Et fiarfaigter in foghnunn an bainne dona senndainibh. Derbtur nach foghnunn, oir neithi te fliucha is ferr dona sendainibh, & adeir Galen curub fuar an baindi, masedh ni h-imcubaid doib é. Item is dona neithibh renab usa truailled do gabail cuigi, in baindi, oir ráod sofuluing he, & ni h-imcubaid dona sendainibh an ní bís mar sin; masedh fagtar nach coir baindi do tobuirt doib.