comaillet iarna clostin.

Atát dano slóig dímórai ndichumung hi traig na péne suthaine risin tír n-etordorcha anall. Cach ra n-úair trágid in pían díb. In n-úair aile tic thairsiu. Is iat iarom filet amlaid sin in lucht dianid comthrom a maith &ersir; a n-olc. Ocus isin ló brátha midfidir etarro. &ersir; bádfid a maith a n-olc isind ló sin &ersir; bertair iar sin do phurt bethad i frecnarcus Dé tria bithu sír.

Atat dano drem mór aile and hi comfocus dond lucht sin &ersir; is adbul a pian. Is amlaid iarom atát i cumriuch fri colomna tentide. muir tened impu connice a smecha. Slabrada tentide imma medón fo deilb natrach lassait a ngnússi osin péin. Is iat iarom filet isin phéin sin pecdaig &ersir; fingalaig &ersir; áes admillte ecailse Dé &ersir; airchinnig etrócair bíte ós inchaib martra na nnáeb for danaib &ersir; dechmadaib na hecailsi. &ersir; dogníat dona indmasaib selba sainrudcha sech aígedu &ersir; aidlicnechu in Comded.

Atát dano and slóig móra ina sesam do gréss i llathachaib círdubaib connice a cressa cochaill gerra aigreta impu. Ní anat &ersir; ní thairiset tría bithu. acht na cressa oca loscod eter úacht &ersir; tess. Slúaig demna na mórthimchiull &ersir; pluic thentide ina llámaib ocá mbúalad ina cend &ersir; siat ic sírthacra fríu. A n-aigthe uile na trúag fothúaid &ersir; gáeth garb goirt ina fíretan maróen ri cach n-olc. Frassa derga tentide oc ferthain forro chach n-aidche &ersir; cach laí. &ersir; ní chumgat a n-imgabáil acht a fulang tria bithu sír oc coí &ersir; ic dogra. Araile díb &ersir; srúama .i. tunni tened i tollaib a ngnússe. Araili cluí thened triana tengthaib. Araile tríana cendnaib dianechtair. Is iat iarom filet isin phéin sin .i. gataige &ersir; ethgig &ersir; áes braith &ersir; écnaig &ersir; slataige &ersir; crechaire &ersir; brethemain gúbrethaig &ersir; áes cosnoma mná aupthacha &ersir; cánti. aithdibergaig &ersir; fir légind pridchait eris.

Atát drong mór aile i n-insib i mmedón in mara tened. Mur argdidi impu día n-étaigib &ersir; dia n-almsanaib. Fairend trá sin dogníat trócaire cen dichill &ersir; biit araíde i llaxai &ersir; i téti a collai co crích a mbáis. &ersir; nos cobrat a n-almsana i mmedón in mara tened co bráth &ersir; foíditir do phurt bethad iar &mdot;bráth.

Atát dano sochaide mór aile and ocus cassla derga tentide impu co lár. Rocluinter a crith &ersir; a nggáir fón firmimint. Drong discrútain do demnaib oca formúchad &ersir; coin brena lethoma leó ina llámaib oca n&fdot;uráil foraib día tomailt &ersir; día cathim. Rotha derga tentide for sírlasad imma mbrágtib. Bertair súas co firmimint cach ra n-úair. Telciter sís i fudamain iffirnd in n-uair aile. Is iat iarom filet isin phéin sin áes gráid tarmideocatár a ngráda &ersir; fúathcraibdig &ersir; brécaire brécait &ersir; sáebait na sluagu &ersir; gabait forro ferta &ersir; mírbaile nách fétat do dénam dóib. Is iat i&mmacr; na naídin filet ocá n-athchuma inn áesa graid .i. it é sin in lucht ro herbad dóib do lessugud &ersir; níros lesaigset &ersir; níros cairgetár imó pecdaib.

Atat dano drem dermár aile and sair síar doib cen tairisem darna lecaib tentidib oc cathugud fri slúagaib na ndemna. At lir turim thrá frassa na saiget for dérglasad dóib ona demnaib. Tíagait inna rith cen turbród cen tairsem co rochet dublocha &ersir; dubaibne do bádud na saiget sin intib. Atodíuri thrá &ersir; at trúaga na gáre &ersir; na golgaire doníat in pheccdaig isna uscib sin ar is tormach péne ros tá dóib. Is iat trá filet isin phéin sin cerdda &ersir; círmaire &ersir; cennaige esinraice. brethemain gúbretaig na nIúdaide &ersir; caich archena &ersir; rig ecraibdig. aerchinnig claín at e colaig. Mná adaltracha &ersir; techtaire nos millet ina mígnímaib.

Attá dano múr tened fri tír inna pían anall adúathmairiu &ersir; acairbiu hé fo secht andá tír na pían fessin. Acht chena ní aittrebat anmand co bráth ar is la demnaib a n-oenur a airichas co lathe mbrátha.

Mairg thrá fil isna píanaib sin i comaittreb muintire Díabail Mairg nad foichlend in muintir sin. Mairg forsa mbía do thigernu demon díscir dairmitnech. Mairg bias oc estecht fri guba &ersir; fri golgaire na n-anmand oc tróge &ersir; oc neméle frisin Comdib im torachtain chucu laithe mbrátha co llúath dús in fugebtaís nach n-etarúarad isind &fdot;ugiull. ar ní fagbat nach cumsanad co brath acht tri úara cach domnaig. Mairg diamba dognas díles in ferand sin tria bithu sir. ar is amlaid atá. Slebe tolla delgnecha and maige loma dano is íat loiscthecha ocus locha bréna bíastaide. Talam garb ganmide iss e urcrom aigreta. lecca lethna tentide fora lár. mara móra co n-ainbthinib adhúathmaraib ina mbí aidde &ersir; aittreb Díabail do grés. Cethri sroth dermára dara lár. sruth tened sruth snechtaide sruth néimthe. sruth usci duib dorchai. is intib sin nos fotraicet slúaig digair na ndemna a haithle a n-oenaig &ersir; a n-aniusa oc píanad na n-anmand

In tan trá canait slúaig nóema muintire nime claschetol comchubaid na n-ocht tráth co subach &ersir; co forbáelid ic molad in Chomded. Is and sin ferait ind anmand nualla trúaga torsecha oca tuarcain cen tairisem la drongaib na ndemna. Is iat sin trá na píana &ersir; na todernama ro follsig aingel in choimtechta do anmain Adomnán iar tascnam flatha nime.

Roucad iar sin ind anim la brafad súla triasin n-erdam n-orda &ersir; triasin fíal nglainide co tír inna náem is inti cetarucadsi in tan conruloi a curp.

O ro gab iarom ceill for anad &ersir; for airiseom isin tír sin atchúala ina díaid triasin fíal guth ind aingil no forcongrad furre co n-igsed ar cúlu doridisi cosin corp cetna asar escomloi. &ersir; coro innised i ndálaib &ersir; airechtaib &ersir; i comthinoltaib láech &ersir; clérech focraice nime &ersir; píana iffirnd feib ro follsig aingel in cóemtechta di.

Is é seo iarom forcetul no gnáthaiged Adomnán dona slúagaib o sein immach céin buí na bethaid. Is é dano no pridchad i mmórdail fer nÉrend díaro fuirmed recht Adomnáin for Góedelaib. &ersir; diaro sáertha na mná la Adomnan &ersir; la Fínnachta Fledach la ríg nÉrend. &ersir; la mathib Herend archena. Is é dano cétscel no gnáthaiged Patraic mac Calpuirnd fochraice nime &ersir; píana iffirn d'innisain donafíb no chretitis in Comdid tríana forcetul &ersir; no fáemtaís a n-anmchardine dó la turcbail soscelai Is é dano forcetol ba menciu dogníd Petar &ersir; Pól &ersir; na apstail archena .i. píana &ersir; focraice d'innisin ár ro faillsigthea dóib fón cuma cétna. Is é dano dorigni Siluester abb Róma do Chonstantín mac Elena do ardríg in domain isin mórdáil díaro édpair in Róim do Phól &ersir; do Phetar. Is é seo dano dorigni Fabian comarba Petair do Philip mac Gordián do ríg Román díaro chreit in Comdid &ersir; diaro chretset ilmíle aile in n-úair sin. iss eside cétrí do Rómánchaib ro chreit in slánicid Isu Crist.

Is é seo scél gnáthaiges Héli do innisin do anmandaib na firén &ersir; sé fó chrund bethad hi pardus. Ónd úair iarom osclaices Héli in lebor do forcetol na n-anmand. tecait and sin anmand inna firén i rrechtaib én nglégel chuce do cach aird. Innisid dóib dano ar thús focraibe inna fírén oíbnius &ersir; airera flatha nime &ersir; at forbaeltiseom in n-airet sin. Innisid i&mmacr; dóib iar sin píana &ersir; todernama iffirn &ersir; erbada lathe bratha. Ocus is follus co mór gné mbroin fairseom fessin &ersir; for Enóc conid íat sin da brón flatha nime. Íadaid Héle iar sin in lebor &ersir; ferait ind eóin nuallguba dermar ind úair sin &ersir; tennait a n-ette fria curpu co tecait srotha fola estib ar ómun pían n-iffirnd &ersir; lathe brátha.

In tan iarom is iat anmand inna náem díanid erdalta síraittreb flatha nimi dogníat in guba sin. bá dethbiri do dainib in domain cíamtis dera fola dognetís oc erochill lathi brátha &ersir; pían n-iffirnd. Is and sin icfas in Comdiu a chommaín féin fri cach nduni isin domun .i. fochraice dona fírenaib &ersir; píana dona pecdachaib. Cuirfitir iarum amlaid sin in pecdaig i fudamain péne suthaine forsa n-íadfa glas brethre Dé fó míscaid bretheman brátha tri bith sir. Bértair i&mmacr; ind naím &ersir; ind &fdot;ireóin lucht na deirce &ersir; na trócairi for deis Dé do bithaittreb flatha nimi .i. áit i mbiat isin mórglóir sin cen áes cen urchra cen crích cen forcend tria bithu sír.

Is amlaid iarom atá in chathir sin .i. flaith cen úaill cen díummus cen goí cen écnach cen díupert cen taithlech cen gres cen ruci cen mebail cen mélacht cen tnúth cen mórdataid cen teidm cen galar cen bochtai cen nochtai cen díth cen díbad cen chasir cen snechta cen gaíth cen flechud cen deilm cen toraind cen dorche cen úardataid. flaith úasal adamra aererda co suthi co soilsi co mbolud tíri láin hi fail aerer cech mathiusa. Finit amen finit.

 Scéla laí brátha inso sis.

DIA do bennachad na n-éstidi uli tabrad cach óen díb fó leith a menmain &ersir; a innithim co dícra fri scélaib laí brátha .i. amal ferfas in Comdiu fáelti frisna náemaib &ersir; frisna fírénaib do aittreb na flatha nemda. amal ferfas i&mmacr; anfáelt frisna pecthachaib &ersir; frisna hanfírenaib oca n-innarba i n-iffernd. Isu Crist mac Dé bi slánicid ind ule domain in tres perso na deachta úasli as chom⋅uthain &ersir; as comfolbthaide dond athair &ersir; don spirut náem. iss e ro ráid na scéla sa gair bic ríana chésad do folsigud na tuarascbála bias do féin i lló brátha cona nóemaib &ersir; cona fírénaib. &ersir; do nertad a apstal &ersir; a descipul. nachas ragbad torsi día chessadsom. ar rofitirsium coro chomacsig amser a chesta. Matha mac Alphín suí Ebraidi indara fer déc ro thog Ísu na muinterus in cethramad fer ro scríb in soscela comdeta iss é ro scrib &ersir; ro lesaig na scela so lathi bratha. mar rochúala a bélaib a mágistrech .i. Ísu co farcaib hi cumne cond eclais co n-ebairt fón n-innasa. In tan doraga mac Dé &ersir; duini i n-óenpersaind. co n-onóir &ersir; co míadamla. &ersir; a ule aingil malle fris. suidfid in tan sin fora chathair rígda &ersir; for sossad a míadamla. &ersir; tinolfiter and sin na huli daine na fíadnaisi &ersir; dogéna a ndeligud &ersir; a terbod iar tain. Ordaigfid ém a nóemu &ersir; a firénu dia deis. Ordaigfid i&mmacr; na pecdachu &ersir; na hanfírenu di chlé.

Is and sin atbéra in rí dond &fdot;airind beti dia deis. Ticid a bennachtnachu selbaid flaith m'athar ro fuired dúib o thosuch domain. Úair ro ba i ngorta &ersir; doratsaid bíad dam. Ro bá i n-ítaid &ersir; doratsaid dig dam. Ro bá i rríchtain a les tigi aíged &ersir; doratsaid aigidecht dam. Ro bá cen etach &ersir; doratsaid etach dam. Ro bá i ngalur &ersir; tancabair dom torroma. Ro ba i cumriuch &ersir; tancaibair dom thúaslugud &ersir; dom fortacht.

Is and sin doberat na fíreóin in frecra sa for in Comdid. a thigerna for iat cuin atchoncammárni thú i ngorta ł i n-itaid &ersir; doratsam biad &ersir; dig dait. &ersir; Cuin atchonnarcmár i rríchtain a les tigi aíged ł cen etach tú &ersir; doratsamar aígidecht &ersir; étach duit. ł cuin atconcamar i ngalur ł i cumriuch thú &ersir; táncamár dot &fdot;is scél &ersir; dot &fdot;uaslucud. Is é seo i&mmacr; frecra dobéra in Comdiu forsna fírénaib. Cach tan ar se dorónsaith maith arna bochtaib im anmumsa is foromsa dorónsaid. Is íat sin trá sé hernaili na trócairi o cennaigther ind flaith nemda. Is iat na sé dorsi glainidi triasa tic solsi in bethad suthain isind eclais. Is iat sin na sé cémend iarsa frescabat na naím &ersir; na fíreóin dochom nimi.

Athbéra in Comdiu dano cid dond fairind beti día chlí in n-athesc n-acarb n-adúathmar sa .i. don lucht náro chomaill a thoil &ersir; a thimna. &ersir; is ed atbera fríu oca cur i n-iffern. scuchaid dím a mallachtnachu &ersir; ercid isin tenid suthain ro faíred do Díabul &ersir; dia drochmuintir. úair ro bá i ngorta &ersir; i n-ítaid &ersir; ni thardsaid bíad ł dig dam. Ro bá i rrichtain a les tigi aíged &ersir; étaig &ersir; ni thárdsaid aígidecht ł étach dam. Ro bá i ngalur &ersir; i cumriuch &ersir; ní thancabair dom fis scél ł dom thúaslucud

Is and sin dobérat na hecrabdig in frecra sa for in Comdid. A thigerna for siat cuin atconnarcmárni i ngorta. ł i n-ítaid ł i rríchtain a les tigi aíged. ł cen étach. ł i ngalur ł i cumriuch. &ersir; na dernsamar timthirecht &ersir; umallóit duit. Is and sin dobéra in Comdiu frecra forrosom. Cach tan for se na dernsaid maith ar na bochtaib imm anmaimsea is foromsa na dernsaid. Is íat sin tra sé nechi airegda triasa n-insaigther iffernd. Sraínfitir tra iar sin na hanfíreóin hi péin iffirn &ersir; isin todernam suthain. Ragait i&mmacr; na naím &ersir; na fíreóin isin mbethaid suthain do aittreb nime malle fri Dia cona ainglib tria bithu sír.

Cesnaigthir isin scriptúir naím can asa targa in Comdiu do fugiull brátha. Ocus cinnas doraga ocus cid ara targa. De nim trá co denim doraga in Comdiu do fugiull brátha mar demniges in rígfaith Dauid mac Iese. Innas i&mmacr; doraga demnigid in fáith cétna &ersir; iss ed atbeir. Bid follus ar sé doraga in Comdiu dond fugiull &ersir; nibá toíthenach. Biaid dano tene mór ar lassad na fíadnaisi &ersir; ainbthiní dermár imme di cach leith. Is aire i&mmacr; doraga in Comdiu dond uugiull do mes for in ciniud ndoenna eter bíu &ersir; marbu. mar atbeir in rigfáith cétna. Tinolfaiter ar se muinter nime &ersir; talman hi fíadnaisi in Chomded i llo brátha. Is demin dano co ndingniter cethri budni don chinud dóenda i lló bratha. Buden ém dib dogentar do mes &ersir; ragait aithle a mmessa dochom péné &ersir; todérnama.Is friuside atbéra in Comdiu in n-aithesc n-adúathmar so oca n-innarba uad. Scuchaid dím a mallachtnachu isin tenid suthain ro faíred do Díabul &ersir; dia drochmuintir. Is iatside na comallat o gním in maith gellait o bélaib. Is é ainm na fairni sin isin scriptuir. mali non ualde .i. uilc nach adbulolc.

Buden aile díb na dingentar do mes acht ragait fó chetóir cen mesrugud etir forro dochom n-iffrind. &ersir; píanfaitir iar sin tria bithu na mbetha cen trocaire Dé dia fortacht ár ní thabratsom smacht ł recht ł ríagail ar denam a peccaid &ersir; a ndualach hi fus. acht cach olc as mó ro fétat do sárugud Dé &ersir; daíne iss ed dogniat. Is é ainm na budni sin. mali ualde .i. a n-as mesu don chinud dóenda

Buden aile díb dognetar do mes &ersir; ragait a aithle a mmessa dochum focraice. Is iatside dogniat i fus aithrige ndichra tria chongain cride. &ersir; lesaigit a n-ulcu remtechtacha tria sualchib &ersir; caíngnímaib. &ersir; dano doberat almsana bíd &ersir; etaig dona bochtaib i n-onoir in Chomded. co ndíchletside na pecda doronsat ríam. connach cumnig in Comdiu dóib thall na hulcu dorónsat i fus. Is frisidi atbéra in Comdiu i llóbratha ica &ndot;gairm chuce dochum nime. Taít innossa a bennachtnachu do aitreib na flatha nemda. Is é dano ainm na budni sin isin scriptuir naím. boni non ualde .i. mathi nach adbolmaith.

Buden aile i&mmacr; díb na dingentar do mes. acht ragait fo chetóir cen mesrugud etir dochum nimi. &ersir; focraici fororda. Is leoside nach leór di maith comallud na nn-erailend in scriptur díada forro do denam co tuillet triana sualchib &ersir; triana cainduh féin sin. &ersir; co ndénat ni as mó de maith andas a n-eailter forro isna timnaib díadaib. Is dóibside d gellas &ersir; tairngires Isu in mórmaith seo nnister isin tsoscéla co n-ebre friu oca n-ascin o chuce i mmórchomdáil laí brátha úair foracsabairsi foromsa ar Ísu cach maith ro boí ocaib isin tsáegul &ersir; tancabair im muinterusa &ersir; im chomaitecht. taítsi innossa chu co mbethi malle frim for díb rigsudib déc cen mgud foraib. is sibsi oc mes in chiniuda dóenna. do aitreb iffirnd tria bith sír. Ocus it é beti i scoraib &ersir; i llongphortaib Diabail. Ocus scérait fri airfitiud in domain deo ro charsat. Ocus fri gnúsib muintire nime. .i.na n-aingel &ersir; na nóem &ersir; na firen. ar mbith dóib míle bliadna i tenid bratha. ar is é sin ré lathi bratha mar innisit trachtaireda na canoni noími.

Nibá sóinmech thrá a sét na pectach sin. ni faigbet dig na biad. acht sírgorta &ersir; roítu &ersir; rouacht. Is ed bertair iar sin do taig Diabail co fogur derchaínte co tromosnadaib sírrechtaidib. Bid trúag gáir &ersir; núall golfadach &ersir; éigmech. bron &ersir; basgaire. na túath pecdach and sin ica tarroing dochum pene iffirnd. Acht bid hísin in mallaithrige cen greim furri. ar ni chluinfider a ngudisium and sin. Úair naro foichlitar ar thus céin ro bátár hi fus hi comaitreib a corp &ersir; a n-anmand. Iadfaitir and sin tri glais na pecthach .i. iadad iffirn tria bith sír forru. &ersir; íadad a sul frisin ndomun dia tartsat grád &ersir; iadad na flatha nemda friu. Suidfit iar sin sudi nemthrócar for richessaib rothened ar bélaib ríg na claíni i nglind na pían airm i mbiat dóib todérnama tromma .i. bás cen betaid. tene dorcha. bethu brónach toirsech salach inglan. airm i mbiat ilchoin géra cicara. cróesmóra clúaslethna ingnecha crobgéra a ttóebaib. Ocus loscind géra garba oc imesorcain. Ocus nathracha nemnecha imlúatha im chuaird cathrach Díabail. Ocus leómain lonna letarthacha. Ocus ilar na ndubdlúm &ersir; na ndublúachat. airm i mbiat eóin etecha ingnecha ágmara iarnaide. Ocus brenlocha ainbthencha úara iffernaide. Tenti dorcha oc sírloscud. Lecca derca fo chossaib. Claidib ic cirriud. Cait ic scripad &ersir; ic dercad. Demna ic píanad. Créchta cen leges. Lassar cen díbdud. Gabáil for tengthaib. Tachtad ar brágtib. Búadred ar cennaib. Iachtad &ersir; gabáil ar gothaib. Glassad ar bonnaib. airm i mbia fri taíb cach uilc in pheist irdairc úathmar ilchennach co rubnib riches rúad. Ní dia tuarascbáil .i. cet muinel furri &ersir; cét cend for cach muineol. &ersir; coic .c. fiacal cach óenchind. cét lam furri. &ersir; c. mbas for cach láim. &ersir; c. n-ingen for cach bais. airm i mbethir cen chóemu cen cardiu i n-ítaid i n-acorus i rrouacht i rrothes. i n-esbaid cach mathiusa &ersir; hi comlaintius cach uile. i n-eontaid esóentad demna &ersir; muintiri iffirn. Bíaid dano and sin mairg &ersir; íachtad. gol &ersir; egmech. cnet &ersir; grechach. cach óenbeoil. &ersir; mallacht cen chumsanad ona pecthachaib fora n-apaid .i. for Díabul. ar iss ed dosbeirsium ic fulang phéne cach olc dorónsat triana aslachsom. Ocus mallacht dano úadsom fora manchaib imme .i. forsna pecdachaib ar is moti a píansom féin cach olc doronsatsom triana aslom forro oc aslach cach uilc.

Is adúathmar i&mmacr; &ersir; is granna in carcar sin dorigni in Comdiu do Diabul cona demnaib .i. iffern. Is ísel tra &ersir; is domain a sudigud. ar cia no léicthe cloch mulind i mbélaib iffirn. ni mó indá hi cind míli bliadna rosesed a ichtur. Ude anma dano iar techt a curp fri ré trichat bliadna o úachtur coa íchtur. mar as chétfaid díarailib. Is daingen a himtimchell na carcrach sin. Is aigthech úamnach. gaibthech golfartach. Is dorcha dubgranna a chróes Is all do thimarcain cach anma phíantair. is bréo do loscud. israigell do esorgain. is fáebur do athchumma is adaig do erdallud. Is dethach do muchad. is croch do phíanad. Is claideb do dígail. is arm úathmar do guin &ersir; do letrad. is buriud pían. is rubne todernam. is bádud is plágud. israínud. is brúd. is linud. is tragud. is dód. is leód. is loscud. islucud. is ard. is isel. is roúar. is rothe. is cumung is farsiung. is mór bréni a brothgaile. Cid tra acht dia curta nech i secht n-áesaib. &ersir; co mbeth míle bliadna in cach aís díb ní mó andá óenmad rand fichet olc n-iffirnd no innisfed. Acht it íat sin chena prímthesmalta iffirn cona phíanaib. Ní mó chin for talmain cid árdrigi in domain o turcbáil co fuinud no beth acci. díambá hadba ind adba sin &ersir; día mbia i ccinniud aittreib na carcrach sin.

Gairmebtair i&mmacr; co somíad. co n-onóir. co n-airmitin. na naím &ersir; na fíreóin ro chomailset timma in Chomded &ersir; a forcetul. isin bethaid suthain for deis Dé tria bith sír. .i. lucht na censa &ersir; na hálgini. na déirci &ersir; na trocairi. &ersir; cach caíngníma archena. Lucht ógi &ersir; athrigi &ersir; fedba irescha ar Dia. Is and sind bias tairm adbul &ersir; fogur dermar na n-anmand nglan ic céimnigud for deis a rrig &ersir; a tigernai issin flaith nemda i nggradaib ríg nimi &ersir; talman &ersir; iffirn. Airm i fil in tsoilsi doróisce cach soilsi. can tairthim. cen turbrúd. cen dorchataid. Bethu suthain cen bas. nuall faelti cen torsi. slanti cen galar. óetiu cen sentataid. síd cen debaid. sáime cen dóinmige. saire cen sáethar cen sním. cen ocorus bid ł étaig ł cotulta. naími cen ais cen ercra. Óentu Solusta aingel. airera parduis. fledugud cen túrbrúd eter noi ngradaib aingel &ersir; nóemthuath ríchid. &ersir; noemairechtaib in ríg roúasail. &ersir; eter náemtlachtaib spirtáldaib nimi. &ersir; étrochta gréne. hi flaith aird úalail adamraigthi. chaim chóir chumtaigthi. móir mín milidi. sair sáim sorchaide. i mbrugib ríchid. i sostaib aíbnib. hi cathaírib órdaib. i llepthaib glainidib hi sostaib argdidib. i sudigfider cach óenduine ara mmíad &ersir; ar dliged &ersir; ara sognim fodéin. Is diasneti i&mmacr; farsinge &ersir; lethet na flatha nemda. ar in t-én as luathiu lúamain for bith ni tháirsed dó tóichell ríchid o tossuch domain coa dered.

Is adbul dano a suthaige &ersir; a solsi. a chaime &ersir; a chobsaide na cathrach sin. A sámi &ersir; a somilsi. a fostacht a logmaire. a rrédi a rruthnigthi. a glaine a grádmaire. a gile a ceólmaire. a naími a níamglaine. a haille a hailgine. a hardi a hetrocta. a hordan a hairmitiu. a lánsíd a lánóentu. ni túalaing trá nach ndúil in chétmad rand do tuarascbail mathiusa na cathrach sin d'innisin. Acht ammáin is ferr in becan sa díb d'innisin indá beith hi tast.

Mogenair i&mmacr; bias co ndegarliud. &ersir; co ndegnimaib &ersir; berthair do aittreb na cathrach sin i llo brátha. ár bíaid tria bithu cen chrích cen forcend. i n-óentaid na hecailsi nemda &ersir; talmaide. I n-oentaid úasalathrach &ersir; fádi apstal &ersir; descipul Ísu Crist. nóem &ersir; nóemog in domain. aingel &ersir; árchaingel in Chomded. isin n-óentaid as uasliu cach n-óentaid. I nn-óentaid na nóemtrinoti úasli Athar &ersir; Meic &ersir; Spirta Naím.

 Scéla na esergi inso

TABRAD cách dia airi co ticfa bráth is andside bias esergi dona hulib daínib tri erfuacra meic De. Isind ló sin .i. lló bratha cumscaigfider nem &ersir; talam &ersir; inna huli duli filet intib. túaslaicfiter &ersir; legfait ri tes tened brátha. acht cuirfiter na huli sin hi cruth bas aldiu &ersir; basocraindiu co mór andás in cruth i rrabatar iarna mbrunniud &ersir; iarna nglanad tria thenid mbrátha. Is and sin techtfas in teni sin lathi brátha bríg &ersir; nert cosmail don tenid inro faíte na tri meic oc Nabcodon. níro loise in tene sin na maccu náema. Ro loisc i&mmacr; na timthirthidi ecráibdecha batar imman sornd tened. Is amlaid sin loiscfes teni bruthmar brátha na huli pecthachu &ersir; na huli ecráibdechu. ni erchotigfi i&mmacr; do chorpaib na firen ar bíaid in teni sin amal bróen n-áilgen dona náemaib loscfid i&mmacr; na pecthachu.

Doraga mac duni de nim insind lo sin .i. i lló bratha .i. Ísu Crist &ersir; artraigfid isind aeór i soilse &ersir; étrochta dermair amal gréin. &ersir; linfaid in tsolsi sin in n-uli ndomon o turcbáil gréni coa fuiniud. Atchluinfet and sin na huli daini filet i n-adnaicthib guth meic De. Combad guth corptha atberad Ísu sund do éstecht dona marbaib .i. guth ind árchaingil Michil doraga d'erfuacra na hesergi co coitchenn for in cinud ndóenda co n-epri friu fo tri .i. ergid uli a bas. ł is guth nemchorpda atbeir Ísu sund d'estecht dona marbaib .i. forcongra spirtalda &ersir; cumachta diasneti in Chomded nad chumaing nach nduil do imgabail. is triasin forcongra sin atresat na huli daíne a bás .i. do neoch ro sluic talam &ersir; atúatár bíasta. &ersir; ro báid usce &ersir; ro loisc tene &ersir; dano ro túaslaicthe for aicned na ndul dia ndernta. Atreset sin uli a bás la brafad n-oenúaire &ersir; gebaid cách díb a anmain féin i n-oentaid a chuirp dilis &ersir; fedligfit iar tain mbetaid tria bithu.

Is and sin faídfed in Comdiu a techtaire úasli .i. na aingliu nóema fón n-uli ndomon &ersir; tinolfait na huli fírenu a cetri ardaib in talman. &ersir; nos berat leó hi comdáil Crist isin n-aer. Tinolfit i&mmacr; na demna leó na hule pecdachu &ersir; na hule ecráibdechu. Beti and sin na huli sin for aird i fíadnaisi in Chomded ocond fugiull .i. aingil &ersir; demna &ersir; daini &ersir; .i. eter phecthacaib &ersir; fírenu.

Cestnaigthir dano cia hinad árithe asa mbia eisérge cach duine. asa n-adnaicthib ém co demin. iar ndesmirecht sin chuirp in Chomded atraracht asa adnacul fessin. Ind airend i&mmacr; ro tomlithea o bíastaib &ersir; ro scailte i n-inadaib ecsamlaib atreset sin iar comarli in Chomded nos tinolfa &ersir; nos athnuigfe asind inud bas áil dó. Araídi iss ed as dochu and comba hand atresat airm inro tomlithe &ersir; inro esrete. at iss ed sin armither ar adnacul dóib. Cestnaigthir dano i mbia esergi dona toglúasachtaib &ersir; dona toratraib dóennaib. Is e a frecra sin co mbia co demin esérgi thall i mbethaib do hulib ro thechtsat hi fos bás iar mbethaid. Má ro thechtsat didiu na togluasachta bás iar mbethaid cid i mbroind a máthár is demin co mbia esergi dóib thall. &ersir; co techtfat bethaid iarsin básin. Manip cumtabairt didiu amlaid sin esérgi dona toglúasachtaib is lugu co mor as chumtabairt esergi dona náedenaib &ersir; dona torothraib.

Cestnaigthir dí uair atresat na huli daíni a bás cía háes ł cia delb i mbia esérgi dóib. ocus tráchtaid in t-apstal in cesta sin co n-abair. Atresat na huli daíni a bás ar in t-apstal iar cosmailius áesi &ersir; delbi Crist. Tri bliadna trichat i&mmacr; ropsat slána do Christ &ersir; is i cosmailius na haisi sin atrachtsom a bás. I n-aís dano Crist atbeir in t-apstal inna huli daíne do eserge &ersir; ní inna méit .i. ni commétius a chuirp ar ni hairchend combat commeti ule cuirp na esergi. Fedligfid i&mmacr; Crist do grés cen tulled cen dígbáil isin delb &ersir; isin méit inro arthraig dia apstalaib iar n-esergi. &ersir; is airi sin cid i n-óenaís atresat inna huli doíni .i. i n-aís trichtaigi. araidi techtfait méit n-écsamail &ersir; méit n-ecutrumma ina corpaib iar cosmailius &ersir; iar n-aicniud na n-amser &ersir; na ferand irro genatár. Aní didiu testá do chomlanius a cuirp forna toglúasachtaib &ersir; arna nóedenaib becaib &ersir; ar arailib torothraib derólib na techtat a méit &ndot;dlechtaig &ersir; ara n-esbat araile baill a cuirp. com⋅lanaigfid in Comdiu sin uli thall isind esergi conna heseba nách ni fortho do rudilse a ndelbe nach a n-aicnid dílis. úair ni techtaidsium intib féin sin iar ndligud nemaicsidi &ersir; inclithi a n-aicnid céin coro techtsat iar n-adbar nach íar méit chorpdai.

Ind forcraid i&mmacr; fil for aicniud isna corpaib roremraib. &ersir; dano isna hulib torothraib techtait méit n-anmesarda digébthair ind forcraid sin forro thall isind esérgi. &ersir; fedligfid iar sin i meit dlechtanaig &ersir; i méit mesardai a folaid &ersir; a n-aicnid dilis. Na torothair dano techtaid da chorp i n-óenaccomol deligfitir sin tall isind eséirgi &ersir; gébaid cách dib fo leith a chorp ndiles amal demniges Iob sin ic tairchetul inna libur in tan atbeir na huli daini do esérgi ina corpaib dilsib.

Is tomtiu i&mmacr; icond eclais co techtfat cuirp na martíri nóem intib iar n-esergi fulliuchta na créth forodmotár ar Crist cen esbaid cen dígbáil deílbe no socraidechta forthu do falsigud a mbuada &ersir; a coscair. &ersir; dano do falsigud na focraici móri dlegait ón Chomdid ara mmartra. iar ndesmirecht sin chuirp in Chomded techtas and iar n-esergi fulliuchta na crécht forodaim ó Iudib do folsigud a umalloti forbthi dond athair nemda. &ersir; dano do thuilliud phene &ersir; todernama dona hIudaidib o ro fodaimsium na crechta sin.

Cestnaigthir dano do forcraid na foltni &ersir; na n-ingen cía ord bias forru isind esérgi. Érnid Augustin in fer naem in cesta sin &ersir; is i a thomtiu forcraid na foltni &ersir; na n-ingen connách intib féin nammá comthoíther tháll isind esergi acht i n-aicned in chuirp hi coitchinni. úair ni de fat na foltni .i. dia forcraid. acht día n-árim nammá cumniges Ísu isin toscélu in tan aithnes aní seo día apstalaib co n-abbair. Foltni for cindsi ar Isu fria apstalu atát i n-árim chinti &ersir; in n-aichnius demin icon Chomdid. &ersir; mértait ule duibse aci thall isind esergi.

ł dano maso intib fein nammá comthothir forcraid na foltni &ersir; na n-ingen amal is chetfaid do fairind ar iss ed as chosmail forcraid cech baill do thinól &ersir; do thimarcain ind féin corop isin bul sa fein fogaba cip ed do phéin ł do fochraic dliges tria chomchétfaid &ersir; comopred in baill sin.

Is ed as chretithe co ndluthfa &ersir; co timaircfea thall in Comdiu isind esergi tria elathain diasneti ind ecnai díadai curpu trúalnidi na ndóeni i semi &ersir; i fáelli ind folaid nemtrualnidi &ersir; a n-aicnid spirtállai. iarna terbud &ersir; iarna ndeligud o cech elniud. iar ndesmirecht sin &ersir; intsamail inna tinni dogníter do dlúthad &ersir; timarcain tria eladain ind ecnai dóennai i sémi &ersir; i foilli a cuirp dilis iar ndícur cech élniuda &ersir; cech slaidrid úadib.

ł dano is tomtiu and co cruthaigfea in Comdiu andall curpu na esergi dind adbur toltanaigfes dó cip é méit ł laget i mbé in t-adbar sin .i. do neoch ro thirúarthestar din churp doenna isin duine ar cind báis. amal chumtaiges innossa inna curpu móra dena sílaib dereolaib. &ersir; dano amal ro chumtaig thall i céttustin na ndúl na curpu dermara den dligud nemaicside &ersir; den dligud nemchorptha ro techtsat co hinchlithe intib na dúli diaro tusmidea na curp sin. Ar isochma do Día coro cumtaige cen adbar ł de adbar deróil cech n-admat ł cech n-aicde bes áil dó. &ersir; combad aire sin atberad in t-augtar naro taithmen Ísu do forcraid na foltne &ersir; na n-ingen ł nach baill archena &ersir; isochma do Dia coro athnuige i comlanius a ndelbe &ersir; a n-aicnid dílis cen in forcraid sin do thinól doridisi isin churp. acht araidi is dolig nach mball isin churp ł nach rand de do sechmall on phein &ersir; on dammain dliges tria chomchetfaid n-imarbais. ł ond fochraic dliges tria chomchetfaid degníma. Conid ed is dóig didiu as chreti and comlanius in chuirp dóennai ule do athnugud isind esergi. co fagba ind anim i n-oentaid fón innasin cep ed dliges di phéin ł di focraic ara ndegariltib ł ara ndrochariltib. Ar fomtin didiu &ersir; ar imgabáil remlatrad .i. demnigthe aneich na dlegar do demnigud acht is coir do bith i cumtabairt ata in brechtrad tomten sa. Uair cidat demni &ersir; cidat falsi araile di ruinib na esergi ar is todochaide n-airchend ind esergi fein iar forcetul ind apstail &ersir; na screptra archena. araide atát ruini díb indemni &ersir; anfalsi. conid trebairiu &ersir; conid trebairiu &ersir; conid ecnaidiu a mbith i ndóchus &ersir; i tomtin andás i ndemnigud tria ⋅latrataid.

Atresat tra na huli daíni thall i ndeilb &ersir; i n-ecosc ecsamail .i. na fir i n-ecosc ferda &ersir; na mná i n-ecosc banda. Úair airm i n-apair in t-apstal na ule dóeni do esergi i fer forbthe. ainm fir dorat and sin for in duine coitchenn eter firu &ersir; mná. Uair dígebthair thall a lochta &ersir; a n-anmi ara corpaib na ndáeni. Cométfaidir i&mmacr; intib rudilse a ndelbe &ersir; a n-ecosca dílis. ní thechtfat dano cuirp na esergi intib elscoth ł accobor nó nách nduálaig archena. &ersir; is aire sin dano ni bí nach n-imnáire dóib cid lomnochta beti .i. cena fortugi etir o étuch.

Hi corpaib dlútaib dano &ersir; i corpaib tiugaidib bias esergi na ndóeni &ersir; ní i corpaib sémib &ersir; rofollib mar aer ł gaíth. amal ropo chetfaid sin dond eritecdu do Eotaic doruménair curpu na esergi comtis semiu &ersir; comtis fóiliu indás aér ł gáeth. Ro forúaslig i&mmacr; Grigoir náem in cétfaid sin &ersir; ros &fdot;athgé.

Cestnaigthir didiu úair is in corpaib dlúthib &ersir; tiugaidib atresat na dóeni cid ar n-apair in t-apstal spirtalda díb. Combad aire atberad ara chuibde &ersir; ara chosmaili intib féin iar ndligud imfrecrai cach baill díaraile. &ersir; dana ara n-áille &ersir; ara socraide. ara soilse &ersir; ara n-etrochta. ár taitnébtaít na naím thall amal gréin isind flaith nemda. ł is aire atbeir in t-apstal spirtaldai díb ara cuibde &ersir; ara n-óentadchi thall do spirut inna hanma amal is óentadach innossa spirut na hanma dóibsium. Úair bid óentadach thall co mór eter in corp &ersir; in n-anmain &ersir; bid inund comarli fora mbiat. úair ní bia nach frithbert nó nach n-imresain tall o neoch díb diaraili .i. ón churp dond anmain ł ónd anmain don churp. ł dano spirtallai do rád díb úair fedligfid tall tria bithu isna sostaib spirtállaib eter aingliu Dé for nim. ł dano spirdaltai do rád díb dond apstal ón mud sa. uair cumscaigfiter thall asin tróge &ersir; asin trúalniud &ersir; asin docraidecht i failet i nglóir &ersir; i n-etrochta. i solse &ersir; i socraidecht in bethad nemtrualnide &ersir; in bethad nemmarbdai i fedligfet do grés. &ersir; araide niba inund socraidecht do chorpaib na naem uli thall úair nach inund cid fochraic. Acht amal is écsamail etrochta gréni &ersir; écsa &ersir; etrochta rétland. &ersir; dano cacha retlainde riaraili is amlaid sin bas ecsamail fochraic na firen íar n-esérgi. &ersir; is airi sin techtfaitsom sosta écsamla i nnim ara n-áriltib écsamlaib. Araídi ní bia format neich díbsium friaraile. ar ita do mét dethiten &ersir; gráda cáich dibsium feib oc araili. iar nedesmirecht sin ind óenchuirp techtas and bullu écsamla &ersir; bullu ata úasliu araile &ersir; araide ní bí format neich díbside ria cheli. &ersir; dano a n-aill and úair ni chesend nech dibsom fora focraic fein ar is e Dia a óenur bas cosmailius cech mathiusa tall dona hulib noemaib &ersir; fírenaib. Cid ecsamail didiu focraic na firén. araíde is óenfochraic techtaitsium oraile mud .i. ind fechtnaige &ersir; ind fáelti chomlan fil dóib i nDia. &ersir; dano ar is inund frisintí fil isind fochraic as inísliu &ersir; no beth fein isind ochraic as uasliu intí as chominmain lais fris féin do bith isind focraic sin.

Dobéra i&mmacr; cach duine thall aich for araile iar n-esergi. Acht araide ni bia dethitiu neich díb thall for araile iar ndligud chardessa ł chondalbais acht óentadaigfit ule do fugiull fírán in Chomded ernifes do chách amal dlé.

Dofucfa dano cách thall na mbia fo menmain a chéli cena falsigud o briathraib nó o chomarthaib ailib &ersir; tucfait o teorfégad spirtalla a mmenman na réta ata écnairce dóib &ersir; ata etercíana úadíb iar ndesmirecht sin ind fátha noím Elesi ro thuc tria spirut fastine ana ndernai a descipul Gezi ina ecmais &ersir; sé i n-etercéni úad. lóg ón do gabáil o Némán Sireta ara íc don claime. Uair cia rét fil i n-anfis ocond fairind dofucad in Comdid oc nách fil nách n-anfis.

Ni dingnet i&mmacr; na fireóin nách monor aile thall acht aní dorairngert in fáith Dauid co n-érbairt. Mongenair don &fdot;airind attrebait itegdaisiu a Chomdiu not molfat &ersir; not adamraigfet do grés triasna saeglaib suthainib. Ni ó briathraib i&mmacr; ł ó gothaib corpdaib sechtair dogénat na noím in molad sa for Dia. acht o theorfegad spirtalla &ersir; o scrutan inmedonach a ndligid &ersir; a n-intliuchta.

Atreset dano na huli ecraibdig i n-óge &ersir; i comlaintius a corp cen dígbáil &ersir; cen esbaid nach mbaill forthu. Acht araide is amlaid beti na curp sin co tórtrommad &ersir; co n-emiltius co ndodelbi &ersir; co ndocraite dermáir ina comaitecht. Ní thatnéba dano i n-anmannaib na n-ecráibdech dliged intliuchta ná tucsen solsi ecnai ł eólais. acht beti fó brón &ersir; torsi co temel dorchaide a n-aneólais &ersir; a n-anecnai ar medon. Duba dano uli sechtair o churp. mairg iarom for in t-ecnaid dond fairind filet oc ernaidi na esergi sin. ar ní lugu as ainm dond esergi sin tathchor a bás i mbás do fedligud i mbás. andás tadchor a bás i mbethaid do fedligud i mbethaid.

Is é dano bás na hanma a hercha &ersir; a hélúd tria phecdaib &ersir; dualchib ón bethaid forordai .i. o Dia. Uair amal is é bethu in chuirp ind ainm. is amlaid is e bethu na hanma Día. &ersir; Amal is é bás in chuirp a dérge ond anmain. is amlaid sin is é bás na hanma a derge o Dia ara phecdaib &ersir; ara dualchib. Is and i&mmacr; atá esergi dond anmain in tan tathcures tria sualchib &ersir; degnimaib cosin Comdid. &ersir; ní hetar innas aile sin acht tria guth meic Dé .i. tria forcetul in Chomded do chomollad.

Is cóir a fis co filet da esérgi and .i. cétesergi &ersir; esergi tanaisi. is i in cétesérgi .i. esergi na hanma ona pecdaib hi sualchaib tri athrigi do denam &ersir; ní fil acht dona fírenaib namma ind esérgi sin. Is í i&mmacr; ind esérgi tanaisi ind esergi bias i lló brátha dona ulib daínib a bás. &ersir; cid óen &ersir; cid inund in bás sin iar n-aicniud choitchiunn araide techtaid delba &ersir; gnei écsamla fair ar immad na terchor &ersir; na tecmong triasa fagaib cách and. Ind esergi coitchenn tra bias tall i llo brátha ni hinund &ersir; ind esergi dianid ainm isind augtartas prestrigia .i. esergi fuathaigthi amal in pitóndacht. ł ni inund &ersir; ind esergi dianid ainm reuolutio .i. tathchor na hanma i corpaib ecsamlaib iar ndesmirecht na tathcorthe. ł ind esergi dianid ainm metaformatio .i. tarmchrutad iar ndesmirecht na conricht. ł ni inund &ersir; ind esergi díanid ainm subductio .i. fothudchestu .i. amal bíte lucht ind remeca. ł ind esergi dianid ainm suscitatio .i. toduscud marb tria mírbail. iar ndesmirecht Lazáir.

Iss ed so dano bias and atrésat na hule daini thall isind esergi choitchinn i n-aís trichtaigi ina ndeilb &ersir; ina n-écosc díles co comnius a cuirp &ersir; a n-ule cetfaide. Co comlánius dano a foltne &ersir; a n-ingen &ersir; cech baill archena &ersir; congéba cách tria nert &ersir; cumachta in Chomded a anmain féin i n-óentaid a chuirp dílis. &ersir; fedligfit do grés isin bethaid suthain cen áes cen ercra. Ar is í sin co denim ind fíresergi is di ainm isin scriptuir esergi tanaisi. i condiulg na cetesergi .i. na esergi bís tria athrigi.

Cip é i&mmacr; na crete co forbthe &ersir; co comlan esergi in ciniuda dóennai fon n-innas sa sechmalfaid tall on tslanti suthain tarngirther dona naemaib &ersir; dona fírénaib fora n-iris. Acht a duine for in t-ecnaid máso dodaing lat coro chrete in mírbail sea na esergi. fég lat gníma aile in Chomded &ersir; cidat gnáthchiu side ní lugu ata mirbaile. Fég ém lethet ind nimi &ersir; a farsingi. méit in talman. abís in mara timchellas in talmain sin do cech aird &ersir; na hule filet indib. Feg dano a&ndot;gliu nime. Fég ém na duli sin &ersir; na dule archena co ndernta do nemní tría nert &ersir; cumachta in Chomded. Ar is lugu co mor di mírbail nách n-aicde do dénam innossa do adbar tria bréthir nDé andát na hule dule do denam thall ar thus di nemni triasin mbrethir sin. Ar is inund guth Dé atberar sund innossa triasa mbia thall esergi dona ulib marbaib. &ersir; in briathar triasa nderna thall ar thús na huli duli de nemni. A duine íarom for in t-ecnaid demnig duit in mirbail sea inna esergi. na craind dermara. cuirp na ndaine &ersir; na n-anmanna archena genit &ersir; tusmitir dina silaib dereólaib. Turcbala dano na rind íar funiud. Athnugud dano na fér &ersir; na lubi &ersir; cech réta archena dia fil in forbairt &ersir; in beógud.

Doraga tra ind úair i mbia esergi dona hulib marbaib tria erfuacra meic Dé. &ersir; Atreset and sin ind fairend dorónsat na mathi i n-eserge mbethad. ind fairend i&mmacr; dorónsat na hulcu i n-eserge ndigla &ersir; fugill. Is and sin arthraigfes in brethem díada isin delb sin inro mided fó brithemain dóennai. Is and sin midfedsom co firen forsna dóenib isin deilb in ro mided co hanfirén óna dóenib Is and sin dano arthraigfes brithem firén in ciniuda dóennai .i. in Comdiu Isu Crist isin deilb inad sochma do chách a fegad eter firenu &ersir; pectachu .i. i ndeilb a dóennachta. Is and sin dano ernifes focraice dona fírenaib &ersir; píana dona écraibdechaib. Úair ind faírend na techtat errannus innossa isin chetna eserge .i. i nn-eserge na hanma atresat sin uli thall isind eserge choitchinn. &ersir; araide ni faigbet síth nó óentaid fechtaige ł fáelti ocon Chomdid. acht láefitir úad i carcair n-aduathmair n-iffirnd. &ersir; fodémat and sin píana &ersir; todernama ecutrumma ara mmiaraltib écsamlaib. Ocus cid mór &ersir; cid adbol ind aisneis dobéra nech forin pein sin. is nemni sin i condiulg &ersir; i fegad na peni fessin amal atá.

Ind fairend i&mmacr; atragat innosa tria Crist isin chetna esergi .i. ind esergi bís tria aithrigi. Atreset dano thall tria Christ i n-esergi in bethad suthain. &ersir; nos béra leis isin flaith suthain i frecnarcus ind Athar nemda tria bithu na mbetha. Is and sin fogébat na fíreóin focraic ndermáir ara sualchib &ersir; ara ndegnímaib .i. in Comdiu féin o fúaratár na suálchi sin &ersir; na degníma. Ar is é in Comdiu bas chomlantius cecha airir &ersir; cecha hairfite thall dond eclais. Is é dano atchichestár tria bithu ond eclais cen crích cen forcend. carfaider cen emiltius molfaider cen scís. Ar is e seo iar fír in bethu suthain tarngirther dona náemaib &ersir; dona firénaib iar n-esergi frecnarcus na nóemthrinoti úasli Athar &ersir; Meic &ersir; Spirta Naím

ORAIT do Moelmhuiri mac Ceileachair. mac meic Cuind na mbocht ro scrib &ersir; ro scrút a lebraib egsamlaib in lebur sa Oráid do Domnall mac Muirchertaigh meic Domnaill meic Taidhg meic Briain meic Aindrias meic Briain Luighnígh meic Toirrdelbaigh moir issie in Domnall sin ro &fdot;uráil athnúidhiughadh na pearsainni sin ler scribadh in scíamhlebhar sa ar &Sdot;igraid Hua Cuirrndín &ersir; ca ferr duind. ar mbeandacht do chur a mbel duine go fer in liubair sea na a fágbail aigi &ersir; sechtmhuin onúdh co satarn cásc &ersir; sectmuin onde co haíne in césda &ersir; &ersir; da aíne ordha uirri .i. áeni na féli Muiri &ersir; aíni in cesda &ersir; is ingnadh mór sin ic araile d'eolchaibh.

ORAIT and so d'Aodh Ruadh mac Neill ghairbh I Dhomhnaill do tobaigh co foregnec an leabar so ar Chonnachtaib &ersir; in Leabar Gearr maille fris iarna mbeith n-ar n-ecmuis o aimsir Cathail oig I Concabair co haimsir Ruaidri meic Briain &ersir; dechneabur tigernad etorro for Cairbre &ersir; a n-aimsir Concobair meic Aedho Hi Domnaill rucadh siar iad &ersir; is mar seo rucadh iad .i. in in Leabar Gearr a &fdot;uasclodh I Dochartoigh &ersir; Leabar na Huidri do dul a fuasclodh meic ollamon I Domnaill re seanchus arna ghabail do Cathal a ngill fris ar Cenel Conaill fris sin o Concobur co hAedh.

 Aided Nath Í &ersir; á adnacol insó

RO GAB Nath Í mac Fíachrach Herind &ersir; ro insaig co Slíab nElpa. Forménus ri Tracía tánic dia ailithri co Slíab nElpa isind amsir sin. Dorigned leis tor cathrach .i. do fótaib &ersir; clochaib &ersir; sesca traiged a ardde &ersir; óentraig déc úadsom co solsi &ersir; ro boíseom i mmedón in tuir &ersir; ní aced .i. Forménus grein na solsi. Tanic trá Nath Í .i. .i. is de atberthea a n-ainm sin fris conid Da Thi a ainm óndní is dathi gabálaid. cosin tor. Ro scailset tra muinter Nath Í in tor &ersir; ro airig Formenus in gaíth chuce. Ruc thrá Dia úadib Formenus ina dlúim thened míle chémend .i. míle chémend on tsléib sís atá Forménus on tur &ersir; ro guid Formenus in Comdid na bíad flathius Da Thí ní bád sía inná sin &ersir; ro guid nábad airdairc a ligi. .i. Nath Í Ní rabi trá do sáegul ocond ríg acht airet ro bás ac taithmech na cathrach in tan tánic saiget gelán do nim chuci co fúair a bas.

Gabaid trá Amalgaid cennacht fer nErend &ersir; atnaig corp a athar leiss. .i. da Amalgaid ro batar and .i. Amalgaid mac Fiachrach &ersir; Amalgaid mac Nath Í Noí catha .i. cath Corpair .c. Cinni .c. Faili .c. Miscail .c. Larrand .c. Corde .c. Moli .c. Gremnis .c. Fornar. is iat sin na catha ro maidsetár re Nath I triana thaisbenad dona sluagaib is e marb. ro brissitár rempu anair. I nDéssib Temrach trá fúair Amalgaid a bás. .i. mac Nath I Tucad trá corp Da Thí anair coro hadnaiced hé i Crúachain. Cethror dano dá áes gráda tucsat in corp leo .i. Dungalach &ersir; Flandgus Tomaltach &ersir; Túathal. co fil for lár Óenaig Crúacan. amal ro follsig Torna Éces. Celis cách a Cruacho chróderg cóemri Herend Da Thi mac Fiachach fíalri ar muir ar tír techtastár cách cara ríg iathra ortar cách ní cheil. celis cách .a.

Do Thornu Éces ro follsiged sin tria fisidecht íarna chur do feraib Herend algiusa fair immo fis cáit ro adnacht Da Thí conid and dorigni in retairic sea. &ersir; ro chan na runnu sa. Atá fótsu rí fer Fáil Da Thí mac Fiacrach ind áig a Crúachu ro chelis sin ar Gallaib ar Goedelaib Atá fót Dungalach dían tuc in ríg dar muir na rían atá fót fallsigthe rath Túathal &ersir; Tomaltach Tri meic Echach Fedlig find atát it múr grind &ersir; Eocho Airem fáen arna marbad do Mórmáel atá Eocho Fedlech flaith inti &ersir; Drebriu co daith &ersir; Clothru ní céim aisc &ersir; Medb &ersir; Muresc. Eriu &ersir; Fotla is Banba tri ócmná aile amra céin cor chaithsetar a feib is i in Cruachu nodas ceil Mac Cuill Mac Gréni céim ngle Mac Cecht ni lugu a lige i rRáith Cruachan dodoscelt ni cheil úathad in óenlec Laibraid Loingsech rí nád gand Midir do Thúaith Dé Danad Cobthach Cóel Breg líth ro lá in fer uallach fot atá .a. Tóeb fri tóeb atá in rí is Eocho Fedlech co llí is Eocho Airem and so isind leith túaid a Chrúacho In nóem .i. Formenus ar togail a múir atrubairt fris ina rúin a ligi ł a lecht and so nibad airdairc a Chruacho Cóeca duma im Crúachain cuirr ar in maig féraig forluind dofil eter firu is mna cóeca cacha duma atá. atá. f.

Tanic tra Dorban fili dar Oenach Cruachan &ersir; baí ic tabairt comarli dar cnoccaib inn óenaig baí ica n-áirim tria fisidecht. Is é trá tosach tuc fair. Failet tri écis cen ail isind firt sa i n-oenchosair. Fland Dub Dorcha dubi a chuis ni chuala athgeogais. Lugaid Riab nDerg in rí rán &ersir; Núada Argetlám ro adnaicit immalle Loc Ráith na Cruachna cairre Failet fót tri eces Herend a ardcnuicc. Flan. Dub. Dorcha. Eocho fíal Fedlech a theóra ingena &ersir; a theóra meic &ersir; morfessiur úasal do síl Ugaine &ersir; trí meic Rossa Rúaid di Laignib má Ailill isinn óenuch &ersir; tri derbsethacha Ailella .i. Níam &ersir; Drucht &ersir; Dathe. Atat dano tri ingena Ailella and. unde dicitur Niam &ersir; Drucht is Dathi tri ingena Roiss Achi a secht mbráthir mór a teglach má Ailill dar findBregmach Atat sin sin duma mór fil isinn óenuch cen brón iii. meic ríg Lagen lerda la tri ingena delbda A árim nó a innisin na fil fóthib do láechaib nocon fil ic filedaib &ersir; ní fil ic gáethaib Cóeca duma demnigim fil i nÓenuch na Crúachna atá fé cach duma dib .l. fer fírglan fúachda Iat tri réilce idlaide relec Thailten re toga relec Crúachan sírglaine &ersir; relec in Broga. Cach cnoc fil sind Óenuch sin atát foí laích is rígna is écis is cudchaire &ersir; mná glana gribda Slóg Connacht ba comromach airecht fírálaind fúachda alaind in cath congalach. adnacht hi cathair Cruachna ni fil isin magin sein cnoc i nOenuch na Crúachna nách fert ríg ł rígflatha ł mná ł eces fúachda Adnaicthe slóg roMidi ar lár in Broga túathaig no adnaictis ardUlaid isin Taltin co Lúachair (?) FírUlaid ria Conchobor adnaicte hi Taltin riam co bas in fir forburaig día ndechaid dib a niam. Níam .&ersir;.

Mathi Ulad ria Conchobor i Talten ro adnachta .i. Ollam Fótla &ersir; morfessiur leiss dia maccaib &ersir; dia uíb &ersir; co ndréim aile do mathib Ulad. Uasli .i. cenmotha morfessiur ro had diib hi Taltn Túathe de Danand isin brug .i. Lug &ersir; Óe mac Olloman &ersir; Ogma &ersir; Carpre mac Etaine &ersir; Etan .i. banfili fein &ersir; in Dagda &ersir; a tri meic .i. Aed &ersir; Oengus &ersir; Cermait &ersir; sochaide mór archena do Tuaith De Danand &ersir; Fer mBolg &ersir; caich archena. Rígad cóicid Galiam i nÓenuch Ailbi. Rígrad Muman i nÓenuch Cúli i nÓenuch Colman &ersir; Feci. Cland Dedad hi Temair Erand. Rígrad Chonnacht hi Crúachain ut diximus Cóeca cnoc in cech óenuch díb sin. Cóeca cnoc ém i nÓenuch Cruachan &ersir; .l. cnoc i nÓenuch Talten &ersir; l. i nÓenuch in Broga. It iat so i&mmacr; filid Connacht .i. Dorban &ersir; Flaithcius fili. &ersir; Oengus fili a Gnoí .i. i n-iatur Conacht ita .i. Delmna Tiri da Locha in lucht sin. Torna Eces &ersir; Scalan mac Eogain in fili &ersir; Dathen eces ro marb in bili. is de ata Bili Dathen hi tír Mani is fris atberar Bili Scathen indiu.

Atat trá in lucht sin ule i nOenuch na Cruachna. &ersir; atá and ardri in choicid .i. Ailill mac Mata Muresci &ersir; a sétig .i. Medb ingen Echach Fedlig íarna breith a fert Medba dia muntir ar ba hairegdu leo a hadnacul hi Cruachain. Ní thic dim a n-áirim uli. Is and ro hadnacht Da Thí ardri Herend &ersir; is inti atat in lucht ro turim Torna Éces. Cíarraigi a diri.

Fland tra &ersir; Eochaid eolach hua Cérin is iat ro thinolsat so a llebraib Eochoda hui Flandacan i nArd Macha &ersir; a llebraib Manistrech &ersir; asna lebraib togaidib archena .i. asin Libur Budi testo asin carcar i nArd Macha &ersir; as in Libur Girr boí i mManistir &ersir; is side ruc in mac legind leis i ngait dar muir &ersir; ni fríth riam di éis. Conid senchas na relec insin.

 Aided Echach meic Maíreda inso

RI maith ro gab Mumain .i. Mairid mac Cáiredo. Batár dá mac mathi leis .i. Eochaid &ersir; Rib. Ebliu i&mmacr; ingen Gúari a Bruig Meic ind Óc is í ba ben do Maírid. Ro láeside menmain fora macsom .i. for Eochaid. is ond Eblind sin dano ainmnigther Slíab nEblinde. Baísi tra oc tothlogud in gilli fri ré ciana. Ro laisi trá fo deoid algis fairsium co tudchad for aithed léi. Asbert i&mmacr; Rib fria brathair ara mberad leis in mnaí síu no beth fo athis &ersir; no ragadsom a tír leis.

Dobert iarom Eochaid Eblind leis for aithed &ersir; tic Rib leó. Deich .c. a llín do feraib. Is amlaid tancatar co n-étaib &ersir; co n-almaib léo. asbertartar a ndruid friusom connách n-óeninad boí i ndan dóib orba do gabáil. scarait iarom oc Beluch da Liac. Luid Rib síar co Tir Cluchi Midir .i. Mag Find &ersir; in Meic Óic. Luid Midir chucu &ersir; capull cengalta oci co srathair fair iar marbad dosom a n-ech uli remi. Doberatsom a crod uli fair co ruc leó so tici Mag nArbthen .i. ait hi fil Loch Rí indiu. laigid in gerran occo and sin &ersir; siblaís a fual corbo thipra. conid hé sin tánic tairsibsium iar sin coros báid uli. conid hé Loch Ri.

Luid dano Eocho co ránic in mBruig meic ind Oc. Tánic fer mór chucu &ersir; dlomaid dóib asind ferand &ersir; ni dernsat fair. Marbaid in fer dano a n-eochu uli ind aidchi sin. Tic in fer cétna ara bárach &ersir; asbert friu. Mairfetsa for ndóeni uli innocht for se mani fácthai in tír forsa táthi. Dorignis mór d'ulc frind chena for Eochaid ar n-eich uli do marbad. Cia bad áil dun techt ní etam dul cen eochu. Dobeir Oengus ech mór doib &ersir; curit a crod uli fair. &ersir; asbert friu cen scor ind eich &ersir; arná léictis airisium dó arnár siblad a fúal arnabad fochond báis dóib.

Imtigit íar sin día domnaig isin mís medonaig ind fogomair. co rancatar Liathmuine i nUltaib. Tecait uli dia saigthin ind eich &ersir; berait a crod uli i n-óenfecht de. &ersir; niro soí nech dib aiged ind eich in frithlorg. silis in t-ech oco iar sin combo thipra. Dogní Eocho iar sin tech immon tiprait &ersir; comla furri &ersir; oenben ocá hathigid. Ro chosain Eocho lethrigi nUlad iar sin fri Muridach mac Fíachach Findamnais.

Fecht and tra náro íad in ben tiprait atraracht Lind Muni dar Líathmuni .i. don topur. &ersir; ro báded Eocho cona chlaind and acht Li Ban &ersir; Conaig &ersir; Curnan onmit. Is ón Chonaing sin dano ro chinset Dál mBúain. &ersir; Dál Sailne. Baí trá Curnan oc taircetul doib ind locha do thichtain tairsib conid and asbertsom. Ticid ticid gebid faebra snaidid ethra ticfa Lind Muni da Liathmuni co llethba. Baidfidir Airiu &ersir; Conaing sin lind lethain snáifid Li Ban sair síar sanchan tar cach trethain.

Fir on dosom sin ar ro boi Li Ban tri chet bliadna ar fut in mara &ersir; a orci i rricht dobran ina díaid cach conair no theiged can scarad fria eteir do gréss. conid si fein ro innis a imthechta do Béoan mac Inli dia ragaib hí ina línaib conid and sin ro chansi inna briatra sís iarom. Fo Loch Echach adba dam ard in sceng dron dringed graig erdalta fo brunnib bárc tond mo tugi tracht mo fraig Duil echnat ind airmairi .i. don topur ní gnáth brónan for sudi is mairg frisi tibi gen in ben di thonnaib .i. in tipra tuli Fossod a tond medrach mend mandra sál fri ainbthe hír .i. firinni tairind dinetan do fraig .i. tabair haigid form nom léic bicatan do thír Asta dinetan fort chind cían o ra ét locha lind tri chét bliadna o tú sund o bate and Eocho find Imda imned in cech du ní mád chin dún mac na mná mag i mbitis drongu ech conid ethair immará Tipra meic Maireda mais benaid frais fri hadba nuis a llind laíchnech lethan glais immáteged cách dia chuis Dia mbá fo lind locha láin imrordus .i. ríg richid ráin ateoch .i. atchim in n-athair is náem atlochor braen batis báin Bása i n-ón (?) bíasta n-oll ro snadius muir medrach mend domfuc tond ós Letha (?) lind i rricht íaich acht mo chend Ciapsa duine ciapsa bled rom charsat máil maigi Breg nírbo lesainm básá lí rom anacht rí rethes ler Máré matan matan Mairt ní fúar ethar ni fúar bairc is and dolluid ba scél ngle Lind Muni da Líathmune Fó mo matan do Maig Cecht son forcetul imomracht siachtsom donend &ersir; úacht domruacht tond fri trethan tracht M'oenurán im romra ró ro snó farrci garb a glend mé muc mara méthas tond baíthium anfud mílach mend Ardomneat anfuth úar fri uarfarrci dulgi fál murbrucht Locha Echachach ain cenid mé in murgelt már Doraingert Curnan cét gal in scel sa dodeochad dún tipra ro boí inar tig is sí non curfed dar múr Fota mo chomnaidi sund amal rom ordaig mo rí mar rom chertaig Día do nim ar cind ind fir Brenaind bí Na téig a Brénaind na teig conid arlasar do léir innis dam ar Dia do nim cia rí dofil for Loch Léin Atbersa frit ní rád mer is rí Fiachna formna gil ro techt aichnid o mac Dé inné dodechaid do nim Fomtiu do chach crad meic Dé dáig iss e conic cach ní comsid na náem násad n-an Día már midedar cach ní Nirbo mé in murgeilt már nirbó mé in traignech thrén blaisiu magri matan moch fó Loch Echach adba én Mithig damsa dul for cel scarad frim etal bes ni rom blaisiu maigri matan moch fo Loch Echach adba dam. f. Gudim Brénaind tria bith sír hi céin béo fo lindib lo cobair fir a culchi chíar rom áin co cían funchi fó. fó .L. Tipra meic Maireda mais for luid laiss lodomar dó. úasu immi ro as muir &ersir; is tír hi fuil fó. fo Loch E.

Iss ed sin dano is mó ro scail Ultu fo Érind tomaidb Locha Echach. fo thír. Doratad dano ainm do Lí Ban iarna baisted .i. Murgen .i. gein mara. a leth na bratan ro boi &ersir; a lleth n-aill na duni. is disi ro chet in senchaid na runnu sa. Murgein is gein co mbúadaib ingen Echach imuallaig dochúaid sech císu co cert cé dorat Ísu i n-anrecht Ro char in ben secech treib Lí Ban ingen ind fir sein ro airbir bith fon tsruth trom noco tard guth do Cholom. A llos a lín is a craind Beoan iascairi Comgaill dosrat iarna taistel tair coro baisted i ndabaig Ingnad in richt as baí lus Dia dorigni in firt follus a drech abban ceirbo cacht a lleth do bratan bitbalc Día n-ebart carais m'áeda Oengus hua Aiblen áebda moe mó Dia is ada sin gein mór in mara Murgein. M. is .g.

Lí Ban tra &ersir; Airiu da ingin Echach Find meic Maireda. ro baided Airiu ben Curnan and. atbath dano Curnan dia cumaid side inde Carnd Conan nominatur. ar ec Curnan and sin.

Bliadain lan tra do Li Ban ina gríanan fón loch &ersir; a mesan inna farrud and &ersir; Dia oca anacul ar uscib Locha hEchach. Co n-érbairtsi i n-araili lo and. A Chomdi for si mogenair no bíad i rricht na mbratan co mbeth sechnón in mara for comsnam friu. Ro soiedsi iar sin i rricht bratan &ersir; ro soied a orci i rricht dobran. co mbíd na degaidsi fóna uscib &ersir; fóna murib cach conair no imthigedsi for cach n-aird. Co rabisi ó amsir Echach meic Maireda co amsir Comgaill Bendchair fon n-innas sin.

Ro laí Comgall úaid Beoán mac Indli o Thig Da Beóc co Roim do accallaim Grigair for cend uird &ersir; riagla. In tan i&mmacr; ro batar lucht curaig Beoan oc imrum forsind farrci co cúalatar celebrad aingel fon churuch. Coro íarfaig Beoán cid dia ta in celebad sa for se. Messi dogní for Li Ban. Cia thusa for Bean. Li Ban ingen Echach meic Maireda missi for si. cid fotera duit bith amlaid sin ar esium. Attú tri chét bliadna fond farrci for si. &ersir; is dó tanac dia innisin duitsiu mo dala chucutsu síar co Inber Ollorba. &ersir; frithailter misi acaibsi for naemaib Dail Araide isind ló sa hi cind bliadna &ersir; abairsiu fri Comgall &ersir; frisna naemaib olchena insein. Ni ebur sin for Beoan acht mani thucthar a log dam. Cia log connaigi ol isi. t'adnacul ocumsa fein im manistir. Rot fiasu sin tra ol isi.

Tánic Beoán anair íar sin &ersir; ro innis do Chomgall &ersir; dona cleirchi olchena scéla na murgelti. Tánic in bliadain ass foi sin &ersir; ro indiltea na lina &ersir; ro gabadsi i llín Fergusa o Míliuc. Tucad co tír hí iar sin &ersir; ba ingnad a túrascbail &ersir; a delb. Tancatar sochaidi dia descin &ersir; sí isind ethur &ersir; usci impi and. Ro boí toisech ua Conaing and cumma cáich &ersir; brat corcra immi. Ro boisi dano ocá sírdescin side. Ro íarfacht in t-óclaech di masa th'airi téit don brut for se rot fia. Ac for si ni hairi atú ca descin etir acht brat corcra ro boi im Eochaid in lá ro báided hé. Rath fortsu dano for si &ersir; for fir t'inaid ina log sin. &ersir; nirab écen iarfaigid fir t'inaid do grés. in cach airiucht i mbia. Tánic laech forgrainni dub mór &ersir; ro marbside a mesansi. Foracaibsi doside &ersir; día thúaith a ngaisced fora n-ottraigib. &ersir; can a n-uilc do dígail dóib nó coro troisctis accisi. slechtaid in t-oclaech di iar sin.

Ro boi íarom imcosnam impisi. Asbert Comgall robo leis hí ar is na ferund ro gabad hí. Asbert dano Fergus robo leis hí ar is na lín tarras hi. Ro raid Beoan dano corbo leis hi ar ro gell fein dó. Ro troiscet ule inna naim sin tra co rucad Dia breith etorro imma n-imresain. Asbert in t-aingel friaraili nduni and. Ticfat da dam allaid i mbarach for se a Carnd Airend &ersir; tabraidsi in carpat foraib for se &ersir; in leth bertait sin hí lecidsi dóib. Tancatar na daim arna bárach amal ro thingell in t-aingel &ersir; rucsat hí co Tech Da Beóc. Tucsat na clérig a rogo di iar sin .i. a baisted &ersir; a tocht dochum nimi fo chetóir. isind uair sin.ł a fuirech in comfot cétna &ersir; a techt dochum nimi íar sírsaeglaib. Iss e roga rucsi a éstecht and sin. Ro baist Comgall hí &ersir; iss é ainm dorat di Muirgein .i. gein in mara. ł Muirgeilt .i. geilt in mara. Ainm n-aill di dano Funchi.

Dogniter dano ferta &ersir; mirmaili trethisi and sin. &ersir; ita amal cach naemóig co n-onoir &ersir; co n-airmiten amal doridnacht Dia di i nnim.

 Fotha Catha Cnucha inso

DIA mboí Cathair Mór mac Fedelmthi Fir Urglais meic Cormaic Geltai Gaíth i rrigi Temnach &ersir; Cond Cétchathach hi Cenandos hi Ferand Rigdomna Boí druí amra la Cathair .i. Nuadu mac Achi meic Da Thi meic Brocain meic Fintain do thuaith Da Thi a Bregaib. Boí in drui oc iarraid feraind i lLaignib for Cathair. ar rofitir combad i lLaignib no beth a chomarbus Dobeir Cathair a thoga tíri dó. Iss ed ferand ro thog in druí .i. Almu. Rob i robo banceli do Núadait .i. Almu ingen Becain. Ro cumtaiged dún ocan druid and sin i nAlmain &ersir; ro comled alamu dia sund corbo aengel uli. &ersir; combad de sin no beth Almu furri dia n-ebrad Oengel in dun dremni drend mar no gabad ael Erend. dond alamain tuc dia thig is de ata almu ar Almain.

Ro boí ben Núadat .i. Almu oc iarraid a anma do bith forsin cnuc &ersir; tucad disi ind ascid sin .i. a ainm do bith forsin chnuc ar is inti ro adnacht iar tain dia n-ebrad. Almu rop alaind in ben. ben Núadat móir meic Aiched. ro cuinnig ba fír in dál a ainm for in cnuc comlán.

Boí mac sainemail oc Nuadait .i. Tadg mac Nuadat. Raíriu ingen Duind Duma a banchéli sidé. Druí amra dano Tadg. Tanic bás do Núadait &ersir; ro ácaib a dún amal ro boí oca mac. &ersir; iss é Tadg bá druí do Chathaír dar ési a athar. Bert Raíriu ingin do Thadg .i. Murni Muncaim a hainm. Ro ás gnóe móir inn ingin isin co mbítís meic ríg &ersir; ro&fdot;latha na Erend oca tochra. Boí dano Cummall mac Trénmoír rigfénnid Herend fri láim Cuind. Boisidé dano cumma cháich oc iarraid na ingini. Dobreth Nuado éra fair ar rofitir combad tremit no biad scarad dó fri Almain. Inund mathair do Chumall &ersir; d'athair Cuind .i. do Fedelmid Rechtmar.

Tic trá Cumall &ersir; berid ar écin Murni for aithed leis ar ní thucad dó chena hí. Tic Tadg co Cond &ersir; innisid dó a sarugud o Chumall. &ersir; gabais fri grisad Cuind &ersir; oca imdercad. Faídid Cond techta co Cumall &ersir; asbert fris Ériu d'ácbáil ł a ingen do thabairt do Thadg. Asbert Cumall na tibred acht is cach ní dobérad &ersir; nibád sí in ben. Faídis Cond a amsaig &ersir; Uurgrend mac Lugdach Cuirr rí Luagni. &ersir; Dáiri Derc mac Echach &ersir; Áed a mac is frisside atberthe Goll íar tain do saigid Cummaill.

Tinolaid Cumall a socraiti chucu &ersir; doberar cath Cnucha etorro &ersir; marbthair Cummall and &ersir; curthir ár a muntiri. Dofuit Cumall la Goll mac Morna. Gonais Luchet Goll ina rosc cor mill a suil conid de rod lil Goll de conid de asbert. Áed ba ainm do mac Dáiri díar gáet Luchet co n-áni. ó ro gáet in laigni trom airi conrate fris Goll.

Márbais Goll Luchet. Is de sin dano ro boí fích bunaid eter maccu Morna &ersir; Find. Dá ainm ro bátar for Dairi .i. Morna &ersir; Dairi

Luid Murni iar sin co Cond ar ro diúlt a athair di &ersir; nir leic cuci hí ar robo torrach hi &ersir; asbert fria muntir a breoad. &ersir; arai nir lam a mmudugud fri Cond. Ro boí ind ingen oca iarfaigid do Chund cinnas dogenad. Asbert Cond eirg for se co Fiacail mac Conchind co Temraig Mairci &ersir; dentar th'asait and ar dérfíur do Chumall ben Fiacla .i. Bodball Bendron. Luid Condla gilla Cuind lei dia idnacul. co ranic tech Fiacla co Temraig Mairci. Ro ferad fáelti frisin n-ingin and sin. &ersir; robo maith a rrochtain and. Ro hasaited ind ingen iar tain &ersir; bert mac &ersir; dobreta Demni d'anmum dó.

Ailtir in mac iar tain leo corbo tualaing fogla do denum for cach n-aen rop escarait dó. Fuacraid dano cath ł comrac oenfír for Tadg ł lanéraic a athar do thabairt dó. Asbert Tadg co tibred breith do ind. Rucad in bret &ersir; is si in breth rucad do .i. Almu amal ro boí do lecun dó ar dilsi &ersir; Tadg dia facbail. Doronad amlaid ro &fdot;caib Tadg Almain do Find &ersir; tanic co Túaith Da Thi coa ferand duthaig fesin &ersir; ro aitreb i Cnuc Réin frisi raiter Tulach Taidg indiu. ar is uadsom raiter Tulach Taidg fria. o sin co sudi. conid de sin asbert inso. Cuinchis Find for Tadg na tor i Cumall mór do marbod. cath can chardi co can dáil ł comrac oenfir d'fagbail Tadg uair nír tualaing catha i n-agid na ard&fdot;latha. ro &fdot;ac leis ba loor do mar ro boi uli Almo.

Docoid Find i nAlamain iar tain &ersir; ro aittreb inti &ersir; is sí robo dunarus bunaid dó céin robo béo.

Doroni Find &ersir; Goll síd iar tain &ersir; doratad eric athar o claind Morna do Find. &ersir; batar co sidamail noco tarla etorro i Temair Lúacra imman muic Slanga &ersir; im banb Sinna meic Mail Enaig do marbad. día n-ebrad. Ar sin doronsatar síd Find &ersir; Goll co meit gnim. co torchair banb Sinna dé mon muic hi Temair Luacrae.

Slicht Libair Budi Slani Seirgligi Con Culaind inso sís &ersir; óenét Emire

OENACH dogníthe la Ultu cecha bliadna .i. tri lá ría samfuin &ersir; tri laa iarma &ersir; lathe na samna feisne. Iss ed eret no bitis Ulaid insin i mMaig Murthemni. oc ferthain óenaig na samna cecha bliadna. &ersir; ni rabe isin bith ní dognethe in n-eret sin léu acht cluchi &ersir; céti &ersir; ánius &ersir; aibinnius. &ersir; longad &ersir; tomailt conid de sin atát na trenae samna sechnón na hErend.

Fechtas and tra fertha óenach la hUltu i mMaig Murthemni. &ersir; ba hairi no fertha leu fo bith tabarta do chách a chomraime &ersir; a gascid do grés cecha samna. Ba bés leu dano di ág inna comraime ferthain ind óenaig .i. rind aurlabra cech fir no marbtais do thabairt inna mbossán. &ersir; dobertis aurlabrai na cethrae do ilugud na comram hi sudiu &ersir; dobered cách a chomram and sin ós aird acht bá cách ar úair. &ersir; is amlaid dognítis sin a claidib fora slíastaib in tan dognítís in comram. Ar imsoítis a claidib friu in tan dognítis gúchomram. Deithbir ón ar no labraitis demna friu dia n-armaib conid de batir comarchi forro a n-airm.

Tancatar Ulaid uli dochom ind oenaig acht dias namma .i. Conall Cernach &ersir; Fergus mac Roig. Ferthair a n-óenach ol Ulaid ni firfider ol Cu Chulaind co tí Conall &ersir; Fergus fo bíth ba haiti dó Fergus &ersir; ba comalta Conall Cernach. Asbert Sencha iarom. imberthar fidcella dún coléic &ersir; caniter drechta &ersir; agat clesamnaig. Dogníther iarom aní sin.

A mbátar and iarom tairnid enlaith forsin loch ocaib. ní batar i nÉre énlaith ba caíni. Batar imtholtanaig na mná imna heónu imdarubart fair. Gabais cách dib immarbaig a mmuin a celi im gabail na n-én. Asbert Ethne Aitencáithrech ben Conchobair asagussim én cechtar mo da gúaland dind énlaith ucut. Assagussem uli ol na mná aní sin. Má gabtair do neoch is damsa cetagébthar ol Ethne Inguba ben Con Culaind. Cid dogénam ol na mná. ni handsa for Leborcham ingen Oa &ersir; Adairce rigasa úaib do chuinchid Con Culaind.

Luid iarom Coin Culaind &ersir; asbert fris. is ail dona mnáib ind eoin ucut úatsiu. Atetha a claideb do imbirt furri. Ni fogbat merdrecha Ulad a n-aill acht foraim én dóib do thabairt fornd indiu. Ni cóir duit ém for Leborcham fúasnad friu ár is triut atá in tres anim fil for mnáib Ulad .i. guille. ar it é téora anmi fil for mnaib Ulad .i. cluíne &ersir; minde &ersir; guille. ár cech ben ro charastar Conall Cernach. ba clóen cach ben dano ro charastár Cúscraid Mend Macha mac Conchobair dobered forminde fora erlabrai atá samlaid. cech ben ro charastar Coin Culaind no gollad iarom a rosc fo chosmailius Con Culaind &ersir; ara seirc ar bá dán dosom in tan ba n-olc menma no slocad indala suil conna roched corr inna chind. Dotéirged indala n-aí immach commeit chori cholbthaigi.

Indel dún in carpat a Laich ol Cu Chulaind. Indlis Lóeg iarom in carpat &ersir; téit Cu Chulaind sin carpat. &ersir; ataig taithbéim dia claidiub dóib co ruildetar a mbossa &ersir; a n-eti dind usciu. Nos gaibet uli iarom &ersir; dosbertatatár leo. &ersir; fodailset dona mnáib conná rabi ben nád rissed dá én diib acht Ethne Ingubai a hóenur. Tánic de iarom coa mnaí fessin. Is olc do menma ol Cu Chulaind fria. Ní holc ol Ethne. úair is uaim fodailter doib. Is dethbir dait ol si ni fil diib mnaí nachit charad no ná beth cuit dait. Uair mád messi ni fil cuit do nách ailiu inniumsa acht duitsiu th'óenur. Nábad olc do menma trá ol Cu Chulaind dia tísat eóin Mag Murthemni ł Boind in da én ba haildem dib duticfat.

Nibo chían iarom co n-accatar da én forsind loch &ersir; rond dercóir etorro. Cansit ceól mbec. Torchair cotlud forsin slóg. Atraig Cu Chulaind a ndocum. día coistithe frim or Láeg &ersir; ol Ethne ní rigtha chucu. ar itá nách cumachta fora cul na n-én sa atethatár eóin damsa chena. In dóig bát dom éligudsa ón ol Cu Chulaind. Gaibthi cloich isin tailm a Loíg. Geibthi Lóeg íarom cloich &ersir; dobeir isin tailm. Dosleci Cu Chulaind cloich foraib. Focairt imroll. Fe amae ol se. Gaibid cloich n-aile. Dosleic dóib &ersir; luid seocu. Am trúsa tra ol se ó gabussa gaisced niro la imroll mo urchur cussindiu. Fochairt a chroísig forro co lluid tré scíath n-ete indala heóin la sodain. Lotair foa lind.

Dotháet Cu Chulaind iar sin co tard a druim frisin liic &ersir; ba holc a menma leis &ersir; dofuit cotlud fair. Co n-accai in da mnaí cucai. Indala n-ai brat úaine impe. Alaili brat corcra cóicdíabail im sude. Dolluid in ben cosin brot úane chucai &ersir; tibid gen fris. &ersir; dobert béim dind echfleisc dó. Dotháet alaili cucai dano &ersir; tibid fris &ersir; nod slaid fón alt cétna. &ersir; batar fri cíana móir oca sin .i. cechtar dé immasech cucai beus dia bualad combo marb acht bec. Lotir úad iarom

Arigsitar Ulaid uli aní sin &ersir; asbertatár ara nduscide. Acc ol Fergus nachi nglúasid res atchi. Atracht iarom trena chotlud. Cid dotrónad ol Ulaid fris. Niro fet iarom a n-acallaim. Nom berar for se dom sergligu .i. don Teti Bricc. naba do Dún Imrith. ł do Dún Delca. Not bertar do saigid Emiri do Dún Delca for Láeg. Aicc ol se mo breith don Teti Bric. Berair ass iarom co mboí co cend mbliadna isin magin sin cen labrad fri nech etir.

Lathi n-and resin tsamfuin aile cind bliadna. A mbátar Ulaid imbi isin taig .i. Fergus etir &ersir; fraigid. Conall Cernach etir &ersir; crand. Lugaid Reóderg etir &ersir; adart. Ethne Ingubai fria chossa. A mbatar iarom fón samail sin tánic fer chucu isa tech &ersir; dessid forsind airiniuch na imdai i mboí Cu Chulaind. Cid dottucai and sin ol Conall Cernach. Ni handsa ol se. Mád ina sláinti ind fir fil sund robad chomairche ar Ultaib ulib. inid i lobrai &ersir; i n-íngás dano atá is móo de as comairche airthiu. Ní agur nech iarom uair is dia acallaim dodeochad. Tathut fáelte ni áigther ní ol Ulaid. Atraig iar sin inna sesam &ersir; gabais doib inna rundu sa sis iarom. A Cu Culaind fot galar nibo sirsan in t-anad not ícfitís díamtis lat ingena Aeda Abrat Asbert Li Ban i mMaig Cruaich bís for deis Labrada Lúaith robad cridiscel la Faind coibligi fri Coin Culaind Robad inmain lá mád fír ricfed Cu Chulaind mo thir ra mbiad arcat &ersir; ór ro mbiad mór fina do ól Diammad chara dam co se Cu Chulaind mac Soalte i n-atconnarc ina súan bes atcoad cena slúag I mMaig Murthemni sunt tess aidchi samna nib amles domficfe uaimse Li Ban a Cu Chulaind cot galar. a Cuł. c.

Coich thussu ol iat. messi Óengus mac Áeda Abrat ol se. Luid úadib iarom in fer &ersir; ni fetatar cia deochaid ł can donluid. Atraig æu æhulaind ina sudi iarom &ersir; labrais iar sin. Bá mithig ém ol Ulaid aní sin isnith cid a ndotrónad. Atconnarc ém ol se aislingi immón samain innuraid. Adfét dóib uli amal atchonnairc. Cíd dogentar di sund a popa Choncobair ol Cu Chulaind. Dogéntar ol Concobar orta co rís in corthe cétna.

Luid Cu Chulaind ass iarom coránic in corthe co n-accai in mnaí bruit úani chucai. Maith sin a Cu Chulaind ol si. Ní maith dún ém cid for túrusi chucund innuraid ol Cu Chulaind. Ní du for fogail ém ol si dodeochammárni acht is do chuinchid for caratraid. Dodeochadsa ém dot acallaimsiu ol in ben o Faind ingin Aeda Abrat ros léci Manandan mac Lir. &ersir; dorat seirc duitsiu iarom. Li Ban dano m'ainmse féin. Timarnad duit iarom óm céliú o Labraid Luathlam ar claideb. Dobéra deit in mnai ar debaid n-óenlai leis fri Senach Síaborthe &ersir; fri Ecdaig nIúil &ersir; fri Eogan nInbir. Nim tha maith em ol se do chath fri firu indiu. Bid gar úar aní sin or Li Ban. Bía slan &ersir; doformastar deit a ndotesta dit nirt. Is denta dait ar Labraid ani sin ar is e láech as dech di ocaib domain. Cisi airm hi taside for Cu Chulaind. Itá i mMaig Mell ol si. Is ferr damsa techt leth n-aill ol ind ingen. Táet Laeg lat ol Cu Chulaind d'fis in tiri asa tudchad. Taet iarom oLi Ban.

Lotar iarom co rancatar co airm i mboí Fand. Tic iarom Li Ban dia saigid Loíg &ersir; geibthi ar gúalaind. Ni raga ass tra a Loig ol Fand indiu i mbethu acht manit ainge ben. Nibo ed as mó ro gnathaigsem dún custrathsa for Loeg bancomarchi. Appraind &ersir; bithappraind nach hé Cu Chulaind fil it richt indossa or Lí Ban. Bád maith limsa dano combad hé no beth and for Láeg.

Lotar ass iarom co rancatar tóeb na indse. Co n-accatar in lungine crédume forsind loch ara cind. Tiagait íarom isin lunga &ersir; tíagait isin n-insi &ersir; lotar do dorus tige co n-accatar in fer chuchu is and asbert Lí ban fris Cate Labraid Luath lám ar claideb as cend mbuden mbúada. búaid úas chret charpait glinni dercas rinni ruada.

Frisgart dissi in fer iar sin co n-epert so fria. Atá Labraid luithe cland nibá mall bid imda. tinol catha cuirther ár diambá lan Mag Fidgae

Tíagait iarom isa tech co n-accatar tri cóechto imdad istig. &ersir; tri coícait ban indib. Fersait ule faelti fri Lóeg. Is ed asbertatar ulí fris. Fo chen duit a Loig di ag neich las tudchad &ersir; o tudchad &ersir; dit dáig fesni. Cid dogena fechtsa a Loig for Lí Ban in raga do acallaim Fainde coléic. Ragat acht co fíasur in n-airm atá. Ni handsa. Atá i n-airicul fo leith ol Lí Ban. Lotar iarom día hacallaim. &ersir; feraisside fáelte friu fon innas cétna. Fand didiu ingen Áeda Abrat .i. áed tene is hé tene na súla in mac imlesen. Fand iarom ainm na dére dotháet tairis. Ara glaini ro ainmniged disi sin &ersir; ara coími ar ní boí isin bith frisa samailte chena. In tan mbátar and iarom co cúalatar culgaire carpait Labrada dund insi. Is olc menma Labrada indiu ol Li Ban. Tíagam día accallaim. Tíagait ass immach. &ersir; ferais Li Ban faelti fris. co n-epert.

r.

Fo chen Labraid Lúath lam ar claideb comarbae buidne snede slegaige slaidid scíathu scailid gou créchtnaigid curpu gonaid sóeru saigid oirgniu aildiu innaib manraid slúagu sreid muíne fobartach fían fo chen. fo chen Labraid. Nis frecart Labraid beus &ersir; asbert ind ingen atheruch.

r.

 Fo chen Labraid Lúath lam ar claideb augra urlam do rath rurtech do chách saigthech do cath créchtach a thóeb cundail a bríathar brigach a chert cartach a flaith laimtech a des diglach a gus. tinben laeochu Labraid fo chen. f. L. Niro regart beus Labraid canaidsi laíd n-aili affridissi.

r.

 Fo chen Labraid Lúath lam ar claidem láechdu ócaib uallchu murib manraid gossa. gniid cathu críathraid ócu tocbaid lobru tairnid triunu fo chen Labraid. f.L.

Ní maith a n-asberi a ben ol inti Labraid conid and asbert.

r.

Ni ual na húabur dam a ben nach ardarcnid mellchai mescthair ar cond rechmi cath n-imrind n-imda n-imamnas imberta claideb nderg ar dornaib desaib tuathaib ilib oenchridiu Echdach Iúil nitan bi nach n-úall. ni uall ní uabar dam a ben.

Bad maith lat do menma tra ol in ben or Li Ban fris atá Lóerg ara Con Culaind sund &ersir; timarnád duit úad doticfa slóg úad. Ferais Labraid faelti fris iarom a n-asbert. Fo chen duit a Laíg fo bíth na mná las tánac &ersir; in cháich o tudchad. Dó duit do tig a Laíg or Labraid &ersir; ragaid Lí Ban it díaid.

Tic Laeg ass iarom co Emain &ersir; adfet a scéla do Choin Culaind &ersir; do chach olchena. Atraig Cu Chulaind iar sin na sudi. &ersir; dobert láim dara agid &ersir; acallais Láeg co glé &ersir; ba nertiti leis a menma na scéla adfiadar do in gilla.

Baí dano terchomrac oc crethri ollchoecedaib Herend ind inbaid sin dús in faigbitis nech bad toga leo dia tibertis rígi nErend. Úair bá holc leo tilach airechais &ersir; tigernais Herend .i. Temair a bith cen rechtgi ríg furri. &ersir; bá olc léo na túatha cen smacht rig oc cocertad a cotrebi. Ár bátar fir Herend cen smacht ríg forro fri re .uii. mbliadna iar ndith Conaire i mBrudin Dá Derca cussin mórdail sin cethri cóiced nErend hi Temraig na rig hi tig Erc meic Corpri Niad Fer.

At íat so i&mmacr; ríg bátar isin dail sin .i. Medb &ersir; Ailill. Cú Roí &ersir; Tigernach Tétbannach mac Luchtai &ersir; Find mac Rossa. Ní dentais iarom ind fir sea comairli ríg fri Ultu fo bith ar is d'óenóentaib bátar ind fir se hi cend Ulad.

Dognither iarom tarbfes leo and sin co fíastais esti cía día tibertais rigi.

Is amlaid dognithe in tarbfes sin .i. tarb find do marbad &ersir; óenfer do cathim a satha día eóil &ersir; da enbruthi. &ersir; cotlud dó fón saith sin. &ersir; ór firindi do cantain do cethri drudib fair &ersir; atchíthe dó i n-aslingi innas ind fir no rígfaide and asa deilb &ersir; asa turascbail &ersir; innas ind oprid dognith. Díuchtrais in fer asa chotlud &ersir; adfíadar a res dona rigaib .i. móethoclaech sáer sonairt co nda cris derca tairis &ersir; sé os adart fir i sirc i nEmain Macha.

Faiditir iarom techta frisin co Emain. Is and sin bátar Ulaid ina turchomruc im Choncobor i nEmain in tan sin &ersir; Cu Chulaind ina seirgligu and. Atfiadat a scéla do Choncobor &ersir; do mathib Ulad olchena. Fil linni mac sáer soceneoil fon samail sin ol Concobar .i. Lugaid Réoderg mac na tri Find Emna dalta Con Culaind fil os adart na himda thall amne oc urgartigud a aiti .i. Con Culaind fil hi sirg. Atraig Cu Culaind andaide &ersir; gebid for tecosc a daltai conid and asbert. Bríatharthecosc Con Culaind inso Nirbat taerrechtach debtha dene dóergairce. Nirbat díscir dóichlech díummasach. Nibbát ecal ocal opond esamain. Nipát tairne ó main mandartha mesctha. Nibat dergnat colla coirme hi tig rurech. Nibat ilfurig im írad n-echtrand. Ní sáis daine dochla díchumaing. Ní íadat iubaili for étechu ail. Airliter cumni cóich cormarbai cré. Cuibsigter sencaid sin co firinne fiu hit fíadnaisi. Finnatar bethamain brathir scéo mbroga. Mrogatar genelaigi gesci úa geniter gein. Gairter bi beoaigter fri oethu. airm irro trebsat mairm. Maínigter comarbai fora thechtu thoich. Tocumlúat anfini coa nemthe nert. Ni fresnesea co labur. Ni aisneisea co glórach. Ní fuirse. Ní chuitbe. Ní faitchither senori. Nipá mithomtinach o neoch. Ní géis co ansa. Ni ettis nech cena domanches. Caínoís. Caínéra. Caínairlice. Bát umal múnta ó gáethaib. Bat cumnech coisc ót senaib. Bát seichmech ríagla athardai. Nipat úarcraidech im chardiu. Bat gusmar im naimtiu. Nipa frithenech debtha hit ilchomraicib. Nirbat scelach athcossanach. Ni faisce. Ni thaisce ní. Níba torba. Consecha do cursachad i ngnímaib antechtai. Ni chomainse th'irinne ar thoil daine. Nibát athboingid ar narbat aithrech. Nibat comromach ar nábat miscnech. Nirbat lesc ar narbat meirb. Nirbat roescid arnabat doescair. Ardotchuibdig fri sechem na mbriathar sin a meic.

Is and asbert Lugaid inso sis fri Coin Culaind. Ed as mait a mbith ule arin festar cach dune noco teseba ní de firfaider mádurise.

Luid Lugaid iar sin frisna techtaib co Temraig &ersir; gongarar garm rigi dó &ersir; fais hi Temraig ind aidchi sin &ersir; luid cach dia mennut iar sin.

Imthusa i&mmacr; Con Culaind iss ed adfíastar sund coleic. Do duit uaim a Laíg for Cu Chulaind co airm hi ta Emer &ersir; innis condat mná sidi rom thathigset &ersir; rom admilset &ersir; apair fria is ferr a chách itosa &ersir; táet dom indnaigid. is and asbert in gilla oc nertad Con Culaind inso. Mór espa do láech laigi fri súan serglige. ar donadbat genaiti .i. mna áesa a Tenmag Trogaigi. .i. a Maig Mell condot rodbsat condot cachtsat condot ellat eter briga banespa. Diúchtra .i. erig a terbaig andregoin .i. a galar ban sidi ar dotáet do lochbriga .i. do laechbriga eter argaib .i. anradaib erritib. condot rudi sudi n-óg. condot chellti .i. co nderna condot chiúrthi margnímu. Día focart lúth Labrada a fir rudi atraí coropat mor. mór e.

Téit in gilla iar sin co airm i mboí Emer &ersir; adfét amal boí Cu Chulaind. Olc duitsiu a gilli for si ar is tú taithiges in síd cen feib íca do tigerna d'agbáil lat. Truag d'Ultaib for si cen sirthin a márica. Diambad Conchobur credbaigte ł Fergus ni thastar súan ł Conall Cernach tabsat crechta is Cu Chulaind cobarthe. Cachainsi iarom laíd la sodain fon cruth sa. A meic Riangabra fó rír cid menic imthigi in síd ní moch doroich let ille icc meic delba Dechtere Trúag d'Ultaib co lín garta eter aite is chomalta cen siriud in domain duind d'ícc a carat Con Culaind Mád Fergus no beth i ssúan dá n-iccad aicned oendrúad ní bíad mac Dechtere i fos co fagbad drui dia tomos Díambad hé Conall chena fris mbetís crechta is cneda no sirfed in Cú in mith mbras co fagbad liaig da leges Mád do Láegaire Búadach tísad ág bád imuallach no sirfed Herind na n-íath d'íc meic Connaid meic Iliach Dambad do Cheltchar na celg tísad súan &ersir; sír⋅erg robad astrach aidchi is lá eter sídaib Setantá. Dámbad Furbaidi na fían no beth i llige lanchían no sirfed in domon ndron co fagbad a thesarcon Atbathsat slúaig síde Truim ro scarsatar a morgluind ní thét a ccu dar cona o ro gab súan síthbroga Uchan do galur nom geib ó Choin cherda Conchobair isáeth rem chridi is rem cnes día tísad dím a leges. Uchan is crú mo craide serg for marcuch in maige conna toraig sund ille d'óenuch Muge Murthemne Is de ná tic a hEmain dáig na delba ron dedail is merb is is marb mo guth dáig atasom fó drochcruth Mí &ersir; rathe &ersir; bliadain cen chotlud fó chomríagail. cen duini bad bind labra ní chúala a meic Riangabra a meic R.

Tanic Emer rempi co hEmain iar sind d'innaigid Con Culaind &ersir; dessid issind imdaí i mbaí Cu Culaind &ersir; ro baí cá rád is mebul duit or si laigi fri bangrád. Uair dogénad galar duit sirligi &ersir; baí ca acallaim &ersir; ro chan laíd Erig a gérait Ulad rod dúsci suan slán subach deci ríg Macha mo cruth nit leci re rochtolud Deca a gúalaind lán do glain déca a churnu co comraim déca a chairptiu cinnit glend déca a rretha fían fidchell Déca a churadu co mbríg déca a ingenraid n-ardmín déca a rígu rem n-aga déca a rignu dermára Déca tossach gemrid gluair déca cach ingnad ar n-úair déca let iss ed fótgní a fuacht a fot a hamlí Is meth ní maith cotlud trom is mertan ar n-écomlond is loim for saith suan hi fat tánaisi d'éc éccomnart Ro dusig suan síd ar n-ól telci ri robruth romór ilar mbriathar mbláith rot char érig a gerit Ulad. erig. a U.

Atracht iarom Cú Chulaind iar sind &ersir; dorat laim dara agid &ersir; ro chuir a mertnigi &ersir; a tromdacht de &ersir; atracht iar sin &ersir; tanic remi iar sin co mboí i nAirbi Roír. Co n-acca chuci iar sin Li Ban &ersir; ro ráid ind ingen friss &ersir; baí oca thócuriud din tsíd. Cisi airm hi tá Labraid ol Cu Chulaind. Ni handsa ol si. Atá Labraid for lind glan día n-aithiget buidni ban níba scíth let techt día tuaid mád ar fis Labrada Luaith Laínid tech a des tindben cét eolach inti asidfet corcair co n-aldi datha samail grúadi Labrada Crothid conchend catha ceirp fiada chlaidib thana deirg bruid idnu buden mbáeth brisid scíathu lenna laech Li sula a chnes isin tres ni mairnd cairdiu a forámles inrice feraib side fer ro selaig mór mile Láechdu ocaib amru scéoil rosiacht tír echach Iuil folt fair amal flesca óir bolad fína lía anóil Amru feraib fúabair nith is garg fri cíana cocrích riadu curach &ersir; graig sech inis hi tá Labraid. Fer co n-ilur gním dar ler Labraid Lúath lam ar claideb ni fuband conroithi de is fulang súain sochaide Srian muinci dergóir fria graig &ersir; nocon ed nammá turid airgit &ersir; glain iss ed fil is tig hi ta ata L. f.

Noco ragsa ar Cú Culaind ar cuiriud mná ticed iarom ar ind ingen Lóeg and sút d'is cech réta. Tiat iarom ar Cú Culaind. Atralacht Lóeg iarom lasin n-ingin &ersir; dochuatar do Maig Lúada &ersir; don Biliu Buada &ersir; dar Oenach nEmna &ersir; i nÓenach Fidga &ersir; is andside baí Áed Abrat cona ingenaib. Feraid Fand failte fri Lóeg. Cid dia mbaí Cu Chulaind cen tíachtain or si. Nirbo ail leiss tiachtain ar banchuriud &ersir; dano co finnad inn uaitsiu rosiacht fis dó. Is uaim ar si &ersir; ticed co lúath diar saigid ar is indiu curthir in cath.

Luid Láeg atheroch co airm i mboí Cu Chulaind &ersir; Fand malle fris Cinnas sin a Loíg ar Cu Chulaind. Ro frecair Láeg &ersir; ro radi is mithig techt ar se uair ita in cath oca ferthain indiu &ersir; is amlaid roboí oca rád &ersir; ro chan laíd. Ranacsa rem rebrad ran bale ingnad ciarbo gnád connici in carnd fichtib drong hi fúar labraid lebarmong Co fuarusa hé sin charnd ina sudi mílib arm mong buide fair alli dath ubull oir ocá íadad Corom aichnistar iaraim a lleind chorcra coicdiabail atbert rim in raga lim don tig hi fail Faelbe Find Atát na dá rig is tig Failbe Find &ersir; Labraid tri .l. im chechtar dé is é lín inn óentaige .L. lepad na leith deiss &ersir; .l. airides .l. lepad na leth chlí &ersir; .l aeridi Colba do lepthaib cróda úatne finna forórda is si caindell ardustá in lía lógmar lainerdá. Atat arin dorus tíar insinn aith hi funend grían graig ngabor nglas brec a mong is araile corcordond Atát arin dorus sair tri bile do chorcor glain dia ngair in énlaith búan bláith don macraid assin rígráith Ata crand i ndorus liss ni hétig cocetul friss crand airgit ris tatin grían cosmail fri hór a roníam Atat and tri .xx crand comraic nad chomraic a mbarr biatar tri .c. do cach crund do mes ilarda imlum Atá tipra sin t⋅íd thréll cona tri .l. breclend &ersir; delg óir cona li i n-óe cecha breclenni Dabach and do mid medrach oca dáil forin teglach maraid beós is búan in bes conid bithlan do bithgrés Ita ingen is tig trell ro derscaig do mnaib Érend co fult budi thic immach is sí alaind illánach In comrád doní ri cách is alaind in ingnath maidid cridi cech duni dia seirc is dia inmuni Atrubairt ind ingen trell coich in gilla na haichnem masa thú tair bic i lle gilla ind fir a Murthemne Dochúadusa co foill foill rom gab ecla dom onóir atbert rim in tic ille oenmac dígrais Dechtere Mairg ná dechaid o chíanaib &ersir; cach icá iarrair co n-aiced immar ita in tech mór atchonnarcsá Dambad lim Ériu ule &ersir; ríge Breg mbude dobéraind ní láthar lac ar gnais in bale ránac. ranac .r.

Is maith sin ar Cú Culaind. Is maith ar Lóeg &ersir; is cóir dul día ríachtain &ersir; is maith cach ní issin tír sin &ersir; is and asbert Loeg beós frisseom ic innisin oibniusa in tsída. Atconnarc tír sorcha sáer inná ráiter gó ná cloen fil an rí rúamna buden Labraid Lúath lam ar claideb. Oc techt dam dar Mag Lúada dommárfas Bili Búada ro gabus i mMaig Denna la dá natraig imchenna Is and atrubairt Lí Ban isin baliu i rrabammar robad inmain lem in firt diambad Chú no bet it richt Alaind bantrocht búaid cen chacht ingena Áeda Abrat delbad Fainne fúaim co llí ni roacht rígna ná rí Atber úair is lim ro clos sil nAdaim cen imarbos delbaid is Fainne rem ré na fil and a llethete Atconnarc láechu co lli co n-armmaib ic imdibí atconnarc étach ndatha nocon erred anflatha Atconnarc mná féta ic fleid atconnarc a n-ingenraid atconnarc gillu glána oc imtecht ind &fdot;iddromma Atconnarc áes ciúil is tig ic aerfitiud dond ingin manbad a lúas tísa ammach domgentais co hétréorach Atconarc in cnoc ro buí alaind ben Eithne in gubai acht in ben atberar sund beres na slúagu asa cund. atconnarc m.

Luid Cu Chulaind lee iarom is tir &ersir; bert a charpat les co rancatár in n-insi. Feraib Labraid fáelti fríu &ersir; fersi in bantrocht uli &ersir; ferais Fand dano fáelti sinredaig fri Coin Culaind. Cid dogentar sund hifechtsa ol Cu Chulaind. Ni handsa or Labraid iss ed dogenam regmai coro lam cor imón slúag. Tíagait ass iarom co rancatar tor na slúag &ersir; co rolsat súil tairsiu. &ersir; bá dirim leó in slúag Eirg ass hifechtsa ol Cu Chulaind fri Labraid. Luid Labraid ass iarom &ersir; anais Cu Chulaind ocon tslóg. Fanócrat in da fiach druiidechta dogensat in tslúaig. Is doig ol in slúag in ríastartha a Herind iss ed terchanait ind fiaich. Dossennat in tslúaig iarom conná fúair ined leó is tír. Dotháet Eochaid Iúil iarom do inlut a lam don tiprait matain moch. Atconnairc Cu Chulaind iarom a gualaind tresin cochull. Doléci gai dó co luid trít. ro marb tríar for trichait díb a oenur. Tofobairt iar sin Senach Siabortha &ersir; ferait morgleó &ersir; marbthus Cu Chulaind iarom. Tic Labraid iarom &ersir; mebais riam forsna slógu. Ro gáid Labraid dó anad dind imguin. Atagamar tra for Loeg in fer d'imbirt a ferci fornd úair nach lór leis di cath fúair. Tiagar for Lóeg &ersir; inliter teora dabcha úarusci do dibdúd a brotha. In cetna dabach i tét fichid tairse. In dabach tanaise nis fodaim nech ara tes. In tres dabach is comse a tes. In tan atconcatar na mná Coin Culaind is and cáchain Fand inso. Segda cairptech docing rot cesu amulach is óc. alaind lúadam luades blai fescur iar n-óenuch Fidgai Ni céol side séol fodgain is fordath fola fil fair. cronan canas chreit focanat roith a ch Eich fil fó charput glinne an frim céin córda sille. ni fúair a samail di graig it lúathidir gaíth n-erraig. Imbeir cóic deich ubull óir ós clesit fora anóil. ni fúair a samail di rig eter mín &ersir; anmín. Fil i cechtar a da grúad tibri derg amal crú rúad tibri uani tibri g tibri corcra dath n-étrom Fil secht suilse ara rusc ni scél fácbala hi lusc. imdenam súla saire abratchair duba daile Fil fora chend cid fó fer atchlos fo Érind imbel. tri foilt ni hinand a ndth gilla oac amulach. Claideb russi roindes crú cona imdurnd airgdidú. sciath co mbualid óir budi &ersir; co mbil findruini Cingid iar firu in cach tind imthéit i n-ág i n-eslind. ni fil do bar laechraid laind as chosmail fri Coin Culaind. Cu Chulaind dotháet ille in t-ócláech a Murtemne. is íat dorat sund hi fat ingena Aeda Abrat Bróenán fola fota fland la toeb crand comarda dé ilach uallach uabrech ard la gol mairg fri síabru sé. segda c.

Ferais Li Ban faelti fris iar tain conid and asbert inso sís. Fo chen Cu Chulaind torc .i. rí torachtaide mál mór Maigi Murthemni már a menma míad curad cathbúadach cride níad nertlia gaíse flandrúad ferci aurlam fri firecrat lath ngaile Ulad alaind a lí lí sula do andrib is fo chen. fo chen. C.

Ceist cid doronais a Cu Chulaind or Li Ban fris. is and asbert Cu Chulaind andaide Tarlucus urchur dom sleig i ndúnad Eogain Inbir nocon fetur sochla set in buaid dorignius ł in bet Cid ferr cid messu dom nirt co sse ni tharlus dom chirt urcur anfis fir hi céo bes na n-árlaid duni beo Slog find forderg formnib ech domroipnitar forom leth munter Manandan meic Lir cotagart Eogan Inbir Immimrous cipe cruth in tan tánic mo lanlúth oenfer dia tricha cet conda rucus dochom n-éc Rochuala cneit Echach Iúil i socraidi labrait biuil mad fir co fír bes nip cath in t-urcur ma tarlacad. tarlucus .u.

Foíd Cú Culaind iar sin lasin n-ingin &ersir; anais mís ina farrad. &ersir; celebraid hi cind mís di &ersir; atbertsi frissium in bale ar si atberasu frimsa dul it choimdáil ragatsa &ersir; is and dorónsat comdáil ic Ibur Cind Trachta. Ro innis do Emir aní sin. Dorónta scena acciside do marbad na ingine. Tánic &ersir; cóeca ingen lee connici in comdáil. Is and ro boí Cu Chulaind &ersir; Lóeg oc immirt fidchilli &ersir; níro airigset na mná chucu. Is and ro ráthaig Fand &ersir; asbert fri Lóeg. Fégsu a Laíg aní atchiusa. Cid insin ar Lóeg. Dercais Lóeg &ersir; is and ro radi ind ingen inso .i. Emer

.r. Fég a Lóig dar th'eis oc coistecht frit filet mná córi ciallmathi co scenaib glasgéraib ina ndeslamaib co n-ór fria n-uchtbrunnib cruth caín atchichither amal tecait láith gaile dar cathcairptiu glé rosoí gné Emer ingen Forgaill.

.r. Nít ágara ar Cu Chulaind &ersir; nícon tora etir. Tairsiu isin creit cumachta lasin suidi ngríanda form dreichsea fodéin ar dothesarcainbsea ar andrib ilib imdaib hi cetharaird Ulad ar cía nos baigea ingen Forcaill a hucht a comalta in gním co cumachta bés ní lim lámathair.

Asbert beós Cu Chulaind

.r. Not sechaimsea a ben amal sechnas cách a chárait ní rubimsea do gae crúaid crithlamach nach do scían tím thanaidi nách t'&fdot;erg treith timaircthech ar is mórdolig mo nert do scor ó nirt mná.

Ceist trá ar Emer cid fódruair latsu a Chú Culaind mo dímiadsa fíad andrib ilib in chuichid &ersir; fíad andrib ilib na Hérend &ersir; fíad áes enig archena ar is fót clith tánacsa &ersir; fo ollbríg do tharisen ar cia not bagea uall ollimresan bés nípad rith latsu mo lecunsa a gillai cía no trialltá.

Ceist tra a Emer ar Cu Chulaind cid arna leicfideá damsa mo denus i ndáil mná ar chetus in ben sa is sí in glan genmnaid gel gasta dingbála do ríg ilchrothaig ind ingen sin do thonnaib dar leraib lánmóraib co ndeilb &ersir; écosc &ersir; sóerchenel co ndruni &ersir; lamda &ersir; lamthorud co ceill &ersir; chond &ersir; cabsaidecht co n-immad ech &ersir; bóthánte ar ní fil fo nim ní bad tol ria cóemchéle na dingned cía no comgelltá. a Emer ar se ni faigebasu curaid caín crechtach cathbúadach bádam fiusa.

Bes ar Emer nocon err in ben día lenai. Acht chena is alaind cech nderg is gel cach nua is caín cech ard is serb cach gnáth. caid cech n-écmais is faill cech n-aichnid co festar cach n-eólas. A gillai ar si ro bámarni fecht co cátaid acut &ersir; ni bemmís dorisi diambad ail duitsiu &ersir; robo dograch furri. Dar mbrethir tra ar se isatt ailsiu damsa &ersir; bidat ail hi céin bat béo.

Mo lecudsa didiu ol Fand. Is coru mo lecudsa ar Emer Náthó or Fand messi leicfidir and &ersir; is mé ro baeglaiged o chéin &ersir; forópair oc dogru &ersir; oc domenmain móir ar bá nar lée a lécud &ersir; dul día tig a chétóir &ersir; ro buadir in rograd hí dorat do Coin Chulaind &ersir; is amlaid ro boí oc dogru &ersir; doroni in laid sea. Messe ragas for astur ce dech lim ar mórgestul cé tara nech lín a blad ropad ferr lim tairsem Robad ferr lim bith hi fus dobér fót laim cen dobus ná dula cid ingnad lat co gríanan Áeda Abrat A Emer is lat in fer &ersir; ro mela a deigben aní ná roich lam cid acht is écen dam a dútracht mor fer ro boí com iarraid eter chlitar is diamair noco dernad ríu mo dál dáig is misi rop irán Mairg dobeir seirc do duni menes tarda dia airi is ferr do neoch a chor ass mane chartar mar charas Cóeca ban tánac ille a Emer án foltbuide do tascrad ar Faind ní fó is dá marbad ar andró Atat tri .l. rim la do mnaib aille oentamá acum i ndún immalle noco treicfitis messe. mese.

Iar sin ro fallsiged do Manandan aní sin .i. Fand ingen Áeda abrat do bith i n-ecomlund ic mnaib Ulad &ersir; a bith coa lécud do Choin Chulaind. Tanic iarom Manannán anair do saigid na hingini &ersir; ro boí ina fíadnaise &ersir; níro rathaig nech díb aní sin acht Fand a hoenur.&ersir; is and sin ro gab etere móir &ersir; drochmenmain in n-ingin oc fegad Manandán &ersir; dorigni laíd

Mac Lonan dixit

Mían mná Tethrach .i. badb a tenid .i. gae &ersir; arm slaide sethnach .i. táeb iar sodain. suba .i. fuil luba .i. corp fo lubaib .i. fó feraib ugail .i. súli troga .i. cend dír drogain .i. fíaich Fégaid mac laechraidi Lir do maigib Eógain Inbir Manannán úas domun dind ro boí tan rop inmain lim Mád indiu bá digrais núall ní charand mo menma múad is éraise in rét in tserc téit a héol cen immitecht Lá ro bása &ersir; mac Lir hi ngrianan Dúni Inbir ropo dóig lind cen anad noco bíad ar n-imscarad Danam thuc Manannan mass robam céle comadas noco berad orm ria lind cluchi erail ar fidchill Danam thuc Manandan mass robam céle comadas dornasc d'ór aromthá thuc dam i llúag m'imdergthá Baí acum dar fraech immach .l. ingen illdathach doratus dó .l. fer centar in .l. ingen Cetra .l. cen miri iss é lucht inn óentigi da .l. fer sonmech slán dá .l. ban find follán Atchíu dar in muir i lle nín acend nach meraige marcach in mara mongaig enand do sithlongaib T'imthecht seochainni co se ni acend acht sídaige maraid do chiall cech slúag séim cía beit úait i n-etercéin Mad messe bá dethbir dam dáig at báetha cialla ban intí ro charus co holl domrat sund i n-ecomlond Celebrad dit a Chú chain aso sind uait co sochraid cén co tísam dútracht lind is ard cech recht co himchim Érgeseo mithig damsa atá nech risnid andsa.i. risnad dolig is mór in tócosol tra a Laíg a meic Ríangabrá Ragat rim chéli fodéin dáig noco dingnea m'amréir nár apraid is ceim i cleith mád alic duibsi fegaid. fegaid.

Atracht ind ingen iar sin i ndíaid Mannannan &ersir; ro &fdot;er Manannan faelti fria. &ersir; asbert maith a ingen ar se in oc urnaidi Con Culaind bía fodechtsa ł in limsa doraga. Dar ar mbrethir ém ol si fil uaib nech bad ferr lim a chéli do lenmain. acht ar si is letsu ragatsa &ersir; ni irnaidiub Coin Culaind ar rom thréc &ersir; araill and dano a degduini ní fil rígain catamail acotsu. ata autem la Coin Culaind.

Ó'tconnairc i&mmacr; Cu Chulaind in n-ingin ic dula úad co Manannan ro ráid fri Lóeg. Crét sút ar sé. ni handsa ar Lóeg Fand ic dul la Manannan mac Lir ar ncorb álic duitsiu hí. Is and sin tra ro ling Cú Chulaind tri ardlémend &ersir; tri deslemend Lúacra co rrabi fri ré fotá cen dig cen bíad sechnon na slebte &ersir; is and no chotlad cech n-aidchi for Sligi Midluacra. Dochoid trá Emer do saigid Concobair co hEmain &ersir; ro innis dó Cú Chulaind amal ro boí. Ro faíd Conchobor filedu &ersir; áes dána &ersir; drúdi Ulad dia saigid co fastaitis &ersir; co tuctais co hEmain léo hé. Ro triallsom dano in n-áes ndána do marbad. Ro chansatside brechta druidechta ina agid coro gabait a chossa &ersir; a láma conos tanic trell dia ceill. Ro boíseom dano oc cuingid digi chucu iar sin. Tucsat na druíd dig ndermait dó. Amal atib in dig nirbo chumain laiss Fand &ersir; cech ní doroni. Tucait dano deoga dermait a héta do Emír ar nirbo &fdot;err ro boí. Ro croth dano Manannan a brat eter Coin Culaind &ersir; Faind connaro chomraictís do grés. Conid taibsiu aidmillti co Choin Chulaind la háes sidi sin ar ba mór in cumachta demnach ria cretim. &ersir; ba hé a méit co cathaigtis co corptha na demna frisna doínib &ersir; co taisfentais aíbniusa &ersir; díamairi dóib. amal no betis co marthanach is amlaid no creteá doib. Conid frisna taidbsib sin atberat na haneolaig síde &ersir; áes síde.

 Senchas na relec inso

MÓRRÍ mórbrethach ro gab os Herind .i. Cormac mac Airt meic Cuind Cetchathaig Bá maith iarom baí ind Eriu ria lind fó déig ro scaíled breth rechtgae fo Érind acciseom. Conná laimtheá guin duni i nHérind fri ré iúbili bicci .i. uii. mbliadna. ar baí cretim in óenDé oc Cormac do réir rechta. ar ro ráidseom na aidérad clocha ná crunnu acht no adérad intí dosroni &ersir; ropo chomsid ar cul na uli dúla .i. in t-óenDia nertchomsid ro crutaig na dúli is dó no chreitfed. Conid eseom in tres ro creti i nErind ría tíachtain Patraic .i. Conchobor mac Nessa díaro innis Altus dó cesad Crist. Morand .i. mac Maín mac Corpri Cind Chiatt indarna fer. Cormac in tres. &ersir; ane is doig co ndeochatár drem aile fora slicht imón cretim sin. Is and trá no gnátaiged .i. Cormac a dodgnos hi Temraig ar slicht cech rig remi. no coro milled a rosc Óengus Gai buaphnech mac Echach Find Fúath Airt. I nAchaill .i. tulach hi fil Scrín Choluim Cille ind i&mmacr; &ersir; i Cenandas &ersir; hi Tig Cletig no bídsom iar tain ár níba hada rí co n-anim hi Temraig. Tánic tra bás dia innaigidseom hi Tig Cletig isin bliadain tanaise ar coll a roirc íar nglenamain cnáma bratan ina bragit. ł it siabra ron ortsat .i. T Dberthea sia Ro ráidseom .i. Cormac i&mmacr; fria muintir cena adnacul .i. dáig bá relec idaladartha issin Brug daig ní hinund Día ro adairseom &ersir; cech oen ro adnacht issin Bruig acht a adnacol i rRos na Ríg &ersir; a aiged sair.

Fúairseom bás iar sin &ersir; ro ferad comarli oca áes gráda &ersir; iss ed ro chinset a adnacol isin Bruig áit i mbátar rig Temra romiseom. Ro tócbad iarom corp ind ríg fo thri dia breith issin Bruig &ersir; hitracht in Boand fó thrí i n-arda conná fétais a techt Co tucsat día n-uid cor tíachtain dar breith flatha techt dar timna in rig. Ferait a fert iarom i rRos na Ríg amal asbert féin.

Roptar iat so trá prímreilce Herend ría cretim .i. Crúachu. in Brug. in Talltiu. Lúacair Ailbe. Óenach Ailbe. Óenach Cúli. Óenach Colman. Temair Erand. Óenach Cruachan chetus iss and no adnaictís clanna Heremoin .i. rígrad Temrach. no co tánic Cremthand mac Lugdech .i. iss eside cetri díb ro adnacht isin Brug Riab nDerg .i. Cobthach Cóel Breg .i. is iat so ro adnaicit hi Crúachain &ersir; Labraid Loingsech &ersir; Eocho Fedlech cona tri maccaib. .i. na tri Find Emna .i. Bres &ersir; Nar &ersir; Lothor &ersir; Eocho Airem. &ersir; Lugaid Riab nDerg &ersir; sé ingena Echach Fedlig .i. Medb &ersir; Clothru Muresc &ersir; Drebriu Mugain &ersir; Éle &ersir; Ailill mac Mata cona secht mbratrib .i. Cet Anlon Dóche. &ersir; relici &ersir; ind rígrad uli co Cremthand.

Cid fotera nach isin Bruig no hadnaictis .i. sil Cobthaig co Cremthandna rig. Ni handsa. ar roptar íat da cóiced ro techtsat cland Heremoin .i. cóiced nGáleoin .i. coiced Laigen &ersir; coiced Ól nÉcmacht. .i. coiced Connacht Coiced nGalióin chetus ro gabsat síl Labrada Loingsig. Cland Cobthaig Coíl Breg i&mmacr; bá he a flesc láma side coiced Connacht. Conid airi iss é thucad do Meidb ré cech cóiced. .i. coiced Connachtis airi tuccad orba do Meidb ar ni boí do sil Echach nech bad túalaing a gabail acht sisi ar nirb ingníma Lugaid in tan sin. &ersir; dano in tan na bid rígi nÉrend o claind Chobthaig Coil Breg ba cóiced Connacht a ruidles. .i. a flesc láma Conid airi sin no adnaictís i nÓenuch na Cruchna íat. Issin Bruig i&mmacr; no adnaictís íat o amsir Chrimthaind .i. Niad Nair co amsir Lóegaire meic Neill cenmothát tríar .i. Art mac Cuind &ersir; Cormac mac Airt &ersir; Niall Noigiallach. Ro innisemmar tra in fath ar nách and ro adnacht Cormac.

Is airi dano nach and ro adnacht Art. ar ro chreit in lá ría tabairt chatha Muccrama &ersir; ro tharngir .i. co forbérad in cristaidecht for Erind in cretim &ersir; asbert combad and no beth a fert i nDuma nDerglúachra áit hi fail Treoit indiu. diaro dechtsom isin duain .i. dúan dorigni Art &ersir; iss e a toissech. Cain do Denna Den. &ersir; reliqua dorigni sin .i. Cain do Denda Den.

In tan roucad .i. co Duma nDerglúachra a corp .i. Airt sair tain dia mbetís Fir Herend oca sreing ass ni &fdot;etfaitis coro adnacht isind inud sain. fo déig ar rop eclas .i. Treoit indiu cathalacda iar tain bali in ro adnacht. fo déig na fírinni &ersir; na cretmi ro mbí ar ro faillsiged tria fír flatha dó.

Niall i&mmacr; iss and ro adnacht i nOchaín. Conid de atá Ochaín forsin telaig .i. och caíni .i. ind ochfad &ersir; ind écaíni dodrónsat fir Herend oc caini Neill and.

Conaire Mór dano hi mMaig Feci .i. oc Ferta Conaire i mBregaib ro adnacht acht chena iss é Conaire Carpraige ro hadnacht andside &ersir; ni he Conaire Mor. Combad he dano in tres ri no hadnaicthe hi Temraig hé .i. Conaire &ersir; Lóegaire &ersir; Hi Talltin i&mmacr; no hadnaictis Ulaid .i. Ollom Fótla cona chlaind co tanic Conchobor .i. ar is and ro thogside a thabairt eter Slea &ersir; muir &ersir; aiged sair fo déig na creitmi ro mboí.

Uasli Tuathi Dé Danand .i. in Dagda &ersir; a thri meic &ersir; Lug &ersir; Óe &ersir; Ollam &ersir; Ogma &ersir; Etan &ersir; Corpre mac Etaine issin Brug no adnaictis. &ersir; fora slicht side dochóid Crimthand. ar ba do Thúaith Dea a ben .i. Nár &ersir; is si ro aslaig fair combad he bad reilec adnaicthi dó &ersir; día chlaind in Brug conid hé fáth a nnemadnaicthi hi Crúachain.

Lagin i nÓenuch Albi. .i. Cataír cona chlaind &ersir; na rig rempo Cland Dedad .i. sil Conaire &ersir; Ernai hi Temair Érand. Fir Muman .i. Dergthene i nOenuch Culi &ersir; i nOenuch Colman. Connachta hi Cruachain. Conid d'innisin na ríg ro gabsat Temraig iar Cremthand do neoch ro adnacht isin Brug ro chum Cináed hua hArtacan in laid sea. .i. dia fallsigud na mathi ro n-adnacht isin Bruig. Án sin a maig Meic ond Óc fairsiung do rót rethaib cét forolgais mór flathe fír do aicme cech ríg mótrét Rot brecai cach n-ingnad n-án a clár findglan fictib slúag a thír ferach fénach féig a íath n-énach n-indsech n-úag Tech Meic ind Óc ós do dind rigda fót fri féle find. taircet éim os do lind duind geill a sidib Hérend ind Ingen Araind fort lár luind caín mál bá molbthach in mind furri ro lád in tor thall ni gand in gnod ós do chind Atchíu lind find Féic na Fian frit aníar ni tim in gním co lá brátha brígach bág méraid hi fán rátha ríg Lánamain contuiled sund ria cath Maigi Tuired tall in ben mór in Dagda dond ní duachnid a n-adba and Cnoc in Máthai .i. Matha Mallcosach iarna guin léir fort a Bruig breccas graig a chnáim ro chorbai in muir dia tá Inber Colbtha cain Sechi bó Boadain búain os gruaid a líac budi bain termond na fían fedeil féig im reid airthir Nemid nair Hi Fertai na Failend fand is and ro maided in glond mór in gnim n-úalle do rind echt Find for fein Lúagni lond Génair inneot mellach mac Cellach ro slat leirg for Lorc bá túalnge trebe rot chacht co n-appad éc n-ualle fort A barc brainech na tor trom tathig trethan trom do dind otha Chremthand Níad co niall bá tú relec na fían find Fintan Feradach fecht fland ro thecht do thalam in trom Tuathal Techtmar tríath ar cland foluing do land lechtach lom Fedelmed Rechtach it rím bá gein glecach fri cech toir nidat écradach hi tír focheil Cond Cétchadach cóir Ni thoracht Art aidble uird immánaig tess luirg for leirg ro gab lige n-uachal n-ard arg na laech i lLúachair Deirg Ní thoracht Cormac cen lén déad na fírinni rod fír ro gab foss os Boind báin forsin tráig ic Ross na Ríg Corpri Liphechair fort lar Fiachra rán Roiptine réil Muridach Tírech din Brí in rí Eochu .i. athair Neil Ní thoracht Niall núal nad gó dirsan dó in rian ro ra iar ndul do Elpa fo secht rofes a lecht áit i tá. Iar sin tánic cretem glan for mag Fáil bes nirbo rom co fail cách i rreilcib nóem dia scarad fri clóen fri col Focheil cúani colma caín a mag Meic in Dagdai déin na dernsat adrad Dé móir andso dóib hi tát hi péin. Iatsom dimbúan tussu búan immótreide cech slúag slán íatsom dosrogáed a mbés tussu fogéba áes án. an .s. Boand bale roglas réil mana sechut la séil sláin cen nindais uí úabrig úaib Senbic a túaim immais áin. an .s. Congalach culli cond fían dían a buille dond a dál is búale rantor co rían is cúane n-ardchon is án. an .s.

Genemain Áeda Sláne inso sís

TEMAIR na ríg is si bá dodgnas díles do cech ríg no gebed Herind. ar ba coitchenn dosom cána &ersir; smachta &ersir; císa fer nErend dó connici sin. Bá coitchenn dano do feraib Herend tíachtain as cech aird co Temraig so chathim fessi Temrach ar cech samain. ar bá híat da comthinól airegda no bítis oc feraib Herend .i. fes Temra cecha samna. ar bá híside caisc na ngente. &ersir; óenach Tailten cech lúgnasaid. Cech smacht i&mmacr; &ersir; cech recht no ortaigtheá ó feraib Herend i nnechtar díb sin ní laimthea a sarugud co tísed áigi na bliadna sin.

Baí trá móráenach mór fecht and hi Talltin la Goedelu. Iss é i&mmacr; ba rí for Erind in tucht sin Díarmait mac Fergusa Cerbeóil. Ro hordaigit trá fir Herend for foradaib ind oenaig .i. cách ar míadaib &ersir; dánaib &ersir; dlestunus and amal bá gnath co ssin. Baí dano forud ar leith ocna mnáib im dá sétig ind ríg Ba híat rígna bátár hi fail Diarmata in tan sin .i. Mairend Máel &ersir; Mugain ingen Chonchraid meic Duach Duind do feraib Muman. Baí tnúth mór oc Mugain fri Mairind. &ersir; asbert Mugain frisin mbancanti dobérad a breth féin di día mbenad a mind oir do chind na rigna. ar is amlaid boí Mairend cen folt conid mind rigna no bid oc foloch a lochta. Tanic trá in bancháinti co airm i mbuí Mairend &ersir; boí oc tothlugud neich furri. Asbert in rígan ná baí acci. Bíaid ocut so or si oc tarraing in catbairr orda día cind. Día ocus Chíaran risside i&mmacr; or Mairend oc tabairt a dá lám mo cend. Ní tharnic i&mmacr; do neoch issin tslúag dercad furri in tan rosiacht áth a da himdad in folt fand flescach forórda ro asair furri tría nert Cíaran. Machthaigit in slog in mírbail &ersir; bá maith leo cen meblugud na rígna. Tuca Dia friss or Mairend .i. fri Mugain corot imdergthar ind i fiadnaisi fer nErend. &ersir; ro firad ón.

Boí Mugain iar sin hi fail Díarmata &ersir; sí amrit. Bá torsech Mugain deside ar ro midair in rí a trécud uli &ersir; dano bá torsi leisi inna mná aile bátár con ríg iatside oc breith clainne .i. Eithne ingen Brenaind Daill do Chonmaicnib Cúli Talad in tinrud. Bá híside máthair Colmain Móir &ersir; Brea ingen Cholmáin meic Nemáin o Dún Súane máthair Colmain Bic. Bá brónach trá Mugain de sin .i. a bith cen mac cen ingin &ersir; in rí ic falmaisi a lecthi.

Dorala Finden Maigi Bili &ersir; epscop Aed mac Bric i mBregaib Tánic in rigan dia saigid &ersir; boi oc etargudi na clérech im fortacht dí. Ro bennach Finden &ersir; epscop Aed usci &ersir; tuc di co n-essib. &ersir; bá torrachsi deside. Iss ed tra roucsi don torrchius sain úan. Am mairgsea deside or Mugain .i. cethir do chompert dam. ar nípam comchirtisea do neoch asa aithli. Ni hed bías and or Finnén. acht bid cosecrad dot broind aní sin .i. intamail ind úain nemlochtaig ro hedprad dar cend in chiniuda dóenna. Ro bennach in clérech daríssi usci di &ersir; bá torrachsi deside &ersir; iss ed ro chompir andside bratán airgdide. Am mairgsea de seo ar si. Is mesti trá damsa ina ndéni a chlérig. úair bid airdairc ic feraib Herend an dá gein sea. &ersir; ním thasa maith di síu. Ni hed bías and or in clérech acht bératsa in mbratan airgdide &ersir; dogenaiter m'ethla lim de &ersir; rot biaso mac dá cind. &ersir; forbéra a bráithriu. &ersir; bid lía rí úad for Érind andás óna maccaib aile. Maith lem or Mugain acht coro comaltar frim na rádi. Comalltar or in clérech.

Dogní iarom Finnen &ersir; epscop Aed beus bennachad na rígna &ersir; bennachad in t⋅il no genfed úadi. &ersir; atnaig usce ina chúach &ersir; atnaig don rígain &ersir; ibis &ersir; fothraicis ass. Ro torrched trá in rígan de sin &ersir; berid mac. &ersir; rop éside Áed Sláne. Maith tra in gen ro compred and .i. Áed Slane. &ersir; at mathi a chland .i. Fir Breg .i. im gart im allud im ordan. im crúas im chána im forlamus. im dírgi im dretlat im thoiderci. im ord im brugas im buci. im gnáis im alaig im sotlotus. Im blad im báig im cridechairi. im cruth im chéill im ergna. im míad im mathius im roithinchi. ar rop é in síthbe óir dar in clár findruini síl Aeda Slani dar Bregmag. Ar cach maith mortheglach mórecarthach do neoch as ulliu cech maith is co Áed Sláne cutrommaigther. Conid do chumnigud in gnima sin &ersir; día thaiscid hi cumni do chách ro chan in senchaid inso .i. Fland Manistrech Mugain ingen Choncraid chain meic Duach don Desmumain ro chren fialgarta cen faill. ben Diarmata meic Cerbaill Cachtsus rosacht ind rigain bá fósalt co fírdígail úair ná tarmaltad a suth co tarmartad a lécud And dolluid ba gialltach gnía úa féig in Fíatach Finnía i n-íath Bregmaige co mblait coár &ndot;degduine co Díarmait dolluid dochum in ríg rúaid cen dochund is cen dimbúaid nábad and bá cathalt blad and rod n-adacht in rígan Ráidis fris ránic a les ní no ícad a ances dia chloí bad gell co nglicce ar baí trell i n-amrite Rodas bennach Finnia féig combad chennach dia cóemréir asa chuch forodail dig don mnaí forrain etrochtgil Íarom ba halacht Mugain slánalt rodá samsubaid co mbert úan nárbo deilm di narbo dúal do deilb duini De ro dubaig dar grúad nglan Mugain maith in morrigan ferr lé a fethim cen claind cirt indá cethir do chompirt Na síreclaig de ar Día ar in fírecnaid Finnía taraill cosecrad do brond in t-úan alaind etrochtoll Iarom bá halacht in ben ropo máralt airmiten hé maccan ro lamnad de bratan algan airgdide Edprais do Finnia fond glan ar in Día día fegfognad a bratan os brí cía pé is maccan dí dia ésse. Dogníth la Findbarr fúaim nglan cumtach dindmall daigfethal ba blatdál cen bron ce pé do bratan mór Mugaine Compert Mugain mó cach claind do mac cóir chubaid Cherbaill iarom os róen rúamach ré in nÁed sáer sluagach Sláné Segait fornert (?) Fótla fía feib dodarairngert Finnía glana glórda im gním ngle clanna móra Mugaine s í seo cen betblaid mbrath cétfaid araile senchad cona ollaltaib cen ail. bá do Chonnachtaib Mugain. Mugain .i.

Tucait innarba na nDessi i mMumain inso &ersir; aided Chormaic

CID dia tá cóechad Cormaic hi Temraig Ni handsa fer amnas ro boí dona Déssib Maigi Breg .i. Óengus Gai buafnech .i. gai nemnech co slabradaib. Teóra slabrada esti triar for cech slabraid. Is airi atberthe Oengus Gai buafnech de .i. dígail gres ceneoil dogníd .i. bale i ndénta fingal ł etualand d'immirt for fannaib ní anedsom so n-indechad. Ruc Cellach mac Cormaic ingin a brátharsom .i. Forrach ingen Soraith .i. meic Artcoirb Is and boi Oengus ic dígail gressi ceneoil i cociud Conacht in tucht sin. Téit Eogan d'insaigid Oengusa. is rochlíamain damsa mac Cormaic a Oengus or se. Dó dotaig ar Óengus ar ní ricubsa co ndernur inní fris tánac. Tanic Oengus matan moch iar sudiu &ersir; sé scíth ocurach iar barbad dremmi ro immir in fingail. co mnaí &ersir; sí a hoenur oc ergnom cota methli. Deoch &ersir; mír dam a ben or se doig am ítmar acurach. Ní hairchisi th'opar or si andá opar in lochta asa cuit seo. Ba scíth lasain mnaí a ndognid Oengus. Olc or si do dán bith oc búadred na Herend &ersir; t'enech d'ácbáil fo bíad. Dochu lim. or si andá dígail saraigthi do brater écnigud óenmná dait. Nos geib ferg &ersir; tomlid na hocht mbargin &ersir; dobeir a dí láim fon mudi &ersir; tocbaid fair &ersir; nir ét in ben a thairmesc. Fecid in ben ocá cháiniud. Tócbaid in derba fair &ersir; dobeir bulli in cend na mná conid romarb. Gebid ferg &ersir; luindi &ersir; tic immach &ersir; tecmait da sleig inna dib lethfoltaib cor scail a folt mo chend.

Luid iar sin do saigid Temrach Atchimsea or in dercaid láech orcnech garb grellíath &ersir; turi rígthigi fria ais &ersir; tarfas dam gné fergi fair. Is é Óengus or Cormac &ersir; tabar d'oid hé. A dalta hi farrad Óengusa .i. Corc Duibni mac Corpri Musc meic Conaire meic Etersceoil ro boiside o feraib Muman i ngiallai fri láim Cormaic I tech nÓengusa ro aithniset fir Muman a ngiall dia airchisecht. Luid didiu Óengus issa rígthech i rrabi Cormac ní tharat i&mmacr; Cellach i n-eslis Oengus. téit co mboí iter Cormac &ersir; fraig. Cid not beir and sin a gilli or Óengus la tabairt forgoba inna bruinni co mboí isin cleith fris anall. Oc tabairt dó in gai a bruinnib in meic taraill brefe na slabraidi dar súil Cormaic co ndernai da leth di ina chind. Co n-ecmaing a hirlond i n-étan ind rechtaire .i. .i. Sétna meic Blaí. co mboí triana chend síar. Immalle dorochratar in mac &ersir; in rechtaire .i. Sétna meic Blaí. &ersir; ro mebaid súil Cormaic &ersir; ní roacht greim fair co rránic a tech. &ersir; ro marb nonbor do churadaib Cormaic oca thofund &ersir; a dalta leiss .i. Corc Duibni &ersir; atrulláeside a giallai.

Ní deochaid dí Cormac hi Temraig ónd uair sin ar ni hada rí co n-anim inti conid i nAchaill .i. áit hi fil Scrín Cholaim Cille indiu ar Themair ro boí. Issin bliadain ar chind dano fúair Cormac aidid hi Tig Cletig.

Doratsat tra na Dessi .uii. catha iar sin do Cormac &ersir; ro mebdatar forsna Desib. Batár tressiu fortlisi fer nÉrend fo deóid la Cormac. Bá maith cid a cenelsom na nDessi .i. cland Fíachach Suigthe meic Fedelmede Rechtada meic Thúathail Techtmair. Oc Dumu Dér iss and celebraisit mná na nDessi do Themraig .i. dera fola ro teilcset ic scarad fri Temraig .i. fría tír &ersir; fria talmain co bráth. I mMaig Inir is and tucsat in cath ndédenach. is inir in cath sa innosse or Cormac. bid ed ainm in maigi co brath Mag nInir. Lotar na Desi iar sin co mbátar oc Ard na nDesi i mMaig Liphi. &ersir; atraigsetar iar sin Lagin do gabail in tíri sin forro di cach leith. Ro bátar iar sin hi cosnam fri Dunlang fri ríg Laigen &ersir; fri ilcenelaib ailib sechnon na Hérend. &ersir; dociuchratar a trénfir &ersir; a laith gaili and. Mór do chathaib tra ro chuir Oengus &ersir; Corc Dubni and sin. Dorochair Oengus and sin i lLaignib fri maccaib Corpri Lifechair .i. Fiacho Srobtine &ersir; Echaid Domlen &ersir; Eocho in chacaid i ndigal Chellig sula Cormaic. Lotár didiu co mbatár i ndesciurt Lagen na Desi .i. i tír aessa na imirgi. Tíagait iar sin for muir aníar oc Miledoch .i. míle tige .i. inde Milidach nóminatur doronsat and.

Lotár iar sin la muir síar co rrancatár Tech nDuind iar ndErind. Sund rom altsa or Corc Duibni atrebom sund .i. Corpri Músc mac Conaire dia tát Muscraigi Muman is é doroni fria derfíair .i. fri Duibind ingin Conaire in tan ro boí i rrigi Muman. Bátár mesaite a torthe. Gó na flatha fótera so or Corpri fingal aní doronus. In fil ní de fil da mac .i. Corc &ersir; Cormac i n-oentairbirt ructha. Ro chorc indala n-aí araile i mbroind a mathar. Loscther or fir Muman conná raib a n-anfíal is tír. Tabar damsa or in druí ro boí isin dunud in Corc ucut cono rucursa a Herind conná raib a n-anfíal and. Doratad dó &ersir; rouc leiss i n-indsi &ersir; a chaillech. Boí a ainm na calligi &ersir; bo find óderg leo. Dobertheá dinech for Corc for druim na bó cacha óenmaitni. A llá sin dano cind bliadna conos lá in bó uadib issin muir co nderna carraic di issind fairrce .i. gentliucht in meic dochóid furri. Bó Boí ainm na cairrce &ersir; Inis Buí ainm na indsi. Tucad in mac iar sin i nHerind afridise. Geib th'ua it ucht a Sárait or Boí fri ingin Cuind Cetchathaig. A Boí. céin bes in cethrur innuae. ł innui cia no charthaso ba lat mac dot ingin mac dot mac.

or Buí. Is and asbert Sárait fri Boí inso .i. fri mummi a meic Mo dá mac nirbo chóir a ngradugud Corpri Músc do dul coa fiair Corpri Niad dom sárugud .i. im marbad Nemid

.i. a sarugud do Chorpri Rigfota im marbad a fir eter a dí láim .i. Nemed mac Srobcind hi cath Grutine oc marbad Ingciuil ro boí for inchaib Nemid co torcratár a nnís i cath Grutine la tri maccu Conaire do dígail a n-athar for Ingcel. hi fail Nemid ro boí a mmáthairseom coro marb Corpri Rigfota eter a dí láim conid de sin ro gabsi in rand. Is é in Corc sin tra dodeóchaid lasna Deise anair. Anaid Corc thess Batar na Desi for fainnel as cach inud na chéli o amsir Chormaic co amsir Óengusa meic Nad Fraich. Asbertatar a ndruid friu conna gebtais fos acht tria ingin ríg Laigen d'ailemain doib. Conid é doratsat Ethni .i. Uathach cucu for altrom b doberthe di combad prapiti no asad E .i. ingen Crimthaind. Tabraid damsa for Oengus do mnaí .i. for ndalta. &ersir; dobersa ferand duib na tinscra .i. ferand rig fíl damsa la Osraige frind andes &ersir; is cet duibsiu a forsingud foraib. Doberar dó ind ingen. Tiagait fodes i mmedon in tíre. acht chena nírb áelid dóib ar buí in slúag forro for cech leth. Is amlaid ro bátár amal mucca eter conaib. In rotach leósom i&mmacr; for cach leth. in cath di cech leith díb cech oenlathi in maidb remibseom for cach leth. Cách fénnid &ersir; cach foglaid dodeochaid asa tir doberedsi ór &ersir; airget dóib ar cungnam risna Désib. Dil mac uí Creca o Druim Díl druí dall di Osraige is uad terchanad forna Deise co mmaided forro. Ingen uallach leis maith lei teglachas. ro gab co Ethne. no aithiged co Ethni. conas taratside dochum fir dona Desib. Noco maith ar noediu or Ethne atá th'athair friar muintir. ni chumgaimsí am ni de or si Eírg damsa or Ethne .i. Uathach &ersir; tabair múin imme dús in dingebad dín. Robad maith a lúag duit. maith ám or si. Luid síar ind ingen co Díl. Can so a ingen or se. ón Chasiul sa atúaid or si. In fir bith duit hi fail na Ethni corpthi sin atúaid. is fir or si. Maith ám or se. Dotidnadso dodeocadsa or sí Pait meda ro gabussa ar bith ós chind cáich. ataifetsa tenid dait tomail co rrucursa do bennachtain. Ibthi didiu co maith. Ataig a díchelta ass iar sudiu. Is olc or se in sathe ro gab duib i cind for tíri .i. na Dessi. Cumma sin or se ragait ass i mmedon laí i mbárach. Atósa ic tarchitul forsin dlaí ucut fil imm asso loiscfidir in Inneóin i mbar biaitseom i nUrd alláthíar co n-acatar a dé. Leicfidir bó mael derg taris síar. nos genat in óengair focichret. ragait ass noco taidlébat a tir se co bráth. Maith or ind ingen cotail in tan bas mithig lat Contule iarom. Berid ind ingen dloí ind assa colleic co ranic Cassel ría matain. atnaig Ethne fades cosin dloí co ranic na Desse. Loiscthir in dloí seo for Ethni &ersir; tabar bó máel derg dun nicon frith in bó. Maith or in druí dona Desib ragatsa i rricht na bó dom guin sair ar sairse ona Dessib dom claind co brath. Dogníther amlaid. Leicthir in bo sair. Is and bátar Osraige i nIndiuin. Cid dogníat na Desse innossa or Dil. Tene do loscud &ersir; bó do lécud forsind áth aníar. Nibo inmain ní ón or se. In fil in dloí isind assa or se. Nád fil or in gilla. Olc ón om or se. Ná gonat ind fir in boin or se nos lécet seco. Nos gonat gilli na n-ech iarna cúl. Cissi gáir seo or se a gilli. Na gilli oc guin na bó. Fe ammae mo carpat dam or se. A hOrd slatir in Indiu o Indeoin co Lainnin. nicon bia tairisium fair. Ba fr ón ro srainset na Desse taris aniar

 Táin bó Cúailnge inso sís.,

TARCOMLÁD slóiged mór la Connachtu .i. la hAilill &ersir; la Meidb &ersir; hetha húaidib cossna tri chóiced aili. &ersir; foíte techta ó Ailill co uii. macu Mágach .i. co hAilill. co Ánlúan. co Moccorb. co Cet. co Én. &ersir; Bascall. &ersir; Dóche .xxx.a cét la cach n-ae. &ersir; co Cormac Cond Lo&ndot;gas mac Conchobair cona thríb cétaib boí for condmuid la ł fó Connachta. tecait uile íarum co mbátar hi Crúachnaib Aí.

Trí luirg didiu do Chormac oc tochím do Crúachnaib. In cetna lorg broitt brecca i forcipul co filliud impu. Fortíi bértha foraib. léini fo thairinnuith cota &ndot;glun &ersir; fotalscéith foraib &ersir; manais lethanglas for crúnd mid⋅ding i lláim cech fir.

In lorg tánaisi broit dubglasa impuside &ersir; lénti co ndercintliud co horcnib sís &ersir; mo&ndot;ga tara cenna síar &ersir; lubne gela foraib &ersir; slega cóicrinné inna lamaib. Ni hé Cormac beus or Médb.

Tic in tres lórc dano broitt chorcra ímpu &ersir; lénte culpatacha fo dérggint⋅dlaid co traigthe &ersir; berthai slechtai co guaille &ersir; crómscéith co faebraib condúala ímpu &ersir; turre rígthige i llaim cach fir. is é Cormac inso hifechtsa or Medb.

Doecmalta dano iarum .iiii. coiced Herend co mbatar hi Crúachnaib Aíi. &ersir; nis téilcset a fáthi &ersir; a nduíd ass sein co cénd cóicthigis oc írnaidi ⋅eóin. Asbert Médb íarum fria haraid a llaa documlásat. Cach óen scaras sund tra indiu ol si fria chóem &ersir; a charait doberat maldachtain fórmsa úair is mé dorinól in slúagad sa. Ansu didiu ol in t-ara co n-imparrá in carpat deisel &ersir; co tí nert in t⋅euin ara tísam ar frithisi

In tan didiu dosoí in t-ara forsin carpat &ersir; lotair do thecht ass. co n-accatár in n-íngin macdacht remib. Folt buidi furri. Bratt brecc impe. Delg n-óir and. Léine culpatach. co nderggint⋅laid ímpe. Da assa co foraíb óir impu. Agad &fdot;ochoel forlethan. Dí broí duba dórchaidi Probatio pennae Mail Muri meic meic Abrait duib daín co mbentaís foscod i mmedón a da gruaide. Indar latt ropo di partaing imdéntai a beóil. Indar lat be fross do nemannaib boí inna bélaib .i. a fíaclai. Teóra trillsi fuirri .i. dí thriliss immo cénd suas. trilis tara haiss síar. co mbenad a da colptha inna díaid. Claideb corthaire do fíndruine inna láim esnaid óir and. Tri meic imlisse cechtar a dá súla. Gaisced lasin n-íngin &ersir; dá ech duba foa cárput.

Cía do chomainmsiu ol Médb frisin n-ingin. Fedelm banfili do Chonnachtaib mo ainmsea or ind ingen. Can dothéig or Medb. A hAlbain iar foglaim filidechta or ind ingen. In fil imbass forósna lat or Médb. Fil écin or ind ingen. Décai dámsa didiu co bbia mo &fdot;echtas. dosnécce ind íngen íarum. Is ánd asbert Médb. A Feidélm ban&fdot;aith co acci .i. cinnas atchí in slúag. Frisgart Fedelm co n-epert. Atchíu fordérg atchíu rúad. ní fír són ém ol Médb. Ar atá Conchobor ina chess i nEmain &ersir; hUlaid imbi co neoch as dech a n-ócc &ersir; ráncatár mo thectasa co tucsat fis scél damsa ass.

Fedélm ban&fdot;áith co acca sluag ol Médb. Atchíu forderg atchíu rúad ol ind íngen. Ni fír són ol Medb ar atá Celtchar mac Guthidir co tríun hUlad imbi i nDún Lethglaisse. &ersir; atá Fergus mac Roeich meic Echdach lenni sund for lo&ndot;gais co .xxx chet imbi.

Fedélm ban&fdot;aith coacca ol Medb. Atchiu fordérg. atchiu ruad ol ind ingen ni baa aní sin tra ol Medb. Ar bit imserga &ersir; círgala &ersir; fuili fordérgga i cach slúag &ersir; i cach thaurchómrac dunaid móir. Déca atheruch dund dano &ersir; abbair a &fdot;ir frind. Feidelm ban&fdot;aith co acca Achíu forderg atchíu ruad ol Fedelm conid and asbert Atchiu fer find firfes cles co lín crechta fora chnis luan láith i n-airthiur a chind óenach mbúada a thulchind Fail .uii. ngemma láith &ndot;gaile for lár a dá imlisse fil fuidrech fora glinni fil leind ndeirg ndrolaig immi Dofil gnúis as grato do dobeir mod don bancureo duni óc is alaind dath dofeith deilb &ndot;dracuin don chath Cosmail innas a gaile fri Coin Culaind Murtheimne nocon &fdot;etar cúich in Cu Culaind asa caini clú acht rofetursa amne is forderg in sluagsa de Atchíu fer mór forsin maig dobeir tres dona slogaib cetri claidbini cles n-an fil i cechtar a da lám Dá gáe bolga immosbeir cenmotha colg det i sleg ardaric imbert dom tslúag sain gnim fris teit cach n-arm úad Fer i cathfochrus bruit deirg dobeir in cosmail cach leirg ardaslig tar fonnad clé cotagoin in ríastarthe delb domárfas fair co se achiu imrochlad a gne Ro gab toscugud don chath mani airlestar bid brath dóich lim iss e dobobsaig Cu Culaind mac Sualdaim Slaidfid for slúagu slana forchiuchra for tiugára fáicfidi leis mili cend ni cheil in ban&fdot;aith Fedelm Snigfid crú a cnesaib curad do láim laich bid lanpudar oirgfid ócu imregat fir do clannaib Dedad meic Sin beit cuirp cerbtha cainfit mná la Coin na certa atchiusa. a.

.r. In luan iar samain is and documlaiset iss ed dollotar sairdes a Crúachnaib Aíi .i. for Muicc Cruimb. for Terloch Teora Crích for Túaim Mona for Cuil Sibrinne .i. Loch Carrcin. &ersir; o Silind ingin Madchair ro ainmniged. for Fid. for Bolga for Coltain for Glúne Gabair for Mag Trego for Tethbai túascirt .i. Capri. for Tethbai descirt for Tíarghechta for Ord for Slaís fadess for Indiuind for Carnd for Ochtrach. for Midi for Findglassa Assail for Deilt. for Delind for Sailig. for Slaibre for Sléchtai selgatar for Cúil Sibrinne for Ochuind fadess for hUatu fathúaid for Dub. for Comur fadess for Tromma for Othromma sair for Slani for Gort Slani for Druim Licce fadess for Áth nGabla Ardachad for Féraind fothúaid for Findabair. for Assi fadess for Drúim Sálfind for Druim Caín for Druim mac nDega for Eódond Mór for Eodond mBec for Methe Tog for Methe nEóin for Druim Cáemtechta for Scuaip for Imscúaip for Cend Ferna for Baile. for Aile for Báil Scena for Dáil Scena for Fertse for Ross Lochad for Sále for Lochmach for Ánmag for Deind for Deilt for Dubglaiss for Fid Mór .i. Trúalli for Colbtha for Crond hi Cualngi

A Findabair Chúalngi is ass fodailte in t⋅lóig Herend fón cóiced do cuingid in tairb. Ár ropo thairsíu sin dochótar céin co ráncatar Findabair. Finit a titulrad incipit in scél iar n-úrd.

 In scél iar n-urd inso sís

O dodeochatár a cétna n-ude a Cruachnaib co mbátár hi Cúil Sibrinne. .i. áit hi fil Loch Carrcin indiu Asbert Medb fria haraid ara n-indled a nóí carpti .i. nonbor cairpthech no bídsi for leith arna salcad dendgur in morsluaig hisi dí coro lád cor isin dúnud co n-accad dús cía lasmboth scíth .i. lasmbad dolig &ersir; lasmboth laind techt in tslogaid.

Focress a phupall colléic for Ailill &ersir; sudigthe a thincur eter choilcthe &ersir; brothracha. Fergus mac Roich didiu for láim Ailello isin phupull. Cormac Cónd Longas mac Conchobair fora láim sidi. Conall Cernach fora laim side. Fiacha mac Fir Febe fora láim side fora laim sidi Flidais mac ingine Conchobair. Medb ingen Echach Fedlig fora láim aili do Alill. Findabair ingen Ailella &ersir; Medbi fora laim sidi. cenmothá fossu &ersir; timthirthidi insin.

Tic Medb iar ndescin in tslóig &ersir; asbert ba n-espa do chách dul in tslógaid dían teset in .xxx. cét Galión. Ced ara tansi na firu or Ailill. Ni dá tánsem dam ol Medb it ána ind óic. In tan ro mboí cách oc gním a sosta ro scáig dóibseom tuga a sosta &ersir; fune a mbíd. In tan ro mboí cách oc praind ro scáig praind dóibseom hi suidiu. &ersir; ro bbátár a cruti ocaó n-airfitiud. Is espa .i. is feles didiu ol Medb a techt is foraib bíaid búaid in tslóig. Is airiund arbáget dano or Ailill. Ni regat lend ol Medb. Anat didiu ol Ailill. Nách ainfet dano ol Medb. Ficfit fornd iar tíachtain ol si &ersir; gébtaít ar tír frind. Ceist cid dogéntar fríu or Ailill innách maith a n-anad nách a techt A nguin ol Medb. ní chélam as banchomarle or Ailill. ní maith a n-asbir. La sanais ón ol Fergus ní maricfe úair is áes comchotaig dúinni nar nUltaib acht ma non gontar uli. Cid ed ón dorigenmaísní ro fetfaimmais a denom ol Medb. Ár atúsa sund mo sainteglach díb tríchtaib cét ol si. &ersir; atát na .uii. Mane .i. mo secht meic .uii. tríchait chét cotaroí a toccad ol si .i. Mane Mathramail &ersir; Mane Athramail &ersir; Mane Morgor &ersir; Mane Mingor &ersir; Mane Moepirt .i. iss eside Mani Milscothach Mane Andóe. &ersir; Mande Cotageib Ule. Is eside tuc cruth a máthar &ersir; a athar. &ersir; a n-ordan dib línaib. Nipá fír són ol Fergus. Atát .uii. ríg sund din Mumu &ersir; xxx.a cét la cech n-ae comchotach dúinni nar nUltaib. Dobérsa cath duit ol Fergus for lár in dúnaid hi tam cosna .uii. trichtaib cét sin &ersir; com thrichait chét fadéin &ersir; co tríchait chét na nGalión Acht ni thacersa aní sin ol Fergus. Arlifimni na hócu chena conná gébat forsin tslóg. Secht .xxx. chét deac lenni ol Fergus. iss é lín ar ndúnaid cenmothá ar ndaescorslúag &ersir; ar mná. Ar itá a rigan la cach ríg sund hi comaitecht Medba &ersir; cenmothá ar maccáemu. Iss e in t-ochtmd .xxx. chét déac inso .i. xxx. cét na nGalión. Fodailter fón slóg ule. Cumma lem ol Medb acht na robat isin chaír chomraic i taat. Is ed dognith and iarom fodailte in Galióin fon slóg.

Dollotár ass arna bárach do Móin Choíltrae dosnáirthet ocht fichit oss n-allaid and i n-óenalaim. Cúartait impu nos gonat íarom. Nách airm thrá i mbuí fer donaib Galionaib is hé arddaánaic. acht .u. oss arránic in slóg ule diib. Dotháegat iar sudiu i mMag Trego &ersir; scurit and &ersir; arfognat doib. Asberatsom is and sin ro gab Dubthach in laíd seo.

.r.

Atmaid nád chúalaid co sse costecht fri tress nDubthaige slúagad n-ímdub arubtha fri Findbend mna Ailellá. Doficfe in slúagadach gébas ar cend éte Murthemne. ibait fíaich lúgbairt lacht di gnáis inna muccaide. Gébaid Crann fóitech friíthu nís léicfe i Murthemniu con roisc opair fer Féne isin tsléib túad Ochaíni Crib ol Ailill fri Cormac taít co comsaiged far mac ní tháet di maigib in búair nach robda fuam in tslúaig Bid cath inso iarsind úair la Meibd co tríun im tslúaig bíait colnai de iné de dianub thí in ríastarthé.

Dosfóbair thrá ind Némain .i. in Badb la sodain &ersir; nip sí sin adaig bá sámam dóib la budris ind athig .i. Dubthaig triana chotlud. Foscerdat inna buidne fo chétóir &ersir; fochérd dírna mór din tslóg coluid Mebd día chosc. Dothíagat iarom co féotár i nGránairud Tethba .i. Gránard indiu túascirt. Iar tabairt imthúsa fordallaig forsin slúag dar grellacha &ersir; dar srutha.

Dobreth robud o Fergus i suidiu co Ultu ar chondalbi bátirsidé hi cess calléic acht Cu Chulaind &ersir; a athair .i. Sualtaim. Dolluid Cú Culaind &ersir; a athair íar ríachtain ind robaid o Fergus co mbátár i nIraird Cuillend .i. Crossa Caíli oc frecomét in tslúaig and. Atta menma in tslóig ocom innocht ol Cu Chulaind fri athair. Orthá .i. eirg úan co rrobud do Ultaib. isim écensa techt i ndáil Fedelmae Noíchride .i. i ndáil a hinailte boí i comair Con Culaind i ndormainecht .i. fó chlith dim glinniu fadein dochóid friae. Dogní id n-erchomail iarom ría techt &ersir; scribais ogum inna menoc &ersir; focheird im úachtar in corthe.

Dobreth didiu tuus na conaire do Fergus ríasin slúag Luid Fergus didiu fordul mór fadess co fórsed do Ultaib terchomrac slóig ar chondailbi doróniseom sin. Arigthi Ailill &ersir; Medb ba and asbert Medb A Ferguis is andam amne. cinnas conaire cingme. fordul fadess no fothúaid tiagmai tar cach n-ailetúaith. Atotágathar dia mbrath Ailill Aie lía slúagad. ni tharat menmain co se do thús inna conaire. Maso chondalbi dogní na tuíd inna echraidí. bés adchotar nech aile do thosach na conaire. ro recair Fergus. A Medb cid not medraisiu ni cosmail fri mrath inse. is la hUltu a ben trá a tír tar&ndot;dotuidisa. Ní ar amlessaib in tslúaig tíagu cech fordul a húair. do imgabail in mórgeine immandig Mag Murthemne. Ní arná corad mo chiall arna fordulu no tíag. dús in rimgaib ced iar táin Coin Culaind mac Sualtaim.

Tecait trá co mbátár i nIraird Chuillend. .i. is fris atberar Crossa Cail indiu Eirr &ersir; Inell. Foich &ersir; Fochlam a nda ara. Cethri meic Iraird meic Ánchinne ł cethri meic Nera meic Núado meic Taccain ut in alis libris inuenitur. It esidé no bitis remain resin slog do imdidnad a mbretnas &ersir; a fortcha &ersir; a mbrat ar nácha salchad dendgor in dírma. Fogabatside in n-id focheird Cú Culaind. &ersir; arigsitár .i. atconcotár in geilt geltatár ind eich. Ar geltatar dá ech Sualtaim a fér cona bun a talam. Lelgatár .i. lomraiset i&mmacr; da ech Con Culaind in n-úir co rrici na clocha i ndegaid ind feúir. sudit íarom co tánic in slóg &ersir; aruspettet .i. sennit a n-áes ciuil. Dosberat i lláim Fergusa meic Róich in n-id arlégaside in n-ogum boí isind id. Asbert Medb iar tíachtain cid frisin n-anaid and anmai or Fergus frisin n-id n-ucut atá ogum inna menuc &ersir; iss ed fil and ná tíagar secha co n-étar fer ro laa id samlaid cona óenláim &ersir; óen⋅lat día tá &ersir; friscuriur mo phopa Fergus. Fír ol Fergus Cu Chulaind rod la &ersir; it é a eich geltatar in mag so. &ersir; dambeir i llaim in druad &ersir; cachain Fergus in laid so sís. Id inso ced sloindnes dún ind id cía fo tá a rún cía lín ro lá insé inn úated nó in sochaide In dene erchóit don ⋅lúag má docoiset ude n-úad finnaid a druide ní ar sin cid frisi farcbad in t-id in drui dixit Crephnas churad caur rod lá lán aingces for erreda astúd rurech ferg i ndá óenfer co n-óenlaim ro lá ł feirg i ndáil ro lá oenfer co n-óenláim in nách día réir slúag ind ríg inge máro choilled fír conid ro lá uaib nammá óenfer amal fer ro lá nocon &fdot;etur acht isin ní frisi corthe in t-id. id inso .c.s.

Asbert Fergus íarom friu má saraigthe in n-id-se ol se nó má thíastá secha cia beith i lláim duni no i taig fó glas ricfe i ndead ind fir ro scríb in n-ogum n-ind. &ersir; genaidside guin dune díb ría mmatain mani laa nech úaib id samlaid. Ní háil dúinni ém guin dune dín fó chétóir ol Ailill. Regmai for muncind ind feda móir ucut frind andes. &ersir; ni ragam tairiseom eter. Ra selgatár na budni iarom in fid resna carptib. Iss ed ainm in puirt sin Slechta. Is and atá Partraige. Mad íar n-arailib i&mmacr; dorala and so imacallaim eter Medb &ersir; Fedelm banfáith amal ro innisimar remoind. &ersir; danois iarsind frecra do ratsi for Medb ro slechtad in fid .i. deca dam or Medb co bia mo fechtas. is anso dam or ind ingen níro láim súil toraib isind fid. Is ar bías ón or Medb silsimini in fid. dognither dano ani sin. conid sed ainm in puirt sin Slechta. Feotár iarom i Cúil Sibrille .i. Cennannas ferais snechta mór forru co fernnu fer &ersir; co drochu carpat.

Bá moch a mmatan arna bárach do érgiu nirbo hí sin adaig ropa sám dóib lasin snechta &ersir; ní airgénsat bíada dóib ind adaig sin. Nipo moch didiu dolluid Cú Chulaind asa bandáil. anais co foilc &ersir; co fothraic. Dotháet iarom for lorg in tslóig. Ní má lodmar dó ol Cu Chulaind ná mertamar Ultu ro léicsem slóg forru cen air&fdot;ius Cure airdmius dún tarsin slóg ol Cú Culaind fri Lóeg co fessammar lín in t⋅lóig. Dogní Lóeg aní sin &ersir; asbeir fri Coin Culaind. is mesc limsa ol se aní siu ni ermaisim. Nípá mesc atchíu acht co risa ol Cu Culaind. tair isin carpat didiu or Láeg. Tic Cú Culaind isin carpat &ersir; focheird airdmius forsin lorg iar céin móir. Cid tussu. or Láeg ní réid fort. Is assu ém damsa ol Cu Chulaind oldás daitsiu. air itát tri búada formsa .i. búaid roisc &ersir; intliuchta &ersir; airdmessa. ro láosa didiu tra ol se fomus forsaní sin Is sí seo in tres árim is glicu &ersir; is dolgiu dorigned i nHerind .i. árim Con Culaind for feraib Herend ár Tána .&ersir; árim Loga for sluag Fomórach ar Cath Maige Tured. &ersir; árim Ingciúil for slóg Bruidni Da Dergae. Ochtricait chét deac inso ol se ara rím acht forodlad in t-ochtmad .xxx. chet deac fón slóg n-ule conid mesc fria rím .i. xxx. chét na nGalión

Dolluid Cu Chulaind iarom timchell in tslóig co mboí oc Áth Grena benaid gabail i sudiu óenbéim cona claidiub &ersir; saidsíus for medón na glassi cona díchtheth carpat friae di síu nách anall. Dofuircet oco Eirr &ersir; Inell Fóich &ersir; Fóchlam a nda ara. Benaidsom a cethri cinnu díb &ersir; focheird for cethora benna na gabla. Is de atá Ath nGabla. .i. oc Beloch Caille Móre fri Cnogba atúaid

Tiagait íarom eich in cethrair i n-agid in tslóig. &ersir; a fortchai forderga foraib indar leó bá cath boí ara cind isind áth Dothéit buden úadib do déscin ind átha ni acatár ní and acht slicht ind óencharpait. &ersir; in gabul cosna cethri cinnu. &ersir; ainm ogaim íarna scribend ina tóeb Ric in slúag uli la sodain. In diar muintirni na cenna ucut ol Medb. Is diar muintirni ón &ersir; is díar forclidib or Ailill. Ardléga fer díb in n-ogum ro boí i tóeb na gabla .i. óenfer rod lá in gabuil cona óenláim &ersir; ní théssid secce conda rala nech úaib co n-áenláim cenmothá Fergus Is machtad ol Ailill a thraite ro bíth in cethror. Nápad ed bas machdad lat ol Fergus bád béim na gabla di bun óenbéim &ersir; mássu óenleód a bun is crichidiu de &ersir; a intádud in tucht sa ol ní claide ro clas rempe &ersir; is a íarthur carpait ro lád co n-óenláim. Dingaib dind in n-ecin seo a Fergus ol Medb. Tucaid carpat damsa trá ol Fergus conda tucsa ass. co ndercaiss inn óenleód a bun brissis Fergus iarom cethri carptiu déac día charptib. combo assa charput fessin dosbert a talmain co n-aca ba hoenleód a bun. Is tabartha do airi ol Ailill indass in ceniuil cosa tíagam. Érgnad cách úaib a bíad. Nírbo sám dóib irraír lasin snechta &ersir; innister dún ní do imtechtaib &ersir; airscélaib in ceniuil cosa tíagam.

Is and sin trá adfessa dóib imtechta Con Culaind. Imcomarc Ailill iarom inn é Conchobar dorigni seo. Nach hé ol Fergus ni tergadside co hor críche cen lín catha immi. Ceist inn é Celtchar mac Uthidir. Nách hé ní thargadside co hor críche cen lín catha imbi. Ceist inn é Eógan mac Durtacht. Nach hé ol Fergus ni thargadside tar or cococriche cen tríchait carpat n-imrind imme. Is é fer dogenad in gním ol Fergus Cu Chulaind. Is é no benfad a crand óenbémim di bun &ersir; no génad in cethrur ucut hi prapi ro mbíthá &ersir; doragad dochom críche &ersir; a ara.

 Inna formolta inso sís

Cinnas fir or Ailill in Cú rochúalammár la hUltu. Cia háes in gillai sin is irdairc. Ni handsa ém ol Fergus inna .u. bliadain luid dia cluchiu cosin macraid do Emain Machi. Issin t⋅essed bliadain luid do foglaim gaiscid &ersir; chless la Scáthaig. Obicitur Tochmarc Emire de so. Isin tsechtmad bliadain gabais gaisced. Isin tsechtmad bliadain déc a áes ind inbaid sea. Inn é sin as andsam fil la Ultu ol Medb. For cach n-aí ém ol Fergus ni fairgébasu ar do cind láech bas andsu. ná rind bas áigthidiu ná bas altnidi ná bas athlaimi nó láth bas luinniu. ná fíach bas feólchairiu. ná comlond a áesa ródsá co trían. ná léo bas feocru ná cláriud comlaind. na hórd esorcthe ná comla ergaile. ná bráth for buidne. ná ergaire mórslúaig bas inraici. Ní fuircébasu and fer rosasad a áes. &ersir; a ás. &ersir; a erriud. &ersir; a erúath. a erlabra. a áinius. a irdarcus. a guth. a cruth. a chumachta. a crúas. a chless. a gaisced. a béim. a bruth. a barand. a búaid. a brath. a búadrisi. a &fdot;oraim. a fómsigi. a fíanchoscur. a déni. a tarptigi. a decrad. co cliuss nonbair for cach rind amal Choin Culaind.

Ní dénaimsea baa de sin ol Medb. I n-óenchorp ataside. fodaim guin. ní mou gabáil. lasanní is áes ingini macdacht insin &ersir; ní thángatár a fergnima beus. Ni ar ni són ol Fergus. nibo machdad dagním do dénam dossom indiu. ar cid in tan ba soosom batír ferdai a gníma.

 Na macgnímrada inso sís

Altasom ém ol Fergus la mathair &ersir; la athair ocond dairggdig i mMaig Murthemne. Adfessa dó airscéla na macraide i nEmain. ár bíit trí chóecait mac and ol Fergus oc cluchiu. Is amlaid domel Conchobar a flaith. trían ind laí oc déscin na macraide. A trian n-aill oc imbirt fidchille. A trian n-aill oc ól chorma conid gaib cotlad de. Cia bemni for longais ní fil in nÉre óclaig bas amru ol Fergus.

Gudid Cú Culaind día máthair didiu a lécud dochom na macraide. Ní rega ol a mathair condit roib cáemtecht di ánrodaib Ulad. Rochían limsa anad fri sodain ol Cu Chulaind. Incoiscsiu damsa ced leth atá Emain. Fathúaid amne ol a mathair &ersir; is doraid a n-ude ol si atá Slíab Fúait etruib. Dobér indass fair ol Cu Chulaind amim

Teit ass iarom &ersir; a scíath slissen laiss &ersir; a bunsach &ersir; a lorg áne &ersir; a líatrait. Focherded a bunsach ríam conda gebed ar loss resíu dorótsad a bun for lár Téit cosna maccu iarom cen naidm a fóesama forru. ár ní théged nech cucu ina cluchimag co n-arnastá a &fdot;óesam. Ni fitirsom aní sin. .i. in ges boí foraib Non saraigedar in mac ol Follomon mac Conchobair sech rafetamár is di Ultaib dó. Arguntís do benaid foo. Focherdat a trí cóecta bunsach fair &ersir; arsisetar isin scíath slissen uli lesseom. Focherdat dano a líathróite uli fairseom. &ersir; nos gaibseom cech óenliathróit ina ucht. Focherdatdano an tri .lll. lórg ána fair araclichsom conach ráncatár hé &ersir; gabais airbir díib fria aiss. Ríastartha immiseom i sudiu indar lat ba tinnarcan asnort cach foltne ina chend lasa comérge conérracht. Indar lat bá hoíbell tened boí for cach óenfinnu. Iadais indara súil connárbo lethiu indás cró snáthaiti Asóilgg alaile combo móir béolu midchúaich Doérig día glainíni co rici a hou. Asoilg a beólu coa inairddriuch combo ecna a inchroes. Atreacht in lúan láith assa mulluch. Benaid fona maccu iarom. Doscara .l. mac diib síu ristaís dorus nEmna. Forrumai nonbor díib thoromsa &ersir; Conchobar bámár oc imbirt fidchille. Lingidsom dano tarsin fidchill i ndegaid ind nónbair. Gaibid Conchobar a rig. Ní maith airrailter in macrad ol Conchobar. Deithbir damsa a popa Chonchobair ol se. Dosroacht do chluchiu óm thaig óm mathair &ersir; ómm athair. &ersir; ní maith ro mbatar frim. Cia th'ainmseo ol Chonchobar. Setanta mac Sualtaim atomchomnaicse. &ersir; mac Dechtere do phetharsu. Níba dóig mo chonpére sund. Ced náro nass do foessamsu dano forsna maccu ol Conchobar. Ní fetarsa aní sin ol Cú Culaind. Gaib it láim mo fóesom airtho didiu. Atmu ol Conchobar. La sodain doellasom forsin macraid sethnón in taige. Ced taí dano dóib innossa ol Conchobar. Coro nastar a foesom formsa dano ol Cu Chulaind. Gaib it láim didiu ol Conchobar. Atmu ol Cu Chulaind, Lotár uli isa cluchemaig iarom &ersir; atarachtatár in maic hí ro slassa and. Fosráthatar a mummi &ersir; a n.aiti.

Fecht n-and dano or Fergus in tan bá gilla ní chotlad i nEmain Macha co matain inndis dam ol Conchobar fris cid ná cotlai. Ní dénaim or Cu Culaind cen chomard frim chend &ersir; frim chossa. Dobreth iarom la Conchobar coirthe fria chend &ersir; araile fria cossa. &ersir; dogníth imdai fo leith dó etarro.

Luid in fecht n-aile dano araile fer día duscudsom co mbensom dia durnd ina étan co rruc tulchlár ind étain co mboí forsind inchind &ersir; cor thrascair in corthe cá rigid. Rofes or Ailill robbó dornd niad &ersir; ropo rig rúanada. O sin trá ol Fergus ní laimthesom do dúscud co ndusced a óenur.

 Aided na maccraide inso

Baí in fecht aile dano oc áni líatraiti i mmaig in cluche fri Emain anair Do leith dano dó a óenur frisna tri cóectu mac conbóing airthiu. iarom cach cluchiu ind indas sin caidche. Gabait in gillai oc sudiu imbirt a dornd foraib conid apad .l. mac díib. Téit for teched la sodain co mboí fo adurt imdai Conchobair conerget Ulaid imbi conergimse &ersir; Conchobar laisseom. Conerigsom fón imdaí dano co corastar de in n-imdaí cosin .xxx. láth ngaile ro boí indi co mboí for lár in tigi. Sedait Ulaid imbi la sodain isin tig. Córaigmitni iarom or Fergus &ersir; sídaígmít in macraid friseom iar sin.

 Cath Eógain meic Derthacht do Concobar inso.

Boí imnisse chatha eter Ultu &ersir; Eogan mac nDurtacht. Tíagait Ulaid don chath. Facabarsom inna chotlud. Maiti for Ultu Facabar Conchobar &ersir; Cuscraid Mend Macha &ersir; sochaide mór olchena. Dofúsciseom a ngol. Sínithi iarom co memdatar in a liic ro batár immi. Hi fíadnaise Bricriu ucut dorónad ol Fergus. Atraig la sodain. Cotricimse fris i ndorus ind lis. &ersir; mé athgaíte. Fuit Dia do bethu a popa Fergus ol se. Cáte Concobar. ni etarsa ol mé. Teit ass iarom. Ba dorcha ind adaig. Fóbair a n-armach. Co n-acca ara chind in fer &ersir; leth a chind fair. &ersir; leth fir aile fora muin. Congna lem a Chú Chulaind ol se rom bíth &ersir; tucus leth mo bráthar ar mo muin beir síst lim. Ni bér or se. La sodain focheírt in n-aire dó. Focheirdsom de. Immasínithar dóib. Doscarthar Cu Culaind. Cu cuala ní in boidb dinib collaib. Olc damnae laích fil and fo chossaib aurddrag. La sodain fónérig Cu Chulaind &ersir; bennaid a cend de cosind luirg áne &ersir; gabaid imman liathraite riam dar in mag. In fail mo phopa Conchobar isind ármaig se frisgairside dó. Téit chuci conid n-acca issin clud &ersir; ro boí ind úir imbi do cach leth día diclith. Cid día tánac isin n-ármag ol Conchobar co ndeochais uathbás and. Tanócaib asin chlud la sodain ni thurcébad sesser linni di trenferaib Ulad ní bad chalma. Tair reond don tig ucut ar Conchobar díanom thísad mucc fonaithe robadam béo. Ragsa conda tuc ar Cu Culaind. Téit ass iarom co n-accai in fer ocond &fdot;ulucht i mmedón ind feda indara lam dó cona gaisciud inti ind lám n-aill oc funi in tuircc. Ba mór a úathmaire ind fir fanópairsom arapa &ersir; dobeir a chend &ersir; a muicc laiss. Loingid Conchobar iar sin in torc. Tíagam díar tig or Concobar. Condrecat fri Cúscraid mac Conchobair. Bátár dano tromgona fairside dobeir Cú Chulaind fora muin. Dollotár iarom a tríur co hEmain Macha.

 Aided na tri nonbor inso &ersir; in fath arna laimthé a nguin ina cess.

Fecht aile dano bátár Ulaid inna noendin. Ní boí noenden linni iarom for Fergus for mnaíb &ersir; maccaib nách for neoch bís fri crích nUlad anechtair nach for Coin Culaind &ersir; fora athair. &ersir; ane ní lamar fuligud forrosom. Ar conscescing in cess for intí nod goin. ł a meth ł a garséle. Tonnecat tri nónbor a hinsib Faíche lottar for in n-íarless tan bamár inar noendin. Égit in bantrocht isind liss. Boí in macrad i mmaig in cluchi. Doíagatside fóna hegme amal atchoncatár in macrad na firu duba duabsecha. Tíagait ar teched ule acht Cu Culaind a óenur. Imbertside na lamlecca foraib &ersir; a luirg áne foraib. Marbaid nonbor diib &ersir; facbait .l. cned fairseom &ersir; documlat ass iarom olchena. Fer dorigni inna gnima sin inraptar lán a cóic bliadna nirbo machthad ce na thísed co hor cocríchi &ersir; ce no eisged a cinnu don chetror ucut.

 Aided con na cerda inso la CoinCulaind &ersir; aní día fil Cu Chulaind fairseom

Rafetammár ém in gilla sin ol Conall Cernach &ersir; ní messaite fria fis is dalta dún. Nípu chían iarsin gním adchúaid Fergus indossa co ndernasom bét n-aile. Dia forgéni Cauland cerdd oegidacht co Conchobur asbert Cauland iarom nábad sochaide no bertha chucai áir nípu du thír na ferund dó a fuirec dorigni acht do thorud a dá lám &ersir; a tharnguir. Luid Conchobar iarom &ersir; .l. cairptech imbi do neoch ba sruthem &ersir; ba haeregdu inna caurad.

Adell Conchobar laiss iarom a cluchemag. Ba bés dano dó do grés a n-adall &ersir; a tadall oc techt &ersir; oc tuidecht do chuingid a bennachda cosna maccu. Co n-accai iarom Coin Culaind oc áin líathroti frisna trí cóectu mac &ersir; birt a ráena forru. In tan ba háin phuill dog nitis. no linadsom in poll dia liathrotib &ersir; ni chumcaitis in meic a ersclaige. In tan batir heseom ule dobictis in poll arachlichedsom a óenur conná téged cid óenlíathróit ind. In tan bá n-imtrascrad dognítís dorascradsom na tri .l. mac a oenur. &ersir; ni chomraiced imbiseom lín a trascartha. In tan dano bá n-imdírech dognítis dosnergedsom uli co mbítís tornochta. &ersir; nocon ructaísseom i&mmacr; cid a delg asa brotsom nammá.

Ba hamra la Concobar aní sind. Asbertsíde in etarbíad a gnímu acht tised dóib co áes ferdatad. Asbert cách etardabíad. Asbeir Concobar fri CoinCulaind. Tair lem ol se dond fleid día tíagom dáig ot áegi. Nimda sátech dom cluchi béos a bobba Chonchobair ol in gilla ragatsa in far ndíaid.

O ráncatár uli iarom dond &fdot;leid. Asbert Cauland fri Concobar in frithalid nech infar &ndot;díaid ol se. Náthó ol Conchobar. nírbo chuman laiss dal a daltai inna díaid. Atá árchú .i. cú doratad dar muir .i. cuilen brotcon. lemsa ol Culand. tri slabrada fair &ersir; triar cacha slabraide. A hEspáin dosfucad. Leicther de dáig ar n-indili &ersir; ar cetra &ersir; duntar in less.

Tic in gilla fo sodain. Fónópair in cú. Nos fethedsom a cluche colleic. Focherded a líathróit &ersir; focherded a loirg ina díaid com mbenad in liathroit. Níbo moo in band oldas a chéle &ersir; focheird a bunsaid inna ndíaid conda gebed re totim. &ersir; niro tairmesc a cluchi immi. ce ro boí in cú oca ascnam. Torbaís Conchobar &ersir; a muinter aní sin connarbo etir leo a ngluasacht indar léo ni faircbitís i mbethaid ara cind cid ersloicthe in less. In tan didiu dolluid in cú chucaiseom focheirdseom úad a líathróit &ersir; a loirg. &ersir; frisíndle in coin cona díb lámaib .i. dobeir indara láim dó fri ubull bragat in chon. Dobeir araile fria chúl bentai frisin corthe inna farrad co sescaind cach ball de a lethe. Mad iar n-arailiu i&mmacr; is a líatróit ro lásom inna beolu co rruc a inathar thrít.

Comérgit Ulaid ara ammus. araill dib for less. araill for dorus liss. Damberat i n-ucht Conchobair. Fochertar armgrith mór leo .i. mac sethar ind ríg di folmaisiu a báis. Dothéit Culand issa tech la sodain. Sengallócclach dimór do bhi ag Ó Dómnaill .i. Ó Cuirrin iss é fuair Tobar I Chuirrin a nDun na nGall Fo chen duit a maccain fo déig cridi do máthar Messe i&mmacr; ní mád airgénus fleid. Is bethu immudu &ersir; is trebad immaig mo trebad i ndegaid mo chon. nirbo é in tres cú ro boí i n-inchind Congánchnis in cú sin amal is cétfaid do foirind. ar is do dígail Con Roí for Ultaib dodeochaid Conganchnes &ersir; fota a haithli na Táná cid hesidé &ersir; hi cind a secht mbliadna ro marbsom (.i. Cu Chulaind) coin na cerda. Conid bréc amlaid sin cétfaid na fairni út ar is a hEspain tucad cú na cerda amal innister hi curp in sceoil., Conággaib ainech &ersir; anmain damsa ol se in fer muintire ruccad úaim .i. mo chú. Robo dín &ersir; ditiu diar feib &ersir; ar n-indili. Ropo imdegail cacha slabra dún eter mag &ersir; tech. Ni mór bríg ol in gilla ébéltair culén din chúani chétna lemsa duit &ersir; bíam cúsa do imdegail do chethra &ersir; dot imdegail féin colléic cor ása in cú hísin &ersir; corop ingníma. &ersir; imdíusa Mag Murthemne uile noco mberthar uaimse eit na halma ass manip aúrderg limsa. Bid Cú Culaind t'ainmsiu íarom or Cáthbad. Maith lem cid ed mo ainm ol Cú Fer dorigni sin amdar lána a .ui. bliadna nipu machdad cé doronadside dagním ind inbuid sea in tan ata lána a secht mbliadna déc ol Conall Cernach.

 Aided tri mac Nechta Sceni inso sís.

Dogéni fecht aile dano ol Fiacha mac Fir Febe. Boí Cathbad druí hi fail a meic .i. Conchobair meic Nessa. Cet fer ndéinmech dó oc foglaim druidechta úad is é lín doninchoisced Cathbad. Íarmifoacht araili dia felmaccaim do sudiu cid díambad maith a llá sa. Asbert Cathbud ócláech no gébad gaisced and forbíad a ainm Herind co bráth ar gním gascid &ersir; no mertaís a airscéla ca brath. Rochlunethar Cu Chulaind aní sin. Dothéit co Conchobar do chuingid gascid. Asbeir Conchobar cía dorinchoisc duit. Mo pobba Cathbath ol Cu Chulaind. Rofetammar ém ol Concobar. Dobeir gai &ersir; scíath dó. Bertaigthus for lár in taige conna ternó ní dona .u. gaiscedaib déc no bitís di imforcraid hi tegluch Conchobair fri maidm n-airm no fri gabáil ngasced do neoch. Co tardad dó gaisced Conchobair féin. Falloingside i&mmacr; eseom &ersir; bertaigthi hé &ersir; bennachais in ríg bá gaisced &ersir; asbert céin mair túaith &ersir; cenel díanid rí in fer assa harm so. Dafic iarom Cathbad chucu &ersir; asbeir in gaisced gebes in gilla or Cathbad. ed ol Conchobar. Ní sirsan do mac a máthar ém ol se. Ced ón nách tussu ém donarchossaig ol Conchobar. Nách mé écin ol Cathbad. Cid dochana (?) duit in bréc do imbirt form a siriti ol Conchobar fri CoinCulaind. A rí Féne ní bréc ol Cú Chulaind. Is hé dorinchoisc dia felmacaib i mbúaruch &ersir; rachúalasa fri hEmain andess &ersir; dedeochadsa chucutsu iarom. Is maith ane in laa ol Cathbad is glé bid airdairc &ersir; bid animgnaid intí gebas gaisced and acht bid duthain nammá. Amra brigi són ol Cu Chulaind acht ropa airdercsa. maith lim cen co beind acht óenlá for domun.

A lláa n-aile imchomairc araile fer dona druídib cid díambo maith a lla sin. Nech no ragad hi carpat and for Cathbad forbíad a ainm Herind co bráth. Roclunithar iarom Cu Culaind sin. Dothetside co Conchobar co n-epert fris a popa Chonchobair ol se carpat damsa Dobeirsíde carpat dó. Forrurim a láim eter di fertais in carpait co mmebaid in carpat. Brissis in dá carpat deac in cruth sin. Doberar dó iarom carpat Conchobair. Foloingside heseom Téit isin carpat iar sudiu &ersir; ara Conchobair leiss. Imsoí in t-ara .i. Ibor a ainm side in carpat foíseom. Tair isin charpat fechtsa ol in t-ara. It cóema na heich am cóemsa dano a maccán ol Cu Chulaind. Tair ríun timchell nEmna nammá &ersir; rot bía a lúag airi. Téit ón dano in t-ara &ersir; cotnéicnigidar Cu Chulaind iar sudiu co dairled forsin slige do chelebrad dona maccaib &ersir; condam bennachtaís in meic. Gáid dó dano co tairled in sligid dorísi o tháncatár ón dano asbert Cu Chulaind frisin n-araid indaig brot forsin n-echraid trá ol se. Ced leth ón ol in t-ara céin adindain in tslige or Cu Chulaind. Tecait di sudiu co Slíab Fuait forreccat Conall Cernach and. Do Chonall dano dorala imdegail in chóicid a llá sin fo bíth no bíid cach láth gaile do Ultaib a laa hi Sleib Fúait fri snádud neich dothíssad co n-airchetul ł do chomroc fri fer combad and sin condrístá fris arná teised nech dochum nEmna cen rathugud. Do sónmigi sin tra or Conall. Rob do búaid &ersir; choscor. Eirgsiu trá a Chonaill don dún &ersir; rom leicsea oc forairiri sund colléic or Cu Chulaind. Bid lór són or Conall mad fri snádud neich co n-airchethul. Mád do chomruc fri fer i&mmacr; is rom són daitsiu co se beus. Bés nípu hécen ón etir ol Cu Chulaind. Tíagam etarphort ol Cu Chulaind do déscin úan for fertais Locha Echtra. Is gnath airiseom óc féne and. Is maith lim or Conall. Tíagait ass íarom. Focheirdseom cloich asa thábaill co mmebaid fertas carpait Conaill Chernaig. Cid frisind rolais in cloich a maccain or Conall do phromad mo lám &ersir; dírge mo urchair or Cu Chulaind. &ersir; is bés duibsi far nUltaib ní réidid tar églindneAircsiu do Emain aridisi a phopa Conaill &ersir; rom leicse sund oc forairi. Maith lim dano or Conall. ni dechaid Conall Cernach sech in magin iar sudiu. Teit Cú Chulaind ass íarom do Loch Echtra. &ersir; ni fuaratar nech and ara chiund. asbert in t-ara fri Coin Culaind ara n-urthaítís do Emain co társitís ól and. Acc ol Cu Chulaind. Ced slíab inso thall ol Cu Chulaind. Slíab Monduirnd ol in t-ara. Tíagam co risam ol Cu Chulaind. Tíagait iarum co rrancatár. Iar riachtain dóib in tslébe. imchomarcair Cu Chulaind iarom cia carnd ngel inso thall i n-úachtor in tslébe. Findcharnd ol in t-ara. Ced mag aní thall ol Cu Chulaind. Mag mBreg ol in t-ara. Adfét dó dano ainm cech prímdune eter Themair &ersir; Cenandas. Adfét dó chetumus a n-íathu &ersir; a n-áthu. a n-airdirci &ersir; a treba. a ndúne &ersir; a n-arddindgnu.

Inchoscid dó dano dún tri mac Nechta Scéne .i. o Inbiur Scéne Fer Ulli mac Lugdach a n-athair &ersir; Nechtan Scéne a mmáthair. Ulaid dano ro marbsat a n-athair iss air ro batár hi cocad faraib. .i. Foill &ersir; Fandall &ersir; Túachell a n-anmandaidi. Indat eside asberat or Cu Chulaind nách móo fil do Ultaib i mbethaid oldás ro beótarsom dib. At é écin ol in t-ara. Tíagom conda risam or Cu Chulaind. Is gúais dúnn em ol in t-ara. Ní día imgabáil ám tíagma ol Cu Chulaind. Tíagait ass iarom &ersir; scorit a n-eochu oc commor mana &ersir; aba allándess úas dún a chéle. &ersir; srethe in n-id boí forsin corthe róut a láma isin n-abaind &ersir; leicthe la sruth dáig ba coll ngisse do maccaib Nechta Scene aní sin. Arigitside iarom &ersir; dothíagat a ndochum. Contuli Cu Chulaind iarom ocon chorthe iar lécud ind ide frissin sruth &ersir; asbert frisin n-araid. nim dersaige fri úathad nom díusca i&mmacr; fri sochaide. Bá himecal i&mmacr; in t-ara colléic &ersir; indlidside a carpat &ersir; dosrenga a fortgae &ersir; a forgaimniu ro batár for Coin Chulaind úair nach rolamar a dúscud. Daig asbert Cu Chulaind friseom ar thús nách dusced fri húated. Tecait iarom meic Nechta Scéne. Cia fil sund ol fer díb. Mac bec dochóid indiu ar esclu hi carpat ol in t-ara. Nipo do soinmige ol in láech &ersir; nirop do fechtnaige dó a chétgabáil ngaiscid. Na bid inar tír &ersir; na gelat ind eich and ní as mó ol in laech. Atát a n-essi im láimsea ol in t-ara. Nirbo latsu tollem écraite ol Ibar frisin laech. &ersir; attá dano in mac ina chotlud. Nimda mac écin or Cu Chulaind acht is do chuingid chomraic fri fer dodeochaid in mac fil and. Is sain limsa ón ol in láech. Bid sain duitsiu innossa issind áth ucut ol Cu Chulaind.

Is tacar dait trá or in t-ara foichle in fer dotháet ar do chend Foill a ainm or se. ár mani thetarrais issin chetforgam ni thetarrais co fescor. Tongu do dia toinges mo thúath nocon imberasom for Ultu a cles sin dorísse diano tárle máís mo phopa Choncobair as mo laimsea. Bid lám deóraid do. sréthis fair iarom in sleg co mmebaid a druim trít. Dobeir leiss a fodb &ersir; a cend iar sudiu. Foichle in fer n-aile dano ol in t-ara Fannall a ainm side. Ní trummu donessa in n-usce oldás ela no fandall. Tongusa dano nocon imberasom for Ultu in cles sin dorissi ol Cu Chulaind. Atconnarscu ém ol se indas imatiagsa in lind oc hEmain. Condrecat iarom issind áth. Gonaidsom dano in fer sin &ersir; dobert a chend &ersir; a fodb lais. Foichle in fer n-aile dotháet chucut ol in t-ara. Tuachell a ainm ni lessainm dó dano ar ní thuit di arm etir. Ondar dossom in del chlis día mescad conid ndérna. retherderg de or Cu Chulaind. Srethius fair iarom in slig conid rallá ina chomsudiu Dolluid a dochum iarom &ersir; bennaid a chend de. Dobert Cú iarom a chend &ersir; a fodb laiss diaraid fadessin co cúala íar sudiu foíd a mmathar ina ndíaid .i. Nechta Scene. Dobeir a fodb di sudiu &ersir; dobeir na tri cind laiss inna charput &ersir; asbert. ní fuicéb tra mo choscur ol se co rríus Emain Macha.

Documlat ass iarom cona coscor. Is and sin asbert Cu Chulaind frisin n-araid Dorarngertaissiu dagérim dund ol Cu Chulaind &ersir; rosnecam a less indossa di ág in tressa &ersir; inna iarna fil inar ndiaid. Imríadat iarom co Sliab Fúait. Ba hé lúas ind érma donucsat iar mBregaib íar ngrísad ind arad co togrennitís ind eich fón charpat in gaíth &ersir; inna heonu for luamain &ersir; co táirthed Cu Chulaind in n-urchur dollécéd asa thailm riasú rísad talmain.

Iar riachtain dóib Slébe fúait forrecat alma n-oss n-and ara ciund. Cissi slabrai in díscer sa thall ol Cú Chulaind. Oiss alta ol in t-ara. Cia dé or Cu Chulaind bad ferr la Ultu a mmarb ł a mbeo do breith dóib. nó a mbeó. Is inganto a mbeó ol in t-ara dóib ní cach óen condric samlaid. a mmarb i&mmacr; ni fil úadibseom ónach ric Ní chumcison a beó nach ae do brith ol in t-ara. Cumcim écin ar Cú. Indaig brot forsna eochu issin monai. dogní in t-ara ón aní sin. Glenait ind eich isin mónai iarom. Taurlaing Cu Chulaind &ersir; gabaid in n-oss ba nessom dó &ersir; bá caimem díb. Slaittius sethnón na móna &ersir; dammainti fo chétóir cumrigis eter da fert in carpait.

Co n-accatár ní eill ngésse ara ciund atheroch Cia de bad &fdot;err la Ultu or Cu Chulaind a mbéo nó a mmarb dóib. Is a mbéo beres a n-as béodu &ersir; a n-as segundo ol in t-ara. Látraid Cú íarom cloich &mdot;bic forna héonu co mbí .uiii. n-éonu díb. Inláa afrithisi cloich móir co mbí da en déc diib. Tria tháithbémend trá insin uli. Tecmall na heónu dún tra ol Cú fría araid. Mád messe dig dia tabairt or se conclichfe in dam allaid fortso. Ní réid dam a techt ém ol in t-ara ro dassed imna heochu conna dichtim seccu. Ni étaim dano techt sech nechtar in dá roth .i. fonnod iarndae in carpait ara fáebraige &ersir; ni dichtim dano sech in dam árolín a congna eter di fert in carpait ule. Cingsiu amend dia congno or Cú. Tongusa do dia toingte Ulaid clóenad clóenfatsa mo cend fair ł in tsúil dogensa fris nocon focher cor dia chind riut &ersir; noco lémaither a glúasacht. Dogníth són iarom conrig Cu Chulaind inna esse &ersir; tecmala in t-ara inna héonu. Conreraig Cu Chulaind iar sin inna héonu di thétaib &ersir; refedaib in carpait. Conid samlaid sin luid do Emain Macha. Dam allaid i ndíaid a charpait &ersir; íall gesse oc folúamain uassa. &ersir; tri cind inna carput.

Recait iar sin co Emain. Carptech dorét far &ndot;dochum ol in dercaid i nEmain Macha ardailfe fuil laiss cach dune fil isind lis mani foichlither &ersir; mani dichset mná ernochta friss. Tossoísom iarom clár clé a carpait fri hEmain &ersir; ba gess di aní sin. &ersir; asbert Cu Chulaind tongu do dia toigthe Ulaid mani étar fer do gleó frimsa ardailfe fuil cach n-áen fil isin dún. Mná ernochta ara chend ar Conchobar. Tothéit iarom bantrocht nEmna ara chend im Mugain ł im Feraig secundum alios mnaí Conchobair meic Nessa &ersir; donnochtat a mbruinni friss. It é óic inso condricfat frit indiu or Mugain. ł or Férach Foilgiseom a gnúis. La sodain atnethat láith gaile Emna &ersir; focherdat i ndabaig n-úarusci. Maitti immiseom in dabach hísin. In dabach aile dano in ro lád fichis dornaib de. In tress dabach i ndeochaid iar sudiu fosngertside combo chuimsi dó a tess &ersir; a fuacht. Dotháet ass iarom &ersir; dobeir ind rígan iar sudiu .i. Mugain bratt ngorm n-imbi &ersir; delg n-argit n-and &ersir; léne chulpatach. &ersir; suidid fo glún Chonchobair iarom &ersir; ba sí sin a lepaid do grés iar sudiu. Fer dorigni sin inna sechtmad bliadain ol Fíachna mac Fir Febe nipo machdad cia chonbosaide for écomlond &ersir; cia no tragad .i. cia no érged for comlond in tan ata lána a sé bliadna déc indiu.

 Slicht sain so .i. sis co aidid nÓrláim

Tíagam ass trá hifechtsa or Ailill. Roeca iarom Mag Mucceda. Bennaid Cu Chulaind omnae ara ciund i sudiu &ersir; scribais ogum ina taíb. Iss ed ro boí and arná dechsad nech sechai co ribuilsed érr óencharpait. Focherdat a pupli i sudiu &ersir; dotíagat día leimim inna carptib. Dofuit .xxx. ech oc sudiu &ersir; brisiter .xxx. carpat and. Belach nÁne iarom iss ed ainm na maigni sin co brath

 Aided Fraich

Biit and co ára bárach congairther Fraech dóib tonfóir a Fraích ol Medb. Díscart dín in n-ecin fil fornd. eirg dund ar cind Con Culaind dús in comrasta fris. Tocumlai ass mattain muich nónbor co mboí oc Áth Fúait co n-acca in n-óclaig oca fothrucud isind abaind. Anaid sund or Fráech fria muintir. conid rolursa frisin fer n-uccut ní maith i n-usciu or se. Tíscaid a étach de. Téit isin n-usci a dochum. Ná tair ar mo chendsa or Cú atbéla de &ersir; is tróg lim do marbad. Ragat óm ol Fraech co comairsem isind usciu &ersir; bad chert do cluchi frim. Committi són amal bas maith latt or Cu æhulaind. Lám cechtar náthar immáraile or Fráech. Atnagait co céin móir oc imtrascrad forsind usci &ersir; bátir Fráech. Tanócaib súas afrithisi in dul so or Cú in didma th'anacol. Noco didém or Fráech. Atnaig Cú foí atherruch conid appad Fráech. Tocurethar for tír. berait a muinter a cholaind co mboí isin dúnud. Ath Fraich iss ed ainm ind atha sin co brath. Coínti a ndúnad n-ule Fraech co n-accatár banchuri i n-inaraib úanib for colaind Fraích meic Idaid. Focessat úadib issa síd. Síd Fraich ainm in tsida sin iarom. Lingid Fergus darsin n-omnai ina charput. Tíagait co mbátar oc Áth Táiten Toscara Cú sessiur dib and .i. sé Dúngail Irruiss

Tíagait ass iarom hi Fornocht. Culen la Medb Baiscne a ainm. Lécid Cú irchor fair co mbert a chend de. Druim ainm inna maigni sin iarom o sin immach. Mór in cuitbiud dúib ol Medb can tophund na erri angceóil ucut fil co for nguin. Doberatsom iarom topund fair iar sini coro brisiset fertsi a carpat oca

 Aided Órlaim

Dothíagat ass dano tar Iraird culend ara bárach Dosleci Cú Chulaind riam dofuric araid nOrlaim meic Ailello &ersir; Medba i Tamlachtai Orláim fri Dísiurt Lóchait antúaid bican oc béim feda and. Mád iar n-araili slicht i&mmacr; is fertas carpait Con Culaind ro maid &ersir; is do béim fertas dochóid in tan cotranic fri araid nÓrláim. Is é in t-ara ros ben na fertsi mad íarsin tslicht sa. Is nephnár a ndogniat Ulaid masat é file sund tall ol Cú céin file in slóg fora tairr. Teitseom cosin n-araid dia chosc indar leis ba di Ultaib dó co n-accai in fer oc béim feda .i. fertas carpait. Cid dogní sund ol Cu. Fertse carpait do béim ol in t-ara. ro brisisem ar carpat oc tofund na ailite ucut Con Culaind. Congná frim ol in t-ara. Déca namma in bá teclaim na fertas dogéna fa na n-imsocotad. Bid a n-imscotad ém ol Cú. Imscothis iarom na fertse culind tria ladra. a glac hi fíadnaissi a cheli conda cermnastar eter rúsc &ersir; udbu. Nip sí th'opar comadas dobiur fort ol in t-ara bád n-imomon side. Can duit ol Cú Chulaind ara Órláim meic Ailella &ersir; Medba or se. &ersir; tussu ol in t-ara. Cú Culaind mo ainmse ol se. Romairgge són ém ol in t-ara. Ni agither ní ol Cu Chulaind. Cáit atá do thigerna or se. Atá isind fertai ucut ol in t-ara. Coisle didiu as immalle frim ol Cu Chulaind ar ni gonaimsea aradu etir. Teit Cu Chulaind dochom nÓrláim gontai &ersir; bennaid a chend de &ersir; ros ecroth a chend frisin slúag. Dobeir in cend for muin ind arad iar sin &ersir; atbert beir latt sin or Cú &ersir; tési don dúnud amlaid. Manip samlaid téis roticcba cloch úaimse asin tailm. A ndochóid i n-occus don dúnud tisca a cend día muin &ersir; adfét a imtechta do Meidb &ersir; Ailill. Ní fríthid bid eissine ém .i. ní inund &ersir; en do gabáil ol si. &ersir; asrubairt mini thucaind for mo muin dochom in dúnaid brisfed mo chend formsa co cloich.

 Aided tri mac nGárách

Ansait iar sin tri meic Gárach fora n-áth it é a n-anmand sidé .i. Lon &ersir; Úalu &ersir; Díliu. Mes Lir &ersir; Mes Láech &ersir; Mes Lethan an tri araid. Ba foróil leu a ndorigni Cu Chulaind .i. da macdalta ind ríg do goin &ersir; a mac &ersir; crothad in chind frisin slóg. Co rubaitís Coin Culaind tara ési &ersir; co ndergabtaís a n-oenur a n-imneth sin din tslóg. Bentatar tri fidot día n-ardaib co róiltis glied fris a ssessiur. Nos gegoinseom uli iar núair ro brisiset fír fer fair. Ro boí ara Órláim in tan sin iter Ailill &ersir; Meidb. Tanettat .i. teilgid Cú cloich fair co mmebaid a chend co tánic a inchind fora chlúasa .i. Fer Tedil a ainm. Ní fir trá amlaid sin na marbad Cú aradu. Ní marbad ém cen chinaid cip innus.

 Aided in togmaill &ersir; in pheta eóin

Bágais Cu Chulaind hi Methiu port iar sin i n-acciged Ailill ł Medb fochichred cloich asa thábaill forru. Dognísom ón dano .i. doléci cloich assa thailm co n-ort in togmall boí for gúalaind Medba frisin n-áth andess is de atá Méithe Tog. &ersir; ort in n-én boí for gualaind Ailella fri ath antúaid. Is de atá Méthe nEóin. ł dano is for gúalaind Medba batár immalle eter togán &ersir; én &ersir; is a cind bentatár na urchora díb.

Báite dano Reuin ina loch is de atá Loch Reóin. Ní cían úaib atá far céle or Ailill frisna Mane ataregatside súas &ersir; immusdecat in tan siasatársom dano atheroch benaid Cú fer dib co mmebaid a chend fair. Bá mád lodsaid dó níbu ádas far mbraisse or Maenén drúth. doberaindse a cend de. Tolleci Cú cloich dó co mmebaid a cend fair. Is amlaid trá ro marbthá in luct sin Orlámm chetumus ina dind. Tri meic Gárach fora n-áth. Fer Tedil ina dédlib. Máenán ina dind. Tongu do dia toingthe mo túath ol Ailill fer dogena a écnach sund dagénsa dá leth de. Táet ass eter laa &ersir; aidchi chena dund or Ailill co rísam Cualngi. Mairfid in fer sa da trian for slúaig fón n-innas sa.

Is and sin dosnancatár cruitti Caínbili o Ess Rúaid día n-airfitiud indar leó ba du thoscelad forru o Ultaib. Doberat toffund forru co llotár rempo i ndelbaib oss iarom isna coirthib oc Líac Mór antúaid. ar roptar druid co móréolás

 Aided Lethain

Dagéini .i. tic dano Lethan fora áth for Níth la Conailliu. Anais cadessin ara chind Con Culaind. Bá sáeth laiss a ndogéni Cu Chulaind. Ésgid dano Cu Chulaind a chend di sudiu conid fácab laiss is de atá Áth Lethan for Níth. &ersir; memdaitir a carpait leu oc comrac forsind áth inna farrad is de atá Ath Carpat. Docer Mulcha ara Lethain isin gúala fil etarro is de atá Gulo Mulchai. Céin bátár didiu in tslóig oc tochim Maige Breg forrumai Allechtu colléic. Noch is í in Mórrigan són i ndeilb eúin co mboí forsin chorthi hi Temair Cual&ndot;gi &ersir; asbert frisin tárb.

r. In fitir in dub dusáim can eirc .i. cen bréic n-echdaig .i. éca dál désnad fiacht fíach nad eól ceurtid namaib ar túaith Brega bíth i ndaínib tathum rún rofíastar dub día n-ísa maí muin tonna fér forglass for laich lilestai áed ág asa mag meldait slóig scoith nía boidb bógeimnech feochair fíach fir máirm rád n-ingir cluiph Cualgni coigde .i. cach die día .i. laa bás mórmacni iar féic muintire do écaib.

Luid in tarb iarom &ersir; .l. samasca imbi co mboí hi Sléib Chulind &ersir; luid a búachaill ina díaid Forgemen a ainm. Fochéird de na tri .l. mac no bitís oc cluchiu fair do grés &ersir; márbais da trían a macraide &ersir; concechlaid búrach hi Tír Marccéni hi Cual&ndot;gi re techt. O Emanł

Ni rubai Cu Chulaind nech eter na Sailiu Imdorthi hi crich Conailli co rancatár Cuailngi. Baí Cu Chulaind iarom hi Cuinciu .i. slíab .i. arbágais iarom i n-acciged Meidb no tróistfed lais in cloich fria chend. Nírbo réid dosom ón ar is amlaid imtheged Medb &ersir; leth in tslóig impe &ersir; amdabach scíath úasa cind.

 Aided Lócha inso

Luid didiu inailt do Medb Lóchu a ainm do thabairt uisce &ersir; bantrocht mór impe. Indar la Coin Culaind bá sí Medb Sráithius di cloich a Cuinciu conda ort ina réid is de atá Réid Locha hi Cual&ndot;giu.

A Findabair Chúalngi fosdáilset in tslóig &ersir; adachtatár in crích hi tenid. Doinolat a mbaí di mnáib &ersir; maccaib &ersir; ingenaib &ersir; búaib hi Cualngiu hi teclom co mbátár hi Findabair uli. Ní ma lodsaid dó ol Medb ní acciu in tarb lib. Ní fil isin choiciud .i. isin chreich etir or cách. Congairther Lóthar dóib búachaill do Medb. Cáte in tarb or si in dóig latt. Isam ómun ara aisnéis ol in búachaill. Ind adaig or se dochótár Ulaid ina nóendin dolluid &ersir; tri fichit samaisce imbi conid fil i nDubcairiu Glinne Gatt. Ergid or Medb &ersir; berid gatt eter cach ndís úaib. Dogníat ón iarom is de attá Glend nGat forsin glind sein Doberat iarom in tarb co mbaí in Findabair áit i n-accai .i. in tarb in búachail .i. Lothor tofóbair cucai co mbert a inathar ass fora bennaib &ersir; tofóbair cona tri cóectaib sasmaisce a ndúnud co n-appad .l. laech laiss. Conid aided Lóthair ar Tána sin. Luid uadib in tarb iar sin asin dunud &ersir; ní fetatar cid dochóid úadib &ersir; bá méla léo. Ro íarfacht Medb in buachaill dóig leiss cáit i mbaí in tarb. Dóig lem bád i ndíamraib Slébe Culind no beth. Tintaíset iarom amlaid sin íar n-indred Chualngi &ersir; ní fuaratár in tarb n-and. Conéracht Glaiss Chruind fríu i n-enna crand co féotar fuirri. .i. fora bru &ersir; asbert Medb fri drécht día muintir ara tístais taris.

 Aided Úaland

Luid láech amra ara bárach Úalu a ainm gabais liic móir friais do thecht darsin n-usce dochorastár in glaiss for cúlu oss é cona liic fora thairr. Atá a lecht &ersir; a lia forsin tsligi ocon glais .i. Lía Ualand á ainm.

Lotar iarom timchell Glaisse Cruind co rrici in topor &ersir; docóestis eter a topor &ersir; slíab. acht nád étad o Meidb ba ferr la sudi techt tar slíab ara marad a slicht and co bráth ar sár for Ultu Ansait tri laa &ersir; tri aidchi and sin co cechlatár a n-úir remib Bernas Báu Cualngi.

Is and sin geogain Cú Chulaind Crond &ersir; Cóemdele &ersir; ro fer fuire n-imnaise Atbath .c. n-ánrod friss rind ríg im Roán im Roae im da senchaid na Táne. Cethri ríg ar secht fichtib ríg atbath laiss forsin nglais chétnai. Dollotar iarom for Bernas Bó Cualngi co folodaib &ersir; indilib Cúalngi co feótar hi nGlind Dáil Imda hi Cúalngi. Botha a ainm in puirt sin úair dogénsat botha forro and. Doíagat árna bárach do Cholptu. fanópaīt tri anfót conerachtside friu dano co mbert .c. cairptech úadib dochom maro iss ed ainm in tíre in robáte Clúain Carpat. Lotár timchell Colbta iarom dochum a thopair do belut Alióin co feótar oc Líasaib Liac iss ed ainm in puirt sin úair doringset líassu fora loegu and eter Chúalngiu &ersir; Conailliu. Dollotár iarom dar Glend nGatlaig conérracht dano Glaiss Gatlaig friu. Sechaire a ainm ríam. Glas Gatlaig o sein úair ba i ngataib dobertatar a llóegu co feótár i nDruim Féne la Conailliu. It é sin trá a n-imthechta o Chúal&ndot;gi co Machairi iarsin tslicht sa. Dogniat i&mmacr; augtair &ersir; libair aile corugud aile fora n-imthechtaib a Findabair co Conaille .i.

 Orgain Chualngi inso sis

Atbert Medb iar torachtain cáich cona gabáil co mbatár uli hi Findabair Chualngi. Randtar in dúnad sund or Medb ni rucfaider ind imirgi si for óenchoí. Tíat Ailill la leith na immirgi for Midlúachrae. Ragmaine &ersir; Fergus for Bernas nUlad. Ní ségda or Fergus in leth donroacht dind imirgi. Ní rucfaiter na bai tarsin slíab cen raind dogníth ón conid de atá Bernas Bó nUlad.

Is and sin asbert Ailill fria araid Cuillius. Finna dam indiu Meidb &ersir; Fergus ní fetur cid rodanuc don choibdin se &ersir; bid fó lim donísed comartha n-úait. Dotháet Cuillius in tan bátár hi Cluichrib. Ansait ind lánamain fo deóid &ersir; lotar ind óic remib dotháet chúcu Cuillius &ersir; ní forchúalatár in fer forcsi. Ecmaic boí a chlaideb hi farrad Fergusa. Tánísca Cuillius asa thruaill &ersir; fófácaib in trúaill fás. Dotháet Cuillius co Ailill. Ameind or Ailill amne dano or Cuillius undar dait sund comartha. Is maith sin trá or Ailill. Tibid cechtar de fria chéle amal dondruiminso or Cuillius is amlaid fosfairnecsa hi comlepaid. Is dethbir disi or Ailill is ar chobair ocon Táin dorigni Bá maith bláth in claidib lat or Ailill. atnaig fót suide isin carput &ersir; anart léined imbi. Atraig Fergus dia chlaidiub iarom aill amai or se. cid no taí ol Medb. Olc gním dorígnius fri Ailill or se. Indnaidid sund co tísa asind fid or Fergus &ersir; níp machdad lib cid cían co tísor. Ecmaic ni fitir Medb tesbaid in claidib. Téit ass &ersir; berid claidiub a arad laiss ina láim. Dogní claidiub craind isind fid Is de atá Fid Mórdrualle la Ultu. Tiagam ass i ndíaid ar céle or Fergus. Cotrecat isin maig a slógaib ulib. Arrocbat a pupli. Congairther Fergus do Ailill do imbirt fidchille. In tan dolluid Fergus don phupull gabaid Ailill gári fris. Asbert Fergus

r. Fergus dixit

Fo fer fris tibther manip sceó mera mórgnimo merthar airbiur mo claidib mache mind mosdísem calga de galión gáir manip ed búaid mná mis rálastar di dáil dondlecht sceó gaib genin almi ét ar móslúag murechaib fester do sleib auí Nessa níth do slóg co mbríg cosrife medrathu fer.

.r. Ailill dixit

Na fer baig or Ailill dit díth claidib sceó airdib áth brond rig menmonfait ces sóe fére frit gallnai gáir dait deim Medb ar iltúatha dothoing fíad ni fairis lim de debuid ar mnáib étsechaib ar cía denat torruídet scéo thadet di cach airm ar céo mórglonnaib fechat. Suid sís trá or Ailill co n-imberam fidchell is fo chen do thíchtu. ni agais ni

.r. Ailill dixit

Imbeir fidchill sceó búanbach ar bélaib ríg sceó rígnai cluche arafuiretár fo mórslúagu dulecha níbecaumu frit cia thochill berae ar is di íarnantaib cungnas ar rígnaib ingenaib am mareóla bés ni gáubu cetchinta for mnaib meldrígi scéo chara Findabair Fergus rodanae ar búaib burechaib co slogaib móraib timchella di thuataib techtmóirib co n-ilcruth ríg co mbruth dracon co n-anáil nathrach co mbeim léoman dethairith tossaig Fergus mac Rossa Róich. Gabsait imbirt na fer fithchille iarom adrethsat na firu óir &ersir; argait tarsin clár crédumae.

.r. co clos Ailill

Ni cóir ríg cóel caíni tia rind umae báis berair is aldu sceó clár airbule islú ataurrid a Medb mórglonnach sceó fer sanais fri Fergus ar imdígirt cliche cíambre.

.r. co cloth ní Medb

Léic de bríathra athig ní déroig ruben sceó atúar atmib macrath mín in éri chuairm nita cailtech esbrethach fritoing di thúatha nitat neúit éiti ar buaib sceó foicherthar di gnússi glanfidir Fergus. Co cloth Fergus.

.r. Fergus dixit

All amai or Fergus na bríathraib ilib imgonm ar bélaib iltúath sceó anassaib ailfitir scél sétaib sebortir sceó gáib glanfitir sceó rígaib imgenaiter deraga rofír .i. dogéntar do ríar. Anait and ind aidchi sin so cúalatár Ailill isin matin ara bárach.

.r. Aililldixit

Tofil mórglond ar bélaib morslúaig fri Cruind uisci ui Nessa níthu donteilgfet Fir Ol n-Écmacht ar fir fuilglassa de fulib méderath fri dáil dondlechtaig sceó mórfer taurcbat iltonna fri níach n-amaulach di Ultaib ticfa. Medb dixit.

.r. Medbdixit

Na fer immorain a meic Máta mórúallaig scéo gres erreth a ardaib auralig drongtar fir fertar mná búaib remib cennaib slúag demensatár claidib cech uí muinter céochlessaib imbret sceó damaib ágat scéo mnaib berat arbertat mórslúaig di roí Chúalngi contolat in tslúaig.

.r. co cloth Fergus

Gremmaigther mórchend for bruinniu drochol tíagait ria ríagaib in braiss mórmenmnaig di thúathaib toinget di rígnaib báiget fri namte agat.

Co cloth ní Medb. déntar dentar a n-asbeir.

.r. Medb dixit

Fót mám midedar de il⋅luagaib cengat cen bá Ailill fót chommus tabairther. Tocumlat ass do Glaiss Cruindcon co cualatár Mane mac Ailella.

.r. Mane dixit

Díam dían léicthir ar fir find cless scéo máthair athair ar búaib bennachaib arciuchlais co rrís mod de carp arscin di búaib ardchles no silis roí.

.r. Co cloth ní Fergus

Na téig a meic mórglonnaig ni bad chomarli berat co ticfa dít chend dit muníul berthair la gilla n-amulach totáet imardda fri roí búrethar fortoing glaiss boccit cuillte ar silestár i rrichtu airchecht mórglond usci for bádfae di dameib mórslúag arił guinfa dimecfiter Medb ilgnússi archel a rroíb rindechaib.

Rom lecidsa com loingis hi tossuch or Fergus a náro brister fír fer for in gillae &ersir; na bai ríund &ersir; in slúag inar ndeóid &ersir; na mná i a ndiaid side. Co cloth ní Medb.

.r. Medbdixit

Cluinte a Fergus dit inchaib anmain ar búaib aurscaig cot slúagaib maithib ní thelce Ultu di thnutaib tairbertha tarcoba a gári i mMag nAí forberi dáil slicht.

.r. Fergusdixit

Aill amai or Fergus a Medb co mbaísse nat guth cluniur fo thuáthaib nim thorais ar nim thá mac moethlig fri gailte ar Emuin. Mórbulli for túathaib ní biu rom léic dit leccaib nam iarrair .i. nan tiagar cosin nalaide cúlaid di maith .i. dirorben lessa ar fechtaib.

Tothét Cu Chulaind co mboí oc Áth Chruind ara chind. a popa Loíg ol se fria araid dofil na sluagu dún.

.r.Lóeg dixit

Artungsa déu ol in t-ara firfassa ardchless ar bélaib eirred hi cocill chumucc for echaib sengaib co cungaib argit co ndrochaib órdaib for búada bertair cichis ar chennaib ríg a conicim toberat búaid aráu scindairecht. Cu Chulaind dixit.

.r. Cu Culaind dixit

Émde a Laíg or Cu Chulaind co ngaba eissi fri mórbúaid Mache ni srengat tar drong fri umed mná muidme tíarmaig derúich mac sceó aitti ailmi fri etnai eocrith sceó Ailill Medba melleth fri imtecht di éiss roslúagaib. Adeochosa .i. atgim or Cu Chulaind inna husci do chongnam frim. Ateoch nem &ersir; talmuin &ersir; Cruinn in tsainrethaig. Gaibid Crón cóidech fríu nis leicfe Muirthimniu co rroirc monar Féne isin tSléib túath Ochaíne.

La sodain cotnoccaib in t-usci súas co mboí i n-indaib crand.

Téit Mane mac Ailella &ersir; Medba ria cach araslig Cu Chulaind forsind áth &ersir; bátir.xxx. marcach dia muintir isind usci. Toscara Cu Chulaind da sé ndéc ndaglaech díb aitherroch immon n-usciu. Focherdat a puiple icond áth sin. Totháet Lugaid mac Nóis uí Lomairc Allchomaig type="gloss" hand="H".i. techt taidecht do acallaim Con Culaind .xxx. marcach. Fo chen dait a Luigid ol Cu Chulaind dia foígela énflaith Mag Murthemni rot bía caud .i. cadán co lleith alailiu. Día tomna .i. día tí dano iasc indbiru rot bia éu .i. bratán co leith arailiu. Rot bíat na tri gaiss .i. gass biroir gass fochluchta gass trechlaim. Rot bía fer i n-áth tart chend. Is torisse or Lugaid feba túathe don mac dodúthracar. It caíni for slúaig or Cu Chulaind. Nibu dirsan dait do úati ara cind or Lugaid. Imgéna fír limsa &ersir; daglaechdacht or Cu Chulaind. A popa Lugaid inim áigetarsa in tslúaig. Tongu do dia or Lugaid ni laimethar óenfer ná días úadib tabairt a fúail i n-imechtur in dúnaid mani bet fichtib ł tríchtaib. Bid sain ní dóibsom ón or Cu diand ragbasa díburgud asin tailm. Bid adas dait a Lugaid in chocélisi fil dait la hUltu dianom tisse bríg cach fir. Apuirseo trá cid as áil dait ol Cú. Conom raib cairte lat frim budin. Rot bía acht ro pé comarthae furri. &ersir; apair frim popa Fergus bíd comardae fora mbudin. Apair frisna legi bíth comardae fora mbudin &ersir; toinget anmchomet frim &ersir; domiced bíad cach n-óenaidche úadib.

Téit Lugaid úad. Ecmaic buí Fergus hi pupaill l Ailill Cotgair Lugaid imach hé &ersir; ráti fris insain. Co cloth ní Ailill.

.r.Aililldixit

Cáir iss i sanassaib ferthair hi meltmuigib nimrath morslúagaib díar tuathaib ticset fo bíth fir Róich aisnethar díndethar fíadon falnathair ar Meid&mdot; meldulig tonfáir mórchobair. Tíagam úathad slúaig co pupaill móirscoith &ersir; scor anacol di leccaib artuirb imfóit ar dálaib díamraib tascnae tanicc. Tongu do dia nim thá ar Lugaid cen athchomarc don gillu. Tomair a Lugaid eírg cuici dús in rága Ailill .xxx.a cét cucumsa im budin beir dam co tinni dó &ersir; taulchuma fína. Téit chuci iarom &ersir; ráti fris. Fó limsa ón or Cu Chulaind cia théis.

Cotrecat a ndi budin iarom. Bít and cot ádaib. Brisid Ch Chulaind .xxx. láech díb cosin tailm. ł co mbetís .xx. aidchi and sin amal itberat araili libair. Bit olca far n-imtechta ol Fergus toficfat Ulaid assa noíndin &ersir; cotomélat ar múr &ersir; grían is olc in chúl catha inon fil.

Taít ass do Chúil Airthir ecmaic dochúaid Cu Chulaind in n-aidchi sin do acallaim Ulad. Scéla lat or Concobar.

.r. Cu Culaind dixit

Mna brataitir ol Cu Chulaind éti agatir fir gonaitir. ciche brata cíche áig ciche goin. Bertius buchae fuile fuirtbe gainne .i. cend fuirtbi áir berthius Ailill mac Matae &ersir; Fergus mac Róich rodána roda clecht claideb conda coscar eochridi Conchobair cáich &ersir; codescarfa.

Ní mór torbai dait or Conchobar indíu tonánic ar tinorcain in chétnae. Téit ass iar sudiu úadib co n-accai na sluaga o scuchud ass .i. oc techt

.r. Aililldixit

Aill amai or Ailill. Atchiu carpat condathrind táuthat slúagu is bodbdae ardibi firu i n-áthu argéba bú curetha bith a tríchait imbera iar tudecht slúag dí búanaib .i. di Laignib. sreithfid fuil a mméderad dofóetsat oc imorráin ar búaib Ulad issin n-áth.

Gonaid Cú Chulaind .xxx. láech díb for Áth Duírn. Ni roachtatár iarom conid adaig rancatár Cúil nAirthir. Gonaid tricha dib sudiu &ersir; focherdat a pupli and. Buí ara Ailella .i. Cuillius oc nigi na fondad issind áth mattain Bentiseom co cloich conid ro marb. Is de attá Áth Cuillne hi Cúil Airthir. Rosagat trá co feótár i nDrúim &Fdot;éine la Conailliu amal atrubrumar remoind.

Dosnethat Cu Culaind suidiu orggaid .c. fer cacha aidche diib na .iii. aidchi mbatár and gabais tabaill dóib a hOchainiu inna farrad. Bid dimbúan ar slóg la Coin Culaind in cruth sa ol Ailill. Berar imarchor comai úan dó .i. ra mbía comméite Maige Murtemne di maig Aíi &ersir; carpat bas dech bess i nAii &ersir; timthacht dá fer déac. Airg mad ferr laiss in mag sa in ro halt &ersir; tri .uii. cumal &ersir; adgignethar dó cách ní atbath airi dia thribi &ersir; indili &ersir; imgéntar laiss immi. &ersir; táet im gelsini sea is ferr dó oldás celsine óctigernd. Cia ragas fris sin. Mac Roth sund ucut.

Luid for sin do Delga Mac Roth techtaire Ailella &ersir; Medba is é timchellas Herind i n-óenló. Is and bad dóig la Fergus bith Con Culaind i nDelga. Atchíu fer chucund or Láeg fri Coin Culaind berrad bude fair. Fethal línda imbi. Lorg anfaid inna láim. Calg dét fóa choim Léne culpatach co ndergintliud imbi. Cia do láechaib ind ríg sin or Cu Chulaind. Imcomairc Mac Roth do Láeg cia díambo chéli. Céle dond fir uccut tís or Láeg. Boí Cú Chulaind sudiu isin tsnechtu co rrici a di leiss cen mether imbi oc escaid a léine. Atbeir dano Mac Roth fri Coin Culaind cia diarbo chocéle. Céle Concobair meic Nessa or Cu Chulaind. Indad fil slondud bas derbu. Is lór sin or Cu Chulaind. Anáu cia airm sund hi tá Cu Chulaind ol Mac Roth. Cid ros berthá fris or Cú. Adfét dó in n-imarchor n-ule amal asrubartmár. Cía no beth Cú i n-occus ní dingned insein. Ní rriri bráthair a máthar ar rig n-aile.

Doéth chucai afridisi &ersir; asbreth friss doleicfithe dó a mbad soírem na mban &ersir; a mbad seisc dind folud arna imbreth in tabaill forroib i n-aidchi cía nos gonad fri dé. Ni dingén or Cú dia ructhar ar mna dóera úan biait ar mná sáera for bróntib. &ersir; beimni cen blicht má ructhar ar mbai blichta úain. Doéth cucai afridissi &ersir; asberar friss ra mbíat na mná dóera &ersir; na bai blichta. Ni dingén or Cu Chulaind dobérat Ulaind a mná dóera chucu i llige &ersir; bertair dóermaicni dóib iarom &ersir; imbérat a mblichtach do feólaib hi ngaimred. In fil na aill didiu ol in techtaire. Fil ol Cú Chulaind &ersir; ni epér fritsu. Dothiasar fair ma atchosse nech dúib. Rafetarsa or Fergus damsa ararocles in fer a foilsigud &ersir; i&mmacr; ni less doibsi. &ersir; iss ed inso in choma or Fergus .i. áth forsi ngénathar a gléo &ersir; a chomrac fri óenfer arna ructhar ind éit de sin laa co n-aidchi dús in táir cobair Ulad foo. &ersir; machdad limsa ol Fergus a fot co tecatside assa cessaib. Is assu ém duinni or Ailill in fer cech laí andás a cét cach n-aidchi.

Aided Etarcomail &ersir; imarchor n-athisc fer nErend i mbéolo Fergusa do Coin Chulaind.

Luid Fergus iarom forsin n-imarchor n-ísin. Lil .i. lenaid di sudiu dano Etarcomol mac Eda &ersir; Létrinne macdalta Ailella &ersir; Medba. Ní haccobor lem do thecht or Fergus &ersir; ni ar do miscais. Scíth lim namá comrac dúib &ersir; Cú Chulaind. Do sotlacht &ersir; do saisle. luinne amen &ersir; ansirce drús &ersir; tarpige &ersir; dechrad do chéli .i. Con Culaind. Ni bia maith do for comruc. Cáni setir latsu mo ⋅nádud. airi or Etarcomol. Seitir dano ol Fergus acht nammá ni tharda a rad fri díardain. Tecait de i ndíb carptib do Delga. Baí Cú Chulaind ind úair sin oc imbirt búanfaig fri Láeg a dí chulaidseom fríu &ersir; enech Laíg. Atchíu dá charpat chucund or Láeg fer mór dond isin carput toísech folt dond craaebach fair. Brat corcra imbi. eú óir and. leni chulpatach co ndergintliud imbi. Cromscíath co fáebur chonduala fair di findruini. Manaís bréfech o mimusc co hadairc ina láim. Claideb sithidir loí churaig fora díb slíastaib. Is fás ind laí mór sin doberar lam popa Fergus ol Cu Chulaind ar ni fil claideb ina intiuch i&ndot;ge claideb craind. Atchoas dam dano ol Cu Chulaind ro gab Ailill a mbáegul inna cotlud héseom &ersir; Medb. &ersir; dorétlaistir a claidiub ar Fergus &ersir; dorat día araid dia toscaid &ersir; doratad claideb craind ina intech.

Tic Fergus fó sodain. Fo chen sin a phopa Fergus ol Cú. Dia tí íasc i n-inbera rot bía hé co lleith araile. Dia tí iall a mmag rot bía caúth co lleith alaili. Dornd birair ł femair. Dornd fochlochta. deog de ganim. Techt i n-áth ar cend fir má thecra t'imaire co comthala rat bia. Is tarise lim ol Fergus ní do bíad dorochtamar rofetamar do threbad sund. Arfoím Cu Chulaind iarom in n-imarchor o Fergus. Téit Fergus ass iarom.

Anaid Etarcomol oc déscin Con Culaind. Cid do&fdot;écai ol Cú. tussu ol Etarcomol. Mós tairchella ém súil tar sodain ol Cú Culaind. Is ed ón atchíu ol Etarcomol. Ní fetar ní ardott áigthe do neoch. Ní acim di gráin na héruath ná forlond líno latt maccáem tuchtach amne co ngaisciud do íd &ersir; co clessaib ségdaib atotchomnaic. Cía nom cháne ol Cú Chulaind nít génsa fo bíth Fergusa. Manipad do ⋅nádud i&mmacr; roptís do renga rigthi &ersir; do chetramain scaílte ricfaitís úaim dochom in dúnaid i ndegaid do charpait. Náchim thomaid im sodain ol Etarcomol in cor amra ro nenaisc .i. comrac fri óenfer is messe cíatacomraicfe frit di feraib Herend i mbárach. Teit ass iarom.

Tintaí afrithisi ó Méthiu &ersir; Cethíu. A n-asbert fria araid. Ro bágus ol se fíad Fergus comraic fri Coin Culaind i mbárach. Ní hassu dún didiu a idnaide. Toí forsna heochu asin telaig dofrithisi. Achtí Láeg aní sin &ersir; asbeir fri Coin Culaind. Dofil in carpat afrithisi. &ersir; dorala clár clé frinn. Ní fíach opaid ol Cú. Ní accobor lem ol Cú a condaigi fórm. is écen daitsiu ón or Etarcomol. Benaid Cú Chulaind in fót baí fo chossaib co torchair ina lige &ersir; a fót fora tairr. Aírg úaim or Cu Chulaind is scíth lem glanad mo lam inniut. Fotdáilfind i n-ilpartib o chíanaib acht manibad Fergus. Ní scarfom in cruth sa ol Etarcomol co rrucsa do chensu ł co farcabsa mo chend latsu. Is ed ón ém bias andsom ol Cu Chulaind. Bentai Cu Chulaind cona claidiub asa díb n-axalaib co torchair a étach de &ersir; ni forbai ima cnes. Colla trá ol Cu Chulaind. Aic ol Etarcomol Danaidle Cú iarom co fogaid in claidib co sebaind a folt de amal bíd co n-altain no berthá ní forroim cid drisiuc for toind dó. O ropu tromda iarom &ersir; ropo lenamnach in t-aidech bentai hi fossud a mullaid conid rorand co rrice a imlind. Co n-acci Fergus in carpat secha &ersir; in n-óenfer and. Tintaí Fergus do debuid fri Coin Culaind. Olc dait a siriti ol se mo díguin. Is garit mo lorg latt ol se. Naba lond frim a popa Fergus ol Cú Chulaind.

.r. Fri baga benai (?) fri náimtiu ascada cen claideb fa allud is hé tororáid ar Ulad (?) aigid sceó slechtfa ailtu tairbirt fo mám Etarcomol úallaig dimrén esbláthaib in neoch nam accae ar bail uallchas fo chemdib fíalum forsaid ligu fortchi for carpat cotlud ná longud ní sám lam balcbrain na fer aithber form a popa Fergus.

Talléci inna sléchtain co ndechaid carpat Fergusa taris co fo thrí. Iarfaig día araid in mé fódrúar. Náthú ecin ar a arasom. Asrubairt ol Cu Chulaind ní regad co rrucad mo chendsa no co farcbadsom dano a chend lemsa. Cía de bad assu latsu a popa Fergus or Cu Chulaind. Is assu ém lemsa a ndorónad ar Fergus. úair iss éseom ropo uallach. Atnaig Fergus iarom id n-erchomail tria a di pherid &ersir; berthi i ndead a carpait fadessin don dúnud. In tan no theiged tar carrce no scarad a leth olailiu. In tan ba réid conrictís affrissi. Danécai Medb ní boíd ind imbert moithchulióin sin a Fergus ol Medb. Ni tocrád dam dano in t-atechmatud ol Fergus glieid frisin coin móir nád n-árgarad.

Cladar a fert iarom sátir a lia. scribthair a ainm n-ogaim agair a gubae. Nis dibeirg Cú Chulaind dano dádaig assa thábaill &ersir; dobertar a mna &ersir; a ingena do &ersir; leth a bó &ersir; doberthe bíad do fri dei

 Aided Nath Crantail inso sís

Cia fer fil lib ar cend Con Culaind i mbárach or Lugaid Daberat daitso i mbárach or Mane mac Ailella. Ni étom nech ara chend or Medb ro bíth essemón laiss co comthastár fer dó atchotad ón dano. Ced leth ragthar úaib or Ailill do chuingid ind fir sin ar cend Con Culaind. Ni fil i nHére or Medb adchotar dó mani thuicther Cú Roí mac Dáre ł Nad Crantail fénnid. Boí fer di muintir Con Ruí isin phupaill. Ní therga Cú Roí or se is leór leiss dodeochaid di muintir and. Tíagar co Nad Crantail didiu Beith at altrainn d'ardrig Alban. ni hail linn a luad id díaíd. tuc clu ar do dalta os na daltaib. altra tu ac Baltair a Briain

Téit Mane Andoí cuci adfíadat a scéla dó. Tair lind di giull di inchaib Connacht ní rágsa ol se inge má doberthar Findabair dam. Totáet leó iarom doberat a gaisced hi carr a hairthiur Chonnacht co mboí isin dúnud. Rot bía Findabair or Medb ar dul ar cend ind fir uccut. dagén or se. Totháet Luigid co Coin Culaind in n-aidchi sin. Dotháet Nad Crantail ar do cendso i mbárach is dirsan duit ní fáelais. Ní bá sin or Cu Chulaind. Combad and sin no chanad Cu Chulaind. Ma dofoetsad Nath Crandtail

Teit Nad Crandtail arna bárach asin dúnud &ersir; berid .ix. mbera culind fúachtai follscaidi laiss. Is and boí Cú i sudiu oc foroim én &ersir; a carpat inna farrad sríd Nad Crantail biur for Coin Culaind. Clissis CúChulaind for rind in bera hísin &ersir; ni nderbai di forimim inna n-én. A chumut na hocht mbera aili. In tan focheird a nómad mbir techid ind iall o Choin Chulaind i sudiu. Luid Cu Chulaind iarom for slicht na hélle. Cingid iarom for rindriis na mbera amal én di cach biur for araili i n-íarmóracht na n-én arnách elaitís. Glé la cách i&mmacr; ba for teched luid Cu Chulaind remiseom. For Cu Chulaind uccut ol se dochóid probatio pennae Mail Muri inso O Émanuelreomsa for teched. Deithbir són ol Medb ma ranistaís dagóic ní gébad in siriti fri feta. Ba saeth la Fergus co nUltaib aní sin. Dotáet Fiacha mac Fir Feibe úadib do chosc Con Culaind. Apair fris ol Fergus bá fial dó buith arnaib ócaib céin dogeni calma. Is féli dó i&mmacr; ol Fergus a im&fdot;olach in tan teches ría n-aeniur ol nípo móo a gress dó andás do Ultaib archena. Cia ro maidi sin ol Cu Chulaind. Nad Crantail ol Fíacha. Ced ed no maidedsom a cless dorigniusa fíada nipu anféliu dó or Cu Chulaind. Nícon maídfedsom em acht no beth árm ina láim. Rafetarsu ém ní gonaimse nech cen arm. Taet tra i mbárach ol Cu Chulaind co mbé eter Ochine &ersir; muir &ersir; cid moch donté fomricfasa and &ersir; ní tess riam.

Tairnic Cu Chulaind iarom a dáil &ersir; focheird fáthi n-imbi iar cathais na haidchi &ersir; ni airigestár in corthe már baí ina &fdot;arrad comméte friss fessin. Daratailc etir &ersir; a brat &ersir; saidid inna farrad Tic Nad Crandtail fo sodain hi fénai bretha arm la suide. Cáte Cu Chulaind ol se undse sund tall or Fergus. Nípu samlaid domarfás indé ol Nad Crantail. In tú Cu Chulaind. Ocus massu mé dano or Cu Chulaind. Másu thú ém ar Nad Crandtail noco rucaimse cend úain bic dond dúnud ni bér do chend ngillai n-amulaig nicon messi etir ol Cu Chulaind. Eirg a dochum timchell ind aird. Totháet Cu Chulaind co lLáeg commail uilchi smerthain damsa latt. Ni hétar probatio pennae Mail Muri inso O Émanuel forsin trénfer comrac frim cen ulchi. Dogníthe dó. Téit ara chend forsin taulaig. Coru lim ón or se. Déne cóir ngascid frím trá ol Nad Crantail. Rot bia són co fesamar or Cu Chulaind. Fochichursa aurchor dait or Nad Crantail &ersir; ní n-imgaba. Ní n-imgeb acht i n-arddai or Cu Chulaind. Focheird Nad Chrantail aurchor dó. Lingid Cu Chulaind i n-arddi ríam. Is olc dait a imgabail ind aurchora or Nath Crantail. Imgabaso mo aurchorsa i n-ardda dano or Cu Chulaind. Légid Cu Chulaind in ngae fair acht bá i n-ardda conid anúas tocorastár inna mullach co lluid trít co talmain. Amai ole is tú láech as dech fil i nHerind or Nath Crantail. Ataat .iiii. meic fichet damsa isin dúnud. Tiagasa co n-ecius dóib a fil lim di foilgib &ersir; doragsa co ndernaso mo dichennad air atbelsa dia talltar in gae as mo chind. Maith or Cu Chulaind dotéis dorissi. Téit Nath Crantail iarom dond dúnud. Dotháet cách ara chind. Cáte cend ind riastarthi lat or cách. Anaid a láechu co n-écius mo scéla dommo maccaib &ersir; co ndeochus dorissi co ndernar comrac fri Coin Culaind. Tiat ass di saigid Con Culaind &ersir; dolléci a claideb for Coin Culaind. Lingidside i n-arddae co mbí in corthe co mmebaid in claideb i ndé. Síartha im Choin Culaind amal dorigni frisna maccu i nEmain &ersir; lingid Cu Chulaind fora scíathsom la sodain co mbí a cend de. Bentai aitheroch inna méde anuas co imlind. Dofuitet a cethri gábaiti for talmain. Is and sin iarom asbert Cu Chulaind inso. Má dorochair Nath Crantail bid formach dond imargail apraind cen chath insind úair do Medb co triun in tslúaig.

Fagbáil in tarib iarsin tslicht sa so sís

Is and sin luid Medb co tríun in tsloig le hi Cuib dó chuingid in tairb &ersir; luid Cu Chulaind ina ndiaid. for sligi Midluachra didiu dochoidsi do indriud Ulad &ersir; Cruthne co dice Dún Sobarche. Co n-accai ní intí Cu Chulaind Bude mac Báin o Sléib Chulind cosin tarb &ersir; u. samaisci deac imbi .lx. láech a lín de muintir Ailella. Brat hi forcebul im cach fer. Dotháet Cu Chulaind chucu. Can tucsaid a folad ol Cu æhulaind. on stleib ucut ol in láech. Ceist cate a mbúachaill ol Cu Culaind. Ata amal fóndráncamár ol in láech. Focheird Cu Chulaind tri bidcu ina ndíaid oc saigid acallma forro co tice in n-áth. Is and sin asbert frisin toísech. Cia t'ainmsiu ol se. Nachit aiss nachit chara Bude mac Báin ol se. Are in gaise for Bude ol Cu Chulaind. sraithe din chertgai co lluid in nderc a oxaille co mmebaid i nde ind óe altarach resin gai. Gontai sin fora áth. Is de atá Áth mBude. Berair in tarb isin dúnad la sodain. Imráidset iarom nípád ansu Cu Chulaind acht tuctha a cletíne airi.

 Aided Redg cáinte inso

Is iarom luid Redg cainte Ailella a comarli chucai do chuingid in cletine .i. gai Con Culaind. Tuc damsa do gai or in cánte. Acc óm or Cú acht dabér seótu dait. Nad gébsa ón ar in cainte. Gegnasom dano in cáinte úair nad fáet úad a targid dó &ersir; asbert in cante na berad a enech mani berad in cletíni. Focheird Cu Chulaind iarom in cletine dó co lluid triana chend forstarsnu. Is tolam .i. sét talman in sét se ém ol in cante. Is de ata Áth Tolam Sét. Atá dano áth friss anair airm i n-arrasar a n-uma don cletiniu Humarrith ainm ind atha sin dano. Is and sin tra geguin Cu Chulaind inna hule sea asrubartmar hi Cuib .i. Nath Coirpthe occá chrannaib. Cruthen fora áth. Maccu Búachalla ocá carnd. Marc ina thelaig. Meille ina dind. Bodb ina thur. Bogaine ina grellaig.

Tintaí Cu Chulaind aitheruch i mMag Murthemne ba diliu laiss imdegail a mennato fessin. iar tíachtain iarom geogain firu Crochine ł Croiniche .i. Focherda .xx. fer focherd de dosnetarraid oc gabáil dúnaid dóib .x. ndeogbaire &ersir; .x. fénnide. Tintaí Medb aitheruch atúaid ó ro an coícthiges oc inriud in chóicid &ersir; o ro fich cath fri Findmóir fri mnaí Celtchair meic Uthidir. &ersir; dosbert .l. ban iar togail Dúin Sobarchi furri hi crích Dail Ríatai. Nach airm trá i Cuib in ro saidi Medb echfleisc is Bile Medba a ainm. Cach áth &ersir; cach dingnai ocár fíu is áth &ersir; dindgna Medba a ainm. Condrecat uli iarom oc Focheird eter Ailill &ersir; Medb &ersir; in fiallach timtacht in tarb. Acht gabais a mbúachaill a tarb dib conid timachtatár taris i mbernai cumaing la crand for scíathu. Conid bertatar cossa na slabrai triasin talmain. Forgemen ainm in búachalla. Atá and iarom conid hé ainm in cnuic Forgemen.

Line 5831 occupied only by the second part of a soft-hyphenated word. Blank line added to preserve parity with hard-copy lineation.

Ni baí imneth foraib trá isind aidchi sin acht adchota fer do dingbáil Con Culaind for áth namá úadib.

Guitter cardi chlaidib úand for Coin Culaind or Ailill Tíat Lugaid fris ol cach. Téit iarom Lugaid dia acallaim. Cinnas atusa innosi ocon tslóg for Cu Chulaind. Mór ém in cuitbiud condiachtais forro for Lugaid .i. do mná &ersir; t'ingena &ersir; leth do bó duit. &ersir; is trummu leo a nguin &ersir; do bíathad indá cach ní Dothuit fer cach laí leis co cend sechtmaini and sin. Bristir fír fer for Coin Culaind láitir fichi i n-óenfecht día saigid. &ersir; nos geogainsium uli. Eirg cuci a Fergus for Ailill conda raib claemchlód magni lais. Tíagait iarom co mbatár hi Crónig. Iss ed dorochair leiss ar galaib oenfer isin magin sin .i. dá Roth dá Luan dá banteolaid .x. ndruith .x. ndeogbaire .x. Fergusa. seser Fedelmthe sé Fiacraig. Ro bitha trá sin uli lesium ar galaib oenfer. O ro láiset iarom a pupli hi Cronig ro imráidset cid dogéntais fri Coin Culaind. Rofetursa ol Medb a n-as maith and. Tíagair uaind día saigid conda raib carti claidib úad frisin slóg &ersir; ra mbía leth na mbó fil sunda. Berair iarom in fis sin chuci. Dogensa aní or Cu Chulaind acht nar milter úaibsi a n-arach

 Comrac Con Culaind fri Findabair inso

Immarchuirther fris or Ailill Findabair do thabairt dó &ersir; a dingbáil dona slogaib. Téit Mani Aithramail a dochum Teitside ca lLáeg hi tossiuch. Cia díandat céliusiu ol se. Ní n-arlasair Láeg dano. Asbert Mani fris fo thri in cruth sin Céli do Choin Chulaind for se &ersir; nacham forraig nad n-ecma nad benur do chend dít. Is lond in fer so ol Mani la soud úad Téit iarom do acallaim Con Culaind is and ro boí Cu Chulaind íar béim dei a lened &ersir; in snechta immi ina sudiu co rici a cris &ersir; ro lega in snechta immi fercumat fri méit brotha in miled. Asbert Mani dano ón mud chetna frisside fo trí cia díambo cheli. Celi Conchobair &ersir; nacham forraig. Díanam forgea i&mmacr; ní bas siriu bithus di chend dít amal tíscar di lun. Ni réid ol Mani acallaim na desi seo. Teit Mani úadib iarom &ersir; adfet do Ailill &ersir; do Medb a scéla.

Táet Lugaid chuci or Ailill &ersir; ara n-airlathar dó in n-ingin. Teit Lugaid iar sudiu &ersir; adfet do Coin Chulaind aní sin. A poba Lugaid ol Cu Chulaind is brec sin. Is bríathar ríg assidrubairt for Lugaid ní bía bréc de. Dentar amlaid ol Cu Chulaind. luid Lugaid úad la sodain &ersir; adfet do Ailill &ersir; do Medb a n-atesc sin. Táet in drúth im richtsa or Ailill &ersir; mind rig fora cind &ersir; fasisidar di chéin Coin Culaind arnacha n-aithgné &ersir; teiti ind ingen leis &ersir; aranaiscea dó hi &ersir; tecat ass ellom fon cruth sin. &ersir; is dóig immerthai ceilg fón cruth sin conná fostba sib céin co tí la hUltu don chath.

Téit iarom in drúth cuci &ersir; ind ingen lais. &ersir; ba di chein arlastar Coin Culaind. Téit Cú dia saigtin. ecmaic atgeoinsium for erlabrai ind fir combo druth. srethis liic telma boí ina láim fair con sescaind ina cend co tuc a incind ass. Tic dochum na ingini benaid a dí trilis di &ersir; sadid liic triana brat &ersir; tríana lénid &ersir; sádid corthe amen tría medon in druith. Atat a ndí chorthi and .i. corthi Findabrach &ersir; corthi in druith. Facbais Cu Chulaind fón cruth sin íat. Tiagair o Ailill &ersir; o Medb do íarmóracht a mmuntiri ar ba fota leó ro mbátár co n-accassa iarom isin tunidi sin. Atchlos iarom fon dunchaire uli aní sin. Ni baí tra carti dóib la Coin Culaind iar tain.

 Comlond Munremair &ersir; Con Roi inso

A mbátár in tslóig and trath nóna co n-accatar docurethar in lia forru anair &ersir; a chéli aníar ara cend. Condrecat isind aer. no thuititís eter dunad Fergusa &ersir; dúnad n-Ailella &ersir; dunad Nerand. Ro both ocond reib sin &ersir; ocond ábairt on tráth coraile. &ersir; ro bátár in tslúaig inna seseom &ersir; a scéith fora cennaib día sáerad for barnib na cloch combo lan a mmag dina lecaib. Is dé ata Mag Clochair. Ecmaic i&mmacr; iss e Cú Ruí mac Dairi dorigni insin dodeochaid do chobair a muntiri &ersir; boí hi Cotail for cind Munremar meic Gerrcind doluidsidé o Emain Macha do chobair Con Culaind co mboí i nArd Róich. Rofitir Cú Roí ní bó fer fulaing Munremair insin tslóg. It é didiu dorigensat ind abairt sin etorro a ndis. Guitter ón tslóg forro bith na tost. Dogniat corai iarom Munremur &ersir; Cu Rui &ersir; téit Cu Ruí dia thig &ersir; Munremur do Emain Macha. &ersir; ní thánic Munremur co lá in chatha. Ní thánic dano Cú Ruí co comrac Fir Diad. Apraide fri Coin Culaind ol Medb &ersir; Ailill conda rabni claemchlod magni leis. Doberar dóib iarom &ersir; claemchlóit inad. ro scáich noínnin Ulad fo sodain. Ar in tan dofiuchtraitís asa cess tictis drecht díb beus forsin slóg conos gabad a tindorcain doridisi.

 Aided na macraidi inso

Ro imraidset iarom macrad Ulad i nEmain Macha oco. Tróg dún ar siat ar popa Cu Chulaind cen chobair dó. Ceist em ol Fiachna Fulech mac Fir Febi derbráthair side do Fiachaig Fíaldana mac Fir Febi rom bíasa cethern lib co ndeochsaindsea do thabairt cobra dó de sin. Tíagait tri coecait mac leis cona lorcaib áni &ersir; be sé sin trian macraidi Ulad. Atací in slóg cucu tarsa mag. Tofil slóg mór tarsa mag cucund or Ailill. Teit Fergus día ndescin araill do macraid Ulad inso for se &ersir; do cobair Con Culaind tecait. Eirged buden ara cend or Ailill cen fis do Choin Chulaind ar di comairset fris ní faelsaid íat. Tíagait tri cóecait laech ara cend. Immacomthuit dóib conná tadcith nech díb i mbethaid ass do glerie na mmac oc Liic Tuill. Is de sin atá Lia Fíachrach meic Fir Febi. ar is and sind ro thuit.

Dénaid comarli for Ailill gudid Coin Culaind imófor lecud asind inud sa ar ní ragaid ar ecin tairis uair rod leblaing a lon laith. ar bá bés dosom in tan no linged a lon laith imreditis a traigthi iarma &ersir; a escata remi &ersir; muil a ordan for lurgnig &ersir; indala súil ina chend &ersir; araili fria chend anechtair. Docoised ferchend fora beolu. Nach findae bíd fair ba háthithir delc sciach &ersir; banna fola for cach finnu. Ni aithgnead cóemu na ciardiu, cumma no slaided riam z iarma. Is de sin doratsat Fir nÓl nÉcmacht in riastartha do anmaim do Coin Culaind.

 Banchath Rochada inso

Foídis Cu Chulaind a araid co Rochad mac Fátemain di Ultaib co tísad día chobair. Ecmaic dano ro carastar Findabair Rochad ar iss eside ócláech as aildem ro boí la Ultu ind inbaid sin Teit in gilla na dochum Rochad &ersir; asbert fris techt do fóritin Con Culaind ma dodeochaid asa noennin. Co tartaitis ceilc immon slóg fri tarrachtain drechta díb día n-airlech. Dotháet Rochad atúaid cét láech dó. Décaid dún a mmag indiu for Ailill. Atchíu dírim tarsa mag ol in dercaid &ersir; máethócláech etarro ní thacmainget dó ind óic acht co rici a gualni. Cia sút a Fergus for Ailill. Rochad mac Fatheman for se &ersir; is do cobair Con Culaind dotháet. Rofetursa a n-as maith dúib fris ol Fergus. Táet cet láech úaib lasin n-ingin út co ria medon in maigi &ersir; teit in ind ingen remán remib. &ersir; téiti marcach día acallaim co tí a óenur do acallaim na ingini &ersir; tabraiter láma tairis &ersir; immacurfi sin fogail a muntiri dind. Dognither iarom amlaid sind. Téit Rochad ar cend in marcaig. Dodeochadsa o Findabair ar do chendso co ndechais dia hacallaim. Téit iarom dia hacallaim a óenur. Mutti don tslóg immi di cach leith. nos gabar &ersir; fochertar lama tairis. Maidid dano día muntirseom for teched. Lecairsium iarom ass &ersir; fonascar fair can tudecht forsin slog co tisad ar oen frí Ultu uli. Dorairngired dó dano Findabair do tabairt do &ersir; immásoí úadib iar sudiu. Conid banchath Rochada insin

 Aided na rigamus inso

Guitter dano cairdi chlaidib dún for Coin Culaind for Ailill &ersir; Medb. Teit Lugaid fris sin &ersir; dobeir Cu Chulaind in cartini. Tabar fer for ath damsa i mbarach for Cu Chulaind. Batár sesiur rígamus la Meidb .i. se rigdomnai do chlannaib Dedad .i. tri Duib Imlig &ersir; tri Deirg Sruthra. Cid dún ar sait can techt i n-agid Con Culaind. Tiagait iarom arna bárach &ersir; geogain Cu Chulaind a sesiur iat.

 Aided Cáuir

Guitter dano Cúr mac Da lath dóib im dula for cend Con Culaind. inti assa teilcedside fuil is marb re cind nomaide Mad dia ngona ol Medb is búaid. Gid hé gontair and dano is dingbail dromma dom tslóg. Ní reid bith fris im longud ł im ligi. Teit ass dano. Nirbo maith lesside iarom techt for cend siriti amulaig. Ní có ém ol se is cert in bríg doberid dún. Ma rofesind combad ar cend ind fir se nom faíte ním foglúasfind féin dia saigid ropad leór lem gilla a chomadais dom muntir na agid. Ecca sin for Cormac Cond Longas ba hamra dúnni dia ndingbaitea fessin he. Cipé cruth tra ol se ol is formsa fein doberar imthesidsi isin matain i mbarach dia saigid. Nim erchoisse guin na erri ucut. Teit iarom matain muich ara bárach ara chend. &ersir; asbeir frisin slóg tarrgraige n-imtechta a séta rempo ar bá suba sliged dogénadsum di techt ar cend Con Culaind. Luid dó iarom. Boí Cu Chulaind ac imbert chless isind úair sin .i. O Emanuel

 Turim na cless inso sís

In t-ubullchless &ersir; faeborcless &ersir; fáencless &ersir; cless cletenach &ersir; tétcless &ersir; corpchless &ersir; cless caitt &ersir; ích n-erred &ersir; cor ndeled &ersir; léim dar néib &ersir; filliud erred nair &ersir; gai bolga &ersir; baí brasse &ersir; rothchless &ersir; otar &ersir; cless for análaib &ersir; bruud gine &ersir; sian caurad. &ersir; beim co commus ł co fomus &ersir; táithbéim &ersir; dréim fri fogaist co ndirgiud crette fora rind co fornadmaim niad náir.

Ro Boí dano Cáur oc airimbert gascid hi túamaim a scéith co rrice trían ind laí frisseom &ersir; nicon tetarraid béim na forgab fair la dechrad inna cless &ersir; nicon fitirseom in fer i n-imforgub friss co n-epert Fíacha mac Fir Febe fri Coin Culaind. Fomna in láech fodotben. Danécai Cú secha sráithi in n-ubullchless tarraid ina láim co lluid iter chobrad &ersir; bróin in scéith co lluid tríana chend ind athig síar. Combad i nImslige Glendamnach dano dofáethsad Cáur iar n-araile slicht.

Tintai Fergus frisin slóg. mánop gaib far glinne ol se anaid sund co bárach. Nip and ol Ailill regmai diar sostaib afrithisi.

Guitter dano Láth mac Da Bró ara chend amal ro ngess Cáur. Datuitside dano cadessin. Dointáth dano Fergus beus do chor a glinni forru. Ansait and sin trá co rrubad and Cáur mac Da Láth &ersir; Láth mac Da Bró. &ersir; Foirc mac Tri nAignech. &ersir; Srúb Gaile mac Eóbith. ar galaib óenfer ro gáeta uli.

 Aided Fer Baíth inso

Collaa .i. erig dún a popa Loíg issa ndúnad co n-airlither .i. co iarfaigea Lugaid mac Nóiss ui Lomairc. Dús cía dotháet ar mo chend i mbárach. Iarfaigther co lléir &ersir; a imchomarc lat. Rosoich iarom Láeg. Fo chen dait or Lugaid ní sirsan do Choin Chulaind a n-imned i tá a óenur fri firu Herend. Ar cocele díb línaib amin mallacht a gascid fair is é théte ara chend i mbárach Fer Báeth Doberar Findabair dó airi &ersir; rígi a ceniuil.

Soid Láeg afrithisi co airm i mboí Cu Culaind. Ni forbáelid mo popa Laeg día athiusc or Cu Chulaind. Adfét Láeg dó uile aní sin. .i. a athesc Ro congrad Fer Baeth hi pupull do Ailill &ersir; Medb &ersir; asber fris suide for láim Findabrach &ersir; a tabairt dó. ar ba hé a togu ar chomrac fri Coin Culaind. Ba hé fer a ndingbála leó ar bá cuma dán dib linaib la Scathaig. Doberar fín dó iarom corbo mesc &ersir; asber fris bá cáem léosom a llind sin ní tobrad acht ere .l. fén leó &ersir; ba hí ind ingen no gebed láim fora cuitseom de. Ni haccobor lem or Fer Báeth comalta &ersir; fer bithchotaig dam Cú Chulaind. Ragatsa ar apa ara chend i mbárach co topachtur a chend de. Bid tú dogénad or Medb. Asbeir Cú Chulaind fri Láeg techt ar cend Lugdach dó co tísad día acallaim. Dotháet Luigid chucai. Fer Baeth ane dotháet ar mo chendsa i mbarach or Cu Chulaind. Eseom ón óm ar Lugaid. Olc dia sin or Cú Chulaind nicon béosa i mbethaid di sudiu da chomais sind dá chomsolam da chutrummae co comairsem. A Lugaid celebor dam apair friss dano ní fír laechdachta dó tuidecht ar mo chendsa. Apair fris táet ar mo chendsa innocht dom acallaim. Ráti Luigid friss. In tan nád rimgab Fer Baeth luid in n-aidchi sin do athchor a chairdessa for Coin Culaind &ersir; Fíacha mac Fir Febe lais. Attaich Cu Chulaind friss a chomaltus &ersir; a mummi díb línaib Scathaig. Isim egen tra ol Fer Baeth darindgult. .i. ro gellus Do⋅ella do chotach didiu ol Cú Chulaind. Luid Cu Chulaind fo luinni úad fornessa sleig culind isin glind hi coiss Con Culaind co túargab ocá glún súas a cend. Dasrenga ass. Na téig a Fir Baith co n-aicther in fríthi fónúarsa. Tochrae úait ar Fer Báeth. Focheird Cu Chulaind in sleig n-iarom i ndegaid Fir Baíth co n-érrmadair áth a da chulad co ndeochaid fora béolo sair co torchair tara aiss issa nglend Focherd sin ém or Fer Báeth. Is de atá Focherd Murthemne. ł iss é Fíacha asrubart is béoda do feocherd indiu a Cu Chulaind or se conid de attá Focerd Murthemne Atbail fo chétóir Fer Báeth isinn glind. Is de atá Glend Fir Baíth. Co cloth ni Fergus co n-epert. A Fir Baíth is báeth do fecht sin magin i tá do fert rosiacht coll do chombár and is crichid hi Cróen Chorand. Fíthi ainmnigther a n-ard co bráth bid Cróenech i mMuirthemniu ondiu bid Focherd a ainm ind airm i torchair a Fir. a Fir Baíth.&ersir;c.

Tarrochair far céle or Fergus eprid in n-ícfa in fer sin i mbárach ícfa écin or Cu Chulaind. Foídid Cu Chulaind atheroch Láeg do fis scél dús cia cruth imtháthar isin dunud &ersir; in bo béo Fer Báeth. Asbert Luigid atbath Fer Báeth. &ersir; dotháet Cu Chulaind iar n-úair do chomacallaim.

 Comrac Lárine meic Nóis inso

Nech úaib i mbárach co ellom ar cend far céle or Lugaid ni faigebtharside etir or Ailill acht má dorónaid ceill .i. ceilg occai nách fer dotháęti chucaib tabraid fín dó corop maith a menma &ersir; asbertar friss iss ed nammá fil dond fín tucad a cCrúachnaib rosáeth linni do bithsiu for uisciu isin dúnad &ersir; doberthar Findabair fora desreth &ersir; asberthar ragaid chucut dia tuicce cend ind ríastairthe dúinni.

No foíté co cach láth ngaile a aidchi &ersir; no ráté fris aní sin. No gonadsom cach fer díb a úair. Ní féta nech leó ara chend assennad.

Conaīgther dóib Laríne mac Nóiss olla n-aile bráthair side do Lugaid ríg Muman. Bá mór a uallchas. Doberar fín dó &ersir; doberar Findabair fora desraid. Tossecai Medb a ndís is mellach lim ind lánamain ucut ol si ba coindme a comrac. Ní gebsa dít ém or Ailill. Ra mbia dia tuca cend ind riastairthe damsa. Dobér i&mmacr; ar Láríne. Tic Lugaid fo sodain. Cate lib i mbárach fer i n-ath. téite Lárine or Ailill.

Dotháet Lugaid iarom do acallaim Con Culaind conrecat im Glend Fir Baíth. Ferais cechtar de comráichne friaraile. Is dó dodeochad dot acallaim or Lugaid. Atá atechmatud druth sotal sund ucut ol se bráthair damsa Laríni a ainm dober bréc immón ingin cétnai. Fort chotach didiu ní ruba é nacham &fdot;acbasa cen brátair. Ár is airi doberarsom chucutsu ar dáig co forgénmaís ar ndis debuid. Maith lem chena cé no slaiss co léir ar is dar mo therthogu theite.

Téit Lárine ara bárach ar cend Con Culaind &ersir; ind ingen inna farrad. día nertad. Danethad Cu Chulaind iarom cen arm laiss Doloside a árm n-airi ar écin. Gabaid iarom eter a dí láim &ersir; cotmeil &ersir; fochrotha con sephaind a channebor ass combo buadartha in t-áth día chacc &ersir; combo thruallnethe aér na cethararda dia dendgur &ersir; focheird co mbaí iter da láim Lugdach. Céin robo beo ní thaudchaid a brú for cóir. Ní robai cen clíabgalar niro loing cen airchissecht. Iss é óenfer ar apaide adroinni drochternam úadsom di neoch cotranic friss ar Tána.

 Imacallaim na Mórigna fri Coin Culaind inso

Co n-aca Cú in n-ócben cuchi co n-etuch cach datha impe &ersir; delb roderscaigthe furri. Cé taísiu or Cu Chulaind. ingen Búain ind ríg or si. Dodeochad cuchutsu. Rot charus ar th'airscélaib &ersir; tucus mo seotu lim &ersir; mo indili. Ni maith ém ind inbuid tonnánac. Nach is olc ar mbláth amin gorti ni haurussa damsa dano comrac fri banscáil céin no mbeó isind níth so. Bíd im chobairse daitsiu .i. dogénsa congnom latt oc sudiu. Ni ar thóin mná dano gabussa inso. Bi ansu daitsiu or si in tan doragsa ar do chend oc comruc frisna firiu. Doragsa i rricht escongan fót cossaib issind áth co taíthis. Dochu lim ón oldas ingen ríg. Not gebsa or se im ladair co mmebsat t'asnai &ersir; bía fónd anim sin. coro secha bráth bennachtan fort. Timorcsa in cethri forsind áth do dochumsa i rricht soide glaisse. Léicfesa cloich daitsiu asin tailm co commart do suil it cind. &ersir; bia fónd anim coro secha bráth bennachtan fort. Torach dait i rricht samaisci maíle dérce riasind éit. co mensat ort forsna ilathu &ersir; forsna hathu &ersir; forsna linniu &ersir; nim aircechasa ar do chend. Tolecubsa cloich deitsiu or se co mmema do fergara fót &ersir; bia foind anim sin coro secha bráth bennachtan fort. La sodain téit úad. Combad sechtmain dosom for Áth Grencha &ersir; dofuitted fer cach laí i nÁth Grencha laiss .i. i nÁth Darteisc.

 Aided Lóich meic Mo Femis inso sís Lóch Mór mac Mo Femis (ł Emonis ł mac Mo Febis (.i. Febes ainm a mathar above line). Lóch mac Luidech meic Ecach fir Áne meic Dúach Duind dailtai Deaid meic Cairpri Lusced. &ersir; día sil Ailill Olom íar tain

Gessa Lóch dano mac Emonis amal a chéliu &ersir; dorairngired có comméte Maige Murthemne di mín Maigi Aí &ersir; timtacht da fer deac &ersir; carpat .uii. cumal &ersir; nirbo fíu laiss comrac fri gilla Baí brathair laiss Long mac Ebonis cadessin. Dobreth do sudiu a tinscra cétna iter ingen &ersir; dechelt &ersir; carpat &ersir; tír. Téitsidé ar cend Con Culaind Gontai Cu Chulaind co tobrad a marb ar beólu a brathar .i. Lóich. Asbertside dano dá fessed acht combad fer ulcach nod ngonad no mairfedsom he ind. Berid grem catha chuci ar Medb fria muintir tarsin n-áth aniar co ndigsid taris &ersir; brister fír fer fair.

Tíagait na secht Mane mílid i tosoch conid n-accatar for bru ind atha aníar. Gabaidsom a díllait n-óenaig imbi in laa sin. Iss and fordringtís na mná na firu día descin. Is sáeth dam or Medb nách accim in gilla imma n-ágar sund. Niba slániu de latt do menma or Léthrend echaire Ailella dia n-aicigther. Dotháet iarom dochum ind átha amal buí cía fer sucut a &Fdot;erguis or Medb.

.r. Gilla araclich claideb co scíath ar búaib mór serig ar mnáib feraid fodil di fer lessaib ar óenathib Ulad imgóet caín fera fodil di fodbaid ríg than &mmacr;c dían día ngarar Muirthemne mag másu Cháuland Cú.

Fordring Medb dano na firu la sodain dia déscin. Is and sin asbertatár na mná fri Coin Culaind dognithe a cutbiud isin dúnud úair nad baí ulcha laiss &ersir; nicon teigtís dagóic acht siriti ara chend. Ba hassu dó ulcha smérthain do dénam leiss. conid gnidsom aní sin ar dáig cuingthi comraic fri fer .i. fri Lóch.

Gabais iarom Cu Culaind lán duirnd dind féor &ersir; dichacain .i. bricht fair combo hed domuined cách combo ulca baí lais. Fír or in bantroct is ulcach Cú Chulaind is cubaid do niaid comrac fris. Oc gressacht Loich ón dorigensatsom aní sin. Ni digéonsa comrac co cend secht lathi ondiu fris for Loch. Ní cubaid dúinni cen fóbairt ind fir frisin re sin ol Medb tabram fían láech cach n-aidchi do seilc faír dus in tairsimmis a baegul. Dogníther iarom samlaid Dotheged fían láech cach n-aidchi do seilg fairsium &ersir; nos gonadsom uli. It e seo i&mmacr; anmand na fer dorochratar and. Secht Conaill .uii. nÓengusa .uii. nÚargusa .uii. Celtri. Ocht Féic. Deich nAilella .x. nDelbaíth .x. Tasaig. It é insin gníma na sechtmaine sin dosom i nÁth Grencha.

Conniacht .i. arranic Medb comarli dús cid dogenad fri Coin Culaind ar ba aincis mór lei an ro bíth leis día slógaib. Is i comarli arranic áes feig forúallach do chor i n-óenfecht dia saichthin in tan ticfad i n-airis dála di accallaimsi. Ar baí aires .i. comdal dála dissi ara barach fri Coin Culaind do denam sída célci fris dia tarrachtain. Foítisi techta úadi día saig ar co tíasad na coinni. &ersir; bad amlaid tíasad &ersir; se anarma. Fo déig ni ragadsi acht sí cona bantrocht día ailseom.

Ludi in techtairi .i. Traigtrén co airm i mboí Cu Culaind &ersir; adfét do aitesc Medba. Bágais Cu Chulaind co ndingned samlaid. Ced on cinnas as áil duitsiu tect i ndáil Medba i mbárach a Cu Chulaind or Láeg. Amal conniacht .i. ro cuinnig Medb dano ol Cu Chulaind. At móra glonna Medbi ol in t-ara atágur lám ar cúl aci Cinnas as dénta dun samlaid for se. Do chlaideb fót choim ol in t-ara arnachat fagthar i mbáegul. Ár ní dlíg laech a enecland dia mbé i n-écmais a arm. yConid cáin midlaig no ndlig fón samail sin. Dentar amlaid iarom ol Cú Chulaind. Is and iarom baí in chomdál i nArd Aignech. frisi rater Fóchaird indiu. Tic iarom Medb isin dáil &ersir; inlis cethri firu déc día sainmuintir fessin do neoch as dech engnomma baí díb fora chind. At íat so íatside. Dá Glas Sinna da mac Buccridi. Da Ardáin dá mac Licce. Da Glas Ogma da mac Cruind. Drucht &ersir; Delt &ersir; Dathen. Téa &ersir; Tascur &ersir; Tualang. Taur &ersir; Glese.

Tic íarom Cu Chulaind ina dáil. Ataregat ind fir dó. Sretais cethri goí deac i n-óenfecht fair. Nos ditin Cú iarom conná riacht toind ł fóescham fair. Imsoí foítib iarom &ersir; marbthus íat a cethri firu déac. Conid íat sin cethri fir deac Fócherda. &ersir; is iat fir Chrónige ar isin Chrónig oc Foceird ro bíta. Conid de asbert Cu Chulaind.

.r.

Fó .i. maith mo cherd láechdachta benaim beimend ágmara. for slóg síabra sorchaidi. Certaim ág fri il⋅lúagaib. im díth erred anglondach. sceó Medbi &ersir; Ailella. altai drochrún derchoblid. gossa dubrúin banmassa. cengait celga úargossa. fri ág erred anglonnach. congeib dagrun degmessa oc fir dia ndich dagarliud. .i. oca mbí degbríathar im anglonna fó. fó .m.

Combad de sin dano rod lil a n-ainm as Focherd dond inud .i. fó cérd .i. maith in cherd gascid donecmaic do Choin Culaind and sin

Tánic dano Cu Chulaind &ersir; dosnetarraid oc gabáil dúnaid &ersir; bithus dá Daigri &ersir; da Ánli &ersir; cethri Dúngais Imlich díb. Gabais dano Medb for gressacht Loich andaide. Mór in cutbiud dait for si in fer ro márb do bráthair do bith oc dithugud ar slóig cen techt do chomrac fris. ar is derb lind ni déma siriti bras birda na letheti út fri bruth &ersir; feirg níad do letetisiu. &ersir; dano is o énmummi forcetail conrotacht dan dúib.

Tanic dano Lóch i n-agid Con Culaind do dígail a bráthar fair a donadbacht dó ba ulcha boí lais Tair dond áth úachtarach or Loch nipá isind áth escomon sa condricfem áit hi torchair Long. Ó thánic iarom do saigid ind atha bibsat ind fir na bú tairis. Bíaid tart eisc sund indiu or Gabran fili. Is de atá Áth Darteisc &ersir; Tir Mór Darteisc o sin forsin phurt sin. O ro chomraicset iarom ind fir forsind áth &ersir; o ro gabsat oc glíaid &ersir; oc imsesorcain and &ersir; o ro gab cach díb for truastad a chéli. focheird ind escongon tri ol .i. tri curu im cossa Con Culaind co mboí fáen for tarsnu isind áth ina ligu. Danautat .i. búalis Loch cosin chlaidiub combu chróderg in t-ath dia fulriud. Olc ón om for Fergus a ngním sin hi fíadnaisi námat. Gressed nech úaib a firu for se fria muintir in fer nár tháeth i n-ascid. Atraig Bricriu nemthenga mac Carbatha &ersir; gabais for gressacht Con Culaind. Ro scáich do nert ol se in tan is bratan bec dottrascair in tan dofil Ultu asa ces chucut Dolig duit gnim n-erred do gabail fort hi fíadnaisi fer nErend &ersir; laech ansa do dingbail a gasciud fon samail. La sodain atraig &ersir; benaid in n-escongain co mebdatár a hasnai indi &ersir; comboing in cethri darsna slúagu sair ar ecin co mbertatár a puple inna n-adarcaib lasa torandcless darigénsat in da láth gaile isind áth. Tanautatsom in tsod meic tíre doimairg na bú fair síar. Léicidsom cloich asa tailm co mebaid a súil ina cind. Téite i rricht samaisce maíle derge. muitti ríasna búaib forsna linni &ersir; na hathu. Is and asbertsom ní airciu .i. ni rochim a n-áthu la linni. Leicidseom cloich don tsamaisc maíl déirg co memaid a gergara foí. Cáchain laíd la sodain. M'óenurán dam ar étib sech nís n-etaim nis léicim atú ar trathaib úaraib m'oenuran ar iltúathaib Aprad nech fri Conchobor cía domissed nibo rom rucsat meic Mágach a mbú conda randsat etarru. Ro bíi cosnom im óenchend acht nad lassa nach óencrand día mbetis a dó ł a trí lasfaitis a n-athinni Bec narom nítsat ind fir ar imad comlaind oenfir ni rubaim níth n-erred n-án immar atú m'óenuran. m'óenuran .d.

Is and sin trá dogéni Cú Chulaind frisin Mórrigain a tréde dorairngert di hi Táin Bó Regamna. &ersir; fichid Loch isind áth cosin gaí bolga doléic in t-ara dó lasin sruth. Gaibthi dó co lluid hi timthirecht a chuirp ar ba conganchnes oc comruc fri fer boí la Lóch. Teilg traigid dam or Lóch. Doléiciseom Cú Chulaind combo tharis docer. Is de atá Áth Traiged i Tir Mor. benaid Cu Chulaind a cend de iar sudi

Is and sin conbocht fír fer fairseom a llá sin día lotar in cóic&fdot;er cucaiseom fón oínme .i. dá Crúaid dá Chalad Derothor. Nos ngeogain Cu Chulaind a óenur is hé sin Cóicsius Focherda &ersir; Coicer Óengoirt ł is cóic lá déc iss ed ro boí Cu Chulaind hi Focheird conid de atá Cóicnas Focherda isin Tána. Dosmídc Cu Chulaind a Delga conna cáemnacair anmanna de duniu na cethir ronucad a ainech secha fadess iter Delga &ersir; muir.

 Slánugud na Mórrigna inso

Ocond aiscis mór sin trá do Coin Culaind danarraid in Mórrígan i ndelb na sentainne caillige &ersir; sí cáech losc oc blegón bó triphne coniachtsom dig furri. Dobertsi blegon sini dó iniam bid slán doduc ol Cu Chulaind bennacht dé &ersir; ande fort ol se. Déi leósom in t-áes cumachta andéi i&mmacr; in t-áes trebtha. Íctha a cendsi iarom combo slán Dobeir blegon indala sini combo slán a súil. Dobert blegon in tress sini combo slán a fergaire. Combad ed atberadsom in cech ní dib sin bráth bennachtan fort or se. Atbirt frim trá or in Mórrígan nim bíad íc lat co bráth. Acht rofessin combad tú ol Cu Chulaind nit ícfaind tria bith sír. Combad ríamdrong Con Culaind for Tarthesc ainm in sceóil sea isin Tána.

Is and sin siacht Fergus fora glinne arna bristé fír fer for Coin Culaind. Is and sin iarom etha Cú ar galaib óenfer coicer Cend Coriss ł Dúin Chind Coross .i. Delgu Murthemne ind inbuid se Geogain Cu Chulaind and sin Fota ina roí. Bó Mailce fora áth Salach ina imliuch. Muinne ina dind. Lúar i lLethberaib. Fer Tóithle hi Tóithlib. Hit é a n-anmand na tíri sin co bráth cach bale i torcair cach fer dib sin. Geogain Cu Chulaind dano Traig &ersir; Dornu &ersir; Dernu. Col &ersir; Mebul &ersir; Eraise for Áth Tíre Móir de síu oc Méthiu &ersir; Cheithiu. Di druíd insin &ersir; a teóra mná. Iar sind tra foídis Medb cét fer dia sainmuintir do guin Con Culaind. Nos geogainseom uli iarom for Áth Cheit Chuile. Is and asbert Medb. Is cuillend .i. is col lind dund ém guin ar muintire. Is de átá Glaiss Chráu &ersir; Cuillend Cind Duin &ersir; Ath Ceit Chúle.

 In carpat serda &ersir; in Breslech mor Maige Murthemne inso.

Ro gabsat trá cethri chóiced Herenddúnad &ersir; lonngport isin Breslig Móir i mMaig Murthemne &ersir; ro láiset a n-ernail búair &ersir; braite seoco fodess hi Clithar Bó Ulad. Gabais Cu Chulaind icond &fdot;ert i lLercaib i comfocus dóib. &ersir; ataís a ara tenid dó trath nóna na haidchi sin .i. Loeg mac Ríangabra. Itchonnaircseom úad grístaitnem na n-arm nglanórda úas chind cethri cóiced nErend re funiud nell na nóna. Dofánic ferg &ersir; luinni mór ic aicsin in tslóig re hilar a bidbad re himad a námat. Ro gab a da sleig &ersir; a scíath &ersir; a claideb. Crothis a scíath &ersir; cresaígis a slega &ersir; bertnaigis a chlaidem. &ersir; dobert a srém caurad asa brágit coro recratár bánánaig &ersir; boccánaig &ersir; geniti glinni &ersir; demna aeóir re úathgráin na gáre dosbertatár ar aird. Cordas mesc ind Némain forsin tslóg. Dollotár i n-armgrith cethri chóiced Érend im rennaib a sleg &ersir; a n-arm fodessin co n-erbaltatár .c. láech díb do úathbas &ersir; cridenes ar lár in dúnaid &ersir; in longpairt in n-aidchi sin.

Dia mbaí Láeg and co n-acca ní in n-óenfer dar fíartharsna in dunaid fer nÉrend anairtúaid cach ndíriuch ina dochum. Óenfer sund chucund innossa a Chúcán or Láeg. Cinnas fir and sin or Cu Culaind. Nihandsa fer caín mór and dano berrad lethan laiss folt casbude fair. brat uanide i forcipol immi. Cassán gelairgit isin brot uassa bruinne. Lene de sról ríg fo dergindliud do dergór i cústul fri gelcnes co glúnib dó. Dubscíath co calathbúali findruni fair. Sleg cóicrind ina láim. Foga fogablaigi inna farrad. Ingnad ém reb &ersir; abairt &ersir; adabair dogní acht ní saig nech fair &ersir; ní saigseom for nech feib nachas faiced nech hé. Is fir sin a daltan for se Cia dom chartib síthcairesa sein dom airchisechtsa dáig ar bith foretatársom in t-imned már inam &fdot;uilsea m'oenur i n-agid cethri n-ollchóiced nÉrend ar Tain Bó Cual&ndot;gi don chur sa. Ba fír ém do Choin Chulaind anní hísin. A nad ránic in t-ócláech airm i mboí Cú Chulaind argládais &ersir; airchississ de. Ferda sin a Chú Chulaind ar se. Ní mor side etir for Cú Chulaind. Dabérsa dano cobair dait ar in t-ócláech. Cía taisiu eter or Cu Chulaind. Iss messe do athair a ssídib .i. Lug mac Ethlend. It tromda dano na fuli formsa ba héim dam mo íc. Cotailsiu sin bic a Chu Chulaind or in t-ócláech do thromthortim cotulta hicond ferta Lerga co dend teóra láa &ersir; teóra n-aidchi &ersir; fífatsa forsna slógaib in n-airet sind. Canaid a chéle ferdord dó contuli friss co n-accae nách crecht and ropo glan. Is and asbert Lug. .r. Éli Loga inso sís Atraí a meic mór Ulad fót sláncréchtaib curetha fri náimtiu fer melldarath mór a daig (?) todonathar dia ferragaib sligethar slúaig immenard nerethar fortacht a síd sóerfudut issin mruig ar conathaib cot anmuim arfucherthar fóchiallathar óengillae arclith ar búaib báifedae slig delb silsa ríut. Ni fil leó do nertsaegul fer do baraind bruthaigte co niurt for do lochtnamtib cingith carpat comglinni is iar sin atraí. atrai .a .m.

Teora la &ersir; teora n-aidchi baí Cu Chulaind ina chotlod. Bá dethbir són ém ce ro baí do mét in chotulta boí do mét na hascísi. Ón lúan íar samain sainrud cosin cétain iar n-imolg niro chotail Cu Chulaind frisin ré sin acht mad mani chotlad fithisin mbic fria gai iar medón midlaí &ersir; a chend fora dornd &ersir; a dornd ima gai &ersir; a gai fora glún acht ic slaidi &ersir; ic slechtad &ersir; ic airlech &ersir; ic esorcain cethri n-ollchóiced nÉrend frisin re sin. Is and sin focherd in láech síde lossa &ersir; lubi íci &ersir; slánsen i cnedaib &ersir; i créchtaib i n-aladaib &ersir; i n-ilgonaib Con Culaind co ternó Cú Chulaind ina chotlud cen ráthugud dó etir.

Is í sein trá amser i llotár in macrad atúaid o Emain Macha tri .lll. mac rig do Ultaib im Follamain mac Conchobair &ersir; dosberat teóra catha dona slúagaib co torchratar a tri comlín leó &ersir; torcratár in macrad dano acht Fallamain mac Conchobair. Bágais Fallamain ná ragad ar cúlu co hEmain co bruinni mbratha &ersir; betha co mberad cend Ailella leiss cosin mind óir boí úasa. Nirbo réid remiseom aní sin. Úair dofairthetár da mac Bethe meic Báin da mac mumne &ersir; aite do Ailill &ersir; rod gonsat co torchair leó. Conid Aided na macraide Ulad insin &ersir; Fallamna meic Conchobair.

Cu Chulaind i&mmacr; baí ina súantairthim cotulta co cend teóra láa &ersir; teóra n-aidchi hicond ferta i lLergaib. Atracht Cu Chulaind iar sin asa chotlud &ersir; dobert láim dara agid &ersir; dorigni rothmúal corcra o mulluch co talmain &ersir; ba nert leiss a menma &ersir; tíasad i n-óenach. ł i tochim ł bandáil ł i cormthech ł i prímoenach do primóenaigib Erend. Cia fot atúsa isin chotlud sa innossi a óclaich ar Cu Chulaind. Tri lá &ersir; tri aidchi for in t-ócláech. Ron mairgsea deside or Cu Chulaind. Cid de ón or in t-ócláech. Na slóig cen opairt frisin ré sin ar Cu Chulaind. Ní filetsom ón om etir or in t-ócláech. Ceist cia arránic ar Cu Chulaind. Lotar in macrad antúaid o Emain Macha tri .lll. mac im Follomain mac Concobair do maccaib ríg Ulad &ersir; dobertsat téora catha dona sluagaib ri hed na trí la &ersir; na trí n-aidchi hi taisiu it chotlud innossa &ersir; torcratár a tri comlín leó &ersir; torchratár in macrad acht Follomain mac Concobair. Bágais Follomain co mberad cend Ailella &ersir; nirbo reid dósom ón ar ro marbad. Apraind ná bása for mo nirt deside. Uair día mbeindse for mo nirt ni tóethsitís in macrad feb dorocratár &ersir; ní tóethsad Follomain mac Concobair. Cossain archena a Chúcán ni haisc dot inchaib &ersir; ni táir dot gasciud. Airisiu sein innocht dún a óclaig or Cu Chulaind ar co ndiglom malla in macraid forsna sluagaib. Nad anéb om ale in t-oclaech uair cid mór do chomramaib gaili &ersir; gascid dogné nech hit arrad so ni fair bías a nós nách a allud nach a irdarcus acht is fortso is aire sin nad aniubsa acht imbirseo féin do gním gascid t'oenur forsna sluagu úair ni leó atá commus t'anma don chur sa.

&ersir; In carpat serda a mmo phopa Laíg ar Cu Chulaind in coemnacar a innell &ersir; innatá a threlom má cotnici a innell &ersir; má dotá a threlom no n-iinnill. &ersir; mani fil a trelom nacha n-innill etir.

Is and so atracht in t-ara &ersir; ro gab a fíanerred aradnachta immi. Bá dond fíanerred aradnachta sin ro gabastársom immi a inar bláith bíannaide is é étrom aerda is é súata srebnaide is é úagthe osslethar conna gebethar ar lúamairecht lám dó anechtair. Ro gabastarsom forbrat faind taris anechtair dorigni Simón druí do Dair do ríg Rómán conda darat Dair do Chonchobor conda darat Conchobar do Coin Culaind condarairbert Cu Chulaind día araid. Ro gabastar t-ara cétna sin dano a chathbarr círach clárach cethrochair co n-ilur cach datha &ersir; cach delba dara midguallib sechtair bá somassi dosom sin &ersir; nirbo thórtromad. Taraill a lám leiss in gipni ndergbudi mar bad land dergóir do brondór brúthi dar or n-inneóni fri étan dó indchomartha a aradnachta sech a thigerna. Ro gabastár idata aurslaicthi a ech &ersir; a del intlassi ina desra. Ro gabastár éssi astuda a ech ina thuasri .i. aradna a ech. ina láim in chli re imchommus a aradnachta. Is and so fochéird a lúrecha iarnaidi intlassi immó echaib co ngebethar doib o thul co aurdornd do gaínib &ersir; bírínib &ersir; slegínib &ersir; bircrúadib corbo birfocus cach fonnod isin charpat sin corbo chonair lethartha cach n-ulind &ersir; cach n-ind &ersir; cach n-aird &ersir; cach n-aircind don charput sin. Is and sin focheird bricht comga dara echraid &ersir; dara chomalta connárbo léir do neoch isin dúnud &ersir; corbo léir dóibseom cách issin dúnud. Bá deithbir ém cé focherdedsom inní sin dáig ár bith bátár teóra búada aradnachta forin n-araid in lá sin .i. léim dar boilg &ersir; foscul ndírich &ersir; imorchor ndelind.

Is and so ro gab in caur &ersir; in cathmílid &ersir; in t-indellchró bodba fer talman Cu Chulaind mac Sualtaim ro gab a chatherred catha &ersir; comraic &ersir; comlaind. Bá don catherred catha sin &ersir; chomraic &ersir; chomlaind. Ro gabsom immi .uii. cneslesti fichet cíartha clártha comdlúta bítís bá thétaib &ersir; rothaib &ersir; refedaib hi cústul fri gelcnes dó. arnacha ndecrad a cond nach a chiall o doficed a lúth lathair. Ro gabastár a chathcriss curad taris anechtair do chotutlethar crúaid choirtchide do formna .uii. ndamseched ndartada co ngabad dó o thana a thaíb co tuig a ochsaille ro bíth immi ic díchur gai &ersir; rend &ersir; err &ersir; sleg &ersir; saiget. Dáig is cumma focherditís de &ersir; mar bad do chloich ł charraic ł congna ro chíulaitís. Is and sin ro gabastár a úathroic srebnaide sroill cona cimais do banór bricc fria fri móethichtur a medóin. Ro gabastár a dondúathróic ndondlethair ndegsúata do formna cethri ndamseched ndartada cona chathchris do cholomnaib ferb fua dara fúathróic srebnaide sroill sechtair. Is and so ro gabastár in rígnia a chatharm catha &ersir; comraic &ersir; comlaind. Ba don chatharm chatha sin íarom. ro gabastar a ocht claidbíni ima arm dét &ndot;drechsolus. Ro gabastar a ocht slegini ima sleig cóicrind. &ersir; a saigetbolg Ro gabastar a ocht ngothnatha má goth néit. Ro gabastar a ocht cletíni ma deil cliss. Ro gabastar a ocht scíathu cliss imma chromscíath ndubderg ina téged torc taiselbtha ina tul tárla cona bil áithgeír ailtnidi imgéir ina hurtimchull co tescfad finna i n-aigid srotha ar athi &ersir; ailtnidecht &ersir; imgeri inbaid fogníth ind oclaig fáeborchless di is cumma imthescad dá scíath &ersir; dá sleg &ersir; dá chlaideb. Is and so ro gab a chírchathbarr catha &ersir; comraic &ersir; comlaind ima chend asa ngaired gair chét n-oclách do sírégem cecha cúli &ersir; cecha cerna de. daig is cumma congairtis de bánánaig &ersir; boccánaig &ersir; geniti glinne &ersir; demna aeóir ríam &ersir; úaso &ersir; ina imtimchiull cach ed no téged re testin fola na mmíled &ersir; na n-ananglond sechtair. Ro chress a celtar comga taris don tlachtdillat Tíre Tairngire dobretha o aiti druidechta.

Is and so cétríastartha im Choin Culaind co nderna úathbásách n-ilrechtach n-ingantach n-anaichnid de. Crithnaigset a charíni imbi imar crand re sruth ł imar bocsimin fri sruth cach mball &ersir; cach n-alt &ersir; cach n-ind &ersir; cach n-áge de o mulluch co talmain. Ro lae saebglés diberge dá churp i mmedón a chrocind. Táncatár a traigthe &ersir; a lúirgne &ersir; a glune co mbatár da éis. Táncatár a sála &ersir; a orcni &ersir; a escata co mbátár ríam remi. Tancatár tulfethi a orcan co mbátár for tul a lurgan combá métithir muldornd míled cech mecon dérmár díbide. Srengtha tollfethe a mullaich co mbátár for coich a muineóil combá métithir cend meic mís cach mulchnoc dímór dírim direcra dímesraigthe díbide. And sin dorigni cúach cera da gnúis &ersir; da agid fair. Imsloc indara súil dó ina chend iss ed mod dánas tairsed fíadchorr tagraim do lár a grúade a hiathor a clocaind. Sesceing a setig co mboí fora grúad sectair. Ríastartha a bél co úrtrachta. Srengais in n-ól don &fdot;ídba chnáma comtar écnaig a ginchroes. Táncatár a scoim &ersir; a tromma co mbátár ar etelaig ina bél &ersir; ina brágit. Benais béim n-ulgaib leóman don charput uachtarach fora forcli comba métithir moltchracand cech slamsrúam thened doniged ina bél asa brágit. Roclos bloscbéimnech a chride re chlíab imar glimnaig n-árchon hi fotha ł mar leomain ic techta fó mathgamnaib. Atchessa na kłne bodba &ersir; na cithnella neme &ersir; na haible tened trichemrúaid i nnellaib &ersir; i n-aéraib uasa chind re fiuchud na ferge fírgarge hitrácht úasto. Ra chasnig a folt imma cend imar craíbred &ndot;dergscíach i mbernaid atálta. Ce ro crateá rígaball fó rigthorad immi iss ed mod da rísad ubull díb dochom talman taris acht so sesed ubull for cach óenfinna and re frithchassad na ferge atracht da fult úaso. Atracht in lúan láith asa étun comba sithethir remithir airnem n-óclaích corbo chomfota frisin sróin coro dechrastár oc imbirt na scíath oc brogad ind arad oc taibleth na slóg. Ardithir i&mmacr; remithir talcithir tresithir sithidir seólcrand prímluingi móri in buinne díriuch dond&fdot;ala atracht a fírchlethe a chendmullaig hi certairdi co nderna dubchíaich ndruidechta de amal chíaig do rigbrudin in tan tic rí día tincur hi fescur lathe gemreta.

Iar sin ríastrad sin ríastarda im Choin Culaind is and sin doreblaing ind err gascid ina chathcarpat serda co n-erraib iarnaidib cona faebraib tanaidib cona baccánaib &ersir; cona bircrúadib cona thairbirib níath cona nglés aursolcdi cona thairngib gaíthe bitís ar fertsib &ersir; íallaib &ersir; fithisib &ersir; folomnaib don charpat sin. Is amlaid boí in carpat sin cona chreit chróestana chróestirim chlesaird clangdírig caurata ara taillfitís .uiii. n-airm n-indflatha co lúas faindle ł gaíthe ł chliabaig dar roe maige. Ro suidiged in carpat sin for dá n-echaib díana dremna dasachtacha cendbeca cruindbeca corrbeca biruich bascind bruinnedérg sesta suachinte sogabalta sodain fo grinnib áillib a &fdot;én. Indara hech dibside ocus se lugaid lúathlemnech tresmar túagmar traigmar fótmar fochorsid. In t-ech aile ocus sé casmongach cascháel conseng seredchoel airgdech.

Is and so focheird torandchless cét &ersir; torondcless ca .c. &ersir; torandchless tri .c. &ersir; torandchless cethri .c. &ersir; tarrasair aice for torandchless .u. cét. úair nírbo furáil leiss in comlín sin do thotim leiss ina chétchumscli &ersir; ina chétchomling catha for cethri chóiced Herend &ersir; dotháet ass fón cumma sin d'insaigid a námat &ersir; drobretha a charpat morthimchull cethri n-ollchóiced nErend ammaig anechtair &ersir; dosbert fobairt bidbad fó bidbadaib foraib. &ersir; dobreth seól trom fora charpat. &ersir; dollotar rotha íarnaidi in carpait hi talmain corbo leór do dún &ersir; do daingen feib dollotár rotha íarnaide in charpait hi talmain uair is cumma atrachtatár cluid &ersir; cairthe &ersir; carrce &ersir; táthleca &ersir; murgrían in talman aird i n-aird frisna rothaib iarndaidib súas sell sechtair. Is aire focheird in circul modba mórthimchull cethri n-ollchóiced nErend ammaig anechtair arná teichtis úad &ersir; ná scailtís immi coros tairsed fri tendta fri tarrachtain na macraide forro. &ersir; dotháet isin cath innond ar medón &ersir; failgis falbaigi móra do chollaib a bidbad morthimcoll in t⋅lóig ammaig anechtair fo thri &ersir; dobert fobairt bidbad fo bidbadaib forro co torchratár bond frí bond &ersir; méde fri méde ba sí tiget ind áirbaig. Dosrimchell aridisi fa thrí in cruth sin co farcaib cossair sessir impu fa mórthimchull .i. bond trír fri méde trír fó chúaird timchill immón dúnad. Conid Sesrech Breslige a ainm issin Táin. &ersir; iss ed tres ndíríme na Tána .i. Sesrech Breslige &ersir; Im⋅lige Glennammach &ersir; in cath for Gárig &ersir; Irgárig. acht ba cumma cú &ersir; ech &ersir; dune and Iss ed atberat araili ro fich Lug mac Eithlend la Coin Culaind Sesrig mBreslige. Nicon fes i&mmacr; a árim &ersir; ni cumangar a rím cía lín dorochair and do daescorslúag. acht ro rímthé a tigernai namma. It e seo anmand side inna rurech &ersir; inna taísech .i. .r. Dá Chrúaid da Chalad da Chír dá Chíar da Ecell tri Cruim tri Caurith tri Combirgi cetri Feochair cetri Furachair cetri Caiss. cetri Fotai .u. Caurith .u. Cermain .u. Cobthaig .ui. Saxain .ui. Dáich .ui. Dári .uii. Rocháid .uii. Ronáin .uii. Rurthig .uiii. Roclaid ocht Rochtaid ocht Rindaich ocht Corpri ocht Mulaich. .ix. nDaigith .ix. nDári. .ix. nDámaig .x. Féic .x. Fiacaich .x. Fedelmid.

Deich ríg ar secht fictib ríg ro bí Cu Chulaind i mBresslig Móir Maigi Murthemni. Dírime i&mmacr; olchena di chonaib &ersir; echaib &ersir; mnáib &ersir; maccaib &ersir; mindaínib &ersir; drabarslog. ar nír érno in tres fer do feraib Herend cen chnáim lessi ł lethcind ł lethsúil do brisiud ł cen bithanim tria bithu betha. &ersir; dotháet úadib iar sin iar tabairt in tressa sin forro. cen fuligud cen fordercad fair fein ł fora gillu ł for ech dia echaib

 Túarascbail delba Con Culaind so.,

Dotháet Cu Chulaind arna barach do taidbriund in t⋅loig &ersir; do thaisbenaid a chrotha álgin alaind do mnaib &ersir; bantrochtaib &ersir; andrib &ersir; ingenaib &ersir; filedaib &ersir; áes dána úair nír míad na mass leiss ind úaburdelb druídechta tárfas dóib fair ind adaig sin reme is aire sin tánic do thaselbad a chrotha algin alaind in lá sin. Alaind ém in mac thánic and sin do taselbad a chrotha dona slúagaib .i. Cu Chulaind mac Soaldaim. Faircsi tri folt fair dond fri toind cind. Cródérg ar medón mind orbude ardatugethar. Caín cocarsi ind &fdot;uilt sin co curend téora imsrotha im claiss a chúlaid comba samalta &ersir; or⋅náth cach finna fathmainnech forscaílte foroda dígrais dualfota derscaigtech dathálaind dara formna síar sell sechtair Cet caírches corcorglan do dergór orlasrach imma brágit. Cét snáthéicne don charmocol cummascda hi timthacht fría chend. Cethri tibri cechtar ar da grúad .i. tibre buide &ersir; tibre úane &ersir; tibre gorm &ersir; tibre corcra .Uii. ngemma do ruthin ruisc cechtar a dá rígrosc .uii. meóir cechtar a dá choss .uii. meóir cechtar a dá lám co ngabáil ingni sebaic co forgabáil ingne griúin ar cach n-aí fo leith diib sin.

Gabaidseom dano a dillat n-óenaig n-imbi in laa sin. Baí da étgud immi .i. fúan caín cóir corcorglan corthorach cóicdíabuil. Delg find findárgit arna ecor d'ór intlassi úasa bánbruinni gel imar bad lócrand lánsolusta nad chumgaitís suili doíni déicsin ar gleoraidecht &ersir; glainidecht. Clíabinar sróil sirecda ré chnes co ngebethar dó co barrúachtar a dondfúathroci donddergi míleta do srol ríg. Dondscíath dondderg dondchorcra co cóicroth óir co mbil finddruini fair. Claideb órduirnd intlasi co torceltaib óir dérg i n-ardgabáil gaili fora chris. Gai fota fáeborglas re faga féig fobartach co semmanaib óir orlasrach inna farrad issin charpat .ix. cind isindala láim dó .x. cind isind láim aile. Ros ecroth úad frisna slúagaib. Conid comram aidchi do Choin Chulaind sin. Is and sin frisócbat mná Connacht forsna buidne &ersir; fordringtís mná firu do descin crotha Con Culaind. Follaig i&mmacr; Medb a hainech &ersir; ní lámair taidbsin a gnusi acht boí fo damdabaig scíath ar omon Con Culaind. Conid de sin asbert Dubthach Dóel Ulad.

.r.

Masu hé in riastartha bíait collai duíne de Beite éigme im lissu. biait fuind fri airisiu. Biait corthi i llechtaib bid formach do rígmartaib Ni maith no fichid in cath i lleirg frisin n-oennenach Adchíu in cruth immondnaig ocht cind inna chuillsennaib Adchíu fodb leiss i mbrétaib .x. cind ina rosétaib Adchíu dofócrat far mná a ngnúis tarsna ergala Adchíu far rígna in móir ni toccair dond imforráim. Diambad me bad chomarlid bíad slóg imme di cach leith

Conid and ro chan Fergus inso co n-ebairt.

.r.

Ber ass Dubthach nDóeltengaid iar cúl in tslóig na srengaid nicon dergeni nach maith o geogain in n-ingenraith Ferais écht &ndot;dochla &ndot;dobail guin Fíachaig meic Conchobair nípau chaíniu rocloth dó guin Corpri meic Fedelmtheó Rígi nUlad ni chosnai mac Lugdach meic Casrubai iss ed dogní fri doíni a nad rubad cosaídi Bid olc la longais nUlad guin a meic nad lánulach costud Ulad ma dobí adsuífet in n-imirgí sirfid in noíndin hi fot do Ultaib co nderasot. Bíait techta scél mara biait rígnai dermara biait créchtai fuidb bechtai biait buidne airlechtai Biait collai fó chossaib biait brain for branfossaib beti fáenscéith hi lergaib bi cumtach do díbergaib. Roínfid fuil féne fo don la slúag inna ndunechon regaid ind longas hi fat do Ultaib díanda rísat ni geib coistecht arubthá ber ass Dubtach nDoeltenga. ber .a.

Sréid Fergus Dubtahch úad iar sin co n-arrasair di sruib fri budin anall. Co cloth ní Ailill co n-ebairt.

.r. Na fer báig a Fergus ar buaib sceó mnáib Ulad aithgén ara mbernaib beit mairt ili sund slig ceni silsiter acht i n-óenferaib ardeslig isind áth cach óenlathiu. Co cloth ní Medb.

.r. Comérig a Ailind co fíannaib fótrind ar duth buaib sceó genat &mmacr;c melchib athaib i ngrenchaib móraib i llinib dubaib forbrisfet comlund scéo Fergus dánae co loingis Ulad biaith and íartach i ndíaid in catha memais caumu co filib Féne.

Fergus dixit.Banairle báetha nacha auchide. nacha co cloth ní Fergus cluinte co teintib bláthaib sceó cholet muinter sceo chenel olca anapthai rosrí a chialla consuidet na tádet. Co cloth Gabrán file.

.r. Na briguid briathra sceó laidib rígnaib for bronnaib di thuathaib déni dia messaib blassaib. dia fáebra fichi cessóe cía bera na suí forellig na tulle miscais.

Na femdit far G os mag ass co mbatar oc dr tess Toscar and sin &ersir; uadib la sodain céle taít ara chend isin n-áth or Fergus. Aúchaide Ailill or Medb. co cloth ní Ailill.

.r. Fergus rofitir morthúathaib for far muintir méilaith ní imthecht ar far mbúaib acht cía far slíg slattaib i mbúaib dithoing ceóbera di far mór dí belgib brassaib Co cloth ní Fergus.

.r. Na fer a Medb mórscoith dit loingis buirr bráthu iar mbliadain sceó cháthig mná massa iartaige nád imdat dit morchothaib día thúathaib tisccet.

 Imroll Belaig Eóin inso

Fíacha Fíaldána Dimraith dolluid do acallaim meic sethar a máthar .i. Mane Andóe a ainm. Dolluid Docha mac Mágach la Mane nAndóe. Dolluid Dubthach Dóel Ulad la Fíachaich Fialdána Dimraith. Docorastár Dócha gai for Fíachaig co lluid i nDubthach. Focheird dano Dubthach gai for Mane co lluid i nDócha. Dí fieir i&mmacr; máthair Dubthaig &ersir; Doche. Is de atá Imrull Belaig Eúin.

ł is de atá Imroll Belaig Eúin .i. tíagait na sloig do Beluch Eúin anait a ndí dírim suidiu. Tic Díarmait mac Conchobair di Ultaib antúaid. Eirged marcach úaib or Diarmait co tí Mane dom accallaim dís &ersir; ragatsa dís ara cend. Condrecat iarom. Todeochadsa or Díarmait o Chonchobar co n-erbora fri Medb &ersir; Ailill co relcet na bae ass &ersir; slán uile a ndorónad and &ersir; tabár in tarb aníar cosin tab ille co comairset uair ro báge Medb. Ragatsa or Máne co n-apror fríu. Ratiside dano fri Meidb &ersir; Ailill. Ni hetar for Medb. Ani siu or Mane. Dénam cóemchlód dá gaisced didiu or Diarmait. Massu ferr latt. Maith lim or Mane focherd cechtar de gai for araile conid apthatar a ndís. &ersir; conid Imroll Belaig Eóin ainm na maigni sin. Maitti a ndírím fó araill. Dofuittet tri fichit díb di cechtar dá lína. Is de atá Ard in Dirma.

 Aided Tamuin druith inso.

Foruirmiset muinter Ailella a mind ríg for Tamun drúth ní lamair Ailill a beith fair fessin. Srédis Cu Chulaind cloich faír oc Áth Tamuin co mmebaid a cend de. Is de atá Áth Tamuin &ersir; Tuga im Thamun.

 Aíded Óengussa meic Óenláma.

Dointaí iarom Óengus mac Óenláma Caíme óclach dána di Ultaib. in slóg n-ule oc Modaib Loga. Is inund ón dano &ersir; Lugmod co tici Áth da Ferta nís léic secha &ersir; dosmbidc co llecaib &ersir; asberat ind eólaig imneblaid .i. ro fost ríam remáin co tíastain fo chlaideb oc Emain Macha acht bid ar galaib óenfer conristá friss. Brisit fír fer fair iarom &ersir; ra mbeótar i n-ecomlond.

 Comrac Fergusa fri Coin Culaind

Táet nech úaib ar mo chendsa ar Cu Chulaind oc Áth da Ferta. Nipa messe nípá mé ol cách assa magin ni dlegar cimbid dom cheniul cía na dligthe nipad me dobertais tara chend im cimbidecht.

Is and gessa do Fergus mac Roich techt ara cendsom. Opaidside dano dul ar cend a daltai .i. Con Culaind. Dobreth fín do &ersir; ro mesca co trén &ersir; ro guded im dula isin comrac. Téit ass iarom ó ro bás oca etargude co tromda. Asbert Cu Chulaind iarom is com glinni dothéig ar mo chendsa a popa Fergus ol se cen claidib inna intiuch. Ar gatsai Ailillass ut praediximus. Is cumma limsa etir or Fergus cia no beth claideb and ní imbertha fortsu. Teilg traigid dam a Cu Chulaind or Fergus. Teilgfeso dano damsa arisi ar Cu Chulaind. samlaid ecin or Fergus Is and sin dolléci Cu Chulaind traigid for culu re Fergus co rrici Grellig nDoluid ara telced Fegus dósom traigid i lló in catha. Tairbling Cu Chulaindiarom hi nGrellaig Dolluid. ara chend dait a Fergus or cách. Aicc ol Fergus ni ord erossa is robeóda intí fil and conom thí de chind chúarda ni reg.

Tíagait secha iarom Co ngabsat dunad hi Crích Ross. Raclunethar són dano Ferchú loingsech buí for longais re nAilill. Dotháetside ar cend Con Culaind. Tri fir déac dano ba hé a lín. Gontai Cú Chulaindoc Cingit Fercon. atát a trí líic déac and.

 Comrac Maind

Foídís Medb Mand Muresci mac Dairi do Domnandchaib do comrac fri Coin Culaind derbrathair side &ersir; Daman athair Fir Diad. Ba fer borb brogda iarom im longud &ersir; im ligi in Mand. Fer dothengtach dobeóil amal Dubthach Dóel Ulad. Ba fer tailc trebur co sonairte ballraid. amal Munremur mac Errcind. Trénfer tnútach amal Triscod trénfer tigi Concobair. Ragatsa &ersir; mé anarma &ersir; conmel eter mo lamaib hé ar ní míad ł mas lem arm d'imbirt for siriti n-amulach amne. Luid iarom do saigid Con Culaind. Is and boiside &ersir; a ara forsin maig oc frecomet in t⋅lúaig. Óenfer cucund sund or Láeg fri Coin Culaind. Cinnas fir ol Cu Chulaind. Fer dubdond tailc tarbda &ersir; se anarma. Léic sechot ol Cu Chulaind. Tic cucu la sodain. Do cur chomlaind frit dodeochadsa ol Mand. Gabait iarom for imtrascrad fri ré cian &ersir; trascraid Coin Culaind fo thrí Mand. Conid greis in t-ara. Díambad curadmir do chosnam i nEmain duit for se ropadatren for ocaib Emna. Tic a ferg niad &ersir; atraig a bruth miled cor trascair Mand fón corthi coro scor i mminagib. Conid de atá Mag Mandachta .i. Mand échta .i. écht Maind and.

 TOGAIL BRUIDNE DÁ DERGA

airiut. Naté em ol sesseom ní haurchur sáegail damsa in breth ronucus. Ní crochfaiter ind fir acht eirget senóri leósom co rrálat a ndíbeirg for firu Alpan.

Dogníat ani sin. Tíagait ass forsin farrci co comarnectár fri mac ríg Bretan .i. I&ndot;gcél Caech hua Conmaic. tri .l. fer cona senorib léo co comarnectar frosind fargge. Dogníat cairdes &ersir; tíagait la Ingcel co rrólsat a ndibeirg lais. Is í orcain tuc á aín&fdot;én dósom. Conid si adaig and sin ro curthea a mathair &ersir; a athair &ersir; a ui. nderbráthir do thig ríg a thúate. Orta uli la Ingcél i n-óenaidchi. Dollotar trá forsin farci anall hi tír nErend do chuingid oirgne fón orgain ro dligestár Ingcél díb.

Lánsíd i nErind hi flaith Conaire acht boí imnesse catha eter da Corpre hi Túathmumain. Dá chomalta dosom íat. Ni boí a córugud co rised Conaire. Geiss dosom techt día n-etergléod riasíu dorostais chuci. Téit iaro ciarbo geiss dó &ersir; dogéni síd n-etarro. Anais .u. aidche la cechtar de. Geis dosom dano aní sin. Íar ngleod ind áugrai. ro boíseom oc saigid do Themraig. Is ed gabsait do Temraig sech Usnech Midi co n-accatár iar sain a n-indred anair &ersir; aníar &ersir; anes &ersir; atúaíd. &ersir; co n-accatár na buidne &ersir; na slúagu &ersir; ropo nem tened tír úa Néill imbi. Cid ani seo ol Conaire. ni handsa ol a muinter ní duachnid són is í in cháin ro mebaid and in tan ro gabad for loscod in tíre. Ceist cid gébmani ol Conaire. Saerthúaid for a muinter. Iss ed ro gabsat iarom deisiul Temra &ersir; tuaithbiul Breg &ersir; tosessa lais clóenmíla Cernai. Ní accai corro scáig a tofond. Is iat dodróni in smúitcheó ndruidechta sin din bith síabrai fo bithin ar ro corpait géssi Conaire.

Immusrala trá in t-ómon mór sin do Chonaire connach rabi dóib conar dochoistís acht for sligi Midlúachra &ersir; for sligi Cualand. Is ed ro gabsat iarom la hairer nErend antúaid. Is and asbert Conaire for sligi Cualand cid ragma innocht ol se. Dommáir ada Conaire for Mac Cecht mac Snaide Teichid catmílid Conaire meic Etersceoil. Bátar menciu fir Herend oc do chosnomso cach n-aidche indás bith deitsiu for merogod tige oíged.

Totháet meis fó amsera for Conaire. Boí dara camsa isin tír se for Conaire. acht rofesmais conair día thig. Cia ainm side for Mac Cecht. Da Derga di Lagnib ol Conaire. Ránic cucumsa em ol Conaire do chuingid aisceda &ersir; ní thuidchid co n-éru. Rá n-írusa im chét mbó bóthána. Ra n-írusa im cét muc A deg (?) ruithnecht am bulg dubh. ni fudhan ni don min gil. ciasa teimhen mo comainm. is geal mo toigairm for nim. muccglassa. Ra n-írusa im chét mbrat cu&ndot;gás clithetach. Ra n-írusa im chét ngaisced ngormdatha ngubae. Ra n-írusa im deich ndeilci derca diorda. Ra n-írusa im .x. ndabcha déolcha deich donnae. Ra n-írusa im .x. mogu. Ra n-írusa im .x. meile Ra n-írusa im thrí .ix. con n-éngel inna slabradiab airgdidib. Ra n-írusa im .c. n-ech mbúada hi sedgregaib oss n-eng. Ní ara maithem dó cia rised beos. Doberad a n-aill. is ingnad mád brónach frimsa innoch. A mbása éolachsa ém dia thig side for Mac Cecht is crich a tribe chuci in tsligi forsa tai. Téit co téit isa tech ar is triasin tech ata in tslige. Atát .uii. ndorais isa tech &ersir; uii. n-imda iter cach dá dórus &ersir; ní fil acht óenchomlaid n-airi &ersir; imsoíther in chomla sin fri cach ndorus dia mbí in gáeth. Lín ataí sund ragai hit broí dírmai co tarblais for lár in tige. Masu ed no théig tíagsa co n-árlór tenid and ar do chind.

In tan ro boí Conaire iar sudiu oc ascnam iar slige Chúaland rataiges in triar marcach dochom in tige. Teóra léne dergae impu. &ersir; tri bruit dergae impu. &ersir; tri scéith derga foraib. &ersir; tri gae derga ina lámaib. &ersir; tri eich derga foa suidib. &ersir; tri fuilt derga foraib. Dergae uile eter chrop &ersir; folg &ersir; etgud. eter echu &ersir; daíne. Cía rédes riund for Conaire. Ba geiss damsa in tríar ucut do dul reum for Conaire na tri deirg do thig Deirg. Cía ragas ina ndiaid co taessat i llorg cucumsa. Ragatsa ina ndíaid for Lé fri Flaith mac Conaire. Téit ina ndíaid iarom for echláscad &ersir; nis n-arraid. Boí fot n-aurchore eturro. Ach ní ructhaisom aireseom ní rucadsom foraibseom. Asbert fríu nad remthíastais in ríg. Nis n-arraid acht ro chachain in tres fer laíd dó dara ais.

.r. Én a meic mór a scél scél o brudin bélot long lúaichet fer ngablach fíangalach ndoguir cnéd míscad mór bét bé find for ndestetar deirgindlid áir. én .a.

Tíagait úad iarom atároí astód. Anais in mac ar cind in tslúaig. Asbert fria athair a n-asbreth fris. Níbo ait laiss. Ina ndíaid deit or Conaire &ersir; tairg tri dumu &ersir; tri tinni dóib &ersir; airet beti im theglochsa ní bía nech etarru o thenid co fraigid. Téit iarom ina ndíaid in gilla &ersir; toirgid dóib aní sin &ersir; nis n-arraid acht ro cháchain in tres fer laíd dó dara ais.

.r. Én a meic mór a scél gerthiut gorthiut robruth ríg eslabrae tri doilbthiu fer forsaid fordáim dám nonbair. én .a.

Tintaí in mac afrithisi co rragaib i laíd do Chonaire. Eirg ina ndíaid for Conaire &ersir; toirg dóib .ui. dumu &ersir; .ui. tinni &ersir; mo fuidellsa &ersir; aisceda i mbárach. &ersir; airet beite im thegluchsa ni bía nech eturru o thein co fraig. Luid in gilla ina ndíaid íarom &ersir; nisraraid acht frisgart in tres fer co n-epert.

.r. Én a meic mór in scél scitha eich imáríadam imríadam eochu Duind Tetscoraig a sídib cíammin bí amin mairb móra airdi airdbi sáegail sasad fíach fothad mbran bresal airlig airlíachtad fáebuir ferna tulbochtaib trataib iar fuin. én .a.

Tíagait úad iarom.

Atchíu niros astaís na firu for Conaire. Ni mé rod mert .i. ro follaig cen in techtairecht do denam ém ol se .i. or Lé fri Flaith. Radis a n-aithesc ndédenach asbertatár fris. Nirptar failte de. &ersir; Batár iar sain na míthaurrússa .i. drochmenmand imómna foraib. Rom gabsatsa mo gessi uili innocht ol Conaire. Úar óessa .i. nár fetad indarbae in triar sin dochotár ríam dochom in tige co rragbaiset a suide isin tig &ersir; coro airgiset .i. cor cengailset a n-eocho dergae do dorus in tige. remthochim na tri nderg sin isin brudin.

Is ed ro gab Conaire cona slúagaib do Áth Chlíath. Is and dosnarraid in fer máeldub cona óenláim &ersir; óensúil &ersir; óenchoiss. Mael gárb fo suidiu. Cía focerta míach di fíadublaib fora mulluch ní foichred ubull for lár acht no gíulad cach ubull díb fora &fdot;innu. Cía focerta a srúb ar gésce immatairisfed dóib. Sithremithir cuing n-imechtair cechtar a dá lurgan. Méit mulaig for gut cach mell do mellaib a dromma. Gabollórg iarirn inna láim. Muc máeldub dóthi fora muin &ersir; sí oc síregim &ersir; ben bélmar már dub dúabais dochraid ina díaid. Cia focherta dano a srúb ar gésce folilsad. Tacmaicced a bél íchtarach coa glún. Tacurethar bedg ara chend &ersir; ferais failte fris. Fo chen dait a phopa Conaire cían rofess do thíchtu sund. Cia feras in fáilte for Conaire. Fer Caille co muic duib daitsiu do thoccomol arná rabi hi toichned .i. hi troscud innocht. Is tú rí as dech tánic in ndomon. Cia ainm do mná ol Conaire. Cichuil ol se. Nách n-aidche aile bas áil dúib for Conaire roborficba &ersir; sechnaid innocht duind. Nathó or in bachlach ar rotficbam co port i mbía innocht a phopan chain Chonaire. Téit iarom dochom in taige &ersir; a ben bélmar már ina díaid &ersir; a mucc máeldub dóithi oc sírégim fora muin. Geiss dosom aní sin &ersir; bá geis dó diberg do gabáil i nErind ina flaith.

Gabtha tra díberg la maccu Duind &ndot;Déssa &ersir; cóic .c. fo churp a ndíberge. cenmota na rabi do &fdot;o⋅lúag leó. Baí láech maith isin tír thúaid. Fen dar Crínach ba sed a ainm. Is de ro boí Fén dar Crínach fairseom. ár is cumma no cinged dara cholaind &ersir; no chessed fén dar crínach. Gabtha díbérg dano la suide &ersir; .u. c. fo churp a ndibergae a óenur cenmothá fo⋅luag.

Bátár and iar sin fíallach bátár uallchu .i. uii. meic Ailella &ersir; Medba. &ersir; Mane for cach fir díb. &ersir; forainm for cach Mani .i. Mani Athremail. &ersir; Mane Máthramail. &ersir; Mane Míngor. &ersir; Mane Mórgor. Mane Andóe. &ersir; Mane Milscotach. Mane Cotageib Uli. &ersir; Mane as Mó Epert. Gabtha díberg la suidib. Mane Mathramail dano &ersir; Mane Andóe cethri fichit déc fo churp a ndíbergae. Mane Athremail .l. ar ccc. fo churp a ndibergae. Mane Milscothach .u. c. fo churp a ndíbergae. Mane Cotageib Uile .uii. c. fó churp a díbergae. Mane as Mó Epert .uii. c. churp a dibergae. .u. c. fo churp díbergae cach fir díb olchenae

Baí triar trebland .i. gusmar di feraib Cúaland di Lagnib .i. tri Ruadcoin .i. Cithach &ersir; Clotach &ersir; Conall a n-anmand Cúaland. Gabtha diberg dano la suidib &ersir; dá .xx. deac fó churp a ndibergae &ersir; dám dasachtach leó. Bátár díbergaig trá trian fer nErend hi flaith Conaire. Ro boíseom do nirt &ersir; cumachtai a n-innarbai a tír Herend do athchor a ndíbergae allánall. &ersir; tuidecht dóib dochom a tíre iar n-athchor a ndíbergae.

In tan ráncatár formnae na fairgge cotregat fri I&ndot;gcél Cáech &ersir; Eiccel &ersir; Tulchinni tri meic uí Chonmaic di Bretnaib for dremniu na farrce. Fer anmin mór úathmar anaichnid in tIngcél. Óensúil ina chind lethidir damseche duibithir degaid &ersir; tri meic imlessen inte. Tri chét déc fo churp a díbergae. Bátár lía dibergaig fer nErend andáti.

Tíagait do muirchomruc forsind airrce. Nábad ed dognethi for Ingcél ná brisid fír fer fornd dáig abtar lia andúsa. Noco raga acht comlond fo chutrammus fortso forda diberga Herend. Atá ní as ferr dúib or Ingcel. Dénam córai ol atarrobradsi.i. robar cured a tír Herend. &ersir; atonrárbadni a tír Alban &ersir; Brettan. Dénam óentaid etrond taitsi conod roláid for ndibeirg im tirse. &ersir; tiagosa libse conid ralór mo díbeirg in bar tírsi. Dogniat in comairle hísin &ersir; dobertatár glinni ind di síu &ersir; anall. It é aitire dobretha do Ingcél ó feraib Herend .i. Fer Gair &ersir; Gabur ł Fer Lee &ersir; Fer Rogain im orgain bad togaide do Ingcél i nErind. &ersir; orgain bad togaide do maccaib Duind Déssa i nAlbain &ersir; i mBretnaib. Focres crandchor forro dús cía díb lasa ragtha i tossoch. Dothuit dul la Ingcél dochom a thíre. Lotar iarom co Bretnu &ersir; oirg athair &ersir; máthair &ersir; a .uii. nderbrathir amal ro ráidsem reond. Lotar iar sin dochom nAlban &ersir; ortatár a n-orgain and. &ersir; doathlasat iar suidi dochom nErend.

Is and sin trá dolluid Conaire mac Etersceoil iar slige Chualand dochom na brudne. Is and sin tancatár na díberga co mbatár i n-airiur Breg comarda Étuir forsind farrci. Is and asbertatár ná dibergae teilcid sís na séolu &ersir; dénaid óenbudin díb forsind &fdot;arrci ar náchbar accaister as tír &ersir; etar nach traigéscaid úaib isa tír dús in fugebmais tesorcain ar n-enech fri Ingcel. Orguin fón orguin dorat dún

Ceist cía ragas dond éistecht isa tír. Nech las mbeth na tri búada .i. búaid clúaisse &ersir; buaid rodairc &ersir; buaid n-airdmiusa. Atá limsa for Mane Milscothach buaid cluaisse. atá limsa dano for Mane Andóe buaid rodeirc &ersir; airdmiusa. Is maith a dul duib amláid forna dibercaig fóa n-innas sin.

Totíagat nonbor iarom co mbátar for Beind Étair dús cid roclótís &ersir; adchetís. Tá .i. clostid chein for Mane Milscotach. Cid sin for Mani Andoí. Fuaim n-echraide fó ríg rocluiniursa. Atchíusa tría búaid rodeirc fora chéli. Ceist cid atcísiu. hi suidiu. Atchíusa and for se echrada ána aurarddai ailde agmara allmarda fosenga scítha sceinmnecha. fégi faebordae femendae foréim focrotha morcheltar talman doríadat ilardae uscib indberaib ingantaib.

Cit n-e usci &ersir; ardae &ersir; inbera dorríadat. Ni handsa. Indeóin Cult Cuilten. Máfat Ammat Íarmáfat. Finne Goiste Guistine. Gai glais úas charptib. Calga dét for slíastaib. Scéith airgdidi úasa n-ullib. Lethruith &ersir; lethgobra. etaige cech óendatha impu.

Atchiusa iar sin sainlabra saináithe remib .i. tri .lll. gabur ndubglas. Itt é cendbeca corrderga biruich. baslethain. bolgróin. bruinnideirg. béolaide. saitside. sogabaldai. crechfobdi. fégi. fáebordae. femendae cona trib cóectaib srían cruanmaith friu. Tongusa a toinges mo thúath for fer ind rodairc is slabra .i. is cethir nách suthchernai insin. Is i mo airdmiusa de Is é Conaire mac Eterscéle co formnaib fer nErend n-imbi daróet in sligi.

Tíagait for cúlu iarom co n-ecsetár dona díbergaib. iss ed inso rochúalammár &ersir; atconnarcmár ar iat.

Bátár sochaide tra eter siu &ersir; anall in tsluaig se .i. tri .lll. churach &ersir; u. míli chét indib &ersir; deich .c. in cach míli. Ro thocaibset iarom na seóla forsna curchu &ersir; doscurethar docom tíre. co ragbaiset hi Trácht Fuirbthi.

In tan ro gabsat na curaig tír is and ro mboí Mac Cecht oc béim thened i mbrudin Dá Dergae. La fúaim na spréde focressa na tri .l. curach co mbátár for formnu na fairrce. Tá chein for Ingcél samailte lat so a Fir Rogain. Ni fetursa ol Fer Rogain manid Luchdond cainte fail i nEmain Macha dogní in bosórguin se oc gait a bíd aire ar écin. ł grech ind Luchduind hi Temair Lochrae. ł beim spréde Meic Cecht oc átúd tened ría ríg nErend airm hi foí. Cach spréd tra &ersir; cach frass doleiced a tene for lar no fonaidfidé cét lóeg &ersir; di lethorc fria. Ní thuca Dia and in fer sin .i. Conaire innocht fordat meic Duind Désa. Is líach a bith fo dochur namat. Nibu liachu side limsa for Ingcel indás ind orcuin doratsa duibse. Ba hé mo líthsa combad hé docorad and.

Toscuirethar a coblach dochom tíre. A ngloim ro lásat na tri .l. curach oc tuidecht hi tír forrocrath brudin Dá Dergae conná rabi gai for alchaing inte acht ro lásat grith co mbátár for lar in tige uli. Samailte lat a Chonaire cía fúaim so. Ním thása a samail acht manid talam immidróe. ł manid in leuidán timchella in ndomon adchomaic a erball do thóchur in betha tara chend. ł barc mac Duind Désa ro gab tír. Dirsan náptar hé bátar and. Bátár comaltai carthancha dúnd. Bá inmain in fianlag nis n-áigsimmis innocht.

Is and ránic Conaire co mboí hi faichthi na bruidni in tan rochúala Mac Cecht in fothrond. Atar lais roptar óic táncatár coa muintir. La sodain forling a gaisced día cobair. Aidblithir leó bid torandchles tri .c. a chluiche oc forláim a gaiscid. ní baí báa di sodain de sin.

In barc íarom i mbátar meic Duind ba inte boí in caur márthrelmach andíaraid inna braine na bárce. In leó uathmar andsa Ingcél Caech mac uí Conmaic. Lethithir damsechi ind óensúil boí asa étun .uii. meic imlesain inte. Bátar duibithir degaid. Méit chori cholbthaige cechtar a dá glune. Méit chléib búana cechtar a dá dordn. Méit mulaig for gut mella a dromma. Sithithir cuing n-úarmedóin cechtar a dá lurgan. Gabsat tra na .u. míli .c. sin &ersir; deich .c. cacha mili hi Tracht Fuirbthen.

Luid tra Conaire cona muintir isin mbrudin &ersir; gabais cách a suide is tig eter gess &ersir; nemgess. &ersir; gabsat na tri Deirg a suide &ersir; gabais Fer Caille cona muic a suide. Tosnánic Da Dergae iar sin tri .lll. óclách &ersir; fotolberrad co clais a dá chúlad for cach fir díb &ersir; gerrchocholl co mell a ndá lárac. Berdbróca brecglassa impu. tri .lll. maglorg ndraigin co fethnib iarind ina lámaib. Fo chen a phopa Conaire for se. Cid formna fer nErend dothaistis latt ros bíad failte.

In tan bátar and co n-accatar a n-óenbandscáil do dorus na brudne iar fuinud ngréne oc cuinchid a lleicthe issa tech. Sithidir claideb garmnai cechtar a dá lurgan. Bátár dubithir druim ndaíl. Brat ríabach rolómar impi. taicmainged a fés íchtarach co rrici a glún. A beoil for leith a cind. Totháet co tard a lethgúalaind fri haursaind in taige oc admilliud ind ríg. &ersir; na maccóem ro bátar imbi isin tig. Ésseom fessin ataráglastar .i. ro aicill as tig. Maith a banscal or Conaire. Cid atchí dúnd massat fissid. Atchiusa daitsiu i&mmacr; ol sisi nocon érnába cern ná cárna dít asind áit hi tudchad acht na mbérat éoin ina crobaib. Níbu do chél célsammár a ben or ésseom ní tú chélas dún do grés. Cía do chomainmsiu or se a banscál. Cailb or sis. Ní forcraid anma son ol Conaire. Eché .i. ní dorcha .i. is follus it ili mo anmand chena. Cade íatside ol Conaire. Ni handsa or si.

.r. Samon Sinad Seisclend Sodb Saiglend Caill Coll Díchóem Díchiúil Díthim Díchuimne Dichruidne Dairne Dáríne Déruaine Égem Ágam Ethamne Gním Cluiche Cethardam Níth Némain Nóennen Badb Blosc Boár Huae Óe Aife la Sruth Mache Médé Mod.

For óenchoiss &ersir; óenláim &ersir; óenanáil rachain dóib insin uile o dorus in tige.

Cid as áil dait ol Conaire. A n-as áil daitsiu dano or sisi. Is gess damsa ol Conaire dám óenmná do airitin iar fuiniud grene. Cid gess or sisi ní ragsa co ndecha .i. co ferur ł co rucur mo aigidecht dí ráith isind aidchi se innocht. Apraid fria ol Conaire bérthair dam &ersir; tinne di immach &ersir; mo fuidellsa &ersir; anad i mmagin aile innocht. Má dothánic ém dond ríg or sisi co praind &ersir; lepaid óenmná inna thig fogébthar na écmais o neoch aile ocá mbía ainech ma ro scáig coible na flatha fil isin brudin. Is feochair in frecra ol Conaire. Dosleic ind cid gess damsa. Buí gráin mór foraib iar sin día haccallaim na mná &ersir; míthauraras. acht nad fetatár ca boí dóib.

Gabsait na diberga iar sin tír &ersir; dollotar co mbátar oc Leccaib Cind &Sdot;lébe. Bithobéle trá in bruiden is aire asberthea bruden di ar is cosmail fri beólu fir oc cor bruidne. ł bruden .i. bruthen .i. en bruthe inte.

Bá mór in tene adsuíthe oc Conaire cach n-aidche .i. torc caille .uii. ndoraiss ass. in tan doniscide .i. ro berthi crand asa thoíb ba mét daig &ndot;dáirthaige cach tob no théiged asa thaíb for cach ndorus. Ro bátár .uii. carpait deac di charptib Conaire fri cach ndorus don taig &ersir; ba airecnai .i. ba follus dond aes bátar oc forcsin ona longaib in t⋅oillsi mór sin tria drochu na carpat.

Samailte lat a Fir Rogain for Ingcél cisi suillse mór sucut. Noconom tha a samail for Fer Rogain acht manib daig do ríg. Ní tuca Dia and innocht in fer sin is líach a orguin. Cid ahé .i. dno libse a flathius ind fir sin hi tír Erend ol Ingcél. Is maith a flathius or Fer Rogain. Ní thaudchaid nél dar gréin o gabais flathius o medón erraig co medon fogamair. &ersir; ni taudchaid banna drúchta di feór co medón laí. &ersir; ni fascnam gáeth chairchech cethrae co nónae. &ersir; ní forruích .z.mac tíre ina &fdot;laith. acht tárag firend cacha indse o cind bliadna co araile. &ersir; atat .uii. meic thíre i ngialnai fri fraigid ina thigseom fri comét ind rechta sin. &ersir; atá cúlaittiri iarna chúl .i. Mac Locc &ersir; is hé taccair tara chend hi tig Conaire. Is ina flaith atát no tri beirr for Erind .i. barr días &ersir; barr scoth &ersir; barr messa. Is ina flaith as chombind la cach fer guth araile &ersir; betís téta mendchrot ar febas na cána &ersir; in tsída &ersir; in chaínchomraic fail sechnon na Herend. Ni thucca Dia and innocht in fer sin is líach a orgain. Is mucc remithuit mess is noídiu ar aís. is líach garrséle dó. Ba hé mo lithsa for Ingcél combad sé no beth and. &ersir; robad orgain fo araile insin. Níbu andsa limsa andás mo athair &ersir; mo mathair &ersir; mo .uii. nderbráthir &ersir; ri mo thuathi. doratussa duibsi ría tuidecht i n-athchor na dibergae. Is fír is fír or in t-áes uilc ro bátár immalle frisna dibergachu.

Toscurethar bedg na díbergaig a Tracht Fuirbthen &ersir; doberat cloich cach fir leó do chur chairnd. Ar ba sí deochair lasna fíanna hi tossuch eter orgain &ersir; maidm n-imairic. Corthe no chlantais in tan bad maidm n-imairic. Carnd i&mmacr; fochertitís in tan bad n-orgain Carnd ro láiset iarom in tan sin úaire ba orgain hi cíanfocus on tig on arna forchlótís &ersir; na haiccitis ón tig. Ar díb fátaib dorigset a carnd .i. ar ba bés carnd la díbeirg &ersir; dano co fintaís a n-esbada oc brudin. Cach óen no thicfad slán úadi no berad a cloich asin charnd. Co farctais i&mmacr; cloch in lochta no mairfitis occi. Conid as sin rofessatár a n-esbada. Conid ed ármit eólaig in tsenchassa conid fer cach clochi fil i Carnd Leca ro marbait dona díbergaib oc brudin. Conid din charnd sin atberar Leca i nUíb Cellaib.

Ataíther torc tened la maccaib Duind Desa Monor secht mac Duind Désa inso. Cain treith doadbanuur oen for sesiuur sáerbrathar macni Désa diberci ba Duind denmig daforbaig Fer Gair gnim fri reilforcsin. Fer Lee fri cluaiscoistecht. Fer Rogair réil fri roardmes. Lomna domnais drechnatha. Fer Rorogair fri niadnascaib ba se in cing for comranna. Gelfer fri gail n-oenduni Glas fri seruad saerselca. buaid ngelfini Galioin co croderci cutechta. brogsat brudni breogaili caini turscur tareraid. co saini suth saerni gnim glond gnatail maini muirni Maicnaid. mail macei cach mennota cirt ba Cairpri cain. cain .t. do brith robaid do Conaire. Conid hí sin céttendál robaid dorigned &ersir; conid di adairter cech tendal robaid cosindiu. Is ed armit fairend aile combad i n-aidchi samna no írrthá orgain bruidne &ersir; conid din tendáil út lentar tendál samna o sin co sudiu. &ersir; clocha hi tenid samna.

Dorónsat iarom na díbergaig comarli bali in ro lásat a carnd. Maith tra or Ingcél frisna héolchu cid as nesam dún sund. ni handsa. Bruden uí Dergae rígbriugad Herend. Bátár dócho ém fir mathi do saigid a céli don brudin sin innocht. Ba sí comarli na ndíbergach iarom nech úadib do déscin dús cinnas ro both and. Cia ragas and so deicsin in tigi. Cía no ragad or Ingcél acht mad messi úair iss mé dliges fíachu.

Tothéit Ingcel do thoscélad forsin brudin cosin sechtmad ł cosin tres mac imlessan na hoénsúla ro boí asa etun do chommus a ruisc isa tech do admilliud ind ríg &ersir; na maccóem ro bátar immi isin tig conda dercacha tría drochu na carpat.

Ro ráthaiged iarom as tig anall Ingcél. Docuirethar bedg ón tig iarná ráthugud. Téit co rránic na díberga bali hi rrabatár. Fochress cach cúaird immalaile don díbeirg fri éitsecht in sceóil. Airig na díbergae hi firmedón na cuardae. Batár hésidé Fer Gér &ersir; Fer Gel &ersir; Fer Rogel &ersir; Fer Rogain &ersir; Lomna Druth &ersir; Ingcel Caech. Sesiur i mmedon na cuardae &ersir; luid Fer Rogain día rithchomarc. Cinnas sin a Ingceóil for Fer Rogain. Cip indas for Ingcél is rígda in costud islúagda a sséselbe is flaithemda a fúaim cía bé céin co pé rí and gébatsa a tech issinní no ndligim Dotháet cor mo diberga de.

Foracaibsemne fri láim daitsiu a Ingceóil fordat comaltae Conaire nád n-íurmaís orgain co fesmais cia no beth inni

Ceist in dercachasu a tech co mmaith a Ingceoil for Fer Rogain. Ro lá mo súilse lúathchuaird and &ersir; gebait im fíachu amal atá. Is deithbir dait a Ingceoil cía no gabtha ol Fer Rogain ar n-aiti uli fil and ardri Hérend Conaire mac Etersceoil. Ceist cid atchondarcsu isind &fdot;ocluí féinnida in tige fri enech ríg isind leith anall.

 Imda Chormaic Cond Longas

Atchondarc and ol se fer gormainech már rosc nglan ngleórda lais. Deitgen cóir. Aiged focháel forlethan. Lindfolt ordae fair. Fortí choir imbi. Mílech airgit inna brut. &ersir; claideb óirduirnd inna láim. Scíath co cóicroth óir fair. Sleg cóicrind ina laim. Coínso chóir chaín chocorda lais os é amulach. Ailmenmnach in fer sin. &ersir; iar sin cía acca and.

 Imda noí céli Chormaic

Atconnarc and tríar fer fris aníar &ersir; triar fria anair. &ersir; triar ara bélaib ind fir chetnai. Atar let is óenmáthair &ersir; óenathair dóib It é comáesa comchore comalli cosmaile uli. Cúlmongae foraib. Bruit úanidi impu uli. Tanaslaide óir inna mbrataib. Cúarscéith chredumai foraib. Slega druimnecha úasaib. Calg dét i lláim cach fir díb. Óenreb léo uli .i. gabaid cach fer díb rind a claidib eter a dá mér &ersir; imdacuiret immas mér &ersir; noda sínet na claidib a n-óenur iar sudi.

Samailti lat insin a Fir Rogain or Ingcel. Ni handsa damsa a samail for Fer Rogain. Cormac Cond Longas mac Conchobair insin. Laech as dech fil iar cúl scéith hi tír Herend. Is ailmenmnach in mac sin. Is fail ní atágethar innocht is láth gaile ar gaisced. is brigu ar trebachas. Is é in nonbor ucut fil immiseom. na tri Dúngusa &ersir; na trí Dóelgusa &ersir; na tri Dangusa .ix. céli Cormaic Con Longas meic Conchobair. Ní rubutar firu ríam ara ndochur &ersir; niros anachtatar ríam ara sochur. Is maith in láech fail etorru .i. Cormac Cond Longas. tongu a toinges mo thúath totháetsat .ix. ndeichenbuir la Cormac inna chétchumscliu &ersir; totháetsat .ix. ndechenbair lá muintir cenmothá fer cech airm dóib &ersir; fer cech fir díb. &ersir; roindfid Cormac comgním fri cach n-óenfer ar dorus na bruidne &ersir; maídfid búaid ríg ł rígdamnae ł airig díbergae &ersir; immaricfa elúd dó cid crechtach a muinter uli.

Mairg íuras in n-orgain sa for Lomna Drúth cid a dáig ind óenfir sin Cormaic Cond Longas meic Concobair. Tongusa a toinges mo thúath for Lomna mac Duind Désa. mad messi conísed mo chomarli ní aidlébthai ind orgain cid dáig ind óenfir sin nammá &ersir; ara léchet &ersir; ar febas ind laích. Ni chumthi for Ingcel. néla femid dofortecat. Fir &ndot;gér ngúasfes da ngrúad &ndot;gabair gébthair fris la lugi Fir Rogain ruidfes. Ro gab do guth maidm fortsu a Lomnae ol Ingcel at drochlaechsu. &ersir; rotetarsa néla fémid dofortecat. Ambía basa lecht bas briscem lurgu mais for traig maitne do Thig Duind matin moch i mbárach. Assu éc ernbais ar throm⋅luaigthig coddet co teinnet co dered mbetha ní aisnébat sin na senchaid dul damsa ónd orgain corommé nos n-órr. Na haithber ar n-einech a Ingceoil for Gér &ersir; Gabur &ersir; Fer Rogain. iurthar ind orgun mani má in talam fúe conon robarbtharni uli occi. A&ndot;go dano is deithbir daitsiu a Ingceoil for Lomna mac Duind Desa. ni daitsiu a domaine na orgne bera cend ríg alathúathe la thartbe alaile &ersir; toernae as do thriur derbrathar assind oirgne .i. Ingcel &ersir; Écell &ersir; Dartaid na Díbergae.

Is ansu damsa i&mmacr; for Lomna Drúth. mairg damsa ría cách mairg iar cách is mo chendsa cetna imcoicertar and innocht. iarsind uair eter fertsib carpat áit i comraicfét díabolnamat .i. focicherthar insin bruidin co fá thri &ersir; dofoicherthar eisse co fá thrí. Mairg no thet mairg lasa tíagar. mairg cos tíagar Itroich no thíagat itróich cussa tíagat. Ni fil nád ró damsa ol Ingchel inid mo mathair &ersir; mo athair &ersir; mo .uii. nderbrathir ortabairsi limsa ni fail ní nád fóelusa o sin innond. Cid fín bárc totessed treu ol Gér &ersir; Gabur &ersir; Fer Rogain íurtar lat ind orgain innocht. Mairg dosbéra fó lámaib namat for Lomna. &ersir; Cia acca and air sin.

 Imda na Cruthnech inso

Atconnarc and imdae &ersir; tríar indi. Tri dond&fdot;ir mora. Tri cruindberrtha foraib it hé comlebra for cul &ersir; étun. Tri gerrchochaill dubae impu co ulni céinnidi fota forna cochlaib. Tri claidib duba dímóra leó &ersir; teóra dubboccóti úasaib &ersir; teórá dubslega lethanglassa uassaib. Remithir inber cairi crand cach ae dib.

Samailte lat sin a Fir Rogain. Is andsa damsa a samail. Nis fetursa i nHerind in triar sin. acht manid hé in triar ucut di Cruithentúaith dodeochatár for longais asa tír conda fil hi tegloch Conaire. It é a n-anmand. Dubloinges mac Trebúait. &ersir; Trebúait mac uí Lonsce. &ersir; Curnach mac uí &Fdot;áich. Tri laích ata dech gaibthe gaisced la Cruthentúaith in triar sin. Dofáetsat .ix. ndechenbor leó ina chétchumscliu &ersir; dofaeth fer cech airm léo cenmotha a fer fessin &ersir; conraindfet comgnim fri cach tríar isin brudin &ersir; maidfit búaid ríg ł airig diberge &ersir; immaricfa élód dóib iar sin cidat crechtaig. Mairg iuras in n-orgain cid daig in trir sin namma. Tongu do dia tonges mo thuath mad mo chomarle dognethe and ní iurfaithe ind orgain for Lomna Druth. Ni cumaid for Ingcel. Néla femid dofortecat. Fir ngér gúasfes &ersir; &rmacr;. &ersir; cia acca and iar sin.

 Imda na cuslennach

Atchonnarc and imdai &ersir; nonbor indi. mongae findbudi foraib. It é comálli uile. Bruit brecliga impu &ersir; noí tinne cetharchóire cumtachtai uasaib. Bá leór suillse isind rigthig a cumtach fil forsna tinnib cetharchórib hísin.

Samailte lat a Fir Rogain. Ni handsa damsa a samail for Fer Rogain. Nonbor cuslennach insin doroachtátár co Conaire ara airscélaib a Síd Breg it é a n-anmand. Bind. Robind. Ríarbind. Sibe. Dibe. Deichrind. Umal. Cumal. Ciallglind. It é cuslennaig ata dech fil isin domon. Dofoethsat .ix. deichenbor leó &ersir; fer cech airm &ersir; fer cech fir. &ersir; maidfid cach fer dib búaid rig ł airig díberge. &ersir; immaricfa elúd dóib iarom asind orgain ar bid imguin fri scáth imguin fríu. Génait &ersir; ni génaiter úair is a sid dóib. Mairg íuras in n-orgain cid dáig ind nonbuir sin. Ni cumcid for Ingcel. nela femmid dofortecat. &ersir; iar sin cia acca and.

 Imda tuíssig teglaig Conaire

Atchonnarc and imdai &ersir; óenfer inti. mael garb for suidi. Cia focerta míach fíadubull fora maíl ni fochriched ubull díb for lár acht no giuglad cach ubull fora finna. A brat rolómar taris isin tig. Cach n-imresain bís isin tig im ⋅uidiu ł ligi is ina réir tíagait uli. Dofóethsad snatat isin tig rocechlastai a totim in tan labras beós. Dubcrand mór uaso. Cosmail fri mol mulind cona scíathaib &ersir; a chendraig &ersir; a irmtiud.

Samailte lat a Fir Rogain insin. Ni handsa damsa ón. Tuidle Ulad insin. rechtaire teglaig Conaire. Is écen aurthuasacht a brethe ind fir sin. Fer conic suide &ersir; lige &ersir; bíad do chách. Is í a lorg theglaig fail úasa feis libsi in fer sin. Tongu a tonges mo thúath bit lia mairb leis na horgni andáte a mbí. Totháethsat a thrí comlín lais &ersir; dofáeth féin and. Mairg íuras ind orgain &ersir; &rmacr;. Ni cumcid for Ingcel. Nela femmid dofortecat. &ersir; Cia acca and iar sin.

 Imda Meic Cecht cathmiled Conaire

Atconnarc and imdae n-aile &ersir; tríar indi. Tri muil midrecht. Moab díb in mael medonach. Múadblosc bráenach. Bairendchorp báirnech béimnech balcbuillech benas ar .ix. cétaib hi cathcomlond. Crandscíath odor iarndae fair co mbil chothut condúala forsa talla certchossair cethri ndrong ndechenbair ndedbol fora tairsciu tharlethair. Taul fair fortrend fodomain cairi chóir chutrummae cetri ndam tollchruís tolberbud im chethóra mucca midisi inna midchróes mórthaltu. Atát fría di n-airchind n-airidi. Dí nóe chúicsesschurach cutrummae dingbála tri ndrong ndechenbair cechtar a dá trénchoblach. Gai laiss gormrúad glacthomside fora chrund comaccmaic. Rosaig íar fraig for clethi conid fri talmain tairissidar. Foriarnd fair dubderg drúchtach. Cethri traigid trethomsidi eter a dá nag imfáebair. Tricha traiged tromthomsidi in claidiub glondbéimnech o dubdés co iarnndornd tadbat tuídle tentidi forosnae Tech Midchúarda o cléithib co talmandae. Trénecosc adchíu. Náchim rala úathbás oc imcaissiu in trir sin. Ni fail ní bas decmaicci. Días máel and sin im fer co folt. Dá loch im slíab. Da sechi im rolaig. Dá nóíne lána de delgib scíach for rothchomlai occaib. &ersir; is cosmail limsa fri cóelglais n-usci forsa taitni grían &ersir; a trebán úadi sís &ersir; seche i n-ecrus iarna chúl &ersir; turi rigthaige co ndeilb lágin móir uassae. Dagere cuinge sesrige a crand fil indi.

Samailte lat sin a Fir Rogain. Ni handsa lim a samail. Mac Cecht mac Snaidi Teichid insin cathmílid Conaire meic Etersceoil. Is maith in láech Mac Cecht. Inna thotam chotulta ro boí fáen inna imdai in tan atchonnarcaissiu. In días mael im fer co folt atconnarcsu. It é a dá glún immá chend. In da loch im ⋅líab atcondarc at é a dí súil imma sróin. In di sechi im rolaig atcondarc it é a dá n-o immá chend. In dá cóicsess for rothchomlae atcondarc at é a dí bróic fora scíath. In chóelglais usci atcondarc fora taitni grían &ersir; a trebán úadu sís iss é brechtrad a claidib sin. In tseche i n-ecrus atcondarc fil iarna chúl. is í truaill a claidib insin. In turi rigthigi atcondarc is í a láginsom sin dano. &ersir; Cressaigthiseom in gai sin co comraicet a da n-ind &ersir; doléice aurchur a ríada di in tan as n-áil dó. Is maith in láech Mac Cecht. Totháetsat sé chét ina chetchumscliu lais &ersir; fer cach airm dó cenmothá a fer fodessin &ersir; conraindfi comgnim fri cach n-óen&fdot;er isin brudin &ersir; maídfid búaid ríg ł airig díbergi ar dorus brudne. &ersir; immáricfa élúd dó cid crechtnaigthe &ersir; in tan immáricfa élúd cid crechtnaigthe do tuidecht foraib asin tig bit lir bomand ega &ersir; fér for faichthi &ersir; renna nime for lethchind &ersir; for lethclocind &ersir; caíp for n-incindi &ersir; for cnámradach &ersir; daisse do for n-apaigib combrutib laiss iarna scaíliud dó fóna fuithairbi.

Techit iarom dar teóra fuithairbi la crith &ersir; omon Meic Cecht. Gabsait na haittiri etorro afrisi .i. Ger &ersir; Gabur &ersir; Fer Rogain mairg íuras in n-orgain for Lomna Druth. Friscichset for cenna díb. Ní chumcid for Ingcel néla femmid dofortecat. Ango dano a Ingceoil for Lomna mac Duind Desa. ní deit atá a domain na oirgne. Mairg damsa ind orgain ar bid hé cétchend rosía i mbrudin mo chendsa. Is andso damsa or Ingcel is í mo orgain doruided and. Ango dano for Ingcel at mbía bása lecht bas briscem and &ersir; r. &ersir; iar sin cia acca and.

 Imda tri mac Conaire .i. Oball &ersir; Oblin &ersir; Corpri

Atcondarc and imdae &ersir; triar inti .i. tri móethócláig &ersir; tri bruit sirecdai impu. Téora bretnassa órdai inna mbrattaib. Téora monga órbudi foraib. In tan folongat abairbthiu tacmoing in mong orbudi dóib co braine a n-imdae. Inbuid conócbat a rrosc conócaib in folt connách ísliu rind a n-úae. Cassithir rethe copad. Cóicroth óir &ersir; caindel rígthige úas cach ae. Nach duni fil isin tig artacessi guth &ersir; gním &ersir; bréthir.

Samailte lat a Fir Rogain. Ro chí Fer Rogain combo fliuch a brat forá bélaib &ersir; ní hétas guth assa chind co trían na haidchi. A bechu or Fer Rogain is deithbir dam a ndogníu. Oball &ersir; Oblini &ersir; Corpri Findmór tri meic ríg Herend insin. Ron mairg masa fír in scél ordat meic Duind Desa. Is maith in triar fil insind imdaí. Gnása ingen macdacht léo &ersir; cride bráthar &ersir; gala mathgamna &ersir; brotha léoman. Cach óen bís ina ngnáis &ersir; inna lepaid ní chotlai &ersir; ní loingthe co cend nomaide iar scarad fríu asa n-ingnais. It mathi ind óic ina n-áes. Dotháetsat trí dechenbair la cach n-ai díb ina cétchumscle &ersir; fer cech airm &ersir; a tri fir fessin. &ersir; dofáeth in tres fer dibseom and. Mairg iuras in n-orgain fó bíthin in trir sin. Ni cumcid for Ingcel nela femmid dofortecat &ersir; c-. &ersir; cia acca iar sin.

 Imda na Fomórach

Atcondarc and imdae &ersir; triar inti .i. tríar úathmar anetargnaid trechend. Tri fothuct Fomórach nad ndelb dúine nduinegin fora ndreich duichni díulathar roda ler lond lathrastar lánchend tri lorg línfíaclach o urbél co úae Rechtaire múad muinter cech cétglonnaig claidib tri slúag selgatar roselt ar Borg mBúredach brudne Da Dergae turchomruc.

Samailte lat a Fir Rogain. is andsa damsa a samail ón Ni fetursa di feraib Herend nach di feraib betha manip é in triar thuc Mac Cecht a tírib na Fomóre ar galaib óenfer. Ní frith do Fomórib fer do chomruc fris co tucc in tríar sin úadib conda fil hi tig Conaire hi ngiallnae nar coillet ith na blicht i nHerind tara cáin téchta céin bes Conaire hi flaithius. Is deithbir cid grain a n-imcaissiu. Tri luirg fíacal o huí díarailiu inna cind. Dam co tinniu iss ed mir.i. cuit cach fir díb &ersir; is ecna in mír sin doberat inna mbéolo co teit sech a n-imlind sís. Cúimm chnáma .i. cen alt intib uli in triar sin. Tongu atonges mo thuath bit lia a mmairb leó na oirgne andáta a mbí. Tothétsat .ui. c. láech leó inna cetchumscli &ersir; fer cech airm &ersir; a triar fessin &ersir; maídfit búaid ríg ł airig díbergi. &ersir; níbá mó ł ó mir ł ó dúrnn ł o lúa mairfes cach fer léo. Dáig ní léicter airm léo isin tig úaire is i ngiallnai fri fraigid atát arná dernat mídénom issin tig. Tongu a tonges mo thuath día mbeth gaisced foraib arnonsligfitís co trían. Mairg iuras in n-orgain fo ndáig ni comrac fri seguinni Ni chumcid forIngcel &ersir; &rmacr;. &ersir; iar sind cia acca and.

 Imda Munremair .i. meic Gerrcind [M] &ersir; Birderg meic Ruain. &ersir; Mail meic Telbaind.

Atcondarc and imda &ersir; triar indi. Tri dondfir móra. tri dondberrtha foraib. Buind cholbthae remrae léo. Remithir medon fir cach ball díb. tri dondfuilt chassa foraib co remorchind. Téora lenna brecderga impu. Tri duibscéith co túagmílib óir. &ersir; teora slega coicrindni úasaib &ersir; claideb dét i lláimcach fir díb. Is sí reb dogniat día claidbib fócherdat i n-ardae &ersir; focherdat na trualli ina ndíaid &ersir; noda ⋅amaiget isna truallib riasíu tháirset talmain. Focherdat dano na trualli&ersir; na claidbiu ina ndíaíd &ersir; atethat na trualli conda samaiget impu a n-oenur riasíu táirset talmain.

Samailte lat sin a FirRogain. Ni handsa damsa a samail. Mál mac Telbaind &ersir; Muinremor mac Gerrcind &ersir; Birderg mac Rúain. Tri rígdamnae tri láith gaile tri laích ata dech íar cúl gascid i nHerind. Tothoethsat c. láech léo ina cétchumscliu &ersir; conroindfet comgním fri cach n-óenfer isin brudin. &ersir; maidfit buaid ríg ł airig diberge &ersir; immáricfa élúd dóib iarom. Nípu orta ind orgain cid dáig in trír sin. Mair iuras in n-orgain for Lomna. Bá fer búaid a n-anacail oldás buaid a ngona Cén mair noda ansed mairg nodo géna. Ni cumthi for Ingcel &ersir; &rmacr;. &ersir; cía acca and iar sin.

 Imda Conaill Chernaig

Atcondarc and i n-imdae chumtachtae fer as chaínem do laechaib Herend. Brat caschorcra imbi. Gilithir snechtae indala grúaid dó. Brecdergithir sión a ngrúad n-aile. Is gasidir buga indala suil. Is dubithir druim ndaíl in tsuil aile. Meit clíab búana in dosbili find fororda fil fair. Benaid braini a da imdae .i. a da less. Is cassidir rethe coppad. Cía dóforte míach di chnoib dergfuiscib fora mullach ni foichred cnoi díb for lár. Claideb órduirn ina láim. Scíath cróderg ro breccad do semmannaib findruini eter eclannu óir. Sleg fota tredruimnech. remithir cuing n-imechtraid a crand fil indi.

Samailte lat. sin a Fir Rogain. Ni handsa damsa on a samail ar rofetatar fir Herend an ngein sin. Conall Cernach mac Amorgein insin. Dorecmaing immale fri Conaire ind inbuid se. Is é charas Conaire sech cách fo bith a chosmailiusa fris. ar febas a chrotha &ersir; a delba. Is máith in láech fil and Conall Cernach. In scíath cróderg sin fil ara durnd ro brecad do semmannaib findruini conid brec. Ro nóeseged ainm dó la Ultu .i. in Bricriu Conaill Chernaig. Tongu a tonges mo thuath bid imda bróen dérg tairse innocht ar dorus brudne. In tsleg druimnech sin fil úasa bid sochaidi forsa ndáilfe deoga tonnaid innocht ar dorus brudne. Atát .uii. ndorius asin tig &ersir; arricfa Conall Cernach bith for cach dorus díb &ersir; ni bía a thesbaid as nách dorus. Tothoethsat trí .c. la Conall ina chétchumscliu cenmotha fer cach airm &ersir; a fer fessin &ersir; conraínnfi comgnim fri cach n-óen isin brudin. &ersir; in tan immaricfa tuidecht dó foraib asin tig beit lir bommand ega for lethchind &ersir; for lethclocind &ersir; for cnáma fó déis a claidib. &ersir; immáricfa élúd dó cid créchtach. mairg iuras in n-orgain fo daig ind fir sin nammá. Ní cumgid for Ingcel. Néla &ersir; r. &ersir; iar sin cia acca.

 Imda Conaire fessin

Atcondarc and imdae &ersir; bá caímiu a cumtach oldáta imdada in tigi olchena. Seolbrat n-airgdidi impe &ersir; cumtaige isind imdae. Atcondarc triar n-inni. In dias imechtrach díb finna díb línaib cona foltaib &ersir; a mbrataib. &ersir; it gilithir snechtae. Rudiud roálaind fo grúad cechtar n-ae. Móethóclách etorro i mmedón. Bruth &ersir; gním ruirech lais &ersir; comarli senchad. Brat atconnarc imbi is cubés &ersir; ceó cétamain. Isain dath &ersir; écosc cacha húari tadbat fair. áildiu cach dath alailiu. Atcondarc roth n-óir isin brut ara bélaib adcomaic húa smech cóa imlind. Is cosmail fri tuídlig n-óir forloscthi dath a fuilt di neoch atcondarc de delbaib betha is í delb as aldem díb. Atcondarc a claideb n-órduirnd occo thís. Ro boí airther láme din claidiub fria truaill anechtair. A n-airther lámi sin fer no bíd i n-airthiur in tigi tíscébad frigit fri foscod in claidib. Is binni bindfogrogod in claidib oldás bindfogur na cuslend n-órdae fochanat ceól isind rígthig. Is and asbiurtsa. for Ingcel acá déscin. Atchíu flaith n-árd n-airegdae asa bith buillech búredach bruchtas róimse robortae rechtbruth caíncruth ciallathar. Atchiu clothrig costodach cotngaib inna chertraind chóir comchethbuid o crund co fraig foa suidi Achíu a mind findflatha conid fri recht ruirech rathordan ruithen a gnúis comdetae. ł comdéntae Atchíu a ndá ngrúaid ngormgela conid fri fúamun find fuinechdae fordath sóerdath snechtaide di díb súilib sellglassaib glannu a rosc robuga teinniu a chuinscliu caíntocud iter clethchor ndub ndóelabrat. Atchíu ardroth n-imnaisse imma chend cocorse conid fri fultu frithecrus fordath n-órda n-ollmaisse fil úasa berrad buidechas. Atchíu a brat &ndot;erg n-ildathach noítech siric srethchisse sluind ar delbthor ndímaisse dind ór aúrdeirc ailbend alathúaith ndronaicdi. Atchíu delg n-and olladbol de ór uili intlaisse lassaid ar lúth lanésci lainne a chuaird corcorgemmach cáera crethir comraicthe congaib ar dreich ndendmaisse eter a dá gelgúalaind chóir Atchíu a léine ligdae linide conid fri sreband sírechtach scáthderc sceó deilb ildataig ingelt súla sochaide cotgaib ar méít muinenchor sóerthus ar néim imdenam ór fri siric srethchisse o adbrund co urglune. Atchíu a chlaideb n-órduirn n-intlaisse ina &fdot;indiuch findargit aisnéid ar cheirr cóicroth conid fri crúaid n-aurdairc n-aister. Atchíu a scíath n-etrocht n-aílenda fail úas drongaib dímes tréthúr di ór oiblech ar thur sceó bil banbruth forosnai líth lúachet. Turi di or intlassi lám ríg fris dess dingabar fri tríeth tailc taurgaib conid fri cernu crúadchassa tri .c. chorae comlána úasind rurig rathrúanaid fri boidb hi &mdot;broí bertas is brudin bróntig achiu. atchiu flaith n-ard.

Ro boí iarom in móethóclach ina chotlud &ersir; a chossa i n-ucht indala fir &ersir; a chend i n-ucht airaile Doríusaig iarom assa chotlud &ersir; atraracht &ersir; ro chachain in laid se

.l. .r.

Gáir Ossair .i. cu Conaire assir chumall goin gair ooc i mmullach Thuil Gossi gáeth úar tar fáebru eslind adaig do thogail ríg ind adaig se.

Cotlais afridise &ersir; díuchtrais ass &ersir; canais in retoric se.

.l. .r.

Gáir Ossir .i. messan Conairi ossar chumall cath ro dlom doerad túathe togail bruidni bróncha fíanna fir guíti goíth imómain imórchor sleg sáeth écomluind ascuir tige Temuir fás forba n-aniúil comgné caíniud Conaire coll etha lith ngaland gáir égem orgain ríg Herend carpait hi cucligi dochraite ríg Temrach.

Asbert in tres fecht.

.l. .r.

Dommárfás imned immed siabrai slúag fáen fálgud námat comrac fer for Dothrai docraite ríg Temrach i n-oitid ortae.

Samailte let a Fir Rogain cía ro cháchain in laid sin. Ni handsa damsa a samail for Fer Rogain. ní ésce cen ríg ón i&mmacr; is é rí as anem &ersir; as ordnidem &ersir; as chaínem &ersir; as chumachtom thánic i ndomon uli is hé rí as bláthem &ersir; as mínem &ersir; as becdu dodánic .i. Conaire Mór mac Etersceóil is é fil and ardri Herend uli. Nicon fil locht and isind fir sin eter chruth &ersir; deilb &ersir; dechelt. eter méit &ersir; chórae &ersir; chutrummae. e rosc &ersir; folt &ersir; gili eter gaís &ersir; álaig &ersir; erlabrae. eter arm &ersir; eirriud &ersir; écosc. eter ani &ersir; immud &ersir; ordan. eter ergnas &ersir; gaisciud &ersir; cenel. Már a oítiu ind &fdot;ir cháldae forbaíth conidralá ar gním ngaiscid mád día nderscaigther a bruth &ersir; a gal o beit fíanna fer nErend &ersir; Alban dó ar thig ní híurthar ind orguin céin bes inni. Tothóetsat .ui. chét la Conaire ríasiu rosia a árm &ersir; tothóetsat secht cet lais ina chétchumscliu iar saigid a airm. Tongu do dia a toinges mo thuath mani gabthar deog de céin co beth nách aile isin tig chenae acht é a óenur tanairsed in fer ó Tuind Chlidna &ersir; o Thuind Essa Rúaid sibsi ocon brudin.

Atát noí ndorais forsin tig &ersir; dofáeth .c. láech lais cech dorais. &ersir; in tan ro scáig do chách is tig airbert a gascid is and fochichersom ar gním n-aitherraig &ersir; día 'mairi do thuidecht foraib asin tig. Bit lir bommand ega &ersir; fér for fagthi for lethchind &ersir; for lethchlocind &ersir; for cnáimred fo &fdot;áebur a chlaidib. Is dochu limsa ní 'mmáricfa dó tuidecht asin tig. Is inmain laisseom in días fil imbi isind imdae .i. a dá aiti Dris &ersir; Sníthi. Tothóetsat tri .lll. láech la cechtar de i ndorus na brudne &ersir; nibá síre traigid úaid ille &ersir; innond hi tóetsat.

Mairg iuras in n-orgain cid daig na dessi sin &ersir; na flatha fil etorro ardri Herend Conaire mac Etersceóil Bá líach díbdud na flatha sin. for Lomna Drúth mac Duind Désa. Ni cumcid for Ingcel néla femmid doforfecat &ersir; &rmacr;. Is deithbir daitsiu a Ingceoil for Lomna mac Duind Desa. Ní dait atá a domaín na orgne ar béra cand rig alathúathe lat &ersir; doernaba fessin. Is andso damsa chena ar bid mé cena ortábthar for brudin. Ango dano for Ingcel adfía basa lecht bas briscium &ersir; &rmacr;. &ersir; Cia acca and iar sin

 Imda na culchometaide

Atcondarc and da fer deac for clíathaib airgdidib immón n-imda sin immácúaird. monga findbudi foraib. Lente glassa impu. it é comaldi. comchroda. comdelba. Claideb co ndét i llaim cach fir dib &ersir; níilget sís etir acht it é echlasca fil imon imduí sin immacúaird.

Samailte let sin a Fir Rogain. Ni handsa damsa ón. cométaide ríg Temrach and sin. It é a n-anmand. tri Luind Liphe &ersir; tri Airt Átha Clíath &ersir; tri Budir Búagnige &ersir; tri Trénfir Chúilne. Tongu a toinges mo thuath bát ili mairb occo immon mbrudin. &ersir; immáricfa élud dóib ass cidat crechtnaigthi. Mairg iuras in n-orgain fo déig inna buidn sin. &ersir; iar sin cia acca and.

Lé fri Flaith mac Conaire asa sammail so

Atcondarc and mac brecderg i mbrut chorcra atá oc sírchoí isin tig. Bale hi fail in .xxx. c. gabthai cach fer a a ucht i n-ucht. Atá iarom &ersir; cathaír glas airgdidi foa sudiu for lár in tige oc sirchoí. Ango dano it brónaig a theglach occa cloístin. Tri fuilt forsin mac sin it é tri fuilt ón .i. folt úani &ersir; folt corcorda &ersir; folt fororda. Nocon fetursa indat ilgné dochuirther in folt fair nó indat trí fuilt failet fair. acht rofetar is fil ní adagethar innocht. Adcondarc tri cóectu mac for cathaírib argdidib immi. &ersir; ro bátár .xu. bonsimne i lláim in meic brecdérg sin &ersir; delg scíath a cind cach simni díb &ersir; ro bámárni .xu. feraib &ersir; ar cóic suili déc dessa do cháechad do &ersir; in sechtmad mac imblisen ro boi im chindsa do cháechad do ol Ingcel.

Samailte lat sin a Fir Rogain. Ni handsa damsa on a samail. Ro chi Fer Rogain co tarlaic a déra fola. Dirsan dó il se iss ed gein n-imarbaga fil la firu Herend fri firu Alban ar gart &ersir; cruth &ersir; deilb &ersir; marcachas is líach is mucc remitéit mess damna flatha as dech tánic Herind insin. Noídiu Conaire meic Etersceoli .i. Lé fri Flaith a ainm .uii. mblisdna fil ina áes. Ni indóig lim cid trú dí ag na n-ilgne filet forsind &fdot;ult fil fair. &ersir; inna ndath n-ésamail docorethar fair. Is é a sainteglachsom sin na tri .l. maccóem fil imbi. Mairg iuras in n-orgain for Lomna cid fó bíthin in meic sin. Ni cumcid for Ingcel nela femmid dofortecat &ersir; &rmacr;. &ersir; iar sin cia acca and.

 Imda na ndaleman

Atcondarc and sessiur ar bélaib na n-imdad cétna. Monga findbudi foraib. Bruit úandidi impu. Deilge créda i n-aurslocud a mbrat. It é lethgabra amal Chonall Cernach. Focheird cach fer a brat immáraile &ersir; is lúathidir rothán &mdot;bualed is i&ndot;g inda-áirthet do súil.

Samailte lat sin a Fir Rogain. Ni handsa damsa ón. Sé dálemain ríg Temra insin .i. Úan &ersir; Bróen &ersir; Banna. Delt &ersir; Drucht &ersir; Dathen. Nis dérband día ndáil ind reb sin &ersir; ní cluí a n-intliucht ocá ndáil. It mathi ind óic fil and. Tothoethsat a tri chumlund leó conraínfet comgním fri cach seser isin brudin &ersir; asluífet airib úair is a sídib dóib. It é dalemain ata dech fil i nHerind insin. Mairg iuras in n-orgain fo ndeig sin. Ni chumcid for Ingcel nela &ersir; &rmacr;. &ersir; iar sin cia acca and.

 Imda Tulchinne Druith

Atcondarc and borróclaech ar bélaib na imdae cetnae for lár in tige. Athis maíli fair. Finnithir canach slébe cach finna ásas tríana chend. Unasca óir immá ó. Brat breclígda imbi. .ix. claidib ina láim &ersir; noí scéith airgdidi &ersir; .ix. n-ubla óir. Focheird cech ai díb i n-ardae &ersir; ní thuit ní díb for lar &ersir; ní bí acht óen díb fora bois &ersir; is cumma &ersir; timthirecht bech i lló ánli cach ae sech araile súas In tan bá háni do atconnarcus ocon chlis &ersir; amal dorecachasa fochartatár grith immi co mbátar for lár in tige uile. Is and asbert ind flaith fil isin tig frisin clessamnach cotráncammár órbat mac bec &ersir; ni ralá do cless n-airiut cosinnocht. Uch uch a phopa chaín Conaire is deithbir dam domrecacha súil féig andíaraid fer co tríun meic imlisen foraicce dul noí ndrong ní méti dosom a mdéicsin andíaraíd sin fichitir catha de or se Rofessar co dé brátha bas n-olc ar dorus brudne. Gabais iarom na claidbiu inna láim &ersir; na scéith airgdidi &ersir; na ubla óir &ersir; fochartatar grith imbi doríse co mbátár for lár tige uile. Dorat i mmoth aní sin &ersir; roléic a chles n-úad &ersir; asbert.

.r. a Fir Chaille comérig ná laig a slige sligairdbi do muic fintai cía fail ar dorus tige do ámlius fer mbruidne. .r. Atá and or se Fer Cualgni Fer Gar Fer Rogel Fer Rogain dlomsait gnim nad lobur logud Conaire o .u. maccaib Duind Desa ó .u. comaltaib carthachaib.

Samailte lat sin a Fir Rogain. Cia ro cháchain in laíd se. Ni handsa limsa a samail or Fer Rogain. Taulchinne rígdruth ríg Temrach clessamnach Conaire insin fer comaic móir in fer sin. Tothóetsat tri nónbur ina chétcumscli leis &ersir; conrainfe comgním fri cach n-óen isin brudin. &ersir; immaricfa elúd dó ass cid crechtnaigthe. Cid ní chena nibu orta ind orgain cid fo bithin ind fir sin. Céin mair noda ainsed for Lomna. Ni cumcid for Ingcel.

 Imda na muccidi

Atconnarc triar i n-airthiur in tige tri dubberrthae foraib. tri forti úanidi impu. tri dublenna tairsiu. tri gabulgici úasaib hi toíb fraiged. se dubassi dóib ar crund. cia sút a Fir Rogain. Ni handsa ol Fer Rogain tri muccaidi ind ríg sin Dub &ersir; Dond &ersir; Dorcha. Tri brathir tri meic Maphir Themrach. Céin mair nud n-ainsed mairg nod ngéna ar bá mó búaid a n.anacail oldas a ngona. Ni cumcid for Ingcel

 Imda na n-arad n-airegda

Atconnarc triar n-aili ara mbelaib. téora lanna óir for airthiur a cind. teora berrbróca impu de lín glas imdentai di ór. tri cochlini corcrai impu tri broit chrédumi ina láim.

Samail let sin a Fir Rogain. Rosfetar ol se. Cul &ersir; Frecul &ersir; Forcul tri prímaraid ind ríg sin tri comais. tri meic Sídbi &ersir; Cuinge. atbéla fer cech airm leo &ersir; conraínfet búaid n-echta.

 Imda Chuscraid meic Concobair

Atconnarc imduí n-aili. ochtur claidbech inti &ersir; máethócláech eturro. máel dub fair &ersir; belra formend leiss contúaset áes na brudni uli a condelg. aildem di daínib hé. cáimsi imbi &ersir; brat gelderg. eo áirgit inna brot. Rofetursa sin ol Fer Rogain .i. Cuscraid Mend Macha mac Conchobair fil hi ngialnai lasin rig. A chometaidi i&mmacr; in t-ochtur fil immi .i. da Fland da Chummain da Áed da Chrimthan. conroínfet comgním fri cech n-óen isin brudin &ersir; immaricfa élod dóib ass fría ndaltai.

 Imda na foarad

Atchonnarc nonbur for craund siúil dóib. noí cochleni impu co lubun chorcrai &ersir; land óir for chind cach ae. noí mbruit inna lámaib. Rofetursa sin ol Fer Rogain. Riado. Ríamcobur. Ríade. Buadon. Búadchar. Búadgnad. Eirr. Iner. Argatlam. noí n-araid foglomma la tri primaradu ind rig. Atbela fer cech ai dib &ersir; &rmacr;.

 Imda na Saxanach

Atconnarc isind leith atúaid din tig. nónbur. noí monga forbaidi foraib. noi camsi fogarti impu noi lennae corcrai tairsiu cen delgae indib. Noí manaise .ix. cromsceith déirg úasaib. Rusfetamar ol se .i. Ósalt &ersir; a da chomalta. Osbrit Lamfota &ersir; a dá chomalta. Lindas &ersir; a da chomalta. tri rigdomna di Saxanaib sin filet ocond ríg. conrainfet in lucht sin búaid ngníma &ersir; &rmacr;.

 Imda na ritired

Atconnarc triar n-aili. téora máela foraib. tri lenti impu &ersir; tri broit hi forcepul. sraigell i llaim cach ae. Rusfetursa sin ol se .i. Echdruim Echriud Echrúathar trí marcaig ind rig sin .i. a thrí ritiri. tri brathir iat. tri meic Argatroin. mairg iuras in n-orcain cid fo dáig in trir sin.

 Imda na mbreteman

Atconnarc triar n-aili isind imdai ocaib. Fer caín ro gab a máelad hi cetud. di oclaíg leis co mongaib foraib. Teóra lenda cummascdai impu. ó argit i mbrot caech n-ai díb. tri gascid úasaib hi fraig. samail let sin a Fir Rogain. Rusfetar son ol se. Fergus Ferde. Fer Fordae. &ersir; Domaíne Mossud tri brithemain ind rig sin. mairg iuras in n-orcain cid fo deig in trír sin. Atbéla fer cach ae díb.

 Imdaí na crutiri

Atconnarc nónbur n-aile friu anair noí monga cráebacha cassa foraib .ix. mbroit glassa luascaig impu .ix. ndelce óir ina mbrataib .ix. failge glano immá láma ordnasc óir im ordain cach ae. auchuimriuch n-óir mo chach fir. muince aircit im brágit cach ae .ix. mbuilc co n-inchaib órdaib uasib hi fraig .ix. flesca findarcit inna lamaib. Rofetursa sin ol se. noi crutiri ind rig insin. Side. &ersir; Dide. Dulothe &ersir; Deichrinni. Caumul &ersir; Cellgen. Ól &ersir; Ólene &ersir; Olchoí. Atbela fer cach ae leo.

 Imdai da clessamnach

Atconnarc triar n-aile isind airidi. Teora caimsi hi foditib .i. hi cenglaib impu. scíatha cethrocairi in ina lámaib co telaib óir foraib &ersir; ubla airgit &ersir; gai bic intlassi leu. Rosfetursa ol se. Cless &ersir; Clissíne &ersir; Clessamun tri clessamnaig ind ríg sin. tri comais. tri derbráthir. tri meic Naffir Rochlis. Atbéba fer cach ae léo.

 Imdai tri n-anmed ind rig

Atconnarc triar n-aili hi comfocraíb imdai ind ríg fessin. Tri broit gorma impu &ersir; teóra caimsi co ndergintlaid tairsiu. arrocabtha a ngascid úasaib hi fraigid. Rusfetursa sin ol se .i. Dris &ersir; Draigen &ersir; Aittit. trí anmed ind ríg tri meic Scéith Foilt. Atbela fer cach airm leó.

 Imdai na mBadb

Atconnarc triar nocht hi cléthi in tigi a tóesca fola trethu. &ersir; súanemain a n-airlig ara mbraigti. rusfetursa sin ol se tri ernbaid úagboid triar orgar la cach n-áim insin.

 Imda na fulachtori

Atconnarc triar oc dénam fulochta i mberrbrócaib intlassib. Fer findlíath &ersir; di oclaig na farrad. Rusfetursa sin ol Fer Rogain tri primfulachtore ind ríg sin .i. in Dagdae &ersir; a da daltae .i. Séig &ersir; Segdae da mac Rofir Oenbero. Atbéla fer la cach n-ae díb &ersir; &rmacr;.

 Imda na filed

Atconnarc triar n-aili and. teóra landa óir tara cend. Tri broit bric impu. teora camsi co ndergintlaid. teora bretnassa óir inna mbrattaib. teora bunsacha uasaib hi fraig. Rofetursa sin or Fer Rogin. tri filid in rig sin .i. Sui &ersir; Rodui &ersir; Fordui. tri comais tri brathir tri meic Maphir Rochétail. Atbela fer cech fir dib. &ersir; congeba cach dias búaid n-oenfir etorro. Mairg iuras ind orcain &ersir; &rmacr;.

 Imda na foschometaidi

Atconnarc and dá oclaech ina sessom os cind ind ríg. Dá cromsciath &ersir; da bendchlaidiub mara occo. lenna derca impu. delci findairgit isna brataib. Bun &ersir; Meccun sin ol se da chometaib ind ríg insin da mac Maffir Thuill.

 Imda na cometaidi ind ríg

Atcondarc nónbor i n-imdae and ar belaib na imdai cetnae. mongae findbudi foroib. berrbróca impu. &ersir; cochléne brecca &ersir; scéith béimnecha foraib. claideb dét i lláim cach fir díb &ersir; cach fer dotháet isa tech. fólóimetár a béim cosna claidbibni lomethar nech dul dond imdae den airíasacht dóib.

Samailte lat sin a Fir Rogain. Ni handsa damsa ón. Tri Mochmatnig Midi. Tri Búageltaig Breg. Tri Sostaig Slébe Fuait. nonbor cométaide ind ríg sin. Tothoethsat .ix. ndechenbair leó ina cetcumscliu &ersir; &rmacr;. mairg íuras in n-orgain fó ndéig sin. ni cumcid for Ingcel. nelafemmid &ersir; r. &ersir; iar sin ciaacca and.

 Imda Nia &ersir; Bruthni .i. da foss mési Conairi

Atcondarc imdae n-aile n-and &ersir; días indi. It é damdabcha balcremra. Berrbróca impu. It é gormdonna ind fir. culmonga cumri foraib It é aurarda for étun. It lúathidir roth búali cechtar de sech araili. Indala haí dond imdai alaile don tenid.

Samailte lat sin a FirRogain. Ni handsa damsa. Nia &ersir; Bruthni da foss mése Conaire insin. Is í días as dech fail i nHerind im less a tigernae. iss ed fótera duinni dóib &ersir; aurarda dia fult athigid in tened co menic. Ní fil isin bith días bas &fdot;err ina ndán andáte. Tothoethsat tri nonbor leó ina cétcumscli &ersir; conrainfet comgnim fri cach &ersir; immaricfa elud doib. &ersir; iar sin cia acca and

 Imda Sencha &ersir; Dubthaig &ersir; Gobnend meic Lurgnig

Atcondarc imdae as nesam do Conaire tri prímlaích inti it é cétlíatha. Teora lenna dubglassa impu remithir medón fir cach ball díb. Tri claidib duba dímóra leó. siathir claideb ngarmnae cach ae. No dídlastaís finnae for usciu. Lágen mór i llaim ind fir medónaig .l. semmend trethe. Dagere cuinge sesrige a crand fil indi. Cressaigthe in fer medónach in lágin sin. i&ndot;gi ná tíagat a huirc ecgi essi. &ersir; benaid a hurlond fria bais co fá thri. Lónchore mór ara mbélaib méit chore colbthaige. Dublind úathmar and mescthus beós isin duiblinn isin. mád chían co tairi a fobdud. lassaid fora crund. Indar lat is derc tentide bís i n-úachtur in tige.

Samailte lat sin a FirRogain. Ni handsa. Tri laích ata dech gaibthe gaisced i nHerind .i. Sencha mac alaind Ailella &ersir; Dubthach Dóel Ulad &ersir; Goibnend mac Lurgnig. &ersir; ind lúin Cheltchair meic Utidir forricht hi cath Maigi Tured is sí fil i lláim Duibthig Duíl Ulad. Ís bés dí ind reb sin in tan as apaig fuil námat do thesin dí. is écen core co neim día fábdud in tan frisáilter gnim gona duine di manis tairi sin. lassaid ara durnd &ersir; ragaid tria fer a himorchuir no tría chomdid ł comsid ind rígthaige. mád fúasma doberthar di mairfid fer cach fúasma ó bethir ocond reib sin di ón tráth co araile &ersir; nis n-aidléba. &ersir; mád uchur mairfid nónbor cacha urchair &ersir; bid rí ł rígdomna ł aire díbergae in nómad fer. Tongu a tonges mo thúath bid sochaide forsa ndailfe deoga tonnaid innocht ar dorus na brudne ind luin Celtchair meisGuthidir. Tongu do dia tonges mo thuath totoethsat tri chét lasin tríar sin ina cetchumscliu &ersir; conraínfet comgním fri cach tríar isin brudin innocht &ersir; maidfit búaid ríg ł airig dibergae. &ersir; immaricfa elud dóib. Mairg iuras in n-orgain for Lomna Drúth cid fó bíthin in triir sin. ní cumcid for Ingcel &ersir; r. &ersir; iar sin cia acca and.

 Imda trí n-aitech Fer Falga

Atcondarc and imdae &ersir; triar inti. Triar fer fortrén feramail fortamail nachta sella duini tairisethar fri án teóra drecha éitchi androchta ara n-imómon imcissin úath imdatuigethar celt clithargarb finna connách a chuirp imcháit agrind a rruisc roamnais tría fróech finnu ferb cen étaige imtuige co certsála sís. La teóra monga echda úathmara ségda co slissu laích luind lúatar claidbiu balcbéimnechu fri bibdadu béim búrit fri teóra sústa iarndae cona secht slabradaib tredúalachaib tréchissi cona secht cendphartib iarndaib a cind cacha slabraide trummithir tinni deich brudamna cach n-ae. Tri dondfir móra. Culmonga duba echda foraib rosegat a ndí sáil. Dá ndagtrían damseiche i mmedón cach ae. &ersir; it remithir sliastae fir cech dobdrolom cetharchoir fordadúna. Iss ed étach fil impu celt asas tréu Ro cessa trillse dia cúlmongaib &ersir; sithrogait íarnd sithremithir cuing n-imechtair i lláim cach ae &ersir; slabrad iarind a cind cacha loirge &ersir; pistul iairnd asithremithir cuing n-úarmedóin a cind cecha slabraide &ersir; atát ina mbruc isin tig &ersir; is leór gráin a n-imcisin. Ni fil isin tig ná beth ina foditin.

Samailte lat sin a Fir Rogain. Sochtais Fer Rogain. Is andsa damsa samail Ni fetursa do feraib betha manid hé in tríar aithech ucut ro anacht Cu Chulaind hi forbais Fer Fálga &ersir; ro marbsat .l. láech oca n-anacol &ersir; ní relic Cu Chulaind a mmarbad ara n-ingantai. at é a n-anmand in trír sin .i. Srubdairi mac Dorndbruige &ersir; Conchend Cind Maige &ersir; Fíad Sceme mac Scípe. Totoethsat tri chét leó ina cétchumscliu &ersir; conrainfet comgním fri cach tríar i mbrudin &ersir; día tuidchet foraib immach bid intechta tría críathar n-átha bar mbrúar lasin n-innas dofíurat cusnaib sústaib iarind. Mairg iuras in n-orgain cid fó bíthin in trír sin ar nilach im ⋅égond &ersir; is cendarraic comrac fríu. Ni cumcid for Ingcel nela femmid dofortecat. &ersir; iar sin cia acca and.

 Imda Da Dergae

Atcondarc imda n-aile and &ersir; óenfer inte &ersir; dá gilla ara bélaib. &ersir; dí moing foraib indala haí is dub. alaile is find. Folt derg forsind láech &ersir; abrait deirg lais. Da ngrúad chorcorda lais. Rosc roglas rochaín occa. &ersir; brat úanidi immi. léne gelchulpatach co ndergintlaid imbi. &ersir; claideb co n-imdurnd dét ina láim &ersir; arric airechtain cacha imdae isin tig di lind &ersir; bíud oss é cossalach oc timthirecht i tslóig uli.

Samailte lat sin a FirRogain. Ni handsa. Rofetursa inna firu sin. Da Derga insain is laís dorónad in bruden &ersir; ó gabais trebad niro dúnait a doirse ríam o dorigned acht leth día mbí in gáeth is fris bís in chomla &ersir; o gabais trebad ní tuccad a chairi do thenid acht no bíd oc bruith bíd do feraib Herend. &ersir; in días fil ara bélaib dá dalta dosom in dá mac sin .i. dá mac ríg Lagen .i. Muredach &ersir; Corpri. &ersir; totoethsat trí deichenbair lasin triar sin ar dorus a tigi &ersir; maidfit búaid rig ł airig dibergae &ersir; immaricfa elud dóib ass iar suidi. Céin mair nodo ansed for Lomna. Bá fer búaid a n-anacail oldás búaid a ngona. Bátár anachthae cid fó bíthin ind fir sin. bá túalaing a chomairgi in fer sin for Lomna Drúth. Ní cumcid for Ingcel. nela. &ersir; iar sin cia acca and.

 Imda na trí níad a sídib

Atcondarc and imdaí &ersir; tríar indi. tri bruit dergae impu &ersir; teóra léne derga impu &ersir; tri fuilt derga foraib. derga uli cona fíaclaib. Tri scéith derga úasaib. Tri gaí derga ina llamaib. Tri heich derga ina sríanaib doib ar dorus brudne.

Samailte lat sin a Fir Rogain. Ni handsa. Tri nia dorónsat goí i sídib. Is í dígal doratad foraib la ríg síde a n-orgain co fá thrí la ríg Temrach. Is é rí dedenach lasa n-orgiter la Conaire mac nEtersceli. Asluífet airib ind fir sin. do chomallad a n-orgni dodeochatár sech ní génaiter ní génat nech. &ersir; iar sin cia acca and.

 Imda na ndorsairi

Atcondarc and triar for lár in tige ocon dorus. Teóra lorga brebnecha .i. tolla inna lámaib. Is lúathidir fíamain cach ae díb timchull araile dochom in dorais. Berrbróca impu it é breca &ersir; bruit lachtnae leó.

Samailte lat sin a Fir Rogain. Ni handsa. tri dorsaide ríg Temrach insin .i. Echur &ersir; Tochur &ersir; Tecmang tri meic Ersand &ersir; Chomlad. Tothoethsat an tri chomlín leó &ersir; conrainnfet búaíd fir etarro &ersir; immáricfa elud dóib cidat créchtaig. mairg iuras i n-orgain for Lomna Druth. ni cumcid for Ingcel &ersir; r. &ersir; iar sin cia acca and.

 Imda Fir Chaille

Atcondarc and ocon tenid airtheraig fer maeldub co n-óensúil lais &ersir; óenchoiss &ersir; óenláim &ersir; mucc maeldub dóithe laiss for tenid ocsí oc sírégim. &ersir; ben bélmar már inna &fdot;arrad.

Samailte lat sin a Fir Rogain. Ni handsa. Fer Caille cona muic &ersir; a ben Cichuil. Atát a aídni thechta lasin n-aidchi farrridse innocht Conaire. Dirsan dond aígid ruidfes etorro. Is di gessib ém do Conaire Fer Caille cona muic. mairg iuras in n-orgain for Lomna. ni cumcid for Ingcel. &ersir; iar sin cia acca and.

 Imda tri mac mBaise di Bretnaib

Atcondarc and imdae &ersir; tri nónbor inti monga findbudi foraib it é comalli. cochléne dub im cach n-óenfer dib &ersir; cenniud find for cach cochull &ersir; cuirce derg for cach cenniud díb &ersir; delg n-íarind i n-aurslocud cach cochaill &ersir; claideb dub dímár fó brut cach fir díb &ersir; no dídlastaís finna for usciu &ersir; scéith co faebur chonduala foraib.

Samailte lat sin a Fir Rogain. Ni handsa. Diberg tri mac mBáithse di Bretnaib insin. Totoethsat tri nónbor leó ina cétchumscliu &ersir; conraínfet búaid fir etorro. &ersir; iar sin cia acca and.

 Imda na fursiri

Atcondarc and tríar forchuitbidi hi cind tened tri bruit odra impu o no betís fir Herend i n-óenmagin &ersir; cé no beth colaind a mathar ł athar ar bélaib cach fir díb ni foelsad nech díb cen gári impu. Coí hi fil in trichoit .c. issin tig ní ermada nech díb a suidi nách a lige lasin tríar cuitbidi sin. nách tan tosnaidle súil ind ríg tibid la cach ndéscin.

Samailte lat sin a Fir Rogain. Ni handsa. Máel &ersir; Mlithi &ersir; Ádmlithi. Tri cuitbi ríg Hérend insin. Atbéla fer la cach n-ae &ersir; conraínfet búaid fir etorro. mairg iuras in n-orgain for Lomna &ersir; &rmacr;. &ersir; iar sin cia acca and.

 Imda na ndeogbaire

Atcondarc and imda &ersir; triar indi tri bruit glaslúascacha impu. Cuach usce ar bélaib cach fir díb &ersir; popp do birur for cach cuach.

Samailte lat sin a Fir Rogain. Ni handsa. Dub &ersir; Dond &ersir; Dobur. ł Dorchae Tri deogbairi rí Temrach insin t meic Lai &ersir; Aidchi. &ersir; iar sin cia aca and.

 Imda Náir Tuathchaích

Atcondarc and fer tuadcháech co súil millethaig cend mucce lais for tenid os sí oc sírégim

Samailte lat sin a Feir Rogain. Ni handsa damsa a samail. Nár Túathcáech sain muccid Boidb a Síd ar Femin nach fled oca rabi riam dodórted fuil occe.

Comérgid súas trá a fíanna fe Ingcel dochom in tige. Cotaéirget iarom la sodain na díbergaig dochom na brudne &ersir; fochartatar a ndord n-impi. Tá chéin for Conaire cid so. Fíanna ar thig or Conall Cernach. Óic dóib sund ol Conaire. Ricfaider a les innocht or Conall Cernach.

Is iar sin dolluid Lomna Drúth riasin slóg isin mbrudin. Bensait in dorsaire a cend de. Fochres iarom isin mbrudin co fá thrí &ersir; dorralad eiste co fá thri feib dorairngertsom fessin.

Dothic iarom Conaire immach asin bruidin &ersir; drécht día muintir lais &ersir; ferait comlond frisin slóg. &ersir; dofuitet se .c. la Conaire ríasíu rosassad a arm. Adainter iarom in bruden co fá thrí &ersir; dorróbdad anall co fa thrí. &ersir; rodet ní íurtha ind orgain mani gabtha gním n-aithergaib co Conaire. Dotháet Conaire do saigid a harm iar sin &ersir; gebid a erred cathaigthe imme. &ersir; gabaid glés n-imberta a arm forsna diberga cosin mbudin ro boí. Tofuitet dano sé chét lais iar saigid a airm inna chétcumscliu.

Ro gab roiniud forsna díbergae iar sudiu. Atrubartsa fribse for Fer Rogain mac Duind Desa. O beit fíanna fer nÉrend &ersir; Alban co Conaire ar thig ní iurthar ind orgain mani millter a bruth &ersir; a gal Conaire. Bid gar úar dosom ón or na druid ro bátár immalle frisna dibergae bá hé milliud són dobertatár conid ragaib roluigi dige

Dolluid Conaire issa tech iar sin &ersir; conatech dig. Deog dam a phopa Meic Cecht for Conaire. Ní hé ord ro ngabus úait co sse ém for Mac Cecht tabairt digi dait. Atát dálemain &ersir; deogbairi lat tuicet dig dait. In t-órd ro ngabusa úait co sse to imditiu o beit fíanna fer nErend &ersir; Alban deit imon mbrudin raga slan úadib &ersir; ní raga gai it chorp. Cuindig dig cot dálemnu &ersir; cot deogbairiu

Is and sin conatecht Conaire dig coa dálemnaib &ersir; coa deogbairib ro bátár isin tig. Nis fil and chetus ol seat ro dóirteá forsna tenti na lennand ro batar isin tig. Ni fúaratar na deogbaire dig dó isin Dothrae. .i. aband &ersir; ro boí in Dothra tríasin tech. Is and conaitecht Conaire dig aridisi. Deog dam a data a Meic Cecht is cumma dam ce bát é éc tíasur ol atbél chenae.

Is and sin tra ro lá Mac Cecht rogu di láthaib gaile fer nErend ro batár isin tig. dús in bat imchomet ind ríg bád dethiten dóib. ł bád chuingid dige dó. Iss é ros frecair isin tig Conall Cernach &ersir; ba lond laside in comram &ersir; baí fích doside do grés iar tain fri Mac Cecht. Léic dúinni comet ind ríg or Conall &ersir; eirgsiu do chuingid na digi úair is cucut conaitegar.

Luid iarom Mac Cecht do chuingid na dige &ersir; gabais Lé fri Flaith mac Conaire fo axail &ersir; in cuach órdae Conaire i mberfide dam co tinni. &ersir; birt a scíath &ersir; a dá gai &ersir; a claideb. &ersir; birt inber in chore .i. inber iairnd. Farrumaí immach cucu &ersir; dobert .ix. mbulli dond inbiur iarind ar dorus na brudne &ersir; tofuit nónbur cacha buille. Dogní iarom fáenchles don scíath &ersir; faeborchles don claidiub imma chend &ersir; tobert fobart &mdot;bidbad forro &ersir; tofuitet sé .c. lais ina chétchumscliu. &ersir; teit iar sligi cét tría budin sechtair.

Imthússa lochta na brudne iss ed chestnigther sund colléic. Atraig Conall Cernach &ersir; gebid a gaisced &ersir; imsoí dar dorus na brudne &ersir; timchellaid a tech &ersir; dofuitet .ccc. lais &ersir; díchuirid na diberga dar teóra fuithairbi ó brudin sechtair. &ersir; maídid búaid ríg &ersir; tintaíd i mbrudin &ersir; sé créchtach.

Tic Cormac Cond Longas &ersir; a noí céli malle fris. &ersir; doberat a cumscliu forsna diberga &ersir; dothuitet .ix. ndeichenbor la Cormac &ersir; noí ndeichenbor la muintir &ersir; fer cech airm &ersir; fer cech fir &ersir; maídid Cormac lecht airig díberga. &ersir; immáric elud dóib cérbot crechtaig.

Tecait in tríar Cruithnech a brudin sechtair &ersir; gabait gles immerta a n-arm forsna díberga &ersir; dofuitet .ix. &ndot;deichenbor leo &ersir; immaric élud dóib cíarbat crechtaig.

Tecait in nonbor cuslennach immach &ersir; imrubat a ngnim forsna diberga &ersir; immáric elud dóib.

Cid fil and trá acht is fota fri haisnis is tophlíúin menman is búadred do chétfaidib is emiltius fri hestidib is imarcraid n-innisen tíachtain darna nechib inundaib fo dí. acht tancatár iar n-urd lucht na brudne immach &ersir; ro fersatár a comlonna forsna diberga &ersir; dotuitset leó amal ro radi Fer Rogain &ersir; Lomna Druth fri Ingcel .i. no theiged lucht cecha imdae béus co fertaís a comlond &ersir; imrulaítís ass iar sin. Connach farcaib i mbrudin i farrad Conaire acht Conall &ersir; Sencha &ersir; Dubtach.

Frisin mórbruth iarom &ersir; fri mét in chomlaind ro fer Conaire dofic a mórthart ítad &ersir; aplis do thám arnach fúair a dig. Ó 'tbath iarom in rí dotháegat in triar út a brudin immach &ersir; nos gabat sáebglés ndíberge forsna díbergaib &ersir; imthíagat o brudin co créchtach aithbris &ersir; athgoite.

Imthússa Meic Cecht i&mmacr; luidside co ránic Tiprait Casra ba occus dó i mbuí hi Crích Cúaland inna farrad &ersir; ní fúair lán a chúaich inti di usci .i. in cúach orda Conaire ronuc ina láim. Dorimchell rígusciu Herend ría matain .i. Buas. Boand. Banna. Berba. Neim. Luae. Laígdae. Sinand. Síur. Slicech. Samaír. Find. Ruirthech. &ersir; ni fúair lán a chúaich di usci intib. Toróchell dano prímlocha Herend ría matain .i. Dergderc. Loch Luimnig. Loch Rí. Loch Febail. Loch Mesca. Loch nErbsen. Loch Laíg. Loch Cúan. Loch nEchach. Mórloch &ersir; ní fúair lán a cuaich di usci intib. Luid co ránic Úaran nGarad for Maig Aí. Atroasidé a dícleth n-airi co tuc lán a chúaich ass &ersir; docer in mac foa choim. Dodeochaid iar sudiu co tánic brudin Dá Dergae ría matain.

In tan dodeochaid Mac Cecht triasin tres fuithairbi dochom in tige is and ro boí días oc béim a chind do Conaire. Benaid iarom Mac Cecht a chend dondala fir adchomaic a chend do Conaire. Ro boí dano in fer aile oc élúd ass cossin chind dochoemnacair coirthe cloche fo chossaib meic Cecht for lár na brudne toléice dond fiur aile occa rabi a cend tara chóeldruim co rróemid a druim and. Benaid Mac Cecht a chend de íar sudiu. Dórtais Mac Cecht in cúach n-usci in n-airsci &ersir; imméde Conaire. Asbert iarom cend Conaire iar tabairt ind usci ina médi &ersir; inna ersci. Maith fer Mac Cecht fó fer Mac Cecht. dobeir dig conoí ríg dogní echt.

Luid Mac Cecht iar sudiu iarom i ndegaid in madma.

Iss ed tra ármit araile libair and so conna torchair acht uathed mbec im Conaire .i. nónbor nammá. &ersir; ní mór ma doerna sceóla indisen scél dona fíannaib ro bátár ar tig doib. Baile i rrabatár .u. míle .c. &ersir; x. c. in cach míli ní érna acht óenchoiciuir díb ass .i. Ingcel &ersir; a dá bráthair .i. tri meic uí Chonmaic .i. Ecell &ersir; Tulchinne. .i. Dartaid na Diberca Luid iarom Ingcél i nAlbain iar tain &ersir; gabais rigi dar esi a athar ó ruc buaid ríg alathúathi leis dia thig.

Iss ed i&mmacr; is slicht i llebraib ailib and &ersir; is dochu combad fíriu. Cethracha ł coíca do thutim do lucht na brudne. &ersir; teóra cetraimthe do thutim dona díbergaib. &ersir; a n-áentrían nammá do élúd ónd orgain.

In tan dano ro boí Mac Cecht fora áltaib isind ármaig cind in tres laí co n-accai in mnaí sechae. Tadall lat ille a banscál for Mac Cecht. Ní laimim a dul ol in ben lat graain &ersir; t'omun. Ro boi úair damsa di sudiu a ben for Mac Cecht. Nod gaibim for fir mo enig &ersir; mo &fdot;aesaim. Adella in ben chuice iarom. Nocon fetursa ol se in cuil bá in corrmíl bá in sengán nom gaib isin crecht. Ecmaing bá mongach meic thire ro boí and connici a dá gúalaind isin crecht. Ro gab in ben ar but &ersir; dosrenga asin crecht &ersir; dobeir lán a bél lais ass. Is sengan sentalman ém or in ben aní seo. Tongu do dia toinges mo thúath for Mac Cecht níbu mó limsa oldás cuil ł corrmíl ł sengan sind. Atbath dano Lé fri Flaith mac Conaire fó oxail Meic Cecht. &ersir; ro leg bruth &ersir; allus in miled hé.

Dolluid Mac Cecht iar sin iar nglanad ind áir cind in tres laí &ersir; dosrenga Conaire lais fora muin co ro adnacht hi Temraig hé ut alii dícunt.Doslui Mac Cecht iar sin hi Conachta .i. ca chrích fessin co ndernad a leges i mMaig Bréngair. conid de ro len in t-ainm a mmag do ingor Meic Cecht .i. Mag mBrénguir.

Asluí dano Conall Cernach o brudin &ersir; dochúatar tri .lll. gai triasin láim i mboí in scíath dó. &ersir; luid iar sin co rránic tech a athar &ersir; leth a scéith inna láim &ersir; a claideb &ersir; brurech a dá gai. Forránic iarom a athair i ndorus a liss hi Talltin. Lúatha coin dotroiphnetár a maccan for a athair friss. iss ed ron bí do chomruc fri ócu ón a senlaích for Conall Cernach. Scéla lat didiu na brudne Da Dergae ol Amorgin. In beó do thigernae. Nocon beó i&mmacr; for Conall. Tongu do dia toingthe mórthúatha Ulad is midlachda dond fir dodeochaid ass i mbethaid íar fácbáil a thigerna la náimtiu i mbás. Nidat bána mo chrechtasa a senlaich ol esseom. Doadbat a láim scéith dó forsa rabatár tri .lll. crecht iss ed adcoimced furri. In scíath trá immardítnestar iss ed ros anacht. Ind lám dess i&mmacr; immarobrad for sudi co rrici a dá cutrummae. Ro cirred iarom ind lám sin &ersir; ro hathchummad &ersir; ro crechtnaiged &ersir; ro críatrad acht conácaibset na féthi frisin corp cen etarscarad innád rabae in sciath ocá imdegail. Ro fích ind lám sin innocht a maccáin ol Amorgein. Fír son a senlaích ol Conall Cernach is sochaide día tard deoga tonnaid innocht ar dorus bruidne.

Imthús i&mmacr; na ndibergach cach óen terna díb o brudin dollotar cosin carnd dodrónsat isind aidchi remideogaid. &ersir; bertatar cloic cach fir beógaíti leo ass. Conid ed ro márbad dib oc brudin fer cach clochi fil hi Carnd Leca. Finit amen finit.

 Slicht Libair Dromma Snechta inso

ORGAIN Brudne Uí Dergae trá iarna remscélaib .i. iar Tesbaid Etaíne ingine Ailello &ersir; iat Tromdáim Echdach Airemón &ersir; íar nAisnéis Síde Meic Óic do Midir Breg Leith ina síd. Conaire mac Eterscéli meic meic Ier di Ernaib Muman is é ro hort isin brudin seo. Mess Búachallo dano a máthair ingen sidé Echdach Airemon &ersir; ingen ingine Étaine ut diximus. Conid Conaire ó máthair do Echdaig .i. Conaire úa hEcach .i. mac ingine ingine Echach hé.

Is ed fodrúair a orcain hi cinta Echdach ar is áes síde Breg Leith dorinólsat in n-orgain fo bíth tonaidbrecht forro a síd oc cuinchid Étaíne la Echdaig. Ros dolbsat iarom lucht in tsíde sin hi slúagu &ersir; dollotár do inriud Maige Breg &ersir; tarfás samlaid do Chonaire. Ecmaing ba tír dudlotar ar is hé rí insin loingside siabrai. Ar gabaissom flaith i ndíaid a athar &ersir; asbert Ninión druí bátar n-é airchoilte a flatha. ar ná hechtrad a Temraig cach nómaid aidche &ersir; ní fuinmilsed gata ina flaith. &ersir; na gabtha díberg. &ersir; ní áirsed augra in dá túathmaíl túath Maugnae. &ersir; ná foíed hi taig asmbad ecna soilse iar fuiniud gréne &ersir; &rmacr;.

 Slicht na cíni béos.

Mane Milscothach mac Carbad &ersir; Gér mac uí Necae &ersir; tri meic uí Thoigse it é nod n-ortatar Conaire tre chomarli Ingceóil. Dobreth Geer mac ui Necae hi rráith fri Ingcél im orgain no thogfad i nHére dó. Roda nertsatside do chomollod fri Ingcel a n-ebred Mani Milscothach. Asbert Mani ba liach bruden do orgain fo déig Conaire. Is de no geibed Ingcél grúad &ersir; fír ui Necae. Tri .lll. ba hé a llin ocund orgain Is ed dollotár riam i nAlpain do chor a ndíbergae and ar nír léic greim Conairi doib a cor in nHere. Conid iar sin tancatar Hérind a llín cétna &ersir; ortatár brudin. Conid Bruden Uí Derga cona fúasaitib &ersir; cona slechtaib &ersir; cona remscélaib amal adfiadar i llebraib insin anúas a bith samlaid.

 Incipit Fled Bricend &ersir; in Curathmír Emna Macha &ersir; in Briatharchath ban Ulad &ersir; Tochim Ulad do Chrúachnaib Ai &ersir; Cennach ind Rúanada i nEmain Macha

Boí fled mór la Bricind Nemthenga do Conchobur mac Nessa. &ersir; do Ultaib huile. Bliadain lan dó oc tinól na flede. Dorónad iarom tegdas chumtachta lais fri frithailem tomalta na flede. Conrotacht iarom a tech sin la Bricrind i nDún Rudaige fó chosmailius na Cráebrúadi i nEmain Macha acht nammá ro derscaigestar a tech so eter adbur &ersir; elathain. eter chaími &ersir; chumtachtae. eter úatni &ersir; airinigi. eter lígrad &ersir; lógmaire. eter sochraide &ersir; súachnide. eter irscartad &ersir; imdorus do thigib inna hamsiri sin uli.

Is amlaid trá dorónad a tech sin sudigud Tige Midchúarta fair .ix. n-imdada and ó thenid co fraigid .xxx. traiged i n-airdi cacha hairinig crédumae co ndiórad óir friu uile. Conrotacht rígimdae and íarom do Chonchobur i n-airinuch ind rígthige sin úas imdadaib in tige uile co ngemaib carrmocail &ersir; lógmaraib archena &ersir; lígrad óir &ersir; airgit &ersir; charrmocail &ersir; datha cach thíre combo chomsolus lá &ersir; adaig inti. &ersir; Conrotachtá dano dá imdaí déc in dá erred déc Ulad impe. Ba comnart iarom indas in gníma sin &ersir; ind adbair dobreth dó dénom in tigi. Sesrech oc tabairt cecha clethi &ersir; mórfessiur di thrénferaib Ulad oc cor cacha hóenslaite. &ersir; .xxx.cha sáer do prímsáeraib Herend ocá dénam &ersir; oca ordogud.

Dorónad dano gríanán la Bricrind fodessin fó chomardus imdaí Conchobair &ersir; inna láth ngaile. Conrotacht iarom in gríanan sin do imdenmaib &ersir; cumtaigib sainamraib &ersir; ro sudigthe senistre glainide ass for cach leth. Conrotacht iarom senester díb uasa imdaidseom fadéin combo fodirc dósom imcissin in tige máir úad assa imdaí déig rofitirsom ni léicfitis Ulaid isa tech.

In tan tra bá urlam la Bricrind dénam a thige máir &ersir; a gríanán &ersir; a n-errad díb línaib do brothrachaib &ersir; brecánaib &ersir; cholcthib &ersir; cerchaillib &ersir; a tincor do lind &ersir; do bíud &ersir; nad rabi ní bad esbaid úad eter deintrub &ersir; comadbar na flede. Dotháet iar sin co toracht Emain Macha ar cend Conchobair co mathib fer nUlad imbi. Ba hed lá and sin iarom ro boí óenach la hUltu i nEmain Macha. Ferthar failti fris iar sudiu &ersir; dofessid for gúalaind Conchobair. Adgládastar Concobar co nUltaib olchena. Taít limsa ol sé co tormail lim. Maith limsa dano ol Concobar mad maith la Ultu. Frisgart Fergus mac Róig &ersir; mathi Ulad archena co n-epertatár. Ní ragam ol seat ar bit lia ar mairb oldáte ar mbí íarnar n-imchosait do Bricrind día tísam do thomailt a &fdot;lede. Bid messu dúib ém ol se a ndogensa cein co tísaid lim. cid dogénasu di sudiu ol Conchobar cén co tíasat Ulaid lat. Dogénsa ém ol Bricriu imcossaít na ríg &ersir; na toísech &ersir; na láth ngaile &ersir; na n-ócthigernd co 'mmáromarba cách díb a chéli mani thísat lim do ól mo flede. Noco dingniummni airutsu sin or Conchobar. Immacossaitiubsa eter in mac &ersir; a athair co 'mmámuirfe dóib. Mani fetursa sin dano or se immácossaítiub eter in n-ingin &ersir; a mmátair. Mani fetur sin dano or se immacossaitiub dá cích cacha óenmná la Ultu co 'mmatuaircfe dóib co mbrenfat &ersir; co llofat la sodain. Is ferr a techt ol Fergus mac Róig bid fír sucut ol se. Denaid immacallaim didiu or Sencha mac Ailella úathad do degdaínib Ulad mád maith lib. Bíaid olc de ol Conchobar cen co déntar comarlí fris.

Tíagait iarom mathi Ulad uli i n-imacallaim. Ba sí comarli Sencha doib dano ina n-imacallaim Maith tra ol Sencha uair atabair ecen techt la Bricrind togaid aitiri de &ersir; sudidigid ochtur claidbech imbi im dul dó asin tig acht co taisfena a fled dóib. Dochóid Furbaide Fer Bend mac Conchobair lasin n-athesc sin co n-écid do Briccrind in n-imacallaim uli. Maith lim ol Bricriu a denam samlaid. Tocumlat ass iarom Ulaid o Emain Macha cach drong immá rig. cach réim immá rurig. cach buden immá túsech. Bá hálaind iarom &ersir; bá hamra in tochim ronuicset in trénfir &ersir; ind láith gaile dochum ind rígthaige.

ro imráid iarom Bricriu inna menmain dús cinnas doragad ar imchossaít Ulad ó dodeochatar aittiri na trénfer tara chend. O ro glé didiu a imrádud &ersir; a scrútan uli inna menmain. Dolluid co mboí i mbudin Lóegaire Buadaig meic Connaid meic Ilíach. Maith sin tra a Loegairi Buadaig or se a balcbullig Brég. a bráthbullig Midi. a bethir breóderg a búaid n-óc nUlad. Cid daitsiu nábad lat in curathmír Emna do grés. Mad ferr limsa ém or se bid lim. Ríge láech nÉrend uaimse dait ol Bricriu acht co nderna mo chomarlisea. Dogén i&mmacr; or Láegaire. Mád lett ém cauradmir mo thigese bid lat cauradmir Emna do grés. Is cóir curathmir mo thige do cosnom or se ní cauradmir tige meraige. Atá dabach hi talla triar and di lathaib gaile fer nUlad iarna línad do fín acneta. .i. sainemail Atá torc .uii. mbliadna and o ro léorc becc ní dechaid inna beólu acht littiu lemnachta &ersir; menadach i n-erroch &ersir; fírcroith &ersir; fírlemnacht i ssamrud. Eitne cnó &ersir; fírchruithnecht hi fogomur &ersir; feóil &ersir; enbruthe hi ngemrud. Atá bó thúir and díandat slána a secht mbliadna o robo lóeg bec ní dechaid fráech ł foigdech inna beólu acht fírlemnacht &ersir; luigfér glasfeóir &ersir; arbar. Atát cóic fichit bargen cruithnechta and iarna fuine tría mil. cóic méich fichet tra iss ed ro bronnad frisna cóic fichtiu bargen sin. &ersir; cethri bargein di cach míach. Iss e sin didiu curadmir mo thige or Bricriu. Úair is tussu láech as dech fil la Ultu is dait as chóir a thabairt &ersir; is dait donúthracarsa. In tan iarom bas urlam taisbenad inna flede deód laí érged do araso súas &ersir; bid dó doberthar in curadmir. Beit fir marba and ł dogéntar samlaid or Loegaire. Fáitbestár Bricriu la sodain &ersir; bá maith lais a menma.

O ro scáich do iarom imcossaít Loegairi Buadaig dolléic i mbudin Chonaill Chernaig. maith sin a Chonaill Chernaig or Bricriu is tú láech na cernd &ersir; na comram. at móra na comrama dait sech ócu Ulad olchena. In tan tíagait Ulaid for cricha echtrand udi tri lá &ersir; tri n-aidche daitsiu remib for áthaib &ersir; ilathaib. Tú dano tara n-éssi dorísi ocá n-imdegail oc tíchtain ass conna torgethar sechut na treót na torot. Cid daitsiu iarom nádbod latt curadmir Emna Macha do grés. Cerbo mór tra a mmuinbech dorat im Loegaire dorat a da cutrummai im Conall Cernach.

Iar n-imchossaít Conaill Cernaig dó iarom amal robo data lais dolléci i mbudin Con Culaind. Maith sin or se a Chu Chulaind a cathbúadaig Breg. A lígbrataig Liphe. A macdretill Emna a lennán ban &ersir; ingen. ní lesainm dait indiu Cú Chulaind úair is tú fer aurbága fil la Ultu dóeme a mmórgressa &ersir; a mmóraurgala &ersir; saiges a chert do cech óen la Ultu &ersir; ní nad roichet Ulaid uli rosoichisiu th'óenur &ersir; addaimet fir Herend uli do gail &ersir; do gaisced &ersir; do gníma úassaib. cid daitsiu iarom in cauradmir do lécud do nách aile do Ultaib uair ní túalaing nech di feraib Herend a chosnam frit. Tongu a toinges mo thúath i&mmacr; or Cu Chulaind bid cía cen chend intí doraga día chosnam frim. Scaraid dano Bricriu friu iar sodain &ersir; dotháet hi comaitecht a slóig amal na dernad etir in n-imchossaít.

Lotár iarom dochom in tige co rragaib cách a lepaid and isind rígthig. eter ríg &ersir; rígdomna &ersir; airig &ersir; ócthigernd &ersir; maccóemu. Leth i tige iarom do Conchobur co láthaib gaile fer nUlad immi &ersir; a lleth n-aill do bantrocht ulad im Mugain ingin Echach Fedlig mnaí Conchobair Batir hé iarom bátár im Chonchobar i n-airinuch in tige .i. Fergus mac Róich. Feradach Find Fectnach Celtchar mac Uthechair Fedelmid Chilair Chétaig Eogan mac Durthacht Furbaide Fer Bend &ersir; Dá mac ind rig .i. Rochad mac Fathemon Fiacha &ersir; Fíachaig Loegairé Búadach Fergna mac Findchoíme Conall Cernach Fergus mac Leti Cú Culaind Cúscraid Mend Macha mac Connad mac Mornai Conchobair Erc mac Fedelmthe Sencha mac Ailella Illand mac Fergusa Tri meic Fiachach .i. Fintan mac Neill Rus &ersir; Dáre &ersir; Imchad Ceternd mac Fintain Muinremur mac Geirrgind Factna mac Sencada Errge Echbél Conla Sáeb Amorgene mac Ecit Ailill Miltenga Mend mac Salchadae Bricriu fodein Dubtach Dóel Ulad
&ersir; formna láth ngaili Ulad arcena &ersir; a maccaem &ersir; a n-áesa dána. Ardopetet iarom a n-áes ciúil &ersir; airfite céin both oc taisbenad na flede dóib.

O ro taisfeóin iarom Bricriu in fled cona imthórmaigib ulib forócrad do Bricrind fácbáil in tigi de inchaib na n-atairi. Atrachtatár na aittiri la sodain &ersir; a claidib nochta na lámaib día innarba asin taig. Téit iarom Bricriu cona tegluch assin tig dochom a gríanán. Oc techt dó iarom fo díbí ind rígthaigi is and asbert. In cauradmir ucut ol se amal ro aurgnad ni cauradmir tige meraige. Láech bas dech lib do Ultaib damberaid dó. Fosfácaib la sodain.

Ataregat ind rannaire do raind in bíd la sodain. Atraig iarom ara Loegairi Buadaig .i. Sedlang mac Ríangabra co

n-epert frisna rannairib. Dale sechut ol se a curadmir n-ugut do Loegaire Buadach uair iss é no ndlig sech ócu Ulad archena. Affraig dano Id macRíangabra ara Conaill Chernaig co n-epert a cétna. Affraig dano Lóeg mac Ríangabra co n-epert a cetna frisna rannairib. Tucaid do Choin Chulaind sucut ol se ní mebul do Ultaib uli a thabart dó. is é gaiscedach as dech fil díb hé. Níbá fír sin or Conall Cernach &ersir; or LoegaireBúadach. Atafregat for lár tige &ersir; gabtait a scíathu foraib &ersir; taurlaingset a claidbiu a tríur. Immanesoírg dóib combo nem tened indala leth dind rígthig lasna claidbiu &ersir; la fáebru na ngaí. &ersir; combo énlaith glégel a lleth n-aile di cailc na scíath. Foceird armgrith mór a rrígthech la sodain &ersir; ro crithnaigset ind láith gaile. &ersir; ro fergaigestar Concobar fodessin &ersir; Fergus mac Róig oc ascin ind étúalaing &ersir; ind anfír .i. in días do gabáil immón n-óenfer .i. Conall Cernach &ersir; Loegaire Buadach im Choin Culaind. Ní rabi la Ultu fer no lamad a n-etargaire co n-epert Sencha fri Conchobar. Etarscar na firu or se ar is é día talmaide ro boí oc Ultaib ind inbuid sin Conchobar.

Dolluid Conchobar &ersir; Fergus etarro iarom. Dollécet a láma la tóeb fó chetóir. Dénaid mo reirse or Sencha Dogenamne ol seat. Is í mo ríarsa didiu or Sencha in cauradmir ucut ol se do fodail fón slóg uile innocht &ersir; techt immi iar sudiu i rréir nAilella meic Mágach ar bid aingcess la Ultu in dal so do gleód mani brethaigther hi Cruachnaib. Fodailter iar sudiu bíad &ersir; lind dóib &ersir; tairmchell dáil tenid leó &ersir; gabsus meisce &ersir; bátar failte. Briccriu dano &ersir; a rígan ina grianán. Bá foderc dó iarom assa imduí suidigud ind rígthige amal ro both and. Ro scrút inna menmain cinnas doragad ar imchossait na mban amal dorigni imcossait inna fer. In tan iarom ro scáig do Bricrind a scrutan ina menmain amal doragad airi ba sí úair insin dolluid Fedelm Noíchride .l. ban asind rígthig immach iar trummi óil. Addaci Briccriu sechai. Maith sin innocht a ben Leogairi Búadaig ní lesainm dait dano Fedelm Noíchride ar &fdot;ebas do chrotha &ersir; do ceille &ersir; do ceneoil. Conchobar rí cóicid Herend do athair.Loegaire Buadach do chéle. acht nammá níbo ró lim dait conna tissad nech di mnaib Ulad ríut hi Tech Midchúarda &ersir; combad hit íarsála no beth bantrocht Ulad uile. Bá tú theis isa tech ar thus innocht doroimle caidche aís banrígnacht úas bantrocht Ulad uli. Téit ass Fedelm la tar téora fuithairbe ón tig.

Tic immach iar sin Lendabair ingen Eógain meic Derthacht ben Conaill Chernaig. Atgládastar dano Bricriu co n-epert. maith sin a Lendabair or se ní lesainm dait ind Lenabair at banlendan &ersir; at menmarc fer ndomain uli. ar do áine &ersir; t'urdarcus. A n-ed ruc do chéli do ócaib domoin ar gaisciud &ersir; cruth roucaiseo di mnáib Ulad. Cid mór tra a muinmech dorat im Fedeilm dorat a dá cutrumma im Lennabair fóa n-innas cetna.

Dolluid Emer immach fo sodain .l. ban. Slán seiss a Emer ingen Forgaill Manach ol Bricriu a ben ind fir as dech i nÉre. Ní lesainm dait ind Emer Foltchaín is húariud do rígaib &ersir; rígdomnaib Herend immut. A n-ed ruce grían do rennaib nime rucaisiu de mnaib domain ule. ar chruth &ersir; deilb &ersir; cenel. ar oíti &ersir; áni &ersir; irdarcus. ar allund &ersir; érgna &ersir; aurlabra. Cíarbo mór trá a mainbech dorat imna mna aile dorat a thri chomméit im Emir.

Tíagait ass iarom na teóra budne co mbatár i n-óenmagin .i. téora fuithairbi on tig &ersir; ní fitir nech díb for araile a n-imchossait do Bricrind. Dotháegat dia tig la sodain. Tochim fossad n-álaind n-ínmalla issin chetna fuitherbe. is ing ma rofuc nech díb a choiss sech araile. Ind &fdot;uithairbe tanaise i&mmacr; bá miniu &ersir; bá lúathiu a n-imtecht i ssudiu. Ind fuithairbe i&mmacr; ba nessu don tig is samlaid ruc cach ben dia seitche ar écin &ersir; tuargabsat a lénte co mellaib a lárac do imchosnom dul isa tech ar thús úair iss ed atrubairt Bricriu fri cach ae timchell araile is si robad banrígan in chóicid uli inti dib cetna ragad issa tech. Ba sí méit a fothraind tra oc imchossnam techta ar thossaig cách ríana chéli amal bid fothrond .l. carpat dothisad and co forcroth a rígthech n-uile &ersir; co raeblangtár ind laith gaile dia ngaisciud co folmastar cach díb aidid a chéle isin tig.

Anaid or Sencha nídat námait táncatár acht is Bricriu dorat imcossaít eter na mná dochótár immach. Tongu a toinges mo thúath or se mani íatar a tech fríu bit lía a mairb and andat a mbí. Iadait na dorsaide in comla la sodain. Rosaig Emer ingen Forcaill Mánach ben Con Culaind ar lúas ríasna mnáib aile co tard a druim frisin comlaid. &ersir; co n-arlastár úadi na dorsaide ríasin &mdot;bantrocht orchena. Conérget a fir isin tig la sodain cach fer díib do oslogud ríana mnaí combad a ben cetna tísas issa tech ar thús. Bid olc ind adaig or Conchobar. Benaid a cló n-argit ro boí ina láim frisin n-úaitni créduma inna imda co ndesitar in tslúaig inna sudi. Anaid or Sencha níba cath co ngaisciud dogentar sund acht bid cath co mbriathraib la sodain. Tolluid cach ben fo choím a céli ammaig conid and sin dorónsat in briatharchath ban Ulad.

 Bríatharcath na mban inso

Asbert Fedelm Noicride ben Loegairi Buadaig

.r.

Cotombertsa brú sóer sruith dim chlaind comceneoil cinsiu di churp ríg sceó rígnai richt for caíni costud conid cruth buidech berar úaim noíthium cruth caín consert la feba Féne fogart geinsiu genas luchthond lámderg Loegairi lín &mdot;band mbalcbúada beras ar íath nUlad áurslaid crícha comnart comnámat cen Ultu imbi. Imúsdích immustecrathar imgoin airriu airdercu laechaib Loegaire. lín a búada bías úas cech láech. Cid nabsin Fedelmsa Findchóem chruthbúadach búageltach cichsed ría cach mnaí hi Tech Midchúarda medrach.

Asbert Lendabair la sodain ingen Eógain meic Dertacht ben Chonaill Cernaig meic Armorgin.

.r.

Ar is mése cruth chéill cho&ndot;graimmim coiblethar céim cruth caín caurchasta i Tech Midchúarta ríg ría mnáib Ulad. Ar is mo chéle cáem Conall coscorach credmair coibledar céim n-ard n-adguide i n-uchtu ergal n-eirrind ría cach. Caín tintaí chucum co cernaib co cennaib co ruccai calca crúaidae comraicthi Ulad arsaid cach n-áth conid día thuil targlaí arslaidh a n-áthu arfich a ngressu comaig láech arabí lecht líac laimethar meic áin Amorgin accalldaim ar is Conall ar lín a cherd cinnges ría cach laech. Cid nabbsin Lendabairse lí súla cáich cichsed ría cach mnai hi tech ríg.

Asbert Emer ingen Forgaill Manach ben Con Culaind

.r.

Cotomgabasa chéim cruth cheill congraimmim coibliud búada báigthir cach delbchaín chucum conid mo rosc sóer setta doíne dom gnúis gné ní fríth cruth ná córai ná congraim ní frith gáes ná gart ná genus. Ní frith luth seirce sóerligi na celle conom thicse ar is immumsa ochsatar Ulaid uile is mé a cnú chridi glé diammbése báeth fíad etarlu. nimmar mbith ben úadib lía céle on trath sa co alaile is Cu Chulaind mo chéle ní cú ches crithir fola fora crund cobur fola fora claediub. Caín forondar a chorp hi crú créchta ina chaíncnis álta ina thóeb liss caín feid a rosc rocheim inna chend síar sírderg a sella ógdérg a fonnaid fordeirg a fortgae arfich ó aíb ech &ersir; analaib fer foceird ích n-erred ind aíb atetha cles dond cless dall cless n-eóin immelig loa usci atetha cless nonbair conboing catha cróchombág falgai betho borrbuidne brissid úath n-adarccna is fer seirgeis i lligu is crón chutma cúaride iss i richt mná siúil sedda Ulaid uli ci rrici mo chélese Coin Culaind cró dond glé sin samlaitir at salaig úantaind at húanaind chrisalaig at gairb chaithlig at cróna cutrumma at crothle garmilíne at búanaind boldelbae is i rtrechtaib bó &ersir; dam &ersir; ech settai mná Ulad uli conom thicisea. Lineation error: line 8344 is skipped by the printer.

La sodain ba ed dogensat ind &fdot;ir batár sin tig .i. Loegaire &ersir; Conall Cernach o ro leblaing a luan laith iar closin imacallma na mban. Ro brisiset cleith di clethaib ind rigthige foa comartus immach conid sí conar dollotar a mná chucu isin tech. Cu Chulaind i&mmacr; tuargaib a tech i n-aurchomair a imdaí comtar foderci renna nimi fon fraigid immach anis conid sí sin conar dolluid a bensom &ersir; cóeca ban cechtarde na da ban aili &ersir; .l. ban a mná fodéin. connabad cuthrummus disi frisna mna aili uair nirbo chutrummus dosom fri cách. Dolleci Cu Chulaind a rrígthech sís iar sudi co ndechatár secht ferchubat di senamain in tige i talmain co forcroth a ndún uli &ersir; cor trascair gríanan Bricrend fri lár talman co torcair Bricriu fodein &ersir; a rígan co rrabatar isind otruch for lar ind lis eter na conaib. Aill amai for Bricriu tancatar námait a ndún la eirgi súas co opund. Coro lá cor immán rigthech co n-acca amal ro clóenad a thech conda tarla fora lethbeólu uli. Adsoirg a bossa la sodain &ersir; léicthe isa tech iar sudi &ersir; ni rabi la Ultu fer asaithgned amal ro salchad conid ina labrad atgenater.

Asbert Bricriu friu iarom di lar in tigi. Ni ma torchomlodsa fleid dúib tra a Ultu for se. Is ansu limsa mo thech oldás mo trebad uli. Is geis dúib tra ol Bricriu ól ł longud ł chotlud co fargbaid mo thechsa amal fondrancaibair for bar cind. Atregat laith gaile fer nUlad uli isin tig la sodain &ersir; doberat tríamnai don tig &ersir; nír thúargaibset cid co tisad gáeth etorro &ersir; talam. Robo cheist for Ultaib dano aní sin. Nochonom thasa dúib ol Sencha acht in fer fodrácaib co claen aitchid fris a facbail co diriuch. Asbertatar Ulaid fri Coin Culaind iar sudi a tech do dirgiud. &ersir; asbert Bricriu a rí láech nErend for se mani dirgisiu corop cóir nocon fil isin domun nod ndirgi. Doratsat Ulaid uli impidi fair im thúaslucud na cesta. Afraig Cu Chulaind la sodain na betis áes na fledi cen ól cen tomoltus. Dorat iarom Cu Chulaind triam dia turcbáil &ersir; foremmid Ro riastrad immi íarom iar sudi co rabi banna fola i mbun cacha finna dó &ersir; ro súig a folt inna chend corbo súas maeldub demis chas chirdub fa forcsi fair. &ersir; ro bag imbri bró &ersir; ro síni iar sudi co taillfed fertraig feroclaig eter cach do asna do.

Tancatar a áes cumachta &ersir; a lucht adartha na dochum &ersir; tuargaib a tech iar sudi &ersir; forruim co riacht a dirgi fesin inna cetna. &ersir; bá sám doib iarom oc tochatim na fledi .i. na ríg &ersir; na toisig isindarna leith im Concobur clothamra im ardríg n-amra nUlad. Ind rigna i&mmacr; isind leith araill .i. Mugain Aitencaetrech ingen Echach Fedlig ben Conchobair meic Nesa. Fedelm Noícrothach ingen Concobair .i. noí crotha no tadbantais furri &ersir; bá aildiu cach cruth araili. Fedelm Foltchain dano ingen aili Conchobair ben Loegairi Buadaig. Findbec ingen Echach ben Chethirnd meic Fintain. Bríg Brethach ben Celtchair meic Uthichair. Findige ingen Echach ben Eogain meic Durthacht. Findchaem ingen Cathbad ben Amargin Iarngiúnaig. Derb Orcaill ben Lugdach Ríab nDerg meic na Tri Find Emna. Emer Foltchain ingen Forcaill Manach ben Con Culaind meic Sualdaim. Lendabair ingen Eógain meic Durthacht ben Conaill Cernaig. Niab ingen Celtchair meic Uthechair ben Chormaic Cond Longas meic Concobair. Is lia turem tra &ersir; aisneis ina mboí dí degmnáib and chena.

Dorala in tech ina ráithsechaib briathar ocna mnaib doridisi oc imarbaig eter a feraib &ersir; siat fesni. co folmaiset ind fir comergi debtha dorísi .i. Conall &ersir; Loegaire &ersir; Cu Chulaind. Atracht Sencha mac Ailella &ersir; ro croith in craib Sencha &ersir; contoíset Ulaid uli fris conid and asbeirsom oc cosc inna mban.

.r.

Cotobsechain a laíchesas ána áurdairce airegda Ulad. anat for mbriatra bági na banaiter fernúsi i ccruadaib comraicthib tria úalle a nglond. ar is tria chin mban bit fernai fer dlochtai fir i n-irgalaib immad már galgat comlud ferglunni ar is dia mbrígaib báesaib bés dóib dofurcbat nad íccat imsuídet nad rairget cotobsechain a laicesa ana urdairci.

Is and asbert Emer oca frecra.

.r.Deithbir damsa a Sencha uair isam bensa curad caín cotngabthus cruth ceill o ro damnad a forcetul cen díchill. eter chles for análaib &ersir; ubullchles &ersir; siaburcles &ersir; cles cúair &ersir; cles cait &ersir; dergfilliud erred nair &ersir; gai bolcai &ersir; bai brasi &ersir; bruth ngene &ersir; sían curad &ersir; rothchles &ersir; faeburchles &ersir; dreim fri fogaist &ersir; dírigud cretti for cach n-aí. Ní faigbistar fer and conmestar a aes &ersir; a ás &ersir; a anius. a guth a gáes a chenel. a anius a urlabra. a ág a gal a geisced. a bruth a búaid a búadirse. a foraim a fómsige. a déni a tharpige a fíanchoscur co cles nónbair fo Choin Culaind comchosmail.

Fír inna radisiu a ben for Conall Cernach. táet ille in gilla clesach sin co comairsem. Nathó for Cu Chulaind am scith aithbristi indiu conda esur bíad &ersir; coro chotlur ni dingon comlond. Ba fír ém dosom dano ani sin fo dagin iss ed láa and sin immanarnic dosom frisin Liath Macha hi taib Lindi Leith. hi Sleib Fúait. Ro selaig Cu Chulaind chuci iar tichtain dó asind loch co tarat a di laim imma brágit. co ragaib etorro oc gleic coro thairmchellsat tír nÉrend fon n-innasin. co toracht inn aidchi sin cona eoch riata leis co Emain Macha. Is fón n-innas cetna dano fuair in Dub Sainglend a Loch Duib Sainglend.

Is and asbert Cu Chulaind ani seo. Ro sirius indiu &ersir; in Liath morbrugi Erend .i. Brega Midi Muresc Murthemni Macha Mag Medba Currech Cleitech Cerna Lia Line Locharna Fea Femen Fergna Urros Domnand Ros Roigne Anm Eó. Ferr cach cles cotlud diliu lim longud oldás cach ni. Tongu do dia toinges mo thúath díamsa saithech bíd &ersir; cotulta conid cles &ersir; cluchi lim comrac fri óenfer.

Immacomarnic tra dóib debaid do denam imman curadmir doridisi. Dogní Concobur &ersir; mathi Ulad olchena a n-etrain coro glethe a mbrethugud. Eircid for Condobar cussin fer folimathar for n-etrain co Coin Roí mac nDáiri. conid and asbert.

.r.

Alid in fer concerta do chách mac Dairi dúir caemroth Cu Roí conclecht fir forcoll mad fri góe gebitar fer find fíren fer maith mormenmnach brugaid ar brugachus láech ar laimthenchus ardri ar airechus concertfa fír foraib feidm airg ailfes alid. alid.

Foemaimsea sin tra for Cu Chulaind. Cet lem dano for Loegaire a dula dano for Conall Cernach. Gabtair th'eich didiu for Cu Chulaind &ersir; indillter do charpat a Chonaill. Aill amai for Conall. Éche for Cu Chulaind foritir cach amglicu t'echradsu mailli do cheim &ersir; t'innell imtrummu concingeng do charpat co tocba clod cechtar a da roth rocharpait conid slicht suachnid fri ed mbliadna do ocbaid Ulad cach rot ríadas do charpatsu a Chonaill.

Atclunisiu sút a Loegairi for Conall. Fe amae for Loegaire nacham ail nacham imderg. Am escidsea for atha for ilatha co ucht anfaid irgaile re n-ocaib Ulad. ni chuir formsa remthus rerig conclechtaimse cairmteoracht re n-arcaib ré n-erredaib ri oencairptib i ndolgib i ndrobelaib hi cailtib hi cocrichaib nad clechta err óencharpait do imluad ar m'ési. a.

La sodain ro inled a charpat do Loegaire &ersir; ro leblaing ind &ersir; imreid dar Mag Dá Gabul dar Bernaid na Forairi dar Ath Carpait Fergusa dar Áth na Mórrígna do Cháerthiund Clúana Da Dam hi Clithar Fidbaidi hi Commur Cetharsliged sech Dun Delca dar Mag Slicech siar hi Sléib Breg. Ro gab tromcheó doborda dorcha doeolais dó and sin connarb inríata dó in chonar. Anam sund for Loegaire fria araid coro dígla in ceó dind. Tairbling Loegaire asa charput. Ro chuir in gilla na eocho hi fergort boí hi comfocus dó.

A mboí and in gilla co n-acca in scáilfer mór ina dochum. nirbo segunda a tuarascbáil se mullachlethan belremur bolcsuilech grendetenach granna grucánach dosmailgech docraid adetig. sé tailc talchar tinsensach sé sotal sucach séitfidach sé rengmar rigtrén rochalma. sé borb brogda bachlachda. Mael dub demsidi fair arit odor immi inar foph a thona im sodain senbrisca a salcha má chossa. Mátan maglorci móri fria ais amal mol mulind.

Cóichet na heich se a gilli for se la fegad co andíaraid fair. Eich Loegairi Buadaig for in gilla. Fír for se maith in fer asa eich. is amlaid ro raid sin la turcbail a mátan fair &ersir; dobretha béim dón gillu o adbrond co hó. Egis in gilla. Doroich Loegaire fua. Cid dia mbá don gillu in dei nomine Loegaire. Hi cinta ind fergoirt do milliud for in t-aithech fein ticfa for Loegaire. Immacomsinitar dóib dano. Techid Loegaire íar tain co ránic Emain Macha iar facbail a ech &ersir; a gilli &ersir; a armgascid.

Nirbo chian iar tain co toracht Conall Cernach in sligid cetna co ránic in magin in ro artraig in ceo druidechta do Loegaire. Artraigid dano in dubnel cetna dorcha doborda for Conall Cernach connar cungain nem ł talmain. Tarblingis Conall iar tain &ersir; scurid in gilla na eochu isind fergort chétna. Nirbo chían dó iar sudi co faca in scál cétna chuci. Iarfaigis dó cia diambo cheli. Am celisea Conaill Cernaig for se. Maith in fer for in scál la tócbáil a lámi co tarat beim dó ó hó cóa fodbrond. Íachtais in gilla. Tic Conall fo sodain. Immacomarnaic dó &ersir; don scál. Tresi cluchi ind athig. Techis Conall ón mud chetna amal ro theich Loegaire iar fácbáil a armgascid &ersir; a ara &ersir; a ech co ránic Emain Machai

Dolluid Cu Chulaind iar sin forsin tsligid chetna co ránic in n-inad cétna conos tarraid in dubchéo cétna feib tarraid in lucht remi. Tarblingis Cu Chulaind &ersir; berid Láeg na eocho sin fergort. Nirbo chian dó co n-acca in fer cetna chuci &ersir; immafoacht de coich diambo cheli. Celi do Choin Chulaind for se. Maith in fer for in scal la fuirmed in mátan fair. Iachtais Láeg. Tic Cu Chulaind fo sodain &ersir; immácomarnaic dó &ersir; don scál. &ersir; nos tuarcend cách araili díb. Traitar in scál coro dilsig na eocho &ersir; in n-araid &ersir; co ruc eocho &ersir; aradu &ersir; armgaisced a coceli leis ro ránic EmainMacha cona morchoscur &ersir; dorat dia fíadnaib fein íat.

Is letsu in curadmír ol Bricni fri Coin Culaind is follus ar for ngnimaib ni dligthi comardad fris etir. Nibá fír ani sin a Bricriu for siat úair foretammarni conid áen di chardib sidchairechta dosfanic do immirt mela &ersir; cumachta forni immon curadmír &ersir; ni léicfemni uaid hé air sin. Femit tra Ulaid &ersir; Concobar &ersir; Fergus a n-etergleond no ro curtis do saichtin Con Roí meic Dairi ł do saichtin Ailella &ersir; Medba co Cruchain Ai.

 Tochim Ulad co Cruacain inso

Dorónsat iarom Ulaid comarli a hoeninud im comuaill &ersir; im chomdimmus in trír curad sin &ersir; is i comarli doronsat mathi Ulad im Conchobar do techt leo d'etergleod a cesta co tech nAilella meic Mágach &ersir; Medbi co Cruáchnaib Aí immá curadmír &ersir; im imarbáig na mban. Bá caín &ersir; ba haíbind &ersir; bá socraid a rréim ronucset Ulaid do Cruachnaib. Anais i&mmacr; Cu Chulaind colléic do éis in tslóig oc airfitiud ban nUlad .i. ix. n-ubla clis &ersir; .ix. cletíne clis &ersir; ix. scena clis &ersir; ní thairmescad nach ai alaile.

Luid Lóeg macRíangabra iarom a arasom Con Culaind día acallaimsom bale i rrabe oc na clessaib co n-epert fris. A claín trúaig or se ro scáig do gal &ersir; do gaisced dochúaid úait in curathmír rosíachtatar Ulaid Crúachain ó chíanaib. Nír rathaigsem etir ém a Laíg. Indill dún in carpat trá or se. Indlis Lóeg iarom incarpat &ersir; lotár for érim. Rosíachtatar trá slóig Ulad archena in tan sin Mag mBreg. Ro boí di lúas ind érma ronuc Cu Chulaind trá ó Dún Rudraige iarna grísad dond araid tucht imruláith in Líath Macha &ersir; in Dub Sainglend fón charput dar fot chóicid Concobair &ersir; tar Slíab Fúait &ersir; dar Mag mBreg conid hé in tres Carpat cetna ránic Cruachna Ai.

Lasa réim &ersir; lasa mborrfad tra ronucsat láith gaile fer nUlad uli im Chonchobar &ersir; imón rigraid olchenae do Crúachnaib Aí. ro lá armgrith mór di Cruachnaib co torchratar na hairm asna fraigthib co rrabatár for talmain. &ersir; ros gab slúagu in dúne ule conid samlaid ro mboí cach óenduine isind lis amal bís curcas fri sruth. Asbert Medb la sodain cosindiu dano ol si ó gabusa Crúachna ní chúalasa in toraind cen na níulu and cosindossa. Luid Findabair la sodain ingen Ailella&ersir; Medba co mboí isin ngríanan for fordorus in dúne. co n-érbairt. Atchíusa cairptech issa mmag a mátharnait ol si. Cuire samla fair ol Medb a crúth a écosc a chongraim delb a fir dath a ech tochim a charpait.

Atchíusa ém ol Findabair na dá ech filet fón charput dá ech bruthmara brecglassa comdatha comchrótha commathi combúada comlúatha comléimnecha biruich ardchind agenmáir allmair gablaich guipchúil dúalaich tullethain forbreca fosenga forlethna forráncha cassmongaig casschairchig. Carpat fidgrind féthaidi. Da ndroch duba tairchisi. Dá n-all n-áebda imnaissi. Fertsi crúadi colgdírgi. Cret noíthech noiglinne. Cuing druimnech dronargda. Dá n-all ndúalcha dronbudi. Fer findchass foltlebor isin charput. Folt dúalach tri ndath fair. Folt dond fri toind cind. croderg a medón. Mind n-óir budi in folt fordatuigithar. Ro lásat tri imrothu imma chend cocairse cach ae dib hi taíb alaile. Fúan caín corcra n-imbi. cóicroth óir airgdide and. Scíath brec béimnech. bil bán findruini. Gilech cúach cóicrind ar a durnd derglassid. A&ndot;blúth n-én n-etegnáith úasa creit charpait.

Atgénammár asa samail in fer sin ol Medb.

.r.

Greit ríg senrechtaid búada barc bodbae bruth brátha breó digla drech curad cúinsiu chórad cride ndracon altfad mbrochbúada for dun dibni in luchthond lámdérg Loegaire luth la fáebra foltchíp tond fri talmain tadbéim.

Tongusa a tonges mo thúath ol Medb más co mbaraind debtha totháet Loegaire Buadach cucund amal bentair foltchíb fri lár talman co n-altain áith bid sí sein glicci ind airlig dobéra forond lín atám hi Cruachnaib Ai manifochlither a bruth &ersir; a bríg &ersir; a borrfad fóa réir fodein co tlathugud a debtha.

Atchíusa dano carpat n-aile isa mag a matharnait ol ind ingen ní mesu dotháetside. cuire samla fair ol Medb. &ersir; c-. Atchíusa ém ol si indala n-ech file fon carput. Gabur cenand cróndatha crúaid dían daigerda bedgach baslethan uchtlethan benas buille balcbúada tar áthu tar inberu tar aittiu tar imratiu tar maige tar midglini co ndasaid iar mbúaid midise a samlaib én n-etarlúamain nis feid mo rosc rán indiut fora rríad rochéim rám étruth. Araile ech derg taullethan drondúalach dúalchass drúimlethan fo⋅eng feochair fond fortrend forrgethach athechtai íath n-etarmaige eter mothru &ersir; amréthi. Ní fogaib and imdoraid hi tír omna ríad róot. Carpat fidgrind fethaide día ndroch finna umaidi síthfe find forargit cret aurard drésachtach cuing druimnech dronuallach día n-all dúalcha dronbudi. Fer findchass foltlebor isin charput. Drech lethderg lethgabur laiss. Fúamain find fuinechda brat gorm crónchorcra. Scíath dond telbude. Bil chondúail crédumai. Luchair derg daigerdae ara durn derglasaid. Anbluth n-én n-etegnaith úasa creit chroncharpait.

Atgenamár asa samail in fer ol Medb

.r.

Oxad leomain londbruth loga lía caín cermnae cern eter crethaib curethar crúaid chend ar chend glond ar glond gleó ar gleó. glé nodon sel ní sladar iasc mbrec for ganim deirg diambi fergi fúasnadar mac Findchoimi frind

Tongu a toinges mo thuath amal sladar iasc mbrec for licc dergáin co sústaib iarind bid si sin mini na hesorgni dobéra Conall Cernach forni día fúasnaither frind.

Atchíusa dano carpat n-aile isa mmag. Cuir a samail duin ol Medb &ersir; &rmacr;. Atchiusa ém ol ind ingen indala ech fil fón charput. Ech líath lesslethan lond lúath lúamnach londmar lugleimnech lebormongach maignech toirnech trosmar túagmong ardchend uchtlethan lasaid fót fond bras fochuirse focrúaid fóa cruib calath cethardu dogreind almai énlaithe lúith búada berid riuth for sét foscain úathu ech n-anailche. uiblech tended trichemrúaid tatnit a cróes glomarchind.

Araile ech círdub crúaidchend cruind coelchos cálethan cobluth dían dulmar dúalach druimlethan dronchóchech maignech aignech bairrnech balcceimnech balcbéimnech lebormongach casmongach scúaplebor grind immaáig iar níth aigi ech i n-íath. Moscing srathu sréid sergi sétid maige midglinne. Carpat féthgrind fethaine dia ndroch ernbudi iarnda. sithfe co féthain findruine Cret chréda chromglinne. cuing driumnech dronordae. Dá n-all dúalcha dronbudi.

Fer broínech dub isin charput as aldem di feraib Herend. Fúan caín corcra cóir imbi. heó óir intlaide uassa bánbruinnechur ina háthaurslocud fris mben lúthu láthbulli. Ocht ngemma deirg dracondai for lár a da imlisen. Da ngrúad gormgela cróderca dofich uiblich tened &ersir; análaich. Focheird hích n-erred n-indnae cless níad nonbair úasa errid óencharpait. .r. Is banna ría frais ón trá or si atgénammár asa samail in fer sin or Medb. Bráo mara bara bledmaill blog dergthened tond mairnech mathrúamdae mórbruth mborrbíastae brisiud múad mórchatha comboing tar écrait n-écomlund allbach &mdot;bratha brógene. Bruth matho murt chét for crethaib cuirethar glond ar glond cend ar chend. Canaid cóir. coscrach cridemail frisin Coin Culaind comchosmail. Cutanméla mulend múadmraich.

Tongu a toinges mo thuath ol Medb mád co féirg dothí Cú Chulaind chucund amal meles muilend .x. forcél braich rocrúaid is amlaid cotomélani in fer sin a óenur ar úir &ersir; grían cía no betis fir in cóicid uli immond hi Crúachain mani fochlither a bruth &ersir; a bríg.

Ocus hifechtsa cinnas dothíagat ol Medb. Dóit fri dóit or ind ingen. leóit fri leóit. fúamain fri fuamain. gúalaind fri gúalaind. bil fri bil. fonnad fri fonnad. fid fri fid. carpat fri carpat dosfil uli a báidmáthair.

.r.

Comlúd marc &mdot;buada maidm toraind tollchléthi. trethan trom ainbthine allchlíu fri immalldu fortacrith in n-írind imtrén trómthuinset.

Mná finna fornochta fríu ol Medb. aurchíche aurnochta etrochta. co llín n-ingen n-aurlam n-inchomraic liss aurslocthi. Búirg fáenbéla. Dabcha úaruisci dérguda indlithi biad glan imda braichlind múad mescmar maith feinne fothud fo chen in cath tothóet bess nín ortar tairis

La sodain dolluid Medb for fordorus ind liss immach isin n-aurlaind &ersir; tri .lll. ingen lée &ersir; teóra dabcha úarusci don tríur láth ngaile dodánic resin slúag do tlathugud a mbrotha. Ro lád roga dóib iar sudiu dús in bad tech for leth dobertha do cach fir díb. ł in tech dóib a triur. A tech for leith do cách or Cu Chulaind. Iar sudiu berthar i tigi co ndérgothaib sainamraib &ersir; an robo dech leó dona tri coectaib ingen &ersir; dobreth Findabair la Coin Culaind sech cách isin n-airicul i rrabi &ersir; tancatár Ulaid uli iar sudiu. &ersir; Ailill &ersir; Medb &ersir; a teglach n-uli coro fersat faelte fri hUltu. Frisgart Sencha mac Ailella is maith lind or se.

Tíagait Ulaid iarom isin dún &ersir; dolléicther a rrígthech dóib amal dorímther .i. uii. cúarda and. &ersir; uii. n-imdada o thein co fraig. Airinich créduma &ersir; aurscartud dergibair. Tri stéill chréduma i taulaich in taige. Tech darach co tugi slinned. Di senistir déc and co comlathaib glainidib friu. Imdui Ailella &ersir; Medba i mmedon in tige. Airinig airgdidi impe &ersir; steill chreduma &ersir; flesc airgdide ocond airinuch ar bélaib Ailella adcomced midlisse in tige do chosc in teglaig do grés. Tairmchellsat gascid fer nUlad ón dorus díarailiu dond rígthig &ersir; ardopettet a n-áes ciúil céin both oc aurgnom dóib. Boí trá día farsingi in tige i tallastár formna lath ngaile in choicid uli im Conchobar. Concobar i&mmacr; &ersir; Fergus mac Róich i n-imdaí Ailella &ersir; nonbor do láthaib gaile fer nUlda olchena. Tosnairnectár fleda mora iar sudiu. Batár and iarom co cend trí lá &ersir; trí n-aidche.

Bá iar sudiu dano conacrad Ailill do Chonchobur co nUltu immi cid dia rabi a rréim. Dorrími Sencha iarom in caingin immá tullatár .i. im chomúaill in trír chaurad immá curadmír &ersir; im chomúaill na mban immá tússigecht isna fledaib úair ní rodmatár a mbrethugud i nnách baliu aili acht ocutsu. Sochtais Ailill la sodain &ersir; nibu fáelid leis a menma. Nirbo chucumsa ém or sé robo chóir dál inna caurath sin do thabairt mani tabraiter ar miscais Nibá nech bas ferr nod gléfe ém or se ataisiu. Maith limsa ré scrútain dam fris dano or Ailill. Recamni a les ém ar curaid ol Sencha ar is mór do midlachaib a llóg. Lór limsa dano. tri lá &ersir; teóra aidchi fri sodain ol Ailill. Ní forcraid cairde dano aní sin ol Sencha. Timgartatar Ulaid celebrad iar sudiu &ersir; bátár budig &ersir; doberat bennachtain do Ailill &ersir; do Medb &ersir; dobertatar mallachtain do Bricrind úair iss e fodrúair a n-imchossait. &ersir; lotar dia crích iar sudiu. &ersir; fácbait Loegaire. &ersir; Conall. &ersir; Coin Culaind día mbrethugud do Ailill. &ersir; doberthe praind .c. do cach fir díb cach n-aidche.

Dobretha a cuit dóib ind aidchi sin &ersir; dolléicthe tri caittini a húaim Crúachan dia saigid .i. tri bíasta druidechta. Techit iarom Conall &ersir; Loegaire for sparrib na tigi &ersir; fácbait a mbíad oc na bíastaib &ersir; fecit fón samail sin cusarnabárach. Nir theig Cu Chulaind assa inud frisin mbíasta rosiacht chuci. acht in tan do síned in beis a bragit cosin n-esair dounsi Cú Chulaind béim din claidiub na cend do scirred di mar bad do charraic. No thairnedsi sís di sudi. Nir thomail &ersir; nír súan Cu Chulaind fon cruth sin co matain. Ro thinsat na cait o robo maten. &ersir; atcessa iatsom fon cruth sin ara barach. Nach leór a comram sin do bor mbrethugud or Ailill. Nátho or Conall &ersir; Loegaire ni fri biasta chathaigmitni acht is fri doíni.

Luid iarom Ailill ina airicul &ersir; dobeir a druim fria raigid &ersir; níbu sáim a menma &ersir; ba aingcess laiss in dál dodfánic &ersir; nír chotail &ersir; niro loing co cend tri lá &ersir; teóra n-aidche. Conid and asbert Medb. is midlachda no taí ol si. mani brethaigeseo brethaigfetsa. Is andso .i. is dolig damsa ém a mbrethugud or Ailill &ersir; is mairg cosa tuced. Ní andsa .i. ni dolig i&mmacr; ol Medb. Fó dáig or si na fil eter créduma &ersir; fíndruini atá eter Loegaire &ersir; Conall Cernach. A fil dano or si eter findruini &ersir; dergór ata eter Conall Cernach &ersir; Coin Culaind. Ba hand sin tra conaccrad Loegaire Buadach do Medb iar scrútan a comarli. is and sin asbert Medb fri Loegaire.

Fo chen a Loegairi Buadaig ol si is comadas cauradmír do thabairt dait. ríge láech nErend dait úainne in trath sa &ersir; in cauradmir &ersir; cuach créduma &ersir; én findruini fora lar. Conid ruca lat sech cach hi comartha mbreithe. &ersir; ní n-accathar nech aile occut conid tárfas isin Cráebruaid Conchobair deód laí in tan doberthar in cauradmir etruib bád and sin tadbae do chúach fíad mathib Ulad uili. Bid lat in cauradmir iarom &ersir; ní chossena nach do láthaib gaile fer nUlad olchena frit. Uair bid comarda n-aichnid la Ultu uli aní no mbera latt. Iar sudiu doberar in cúach do LoegaireBuadach &ersir; a lán do fín aicnetai and. Ibid ina dig iarom for lár ind rígtaige a llind ro boí isin chuach. Atá and sin fled chaurad dait trá ol Medb doroimle corbat cétach cetblíadnach ar bélaib óc nUlad uli. Celebraid Loegaire iar sudiu. &ersir; congarar Conall Cernach do Meidb fo n-innas cétna co lar ind rígthaige.

Fo chen a Chonaill Chernaig ol Medb is comadas cauradmir. &ersir; &rmacr;. &ersir; cúach findruini dano &ersir; én óir fora lár .&ersir; &rmacr;. Iar sudiu dano iarom doberar do Conall &ersir; a lan do fin .&ersir; &rmacr;.

Celebraid Conall Cernach iar sudiu. &ersir; tíagair uadib ar cend Con Culaind. Tair do acallaim ind ríg &ersir; na rigna ol in techtaire. Bá and boí Cú Chulaind oc imbirt fidchille &ersir; Loég mac Ríangabra á ara fessin. Is dom chuitbiudsa ón or se fuiris dobertha bréc im nach meraige. La sodain dolléci fer dina feraib fidchilli don techtaire co mboí for lár a inchinne. Conid ed dochóid for lic trascair a báis co torchair eter Ailill &ersir; Medb. Aill amai ol Medb iúrthund Cu Chulaind or si día siabairther immi. Atafraig Medb la sodain &ersir; luid co rránic co Coin Culaind co tard dí láim imma brágit. Tabair bréc im nách n-aile or Cu Chulaind. A meic amrai Ulad &ersir; a lassar láech nErend ní bréc as áil dún immut ol Medb. Cía thíastaís formna laech nErend uile is duitsiu dobérmaís remib aní imo mbethe. Uair atodaimet fir Herend úasaib. ar allud &ersir; gail &ersir; gasciud ar áne &ersir; óetid &ersir; irdarcus.

Affraig Cú Chulaind la sodain &ersir; téit la Meidb co ránic a rígtech. &ersir; feraid Ailill fáelti friss co mór. &ersir; doberar cúach dergóir dó &ersir; a lán do fín sainemail and &ersir; én do lic lógmair fora lár &ersir; doberar cutrumma a da súla do dracón dó leis sech cách. Atá fled chaurad dait sund tra ol Medb. Daromle corbat cétach cétbliadnach ar belaib óc nUlad uli. &ersir; is sí ar mbrethni dano beós or Ailill &ersir; ol Medb uair nachat filsiu fein hi cutrummus fri ócu Ulad conna be do ben hi cutrummus fria mná ni forail lind &ersir; is áil linni corop si cetathe do grés ria mnáib Ulad uli ar thus hi tech n-óil. Ibid Cu Chulaindiarom ina óendig a llán ro boí isin cáuch &ersir; celebraid iar sudiu dond ríg &ersir; dond rígain &ersir; don tegluch uli. &ersir; luid iar sin i ndegaid a cheli.

Atá cómarli lim ol Medb fri Ailill fastud in trír churad út ocaind innocht doridisi &ersir; fromtha aili do thabairt forro béus. Déna ol Ailill amal as adlaic let fessin. Fastaitir iarom ind fir. &ersir; berta hi Cruachain iat &ersir; scurtir a n-eich.

Dobretha rogu dóib cid biad no ragad día n-echaib. Asbert Conall &ersir; Loegaire airthend da blíadan do thabairt di n-echaib. Grán eórna i&mmacr; ri thog Cu Chulaind día echaib. Feótar and ind aidchi sin. Rointir in banchuri etorro hi trí. Dobretha Findabair &ersir; cóeca ingen impi hi tech Con Culaind. Dobreta Sadb Sulbair ingen aile Ailella &ersir; Medba .&ersir; l. ingen impi hi farrad Conaill Chernaig. Dobrehta Conchend ingen Cheit meic Magach &ersir; .l. ingen malle fria hi farrad Loegairi Buadaig. No thathiged Medb fessin i&mmacr; co gnáthach sin tech i mboí Cu Chulaind. Féotar and ind adaig sin.

Atragat iarom matain muich íarna barach &ersir; tíagait sin tech i mbátar in macrad oc cur in rothclessa. Gebthi Loegaire iarom in roth &ersir; nos cuir i n-arda ci ranic midlisi in tigi Tibit in macrad im sodain &ersir; doberat gáir dó. Bá do chuitbuid Loegairi ón. Indar ra Loegaire i&mmacr; bá gair búada. Gebthi Conall dano in roth &ersir; ba do lár. Focheird iarom in roth co hochtaig ind rígthigi. Focherdat in macrad gair foa indar la Conall bá gáir chommaidmi &ersir; búada. Gair chuitbiuda i&mmacr; lasin macraid ani sin. Gebthi dano Cu Chulaind in roth &ersir; ba hetarbúas tarraid hé. Focheird dano in roth i n-ardi coro laí a ochtaig on tig co ndechaid in roth ferchubat hi talmain fri les anechtair. Tibit in macrad gáir commaidmi &ersir; búada im Choin Culaind. Indar la Coin Culaind i&mmacr; bá gair chuitbiuda &ersir; fonamait focerdat in macrad im sodain.

Tic Cu Chulaind do saigid in bantrochta &ersir; berid a trí cóectu snathat úadib. &ersir; nos díbairg na tri .l. snátat cách i ndíaid araili díb co tarla cach snáthat díb hi cró araili co mbatar ina líni fón samail sin. Tic iarom dia saichtin doridisi &ersir; dosbeir a snáthait fein i llaim cacha hóenmná díb doridisi. Molsat ind óic dano Coin Culaind im sodain. Timnait iarom iar sudi celebrad dond ríg &ersir; dond rígain &ersir; don tegluch olchena.

Eircid ol Medb do thig m'aitisea &ersir; mo mummi .i. Ercail &ersir; Garmna &ersir; feraid for n-aigidacht innocht and. Lotar iarom rompo iar cor graphand doib i n-óenach na Crúachna &ersir; ruc Cu Chulaind buaid ind óenaig fo thri. Rosagat íarom tech nGarmna &ersir; Ercoil &ersir; ferait faelti friu. cid dia tudchaibair ol Ercail díar &mdot;brethugud daitsiu ol iat. Eírcid co tech Samera ol se &ersir; dogena for mbrethugud. Lotar dó iarom &ersir; focertar fíadain leó. Ferais Samera faelti friu. Dobretha Búan ingen Samera grad do Choin Culaind. Asbertatar iarom fri Samera bá do brethugud dóib dodeochatár chuci. Foídis Saméra iat iar n-urd cusna genitib glinni

Luid Loegairi ar thus. fácbaiside a árm &ersir; a etach occo. Luid dano Conall fon cumma cetna &ersir; fácbais a góo occo &ersir; dobretha a arm laích leis .i. a claideb. Luid dano Cu Chulaind in tres adaig. No sgrechat na geniti dó. Immacomsinitar dóib. Brútir a gai &ersir; bristir a sciath &ersir; rebthair a étach immi. &ersir; nos curat &ersir; nos traethat inna geniti hé. Amein a Cu Chulaind or Láeg. a midlach thruag. a siriti lethguill dochóid do gal &ersir; do gaisced in tan ata urtrochta not malartat. síarthar co urtrachta im Choin Culaind andaide &ersir; imsoi cusna húathaib &ersir; nos cerband &ersir; nos bruend iat combo lán in glend día fulriud. Dobeir iarom bratgaisced a muntiri leis &ersir; imsoi co tech Samera cona choscur co airm i mbátar a muinter. Ferais Samera faelti fris conid andaide asbert

.r.

Ní dlig comraid curamír ferba .i. bó brachtchi .i. methi brothlochi sceó .i. acus mátai .i. mucci moogthi tre banna miach tortaide .i. bairgen fri inmescad cóemchóecat fri Coin Culaind clothamra. is cú ferna fodluigthe is bran carna comramaig. is torc tren hi fothugud traithaid nerta lochnamat amal aed .i. tenid tria fithicén. is cú othair érEmna is menmarc ban búaignigi. is fland tedma tromchatha méti cénid chocerta nachasella sithethar Cim .i. cís a Fresib frithbera. bati Longbaird loingsigther. is culmaire .i. is cairptech bolgadan. .i. dar berna is crú fechta .i. badb modcernae. is gnoe .i. ségda grianna gelfini cid dó arbad chutrummus fri Lóegairi leoairrbi ł fri Conall clothriatha. Cid dond Émir úanfebli. .i. foltchain nachasáil in nertnuadat .i. in ríg ría n-andrib án ardUlad no chinged ind ollbrigach hi Tech medrach Midchúarda conid de imrordaimse a chomraind ni dlig. ni dlig comraind.

Is í mo brethsa dúib tra for se in curadmir do Choin Chulaind &ersir; tús dia mnaí ría mnaib Ulad. &ersir; a gaisced úas gaiscedaib caich cenmotha gaisced Conchobair.

Lotár dó iar tain co tech Ercoil. feraiside faelti friu. Feótar and ind aidchi sin. Fúacrais Ercoil comlond dó féin &ersir; dá eoch forro. Luid Loegaire &ersir; a ech na n-agid Marbais gerran Ercoil ech Loegairi. Fortamlaigid Ercoil for Loegaire fessin &ersir; tecisside remi iss ed conair rod ngab do Emain dar Ess Ruaid. &ersir; iss ed ruc leis tásc a muintiri do marbad do Ercoil. Luid dano Conall fón cumma cetna hi teced remi iar marbas a eich do gerrán Ercoil. Iss ed dolluid Conall dar Snám Ráthaind do saichtin Emna. Ro báided dano Ráthand gilla Conaill and sin isind abaind conid de ita Snám Rathaind o sin ille.

Marbais in Líath Macha i&mmacr; ech Ercoil &ersir; nos cengland Cu Chulaind Ercoil fessin i ndíaid a charpait leis co ránic Emain Macha. Luid tra Buan ingen Samera for lorc na tri carpat. Atgéoin slicht fonnaid Con Culaind fo dáig nách sét cumung no théiged no chlaided na muru &ersir; no fairsinged. &ersir; no linged dar bernadaib. Ro lebling ind ingen trá léim n-úathmar ina diaidsium for furis in charpait co n-ecmaing a tul immon n-all combo marb de conid de ainmnigther Úaig Búana. In aim tra ráncatar Emain Conall &ersir; Cu Chulaind iss and ro bas oca caíniud and ar bá derb leó a mmarbad. iar mbreith a tásca do Lóegairi leis. Adfíadat iaron a n-imtechta &ersir; a scéla do Choncobur &ersir; do mathib Ulad olchena. Bátár i&mmacr; ind errid &ersir; ind láith gaili olchena oc toibeim for Láegairi. don badbscel ro innis o chelib conid and asbert Cathbath. inso sís

.r.

Dimbúaid sceóil fartbi ecland la borg dubaithech dorar .i. dochur dusi .i. trenfer la henechgris rúanad roUlad. Ní má rulaid Lóegaire cosnam cirt curadmír iar ndorair a badbscélai. is Cu Culaind dligetar arróet caincomram búadErcoil cenglathar err thréntnuthach i ndiaid erri óencharpait. ni chelat a márgnima adrollat .i. innisit a mororgni. is err threntairpech is cur caín cathbúadach is glond catha comramaig. is mortcend do ilslúagaib. is ríatai di rathbriugad. is tríath tailc tnuthgaile. conid de imrolaimse comraind curadmiri fris is dimbúaid sceoil. sceoil

Ro ansat ind óic día n-imratib &ersir; dia radsechaib. Rosoich iarom co praind &ersir; co tomaltus dóib. &ersir; iss é Sualdaim mac Roig athair Con Culaind fessin fo frithaig Ultu ind aigchi sin. Ro linad iarom ind Aradach dabach Conchobair dóib. Dobretha a cuit i&mmacr; inna fíadnaisi iar sudiu &ersir; tíagait na randairi dia raind. La sodain ro gabsat ind randaire in curadmir asin raind ar thús. Cid ná tabraid in cauradmir ucut ar Dubtach Dóeltengad do churaid úrdalta úair ní thudchatar in tríar ucut o ríg Crúachen can chomartha nderb leó do thabairt in curadmire do neoch díb.

Affraig Loegaire Buadach la sodain &ersir; túargaib in cuach creduma &ersir; én airgit fora lár. is limsa in cauradmir for se &ersir; ní chosna nech frim hé. Nibá lat for Conall Cernach ní hinund comartha tuscam lind. Cuach creduma thucaisiu cuach findruini i&mmacr; thucusa. is réil asind ed fil etorro conid limsa in cauradmir. Nibá la nechtar dé etir for Cu Chulaind &ersir; atafraigside la sodain &ersir; asbert. Ní tucsaid comartha tairces churadmir dúib for se acht nirb áil don rig &ersir; don rigain cusa rancaibair tullem ecraiti frib a tind hi tend. Ni mó dano a cin frib ol se indás na tucsaid úadib. Bid limsa i&mmacr; for se in curadmir úair is mé thuc comartha suachnid sech cach.

Tanócaib súas la sodain in cuach ndercóir &ersir; én do liic logmair fora lár &ersir; cutrumma a dá sula do dracoin conid n-acatár mathi Ulad uli im Concobar mac Nessa. Is mesi iarom for se dliges a cauradmir acht mani brister anfír form. Cotmidem uli ol Conchobar &ersir; Fergus &ersir; ol mathi Ulad olchena. is let a cauradmir a breith Ailella &ersir; Medba. Tongu a toingesthuath for Loegaire &ersir; for Conall Cernach ni cúach cen chreic dait in cúach thucais an ro boí di sétaib &ersir; mainib it selbae iss ed doratais airi do Ailill &ersir; do Meidb ar na ructha do bag it cend. &ersir; ná tarta in cauradmir do neoch aili di bélaib. Tongu a toinges mo thuath for Conall Cernach níbá breth rucad and &ersir; nibá lat in curadmir. Cotnerig cach díb diaraili la sodain cusna claidbib nochtaib. Tothaet Concobar &ersir; Fergus eturro iar sudiu. tollécet a lláma sís fó chétóir &ersir; doberat a claidbi ina trúallib. Anaid ol Sencha denaid mo ríarsa. Dogenam or iat. Eircid co Budi mac mBain for se coa áth &ersir; dogéna for mbrethugud.

Lotar iarom a tríur churad co tech mBudi &ersir; asfíadat dó a toisc &ersir; a n-imresain immá tudchatar. Nách dernad etercert dúib hi Cruachain Aí la hAilill &ersir; la Meidb ol Budi. Dorigned om for Cú Chulaind &ersir; ní daimet ind fir út fair eter. Ni didemam om oldat ind fir aili ar ni breth etir aní rucad dún. ni hansa do nách aili for mbrethugud dano ol Budi. in tan na hantai for cocertad Medba &ersir; Ailella. Ata lim for Budi nech folimathar for mbrethugud .i. Úath mac Imomain fil oca loch. Dó dúib iarom dia saichthin &ersir; dogena for cocertad. Fer cumachta mori dano in tUath mac Imomain sin no dolbad in cach richt ba halic leis &ersir; no gniad druidechta &ersir; certa commain. Ba sé sin dano in siriti on ainmnigther Belach Muni in tSiriti. &ersir; is de atberthe in siriti de ara met no delbad i n-ilrechtaib.

Rancatár iarom co Úath coa loch &ersir; fíadu o Budi leó. Atfíadat iarom do Úath aní má tudchatar día saigthin. Asbert Úath fríu nod lemad a mbrethugud acht co ndaimtis nammá fora breith. Fodémam or iat. Fonaiscid forro. Atá cennach limsa for se &ersir; céb é uabsi comallas frimsa hé bid hé beras in curadmír. Cinnas cennaig sin for siat. Bíail fil limsa for se &ersir; a tabairt i lláim neich uaibsi &ersir; mo chend do béim dímsa indiu &ersir; mesi dia béim desium i mbárach.

Asberat i&mmacr; Conall &ersir; Loegaire na dingentais in cennach sin ar ni boí occosom do chumachta a mbith beó iarna ndichennad acht mani rabi ocasom. Obbsat iarom fair Conall &ersir; Loegaire in cennach sin. cíatberat araili libair ci ndernsat cennach fris .i. Loegaire do beim a chind de in cétla &ersir; a imgabáil dó &ersir; Conall día imgabail ón mud chetna. Atbert i&mmacr; Cu Chulaind co ndingned cennach fris dia tuctha dó in curadmir. Atbertsat i&mmacr; Conall &ersir; Loegaire co leicfitis dó in curadmir dia ndernad cennach fri Úath. Fonaiscid Cu Chulaind forrosom cen curadmir do chosnam dia ndernad cennach fri Uath. fonaisccitsium fairsium dano a dénam in cennaig. Dobeir Uath a chend forsin lic .i. iar cor dó brechta hi fáebur in bélae do Choin Chulaind &ersir; dounsi Cu Chulaind béim da bíail féin do co topacht a chend de. Luid íarom fon loch uasib &ersir; a bial &ersir; a chend na ucht.

Tic íarom ara barach dia saichtin &ersir; no sinithar Cu Chulaind dó forsin licc. Tairnid fo thri in mbial fora munél &ersir; a cúl rempi. Atrai a Cu Chulaind for Úath rigi láech nErend duit &ersir; in curadmir cen chosnam Lotar dó a triur churad co hEmain iar tain &ersir; nir daimset ind fir aili do Coin Chulaind in breth rodnucad dó. Boí in t-imcosnam cetna beius imón curadmir. Ba si comairli Ulad forro dano a cur do saigid Con Roí dia mbrethugud. Fáemitsium dano ani hisin.

Dollotar iar sin sin matin arna bárach a triur churad co cathraig Con Roí .i. Cu Culaind &ersir; Conall &ersir; Loegaire. scorit a cairptiu i ndorus na cathrach iar sin &ersir; tiagait isa rígthech &ersir; ferais faelti móir friu Blathnat ingen Mind ben Con Roi meic Dáiri &ersir; ní rabi Cú Roí hi fus ara cind ind aidchi sin &ersir; rofitir co ticfaitis. &ersir; foracaib comarle lasin mnaí im réir na curad co tísad dom turus dia ndechaid sair hi tirib Scithiach fó bith níro derg Cu Ruí a claideb i nErind o ro gab gaisced co ndeochaid bás. &ersir; ni dechaid bíad nErend inna béolu cein ro mboí ina bethaid. o roptar slána a secht mbliadna. úair niro thallastar a úaill nach a allud nach a airechas nach a borrfad nách a nert nach a chalmatus i nErind. Boí i&mmacr; in ben día réir co fothrocud &ersir; co folcud &ersir; co lennaib inmescaib &ersir; co ndérgodaib sainamraib comtar budig.

O thánic dóib iarom co dérgud asbert in ben fríu iar sudiu cach fer díb a aidchi do &fdot;airi na cathrach co tissad Cú Ruí. &ersir; dano or si is amlaid atrubairt Cú Ruí a fari dúib iar n-aesaib. Cipé aird do aidib in domain tra i mbeth Cui Rui dochaíneth fora chatraig cach n-aidchi combo demithir bróin mulind conna fogbaitha a ddorus do grés iar fuinud ngrene.

Luid iarom Loegaire Buadach dond faire in chétaidche úair is hé ba sinser dóib a tríur. Ro boí isin tsudiu faire iar sudiu co dered na haidche co nn-aca in scath chuci aníar rodarc a sula co fota dond farrci. Ba dímór &ersir; ba grainni &ersir; ba úathmar laiss in scáith ar indar lais rosiacht co rrici ethíar a arddi &ersir; bá fodeirc dó folés na farrci foa gabul. Is amlaid tánic a dochum &ersir; lán a da glac lais do lommánaib darach &ersir; ro boí eire cuinge sesrige in cech lomchrund díb acus nir aitherracht béim do bun chraind díb acht óenbéim co claidiub Tolléci gecán díb fair. leicthe Loegaire secha. Cóemcloíd fó di nó fó thrí &ersir; ní ránic cnes ná scíath do Loegaire. Tolleci Loegaire dano fairseom gai &ersir; ní ránic hé.

Rigidsom a láim co Loegaire iar suidiu. Boí tra dia fot na lamae co rroacht tar na teóra fuithairbe ro bátár eturro ocond imdíburcud conid iar sodain ro gab ina glaic Cíarbo mór &ersir; cíarbo airegda tra Loegaire tallastar i n-óenglaic ind fir dodfánic feib thallad mac bliadna &ersir; cotnomalt eter a di bois iar sudiu amal tairidnider fer fidchilli for tairidin. Tráth ba lethmarb iarom ind innas sin tolléci aurchor de la sodain tar cathir ammuig co mboí for ind otruch i ndorus ind rígthige &ersir; nír oslaiced in cathir and etir. Doruménatár ind fir aile tra &ersir; muinter na cathrach uli ba léim ro leblaingseom tarsin cathraig ammuich día fácbail forsna feraib aile.

A mbátár and co deód laí co trath na faire. Luid Conall Cernach issa sudiu na fari úair ba siniu oldás Cu Chulaind. Fó n-innas cétna dano amal forcóemnacair do Loegaire uli ind adaig thússech. In tres adaig dano luid Cu Chulaind isin sudi fari. Ba sí sin tra adaig ro dálsat na trí Glais Sescind Úairbeoil. &ersir; tri Búagelltaig Brég. &ersir; tri meic Dornmair Cheóil do orgain inna cathrach. Ba sí dano adaig ro boí hi tairngire don pheist ro boí isind loch hi farrad na cathrach fordiuglaim lochta in phuirt uile eter daíne &ersir; indile.

Buí Cu Chulaind tra oc frithaire na haidche &ersir; bátar míthurussa imda fair. Tráth bá medon aidche dó íarom co cúala in fothrond chuci. Alla alla for Cu Chulaind cía fil alla mástat carait conná'musnágat mastat námait co'mmosralat conggairet gairm n-amnas fair la sodain. Conclith Cu Chulaind forro iarom conid a mmárb tarraid talmain a nónbur. Ataig in cendáil occo isin sudi faire mod nad mod i ndesid inna sudiu. Conggair nonbur aile fair. Ro marb trá na tri nonboru fóa n-innas cétna co ndernae óencharnd díb eter cendail &ersir; fodbu.

Amal ro mboí and iar sudiu co dered na haidche &ersir; ba scíth &ersir; ba torsech &ersir; bá mertrech co cúala cumgabáil in locha i n-airddi amal bid fótrond farrci dimóre. Ni fordámair trá a bruth cach a raba di mét a thurse cen techt do descin in delmae móir rochúala. Co n-acca in comerge dorigni in pheist. Dóig leis dano ro boí .xxx.cha cubat inne uasind loch. Tosnúargaib súas iar sudiu isin n-aer &ersir; ro leblaing dochom na cathrach. &ersir; adrolaic a beólu co ndechsad óen na rígthige inna cróes.

Foraithmenatharsom la sodain a foramcliss &ersir; lingthi i n-ardi corbo lúathidir rethir fuinnema imón peist immá cuaird. Íadaid a dá glaicc immá brágit iar suidiu &ersir; ro rigi a láim co rrici ina cróes co tóerbaig a cride este. condarala úad for talmain. co torchair béim n-asclaing don pheist asind aér co rabe for lár. Imbeir Cu Chulaind in claideb fuirre co nderna minmírend di &ersir; dobeir a cend co rabi oca isin t⋅dudi &fdot;aire ocon chendail aile.

Tráth ro mboí and iar suidiu oss é aithbriste tróg isin dedoil na maitne co n-acca in scáth chuci aníar dond arrci .&ersir; &rmacr;. Bid olc ind adaig ol se. Bid messu daitsiu a bachlaig ol Cú Chulaind. La sodain tolléci gégán díb fair. Léicthi Cu Chulaind. Coemcloíd fó dí nó fó thri &ersir; ni ranic cnes na scíath do Choin Chulaind. Tolléci Cú Chulaind gai fairseom dano &ersir; ni ranic. Rigidsom a láim co Coin Culaind iar suidiu día gabáil ina glaic amal ro gab na firu aile. Focheird Cú Chulaind cor n-íach n-eirred de la sodain &ersir; forathmenadar a foramclis &ersir; a claideb nocht úasa mulluch corbo lúathithir fíamuin oss é etarbúas imbi imma cúaird conid derna rothbúali de. Anmain i n-anmain a Chu Chulaind or se. Tabar mo thri drindrosc dam dano ol Cu Chulaind. Rot bíat ol se feib dothaíset latt aináil. Ríge laech nErend dam on trath sa &ersir; in cauradmir cen chosnam frim &ersir; tús dommo mnaí ría mnáib Ulad uli do grés. Rot bia ol se la sodain fó chetóir. Ní fitir cía arlaíd úad inti ro boí oca acallaim.

Immorádi inna menmain iar suidiu a lléim dochúatár a áes comtha tarsin cathraig ar bá mór &ersir; bá lethan &ersir; bá hard a lléim. Ba dóig laisseom tra combad ó lémum dochúatár ind laith gaile tairse. Dammidethar fá dí día lémaim &ersir; forémid. Mairg dorumalt a n-imned dorumaltsa custrathsa imma cauradmir ol Cu Chulaind &ersir; a techt úaim la féimmed ind lemme dochúatár ind fir aile. Bá sí tra báethir dogéni Cu Chulaind ocna imratib se no cinged fora chúlu etarbúas fot n-aurchora on cathraig. Docinged dano etarbúas dorisi asin baliu hi tairised co mbenad a thul cind frisin cathraig. No linged dano i n-arddi in fecht n-aile combo foderc dó aní no bíd isin cathraig uli. No theiged dano in fecht n-aile isin talmain connici a glún ar thrummi a brotha &ersir; a neirt. In fecht n-aile dano ní thíscad a drucht do rind ind &fdot;eóir ar demni ind aicnid &ersir; lúthige ind láthair &ersir; méit na gaile. Lasin n-adabair &ersir; lasin siabrad ro síabrad immi. Fecht n-óen and cingthiseom tarsin cathraig ammuig co rrabi thall i mmedón na cathrach i ndorus ind rígthige. Atá inad a da traiged isind lic fil for lár na cathrach bale i rrabi imdorus ind rígtaige. Téit isa tech la sodain &ersir; tolléic a osnaid.

Is and asbert Bláthnat ingen Mind ben Con Roí. Ní hosnad iar mbebail ém or si is osnad iar mbúaid &ersir; coscor. Rofitir ingen ríg Insi Fer Falga trá a ndo doraid tarraid Coin Culaind isind aidchi sin. Nírbo chían dano iar sin co n-accatár Coin Roí chucu isa tech &ersir; bratgaisced na trí nónbor ro marb Cu Culaind laiss &ersir; a cindnu &ersir; cend na bíasta. Asbert la sodain iar cor na cendaile de asa ucht for lár in tige. Ba gilla comadas or se do faire duine ríg do grés in gilla sa ata chomrama óenaidche so ule. Aní immá tudchaibair imresain ol se imma cauradmír is la Coin Culaind íar fírinne ar bélaib óc nErend uile hé. Cia beth nech bas chalmu and or sé ní fil rosía lín comram friss. Is í breth ruc Cu Ruí doib iar suidiu in cauradmir do Coin Chulaind &ersir; lathus gaile Góedel uile &ersir; tús día mnaí ría mnaib Ulad uile hi tech n-óil. &ersir; dobert .uii. cumala di ór &ersir; airget dó i llúag in gníma óenaidchi dodrigni.

Celebrait iar suidiu do Choin Ruí &ersir; dollotar co ndemetár Emain Macha a tríur ria ndeód laí. Tráth tánic dóib iar suidiu co roind &ersir; dáil ro gabsat na rannaire in cauradmir cona fodai di lind riasind roind co rrabi ocaib for leth. Is derb lind tra or Dubthach Dóeltenga ní fil imchosnam lib innocht immá cauradmir. rolámair brethugud dúib intí ráncaibair. Asbertatar in fíanlach aile fri Coin Culaind iar suidiu ní thardad in cauradmir do neoch díb sech a chéli. Mád in ra brethaigestar i&mmacr; Cú Ruí dóib a tríur ní ardamair ní de etir do Choin Chulaind o rancatar Emain Maca. Asbert Cú Chulaind la sodain nárbu santach fair cauradmir do chosnam etir fo bíth nárbu mó a solod dontí día tibertha hé oldás a dolod. O sin níro rannad cauradmír and co tánic cennach ind rúanada i nEmain Macha.

 Cennach ind ruanada inso

Fecht n-and do Ultaib i nEmain Macha iar scís óenaig &ersir; cluchi. Dolluid Conchobar &ersir; Fergus mac Róig &ersir; mathi Ulad olchena asin cluchemaig ammuig co nde in Dei nomine amensetar thall isin Craebrúaid Conchobair. Ní rabi Cu Chulaind and na Conall Cernach na Loegaire Buadach ind aidchi sin. Batár i&mmacr; formna lath &ndot;gaile fer nUlad olchena. Amal ro bátar and trath nóna deód laí co n-accatar bachlach mór forgrainne chucu isa tech. Indar leó ní rabi la Ultu láth gaile rosassad leth méite fair. Bá úathmar &ersir; bá granni a innas in bachlaig. Senchodal fría chnes &ersir; brat dub lachtna imbi. &ersir; dosbili mór fair méit gamlías hi tallat .xxx.ait ngamna. Súili cichurda budi inna cind méit chore rodaim cechtarde na dá sula sin fria chend anechtair. Remithir dóit láma neich aile cach mér día méraib. Cepp ina láim chlí rraibe ere .xx. cuinge do damaib. Bíail ina láim deis i ndeochatár tri .lll. bruthdamna. Buí feidm cuinge sesrige ina samthaig. no thescbad finna fri gaith ar altnidecht.

Dolluid fond écosc sin co rrabi inna sessom i mbun na gabla ro boí hi ciund tened. In cumce in taige duit ale or Dubthach Dóeltengad frisin mbachlach in tan nád fagbai inad aile and. acht beith i mbun na gabla manid caindleóracht in tige as áil duit di chosnam acht namá bid mó bas loscud don tig oldás bas suillse don tegluch. Cid hé mo dán dano bes cotmidfider cach a bé dim airddi combad coitchenn a suillsi don tegluch &ersir; connábad loscud don tig.

Acht namá or se ni hé mi dan do grés atát dána lim chena. Aní día tudchad cuingid i&mmacr; ol se nocon &fdot;úar i nÉrind nach i nAlpain nach i nEoroip ł i nAffraic ł i nAssia co Grecia &ersir; Scithia &ersir; Insi Orc &ersir; Colomna Ercoil &ersir; Tor mBregoind &ersir; Insi Gáid nech no chomollad fir fer frim imbi. Úair roucsaidse for nUltaib or se do slúagaib na tíri sin ule ar grain &ersir; greit &ersir; gaisced. ar airechas &ersir; uaill &ersir; ordan. ar fírinne &ersir; féle &ersir; febas. Fagabar uaib óenfer chomallas frimsa in ceist immá tú.

Ni cóir ém enech cóicid do brith or Fergus mac Róich araí óen&fdot;ir do thesbaid díb oc denam a n-enig. &ersir; bes nipe nessu éc do suidiu oldás daitsiu. Ní oca imgabail sin dano atúsa ol se. Finnamár dano do cheist ol Fergus mac Róig. Acht cor damthar fír fer dam ol se atbér. Is cóir fír fer do chomollod i&mmacr; or Sencha mac Ailella ar ní fír fer do slúag mór muinterda brisiud for óenfer n-anaichnid eturro &ersir; bád dóig lind dano ol Sencha mád costrathsa fogebthá óenfer dotdingbadsu sunna. Facbaim Concobar fri láim ol so dáig a rige &ersir; fácbain Fergus mac Róig dáig a cotéchta &ersir; cipé díb or se lasim sétar cenmothá in dis sin. Táet co tallursa a chend de innocht &ersir; co talla

Siaburchapat Con Culaind inso

DOLLUID Patraic do Themraig do erail creitme for ríg nErend .i. for Loegaire mac Néill ar is eside ba rí Herend ind inbaid ar ni chretedsidé in Comdid ciano pridcaide dó. Asbert Loegaire fri Patraic noco chretiubsa duitsiu nách do Dia nó coro dusce Coin Culaind damsa fó míadamla feib adfíadar i scelaib conid n-acur &ersir; conid n-arladur ar mo bélaib sund is iar sain no cretiubsa duitsiu. Is folaith do Dia aní sin ol Patraic.

Tic techtaire iarom on Chomdid co Patraic co tairistis co arna bárach for dua na rátha .i. na Temrach &ersir; ticfad Cu Chulaind a ndochum and. Is iar sin iarom luid Lóegaire do acallaim Patraic iar taidbsin Con Culaind dó ina charput.

Asbert Patraic fri Loegaire innut tarfás ní. Domar&fdot;ás i&mmacr; for Loegaire &ersir; nim thá cumac día aisnéis mani sénasu &ersir; mani chosecra mo gin. Ni senubsa ol Patraic do ginsu conom raib mo ríar. arsénub i&mmacr; in n-aér dotháet as du ginsu co n-écis in tadbsin tarfás duit.

A mbása em for Loegaire oc dul dar Fán in Charpait do Cnuc Síde in Broga hi Tulaig in Turchomraic i mBruig Meic ind Óc. Co n-acasa in gaíth n-úair n-aigidi amal chroísig dibroí bec nád ruc ar folt díar cennaib &ersir; ná dechaid triund fodesin co talmain. ro íarfacht in gaíth do Benén or Loegaire. Asbert Benen frimsa is í gáeth iffirnd insain iarna oslucud ría Coin Culaind. Co n-accamár iarom in tromchíaich máir doléic fornd. Ro iarfachtsa dano do Benén in tromchiaig sin. asbert Benén bátar anála fer &ersir; ech immandeochatar in mag ríam. Co n-acamar iarom in feóchúni mair uasund túas. Ba lán in tír di sudib &ersir; ba heter nélaib nime bátár ara n-airde. Ro iarfacsa do Benén aní sin. Asbert Benen batar fóit a cruib na n-ech bátár fó charput Con Culaind.

A mbámmár and iar sain co n-acammar fúatha na n-ech triasin ciaich &ersir; na fer isin charput solam arae apri hesi for ard síthbe sigidi eich doríadat séotu. Co n-accasa iarom in dá ech commóra comaille acht nammá co sain delba &ersir; datha. comlúatha comchóri comgníma boslethna deslethna biruich ardchind agenmair gobchuíl dúalaig dénmecha dathálli tullethain forarda forána forbreca. At é cendbeca cruindbeca urarda aurderca aurgastai. Bruinni derga beólaidi sulgi slemna saitsidi sogabalta fégi fáeborda femenda cassmongaig cóiri caím casarcig broga forfuil ina díaid inétside da ndroch duba tarchise. Dá roth chóiri cóicrisi. Fertsi crúadi colgdirgi. Dá n-all n-aphthi n-intlasse. Síthbe findargit co fethan findruine. Cuing dron drumnech fororda. Pupall corcorda. Fortche uanide. Láech and isin charput sin súas máeldub demis fair for suidiu. Atá lim is bó roda lig. Súil glas bannach ina chind. Fúan corcorgorm im suide a cetoraib orgait óengil. Dulend dergóir fora bruinnib ro leth dar cechtar a dá gúaland. Léni gelchulpatach immi co nderginluth intlase. Claideb orduirnd i n-ecrus sésta fora ⋅líastaib. Manaís lethanglas for crund miding ina láim. Foga fogér fóbartach ina farrad. Scíath corcorda co comrod argit co túagmílaib óir úasa díb n-imdadaib. Atá limsa bá frass do nemannaib ro lád ina chend. Dubithir leth dubfolach cechtarde a da brúad. Deirgithir partaing a beoil. Ara ara bélaib isin charput sin araile forseng fánfota forbrec. falt forchas forruad fora mulluch. Gipne findruine fora étan nád léiced a folt fó agid. Cuache de or fora díb cúalaid hi taircellad a falt. Coichline ettech immi co n-aurslocud ara dib n-ullennaib. Bruitne di dergór ina láim. dia tairdellad a eochu. Dóich limsa bad hé Cu Chulaind &ersir; Lóeg a ara no beth and &ersir; Dub Sainglend &ersir; Liath macha. no beth fón charpat.

In creti Dia fodechtsa a Loegairi ol Patraic úair dodeochaid Cu Chulaind dot acallaim. Mása é Cu Culaind atconnarc is garit limsa ro boí ic comaccallaim. Is folaid Dia ol Patraic mas éseom ro boí and dorega dot acallaimsiu afrithisi.

A mbátár and iar sin co n-accatár in carpat isin mag a ndochum cona díb n-echaib &ersir; Lóeg mac Ríangabrat ina farradnacht &ersir; Cu Chulaind ina erredacht. Secht cles lí ani fichet úasaib etarbúas. Tairmcles nónbair .i. cles cait &ersir; cles cúair. Cless daire. Dallchles n-eóin. léim dar neim. &ersir; derg&fdot;illiud erred náir. &ersir; gai bolga. &ersir; baí bresse. &ersir; bruth ngéine. &ersir; sían churad. &ersir; rothchles. &ersir; fáeborchles &ersir; ubullchles. &ersir; torandchles. &ersir; dréim fri fogaist. &ersir; dirigiud creitte fora rind &ersir; fonaidm níath náir. &ersir; táithbéim. &ersir; béim co fomus. Immasleig cach la beirt immin n-araid gabáil na n-ésse biid uasaib &ersir; análaib. Dolluid Cú Culaind do acallaim Patraic &ersir; bennachais dó. is and sin asrubairt. Ateoch a nóem Patraic itt arrad iteó. romucca lat chretmecho hi tírib na mbeó.

Creit do Dia &ersir; do náem Patraic a Loegaire ná túadaig tond talman torut ar ní síabrae rodatánic is Cú Chulaind mac Sóalta ar is bith cach rúanaid recht ná talam cach ciúin celar cach triúin talam cach naib nem ar is dord síabrai cen midsiu is bith cáich ar úair immáredisiu. Boí Cu Chulaind ina thost &ersir; ni arlasair Loegaire. Cía rét Brega a Loegairi cia suides a fantu. Cia aires a n-áthu. Cía aithet a mna. Cia charat a n-ingena. Ced duitsiu &ersir; damsa or Loegaire a n-iarfaigidside. Ro boí tan a Loegairi bá messe immátheged immatimchellad immidamthellech. Ba mesi alau cúrad cartais glonnaib arddaib immanaigtís ro boí tan a Loegairi. Ba messi dothéged a margressa noruíned a márcongala. Bá messi in Cú Chulaind cathbúadach gnússachtach gesechtach rigderg roíglethan rogellach no bíd ar Maig maínech Murthemne. Creit do Día &ersir; do Phatraic a Loegairi ar ní siabrai dotánic acht Cu Chulaind mac Soalta. Mássa Chú fil and or Loegaire adfét dúnd día márgnímaib. Ba fír són a Loegairi or Cu Chulaind.

Bassa collid giallasa i n-airitin átha mo thúath. Basa balcbémnech for níathaib &ersir; mórslúagaib. Imréidindsea a nggraige senlúatha mo námat isnaib lúacrachaib lánaib co fagbaindse a n-eltae beómarbae isnaib slébib iar n-ardbiu a comlund comardae na fer no bítís foraib.

Manus fil samlaid na gnima sin feib adrímiu batár gníma erred latsu níptar gníma con.

Bá fír són a Loegairi ol seseom. Nipsa chúsa gabála lis. Basa chúsa gabála uis. Nipsa cháusa cruib i n-aurchaill. Bása chúsa comnart do chomlond. Nipsa cháusa imlomtha fuidell. Basa chausa tairbe buden. Nipsa causa ingaire gamma. Basa cháusa ingaire Emna.

Manus fil na gníma sain feib dodrímiseo bátár gníma erred latso.

Bá fír són a Loegairi ol Cu Chulaind bátar gníma erred limsa. Bása eirrsea. Bása aura. Bása ara carpait máir. Bása máeth fri maíthi. Basa imdenach frim tháir. Bása ennach mo námat. nipsa nemthenga mo crích. Bása chomrar cacha runi do andrib Ulad. Bása mac la maccu. Ba fer la firu. Bá dim chusc asrarath. Basa maith frim aír. Basa ferr fri molad.

Mása é Cu Chulaind fil and or Loegaire adfét dún ní dona morgabthib ro gábi, Ba fír són a Loegairi ol Cu Culaind. Immáredindsea márgraige la Concobor crúaid bá i n-ailethúaith aslingind cach mbúaid. Ro clisius for analaib uasa uíb na n-ech. ro mmebdatár riumsa mórchatha cach leth. Ro brisius aurgala for triunu na túath. bá misi in caur claidebrúad iar sligi na slúag Ro brisius a fáeborchlessa for rindib a claideb. rosiacht a mórairgne ba tria daigte tened. Tairred n-aile dochúadussa a Loegairi acht ba sin úair. coro ferussa márchatha fri Lochlaind atúaid. Araile láech and domárraidsi iar techt dam for sét. trícha cubat a ardai ba ed sin a mét. Iar sin ro selachsa iar nglés dún fo thrí. fochartsa a chend isin cath co torchair ín rí. Iar sin dorochratár ro thesbaid díb. secht cóecait cach óenchatha o ro gabthá a rrím. Is íar sin ro nenascsa foraib fora ndáil .uii. cét talland argait báin im secht .c. tallant óir bá sí sin in cháin Tairred dochuadusa a Loegairi día lád hi tír Scaith dún Scáith and cona glassaib íarn forurmius láim fair Uii. múir imón cathraig sin ba etig a dend. sonnach íarn for cach múr forsin bátár nóe cend. Dorse iarn for cach slis frimna niro chosnoda. atacomcussa com láu condarrala i mbrosnacha. Buí cuithe isin dún lasin ríg adfét .x. nathraig doróemdatar dara or ba bét. Iar sin atarethusa cíar adbol a ndrong. co ndernus a n-ordnecha eter mo dá dornd. Tech lán do loscannaib dofarlaicthe dún. míla géra gulbnecha ro leltar im srúb. Bíastai granni dracondai cucund dofutitis. tréna a n-amainsi echdíli cíadcutís. Iar sin atarrethusa in tan bá fóm rois. cotamfoltsa comtar menbacha eter mo dí bois. Baí coire isin dún sin lóeg na teóra mbó. .xxx. aige ina chroes nirbo luchtlach dó. Taithigtis in cairi sin bá mellach in bág. ní théigtis úad for nách leth co fácbaitis lán Baí mór di ór &ersir; argut and bá hamrae in fríth. dobirt in cori sin la ingin ind ríg. Na téora bai dobertamár ro snaidet a muir. ba here desi di ór la cách fora muin Iar tudecht dún forsin farci bá hadbol la túaith. báite fairind mo churaig lasin n-anfod crúaid. Iar sin immórousa gíarba gábud grind. nonbur cechtar mo dá lám xxx. for mo chind. ł for mo druim Ochtur form díb slíastaib rom leltar dim churp. bá samlaid sain ro snausa in farrci co mboí isin phurt. An ro chesusa d'imned a Loegairi for muir &ersir; tír. bá ansa damsa óenadaig la demon co n-ír Mo chorpan ba crethnaigthe la Lugaid a búaid. roucsat demna m'anmain isin richis rúaid Immárubartsa in clétine gai bolgae do léir. ro bása i comchétbúaid fri demon hi péin Bá comnart mo gaiscedsa mo chlaideb ba crúaid. domrimartsa in demon co n-óenmeór isin richis rúaid Ind ríg cosniat a rríge cía beit co mméit a mbrigi. ní cumcat ni la mac nDé acht a cubatt i ndire. Slúaig Ulad im Chonchobar calma in coraid. iglet in demnae i n-iffurnd at brónaig. Acht in rí mac Nessa arbáge ar mac Maire. atát i pein iffrind formna na lath ngaile. Bá mád tulad dot brethir a Loegairi fri Patraic iarrid uair. conom thucadsa a hiffurnd conid damsa a búaid Is búaid mór di Góedelaib co clothar in slúag. cech óen chreitfes do Patraic i nnim níbá trúag. Ceni cretindso a Loegairi do Patraic na creitfet Ulaid. an ro chesussa do imned bá mo turem. Iss ed mo chosc do cach óen scarad fri peccad fri clóen cach óen cretfes do Patraic ragaid hi tír inna náem Cach mac ríg rochluinethar di Ultaib i nHére creitted do Patraic for rith bad mór a dene Dobeir bennacht for Patraic forul a llín in cech óenaird i nHére a mbia a síl. Is búaid mór do Goedelaib no chluined in slóg cach óen creitfes do Patraic for nim níbá tróg Is cian mór ó 'tbaltsa ropu mór in túath is cumachta mór domfuc ar cend inna túath Is cían scarsu fri eochu fri carpat foa lí is cumacta mór domuc amal atomchí. Ind eich seo a Loegairi retha rith co mbúaid is Patraic dodrathbeogastar condat e ata lúaith In carpat so atchisiu i ndegaid na n-ech is Patraic ro cruthaigestar conid hé as dech Cosind étuch cosinn arm cosin erriud clis is cían mór o atrubaltsa o ro scarus fris. In slúag mór donarrchomlais file foa lí nos mairfed Patraic for rith connaptís bí. Dosraithbeoigfed aitherruch robad mór in band co mbetis i mbithbethaid ar bélaib na cland Atomchi a Loegairi atomglaithe leir. mani crete Patraic biasu hi péin. Cid latsu bithbetho talman cona lí. is ferr óenfocraic i nnim la Crist mac Dé bí Ateoch a nóem Patraic it arrad nom theig rom&fdot;uca lat chretmecho is tir immaréid. immaredind.

Creit do Dia &ersir; do nóemPatraic a Loegairi arna tudaich tond talman torut. Doraga niba cumtabairt mani crete do Dia &ersir; do nóemPatraic ar ni siabráe dotanic is Cu Chulaind mac Soaltai. Ro fírad dano aní sin. dodeochaid talam tar Loegaire adfiadar nem do Choin Culaind. Ro chreti trá Loegaire do Patraic iarom.

Bá mór trá a cumachta do Patraic .i. todúscud Con Culaind íarna bith .ix. cét bliadna hi talmain .i. o flaith Conchobair meic Nessa iss eside ro genair hi comgein fri Crist co dered flatha Loegairi meic Neill. meic Ecach. Mugmedóin meic Muredig Tírig meic Fiacrach Roptine meic Corpri Liphechair meic Cormaic Ulfotai meic Airt Óenfir meic Cuind Cetchataig meic Fedelmthe Rechtada meic Tuathail Techtmair meic Feradaig Find Fechtnaig meic Crimtaind Niad Nair meic Lugdach Riab nDerg dalta side do Choin Chulaind mac Soalda.

 De genelogia Con Culaind.

Cú Culaind mac Soaldaim ł ita genelogia Con Culaind meic Dubthaige Cu Chulaind mac Soaldaim meic Cubair. Meic Dubtaigi meic Cubair. meic Lir meic Nelruaid .i. nemthig meic Lir meic Cusantin. meic Cúsantin meic Adagair meic Adachair meic Báetain meic Boado meic Midgin meic Midgni meic Úachaill meic Caiss meic Uacais .i. mind meic Cais Clothaig meic Cermata meic Branaill meic Rethaig meic in Dagdai meic Inde meic Rindail meic Rindbailc meic Dorain meic Nomail Meic Slóitgen meic Rothchlaim meic Condlai meic Memnón meic Uacais toi meic Meic Cuill meic Samrith meic Buithe meic Cermata meic in Dagdai. meic Tigerndmais meic Elathan meic Delbaith meic Follaig meic Ethrióil. meic Neit meic Induí meic Íareóil Fátha meic Alloi meic Thait. meic Erimoin meic Miled Espain. meic Thabuirnd.

Cath Cairnd Chonaill ria Diarmait mac Aeda Sláni for Guari Adni

DIARMAIT mac Aeda Sláne Sinech Cró rod n-alt. no bertis Conachttai a búsi co taratsi imchosait móir eter Diarmait &ersir; Guaire Aidne. Is and asbertsi. A Diarmait a mallchobair úamun Gúare fónfodair ár it anmand cluithe cath tair chucund a dunebath Leic de Díarmait mairid fris in cath ni heól ní firdis denid cóir dó mar atá foid chuci dotathlebá Rúanaid atberthe co sse frisseom ar met a náire indiu is lobrand i mMide Diarmait mac Aeda Sláne Tricha tinne tricha bó furec ceneoil Fergusso ícdai dartaid hi cind gait inna forreith do Diarmait. a. Beit fir móra ar macáin bic co tí ar cobair co Grip bit daim ríata laíg ar mbó co tí cobair Diarmato. a Diarmait

Ro íc ní dissi i&mmacr; in cossait sin. Ro thinoil Diarmait slúagu &ersir; socaide leis do inriud Conacht. Iss ed iarom ludi Diarmait oc techt hi Conachtta co Cluain meic Nois. Dorigensat íarom samud Cíaran cona n-abaid .i. Áedlug mac Commain etla fri Dia fair co tísad slán d'inchaib a coraigechtasom. Ro idbair in ri iarom Tóim nEirc cona fodlaib feraind .i. Líath Manchan amal fót for altóir do Dia &ersir; do Chíaran. &ersir; tobert teora trísti for ríg Midi dia cathed nech dia muntir cid dig n-usci n-and conid de sin na laim rí Midi a ascin &ersir; na laim nech dia muntir a bíad do chathim. Is de sin dano doráegart Díarmait a adnacul hi Cluain meic Nois conid iarom ro adnacht inti. Dorat Diarmait laim dar Conachtta remi co ránic Aidni. Ro thinoil Gúairi firu Muman dia saigid. Roptar iat so rig tancatár hi forithin Gúari .i. Cuan mac Ennai ri Muman &ersir; Cuan mac Conaill rí Hua Fidgente &ersir; Tolomnach rí Hua Líathan. Doratad iarom cath Charnd Chonaill etorro hi llo cengciges co ráemid for Gúari corro lad ár cend and. im Chuan mac Énnai rí Muman. &ersir; im Cuan mac Conaill ríg Hua Conaill. &ersir; im Tholomnach ríg Hua Líathán.

Mac Da Certa cecinit

Gort maccu Cirb cruth rod gáb ní adas nach Mumanchlár. hi fil Galand rosoí dath dirsan son ar Talomnach Rí da Chonchend ri dá Chi docer hi rroí Cendfotai. atá a lecht isind fan intí mac Conaill Chuan.

Cámmini Insi Celtra iss é dorat brethir for Gúari conná gébad fri ócu. ár ro boí Cámmini tri trath oc troscud fair im slanaigect hi tarat hé. ar ro sáraig Gúari hé.

Mad cóir la Dia ar Cámmine in fer fil hi comtairisem frimmsa níro thairise fri námtiu.

Dotháet Gúairi do aurgairi Chammini &ersir; sléchtaid dó. Doreilced in t-irchor sa or Cámmine ni chomraim a ostud. comluath sin dano for Cammini &ersir; doberat do réir duit in lucht maidfit maidm fort .i. doberat do réir duit fo chetóir. Is de asbert Cammin. I mbíat fáebra fri fáebra &ersir; finne fri finne biat aithrech a Guairi cléirchin fris tarlais tinne. Iar réir doarbart Mac Dé fri athlad na óenúaire cride Guaire fo chinu inna trinu fo Gúaire.

Troisc limsa dano for Gúaire fri Cammin fri Dia co tarda itchi dam. Lotár iarom a triur isin n-eclais .i. Cammini &ersir; Guairi &ersir; Cummini Fota. Eclas mór dorónad la Cámmin is inti bátar. Batar iarom na clérig oc tabairt a chobsena for Gúari.

Maith a Guaire ar iat cid bad maith lat do linad na ecailsi sea hi tám. ropad maith lim a llan di or &ersir; d'argut &ersir; ni ar saint in tsáegail acht dia thidnacul ar m'anmain do náemaib &ersir; ecailsib &ersir; bochtaib in domain. Dorata Dia fortacht duit a Gúaire ar iat. Dobérthar in talam duit doidnais ar t'anmain &ersir; bát nimidech. Is bude lend or Gúaire. Ocus túsu a Chammini or Gúare cid bad maith lat día linad. Ropad maith lim a linad do sáeth &ersir; galur &ersir; cech aingcis bád messo do duni combad for mo chorp dobertais uli. Ocus tussu a Chummine or Guaire cid bad maith lat dia línad. Ropad maith lim a llán di lebraib .i. dia tudecht do áes légind &ersir; do sílad brethre De hi clúasaib cach duine día thabairt a lurg Díabail dochum nimi.

Ro fírtha tra uli a n-imrati dóib. Doratad in talam do Gúaire. Doratad ecna do Chummin. Doratá sóetha &ersir; gallra for Cammine conna deochaid cnaim de friaraile hi talam. acht ro legai &ersir; ro lobai ri aingces cech galair &ersir; cach threblaiti. co ndeochatar ule dochum nimi lía n-imratib.

Techid tra Gúaire assin cath for leith &ersir; a gilla i rraith. Ro gab in gilla bratan ríamnaige. ro fon &ersir; dorat do Gúari. conid and asbert Gúari. Atlochur do Dia i n-etad innocht dom &fdot;eis óenfeccad rom buise adaig aile dombert secht mbú Mac Maire.

Dolluidseom tra do gíallad fri claideb do Diarmait intí Gúairi. Maith or Diarmait Cid ara ndéni Guairi in féli ucut .i. inn ar Dia fá inn ar daini. Mád ar Dia dobéra ní innossa. Mad ar daíne ni thibre ol atá co feirg &ersir; londus mór. Dotháet chucu. Ní dam a Gúaire ol in druth cingthe secha. ni damsa a Gúaire or in clam. rot bia or Guaire. focheird a goo dó. Ní damsa or a chéli. focheird a scíath dó. Ní damsa or a chéli aile. focheird a brat &ersir; a delg &ersir; a cris dó. Nit ain or Diarmait. Tair fón claideb. Ní damsa a Gúaire for in céli Dé. An bic a Diarmait or Guaire co tallur mo lene dím don chele Dé. Maith or Diarmait ro giallaisiu do ríg aile .i. do Mac Dé. asso mo giallsa duitsiu i&mmacr;. Slechtaid dano Diarmait fo thrí do Gúari. Nip anchobrai trá or Diarmait co ndigis ar mo chendsa do áenuch Tallten conda ragbat fir Herend do chomarlid &ersir; do chind athchomairc dóib. dogéntar or Gúare Is and sin ro chan Sinech in molad sa do Diarmait. Cach mac tigirn timcraidi tathud airle limsa de dothe desell mo roga leis fudell mo rúanado Ní for brágtib dam na bó clóthir colg mo ruanado is for rigaib focheird feit indiu dubchend la Diarmait Gúaire mac Colmain in ri ro chacc for craibiu Adní ro lá búalta meit cind bó at ómon mo ruanadó O ro breca bróenán cró léni ndendguirm nDíarmató erred fir cluas catha ni comtig cen ildatha O ro breca bróenan cró brunni gabra Diarmató usce asa negar Grip hand="H".i. ech Diarmata ní lusta .i. ni glan fri sacarbaic Ó doleicter immasech cranna fanna for cach leth nípo decmait casal cró for crund a duirnd Diarmató. O dosernatár gai bic hi tossuch a n-imairic is i cétní and arric a gai is a gabair la Diarmait

a Guairi

Adnuu ón adnuu da reis Sinich co cruu nocos fáecebad la biu atabiu com luu. Adnuu or si ní ric Sinech co cruu ni fil occu cá imochaid cid náci fitir nuu. Diarmait rúanaid maith in ri forbrid ar cách tria lunni forbrid ar cach n-óen do gnáth in rí co cuir bróen ar cách. cach.

Luidseom iarom intí Gúairi do áenuch Talten ar cend Diarmata &ersir; míach argit leis día thabairt do feraib Herend. Maith or Diarmait in fer dotháet chucaib atethaid a innili oca thig. Isárugud damsa trúag ł trén isind óenuch do chuingid neich cuci.

Luidseom didiu co mboi for láim Diarmata for foradaib bít isind óenuch. In la sin tra ni chuinnig nech ní cucasom. Bá machdad leiseom aní sin. Maith a Diarmait or Guare epscop do gairm cucumsa co tardsa mo choibsena dó. Cid so or Diarmait. Cid nách mana éca letso damsa a Diarmait áit hi tát fir Herend eter truag trén nach cuinnig nech díb ní chucumsa. Níro gebthar fort or Diarmait miach argait duit sunnút. Atá airget i&mmacr; limsa ol Gúairi. Atraracht i&mmacr; Gúairi &ersir; nos tairbir assa díb lamaib. &ersir; asberatsom ba lethfota a lám ónd úair sin oc rochtain na céli nDé.

Dogniat iarom ógsid .i. Diarmait &ersir; Guaire. &ersir; ro gabsat fir Herend intí Gúairi do chomarlid &ersir; do chind athchomairc dóib ond uair sin tria bithu cein robo béo.

Bá maith iarom intí Guairi. Is dó doratad tría rath féli in bó co n-aib ítha &ersir; inna sméra sind fulliuch. Is é doróni in firt n-amra hi Cluain meic Nóis día rucadsom dia adnacol di. Tánic in drúth dia saigid &ersir; ro gab algais de im athchuingid fair. Doratsom a laim darsin forbaid immach. &ersir; ro gab lán a duirnd don ganium &ersir; ro dibairc i n-uch in druad co nderna bruth óir dé. Conid hé sin enech dedenach Guairi. Conid Cath Diarmata &ersir; Guairi Adni a scel sin anúas.

 Comthoth Lóegairi co cretim &ersir; a aided adfét in scel so

BAÍ comthinol fer nErend hi Temraig i n-amsir Lóegaire meic Neill. Is de i&mmacr; boí in comthinol sin occo im dála na creitmi. O desid iarom ógi na cretmi la firu Herend &ersir; o ro pridcastar Patraic soscela dóib &ersir; ro sáraiged Loegaire cona drúdib hi fertaib &ersir; hi mírbailib dermáraib do neoch doróni Patraic hi fíadnaisi fer nErend. conid íarom ro chreti &ersir; forusestar Loegaire ógréir Patraic. Ro luic dano in talam Loegaire druí tria brethir Patraic conid na chend chacait na huli coin tecait hi Temraig

Asrochongrad iarom o Loegaire formna flathi fer nErend do thudecht i n-oenmagin fri hóentaid n-imacallma im chorus a mbescna &ersir; a rechtgai Dochós uadib co Patraic co tudchised don dáil A llathe didiu re tichtain do Patraic cucu immusnarlasatar fir Herend etorro monetir.

Ceist or Loegaire friu cid as andsam .i. dolgi lib ro pridchastar in clerech dúib. Ni handsa. cáin dilguda or siat. ár ond úair gébas cach duni céill for dilgud dó aneich dogéna di ulc. ni bia commus for foglaid de sin &ersir; genaid .i. gonfid cach fer araile ár nibá hecal leis a aitber fair Ceist didiu cid dogénaid fris sin or Loegaire. Cade do airlisiu immi ol íat. Is ed arric mo airse de ol se masa chomarli libsi .i. fromthar a aicned fessin ocaind immon ní ro forcan. .i. gontar nech dia muintir ara bélaib. mád día loga bemitni fora breith. mani loga i&mmacr; ní bemni forsind recht sin. Ro sudiged didiu a comarli Loegairi &ersir; fer nErend fer .i. Nuadu Derg dalta Loegairi iss e ros gon. sainrodach do guin ind arad boí ar bélaib Patraic amal tísad isin dáil. Dorigned iarom samlaid.

Iarsindi didiu ro bíth in fer do muintir Patraic ara belaib oc tairléim dó asa carput. Dorecacha Patraic dochum nimi ar ba hand boí a socraiti. La sin ro gab crith &ersir; talamchumscugud mór insi Herend &ersir; a firu &ersir; ro lá in slúag boí isin dáil tara cend &ersir; ros gab crith &ersir; ómun dofulachta &ersir; doronait marbtís máirb

La ssin didiu slechtais Lóegaire co dutrachtach co formnu fer nErend do Patraic. Ainmne ainmne a Patraic oldat fir Herend ro pridchais dilgud tabair dilgud dún. Tuc iarom Patraic óg ndilguda dóib. Gabthus iarom Lóegaire ainmchairdine Patraic and sin &ersir; bennachais Patraic hé &ersir; a síl.

Tabair tra oldat fir Herend fri Patraic comarli dún immon ni sea .i. im cangin dilgotha cid dogénam immi. Ar in caingen forsa tairisfe ocainni innossa for siat is fair bías túath &ersir; eclas. &ersir; dano ol fir Herend recmaít a les sudigud &ersir; ordugud cach rechta lind cid i n-ecmais na caingni sin. A dénam samlaid ol Patraic tasfenad cách a dán hi fíadnaisi fer nErend. Is ans sin trá tarchomlad cach óes dána i nHerind cor tasfen cách a cherd fíad Patraic &ersir; fíad firu Herend. Rocurit dano a forbonna and sin úadib &ersir; ro córaigit ina téchtu.

Do Dubthach macú Lugair dano ro herbad coceirt a mbreth íarna bennachad do Patraic &ersir; íar senad a gena co tanic rath in Spirta Naim fair. Conid hé ro taisfen filidecht &ersir; brethemnas &ersir; recht fer nErend olchena hi fíadnaisi Patraic. Nonbur airegda ro boí ocond ordugud sin. Patraic &ersir; Benen &ersir; Cairnech o eclais .i. tri epscoip. Loegaire mac Neill rí Herend. &ersir; Dáiri rí Ulad &ersir; Corc mac Lugdech ri Muman na tri ríg. Dubthach macu Lugair &ersir; Fergus fili &ersir; Rus mac Tricim sui berla Féni.

Is ed trá arrícht occo and sin im dála dilgotha .i. in bibdu &ersir; in cintach na chinaid &ersir; logad da anmaim .i.aithrigi do lecun dó &ersir; cen logad día churp .i. bás d'immirt fair. Ro ordaigset dano fir Herend a nemthiu and sin .i. cloc &ersir; salm do eclais. Geill do rígaib. Trefoclae techtae do filedaib. Aitgabáil do fennethaíb.

Ni tabairthe tra co tanic Patraic erlabra acht do tríar .i. fer comcni cumnech díambad eól fresneis &ersir; aisnéis &ersir; scélugud. Fer cerda fri molad &ersir; aír. Brithem fri brithemnas ar roscadaib &ersir; fasaigib. O thánic Patraic i&mmacr; is fo mámmus atát nahí seo .i. do fir in berlai buain .i. inna canoni naími.

Boí Loegaire trichait mbliadna iar sin i rrigi Herend hi comling fri Patraic &ersir; bá do réir Patraic chena boíseom. Luid iarom Loegaire slogad co Laigniu do chuincid na boromi foraib. Ro thinolset Lagin &ersir; doratsat cath dó &ersir; maiti for Loegaire in cath .i. cath Atha Dara. Ro gabad Loegaire sin chath &ersir; dobretha ratha fri Laigniu .i. grían &ersir; esca usci &ersir; aer. lá &ersir; adaig. muir &ersir; tír. conna íarfad in mboromi céin bad beó. Ro leced ass íarom.

Is ed tra ro tairngired do Loegaire combad eter Erind &ersir; Albain fogebad a aidid conid de sin na deochaidsium muirchoblach riam. Luid tra Loegaire doridisi slogad már co Laigniu do saigid na boromi faraib. Ní thuc i&mmacr; a ratha di oid. O ranic iarom Grellaig nDa Phil for táeb Chassi i mMaig Liphi eter na dá cnoc .i. Eriu &ersir; Albu a n-anmand atbath and sin ó gréin &ersir; o gaith &ersir; ona ráthaib archena. ar ní laemthe tudecht tairsiu isind amsir sin. conid de sin asbert in fili. Atbath Loegaire mac Neill for táeb Chassi glas a tír. duli Dé adroegaid raith tucsat dal báis forsin ríg In cath i nAth Dara déin i rragbad Loegaire mac Neill. násad fír na ndúla De (?) iss ed ro marb Loegaire.

Tucad dano corp Loegairi anes iar tain &ersir; ro hadnacht co n-armgasciud isin chlud imechtrach airtherdescertach rigratha Loegairi hi Temraig hé &ersir; a aiged fodes for Laigniu oc cathugud friu ar ropo námasom na bíu do Laignib. Ba sí dano ráith Loegairi Tech Midchúarta in tan sin &ersir; is airi conaitechsom a adnacul and.

 Fástini Airt meic Cuind &ersir; a chretem inso

LÁ ro boí Art mac Cuind ic selga i mBregaib Is and boíseom na sudi selca oc Duma Derglúachra .i. áit hi fail Treóit indiu. A mbaí and iarom oc fegad ar ind radairc for cech leth co faca timthirecht na n-aingel súas &ersir; anúas and. Dobeir di oíd aní sin &ersir; ro línad o rath in Spiruta Naím fó chetóir. &ersir; tic rath fastini fair. &ersir; fallsigthir dó cach ní no biad dó iar tain. &ersir; a imscar &ersir; Mac Con asin chath ro boí ar bert oco. Iss ed armit fairend conid ara bárach luid do thabairt catha Mucrama día ndechaid in n-echtra do thig Uilc Acha in goband díar chomraic fri Etain día ndernad Cormac. Conid and ro togsom a adnacol isind inud sin fo déig na cretmi ro bíad iar tain. Conid for slicht na fisi sin ro chansom na runnu sa &ersir; ic tairngiri na cretmi. co n-epert. Caín do Denna .i. Denna Dimor fer grada Airt Den doma addonrúacht úas Brega brug drécht Derglúachra cen uacht Nibat fergaib fír con fóefet hi fos imróefet fri berla o Róim .i. imrádfit berla Románach dítnib doss. Sosod sóe co cned aithne aingel ngel comrad clocán bind ra lind tailcend treb Treóit tréde fót im thri fotu ind ríg in tan bas bec cách and bas már a mbríg Básá már ar thús ic Dia dígrais gail bása bec bíaid úair basa már iar tain. No thogfaind mo chlíu .i. mo chorp ma úir úarda band for nim iar mbráth glond don drong conbía and Ge fía dig fa húir as fír is ni gó la lúth aingel ngel dobérthar nem dó Bádat ail cach clúain niptar dirna oiss immá duma dess hi tairndfet do chrois Dána társind talcind ropad amra in bríg a Dé doní in muir a Dé doní in tír Messi &ersir; Mac Con .i. Lugaid dín bat budig brain torsi ac mnaíb aníar loing ac mnaib anair La Lugaid mo lecht concab and mo &fdot;irt dofóeth Eógan már do láim Beinne Brit Temair Fáil cen ríg Eógan cen Chlíu Maíl bruig Banba fo lén ni scél crotha caín. cain .d. Mo duma .i. Duma nDergluacra mo dín iar scarad ram ⋅lúag mo phort idan án m'ilad &ersir; m'úag Gid ébind bith sund oc seilg ar cach fíad aebni in maith iar cind ocond flaith find fíal Mo labra ní lim acht frisin flaith find atchíther ní cam ra ríg ríchid rind Ticfa in tailcend tend cona muintir maith nom nigfea domm ucht ar in phurt in flaith. Faícfid acom sund .i. hi Treóit nech dá tic mo dín .i. Lonan Treoti bid moti bas trén mo scél hi tig ríg Ic dígail ar cned misi &ersir; mo náem bid mé in t-ere mór is ma thene .i. Lonan ram tháeb Mairc ócán dom síl asa holc donrúa digeltar co prapp mairg a mac's a úa Mairg ríg co bráth brecht gébas eill mo naím do Themraig in trír atchíd nibá caín. cain .d. Rí Temrach in trír gen Erind na laim co bráth níbá ri noco tí nar ndáil Trosced tréde sund a thol féin ros bía messi leiss com náem a thol féin ros bia. Mo thonach co tric a tiprait in trír mo chorpan glan glúair isin cnocán caín. cain .d. Is mé Art a Dé cen mo mac hi crí is sáeth lem in bith cen ith nó co tí Bid less d'Erind úair da farcbur in maín dom echtra hi tech nUilc ría crad mo chuirp chaín. caín .d. Bíaid com &fdot;oluch án iar tonuch mo tháeb en co nertaib núal dar dercaib slúag saer .i. usce dar súilib soercland ocom chainiud Atlochur dom ríg ría tochur ma náem bith dom churp co sáim isin phurt cháid chaín. cain .d. Arco fuin dom ríg ferr múin ná cach maín mo chorp uag i n-úaig cona chloich cruaid chaín. cain .d. Lúagni cen recht rim cen dola ar fecht lem bád é luag ail.i. cloch trom co soich bond is chend. Dá trichait marc .i. ech min cen tart do cech thaíb concertsa in dá sreith cen chleith níbá caín. cain .d. Tíagsa for cath coí mór bas bath dom ré ar cach lá i tú i crí nad sechna tol Dé Bas lir fidbad fér fir fuigset mo dind slúag Dé do nim nél co n-etib én find. Beth rom béra dráeth mo chen amlaid éc mese im lá má rith cid ba bith is bréc Ní ní i nErind áin risi tabraim thóeb ingi .i. acht Athair Mac &ersir; Spirut Náem Bíaid dom thrucha trén uch uch is manúar na bretha co sáeb na hetha na súan Mo thasi for coí bád masi la Día a úaig dil fo dí mo chin ri co rría Bása chell mo dind bád lem Érend íath bruig Temra na tuath contuil fedna fíach Consoífi cruth cnáim úas lí mind cach maín la hor betha búain bad buaid cetha caín. cain .d. Lecht meic Cuind atchíd co tuind dara thaíb for brú in locha láin ní scél crotha caín. caín do Denna.

Ectra Condla Chaim meic Cuind Chetchathaig inso.

CID día n-apar Art Óenfer. ni handsa. Lá ro boí Condla Rúad mac Cuind Chetchathaig for láim a athar i n-uachtor Usnig. Co n-acca in mnaí i n-étuch anetargnaid na dochum. Asbert Condla. Can dodeochad a ben or se. Dodeochadsa for in ben a tírib beó áit inna bí bás nó peccad na imorbus. Domelom fleda búana can rithgnom caíncomrac leind cen debaid. síd mór i taam conid de suidib nonn ainmnigther áes síde. Cía a gillai ol Cond fria mac acailli. úair ni acca nech in mnaí acht Condla a óenur. Ro recair in ben.

.r. Adgladadar mnaí n-óic n-alaind soceneoil nad fresci bás na sentaid ro charus Condla Rúad cotgairim do Maig Mell inid rí Boadag bidsuthain rí cen gol cen mairg inna thír ó gabais flaith.

.r. Tair lim a Condlai Rúaid muinbrec cainelderg barrbude fordotá óas gnúis corcorda bid ordan do rígdelbae má chotuméitís ní chrínfa do delb a hoítiu a haldi co bráth brindach.

Asbert Cond fria druid Corán a ainm side. ar rochúalatár uili an ro rádi in ben cenco n-acatár.

.r. Not álim a Chorán mórchétlaig .i. canas chetla mórdanaig forbond dodomanic as dom moo áirli as dom moo cumachtu níth náchim thánic o gabsu flaith mu imchomruc delb nemaicside cotoméicnigidar immum macc rochaín d'airchelad tre thoathbandu dí láim rígdain brectu ban mberir.

Docháchain iarom in druí forsin nguth inna mná connach cúala nech guth na mná &ersir; conna haccai Condla in mnaí ond úair sin . In tan trá luide in ben ass re rochetul in drúad dochorastár ubull do Condlu. Boi Condla co cend mís cen mir cen dig cen bíad. Nirbo fíu leis nách túara aile do thomailt acht a ubull. Ní dígbad ní día ubull cach a tomled de acht bá óg⋅lan beus. Gabais eólchaire íarom inní Condla imon mnaí atconnairc. A llá bá lán a mí baí for láim a athar i mMaig Archommin inti Condla co n-aca chuci in mnaí cétna a n-asbert fris.

.r. Nall .i. uasal suide saides Condla eter marbu duthainai oc idnaidiu éca uathmair. Totchurethar bíi bithbi at gérat do daínib Tethrach ardotchiat cach dia i ndálaib t'athardai eter du gnathu inmaini.

Amal rochúala Cond guth na mná. asbert fria muintir gairid dam in druíd atchíu doreilced a tenga di indiu. Asbert in ben la sodain.

.r. A Chuind Chetcathaig druidecht nís gradaigther ar is bec rosoich for messu ar Trág Máir. firién co n-ilmuinteraib ilib adamraib motáticfa a recht conscéra brichta drúad tardechta ar bélaib demuin duib dolbthig.

Ba ingnad tra la Cond nicon taidbred Condla aithesc do neoch acht tísed in ben. In deochaid ol Cond fót menmainsiu a radas in ben a Condlai. Asbert Condla ní reid dam sech cach caraim mo doíni. Rom gab dano eólchaire immón mnaí. Ro frecat in ben andside. co n-epert inso. .r.Tathud airunsur álaib fri toind t'eólchaire o&fdot;adib im loing glano condrísmaís ma roísmais síd Boadaig. .r. Fil tír n-aill nad bu messu do saigid atchíu tairnid in gréin &ndot;gil cid cían ricfam ría n-adaig. .r. Is ed a tír subatar menmain cáich dodomchela ni fil cenel and nammá acht mná &ersir; ingena.

O tharnic dond ingin a haithesc. foceird Condla iar sudiu bedg úadib co mboí isind noi glano .i. isin churuch comthend commaidi glanta. Atconnarcatar úadib mod nad mod .i. in fat rosiacht índ radairc a roisc. Ro ráiset íarom in muir úadib &ersir; ni aicessa o sin ille &ersir; ní fes cid dollotar. A mbátar fora n-imrátib isind airiucht co n-aicet Art chucu. Is a oenur d'Art indiu ol Cond dóig ni fil bráthair. Búadfocol an ro radis or Coran iss ed ainm forbia co bráth Art Óenfer conid de ro len in t-ainm ríam o sin immach.

 CETHRI ARDA IN DOMAIN

CETHRI arda in domain .i. tair &ersir; tíar tess &ersir; túaid. Bátar dano cethror intib .i. fer cech arda &ersir; is do mórad adamra &ersir; mírbaili dorigni Dia sin .i. d'innisin senchasa &ersir; inganta in betha so síl Ádaim.

Fintan mac Bócra meic Lamíach ł Fintan mac Libi Lamiach.ł Fintan mac Bóchrai meic Ethiair meic Púail meic Airrda meicCaim meic Noe. is é in tres fer tánic i nErind ría ndilind is eside ro chomét senchasa íarthair in betha .i. i nEspáin &ersir; i nErind &ersir; in cach conair dodeochatár Góedil archena .l. bliadna re ndílind &ersir; .u. c. &ersir; u. m bliadna íar ndilind a aes co n-erbailt ac Dún Tulcha.

Ferén mac Sistén meic Íaféd meic Nóe is é ro chomét senchas tuascirt in betha iar ndílind othá Slebi Riph atúaid co Muir Torrén fodes. Atbath for brú srotha Araxis i nAsardaib iar cathim do cethri .m. mbliadna. isin chóiced bliadain déc flathiusa Tibir Cesair atbath. acus isin bliadain ro crochad Crist.

Fors mac Electra meic Seth meic Ádaim. is é ro chomét senchas tair otha in Muir nInnecda co rici Muir Torrén siar. atbath Fors i nGolgotha ri Hierusalem anair íar cathim do .u. mbliadna. isin bliadain .ui. ar .xx. flathiusa Octafín atbath .i. isin bliadain ro genair Crist.

Annoit mac Ethióir meic Cais meic Cáim meic Nóe is e ro chomét senchas tes otha in nOcian Cantaberda thes co Muir Torrían fothuaid. I n-amsir Cormaic hui Chuind atbath .i. hi Corsic for Muir Torren iar nglenamain cnáma mil moír ina bragit. Is íat sin tra in cethror ro chomet senchas in betha. Conid dib sin

IMRAM BRAIN MEIC FEBAIL

Lil in chertle dia dernaid boí in snáthe inna certle hi lláim inna mná consreng dochom poirt. Lotar iarom hi tegdais máir arránic imda cach lánamna and .i. tri .ix. n-imdae. In praind dobreth for cach méis nír ircran díib

Ba bliadain donarfás dóib bith and ecmaing batir ilbliadna ni tesbi cach mblas. Gabais eólcaire fer diib .i. Nechtan mac Collbrain. Atchid a cenel fri Bran ara tía leis dochom nErend. Asbert in ben ropad aithrech in fáboll dálotar cammae. &ersir; asbert in ben arná tuinsed nech díb a tír &ersir; ara taidlitís léu in fer fodnácaibset i n-Inis na Mell tar essi a chéli.

Dollotár iarom co tornachtatár in dáil hi Srúib Brain. Iarmofochtatarside dóib cía dolluid in muir. Asbert Bran messe or se Bran mac Febail. Ni beram achni aní sin ol a chéli di híu. Atá i ssenchassaib lenni chena Imram Brain.

Docurethar úadib in fer asin churuch. Amal condránicside fri talmannaib na Herend bá lúathred fó chetóir amal bid hi talom no beth tríasna hilcheta bliadna. Is and cáchain Bran in rand so. Do mac Colbrain ba mór mbaíss tórgud a láme fri aís can nech dorratad toind usci glain tar Nechtan mac Collbrain.

Adfet iar sin Bran a imthechta uli o thossuch co tici sin do lucht ind airechtais &ersir; scribais inn rundnu so tre ogum &ersir; celebrais doib iar sin &ersir; ní fessa a imthechta ónd úair sin.

 Incipit Tochmarc Emere

BAÍ ri amra airegda i nEmain Macha fecht n-aill .i. Conchobur mac Fachtna. Boí már de amru inna flaith la hUltu. Baí síd &ersir; sámi &ersir; caínchomrac. Baí mess &ersir; claiss &ersir; muirthorud. Baí smacht &ersir; recht &ersir; degflathius fria remis la hUltu. Boí mór d'ordan &ersir; d'aerechas &ersir; d'immud isind rígthig i nEmain.

Is amlaid iarom baí a tech sin .i. in Cráebrúad Choncobair fó intamail Tige Midchúarda .i. noí n-imda o thenid co fraigid and .xxx. traiged i n-ardai cech airinig créduma boí istig. erscar do dergibar and. Stíall ar chapur hé íar n-íchtur &ersir; tugi slinded íar n-úachtur. Imduí Conchobair i n-airenuch in tigi co stiallaib airgit co n-úatnib crédumaib co lígrad óir fora cendaib co ngemmaib carrmocail intib combá comsolus lá &ersir; adaig inti. Cona steill airgit uasind ríg co ardliss ind rígtigi. In um no búaled Concobar co fleisc rígda in steill contoítis Ulaid uli fris. Da imdai deac in dá erred deac immón n-imdai sin imma cúairt. No thelltis i&mmacr; láith gaile fer nUlad oc ól isind rígthig sin &ersir; ni bíd nech dib hi comchetfaid alaili. Bá hán aircech aibind no bítis láith gaile fer nUlad isin tig sin. Baí már do immud cach thurchomraic isind rígthig sin. &ersir; do airfitib adamraib. Arclistí &ersir; arsenti &ersir; arcantá and .i. arclistis errid no chantaís filid. arsentis crutire &ersir; timpanaig Día mbátar didiu Ulaid fecht and i nEmain Macha la Conchobur oc ól ind ierngúali. Cét mbrothe no théiged ind de lind im tráth cacha nóna. Ba si sin ól ngúala is sí no fired Ultu uli i n-óensíst. No clistís errid Ulod for súanemnaib tarsnu on dorus diarailiu isin tig i nEmain. Cóic traigid deac ar no fichtib ba hé mét in taigi sin. Tri chless dognítís ind errid .i. cless cleténech &ersir; ubullchless &ersir; fáeborchless. It é ind errid dognítís inna clissu sin .i. Conall Cernach mac Amorgeni Fergus mac Roich Rodáni. Lóegaire Búadach mac Connad. Celtchar mac Uthidir. Dubthach mac Lugdach. Cu Chulaind mac Soaldaim. Scél mac Barnéni .i. a quo Belach mBarnini nominatur. dorsid Emnae Mache is de atá scél Sceóil ar bá brasscelach side. Dirósced Cu Chulaind diib uile ocon cliss ar áne &ersir; athlaime.

Ro charsat mná Ulad co mór Coin Culaind ara áni ocon cliss ar athlaimecht a lémmi. ar febas a érgnai. ar binni a erlabrai. ar chóemi a gnússi. Ar sercaigi a drechi ar bátár sectmeic imlesain ina rígrosc .i. a cethair isindala súil &ersir; a tri hisin t⋅uil aile do. Secht meóir cechtar a dá lam &ersir; a uii. cechtarde a dí chos. Batár búada imda fair. Búaid do chetus a gáes no co ticed a lón láith. búaid clessamnachta. buaid mbúanfaig. buaid fidchellachta. buaid n-airdmiusa. buaid fastine. buaid céille. buaid crotha. Tri lochta i&mmacr; Con Culaind a bith roóc ar níro ásatar a renga rodaim ar bá mote concéistis óic anaichnid fair. a bith ro dána a bith roalaind.

Baí comairle la hUltu fo déig Con Culaind ar ro charsat a mna &ersir; a n-ingena co mór hé ar ní boí setig hi fail Con Culaind in tan sin. ba sí comarli conírset sétig bad toga la Coin Culaind do thochmarc dó ar bá derb leo combad lugaiti no saigfed milliud a n-ingenraidi &ersir; faemad serci a mban fer día mbeth setig a chomrestail oca. &ersir; dano bá sáeth &ersir; bá hómun leó mocherchra do bith do Choin Chulaind corb occobor leó ar in fáth sin tabairt mna dó fo déig co farcbad comarba. Ar rofetatár is úad fessin no bíad a athgein.

Dobretha iarom Conchobar nonbor úad cacha cóicid i nHerind do chuingid mna do Choin Chulaind dús in faigébtais i nnách dunad ł i nnách prímbali i nHerind ingen ríg ł roflatha ł briugad do neoch bad áil do Choin Culaind do thoga &ersir; do tochmarc.

Tancatar uli na techta dia bliadna &ersir; ní fúaratar ingin ba toga la Coin Culaind do tochmarc. Luid Cu Chulaind fessin iarom do tochmarc ingine rofitir hi Luglochtaib Logo .i. Emer ingen Forgaill Manaich. Luid didiu Cu Chulaind fessin &ersir; a ara Lóeg mac Riangabra ł Remcobir inna charput. Is é óencharpat insin nad foglentais dirmand na hecrada di chairptib Ulad ara deni &ersir; ara ani in charpait &ersir; ind erred aridsuided and.

Forránic iarom Cu Chulaind in n-ingin inna cluchimaig cona comaltaib impe ingena són dano inna mbruigad bátár im Dún Forgaill. Batarside oc foglaim druine &ersir; deglamda la hEmir. Is í sin dano áeningen ba fíu lesseom do ingenaib Herend do acallaim &ersir; do tochmarc &ersir; do tochmarc ar is sí congab na sé búada furri .i. búaid crotha buaid ngotha. buaid bindisso. buaid druine. buaid ngaíse. buaid ngenso. Asbert Cu Chulaind acht ingen bad chomadais dó ar aís &ersir; cruth &ersir; cenel &ersir; cless &ersir; solmi bad dech lámdai. di ingenaib Herend nad regad leiss &ersir; nábad chomdi dó do banchéli mani beth samlaid. Ar is í sin óeningen congebed uli na modu sin iss airi is dia tochmarc sainrud ludi Cu Chulaind.

Bá cona thimtacht óenaig doluí cu Chulaind a llá sin do acallaim Emeri &ersir; do thaidbred a chrotha di. A mbátár inna ingena i sudiu for forod áenaig in duini co cualatar aní na ndochum. Boscairi na n-ech. Culgairi in charpait. siangal inna tét. Dresacht inna roth. imorrain ind láith gaile. scretgaire na n-arm. Fecced óen uaib for Emer cid dotháet innar ndochum.

Atchiusa ém and for Fíal ingen Forcaill. da ech commora comalli comchroda comluathu comleimnecha biruich ardchind agenmair allmair gablaich gopchuíl dúalaich tullethain forbrecca fosenga for lethna forráncha casmongaig casschairchig. Ech líath lesslethan lond lúath lúamnach londmar lugléimnech lebormongach maignech tornech trosmar túagmong ardchend uchtlethan lasaid fót fondbras fochuirse focrúaid foa cruib calath cethardu dogrind almai énlathi lúthbuada benaid rith for sét foscain úathu ech n-anailche. Uíblech tened trichemruaid tennes a cráes glomarchind fil do desfertais in charpait. Araile ech círdub crúaidchend cruind cóelcossach calethan coblúth dían dúalmar dulmar dúalach druimlethan dronchóechech maignech aignech bairrnech balccemnech balcbéimnech lebormongach casmongach scúaplebor drondualach tullethan grind immaáig iar níth aigi ech i n-íath. Moscing srathu sréid sergi sétid maige midglinne. Ni fagaib and imdoraid hi tír omná ríad róot.

Carpat fidgrind fethaide dia ndroch finna umaide. Síthbe find findairgit co fethaín findruine. Cret urard drésachtach sí chreda cromglindne Cuing druimnech dronorda. Da n-all dúalcha dronbudi Fertsi crúadi colgdíri. Fer bróenach dub isin charput as aldem di feraib Herend. Fúan caín corcra cóicdíabail imbi. Eó óir intslaide úasa bán bruinnechur ina áth aurslocud fri mben luthu lanbulli. Leni gelchulpatach co nderginliud oir forlasrach. Secht ngemma deirg dracondai for lár cechtar a dimcaisen. Da ngruad gormgela croderga dofich uiblich tened &ersir; analaich. dofich ruithen serci ina dreich. Atá lim ba fras do nemannaib ro laad ina chend. Dubithir leth dubfolach cechtar n-ai a da brúad. Claideb orduirnd i n-ecrus sesta fora dib ⋅liastaib. Gai gormrúad glacthomsidi la foga féig fobartach for crannaib roiss rúamantai hi cengul dá chréit cróncharpait. Scíath corcorda co comroth argit co túagmílaib óir uasa díb n-imdadaib. Focheird hích n-erred n-indnae immad cless comluith úasa errid óencharpait.

Ara ara bélaib isin charput sin araile forseng fán&fdot;ota forbrec. Falt forchas forrúad fora mulluch. Gipne findruine fora etan nád leced a folt fúa agid. Cúachi di ór fora díb cúladaib hi tairellad a folt. Cochline ettech immi co n-urslocud fora díb n-ulendnaib. Bruitne di dergór ina láim dia tairchelland a eochu.

Doriacht Cu Chulaind co airm i mbátár ind ingenrad foí sin. &ersir; bennachais dóib. Tócbaid Emer a gnúis caímcrutaig i n-arda &ersir; dobreth aichni for Coin Culaind conid andaide asbert. Dess imríadam dúib .i. deus .i. Dia do redigud duib or si. Slán imreisc dúibsi .i. rop slán sibsi ó cach aisc ol eseom.

Can dolluidisiu ol si. De Intidiu Eómna .i. den mache na Emna ol se. Cia airm hi febair ol si. Femmir ol se hi tig fir adgair búar Maige Tethrae. &ersir; i tig fir arclaid iasc i mmuir ethiíar Ce bú for fess and ol si. Fonoad .i. ro immained col carpait dún and ol se. Cissi chonar dolod ol si. Eter dá cotot feda ol se. Cid adgaibsid iarom ol si. ni handsa ol se. Di themi maro. Fór amrun fer nDea. For úan da ech nEmnae. For gort na Morrígnae. For druim inna mórmucce. For glend in mdáim. Eter in dia &ersir; a fáith. For smiur mna Fedelmae. Eter in tríath &ersir; a sétchi. For tongi ech nDéa. Eter ríg nAnand ł nArand &ersir; a gníed. do mondchuilib cetharchuli domain. For Ollbine. For tresc in márimtill. Eter dabaich &ersir; dabchini. Do Luglochtaib .i. do gortaib Loga. Do ingentib niad Tethrach ríg Fomori

Cade do slonnudsu a ingen ol Cú Chulaind. ni handsa ém ol ind ingen. Temair ban .i. amal atá Temair os cach thulaig sic itúsa úas cach mnaí baine ingen inching gensa. .i. in genusa gass nád for&fdot;áemthar. dercaid nad decsenach .i. nom dectharsa o chách ar mo chaimi &ersir; ni decaimse nech doirb annir .i. ben imnair. .i. in tan fegthar in doirb is i n-ichtur ind usci thedtethra tethra da lua lúachair nad imthegar. .i. ara caimi ingen ríg richis garta. .i. einech conair nad forémther do chonair chaíl érmaim conid fri súan senbath srethaib cerd adbchlosaib erred. arcotaim trénfir tíarmórset .i. atát lim trénfir dodigenat m'íarmoracht cepe nom bera dar a terthogu cen forus mo caingni chucu &ersir; co Forcall.

Citni trenfir dotiarmórsetsu a ingen ol Cu Chulaind. ni handsa ém ol Emer. Da Lui. Da Lúath. Luath &ersir; Lath Goible. mac Tethrach Tríath &ersir; Trescath. Brion &ersir; Bolor. Bas mac Ómnaig. octar Condlai. Cond mac Forgaill cach fer dib co nirt chét and &ersir; clis nónbair. Forgall fessin dano ansu árim a ilcumachta tressiu cach gniaid éolchu cach druid amainsiu cach filid. Bid formach duitsiu cluchi caich fri tressaib Forgaill fessin ár atchota ilchumachtai ocai fri coibled fergním.

Cid nácham airmisiu a ingen laisna trénfiru sin ol Cu Chulaind Ma atchotat do gníma fessin dano ol ind ingen cid dam nachat airmébaind etorro. Forglim féin ém a ingen ol Cu Chulaind comba luiet mo gnima eter clothaib neirt n-erred. Cade do nertsu dano ol Emer. ni handsa ém ol se argair fichit fand mo chomraic lór do trichait trian mo gaili. Ro fera cethrachait mo chomlund m'oenur. argair .c. mo chomairche. Imgaibtir athai &ersir; ergala rém &fdot;úath &ersir; rem erud. Techit sluaig &ersir; socaide &ersir; ilar fer n-armach ri úathgráin mo gnusi. at mathi na comrama máethmacaím sin ol ind ingen acht nad ránac co nert n-erred béus. Máith ém rom ebladsa a ingen for se lam popa Conchobur. ní amal fogní athechán orbugud a chlainni. ní eter lic &ersir; lossait ł o thenid co fraig ł for blai .i. faichthi óenirlaindni rom altsa la Conconcobur acht eter erredaib &ersir; ánrathaib. eter drúthaib &ersir; drudib. eter filedaib &ersir; fissidib eter briugadaib &ersir; bíatachaib Ulad rom forbaigedsa co filet a mbésa &ersir; a ndána uli limsa.

Citne and didiu rott eblatar isna gnimaib sin maídi ol Emer. ni handsa ém ol se. Rom ebail Sencha sobérlaid conidam trén trebar án athlum athargaib. am gáeth i mbretaib. nidam dermatach . adgadur nech ria túaith trebair arfochlim a n-insce. cocertaim bretha Ulad uli. &ersir; nis n-insorg. tria ailemain Senca form Rom gab Blai Brigu chucai for acci a threbi. coro ferad mo théchtai oca. Conid iarom adgairim firu chóicid Chonchobair immá ríg nos biathaim fri re sechtmaini. Fossudiur a ndána &ersir; a ndiberga farrid a n-enech &ersir; a n-enechgressa.

Line 10292 is the second part of a soft-hyphenated word, and is taken back. There is no text loss.

Rom alt Fergus conid rubaim trénócu tria nert gaili. Am amnas ar gail &ersir; gaisciud conidam túalaing airer críchi d'imditin fri ecrata echtrand. Am dín cach dochraid. Am sond slaide cach socraid. Dogníu sochor cach thrúaig. Dogniu dochor cach thriúin tri altram Fergusa form.

Rosiachtus glún Amargin filed coro molaim ríg as cach feib i mbí co ndingbaim oenfer ar gail ar gaisced ar gaís ar áine ar amainse ar chirt ar calmatus. Dingbaim cach n-errid ní tullim budi do neoch acht do Conchobur cách.

Rom ergair Findchóem conid comalta comluid dam Conall Cernach coscorach. Rom thecoisc Cathbad cóemainech di ág Dechtiri conidam fissid fochmairc hi cerdaib dé druidechta conidam eolach hi febaib fiss. Bád chumma rom altsat Ulaid uli eter araid &ersir; errid. eter ríg &ersir; ollomain conidam cara slúaig &ersir; sochaide conid cumma dofichim a n-enechgressa uli. Isaer ém domrimgartsa ó Lug mac Cuind meic Ethlend di echtra dían Dectiri co tech mBuirr in Broga.

Acus tussu dano a ingen ol Cu Chulaind cinnas rot altsu hi Luglochtaib Loga. ni handsa ém ol ind ingen. Rom altsa em ol síadi la feba Féne. hi costud forchaíni. hi fogart genussa hi comgraim rigna. i n-ecosc sochraid. conid chucum bagthir cach ndelb sóer sochraid eter iallaib ban búagnithi. At mathi ém na feba sin ol Cu Chulaind.

Cinnas didiu for Cu Chulaind nachar chomtig dun díb línaib comrichtain. Ar ní fuarsa co sse ingin follongad i n-airius dala imacallaim fón samail se frim

Ceist in fil banceli lat ol ind ingen ar fomditin do threib dit eisi. Natho om ol Cu Chulaind. Ni techtu dam dál fri fer ol ind ingen hi fiadnaisi na sethar as sinu andu .i. Fial ingen Forcaill atchí imm arrad sund is sí ro ben beim forais for in lámthorad. Ní hí em ro charusa for Cu Chulaind. &ersir; dano nír forfáemusa mnaí atgnead fer s hí ainmain dam sc gíal Muinú mainsin. dis tíd bad a óennfir muintir ic . g airadar orseom eisseom í íCulaind cles erred &ersir; cor ndeled. &ersir; leim dar néim. &ersir; filliud erred náir &ersir; gai bolca. &ersir; boí brasse. &ersir; rothcless &ersir; otharcless &ersir; cless for analaib. &ersir; brud ngeme. &ersir; sían churad. &ersir; beim co fomus &ersir; táithbéim. &ersir; dréim fri fogaist co ndirgiud crete fora rind &ersir; carpat serda. &ersir; fonaidm níad for rindib sleg.

Tánic timgairi dó tíchtain dia crích fessin iar sin &ersir; timnais celebrad. Asbert iarom Scatach friss iar sin aní aridboí dia forciund &ersir; arcáchain dó tria imbas forosnai conid and asbert na bríathra sa dó. Fo chen a scíth búagnigi buadaig bágaig urbágaig úarcraidi taiscea. corraib fortacht fort. nibá fortacht can recni. nibá recni can decni. Imbé eirr óengaile. Arutósa ollgabud. úathud fri eit n-imlebair. .i. for Táin Bó Cúal&ndot;gi óic Cruachna rascerasu. Cotut curaid cellfetar. .i. giallfuit fortut brágit bibsatar. bied do cholg culbémend cruoch fri sruth Setinti .i. proprium nomen Con Culaind sennait rout ruadtressa. rinnib riscloífet cnámreda. clárad im búaib bendcrudi. tithis fidoch fáeburamnas. fethail feola fedclessaib. ferba .i. bai do .i. Breg bratfatar. brágti do thúath tithsitir. trean cithoch cóictigis. cichis do búar mbealtu. Ba hoín ar slóg sírrechtach sírdochair sirdemin. sírguba. sifis .i. selfa do fuil flandtedmand. fernaib .i. sciathaib ilib ildlochtaib armaib scéo mnáib dergdercaib. cródergfa arm armeth mellgléo. fiaich fotha firfitir. arath croich crosfaitir. recur serech sárlatir. gáetar lunni loscudi. Lin difedat ildamaib. ilar fule firfitir ar Coin Culaind cencolind. césfe álag n-encraide. ana doláth tetharbae. dideirn .i. dot gráin bródeirg brufitir. Brón ar cách dot bráthbreislig. día taib Maigi Murthemni. día mbia cluchi tregaigi. bruthaig fri toind tréchtidi. frisin mbelend mbandernach. belaig úathaig ochtclesaig. belend di chet clesamna cichit biet banchuri. bagthi Medb scéo Ailella. Árutossa otharlige. ucht fri echtga irgairce. atchíu firind Findbennach fri Dond Cúalnge ardburach. Cuin dorega. cuin doriidfea. ros do gaili gnáthgéri. benfait bémend íarlebra meic Roich rúadrindig ardurgna. naiscseta n-ollach n-óenellach. lochta do tham doscura cetha. Erig do loch lúrechda. cuchtach écsi ilcomraic selaig tanaig trubud cu tír Ulad ógérig. do mnáib Ulad oentomaim. do scíath cnedach comromach do gai túagach tairbertach trénturig. do cholg dét dathbuthir a ndondálaib. rasia th'ainm Albanchu. ciach do gair gemadaig. Aífi Úathach iachtfaitit. alaind sethnach sóermilfa. etrocht soebrocht suanaigfe. teora bliadna ar tréntrichait. bat neirt ar do lochnamtib. tricha bliadna bagimse gus do gaili gnáthgeri. o sin immach ni fullimsea. do saegul ni indisimsea. eter búadaib banchuri. ge garid gé étgene dit álaib fo chen. fo cen a scit .b.

Dodeochaid Cu Chulaind iar sin ina lunga do saigid Erend. is iat robo lucht oenlunga dó .i. Lugaid &ersir; Lúan da mac Lóich &ersir; Fer Báeth &ersir; Lárin &ersir; Fer Diad &ersir; Drust mac Serb. Lotar do thig Rúaid ríg na n-insi aidchi Samna. Is and bátar i ssudiu fora chind Conall Cernach &ersir; Loegaire Búadach oc tobuch a císa ar baí cía a hInsib Gall do Ultaib in tan sin. Atchluin Cu Chulaind íarom in mbrón fora chind oc dún ind ríg.

Cisi núal so for Cu Chulaind. ingen Rúaid berair hi cís do Fomorib ar iat is airi fil in bron sa sin dún. Cait hi fil ind ingen ol se. fil isin tráig thís ol iat. Tic Cu Chulaind co mboí hi comair na hingini isin tracht. Immáfoacht Cu Chulaind scéla di. Adfét dó ind ingen du léi&rmacr; Can asa tecait na fir ol se. ond insi etercéin tall ol si na bí sund fora cind na n-écland. Tarrasair and íarom fora cind &ersir; ro marb na tri Fomóri. ar galaib óenfer. Ro chrechtnaig i&mmacr; in fer dedenach díb eseom fora dóit. Dorat ind ingen breit dia hetuch dó ma crecht. Téitseom ass iarom cena slonnud dind ingein.

Tic ind ingen don dun &ersir; adfét día hathair in scél n-uli. Tic Cu Chulaind don dún iar sin amal cach n-aigid. Ferait faelti fris iarom Conall &ersir; Loegaire Maídit sochaidi isin dún dano marbad na Fomori. acht niro creit ind ingen dóib. Dorónad fothrucud lasin ríg iar sin &ersir; dobretha cách ar úair chuci. Tánic dano Cu Chulaind cumma cháich &ersir; dorat ind ingen aichni fair. Dobér in n-ingen duit for Rúad &ersir; ícfat féin a tinscra. Nathó for Cu Chulaind ticed dia bliadna co Herind im degaid mad ail di fogéba messi and.

Tánic cu Chulaind co r in glond dorignis ol Emer in cét fer ach n-inchomlaind do marbad. bid Glondáth a ainm co bráth ol Cu Chulaind.

Doróich Cu Chulaind co Crufait Ráe Ban a hainm ar thús co tici sin. Bentaiseom bráithbemenna mára forsna slúagaib isind inud sin coro maidset na srotha fola tarsi for cach leth. is fót cró in tilach sa indiu lat a Cu Chulaind fors ind ingen conid de sin dogarar Crufait di .i. Crófót .i. fót cró.

Doróich in t-íarmóracht forro co hÁth nImfuait for Boind. Teit Emer asin carput. dobeir Cu Chulaind tafond for in tóir coro sceindset na fóit a cruib na n-ech dar áth fothúaith. Dobeir tafond aili fothúaid co sceintis na fóit a cruib na n-ech for áth fodes. Conid de sin dogarar Áth nImfoit de dina fotaib adíu &ersir; anall. Cid fil and tra acht marbaid Cu Chulaind .c. for cach áth o Áth Scenmend for Ollbini co Boind mBreg. &ersir; comallastas ule na gnímu dorairngert dond ingin. &ersir; Téit slán iar sin co ranic Emain Macha fo demi ind aidchi sein.

Atnagar Emer hisin Craebrúaid co Concobur &ersir; co mathib Ulad olchena &ersir; ferait faelti fria. Boi fer duaig dothengtha do Ultaib istig .i. Bricriu Nemthenga mac Arbad. Conid and asbertside. Bid dolig em or se la Coin Culaind aní dogentar and innocht .i. in ben tuc leis a feis la Concobar innocht ar is leis coll cetingen ria nUltaib do gres. Nos fuasnaither im Coin Culaind andside oca clostecht sin &ersir; nos bertnaigend co ráemid in cholcid boí foí co mbatar a cluma for folúamain immón tech immá cúaird. &ersir; téit immach la sodain.

Atá dolig mór and for Cathbad acht is geis dond ríg cen an ro raid Bricni do dénam do Bíthus Cu Chulaind i&mmacr; intí fáefes lía mnaí. Gairther Cu Chulaind dún ol Concobar dús in fetfaimmís talgud a brotha. Tic iarom Cu Chulaind. Eirg dam ol Concobar &ersir; tuc dam lat almai fil dam hi Sléib Fúait. Téiti iarom Cu Chulaind &ersir; nos timmairg leis ina fuair do muccaib &ersir; d'aigib alta &ersir; d'ernail cacha fíada olchena hi Sleib Fúait &ersir; dosbeir i n-óenimmain leis co mboí faichthi na hEmna. Téit dano a ferc la sodain for ulu do Choin Chulaind.

Dogníther imacallaim oc Ultaib s í comarli arricht leó. Emer aidchi sin &ersir; Fergus &ersir; Cathbad homet enig Con Culaind. &ersir; bennacht émad. Fáemaid aid Concobar tinscra reth a enecland do chi sin lia bancheli. &ersir; niro scarsat íar sudiu co fúaratar bás díb linaib.

Atnagar cennacht macraidi Ulad do Choin Chulaind iar sin. Is iat so roptar macrad i nEmain ind inbaid sin dia n-ebairt in fili oc tabairt a n-anmand ós aird. Macrad Emna alli sluaig inbaid batar sin Craebruaid im Furbaide find in tslat im Chúscraid is im Cormac Im Conaing in Glasni nglan im Fíachaig is im Findchad im Coin Culaind cruadach ngle im mac mbúadach nDechtire Im Fíachna im Follomain and im Cacht im Mane im Crimthand im secht Mani i Sléib in Chon im Bres im Nar im Lothor Im se maccaib Fergais and im Ilarchles im Illand im Fíamain im Bunni im Bri im Mul im Chlaidbech im Conri Laegaire Cass Conall Claen is im da Ether ardcháem Mes Díad is Mes Dedad dil clanna Amargin Giunnaig Conchraid mac Cais a Sleib Smóil Concraid mac Báid Bernad Broin Conchraid mac in Deirc meic Find Conchaid Súana mac Sailcind Áed mac Findeirg ollach mbrec Áed mac Fidaig formna nert Áed mac Conaill cirrid cath Áed mac Duind Aed mac Duach Fergus mac Lete lith ngle Fergus mac Deirg meic Dáire Fergus mac Rois luadit raind Fergus mac Duib meic Crimthaind Tri meic Traiglethain trén blad Siduad Currech is Carman tri meic oc Uslend na n-ag Naisi &ersir; Anli is Ardan Tri Flaind tri Find tri Cuind ciúil anmand do noí macaib Sciúil tri Fáeláin tri Collai cain tri meic Neill tri meic Sitgail Lón is Ílíach aille fir comaltai Cormaic crichid tri Dondgais meic meic Rossa tri Dúngais tri Dáelgosa Aes dána do Chormac ciúil .ix. meic Lir meic Etersciúil a trí cuslendcha cáem in band Find Eochaid &ersir; Illand A chornaire ciúil iar sin im dá Áed is im Firgein trí drude denma glam ngér Athirne is Drec is Drobél A tri dálemain co mblaid Find Eruath is Fatemain tri ú Chletig comol ngle Uath Urud is Aslinge. Aed Eochaid airdairc Emna da mac aille Ilgabla mac Bricrend ro brunned bla erdairc ic macraid Emna. macrad E. a.

Compert Con Culaind inso sís a Libur Dromma Snechta

LÁA n-áen ro bátar mathi Ulad im Chonchobur i nEmain Macha. No thathigtis énlaith mag ar Emuin. Na gelltís conna facabtais cid mecnu na fér ná lossa hi talam. ba tochomtacht la hUltu a n-aicsiu oc collud a n-hírend. Imlaat .ix. cairptiu día tofund laa n-and ar ba bés léusom forim en. Conchobar dano hi sudiu inna charput &ersir; a fiur Deichtine os sí maccdacht. Is si ba hara dia brathair. Errid Ulad archenae inna carptib .i. Conall &ersir; Lóegaire &ersir; cách olchena. Bricriu dano leu.

Fusrumat a n-éin remib día ndaim tar Slíab Fúait tar Édmuind tar Brega. Ní bíd clad na hairbi na caissle im thír i nHére isind amsir anall co tanic remis mac nÁeda Slani acht maigi réide. ar imad na treb dano inna remis side iss aire conopartatar cocrícha i nHére. Ba hálaind tra &ersir; ba caín in t-énlorg &ersir; in t-énamar boí leu. Noí fichit én dóib. rond argit eter cach da én. Cach fiche inna lurg fo leith. noí luirg dóib. Samlaid da én bátar rempu cuing airgit etarru. Toscartha tri eúin dib co haidchi lotir ł a remib hi cend in Brogo. Is and ba hadaig for feraib Ulad. Feraid snechta mór foroib dno. Asbert Conchobar fria muintir ara scortís a cairptiu &ersir; ara cuirtis cor do chuingid tige dóib.

Luid Conall &ersir; Bricriu du chur cúarta fofúaratár óentech nue. Lotar ind. Foráncatár lánamain and. Boithus failte. Lotar ass coa muintir. Asbert Bricriu nibú fíu dóib techt don tig cen brat cen bíad. Ba cumung dano cid ar indus. Lotar dó cammaib. .i. doridisi Tubertatár a cairptiu leu. ní gabsat na mmár isin tig. Co n-accatar talmidu .i. iar sin dorus culi friu. In tan bá mithig tabairt biid dóib batir faelti meisc iarom fir Ulad &ersir; ba maith a thunithe. asbert in fer fri Ultu iarom boí a ben fri idna inna cuili. Luid Dechtine a dochum atdises .i. rucastar birt mac. Láir dano boí i ndorus in tige trogais .i. tusmis dí lurchuire. .i. dá serrach Gabsit Ulaith iarom in mac &ersir; dobertsom na lúrchairiu do mac⋅labri don macc. Alt Deichtine in mac. tráth bá maiten dóib is and asbert Concobar iss ed canid auga inso for se do ani conda accatar ní i n-airthiur in &mdot;broga cen eónu acht a n-echrada fadesin &ersir; a mmac cona lúirc Totháegat íar sin do Emain. Aleir leo a mmacc combu bláicce. Dafúabair galar iar sudiu. Atbail de. Ferthair a guba. Bá már a sáeth la Deichtine díth a daltai.

Baísu luge do dig oc tintud ón gubu. Tothlaigestar dig a llestar humi. Dobreth di co ndig nách mod donbered dia bélaib dolinged míl mbec iarsin lind dochum a bél o rauccad o bélaib nacc ní i nneuch scéinti lea hanail ho chud. Contuli iarom dadaig co n-accai ní in fer chuicci atagládastár asbert fria rubad torrach húad &ersir; bá hé nuda bert a dochum do Bruig. Ba leiss fétir. Baí in mac altae &ersir; ba hé tatharla inna broind &ersir; bid Setanta a ainm. &ersir; bá hésse Lug Lug mac Ethnend. &ersir; co n-altá ind lúirchaire din mac.

Bá torrach didiu ind ingen. Ba ceist mór lá hUltu nácon fes céle fora seilb dumet bá hómun leó bá ó Chonchobur thré mesci ar bá leis no foíed a &fdot;íur. Arnenaisc iarom Concobar a fíair do Sualdaim mac Róig. Ba mór a mélacht lea techt cosin fer i n-imdaí os sí alacht. A n-am luide don chrund siúil brúchtis bí a croith innallaili combu ógslán. Luid cosin fer iarom. Bá torrach atheroch ellam. Birt mac &ersir; doberar Setanta fair.

Is and sin iarom batár Ulaid hi comthinol i nEmain Macha in tan berta in mac. bátár iarom oc imchosnam cia dib no ebelad in mac &ersir; lotar i mbreith Conchobair. Asbert Conchobur. Beir duit a Findchóem in mac ol Concobar. Dofécai Findchoem in mac iarom. Carais mo chraidisea in mac so ol Findchoem conid cumma lem &ersir; bid he Conall Cernach. is bec duit etorro ol Conchobar .i. do mac féin &ersir; mac do derfethar. Conid and ro cháchain Conchobar inso.

.r.

Sochla brec becaltach búithig dág Dectire domroet ria sein secht carbtib sephaind úacht domm eochraidib airunutathig ernithib donnuc for set Sétanta

Geib duit in mac ol Conchobar beos fria fiair. .r. Niba si nod n-ebela em ol Sencha. acht is messe nod n-ailfea. ar am tren am trebar. am an am athlom athargaib. am ollom. am gáeth. nidam dermatach. Adgadur nech ría rig. arfochlim a insce. admidiur hi cath ria Conchobar cathbúadach. concertaim bretha Ulad &ersir; nis n-insorg. nim thorgnéa eter aite

.r. Cid messe ém nod ngaba ol Blai na héislis lemsa. ro ferad m. congairim firu coicid Herend n sechtmaine ł dema diberga. forrith a n or Fergus dorraegai

 TOCHMARC ÉTAINE

a thaigi &ersir; a gríanan co senistrib solsib fri techt ass &ersir; tobreth tlacht corcra impe &ersir; imchuirthe in gríanán sin lasin Mac Óc cach leth no théged &ersir; ba and contuiled cach n-aidchi occa chomaitecht do airec menman conda tanic a sult &ersir; a feth. &ersir; no línta in gríanán sin do lubib boladmaraib ingantaib combo de forberedsi di bolod &ersir; blath na lubi sainemail logmar.

Atchúas do Fuamnaig a ngrád &ersir; a mmíad doratad di lasin Mac Óc. Asbert Fuamnach fri Midir congarar deit do dalta co ndernsai chorai frib dib línaib &ersir; co ndechos for iarair Etaíne. Dotháet techt co Mac nÓc o Midir &ersir; luidsi día acallaim &ersir; dolluid Fuamnach timchell calléic co mboí isin Bruig &ersir; tobert in n-athaig cétnae fo Etaín conda bert asa gríanán forin fúamain forsa rabi ríam co cend .uii. mbliadna fo Herind conda timart athach gaíthe ar thrógi &ersir; lobrai conda corastár for cléthe tige la Ultu i mbátár oc ól co torchair isin n-airdig n-óir ro boí for láim mná Etair in chathmiled o Inbiur Cichmaine a coiciud Choncobair conda sloicside lasa loim gabais asind lestur co mbentai (?) di suidiu foa broind combo ingen iar tain. Dobreth ainm di .i. Etain ingen Étair. Di bliadain déc ar mili trá o gein tuissech Etaini o Ailill cosa ngein ndedenach o Étur.

Alta iarom Etain oc Inbiur Chichmuini la hEtar &ersir; .l. ingen impe di ingenaib tússech &ersir; ba hesseom noda biathad &ersir; no n-eted ar chomaitecht Etaini a ingini do gres. Lá n-and doib a n-ingenaib uilib isind inbiur oca fothrocud co n-accatar in marcach isa mmag cucu dond usciu. Ech dond tuagmar foran forlethan casmongach caschairchech foa suidiu. sídhalbrat uaine hi filliud immi. &ersir; léne fo derginliud imbi. &ersir; eo óir ina brut rosaiged a gúalaind for cach leth. Scíath argdidi co n-imbiul oir imbi fora muin. Scíatrach argit and. &ersir; tul n-oir fair. &ersir; sleg coicrind co fethan óir impi o irlond co cró ina laim. Folt findbudi fair co hetan. Sníthe óir fria étan conná teilged a folt fo agid. Assisedar sist forsin purt oc deiscin na n-ingen &ersir; ro charsat na ingena uili. conid and asbertsom in laid seo sís Etain indiu sund amne oc Síd Ban Find iar n-Albai eter maccaib beccaib di for brú Inbir Cíchmuini. s hí ro híc súil ind ríg a topor Locha Dá Líg is í asibed sin dig la mnaí nÉtair hi tromdig Is tría ág dossib in rí inna héonu di Thethbí &ersir; báidfid a dá ech i llind Locha Dá Airbrech Bíat imda coicthe ili tríat ág for Echaig Midi íaid togal for sídib &ersir; cath for ilmilib. Is í ro loited is tír is í archosnai in rig is í Be Find fris dogair is í ar nÉtaín iar tain. Etain indiu.

.n. Dochúaid úadib in t-óclaech iar sain &ersir; ní fetatar can dodeochaid ł cid dochóid iarom. O ránic in Mac Óc do acallaim Midir ní fornic Fuamnaig ara chiund &ersir; asbert .i. Midir fris bréc dorat in ben imond &ersir; día n-ecastar dí Etain do bith i nÉre. &ersir; ragaid do denam uilc fria. Domuiniur is dóig bid fír ol Mac Óc. Atá Étaín ocom thigsi isin Bruig o chíanaib isin deilb hi tarfas uaitsiu. &ersir; bes is cuice forobart in ben.

Dotháet Mac Óc día thig fora chulu co farnic a gríanán nglainidi cen Etaín and. Immasoí in Mac nÓc for slict Fuamnaige co tarraid for Óenuch Bodbgnai oc tig Bresail Etarláin in drúad. Fosnopair in Mac Óc &ersir; benaid a cend di &ersir; dobert lais a cend sin co rrabi for brú in Broga. Acht chena iss ed islicht i nn-inud aile conid la Manandán ro marbait a ndís .i. Fuamnach &ersir; Midir i mBri Léith día n-ébrad. Fúamnach báeth bá ben Midir Sigmall is brí co mbilib i mBrí Léith ba láthar lan ro loiscthe la Manandán.

Tochmarc Etaine inso beos.

GABAIS Eochaid Haeremon ríge nÉrend &ersir; argaillsat cóic coicid Erend dó .i. rí cach cóicid. Batár hé a rríg in tan sin .i. Concobar mac Nessa. &ersir; Mess Gegra. &ersir; Tigernach Tétbannach &ersir; Cú Ruí. &ersir; Ailill mac Mata Muirisci. Bátár hé dúine Echdach .i. Dún Fremain i mMidiu &ersir; Dún Fremain hi Tethbai. Fremain Tethbai bá inmainem lais do duinib Herend.

Arfócarar o Echaid for firu Herend feis Temra do dénam in bliadain iar ngabáil ríge fri commus a mbésa &ersir; a chisa dóib co cend .u. mbliadna. Ba inond aithesc la firu Herend fri Eochaid. Ní theclaimtís feis Temra do ríg cen rignai lais ol ni rabi rigan hi fail ind rig in tan ro gab flaith. Foídis Echaid techta cach cóicid úad fo Érind do chuingid mná ł ingine bad aldem no beth i nÉre dó. Ál asbert ní bíad ina farrad acht ben nad fessed nech do feraib Herend ríam. Fofrith dó oc Inbiur Chíchmuini .i Étaín ingen Etair. &ersir; dosbert Echaid iarom ar bá comadas dó ar cruth &ersir; delb &ersir; cenel &ersir; áni &ersir; oítid &ersir; airdarcus.

It é trí meic Find ł tri meic Findgaił meic Findloga meic na rígna .i. Eochaid Fedlech &ersir; Eochaid Airem &ersir; Ailill Anguba. Carais Ailill Anguba iarom Etaín hi feis Temra íar feis di la Eochaid. Fo dáig dognith ábairt dia sírsellad. &ersir; úair as descaid serci sírsilliud. Cairigsi a menma Ailill don gním sin dogéni &ersir; níbá cobor dó. Ba tressio tol aicniud. Focherd Ailill i serg de fó dáig naro tubaide fria énech &ersir; nách erbart frisin mnaí fodesin.

Dobreth Fachtnai líaig Echdach día imcaisiu in tan ro ngab céill for écaib. Asbert fris in líaig. acht nechtar na da idan marbtha duine nád ícat lege .i. idu serci &ersir; idu eóit it é fil innutso. Ní árdámar Ailill dó ar bá mebol lais. Forrácbad iarom Ailill hi Fremain Tethbai fri bás. &ersir; luid Eochaid for cuaird nErend &ersir; forrácbad Étaín hi fail Ailella co ndernaitís a thiugmaine le .i. cor clasta a fert coro hagtha a guba coro orta a cethrai.

A tech i mbith Ailill ina galur dothéged Etaín cach dia día athreós &ersir; bá lugaite a galarsom ón do suidiu &ersir; céin no bíth Étain isin magin sin no bithsom ocá déscin. Rathaigis Etaín aní sin &ersir; focheird a menmain airi. Asbert Etaín frisseom lá n-and a mbátár ina tig díb línaib cid día mboí fochond a galair. Atá dit seircseo ol Ailill. Dirsan a fot co n-erbart or sisi ropadat slán o chíanaib día fesmaís. Cid indiu badam slánsa mád áil daitsiu ol Ailill. Bid áil écin or si.

Dotéiged iar sin cach dia do folcud a chind &ersir; do thinmi bíd dó &ersir; do aurgabáil usci fora láma. Día teóra nómad iarom ba slán Ailill. Asbertsom fri Étain. &ersir; a testá dom icsa cuin rom bía uaitsiu ol Ailill Rot bía i mbárach ol si acht níba issin tossud na fírflatha dogéntar a col. Totaisiu i mbárach im dailsi cosin tulaig uasind lius.

Baí Ailill oc frithairi na aidchi. Contuli tráth a dála ní dersaig co tráth teirt ara bárach. Luid Étaín ina dailseom co n-accai in fer ara ciund co cosmailius crotha Ailella. &ersir; coínis in lobra a galair. A n-aithesc rop áil do Ailill iss ed ro ráidseom. Dofúsci Ailill tráth teirt. Fota fécais for torsi tráth dodeochaid Étaín isa tech. Cid dotgní torsech or si. Do foídiudsiu im dailse &ersir; ni ránac ar do chiund. &ersir; dorochair cotlud form conom érracht innossa. Isuachnid ní rrodchad mo ícsa. Ni bá són ol Étaín atá lá i ndegaid alaili. Gaibthi frithairi na haidci sin &ersir; tene mór ara bélaib &ersir; usci na farrad do thabairt foa súili.

Tráth a dála totáet Étaín ina dáil co n-accai in fer cetnae amal Ailill. Luid Etaín dia tig. Fecis Ailill oc cóí. Dolluid Étain co fá thrí &ersir; ní arnic Ailill a dáil. Co fornecsi in fer cétna. Ní fritso or si ro dálussa cía so thú dodeochaid im dáil. In fer frisro dálusa ní ar chul ł amles ticht ara cend acht is ar accuis tesairgne domnaí ríg Érend don galur fodrubi. Ba tochu dait tuidecht cucumsa ol in tan ropsa Étain Echraide ingen Ailella bá messi do chétmuinter. Bá íar do sárlúag do prímmaigib Herend &ersir; uscib &ersir; ór &ersir; argut co tici do chutrummae do fácbáil dar th'éis. Ceist ol sisi cia th'ainmsiu. ni handsa. Midir Breg Léith ol se. Ceist ol sisi cid ronn etarscar. ni handsa. fithnaise Fuamnaige &ersir; brechtai Bresail Echarlaim. Asbert Midir fri Étaín in ragaso limsa. Nathó ol sisi. Noco ririub ríg nÉrend ar fer ná fetar claind ł cenel dó. Is messi ém ol Midir dorat fó menmain Ailella do seircsiu co fota co torchair a fuil &ersir; a feóil de. &ersir; is messi thall cach n-accobor collaide n-airi na beth milliud enech daitsiu and. Acht téisiu limsa dom crich dia n-apra Eochaid frit. Maith lim ol Étain.

Tic iarom dia tig. Is maith ar comrac or Ailill sech rom ícadsa afechtsa ni fil imlot n-einig daitso and. Is amra amlaid or Étain.

Tánic Eochaid día chúaird iar tain &ersir; atlaigestár bethaid a brathar &ersir; budigthe fri hEtaín co mór a ndorigni co tánicsom

 Tochmarc nÉtaine dano so sís.

FECHT n-aile asraracht Eochaid Airem rí Temrach lá n-álaind i n-amsir samrata fosrocaib for sosta na Temrach do imcaisiu Maigi Breg. Boí fó a lí &ersir; fó bláth cach datha. A n-imracacha intí Eochaid imbi co n-acca in n-ócláech n-ingnad forsin tossad inna chomair. Fúan corcra imbi &ersir; mong órbudi fair co braini a da imdae. Rosc cainlech glas ina chind. Sleg cóicrind ina láim. Scíath taulgel ina láim co ngemaib óir furri. Sochtais Eochaid ar ní fitir a bith isin Temraig in n-aidchi ríam &ersir; ní orslaicthe ind lis in tráth sin. Tolluid ar inchaib Eochoda iar sain. Asbert Eochaid iarom fo chen dond láech nád athgénmár. Iss ed dorochtmár or in t-ócláech. nit athgénmár or Eochaid. Atotgénsa chetus ol in t-ócláech. Cía th'ainmseo ol Eochaid Ní airdairc són ol se Midir Breg Léith. Cid dotroacht ol Eochaid. Do imbirt fidcille fritsu ol se. Am maith se ém ol Eochaid for fithchill A fromad dún ol Midir. Atá ol Eochaid ind rigan ina cotlud is lé in tech atá ind fithchell. Atá sund chenae ol Midir fidchell nad messo. Bá fír ón clar n-argit &ersir; fir óir &ersir; fursunnud cacha hairdi forsin clár di liic logmair &ersir; ferbolg di figi rond crédumae. Ecraid Midir in fidchill iar sin. Imbir ol Midir. Ni immer acht di giull ol Eochaid Cid gell bias and ol Midir. Cumma lim ol Eochaid. Rot bia limsa ol Midir mád tú beras mo thóchell .l. gabur ndubglas ir é cendbrecca. croderga biruich bruinlethain bolgroin cosschóela. comrassa faeborda femendae aurárda aignecha sostaidi so

Iar sin doberar uir &ersir; grian &ersir; clocha forsin monai. Fri etnu dam dano bátár fedmand la firu Herend cosin n-aidchi sin. Co n-aicces la lucht in tsíde fora formnaib. Dogníth samlaid la Eochaid conid de atá dosom Echaid Airem ar is aice toísech tucad cuing for muinélaib dam do feraibHerend. Iss ed didiu and focol ro boí i mbélaib in tslúaig oc denam in tócuir.

.r. Cuire i lláim tochra i llaim aurdairc damrad tráthaib iar fuin fortrom ailges ni fes cuich les cúich amles de thóchur dar móin Lámraige.

Ni bíad isin bith tóchur bad ferr mani bethe oca ndéscin. Forrácbad de bochtae and iarom. Iar sin dolluid in rechtaire co Echaid &ersir; adfét scéla in mórfedma atconnairc fíadai &ersir; asbert nád rabi for fertas in betha cumachte dodrósce de.

A mbátar fora mbriathraib co n-accatár Midir chucu. ardchustal &ersir; drochgné fair. Atraigestar Eochaid &ersir; ferais faelti fris. Is ed dorochtmár ol Midir. Is torcda &ersir; is díchéill no taí frim mor decrai &ersir; mór aingcessa do thabairt form. Adethaind ní bad maith lat chena acht is bairnech mo menma frit. Ní bara fri búre daitsiu ón dogignestár do menma for Eochaid. Gebthar dano ol Midir. In n-imberam fidchill for Midir. Cid gell bias and for Eochaid. Gell adcobra cechtar dá lína for Midir. Berar tóchell nEchada a llá sin. Rucais mo thócell for Echaid. Mad áil dam no béraind ó chíanaib for Midir. Ceist cid adcobrai formsa for Echaid. Dí láim im Étain &ersir; póc di ol Midir Sochtais Echaid la sodain &ersir; asbert tís día mís ondiu doberthar dait aní sin.

In bliadain ría tuidecht do Midir co Echaid do imbirt na fidchille boí oc tochmarc Étaíne &ersir; nis n-étad leis. Is ed ainm dobered Midir di Be &Fdot;ind. conide asbert A Bé Find in raga lim i tír n-ingnad hi fil rind is barr sobarche folt and is dath snechta corp co ind. Is and nad bí muí na taí gela det and dubai brai is lí sula lín ar slúaig is dath sion ł is brecc and cech grúad Is corcair maige ł lossa cach maín is lí ł is dath sula ugai luin cid caín déicsiu Maigi Fail annam iar ngnáis Maige Máir. Cid mesc lib coirm Inse Fáil is mescu coirm Tíre Máir amra tíre tír asbiur ní theít oac and ré siun Srotha téithmillsi tar tir rogu de mid &ersir; fín doíni delgnaidi cen on combart cen peccad cen col Atchiam cách for cach leth &ersir; nicon n-acci nech temel imorbais Ádaim dodonarchéil ar araim A ben día ris mo thuaith tind is barr oir bias fort chind muc úr laith lemnacht la lind rot bia lim and a Bé Find. a B

bE matumchotaise om aithech tige ragsa fetai ni rag.

Is iar sin dolluid Midir co Echaid &ersir; dámair a thochell fó chétóir co mbeth folo acai do Echaid is airi ro íc na comada móra &ersir; iss airi is fó anfis conatig a gell. Conid iarsin giull adrubrad. In tan trá ro boí Midircona muintir oc íc comad na aidchi .i. in tóchor &ersir; dichlochad Midi &ersir; Luachair Tethbai &ersir; Fid dar Breifne iss é seo anno focł boí ocá muintir amalatbeir Leb<ex>ar </ex><sic corr="Dromma Snechta" resp="BB">Dro<ex>m</ex><gap extent="2 letters"/> Sn<gap extent="5 letters"/></sic>.

Cuirthe i lland tochre i lland airderg damrad trom in choibden clunithar fír ferdi. buidni balcthruim crandchuir forderg saire fedar sechuib slimprib sníthib scítha láma ind rosc cloína fo bíth óenmna dúib in dígail duib in tromdáim tairthim flatho fer ban fomnis fomnis in fer mbraine cerpae fomnid díad dergae fer arfeid solaig fri aiss esslind fer brón fort íer techta inde .i. more lámnad o Lúachair for di Thethbi dílecad Midi indracht cóich les cóich amles Tochur dar cech moin.

Dalis Midir día mís. Fochiallastar .i. ro tinóil Echaid formna láech nErend co mbátar hi Temraig &ersir; an ropo dech do fiannaib Herend cach cúaird imm araile im Temraig i mmedon &ersir; anechtair &ersir; is tig. &ersir; in ri &ersir; in rigan i mmedon in taigi. &ersir; ind lis íatai fó glassaib ar rofetatar doticfad fer in márchumacht Etáin boí ocon dáil ind aidchi sin forsna flathi ar ba saindán disi dál. A mbátar iarom fora mbriathraib co n-accatar Midir chucu for lar ind rigthige. Bá caínsom do grés ba caíni dano in n-aidchi sin. Tosbert i mmod na slúag atconnairc Sochsit uli iarom &ersir; ferais in rí faelti fris. Is ed dorochtmar ol Midir. An ro gellad damsa or se tucthar dam. Is fiach ma gelltar an ro gellad tucus daitsiu. Ní imrordusa for Echaid aní sin co se. Atrugell Étain féin damsa ol Midir ticht úaitsiu. Imdergthar im Etain la sodain. Ná imdergthar imut for Midir ní drochbanas duitsiu. Atusa ol se bliadain oc do chuingid co mmaínib &ersir; sétaib at áildem i nÉre &ersir; ní tucusa comad chomarlécud do Echaid. Ní tría deóas damsa ce dotchotaind Atrubartsa fritsu ol si conom rire Echaid nit rius. Atometha lat ar mo chuit féin díanom rire Echaid Nit ririub i&mmacr; for Echaid acht tabrad a dí láim imut for lár in tige amal ro gabais. Dogéntar for Midir. Atetha .i. Midir a gaisced ina láim chlí &ersir; gabais in mnaí foa lethoxail deis &ersir; fócoisle for forlés in tige. Conérget in tslúaig imón ríg íar mélacht forro. Co n-accatar in dá ela timchell na Temra. Iss ed ro gabsat do Síd ar Femun. &ersir; luid Echaid co formno fer nErend imbi do Síth ar Femun .i. Síd Ban Find. Ba si comarli fer nErend fochlaid cach síde tísed a ben dó úadib. Focechl

COMPERT MONGAN

decming a chobair di. di neoch bad chumacht. Asbertsa dagní didiu ar atá do chéle i &ndot;gúais már. Tucad fer húathmar ara chend nad forsabatár &ersir; atbéla leis. Dia ndernam mád tú caratrad berae mac de. Bid amre in mac bid Fíacnai dano. Regasa dun chath firfidir i mbárach im theirt aranícubsa &ersir; fessa in mílid ar bélaib fer nAlban. &ersir; asbert frit chéliusiu ar n-imtechta &ersir; as tussu rom foídi día chobair.

Dogníth samlaid. In tan reras in cath díarailiu co n-accatar ní in tslúaig in fer sainigthe ar beolo catho Áedain &ersir; Fiachna. Dolluid dochum Fiachna in tainredach &ersir; asbert fris accaldaim a mná a llá ríam &ersir; donindgell dia chobair isind uair sin.

Luid iarom resin cath dochum alaili &ersir; fich in mílid &ersir; memuid in cath ria nÁedán &ersir; Fiachna &ersir; dointaí Fíachna día chrích &ersir; bá torrach in ben .i. ben &ersir; birt mac .i. Mongan mac Fíachna &ersir; atlugestar a céli a ndogéni friss &ersir; addámirsi a imthechta uli. Conid mac do Manannán mac Lir intí Mongán césu Mo&ndot;gan mac Fiachnai dogarar dé. ar foracaib rand lía máthair a llude uadi matin a n-asbert Tíag dum daim dufail in matin bánglain iss é Monindan mac Lir ainm ind &fdot;ir dutárlid.

air Droma Scel asa mberar combad hé Find mac Cumaill Mongán &ersir; aní día fil aided Fothaid Airgdig a scél so sís

BAI Mongan hi Ráith Móir Maigi Lini inna rigu. Dolluid Forgoll file a dochum. Boí leis for cui ilar lánomnae ndó. Infeded in fili scél cacha aidche do Mongán. Bá sí a chomsae a mboth samlaid ó samuin co béltaine. seóit &ersir; bíad ho Mongán. Imcomarchuir Mongán a filid laa n-and cía haided Fothaid Airgtig. Asbert Forgoll goíte i nDubthair Lagen. Asbert Mongán ba gó. Asbert in fili nod n-aírfed dia áithgiud &ersir; no áerfad a athair &ersir; a máthair &ersir; a senathair &ersir; docechnad fora n-usciu conná gébtha íasc ina inberaib. Docechnad fora fedaib conna tibertaís torad fora maige comtis ambriti chaidchi cacha clainde. Dofarraid Mongán a réir dó di sétaib co tici secht cumala ł da secht .c. ł tri secht .c. Torgid a⋅ennad trían ł leth a feraind ł a ferand óg a⋅ennad acht a soíri a óenur cona mnai Breóthigirnd mani forsulcad co cend trisse. Atbobuid in fili uile acht mad cussin mnaí. Atdámuir Mo&ndot;gan fo bith a énech. Bá brónach in ben imme ressan. Ni gattad dér di gruaid. Asbert Mongán fria arnábad brónach bés dosnísed cobair.

Tánic de co tici a tres laa. Gabais in fili día nadmim. Asbert Mongán anad co fescor. Boí Mongan &ersir; a ben inna ngríanan. Ciid in ben in tan bá nessam a n-idnacul &ersir; nád accai a cobair. Asbert Mongan nadbad brónach a ben. Ásáe fer dotháet indossa diar cobair adhaim a chossa hi Labrinni. Anit etir.

Cích in ben aithiruch. Ná cíi a ben ásae fer dotháet diar cobair indosso adhaim a chossa hi Máin. No antais eter cach dá tráth in tucht sin. isind lóo no chiadsi asberadsa beus. Ná cí a ben fer dotháet diar cobair indossa adhaim a chossa hi Lemuin hi Loch Léin hi Samaír eter Uí Fidgente &ersir; Aradu hi Siúir ar Femun Muman hi nEchuir hi mBerbi hi Rurthig hi mBoind hi Níth hi Rig hi nOlarbi ar bélaib Rátha Móri.

In tan dunnánic adaig. boí Mongán inna chétud inna rígthaíg &ersir; a ben fora déserud osí brónach. In fili oca fúacru fora nglinne &ersir; a nadmand. Tráth mbátár and adfógarar fer dun raith andes. A brat hi forcepul immi &ersir; dícheltir inna láim nádbu érbec. Toling frissa crand sin tarna teóra ratha co mboí for lár lis di sudiu co mboí for lár ind rígthaige. Di sudiu co mboí eter Mongán &ersir; fraigid forsind adart. In fili i n-íarthur in taige fri ríg aníar. segair in chest isin tig feád ind oclaig dudánic. Cid dathar sund ol sudiu. Ro gellsom ol Mongán &ersir; in fili ucut im aidid Fothaid Airgtig. Asrubairtsom is i nDubthor Lagen. asrubartsa is gó. Asbert in t-óclách bá gó dond &fdot;ilid. Bid aithlig ol Forgoll cille dano dumm áithgeód. Ni baa són ol in t-óclách. Proimfithir. Bámárni latsu la Find ol in t-óclach. Adautt ol Mongán ní maith sin. Bámárni la Find trá ol se dulodmar di Albae. Immarnacmár fri Fothud nAirgtech hi sund accut for Ollorbi. Fichimmir scandal n-and Fochartso erchor fair co sech trít sol lluid hi talmain friss anall &ersir; co facab a iarnd hi talam iss ed a ndíceltar so ro boí isin gai sin. Fugebthar in máelcloch día rolusa a roud sin &ersir; fogebthar a n-airiarnn isin talam &ersir; fogebthar a ulad Fothaid Airgtig fris anair bic. Ata comrar chloche imbi and hi talam. Ataat a di foil airgit &ersir; a di bunne doat &ersir; a muintorc argit forma chomrair. &ersir; atá coirthe oca ulaid. &ersir; atá ogom isin chind fil hi talam din corthi. Iss ed fil and. Eochaid Airgtech inso. ra mbí Caílte i n-imaeriuc fri Find.

Éthe .i. dogníther lasin n-óclaic aricht samlaid ule &ersir; fofrítha. Ba hé Caílte dalta Find dodánic. Ba hé Find dano inti Mongán acht nad leic a forndisse.

 Scél Mongán inso

DIA mboí dano Forgoll fili la Mongan fecht n-and. Luid Mongan ar dún tráth di lóo fecht n-and. Foric in n-écsíne oc múnud a aiciuchta. Asbeir Mongán. Is búan. huli hi fola lumne. condarois íar techtu inna drechtu im druimne. Arceiss Mongan iarom dond éicsíniu boí hi fola na lumne bá terc cach n-adbar dó. Asbert friss dús imbad diuit &ersir; imbad maith a thaírus conid tingell intamus dó. Aírg didiu ol Mongán conris Síth Lethet Oídni co tucae liic fil domsa and &ersir; dobérae pún findairgit duit fadéin hi fíl di u&ndot;gi deac rot bía occo. It hé do huide de sunde do Chnuc Báne. Forricfe fáelte and fom bíthse hi Síth Chnuic. De sudiu do Dumu Gránerid. De ⋅udiu do Sith Lethet Oidni. Doberae damsa in liic &ersir; téissi do sruthair Lethet Oidni fogebai pun óir and i mbíat noi n-ungi damberae damsa let.

Luid in fer a fechtas dofornic lanamnai sainredaig ara chiund hi Síth Chnuic Báne fersat failte móir fri techtaire Mo&ndot;gán Bá sí a dú luide foranic alaili hi nDumu Granerit. Baíthi ind faelte chetna. Luid do Sith Lethet Oidni foránic dano lánamnai n-aili hi sudiu. Fersait faelti móir fri muintir Mongán. Ferthae a oígidecht co léir amal .m na haidchi aili. Baí airecol amrae hi toíb thaige na lánamnae. Asbert Mongan frisseom ara timgarad a echuir. Dogníth samlaid. Dobreth dó a echuir atnoilc. asbreth friss arná taibreth ní assin taig acht a foíte leiss. Dagní dobert in n-eochair aitherruch dun lanamain. Dobert i&mmacr; a liic leiss &ersir; a pún airgit. Luid iarom do sruthair Lethet Oidni dobeir in pún óir a sudiu. Dolluid afrithisi doch Mongán dobreth. dobreth do Mongan a liic &ersir; a o Beridseom a airget. Bátár hé sin a imtechtai.

 Tucait baile Mongán inso

EÍSSISTIR .i. iarfaigis ben Mo&ndot;gan .i. Findtigernd do Mongán ara n-indissed di diuit a imtech Gáidside di mithisse .uii. &mdot;bliadna. Dognith tánic de in t-áge hísin. Baí dál már la firu Herend i nUsniuch Midi blíadain éca Cíaran maic in tsaír &ersir; gona Tuatail Maíl Gaírb &ersir; gabala rigi du Díarmait. Bátar in tslúaig for Usniuch. Tusfúabart cassar mór and. Bá si a mét. Dí prímglais deac foráccaib ind óenfross i nÉre co bráth. Atrecht Mongán mórfessiur sin charnd for leth &ersir; a rígan &ersir; a senchaid Cairthede mac Marcáin. co n-accatár ni in less &mdot;bilech mbroinech sainemail. Tiagait dó Con lotar issin less tíagait isin n-arecol n-amrae and. tonnach crédumi forsin taig. Grenán hoímind fora senestrecha. marfessiur deligthe and. Tárgud amra isin taig do cholcthechaib &ersir; brothrachaib &ersir; di sétaib ingantaib .uii. taulchubi de fín and. Fertha faelte fri Mo&ndot;gan isin taig. Anais and gabais mesce. Is and didiu cáchain Mongán and sin in mbaili don mnaí fó bíth donningell infessed ní di dia imtechtaib. Indar leó nibo érchían bátar isin taig. Nibo aidbliu leó bith óenadaig. Batár and i&mmacr; bliadain láin. a ndifochtrassatar co n-accatár ba hí Raith Mór Maige Line i rrabatar.

 Inna hinada hi filet cind erred Ulad inso. A lLibu HOND úair dundánic Fáilbe d'Elíu iar n-imram chu indid damse cit n-armand hi fil chand erred Ul Iarna thabairt do Maig Breg do Raith Emnae tuaith A adradnacht cend Conchobuir fora cholaind i mMachi. Góeta di ág mná Celtchair cinid cech ind ha hisil. cend Blai Briugad íar n-insu danéim hEmuin fades