Corpus of Electronic Texts Edition
Rosa Anglica (Author: [unknown])
Section 60
60
Item cac gabuir & finecra do cur orro & foirid iad, & a cur té co minic ríu & maille fínecra & foiridh. Adeir Calsidus curub leiges dilis coitcind doibh cocol & fual do coimilt dib, da mbeid siad mar mesoccuibh no mar sgeith ailt, & foirid luaith seilci maille senblonac gan t-salunn iad, & ni
p.208
fuil aonni is ferr cucu sin na sin; & foirid se na nescoidi bis mar mesoicc. Et adeir Iohannes de Sancto Amundo co foirid na figida anaipci, maille finecra iad, & leiges righ adeir se ris sin. Item raod gan mellad indtu, a nighi a h-uisgi asa nighfidhter duine marb.