]> Táin Bó Regamna An electronic edition unknown Johan Corthals Electronic edition compiled by Peter Flynn University College Cork Second draft, revised and corrected. Proofed and marked for structure by Peter Flynn 1570 CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt
1998 2010 CELT online at University College, Cork, Ireland. G301005

Available with prior consent of the CELT programme for purposes of academic research and teaching only.

 Printed editions Táin Bó Regamna Irische Texte Zweite Serie, 2. Heft Whitley Stokes Ernst Windisch S. Hirzel Leipzig 1887 241–247 Táin Bó Regamna Johan Corthals Österreichische Akademie der Wissenschaften Vienna 1987 Philosophisch-Historische Klasse 478 Keltische Kommission Veröffentlichung Nr. 5

CELT: Corpus of Electronic Texts

Text in the printed edition in square brackets [Hinzufügung] is encoded in add elements; text which was in round brackets (Tilgung) is encoded in sup elements; text which was italicized is encoded in ex elements.

For representation in HTML-only browsers, the CELT conventions are to render editorial corrections, expansions, additions, and restorations in italics.

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the whole text (whether in one volume or many).

 Written down by a monastic scribe in the Old Irish period. 600–900 The text is in Old Irish. Witness list is in English. Four words are in Latin. saga Ulster Cycle prose medieval cattle raid 2010-04-27 Beatrix Färber ed. Conversion script run; header updated; new wordcount made; file parsed. 2008-09-01 Beatrix Färber ed. File validated. 2008-09-01 Beatrix Färber ed. Keywords added. 2008-07-23 Beatrix Färber ed. Value of div0 "type" attribute modified, creation tags added, content of 'langUsage' revised, encoding of titles modified. 2005-08-25 Julianne Nyhan ed. Normalised language codes and edited langUsage for XML conversion 2005-08-04T15:48:28+0100 Peter Flynn ed. Converted to XML 2003-11-19 Peter Flynn Validation Minor corrections to markup December 1998 Peter Flynn Corrections and structural markup. Updated and corrected from the Corthals edition. 1996? Margaret Lantry text capture Text scanned from the Egerton text in Stokes & Windisch edition (pp 241-247).
Egerton 1782 (BL, London, approx 1517) Yellow Book of Lecan (TCD, Dublin, H 216, approx 1391)
Táin Bó Regamna

Incipit Táin Bó Ragamna

A mbuí Cú Chuluinn i nDún Imrid gu gcúala ní an géim. Co ndíuchrustar triana chotlad conid corustar asa imda go riacht ind aridin ina ⋅uidiu for lár. Íar sin immach do ⋅uidiu ar les. Cu mbu hí a ben bertho a étach ocus a armb ina diaig. Co n-facco ní Láeg aro chinn ina charpat inneltai oc Ferta Læig intúaig.

Cid dot-ugai? ol Cú Chuluinn fri Lóeg.

Géim ro-chúalai issin maigh, ol Lóeg.

Cid leth? ol Cú Chuluinn.

Aníarthúaig amne, ol Lóeg.

Ina ndiaig, ol Cú Chuluinn.

Tíaguit ass íarum gu hÁth da &Fdot;erta. In tan mbátar ann íarum gu gcúalatar culguiri in charpuit hi toíb Grellchui Culguiri. Tíaguit fóe co n-faccatar ní in carpat ara cinn no reimib. Óenech derg foa ocus óenchoss fo ⋅uidiu ocus síthve in charpuit sethnu ind eich co ndechuid geinn trít fri fosad a étain anair. Bean derg hissin charpat ocus bratt derg impi ocus di braí dergai lé ocus a brat eter di &fdot;eirt in charpuit síar co sliged lár ina diaig ocus fer mór hi comuir in charpuit. Fúan forbbthai imme ocus gaballorg finnchuill fria aiss og immáin na bó.

Ní fóelid in bó lib oga himmuáin, ol Cú Chuluinn.

Ní dír duit éim a hetercert na bó so, ol in ven. Ní bó charat na choigcéliu duit.

Is dír dam-so éim baí hUlad huili, ol Cú Chuluinn.

Eter-certar so in ba, a Chú, ol in ven.

Ced arndid i in ben atum-gládathar? ol Cú Chuluinn. Cid nach é in fer atom-gládathar?

In fer sin at-gládaigther-su, ol in ven.

Ia, ol Cú Chuluinn, ol is tusso ara-labrathar.

hÚargóeth sceo lúachuir sgeo…ainm in &fdot;ir sin, olsí.

Amae, is amru fot in anmu, ol Cú Chului nn. Ba tusa trá atom glátathar in fecht so ol nim acalladar in fer. Cía do chomainm-siu féin? ol Cú Chuluinn.

Ní ansa. In ben sin at-gládaither-su, ol in fer, fóebar beo béoil, coim diúir, foltt sgeanb, gairitt sgeo úath hí a hainm, olse.

Meraigi do-gníth-siu dim-so, ol Cú Chuluinn, fon innus sin.

Lingid Cú Chuluinn la soduin issin charpat ocus fo-rrumai a da chois fora dib glúinib-siu ocus a chleitíni fora mullach.

Na himbir imrinniu éim formb, ol Cú Chuluinn.

Scuith dim didiu, olsii. Am bancháinti-siu ém, olsí, ocus is ó Dáiriu mac &Fdot;iachno a cCúailgniu tuccus in mbuin si a ndúais n-airchetail.

Cluinium th'airchetal didiu, ol Cú Chuluinn.

Scuith dim nammá, ol in ven. Ní ferdo duitt amin na chrothai húas mo chinn, olsí.

Tét didiu Cú Chuluinn íarum co mbuí eter di feirt in charpuit. Gaibid-se in laíd si:

Doermais nomgaib gaib eti eblatar tairichta muirtemniu morochrat Doernais namgaib gaib eiti ablatutar ic u muirrthemne moracrat romlec dianedim fiach amainsi nachach toarbair adomling romleic diameidib fiachanma amanse nach cach doarbiur adomling airddhe oenmairb maige sainb croī chengach cocbith mestin- ardbæ æn marb maigi sainb cerdacroichengach coebith- metsin- glinne let leiss finn frithoiss dobeoib brectith reth tuasailg osdum glinni lat les find fir itho is debuaib brethai treth tuasailc osdom- arai airdd cechlastair cuailngne achuchuluinn arai airdde cechlastar cuaili&ndot;gi acuculaind fri burach mbuaid arindlindsi arsoegaul arcuailgi acuchulaind cair buidi ben basa clæncuil arm deisi arsegal de antuaith .i. cluas indairmgretha dian taith .i. cluasarmgreta

Fo-ceird Cú Chuluinn bedg ina charpat feissin íarum. Naicc ní i nneoch íarum in mnaí nach in carpat nach in n-ech nach in fer nach in mbuin ocus co n-faco-sium íarum ba hén-si dub forsin chroíb ina farrud.

Doltach ben atat-chomnaic, ol Cú Chuluin n.

Is Dollud dono bias forsinn greallaig si co bráth, ol in ben. Grellach Dolluid íarum a hainm ó hoin ille.

Ochti ro-feisind bed tú ní samluid no-scarfamais, ol Cú Chuluinn.

Cid donrignis, olsí, bieith olec de.

Ni chumgai olc dam, ol Cú Chuluinn.

Cumgaim écin, olsin ven. Is oc do ditin do báis-siu atáu-so ocus bia, ollsí. Do-ucus-sa in mboin si éim, olsí, a síd Crúachan condo rodart in Donn Cúailgni lem .i. tarb Dáre maic &Fdot;iachnui ocus is é aret bia-so i mbetho gu rab dartaid in lóeg fil ina bruinn ina bó so ocus is hé consaídfe Táin Bé Cúailgni.

Bíam airdirciu-sa di din Táin hí sin, ol Cú Chuluinn.

“Géna a n-ánrado. Brisfe a mérchatho. Bia tigba na Táno.”

Cinnus con-igfa-sa anní sin, ol in ven. Ar in tain no-mbia-sa oc comrac fri fer comthrén comchroda comchliss com&fdot;obaith coméscaith comchiníuil comgaiscid comméti friut .i. bam esccung-so ocus fo-chichiur curu immot chossa issinn áth gu mba héccomlunn mór.

For-tonga do día tuingthe Ulaid, ol Cú Chuluinn, fortat-naesab­su fri glaisslecta ind átho ocus nicot bia ícc húaim-siu de gu bráth manim derguis-so.

Bia sod-sa dono glass duit-si, olsí, ocus géba bréit dot dóidind deiss conicci do rigid clí.

Tongu-sa do día tuingti hUlaid, ol Cú Chuluinn, not-benabsi secham gom chletíne gu mbeba do ⋅úil it chinn ocus nocot bia ícc húaim-siu de go bráth manim dergais-si.

Biam samuiscc-siu finn áuoderg dono, olsissiu, ocus do-rag issinn linn hi fail inn áthu in n-atan ro-mbia-so oc comrucc fri fer buss choimchliss duitt ocus cét noud finn n-óbrecc imm diaig ocus membuis inn ét huili im diaig-siu issin n-áth ocus con-bibustar fír fer fort-so a llaa sin ocus géttair do chenn ditt issinn áth sin.

Tungu et reliqua, fo-chichiur-sa hurchur asmo thábaill fortt­sa co memba do gerr gara foat ocus nico mbia ícc húaim-si de co bráth manim dergais-si ocus nicom géntar-so a llá sin etir, ol Cú Chuluinn.

Scarsait íar sin ocus luid Cú Chuluinn for cúlo dorithisiu do Dún Imrith ocus luithi in Morrígan cona buin hi síd Crúachan la Connachta.

Finit.