]> Aislinge Óenguso The dream of Óengus An electronic edition unknown Francis Shaw Electronic edition compiled by Donnchadh Ó Corráin University College, Cork Third draft, revised and corrected. 2530 CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt
1996 2011 CELT online at University College, Cork, Ireland. G300001

Available with prior consent of the CELT project for purposes of academic research and teaching only.

 Manuscript sources British Library, MS Egerton 1782, folio 70b (vellum, AD 1517. Scribes: Ó Maoil Chonaire family, written for patron Art Buide Mac Murchadha Caomhánach. (See Robin Flower, Catalogue of Irish manuscripts in the British Museum ii (London: British Museum 1926, repr. Dublin: School of Celtic Studies, DIAS) 259–98: 286–87). Editions Edward Müller, Two Irish tales, Revue Celtique 3 (1876–78) 342–50. Francis Shaw, The dream of Óengus. Aislinge Óenguso (Dublin 1934). Notice of this edition: J. Vendryes, Études Celtiques 1 (1936) 159–62. Translations Edward Müller, Two Irish tales, Revue Celtique 3 (1876–78) 342–50. K. Jackson, A Celtic miscellany (London 1951) § 39. C.-J. Guyonvarc'h, Le rêve d'Oengus, Ogam 18 (1966) 117–21 [French]. M. Draak & F. de Jong, Het droomgezicht van Aengus, in id. Van helden, elfen en dicters: de oudste verhalen uit Ierland (Amsterdam 1979) 202–07 [Dutch]. J. Gantz, The dream of Óengus, Early Irish myths and sagas (London 1981) 107–12. T. Mikhaylova, Videniye Engusa, Pokhishcheniye byka iz Kualnge (Moscow 1985) 59–65 [Russian]. Alan mac an Bhaird, Aisling Aonghasa. [Modern Irish]. Available on CELt in file T300001. Sources, comment on the text and secondary literature. R. Thurneysen, Aislingi Oengusai, Zeitschrift für Celtische Philologie 12 (1918) 400 (corrections to Müller's readings). Christian Guyonvarc'h and Françoise Le Roux, Le rêve d'Óengus, Ogam 18 (1966) 132–50. The edition used in the digital edition Aislinge Óenguso The dream of Óengus Francis Shaw First edition 119pp Brown & Nolan Limited Dublin 1934

CELT: Corpus of Electronic Texts

All editorial preface, introduction, notes, glossary and index have been omitted. Editorial corrigenda are integrated into the electronic edition. The restored editor's text is rendered exactly and all MS readings are recorded in corr sic=""

Text has been thoroughly checked and proof-read. All corrections and supplied text are tagged.

The printed text is not a diplomatic. Only what were considered important MS readings are given by the FS and only major editorial changes are recorded by FS. Length marks are supplied by FS and marks of lenition in the MS are sometimes suppressed by him. FS substitutes 'Fingen' for MS 'Fergne': this has been retained in the electronic edition, but the correct quantity of the first vowel in 'Fingen', namely 'Fíngen' has been restored throughout. The electronic text represents the edited text. The following emendations are suggested by DÓC but not included in the electronic text: for "áilldem" read "áildem" (1, 3); for "do aidchi" read "'d adaig" (1); for "ro-proindig" read "ro-proind" (1); for "do-rónad" read "do-rigni" (10).

Quotation marks are rendered q.

Soft hyphens are silently removed. When a hyphenated word (hard or soft) crosses a page-break, the page-break is marked after the completion of the hyphenated word.

div0=the text; div1=the editorially numbered sections of the text. Page-breaks are marked using pb.

Names of persons (given names), groups (dynasties, peoples etc.), places are tagged. Names of professions are tagged.

 By an unknown Irish monastic scholar. c. 700–800 The text is in Old Irish. One formulaic word is in Latin. The supplied title is in English. mythology prose medieval Aongus 2013-11-05 Beatrix Färber ed. File updated. 2011-10-18 Beatrix Färber ed. File updated. 2008-10-03 Beatrix Färber ed. Keywords added; file validated. 2008-07-24 Beatrix Färber ed. Value of div0 "type" attribute modified, content of 'langUsage' revised; minor modifications made to header. 2005-08-25 Julianne Nyhan ed. Normalised language codes and edited langUsage for XML conversion 2005-08-04T15:46:49+0100 Peter Flynn ed. Converted to XML 1997-09-16 Margaret Lantry ed. Header modified; file parsed using SGMLS. 1997-09-04 Margaret Lantry ed. Header re-structured; text parsed using SGMLS. 1996-05-03 Donnchadh Ó Corráin ed. TEI.2 Header revised and additional bibliographical material placed therein. 1995-01-09 Donnchadh Ó Corráin ed. Thorough re-collation of electronic text with the printed. Entire text made fully conformant with TEI.2 in regard to mark-up. TEI.2 header created and additional bibliographical material placed therein. 1994-12-11 Donnchadh Ó Corráin ed. Collation of electronic text and re-checking of the text of the MS readings. 1993-03-15 Donnchadh Ó Corráin proofing First proofing completed. 1995-01-08 Peter Flynn markup Encoded in TEI.2 for presentation. 1993-12-31 Peter Flynn encoding Encoded in TEI.1 for demonstration via WWW. 1993-03-01: Donnchadh Ó Corráin data capture Data capture completed. The dream of Óengus Aislinge Óenguso inso

Boí Óengus in n-aidchi n-aili inna chotlud. Co n-accae ní, in n-ingin cucci for crunn síuil dó. Is sí as áilldem ro boí i n-Ére. Luid Óengus do gabáil a l-lámae dia tabairt cucci inna imdai. Co n-accae ní; fo-sceinn úad opunn. Nícon &fdot;itir cia árluid h-úad. Boí and co arabárach. Nípo ⋅lán laiss a menmae. Do-génai galar n-dó in delb ad-condairc cen a h-accaldaim. Nícon luid biad inna béolu. Boí and do aidchi dano aithirriuch. Co n-accae timpán inna láim as bindem boíe. Sennid céol n- dó. Con-tuil friss. Bíid and co arabárach. Nícon ro-proindig dano arabárach.

Blíadain lán dó os sí occa aithigid fon séol sin condid corastar i sergg. Nícon epert fri nech. F-a-ceird i sergg íarum ocus ní fitir nech cid ro m-boí. Do-ecmalldar legi Érenn. Nícon &fdot;etatar-som cid ro m-boí asendud. Ethae co Fíngen, liaig Conchobuir. Do-tét-side cucci. Ad-gninad-som i n-aigid in duini a n-galar no bíth for ocus ad-gninad din dieid no théiged din tig a l-lín no bíth co n-galar and.

Atn-gládastar for leith.Ate! nítat béodai do imthechta, ol Fíngen, Sercc écmaise ro carais. Ad-rumadar mo galar form, ol Óengus. Do-rochar i n-dochraidi ocus ní rolámar a epirt fri nech, ol Fíngen. Is fír deit, ol Óengus. Do-m-ánaic ingen álaind in chrotha as áilldem i n-Ére co n-écusc derscaigthiu. Timpán inna l-láim, conid senned dam cach n-aidchi. Ní báe, ol Fíngen; do-rogad duit cairdes frie; ocus foítter úait cossin m-Boinn, cot máthair, co tuidich dot accaldaim.

Tíagair cuicce. Tic iarum in Boann. Bíu oc frepaid ind &fdot;ir-se, ol Fíngen, d-an-ánaic galar n-ainchis. Ad-fíadot a scéla don Boinn.Bíd a &fdot;reccor céill dia máthair, ol Fíngen. D-an-ánaic galar n-ainchis; ocus timchelltar h-úait Ériu uile, dús in n-étar h-úait ingen in chrotha so ad-condairc do macc. Bíid oc suidiu co cenn m-blíadnae. Nícon &fdot;rith ní ba chosmail di. Is iar sin con-gairther Fíngen doib aithirriuch. Nícon &fdot;rith cobair isindísiu, ol Boann. As-bert Fíngen: Foítter cossin n-Dagdae tuidecht do accaldaim a maicc.

Tíagair cossin n-Dagdae. Ticc-side aithirriuch. Cid diandom-chomgrad? Do airli do maicc, ol in Boann. Is ferr duit a chobair. Is liach a dul immudu. At-tá i siurgg. Ro car seircc écmaise ocus ní roachar a chobair. Cia torbae mo accaldam? ol in Dagdae. Ní móo mo éolas in- dáthe-si. Móo écin, ol Fíngen. Is tú rí síde n-Érenn; ocus tíagar úaib co Bodb, ríg síde Muman, ocus is deilm a éolas la h-Érinn n-uili.

Ethae co suide. Feraid-side fáilti friu. Fo chen dúib, ol Bodb, a muinter in Dagdai. Is ed do-roachtmar. Scéla lib? ol Bodb. Atáat linni: Óengus macc in Dagdai i siurgg dá blíadnae. Cid táas? ol Bodb. Ad-condairc ingin inna chotlud. Nícon &fdot;etammar i n-Ére cia h-airm i tá ind ingen ro char ocus ad-condairc. Timmarnad duit ón Dagdae co comtastar h-úait fond Érinn ingen in chrotha-sa ocus ind écuisc. Con- díastar ol Bodb, ocus étar dál blíadnae friumm co fessur fis scél.

Do-lluid cinn blíadnae co tech m-Buidb co Síd Ar Femen. To-imchiullus Érinn n-uili co fuar in n-ingen oc Loch Bél Dracon oc Crottaib Cliach, ol Bodb. Tíagair úaidib dochum in Dagdai. Ferthair fáilte friu. Scéla lib? ol in Dagdae. Scéla maithi; fo-fríth ind ingen in chrotha-so as-rubartaid. Timmarnad duit ó Bodb. Táet ass Óengus linni a dochum dús in n-aithgne in n-ingin, conda accathar. Brethae Óengus i carput co m-boí oc Síd Al Femen. Fled mór lassin ríg ara ciunn. Ferthae fáilte friss. Bátar trí láa ocus teora aidchi ocond &fdot;leid. Tair ass trá, ol Bodb, dús in n-aithgne in n-ingin conda aiccther. Ci ad-da-gnoe, ní-s cumcaim-si a tabairt acht ad-n-da-cether namá.

To-lotar íarum co m-bátar oc Loch. Co n-accatar inna tri cóecta ingen macdacht. Co n-accatar in n-ingin n-etarru. Ní tacmuictis inna h-ingena dí acht coticci a gualainn. Slabrad airgdide eter cach dí ingin. Muince airgdide imma brágait fadisin ocus slabrad di ór &fdot;orloiscthiu. Is and as-bert Bodb: In n-aithgén in n-ingen n-ucut? Aithgén écin, ol Óengus. Ní-m thá-sa cumacc deit, ol Bodb, bas móo. Ní báe són, ol Óengus, ém; óre as sí ad-condarc; ní cumcub a breith in fecht-so. Cuich ind ingen-sa, a Buidb? ol Óengus. Ro-fetar écin, ol in Bodb, Caer Ibormeith, ingen Ethail Anbuail a s-Síd Úamain i crích Connacht.

Do-comlat ass íarum Óengus ocus a muinter dochum a críche. Téit Bodb laiss co n-árlastar in n-Dagdae ocus in m-Boinn oc Bruig Maicc ind Óicc. Ad-fíadat a scéla doib ad-fídatar doib amail m-boíeeter cruth ocus écoscc amail ad-condarcatar. Ocus ad-fídatar a h-ainm ocus ainm a h-athar ocus a senathar. Ní ségdae dúnn, ol in Dagdae, ná cumcem do socht. Aní bad maith duit, a Dagdai, ol Bodb. Eircc dochum n-Ailella ocus Medbae ar is leo bíid inna cóiciud ind ingen.

Téit in Dagdae co m-boí i tírib Connacht, trí fichit carpat a lín. Ferthae fáilte friu lassin ríg ocus in rígnai. Bátar sechtmain láin oc fledugud íar sin im chormann doib. Cid immu-b-rácht? ol in rí. At-tá ingen lat-su it &fdot;erunn, ol in Dagdae, ocus ro-s car mo macc-sa, ocus do-rónad galar dó. Do-dechad-sa cuccuib dús in-da-tartaid don macc. Cuich? ol Ailill. Ingen Ethail Anbuail. Ní linni a cumacc, ol Ailill ocus Medb. Dia cuimsimmis do-bérthae dó. Ani for-maith -congairther rí in t-⋅íde cuccuib, ol in Dagdae.

Téit rechtaire Ailella cucci. Timmarnad duit ó Ailill ocus Meidb dul dia n-accaldaim. Ní reg-sa, ol sé. Ní tibér mo ingin do macc in Dagdai. Fásagar co h-Ailill anísin. Ní étar fair a thuidecht; ro-fitir aní dia con-garar. Ní báe, ol Ailill, do-rega-som ocus do-bértar cenna a laech laiss. Íar sin cot-éirig teglach n-Ailella ocus muinter in Dagdai dochum in t-⋅íde. Inrethat a síd n-uile. Do-sm-berat trífichtea cenn ass ocus in ríg co m-boí i Crúachnaib i n-ergabáil.

Is íarum as-bert Ailill fri h-Ethal n-Anbuail: tabair do ingin do macc in Dagdai. Ni cumcaim, ol sé. Is móo a cumachtae in- dó. Ced cumachtae mór fil lee? ol Ailill. Ní anse; bíid i n-deilb éuin cach la blíadnai, in m-blíadnai n-aili i n-deilb duini. Ci-ssí blíadain m-bís i n-deilb éuin? ol Ailill. Ní lemm-sa a mrath, ol a h-athair. Do chenn dít, ol Ailill, mani-n-écis-ni. Níba sia cucci dam-sa, ol sé. At-bérsa, ol sé; is lérithir sin ro-n gabsaid occai. In t-⋅amuin-se as nessam bieid i n-deilb éuin oc Loch Bél Dracon, ocus ad-cichsiter sain-éuin lee and, ocus bieittrí cóecait géise n-impe; ocus at-tá aurgnam lemm-sa doib. Ni báe lemm-sa iarum, ol in Dagdae, óre ro-fetar a h-aicned do-s-uc-so.

Do-gníther íarum cairdes leu .i. Ailill ocus Ethal ocus in Dagdae ocus soírthair Ethal ass. Celebraid in Dagdae doib. Ticc in Dagdae dia thig ocus ad-fét a scéla dia macc. Eirc immon samuin as nessam co Loch Bél Dracon con-da-garae cuccut dind loch. Téit in Macc Óc co m-boí oc Loch Bél Dracon. Co n-accae trí cóecta én find forsind loch cona slabradaib airgdidib co caírchesaib órdaib imma cenna. Boí Óengus i n-deilb doínachta for brú ind locha. Con-gair in n-ingin cucci. Tair dom accaldaim, a Chaer. Cia do-m-gair? ol Caer. Cotot-gair Óengus. Regait diandom fhoíme ar th' inchaibco tís a l-loch mofhrithisi. Fo-t-⋅isiur, ol sé.

Téiti cucci. Fo-ceird-sium dí láim forrae. Con-tuilet i n-deilb dá géise co timchellsat a l-loch fo thrí conná bed ní bad meth n-enech dó-som. To-comlat ass i n-deilb dá én &fdot;ind co m-batar ocin Bruig Maicc in Óicc, ocus chechnatar cocetal cíuil co corastar inna dóini i súan trí láa ocus teora n-aidche. Anais laiss ind ingen íar sin.

Is de sin ro boí cairdes in Maicc Óic ocus Ailella ocus Medbae. Is de sin do-cuaid Óengus, tricha cét, co Ailill ocus Meidb do tháin inna m-bó a Cúailnge.

Conid <q>De Aislingiu <ps><fn>Óenguso</fn></ps> maicc in <ps><fn>Dagdai</fn></ps></q> ainm in scéuil sin isin Táin Bó <pn>Cúailnge</pn>. Finit.