Corpus of Electronic Texts Edition

Eiderchomhrádh sunn ag Donnchad mac Briain et Mac Coisi (Author: Unknown)

p.187

1. 1] Freccair meisi, a Meic Coisi—
   2] Cia as eolcha anáid anoisi?—
   3] innis, a Ioraird nach uis,
   4] cia rí as fhírferr dá n-úarais.
2. 5] Coiscc díom, a gille, a meic Briain.
   6] ná cuir mesi so móirghliaidh
   7] ní bhér breth dá ccuire im chenn
   8] eidir ardfhlathaibh Érend.
3. 9] Do fhiarfaigh díomsa an flaith féin
   10] mar do fhiarfaighis, a fhir fhéil,
   11] ca hédáil, ca maith as mó
   12] dá bfuair ollamh i n-énló.
4. 13] As edh do ráidhesa ris,
   14] re Maíl Sechlainn Sléibhe Mis,
   15] gurb í édáil Torna thiar
   16] ó Chorc mac Luigdech láimhfhial.
5. 17] Tucc míle bó dona búaibh,
   18] is an céd each as fherr fhuair,
   19] is cúicc tríocha céd dá ccrodh,
   20] eidir fhér ocus arbhor.
6. 21] Do-radadh dó trian Temhra
   22] ó bile láomdha Lemhna;
   23] do-rad dó, 's nír chomha cert,
   24] cisde a athar i n-éinfhecht.
7. 25] Ná háirimh ar Chorc na ccliar,
   26] gé do-bheradh toir is tiar,
   27] giodh hí Banba na broide
   28] no dháiledh dá dheghoide.
8. 29] Gen gur tú rom thóccaib féin,
   30] a Meic Coisi, a ollaimh fhél,
   31] ag súd Banbha re bliadhain
   32] duit, ar ó Néill Noíghiallaigh.
9. 33] Éiricch co Temhraigh na ttréd,
   34] mar a tá mo shelbadh sét:
   35] caith bliadhain ón oidhche anocht
   36] i ccennus Érenn na n-ardphort.
10. 37] Tair chuccam i ccend bliadhna
    38] co hÁth Cliath, do réir riaghla,
    39] co n-órdaigher, ní lescc lem,
    40] duit th'ollamhnacht is t'ferann.
11. 41] Ní hé sin do-rindes ris,
    42] re Maoil Sechlainn Slébhe Mis:
    43] tuccus cath, gér chláon céille,
    44] do fhlaith Temhra táoibhréidhe.
12. 45] Tarla mé aghaid i n-acchaid
    46] isin cath is flaith Feabhail:
    47] sáithim sleigh, is nír chiall chruind,
    48] i Máol sográdhach Sechluinn.
13. 49] Do impó an áitheheis nár mín,
    50] is tumais a herluinn rem tháoibh
    51] rob é sin, gan chor 'na chend,
    52] féicce heinicch na hÉirenn.
14. 53] Acc sin, a Donnchad meic Briain
    54] an sccél do chuir mé i moirchiaigh
    55] oinech mar sin tall it toigh
    56] má tá agatt féin, freccoir.

    Freccair.