Corpus of Electronic Texts Edition
Rosa Anglica (Author: [unknown])

Section 46

46

Aderim cum in cetresuin, in trath adeir se gurub fuar in baindi, (&) co fuilid da rand fuara and & aonrann te .i. in tím & is ferr oiles mar sin an tím e na oiles arna degailt ris, oir dobeir an medhg furtacht cum tolltanuidhi & comfurtachtaighi


p.114

in gruth in brig in uair nach deguilter ris é; & is e ní is baoghlaigi gruth do denum de isin gaili, & ó baccaidhter sin de, is maith é, oir is té do reir an imhe é; gidh fuar in da rand ele. Et aderim cum an da rann ele co fetur a saoradh ar truailled le salunn o do berar a corp arna dilegad co maith, oir ni bad maith e innus ele: & is obúnd aithinter sin trina truime & trina ledurthe , & trina cosmuilius. Aderim cúm in 488 resuin nach fuilid tri foluid isin baindi do reir gníma, acht do reir indlechta & cumachtan, & is ferrdí é sin; oir furtachtaigi an medhg do tollad roim an ím, & glanid se slighi in fuail & in feruigh, & ata in gruth do reir cumachtan ann, oir dobeir se comfurtacht arna ballaib anmanna.