Corpus of Electronic Texts Edition
Rosa Anglica (Author: [unknown])

Section 17

17

Fecum dona neithibh fuaras, & is dona neithibh is mo moltur dib sin dib .i. in t-uisgi mailles na cuingillib ele bertur cuigi, & in t-adbur do beith dilegtha isna h-indibh, & gan nescoid cruaid do beith indtu, & gan ichtar na uachtar an gaile do beith anmund no fuar, & gan morgadh lennand do beith and, na dunadh, na línadh imurcach; mailles na cuingillib sin fetuid a ól in med is ailt don uisgi, gan claoclodh anala, arna folmugud ar tus tri cuisle; oir in gac uile cas is i is firr, acht mina roibh meisce and, no imurcach línta; oir da roibh is cora clister and sin, no ailemain bidh & dighi, no gaothi, no cuisle42.