Electronic edition compiled and proof-read by Beatrix Färber
Funded by School of History, University College, Cork
1. First draft.
Extent of text: 3160 words
Distributed by CELT online at University College, Cork, Ireland.
Text ID Number: G600016
Availability [RESTRICTED]
Available with prior consent of the CELT project for purposes of academic research and teaching only.
CELT: Corpus of Electronic Texts
The present text represents pp. 4751 of Irish Texts 1. Footnotes are retained and integrated into the apparatus.
Text has been checked and proofread twice. All corrections and supplied text are tagged. Corrections to the text made by the editor to the original text are marked corr sic resp="WW". The apparatus has been constructed from the variants selected by the editor.
The electronic text represents the edited text, to which some normalization, marked sup resp="BF", was applied. Missing silent f was restored, apostrophs were added to such forms as d', 'ga, 'na, na'n. In words with a vowel or s in anlaut, h- and t- were hyphenated off. In the manuscript, long vowels are indicated only rarely and were left unmarked by the editor. Text supplied by the editor is marked sup resp="WW". Where mentioned in the edition, the source for the supplied text is indicated. The hardcopy uses italics to denote expansions; in the digital text ex tags are used instead.
Quotations are rendered q.
Hyphenation was introduced (see under Normalization.) Soft hyphens are silently removed. Words containing a hard or soft hyphen crossing a page-break or line-break have been placed on the line on which they start.
div0=the whole text; div1=the fragment; paragraphs are numbered in line with the printed edition, page-breaks are marked pb n=""/; milestones are marked mls unit="MS fo" n=""/.
Dates are standardized in the ISO form yyyy-mm-dd.
Medical and botanical terms, many of which are Latin loanwords (or Latin in the disguise of Irish spelling) have been tagged.
This text uses the DIV1 element to represent the part.
Created: The translation into Irish is extant in a number of variously dated manuscripts which may go back to earlier copies. Date range: c.14001520?.
Beatrix Färber (ed.)
Beatrix Färber (ed.)
Beatrix Färber (ed.)
Beatrix Färber (ed.)
Gunnar Bonneß (text capture)
The two following fragments are taken from the Royal Irish Academy MS 23 P 20, and form passages inserted between two different sections of the text. MS 23 P 20 consists of an Irish translation of the Rosa Anglica of John of Gaddesden (Johannes Anglicus), 44 pages in all, with some few portions of other material interspersed. I have been unable to identify any Latin original for these two extracts. I have edited this entire text which has been published by the Irish Texts Society (Vol. 25), herein referred to as R. A. Part of the following fragments occurs also in Trinity College, Dublin, MS H 2 3 (H), p. 11b (A) and p. 16 (B), and in British Museum1MS Arundel 333, p. 27b (A) and p. 16 (B), the two latter greatly condensed. Variant readings and portions in square brackets are from H. All obscure words will be found in the vocabulary to R. A. A partial translation of the portion in Arundel 333 occurs in O'Grady's Catalogue of Irish Manuscripts in the British Museum, p. 241. These fragments should follow on pp. 118 and 160 in R. A.
Fiarfaigter in ona cosmailius no ona contrardha is cora na seandaine d' oilemain, derbtur curub on cosmailius, oir adeir Galienus co ndlighenn in áois & in coimplex d' fhollamhnugad co brach ona cosmailius & derbuidh se do reir ugdurais Ipocraid noch co ndleghtur na neithi nadurdha d' fhollamnugad ona cosmailius & is nadurdha in áois, masead is ona cosmailius is cora na sendaine d' oilemain; & adeir Galienus gurub ona cosmailius is coir na daine slana d' oilemain, & is slan na sendaine, masead is ona cosmalius is coir i n-oilemain, & derbtur do reir Galienus noch adeir mar so .i. is and adermuid nech do beith eslan an trath teit se tara naduir fein, & ni teit an senoir tara naduir fein .i. tar an naduir ina du do do reir a aoisi, masead docitur gurub slan iad, oir ata radurc & eistacht & gach ni ele is dú do do reir a aois, masead fagtur gurub trina cosmailius is du na sendaine d'oilemain. Et ata Galienus ina aiged sin mar a n-abuir se co ndleghtur gach uile ní ainmesurda do breith cum mesurdachta an ni ainmesurda & atait na senoire ainmesurda fuar tirim, & te & fliuch is contrarda don beathaid is coir d' fhollamnugad, & fedtur an resun so do daingniugad mar so, oir is slighe comlinga an t-sendacht & te & fliuch is tosach don beathaid, masead is iad foghnas and, oiris iad baccus an t-eg {Ms page 17b} & coimedas in beatha. Adermuid curub fuar tirim na senoire & gurub bec d' fhuil & do tes & do spiriduib ata indtu & gurub cumung a poire & gurub anmunn a ndilegad & is mar [sin] tuicim and so co leir nach slan na senoire c[o h-airidti] oir ní bit coidhchi gan geran2 & ni h-eslan co h-airidti iad lo do clunit siad & eistid & lo ata acu gach cungill is coir doibh , & o nach slan & o nach eslan iad, masead is nemnechtarda iad, & foillsighi Galienus sin, oir adeir se an trath bis eslainti mor [ar nech] & eirges nech aisti gurub nemnechtarda é, oir is becc d' fhuil & do spiriduib [...] [bis and & trid sin is cosmaill] iad do reir foillsighthi nemnechtarda an nech eirges a h-eslainti.
¶2] Aderim co ndentur an follamnugad reim coimedach trit an contrardacht leth amuith don ceim in uair is ail linn raod do reim coimed[ach] [...] nach bia se ní is mesa da mbia se sa 3 ceim [...] & doniter
¶3] Et tuic and so ca meid modh a n-abur eslainti uilidhi .i. aderur eslainti uilidhi o uilidecht gabala, & da reir sin is uilidhi in fiabras & aderur eslainti uilidhi o uilidecht condmala, & da reir sin is eslainti [uilidhi] an nescoid & in t-at, mar ata an t-atcomull & in potagra, oir aderuid na h-ughduir co connmuid siad gach uili cinel eslainti inntu fein; & aderur hi o uilidecht gan dechfir, & is mar sin is eslainti uilidhi an bolgach & in bruitinech, oir bit siad gan dechfir in gach rand don corp. Et aderur hi o uilidecht brighe, & da reir sin is uilidhi an t-allus an uair tic do reir faothuighe & tar eis comartai an dilega .i. in trath bis nert ag an brigh ar adbur na h-eslainti isin corp uili. Et aderur hi o uilidecht truaillighti, da reir sin is uilidhi in lubra. Et aderur hi o uilidecht cuisi ar son gurub bec nach cuis & nach mathair do gach uilidecht hi, da reir [sin] is uilidhi in rema, oir is cuis do gach eslainti é, & is eslainti uilidhi an tisis, oir is cuis d'eslainti uilidhi hí [.i. don]3 eitici. Et aderur hi o uilidecht doniter o moran d'eslaintib & da ballaib, & da reir sin is eslainti uilidhi an flux, oir doniter é on gaili & ona h-aoib & on incinn & ona h-indibh & on[a] ballaib ele nach labhramuid. Et aderur hí o uilidecht gortuighthi, da reir sin is eslainti uilidhi an galur tuitimnnach & a cosmailius, oir gortuighe se in corp uili ina aixis noc condmas leth an cuirp uili ina aixis isin pairilis & a pairilis na tengad no an meir no baill rannuighe. Et aderur [hi] o uilidecht oirida, da reir sin is uilidhi eslainti [an croidi mar] ata crith & anmuinde, & eslainti an cinn mar ata a teines, & eslainti na n-ao mar ata tes no {Ms page 18a} a ndunadh, & eslainti na n-uirgid mar ata in aimridecht. [Et aderur] hi o uilidecht coimcenguil .i. ar son co [ceng]land an ball a mbí sé re ball ele, da reir sin is uilidhi eslainti in gaili mar ata sgethrach & esba dilega & [gaoth]muirecht, & eslainti na n-indid mar ata gaothmuirecht & colica & ilica, & eslainti na n-arunn & in lesa mar ata cloch, oir is boill coitcinda uilidhi so noch doni serbis don corp uili. Et aderur
¶1] {Ms page 23a line 41}[Q]uia dictum est primus quodh duo tractatus primi erunt de morbi[s] uineuersalibus .i. o do labrumar gustrasta ar tus co mbedís in da cedtrachtadh don lebur so dona h-eslaintib {Ms page 23b} uilidhi, da reir sin is coir duin a fis do beith againn ca minca aderur inn eslainti do beith uilidhi, oir aderur hi do beith uilidhi a moran do modhuibh & ar tus on ni tachmuing in corp co h-uilidhi & is andsa modh so aderur in fiabras ina eslainti uilidhi amail adubrumar romuinn. Item aderur uilidecht uilidhi continoidech, oir tachmuingid si gach uili cinél galuir, mar atait aitt & nescoidi & idropis & potogra. Item aderur uilidecht neimdechfrech uilidhi na mball co h-uilidhi, mar ata bolgach & gerba noch ata o uilidecht na mball , oir is neimdechfrech iad in gach rand don corp co h-uilidhi. Item aderur uilidecht na mbrigh risin n-allus in tan fo tic se deis comartha in dilega ina tigernuighid na briga deis comartha in dilega d' innarbad adbuir na h-eslainti.
¶2] Modh ele i n-abur uilidhecht uilidhi truaillighthi & is amlaidh sin ata in lubra ina h-eslainti truaillighthi gun a cuis, oir is cuis & is adbur don uili eslainti hi & is mar sin ita in réma ina cuis & ina adbur dona h-eslaintib co h-uilidhi & do moran d' eslaintib. & Ata tisis co uilidhi, oir is uilidhi a h-adbur & a h-eslainti. Item fetuid uilidecht neimdechfrech techt on gaili & ona h-aoibh & ona h-indibh, & is
¶3] Aderur uilidecht uilidhi boill umcengul, oir cenglaid si maille risna ballaib ele co h-uilidhi, mar ata [eslainti an gaili mar ata] in sgethrach & neimdilegad no gaothmuirecht no siadumlacht, no eslainti na n-indidh mar ata colica & illica, & eslainti na n-arund & in lesa, mar atait clocha, oir is boill serbisecha don corp co h-uilidhi na boill sin.
¶4] Item aderur eslainti aontadach co h-uilidhi re titanus, oir is eslainti uilidhi sin, oir connmuidh in corp co h-uilidhi no in rand uachtarach no in rand ichtarach don corp, & dechfrigid oipicostina & oimpicostina, oir tachmuingid epicostina leth in cuil & empicostina leth na h-aighchi & tachmuingidh tetanus iad ar aon. Et aderur eslainti uilidhi ele do beith and .i. eslainti coitcind & idirdeluighter ina n-eslaintib comcosmaile & oifigacha, & sgailti na mball ndluith o lothuib & do crechtuibh, & atait eslainti ele uilidhi ann aderum isin 3 lebur inar ndiaigh do reir na ndoctuireadh.