Is iad so na comarthai tic roim in fiabhras so .i. tromdacht cinn & atmuirecht isna suilib & linad isna cuislennuibh, deirgi aighchi, tuirsi in cuirp uile, amail do beith tar eis saothuir. Is iad so na comarthai tic leis féin .i. teinnes eduin & co sailenn co faicinn caindle ar lasad ina fiadnaisi & buaidert inntine, raod eigin duiresbaid raduirc, puls tondmur, letan; millsi beil; fual tiugh , tren, & dath an luaidhi ina uachtar; bruth isin sroin, & arin muinel, & aran inadh a curtar na h-adurca; cumga anala; collad trom; decracht comraidh; & nescoid ar bonuibh na cluas & na tengad: & is treisi na comarthai so a sinocus, na a sinoca.