]> Scéla Cano meic Gartnáin An electronic edition Daniel A. Binchy Electronic edition compiled by Beatrix Färber University College, Cork Professor Marianne McDonald via the CELT Project; formerly CURIA Second draft. 7150 CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt
2001 2010 CELT online at University College, Cork, Ireland. G100039

Available with prior consent of the CELT programme for purposes of academic research and teaching only.

Hardcopy copyright lies with the School of Celtic Studies (Dublin Institute for Advanced Studies). This edition was prepared with the kind permission of the copyright owner.

 Manuscript sources Dublin, Trinity College, Yellow Book of Lecan, pp. 128a–132b. See Robert Atkinson (ed.), The Yellow Book of Lecan, a collection of pieces, prose and verse, in the Irish language in part compiled at the end of the fourteenth century, published from the original manuscript in the library of Trinity College, Dublin by the Royal Irish Academy with an Introduction, Analysis of contents and Index (Dublin, 1896). For catalogue details see T. K. Abbott (ed.), Catalogue of the manuscripts in the library of Trinity College, Dublin (Dublin, 1900), MS H. 2. 16 (1318) pp. 328–337. Dublin, Royal Irish Academy, B. IV. 2, written by Michael O'Clery in 1627/28, containing the poem in lines 450–497. For further details see Kathleen Mulchrone, T. F. O'Rahilly et al. (eds.), Catalogue of Irish manuscripts in the Royal Irish Academy (Dublin 1926–43), vol. 24, MS 1080, pp. 3021–29. Editions Kuno Meyer, Scéla Cano meic Gartnáin. From the Yellow Book of Lecan, col. 786 (p. 128a), Anecdota from Irish Manuscripts. I. (Halle/Saale 1907) 1–15. [Untranslated]. Translations Rudolf Thurneysen, Eine irische Parallele zur Tristan-Sage. Zeitschrift für romanische Philologie 43 (1924), 385–402. Addenda and corrigenda Zeitschrift für celtische Philologie 16 (1926) 280–282. Literature including reviews Joseph Loth, Un parallèle au roman de Tristan en irlandais au Xe siècle, Acad. des Inscr. et Belles-Lettres. Comptes Rendus, 1924, 122–134. Myles Dillon, The Wooing of Becfhola and the Stories of Cano, son of Gartnán, in: Modern Philology 43 (1945) 11–17. P. L. Henry, A passage in Scéla Cano meic Gartnáin, in: Ériu 20 (1966) 222–226. Review of Binchy's edition: Gearóid Mac Eoin, in: Studia Hibernica 4 (1964) 244–249. Review of Binchy's edition: Pádraig Ó Fiannachta, in: Éigse 11 (1964/66) pt.1, 76–79; 156 [corr.] Review of Binchy's edition: Rachel Bromwich, in: Studia Celtica 1 (1966) 152–155. Review of Binchy's edition: E. Bachellery, in: Études Celtiques 11 (1964/67; fasc. 2, 1966/67) 522–526. James Carney, The so-called 'Lament of Créidhe', in: Éigse 13 (1969/70) 227–242. Corrections to Thurneysen's edition: Michael O'Brien, in: Ériu 11, 86f., 158; 12, 244. Tomás Ó Cathasaigh, The Rhetoric of Scéla Cano meic Gartná:in, in: Donnchadh Ó Corrá:in, Liam Breatnach and Kim McCone (eds.), Sages, Saints and Storytellers. Celtic Studies in Honour of Professor James Carney (Maynooth 1989) 233–250. Tomás Ó Cathasaigh, The theme of ainmne in Scéla Cano meic Gartná:in, in: Celtica 15 (1983) 78–87. The edition used in the digital edition Scéla Cano meic Gartnáin Daniel A. Binchy First edition xxvii + 69 pp. vii Contents, ix–xxviii Introduction, 1–19 Text, 21–39 Notes, 40–65 Vocabulary, 66–67 Personal and Tribal Names, 68 Place–Names. Dublin Institute for Advanced Studies Dublin First published 1963. reprinted 1975 Mediaeval and Modern Irish Series 18

CELT: Corpus of Electronic Texts

The present text represents pages 1–19 of the edited text. The poem from O'Clery's MS (B) which in Binchy's edition is printed beside the version from MS Y, is appended to the electronic edition.

Text has been checked and proofread twice. All corrections and supplied text are tagged.

H prefixed to nouns with vocalic anlaut and nasalising consonants prefixed to anlaut consonants have been hyphenated off. The punctum delens above a character is rendered by the corresponding entities for &fdot;, ⋅, &Fdot;, &Sdot; in the SGML/XML file. The Web browser may not be able to display them in the HTML file. Italicised letters have been tagged hi rend="ital". The abbreviation for 'immurgu' was expanded. Letters supplied in square brackets by Binchy to restore the normal Old Irish form of a word have been tagged sup resp="DAB"; letters he regarded as superfluous, enclosed in round brackets, were tagged sic corr resp="DAB". Variant readings supplied by Thurneysen, Meyer and Gerard Murphy are included.

When a hyphenated word (hard or soft) crosses a page break or line break, the break is marked after the completion of the hyphenated word.

div0=the tale; div1=the section; paragraphs are marked p; poems are treated as embedded texts, with stanzas and metrical lines marked lg and l.

Personal and group names and place names have been tagged. Quotes have been rendered q. Poems and passages of rhetoric speech have been treated as embedded texts, with stanzas and metrical lines marked lg and l respectively. Foliation is indicated by mls unit="folio" n="nn".

 By one or more unknown author(s). c.850–900 The text is in Old Irish. Some formulae are in Latin. histor Kings' Cycle prose medieval 2010-04-01 Beatrix Färber ed. Header and file updated; new wordcount made; file reparsed. 2008-09-27 Beatrix Färber ed. Header modified, keywords added; file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T15:28:33+0100 Peter Flynn ed. Converted to XML 2004-03-25 Benjamin Hazard ed. Additions made to the bibliography. 2001-06-22 Beatrix Färber ed. Insertion of orig reg tags; HTML file created. 2001-05-29 Beatrix Färber ed. Second proofing; markup of names and numbers. Insertion of sic, corr, hi and sup tags; parsing using NSGMLS; creation of HTML file. 2001-05-24 Beatrix Färber ed. Header created, file converted to ASCII; file parsed. pre-1998-06 Students at the Department of History UCC ed. First proofing; structural markup added. pre-1996 Staff at the TITUS project text capture Text keyed in. Scéla Cano meic Gartnáin

Baí imchosnom im rígi n-Alban iter Oedán mac Gabráin &ersir; Gartnán mac Æda maic Gabráin, co torchair leth fer n-Alban etarru hi cathaib &ersir; imargalaib. A n-Inis moccu Chéin ro-baí in Gartnán; is sí insi is dech con-rótacht i n íarthar domain, .i. stíall ar chapar do dercibar cach teach baí isinn indsi la Gartnán ó &fdot;éic co féic imonn indsi uili connici in fíaltech; ba do dercór a indsi uili la Gartnán. Seacht seisrecha leis for indair; secht n-áirge leis, .uii. fichit bó cacha háirge. .l. lín fri h-aige altai esti amach, .l. lín fria h-íascach. in .l. lín éisc, súainemain estib for senistrib na cuchtrach, cluicine for cind cacha súainemna forind aireanach ar bélaib ind rechtaire; cethrur oc téluch na n-iach cét⋅náma dó súas. Éiseum co léic ic ól meda foraa cholcaig.

Rucad mac do Gartnán, .i. Canu mac Gartnáin. Rucad-side for altrom. Fo-rroilged la Gartán dabach i l-lac mara, &ersir; sí lán di ór &ersir; di argat; &ersir; ro-marbtha lais in cethror ro-bátar oc breith ind airgid inti, conda ruc in muir leis, &ersir; nách fidir acht séisem &ersir; a ben &ersir; a mac.

Do-luid immurgu Ædán cucai-seom .xx. cét fot na geamaidhchi. Coná dechadar acht a n-deachaid do rind gaí &ersir; do gein claidhibh, &ersir; ni baí crand dond indsi fri aroile im meadón laí arna márach.

Maith trá, or Cano, is ferr dún imgabáil ind &fdot;ir-se ro-marb ar n-athair; ní faicsiu ar cairdeas dó inás in fer ro-marb. Cid leath reghmae? or a muinter. Reghmait i tír n-Érind; combráthair dún. Do-gníther curaich lais. Lotar dochum thráchta. Is samlaidh do-dechadar dochum mara .i. cóeca læach. Brat corcra cóicdíabalta im cach n-aí; dá sleigh cóicrindi ina láim; scíath co m-búailig óir fair; cloideb órduirnn fora chris; a mong órbuidi dara ais. Is samlid do-deachadar in .l. ban: brat húaine co cortharaib argait; léne co n-dergindlead óir; deilgi óir lánecair co m-brechtrad ngem n-ildathach; muinci di ór forloiscthi; mind óir fora chind cach aí. In .l. gilla: inara do síta buidiu impu co n-argud. Fithchell for muin cach gillai co feraib óir &ersir; airgid; timpán créda in láim chlí in gillai; da mílchoin ar slabraid airgit ina láim deis.

Bátar meic Æda Sláne in tan-sin for crích n-Ulad for tomaltaib, .i. dá mac Æda Sláne i comflaitheamnas; bádar-side hi Collmaig hi crích Ulad. Ro-buí fáilti mór la suidiu, .i. trian biid &ersir; leanna &ersir; attreib &ersir; indili dó. Nirbo lór la h-Ædán a chlos-sin na fáilti do thabairt do-som la macu Æda Sláne; andso cach rét leis dī nád fider in dabaig fo-roilged la Gartnán. At-berad-som trá do-dechaid in Satan chuca, .i. co h-Oedán, co n-éccid dó in dabaig áit a roibi, co tucad leis co m-buí ina chuili fodeisin, &ersir; nocho testa afaing esti. Bidh maith so, or Oedán, .i. in crod-sa Gartnáin do-bérthar do macaib Æda Sláne ar marbad a meicc, .i. Cana.

Do-luid nónbur úad, &ersir; míach argaid leo, co m-bádar issind arucol mac n-Æda Sláne cen &fdot;is cen air&fdot;is. Cana cona muintir i tig fo leith isin lis. Ingen Díarmada maic Æda Sláne ro-charastar Cano ara airscélaib cid síu do-thísed thairis. Ro-bátar coím Éreand ica cchuindchid. Buí-si i nnairicol i tóeb taigi mac n-Óeda. Toimsidher a n-argad, or mac Æda. Ro-d-bia ón, or ind Albanaich.

Ro-chúalae ind ingen in cocur hísin. Ro-gab imach, &ersir; gebid fleisc ina láim, &ersir; luid co m-buí forsin fordorus ind lis. Is and do-lluid-seom imach ceathror, &ersir; óengaí i l-láim cech fir do dul immach. At-bert-si: Nochon &fdot;etar-sa indiu la h-&Éri ná h-Albanchu loech nád urgarad Cano cona gaí find fortanu.

Oc teacht dó fon fordorus, do-bert-si in slait ina chend &ersir; dixit: A Chano faire i file fortharo; masa dodchad, is mór de, masa sotchad, is tano.

La tobairt bémme dó oc tuideacht imach, &ersir; as-bert oc teacht dó úaidi: Ní faiteach int Albanach im-thét la lúth a láime; atá ní nád faichlethar gussu maic Æda Sláne. Ní ar tharcud athchomsáin do ríg cen écnach n-æra, atá mór dona doínib fo chíchib maicni n-Oeda. A scél ro-chúala tria tech ní sían n-álaind n-adbannach; siretach nád cluinither; ní faitech int Albanach. Ni.

As robad so, a ingen, ar Cano. Cid robud, orsi, atá a damna and. Atáthar ac tomus argaid ar bar marbad isinn arucul út. Maith dī, orse.

Luid ina thech. Maith trá, is airc dúnn cia do-gnemis comairle. Cid so, a Chano,? ol a muinter. Ní "cid" maith, ol Cano; do-filter cucand diar marbad in lín atám. Bés is ed ro-chindead dún, ar an óic. Atá ní as maith dún, or Cano: fúaitgem donaib feraib na cóic thigi file isind lis. Tíagat dá claidbech déc ar dorus cach tigi. Ro-hicob-sa na rígu &ersir; nibat ríg na fotha. Maith, or inn óic, is fearr ainmne. Maith, orse, tíagh-sa dochum ind arucuil dús indam lécther ind. Diandam léicther ind, ni-m mairbfider. Mani-m léicther, segaith-si ar éicin &ersir; no-m-léicid imach íarum.

Téit-seom dī do dorus in tigi. Tíagair di athchomarc Cano i n-dorus in tigi. Do-lleic ind, or Díarmaid. Tóet ind, or Bláthmac. Téit isa tech co fosad. Is and buí in sechi cusan argad for lár in tigi. Tair etraind sund, orsiad. Maith ind foil-se, orse, .i. foil a athar. Bíd imod láim, or Díarmaid. Ba dúthaich cia no-beth dī, orse. Cia dúthchus ón? orsead. Scél trúag ón, orse. Atchúalabair m'athair-sea. Rob adlaic leo-som daigh-íartaigi dam-sa; .i. ro-foilgedh leis dabach lán di arcad. Ol is treisiu tocad Ædán, fo-fúair co tucad úad crod an athar armo marbad-sa libh-si sund. At-beram, or Díarmaid, cia do-bertha lán in tigi co h-ochthaig, ni-t rirfithe aire. Is buidi lend, orse.

La sin gaibthi imach. Téit Bláthmac ina diaid. Atá ní no-t-bia, a Chana, orse. Regait ind óic diar n-inchaibh-ne murchreich. Airg-siu ara chind &ersir; dos-fúairc, &ersir; tuc th'arcad fadéin chucad. Am buideach de, or Cano.

Téit íar sin coa muntir. Im-rochomlai ind n-inseo a taigh dóib. No-s-gaib Cano. Aireblingthe co m-buí isin curach. do thetarreacht ar m-baégail, ar Cano. Is dáig, orseat. Olc dúib ám mo brath-sa. Ni fil isan churach-sa nabad i tig m'athar-sa &ersir; mo máthar do-ucabtha. Maith, a Chano, ar ann óic. Cid tú bud chumachtach is' tír i tám-ne, no-bemis dod réir. Atá ní as maith duit: t'argat bodéin d'fácbáil lat &ersir; ar léiciud-nni diar tír. Bid fír dī, orse. Aircid ass. Cid so, a Chono? ar a muinter. Dar mo chumachta-sa, orse, ni gétar afaing asin churach-sa. Ma ra-tocad dam-sa, as mé do-mélad a n-argat-sa. Atin buidig de, ar an óic. Tucaid as.

Do-thoét són dochum tíre. Maith, or Díarmaid — fáitsine ó Día leis-side. Do-radad lúag na h-ainmnet do-ronnai in gillai forsin fairgi: rígi n-Alban dó ceithri blíadnai fichet tar éis Oedán. Maith, or Díarmait, tabraid fáilti dond &fdot;ir do-thæd chucaib.

Co cend trí tráth íar sin nocho tall cris ná delg díb. Bennacht for cách do-gní maith frind, ar Cano. Tíagam-ni do chollad.

Ba sí a comairle trá: do-lotar as fut na h-aidche co tuidcheatar fa-des dar Mag Murthemne i Mag m-Breg hi Cernai. Bátar géisi forsin tilich. Díbairg na h-éounu, or a munter fri Cana. Do-léici irchor fairriu; ni ránic. Is ann as-bert, ar ni ro-theilc imroll riam: Gési Cernai, mosrubthus, dom liicc ni mad rogabas; brónán foru dia coraib, fo brónán form do imrolaib.

Do-lotar síar arna bárach do Loch Aindind. Díbairg in lochain, or cách. A locho arseiseom Locha Aindindi, ni-t rocho ni scéoil indé a Cernu lochain locha ni focha. Ni airg éonu Maic Dé bí ara clúim; is beg tarba, ar ní mór a méit, ro-s-léic amin ina n-dlúim. Ni airg éonu in maigi; niba foru mo sroibthene; ní hed do-m-ucai ó Scí cocad fri géisi Cernai. .g.

Lotar íar sin dar Sinaind hi Connachta do ascnom co Gúairi, co rángadar tech Marcáin las m-baí Créd ingen Gúaire. Ro-charastair-side cid síu thísed thairis anair. Is ann as-bert-si: Cano mac Gartnáin ó Scí, Créd a Maínmaig i n-áni: ba dirsin is mór do dú ocus da muir eturru. Créd ingen Gúairi mad nach, cóel in bath (?) etar-da-beth ocus mac Gartnán, in mac regad dia tochmarc.

Ro-anacht-som dī a bale isind óir da-luid-seom la Díarmaid dia tardaid Díarmaid in cath do Gúairi, co ro-anacht-som immale. Airg a gilla, orseiseam, isin leas. Cuindig comairce co Créid dún co ríasam co Gúairi.

Is and as-bert-som intí Cano: Beir imchomarc úaim-se co Créidi ingin Gúaire, is geb na runnu-sa dí, do-bér-sa a coibéis úaidi.

Duid-seo do-berthar na raind-sea, a Chréidi, ar Colcu mac Marcáin. Is and as-bert: A Cholco, bec a &fdot;is duid cia doordo; mo serc-sa do-radus d'&fdot;ir nád focus dam a forba.

Fir a cano, ar Marcán, ni chara is é don muinter-si. A Marcáin, ni rabae d' éis do macáin; nirop do macán ro-m-⋅á corab tusu ad-bala. Do ⋅eirc neich sech araile i tír nÉrend ni dordo mairg diamongnais Cana &ersir; diam cara Colcu! A.

Ro-liad-si íarum ar Cholcain, dia n-ebairt Gúaire fesin dia n-etarchosaíd: Créd la Marcán, niba mac, ni gaib Colcain do thochmarc, nu ruband Créd ar féle acht is a fail óenchéile.

Lotar-sin dī co Derlus n-Gúairi, &ersir; ba fáilich friu. Fo-chen duid, a Chano! ar Gúairi. Ni-t-recfider sund ar argad ar scís do bíata. Niba scél mac n-Oeda Sláne. Ro-d-bia biad &ersir; inillius, &ersir; fo-chen duid!

Buí Cano mac Gartnáin íar suidiu tremsi i fail Gúaire, .i. trian ind lis do Gúairiu, &ersir; trian n-aill don lis do Chano, &ersir; a trian n-aill do Senchán Torpéist .i. fili Gúaire &ersir; fer n-Érenn uile. Fer beg trúag, i r-rúsc olla no-bídh do grés dia chadudh ara thrúaigi. Cethrumthu bairgine do-meled co cend trí tráth. Brigid bratbrú a chaillech-som no-chaithed .iii. ceathroimthi na bairgine. Ba mór les-seom a brú, conid Brigid bratbú a hainm leis-seom íarum. Ba mór a h-erraigi. Fecht n-and do-luid Brigid for tairireth. Fácaib a h-inailt fora erraithe-sem. Óicbean-side chóem. Luid medón laí ara bárach dia thairbirt-som. Oc tuidecht dí asin chuilich — Ná tair, ná tair, a ben! arse. Am siniu-sa andaí-siu. At-chondarc-sa do senmáthair-seo; ro-buí grísingin fora h-ordain chlí. Scéfe dia tuidchis ní bus mó.

Airchetal do-roindi-seom do Díarmaid mac Æda, Sláne. Airg, a gilla, orseisem, co n-airchedal do ríg Érenn. Téid-side sair. Saidig a n-airchedail. Is maith ind n-airchetul, or Díarmaid. Is ann buí-seom: oc sním irchomail fo Grip .i. gabar Díarmada. Beir lat ind n-idh-sea do &Sdot;enchán. Luid-side síar &ersir; nirbo buideach. Asso, a bachlaich, orse, id id n-irchomail duit i ndúais t'airchetail. Ónaib rígaib ferr id adlaic a gillai, orseiseam. Airg, a gilla, orse, dia blíadnae, co n-airchedul do ríg Érenn. Gaibid in gilla a n-airchetal. Maith, or Díarmaid, ber lat in gablaig-se do Senchán. Asso, a antocaid, or in gilla, gaiscead duit dot chuitmed ór Díarmaid. Airg, a gilla, co n-airchetul do Díarmaid. Is maith a n-archetal.

Gaibid in gilla fair. Cade Díarmaid? Atá i n-arucol ic tomus óir &ersir; argaid. Ba maith duit teacht chuici. Oslaic! ol in gilla. Cía so? or Díarmaid. Gilla Seancháin.

Gaibid in gilla a n-airchetal. Is maith, or Díarmaid, beir lat so do Seanchán .i. cét unga do dergór &ersir; trí .xx. do argat duid fén. Maith, a gillai, or Senchán, cid do-t-gní fáilid don chur-sa? Atá maith sund dait, or in gillai, .i. cét unga do dergór. Is ferr, a gillai, oldás a olcugud. Airg, a gillai, co n-airchetul do Díarmaid. Regthair, orse. Cade Díarmaid? Do-choid do thafand.

Luid 'na diaid isa slíab. Tecaid ind &fdot;ir na n-diaid ind aigi isin gleann. Fácabair Díarmaid iter a echaib. At-géoin in gilla. Adroich in gilla iter na h-eachaib. Slaindid in gilla ind n-airchedal dó. Maith, a gillai, ber lat so do &Sdot;eanchán .i. trícha each ina sríanaib &ersir; ina muincib.

Maith íarum in fer intí Senchán. Iarna idnocol-som ó feraib Muman, (do-)luid co m-buí for sléib Eachtge co Gúaire, &ersir; ni rogab acht óentech do dénam imme, imon filid &ersir; imon sligid ó Echtge co Derlus, .l. fer dó &ersir; .l. ban &ersir; .l. con &ersir; .l. gilla, &ersir; buith fó muiriur ó &Sdot;amain co Belltaine; &ersir; luid íarsint slighidh. Do-n-áraill bainne flechaid ina étan. Fé amaí!arse, ní coir dī anní-siu immurgu, is gaimlóchad.

&ersir; do-rónai allse ina étan, conid ed ro-n-uc &ersir; rob écen .uii. cumala dó cach achaid ó sin co Derlus.

Maith trá, a Gúaire, or Senchán, is romór turcbais-seo fort. Ba leór do Chondachtaib beith foar muirer ar n-dís cenco tabarthae nech aile chucond; .i. in gilla ansa, arse, mac Gartnáin, no-théisead amach fon túaith &ersir; na coin maithi leo, &ersir; dénat ánius eturru.

Rob ed ón ó medón laí co medón laí ara bárach: íar lécon a chon dóib ni chomránic fer díb fri araile. Batar tuirsich oc suidiu; celebraidhsed do Gúaire. Fír, or Gúairi, ro-&fdot;etar-sa a na-tathai. Ni taam ní, or Cano, acht maith lind ánius .i. cúaird Érend do chur co n-acamar a n-dindgnu &ersir; a n-dúne &ersir; a cella &ersir; a cóemu. Cucot-so do-regam &ersir; is úaid regmai. Ad-fíadar dún atá gilla án andess la firu Muman, .i. Illand mac Scannláin do Chorco Loíge; maith lend dul dia acallaim. Teit dī, ar Gúairi, co tormolaid feis na h-aidchi lim-sa.

Lotar ón íarum, &ersir; do-llotar maithi Condacht do chelebrad dóib. Do-lluid dī Créd &ersir; Marcán &ersir; Colco don irgnam. Ba hécen immurgu ceathrar ó Marcán do choimét Chréidi. Conatictis co Gúaire combad sí bad dáilem do &fdot;eraib Alban &ersir; do Chondachtaib ind aidchi-sin, co tard-si bricht súain forin slúag co torchradar ina codlud acht sisi &ersir; Cana, co tuidchid co co m-baí forsin dérgud ocai-sseom oca thimgaire; conaná; h-étas úad-som airet no-beth i nn-amsa[i]; mad dia n-gabad rígi immurgu, do-regthae ara cend-si, &ersir; is sí bean no-biad aicce c'aidche.

Co farcbad lee-si a lia-som i n-airius dála. Ar ad-rubairt-seom is isind liic ro-buí a anim. A máthair ro-buí i séolai; ro-chotail-side co nfaca in dí mnaí sída ina dochum, co tolaid a anmain as fora béuol i richt lici, co tallsath a máthair a l-láim indala n-aí. Anim do meic, a ben, orsi, ro-n-ucais. Rocomet mo máthair co corbam tualaing-se a chomét. Faicibthar lim-sa, orsi, i n-airius dála. Ba fír són: rofacbad lee-si in lie, &ersir; do-berthe asin chriol cach dia; as-bered-si íarum: A lia ó dodechur cach dia acht lochrad i nimnadmaim ni géb m'anmain dot' madmaim.

Tuideacht Chano in sin i n-Éirinn &ersir; co Gúaire.

Luid Cano co h-Illand mac Scanláin co ránic Dún m-Baíthi. Ad-fíadar dó íarum a m-buith forind faithchi. Fochen dúib! or Illann. Cano mac Gartnáin sin dom-roachtain-se íarna m-brath &ersir; íarna reic do macaib Æda Sláne ar argad &ersir; íarna m-breith do gortai la Guaire. Robar-bia biad sunn; ni biae for conair; nit-rirfider ar argad.

Con-gairther dó íarum a reachtaire. Na seacht core trá filed isin lis, nát gataigter do thenid co cend m-blíadna oc berbad biid. Berid na firu isa teach; co cend trí tráth nicon reg-sa dia n-acallaim. Fritháilter do biud &ersir; do lind.

Con-gairter Corco Loígi dó. Maith trá, orse, dom-ánic áinius mór. Cindas for cobartha-si dam-sa? Bid maith do chobair lindi, or ind óicc. Dothaircgebat uaindi trí doim &ersir; trí tindi &ersir; tri dabcha cach anna, &ersir; nicon raga bairgen dot dligiud-so. Mo bennacht for tuaith &ersir; cenél at-beir! orse. Et tusa, a ben, orse, caidi th'impide dam-sa? Is coir daig-impigi duit, air nidad díchumaing. Ataat .uii. n-áirge lat, &ersir; .uii. fichid bó cacha áirgi di búaib, &ersir; .uii. sesrecha. Athaig &ersir; bachlaich domeled sin uile. Rot-ferfat cid téora airgi díb dia m-breith i n-galad. Bennacht for cách ad-beir! orse. Bid ferr de mo menma. Regait dia n-acallaim a fecht-sa. Téiti iarum chuco. Feraid fáilti móir friu. Bennacht trá, or Cano, for cách don-áncamar. Ro-íca Dia darar ceand, óre nach ícfam-ne. Cid as áil dúib? or Illand. Athchuindgid ám ar cotai. Dar mo chumachta-sa, or Illand, nocho regae asin lis-sa frit ⋅ægal do chuindchid biid co n-digis i r-rígi n-Alban.

Téora blíadnai dóib isin lis-sin cen teacht as aidche n-oígidechta. No-bídis oc imbirt fithchilli cach dia; badar comthrén co nónai, no-bered Cano cluithi na nóna for Illand. At-águr, or Illand, urchra forsin caille.

Deithbir ón: na deich cúala ar .uii. fichtib matain &ersir; fescor isa tech. Is ann as-bert Cano: Hi forbol feada fidruis ni glie: in fid nochon urcraba tusa for urchra bie. Nocho tibar dom aire a fecht-sa, or Illand.

Tuchta thrá iar sin géill fer n-Alban, nónbur gíall díb, co m-bátar i tig Illaind fri h-inillius do Chano i rríge n-Alban, co fargobtha co h-Illann. &ersir; co cend trí tráth ria n-dul do Chano as nicon rabai fer fri 'roile do muintir Chano &ersir; Illainn ree ciana acht ag cóe &ersir; ag dograe, &ersir; lám cháich díb dar brágaid a chéle. Maith, a Chono, or Illann, bam marb-sa ria cind blíadna darth' éisi. For fóesam n-Dé duid-seo trá ria cind blíadna.

Ruc immurgu Cano uadh-som .l. ech dubglas &ersir; .l. coire n-umai &ersir; .l. araid merach.

A llá-sin a cind blíadna ro-marbsat a thuath fesin in n-Illand, .i. mac Conath &ersir; Cúán mac Sanaisi, coná raba crand fri aroile do Dún Buíthe arna bárach. Isin ló-sin ro-baí curach fa Cuano ł Cano forsin fairrgi oc tafand íar n-gabáil rígi nAlban. Cél tuindi lais íarum .i. fis tuindi: co n-aca in tuind dergruaid chuici isin churach, .i. fuil Illaind. At-racht íarum &ersir; ro-gab a boiss diarailiu co m-bátar a sreba fola eistib, &ersir; dixit: A mu Búach aiges in tond frisin m-brúach, Illann mac Scanláin do guin nibo célmaine inmain. A mu Búach feras in tond frisin m-brúach, in mend ad-fét, ciaso scíth: Illand mac Scannláin ro-bíth. A mo Búach do-thoét in tond frisin m-brúach, dursan dúindi in scél garb: Illann mac Scanláin is marb. Ard a núall aiges im Choire dá Rúad; dirsann, a rí ruides gréin, manab i céin basu uadh. Coire dá Rúad in roglas, aicde sruthaidi senbras, is mór bruitheas a chuithe genco bruithi aní berbas. Ma con-measaind a muir múadh aiges im Choire dá Rúad, ricfad mo churchán, is nglé, co tír Corco Loíge. A Chúán maic Sanaisi, abairt? seo is tairise basam dóig guin do chnis dáig ind échta do-righnis. A meic Condaid íar m-Bernas, gním do-rignis robo bras; foichli ócu alla-don ma 'tchonnarc guin Illadon. Fir Érend ó thráig co tráig ro-scáig díb a n-imarbáig; ni fil and bas líach don dáil i n-diaid Illaind maic Scannláin. Eass n-Gabra ima-rédhed mór n-amra sescach Illaind ara-thá Eas n-Gabra ni imrega. Dún mBaíthe, in tan ro-trebad Illand, ba tinech, ba tilcobach, &ersir; ba forad finddond. A ⋅neachta h-uaraidhi, i n-Dún Baíti nibsa sám; nibsad adbul, a &fdot;ir báin, for taíb thaigi maic Scandláin. Fri bui mo chairdeas do ar brui nib in inmain na fonanu fotan forsa n-dorchair dáib i tæb Illaind maic Scanláin. Fo-dilfe gulban indiu is ed im aimercliu i n-dún timchellta na cúach as and ro-baí, a mo Búach. A.

Do-llotar leis trá íar sin Saxain &ersir; Bretain &ersir; fir Alban co tarad láim dar Corco Loígi, co romarbad leis mac Condaid &ersir; Cúán mac Sanaise cona fineochus. &ersir; ni thánic a chrích Corco Loígi cor &fdot;ácaib mac Illaind i nd-airdrígiu Corco Laígi, &ersir; cor &fdot;ácaib Dún m-Baíthi fo ⋅láne amail fon-rácaib i m-bethaid Illaind iter bú &ersir; damu &ersir; eocho &ersir; aitreb, &ersir; co ruc gíallu do Corco Loígi leis for inillius do mac Illaind sund.

Baí-seom i rígiu Alban íar sin. Is and asbertad-som forcomhad: ManuscriptY Cid dech do lindaib flatha? ebthair flaith lindai fualang; niba rí aran Érind mani toro coirm Chúaland. Cormand Comuir Trí n-Usqi san can im Inber Fernai; nicon eisbius súg tairis(?) berta do chormuim Cearnai. Cormand Cell Tíri Éle it é la Mumain merda, cormand Irlóchra arddad, cormand dorindi derga. Coirm Chailli Gartan co llí dáltir for ríg Cíarraigi, is ed lind ind Érind áin a ferait Goeidel arbáig. Hi Cúil Tola do-foscai escra druimlethan daglaith, dáltir fledól for Luignib diamba folt crín samraid. Hibeas cormand hi Cúlaib ní torm teglaig domeso for Findia robo sesta cormann Murthemne mesca. Ebthair im Loch Cúan cormand ibthair a cornu sirchu, a Maiginis la h-Ulltu frisin-gair comad ard ilchu. La Dál Ríada cain-ebar im gaítho glasa gabtha lethdeog fri caindli sorcha, clisit curaid dáig abtha. Cormand Saxan na seirbe san can im Inber in Ríg, im crích Cruithne im Gergin cormand derga amal &fdot;ín A &fdot;ir, tidnaig a dig dó do mac Gartnán maic Ædo; nir an do Scí; combo rí, tuc dó in dig at-roilli. A &fdot;ir, tidnaig mo dig dam imme roíred mo chísel; ni fil, as-berad, is' tig bud com⋅uide dom-isig. Ní com⋅ude dom-ánic nach íar nós crechta imrud ro-saig m'éolas diam thairind diruith ca dech do latha indimrud. cia.

Aas and dī no-bídh a dál-som fri Créid: oc Inbiur Colpthu a cind blíadna. No-bíd Colcu mac Marcáin i suidiu cach lái céd lóech. Is and as-bered-si: Andar la fer bís a céin Inber Cind Bera is réid; tacair do neoch ni sela, is réid Inber Cind Beara.

Oc Loch Créda atuaid immurgu ro-dálsad fo-deoid. Téid-si fo thuaid &ersir; a llie lie; do-thoét-som dī anair ina luing co 'monaccaib dóib. Dan-airthet teora longa conid rubatar &ersir; co n-érlai ar éicin a lluing. Amail ad-chondairc-si a gnúis-seom, do-rochair co n-derna brúar dia cind imon carraic &ersir; co r-roímid in ligi foa tóeb-si. Marb-som dī i cind .ix. trá ír th tíachtain sair.

Scéla Cano maic Gartnáin &ersir; Crédi ingine Gúaire ann sin. Finit. ManuscriptB

Cidh dech do linnibh flatha eabthor laith lenno fuagg niba ri arine Eirinn mana tora cuirm Cualann Cormann Comair Tri n-Usqe san can im Inber Fearo nicon eisbius sug tairbhertho de cormannoibh Cearo Cormann Comair Cell h-Ele it e la Mumain merdho cormann Irluachro ardo cormann Dairine dergo Coirm Cailli Gortan co lli daltir for rígh Cíarraigi is edh linnd ind Erinn ain as ferait Goidil irbaigh Hi Cul Tola dofaoscat escro druimlethan daglaith daltir fledol for Luignib diamba folt crin samradh Hibius cormann i Culaib ní torom teglaig dotota fri finn nua ba sesto cormann Muirtemne mesco Ebdair im Loch Cuan cormann daltir a curnu sírchu im Maighinis la h-Ulto frisgair comad ard ilchu La Dail Riado coineabar im goithæ glaso gabhtho leithdeogh fri coinnlibh sorcha clisit cuirn arccoit abhthao Cormann Saxan na seirbi san can im Innber ind Rig im crich Cruicne im Geirgin cormann dergo amal fín A fir tidnaic a dig do do mac Gartnain maic Aoda nir an do soi compo ri tuc deo in digh atroilli A fir tidnaic mo dig dom imer oired mo chíssel ni fil asberat astigh bid comsuide domisidh Ni comsuidi domfanic nach iaros crechto imnirudh rosaig m'eolus do driuth ca dech do flatha lindrudh