Corpus of Electronic Texts Edition
Rosa Anglica (Author: [unknown])

Section 62

62

Et adeir Aueroes curub i n-aimsir na plagha & i n-aoir truaillnidhe is minca tic in nescoid re n-abur carpungculus, & is trit sin fiuchus in fuil innte & morgas, & lenas drochcoimplex136 fiabrais morgaigti comsuigigthi o athrugad na lennand í. Et is edh is foirmica and .i. nescoid siublus isin lethtur & ni bid si co letan, & uair ann bid baindida letna on inadh co ceile and , & doniter crechta & bit prema lethna acu, & bid siad ar dath na luatha, & linn ruad teinntigi is adbur doib.