Corpus of Electronic Texts Edition
Rosa Anglica (Author: [unknown])

Section 42

42

Mod o linn ruad tic in t-adbur, folmuigter é le sail chuach, & le tamarindi, & le casia fistola, oir adeir Auicenna co comfurtachtaighenn tamarindi craidhi lucht in drochcoimplexa ac dul cum lenna ruaid; oir mesruighe se tes lenna ruaid, & glanaid se é lesin mbrig lagtaigh bis indti. Mar sin comfurtachtaighes mirbolaniemblici [add.]§ in craidhi in uair bis modurracht, no anmuinde o seime fola air, oir adeir Auicenna, is do reir complexa fuaraid siad & is do reir brige lagaid siad in raod loisce bis and; & is mar sin comfurtachtaighes iureubarbrum in craidhi ag comfurtacht na n-áo ar tus, oir is e is betha doib, do reir Aristotuil. Is iad so na neithi comsuigigthi folmuighes linn ruad .i. siucra in viola, & diabruinís, & diareubarbrum; & lictubairi do sugh na roisi.


p.152