]> The deaths of Lugaid and Derbforgaill Aided Lugdach occus Derbforgaille An electronic edition Carl Marstrander edited by Carl Marstrander Electronic edition compiled by Beatrix Färber Students at the CURIA Project University College, Cork First draft. 1475 CELT: Corpus of Electronic Texts: a Department of History project at University College, Cork
College Road, Cork, Ireland—http://www.ucc.ie/celt
2015 CELT online at University College, Cork, Ireland. G301028

Available with prior consent of the CELT programme for purposes of academic research and teaching only.

 Manuscript Sources Dublin, Royal Irish Academy, MS D IV 2; vellum; 15th century: f 52va-53rb. Dublin, Trinity College, MS H 3.18 (cat. 1337); vellum and paper 16th century?: XXII, p 728-731. Dublin, Trinity College, MS H 2.18 (cat. 1339) (Book of Leinster or Leabhar Laigneach, formerly Leabhar na Núachongbála); vellum; late 12th, perhaps early 13th century: p 125a-125b. Edition and translations Carl Marstrander, The deaths of Lugaid and Derbforgaill, Ériu 5 (1911) 201–218 [includes English translation]. Ann Dooley, in: Angela Bourke, Siobhán Kilfeather, Maria Luddy, Margaret Mac Curtain, Geraldine Meaney, Máirín Ní Dhonnchadha, Mary O'Dowd and Claire Wills (eds.), The Field Day anthology of Irish writing, iv (Cork 2002) 204–206 [English translation]. Literature Rudolf Thurneysen, Die irische Helden- und Königsage bis zum siebzehnten Jahrhundert, Teil II, (Halle/Saale 1921, reprinted Georg Olms: Hildesheim & New York, 1980) 426–428. Internet availability Carl Marstrander's full article including variants is available via JSTOR. The edition used in the digital edition Kuno Meyer and Carl Marstrander The deaths of Lugaid and Derbforgaill Ériu 5 Dublin Hodges Figgis 1911 208–213

CELT: Corpus of Electronic Texts

Text has been checked and proof-read twice.

The electronic text represents the edited edition. Variants are omitted. Editorial corrections are marked corr sic="" resp="CM". Supplied text is marked sup resp="CM". Editorial expansions are marked ex.

Direct speech is marked q.

Hyphenation has been introduced.

div0=the saga; p: the editors' paragraph; page-breaks are marked pb n="" Lines of verse are marked.

Names are not tagged, nor are terms for cultural and social roles.

 900–1200 Text is in Middle Irish. Aided (death tale) prose medieval 2015-06-21 Beatrix Färber ed. Header constructed, file parsed, SGML and HTML versions created. 2015-06-19 Beatrix Färber ed. Encoding updated, file proofed (2). 1995? Students at the CURIA Project Text proofed (1) and basic structural markup applied. Text scanned. 1995? Students at the CURIA Project data capture Text scanned. Aided Lugdach occus Derbforgaille

Derbfhorgaill ingen ríg Lochlainne rocharastar Coin Culainn ara urscelaib. Do-lluid anair i r-richt da géise &ersir; a h-inailt co m-bátar for Loch Cuan &ersir; rond óir eturru. Amail ro boí dano Cú Chulainn ocus Lugaid a dalta .i. mac na Tri Find Emna laa and la tóib ind locha co n-accatar na h-eonu. Dibairg na h-eonu, or Lugaid. Do-lleici Cú Chulainn cloich forru co n-dechaid eter a h-asna co m-boí ina broind. Batar da deilb duine issin tracht fochetoir. Olc robá rim, ar ind ingen, &ersir; is tú doroacht. Is fír, ar Cú Chulainn. Ro shúgi íarum a tóeb na ingine in cloich co m-búi ina beolu cosin loim chró ro bói impe. Is dot insaigid tánac-sa tra, or si. Nathó a ingen, or se. In tóeb ro shúgiusa, or se, ní chomraiciubsa riss. Dombéraso dano do neoch bas maith lat. Is maith limsa ém, or se. dul duitsiu cosin mac as sóiriu fil i nh-Érinn .i. Lugaid Riab &ndot;-Derg. Maith lim, or si, acht conotaccur do grés. Luid iarum co Lugaid co r-ruc claind dó.

Laa and didiu i n-deriud gemrid. Snechta mór and. Doniat na fir corthe mór don t-shnechtu. Lotar na mná forna corthe. Ba h-é a tuscurnud. Tabram ar mún isin coirthe dús cia as sia ragas ind. In ben o ría triit is í as fherr co&ndot;gaib úan. Ni roacht didiu uadib. Co&ndot;gairther Derbforgaill uadib. Nirbo áill lea or nirbo bæth. Téit arai forsin corthe. Roselaig uade co talam.

Dia fessatar trá ind fhir so nícon grádaigfider i fail na óinmná Gatair a súile assa cind &ersir; a sróna &ersir; a da n-ó &ersir; a trilis. Niba soaccobraite ón.

Do-gnither a pianad amlaid sin &ersir; berair iartain da tig. Batar ind fhir is tilaig i n-dáil os Emain.

Is i&ndot;gnad lem, a Lugaid, ar Cú Chulainn, snechta for taig Derbforgaill.

Is i n-écaib atá si didiu, ar Lugaid.

Tiagait for comluath dochum in taige. Amail ro chuala si ón dunaid a tech furri.

Oslaic, ar Cú Chulainn. Caín bláth forroscarsam, or si.

Is and asbert: Celebraid Cú Chulainn dam. domriacht om íathaib iúil: &ersir; Lugaid luth la beirt. dia tartus seirc nachimchiúil. Isim éicen dul i cían ní fo fechta nodamét scarad friu bid dál éicne. menimthistais écne éc. La Coin Culainn la Lugaid risnarom úath na h-ómon: menbad athber co nathlech. nibad aithrech ar comol. Comul scartha fri Riab &ndot;-Derg. is delg i cridi cró cnis: Cú Chulainn do bith in i&ndot;gnais. dirsan menbad leca lis. Menbad leca Lis Lugdach. lasarumnad cach &ndot;-derba: ba romoch ar n-étarba. fri mac na Tri Find Emna. Nach accimse Coin Culainn domringne dérach dubach: Díthre mo thúath tragamar &ersir; scarad fri Lugaid. Nimrumartsa mo fhianchara. Cú Chulainn caraid bruafad: bái dam ceile soer subaid Lugaid mac Clothrand Cruachan. Buaid gaile buaid clis ria cách. do Choin Culainn cruth rodnaí: buaid &ndot;-gaiscid do Lugaid lúath. buaid mo chrotha sech cech mnaí. Cach buaid bid dimbúaid iartain cipia frisa ferthar tnú: cach indbass bid indless núag. cach trén bid truag nó bid trú. Sirechtach dál in bith cé. ní sét frisnemnech do-gní: torbais dál báis sech cech &ndot;-dúis, gnúis chaín cid álaind a lí. Nimdagenair cridi crúaid. dober téb fri ailethuith: ara mence shoas gné a gnúis ri úair &ndot;-dochraite. In tan imreidmis Emain. a Temair nírbo drochband: Cú Chulainn and ba subaid. &ersir; Lugaid mac Clothrand. Cú Chulainn dam d'acallaim. co &ndot;-gnímaib danaib dubtaig: issed bas lán lam chride. &ersir; lige la Lugaid. Roscarsam friar namalla. oca mbimmís fri cach sel bés no comairsem nach tain. rodelbad dam dul ar cel. C.

Issed atberatsom ní baí a h-anim intisi in tan tancatar-som istech innund. Asbertat dano ba marb Lugaid achetoir oca descin. Luid immorro Cú Chulainn isa tech cosna mná co tarat a tech forthu conna tudchid fer na ben i m-bethaid assin tig sin .i. dona tri coicdaib rigan acht ros-marb uile. Is and asbert Cú Chulainn: Derbforgaill bruinne gel bán. domriacht dar srotha sáil: ba rath carat rodam-fír. ingen ríg a Lochlaind láin. O ro bói eter da fhert do-gní mert mo chride cnó: gnúis Derbfhorgaill fo licce leirg. Lugaid Riab &ndot;-Derg dirsan dó. [Ba h-allud mor do Lugaidh ba maith dorrumad orcainn: ised doroigai Lughaid fomrumaith oc Derbforcaill.] Ba h-allud mór do Lugaid boí fora chrannaib glee: coica cetguine cen dáil ba h-annud cacha ree. Derbforgaill clú co n-áne co &ndot;-genus &ersir; fhéle: nocorala cor n-uabair gnúis dar gualaind a ceile. Trí coicait ban i n-Emain is me doruid a n-orgain: cia fogelmais ríg na túath ba luag dóib Derbforgaill.

D. .i. dér ingen Forgaill rig Lochlainde. Ro lad a fert &ersir; a l-lia la Coin Culainn.