An cetgne de, étrum .i. in uair lastur in tes let imuich isna fliuchaidechtaibh nadurtha, & isna premhuibh bis i folud na cuislann mbec, an uair lasus an fliuchaidecht re n-abur ros. An 2 gne, isin fliuchaidecht noch bis isin feoil, & in uair diansgailter hi, fetur a lesugad uair and le biadh amhain, & is i sin an uair lasus in fliuchaidecht re n-abur campiúm. An 3 gne, is i is mesa dib, an uair bis an tes let amuich arna doimniugad isna ballaib dluithi, doniter on tsilni; & is i sin an uair cnaiter69 in fliuchaidecht re n-abur glutinúm: oir cenglaid si na boill da ceile.