Corpus of Electronic Texts Edition
Rosa Anglica (Author: [unknown])

Section 17

17

Labrum anois do signibh na h-eslainti so, & adeir Auicenna curub eigin a fechuint bail a mbia an eslainti, an drochcoimplex maille h-adbur, no gan adhbur, & is andum doniter gan adbur hi, & gan linn cintach. Et da ndentur gan adhbur hi, bid si maille teindes, gan tromdacht, & gan att ,


p.332

na aitherrach arin lethtur, & da nderrntur maille h-adbur, is eigin a fechuin, in adbur diuid no comsuigighti é. Mad o adbur diuid é doniter, is eigin a fecuin in o linn fuar, no o linn ruad, no o linn dub, no o fuil deirg doniter, no o gaothmuirecht.