Corpus of Electronic Texts Edition
Rosa Anglica (Author: [unknown])

Section 26

26

Lictubairi is maith isna fiabrasuib so, mochtrath, re n-abur siucra uiola & siucra rosicda, tar éis a codach, {MS folio 14b} noch doniter mar so .i. gabh punt siucra & dragma do cloich diamanna , & dragma do cruel derg & gel, & dena pudar de, & curtur siucra rosida tritu; & caiter le huisgi rosicda . Et gab in lictubairi sin ac loigi & ac eirgi, & gab da dragma de gach ni dib so .i. diadragantum frigidum & diapeniton can canel , & curtur tri na ceile iad, & ebtur le h-uisgi na h-eorna. Et da mbia an t-adbur morgaighti arna coimcengul re heitici, is maith in rosata nouilla ,


p.98

isin cetgne coimcenguil in morgaid isin eitici ; & da fetur ann sin becan fola do legin, oir in t-adbur morgaighti is du duin a fritbualad ar tus, oir is e is taosca marbus duine: & is maith ann sin triasanduile & diaarrodon abatis.