]> Imacallaim Tuain fri Finnia [Laud 610 fo. 102a2] An electronic edition unknown Kuno Meyer Electronic edition compiled by Beatrix Färber University College, Cork, School of History First draft. 1500 CELT: Corpus of Electronic Texts: a project of the Department of History, University College, Cork
College Road, Cork, Ireland — http://www.ucc.ie/celt
2016 CELT online at University College, Cork, Ireland. G300002

Available with prior consent of the CELT programme for purposes of academic research and teaching only.

 Manuscript Oxford, Bodleian Library MS. Laud 610, fo. 102a2–103a2. For further details see Brian Ó Cuív (ed.), Catalogue of Irish manuscripts in the Bodleian Library at Oxford and Oxford College Library, 2 vols (Dublin: DIAS, 2001–2003) vol. 1, 62–88. Edition See below. The edition used in the digital edition Kuno Meyer Incipit Imacallaim Tuain fri Finnia The Voyage of Bran son of Febal to the land of the living London David Nutt 1895–1896 2 285–294

CELT: Corpus of Electronic Texts

The present electronic text covers Kuno Meyer's edition on pp. 285–294.

Text has been proof-read twice.

The electronic text represents the edited text. Text supplied by the editor is tagged sup resp="KM". Prefixed m-, n- and h- have been hyphenated off. So have compound verbs, prefixed do, and notae augentes.

Direct speech is marked q.

See under normalization.

div0=the story; p=the paragraph; paragraphs and page-breaks are numbered, and manuscript foliation is marked.

Names are not tagged, nor are terms for cultural and social roles.

 By (an) unknown Irish monastic author(s). Old Irish Period The text is in Middle Irish. Some words are in Latin. mythology medieval colloquy Tuan Mac Cairill 2016-08-05 Beatrix Färber ed. File parsed and validated; XML and HTML files created. 2016-08-05 Beatrix Färber ed. File converted to XML; text proof-read (2); structural and content markup inserted; TEI header created. pre-1998 Staff of the CURIA Project ed. Text keyed in and proofed (1). Incipit Imacallaim Tuain fri Finnia

Iar tuidecht do Finnio cosint soscelu lais h-i tír nh-Éirenn h-i crich n-Ulath, luid do thig laích sommai and. Nis-reilc-side h-i tech cucci. Do-cinet lais fo domnach, fo bith nibu maith a chreidem in laích. As-bert Findia fria muntir: Dot-icfa fer maith nob-didnabthar &ersir; ad-fíí duib senchasa inna h-Éirenn file o ceta-gabath.

Tos-fic sruith cleirech arnabárach mattin, feraith failti friu. Toeth limsa, ol se, dom disiurt, is duthchu duib. Lotar lais do-gniat h-urdu domnaig etir shalmu &ersir; procept &ersir; offrend &ersir; celebrad. Imchomaircith a shlondud. As-bert friu: Di h-Ultaib damsa h-i sund .i. Tuan mac Cairill mo ainm. Ro gabus for orbu mo athar a Itha cussan disert n-isin do Bennaib Bairche.

Ro-siacht Finnia coibsena fair do h-imthechtaib h-Éirenn, a n-í for-coemnacair o h-aimsir Parthaloin maic Agnomain. As-bert Findia nad n-airberdis bith chucci. As-bert Tuan fri Finnía: Nam-muiregar-sa immin les-sin, is diliu dund briathar Déi ad-cois dun do imradud. Is cett dait dano, ol Finnía, do imthechta fadéin &ersir; imthechta h-Eirend do innisin dún coléic.

Cuic gabala ém ron-gabath h-Ériu cossin n-aimsir-sea. Ni ragbad ria n-dile &ersir; ni ragbad iar n-díle, co tormalta di bliadain ar míle fás iar n-dul na dilenn din tír. Is iarum ro gab mac Agnomain maic Starbuí, do Grégaib a chenél. Do-lotar for longais cetheora lanamna fichet, ar is már amainse cáich díb fri araile. Trebsit h-Érind co m-buí míle dia chlaind. Dosn-ic duneba etir dá domnach conid apthatar acht oenfher. Ar ni gnáth dígail no h-orgain cen sceolu n-éisi do innisin scel dara n-éisi. Is messi in fer sin.

Basussa iarum o dangun do dangun &ersir; o aill do aill ocom ditin ar chonaib altaib di bliadain ar trichait ro m-buí h-Eriu h-i fás. Do-luid críne form assennath &ersir; addró im thecht. Roba i n-aldaib &ersir; dithribib &ersir; no bítis h-úama aurdalta lim.

Ros-gab mac Agnomin iarum, brathair athar damsa. Attacin innsidi a h-allaib &ersir; bá-su fora n-imgabáil, os me mongach ingnech crín nocht tróg imnedach. Bá-su aidche n-and im' chotlud co n-acca, lod-sa h-i r-richt h-uiss allaid. Bá-ssu h-i s-suidiu iarum, bá-ssu h-oc, maith mo menma lim.

Ocus ba-ssa h-urrae alma &ersir; do-imchellind h-Eirind &ersir; alam mór di h-ossaib immom. Do-rrumalt tra in n-aimsir sin fri h-amsir Nemind &ersir; fria h-amsir a gabala dia chlaind. Ar in tan do-luith Nemed dochum h-Eirenn cetheora bárca ar trichat a l-lín &ersir; tricha fer in cach bairc, immus-rala muir bliadain &ersir; leth ro-baitea &ersir; at-bathatar di gorta acht cetheora lanamna im Nemeth. For-rorbairt a síl sin for h-Erind co r-robatar cetheora míli ar trichait lanamna and im Nemed. Do-rroibtatar dano h-uile iat-side.

Do-luid crine form-sa asennath &ersir; bá-ssu for techud ria n-dóinib &ersir; chonaib alltaib. Bá-ssu aidchi and i n-dorus h-uaime, cuimen lim &ersir; ro-fetar dul asin richt i-nn-araill. Lot-su i n-deilb tuirc allaid.

Eim lim ón dano &ersir; maith lim mo menma &ersir; bá-ssu h-urrae do trétaib torc n-Éirenn &ersir; do-himchellind h-Eirind &ersir; ro buí dúras lim beós d'aithigid issin crich-sea h-Ulad i nn-aimsir mo críne &ersir; mo thróge. Ar is i n-oenmaigin nom-chloechlainnd na delba so h-uili do-gres.

Gabais Semion mac Starai i n-innsi-so &ersir; is dib Fir Domnand &ersir; Fir Bolg. Trebsat-side h-Éirind. Do-luid críne form-sa &ersir; ba toirrsech mu menma &ersir; ba réimdius comaitecht na torc &ersir; na trét, acht bá-ssu i nh-uamaib &ersir; i n-allaib imm' oenur.

Loth-sa dom durus dogrés. Cumain lim cech richt i r-raba. Ro-aeinus mo thredan cen biad. Nim buí cumac. Loth-so i n-deilb muirfeich mair. Maith on lim dano. Ba forotren mo menma, basa saithech imtholtanach. No luid dar h-Éirind, no h-inainnd cach ret.

Gabais Beothecht mac Iordanen a n-indsi-so forsna cenélu batar and &ersir; is diib in Galiuin &ersir; Tuatha Dea &ersir; Ande, cenela cosna fes bunadus lasin n-óes n-eolach, acht ba doich leo bith don longis do-deochaid do nim.

Bá-susa tra amsera mára i n-deilb int shégae co tormalt na cenela so h-uili ro gabsat tir n-Éirend. Gabsat maic Mileth for Tuatha Dea in n-indsi-se ar h-éicin. Loth-so fecht i n-deilb int shega i rraba co m-ba h-i cuas chraind for sruth. Tuirsech mo menma. Addro luamain &ersir; addagin eónu aili.

Ro h-ainius nomaidi and &ersir; lot so i n-deilb ind íaich abae. Dom-chuirethar Dia isin n-abaind. Amrae lim ón dano &ersir; bása setrech dano saithech &ersir; bása hurrae snáma. Adluinid as cach gabud allamaib linaige &ersir; a crobaib séga &ersir; a gaaib línaigi, co filet a crechta indum.

Fecht and an tan roba mithig ra Dia mu chobair-sea &ersir; ro m-batar biasta oc mo ingreim &ersir; rom-finnad cach línaighi in cach lind, dom-bert línaigi and do mnái Chairill rí in tiri-sea. Cumen lim dano co dom-ber in fer &ersir; fonuid me &ersir; nom-hithend in ben a h-óenur co m-ba inna broind. Cumen lim dano ind airet ro m-ba inna broind &ersir; rl. &ersir; a no-ráided cach ria chéile isin taig &ersir; a n-do-ronad ind Éire ind eret sin. Cumen lim dano om thanic labrad amal cach nuidin &ersir; ro finnaind cach rét do-gníthe i nh-Ére &ersir; ropsam fáith &ersir; do-breth ainm dam .i. Túan mac Cairill. Co tanic iarum Patraic co creitem Aésmar dano h-i ssuidiu &ersir; rom-baisted &ersir; ro chreides imm oenur ríg na nh-uili cona dúilib.

Do-gniat iarum celebrad &ersir; tiagait h-i praintech Finnía cona muntir &ersir; Tuan. Arut-ngither colléic doib. Anaitt sechtmain h-i ssuidiu occ immacallaim. Nach senchas &ersir; nach genelach fír i nh-Ére, is o Thuan mac Cairill a bunadas. Att-raglastar Padraic riasind-i-seo attuaid dó &ersir; at-raglastar Colum Cille &ersir; ad-chuaid faitsine n-dó in tíre &ersir; torgaid Finnía commaid fris no beith a phort &ersir; ni h-étas fair-seom. Bith h-uirdnidu do loc-so, ol Tuan. Tuán fuit in forma uiri centum annis i nh-Éri iar Fintan. Fiche bliadan in forma porci, octoginta anni in forma cerui, centum anni in forma aquilae, tricha bliadan fo lind in forma piscis. Iterum in forma hominis co sentaith co h-aimsir Finnio maic húi Fiatach.

Finit.