Corpus of Electronic Texts Edition
Rosa Anglica (Author: [unknown])

Section 7

7

(&) Comartha ce in linn on dentur an pairilis. Mad o fuil deirg biaid in puls lan & dath in cuirp is é derg & cuislenna lana; & tancadar roime cuisi imduighti fola deirge. Mad o linn fuar biaidh in corp is e gel & foillsigi signa lenna fuair roime sin isin corp, oir cuirid fuacht air, & furtachtuigter o tes é: & da ngnathaige na neithi imduiges linn fuar, amail ata;


p.252

bainbiadh, & iasc & torta & raoboidecht . Mad o linn dub biaid in corp ar dath in luaide & isé dubh, & sailcnis air, & se truagh a n-aimsir aontadach ris: & da ngnathaige neithi imduighes linn dubh, amail ata imurcach smuantigid, & modurracht, & feoil mairt, & mil muighe, & lachan, & gandul, & pis, & praisech, & neithi ele arna corugad le salann. Mad o linn ruad, acht cin co tic se acht co h-annum o cumusc lenna ele, is comsuigigthi a signi, .i. tes, & buidecht isin corp & cinel sirbe isin bel, & silida: & ma do gnathaigi neithi rostuidhchi ar tus, & gairleog, pibur, no iasc no le neithib fliucha; oir doni sin linn comhsuigigthi o linn ruad & o linn fuar.