Corpus of Electronic Texts Edition
Annalium Hiberniae Chronicon ad annum MCCCXLIX (Author: Friar John Clyn)

annal 1321

1321.0

1321.

1321.1

Inter Edwardum 5 regem Anglie et baroniam fuit maxima discordia, propter Hugonem de Spenser, qui contra eos fovebatur; et ipse Hugo per baroniam eum suo patre et filio exulantur, sed non diu exilium tenuerunt, reducti iterum per regem, et ditati excellenter.

1321.2

Item, circa festum Philippi et Jacobi occiduntur de O'Konchours, circiter 300, in confinio Midie et Legenie, per Andream de Brimegham.

1321.3

Item, capitulum de Clare in festo Baptiste.

1321.4

Item, dominus Johannes Brimegham fit justiciarius Hybernie.

1321.5

Item, Meylerus le Poer episcopus Lehtlinensis consecratus Waterfordie, Dominica Palmarum precedente.

1321.6

1321. Obiit Edmundus Pincerna Londonii, in vigilia exaltacionis Sancte Crucis, et in vigilia vigilie beati Martini episcopi et confessoris, apud Baligaveran


p.15

sepelitur.

1321.7

Item erigitur novus chorus Kilkennie.

1321.8

Item circa festum Omnium Sanctorum obiit Willelmus filius Mauricii de Canteton.

1321.9

Item, 1321, occisus est dominus Omfrey de Boun, comes Herfordie, die Sancti Patricii apud Burbrigs, cum 2 militibus, per dominum Andream Harcley, quem idem comes militem fecerat; volens Andreas ex hoc regi placere, et placuit; quare rex eum comitem fecerat de Karlel, nec tamen commodum magnum reportavit; quia infra 2 annos ipse fedus cum Scotis in secreto (ut dicitur), contraxit: et per regem Anglie tractus et suspensus est.

1321.10

Item, die Lune proximo sequente, in crastino Sancti Benedicti, decapitatus est dominus Thomas comes Lancastrie, Leycestrie, Salisbirie et Lincolnie, ac Ferers, filius avunculi domini regis, et advunculus regis Francie, et regine Anglie, per regem Anglie et suos justiciarios, ad instigacionem Hugonis de Spenser, cujus exilium ipse fecit et procuravit in communi parliamento Londoni.

1321.11

Item, in eadem quindena, dominus Rogerus de Clifford, dominus Johannes Mounbrey, dominus Bartholomeus de Baldismer, et alii milites et barones, circiter 26, de melioribus et potioribus Anglie, suspensi et tracti sunt; alii vero multi nobiles, barones, milites et armigeri capti in diversis carceribus Anglie retruduntur, et redimuntur multo precio pro voluntate regis.