]> Brinna Ferchertne [Laud 610] An electronic edition unknown Kuno Meyer Electronic edition compiled by Ruth Murphy Beatrix Färber Dara Mac Domhnaill University College, Cork First draft, revised and corrected. 1280 CELT: Corpus of Electronic Texts: a project of the Department of History, University College, Cork
College Road, Cork, Ireland—http://www.ucc.ie/celt
2009 2012 CELT online at University College, Cork, Ireland. G301023

Available with prior consent of the CELT programme for purposes of academic research and teaching only.

 Manuscript Oxford, Bodleian Library, Laud Misc. 610 fo. 117 b1–118 a2. For full details see Brian Ó Cuív (ed.), Catalogue of Irish Manuscripts in the Bodleian Library at Oxford and Oxford College Libraries; 2 vols. (Dublin Institute for Advanced Studies, 2001–2003). Secondary literature Rudolf Thurneysen, Die irische Helden- und Königsage bis zum siebzehnten Jahrhundert (Halle 1921) 437–440. The edition used in the digital edition Kuno Meyer Brinna Ferchertne Zeitschrift für Celtische Philologie 3 Halle/Saale Max Niemeyer 1901 40–46

CELT: Corpus of Electronic Texts

The present electronic text covers Kuno Meyer's edition on pp. 40–46.

The text has been proof-read twice.

The electronic text represents the edited text. Text supplied by the editor is tagged sup resp="KM".

Direct speech is marked q if tag nesting allows.

Soft hyphens are silently removed. When a hyphenated word (hard or soft) crosses a page-break, this break is marked after completion of the hyphenated word. Apart from this, the editor's hyphenation has been retained.

div0=the whole poem; page-breaks are marked pb n=""/.

Names are not tagged, nor are terms for cultural and social roles.

 By unknown scribes in Irish monasteries. c.900-1000 Text is in Old and Middle Irish. A note is in English. saga poetry medieval 2012-03-05 Beatrix Färber ed. Header updated; header modified; new wordcount made. 2009-02-03 Beatrix Färber ed. File proofed (2). File parsed. SGML and HTML files created. 2009-02-02 Beatrix Färber ed. XML header created. 2008-01-06 Ruth Murphy ed. SGML header constructed and bibliographical details compiled. 2006-12-22 Ruth Murphy ed. File converted to SGML and proof-read (2); new content mark-up applied to text; structural mark-up inserted. 1996-07-30 Dara Mac Domhnaill ed. Text captured by scanning; file proof-read (1); content mark-up added to file. Brinna Ferchertne inso trīana codlud. Atchīu dā choin ac congail ferda comraim co n-áne: is Cūculaind conmāide bās Chonrūi mic Dáre. Héraind rogabsat Hērind, bātir līnmair a fini, gabsat cōiced cen tusled corrice Uisnech Mide. Fichsetar mōr do chathaib, bātir crōdai na saithi, contolsat aidchi i Temair oc saiged d'Emain Machi. Ba di cherddaib Chonrói dia ngeogain fēnnid Fliuchna, ba hed bunad a chēsta dia n-acht na hercca Iuchba. Dia sāraigestair Ultu, ba scēl fota fri turaim, īar feis fri curach codail bert Blathnait ō Coinchulaind. Bāi Cūchulaind for īarair, blīadain lān dó hi tói, co fitir eōlas athlam dochum chathrach Conrói. Dia mert a ben Coinrói, ba holc in gnīm dogēni, sech nī thērna hi sēgdu, fācbas Ērnu fo mēli. Romert Blathnait ingen Minn in argain inn-Argatglind, olc gním do mnái brath a fhir, dáig ba maith donderuidir. Cumrecht a folt do hailib, do cholbaib, cródu scélaib, atract foraib, Cúrói, ropo chomērgi trēnfir. Docher cēt fer dia hērgiu īarna cuimriuch i n-ailib, trī chōecait fer cen shodain, ocus cōeca hi fuilib. Cid tarraid Cūchulaind cona claidiub fadessin, conidfargaibh i cossair for formnaib saera sessir. Sīactatar as for slēbib, dīgalsat fēnnid Fliuchna, sech bertatar a cathle, actatar erca Iuchna. Tarraid Senfīaccail Setnach, dīmelta lecthi a chnāmi, gabsi fulung co ndēni īar ndīth anma mic Dāre. Ced fer gāire na flatha, ba maith fri hētacht catha, tescais coicait fer n-armach, īar sain damair a marbad. Dosrelic Tredornán dall for slúag nUlad, nīrb inmall, nertlia nóethech, núall nād baeth, marbais trí fichti fírlaéch. Comram Echdach mic Darfind, fil a thindrem issin glind, bec a fis do neoch ar atá cair cia rolá lecca ind. Comram Echdach mic Darfind ōtha rind corrici in n- glind, marbais cét fer fo chomlond condatarraid écomlonn. Īar sain tucad écomlond for Echdaig, nī fo chumlond, co fil a charnd for Maig Rois a lín robói deas anfois. Dosfarraid Cairpri Cūanach, marbais cét fer, dál mbrígach, robága fri Conchubor mani bad a muir mílach. Dosfarraid Cló co mbarainn, marbais cét fer dia fairind, cid mór a nert hi colaind, fúir a lecht la Conchulaind. Dosfarraid Rus mac Dedad, ocus tailc trén a bunad, ba di dígail a curad gegnatar ócu Ulad. Īar sain tarraid Nemtes drúi, rofitir ní aridmbái, cethri dechenbuir robí, atherracht ind co fo trí. Dosfarraid Foraí fīanach, fer nad gillad ar gári, dosfarraid Dēdornd dúalach, cartais na slúagu a háni. Tarraid Ferdomon, ferais debaid, ār bodbda bronnais, bí a dornd ar comlond cain do Fiachaig mac Concobair. Dosfarraid mac Riangabra, Ingeilt a hainm co n-áni, bert Carpre mac Conchoboir fo tonnaib serba sáile. Lugaid ocus Lóegaire fersat debaid dar dā bran, fácbaid a charpat dia chur is a faraid ina scur. Cotgart Lóegaire don tslúag, mida mín ticed úad: Brissem fír fer forsin lōech dús in dersamis ar sāeth. Gabsi Fergus for a grúad arnach romarbad in slúag, īar sain rosīach(t) cert curad for ócu amra Ulad. Trí fichit láa dó for leirg, fer cecha lá inna cheird, bátir hé sein a hélaing condatáncatar Héraind. Īar sain táncatar Héraind dia réir ar-ríg domrímid, secht fichet ar secht cétaib, secht cét míle do mílib. Scortside for maig Henaig, ba hann cotricht in debaid, acta fri alla argait, conid de attá in cath charpait. For leirg lectaig fersat núall, ba hand cotránic in slúag, is ed a hainm foridtá ocus nocha n-ed nammá. Is trúag a comrac amne Blathnaite ocus Fercertne, co fil a lecht díblínaib hi Laind Chindbera āssin rind. Atchīu teor erca Echdai, ní meirb docengat latha, adchīu daglaechuin(?) beth, adchīu graige cach datha. Atchīu curchu la habaind, adchīu galaind forsngabther, atchīu dírim dar magthech, adchīu laech forsnālamther. Atchīu gin húi Nessa cessa fri fiansa forbair diasnad Hériu ergair, atciu-saHere fo. 118a2 ends hi congail. Atchiu.