Corpus of Electronic Texts Edition
Rosa Anglica (Author: [unknown])

Section 14

14

Aithinter na cuisi let imuich do reir breithemnuis in othuir fein. Da ti cardiaca o esbaid boill ele, aithinter é trit in eslainti sin & trina comurthaibh; & da ti o fuil, aithinter sin ona neithibh nadurtha, & ona neithibh nach[gap: part of page of P missing] nadurtha, & ona neithibh ata i n-aigid na {MS folio 19b} nadura. Da mbe in fual, masedh is e derg, tiugh, & in puls tondmur, & in aigid derg, & tes timcill an muinel & ita ar in othar, & gurub ócc, saor, subach é, & gur gnathuig se biadha imduiges fuil derg, is coir and sin a radha gurub ó fuil deirg tic an cardiaca. Da mbía in fual tánuidhi, buidhi, & in puls luath maille tes mor, & gur gnathuig se saothur, & raoth do denum, & neithi imduighes linn ruad, is coir a radh curub o linn ruad tic in cardiaca sin.


p.132