Corpus of Electronic Texts Edition

The bardic poems of Tadhg Dall Ó Huiginn (Author: Tadhg Dall Ó Huiginn)

section 5

CAISLÉAN LEITHBHIR

1. Ionmhuin baile brugh Leithbhir,
   lios an longphuirt saidhbhirthigh;
   ceardcha oinigh fear nUladh,
   treabh ren doiligh dealughadh.
2. Ionmhuin dias 'ga dtá an teachsoin
   gan iomad gan uireasbhoidh;
   bárda an tuir thonnmhálla thigh
   tuir congbhála an chóigidh.
3. Gearr lá dá fad 'na foghair —
   ríghmhíle Chláir Chonchobhair;
   laoi leabhra is aithghearr uaidhe —
   baincheann Teamhra taobhnuaidhe.
4. Inghean Seaáin Uí Néill náir,
   Mac Uí Dhomhnaill Dúin Iomgháin —
   siad san phurt soidhealbha sean
   'na lucht oileamhna aoigheadh.
5. Ionmhuin bruidhean 'na mbíd sin,
   ionmhuin lucht bhíos san bhruidhin;
   slógh an toighe is teach an tslóigh —
   mo chean neach foighe a n-onóir.

---

p.37

6. Ionmhuin teaghdhais aoibhinn aird,
   a buird, a cuilte, a cupaird;
   a múir sídhe chuanna chuir,
   a sduagha míne marmuir.
7. Ionmhuin brugh 'na mbíodh sinne
   seal ag imirt fidhchille,
   seal re hingheanraidh fear mBreagh,
   seal re finnleabhraibh fileadh.
8. Dúnadh Leithbhir na learg nglan —
   ní féadann duine ar dhomhan
   triall uaidh ó urmaisdear air;
   Durlaistreabh thuaidh an teachsoin.
9. Nó Eamhain do chlaochládh cruth,
   nó Cruachain chloinne Mághach,
   san ráith bhiligh greaghaigh gloin,
   nó Teamhair chinidh Chobhthaigh.
10. Nó is é Nás, longphort Laighean,
    san chéidriocht 'nar cumhdaigheadh;
    adhbha thaissean chuaine Chuirc —
    nó Caiseal uaine ordhuirc.
11. Nó is é múr finnLeithbhir féin —
    beag más fearr dúnadh díbhséin —
    do-chuaidh 'sna reachtaibh roimhe
    dá gcleachtair uaibh ionmhuine.

    IONMHUIN

---

p.38