Corpus of Electronic Texts Edition
Rosa Anglica (Author: [unknown])

Section 6

6

Comartha na heitici: tuic curub du puls & tes in


p.74

eslain dfechuin a cend tri n-uairidh deis bidh do caithimh, & a fechuin in mo isna feithibh é na isna cuislennaibh & is na h-inaduibh is nésa doibh; oir in trat is cutruma an tes ni bind deichfer aturra do reir a nadura fein, & teit a leatur cum feoigechta, & is comartha sin don cetgne d'etici is decuir daithne, & is urusa do leighes do reir Auicenna; oir adeir Auicenna co fetur in cetgne d'aithne ona beith gan tirmaidacht. Et adeir Galen co meduighenn an tes ac lucht na h-eitici an trat caithid biadh, & adeir Aueroes gurub tri uairí da eisi doní se sin .i. in uair doni se raod egin dilegtha. Et aderimsi an trath caithes sé biadhag teacht [add.]§ .i. biadh (leth imuich) co fuarund ann sin in corp & in trath caithes se biadh sa slighi dilegtha isin gaile maille cinel dileghta isna h-aoib diansgaoilter ar fud na mball é, innus co teigenn se ann sin co teigenn tar a eisei sin na boill, & mar gabus an t-edach bis is... isin lá tar duine, tes on corp, & co teigenn in corp ainnsein. Sa dara gne d'eitici bi tirmacht co follus innte, & cibe trath caithes biad is moidi a lasad, & is luguidi a puls, & ní fuil comarta ar an eitic ni is deimnighi na sin. Is in 3 gne d'eitici bit na suile arna sluged co reigh, & in leatur is é sinti & leanuid an medhon don druim {MS folio 12a} & bi in puls is e cruaidh arna tennadh mar do beith ted arna tennadh, & in fual mar ola, & da mbuailter ar cloich é, is bogar in fogur bís aigi; & trit sin an trat delbtur in fiabhras, truaigaighi se an corp ara mbi; & tirmuighe in leatur; teid

p.76

in aigid a micruth; & doimnigid na suile; & in trat tic cum in ceime deiginigh don eitici do citfir na suile mar do beith luaitrid orro arna crothadh, & tairrngter na fabradha sis, mar do beith nech ara mbeith spasmus & bi leathtur an éduin sinti, tirim, & bid na cluasa arna mbuidhiugad, & bi croicinn an neith re n-abur mirac is e tirim, cás. Et is edh is mirac ann .i. an ní bis let imuich do sifác arin medhon, & sifag leth istigh; & is e deiligis na baill oilemnacha, ona balluibh tuismidteacha, & is and bitt na h-indi: & bi in puls sinti mar do beith teid, & se co lúath anmúnd, & in fual mar ola.