Corpus of Electronic Texts Edition
Rosa Anglica (Author: [unknown])

Section 27

27

Madh anmand an t-othar na tobair do acht leighes do berbo6 tar ( ?) ar medg bainde gabuir. Et gid edh aderim aonni nac mor do maith doni an reubarbrum sa cas só, oir da tuctur é, glanaid se linn ruad co h-oirida. Masedh da tuctur é is bec is coir do tobairt de, acht mina roibh an galur buidhi air isin idropis, no fiabras lenna ruaid no nescoid te, oir fetur and sin an tsuim is mo do tobairt de, & is coruidi a tobairt, oir aderur gurub


p.290

betha dona h-aoib é. (&) Is secran follus dona dainibh fuara é, mina beith cúrub maith doibh e do reir coimplexa & gan acht becan dé. Et do connac co minic co lagánd maille mdg lucht an galuir buidhi tri imud lenna ruaid inntu: gid edh adeir Auicenna a caibidil in fluxa re n-abur disinteria, co ceangiánn an reubarbrum an brú, & is fir sin in trath doniter. becan da tirmugad (?) re tene ; no is tri aicid doni se sin a comursandacht.2 na n-áo, no ac tairring ienna ruaid noch is cuis don flux.