Corpus of Electronic Texts Edition
Rosa Anglica (Author: [unknown])

Section 10

10

Item na macaim bis a fiabras, & fual uaine acu signidi sin an pairilis no in crupan do tiacht. Item an trath bis nec a fiabras maille teinnes mor na ceann, ar cosc an teinnis moir, mairid in fiabras, & mairid in teinnes & re línadh re tromdacht, is minic lenas an pairilis sin, oir indarbaid in naduir an t-adbur on inncind cum na feithid maille h-innurbad tromdachta & ni maille folmugad imlan . Item ata in fuacht isin cetceim cum buaidertana brige ainmidhe [add.]§149 & in spiruit & in fliuchaidacht isin 2 ceim deis na fuachta, & trit sin is minic doniter in pairilis o tes.