Corpus of Electronic Texts Edition
Book of Leinster, formerly Lebar na Núachongbála (Author: [unknown])

p.1

section 1

Lebor Gabála

{MS folio 1a 1}IN PRINCIPIO fecit Deus celum & terram .i. Doringne {MS folio 1a 5}Dia nem & talmain ar tús & ni fil tossach na forcend fairseom féin. Doringne chétus in maiss nemchruthaig & soillsi angel isin cetna domnuch. Doringne firmimint isin luan.
5] {MS folio 1a 10} Doringni talmain & muire sin máirt. Doringne grein & ésca & renna nime sin cétain. Doringne enlaithe ind aeóir & tonnaitecha in mara {MS folio 1a 15}sin dardain. Doringne anmanna in talman archena & Adam do follomnacht foraib isind aine. Ro chumsain iarum Dia issin tsathurn do forbthiugud dula nua & ní o follomnacht sain.


10] Dobert iar sain airchinnchecht nime do Lucifiur co noi ngradaib {MS folio 1a 20}angel nime. Dobert dano airchinnchecht talman do Adam & do Eua cona claind. Imromadair iarum Lucifer (c)ombad tóesech trín slúaig angel. Ro timmart in Rí é co tríun sluaig {MS folio 1a 25}angel leis i nItern & asbert Dia iarum fri muintir nime. Diumsach
15] inti Lucifer. Uenite ut confundamus consilium eius.

Ro formtig tra Lucifer fri Adam. derb leis iss é no bertha ( ) dara eis conid aire sin dochúaid I( )ar Du( ) i ndeilb nathrach. {MS folio 1a 30}coro aslach immarbus for Adam & Eua im thomailt ind ubuill don chraund ergartha conid aire sin ro innarbbad Adam a Pardus
20] hi talmain coitchind.

Dolluid in Comdiu cuccu iar sain & atbert fri Adam .i. Terra {MS folio 1a 35}es & in terram ibis .i. Do thalmain dotringned & i talmain raga. In sudore uultus tui comedes panem tuum .i. ni fuigbe sasad


p.2

{MS folio 1a}cen saethar. Asbert dano frisin mnai. Cum dolore & gemitu paries
25] {MS folio 1a 40}filios tuos & filias tuas .i. bid co ngalar & co cneit tuisema do chlaind & do maccu. Ro immarbaigestar cland Adaim iarum .i. sinser Cain miscedach mac Adaim. Iar sin ro marbside a derbrathair .i. Abel tria saint & formut conid aire sin dorat Dia {MS folio 1a 45}dilinn darsin n-uile ndomun.


30] Seth im in tres mac Adaim ica mbaí cland is uad atat fir domuin uile .i. Noe mac Lamech meic Mathusalem meic Enoc meicIared {MS folio 1a 50}meic Malalel meic Cainain meic Eno s meic Seth meic Adaim. Uair is e Noe in tAdam dedenach cosa mbertar fir domuin {MS folio 1b}uile l^ Uair ro baid in diliu sil Adaim uile acht Noe cona thrí
35] maccaib .i. Sem. Cham. Iafeth acus a cethri mnaa .i. Cobba. & Olla.{MS folio 1b 5} & Oliba. & Olibana.

O dorat iarum Dia dilind darsin uile ndomun ní therna di doenib in domuin on dilind acht mad lucht na hairce .i. Noe cona trí maccaib. & ben Noe & mnaa a mac. Unde poeta cecinit.

    1. 40] Sluag nad chlóe guachel.
      Noe nirbo niathlen;
      scel co ngrain ro gleadger
      Sem Cam & Iafeth.
    2. {MS folio 1b 10} Mnaa cen midend morfeba
      45] os dilind cen dibada.
      Cobba brigda in bainela
      Olla. Oliba. Olibana.

Sem dí ro gab i nAssia. Cam i nAffraic Iafeth i nEoraip.

    1. Sem ro gab i nAssia n-ait.

      50] {MS folio 1b 15} Cam cona chlaind sin Affraic.
      Iafeth uasal & a maic
      siat ro gabsat i nEoraip.

Tricha mac bátar ac Sem im Arifacsad im Asur im Persius. Tricha mac ac Cam im Chuss & im Chanan. A cóic déc im
55] {MS folio 1b 20}oc Iafeth im Madui im Grecus im Hispainius im Gomerus.


p.3

{MS folio 1b}Iafeth tra mac Nóe is uad tuascertleth na hAsia .i. Asia Becc. Armenia. Media. fir na Scithia & is uad lucht na hEoropa {MS folio 1b 25}ule. Grecus mac Iafeth is uad in Grec Mór & in Grec Becc & Grec na hAlaxandrech. Hispanius mac Iafeth is uad Hispania. Gomerus
60] mac Iafeth da mac laiss Emoth & Ibath.

Emoth is uad fine thuascirt in domuin. Ibath da degmac leis {MS folio 1b 30} .i. Bodb & Baath. Bodb diarbo mac Dói athair Elanius. Elanius im mac Doi tri meic leis .i. Armen. Negua. Isacon. Armen im coic meic leis Gotus. Cibidus. Uiligotus. & Burgandus & Longbardus.
65] Negua tri meic leis Saxus. Boarus. Uandalus.

{MS folio 1b 35}Hisicon im in tres mac Elanius cethri meic leis. Romanus. Francus. Britus. Albanus. Is e in tAlbanus ro gab Albuin ar tus & is uad ainmnigther Alba coro innarbad lais a brathair tar Muir nIcht conid uad Albanaig Letha ( )


70] {MS folio 1b 40} Magoth mac Iafeth is dia chlaindseom na tuatha tancatar Herind ria nGaedelaib .i. Partholon mac Sera meic Sru meic Braimin meic Fattecht meic Magoth meic Iafeth & Nemed mac Agnomain

{MS folio 1b 45}meic Paimp meic Thaitt meic Sera meic Sruu & clanna Nemid .i. Galeoin & Fir Domnand & Fir Bolg & Tuatha De Danand amal
75] asbert in fili

    1. Magoth mac an Iafeth
      a cinnti ach land
      dib Partholon. Banba
      robo chadla a band.
    2. 80] Ba dib Nemed noíthech
      mac Agnomain óen
      Ba díb Gand díb Genand
      Sengand Slaine sóer.
    3. Cland Eladan imda
      85] ba díb Bres cen bréig l^
      {MS folio 2a} mac Eladan armgaíth
      meic Delbaíth meic Néit.
    4. Meic Innuí meic Allduí.
      Alldui ba mac Taitt;

      90] meic Thabuirn meic Eno
      meic Baath meic Ebath aitt.

    5. p.4

    6. {MS folio 2a} Meic Bethaig meic Iardain
      meic Nemid hó Paimp Páim;
      {MS folio 2a 5} meic Thaitt meic Sera meic Srú

      95] meic Braimin báin.
    7. Braimin mac Fattecht
      meic Magoth ba mór blad;
      ro bása na n-amsir
      com thadbsi ri mag. M


100] Baath indara mac Ibath meic Gomer meic Iafeth. is uad Gaedil {MS folio 2a 10} & Fir na Scithia. Mac dó in fer amra airegda diarbo ainm Faenius Farsaid Iss éside indara toesech .lxx. dochoid do denam in Tuir Nebróith diaro scailtea na bérlai.

Nebroth im feisin mac Chaus meic Chaim meic Noe. Is é in
105] {MS folio 2a 15} Faenius remrate tuc Bérla Féne ón Tur. & is aice buí in scol mór oc foglaim na n-ilbérla.

Dá mac im bátar oc Foenius .i. Noenual indala mac foracaib i flathius na Scithia dia éis. Nél in mac aile icon Tur rucadside {MS folio 2a 20} & ba suíside na n-uile mberla. Conid aire táncas ara chend ó
110] Foraind d'foglaim na n-ilberla uad. Tánic im Faenius assind Assia dochum na Scithia assa lluid do denam in Tuir. co n-erbailt i flathius na Scithia i cind .xl^. bliadan. Ocus co tarat toesigecht dia mac do Noenual.

{MS folio 2a 25}Hi cind da bliadan .xl^. tra iar ndenam in Tuir ro gab Nín mac
115] Béil rige in domuin. ar níro thriall nech aile smachtugud na tuath. l^ na hilchenela do thabairt fó óenmám & fo chís & fó cháin acht seisium a óenur.

{MS folio 2a 30}Toesig im batar and reme .i. in fer ba húasle & ba mó rath issin túaith iss e ba cend comairle do chách. no choisced cech n-ecóir
120] no gressed cech cóir. Ni thriallad insaigid. l^ smacht ceneoil aile. {MS folio 2a 35}Is hí sein trá amser hiro genair Gaedel Glass o tát Gaedil. ó Scotta ingen Foraind. is uadi ainmnigtir Scuitt de Gaedelaib. ut dictum est

    1. Féni o Fenius asbertar

      125] brig cen dochta;
      Gaedil ó Gaediul Glas garta.
      Scuitt ó Scotta.


p.5

{MS folio 2a}Is é Gaedel Glass ro chum in nGaedilg asna da bérla sectmogat It é in so a n-anmandside.

[130]
130]BetinDardainTesailOric
130]ScitinPampilArmeinBurgan
130]ScillMorindDalmaitBelgaig
130]ScartinLiguirnRomainMugaig
130]{MS folio 2a 45} GuitOatriRugindBoét
130][135]GréicCreitMoisigIndía
135]GermainCorsicArboiPardae
135]GaillSicilHispainCalliae
135]PoimpReitGairitSiria
135]{MS folio 2a 50}FrigiaSardainHumindGalait
135][140]CaspiaMacidóinSaraicAchait l^

140]{MS folio 2b} AtheniEdisGaedilgLacdemoin
140]AlbainUesogianMediaTroiana
140]SaxusTripolitaFoirniColchia.
140]EbreZeugisGrinniCaspia
140][145]{MS folio 2b5}ArdainNumaFrancAegipt;
145]MoysiMuritFresinAethioip.
145]TraciaeHicailLongbard

Unde poeta cecinit.


    1. 150] Berla in domain decid lib.
      Bethin Scithin Scill Scartain.
      Guith. Germain. Gaill co ngrain
      Poimp. Frigia Dalmait Dardain.
    2. {MS folio 2b10} Poim. Morind. Liguirn lir.

      155] Oatre Créit Corsic Cipir.
      Tessail Caspia Arméin áin
      Reit. Sicil Saraic Sardain.

    3. p.6

    4. {MS folio 2b} Bergaig Boet Bretnais Bróes bind.
      Hispania Romain. Rugind
      {MS folio 2b15} Humind . Indiae Araib óir

      160] Mucaig Masic Macidóin.
    5. Parthia Siria Saxus
      Athin Achait Albain cais.
      Ebra Ardain Galait. glan.
      Troia. Tesalia. Colaig.

    6. 165] Móysi. Media Farni Graing
      Grinni Lacdemoin Longbairdd.
      Tracia Numeid Edis esc
      ail aird Ethioip Aegipt.
    7. {MS folio 2b 20} A sein lin bérla cen meirg

      170] asro theip Gaedel Gaedilg.
      aichnid do ara érgna
      na haicme na hilbérla

SRú mac Esrú tra meic Gaedil iss é toesech do Gaedelaib luid {MS folio 2b 25}a hEgipt o ro báded Foraind cona slúag i mMuir Romuir.
175] i ndegaid mac nIsrael .Ixx & dcc. bliadan ó dílind co sin. Lucht cethri long luid Srú a hEgipt. & cethri lanamna fichet cacha lunga & triar amus cacha lunga

{MS folio 2b 30}Srú & a mac .i. Eber Scott. bátar iat toesig na llongse. Is in tansin atbath Noenual mac Baath meic Noenuail meic Foeniusa
180] Forsaid .i. flaith na Scithia. & marb Srú dano fo chetóir iar rochtain na Scithia. Gabais Éber Scott ar écin rige na Scithia os chlaind {MS folio 2b 35}Noenuail co torchair la Nóemius mac Noenuail.

Boí cosnam eter Noimius & Boamain mac Ebir Scuitt. Gabais Boomain rige co n-erbailt. Gabais Rifill mac Noemi rige co torchair
185] la Taitt mac Ogomain Dorochair Taitt iarum do laim Refloir {MS folio 2b 40}meic Rifill. Boí cosnam flathiusa iarum eter Reflóir mac Noemi


p.7

{MS folio 2b} & Agnoman mac Taitt. Co torchair Reflóir la hAgnoman. Conid aire sin ro innarbad sil Gaedil for muir .i. Agnoman & Lamfind a mac co mbatar .uii. mbliadna for muir timchiull
190] {MS folio 2b 45}in domuin atuaid. Is lia turim an ro chesatar d'ulc.

Is aire thucad Lámfind for mac Agnomain ar niba mó soillsi chaindell andate a lama ocond imram. Tri longa díb & cengal {MS folio 2b 50}eturru na digsed cach díb o 'raile. Tri toisig batar accu iar n-éc Agnomain forsin muinciund mór Mara Caisp .i. Lamfind & Alldoit
195] & Caicher drui. l^

{MS folio 3a}Is é in Cacher druí dorat in leges dóib dia mboí in murdúchand oca medrad .i. boí in cotlud oca forrach frisin céol. Is é in leges {MS folio 3a5}fuair Cacher doib .i. ceir do legad na cluasaib. Is é Cacher ro ráid friu dia ruc in gáeth mór iat issin n-ocian coro chesaiset mór
200] re gortai & re híttaid and. Co torachtatar i cind sechtmaine in rind mór atá a Sliab Rifi fothuaid. Conid isin rindsin fuaratar {MS folio 3a10} topor co mblas fína coro longset and. Co mbatar tri láa & teora aidche na cotlud and sin. Co n-erbairt Cacher druí. érgid ar se ni anfam co rrísam Herind. Cia hairm atá ind Heriu ar Lámfind
205] {MS folio 3a15} mac Agnomain. Is fate ar Cacher andás in Scithia. & ni sind féin ric ar Cacher acht ar cland ricfat i cind trí chét mbliadan ó 'ndiu. Gabsat iar sin na Gaethlaige Meotecda. Acus is and sin {MS folio 3a 20} rucad mac do Lámind .i. Eber Glunfind .i. comartha gela ro batar fora glunib. Is hé ba toesech dar éis a athar. Ua dóside Febri
210] Glunfind. ua dóside Nuado.

210]Brathmeic Agnomain
210]mac Deathameic Thait
210]meic Ercadameic Ogamain
210]meic Elloithmeic Boomain
210][215]meic Nuadat meic Ebir Scuitt
215]meic Noenuail meic Srúmeic Febri Glais meic Esrú
215]meic Agni Findmeic Gaidil Glais
215]meic Ebir Glunfindmeic Níuil
215][220]meic Lamfindmeic Feniusa Farsaid.

{MS folio 3a 25}Is hé in Bráth tanic asna Gaethlaigib iar fut Mara Torrian do Chréit & do Sicil. Róisit co Hespáin iar sain. gabsat Hespain


p.8

{MS folio 3a}ar écin. Agnoman tra mac Taitt iss e tóesech tanic de Gaelaib assin Scithia. Da mac lais .i. Lamfind & Elloth. Óenmac ic
225] {MS folio 3a 35} Lamfind .i. Eber Glunind. Mac oc Elloth .i. Eber Dub i comamsir isna Gaethlaigib. Da hua occo i comlaith .i. Toecht mac Tetrig meic Ebir Duib. Acus Noenel mac Febri meic Agni meic Ebir {MS folio 3a 40} Glunind. Ocus Soecht mac Mantain meic Cachir. Ucca & Occa da mac Aldoith meic Noenil meic Nemid meic Alloid meic Ogamain
230] meic Thoechta meic Teitrig meic Ebir Duib meic Elloith.

{MS folio 3a 45}Lucht cethri long trá. tancatar Gaedil co Hespain. Cethri lanamna déc cecha lunga. & secht n-amois cen mnaa. Bráth lucht lunga. Ucce & Occe lucht da long. Da brathair iat .i. da mac Elloid meic Noenill meic Nemid meic Alloit meic Ogamain
235] {MS folio 3a 50} Mantan mac Cachir druad meic Ercada meic Oitechta. lucht {MS folio 3b}lunga. Tri catha im l^ ro brissiset iar ndul i nEspain .i. cath for Tóesen cath for Longbardu. cath for Barchu. Co tanic tam forru co n-apdatar .xxiiii. díb im Occe & im Ucce. Noco térna {MS folio 3b5}assna da luing acht da .u. im Én mac Occe & Ún mac Ucce.


240] Bai mac maith ic Brath .i. Bregon cá ndernad in Tor & in chathir .i. Brigantia ainm na cathrach. A Tur Bregoin im atchess Heriu fescur lathi gemreta. Atoscondairc Ith mac Bregoin. Unde Gilla Coemain cecinit.

    1. {MS folio 3b10} GAEdel Glass ó tat Gaedil

      245] macside Níuil nertmaínig
      robo thrén tíar & tair.
      Nel mac Fóeniusa Forsaid.
    2. Da mac ic Fáenius fír dam.
      Nél ar n-athair & Noenal;

      250] {MS folio 3a15} rucad Nél ocon Tur tair.
      Noinel con Scithia sciathglain.
    3. Srú mac Esru meic Gaedil
      ar senathair slúagfaelid;
      is é luid fothuaid dia thaig

      255] dar ucht Mara ruaid Romair.

    4. p.9

    5. {MS folio 3b} Lucht cethri long lín a slúaig.
      for fut Mara Romair ruaid;
      {MS folio 3b 20} tall ina cláradba is cet
      cethri lanamna fichet.

    6. 260] Flaith na Scithia ba gním glan.
      in gilla diarbo ainm Noenal.
      is and atbath tall ca thaig.
      tan ráncatar Gaedil.
    7. Gabais Eber Scot na scal

      265] os chlaind Noenil co nefnar;
      {MS folio 3b 25} co torchair can chaenius cain.
      la Noemius mac Noenil.
    8. Nertmar mac Ebir iar tain
      diarbo ainm brechtgal Beomain.

      270] co traig Mara Caisp ba rí
      co torchair do láim Noemi.
    9. Noimius mac Noenil ind nirt
      ro gab in Scithia sciathbricc;
      {MS folio 3b 30} doceir in flaith comlán cain.

      275] la Ogmán mac Beomain.
    10. Ogmán iar sain ba flaith
      dar éisi Noemi nertmaith;
      co n-erbailt na chríne cen chill
      dara éis ba rí Refill.

    11. 280] Dorochair Refill iar tain.
      do laim Thait meic Ogamain.
      {MS folio 3b 35} dorochair Tait cencor thim.
      do laim Reflóir meic Refill.
    12. Refloir Agnoman cen on

      285] ré .iiii. bliadna i cosnam.
      co torchair Refloir ragel.
      la mac Tait la Agnoman.

    13. p.10

    14. {MS folio 3b} Noinel is Refill co rind
      dá mac Reflóir meic Refill;

      290] innarbsat Agnoman ass.
      {MS folio 3b 40} darin muir merda mórglass.
    15. Mathi na tóisig ba día
      tancatar assin Scithia
      Agnoman Eber cen ail

      295] da mac Thaitt meic Ógamain.
    16. Elloth. Lámfind. Lamglass léir.
      tri meic Agnomain imréil;
      Cacher is Cing clú co mbúaid
      {MS folio 3b 45} dá degmac Ebir echrúaid.

    17. 300] Arim a llong tri longa.
      ic tiachtain dar tromthonna;
      trí fichit cach luing luad ngle.
      & mna cach tres fiche.
    18. Atbath Agnoman nirbo aisc

      305] i n-insib Mara morChaisp.
      bale i mbátar re bliadain
      i fuaratar rodiamair.
    19. {MS folio 3b 50} Ráncatar Muir Libis lan
      seolad sé samlaithe slán.

      310] Glass mac Agnomain nirbo dis.
      and atbath i Caronisl^
    20. {MS folio 4a} Caín inis fuaratar and
      for Muir Libis na laechland
      rathi for bliadain co mblaid

      315] a n-aittreb sinn indsisin.
    21. Seolait for muir monor ngle
      eter lathi & aidche.
      taitnem lám Lamind laindrig
      {MS folio 4a5} ba cosmail fri caemchaindlib.

    22. p.11


    23. 320] {MS folio 4a} Cethri tóisig dóib nir dis
      iar tiachtain dar Muir Líbis;
      Elloth. Lámind lúath dar ler.
      Cing is a brathair Cacher.
    24. Cacher fuair leges dóib thall.

      325] arna medrad don murdchand;
      is é leges fuair Cacher cain.
      {MS folio 4a10} céir do legad na cluasaib.
    25. Is é Cacher comol gle
      doringne doib fastine;

      330] ic Sleibte Rifi con rind.
      ni fil foss dún co Herind.
    26. Cia hairm i fil ind Heriu ard.
      ar Lámfind in laech langarg;
      is fata asbert Cacher and

      335] {MS folio 4a15} ni sind ric acht ar mórchland.
    27. Cingset inna cath co fí
      fodess sech rinne Rifí;
      clanda Gaedil co nglaine.
      ro gabsat na Gaethlaige.

    28. 340] Genair mac irdairc and sain.
      do Lámind mac Agnomain
      Éber Glúnfind glan in gríb.
      senathair foltchas Febríg.
    29. {MS folio 4a 20} Fini Gaedil gasta glain.

      345] ccc. bliadan forsin tirsin;
      ro threbsat and ó sein immach.
      noco tanic Brath buadach.
    30. Bráth degmac Deatha dil.
      tanic do Créit do Sicil;

      350] lucht cethri long seolta sláin
      desel nEorpa co Hespáin.

    31. p.12

    32. {MS folio 4a} Occe & Ucce cen ail
      da mac Elloith meic Noenil.
      Mantán mac Cachir Brath dil.

      335] ba siat na cethri tóesig.
    33. Cethri fir déc cona mnáib.
      ba lucht do cach luing laechláin.
      & sesseor amos án.
      roinset tri catha i nHespain.

    34. 360] {MS folio 4a 30} Ard in cetchath noco chél
      ro roinset for sluag Toessén;
      cath for Barco ba gor gó.
      & cath for Longbardo.
    35. Ba dar éis in chatha clé

      365] tánic doib tám oenlaithe;
      lucht long mac nElloith cen chron.
      marba uile acht dechenbor.
    36. {MS folio 4a 35} Doriachtatar ass Ún is Én
      da degmac na tóesech trén;

      370] iar sain ro genair Bregoin.
      athair Bili in balcdremoin.
    37. Ro briss mór comlond is chath.
      for sluag Espáin illadach.
      Bregon na nglórgal na nglia.

      375] leis doronad Brigantia.
    38. {MS folio 4a 40} Bregoin mac Bratha blaith bil.
      is dó robo mac Milid;
      .uii. meic Miled maith a slóg
      im Éber im Herimon.

    39. 380] Deich meic Bregoin cen meirbe.
      Brego Fuat is Murthemne;
      Cuailnge. Cualo. Blad. cia bé.
      Ebleó. Nar. Íth is Bilé.

    40. p.13

    41. {MS folio 4a} Ith mac Bregoin co mblaid bind.

      385] tanic ar tús i nHerind;
      is é fer toesech ros treb
      do sil noesech nertGaedel. G.

Scuirem ifechtsa do scélaib na nGaedel coro aisnídem dona .uii. tuathaib ro gabsat Herind rempo.


390] {MS folio 4a 50} RO gab ém Cessair ingen Betha meic Noe .xl. láa ria ndilind Partholon mac Sera. tri chét bliadan iar ndilind. l^ Nemed {MS folio 4b}mac Agnomain do Grecaib Scithia i cind .xxx. bliadan iar Partholon. Fir Bolg iar sain. Fir Domnand iar sain. Galioin iar sain. Tuatha Dé Danand iar tain. Unde Fintan cecinit.


    1. 395] {MS folio 4b5} HERiu cia iarfaigther dím
      atá lim co grind.
      cach gabal ros gab
      o thus betha bind
    2. Dolluid anair Cessair

      400] ingen Betha in ben
      cona coicait ingen
      cona triur fer.
    3. Tarraid diliu Bith
      ina sléib cen rúin.

      405] Ladru i nArd Ladrand
      Cessair ina cúil.
    4. {MS folio 4b10} Bliadain dam fo dílind déin.
      i Taul Tuinne thend;
      ní fuarus ní im thomaltus

      410] cotlud bad ferr.
    5. Misse i nHerind sund
      ba suastin mo sét;
      conos toracht Partholon
      anair a tír Gc.

    6. p.14


    7. 415] {MS folio 4b} Messe sund i nHerind fós.
      sisi Heriu fás;
      {MS folio 4b15} co tanic mac Agnomain
      Nemed nimtha gnás.
    8. Fir Bolg is Fir Galión

      420] tancatar ba cían.
      tancatar Fir Domnand
      gabsat i nIrrus tíar.
    9. {MS folio 4b 20} Iar sain tancatar Tuatha Dé
      ina caipaib ciach cían

      425] co 'motormalt damsa friu
      ciarbo saegul cían.
    10. Iar sain tancatar meic Miled
      a Hespain anes.
      co 'motormalt damsa friu

      430] ciar thrén a tress.
    11. Doroacht saegul sír
      damsa nocho chel;
      conom tharraid creitem óg
      o Rig nime nél.

    12. 435] Misse Fintan find
      mac Bochra ni chél;
      d'éis na dílend sund
      {MS folio 4b 25} am sruith uasal hér. H.

Incipit de gabalaib Herend.


440] ROs gab iarum Cessair ingen Betha meic Nóe ut praediximus. .xx l^ l^. laa ria ndilind. Is é fochond a tiachtana. ar teched na {MS folio 4b 30} dilend. Uair asbert Nóe friu. Ergid ar se co himmel iartharach in domain bes noco ria in diliu. Lucht tri mbárc. Dosrala do Dun na mBárc hi crích Corco Duibne. Ro battea di bairc díb. Térna
445] {MS folio 4b 35}Cessair lucht a bairce .i. l. ingen & triar fer .i. Bith mac Nóe dia tá Sliab Betha. is and ro hadnacht i carn mór Slébe Betha. Ladru


p.15

{MS folio 4b}luam dia tá Ard Ladrand. is é cetna marb dochoid fo úir Herend. Fintan mac Bochra dia tá Fert Fintain os Tul Tuinne. Atbath {MS folio 4b 40} Cessair i Cuil Chesra la Connacta. cona coicait ingen. It é in so
450] a n-anmandside ut Fintan cecinit.

    1. CAín raind ro randsammar etrond
      messe is Bith is Ladru lond
      ar síd is ar céill doringne
      imon .l. ingen oll.

    2. 455] Sect mna déc rucus im Chessair
      {MS folio 4b 45} Lot is Luam is Máil is Barr.
      Froecar Femar Faible Foroll.
      Ciper Torrian Tamall Tam
      Abba Ulla Raichne Sille

      460] is é lín baí sinne and.
    3. A sé déc ruc Bith ri Bairind
      Sella Della Duib addéos.
      Fotra Traige Nera Buana
      {MS folio 4b 50} Tamall. Tanna Nathra Leos.

      465] Fodarg Rodarg Dos Clos rocluinter
      rop iat sain ar munter beos. l^
    4. {MS folio 5a} A sé déc iar sain re Ladraind.
      Alba Bona.
      Gothiam Germán Aithne. Inne

      470] Rodarg. Rinne. Iachor Ain.
      Irrand. Espa. Sine. Samoll
      rop é sain ar commond cain. .C.

Niro gab nech tra do síl Adaim Herind ría ndílind acht sain.,

{MS folio 5a5}Ba fás tra Heriu iar sain fri ré tri chét mbliadan l^ .xii. ar .ccc.
475] quod uerius est. Conos toracht Partholon mac Sera meic Srú. is é cetarogab Herind iar ndílind dia mairt for .xiiii. esca. i nInbiur {MS folio 5a10} Scéne. Uair fo thrí ro gabad Heriu a hInbiur Scéine. Do chlaind


p.16

{MS folio 5a}Magoth meic Iafeth é ut diximus. Isin tsescatmad bliadain aisi Abráim ro gab Partholon Herind.


480] Cethrur airech tanic Partholon .i. Sé féin. & Laíglinne a mac dia tá Loch Laíglinne la Hú Mac Cuais Breg. Slanga & Rudraige {MS folio 5a15}da mac aile Partholoin. Dia tá Slíab Slanga & Loch Rudraige. In tan ro class a fert Rudraige is and ro memaid in loch fo thír.

Secht mbliadna do Partholon i nHerind in tan atbath in cétfer
485] dia muntir .i. Fea dia tá Mag Fea. uair is and ro hadnacht i {MS folio 5a 20} mMaig Fea. Isin tres bliadain iar sain cétchath Herend ro briss Partholon i Slemnaib Maige Ítha for Cichol nGricenchos d'Fomórch- aib. & fir co n-oenlámaib & co n-oenchossaib ro fersat friss in cath.


490] Secht lochthomadmand i nHerind i n-amsir Partholoin .i. Loch {MS folio 5a 25}Láeglinne la Ú Mac Cuais Breg. Loch Cuan & Loch Rudraige la hUltu. Loch nDechet & Loch nEchtra & Loch Con la Connacta. & Loch nEchtra la Airgialla. Ár ni fuair Partholon ara cind i nHerind acht tri locha & ix. n-aibne .i. Loch Fordremain i Sléib Mis. &
495] {MS folio 5a 30} Loch Lumnig fo thír. Findloch Cera i nIrrus. Aband Lifi & Luí. & Muad & Slicech & Samaír forsa tá Es Rúaid. Find & Modorn. Buas & Banna. eter Le & Elle.

Cethri blíadna ria n-éc Partholoin tomaidm Brennai fo thír. Ro {MS folio 5a 35}slechta cethri maige la Partholon i nHerind. Mag nÍtha la Laigniu.
500] Mag Tuired la Connactu. Mag Lí la Hú Mac Cuais. Mag Ladrand la Dál nAraide. Ar ni fuair Partholon ara chind i nHerind acht óenmag .i. Senmag nÉtair. Is aire atberar Senmag de ar nír ás {MS folio 5a 40} frén na flesc feda trit riam. & is andside atbath Partholon míle fer & iiii. mile ban do thám sechtmaine. i k l^ maí. Dia lúain ros
505] gab tám & ros marb uile in tam ule acht oenfer tantum .i. Tuan {MS folio 5a 45}mac Stairn meic Sera mac brathar Partholoin. & ro ndelb Dia i rrichtaib imdaib. & ro mair in t-oenfersain o amsir Partholoin co hamsir Finnen & Coluim Chille. Co nd-ecaid dóib gabala Herend {MS folio 5a 50} o amsir Chesra cetaragab cosin n-amsirsin. & is é sin Tuán mac
510] Cairill meic Muridaig Mundeirg. Is dósin ro chan in suí senchasa in laídse sís. l^

    1. {MS folio 5b} A Choemu clair Cuind cóemfind
      fuind fer Fáil feib adféidim.
      cia dám iar tustin talman

      515] cetatarlad for Herind.

    2. p.17

    3. {MS folio 5b} Heriu ria ndilind datha
      {MS folio 5b5} feib adrímim a retha.
      fofuair féin fessaig findgil
      im Chessair ingin Betha.

    4. 520] Bith mac Noe na n-ildrem
      cid ro chloí re cladband.
      marb i Sleib Betha is badbu.
      marb Ladru i nArd Ladrand.
    5. Luid Fintan for fect fainne

      525] {MS folio 5b10} fríth a lecht ba léim luinne
      nirbo tricc i clud chille
      acht i firt uas Tul Tuinne.
    6. Do Dún Bárc fri fleid frossa.
      dosnuc trácht cen meid mesra

      530] ocon charn ic muir mesra.
      marb Cessair i Cuil Chesra.
    7. Xl^. lathe lanseng
      doruacht in sathe séimseng
      {MS folio 5b15} inna mbairc ria ndeilm ndílend

      535] gabsat áit hirend Herend.
    8. Atracht for fecht fír fuiglech.
      trí nert ind Ríg dia n-adrad.
      Fintan ba fer co scélaib
      de tholaib trenaib talman.

    9. 540] Tri chét bliadna arbágim
      raidim tri ríagla rímim
      {MS folio 5b 20} ba fás adfoidiu faidim
      Eriu aibind iar ndilind.
    10. Dolluid Partholon prímda

      545] réim rígda dar rám rámda;
      a chethrur curad caemdil.
      bá díb in tsaergein Slanga.

    11. p.18

    12. {MS folio 5b} Slanga Laiglinne lainech
      clárda caidglinne a curad;

      550] {MS folio 5b 25} athair urgnaide airech
      & Rudraige rurach.
    13. Ro slechta maige a mórchaill
      leis ar gaire dia gradchlaind.
      Mag nItha tes Brí buadchind

      555] Mag Lí luadrinn. Mag Lathraind.
    14. Secht lochthomadmand ca thomsid
      {MS folio 5b 30} co clothanmand cia thadbsid.
      línsat fo gébind gibsig.
      Herind indsig na amsir.

    15. 560] Loch Laiglend. Loch Cuan coltra.
      Loch Rudraige ruad cen rectga
      Loch nDechet. Loch Mesc medach.
      Loch Con. Loch n-elach nEchtra.
    16. Uacute;as Herind áille datha

      565] {MS folio 5b 35} feib adféidim cach fotha
      nocon fúair for dind betha
      acht tri locha.
    17. Tri locha aidble ammais
      & ix. n-aibne n-immais.

      570] Loch Fordremuin. Loch Lumnig.
      Findloch uas imlib Irruis.
    18. Aband Lifi Luí lúadem
      dia ndrechi cach druí denend.
      derbtais degairde. dílend

      575] {MS folio 5b 40} senchas senaibni Herend.
    19. Muad Slicech Samaír Sláne.
      Buas buane ar bladaeb benne.
      Modorn Find fo gne lanna.
      Banna eter Le & Elle.

    20. p.19


    21. 580] {MS folio 5b} Atbath iar n-uaill co n-ócaib
      Partholon cona chuain chétaig.
      {MS folio 5b 45} ro slechta. sellaib sétaib
      for Senmaig Elta Etair.
    22. Is aire i Senmag. sona

      585] is Dia delbach fotera.
      fo fich ro thesc méin mara
      ni frith frem na flesc feda.
    23. Fail and a fert iar fíraib
      {MS folio 5b 50} cencop nert eter noemaib.

      590] ba tuí a thuil fo dámaib
      ní coí crábaid diar caemaib. A. l^
    24. {MS folio 6a} Trí chét bliadna ci adfeisid
      os deilib diamra duasaig.
      don gasraid glebind gaesaig

      595] for Herind aesaig uasail.
    25. Fir mnai mac & ingen
      i k l^ maí mór derbaid
      ni slán samthodáil samraid
      {MS folio 6a5} tám Partholain i mBregmaig.

    26. 600] Baí .xxx. bliadna bocta
      ba fas fri fianna fecta
      iar n-éc a sluaig fri sectmain
      na n-eltaib for Maig Elta.
    27. Mé in tÚa Flaind fodlas fíru

      605] raind fri rígu doroígo.
      rob rád ráiter cach rad
      {MS folio 6a10} rop iar cádo a choemo. A.

FÁs tra Heriu iar tain fri ré .xxx. mbliadan iar Partholon conos toracht Nemed mac Agnomain do Grecaib Scithia a chethrur
610] {MS folio 6a15} airech. Cethri meic Nemid in sin. Cethri longa .xl^. dó for Muir Caisp re bliadain co lleith conna toracht acht a long a oenur Herinn.


p.20

{MS folio 6a}Is iat in cethrur airech .i. Starn & Iarbonel Fáid & Annind & Fergus {MS folio 6a 20} Lethderg Cethri meic Nemid in sen. Cethri lochthomadmand i nHerind i n-amsir Nemid .i. Loch Cál la Hú Niallain. Loch
615] Munremair la Luigne. Loch nDairbrech. Loch nAnnind i mMide. In tan ro class a fert & a adnacul Annind meic Nemid is and ro mebaid in loch fo thír.

{MS folio 6a 25}Is é Nemed ro bris cath Ruis Froechain for Gend & Sengand da ríg Fomore. & ro marbtha a ndís and. Ro class di rígráith
620] la Nemed i nHerind .i. Raith Chimbáeth i Semne. Raith Chind {MS folio 6a 30} Eich la Hu Niallain. Cethri meic Matan Munremair ro chlaidset Raith Chind Eich i n-oenló. .i. Boc & Roboc. Ruibne & Rotan. Ro marbtha ria matain la Neimed riasíu no chintís in claide.

Ro slecta dá mag déc i ndaire lige la Nemed i nHerind. Mag
625] {MS folio 6a 35} Cera & Mag nEba. & Mag Cúili Tolaid. & Mag Seimne la Connactu. Mag Seired la Tethba. Mag Tochair i Tir Eogain. Mag Semne la Araidiu. Mag Macha la Airgialla. Mag mBernsa la Laigniu. Lecmag la Mumain. & Mag Moda. Ro bris tri catha for Fomóre .i. loingsig {MS folio 6a 40} na fairgge .i. Cath Badbgna la Connacta. Cath Cnamrois la Laigniu.
630] Cath Murbuilg i nDal Riatai. Atbath Neimed iar sin do thám i nAilen Arda Nemid. i nHuib Liathain.

Boí dochraite mór for clannaib Nemid dara eise i nHerind .i. {MS folio 6a 45}Ó Morc mac Deled & ó Chonand mac Febair. dia tá Tor Conaind. risi n-apar Torinis Chetni indiu. Is inti boí morlongas na Fomore.
635] Da trian clainne & etha & blecta fer nHerend. cacha samna co Mag {MS folio 6a 50} Cetni. Ro gab tra ferg & tursi firu Herend re trumma in chísa. Lotar uile do chathugud frisna Fomóre. Trí daglaích occu .i. Semul l^ {MS folio 6b}mac Iarbonéoil Fátha meic Nemid. Herglan mac Beoain meic Stairn meic Nemid. Fergus Lethderg mac Nemid. Tricha míle
640] for muir. tricha mile aile for tír. Ro thoglatar in Tor. Dorochair {MS folio 6b5}Conand cona chlaind. Conid iarsin togailsin dosfarraid Morc mac Deiled. Lucht tri fichet long co torchratar comthuttim. & tanic in muir dar firu Herend & niro theich fer díb o cheile la duire in {MS folio 6b10} chathaigthe. conna terna díb acht óenbarc i mbatar .xxx. trenfer.
645] Lotarside ass for scaíl a Herind for teiched in galair & in chíssa .i. Marb Bethach i nHerind de thám. A deich mnaa dia éis fri ré {MS folio 6b15}tri mbliadan fichet. Luid Matach & Hérglan & Iartach .i. trí meic Beóain co Domon & co Herdomon i tuascirt Alban. Semión i tírib Gc. Fororbart a clandside i suidiu co mbatar i mmílib.
650] Dobreth doíre forru la Grecu .i. tarduth úire for sleibe garba. {MS folio 6b 20} combtar maige fo scothaib. Dollotar for élud .u. mile & gníset barca dóib dia mbolgaib. & dollotar dochum nHerend doridisi re mbunadas.


p.21

{MS folio 6b}i cind .xxx. mbliadan ar .cc. iar Nemud sain. Ocus is iat so a cóic thoisig .i. Gand & Genand. Rudraige & Sengand & Sláne. Fergus
655] {MS folio 6b 25} Lethderg im & a mac .i. Britan Máel o tát Bretnaig in domain. Gabsait Moind Conáin & linsat dia claind in n-insi móir .i. Britaniam insolam. Co toracht Ingís & Orsa da mac Uechtgilsi ríg Allsaxan. {MS folio 6b 30} co ngabsat forru. & ro innarbsat Bretnu for imliu na hindsi. Is iat sin turtheta clainne Nemid iar togail Tuir Chonaind. Unde in
660] suí senchasa cecinit.

    1. HERiu oll ordnit Gaedil
      adfediu drong dia ndálaib;
      Ro gabsat mór flatha fualngech
      {MS folio 6b 35} do chiniud uaibrech Adaim.

    2. 665] Ó Adam fírbind angbaid
      co dilind deilm ro hindled
      ni tessaig a treb tetbailc
      acht Cessair ingen.
    3. Act Bith is Ladru luadem

      670] Fintan fri abrú irend.
      nis fuair faillsig féigseng
      {MS folio 6b 40} Herend ria n-amsir ndilend
    4. Iar ndilind diamra dala
      .ccc. bliadna ci atbera

      675] ba glancharón fri gala.
      tuc Partholon mac Sera.
    5. Sech cech salmchanóin sochraid
      muinter Partholoin phecdaig
      marb uile lín a teglaig

      680] {MS folio 6b 45} fora Senmaig fri sechtmain.
    6. Sé choic mbliadna cen bruga
      cen fóit ba tiamda teimel.
      fas cech leth co ler labair
      nis ragaib nech acht Neimed.

    7. p.22


    8. 685] {MS folio 6b} Neimed cona fir na n-uile
      ar lín geimel is gaile;
      ba leis crich cocthe cuire
      iar ndith na haicme aile.
    9. {MS folio 6b 50} Imbered buaid cen baiglo.

      690] Neimed co n-úaill co n-érgnu
      mac Agnomain fri huaibriu
      cia samlín lag( ) ba sáegdo. |
    10. {MS folio 7a} Starn ro thuit ri mac Febuir.
      Iarbonél Fáid ba faelid.

      695] Annind co ngemlib gemen
      tri airig nemnig Nemid.
    11. Neimed ro sern im ratha
      ba teidm teined tar trocha.
      na re fri rogairm ratha

      700] {MS folio 7a5} boí tomaidm cethri locha.
    12. Loch Munremuir múr mellaig.
      dremuin drumremuir daingin.
      Loch nDarbrech dar fál fonnind.
      Loch Cál & Loch nAnnind.

    13. 705] Aith ro classa ri airbriu
      di ráith fri daigniu demniu.
      Raith Chind Eich i nDáil Idnu.
      Raith Chimbaeith i Semniu.
    14. {MS folio 7a10} Slechta leis ba sét suba

      710] da mag déc derce dega
      Mag Cera Connacht coma.
      Mag Moda & Mag nEba.

    15. p.23

    16. {MS folio 7a} Mag Tochair trén ro glanad
      Lecmag di mórmaig Muman;

      715] Mag mBernsa fri ruin rorath.
      Mag Cuile Talad. Mag Lugad.
    17. Mag Sered serge srotha.
      Mag Semne soillse datha;
      {MS folio 7a15} Mag Luirg lugthemne letha.

      720] Mag Murthemne. Mag Macha.
    18. Maidm and Moduirne máidis
      fri féin Fomóre falgis.
      cath Murbuilg magda morgais.
      cath Badgna. cath Cnamrois.

    19. 725] Hi crich Liathain i mMumain
      marb de thám triathár temen.
      co ngasraid glanféoir garda
      i nAileon Arda Nemid.
    20. {MS folio 7a 20} Nipdar dínaig im dolad

      730] in síl ro sílaig Neimed;
      la Conaind co curp chalad
      & la Morc mac Deled.
    21. Da trian a clainne cuchta
      nir fíal fri fainne fechta

      735] cís buan tria bithu betha.
      dá trian etha & blechta.
    22. Co Mag Ceitne crúaid idna
      dar Ess Rúaid ecne n-amra.
      {MS folio 7a 25} tairge fri fóir fri fairthe

      740] dóib cacha aidche Samna.
    23. Semul mac Iardain failid
      Fergus fairid feidm n-úabair
      Erglan mac Beoain bágaig
      na tri sáirfir dia sluagaib.

    24. p.24


    25. 745] {MS folio 7a} Sluag Herend cona fairind
      lotar ba cemmend cumaing;
      fian cos mbaí fuil dar colaind
      siar do thogail Tuir Chonaind.
    26. {MS folio 7a 30} Tor Conaind co méit airgne

      750] adcomaill col cét milte.
      cathir comola ceirde
      ferge Fomora fairge.
    27. Fir Herend iarna togail
      co rogail reimend remib

      755] ni therna díb deilm nitha.
      acht tricha do chlaind Nemid.
    28. Niptar coraig ma n-orbba
      in slog co mórgail marga.
      {MS folio 7a 35} don trichait niad nóisech

      760] luid cech toisech a arda.
    29. Hi tír Grec aithle ind ilair
      luid Semion ba sét sodáin.
      co n-irgnus os raind remáin
      luid Fergus i mMaind Conain.

    30. 765] Britan Mael mac na flatha.
      saer in slichtrad dar sretha;
      mac in Lethdeirg don lechtmair
      o tát Bretnaig in betha.
    31. {MS folio 7a 40} Bethach fo chéimim chlothalt

      770] marb i nHerind ar clitecht
      a deich mna dia éis iarum
      re teora bliadan fichet.
    32. Fo Sémión silais cétu
      ba lir legion la Gcu;

      775] nir foímtha ria n-ócu
      acht ro doertha la Grecu.

    33. p.25

    34. {MS folio 7a} Ba hé a n-ord na n-airech
      immedain bolgg nir bladach
      {MS folio 45} úir for sliabaib cairchech clochach

      780] combo mag scothach scorach.
    35. Scuirset cen chairge celgaich
      for fairge fergaig forduig;
      assin daíri dúr daltaig
      co mbarcaib is co mbolgaib.

    36. 785] Ba siat a n-anmand úalle
      na ríg mergand co n-áne
      Gand Genand glerib dagrand
      Rudraige Sengand Slane.
    37. {MS folio 50} Síl Semioin srethe slegrand

      790] gním gledion glethe glonband;
      Galión fir na n-orb n-imgand
      Fir Bolg & Fir Domnand., l^
    38. {MS folio 7b} Marid a tóit a tóraind
      randsat i cóic cen chredim

      795] cen tusled dia treib toebing
      ó Uisnech oíbind Herind. H.
    1. TOgail Tuir Chonaind co ngail.
      for Conand mór mac Febair.
      {MS folio 5} fir Herend dollotar dó

      800] trí tóisig ána occo.
    2. Herglan mac Beoain meic Stairn.
      Semul mac Iardain acgairb;
      ria longis luid laech na llerg
      mac Nemid Fergus Lethderg.

    3. p.26


    4. 805] {MS folio 7b} Tri fichit mile mod ngle
      iar tír & iar n-usce
      is é lín lotar o taig
      clanna Nemid don togail. T.
    5. {MS folio 7b10} Torinis inis in Tuir.

      810] cathir Chonaind meic Febair;
      la Fergus féin fiched gail
      doceir Conand mac Febair.
    6. Morc mac Deiled tánic and
      ba do chongnam ri Conand;

      815] dorochair Conand reime
      la Morc bá mórsceile.
    7. Tri fichit long darin ler
      lín tanic Morc mac Deileth.
      {MS folio 7b15} dosfarraid ria ndul i tír

      820] cland Nemid co nertbríg.
    8. Fir Herend uile sin cath.
      iar tiachtain na Fomorach;
      uile ros baid in lermuir.
      nammain acht tri dechenbuir.

    9. 825] Érglan. Matach. Iartacht án.
      tri meic Beóain meic Stairn stialbain;
      Bethach. Britan iarsin chath
      Bahath airdib is Ebath
    10. {MS folio 7b 20} Bechad Betach Bronal Pal

      830] Gorthigern. Glasna Ceram
      Gobran Gothian glan
      Gam Dam Ding & Deal.
    11. Semion Fortecht Gosten gle.
      Greman Gulliuc co nglice.

      835] Taman Turruc & Glas.
      Feb & Feran foltchas

    12. p.27

    13. {MS folio 7b} Tri dechenbor sin seol bind
      lotar iar tain a Herind
      {MS folio 7b 25} i trí doronsat a rraind

      840] tíar iar togail Tuir Chonaind. T.
    14. Trian Bethaig blad bind
      o Thorinis co Boind
      is é atbath i nInis Fáil
      da bliadain dar eis Britáin.

    15. 845] Trian Semion meic Erglain áin
      co Belach Con Glais co ngráin.
      trian Britain atbeir hua Flaind
      otá sin co Tor Conaind.
    16. {MS folio 7b 30} Clanna Israel for fecht

      850] sinn amsirsin a hEigipt;
      & clanna Gaedil Glais
      dochum na Scithia for longais.
    17. A Christ cain co caeme chniss
      a Rí patrech puirt Pharduis.

      855] it ríched bladmar ar mbla
      a Rí in talman in toga. T.

{MS folio 7b 35}FIR Bolg tra cóic thoisig tucsat leo ut diximus .i. Gand. & Genand. & Rudraige. & Sengand. & Slane. Coic meic Dela in sin. A cóic mnaa iar sain .i. Anust. Liber. Cnucha. Fuat. Etar.
860] Unde dicitur.

    1. Fuat ben Slane ni camm lib
      {MS folio 7b 40} Etan ben do Gand co ngail.
      Anust ben Sengaind na sleg.
      Cnucha ba ben Genaind glain.

    2. 865] Liber ben Rudraige in róit
      munter chumraide ni cúac.
      Rudraige ra re na reb
      docho lem is í a ben Fuat. F.


p.28

{MS folio 7b}Clanna Dela dí na firseo .i. Fir Bolg. Sláne in sinser mac Dela
870] meic Loith.

870]meic Oirthetmeic Semioin
870]meic Tribuaitmeic Herglain
870]meic Gothoirbmeic Beoain
870]{MS folio 7b 50} meic Goistenmeic Stairn[875]
875]meic Fortechmeic Nemid
875] meic Agnomain.

{MS folio 8a}Noí ríg díb ro gab Herind Sláne oenblíadain. Is é atbath l^ d'Feraib Bolg ar tús i nHerind. Rudraige dá bliadain co n-erbailt sin Brug bratruad. Gand & Genand cethri bliadna co n-erbaltatar
880] de thám i Fremaind. Sengand .u. bliadna co torchair la Fiacha {MS folio 8a5}Cenfinnan mac Stairn meic Rudraige meic Dela. Fiacha .u. bliadna. Cenfinna uile bae Herend na erchomair. co torchair la Rinnail mac Genaind meic Dela. Rinnail .ui. bliadna co torchair la Fodbgenid mac Sengaind meic Dela. i nEba Choirpri. Odbgenid .iiii.
885] {MS folio 8a10} bliadna co torchair i mMaig Murthemne la Eochaig mac Rinnail. meic Genaind meic Dela. Eocho mac Eirc .x. mbliadna. Ni boí fleochod ra ré acht drucht. Ní baí bliadain cen mess. Ro curthea gai a Herind re lind. Is leis doronad in recht cóir i {MS folio 8a15}nHerind ar tús. Dorochair tra Eocho mac Eirc la tri maccaib
890] Nemid meic Badrui. Is é sin cétrí do rind ro gáet ar tús i nHerind. Unde Colum Cille cecinit. Dena mo resnis a meic. &c.

Is iat sin ríg Fer mBolg & a n-aideda. Unde poeta cecinit.

    1. {MS folio 8a 20} FIR Bolg batar sunna sel.
      i n-inis moir mac Míled;

      895] cóic thoísig tucsat leo anall
      atát acum a n-anmand.
    2. Bliadain do Slane is fir so
      co n-erbailt na degdumo.
      cetfer d'Feraib Bolg na mbend

      900] atbath i n-inis Herend.

    3. p.29

    4. {MS folio 8a} Da bliadain Rudraige rúaid
      co n-erbailt sin Bruig bratruaid;
      a .iiii. Genaind is Gaind.
      coros marb tam i Fremaind.

    5. 905] {MS folio 8a 25} .U. bliadna Sengaind ba sáim
      coros marb Fiacho mac Stáir;
      a .u. aile ba thri ág.
      coro marb Fiacho Cenfindan.
    6. Fiacho Cenfinnan ria cach

      910] meraid a ainm co tí bráth
      cenfinna uile cen ail
      bai Herend na erchomair.
    7. Co torchair la Rinnail rúad
      fuairside a sé fria saerluad;

      915] {MS folio 8a 30} dorochair hua Dela de
      i nEba la hOdbgene.
    8. A .iiii. d'Fodbgene án
      co cath Murthemne na mmál
      dorochair Odbgen cen ail

      920] la mac Eirc la ardEchaig.
    9. Deich mbliadna d'Eochaid mac Eirc
      nocon fuair eochair amneirt.
      coro marbsat a rind roi
      tri meic Nemid meic Badroí.

    10. 925] {MS folio 8a 35} Cor ás Rinnal ní boí rind
      for arm etir i nHerind
      for gáib garga cen chlith cain.
      acht a mbith mar ithcrannaib.
    11. Tucsat Tuath De Donand dil

      930] láigne leo ina lamaib.
      dibsein ro marbad Eochaid
      la sil Nemid nertbrethaig.

    12. p.30

    13. {MS folio 8a} Anmand tri mac Nemid dano
      Luach. Cessarm & Luachro.

      935] {MS folio 8a 40} iat gonsat cetríg de rind
      Eocho mac Eirc i nHerind.
    14. Iar sain cathaigset Tuath Dé.
      ri Firu Bolg ba borbgne;
      rucsat a mmathius i mmaig

      940] a flathius ona Feraib. F.

Colum Cille cecinit.

    1. DEne mo resnís a meic
      innis scela dam colleic;
      {MS folio 8a 45} cian oro lethad cach n-olc

      945] oro gáet corp Echach meic Eirc.
    2. Eocho mac Eirc boí da bríg
      ferr cach ríg acht Crist cáid.
      iss e sin cetrí de rind
      ro gáet i nInis find Fáil.

    3. 950] Marbsat tri meic Nemid
      Nemid sluintit óic.
      clansat cletha dogra trít
      {MS folio 8a 50} co ndartsat fo odba bróic.
    4. Inti ní boí síd na sáim. l^

      955] {MS folio 8b} arin dáil bá baísi bróin
      ó Eochaig ba sidech sáer
      co amsir Mac Miled móir
    5. Mór in muriucht im thráth teirt
      dith meic Eirc ba hág nad n-airc

      960] fir i mbalggaib ba mór nert
      randsat inis ardglain Airt.

    6. p.31

    7. {MS folio 8b} Erendmag re Sláine sliss
      o Níth némannach fodess
      {MS folio 8b5} cossin Commor cuscle cass

      965] na Tri nUsce na trí n-ess.
    8. Re Gand cen chellach cen ches
      ba leis co Belach Con Glais
      Sengand o Belach in Chon.
      rosiacht mod co Lumnech les.

    9. 970] Naiscis Genand cumnech rúin
      otá Lumnech co hEss Rúaid
      reraig ríg Rudraige ráin
      o sen co Traig baile báin.
    10. {MS folio 8b10} Is cruaid in crobang ros cráid

      975] Tuatha De Donand do chéin.
      gabsat ba garbuicne glúair.
      for sleib cruaid Conmaicne Réin.
    11. Marbsat Firu buana Bolg.
      ba de batar úaga ard

      980] and sen ba forbairt mar feirg
      la Nuadait nArgetlaim n-aird.
    12. Ros coisc mac Eithlend na n-ag
      Lug lán ba fer feithgrind fial;
      {MS folio 8b15} roart dó ba fuilech fael

      985] i cath Maige Tuired tiar.
    13. Co Herind rancatar roiss.
      tancatar meic Miled mais;
      i tir fo thurind fo thess
      atchess a Tur bregoin brais.

    14. 990] Cetfer do síl Bregoin bind
      atbath dib i nHerind uill
      Dond mac Miled ír for leth
      dianid ainm Tech damac Duind.

    15. p.32

    16. {MS folio 8b} Cétfer ro hadnacht cen rind glas.

      995] i nHerind ba grind a ngres
      Ladru ba gargband a gus
      dia tá Ard Ladrand andes.
    17. Cetfer báte mét fodruacht.
      do síl mac Miled mét bárc.

      1000] Íth mac Bregoin ba mór glond
      dosrimart tond forsin tracht.
    18. Cetben luid i n-úir n-úair
      don chúain a Tur Bregoin báin.
      {MS folio 8b 25} Tea brega ben in ríg

      1005] dianid ainm fir Fáil.
    19. Ingen Magmóir ni dál doil.
      ben Echach meic Duach gairb
      Tailtiu bruine oenaig ain
      mumme Loga meic Scáil Bailb.

    20. 1010] Donither i mBrefne búain
      gnim fodirfe imbad mbróin.
      truag in derither fo deoid
      díth ind ailithir ó Róim.
    21. {MS folio 8b 30} Nertach mac Domnaill dogní.

      1015] dith con mind a chlí bud clé.
      noco bía i nHerinn
      ben na treb na tech na dé. D.

Fintan cecinit do raind na cóiced.

    1. COic urranna Herend

      1020] eter muir & tír;
      addeochsa na coemcainle
      cacha cóicid díb.
    2. {MS folio 8b 35} O Drobaís dianangbaid
      in chetrand cháid

      1025] cosin mBoind mbánadbail
      tes Bairche báin.

    3. p.33

    4. {MS folio 8b} O Boind bind banbruthaig
      co cétaib cúan;
      co Commor dalruthaig

      1030] na Tri nUsce n-úar.
    5. Ón Chommor chetnasain
      co fuirtiud cass;
      {MS folio 8b 40} ó Béolo ind angbaidChon
      dia ngairther Glass.

    6. 1035] O Lumnech longadbal
      lethan a lár.
      co Drobaís drongarmglan
      ris tiben sál.
    7. Suíthemail slectugud

      1040] arsaigter siúit.
      comlán in certugud
      ria roid i cóic. C.
    8. {MS folio 8b 45} Renna na cóicedsain
      co hUisnech rúit;

      1045] cach díb asa aird imríat
      dochum na liac co bo chóic. C.

Cland Semioin dano Gáleoin & Fir Domnand uile. Trícha bliadan iar nGenand & Rudraige tancatar Tuatha De Danand i nHerind.

{MS folio 8b 50}BATar iarum clanda Bethaig meic Iarboneoil Fáda meic Nemid
1050] {MS folio 9a} i n-insib l^ tuascertachaib in domain oc foglaim druidechta & fessa & fastini & amainsechta. Combtar fortaile for cerddib suíthe gentliucta. Combtar iat Tuatha De Danand tancatar Herind.

{MS folio 9a5}Is amlaid tancatar i nnélaib dorchaib. Gabsat for slebe Conmaicne Réin. la Connacta. & ro láset temel tri la & tri haidche
1055] for gréin. Cath l^ rige conatchetar for Feraib bolg. Fe hta cath {MS folio 9a10} eturru .i. cétchath Maige Tuired. hi torchratar cét mílec d'Feraib Bolg. Gabsat iar sain rige nHerend.

Tuath Dea tra in sin .i. dee in t-aes dána. Andei im in t-aes


p.34

{MS folio 9a}trebtha. Is accu batar brechta druad & arad & cuthchaire &
1060] deogbaire. Is iat Tuatha De Danand tucsat leo in Fál Mór .i. {MS folio 9a15}in lia fis baí i Temraig. dia ta Mag Fáil for Herind. Intí fo ngeisedsaide ba rí Herend. Condas ellacht Cu Chulaind & niro géis foe. nach fó daltu .i. fo Lugaid mac Tri Find Emna. & niro géis in chloch o sein ille acht fo Chund tantum. Ro sceind dano
1065] {MS folio 9a 20} a cride esti otá Temraig co Taltin conid é cride Fáil sein. Ecmoing ní hed fotera acht Crist do genemain iss ed ro bris cumachta na n-idal.

Nuadu Argatlám tra iss é ba rí do Thuaith De Danand .uii. mbliadna riana tiachtain i nHerind coro benad a lám de i cétchath
1070] {MS folio 9a 25} Maige Tuired. Edleo mac Aldoí is é cetfer dorochair i nHerind de Tuaith De Danand do láim Nerchoin hú Semioin. Hi cetchath Maige Tuired dorochratar Ernmas & Echtach & Etargal & Fiachra. {MS folio 9a 30} Gabais Bress mac Eladan iar sen rige nHerend. Co cend .uii. mbliadan coro íccad lám Nuadat. Nuado Argatlam iarum .xx.
1075] bliadan. Lám argait co lánlúth cacha láma in cach meór & in cach alt dorat fair. Dían Cecht. in liaig. & Créidne cerd i congnam fris.

{MS folio 9a 35}Taltiu im ingen Magmóir ríg Espane banrígan Fer mBolg. Tanicside iar cur áir Fer mBolg issin chétchath Maige Tuired co
1080] Caill Cúan. & slechtaither lé in chaill corbo mag scothemrach ria cind bliadna. Is hí in Tailtiusa ba ben Echach meic Eirc ríg Herend. {MS folio 9a 40} Coro marbsat Tuatha De Danand é. Is é mac Eirc dosfuc a Hespáin o hathair .i. o Magmór Mall rig Hespane. Taltiu tra ro threbastar i Tailtin & ra faí re Eocho nGarb mac Duach Daill de Thuathaib
1085] De Danand. & dorat Cían mac Déin Checht .i. Scál Balb ainm {MS folio 9a 45}aile dó. a mac di for altrom .i. Lug. Eithne ingen Balair Bailcbeimnig a mathairside. Co n-erbailt iar saín Tailtiu hi Taltin co tartdad a hainm furri. & conid hí a fert fil ond Forud Thailten sairtúaid. Co ndénta a cluiche cacha bliadna ic Lug .i.
1090] {MS folio 9a 50} Coícthiges ria lugnasad & coicthiges iar lugnasad. Lugnasad .i. noasad Loga meic Eithnend ainm in chluiche.

{MS folio 9b}Nuado Argatlam tra dorochair i cath dedenach l^ Maige Tuired. & Macha ingen Ernmais do láim Balair Balcbeimnig. Isin chathsin dorochair Ogma mac Eladan meic Neit. la hIndech mac De ríg
1095] {MS folio 9b5} na Fomorach. Dorochratar Bruidne & Calmál lo hOchtrilach mac


p.35

{MS folio 9b} nInnich. Iar marbad tra Nuadat & na ferso sin chathsain doratsat Tuatha De Danand rígi do Lug. & dorochair lais a senathair co cloich assa thabaill. Sochaide tra ro marbad sin chathsa co mBress {MS folio 9b10} maroen friu. Amal atrubairt Indech mac Dé Domnand in rí
1100] & fer co ndanaib & eladnaib éside. dar iarfaig Lug dó cia lín dorochair sin chathsain Maige Tuired. .i. Secht fir .uii. fichit .uii. c. uii. l. l. noí cét .xx. .xx l^l^. imm ua Néit nocha. .i. im Ogma mac {MS folio 9b15}Eladan meic Néit. Baí tra Lug mac Eithnend .xl. bliadan i rrige nHerend dar eis in chatha dedenaig Maige Tuired. Secht
1105] mbliadna fichet eter na da chathsa Maige Tuired.

Boí Eocho Ollathir .i. in Dagda Mór mac Eladan .lxxx. bliadan {MS folio 9b 20} i rríge nHerend. Is fair ro gniset fir Herend Sid in Broga. & a thrí meic .i. Oengus & Aed & Cermait Cáem. Tri meic oc Dían Checht .i. Cú & Chethen & Chian. & Minach in cethramad mac cenco
1110] n-airmet sochaide. & a ingen Etan baneices. & Airmed banliaig. {MS folio 9b 25}ind ingen aile. & Coirpre mac Etna in file. Crichinbel. & Bruidne. & Casmael na tri cainte. Be Chuille & Dianand na dí bantuathig. Tri meic Cermata meic in Dagda .i. Mac Cuill; Mac Cecht; Mac {MS folio 9b 30} Grene. Sethor & Tethor & Chethor a n-anmand. Fotla & Banba &
1115] Heriu a trí mnáa. Fea & Nemaind dí mnaí Néit. a quo Ailech Néit. Flidais dia tá Buar Flidais. a cethri ingena. Airgoen & {MS folio 9b 35}Bé Chuille & Dinand & Bé Théite. Dí ríg damraide .i. Fea & Femen dia tá Mag Fea & Mag Femin. Da dam dile insin. Torc Triath rí torcraide día tá Mag Treitherne. Cirba rí moltraide dia ta
1120] Mag Cirba. Math mac Úmóir in druí. Badb & Macha & Anand. dia tát Cichi Anand i lLuachair. tri ingena Ernbais na bantuathige. {MS folio 9b 40} Goibnend goba. & Luicne sáer. & Creidne cerd. & Dian Cecht in liaig.

Delbaeth dar éis in Dagdai .x. mbliadna i rríge nHerend co
1125] torchair & a mac la Cacher mac Námat brathair Nectain. Gabais {MS folio 9b 45}Fiachna mac Delbáeith ríge dar éis a athar .x. mbliadna aile. Co torchair Fiachna & ui. meic Ollaman la Eogan Inbir Móir. XXix. mbliadna d'uíb in Dagdai i rrige Herend .i. Mac Cuill. Mac {MS folio 9b 50} Cecht. Mac Grene. Randsat Herind i trí eturru. & ni fargsat maccu
1130] etir. Sethor & Tethor & Cethor a n-anmand. Cuccu tancatar


p.36

{MS folio 10a} Gaedil. Co torchratar la macaib Miled l^ Espain i ndígail Itha & Chuailnge & Fuait tri meic Bregoin in sin.

1130]Nuadu ArgatlamNeit
1130]mac Echtaigmac Indui[1135]
1135]meic Etarlaimmeic Allui
1135]{MS folio 10a5} meic Ordaimmeic Thait.
1135]meic AlduiFiachna
1135]meic Thaitmac Delbaeth
1135]meic Thabuirnmeic Ogma
1135][1140]meic Énameic Eladan.
1140]{MS folio 10a10} meic Baathmeic Delbaeth
1140]meic Ebathmeic Neit.
1140]meic BethaigAi mac Ollaman
1140]meic Iarboniuilmeic Delbaeth
1140][1145]meic Nemidmeic Ogma
1145]{MS folio 10a15} meic Agnomain.meic Eladan.

{MS folio 10a5}Lug mac Céin meic Déin Checht meic Erairc meic Néit. Is é cétaranic fidchill & liathroit & echlaisc & oenach i nHerind. Unde quidam cecinit.


    1. 1150] {MS folio 10a10} Lug mac Ethlend alt cen meirg.
      leis cetna acht oenach ard;
      ic caíni Crist ní bág báeth.
      {MS folio 10a15} atbath Conchobor gaeth garg.l^

Cacher & Nechtain da mac Namat meic Echach Gairb meic Duach
1155] Themin meic bressi meic Delbaeith meic Néit.

Siugmall mac Corpri Chruim. meic Ercmaire meic Delbaeith meic Ogma.

{MS folio 10a 20}Oengus Mac Óc & Aed Cáem & Cermait Milbel tri meic in Dagdai in sin.


1160] Corpre File mac Tuarda meic Turill meic Caitt Conatchind meic Ordaim meic Allui meic Thait.

Gaíla mac Oirbsen meic Elloith meic Eladan meic Delbaeth meic Néit.

{MS folio 10a 25}Oirbsen ainm Manannain ar tús. is uad ainmnigther Loch
1165] nOrbsen i Connactaib. In tan ro hadnaicced Manannan is and ro memaid in loch fo thír.


p.37

{MS folio 10a}Sé meic Delbaeth meic Ogma meic Eladan meic Delbaeth meic Neit .i. Fiachra. Ollom. Innui. Brian. Iuchorba. Iuchair.

{MS folio 10a 30}Donand ingen don Delbaeth chetna .i. mathair in triir dedenaig
1170] .i. Briain & Iucharba & Iuchair. Ba siat sin na tri dee dana. dia tá Sliab na Trí nDee.

Tuirill mac Caitt im senathair Corpri Filed & Etan ingen Déin Checht mathair in Tuirill.

{MS folio 10a 35}Tri meic Cermata im ut diximus. Mac Cuill .i. Sethor coll a dea.
1175] Mac Cecht .i. Tethor cecht a dea. Mac Grene .i. Cethor. grian a dea. Fotla ben Meic Cecht. Banba ben Meic Cuill. Heriu ben Meic Grene. Tri ingena Fiachna meic Delbaeth sen.

{MS folio 10a 40}Ernmas ingen Etarlaim meic Nuadat Argatlaim mathair na tri mbansa. & mathair Fiachna & Olloman.


1180] Tri ingena aile dano oc Ernmais .i. Badb & Macha. & Mórrigu .i. Anand a hainmside.

{MS folio 10a 45}A trí meic .i. Glond & Gním & Coscur. Boind ingen Delbaeth meic Eladan. Fea & Nemaind dí mnaí Néit meic Indui dí in gin Elcmair in Broga. Uillend mac Cathair meic Nuadat Argatlaim.
1185] Bodb Sída ar Femen mac Echach Gairb meic Duach Temin. Abcan {MS folio 10a 50} mac Bic Felmais meic Con meic Dein Cecht. fili Loga. Én mac Biceoin meic Sathirn meic Edleo meic Aldui meic Thait meic {MS folio 10b}Thabuirn. l^ Oc Tait mac Thabuirn condrecat forcla Tuathe De Danand. Is dósain ro chan in senchaid.


    1. 1190] HERiu co n-uaill co n-idnaib
      sinsit sluaig fora senmaig;
      síar co fuin ropdar foglaig
      {MS folio 10b5} a tuir thoglaig im Themraig.
    2. .XXXa. bliadan iar nGenand

      1195] gabsat sluaig siabro sonam
      for tuaith Bolc buaibthe barand
      tadall Tuathe De Donand.
    3. Dia do dáim ced dosrimrit
      gabsat co ngrain co nglanalt.

      1200] na neol olcoichthe
      {MS folio 10b10} for sleib Conmaicne Connacht.

    4. p.38

    5. {MS folio 10b} Cen dechla Herend derend ergnaid.
      cen ethra herim angbaid
      ni fessa fir for nim

      1205] in do nim no do thalmain.
    6. Mas do demnaib diabuil
      don longais lengduib laídig.
      slam co srethaib co slógaib
      {MS folio 10b15} cland Bethaig mas do daínib.

    7. 1210] Do daínib a ndír dligid
      in saergein dian síl serig
      Bethach Fianailen fobaid
      mac d'Iarbonel mac Nemid.
    8. Ni theilgset dáil na dliged

      1215] im ined Fáil co fuiled
      robán a daig & debech
      ma deired i mMaig Tuired.
    9. {MS folio 10b 20} Tuatha Dé ba tolg tréine
      im Thuaith bolg basit ríge.

      1220] inna cath co méit ualle.
      atbath cuane cét mile.
    10. Meicc Eladan aeb indna.
      fri fera doil fael fodla.
      Bres don Brug belgaeth Banba.

      1225] Dagda Delbaeth is Ogma.
    11. {MS folio 10b 25} Heriu cid rotbla roa.
      Banba Fotla & Fea
      Nemaind nar fodaind fathaig.
      Donand mathair na ndea.

    12. p.39


    13. 1230] {MS folio 10b} Badb is Macha mét indbais
      Morrígan. Fotla felbais.
      indlema ind ága ernmais.
      ingena ána Ernmais.
    14. Goibnend nir baeth bruidne

      1235] Luichtene saer cherd Creidne.
      {MS folio 10b 30} Dían Cecht frí dul rót roichthe.
      Mac ind Óc Lug mac Eithne.
    15. Crichinbel bruinde bladach.
      Bé Chuille Dinand drechach.

      1240] Cosmael co mbairdne becdai
      Corpre mac Etna is Etan.
    16. Huí in Dagdai diarbo threrand
      ran na mbuaball
      {MS folio 10b 35} flaithe febgarta adfiadam

      1245] tri meic Cermata Cualand.
    17. Cid Heriu ilair mile
      randsat a tír i tréide
      airich uill na n-ech n-ualle.
      Mac Cuill. Mac Cecht. Mac Grene

    18. 1250] Glé dosroíbaid dia n-irind.
      Mac Dé don rignaig rédim
      fri gail na ngním na ngleraind
      ni fil a síl for Herind. H.
    19. {MS folio 10b 40} Eochaid cen elmnas n-idland

      1255] delbas deochair a degrand.
      for fis na fian dia fuiglend
      cia dosruirmend nis adrand.
    20. Adraid ainm ind Ríg dobrórand
      fodlaid cech fír adfeidend

      1260] ro sern cach sín arsailem
      {MS folio 10b 45} Ro delb dír n-oibeng Herend. H.


p.40

{MS folio 10b}Tanaide cecinit.

    1. TUatha De Donand fo diamair
      fir cen chomall crabuid.

      1265] Cuileoin in chaille na crínaig
      daene d'fuilfeóil Adaim.
    2. Uasle thall na tuathe thréine
      lucht na cruache criíne.
      {MS folio 10b 50} aisneidem in dreimse i támne

      1270] a reimse 's a ríge.
    3. Ré .uii. mbliadna Nuadat nareng
      óssin chuanairt cheibfindl^
      {MS folio 11a} flathius ind fir chichmair chulfind
      ria tiachtain i nHerind.

    4. 1275] I Maig Thuired truim cen trucha
      i torchair cuing in chatha.
      cosnamaid ban in betha
      ro lead lám latha.
    5. .Uii. mbliadna Bressi na mbánat.

      1280] lór a dessi don duanabb;
      {MS folio 11a5} i flathius ósin chlár chnóboc
      coro íccad lám Nuadat.
    6. Nuado iar sein .xx. bliadan
      ruc saide for sluagad;

      1285] co Lug rinagach dia rigad
      Illanach cen uarad.
    7. .Xlstrok. do Lug ba lomda
      i rrige ós brug Banba;
      ni ranic nochtcholba nemda

      1290] octmoga don Dagda.

    8. p.41

    9. {MS folio 11a} .X. mbliadna don Delbaeth dichra
      co ríg remgáeth riachda;
      cen locht os braine na mbethga.
      a deich aile d'Fiachna.

    10. 1295] Noí mbliadna fichet fos fogart
      os chach fithirt dering.
      i rrige for Banba banuill.
      d'uib in Dagda for Herind.
    11. Iar sain tancatar meic Miled.

      1300] rancatar dia ruadath
      {MS folio 11a15} cland in merscáil móir ro maíded
      a Hespain cen uarad.
    12. Corod gonsat Gaedil gnithe
      co ndoidin tria thuachle

      1305] ni di braisse ni di baithe
      bec tasse na Tuathe. T.

Fland Manistrech cecinit.

    1. EStid a eolchu cen on
      mad ail dúib cor inniseor.

      1310] {MS folio 11a 20} aideda co tuachle thall
      forcla Tuathe De Danand.
    2. Edleo mac Aldui na n-all
      cetfer de Thuaith De Danand
      dorochair i nHerind óig

      1315] do laim Nerchoin hui Simeóin.
    3. Dorochair Ernmass ard a gal.
      Fiachra echtach Etargal;
      Tuirill Picreo baile Breg
      i cetchath Maige Tuired.

    4. p.42


    5. 1320] {MS folio 11a} Dorochair Elloth co n-ág
      athair mórgarg Manannáin;
      & Donand chomlan cain
      la Dé nDomnand d'Fomorchaib.
    6. Atbath Cethen & Cú.

      1325] do uathbas i nAircheltrú.
      ro marbsat Céin cían o thaig.
      Brian. Iuchurba & Iuchair.
    7. Marb de gai gne glaine
      Corpre mór mac Etaine.

      1330] {MS folio 11a 30} atbath Etan osind lind
      de chumaid Chairpri chendfind.
    8. I Maig Tuired ba thrí ág
      doceir Nuadu Argatlam.
      & Macha iar samain sain.

      1335] do láim Balair Balcbemnig.
    9. Docer Ogma cenchor fand.
      la hInnech mac Dé Domnand
      dorochair Casmael bruinne bil
      la hOctrilach mac nInnig.

    10. 1340] {MS folio 11a 35} Marba de tham thregtach tra.
      Dian Cecht & Gobnend goba.
      docer Luigne in saer co se.
      de saigit tréin tentide.
    11. Ro báided Créidne in cerd cass.

      1345] forin lochmuir lindamnas;
      oc tabairt méine óir.
      dochum Herend a Hespain.
    12. Atbath Bress i Carn hú Néit
      do cheilg Loga cen lánbréic.

      1350] {MS folio 11a 40} ropo domna trota trá.
      ól rota i rricht ind lomma.

    13. p.43

    14. {MS folio 11a} Be Chuille & Dianand dil
      marba na dí bantuathig;
      fescur co ndruidecht fo deóid.

      1355] re demnaib odraib aeóir.
    15. Dorochair forin traig thair.
      i fertaib Ratha Ailig;
      Induí mór mac Delbaeth dil.
      la Gand mac Dana dorngil.

    16. 1360] {MS folio 11a 45} Marb Fea ba buan a blad
      i cind mís iarna marbad;
      con raith chétna cubaid lind
      do chumaid Induí foltfind.
    17. Atbath Boind cosin mbáig

      1365] ic topor meic Nectain náir.
      docer Nechtain cosin neim.
      la Siugmall ua soerMidir.
    18. Abcan mac Bic Felmais uair.
      fili Loga co lánbuaid.

      1370] {MS folio 11a 50} docer la hOengus cen ail
      i n-aír Midir morglonnaig.
    19. Midir mac Indui aile.
      docer de láim Elcmaire; l^
      docer Elcmaire inn áig

      1375] de láim Oengusa imsláin.
    20. {MS folio 11b} Brian Iuchurba is Iuchair and.
      trí dée Tuathe De Danand
      marba oc Mana os Muir Mend
      do láim Loga meic Ethlend.

    21. p.44


    22. 1380] {MS folio 11b} Cermait mac in Dagdae de
      ra geogain Lug scícmainge.
      ba bara broin forsin maig.
      i flaith Echach Ollathir.
    23. Docer Cermait Milbél mas

      1385] la Lug mac Ethlend amnas;
      {MS folio 11b5} ic ét ma mnaí mór in mod.
      diaros bréc in druí dósom.
    24. Do láim meic Dein Checht chen chaire.
      dorochair in cruittire;

      1390] dorochair Lug os tuind tra
      la Mac Cuill mac Cermata.
    25. Docer Aed mac in Dagda
      la Coirchend caem comchalma;
      cen goí ropo dlug demne

      1395] iar ndul coa mnaí ar innerge.
    26. {MS folio 11b10} Dorochair Corcend a Cruaich.
      in trenfer amnas imlúaith;
      dond ail turcaib forin tráig.
      for lige Aeda imnáir.

    27. 1400] Docer Crichinbél cláen camm.
      primchainte Tuath De Danand
      dond ór fríth forsin Banba báeth
      do láim in Dagda ú Delbáeth.
    28. Ic tiachtain a hAlpain úair.

      1405] do mac in Dagda drechruaid.
      {MS folio 11b15} i n-inbiur na Bóinne i foss
      is and ro báided Óengos.

    29. p.45

    30. {MS folio 11b} Oenmac Manannain don méin.
      cetserc don ingin dobéil.

      1410] docer in mac maeth issin maig.
      la Bennan baeth a Bregmaig.
    31. Neit mac Induí 's a dí mnaí.
      Badb & Némaind cen goí
      ro marbtha i nAiliuch cen ail.

      1415] la Neptúir Derg d'Fomorchaib
    32. {MS folio 11b 20} Fuamnach fuam ba ben Midir.
      Siugmaill is brí cen binib;
      i mBrí Leith ba lathar lán.
      ro loscthea la Manannán.

    33. 1420] Docer mac Alloid co n-ág
      in mind maínech Manannán;
      isin chath i Cuillind chrúaid.
      do láim Uillind Abratrúaid.
    34. Dorochair Uillend co n-úaill

      1425] la Mac Grene co nglanbúaid.
      {MS folio 11b 25} docer ben in Dagdai duind
      de thám for leirg i lLíathdruim
    35. Marb in Dagda do gai chró.
      issin Bruig ní himmargó.

      1430] diarod gon Cetnen in ben.
      i cath mór Maige Tuired.
    36. Docer Delbaeth is a mac.
      la Cacher mac nár Namat;
      docer Cacher con Bóind baith

      1435] do laim Fiachna meic Delbaith.
    37. {MS folio 11b 30} Docer Fiachna & Aí án.
      la hEogan Inbir imslán.
      docer Eogan Inbir úair
      la Eochaid Iúil iar macrúaid.

    38. p.46


    39. 1440] {MS folio 11b} Docer Eochaid Iúil iar sain.
      la hAed & la Labraid;
      docer Oengus Aed.
      la Cermait co cruth chomchaem.
    40. Heriu & Fotla co n-úaill.

      1445] Mac Grene is Banba co mbúaid;
      {MS folio 11b 35} Mac Cuill. Mac Cecht co nglaine.
      i cath Temra tondglaine.
    41. Mac Cecht la Herimon án.
      Mac Cuill la hEber imslán;

      1450] Heriu sund re Surge iar sen.
      Mac Grene la hAmargen.
    42. Fótla re hEtan co n-úaill
      la Cacher Banba co mbúaid.
      finnaid is siat sein.

      1455] aideda na n-óc estid. E.

{MS folio 11b 40}Is iat sen tuirtheda Tuathe De Danand.

Gaedil dano tucsam a n-imthechta ó Iaféth mac Noe & o Thur Nebróith ille. & amal tancatar a hEgipt & assin Scithia dona {MS folio 11b 45}Gaethlaigib Meotecda & iar fut Mara Torrén. do Chréit do Sicil. &
1460] dano atchuadammar amal ro gabsat Hespain ar écin. & fosracsamar oc Tur Bregoin i nHespáin. Adfessam díb sísana co min ifesta amal tancatar i nHerind.

{MS foilio 11b 50}Ith mac Bregoin atchonnairc Herind ar tús fescor gaimrid a {MS folio 12a} mulluch Tuir Bregoin. Dáig is amlaid l^ is ferr radarc duine
1465] glanfescor gaimrid. Tanic Íth tri trichait laech dochum Herend & gabsat Brentracht Irruis Chorco Duibne in tansain tancatar. Baí {MS folio 12a5}im comdal fer nHerend ic Ailiuch Néit iar marbad Néit meic Induí Ailig la Fomóre. Batar na trí ríg ic roind chruid & sét rig Ailig. In


p.47

{MS folio 12a}tansin tanic Ith mac Bregoin a Corco Duibne i Ciarraige. & i
1470] {MS folio 12a10} lLuachair Dedad. i mMachaire Cliach. as fothúaid i nÉlib i tír Fer Cell. for fut Mide. i crích Luigne tar Slíab nGúaire dar Feda Fernmaige. i fossud clair Fernmaige. dar cend Sleibe Bethach. i Sliab Toad. sin mBocach Tíre Sírluim. i Crích Modorne i mMag nItha. do Ailiuch Néit.


1475] {MS folio 12a15}Is and bátar na tri ríg .i. Mac Cuill. Mac Cecht Mac Grene. Ferait failte fris .i. fri Ith mac Bregoin. Ruc Íth de brithemnaib Herend ar amainse & ar thacra. & ro chóraig cach cangin & cech n-imresain. {MS folio 12a 20} ro boí acco. & is and atbert Íth. Denaid rechtge chóir daig maith in ferand i n-aittrebthai. Imda a mess & a mil & a chruithnecht &
1480] a iasc. Is mesraigthe a thess & a uacht.

Is and sin ro cocrad leo Íth do marbad & ro dlomsat dó a Herind. {MS folio 12a 25} & tanic uadib a hAiliuch co Mag nItha. Tancas na diaid conice sin co torchair leo i mMaig Itha. Unde Mag nItha nominatur. Conid dia dígail Itha tancatar Meic Miled .i. Gaedil. Daig rucad
1485] {MS folio 12a 30} a chorp Itha co Hespain. Iss ed trá innisit eólaig is sesseor ar .xxx. do airechaib & do degdoínib tancatar Gaedil. & long cach fir díbside .i. .xxx. long. & cethror ar fichet de mogadaib occo. & long cach fir dibside. & xxiiii. do mogadaib maróen ri cach mogaid {MS folio 12a 35}in cach luing díb sin. doridise.


1490] Is iat so in sessiur ar .xxx. do thoesechaib tancatar i nHerind. amal ro scríb Fintan mac Bochra Rúaid. .uii. mbliadna ria ndilind co secht mbliadna do flaith Diarmata meic Cerbaill. Ba sé sen {MS folio 12a 40} a saegul Fintain. for glún Finnen & Coluim Chille. & amal ro scrib Tuan mac Cairill i fiadnaise fer nHerend & Finnen Maige
1495] Bile. & amal ro innisetar a daltaiside .i. Ladcend mac Baircheda. & Colmán mac Comgelláin. & Cend Faelad mac Ailela. & Senchán {MS folio 12a 45}mac Colaman Culad a Cruachnaib. & Bran Bairni. &c.

Is iat sin daltai Finniain & Tuáin. & iss ed ro raidset conid iat so na sé toísig .xxx. at tancatar Gaedil i nHerind .i. x. meic Bregoin
1500] & Ith in dechmad.

1500]{MS folio 12a 50}BregoCualoMurthemne
1500]BileCualngeEbleo. Nar
1500]BladFuatIth.

Oenmac Bile .i. Milid Espáine. Galam a ainm diles. l^


p.48

1500][1505]{MS folio 12b} .Uii. meic MiledNa deich cathmilid im.
1505]Dond.Cacher. Fulmán
1505]Colptha.Mátán. Setga.
1505]Amairgen.Surge. Sobairche.
1505]{MS folio 12b5} Eber. Ir.Én mac Occe. Ún mac Ucce.
1505][1510]Herimon.Etan. Gosten.
1510]Herech.In cethror ar .xx. do
1510]Febria & Hérennan ósarmogadaib so sís.
1510]{MS folio 12b10} na clainne.Aidne. Ai.
1510]Cethri meic Hérimoin.Assal. Mede.
1510][1515]MumneMorba. Mide.
1515]Luigne. Laigne.Cuib. Cliu.
1515]Cethri meic EbirCera. Saer.
1515]{MS folio 12b15} Find. AerSlán. Life.
1515]Orba. FerónLine. Traig
1515][1520]Fergna.Dul. Adal.
1520] Adar. Aire.
1520] Dése. Dela.
1520] Fea. Femen. Fera.

{MS folio 12b5}Tanic dano Lugaid mac Ítha in láech crúaid calma comnart
1525] co nniurt céit and do dígail a athar immalle fri cách. In t-ochtmad {MS folio 12b10} mac do Milid .i. Airennán ósar na clainne. is é dochoid sin seólcrand. {MS folio 12b15}do descain na Herend co torchair assin tseolcrand forsin farge. Co fil a fert. & fert Scéne mnaa Amairgen dond leith aile. Atbath {MS folio 12b 20} for muir acco in ben. co n-érbairt in port i ngebamne biaid ainm
1530] Scéne fair.

Doronsat meic Miled immarbáig imrama ic tiachtain dochum Herend assin baile i nfaccatar Herind uadib. Co rruc díb Ír mac Miled murchrech do cach luing. Cor formtig Eber Dond mac {MS folio 12b 25}Miled sinser na clainne. co n-erbairt. Nír fó líth linges Ír. sech
1535] Íth .i. sech Lugaid mac Ítha. And sein ro memaid in ráma ro baí i lláim. Ír. co torchair dara ais síar co n-erbailt sin n-aidche ár cind. & co rucad a chorp i Sceliuc iar nIrrus descirt Chorco Duibne. {MS folio 12b 30} Ba toirsech trá Eber Find & Herimón & Amairgen iar n-éc a mbrathar. & atbertatar ba coir cenco tomled. Eber Dond in ferand maro
1540] formtig a brathair .i. Ír. Iarnabárach ro hadnacht Scéne & Érennan


p.49

{MS folio 12b} ic Inbiur Scéne. & ro hadnachta a ndís. & atát a da nduma. & a {MS folio 12b 35}da fert taíb fri taíb and sin béus. Conid and sin atbert Amairgin.
    1. Bad fert Scéne ba amne.
      inge bid ainm Scéne bias for se.

      1545] bid fert Erennán co tí de
      dia bás ind filedse.

Ic tabairt a choisse dessi i nHerind asbert Amairgen Glúngel mac Miled in laídseo sís.

  1. Am gáeth i mmuir. ar domni.

  2. 1550] {MS folio 12b 40} Am tond trethan i tír.
  3. Am fúaim mara.
  4. Am dam secht ndírend.
  5. Am séig i n-aill.
  6. Am dér gne.g

  7. 1555] Am caín.
  8. Am torc ar gail.
  9. Am hé i llind.
  10. Am loch i mmaig
  11. Am briandai.

  12. 1560] Am bri danae.
  13. Am gai i fodb. feras feochtu.
  14. Am dé delbas do chind codnu.
  15. {MS folio 12b 45} Coiche nod gleith clochur slébe.
  16. Cia on cotagair aesa éscai

  17. 1565] Cia dú i llaig funiud grene.
  18. Cia beir búar o thig Temrach.
  19. Cia buar Tethrach. tibi.
  20. Cia dain.
  21. Cia dé delbas faebru. a ndind ailsiu.

  22. 1570] Cáinté im gaí cainte gaithe. Am.


p.50

{MS folio 12b}Item Amairgen cecinit.

    1. Iascach muir.
      mothach. tír.
      {MS folio 12b 50} tomaidm n-eisc.

      1575] iasca and. fothuind. én
      lethach. míl
      partach lág.
      tomaidm n-eisc
      iascach muir. Iascach. l^


1580] {MS folio 13a} I cind tri lá & trí n-aidchi iar sein ro brissiset meic Miled cath Slébi Mis for demno .i. for Tuaith Dé Danand. Is and dorochair Fés ben Úin meic Ucce. dia tá Fert Fése eter Sliab Mis & muir. {MS folio 13a5}Sliab Mis .i. slíab is messu fuaratar iar tiachtain Herend ar is and ro chuirset a cétchath i nHerind. No fothraic Lugaid mac Itha
1585] i lLoch Luigdech. Ros fothraic dano Fial ben Luigdech sind abaind téit assin loch. Luid a fer chucci nocht. co n-accassa {MS folio 13a10} ferda a fir. co n-erbailt ar náre. Unde Loch Luigdech. & Fíal & Inber Féile nominantur.

Imacallsat meic Miled i Sléib Mis & Banba. Asbert friu. mas
1590] do gabail Herend tancabair nírbo chóir in sén i tancabair. Is dó écin ol Amairgen Glungel in fili. Ascaid damsa úaib dano {MS folio 13a15}or si. Cia ascid or siat. M'ainm forin innsiseo or si. Bid ainm dond indsiseo ol Amairgen. Acallsat Fotla i nÉblinniu. Atbert a cétna friu. & cuinchid a hainm forin n-insi. Atbert Amairgen
1595] bud ainm dond insiseo Fotla. Acallsat Herind i nUisniuch. {MS folio 13a 20} Asbert friu. A ócu or si is mo chen dúib. Cían ó tá oc fádib far tuidecht. bud lib co brath ind insiseo. & ni bia co airther in domuin inis bus ferr. Ni bia ciniud bas chomlániu inda for ciniudsi. Is maith sen ol Amairgen. is maith ind fastine. Ni
1600] ria bérmait a buide ol Éber Dond sinser mac Miled acht riar ndeib {MS folio 13a 25} & riar cumachta féin. Cumma duit ol Ériu niba duit tarba na hindsiseo. & niba dot chlaind. Ascid damsa a maccu Miled & a chland Bregoin ol si .i. m'ainm forin n-insiseo. Bid e bas prímainm di ol Amairgen.


1605] Lotar meic Miled & meic Bregoin co mbatar i nDruim Chain {MS folio 13a 30} .i. Temair. Is and bátar tri ríg Herend .i. Mac Cuill. Mac Cecht Mac Grene. Fuigliset fri maccu Miled combad leo ind inis co


p.51

{MS folio 13a}cend tri tráth. fri telcud l^ fri tinól catha l^ fri giallad. Dóig leo ní thoirsitís doridisi ar dogentais druid tinchetla na ndegaid ar-
1610] {MS folio 13a 35} ná fétaitis tictain arís.. Doberamne ar Mac Cuill mac Cermata amal atbera Amairgen bar mbrithem féin dúib. Dáig da ruca gúbreith bid marb linni. Beir in mbreith a Amairgen ol Éber Dond. Atberimse ol Amairgen. Lecar dóib ind insisea. Cia {MS folio 13a 40} leth nod ragam ol Éber. Dar noí tonna amáin ol Amairgen. &
1615] is sí sen cétbreth rucad i nHerind.

Amairgen cecinit.

    1. Fir torachta tunnidé
      dar noí tonna móra monglassa.
      ní ragaid mani deib cumachtachaib

      1620] arlidir crib coternam
      tunide tíre tarrechmar
      macharaid domtha cert.
      mani charaid na damaid
      {MS folio 13a 45} ní me asbeir frib.


1625] Dollotar a Temraig fodess co rancatar Inber Féle & Inber Scéne ar is and bátar a longa. Lotar dar noí tonna immach iar sen. Canait druid Herend & filid tinchetla na ndegaid co ructha i cían {MS folio 13a 50} iat o Herind combtar torsig sethnón in mara. Gaeth druad in so ol Éber Dond. Fegaid lib in fil uasin tseólcrund in gaeth &
1630] {MS folio 13b} ní boí ón. l^ Ainmne ar Herech mac Miled luamaire lunga Duind co tí Amairgen Dalta do Amairgen Herech. Doroachtatar uile co mbatar i n-oenbaile. Atbert Dond in sinser is mebol dond {MS folio 13b5}aes dánaso ol se. Co n-erbairt Amairgen. niba mebol & atbert

    1. Ailiu iath nHerend

      1635] hermach muir. Mothach
      mothach sliab. srathach
      srathach caill. Cithach
      cithach aub. essach

      p.52

      {MS folio 13b} essach loch. lindmar

      1640] linmar tor. tipra
      tipra túath. Oenach
      oenach ríg Temrach.
      Temair tor tuathach
      {MS folio 13b10} tuatha mac Miled

      1645] milid long libarn.
      libard Herend.
      Eber Dond díglass
      dichetal rogaeth
      rogaeth bán Brise

      1650] Brese ban Buagne
      bé adbul Heriu
      Herimon. ar tús
      Ír. Eber alius. A.

Dorala coir gaethi dóib fo chetóir. Atbert Dond. Dobersa ar
1655] {MS folio 13b15} se fo gin gai & chlaidib innossa na fail i nHerind. Ocus deligis in gaeth friu in luing i mbai Dond & Herech da mac Miled & in luing i mbaí Bress & Búas & Buagne. Coro baitte ocna Dumachaib {MS folio 13b 20} oc Taig Duind. Duma cach fir and. & is and ro baded Díl ben Duinn amal rádit araile. Ingenside Miled. & Herimón fein dorat
1660] fot furri. is fót for Díl seo ol se. Unde Fotla nominatur ut quidam putant.

Odba ingen Miled im mathair tri mac Herimoin .i. Mumne Luigne {MS folio 13b 25} & Laigne. Is hí ro léic Herimon i nHespáin & tuc Tea dara cend. Tanic im Odba i n-óenluing fria maccaib anes. & is iat ros lessaig
1665] co n-erbailt in Odba. Unde Odba. Tea im ingen Lugdach meic Itha is í thuc Herimón dar esi Odba & tilach no thogfad i nHerind {MS folio 13b 30} ina tindscra. iss ed caibchi ro thogastar. Druim Caín in tilach hísen .i. Temair Téa Múr. múr Téa ingine Lugdach meic Ítha. Lugaid .i. Lugith .i. Ith ropo lugu andás a athair.


p.53


1670] {MS folio 13b} Seólais Herimón .xxx. long. lám des fri Herind sairthúaith. It iat so a toesig.

1670]{MS folio 13b 35} BregoIt e im na .xiiii.
1670]Murthemnemogaid .i. Ai.
1670]FuatAidne
1670][1675]Cualnge.Assal
1675]HerimonMide
1675]{MS folio 13b 40} Eber mac ÍrCuib
1675]AmairgenCeru
1675]ColpthaSér
1675][1680]MumneSlán
1680]LuigneLigen
1680]{MS folio 13b 45} LaigneDul
1680]GostenAdal
1680]Setga.Traig
1680][1685]SuirgeLine
1685]Sobairche
{MS folio 13b 35}Gabsat Inber Colptha .i. Colptha mac Miled is é ro gab port {MS folio 13b 40} ar tus combad e a ainm no beth forin phort. Unde Inber Colptha.

Meic Bregoin im ni farrgaibset iartaige. acht a n-anmand for
1690] {MS folio 13b 45} dindgnaib uaislib Herend. Noco n-innister clanna na fenned .i. Setga. & Gosten & Sobairche & Surgi. Amairgen is uad Corcu Achrach la hEle. & la hOrbraige. Corco Artbind & Corco Artbi.

Eber mac Ír. is uadside clanna Ollaman Fotla .i. clanna {MS folio 14a}Rudraige. l^ & is dia chlaindside Ulaid uile. Is dia chlaind
1695] Conmaicne & Cíarraige & Corco M'ruad & Corco Duibne. Dál Moga Ruith .i. Fir Maige Féne. & Laigse Lagen. Araid Chliach & na .uii. Sogain.

{MS folio 14a5}Herimón im tóesech na longse is uadside Leth Cuind .i. cethri fine Temrach .i. Conall. Colman. Eogan. Aed Slane. Is uad
1700] téora Connachta. & Airgialla. Lagin & Ossairge. na Desi Muman. & Ernai Muman dia mbatar clanna Dedad. & dia mbai Conaire {MS folio 14a10} Mór cona chlaind .i. fir Alban & Dál Riata. & na Múscraige. & Corco Bascind. & is d'Érnaib Muman Dál Fiatach .i. rígrad Ulad. Clanna Herimoin in sin. Is díb dano Fotharta dia tá Brigit. & Fintan
1705] {MS folio 14a15} Cluana Eidnech. & Huí Ailella & Hui Cheochain de Fothartaib in sen uile.


p.54

{MS folio 14a}Anais Eber thess .xxx. long. It iat so a toesig.

1705]BiliIt é na mogaid
1705]Milid & long cech
1705][1710]Cúalofir dib
1710]{MS folio 14a 20} BladAdar. Aire
1710]EbleoDeise.
1710]NarDela
1710]Eber DondCliu
1710][1715]Eber FindMorba
1715]{MS folio 14a 25} HerechFea
1715]HerennánLife
1715]LugaidFemen
1715]Aer. OrbaFera
1715][1720]Feron
1720]{MS folio 14a 30} Fergna.
1720]Én. Un
1720]Etan
1720]Cacher
1720][1725]Mantan
1725]{MS folio 14a 35} Fulman.

{MS folio 14a 20}Bili & Milid is dia claind Gaedil uile. Cúalo & Blad & Ebliu ni fargabsat cland acht a n-anmand for prímslíabaib. Nár mac Bili a quo Ros Náir. Nocon innister cland na fénned .i. Én. Etan.
1730] {MS folio 14a 25} Cacher Fulmán. Mantan. Ní fargaib Eber Dond l^ Érech claind dáig ro baitté ut diximus.

{MS folio 14a 30}Cethri meic Ebir. Aer. Orba. Feron. Fergna. niro thechtsatarside claind. & lethbliadain dóib i rríge Herend coros marb. Íriél.

Lugaid mac Itha cóic ciniuda úad. .i. fine Dáire Daimthig .i.
1735] {MS folio 14a 35} na cúic Lugdaig. Lugaid Cál a quo Calraige Connacht. Lugaid Corr a quo Corpraige. Lugaid Corp a quo Dál Corpri Cliach. ut alii dicunt. Lugaid Oircthe a quo Corco Oircthe. Lugaid Laeg a quo Corco Loegde. Dia mbaí mac Dairine .i. Lugaid Mac Con {MS folio 14a 40} .i. Ailill Ólom is é rod ail. & ní étas uad cotlud ic neoch aile acht
1740] la Elóir .i. cú baí ic Ailill Ólom.

Eber Find im is dia chlaind Dál Cais & Dál Cén. & Delmna & na Desi Tuascirt. & Dal Moscorp ut quidam putant. Dál Mathra & Hui Derduib. & Cathraige & Éli & Tuath Turbi. & Eoganacht Casil. {MS folio 14a 45} & Eoganacht Áne. & Eoganacht Locha Léin. & Eoganacht Rathlind.


p.55


1745] {MS folio 14a} & Eoganacht Glennamnach & Eoganacht Árand & Eoganacht Ruis Argit. Síl Ébir in sen uile.

Baí cosnam eter maccu Miled imon ríge .i. eter Eber & Hérimón. Co rucad Amairgen chucu do chóra eturru. Co n-erbairt Amairgen {MS folio 14a 50} orba in taesig .i. Duind don tanaise .i. do Herimón. & a orbaside {MS folio 14b}
1750] do Eber dia éis & nira gab Éber in sen acht roind Herend. l^ Dáig is íat tri cétbretha ructha oc maccaib Miled i nHerind .i. in breth ruc Amairgen i Temraig. & in brethsain. i Sléib Mis. & in breth ruc Amairgen i Cind Sále i mMumain. for ossaib & altaib & chethraib. Amal atrubairt in fili.


    1. 1755] {MS folio 14b5} SUnd ruc Amairgen in mbreith
      ni chelat a chomathig
      i n-iath Máland miad cen meth.
      eter sluago mac Miled.
    2. Ro mid do chach díb a chert.

      1760] dia mbatar con tselgairecht
      ruc leis cách a dliged cóir
      trí chert Amairgen ardmóir.
    3. Cetguinid clossach rofes.
      cid fer cid cú cirres cnes;

      1765] {MS folio 14b10} d'arconaib ces nad chel.
      tairr la tír i tairthither.
    4. Lethe fir fenta ma connic.
      d'iurn munel gerr garit
      coin taffaind cossa na n-ag.

      1770] beth do lín nis tórmastar.
    5. Inathar fir thic fo deoid.
      cid maith cid saich leis in seól
      is derb ni tuilter do de.
      do dálaib na comrainne.

    6. p.56


    7. 1775] {MS folio 14b} Comraind coitchend do cach oen
      iarmotha sein ni seól sáeb;
      cen furail ille l^ innund.
      is í breth ruc Amargen sund. S.

Sessiur toesech tes tra fo deoid. & ui. toesig thuaid tarrasair
1780] {MS folio 14b 20} and. & ríge thess do Ébiur & ríge tuaid do Herimón. In sessiur thes .i. Eber fessin. Lugaid mac Itha. Etan mac Occe. Ún mac Ucce. Cacher. Fulmán. In sessiur thúaid .i. Herimon. Eber mac Ír. Amairgen. Gosten. Setga. Sobairche & Surge in sechtmad. Is de sin atrubairt Roigne file mac Ugaine Móir ri Mál mac Ugaine
1785] {MS folio 14b 25} ria brathair. Diar iarfact Mál can do thuirthecht. Conid and atbert Roigne.

.R. A meic áin Ugaine cia saig do rús Herind dergamne Scithia Fenius Forsaid fén saigis Nel Egipt. rersat ré ruidlis la Forinn fechtaib fornais Niuil Scotta combtar mathair Gaedil reithes Scott
1790] {MS folio 14b 30} comainm cain ingen Foraind tuath dagdea co tuthchatar co ort Olarbo din dibaid cain Crist debsus Muir Romair imratar muncind rergatar Scithia Eber Scott orthus ortatar Reflóir. Agnoman Lamind seolsat sech Caspión imluiset Libis cinset do Thorrian. sech sét {MS folio 14b 35}sech Affraic. siachtatar Hespain i compert Herimón Eber do Milid.
1795] mos broga Bili. do Ítha digail dáilset na scapháib .lx. a n-airm fir i fib fillsit Herind im dá sé saerglond sasai fir fenichas fris deib feig fochmarc.

{MS folio 14b 40}Nó combad iat da sessiur atberad .i. ui. meic Miled & ui. meic Bregoin .i. Herimon. Eber. Lugaid. Amairgen. Colptha. Ir. Brego.
1800] Bili. Fuat. Blad. Cualo. Cualnge. Is amlaidsen tra gabsat Gaedil Herind. Finit dona gabalaib anuasana.