Corpus of Electronic Texts Edition
Annalium Hiberniae Chronicon ad annum MCCCXLIX (Author: Friar John Clyn)

annal 1324

1324.0

1324.

1324.1

Circa Pentecosten obiit in Scotia dominus Walterus de Lacy, de Hybernia exulatus.

1324.2

Item, circa festum Baptiste obiit dominus Eymerus de Valencia comes Penbrochi in Vasconia.

1324.3

Item, obiit Johannes primogenitus domini Thome comitis Kyldarie in Anglia, regi datus pro obside.

1324.4

Item, eodem anno, scilicet 1324 die Lune in festo Processi et Martiani martyrum, domina Alicia Kyteler, propter sortilegia diversa et heresim multimodam, et sacrificia demonibus immolata, per fratrem Ricardum episcopum Ossoriensem, est heretica judicata, probata et condemnata; presentibus domino Johanne Darcy justiciario Hybernie, Priore de Kylmaynan, Cancellario, Thesaurario, et Arnaldo le Poer, senescallo Kylkennie, hoc videntibus.

1324.5

Item, circa translationem Sancti Thome martyris occiditur dominus Walterus de Valle cum filio suo, per illos de cognomine de Crok, juxta Nenaht Ybreyn.

1324.6

Item, in crastino Animarum, anno eodem, mulier quedam Petronilla de Midia dicta de secta et doctrina predicte domine Alicie superius memorate, fuit de heresi, sortilegio et sacrificio demonibus immolato condemnata et igni tradita et combusta. A retro autem actis temporibus non est visum vel auditum, quod quispiam pro heresi penam mortis sustineret in Hibernia ante ipsam. Prima hec omnium secundum hominum memoriam tunc viventium et relatum, non dico quam sit quia in hoc facinore primo peccavit, sed quia primo passa est mortis justum judieium propter heresim.

1324.7

Item, eodem anno circa festum Leonardi abbatis, mortuus est dominus Johannes filius Thome, frater domini Mauricii filii Thome. Miles iste juvenis juvenum consilio ut plurimum constipatus, ductus et seductus, a progenitorum ejus militia et vestigiis degenerans, pacis extitit non propugnator nec defensor, sed expugnator.

1324.8

Item, hoc anno, scilicet 1324, fuit pestis gravis boum et vaccarum, in multis locis Hibernie.

1324.9

Item, eodem anno ante Natale, Arnoldus le Poer tunc senescallus Kilkennie, cum aliis de comitatu eodem


p.17

tenuit magnam gardam apud Ynistyoke contra Rupenses, et eos fortiter obsessit, et obsides coegit reddere de pace et fidelitate amodo tenenda.

1324.10

Item, eodem anno die Jovis ..............[gap: extent: a few letters] in octavis Sancti Hilarii, Willelmus Owtlau de heresi irretitus, et notorie defamatus, et in purgacione deficiens, in ecclesia beate Virginis Kilkennie, heresim publice abjuravit; professionem novam legens, et manu propria conscribens.

1324.11

Item, Dominica precedente, obiit frater David, Prior de Inystyoke, vir venerabilis ac honorabilis multorum judicio apud Deum et homines.