1329.
Die Veneris in festo Tiburcii et Susanne combustum fuit Drumhyrthyr in vigilia vigilie Palmarum, per O'Brenanys; et die Lune post, per Donatum McGilpatrick, combusta patria de Moyarfe et spoliata.
1329. Die Lune in vigilia Brandani abbatis, occiduntur per Rupenses et Barrenses Jacobus filius Roberti filii Jacobi Ketyng, cum aliis de suo cognomine; dominus Philippus Hoddinnet, Hugo Canteton, cum multis de sanguine eorum, circiter 140, tam de sanguine, quam de familia eorum.
1329. In vigilia Pentecostes, et beati Barnabe apostoli, dominus Johannes de Brimegham, comes de Lowht occiditur, contra eum conspiraverunt omnes de comitatu suo, nolentes eum regnare super eos; concilium fecerunt in unum, et in multitudine magna armatorum congregati, nulli de familia ejus parcentes, eum cum 160 et amplius, cum 2 fratribus ejus, et de cognomine ipsius circa novem interfecerunt.
In ista strage et eodem die Cam O'Kayrwill, famosus ille timpanista et cytharista, in arte sua fenix, ea pollens prerogativa et virtute, cum aliis tympanistis discipulis ejus circiter 20 ibidem occubuit. Iste .......[gap: extent: a few letters] vocatus Cam O'Kayrwyll, quia luscus erat nec habebat oculos rectos, sed oblique respiciens, et si non fuerat artis musice cordalis primus inventor, omnium tamen predecessorum et precedentium ipsum, ac contemporaneorum, corrector, doctor et director extitit.
Item in vigilia vigilie Columbe abbatis obiit Robertus de Brus rex Scotorum, in armis strenuus, in bellicis negotiis doctus et expertus; vulgari et communi relatu, in hiis vix in orbe parem habens.
Item, eodem anno in crastino Johannis et Pauli, die scilicet Martis, occiduntur per Poerinos, Gilbertus et Remundus de Valle, Robertus O'Neyle, cum aliis quasi ......[gap: extent: a few letters]
Item, eodem anno, Dominica in crastino Magdalene, occiditur Malahtlyng O'Konkour, non marte sed arte prodiciosa, per Malmorthe filium fratris sui, cujus patrem quoque principem de Offaly (ut regnaret) exulavit, eujus et filium Dermoyd Oge, et interficientis se fratrem, occiderat prodiciose, et sic ars deluditur arte.
Item, eodem
1329. In prima hebdomada Augusti, Breyn O'Breyn villas de Athyssell et Tyberary combussit, atque totam patriam in circuitu vastavit spoliavit et destruxit. Item, Sabbato ante festum Laurencii, occiditur per O'Nolanys, David le Botiller, juxta Cathyrlaht.
1329. Circa festum Sancti Petri ad Vincula, obiit Londoniis Johannes Mc Carwyll, primo episcopus Corcagiensis, postea Midensis, postremo factus archiepiscopus Casselensis, de Curia Romana rediens.
Item, va eodem anno, dominus Jacobus pincerna Hibernie, per Edwardum Anglie regem post Normannorum conquestum tertium, factus est comes Ormonie cat.
Et dominus Mauricius filius Thome per eundem, eodem anno, Desmonie comes est creatus.
Item, eodem anno, in vigilia beati Laurencii martyris, dominus Thomas le Botiller cum aliis circiter 100 per Mc Hokegan juxta Molingar occiditur.
Item, eodem anno, 14 Kal: Augusti, Breyn O'Breyn apud Yrlef, interfecit de exercitu Willelmi de Burgo comitis Ultonie, Walterum filium Hillarii de Burgo, Konkur O'Breyn, Nicholaum Mc Nemare, cum aliis nobilibus de Totmonia.
Item, eodem anno, Dominica ante festum Mathei apostoli, sole existente in Libra, castrum de Leye captum est per O'Dymyscy.
Item, eodem anno die Martis, in vigilia Cicilie virginis, dominus Henricus Traharne, et Laurencius frater domini Jacobi le Botiller, per O'Nolan sunt capti; ob quam rem dominus Jacobus pincerna collecto nobili exercitu, die Jovis in crastino Lucie virginis, et die Veneris sequente, terras eorum, et patriam fere totaliter ignis combustione vastavit.
1329. Idus Martii, captus est Eadmundus comes Cantii; et in crastino Edwardi regis et martyris decapitatus est apud Wincestriam, objecta sibi proditione, scilicet quod regem capere et occidere niteretur, ut dicebant.