Corpus of Electronic Texts Edition
An Irish Astronomical Tract (Author: [unknown])

Caibidil 25

Luna non uidetur priusquam etcetera .

.i. Ni faicter an re co brach no co m-binn se da ceim deg on grein oir ni liginn treisi t-soillsi na greine duinn a faicsin & binn se da ceim deg on grein an tan foillsiter e laca rinne ar tosac & is annsin bis ar a primh .i. ar a ced solus, & teit an grian fai da lucht oirrcir an domain ar m-beth don re ar aen ceim deg uaithi, sul daciter e, an trat bis si ac soillsiugad da lucht iartair an domain co follus ar m-beth dan re ar da ceim deg no nis mo on grein. Et mar sin as tusca da cit lucht iartair an domain an re na lucht oirrcir den la amhain. Et mar sin an trat bis an re da ceim deg no tri deg no becan nis mo on grein as bec an cainndighacht


p.106

a faicter e. Et an trat bis o ocht ceiminna deg co tri ceiminnaib fichet on grein as annsin as mo a cainndighacht .