Corpus of Electronic Texts Edition
Rosa Anglica (Author: [unknown])

Section 3

3

Is iad so cuisí na fiabhras sin .i. dunadh & línadh comhnuidhi mor mailli moran do comarthaibh ele... (?) do35 biadh imduighes fuil derg do caithimh, mar atait uighi & bradain & a cosmailius, & seachnadh36 obuir gnaith & folmuigti, & gnathughadh oipre saothracha, maille línadh in cuirp; & esbaid boill


p.22

cum ar gnathaigh moran fola silid & imud biadhunn cum ar gnathaigh37 fuil uisgiamail, & tortha & baindi & iascc, oir is urusa leó sin impog cum línta glain uisgiamail & morgadh do gabail, oir donit duinti, no teigid ní is mo, & doni in fiabras re n-abur sinocus38. Et madh maindechtach in liaigh ac oslucudh na nduinti, no ag folmugud, impoig cum in fiabrais re n-abur sinocus. Et trit sin adeir Hali, co ngortuighind an imurcach sin o tri modhuibh .i. do reir caile amhain, mar ata in fuil, in uair teighis & doní an fiabras re n-abur efemera; no gabuid sé an fuil and sin ar son an spiruit & tuismidter on rand is seime don fuil. Et tuismidter an imurcach do reir meidi amhain, in trath imduighes an fuil do reir meidi amhain, & a cail amain do beith co maith, & ní cail morgaithi sin, & doní and sin an fiabras re n-abur sinoca; & gorthuighe an tingor bis isin nescoid do reir caile & meidi.