Corpus of Electronic Texts Edition
Rosa Anglica (Author: [unknown])

Section 27

27

Cum in cetresuin, aderim co fétund ní beith rolínta a n-egmuis lennann omha, cemadh arrsaidh iad is in línadh. Et atait daine and aga fuilid cuislenna cumga, & gemadh bec


p.46

do biadh caitit, dileghit co maith isin gaile sin & isna h-aoibh, & ni lughuidi remruighid siad co h-imurcach. No dfetamuis a radh co fuil an urduil sin agan adbur gan sgailed ar son a saothair mina folmuighti co h-op49und é co muchfadh, & ni fuil ní is obuindi folmuiges na in cuisle; & cin co foghna si ara son fein fognuid si ar son an imurcaigh. Ar in corugad cetna, fregruim cum in resuin dorindi se cum nescoidi cleib & sgamhan. Cum in resuin elé .i. gurub glic an naduir ina h-oipriugad, aderim curub fir sin, an uair buadartar co mor ina h-oipriugad hi. Aderim cum in resuin ele, aderim, nach coir in cosmailius, oir bi osluccudh mor agin cuislinn, & ni bí agan leighes lagthach, acht teit ona cuislennuibh mora cum na cuislend cumang bis a ndruim na n-áo, & ainnsein cum na cuislend is cumga na sin re n-abur miseracia uéna, & mar sin is urusa a connmail fa deoigh; masedh innurbtur fa deoigh an ní is mó imduiges, no an ní is lugha ric a leas an naduir.


p.48

50

B. Easlainti gan beith adburda