Corpus of Electronic Texts Edition
Ní mé bhur n-aithne, a aos gráidh (Author: Eochaidh Ó hEoghusa)
Ó Heóghusa .i. Eochaidh cct.
-
1] Ní mé bhur n-aithne, a aos gráidh,
2] ná sginnidh re sgáth seachráin:
3] fúar dár seisi im ionad ionn,
4] spiorad mheisi nach maireann.
-
5] An dóigh libh, a lucht m'fhéghtha,
6] nach taidhbhsi a ttruaill aiértha,
7] nó spiorad anma fhallsa,
8] tarla im ionad agamsa?
-
9] A aithne as éidir dhamhsa,
10] sibh gan fhíacha oramsa:
11] dá mbeth cás fám ég oruibh
12] mo bhás créd nach cúalabhair?
-
p.134
13] Trúagh sin, a dhaoine dona,
14] do cláochlódh bhur ccédfadha;
15] as eadh tharla am ainmsi ann,
16] taidhbhsi anma gan anam.
-
17] Ní misi an duine as dóich libh,
18] adhradh dhamh as díth creidimh:
19] taidhbhsi buile gan aird inn,
20] a Mhuire! as mairg do mhillfinn.
-
21] Dá bhféchtha fir na cruinne,
22] annamh fúair dúil daonaidhe
23] dá ré ar an saoghal acht sinn
24] do náomhadh mé má mhairim.
-
25] Gidh bé adéradh nach deachadh,
26] ní fhuil ann acht aimseachadh:
27] ní tráth damhsa a rádha rom,
28] cára almsa rem anam.
-
29] Creidim féin go bfuaras bás,
30] cumhain liom an lá theasdás,
31] ar son an mhéda mharas,
32] ag cor mh'éga a n-amharas.
-
33] Ní hanbhúain, ní hiomlat mbáis,
34] rom mharbhsa, acht meisci shóláis:
35] ní sgís meanma ga mó broid?
36] ní ró teadhma ná treabhloid.
-
37] Más dúil do dhúilibh nimhe
38] tug lé taibhreadh n-ainglidhi
39] goid mh'anma gan iodhna báis,
40] iongna damhna mo dhóláis.
p.135
-
41] A radharc ó ránuig sinn,
42] uch, a Chríost, créd fá mairfinn?
43] dúil do mharbh an uile fhear,
44] as duine marbh nach muirbhfeadh.
-
45] Ní tonn líonmhar leanna duibh,
46] ní neamhgrádh neith ar talmhain,
47] ní hannsa duine ga dás?
48] rom dhallsa uile acht úathbhás.
-
49] Ar n-éirghe as an riocht reimhe
50] creididh sinn go simplidhe:
51] do mharbh sé don úamhain inn
52] do-chualaidh mé go mairim.
-
53] A hégosg ní fhidir mé,
54] ní fhéd súil silleadh uirrthi:
55] a hamharc gin gur fhéd sinn,
56] a radharc do fhég mh'intinn.
-
57] Ó's síabhradh meallta meisi,
58] gan súil éirghe ón ainccisi,
59] nár fhaice súil éinfhir í,
60] an dúil chéillidh ad-chluintí.
-
61] Ar ttaithbheóadh suil tí dhi,
62] Día dár n-anacal uirrthi:
63] ní tharla cás roimhe rinn,
64] an bás oile 'nar n-oirchill.
-
65] Cíall mh'anma an uair do mharas,
66] tearc eólach 'na amharas:
67] sadh gá mbí ciall agus cruth
68] iar agus í gan fholach.