]> Serglige Con Culainn Seirgligi Con Culaind inso sís &ersir; Óenét Emire An electronic edition Myles Dillon unknown Electronic edition compiled by Beatrix Färber Maxim Fomin Philip Irwin University College, Cork Professor Marianne McDonald via the CELT Project Second draft. 10140 CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt
2000 2010 CELT online at University College, Cork, Ireland. G301015

Available with prior consent of the CELT programme for purposes of academic research and teaching only.

Hardcopy copyright lies with the School of Celtic Studies (Dublin Institute for Advanced Studies).

 Manuscript sources Dublin, Royal Irish Academy, Lebor na hUidre (Book of the Dun Cow), fol. 43a–50b. Dublin, Trinity College Library, MS H. 4. 22, fol. X, 89–104. Editions Eugene O'Curry, The Sick-bed of Cuchulainn and the Only Jealousy of Eimer. Quoted from the Yellow Book of Slane in Leabhar na hUidre, p. 43. Atlantis 1 (1858) 362–369; 2 (1859) 98–124. Text from from the Yellow Book of Slane in Leabhar na hUidre, with facs. specimen of p. 43, and translation. Brian O'Looney, The Sick-bed of Cuchulainn and the Only Jealousy of Emer, In: John T. Gilbert, Facsimiles of the National manuscripts of Ireland, Pt. II, Appendix IV, London 1878. Text from Lebor na hUidre version with facsimile specimen of pp. 43, 44 and translation. Ernst Windisch, Serglige Conculaind, Cuchulainns Krankenlager und die einzige Eifersucht Emers, In: Irische Texte mit Wörterbuch, I, 197ff, Leipzig, 1880. Text from Lebor na hUidre version with variants of H. 4. 22, p. 89. [German]. Richard Irvine Best and Osborn Joseph Bergin, Lebor na hUidre: Book of the Dun Cow, ll. 3220–4039, Dublin, 1929. Roland Mitchell Smith, On the Bríatharthecosc Conculaind, Zeitschrift für Celtische Philologie 15 (1924) 187–198. Text and translation. Myles Dillon, Serglige Con Culainn, Columbus, Ohio, 1941. Text from Lebor na hUidre version with a translation, notes, and a complete vocabulary. Myles Dillon, The Trinity College text of Serglige Con Culainn, Scottish Gaelic Studies 6 (1949) 139–175; 7 (1953) 88 [corrigenda]. Text from H. 4. 22 with some readings from Lebor na hUidre. Myles Dillon, Serglige Con Culainn, Dublin, 1953 (=Mediaeval and Modern Irish Series, vol. 14). Text based on Lebor na hUidre version with notes and vocabulary. Translations See under Editions. Georges Dottin, Cuchulainn malade et alité [French], In: Henry d'Arbois de Jubanville, Littérature épique de l'Irlande, 170ff, Paris, 1892. Henry d'Arbois de Jubanville, Maladie de Cûchulain et unique jalosie d'Emer [French], in: Littérature épique de l'Irlande, Paris, 1892. Eleanor Hull (ed.), The Instruction of Cuchullin to a Prince, from the translations of Eugene O'Curry and D'Arbois de Jubanville, in: The Cuchullin Saga in Irish Literature. Being a collection of stories relating to the hero Cuchullin, translated from the Irish by various scholars, 229ff, London, 1898. [translation, notes, map] Rudolf Thurneyesen, Wie Culanns Hund krank lag [German], in: Sagen aus dem alten Irland, übersetzt von Rudolf Thurneysen, 81–108, Berlin, 1901. [Available on CELT]. Arthur Herbert Leahy, The Sick-bed of Cuchulainn, In: Heroic Romances of Ireland, vol. I, 51ff, London, 1905. Translation into English prose and verse with special introductions and notes. (Reprinted with corrections in: Tom Peete Cross and Clark Harris Slover, Ancient Irish Tales, London, 1937). Roland Mitchell Smith, On the Bríatharthecosc Conculaind, Zeitschrift für Celtische Philologie 15 (1924) 187–98. Text and translation. Myles Dillon, Serglige Con Culainn, Columbus, Ohio, 1941. Text from Lebor na hUidre version with a translation, notes, and a complete vocabulary. Myles Dillon, The Wasting Sickness of Cú Chulainn, Scottish Gaelic Studies 7 (1953) (pt. 1 1951) 47–88. Translation of H. 4. 22 text with notes. Christian J. Guyonvarc'h, La Maladie de Cuchulainn et l'unique jalousie d'Emer [French], Ogam 10 (1958) 285–310. Translation based on: Myles Dillon, Serglige Con Culainn, Dublin, 1953, with notes. Secondary literature Sir John Rhys, Lectures on the origin and growth of religion as illustrated by Celtic heathendom (Hibbert Lectures), London 1886, 458ff. Heinrich Zimmer, Keltische Studien [V. Ueber den compilatorischen charakter der irischen Sagentexte Lebor na hUidre 5. Serglige Conculaind], Zeitschrift für vergleichende Sprachforschung 28 (1887) 594–623. Alfred Nutt, The Celtic Doctrine of Re-birth (Grimm Library No. 6, Voyage of Bran, vol. II), London 1897, vol. I, 152ff. Rev. Paul Walsh, On a Passage in Serglige Conculaind, Zeitschrift für celtische Philologie 8 (1912) 555f. Richard Irvine Best, Notes on the script of Lebor na hUidre (7 plates), Ériu 6 (1912), 161–174. Rudolf Thurneysen, Die irische Helden- und Königsage bis zum siebzehnten Jahrhundert, Teil I, Halle (Saale), 1921, 413–426. Myles Dillon, On the text of Serglige Con Culainn, Éigse, 3 (1941) 120–29. Myles Dillon, On three passages in Lebor na hUidre, Speculum 15 (1940) 280–285. New translation of ll. 3517–33, 3856–77, 3537–8 with text. Kenneth Jackson, [Review], Speculum 20 (1945) 352–54. Gerard Murphy, [Review], Béaloideas 20 (1950) 192–94. Maura Carney, [Review], Éigse 7 (1953/55) Pt. 4, 281–85. Michael A. O'Brien, Two passages in Serglige Con Culainn, Celtica II (1954) 346–9. Howard Meroney, [Review], Journal of Celtic Studies 2 (1958) 243–6. Julius Pokorny, [Review], Zeitschrift für celtische Philologie 27 (1958/9) 319. Gerard Murphy (ed.), In: Early Irish lyrics: eighth to twelth century, Oxford, Clarendon, 1956: Rānacsa, rem rebrad rān, (42. Lóeg's description to Cú Chulainn of Labraid's home in Mag Mell), 106–11. Text from Lebor na hUidre version. Julius Pokorny, On a Passage in Serglige Con Culainn, Celtica 3 (1956) 309–10. (Miscellanea Celtica, no. 4.) Christian J. Guyonvarc'h, Irlandais Fand, nom propre, fand 'plume, oiseau', à; propos d'un jeu étymologique, Ogam 11 (1959) 440. (Notes d'étymologie et de lexicographie celtiques et gauloises (4), no. 13.) Vernum Hull, A precept in Serglige Con Culainn, Zeitschrift für celtische Philologie 28 (1960/61) 252–53. David Greene & Frank O'Connor (eds & trs.) Fég, a Loíg, dar th'éis! In: A golden treasury of Irish poetry, A.D. 600 to 1200. London [etc.] Macmillan 1967:130–133. Raymond Cormier, La lamentation de Fann et l'hypothése des sources celtiques de l'amour courtois, Le Moyen Age 75 (1969) 87–94. Trond Kruke Salberg, The question of the main interpolation of H into manuscript part of the Serglige Con Culainn in the Book of the Dun Cow and some related problems, Zeitschrift für celtische Philologie 45 (1992) 161–81. John Carey, The uses of tradition in Serglige Con Culainn, In: J. P. Mallory & G. Stockman (eds.), Ulidia, Proceedings of the First International Conference on the Ulster Cycle of Tales, Belfast (1994) 77–84. Tomás Ó Cathasaigh, Reflections on Compert Conchobuir and Serglige Con Culainn, In: J. P. Mallory & G. Stockman (eds.), Ulidia (1994) 85–90. John Carey, Eithne In Gubai, Éigse, 28 (1994–5) 160–4. Kaarina Hollo, Cú Chulainn and Síd Truim, Ériu 49 (1998) 13–22. The edition used in the digital edition Serglige Con Culainn Myles Dillon First edition One volume. xviii + 93 p V Contents, vii Abbreviations, ix Introduction, 1–29 Text, 30–45 Notes, 46–90 Vocabulary, 91f Personal Names, 93 Place-Names. Dublin Institute for Advanced Studies Dublin 1953 Reprinted 1975 Mediaeval and Modern Irish Series 14

CELT: Corpus of Electronic Texts

The present text represents pages 1–29 of the volume. Variant readings have been incorporated into the digital text.

Text has been checked and proofread twice. All corrections and supplied text are tagged.

Hyphens have been inserted after mutated words with h- in anlaut and after nasalisation. When a hyphenated word (hard or soft) crosses a page break or line break, the break is marked after the completion of the hyphenated word. Normalization: Instances of characters carrying a punctum delens have been rendered as the corresponding character + h.

div0=the saga; div1=the section. Page breaks are marked pb n=""; and line breaks lb n="". Poems are treated as embedded texts; line groups are marked and numbered.

Personal names, organisation names and place names have been tagged.

 By one or more unknown author(s). The story belongs to the later Old Irish period. c.800–c.1000 The whole text is in late Old Irish. saga Ulster Cycle prose medieval Cú Chulainn 2011-09-12 Beatrix Färber ed. Additions and modifications made to header. 2010-04-27 Beatrix Färber ed. Conversion script run, header updated; new wordcount made; file parsed; new SGML and HTML versions created. 2008-10-04 Beatrix Färber ed. Header modified; keywords added; file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T15:49:58+0100 Peter Flynn ed. Converted to XML 2003-11-19 Peter Flynn Validation Minor corrections to markup 2000-11-20 Beatrix Färber ed. File re-parsed using GNU Emacs; markup revised; handlist inserted into header; HTML file created. 2000-10-17 Maxim Fomin ed. Second proofing, markup of personal names, organisation names and place names; revision of structural markup; insertion of bibliography. 2000-10-13 Beatrix Färber ed. Header created: file parsed using GNU Emacs. 1996-09-20 Philip Irwin ed. First proofing, structural markup added. 1996 Staff at Titus Project ed. Text capture. Seirgligi Con Culaind inso sís &ersir; Óenét Emire

Óenach dogníthe la Ultu cecha blíadna .i. tri lá ría samfhuin &ersir; tri laa íarma &ersir; lathe na samna feisne. Iss ed eret no bítis Ulaid insin i m-Maig Murthemni, oc ferthain óenaig na samna cecha blíadna. Ocus ní rabe isin bith ní dognethe in n-eret sin léu acht cluchi &ersir; chéti &ersir; ánius &ersir; áibinnius &ersir; longad &ersir; tomailt, conid de sin atát na trenae samna sechnón na h-Érend.

Fechtas and trá fertha óenach la h-Ultu i m-Maig Murthemni. Ocus ba h-airi no fertha léu fo bíth tabarta do chách a chomraime &ersir; a gascid do grés cecha samna. Ba bés léu dano di ág inna comraime ferthain ind óenaig .i. rind aurlabra cech fhir no marbtais do thabairt inna m-bossán. Ocus dobertis aurlabrai na cethrae do ilugud na comram h-i sudiu, &ersir; dobered cách a chomram and sin ós aird, acht bá cách ar úair. Ocus is amlaid dognítis sin &ersir; a claidib fora slíastaib in tan dognítís in comram. Ar imsoítis a claidib fríu in tan dognítis gúchomram. Deithbir ón, ar no labraitis demna fríu dia n-armaib conid de batir comarchi forro a n-airm.

Táncatar Ulaid uli dochom ind óenaig acht días nammá .i. Conall Cernach &ersir; Fergus mac Roig. Ferthair a n-óenach, ol Ulaid. Ní firfider, ol Cú Chulaind, co tí Conall &ersir; Fergus. Fo bíth ba h-aiti dó Fergus &ersir; ba comalta Conall Cernach. Asbert Sencha íarom: Imberthar fidchella dún coléic, &ersir; caniter dréchta, &ersir; agat clesamnaig. Dogníther íarom aní sin.

A m-bátar and íarom tairnid énlaith forsin loch ocaib. Ní bátar i n-Ére énlaith ba chaíni. Batar imtholtanaig na mná imna h-éonu imdarubart fair. Gabais cách díb immarbáig a m-muin a céli im gabáil na n-én. Asbert Ethne Aitencháithrech, ben Chonchobair; Asagussim én cechtar mo dá gúaland dind énlaith ucut. Assagussem uli, ol na mná, aní sin. Má gabthair do neoch, is damsa cetagébthar, ol Ethne Inguba ben Chon Culaind. Cid dogénam? ol na mná. Ní h-andsa, for Leborcham, ingen Óa &ersir; Adairce. Rigasa úaib do chuinchid Chon Culaind.

Luid íarom co Coin Culaind, &ersir; asbert fris: Is áil dona mnáib ind éoin ucut úatsiu. Atetha a chlaideb do imbirt furri. Ní fogbat merdrecha Ulad a n-aill acht foraim én dóib do thabairt fornd indíu. Ní cóir duit ém, for Leborcham, fúasnad fríu, ár is tríut atá in tres anim fil for mnáib Ulad .i. guille. Ar it é téora anmi fil for mnáib Ulad .i. cluíne &ersir; minde &ersir; guille. Ar cech ben ro charastar Conall Cernach ba clóen, cach ben dano ro charastár Cúscraid Mend Macha mac Conchobair dobered forminde fora erlabrai. Atá samlaid, cech ben ro charastar Coin Culaind no gollad íarom a rosc fo chosmailius Chon Culaind &ersir; ara sheirc. Ar bá dán dósom in tan ba n-olc a menma no slocad indala súil conná roched corr inna chind. Dotéirged indala n-aí immach comméit chori cholbthaigi.

Indel dún in carpat, a Laích, ol Cú Chulaind. Indlis Lóeg íarom in carpat, &ersir; téit Cú Chulaind sin carpat, &ersir; ataig táithbéim dia chlaidiub dóib co ruildetar a m-bossa &ersir; a n-eti dind usciu. Nos gaibet uli íarom &ersir; dosbertatár léo, &ersir; fodáilset dona mnáib conná rabi ben nád ríssed dá én diib acht Ethne Ingubai a h-óenur. Tánic de íarom coa mnaí fessin. Is olc do menma, ol Cú Chulaind fría. Ní h-olc, ol Ethne, úair is úaim fodáilter dóib. Is dethbir dait, ol sí. Ní fil diib mnaí náchit charad no ná beth cuit dait. Úair mád messi, ní fil cuit do nách ailiu inniumsa acht duitsiu th' óenur. Nábad olc do menma trá, ol Cú Chulaind.Día tísat éoin Mag Murthemni nó Bóind, in dá én ba h-áildem díb duticfat.

Níbo chían íarom co n-accatar dá én forsind loch &ersir; rond dercóir etorro. Cansit céol m-bec. Torchair cotlud forsin slóg. Atraig Cú Chulaind a n-dochum. Dia coistithe frim, ol Ethne or Láeg &ersir; ol Ethne or Laogh &ersir; Ethne , ní rigtha chucu, ar itá nách cumachta fora cúl na n-én sa. Atethatár éoin damsa chena. In dóig ba bát ba dom éligudsa ón? ol Cú Chulaind. Gaibsi gaibthi cloich isin tailm, a Loíg. Geibthi Lóeg íarom cloich &ersir; dobeir isin tailm. Dosléci Cú Chulaind cloich foraib. Focairt imroll. Fe amae! ol sé. Gaibid cloich n-aile. Dosléic dóib &ersir; luid seocu. Am trúsa trá! ol sé. Ó gabussa gaisced níro lá imroll mo urchur cussindíu. Fochairt a chroísig forro co l-luid tré scíath n-ete indala h-éoin la sodain. Lotair foa lind.

Dotháet Cú Chulaind iar sin co tard a druim frisin liic, &ersir; ba h-olc a menma leis, &ersir; dofuit cotlud fair. Co n-accai in dá mnaí cucai. Indala n-aí brat úaine impe. Alaili brat corcra cóicdíabail im shude. Dolluid in ben cosin brot úane chucai, &ersir; tibid gen fris, &ersir; dobert béim dind echfhleisc dó. Dotháet alaili cucai dano, &ersir; tibid fris, &ersir; nod slaid fón alt chétna. Ocus bátar fri cíana móir oca sin .i. cechtar dé imma sech cucai béus dia búalad combo marb acht bec. Lotir úad íarom.

Arigsitar Ulaid uli aní sin, &ersir; asbertatár ara n-dúscide. Acc! ol Fergus. Náchi n-glúasid res atchí. Atracht íarom trena chotlud. Cid dotrónad? ol Ulaid fris. Níro fét íarom a n-acallaim. (Nom berar, for sé dom shergligu .i. don Téti Bricc. Nábad naba do Dún Imrith, nó do Dún Delca. Not berthar do shaigid Emiri do Dún Delca, for Láeg. Aicc! ol sé. Mo breith don Téti Bric.) Berair ass íarom co m-boí co cend m-blíadna isin magin sin cen labrad fri nech etir.

Lathi n-and resint shamfhuin aile cind blíadna, a m-bátar Ulaid imbi isin taig .i. Fergus etir &ersir; fhraigid, Conall Cernach etir &ersir; chrand, Lugaid Réoderg Réo n-Derg etir &ersir; adart, Ethne Ingubai fria chossa, a m-bátar íarom fón samail sin, tánic fer chucu isa tech, &ersir; dessid forsind airiniuch na imdai i m-boí Cú Chulaind. Cid dottucai and sin? ol Conall Cernach. Ní h-andsa, ol sé. Mád ina shláinti ind fhir fil sund, robad chomairche ar Ultaib ulib. Inid i lobrai &ersir; i n-ingás dano atá, is móo de as chomairche airthiu. Ní águr nech íarom, úair is dia acallaim dodeochad. Táthut fáelte. Ní áigther ní, ol Ulaid.

Atraig iar sin inna shesam, ocus gabais dóib inna rundu sa sís íarom: A Chú Chulaind fot galar níbo sirsan int anad: not ícfitís, diamtis lat, ingena Áeda Abrat. Asbert Lí Ban i m-Maig Crúaich, bís for deis Labrada Lúaith: robad chridiscél la Faind coibligi fri Coin Culaind. Robad inmain lá mád fír ricfed Cú Chulaind mo thír: ra m-bíad arcat &ersir; ór, ro m-bíad mór fína do ól. Diammad chara dam co se Cú Chulaind mac Soalte, i n- atchonnairc atconnarc ina shúan bés atchoad cena shlúag. I m-Maig Murthemni sunt tess aidchi shamna níb amles domfhicfe úaimse Lí Ban, a Chú Chulaind cot galar. a Cul. c.

Coich thussu? ol íat. Messi Óengus mac Áeda Abrat, ol sé. Luid úadib íarom in fer &ersir; ní fetatar cia deochaid nó can donluid luid . Atraig Cú Chulaind ina shudi íarom &ersir; labrais iar sin. Bá mithig ém, ol Ulaid, aní sin. Isnith cid a n-dotrónad. Atchonnarc ém, ol sé, aislingi immón samain innuraid. Adfét atcuaid dóib uli amal anniadded in marg. atchonnairc, Cid dogéntar di shudiu di sund de sunn , a phopa Chonchobair, ol Cú Chulaind. Dogéntar, ol Conchobar, ortha co rís in corthe cétna.

Luid Chú Chulaind ass íarom co ránic in corthe co n-accai in mnaí bruit úani chucai. Maith sin, a Chú Chulaind, ol sí. Ní maith dún ém cid for túrusi chucund innuraid, ol Chú Chulaind. Ní du for fogail ém, ol sí, dodeochammárni, acht is do chuinchid for caratraid. Dodeochadsa ém dot acallaimsiu, ol in ben, ó Fhaind ingin Áeda Abrat. Ros léci Manandán mac Lir, &ersir; dorat seirc duitsiu íarom. Lí Ban dano m' ainmse féin. Timarnad duit íarom óm chéliú, ó Labraid Lúathlám ar claideb. Dobéra deit in mnaí ar debaid n-óenlaí leis fri Senach Síaborthe &ersir; fri Echdaig n-Íuil &ersir; fri Éogan n-Inbir. Nímtha maith ém, ol sé, do chath fri firu indíu. Bid gar-úar aní sin, or Lí Ban. Bía slán, &ersir; doformastar deit a n-dotesta na teasta dit nirt. Is dénta dait ar Labraid aní sin, ar is é láech as dech di ócaib domain. Cisi airm h-i tá-side? for Chú Chulaind. Itá i m-Maig Mell, ol sí. Is ferr damsa techt leth n-aill, ol ind ingen. Táet Láeg lat, ol Chú Chulaind, d' fhis in tíri asa tudchad. Táet íarom, ol Lí Ban.

Lotar íarom co ráncatar co arim i m-boí Fand. Tic íarom Lí Ban dia shaigid Loíg, &ersir; geibthi ar gúalaind. Ní raga ass trá, a Loíg, ol Lí Ban Fand indíu i m-bethu, acht manit ainge ben. Níbo ed as mó ro gnáthaigsem dún custráthsa, for Lóeg, banchomarchi. Appraind &ersir; bithappraind nach h-é Chú Chulaind fil it richt indossa, or Lí Ban. Bád maith limsa dano combad h-é no beth and, for Láeg.

Lotar ass íarom co ráncatar tóeb na indse. Co n-accatar in lungine crédume forsind loch ara cind. Tíagait íarom isin lunga, &ersir; tíagait isin n-insi, &ersir; lotar do dorus tige co n-accatar in fer chucu chuchu cuca . Is and asbert Lí Ban fris: Cate Labraid Lúathlám ar Claideb as chend m-buden m-búada— búaid úas chret charpait glinni— dercas rinni rúada?

Frisgart dissi in fer iar sin co n-epert so fría: Atá Labraid lúithech land luithe cland luithe claind , níbá mall, bid imda. tinól catha, cuirther ár diambá lán Mag Fidgae.

Tíagait íarom isa tech co n-accatar tri cóecto imdad is tig, &ersir; tri coícait ban indib. Fersait ule fáelti fri Lóeg. Is ed asbertatar uli fris: Fo chen duit, a Loíg, di ág neich las tudchad ocus ó tudchad, &ersir; dit dáig fesni.

Cid dogéna fechtsa, a Loíg? for Lí Ban. In raga do acallaim Fhainde coléic? Ragat acht co fíasur in n-airm atá. Ní h-andsa. Atá i n-airicul fo leith, ol Lí Ban. Lotar íarom dia h-acallaim, &ersir; ferais-side fáelte fríu fón innas chétna. Fand didiu ingen Áeda Abrat .i. áed tene. Is h-é tene na súla in mac imlesen. Fand íarom ainm na dére dotháet tairis. Ara glaini ro ainmniged disi sin, &ersir; ara coími, ar ní boí isin bith frisa samailte chena.

In tan m-bátar and íarom co cúalatar culgaire carpait Labrada dund insi. Is olc menma Labrada indíu, ol Lí Ban. Tíagam día accallaim. Tíagait ass immach, &ersir; ferais Lí Ban fáelti fris, co n-epert: .r. Fo chen Labraid Lúathlám ar Claideb! Comarbae buidne, snéde slegaige, slaidid scíathu, scaílid góu, créchtnaigid curpu, gonaid sóeru, saigid oirgniu, áildiu innaib, manraid slúagu, sreid muíne. Fóbartach fían fo chen! fo chen Labraid.

Nís frecart Labraid béus, &ersir; asbert ind ingen atheruch: .r. Fo chen Labraid Lúathlám ar Claideb augra! Urlam do rath, rurthech do chách, saigthech do chath, créchtach a thóeb, cundail a bríathar, brígach a chert, carthach a fhlaith, laimthech a des, díglach a gus, tinben laeochu. Labraid fo chen! f. L. Níro regart béus Labraid. Canaid-si laíd n-aili affridissi: .r. Fo chen Labraid Lúathlám ar Claideb claidem ! láechdu ócaib, úallchu murib, manraid gossa, gniid cathu, críathraid ócu, tócbaid lobru, tairnid tríunu. Fo chen Labraid! f. L.

Ní maith a n-asberi, a ben, ol intí Labraid, conid and asbert: .r. Ní úal ná h-úabur dam, a ben, nach ardaicnid ardarcnid ardarc nid mellchi mescthair ar cond. Rechmi cath n-imrind n-imda n-imamnas, imberta claideb n-derg ar dornaib desaib, túathaib ilib óenchridiu Echdach Íuil. Nítan bí nach n-úall. Ní úall ní úabar dam, a ben.

Bad maith lat do menma trá, ol in ben, or Lí Ban fris. Atá Lóeg, ara Con Culaind, sund, &ersir; timarnád duit úad doticfa slóg úad. Ferais Labraid fáelti fris íarom a n-asbert: Fo chen duit, a Laíg, fo bíth na mná las tánac &ersir; in cháich ó tudchad. Dó duit do thig, a Laíg, or Labraid, &ersir; ragaid Lí Ban it díaid. Tic Láeg ass íarom co Emain &ersir; adfét a scéla do Choin Chulaind &ersir; do chách olchena. Atraig Cú Chulaind iar sin na shudi, &ersir; dobert láim dara agid, &ersir; acallais Láeg co glé, &ersir; ba nertiti leis a menma na scéla adfíadar dó in gilla.

(Baí dano terchomrac oc cethri ollchóecedaib h-Érend ind inbaid sin, dús in faigbitis nech bad toga léo dia tibértis rígi n-Érend. Úair bá h-olc léo tilach airechais &ersir; tigernais h-Érend .i. Temair, a bith cen rechtgi ríg furri, &ersir; bá olc léo na túatha cen smacht ríg oc cocertad a cotrebi. Ár bátar fir h-Érend cen smacht ríg forro fri ré secht m-blíadna iar n-díth Chonaire i m-Brudin Dá Derca cussin mórdáil sin cethri cóiced n-Érend h-i Temraig na ríg h-i tig Erc meic Corpri Níad Fer.

At íat so immurgu ríg bátar isin dáil sin .i. Medb &ersir; Ailill, Cú Roí &ersir; Tigernach Tétbannach mac Luchtai &ersir; Find mac Rossa. Ní déntaís íarom ind fhir sea comairli ríg fri Ultu fo bíth ar is d' óenóentaib bátar ind fhir se h-i cend Ulad. Dogníther íarom tarbfhes léo and sin co fíastais esti cía dia tibértais rígi.

Is amlaid dogníthe in tarbfhes sin .i. tarb find do marbad &ersir; óenfher do chathim a shátha dia eóil &ersir; dá enbruthi, &ersir; chotlud dó fón sáith sin, &ersir; ór fírindi do chantain do chethri drúdib fair, &ersir; atchíthe dó i n-aslingi innas ind fhir no rígfaide and asa deilb &ersir; asa thúarascbáil turascbail tuarasgbail &ersir; innas ind oprid dogníth. Díuchtrais in fer asa chotlud, &ersir; adfíadar a res dona rígaib .i. móethócláech sáer sonairt co n-dá chris derca tairis &ersir; sé ós adart fhir i sirc i n-Emain Macha.

Faíditir íarom techta fris sin co Emain. Is and sin bátar Ulaid ina turchomruc im Chonchobor i n-Emain in tan sin, &ersir; Cú Chulaind ina sheirgligu and. Atfhíadat a scéla do Chonchobor &ersir; do mathib Ulad olchena. Fil linni mac sáer sochenéoil fón samail sin, ol Conchobor,.i. Lugaid Réoderg Reo n-Derg , mac na Trí Find Emna, dalta Con Culaind, fil ós adart na h-imda thall amna oc urgartigud a aiti .i. Con Culaind fil h-i sirg. Atraig Cú Chulaind andaide, &ersir; gebid for tecosc a daltai conid and asbert:

Bríatharthecosc Con Culaind inso.

Nírbat taerrechtach debtha déne dóergairce. Nírbat díscir doichlech doíchlech doichlech díummasach. Níbbát ecal ocal opond esamain. Nípát tairne ó main mandartha mesctha. Níbat dergnat cholla coirme h-i tig rurech. Níbat ilfhurig im írad n-echtrand. Ní sáis daíne dochla díchumaing. Ní íadat iubaili for étechti etechtu ail. Airliter cumni cóich comarbai cré. Cuibsigter senchaid sin co fírinne fíu h-it fhíadnaisi. Finnatar brethamain bethamain bráthir scéo m-broga.

Mrogatar genelaigi gésci úa genither gein. Gairter bí, béoaigter fri óethu airm irro trebsat mairb mairm . Maínigter comarbai fora théchtu thoich. Tochomlúat anfini coa nemthe nert.

Ní fresnesea co labur. Ní aisnéisea co glórach. Ní fuirse. Ní chuitbe. Ní faithchither senóri. Nípá míthomtinach ó neoch. Ní géis co ansa. Ní ettis nech cena domanches. Caín-ois. Caín- éra era . Caín-airlice. Bát umal múnta ó gáethaib. Bat cumnech coisc ó t-senaib. Bát seichmech ríagla athardai. Nípat úarchraidech im chardiu. Bat gusmar im náimtiu. Nípa frithenech debtha h-i tilchomraicib. Nírbat scélach athchossánach. Ní fáisce. Ní thaisce inní ní. Ní inní ba torba Consecha do chúrsachad i n-gnímaib antechtai. Ní chomainse th' írinne ar thoil daíne. Níba tathboingid Nibát athboingidFrom the manuscript either reading is possible. Niba tathboingid ar nárbat aithrech. Níbat comromach ar nábat miscnech. Nírbat lesc ar nárbat meirb. Nírbat róescid arnábat dóescair. Ardotchuibdig fri sechem na m-bríathar sin, a meic!

Is and asbert Lugaid inso sís fri Coin Culaind: Ed as maith a m-bith ule arin fhestar cach dune noco teséba ní de fírfaider má durís-se mádurise .

Luid Lugaidiar sin frisna techtaib co Temraig, &ersir; gongarar garm rígi dó, &ersir; faís h-i Temraig ind aidchi sin, &ersir; luid cách dia mennut iar sin.)

Imthúsa immurgu Con Culaind iss ed adfhíastar sund coléic. Dó duit úaim, a Laíg, for Cú Chulaind, co airm h-i tá Emer, &ersir; innis condat mná sídi rom thathigset &ersir; rom admilset, &ersir; apair fría is ferr a chách itósa, &ersir; táet dom indnaigid. Is and asbert in gilla oc nertad Chon Culaind inso: Mór espa do láech laigi fri súan serglige, ar donadbat genaiti.i. mná áesa a Tenmag Trogaigi.i. a Maig Mell, condot rodbsat, condot chachtsat, condot ellat, eter bríga banespa. Díuchtra.i. érig a terbaig andregoin.i. a galar ban sídi, ar dotáet do lochbríga.i. do láechbríga eter argaib.i. ánradaib errithib, condot rudi sudi n-óg, condot chellti.i. co n-derna, condot chíurthi márgnímu. Dia fócart lúth Labrada, a fhir rudi, atraí coropat mór. mór e.

Téit in gilla iar sin co airm i m-boí Emer, &ersir; adfét amal boí Cú Chulaind. Olc duitsiu, a gilli, for sí, ar is tú taithiges in síd cen fheib íca do thigerna d' agbáil lat. Trúag d' Ultaib, for sí, cen shirthin a máríca. Diambad Conchobur credbaigthe, nó Fergus níthastar ní thastar nithustar súan, nó Conall Cernach tabsath créchta, is Cú Chulaind cobarthe. Cachainsi íarom laíd la sodain fon chruth sa: A meic Ríangabra fó rír, cid menic imthigi in síd, ní moch doroich let i l-le ícc meic delba Dechtere Deictine ./// Trúag d' Ultaib co lín garta, eter aite is chomalta, cen shiriud in domain duind d' ícc a carat Con Culaind. Mád Fergus no beth i s-súan, dá n-íccad aicned óendrúad, ní bíad mac Dechtere Deictine . i fos co fagbad druíd dia thomos. Diambad h-é Conall chena fris m-betís créchta is chneda, no sirfed in Cú in m-bith mith mbitt m-bras co fagbad líaig dá leges. Mád do Láegaire Búadach tísad ág bád imúallach, no sirfed h-Érind na n-íath d' íc meic Connaid meic Ilíach. Dámbad do Cheltchar na celg tísad súan &ersir; sírsherg, robad astrach aidchi is lá eter sídaib Sétantá. Dámbad Furbaidi na fían no beth i l-lige lánchían, no sirfed in domon n-dron co fagbad a thesarcon. Atbathsat slúaig Shíde Truim, ro scarsatar a mórgluind: ní thét a c-Cú dar cona ó ro gab súan síthbroga. Uchán do galur nom geib ó Choin cherda Conchobair: is sáeth rem chridi is rem chnes, día tísad dím a leges. Uchán is crú mo chraide serg for marcuch in maige, conná toraig sund i l-le d' óenuch Muge Murthemne. Is de ná tic a h-Emain dáig na delba ro n-dedail: is merb is is marb mo guth, dáig atásom fó drochcruth. Mí &ersir; ráthe &ersir; blíadain cen chotlud fó chomríagail cen duini bad bind labra — ni chúala, a meic Ríangabra. a meic R.

Tánic Emer rempi co h-Emain iar sin d' innaigid Chon Culaind, &ersir; dessid issind imdai i m-baí Cú Chulaind &ersir; ro bá cá rád: Is mebul duit, or sí, laigi fri bangrád, uair dogénad galar duit sírligi. Ocus baí cá acallaim &ersir; ro chan laíd: Érig, a gérait Ulad! Rod ro dúschi súan slán subach! Déci ríg Macha mochruth mo chruth : nít léci re rochotlud. Déca a gúalaind lán do glain, déca a churnu co comraim cormaim , déca a chairptiu cinnit glend, déca a r-retha fían fidchell. Déca a churadu co m-bríg, déca a ingenraid n-ardmín, déca a rígu, rém n-ága, déca a rígnu dermára. Déca tossach gemrid glúair, déca cach ingnad ar n-úair, déca let, iss ed fótgní, a fhúacht a fhot a h-amlí. Is meth ní maith cotlud trom, is mertan ar n-écomlond, is loim for sáith súan h-i fat, tánaisi d' éc éccomnart. Ro dúsig súan síd ar n-ól: telci ri robruth romór. Ilar m-bríathar m-bláith rot char. Érig, a gérit Ulad! érig. a U.

Atracht íarom Cú Chulaind iar sin, &ersir; dorat láim dara agid &ersir; ro chuir a mertnigi &ersir; a thromdacht de, &ersir; atracht iar sin &ersir; tánic remi iar sin co m-boí i n-Airbi Roír. Co n-acca chuci iar sin Lí Ban, &ersir; ro ráid ind ingen friss &ersir; baí oca thóchuriud dint shíd. Cisi airm h-i tá Labraid? ol Cú Chulaind. Ní h-andsa, ol sí. Atá Labraid for lind glan día n-aithiget buidni ban: níba scíth let techt día túaid, mád ar fhis Labrada Lúaith. Laimthech laínid tech lainidtech a des tindben cét — éolach intí asidfhét. Corcair co n-áldi datha samail grúadi Labrada. Crothid Conchend catha ceirp fíada claidib thana deirg: bruid idnu buden m-báeth, brisid scíathu lenna láech. Lí súla a chnes isin tres, ní mairnd cairdiu a forámles, inrice feraib síde fer ro shelaig mór míle. Láechdu ócaib amru scéoil, rosiacht tír n- Echach Echach Echdach Íuil: folt fair amal flesca óir, bolad fína lia anóil. Amru feraib fúabair níth, is garg fri cíana cocrích: ríada riadu ríada curach &ersir; graig sech inis h-i tá Labraid. Fer co n-ilur gním dar ler Labraid Lúathlám ar Claideb: ní fuband conroí thí conroithi de, is fulang súain sochaide. Srían muinci dergóir fria graig, &ersir; nocon ed nammá: turid airgit &ersir; glain iss ed fil is tig h-i tá. atá L. f.

Noco ragsa, ar Cú Chulaind, ar chuiriud mná. Ticed íarom, ar ind ingen, Lóeg and sút d' is cech réta. Tíat íarom, ar Cú Chulaind. Atralacht Lóeg íarom lasin n-ingin, &ersir; dochúatar do Maig Lúada &ersir; don Biliu Búada &ersir; dar Óenach n-Emna &ersir; i n-Óenach Fidga, &ersir; is andside baí Áed Abrat cona ingenaib. Feraid Fand fáilte fri Lóeg. Cid dia m-baí Cú Chulaind cen tíachtain? or sí. Nírbo áil leiss tíachtain ar ban-churiud, &ersir; dano co finnad inn úaitsiu rosíacht fis dó. Is úaim, ar sí, &ersir; ticed co lúath diar saigid, ar is indíu curthir in cath.

Luid Láeg atheroch co airm i m-boí Cú Chulaind, &ersir; Fand malle fris. Cinnas sin, a Loíg? ar Cú Chulaind. Ro frecair Láeg &ersir; ro rádi: Is mithig techt, ar sé, úair itá in cath oca ferthain indíu. Ocus is amlaid roboí oca rád &ersir; ro chan laíd: Ránacsa rem rebrad rán, bale ingnád cíarbo gnád, connici in carnd, fichtib drong, h-i fúar Labraid lebarmong. Co fúarusa h-é sin charnd ina shudi, mílib arm, mong buide fair álli dath, ubull óir ocá íadad. Corom aichnistar íaraim a l-leind chorcra chóicdíabail: atbert rim: In raga lim don tig h-i fail Fáelbe Find? Atát na dá rig is taig tig , Fáilbe Find &ersir; Labraid, tri cóecait im chechtar dé is é lín inn óentaige. Cóeca lepad na leith dess deiss &ersir; chóeca airides, cóeca lepad na leth chlí &ersir; chóeca aeridi. Colba do lepthaib crónda croda , úatne finna forórda, is sí caindell ardustá in lía lógmar lainerdá. Atát arin dorus tíar, insinn áit h-i funend grían, graig n-gabor n-glas, brec a mong, is araile corcordond. Atát arin dorus sair tri bile do chorcor-glain, dia n-gair in énlaith búan bláith don macraid assin rígráith. Atá crand i n-dorus liss, ní h-étig cocetul friss, crand airgit ris tatin grían, cosmail fri h-ór a roníam. Atát and tri fichit crand, comraic nát nad nat chomraic a m-barr, bíatar tri cét do chach crund do mes ilarda imlum. Atá tipra sint shíd thréll cona tri cóectaib breclend, &ersir; delg óir cona lí i n-óe checha breclenni. Dabach and do mid medrach oca dáil forin teglach: maraid béos, is búan in bés, conid bithlán do bithgrés. Itá ingen is tig trell ro derscaig do mnáib Érend, co fult budi thic immach, is sí álaind illánach. In comrád doní ri cách is álaind is is is ingnáth: maidid cridi cech duni dia seirc is dia inmuni. Atrubairt ind ingen trell: Cóich in gilla ná h-aichnem? Masa thú, tair bic i l-le, gilla ind fhir a Murthemne. Dochúadusa co fóill fóill: rom gab ecla dom onóir: atbert rim: In tic i l-le óenmac dígrais Dechtere Deictine ? Mairg ná dechaid ó chíanaib, &ersir; chách icá íarrair, co n-aiced immar itá in tech mór atchonnarcsá. Dámbad lim Ériu ule &ersir; ríge Breg m-bude, dobéraind, ní láthar lac, ar gnáis in bale ránac. ránac .r.

Is maith sin, ar Cú Chulaind. Is maith, ar Lóeg, &ersir; is cóir dul dia ríachtain, &ersir; is maith cach ní issin tír sin. Ocus is and asbert Lóeg béos frisseom ic innisin oíbniusa int shída. Atchonnarc tír sorcha sáer inná ráiter gó ná clóen: fil and rí rúamna buden Labraid Lúathlám ar claideb. Oc techt dan dar Mag Lúada dommárfas Bili Búada: ro gabus i m-Maig Denna la dá nathraig imchenna. Is and atrubairt Lí Ban isin baliu i r-rabammar: Robad inmain lem in firt diambad Chú no beth it richt. Álaind bantrocht, búaid cen chacht, ingena Áeda Abrat: delbad Fainne, fúaim co l-lí, ní roacht rígna ná rí. Atbér, úair is lim ro clos, síl n-Ádaim cen imarbos amarbos , delbaid is dealbad as Fainne rem ré ná fil and a l-lethéte. Atchonnarc láechu co l-lí co n-armmaib ic imdibí: atchonnarc étach n-datha nocon erred anflatha. Atchonnarc mná féta ic fleid, atchonnarc a n-ingenraid, atchonnarc gillu glána oc imthecht ind fhiddromma. Atchonnarc áes cíuil is tig ic aerfitiud dond ingin: manbad a lúas tísa ammach, domgéntais co h-étréorach. Atchonnarc in cnoc ro buí inin robui álaind-ben Eithne Ingubai alainn Etne Ingubai acht in ben atberar sund beres na slúagu asa cund. atchonnarc m.

Luid Cú Chulaind lee íarom is tír, &ersir; bert a charpat les co ráncatár in n-insi. Feraid Labraid fáelti fríu, &ersir; fersi in bantrocht uli, &ersir; ferais Fand dano fáelti sinredaig fri Coin Culaind. Cid dogéntar sund h-ifechtsa? ol Cú Chulaind. Ní h-andsa, or Labraid. Iss ed dogénam regmai coro lám cor imón slúag. Tíagait ass íarom co ráncatar tor na slúag, &ersir; co rolsat súil tairsiu. Ocus bá dírim léo in slúag. Eirg ass h-ifechtsa, ol Cú Chulaind fri Labraid. Luid Labraid ass íarom &ersir; anais Cú Chulaind ocont shlóg. Fanócrat in dá fhíach druiídechta dogénsat int shlúaig. Is dóig, ol in slúag, in ríastartha a h-Érind iss ed terchanait ind fhíaich.

Dossennat int shlúaig íarom conná fúair ined léo is tír. Dotháet Eochaid Íuil íarom do inlut a lám don tiprait matain moch. Atchonnairc Cú Chulaind íarom a gúalaind tresin cochull. Doléci gaí dó co luid trít. Ro marb tríar for tríchait díb a óenur. Tofobairt iar sin Senach Síabortha, &ersir; ferait mórgléo, &ersir; marbthus marbais Cú Chulaind íarom. Tic Labraid íarom &ersir; mebais ríam forsna slógu. Ro gáid Labraid dó anad dind imguin. Atágamar trá, for Lóeg, in fer d' imbirt a fherci fornd úair nách lór leis di chath fúair. Tíagar, for Lóeg, &ersir; inliter téora dabcha úarusci do dibdúd a brotha. In chétna dabach i tét fichid tairse. In dabach tánaise nís fodaim nech ara tes. In tres dabach is comse a tes.

In tan atchoncatar na mná Coin Culaind, is and cáchain Fand inso: Ségda cairptech docing rót, cesu amulach is óc: álaind lúadam lúades blaí, fescur iar n-Óenuch Fidgai. Ní céol síde séol fodgain: is fordath fola fil fair: crónán canas uasa chreit focanat roith a charpait charbait . Eich fil fó charput glinne, an frim céin córda sille: ní fúair a samail di graig: it lúathidir gaíth n-erraig. Imbeir cóic deich ubull óir ós clesit fora anóil: ní fúair a shamail di ríg eter mín &ersir; anmín. Fil i cechtar a dá grúad tibri derg amal crú rúad: tibri úani tibri gorm tibri corcra dath n-étrom. Fil secht suilse ara rusc, ní scél fácbála h-i lusc: imdénam súla saíre abratchair duba daíle. Fil fora chind cend , cid fó fer atchlos fo Érind imbel, tri foilt ní h-inand a n-dath, gilla oac amulach. Claideb russi roindes crú cona imdurnd airgdidú: scíath co m-búalid óir budi &ersir; co m-bil fhindruini. Cingid dar firu in cach tind, imthéit i n-ág i n-eslind: ní fil do bar láechraid laind as chosmail fri Coin Culaind. Cú Chulaind dotháet i l-le int ócláech a Murthemne, is íat dorat sund h-i fat ingena Áeda Abrat. Bróenán fola fota fland la tóeb crand comard a dé, ilach úallach úabrech ard la gol mairg fri síabru sé.

Ferais Lí Ban fáelti fris iar tain conid and asbert inso sís: Fo chen Cú Chulaind, torc.i. rí torachtaide, mál mór Maigi Murthemni, már a menma, míad curad cathbúadach, cride níad, nertlía gaíse, flandrúad ferci, aurlam fri fír écrat firecrat láth n-gaile Ulad, álaind a lí, lí súla do andrib, is fo chen. fo chen .C.

Ceist cid dorónais, a Chú Chulaind? or Lí Ban fris. Is and asbert Cú Chulaind andaide: Tarlucus urchur dom shleig i n-dúnad Éogain Inbir: nocon fhetur, sochla sét, in búaid dorignius nó in bét. Cid ferr cid messu dom nirt, co s-se ní tharlus dom chirt urchur anfis fhir h-i céo: bés ná n-árlaid duni béo. Slóg find forderg formnib ech domroíphnitar forom leth, munter Manandán meic Lir cotagart Éogan Inbir. Immimróus cipé cruth in tan tánic mo lánlúth, óenfher dia trícha cét conda rucus dochum n-éc. Rochúala cneit Echach Íuil is ó chraidi i socraidi isocraiti labrait bíuil: mad fir co fír bes níp cath int urchur ma tarlacad. tarlucus .u.

Foíd Cú Chulaind iar sin lasin n-ingin &ersir; anais mís ina farrad. Ocus celebraid h-i cind mís di, &ersir; atbertsi frissium: In bale, ar sí, atbérasu frimsa dul it chomdáil ragatsa. Ocus is and dorónsat comdáil ic Ibur Chind Tráchta. Ro innis do Emir aní sin. Dorónta scena acciside do marbad na ingine. Tánic &ersir; cóeca ingen lee connici in comdáil. Is and ro boí Cú Chulaind &ersir; Lóeg oc immirt fhidchilli, &ersir; níro airigset na mná chucu. Is and ro ráthaig Fand, ocus asbert fri Lóeg: Fégsu, a Laíg, aní atchíusa. Cid insin? ar Lóeg. Dercais Lóeg, &ersir; is and ro rádi ind ingen inso .i. Fand Emer :

.r.Fég, a Loíg, dar th' éis. Oc coistecht frit filet mná córi cíallmathi co scenaib glasgéraib ina n-deslámaib co n-ór fria n-uchtbrunnib. Cruth caín atchíchither amal tecait láith gaile dar cathchairptiu. Glé ro soi gné Emer ingen Fhorgaill.

 .r.

Nít ágara, ar Cú Chulaind, &ersir; nícon tora etir. Tairsiu isin creit cumachta lasin suidi n-grianda form dreichsea fodéin, ar do thesarcoinsiu dothesarcainbsea do tesarcoinsiu ar andrib ilib imdaib h-i cetharaird Ulad, ar cía nos báigea ingen Fhorcaill a h-ucht a comalta im gním co cumachta, bés ní lim lamathar lamathair laimethar .

Asbert béos Cú Chulaind: .r. Not sechnaimsea, a ben, amal sechnas cách a chárait. Ní rubimsea do gáe crúaid crithlámach, nach do scían tím thanaidi nách t' ferg thréith thimaircthech, ar is mórdolig mo nert do scor ó nirt mná.

Ceist trá, ar Emer, cid fódrúair latsu, a Chú Culaind, mo dímiadsa fíad andrib ilib in chúicid chuichid cuicid &ersir; fíad andrib ilib na h-Érend &ersir; fíad áes enig archena? Ar is fót chlith tánacsa &ersir; fo ollbríg do tharisen, ar cía not bágea úall ollimresan, bés nípad rith latsu mo lécunsa, a gillai, cía no tríalltá.

Ceist trá, a Emer, ar Cú Chulaind, cid arná léicfideá damsa mo denus i n-dáil mná, ar chétus in ben sa is sí in glan genmnaid gel gasta dingbála do ríg. Ilchrothach ilchrothaig ilcrotaig ind ingen sin do thonnaib dar leraib lánmóraib co n-deilb &ersir; écosc &ersir; sóer-chenél, co n-druni &ersir; lámda &ersir; lámthorud, co céill &ersir; chond &ersir; chabsaidecht, co n-immad ech &ersir; bóthánte. Ar ní fil fo nim ní bad tol ria comchéle cóemchéle coimceili ná dingned cía no comgelltá. A Emer, ar sé, ní faigebasu curaid caín créchtach cathbúadach bádam fíusa.

Bés, ar Emer, nocon err in ben dia lenai. Acht chena is álaind cech n-derg, is gel cach núa, is caín cech ard, is serb cach gnáth. Cáid cech n-écmais, is faill cech n-aichnid, co festar cach n-éolas. A gillai, ar sí, ro bámarni fecht co cátaid acut, &ersir; no bemmís dorísi doridisi diambad áil duitsiu. Ocus robo dograch furri. Dar ar m-bréthir trá, ar sé, isatt áilsiu damsa &ersir; bidat áil h-i céin bat béo.

Mo lécudsa didiu, ol Fand. Is córu mo lécudsa, ar Emer. Náthó, or Fand. Messi léicfidir and, &ersir; is mé ro báeglaiged ó chéin. Ocus forópair oc dogru &ersir; oc domenmain móir, ar bá nár lée a lécud &ersir; dul día tig a chétóir, &ersir; ro búadir in rográd h-í dorat do Choin Chulaind. Ocus is amlaid ro boí oc dogru &ersir; doróni in laíd sea: Messe ragas for astur cé dech lim ar mórgestul: cé tora tara nech, lín a blad, ropad fherr lim tairisem tairsem tairisium . Robad fherr lim bith h-i fus, dobér fót láim cen dobus, ná dula, cid ingnad lat, co gríanan Áeda Abrat. A Emer, is lat in fer &ersir; ro mela, a deigben: aní ná roich lám cidacht, is écen dam a dúthracht. Mór fer ro boí com íarraid eter chlithar is díamair: noco dernad ríu mo dál, dáig is misi rop irán. Mairg dobeir seirc do duni, menes tarda dia airi: is ferr do neoch a chor ass, mane charthar mar charas. Cóeca ban tánac i l-le, a Emer án fholtbuide, do thascrad ar Faind, ní fó, is dá marbad ar andró. Atát tri cóecait rim lá do mnáib, áille óentamá acum i n-dún imma l-le noco tréicfitis messe. mese.

Iar sin ro fallsiged do Manandán aní sin .i. Fand ingen Áeda Abrat do bith i n-écomlund ic mnáib Ulad, &ersir; a bith coa lécud do Choin Chulaind. Tánic íarom Manannán anair do shaigid na h-ingini, &ersir; ro boí ina fíadnaise, &ersir; níro ráthaig nech díb aní sin acht Fand a h-óenur. Ocus is and sin ro gab etere móir móir mor &ersir; drochmenmain in n-ingin oc fégad Manandán &ersir; dorigni laíd: Fégaid mac láechraidi Lir do maigib Éogain Inbir: Manannán úas domun dind ro boí tan rop inmain lim. Mád indíu bá dígrais núall, ní charand mo menma múad: is éraise in rét int sherc: téit a h-éol cen immitecht. Lá ro bása &ersir; mac Lir h-i n-gríanán Dúni Inbir, ropo dóig lind cen anad noco bíad ar n-imscarad. Dánam thuc Manannán mass robam céle comadas: noco bérad orm ria lind cluchi eráil ar fhidchill. Dánam thuc Manandan mass robam céle comadas: dornasc d' ór aromthá thuc dam i l-lúag m' imdergthá. Baí acum dar fráech immach cóeca ingen illdathach: doratus dó cóecait fer centar in chóecat ingen. Cethra cóecait cen miri iss é lucht inn óentigi, dá chóecait fher sónmech slán, dá chóecait ban find follán. Atchíu dar in muir i l-le— nín acend nach meraige— marcach in mara mongaig: ní lenand do shithlongaib. T' imthecht seochainni co se ní acend acht sídaige: máraid do chíall cech slúag séim, cía beit úait i n-etercéin. Mad messe bá dethbir dam, dáig at báetha cíalla ban: intí ro charus co h-oll domrat sund i n-écomlond. Celebrad dit, a Chú chain! Aso sind úait co sochraid. Cén co tísam dúthracht lind: is ard cech recht co h-imchim. Érge seo mithig damsa: atá nech risnid andsa.i. risnad dolig: is mór in tóchosol trá, a Laíg, a meic Ríangabrá. Ragat rim chéli fodéin, dáig noco dingnea m' amréir: nár apraid is céim i cleith: mád álic dúibsi fégaid. fégaid.

Atracht ind ingen iar sin i n-díaid Mannannán, &ersir; ro fher Manannán fáelti fría, &ersir; asbert: Maith, a ingen, ar sé, in oc urnaidi Chon Culaind bía fodechtsa, nó in limsa doraga? Dar ar m-bréthir ém, ol sí, fil úaib nech bad fherr lim a chéli do lenmain. Acht, ar sí, is letsu ragatsa, &ersir; ní irnaidiub Coin Culaind, ar rom thréc. Ocus araill and, dano, a degduini, ní fil rígain chátamail acotsu, atá immurgu la Coin Culaind.

Ótchonnairc immurgu Cú Chulaind in n-ingin ic dula úad co Manannán, ro ráid fri Lóeg: Crét sút? ar sé. Ní h-andsa, ar Lóeg. Fand ic dul la Manannán mac Lir ar nocorb álic duitsiu h-í. Is and sin trá ro ling Cú Chulaind tri ardlémend &ersir; tri deslémend Lúachra co r-rabi fri ré fotá cen dig cen bíad sechnón na slébte, &ersir; is and no chotlad cech n-aidchi for Sligi Midlúachra.

Dochóid trá Emer do shaigid Chonchobair co h-Emain, &ersir; ro innis dó Cú coin Chulaind amal ro boí. Ro faíd Conchobor filedu &ersir; áes dána &ersir; drúdi Ulad dia shaigid co fastaitis &ersir; co tuctais co h-Emain léo h-é. Ro tríallsom dano i n-áes n-dána do marbad. Ro chansat-side brechta druídechta ina agid coro gabait a chossa &ersir; a láma conos tánic trell dia chéill. Ro boíseom dano oc cuingid digi chucu iar sin. Tucsat na druíd dig n-dermait dó. Amal atib in n-dig dig nírbo chumain laiss Fand &ersir; cech ní doróni. Tucait dano deoga dermait a h-éta do Emir, ar nírbo fherr ro boí. Ro croth dano Manannán a brat eter Coin Culaind &ersir; Fhaind connáro chomraictís do grés.

Conid taibsiu aidmillti do Choin Chulaind la h-áes sídi sin. Ar ba mór in chumachta demnach ria cretim, &ersir; ba h-é a méit co cathaigtis co corptha na demna frisna doínib &ersir; co taisféntais aíbniusa &ersir; díamairi dóib, amal no betis co marthanach. Is amlaid no creteá dóib. Conid frisna taidbsib sin atberat na h-anéolaig síde &ersir; áes síde.