Corpus of Electronic Texts Edition

Orgain Denna Ríg (Author: Unknown)

p.18

304] Boí Cobthach Coel Breg mac Úgaine Móir i r-ríge Breg. Baí
305] dano Loegaire Lorc mac Úgaine i r-ríge Laigen. Ba formtech
306] Cobthach fri Loegaire im ríge Laigen, corra gaib sergg & galar
307] de, coro sergg a fuil & a feoil de, conid de ro boí Coel Breg fair-sium;
308] & ní roacht marbad in Loegaire.

309] Con-acrad dó co farcbad bennachtain ocai ria n-écaib. In
310] tan didiu do-lluid a bráthair chucai issin tech brister coss
311] eréne circe for lár in taige.
312] ‘Níp sirsan do galar,’ or Laegaire.
313] ‘Is tairisi ón,’ or Cobthach. ‘Do-chuaid ass uile a n-í-siu eter fuil
314] & chnáim, eter bethaid & indili. Do-rigénsaid fuachtain frim,
315] a gillu, .i. cos na circe do brissiud; dos-fucaid dom-sa co tarat
316] chuimrech n-impe.’
317] ‘Fé amai,’ or Laegaire, ‘is meth & mell dond fir; is tabarta i
318] n-éslis.’
319] ‘Tair-siu i-mbárach,’ or Cobthach, ‘co raltar mo fert-sa latt, ar
320] at-bél-sa for lúath.’
321] ‘Maith,’ or Loegaire, ‘do-géntar.’
322] ‘Maith, trá,’ or Cobthach ria rígna & ria rechtaire, ‘apraid-si ba
323] marb-sa can fis do nach ailiu ocus dom-berar im charpat &
324] altan scene im láim. Do-raga mo bráthair co díchra dom
325] chaíniud; bés ron-sua ní uaim-se di suidiu.’

326] Ba fír són. Do-berar i-mmach in carpat. Do-thaet a bráthair
327] dia chaíniud. Téit-side cona tailce fair an-úas. Nos clanna in

p.19

330] Fo-rácaib Loegaire mac .i. Ailill Áine. Ro gab-side ríge Lagen.
331] Nírbo lór dano la Cobthach in chétfingal, co tart argat do neoch
332] do-rat dig tonnaid do Ailill combo marb de. Iar sin ro gab-som
333] ríge Lagen. Fo-rácaib dano Ailill Áine mac .i. Móen Ollam. Amlabar
334] side dano combo fer mór. Laa dó didiu isin chluichimaig
335] oc immáin do-rala cammán dar a lurggain.

336] ‘Rom-ánic-se ón, or sé.’

337] ‘Labraid Moen,’ or na gillai. Labraid a ainm ónd uair sin.

338] Con-gairther fir h-Érenn do Chobthach do thomailt Fesse
339] Temrach. Luid Labraid dano cumma cháich. In tan didiu ba
340] h-áinium dóib ic tomailt na fesse, bátar int aes admolta for in
341] lár oc admolad ind ríg & na rígna & na flathi & na n-ócthigern.
342] ‘Maith didiu,’ or Cobthach, ‘in fetabair cia as féliu fil in
343] h-Érinn?’

344] ‘Ro-fetamar,’ or Craptine, ‘.i. Labraid Moen mac Ailella Áine.’
345] ‘Ron-ánac-sa i n-erruch, coro marb a oendam dam-sa. Is hé as
346] féliu.’
347] ‘Ro-fetamar,’ ar Ferchertni fili. ‘Ron-ánac-sa dano i ngaimriud,
348] coro marb a oenboin dam.’
349] ‘Eircid-siu les-sium dano,’ ar Cobthach, ‘ar is féliu an-dú-sa.’
350] ‘Nípa messaiti-seom de sin, or Craiptine, & nípat ferdde-siu.’
351] ‘A h-Érind dúib-si immorro,’ ol Cobthach.
352] ‘Mani fagbam ar n-inad inti,’ ar Moen, ‘bid fír.’

353] Dlomtair iarum.

354] ‘Cid ragmae?’ or Moen.
355] ‘Siar,’ or Ferchertni.

356] Tiagait iarum co r-ríg Fer Morca (.i. Fir Morca bátar immon
357] Lúachair n-Dedad thíar. Scoriath iss hé ba rí dóib).
358] ‘Cid dofor-fuc?’ or Scoríath.

p.20

359] ‘Ar n-dlomad do ríg h-Érenn.’
360] ‘Fo-chen dúib,’ or sé, ‘bid inund techt nó anad dún céin
361] no mbeo-sa. Robar bia degcommaid.’

362] Ingen la Scoríath, Moríath a h-ainm. No bíthe co a forcomét
363] co l-léir, ar ná térglas aithech tige di in h-érind. A mmáthair
364] oca comét; & níro chomthuilset a dá súil ríam acht indala n-aí
365] oc aire a ingine. Ro charastar immorro ind ingen inn í Labraid.
366] Baí comairle eter in n-ingin & Labraid. Ro boí urgnam mór
367] la Scoriath do Feraib Morca. Is ed comairle do-rónsat, Craiptine
368] do seinm suantraige iarsind ól, co comtholad a mmáthair-si,
369] co roissed-som in n-imdai. Ba fír són immorro. Ní derchelt
370] Craiptine a chruit dadaig, coro chotail in banscál & co
371] comarnaic ind lánamuin.

372] Nírbo fota trá iar sin coro dúsig-si.
373] ‘At-rae suas, a Scoriath,’ or sí, ‘is olc in cotlud a taí; anál
374] mnáa lat ingin. Cluinte a h-osnaid iar techt a menmarcce.’
375] At-racht iarum Scoriath.
376] ‘Fintar cia do-róne so,’ or sé, ‘coro claidbither fo chétóir.’
377] Nícon fess dano cia do-róne.
378] ‘A cenna dona druídib & dona filedaib,’ or sé, mani fintar
379] cia do-róne.
380] ‘Bid anim duit,’ or Ferchertne, ‘do munter do marbad.’
381] ‘Do chend dano dít-so féin,’ ar Scoríath, ‘mani aprai.’
382] ‘Apair,’ or Labraid, ‘is leór mo mudugud m'oenur.’

383] Is and as-bert Ferchertne:
384] ‘Ní ceilt céis ceól do chruit Chraiphtini
385] co corastar for sluagu suanbás
386] con-sreth coibnius etir sceo Maín Moríath macdacht Morca

p.21

395] Do-thaet iarum a ben chucai & foid leis.
396] Ocus do-berat sluagad fer Muman iar sin co r-roachtatar Dinn
397] Ríg(in cétorcain). Ocus at-roas techt ar in orggain co n-dernsat
398] comairli mbrécaig ind oic a-muich .i. Craptine do dul forsin
399] doa in dúni do seinm suantraige dont sluag inn-und conda
400] r-ralad dar a cend. & in sluag a-mmuig do thabairt a n-aigthe fri
401] lár & a m-meoir ina cluasaib conná cloistís in seinm.

402] Combo ed ón do-gníthe and & co torchratar ind fir thall
403] dara cend hi suan & co n-dechas ar in dún & co ralad ár int
404] sluaig & coro h-ort in dún. Ro bae immorro Moriath forsint
405] sluagad & nírbo miad lé-si a m-méra do chur ina cluasaib ria
406] ceol feisin, co m-boí trí thráth ina cotlud, ar níro lamad a
407] gluasacht. Unde Flann mac Lonáin cecinit:

1. 408] Feib con-attail Moriath múad
   409] fiad sluag Morcae, mó cach séol,
   410] dia n-ort Dind Ríg, réim cen tréis,
   411] dia sephaind céis cendtoll céol.

415] Ro-chuirestar iarum Cobthach do dénam a menman & do

p.22

421] Ro-cured didu Cobthach dond irgnam & do-lluid .xxx. ríg
422] imbi do rígaib h-Érenn. For-émdes immorro ó Chobthach dul
423] issin tech co n-digsed máthair Labrada & a drúth. Is ed do-rroíga
424] in drúth, bennachtu Lagen & soíri a chlainne co bráth; ar
425] maithius dia mac do-chuaid in ben. É-sseom féin .i. Labraid
426] oc a ferthaigis.

427] Luid-seom arna-bárach do chluchi frisna gillu isin léna.
428] Cona facca a aite oc suidiu. Im-bert-side oenchoissid sciach
429] for a druimm & for a chind ind Labrada.

430] ‘Is dóchu,’ or sé, ‘bid écht la mac Écht lat-so. Olc duit, a gilla,’
431] or sé, ‘rí h-Érenn do thocoiriud co tríchait ríg imbi cen bith ria
432] m-beolu oc airiuc thuili dóib.’
433] Gaibid imbi iarum & luid chucu issa tech.
434] ‘Tene duib,’ ar sé, ‘& lind & biad isa tech.’
435] ‘Is cóir,’ ar Cobthach.

436] Nónbur dó for lár in taigi. Srengait in slabraid baí assin
437] chomlaid ina n-diaid conda ralsat ar in coirthe i n-dorus taige &
438] ro sétea na trí choícait bolg goband dóib immon tech &
439] cethrur óclách for cach bulg, combo te dont sluag.

440] ‘Do máthir thall,’ a Labraid, ar ind óic.

441] ‘Náthó, a maccucán,’ or sí, déna-su th'einech thrium-sa, ar
442] at-bél-sa chena.

443] Orggthir trá Cobthach Coel secht cétaib & co .xxx. ríg imbi.
444] Unde dicitur:

p.23

1. 445] Trí chét bliadan, buadach rím
   446] re ngein Chríst, compert noeb,
   447] nírbo brátharda, ba h-olc,
   448] orta Lorc la Cobthach Coel.
2. 449] Cobthach Coel co tríchait ríg
   450] ron ort Labraid, líth co mbuaid
   451] mac meic Loegaire din lind
   452] i n-Dind Ríg ra h-ort in sluag.

453] Ocus is de sin as-bert Ferchertne file:
454]

Dind Ríg
455] ropo Thúaim Tenbath;
456] trícha fuirech
457] fo brón bebsait.
458] Brúsius, bréosus
459] búre lond Labraid
460] láth Elga
461] hua Luirc
462] Loeg lond
463] Sanb sétne
464] sochla Coel Cobthach
465] cond mál Muridach.
466] Mandra[i]s armu
467] athar athar,
468] ollom Maín
469] maccu ána Úgaine.
470] (.i. Maín Ollom-som i tossaig, Labraid Moen iar sin).
471]