]> Táin Bó Fraích An electronic edition unknown Wolfgang Meid Electronic edition compiled by Beatrix Färber University College, Cork Second draft. 5650 CELT: Corpus of Electronic Texts: a project of University College, Cork
College Road, Cork, Ireland—http:www.ucc.ie/celt
2001 2010 CELT online at University College, Cork, Ireland. G301006

Available with prior consent of the CELT programme for purposes of academic research and teaching only.

Hardcopy copyright lies with the School of Celtic Studies (Dublin Institute for Advanced Studies).

 Manuscript sources Dublin, Trinity College, MS H 2. 18 (cat. 1339) (Book of Leinster alias Leabhar na Núachongbála), p 248a–252b. Dublin, Trinity College, MS H 2. 16 (cat. 1318) (Yellow Book of Lecan), col. 649–658 (facs. p 55b–60a). Edinburgh, National Library of Scotland, MS no. XL, p 37b–45b. London, British Library, Egerton 1782, f v–87v. Dublin, Trinity College, MS H 3.18 (cat. 1337), p 604 (glossed extracts). Editions Kuno Meyer, Mitteilungen aus irischen Handschriften, in: Zeitschrift für celtische Philologie 4 (1902) 31–47 [Eg. 1782]. Allan O. Anderson, Táin bó Fráich, in: Revue Celtique 24 (1903) 127–54 (143–54) [Ed. XL]. Mary E. Byrne and Myles Dillon, Táin Bó Fraich. Dublin 1933 [LL and YBL]. Mary E. Byrne and Myles Dillon, in: Études Celtiques 3 (1938) 20–21 [H 3.18]. Wolfgang Meid, Táin Bó Fraích. Dublin 1974 [LL with variants]. Wolfgang Meid, Die Romanze von Froech und Findabair. Táin Bó Froích. Altirischer Text, mit Einleitung, deutscher Übersetzung, ausführlichem philologisch-linguistischen Kommentar und Glossar kritisch herausgegeben von Wolfgang Meid, Innsbruck, 1970 (based on all MSS; with German translation). Wolfgang Meid, The Yellow Book of Lecan Version of Táin Bó Fraích, in: Zeitschrift für celtische Philologie 36 (1978) 83–95. Christian-J. Guyonvarc'h, Táin Bó Fráech, ed. with extensive notes and translation, in: Ogam 16 (1964) 485–488; 17 (1965) 205–208, 429–432; 18 (1966) 173–176, 413–416, 525–528. Translations Rudolf Thurneysen, Fraechs Werbung um Finnabair, in: Sagen aus dem alten Irland, Berlin, 1901, 115–125; (German). Wolfgang Meid, Die Romanze von Froech und Findabair, Innsbruck, 1970; (German). A. Anderson, Táin bó Fráich, Revue Celtique 24, 127–154; (English). A. H. Leahy, Tain Bo Fraich, in: Historic Romances of Ireland, London 1905–1906, volume II, 7–67; (English). M. E. Byrne and Myles Dillon, Táin Bó Fraích, Études Celtiques 2, 1–27; (English). James Carney, The driving of the cattle of Froech, in: Studies in Irish literature and history, Dublin, 1955, 1–24; (English). Jeffrey Gantz, The cattle raid of Fróech, in: Early Irish Myths and Sagas, London, 1981; 113–126; (English). Georges Dottin, La courise de Findabair, in: L'épopée irlandaise, Paris, 1926, 86–101; (French). M. Ó Máirtin, Táin Bha Fhraoigh, An tUltach Iml. 53, Uimh. 4, 7–8; (Modern Irish). Maartje Draak and F. de Jong, Fraech, in: Van helden, elfen en dichters. De oudste verhalen uit Ierland. Amsterdam, 1979, 72–84; (Dutch). Sergey Shkunayev, Pokhishcheniye stad Froekha, in: T. A. Mikhaylova and S. V. Shkunayev, Pokhishcheniye byka iz Kualnge, Moscow 1985, 84–101; (Russian). Christian-J. Guyonvarc'h, Táin Bó Fráech, ed. with extensive notes and translation, Ogam 16 (1964) 485–488; 17 (1965) 205–208, 429–432; 18(1966) 173–176, 413–416, 525–528; (Breton). Secondary literature Kuno Meyer, Tochmarc Treblainne, Zeitschrift für celtische Philologie 13 (1921) 166–175. Rudolf Thurneysen, Die irische Helden- und Königsage bis zum siebzehnten Jahrhundert, Teil I, (Halle/Saale 1921) 285ff [Manuscript transmission and versions]. Neill Ross, Osnadh carad i gCluain Fraoich, ed. with translation, in: Heroic Poetry from the Book of the Dean of Lismore, Edinburgh 1936, 198ff. Angus Matheson, A propopsed emendation in Táin Bó Fraích, in: Éigse 5 1945/47 (1948) (pt. 3, 1946), 157. James Carney, Carn Fraoich, soitheach na saorchlann (ed. with diplomatic text from Book of Uí Maine, normalized Early Modern Irish text, introduction and translation), Celtica 2, pt. 1 (1950) 154–194. James Carney, A sentence in Táin bó Fraích, in: Celtica 1, 1950, 300–301. Vernam Hull, 'ben taithigi na báu', in: Zeitschrift für celtische Philologie 24 (1954) (H.1/2, 1953) 122–123. James Carney, Studies in Irish Literature and History, Dublin 1955. James Carney, The ecclesiastical background to Irish saga, in: ARCTICA. Essays presented to Ake Campbell, ed. by A. Furumark et al., Uppsala 1956, 221–227. Sgeul mu Fhraoch, recorded by the School of Scottish Studies, Edinburgh, and edited on LP gramophone record (School of Scottish Studies Discs A 001/2, Gaelic and Scots Folk Tales), written down and translated by J. MacInnes, University of Edinburgh 1960. Kenneth H. Jackson, The sources for the Life of St. Kentigern, in: Studies in the Early British Church, ed. Nora Chadwick, Cambridge 1958, 273–357. Wolfgang Meid, Die handschriftliche Überlieferung der Táin Bó Froich, Zeitschrift für celtische Philologie 30 (1967) 21–41. David N. Dumville, The World of the Síd and the Attitude of the Narrator in Táin Bó Fraích, Studia Celtica Japonica 7 (April 1995) 21–25. Donald E. Meek, Táin Bó Fraích and Other 'Fraech' Texts: A Study in Thematic Relationships. Part I, Cambridge Medieval Celtic Studies 7 (1984) 1–37. Donald E. Meek, Táin Bó Fraích and Other 'Fraech' Texts: A Study in Thematic Relationships. Part II, Cambridge Medieval Celtic Studies 8 (1984) 65–85. The edition used in the digital edition Táin Bó Fraích Wolfgang Meid Revised edition One volume. xxx + 67 pp. vii–xxviii Introduction, xxix–xxx Preface to the Revised Edition, x Editor's corrigenda, 1–16 Text, 17–44 Notes, 45–72 Vocabulary, 73–74 Index of Proper Names. Dublin Institute for Advanced Studies Dublin 1974 Mediaeval and Modern Irish Series 22

CELT: Corpus of Electronic Texts

All editorial introduction, translation, notes and indexes have been omitted.

Text has been checked, proof–read and parsed using NSGMLS.

The electronic text represents the edited text.

Direct speech is marked q.

Soft hyphens are silently removed. When a hyphenated word (hard or soft) crosses a page-break or line-break, the page-break and line-break are marked after the completion of the hyphenated word.

div0=the saga; div1=the section; paragraphs, page-breaks and line-breaks of the printed edition are marked.

Names of persons (given names), places and groups are tagged. Page breaks are marked pb n="", line-breaks are marked lb n="".

 By (an) unknown Irish monastic author(s). 600–900 The text is in Old Irish. Two words are in Latin. saga Ulster Cycle prose medieval Fraech & Findabir 2011-09-16 Beatrix Färber ed. Header updated in line with D103006; new wordcount made; new SGML and HTML versions created. 2010-04-30 Beatrix Färber ed. Conversion script run, header updated; new wordcount made; file parsed; new SGML and HTML versions created. 2008-10-04 Beatrix Färber ed. Header modified; keywords added; file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T15:48:31+0100 Peter Flynn ed. Converted to XML 2001-07-18 Beatrix Färber ed. Second proofing of file, bibliography inserted, names and direct speech marked up, hyphenation brought in line with CELT practice, HTML file created. 2001-06-28 Beatrix Färber ed. Text converted to ASCII, header created; file parsed. 1997 or earlier Students at the History Department, UCC ed. Application of structural markup. 1997 or earlier Staff at the TITUS project ed. First proofing. before 1997 Staff at the TITUS project ed. Text captured by scanning. TáiN Bó Fraích

Fróech mac Idaith do Chonnachtaib, mac side do Bé Find a sídib. Derb⋅iur side do Boind. Is hé láech is áildem ro buí do &fdot;eraib Hérenn &ersir; Alban, acht níba suthain. Dobert a máthair dí báe déc dó assint ⋅íd, it é finda óiderga. Boí trebad maith oca co cend ocht &mdot;blíadnae cen tabairt mná chuca. Coíca mac ríg rop é lín a theglaich, comaís comchutrumma fris uile eter chruth &ersir; écosc.

Carthai Findabair, ingen Ailella &ersir; Medba, ara irscélaib. Adfíadar dósom oca thaig. Ropu lán Hériu &ersir; Albu dia allud &ersir; dia scélaib. Íar suidiu docorastar fair dul do accallaim na hingine. Immaroraid fria muntir anísin. Tíagar úait didiu co siair do máthar, co tucthar ní do étuch ingantach &ersir; de ascedaib síde duit úadi.

Luid íarum co siair a máthar .i. co Bóind, co mbuí i m-Maig Breg, &ersir; dobert coícait mbratt &ndot;gorm, &ersir; ba cosmail cech áe fri druimne &ndot;doíle &ersir; cethéora oa dubglassa for cech brutt, &ersir; mílech derggóir la cech &mdot;bratt, &ersir; lénti bángela co túagmílaib óir impu, &ersir; coíca scíath n-argdide co n-imlib óir impu, &ersir; caindel rígthigi i lláim cech áe, &ersir; coíca semmand findruine ar cech n-áe. Coíca toracht di ór forloiscthi im cech n-áe. Eirmitiuda di charrmocul fóib anís, &ersir; is di lecaib lógmaraib a n-airíarn. No lastais in aidche amal betís ruithni gréni. &ersir; coíca claideb n-órduirn leo, &ersir; gabor bocglass fó ⋅uidi cech &fdot;ir &ersir; beilge óir friu. Máelland arggait co clucíniu óir fo brágit cech eich. Coíca acrann corcra co snáthib argait estib, co síblaib óir &ersir; argait &ersir; co cendmílaib. Coíca echlasc findruine co mbaccán órda for cinn cech áe. &ersir; secht mílchoin i slabradaib argait, &ersir; ubull n-óir eter cech n-áe. Bróca crédumai impu. Noco rabi dath nád beth intib. Mórfesser cornaire leo co cornaib órdaib &ersir; argdidib, co n-étaigib ildathachaib, co mo&ndot;gaib órdaib sídbudib, co lennaib étrachtaib. Bátir tri drúith remib co mindaib argdidib fo díor. Scéith co fethul chondúala la cech n-áe, co círbachlaib, co n-esnadaib crédumai íarna tóebaib. Triar cruittire co n-écosc ríg im cech n-áe.

Documlát ass do Chrúachnaib cossind écusc sin leu. Dos&ndot;déccai in derccaid din dún in tan dodechatar i m-Mag Crúachan. Dírimm atchíusa, ol sé, don dún inna lín. Ó gabais Ailill &ersir; Medb flaith, nícos tánic riam &ersir; nícos ticfa dírimm bas choímiu ná bess áiniu. Is cumma lemm bed i taulchubu &fdot;ína no beth mo chend lasin ngáeth dotháet tairsiu. Abras &ersir; ábairt dogní int ócláech fil and, nochon accasa riam a chutrumma. Focheird a bunsaig rout n-aurchora úad. Síu cotrí ri talmain, nos gaibet na secht mílchoin cona secht slabradaib argait.

La sodain dothíagat int ⋅lúaig a dún Chrúachan dia ndécsin. Immusmúchat in doíni issin dún co n-apthatar sé fir déc oco ndécsin. Tairle&ndot;gait i ndorus in dúine. Scoirit a n-eochu &ersir; léicit a mílchona. Dosennat na secht n-aige do Ráith Chrúachan, &ersir; secht sinnchu &ersir; secht míla maige &ersir; secht turcu alta, conda rubatar ind óic issind aurlaind in dúine. Íar sain focherdat in mílchoin bedg i m-Bréi. Gabait secht &ndot;doborchona. Dosbertatar dochum na ardda i ndorus inna prímrátha.

Deissiter i ssuidiu. Dotíagar ónd ríg dia n-acallaim. Imchomarcar cía bu chan dóib. Noda sloindet íarum íarna slontib fíraib. Fróech mac Idaith inso, ol séat. Ráite in rechtaire frisin ríg &ersir; in rígnai. Fo chen dóib, ol Ailill &ersir; Medb. Is óclách án fil and, ol Ailill. Táet issin less. Dolléicther dóib cethramthu in taige.

Ed a écosc in taige: sechtordd and, secht n-imdai ó thein co fraig isin taig imme cúaird. Airinech di chrédumu for cech imdai; aurscartad derggibair fo mrechtruncain uile. Trí stéill chrédumai i n-aulaith cecha imda, secht stíalla umai ón damdabaich co cléithe issin tig. De gíus dogníth a tech. Ba tuga slinned boí fair dianechtair. Bátar sé senistri déc issin tig, &ersir; comlae humae ar cech n-aí. Cui&ndot;g umai darsa forlés. Cethéora ochtga humai for imdai Ailella &ersir; Medba immdernide de chrédumu uili is sí i certmedón in taige. Dá aurainech arggait impe fo díor. Flesc argait isind airinniuch rosaiged midlissiu in taige. Timchellad a tech imme cúaird ón dorus dialailiu, Arrócbat a &ndot;gaisceda issin taig sin &ersir; sedait, &ersir; ferthair fáilte riu.

Fo chen dúib, ol Ailill &ersir; Medb. Iss ed doróachtamar, ol Fróech. Níba turas ar aig thaig ón, ol Medb. Imbrid Medb &ersir; Ailill fidchell íar sin. Gaibid Fróech íarum imbirt fidchille ri fer dia muntir. Ba caín ind &fdot;idchell. Clár findruine and co cethéoraib auaib &ersir; uilneib óir. Caindel de líc lógmair oc fursunnud dóib. Ór &ersir; arggat ind &fdot;uirend boí forsin chlár. Aurgnaid biad donaib ócaib, ol Ailill. Ní hed is accobor limm, ol Medb, acht dul do imbirt na fidchille thall fri Fróech. Eirgg dó; is maith lim-sa, ol Ailill. Imberat in fidchill íarum &ersir; Fróech.

Boí a muinter colléic oc fuiniu na fíadmíl. Sennat do chruittiri dún, ol Ailill ri Fráech. Sennat ém, ol Fráech. Crottbolg di chrocnib doborchon impu cona n-imdénam di phartai&ndot;g foa n-imdénam di ór &ersir; argut. Bíann n-erbbad impu a mmedón; ba gilidir snechta. Sella dubglassa inna medón aide. Bruit lín gilidir fúan &ndot;géssa imna téta. Crota di ór &ersir; arccut &ersir; findruine co ndelbaib nathrach &ersir; én &ersir; mílchon di ór &ersir; arccut. Amal no glúaistis na téta sin, imreithitis na delba sin íarum inna firu imme cúaird. Sennait dóib íarum conid apthatar dá &fdot;er déc dia muntir la coí &ersir; toirsi.

Ba caín &ersir; ba bind a triar sa, &ersir; batar caíni Úaithni insein. Is hé in a triar irdaircc: tri derbráthir, .i. Goltraiges &ersir; Gentraiges &ersir; Súantraiges. Boind a ssídib a mmáthair a triur. Is din chéol sephainn Úaithne cruitt in Dagdai ainmnigter a triur. In tan bóe in ben oc lámnad, ba gol mairgg lee la gúri na n-idan i tossuch. Ba gen &ersir; fáilte arabeiti ar medón ar imtholtain in dá mac. Ba súan álgine arabeitte in mac dédenach ar thrumme inna brithe, conid de ro ainmniged trian in chíuil. Dofíuissig íarum assint ⋅úan in Boind. Aur&fdot;oímsiu, ol sí, do thrí maccu, a Úaithni lánbrotha, fo bíth file súantraide &ersir; gentride &ersir; goltride ar búaib sceo mnáib do⋅oifet la Meidb &ersir; Ailill. Atbélat fir la clúaiss &ndot;gléssa dóib.

Anait dint ⋅enmaim íar sain issind rígthaig. Is ségond dofánic, ol Fergus. Fodlid dún, ol Fróech fria muntir, a mbiad. Tucaid isa tech. Docing Lóthur for lár in taige. Fodáile dóib a mbiad. Fora dernaind no rannad cech n-ágae cona chlaidiub, &ersir; ní aidleth toinn ná féoil. Ó gabais rannairecht, ní archíuir bíad foa láim riam. Bátar tri láa &ersir; teora aidche oc imbirt na fidchille la immed na lliac lógmar i tegluch &Fdot;roích. Íar sin adgládar Fróech Meidb. Is maith ro ngabus fritt, ol sé. Ní biur do thochaill dind &fdot;itchill ná raib meth n-einich deit and. Ó túsa issin dún sa iss ed laithe inso as síam limm, ol Medb, Deithbir ón, ol Fráech. Atáat tri láa &ersir; teora aidchi and.

La sodain atraig Medb. Ba mmebul lée buith donaib ócaib cen bíad. Luid co Ailill. Ráidti friss. Mórgním dorigénsam, ol sí, ind óic annechtair donnáncatar do bith cen bíad. Diliu dait imbeirt fidchille, ol Ailill. Ní derban in fodail dia muntirseom sethnu in taige. Atát tri láa &ersir; teora aidchi and, ol sisi, acht nád n-airigmer in n-aidchi la bán⋅uilsi inna líac lógmar issin tig. Apraid riu, ol Ailill, anat dina cuínib co fodailter dóib. Fodáilter dóib íarum, &ersir; ba maith ro mboth friu, &ersir; ansait tri láa &ersir; teora aidchi and íar sin forsind &fdot;ledugud. Is íarum conaccrad Fráech issa tech n-immacallamae, &ersir; imchóímras dó cid dodnucai. Is maith, ol sé, limm célide libsi. Ní holc ém lassa teglach for &ndot;gnás, ol Ailill. Is ferr for tórmach oldás for ndígbáil. Anfimni didiu, ol Fráech, nach sechtmain. Anait íar sin co cend cóicthigis issin dún, &ersir; toffund dóib cech óen lá dochum in dúine. Dosaigtis Connachta dia ndécsin.

Ba imned la Fráech cen acallaim na ingine, sech ba hé less nod &mdot;bert. Laithe n-and atraig deud aidche do inlut dond abaind. Is hé tan dolluidsi ón &ersir; a hinailt do indlut. Gaibidsom a lláimsi. An rim acallaim, ol sé. Is tú doróachtamar. Is fo chen limsa ém, ol ind ingen, má chotíssind. Ní chumgaimm ní duit. Ceist, in n-éláfa limm? ol sé. Ní élub ém, ol sí, ór issam ingen ríg &ersir; rígna. Ní &fdot;il dot daidbrisiu náchimm étasa óm muntir, &ersir; bid hé mo thogasa dano dul chucutsu. Is tú ro charus, &ersir; beirsiu lat ind ordnaisc se, ol ind ingen, &ersir; bíd etrond do chomarthu. Dosrat m'athair damsa, ol sí, dia taiscid, &ersir; asbér is cor roda lláus immudu. Téit dano cechtar de a leth íar sain.

Attágursa, ol Ailill, élud inna hingine ucut la Fróech. Ce dobertha dó nípu madae, &ersir; dotáised ar &ndot;dochum cona chethrai do chobair dún ocon táin. Do-tháet Fróech cuccu issa tech n-immacaldmae. In cocur fil lib? ol Fráech. Dotallfasu and, ol Ailill. In tibéraid damsa for n-ingin? ol Fráech. Immanaiccet int ⋅lúaig. Dobérthar, ol Ailill, dia tuca tinnscra amal asbérthar. Rot bia, ol Fráech. Trí fichit ech &ndot;dubglass damsa, ol Ailill, cona mbeilgib óir friu, &ersir; dí laulgaich deec ó mmeltar ól n-aiss ó cech áe, &ersir; láeg find óiderg la cech n-áe, &ersir; tuidecht duit limm cot lín uile &ersir; cot áes chíuil do thabairt inna mbó a Cúail&ndot;giu; &ersir; dobérthar mo ingensa duit acht co tís. Dotho&ndot;gusa tar mo scíath &ersir; tar mo chlaideb &ersir; darm threlam, ní thibrind i tindscra cid Meidbi insin. Dochi&ndot;g úadaib asa taig íarum.

Immosnacaillet íarum Ailill &ersir; Medb. Farbbiba sochaide n-immund de rígaib Hérenn dia rucasom in n-ingin. Aní is maith, fúaiprem inna degaid &ersir; marbam fo chétóir resíu forruma bine fornn. Is líach ón, ol Medb, &ersir; is meth n-einich dúnn. Niba meth n-einig dúnn, ol Ailill, tucht arandálfarsa.

Dotháet Ailill &ersir; Medb issa rrígthech. Tíagam ass, ol Ailill, co n-accamar na mmílchona oc toffund co mmedón laí &ersir; combat scítha. Tíagait ass uili íarum dond abainn dia fothrucud. Adfíadar dam, ol Ailill, at maith i n-uisciu. Tair issind linni sea co n-accamar do ⋅nám. Cindas na lindi se? ol sé. Ní &fdot;etamar nach &ndot;dodaing inti, ol Ailill, &ersir; is comtig fothrucud inti. Gataid a étach de íarum &ersir; téit inti, &ersir; fácbaid a chriss túas. Oslaigid Ailill íarum a bossán dia éis, &ersir; boí ind ordnasc and. Atagéuin Ailill íarum. Tairchi, a Medb!, ol Ailill. Dotháet Medb íarum. In n-aithchéin sin? ol Ailill. Aithgén, ol sí. Fosceird Ailill issin n-abaind sís. Ro airigestar Fráech anísin. Co n-accai ní, dolleblai&ndot;g int écne ara chend &ersir; gabsus inna béulu. Foceird bedg cucai, &ersir; gaibid a óilech &ersir; dotháet dochum tíri, &ersir; dombeir i mmagin díamair i mbrúch na haband. Dotháet do thuidecht assind usci íarum.

Na tair! ol Ailill, co tuca chroíb dam din chaírthend tall fil i mbruuch na haband. It áildi limm a cháera. Téitsium ass íarum, &ersir; brissis gésca din chrund &ersir; dambeir ria aiss tarsin n-uisci. Ba hed íarum athesc Findabrach, nach álaind atchíd, ba háildiu lee Fróech do acsin tar dublind, in corp do rogili &ersir; in folt do roáilli, ind aiged do chumtachtai, int ⋅úil do roglassi, iss hé móethóclach cen locht cen anim, co n-agaid &fdot;ocháel forlethain, is é díriuch dianim, in chráeb cosna cáeraib dergaib eter in &mdot;brágit &ersir; in n-agid &ndot;gil. Iss ed atbered Findabair, nocon &fdot;acca ní rosáissed leth nó trían do chruth.

Íar sain docuirethar na cráeba dóib assind usciu. It ségdai &ersir; it áildi na cáera. Tuc tórmach dún díb! Téit ass atherruch co mbuí i mmedón ind usci. Gaibthi in béist assind uisci. Domiced claideb úaib! ol sé. &ersir; ní rabai forsin tír fer no lamad a thabairt dó ar omun Ailella &ersir; Medba. Íar sin gataid Findabair a hétach dí, &ersir; focheird bedg issin n-uisce cossin chlaidiub. Dolléici a hathair sleig cóicrind dí anúas rout n-aurchora co lluid treda triliss, &ersir; condo ragaib Fróech inna láim in slig. Fosceird-side issa tír súas in slig, &ersir; a mmíl inna tháeb. Léciud ón co forgabáil, cenéle n-imberta gaiscid, co lluid tarsin tlacht corcra &ersir; tresin léine baí im Ailill. La ssin cotéirget ind óic la Ailill. Dotháet Findabair assind uisciu &ersir; fácbaid in claideb i lláim &Fdot;ráech, &ersir; comben a chend den míl co mbaí fora thóeb, &ersir; dobert a mmíl leiss dochum tíre. Is de atá Dublind Fráech i m-Bréib i tírib Connacht.

Téit Ailill &ersir; Medb ina ndún íarum. Mórgním dori&ndot;génsam, ol Medb. Issinn aithrech, ol Ailill, a ndoringénsam risin fer. Ind ingen immurgu, ol sé, atbélat a bbéoilside i mbárach d'adaig, &ersir; níba cin &mdot;breithe in chlaidib mbeithir dí. Déntar fothrucud lib dond &fdot;ir sa .i. enbruithe n-úr⋅aille &ersir; cárna samaisci do indarggain fo thál &ersir; béuil, &ersir; a thabairt issin fothrucud. Dogníth uile anísin amal asbertsom.

A chornairi íarum remisium dochum in dúine. Sennait di conid abbad tricha fer di ⋅aincháemaib Ailella ar ⋅írechtai. Dothaét íarum isin dún &ersir; téit issin fothrucud. Conéraig in banchuire imbi ocon dabaig día mblith &ersir; dia &fdot;olcud a chind. Dobreth ass íarum &ersir; dogníth dérguth. Co cúalatar ní, a &ndot;golgaire for Crúachnaib, co n-accas na trí coícait ban co n-inaraib corcraib, co cennbarraib úanidib, co mílechaib arggait fora ndóitib. Tíagair chuccu do &fdot;is scél dús cid ro chaínset. Fráech mac Idaith, ol in ben, macdreittel ríg síde &ndot;-Hérenn. La sin rochluinethar Fráech a &ndot;golgaire. Domthócbaid ass, ol sé ria muntir. Gol mo mátharsa inso &ersir; bantrochta Bóinni. Tócabair immach la sodain &ersir; berair cucu. Dothíagat na mná immi &ersir; berdait úadib i ssíd Crúachan. Co n-accatar ní in tráth nóna arna bárach, dothaét &ersir; coíca ban imme, iss é úag⋅lán cen on cen anim. Comáesa comdelba comáilli comchaíni comchórai comchrotha co n-écosc ban síde impu, coná baí aithgne neich sech alaile díb. Bec nád múchtha doíne impu. Scarsat i ndorus ind liss. Atnagat a &ndot;gol oc dul úad co corastar na daíni bátar isind liss tar cend. Is de atá golgaire ban síde la áes cíuil Hérenn.

Téitseom íarum issin dún. Ataregat int ⋅lúaig huili ara chend, &ersir; ferait fáilti friss amal bad a domun aile thíssad. Atraig Ailill &ersir; Medb &ersir; dogníat aithrigi &ndot;dó dond écht dori&ndot;génsat fris, &ersir; dogníat chóri. Gaibthir fledugud leu d'adaig. Congair Fráech gilla dia muntir. Airg ass, ol sé, cosin magin i ndeochadsa issin uisce. Éicne forácbusa and, donuc do &Fdot;indabair, &ersir; irbbad fessin fair, &ersir; fonaither int écne lee co mmaith, &ersir; atá ind ordnasc i mmedón ind éicni. Is dóig lim condessar chuca innocht.

Gabthus mesca &ersir; aruspeittet céola &ersir; airfiti. Asbert Ailill íarum: Tucaid mo ⋅éotu damsa huili!, ol sé. Dobretha dó íarum co mbátar ara bélaib.Amra! Amra! ol cách. Gairid damsa Findabair!, ol sé. Dotháet Findabair cucai, &ersir; coíca ingen impe. A ingen, ol Ailill, ind ordnasc doratusa duitsiu inuraid, in mair latt? Tuc dam conda accatar ind óic. Rot biasu íarum. Ní &fdot;etar, ol sí, cíd dernad de. Fintasu ém! ol Ailill. Is éicen a cungid nó th'anim do dul as do churp. Nicon fíu, ol ind óic, atá mór di maith and chena. Ní fail ní dom ⋅étaibse nád téi dar cend na hingine, ol Fráech, dáig ruc in claideb dam do giull dom anmain. Ní fuil lat do ⋅étaib ní nodott ain mani aisce úadi ind ordnaisc, ol Ailill. Nicom thása cuma&ndot;g dia tabairt, ol ind ingen. An ro chara, dagné dímsa. Tu&ndot;gu día to&ndot;ges mo thúath, atbélat do béoil meni aisce úait, ol Ailill.Is aire condegar chucut, úair is decmai&ndot;g, ar rofetarsa co tísat na doíni atbathatar ó thossuch domuin, ní thic assin magin in rolád. Nícon ticfa fri moín nó adlaic thrá, ol ind ingen, in sét connegar and. Tíagsa conda tucsa, úair is tricc condegar. Ní regasu, ol Ailill. Taét nech úait immurgu dia tabairt. Foídis ind ingen a inailt dia tabairt. To&ndot;gusa do día tho&ndot;ges mo thúath, dia faigbither nícon béosa fot chumachtasu ba síre, diandum roib forsa rol mo greis. Nícon gébsa dítsu ón, cid cossin n-echaire théisi, má fogabthar ind ordnasc, ol Ailill.

Dobert íarum ind inailt in méis issa rígthech, &ersir; int éicne fonaithe fuirre, is é fuillechta fo mil. Dogníth lassin ingin co maith, &ersir; boí ind ordnasc óir forsind éicni anúas. Dos&fdot;éccai Ailill &ersir; Medb. Dalei co ndercar, ar Fráech, &ersir; doéccai a bossán. Indar lemm is la teist forácbus mo chriss, ol Fráech. For fír do &fdot;latha, ol Fráech, apair cid dernais dind ordnaisc. Ní chéltar orut ón, ol Ailill. Lemsa ind ordnasc ro baí it bossán, &ersir; rofetar is Findabair dorat duit. Is airi ro lása issin duiblinni. For fír th'ainich &ersir; t'anma, a &Fdot;róeich, asndíth cía cruth arrálad a tabairt ass. Ní céltar &fdot;ortsu, ol Fráech. A cétlá fosfúarsa ind ordnaisc i ndorus ind liss. Rofetar ropu sét cáeim. Is airi dosroisechtsa co lléir im bossán. Rotchúalasa a lláa dochoad dond uisciu, ind ingen roda láa immach oco íarmóracht. Asbiurtsa frie: Cía lóg rom bia latt ara fagbáil? Asbertsi frimsa dombérad seirc &mdot;blíadnae damsa. Ecmai&ndot;g nís ragbusa immum. Fosrácbus im thaig dim éis. Ní comairnecmarni co comairnecmar oc tabairt in chlaidib issind abaind im láimse. Íar sin atchondarcsa in tan ron oslaicsiu in &mdot;bossán &ersir; ro lláis ind ordnaisc issin uisce. Atchonnarc in n-éicne dorróebblaing ara chind conid gab inna béolu. Ro ngabusa in n-éicni íarum. Cotnócbus issin port. Darolus i lláim na hingine. Is hé int éicne sin íarum fil forsin méis.

Gaibthir admolad &ersir; adamrugud na scél sa is tegluch. Ni foíchursa mo menmain for óclach n-aile i n-Hérinn itiadsiu, ol Findabair. Arotnaisc dó, ol Ailill &ersir; Medb, &ersir; tair chucunni cot búaib do tháin na mbó a Cúail&ndot;giu. &ersir; in tan doregasu cot búaib anair doridisi fibaidsi in n-aidchi sin d'adaig &ersir; Finndabair. Dagénsa anísin, ol Fráech. Biit and íarum co arna bárach. Gabais Fráech immi cona muntir. Celebraid íarum do Ailill &ersir; Meidb.

Documlát dá críchaib íarum. Ecmoi&ndot;g ro gata a báe calléic. Tánic a máthair chuce. Ní béoda do &fdot;echtas, ar sí, dochóas. Fofirfe mór n-imnid duit. Ro gatta do baí &ersir; do thri meicc &ersir; do ben conda fail oc Sléib Aelpa. Ataat téora báe díb i n-Albain túascirt la Cruthnechu. Ceist, cid dogénsa? ol sé ria máthair. Dogéna nephthecht dia cungid. Ní thaibrea th'anmain &fdot;orru, ol sí. Rot biat baí lemsa chena, ol sí. Nimthá són, ol sé. Dochoid form einech &ersir; form anmain airec co Ailill &ersir; co Meidb com búaib do tháin na mbáu a Cúal&ndot;giu. Ní rochébthar, ol a máthair, a condaigi. Téiti úad íarum la sodain.

Dochumlaísom ass íarum tríb nónbaraib, &ersir; fidchúach &ersir; cú lomna leu, co lluid hi crích &ndot;-Hulad co comairnaic ri Conall Cernach oc Bennaib Bairchi. Rádid a cheist friside. Níbu ⋅irsan duit, ol séside, aní ardottá. Ardottá mór n-imnid, ol sé, cid and no beth do menma. Dommáirse, ol Fráech ri Conall, co ndichis lemm nach ré ó conarnecmar. Ragatsa ém, ol Conall Cernach.

Documlát ass a triur tar muir, tar Saxain túascirt, tar Muir Hicht co túascert Langbard, co rráncatar Sléibte Aelpae. Co n-accatar fraccnatain oc ingairiu chaírech ara cind. Tíagam ar ndís, ol Conall, a &Fdot;roích, co n-acaldam in mnaí thall, &ersir; anat ar n-óic sund. Lotar íarum dia acaldaim. Asbertsi: Can dúib? Di &fdot;eraib Hérenn, ol Conall. Nípu ⋅irsan do &fdot;eraib Hérenn ém tíchtain in tíri se. Do &fdot;eraib Hérenn ém mo máthairse. Domfair ar chondailbi. Aisnid ní dún diar n-imthechtaib. Cinnas in tíre doráncamar? Tír &ndot;dúaig n-úathmar co n-ócaib ansib. Segait for cech leth do thabairt bó &ersir; ban &ersir; brat, ol sí.Cid as núidem tucsat? ol Fráech. Baí Fráech maicc Idaith a íarthur Hérenn, &ersir; a ben &ersir; a thri maicc. Unse a ben lasin ríg, ondat a baí issin tír ar far &mdot;bélaib. Donfairni do chobair, ol Conall. Is bec mo chuma&ndot;g acht éolas nammá. Iss é Fráech inso, ol Conall, &ersir; it é a baí tuctha. In tarisi libsi in ben? ol sí. Cid tairissi lind in tan dolluid, bés ní tarissi íar tíachtain. Ben taithigi na mbáu, airgid a dochum. Eprid frie for toisc. Di &fdot;eraib Hérenn a cenél, di Ultaib int ⋅ainriuth.

Tíagait co suidi. Ardagaibet &ersir; nos slaindet dí, &ersir; ferais fáilti friu. Cichib foruíreth? ol sí. Fonroíreth imned, ol Conall. Lenn na baí &ersir; in ben fil issind liss. Níbu ⋅irsan dúib ém, ol sí, dul fo dírimm inna mná. Andsu dúib cech rét, ol sí, ind naithir fail oc imdegail ind liss. Nim thísi amin, ol Fráech. Ní tairissi limm. At tairisisiu lim. Rofetamar nín méra úaire is di Ultaib duit. Can di Ultaib dúib? ol sí. Huinse Conall Cernach sund, láech as dech la Ultu, ol Fráech. Focheirdsi dí láim im brágit Conaill Chernaig. Reiss ind orgain hi fecht sa, ol sí, úaire donánicside, úair is do ⋅uide dorair&ndot;gered orgain in dúini sea. Tíagsa ass, ol sisi. Ni béo fri &mdot;blegon na mbó. Fáicéb in less n-óibéla. Is mé nod n-íada. Asbér is déol ro dinetar ind loíg. Tíastaisi issin dún acht comtalat. Iss andsu dúib ind naithir fail ocon dún. Dolléicetar iltúatha dí. Regmai amin, ol Conall.

Fúabbrait in less. Focheirdd ind nathir bedg i criss Conaill Chernaig, &ersir; orgait in dún fo chétóir. Tessairgit íarum in mnai &ersir; na trí maccu, &ersir; doberat a n-as dech sét in dúine, &ersir; léicid Conall in nathir assa chriss, &ersir; ní dergéni nechtar de olc fria chéile.

&ersir; dothíagat i crích Cruithentúathe co tucsat téora bú dia mbúaib assaide. Co tullatar do Dún Ollaich maic Bríuin friu aníar co mbátar i n-Aird Húa nEchach. Is and atbath gilla Conaill, oc timmáin na mbó .i. Bicne mac Láegaire. Is de atá Inber &mdot;Bicne oc Bennchur. Co tucsat a mbú taris illei. Iss and ro lásat a n-adarca díb, conid de atá Tracht &mdot;-Bennchoir.

Luid Fráech ass íarum dia chrích, &ersir; a ben &ersir; a maicc &ersir; a baí laiss, co luid la Ailill &ersir; Meidb do tháin na mbó a Cúanl&ndot;giu.

 Finit, finit, amen.